Actuación de asistencia técnica no patrimonio documental de Cerdedo-Cotobade
O Concello de Cerdedo-Cotobade creouse no ano 2016 como froito da fusión dos antigos concellos de Cerdedo e Cotobade. Ao mesmo tempo, no ano 2018, unificáronse os dous xulgados de paz. Como resultado destes procesos creáronse os novos fondos do concello e do Xulgado de paz de Cerdedo-Cotobade.
Co fin de unificar os antigos arquivos e pechar o ciclo papel, aplicouse o novo cadro de clasificación funcional aos fondos dos tres concellos: Cotobade, Cerdedo e o novo de Cerdedo-Cotobade, mantendo a documentación antiga nos arquivos dos seus concellos de referencia. O mesmo se fixo coa documentación do xulgado de paz.
Nunha primeira fase, iniciada o ano pasado, organizouse o arquivo de Cotobade cun resultado de 444 novas unidades de instalación. Neste ano, primeiro foise a Cerdedo onde se instalaron 103 caixas de arquivo e finalmente a Cotobade nunha segunda fase onde se incorporaron 109 unidades novas.
Como resultados destas tarefas contamos cun total de 1.693 unidades de instalación e 8.245 agrupacións documentais datadas entre 1836 e 2021 no fondo documental do Concello de Cotobade sito no lugar de A Chan, en Carballedo; 804 unidades de instalación e 5.338 agrupacións documentais datadas entre 1848 e 2019 no fondo documental do Concello de Cerdedo, sita no edificio do seu antigo concello, e 216 unidades de instalación e 932 agrupacións documentais datadas entre 2005 e 2024 do novo Concello de Cerdedo-Cotobade. A documentación de acceso público está dispoñible nas dependencias do arquivo previa solicitude no concello de Cerdedo-Cotobade, e en liña na propia web arquivos.depo.gal e desde o portal Atopo da Deputación de Pontevedra nos enlaces:
Asimesmo, organizouse a documentación do Xulgado de paz destes últimos anos, creándose un novo cadro de clasificación para o novo Xulgado de paz de Cerdedo-Cotobade cun total de 19 unidades de instalación e 302 agrupacións documentais que abranguen os anos 2016 a 2023. Igual que no caso anterior, pecháronse os cadros dos xulgados de paz dos antigos concellos de Cotobade e Cerdedo coa incorporación de 18 novas unidades de instalación en cada un deles.
De esta maneira, o Xulgado de paz de Cotobade péchase cun total de 138 unidades de instalación e 1.263 agrupacións documentais datadas entre 1841 e 2023 e o Xulgado de paz de Cerdedo cun total de 85 unidades de instalación en 520 agrupacións documentais datadas entre 1860 e 2017. Esta documentación é igualmente accesible a través do portal Atopo da Deputación de Pontevedra.
Para máis información sobre o arquivo ou o Xulgado de paz de Cerdedo-Cotobade, pode facerse unha búsqueda no portal Atopo
