Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión ordinaria en primeira convocatoria, celebrada polo Pleno desta Deputación o día, 25 de setembro de 2009 No Salón de sesións da Deputación Provincial de Pontevedra, sendo as once horas e dez minutos do día vinte e cinco de setembro do ano dous mil nove, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, Dona Isaura Abelairas Rodríguez, D. Francisco Xabier Alonso Pérez, D. Silvestre José Balseiros Guinarte, Dona Francisca Canal Gómez, D. Xosé Crespo Iglesias, D. Pauliño Damián Del Río Iglesias, D. José Juan Durán Hermida, D. José Amador Eiras Paz, D. Jesús María Fernández Portela, D. José Manuel Figueroa Vila, D. Emilio González Iglesias, D. Juan A. González Pérez, D. Salvador González Solla, D. Rafael Lores Rosal, D. Gabriel Martínez Giráldez, D. Xosé Cesáreo Mosquera Lorenzo, D. Constante Juan Muradas Ramos, D. José Antonio Olmedo Granja, D. Juan Luciano Otero Besada, Dona Mª Teresa Pedrosa Silva, D. Severino Reguera Varela, D. Daniel Rodas Chapela, D. Perfecto Rodríguez Muíños, D. Xosé Carlos Silva Mariño, D. José Enrique Sotelo Villar e D. Jesús Vázquez Almuiña, co obxecto de celebrar sesión ordinaria do Pleno da Deputación, en primeira convocatoria, consonte á correspondente orde do día. Da fé do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: Sr. Presidente.- Desculpen por estes minutos de demora, e vamos a dar comezo a este Pleno ordinario da Deputación de Pontevedra. 1.5863.- DELEGACIÓN DE COMPETENCIAS DO CONCELLO DE PORRIÑO A FAVOR DO ORAL PARA EXERCER AS FACULTADES DE RECADACIÓN, EN PERÍODO EXECUTIVO, DOS INGRESOS DE DEREITO PÚBLICO QUE NON SE ATOPEN XA DELEGADOS Sr. Presidente.- Como primeiro punto da orde do día: Delegación de competencias do concello do Porriño a favor do ORAL para exercer as facultades da recadación en período executivo dos ingresos de dereito público que no se atopen xa delegados. ¿Votos en contra?. ¿Abstencións?. ¿A favor?. O Pleno do concello do Porriño na sesión celebrada o día 25 de xuño de 2009 acordou a delegación na Deputación de Pontevedra-ORAL das facultades de recadación, en vía executiva, dos ingresos de dereito público que non se atopen xa delegados. Resultando que o Consello Reitor do Organismo Autónomo Provincial de Xestión de Recursos Locais da Deputación Provincial de Pontevedra (ORAL), na sesión que tivo lugar o 9 de setembro de 2009 acordou aceptar a delegación efectuada polo Pleno do concello do Porriño, para exercer as facultades de recadación, en vía executiva, dos ingresos de dereito público que non se atopen xa delegados. Considerando o previsto no artigo 7 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido no artigo 106.3 da Lei 7/1985, de 2 de abril, reguladora das bases de réxime local, e tendo así mesmo en conta que a citada delegación figura dentro dos servizos que o artigo 4 dos Estatutos reguladores do Organismo Autónomo Provincial de Xestión de Recursos Locais da Deputación Provincial de Pontevedra (ORAL) enumera como obxecto a prestar polo ORAL. O Pleno, de conformidade co ditame da Comisión Informativa de Economía, Facenda e Turismo, acorda por unanimidade: 1. Aceptar a delegación que en materia de recursos locais realizou o concello do Porriño, por acordo do Pleno de data 25 de xuño de 2009, para que a Deputación Provincial de Pontevedra exerza as facultades de recadación en vía executiva dos ingresos de dereito público que non se atopen xa delegados. 2. Esta delegación do concello do Porriño será levada a cabo polo Organismo Autónomo Provincial de Xestión de Recursos Locais (ORAL) e sométese ás condicións establecidas nas bases para prestación do servizo aprobadas polo Pleno desta Deputación en sesión de data 20 de xullo de 1992, á Ordenanza Reguladora da taxa por prestación de servizos polo ORAL aprobada polo Pleno desta Deputación en sesión de data 26 de outubro de 2005 e ós Estatutos do Organismo Autónomo Provincial de Xestión de Recursos Locais (ORAL) publicados no Boletín Oficial da Provincia de Pontevedra en data 26 de agosto de 2004. 3. Facúltase ó Ilmo. Sr. Presidente para que formalice o correspondente convenio co concello do Porriño así coma os demais documentos que procedan. 4. A delegación efectuada polo Pleno do concello do Porriño, para exercer as facultades de recadación, en vía executiva, dos ingresos de dereito público que non se atopen xa delegados, publicarase no Boletín Oficial da Provincia e no Diario Oficial de Galicia, tal como determina o artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. 2.5864.- MODIFICACIÓN DA ORDENANZA REGULADORA DA TAXA POLOS SERVIZOS DE ENSINO QUE SE IMPARTEN NA ESCOLA DE CANTEIROS DE PONTEVEDRA Sr. Presidente.- O punto número 2 é a Modificación da ordenanza reguladora da taxa polos servizos de ensino que se imparten na Escola de Canteiros de Pontevedra. ¿Votos en contra?. ¿Abstencións?. ¿A favor?. O Presidente executivo do Organismo Autónomo Escola de Canteiros de Pontevedra, mediante escrito de data 14 de setembro de 2009 efectúa unha proposta ó Pleno da Deputación Provincial de Pontevedra para modificar a ordenanza reguladora da taxa pola prestación de servizos de ensino na Escola de Canteiros de Pontevedra. Resultando que na proposta do Presidente executivo, que conta co informe favorable de Intervención, figuran a necesidade de modificar o artigo 6 da ordenanza para establecer para os estudantes oficiais da Escola pertencentes a familias numerosas unha serie de bonificacións, así como a inclusión no anexo da ordenanza do establecemento dunha tarifa reducida para aqueles casos de matrícula parcial de materias soltas por parte dos alumnos oficiais da Escola, e que se concreta na redución nun 50% do importe da matrícula completa no caso de matrícula dun número de materias inferior ó 50% das do curso ás que correspondan. O Pleno, de conformidade co ditame da Comisión Informativa de Economía, Facenda e Turismo, e tendo en conta o establecido no artigo 106.1 da Lei 7/1985, de 2 de abril, reguladora das bases de réxime local, e o previsto nos artigos 15 ó 19 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, acorda por unanimidade: 1. Aprobar a modificación da ordenanza reguladora da taxa polos servizos de ensino que se imparten na Escola de Canteiros de Pontevedra, no sentido seguinte: I. O texto do artigo 6 queda redactado da seguinte forma: Artigo 6. Beneficios fiscais Establécense para estudantes oficiais da Escola pertencentes a familias numerosas as seguintes bonificacións: -Do 50 por cento para estudantes pertencentes a familias numerosas de categoría xeral. -Do 100 por cento a estudantes pertencentes a familias numerosas de categoría especial. II.