Atom fondo - Servizo de Patrimonio Documental e Bibliográfico

Rexistros actuais: 1.618.850

Obxectos dixitais dispoñibles: 504.649

Fondos

Nome do produtor Concello de Oia(1836-2015) O territorio do concello de Oia sitúase no sudoeste da provincia de Pontevedra, lindando co Océano Atlántico e cos concellos de Baiona, Tomiño e O Rosal. Ocupa unha superficie superior ós setenta e oitos quilómetros cadrados, con trinta e seis entidades de poboación dispersas nas súas seis parroquias: Burgueira, Loureza, Mougás, Oia, Pedornes e Viladesuso, nas que residen máis de tres mil habitantes. Esta área xeográfica formou parte da provincia de Tui ata a división constitucional e a reforma posterior, que derivou na súa inclusión definitiva na provincia de Pontevedra. A totalidade das parroquias dependían daquela da xurisdiccións de Oia, con señorío do seu mosteiro. No proceso de establecemento constitucional dos concellos neste territorio, integrado no Partido Xudicial de Tui, créase no ano 1836 o concello de Oia, coa mesma configuración física actual, sen modificacións posteriores significativas.
Institución arquivística Arquivo municipal de Oia

Alcance e contido Plan de igualdade 2010, ao abeiro das subvencións destinadas ás entidades locais dirixidas a favorecer e dinamizar o compromiso coa igualdade entre mulleres e homes e coa prevención e o tratamento integral da violencia de xénero convocadas pola Secretaría Xeral da Igualdade da Xunta de Galicia. Contén: - Bases da convocatoria. - Solicitude da subvención. - Concesión. - Xustificación. - I Plan de igualdade de oportunidades entre homes e mulleres do concello de Oia.