DEPUTACIÓN DE PONTEVEDRA
http://www.depontevedra.es/

Centro de Primeira Acollida

O Centro de Primeira Acollida recibe con carácter de urxencia e por un corto período de tempo os menores de entre os 0 e 18 anos que se atopan nunha grave situación de desprotección ou cun alto risco físico ou psíquico.

Procúrase diferenzar a lactantes, preescolares e escolares, dos adolescentes e mozos, feito que solucionamos coa colaboración do resto dos centros da Cidade infantil, que reciben os nenos menores de 12 anos.

O Centro ten como obxectivos ofrecer un espazo físico no que, de forma inmediata, se lle proporciona un contexto de protección a un menor, á vez que se inicia a valoración para determinar a medida e o recurso de protección máis adecuados, así como o Plan de Intervención que se ha seguir ante a problemática tanto do menor coma de toda a situación que provocou o internamento. A capacidade do centro é de 8 alumnos, con posibilidade de ampliarse a 10 en momentos especiais.


Copyright © 2002-2019, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depontevedra.es/