- O contido íntegro do anexo da ordenanza queda redactado da seguinte forma: ANEXO I Conceptos Importe 1º. Pola matrícula de alumnos oficiais en cada un dos cursos…………….. 114,50 € 2º. Pola matrícula en materias soltas de alumnos oficiais, por cada curso: 2.1. Número de materias inferior ó 50% das do curso á que correspondan……………………………………………………………. 57,25 € 2.2. Número de materias igual ou superior ó 50% das do curso á que correspondan ……………………………………………………………. 114,50 € 3º. Matrícula de alumnos de formación específica………………………… 114,50 € Sobre estas tarifas aplicarase, no seu caso, o IVE correspondente. 2. O expediente de modificación da ordenanza reguladora da taxa polos servizos de ensino que se imparten na Escola de Canteiros, exporase ó público por un prazo de trinta días hábiles mediante anuncio no Boletín Oficial da provincia de Pontevedra e nun diario dos de maior difusión da provincia de Pontevedra, a efectos de reclamacións. 3. Unha vez finalizado o período de exposición pública e no caso de non producirse reclamacións, este acordo considerarase elevado a definitivo. 4. Estas modificacións entrarán en vigor e aplicaranse a partir do día seguinte ó da publicación do texto íntegro dos artigos modificados no Boletín Oficial da Provincia de Pontevedra. 3.5865.- MOCIÓN DO GRUPO PROVINCIAL DO BNG EN RELACIÓN CO INVESTIMENTO DA DEPUTACIÓN PROVINCIAL NO PROXECTO DO NOVO ESTADIO DE BALAÍDOS Sr. Presidente.- Punto 3. Moción do grupo Provincial do BNG en relación co investimento da Deputación Provincial no proxecto do novo estadio de Balaídos. Bueno, pois ten neste caso a palabra o Deputado Francisco Xabier Alonso, que é quen asina a moción, adiante. Sr. Alonso Pérez.- Bo día, a Federación Española de Fútbol e a Federación Portuguesa, teñen iniciado a presentación dunha candidatura conxunta para realizar o mundial de fútbol do 2018 e 2022, con motivo desta candidatura, teñen convocado ás cidades que eles consideran que poden ser sedes, en concreto convocaron á cidade de Vigo, e eu como concelleiro de deportes, acudín a esta reunión, onde nos solicitaban proxectos para poder ser sede, que reuniran os requisitos que a FIFA esixe, Vigo fixo o proxecto adecuando as peticións da FIFA, ademais de contemplar dentro do proxecto a rehabilitación do entorno, o proxecto ademais ten moito coidado co medio ambiente e recuperación do río, para que o proxecto fora atractivo, baséase en dúas cuestións moi importantes, a cuestión de coidado do medio ambiente e a adaptación do estadio ás necesidades do aforo. Fixemos un proxecto que é único, porque sabemos que había que pensar no día despois, e xa que a FIFA nos esixe 40 mil persoas de aforo, a realidade do estadio é que 40 mil non sería utilizable de maneira habitual, ou case nunca. O proxecto contempla adaptar o aforo a estes 40 mil pero que ó día seguinte se poida adaptar a distintos aforos a 21 mil, a 33 mil ou a 40 mil, por medio dun sistema de gradas pregables. Ben, esta é unha oportunidade, e eu isto quero resaltalo, é unha oportunidade que a cidade de Vigo ten, e que eu creo que a Deputación seguro que se vai a sumar, porque ademais hai precedentes, hai declaracións e hai posicionamentos da propia Deputación, do propio Presidente e o Vicepresidente, que xa o ten manifestado, polo que estou seguro que esta oportunidade que a Vigo se lle presenta vaise a sumar a Deputación porque sería bo. En todas as administracións, nas reunións previas, xa ten asistido o propio Secretario Xeral de Deportes, o Sr. Lete, e ten asistido a Federación Galega de Fútbol, ou sexa, que estamos todos na mesma liña de intentar sumar proxectos, pois sumar reforzos, sumar para que se consolide esta posibilidade de ser sede, e en concreto xa o propio Presidente da Deputación xa o ten manifestado, “que la Diputación participará en la reforma de Balaídos si lo pide el concello”. El Presidente de la Diputación, el Sr. D. Rafael Louzán, facía esta declaración no ano 2005, no ano 2006, dicindo que había que abordar, porque o estado de Balaídos é realmente calamitoso, está nunha situación de ruína, e isto é unha oportunidade que se nos presenta, o propio Chema Figueroa advertía, de que é necesario facer unha reforma integral e non ir a pequenas reformas ano tras ano, que están endeudando ó concello, e o que había que facer era unha reforma integral do estadio, un novo estadio. O proxecto contempla ademais a reforma grada a grada, como se pedía, xa hai estes antecedentes de que tanto o Vicepresidente da Deputación, o Sr. Chema Figueroa, como o Presidente, o Sr. Louzán, o teñen manifestado, entón simplemente é unha vez máis que haxa un pontenciamento desta Deputación para sumar á iniciativa do concello, para non perder esta oportunidade. Esta é a razón da moción, que espero e supoño que todos os grupos a apoien, porque sería bo que Galicia sexamos sede deste Mundial 2018, e ademais, daquela non se sabe quen vai gobernar, é unha cuestión de iniciar e de que se vexa que hai unha intención, é unha de todas as administracións a sumar esforzos. Moitas gracias. Sr. Presidente.- Moitas gracias D. Francisco Xabier. Ten a palabra D. José Manuel Figueroa. Sr. Figueroa Vila.- Bueno, bos días, eu creo que o representante do BNG fala da remodelación dun estadio, pero aquí, como en todos os expedientes, hai antecedentes, os antecedentes son que no ano 2005, gobernando o Partido Popular na cidade de Vigo, constitúese unha comisión, unha comisión que a oposición, como tiña maioría, non deixa presidir ó goberno, cousa que é curioso, cando un goberna, loxicamente sempre é o que toma a iniciativa, pois aquí non, naquel caso, como o Partido Popular non tiña maioría na cidade de Vigo, pois maioría absoluta claro, pois ó final o BNG e o Partido Socialista póñense de acordo, póñense de acordo e nomean un representante do Partido Socialista, Presidente desa comisión, comisión para a remodelación ou construción do novo estadio na cidade de Vigo, e aí a preside un membro do Partido Socialista, e despois de dous anos e medio esa comisión non foi capaz de facer unha proposta, é dicir, unha proposta, un representante do Partido Socialista non foi capaz de levar a cabo ningún tipo de iniciativa, e, ¿por que non foi capaz de levala a cabo?. Porque se daba unha curiosidade, que naquel momento gobernaba na Xunta de Galicia, en deportes, o BNG, é que é curioso que o portavoz do BNG actual era o director xeral de deportes, bueno, pois