Fondos
ES.GA.36057.AM.VIG.10.. CAPELA DO CASTRO
CAPELA DO CASTRO
Área de identificación
Código(s) de referencia ES.GA.36057.AM.VIG.10.
Título CAPELA DO CASTRO
Data(s) 1659-1834 (Creación)
Volume e soporte 1 unidade de instalación con 37 expedientes ou agrupacións documentais en soporte papel na súa totalidade
Área de contexto
Nome do produtor Capela da Nosa Señora do Castro(s.XV-s.XIX) A ermida de Nosa Señora da Asunción do Monte do Castro debeuse levantar nas últimas décadas do século XV, ao rematar as guerras entre o arcebispo de Santiago e Pedro “Madruga”, no espazo onde se localizaba o antigo castelo de Penço. As crónicas contan que finalizadas estas loitas os veciños de Vigo conseguiron que o prelado compostelán ordenase derrubar a torre e cos restos da mesma construír a capela. No preito Tavera-Fonseca (1526) citan as testemuñas a existencia da ermida e a visita diocesana en 1529 reafirma a hipótese cronolóxica. Nos anos 1656-1667, cando se levanta a fortaleza do Castro, a capela quedou inserida dentro do primeiro recinto defensivo pero no século seguinte, no ano 1719, os morteiros ingleses derrubaron por completo a ermida orixinal. Tras iso procedeuse a unha reconstrución. O inventario realizado en 1761 recolle a suntuosidade de algunhas das doazóns que a ermida recibía, como obxectos de prata, unha imaxe da virxe da Concepción en ouro macizo, etcétera. O Concello de Vigo exercía de patrón da capela nestes anos, se ben a orixe do padroádego era descoñecida. A época de maior esplendor foi no século XVIII grazas o labor de Jacinta Valverde, ermitá entre 1720 e 1767, quen conseguiu grandes doazóns e esmolas para así acometer melloras e reparacións. Nos últimos anos do século XVIII e primeiras décadas do XIX a capela sofre repetidas perdas de xoias, ficando ademais case destruída durante a ocupación francesa. O Concello intentará dotar á capela dunha nova vida, máis se extingue o seu emprego nos anos vinte por pasar a servir como almacén de pólvora para a gornición da fortaleza.
Institución arquivística Arquivo municipal de Vigo
Historia arquivística Esta documentación estaba integrada nunha colección facticia denominada “Documentación relixiosa”. Durante o proceso de reorganización dos fondos documentais do Arquivo municipal iniciado en 2020, esta colección foi segregada en dous fondos diferenciados: “Capela do Castro” e “Colexiata de Santa María de Vigo”. O resto da documentación foi reintegrada nas súas respectivas series do fondo municipal.
Forma do ingreso Descoñécese, aínda que é posible que a súa acumulación sexa resultado da participación do Concello como patrón da Capela.
Área de contido e estrutura
Alcance e contido O fondo da Capela de Nosa Señora do Castro é un pequeno conxunto documental contido nunha única unidade de instalación, contando 37 rexistros repartidos entre os anos 1659 e 1834. A maioría dos documentos son de carácter económico e contable. A pesar do seu escaso volume resulta de gran importancia para a historia local. O documento máis antigo, datado en 1659, é o nomeamento de Bartolomé del Campo coma ermitán da Capela de Nosa Señora do Castro; pero de maior interese resulta o testamento de Jacinta Lorenza Pereira Valverde, ermitá da Capela de Nosa Señora do Castro, datado en 1761, a través do cal se pode coñecer parte da historia da capela e das súas fundacións, así coma as principais festas celebradas nela e o ritual das mesmas.
Valoración, selección e eliminación Non se realizou ningunha expurgación dado a pequena dimensión do fondo e o seu carácter patrimonial e de conservación permanente.
Novos ingresos Non se esperan novos ingresos dado que se trata dun fondo pechado pertencente a unha institución desaparecida.
Organizació
O fondo está organizado en dúas series documentais: > Expedientes da Capela do Castro (1659-1830) > Contabilidade da Capela do Castro (1685-1834)
Área de condicións de acceso e utilización
Condicións que rexen o acceso Documentación patrimonial de libre acceso.
Condicións de reprodución Reprodución libre a solicitude do interesado, coa excepción da protección documental e da salvagarda da súa integridade.
Instrumentos de descrición Índice - inventario en papel. Catálogo informatizado accesible a través do portal Atopo: https://atopo.depo.gal/
Área de documentación
Existencia e localización de orixinais Non se coñece a existencia de orixinais fóra do arquivo municipal.
Existencia e localización de copias Non se coñece a existencia de copias
Unidades de descrición relacionadas Dado que o Concello de Vigo era membro do padroádego de varias institucións, pódese encontrar documentación referida ás contas da Capela do Castro nos fondos da Escola de Nenos e do Hospital de Pobres de Vigo, tamén custodiados no Arquivo municipal.
Ãrea de notas
Nota
Puntos de acceso
Puntos de acceso de materias IGREXA
Puntos de acceso de topónimos España Galicia Pontevedra Vigo
Nome dos puntos de acceso Capela da Nosa Señora do Castro (Tema) Capela da Nosa Señora do Castro (Tema) (Creador) (Creador)