Servicio de patrimonio documental e bibliográfico - Deputación de Pontevedra

Historia A formación do Arquivo Documental do Museo remóntase á mesma data de apertura desta institución. A partir de 1927 foise nutrindo cada vez con máis regularidade de legados testamentarios, depósitos, doazóns e compras de conxuntos documentais de moi diversa natureza e volume e de datas comprendidas entre os séculos XII e XX, e orixinadas en diversas institucións, tanto civís como eclesiásticas, predominantemente galegas. É importante a colección medieval, con máis dun millar de documentos, entre os que destacan magníficos exemplares de privilexios reais. Son numerosos tamén os fondos procedentes de familias que en gran parte decidiron que se custodiasen os seus papeis no Museo de Pontevedra para evitar a súa perda. Outros, procedentes de actividades profesionais tamén chegaron ata nós de xeito parecido. Cabe destacar, ademais, o fondo musical, conformado por cantorais, partituras impresas e manuscritas e mesmo discos, desde os pesados discos de gramófono ata os actuais cds. Todos aportan datos importantísimos ós que diversos investigadores se puideron achegar nesta institución para levar a cabo os seus proxectos que, en moitos dos casos rematan coa súa publicación. Se ben é certo que moitas coleccións están xa pechadas, o Arquivo Documental está en constante desenvolvemento, ata el seguen a chegar documentos diversos, fondos filatélicos, curiosidades varias... que están a disposición daqueles que se acheguen ata o Museo e soliciten a súa consulta respectando, claro está, as normas establecidas para o seu uso, que teñen como finalidade a mellor conservación dos mesmos.

Contexto xeográfico e cultural

Atribucións / fontes legais

Estrutura administrativa

Xestión de documentos e política de ingresos

Edificio(s)

Fondos

Instrumentos de descrición, guías e publicacións

Horarios de apertura O acceso ós fondos do arquivo do Museo é libre, salvo para os materiais sen catalogar, en mal estado ou suxeitos a condicións especiais establecidas polos donantes e depositarios ou pola lexislación vixente. No propio Museo quedará rexistrado o investigador como usuario e vinculado a un historial dos fondos que consulte. A sala de investigadores dispón de 24 postos de consulta. Horario de apertura ó público: De luns a venres de 8'30 a 14'30 h.

Condicións e requisitos para o uso e o acceso

Accesibilidade

Servizos de axuda á investigación Servizo de reprografía. Pódense solicitar reproduccións de materiais, ben por fotocopias ou por fotografía, previa solicitude por escrito e atendendo ás normas internas de reproducción. Posibilidade de acceder a fondos dixitalizados na mesma sala de consulta. Biblioteca Auxiliar, especializada en historia, arte e estudios locais Hemeroteca, sobre todo de prensa local e rexional.

Servizos de reprodución

Espazos públicos