durante 4 anos o BNG na Xunta de Galicia non moveu nin un só papel, pero o máis grave de todo era que o que fora concelleiro de deportes é representante do BNG, e neste caso agora portavoz e candidato e tenente alcalde, pois era o director xeral de deportes, e bueno, pois durante eses dous anos e medio aparcouse e non se puido levar a cabo ningún tipo de iniciativa, nin proposta, nin estudio, nin iniciativas de ningún tipo, é dicir, era curioso, a comisión a presidía un membro do Partido Socialista e o director xeral de deportes era o membro do BNG e non se moveu absolutamente nada. Pasan dous e medio do goberno actual na cidade de Vigo e non se move nin un só papel, e resulta que un día nos enteramos polos medios de comunicación, que o BNG vai a presentar o proxecto de Balaídos, bueno, pois vale, sería algo que non sei, algunha idea, pois non, tráenos un boceto sen saber ningún membro da corporación a quen llo encargaron, nin que expediente de contratación houbo, porque non hai ningún, e parécenos un proxecto duns arquitectos vascos, é dicir, en Galicia non hai ningún arquitecto, en Vigo non hai ningún arquitecto, hai que darlle o traballo á xente de fóra, é dicir, nesta cidade onte viña nun medio de comunicación que o colexio de arquitectos dicía que hai un 70% menos de visados de proxectos na cidade de Vigo e na provincia de Pontevedra e resulta que o BNG que é tan da terra, que é tan noso, que é tan propio, lle vai a encargar a dedo, a dedo e sen expediente de contratación, ningún tipo de expediente que saibamos, a uns arquitectos vascos, a remodelación dun estadio, supoño que lle darían unhas cantas ideas, e planchan e nos presentan, bueno, nos presentan, non, á oposición, que eu formo parte desa oposición, a día de hoxe oficialmente non temos ningunha información, é curioso Sr. Mosquera, vostede que pide tanto iso da participación, do diálogo e de non sei que, pois resulta que a día de hoxe, ás 11:25 horas da mañá, ninguén do goberno de Vigo, ninguén do goberno de Vigo se dirixiu a ningún membro do grupo maioritario, grupo que ten 25 mil votos máis có Partido Socialista e 40 mil máis có Bloque nas últimas eleccións municipais, digo ben, 25 mil e 45 mil máis, ninguén se dirixiu a día de hoxe, á oposición parecíalle que había unha idea dun proxecto, bueno, pois a idea dese proxecto, hai que dicirlle ós veciños e veciñas, e a algún representante dalgunha empresa que o está pasando mal, ¿sabe cando custa ese proxecto?, 20.000.000.000 das antigas ptas., é dicir, o BNG con toda a situación e con todo o que está caendo en Vigo, na provincia e en España, plantexa un proxecto dun estadio de 20.000.000.000 das antigas ptas., para que o paguen as administracións, mire señor, nin mundial, nin campionatos, nin fútbol, nin nada. Pero, ¿creen vostedes que a altura do día de hoxe pode alguén aportar 20.000.000.000 das antigas ptas.?. Ningunha administración. Sr. Alonso, pero é que iso sería unha insensatez, unha irresponsabilidade de tal calibre, de tal magnitude, que nos correrían a gorrazos, e con razón, todos os veciños. Algún representante dos que están hoxe aquí, algúns traballadores estarán pensando de onde sacamos os 20.000.000.000 ptas., cando ó mellor non hai para eles 4, ou 5, ou 6, ou 7, para resolverlles os seus problemas, eses e moitos máis. Pero xa isto é unha cuestión de forma de respecto, vostedes presentan ese proxecto porque saben que é irrealizable, vostedes que falan de deportes de base, de que ás sociedades anónimas non había que darlles un duro, etc., etc. Pero, como pode plantexar o BNG, supoño que será un problema de filosofía política, todo o contrario do que din, agora vostedes plantexan construír un estadio de 20.000.000.000, 120 millóns de euros, proxectado por uns arquitectos vascos, que non os coñece ninguén, unha contratación que non sabe ninguén onde está, supoño que a levarán a recoñecemento extraxudicial de crédito, porque ninguén a coñece. E despois a falta de respecto absoluto, que a ninguén da oposición, vostede nin llo presenta nin nunha comisión, non teñen a delicadeza nin de reunirnos nunha comisión para dicirnos que estamos traballando ou esta é a idea, non, enterarse a través dos medios de comunicación, que é o que fixeron, pois mire, non, mire, nós temos outro estilo, e creo que o demostramos moitisimas veces, e creo que no Estadio de Balaídos demos mostras, moitisimas mostras de intentar buscar o diálogo e o consenso, de buscar fórmulas, se vostedes queren un estadio de 20.000.000.000 das antigas ptas., que o paguen as administracións, que por riba o fagan e o deseñen uns arquitectos vascos, que por riba ese deseño non está en ningún expediente administrativo do concello, en ningún expediente administrativo, si Sr. Mosquera, en ningún. De todas maneiras en Vigo, igual que noutros lados, están acostumados a que os expedientes vaian todos por recoñecemento extraxudicial de crédito, é dicir, a isto xa estamos acostumados, é dicir, xa non temos ningún problema, eu creo que o primeiro que tiñan que facer, para que nós poidamos ter unha proposta clara, é presentarnos ese proxecto, saber cal é a idea, cal é o financiamento, canto vai a aportar o concello de Vigo, canto pretenden que aporte a Xunta, canto pretenden que aporte o Goberno Central, canto pretenden que aporte a Deputación. Pero o que non se pode facer é presentar un proxecto fantasioso, faraónico, irrealizable, na situación, no momento que estamos a vivir, parécenos un insulto, un insulto á cidadanía, e en segundo lugar parécenos unha falta de respecto ó noso grupo maioritario e por suposto a esta corporación que tamén formamos parte, que non saibamos nada, vostedes non pediron nin unha soa entrevista nin co Presidente nin comigo, nin con ningún membro representante de Deportes desta Deputación, para que coñezamos cal é ese proxecto. Pois mire, mentres non coñezamos o proxecto, o único que coñecemos son unhas páxinas nos medios de comunicación cun boceto que vostedes presentaron. E nada máis, eu creo que tiñan que empezar polo principio, o principio era, convocar á oposición de Vigo e a partir de alí dicirlle o que quere facer a Corporación, buscar un consenso e se hai consenso despois acudiremos a outras administracións, vostedes o que están presentando é unha utopía, é dicir, é algo que é impresentable a día de hoxe. Con todos estes condicionantes evidentemente nós non podemos apoiar a súa moción, pero non podemos apoiala por falta de información, xa primeiro, seguramente despois entraremos tamén en criterios e en condicionantes, pero