Servicio de patrimonio documental e bibliográfico - Deputación de Pontevedra

Historia Cerdedo-Cotobade é un concello da provincia de Pontevedra, en Galicia, creado en 2016 froito da fusión dos concellos de Cerdedo e Cotobade.​ No ano 2017 tíña unha poboación total de 6.107 habitantes, distribuídos nunha superficie de 214,52 km² e unha densidade de poboación de 28,47 hab./km², distribuídos en 21 parroquias. A súa capitalidade está en Carballedo (Cotobade).

Contexto xeográfico e cultural Comunidade autónoma de Galicia. Provincia de Pontevedra. O concello de Cerdedo-Cotobade enclávase dentro de dúas comarcas: Terra de Montes (Cerdedo) e Pontevedra (Cotobade), no interior da provincia de Pontevedra; ten 184 entidades de poboración (49 no territorio de Cerdedo e 135 no pertencente a Cotobade) Fórmano na actualidade un total de vinte e unha parroquias: Castro, Cerdedo, Figueroa, Folgoso, Parada, Pedre, Quireza e Tomonde (pertencentes ao antigo Concello de Cerdedo) e Aguasantas, Almofrei, Borela, Carballedo, Caroi, Corredoira, Loureiro, Rebordelo, San Xurxo de Sacos, Santa María de Sacos, Tenorio, Valongo e Viascón (pertencentes ao antigo Concello de Cotobade, nas que residen algo máis de cinco mil habitantes).

Atribucións / fontes legais A Administración Local é aquel sector da Administración Pública que compoñen unha serie de institucións dotadas de personalidade xurídico-pública, que xorden como asociación de homes e mulleres unidos por lazos de veciñanza, para a defensa xenérica dos seus intereses. A Constitución dedica o Capítulo Segundo do Título VIII á Administración Local (artigos 140 ao 142). O artigo 140 garante a autonomía dos Municipios, e define o seu goberno e administración, é dicir, o Concello composto por Alcalde e Concelleiros. O art. 141 define a Provincia como unha entidade local con personalidade xurídica propia, determinada pola agrupación de Municipios, encomendando o seu goberno e administración ás Deputacións ou outras Corporacións de carácter representativo. O art. 142 establece que as Facendas Locais nutriranse só dos seus propios tributos e da participación nos do Estado e as Comunidades Autónomas.. O desenvolvemento da Constitución, no que respecta ao réxime local, realizouse a través da Lei 7/1985, de 2 de abril, Reguladora das Bases do Réxime Local e do Real Decreto Lexislativo 781/1986, de 18 de abril, polo que se aproba o Texto Refundido de Disposicións Legais Vixentes en Materia de Réxime Local (T.R.R.L.). Outras normas relativas ao Réxime Local son: O Real Decreto 1372/1986, de 13 de xuño, que aproba o Regulamento de Bens das Entidades Locais. O Real Decreto 1690/1986, de 11 de xullo, que aproba o Regulamento de Poboación e Demarcación Territorial de Entidades Locais. O Real Decreto 2568/1986, de 28 de novembro, ou Regulamento de Organización, Funcionamento e Réxime Xurídico das Entidades Locais. Lei 39/1988, de 28 de Decembro, de Facendas Locais. O Real Decreto 896/1991, de 7 de xuño, polo que se establecen as Regras Básicas e os Programas Mínimos a que debe de Axustarse o Procedemento de Selección dos Funcionarios de Administración Local. En Galicia ademáis cóntase co propia Lei 5/1997, de 22 de xullo, de Administración Local de Galicia

Estrutura administrativa

Xestión de documentos e política de ingresos

Edificio(s) > Arquivo municipal de Cotobade; Chan-Carballedo, 11. 36856 Cotobade. > Arquivo municipal de Cerdedo; Praza do Concello,1. 36130 Cerdedo.

Fondos Arquivo municipal de Cerdedo Arquivo municipal de Cotobade

Instrumentos de descrición, guías e publicacións > Cadro de clasificación dos antigos concellos de Cerdedo e Cotobade > Inventario somero de ambos concellos > Inventario detallado a nivel de unidade documental de ambos concellos > Publicacións: * “Inventario Archivo municipal del Ayuntamiento de Cerdedo”.-Col. “Plan de Organización de Archivos Municipais”, nº 15.-D. L. PO-111-92 ISBN: 84-86845-84-X * “Inventario arquivo do concello de Cerdedo”.-Col “Patrimonio documental da provincia de Pontevedra”, nº 43.-D.L. PO-275-02 ISBN: 84-8457-112-2 * “Inventario Archivo Municipal del Ayuntamiento de Cotobade”.-Col. “Plan de Organización de Archivos Municipales”, nº 1.-D.L. PO-72-88 ISBN: 84-86845-04-1 * “Inventario arquivo do concello de Cotobade”-Col. “Patrimonio documental da provincia de Pontevedra”, nº 32.-D.L. PO-70-01 ISBN: 84-8457-056-8 "Os fondos documentais dos arquivos municipais: o caso da provincia de Pontevedra" / Miguel A. Pereira Figueroa, José Luis Castro Carpintero, Lourdes Pérez-Santamarina Feijóo.- Separata da Revista PONTEVEDRA: Estudios Provinciais. Nº 8-9, pgs 317-356 "Os arquivos municipais de Pontevedra: evolución e tratamento" / Miguel A. Pereira Figueroa, José Luis Castro Carpintero, Lourdes Pérez-Santamarina Feijóo.- Separata da Revista PONTEVEDRA: Estudios Provinciais. Nº 21, pgs 229-257 "Disposición material dos arquivos da administración local na provincia de Pontevedra" / Miguel A. Pereira Figueroa, José Luis Castro Carpintero, Lourdes Pérez-Santamarina Feijóo.- Separata da Revista PONTEVEDRA: Estudios Provinciais. Nº 8, pags 212-230

Horarios de apertura Horario de oficinas do propio concello

Condicións e requisitos para o uso e o acceso Carece de persoal específico, sendo atendido polos funcionarios municipais

Accesibilidade De acordo coa lexislación vixente e previa solicitude

Servizos de axuda á investigación

Servizos de reprodución

Espazos públicos