Servicio de patrimonio documental e bibliográfico - Deputación de Pontevedra

A camelia cítase por primeira vez en Galicia a nivel de mostra floral no ano 1858, durante a celebración da Exposición agrícola, industrial y artística (Santiago de Compostela, xullo). En 1872 créase a Escola práctica de agricultura en Pontevedra. Un catálogo de plantas elaborado pola citada institución entre os anos 1880 e 1882 revela a existencia nas súas instalacións de 130 variedades de camelia. Tras estes antecedentes, no presente libro inventaríanse máis de medio milleiro de exemplares nos centros dependentes da Deputación, Finca O Areeiro, castelo de Soutomaior e xardíns do Pazo Provincial.