xa de entrada por falta de información e por falta de diálogo, e de que vostedes teñan un mínimo de respecto o que son as institucións, é dicir, eu creo que se lle pide un mínimo a calquera personaxe, ou calquera persoa, ou calquera representante político que queira acadar o consenso doutros grupos ou doutras institucións, polo menos que coñezamos o proxecto. Eu podo dicirlle ós cidadáns e ós medios de comunicación hoxe aquí, e a todos os corporativos, que non teño nin medio folio, nin medio folio, excepto o que saíu publicado na prensa, do que é ese proxecto, se vostede cree que pode acadar o respaldo dunha institución ou duns representantes políticos só cunha rolda de prensa, bueno, así funcionan, non me estraña como plantexan vostedes as cousas, así funcionan, despois non lle pidan respecto ós demais, porque os primeiros que non cumpren as normas son vostedes. E home, o do BNG nos sorprende un pouquiño, hai moitos arquitectos en paro en Galicia, na provincia de Pontevedra e en Vigo, moitos, moitos están en paro, ir a buscar uns vascos, un partido nacionalista, serán nacionalistas tamén, serán, serán a cousa que priman vostedes, pero mire que ir a buscar un vasco a dedo, pois se fora un concurso público aceptaríamos, aínda os aceptaríamos, se houbera un concurso público, que vostedes puxeran un concurso público e tal, pero ir a buscar a dedo, así llo digo, a dedo, a un estudo de arquitectura vasco cando aquí en Galicia hai cantidade deles, parécenos unha falta de respecto, o primeiro que tiñan que facer era un concurso público, e dende logo non houbo ese concurso de ideas nese concurso público, nin a opción de ningún estudo de arquitectura de Vigo, nin de Pontevedra, nin de Galicia, que puidese optar a ese concurso, parécenos lamentable todo este procedemento. Sr. Presidente.- Moitas gracias Sr. Figueroa. Ten a palabra, D. Francisco Xabier Alonso. Sr. Alonso Pérez.- Parece mentira, sempre lle pasa o mesmo, fala, fala, fala e fala, non é capaz de estudar nada, non aprende. Acaba de facer unha denuncia, que o proxecto llo encargamos a uns vascos, se vostedes acaban de contratar o mesmo equipo para facer Pasarón, pero se son os que están facendo Pasarón, Sr. Chema Figueroa, o mesmo proxecto que Pasarón, o que pasa que vostede sempre fala …, por favor, agora estou falando eu, agora falo eu, vostede sempre fala, fala, fala, e o que hai que facer e estudar as cousas, a ver o que se di, non falar tanto e ir o gran. Estou canso de que diga que non pode optar ó do ano 2018 Vigo ou Galicia, a un mundial, que trae beneficio económico para a crise económica. Se vostedes investiron 0 euros na crise económica, para o paro en Vigo, que acabamos de acordar no último Pleno, deixe iso por favor, non me conte historias, non veña aquí con demagoxias, falemos claro do que estamos falando, deixe a demagoxia, deixe o que non saiba, e o que non sabe, eu son unha persoa moi aberta. Sr. Chema Figueroa, aténdame, porque lle quero dicir que eu estou sempre aberto a darlle información, na comisión onde presentei esta moción, expliqueille a vostede e ó Sr. Sotelo, que a única intención é que todas as administracións, inicialmente, que estamos no proceso inicial, sumemos ó proxecto, onte falei co Presidente da Federación Galega, teño falado co Secretario Xeral de Deportes, e el estivo na reunión, sería lamentable que a Deputación por unha cuestión demagóxica de falar de crise, a ver como estamos no ano 2018, e canto máis este proxecto ten unha reversión económica, porque eu era concelleiro no ano 82 en Vigo, cando foi o mundial, e unha cousa que todo o mundo quere, porque ten unha reversión económica, os alcaldes do PP se están pelexando por ser sede, entón non sexan demagóxicos, ¿que pasa?, que Rajoy lle di á Deputación de Pontevedra que non se presente, que non apoie. E os alcaldes do PP estaban o outro día comigo en Madrid, con maletíns, intentando presionar á Federación para ser sede. Aclárense, vamos a ver, vamos a falar do que temos que falar, a proposta e a moción significa que hai un inicio dun proceso, que eu estou aberto como concelleiro de deportes de Vigo e como a concellería que contratou o proxecto IDOM, o que está facendo o estadio de Pasarón, estou aberto a dialogar, darlle información, todo o que queiran, pero non falemos nin de demagoxias nin de cousas que non se saben, porque eu estou aquí para informar todo o que queiran, da Deputación, da Xunta, da Federación Galega e de todo o mundo, porque creo que Galicia é de todo o mundo, porque creo que Galicia ten que ser sede do mundial 2018, vostedes o que non poden é poñer chatas a unha cousa que é boa para Vigo, que é boa para Galicia, sería un erro tremendo que por culpa da súa decisión busque escusas o alcalde de non sei onde do PP ou do PSOE, que me dá o mesmo, e diga, mire é que en Galicia non se poñen de acordo, é que as institucións están tirando para atrás, nós non, nós vamos todos xuntos, sería lamentable que a Federación Española se agarrara ó argumento de que non nos poñemos de acordo para darlle a un alcalde do PP, porque supoño que vostedes non estarán de acordo en que na súa distribución territorial de Galicia non vamos a poñerlle trabas a Vigo e vamos a impulsar outro alcalde do PP que nos interesa, supoño que vostedes non entrarán nesa trama, estou case seguro, e é un problema simplemente de falta de diálogo, vamos a ter diálogo, todo o que precisen, a información toda a que queiran do proxecto, o proxecto fíxoo IDOM, que fixeron Pasarón, entón falemos, ¿para que estamos aquí?, é unha oportunidade. E por último é unha cuestión de prazos, a Federación Española nos puxo un prazo ata ó 30 de setembro para presentar os proxectos, Vigo os presentou, creo que o mellor proxecto de todos dos que estaban alí, mesmo a Federación Española, todo o mundo alabou o proxecto, entón agora van a decidir o 15 de outubro 14 sedes para iniciar o proceso de ser sede ó final, porque á FIFA hai que presentarse 14 cidades, e sería lamentable que por falta de unidade das institucións aquí aparecésemos fóra pola decisión da Deputación Provincial. Eu creo que iso sería un gran erro político que espero que non suceda. Sr. Presidente.- Moitas gracias, ten a palabra Dona Isaura Abelairas. Sra. Abelairas Rodríguez.