[Deputación Provincial de Pontevedra / Diputación Provincial de Pontevedra]
SÁBADO, 21 DE SETEMBRO DE 2019
   Está en » depontevedra.es » Deputación de Pontevedra » Servizos » Arquitectura
Páxina Principal
Servizos
Arquitectura
Edificios Provinciais

Páxina 1 2 [3] 4
ARQUITECTURA 

Casa de Combarro

A casa de Combarro aínda que é propiedade da Deputación, as súas instalacións están cedidas á Asociación Ateneo Cultural Corredoira, para usaren como biblioteca e desenvolver actividades lúdico-culturais.

Situada en Combarro, no municipio de Poio, chégase a ela pola estrada C-550 Pontevedra-O Grove e dista uns 12 quilómetros da capital da provincia, Pontevedra. Combarro é un exemplo de arquitectura popular e as súas edificacións adaptáronse ó seu terreo, fundamentalmente granítico. A mellor maneira de coñecelo é paseando.

O edificio, que se construíu no século XVIII, está incluído no catálogo de edificios protexidos municipais. Dispón de dúas plantas comunicadas entre si por unha escaleira metálica circular interior e unha exterior de pedra cunha balaustrada. Diante da casa atópase un dos seis cruceiros que ten Combarro.

Os materiais empregados na construcción, típicos da arquitectura popular, foron a pedra para a fachada e os muros de carga, cuberta inclinada de tella e madeira para o interior.

Páxina Seguinte Páxina 1 2 [3] 4

INICIO | VOLVER ARRIBA Última modificación 24/08/2005 12:19
Copyright © 2002-2019, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depo.gal/