DEPUTACIÓN DE PONTEVEDRA
http://www.depontevedra.es/

Servizo de Intermediación laboral (S.I.L.)

O SIL é un servizo adicional e optativo que está a disposición do alumnado dos cursos do Plan de formación para o emprego. Configúrase como unha ferramenta de axuda e apoio complementario á formación que recibe o alumnado para procurarlle a súa integración no mercado laboral.

O SIL pretende colaborar, dun xeito áxil, gratuíto e personalizado, coas actividades empresariais da provincia na preselección de candidatos que se axusten ó perfil profesional dos postos de emprego que se oferten. Este servizo detecta as necesidades formativas das empresas e impulsa as accións formativas para darlles resposta.

O SIL está formado por profesionais das distintas áreas funcionais da Deputación de Pontevedra. A súa finalidade é acadar a máxima interlocución entre a oferta e a demanda de traballo e lograr o maior nivel posible de inserción laboral dos alumnos do Plan de formación para o emprego.


Copyright © 2002-2019, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depontevedra.es/