- Ben, bo día. Bueno, creo que fixo un relatorio o suficientemente amplo e importante o Sr. Alonso, pero creo que se esqueceu de algo. Sr. Figueroa, vostede como fala tanto, tanto, tanto, tanto, ó final unha intenta pescar algunha frase, e mete a pata, está claro, vostede acaba de dicir, “si fuera un concurso público, todavía lo aceptaríamos”, díxoo textualmente. Mire, no ano 2005 esqueceuse o Sr. Alonso de dicir que o Presidente da Deputación dixo que colaboraría na construción do novo estadio, e o Sr. Figueroa dixo o mesmo. O que pasa que daquelas a alcaldesa de Vigo era Corina Porro, e o xerente do Celta Deputado Provincial, o Sr. Horacio Gómez, e agora as circunstancias cambiaron, non é alcaldesa de Vigo Corina Porro nin o Xerente é Horacio Gómez, Alfredo, perdón, co cal queda demostrado, queda demostrado, que unha vez máis é por ser Vigo, entón, aí non vamos a investir nada porque, ¿quen pagou Pasarón?, a Alguén o pagaría digo eu. O que se está pedindo é a colaboración de todas as administracións, e tantas veces repetiu o arquitecto vasco que polo visto, este dato non o tiña eu, que estaba facendo Pasarón. Eu fágolle unha pregunta tamén, Sr. Figueroa, xa que é vostede tamén, xa que vostede é tan xenófobo dígame que son os arquitectos, o arquitecto que está facendo, o que fixo, que o contrataron vostedes para facer a cidade da cultura en Santiago, claro que non é problema porque a vostede non lle interesa de onde imos a pagar. Mire, voulle dar unha pista, das mocións de censura, dos que lles custa a moción de censura de Gondomar, de Mos, e do que lle vai a custar a de Silleda, ¡si!, vostede tamén se vai polos Cerros de Úbeda, pois eu tamén, permítanmo que o faga, de aí si que poden sacar vostedes unha cantidade importante, eu creo que é tan importante tamén ser sede do mundial de fútbol e tomarse en serio e sobre todo discutir a moción e non cabrearse nin ter ese mal ton que teñen vostedes cando non lles interesan as cousas, as mocións están para iso, para ser discutidas e debatidas. Sr. Presidente.- Moitas gracias, Dona Isaura Abelairas. Ten a palabra o Sr. Figueroa. Sr. Figueroa Vila.- Miren, eu dixen moi claro non é un problema dos arquitectos, que sexan de onde queiran, digo que se se contratan a dedo ese é o problema, vostedes, a diferenza que hai entre Pasarón e a Cidade da Cultura, son outros, lle guste ou non lle guste, e tiveron concursos públicos, concursos de ideas, vostedes pois non fixeron …, apareceron nunha rolda de prensa cun estudo, dixeron vostedes, que eu non sei nin quen son os arquitectos, dixeron vostedes que era un estudo vasco, está nos medios de comunicación porque nós non temos información, senón temos ningún tipo de información, senón hai respecto, se vostedes quixeran pedir a colaboración da Deputación o primeiro que tiñan que facer era, antes de presentalo ós medios de comunicación, ou incluso o mesmo día, que tamén se pode facer, chamar ó Presidente e pedirlle unha entrevista. Vostedes non lle pediron unha entrevista absolutamente a ninguén, non lles interesa, o que lles interesa a vostedes e xerar un conflito coa Deputación e titulares, pero nós non estamos dispostos a iso, estamos dispostos a dicir a verdade, o problema é que un estadio de fútbol hoxe non se pode construír, ningunha administración, ningunha, nin a Xunta, nin o Goberno Central, nin a Deputación, nin o concello de Vigo, se pode permitir o luxo de investir 20.000.000.000 das antigas ptas. nun campo de fútbol, non se pode permitir ningunha administración, o que hai que buscar son fórmulas de xestión, que vostedes non son capaces, porque vostedes todo, todo o que fan, ten que ser contra a administración e contra o erario público e contra o bolsillo dos cidadáns, e así non se van a poder construír infraestruturas, nin dotacións, nin equipamentos de cara o futuro, ou cambian de maneira de actuar, ou é imposible. Pois non nos estraña, claro, en Vigo había, hai 2,3 anos, 17 mil persoas no paro, agora hai 25.000, pois esa é a diferenza, en España estamos preto dos catro millóns de parados, pero ¿como se van permitir unha administración o luxo de construír 20.000.000.000 das antigas ptas. nun estadio de fútbol?, é imposible. Mire eu lle dou un exemplo de como se ten que xestionar, o problema é de irresponsabilidade e de incapacidade de vostedes, do goberno, nós se estiveramos gobernando, e tiveramos maioría, o estadio de Balaídos non ía a custar 20.000.000.000 das antigas ptas. As administracións, xa llo digo e xa llo adianto, nin a metade nin a cuarta parte, mire o que lle digo, pero hai que ter fórmulas e imaxinación e ser capaz de xestionar. Mire, nós lle deixamos adxudicados a vostedes 6 aparcadoiros públicos a 0 para as administracións, lle deixamos adxudicados a vostedes 2 complexos de piscinas por un importe de 20.000.000 de euros, 10 millóns de euros cada unha, con custe 0 para a administración pública, para o concello, para a Xunta e para a Deputación, é dicir, 00 euros, e lle deixamos adxudicado un palacio de congresos cunha inversión de 120 millóns de euros con só 6 millóns de euros de custe para as administracións, é dicir, de cento e pico millóns de euros, só 6 millóns de euros con custe para as administracións. Neste dos aparcadoiros e das piscinas o custe foi 0 para as administracións, hai fórmulas, hai fórmulas de xestión, de modelos de xestión para que o custe poida ser pequeno, inferior ou unha cota mínima, pero vostedes non, vostedes plantexan, é irrealizable, e que non se o cre ninguén, porque non hai diñeiro nas arcas de ningunha institución para aportar 20 mil millóns das antigas ptas. para un estadio de fútbol, non é unha prioridade para a supervivencia das persoas nin para necesidades inmediatas das persoas, en Vigo temos moitas máis necesidades, temos a necesidade dun hospital, temos a necesidade dunha depuradora, lle guste ou non lle guste oílo, están sen resolver os problemas gordos, a min que vostede me plantexe e me diga, hai un estadio cun custe razoable e temos esta capacidade de inversión, estas fórmulas de xestión, para poder levalo a cabo, e eu lle digo, bueno, pois estudámolo, pero, ¿como poden vostedes plantexar, coa situación económica que estamos a vivir, que se constrúa un campo de fútbol?, é que é igual, nós non vamos a caer nesa trampa, se chame mundial, se chame mundialito, se chame copa de europa ou se chame o que se chame, eu lle digo unha cousa, e llo digo con claridade, se vostedes queren escoitar a nosa proposta, nós estamos dispostos a darlla, pero eu lle digo, se nós gobernásemos Vigo, o estadio de Balaídos non lle custaría 20.000.000.000 das antigas ptas. ás administracións, iso llo digo eu, llo aseguro eu, nin a cuarta parte, nin a cuarta parte, porque hai modelos para levar a cabo esas fórmulas de xestión, claro, se vostedes plantexan que todo vai a custar