[Deputación Provincial de Pontevedra / Diputación Provincial de Pontevedra]
MÉRCORES, 26 DE FEBREIRO DE 2020
   Está en » depontevedra.es » Webs temáticas » O Pazo de Lourizán
Páxina 1 2 3 4 5 [6]
O PAZO DE LOURIZÁN 





O PREDIO FORESTAL (cont.)

A pedra e a auga xunto ás plantas outorgan ó predio esa fermosura dos xardíns dos pazos galegos. Entre o mobiliario os bancos e unha mesa de peza granítica, os hórreos, o pombal, o invernadoiro de cristal con estructura férrea. A elegancia do mármore branco transfórmase e dá forma ás estatuas, alzándose esveltas na entrada e ocultas entre a vexetación. Achegándose a calquera das fontes: a da Cuncha, a dos Tres Canos, a do Patio, a da Gruta dos Espellos, escóitase o manar da auga formando parte do ciclo da vida.

Coma se dunha cidade se tratase en Lourizán paséase polas súas avenidas, a das Camelias, a dos Eucaliptos, a da Gruta dos Espellos, no verán á sombra das súas ramaxes, no inverno polos camiños alfombrados de follas caídas. Cores ocres, verdes e vermellos, amarelos mesturados, xeometrías, xardíns planificados, plantacións na natureza improvisada compoñen unha paisaxe case oculta, inadvertida para quen viaxa pola estrada de Pontevedra a Marín, de Marín a Pontevedra.

O visitante que desexe percorrer este museo forestal poderá facelo de luns a venres en horario de mañá, de 8,00 a 15,00 horas, coa posibilidade de entrar en Lourizán en coche, polas tardes, sábados e domingos o acceso ó pazo terá que facelo andando, detendo o seu vehículo diante dos enreixados do pazo.


Fotografía: Anxo Rial / ArteXphoto



[Prema (click) para ampliar a imaxe]

Páxina 1 2 3 4 5 [6]

INICIO | VOLVER ARRIBA Última modificación 23/04/2004 07:43
Copyright © 2002-2020, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depo.gal/