do erario de cada un, do erario público, e do bolsillo dos cidadáns coa situación que se está a vivir, é dicir, é que nos parece un insulto, nos parece un auténtico insulto, estamos sendo valentes, estámoslle dicindo a verdade, claro que nos gusta o fútbol, a min me gusta o fútbol tanto como ó que máis, pero hai outras fórmulas, busquen outras fórmulas, déanlle á cabeza un pouco, non pensen só en, custa 20.000 como se custase 30.000, pero, ¿quen llo vai a dar?, coa situación que estamos a vivir os concellos, pero, ¿vostede cre que algún dos alcaldes de vostedes ou dos nosos, votarían nesta casa un apoio desa maneira que vostedes pretenden? Pregúntenlle ós alcaldes de vostedes a ver se votarían esa situación, a ver se o votarían, estamos falando duns proxectos de inversións dos plans anticrise que non superan nin o importe deses 120.000.000. de euros e vostedes o plantexan para un estadio. ¿Vostede cre que o concello de Vigo podería aportar agora 30 ou 35 millóns de euros polo estadio de Balaídos, ou a Xunta de Galicia, goberne quen goberne, ou o Estado central?, non, bueno pois esa é a situación, busquen outra fórmula e se non saben gobernar non se preocupen que nós lla buscamos. Mire, eu lle vou a dicir unha cousa, nós se temos a responsabilidade de gobernar no ano 2011, Vigo terá un estadio de fútbol, pero non co custe que vostedes plantexan nin cun custe de 120.000.000 de euros para as administracións, xa llo adianto, xa llo adianto, non sei se a ubicación será a mesma, non será a mesma, ou será doutra fórmula, pero lle podo asegurar que se pode construír un estadio buscando a imaxinación e con outro tipo de fórmulas que non sexan única e exclusivamente a de pedir á administración por pedir. Nós, mire, lle vamos a votar en contra desta moción, xa llo adianto, non vamos a facer máis debates, por unha cuestión, primeiro, porque non temos nin un só papel da proposta que vostede fai, hai unha moción é o único e tal; segundo, pola falta de cortesía e de ética que teñen vostedes de non contar absolutamente con ningún grupo político nin de Vigo nin con ningunha persoa do goberno desta Deputación. ¿Cal é o plantexamento que teñen?, e claro que nós queremos o mundial, pero a incapacidade de vostedes, se vostedes non son capaces de acadar ou de buscar fórmulas que poidan xestionar os ingresos, para levar acabo esta construción, evidentemente a responsabilidade é única e exclusivamente de vostedes. ¿Sabe cal é o problema, Sr. Alonso, que teñen vostedes?, que vostedes teñen que compartir co alcalde de Vigo, porque están desaparecidos, vostedes en Vigo están desaparecidos, son os menos comparsas do alcalde de Vigo, e claro, como o alcalde de Vigo presenta o proxecto NOUVEL, fantasía, proxecto MONEO, fantasía, que non se vai a realizar nunca. ¿como a alguén se lle pode plantexar a día de hoxe tirar co edificio do concello de Vigo?. Bueno, pois vostedes teñen que competir con el, e dixeron, outro proxecto faraónico, vamos a buscar outro proxecto faraónico, a ver un estadio que custe 120.000.000 de euros, ala, tirarse da moto, ¿para que?, pero se os cidadáns xa saben que é imposible realizalo, é totalmente imposible, irrealizable, e polo tanto sigan vostedes con esa política, nós dende logo non lle vamos a entrar no trapo, queremos un estadio, ¡si!, temos fórmulas para poder facer un estadio con custe case 0 para as administracións públicas, !si¡, o estadio de Balaídos non ten que custar 120.000.000 de euros, tamén lle digo que si. Polo tanto, se vostedes queren competir co alcalde de Vigo, compitan, o alcalde de Vigo aínda non se pronunciou sobre este tema, as únicas declaracións que fixo, bueno, é unha proposta dos socios do goberno, punto. pois eu creo que estou entrando nos argumentos de fondo, de fondo, que son os importantes, nós lle digo que temos fórmulas e que se chegamos a gobernar a cidade de Vigo, e no programa electoral xa llo adianto, evidentemente se queren, se queren que lle digamos cal é a nosa idea, pois convóquenos, e nos reunimos e lle damos a nosa idea, nós temos a nosa idea para construír un estadio de Balaídos, pero lle digo, con custe case 0 para as arcas das institucións, mire o que lle digo, lle estou dicindo, estadio si, pero con custe case 0. ¿Como?, con fórmulas de xestión, que as hai, pero vostedes só están acostumados, ¿sabe a que?, a ir á deuda, déficit público, cargar as institucións onde gobernan con deuda, deuda, deuda, deuda, ¡si!, me di Teresa Pedrosa, con XESTUR, por exemplo, e deixar case na ruína, na quebra a maior parte das empresas que xestionaron vostedes que é como están, que é como están, iso é o que fan vostedes, recoñecementos extraxudiciais de crédito, gastos de protocolo e publicidade, xa non hai máis, e a competir, a competir con dous eslogan, tenencia de alcaldía e concello, que é o que fan vostedes, dous papeis para cada un, esa é a súa fórmula, pois nós non, nós lle dicimos ós veciños e veciñas que si temos a posibilidade de construír un estadio, pero non coa fórmula que vostedes queren. Sr. Presidente.- Bueno, pois coñecida a opinión …, si, agora, agora, pero como facía alusión ó argumentario tanto de Dona Isaura Abelairas como tamén do propio portavoz da moción, bueno, eu diría que, porque xa o que deixou claro o Sr. Figueroa en relación a esta cuestión, creo que estamos de acordo en facer as cousas, pero creo que doutra maneira. Vostedes equivocáronse de plano no que é a forma de facelo, non se facía alusión a comentarios do ano 2005, etc., pero creo que antes de poñer en marcha calquera circunstancia deste tipo, non é, primeiro, aí vai a idea, alí vai o proxecto e despois ir a casa de ninguén, que se sumen tamén, non. Creo que se queremos facer unha festa, ou se queremos facer un evento, ou se queremos facer infraestruturas, o primeiro será falar coas institucións implicadas e dicirlle: “oe, temos esta oportunidade, que vos parece, ¿por onde debemos ir?”; e a partir de aí se é necesario, evidentemente, poñer en marcha un tema destes, tamén, creo que é razoable, que dado o momento que toca vivir, creo que hai que facer plantexamentos que sexan realizables e que se poidan levar a cabo e non falar de fantasías, porque Vigo un dos grandes problemas que padeceu nos últimos anos, foi precisamente de fantasías e fantasiosos, que ó final o único que fixeron foi gastar diñeiro público, e sen embargo non facer absolutamente nada. Polo tanto, a Deputación vai a ser responsable coa actuación que faga, entendemos que Vigo necesita, pois, dun estadio, dun bo estadio como se merece a cidade, e polo tanto niso non temos ningunha dúbida, pero en todo caso, previamente a facer as cousas como vostedes fixeron, empezar a casa polo tellado, creo que hai que facelas doutra maneira, sentarse previamente e a partir de alí falar e chegar a un acordo, iso é o que eu quería trasladar, aproveitando antes de darlle a palabra neste caso ó portavoz nesta moción do Bloque Nacionalista Galego, ó Sr. Alonso, ten a palabra. Sr. Alonso Pérez.- Ben, o falar tanto, tanto, tanto, ó final as cousas que se din …, empezou dicindo que o problema era de quen facía o proxecto, xa quedou claro que ó final resulta que o proxecto é do que está facendo o mesmo Pasarón, pero é máis, fíxese Sr. Figueroa, ten a manía de cando lle falan de non atender, e é importante que atenda porque despois non aprende, despois non aprende e sigue dicindo cousas que non son. Voulle a dicir unha cousa, ¿sabe vostede quen contratou o proxecto e a quen llo contratou?. Este é un proxecto do PP do ano 1999 e contrataron a Eidom, o único que fixemos foi adaptalo as normas FIFA, fíxense vostedes, mire, isto é un proxecto do ano 1999, que o único que fixemos foi recuperar o proxecto para non gastar de novo, e adaptar ás normas FIFA, claro, falan, falan, non saben o que din, non saben o que din, e logo pasa o que pasa, e non sigan mareando, non sigan mareando de que o paga o erario público exclusivamente, por que di isto se é falso, por que di isto se é falso, vostedes o que teñen é que contestar, estamos nun Pleno da Deputación, e o que teñen é que falar claro. A Deputación non quere que en Vigo se faga o mundial 2018 e negan esa posibilidade, porque claro que tiña que haber financiamento privado, por que non había de haber, nós buscamos a todo o mundo, financiamento privado e a todas as administracións, pero só hai unha por cuestión partidista que é a Deputación de Pontevedra, por partidismo, porque o Sr. Louzán cando era Presidente da Deputación e a Sra. Corina era alcaldesa de Vigo, aplaudía o proxecto de facer un novo Balaídos sen mundial, e agora xa non vale, vostedes actúan de maneira caciquil nesta institución e non pode ser, non pode, se é unha cuestión que lle interesa ós cidadáns, se hai un proxecto que vén de 1999, se o único que fixemos foi adaptalo, se o fan os mesmos que fixeron o proxecto do 99, non contratamos un novo proxecto, adaptamos as normas FIFA. Pero a vostedes non lles interesa, minten, invéntanse cousas dicindo que non o pode pagar o erario público, cando vai a haber financiamento privado, minten porque non teñen escusa, non teñen escusa, vostedes, ¿queren que lle diga por que aplauden nas cidades onde goberna o PP ser sede do mundial?, que van dentro de 10 días a definirse na Federación Española, ¿queren que llo diga porque o fan?, porque en Vigo non gobernan, e isto é verdade, e o sabe todo o mundo, e non pode ser, iso é un atipo de actuación que hai que rematar, se eu vou para a cidade de Vigo, se eu vou para Galicia, se eu vou para a provincia de Pontevedra, a Deputación se tiña que asentar, tiña que asumir, tiña que asentarnos e ademais o proxecto é cos proxectistas que fan Pasarón, e ademais é o proxecto que recuperamos do 1999, se ademais é bo para Vigo. Déixense de escusas e digan claramente, mire, como non gobernamos en Vigo vamos a poñer freo a que Vigo sexa sede e vamos a impulsar as alcaldías do PP noutras cidades para que sexan sede, dígano claramente, pero non se atreven porque ocultan a verdade. Sr. Presidente.- D. Cesáreo Mosquera, me pide a palabra, me parece. Sr. Mosquera Lorenzo.- Só como me aludiu. Gustaríame precisar só unha cuestionciña, alguén dos que están alí en fronte se lle ocorrería que en Madrid 2016 o goberno do Estado ou dalgún concello non gobernado polo PP puxera como desculpa que non lle gusta o proxecto, que lle gusta cando o apoiou incluso antes de que houbera ningún proxecto, nada, alguén dos que está alí en fronte se lle ocorrería dicir que agora que estamos en plena crise, porque no 2018 seguramente non esteamos, agardemos, verdade, ou 2012, 15 ou o que sexa, Madrid 16, habería que volvelo atrás, ¿a alguén se lle ocorrería?. Miren, paréceme que pensan moito máis en Madrid que en Galicia ou que en Vigo, mándeno, miren, é grave. Sr. Presidente.- Moitas gracias Sr. Mosquera. Despois é para que diga que falan 2, falan 3, xa ve, que eu, non hai ningún problema, despois non me veña con incoherencias dicíndome, non, pero é que vostede deixa falar 2 ou 3 do mesmo partido e tal, ¿ou hai que refrescarlle a memoria?, porque ás veces despois esquécese, pero que a orde é esta, non, non, tranquilo, aquí pode falar todo o mundo. ¡Vale!. Polo tanto, despois non me veña coa retórica, non, pero a ver cantos falan, non, tranquilidade, vostede pode falar, o seu portavoz tamén, nesa materia sen ningún problema, pero despois non quero que veñan coas incoherencias, non, ¿pero, que pasa?, non, non, aquí pode falar todo o mundo, llo recordo para refrescarlle a memoria. Dona Isaura. Sra. Abelairas Rodríguez.- Bueno, primeiro moitas gracias por permitirnos falar … Sr. Presidente.- Non, permitirlle falar no turno que vostedes din, non, que non hai regulamento, que non sei que, quen fala quen non fala, vostede fala tamén as veces que sexa necesario, non hai problema, pero despois non diga, non, pero é que ti falas, non, de momento podemos falar todos. ¡Vale!. Sra. Abelairas Rodríguez.- Repito, gracias por permitírnolo. Mire, creo que se pode dicir máis claro, máis alto, perdón, pero non máis claro, e o dixo claramente Xabier Alonso, pero eu cando estaba falando o Sr. Figueroa, e despois interviu o Sr. Presidente, eu creo, e volvo, díxeno unha vez, e tómeno vostedes como queiran, pero eu creo que a orixe de todo está en que lles falta por interiorizar, de verdade, que é a democracia. Pódese falar da democracia, pódesenos encher a boca, pero non é unha mera cuestión de suma de votos, vostedes aproveitan sempre a oportunidade de falar da democracia e parece que non é democrático determinadas formas de configurar os gobernos. Lles podo garantizar que non hai forma máis democrática que o ter que chegar a pactos cada día e cada momento, miren, de verdade, que vostede estame dicindo que a discriminación coa cidade de Vigo, oiga, os concellos propoñen as obras que queren facer no seu territorio, a Vigo non llo permiten, deciden vostedes que van a facer, o Sr. Figueroa está preocupadísimo que di, non hai cartos, pero cando nós cheguemos ó goberno si os teremos. Vale, pois mire, hai cartos, eu son mestra, de economías sei pouco, pero fíxese, se empezamos a sumar os 12 millóns de euros, 6 no presuposto deste ano, 6 millóns de euros, en millóns de pesetas xa non me acordo cantos son, pero cando o Sr. Figueroa fala das antigas pesetas non sei cantos miles de millóns saen, moitisimos máis, pero asegúrase que xa 12 millóns de euros para min xa é unha barbaridade en campos de herba sintética, importantísimo, supoño, máis os 14 millóns de euros, que os sumo, son de primaria, me dá 26 millóns de euros, sumo todo iso, pois xa teño cartos para poder aportar ou colaborar ou axudar. Pero fíxese na rendibilidade, espere, espere Chema, Sr. Figueroa, espere que non acabei, fíxese na rendibilidade, a cantidade de postos de traballo, perdón, os 14 millóns de euros que ten dese plan anticrise que se reserva o Sr. Presidente para dar en función de non sei que criterios, os que el considere oportunos e que eu non vou a discutir, os criterios que o Sr. Presidente considere oportunos, pode considerar oportuno que Vigo sexa a capital mundial, non o vai a considerar por ser precisamente Vigo, pero fíxese ademais que está falando de paro cunha demagoxia total e absoluta, que vamos, a unha xa lle chega ata a molestarlle utilizar o paro absolutamente para todo. Mire, non lle diga ó traballador ou albanel que está agora traballando nunha obra en Vigo, si, repito, nunha obra en Vigo ou noutra cidade, gracias o Plan Zp gracias o Plan E, non llo diga, porque non estaba facendo nada e agora está traballando pero imaxínese a cantidade de centos de miles de traballos directos e indirectos que xeraría a construción do estadio de fútbol en Balaídos, non sexa demagogo, estes 26 millóns de euros imaxínese a cantidade e postos de traballo que poderían xerar na cidade de Vigo construíndo o campo de fútbol. ¿Cantos postos de traballo foron nos campos de herba sintética, que a collo, a poño e a planto alí e a pego en 3 minutos, e os 14 millóns de euros, ¿cantos postos de traballo van a xerar?, que vai a dar o Sr. Louzán, supoño que ben repartidos, que eu creo que o vai a facer estupendamente ben. Home, se falamos de demagoxia, falamos, mire falamos do plan NOUVEL, que un día si que teño ganas de falar do plan NOUVEL, porque se están rindo de nós os asturianos, estanse rindo de nós os asturianos, cando foron capaces de facer algo, mire por onde o plan NOUVEL se financiaba a si mesmo, e farase, non teña a máis mínima dúbida que o plan NOUVEL se fará. Sr. Presidente.- Moitas gracias Dona Isaura. Ten a palabra o Sr. Figueroa. Sr. Figueroa Vila.- Eu xa non sei se falar de democracia, se falar de maiorías, se falar de como conforman vostedes o goberno, se falar dos campos de fútbol de herba sintética, se falar dos equipos de fútbol ou se falar do campo de Balaídos. O problema que teñen vostedes é que non teñen nada claro, bueno o teñen claro, lles dá igual, vostedes presentan unha idea e con tal de que esa idea quede plasmada e se traslade á opinión pública non lle importa que sexa realizable ou que non sexa realizable, eu vou a intentar ser o máis rigoroso posible con respecto a este tema. Mire, nós lle dicimos claramente, é imposible a día de hoxe que unha administración ou todas as administracións xuntas poñan 20.000.000.000 das antigas ptas. para construír un estadio de fútbol para unha SA deportiva, punto, primeira conclusión. Segundo tema, no suposto que se queira facer un estadio en Balaídos, que si é necesario, que si é necesario, hai que buscar outras fórmulas de xestión, outras fórmulas de xestión, e non pedir 20.000.000.000 das antigas ptas. ás administracións, e menos 35 millóns de euros, que son 6 mil millóns, á Deputación de Pontevedra, segunda cuestión. Terceira cuestión, Sra. Abelairas, nós estamos moi orgullosos dos campos de fútbol de herba sintética, porque vostede, bueno, co máximo respecto, seguramente de deportes entende o xusto, ¿non?, pero si, seguramente, de deportes entende o xusto, porque, faga un recorrido por cada un dos campos da provincia e se dará conta que son as instalacións máis utilizadas, mire o que lle estou dicindo, das instalacións máis utilizadas da provincia de Pontevedra, de Galicia e de España, lle podo asegurar que son os campos de fútbol, están en utilización, case, case durante todos os fins de semanas, xa ó completo, e durante a semana, pois unha porcentaxe elevada. Polo tanto, vostede eu creo que está neste tema totalmente en fóra de xogo, e valga a expresión, con respecto a que un proxecto do 99, minte señora, se vostede quere saír do paso, e lle estou dicindo que no 99 era concelleiro de deportes, e non se fixo ningún proxecto para Balaídos, ningún, porque nós, por sorte para a cidade, tiñamos outra fórmula de xestión totalmente distinta á que teñen vostedes, totalmente distinta. Nós non vamos a acudir, se gobernamos, a que as administracións paguen un estadio de Balaídos, única e exclusivamente, e vostede sabe que no ano 2000, gobernando o seu partido, D. Lois Pérez Castrillo, se plantexou para Balaídos unha fórmula que o custe era 0,0 euros, 0 euros, e despois chegou D. Ventura Pérez Mariño e desbotou esta fórmula e vostedes xa non foron capaces de recuperala, pero o Sr. Pérez Castrillo foi o que a reformulou co apoio do noso grupo político, unha proposta para Balaídos onde o custe era 0, e despois chegou o Partido Socialista e como nós non tiñamos maioría, foi totalmente imposible levar a cabo esa proposta porque vostedes se votaron ó monte, e o que dicía o D. Lois Pérez Castrillo, dixeron o contrario, e con respecto á redacción deste proxecto, mire, eu o que lle digo é que nós non coñecemos ningún expediente, supoño que algún custe terá todo o que presentaron, o boceto, as ideas, e ese estudo económico que vostedes fixeron, e se queren e ten a vontade e a iniciativa, eu lle pediría que nolo dera porque nós estamos falando, si que estamos falando só polo que din os medios de comunicación, e o que din os medios de comunicación é que a redacción do proxecto é dun equipo vasco, é o que din os medios de comunicación. E se quere lle mostro os recortes todos de prensa dos últimos días, e o que din vostedes de Pasarón, a diferenza que hai é que houbo un concurso público, esa é a idea, un concurso de ideas, ¿entende?, polo tanto está totalmente errado vostede. E, Sra. Abelairas, a min me parece moi ben que vostedes estean plantexando que a Deputación pague, hai que dicirllo ós cidadáns, o Bloque e o PSOE queren que a Deputación aporte 36 millóns de euros para o estadio de Balaídos, no momento que estamos a vivir, só que se faga unha reflexión, ¿lle parece xusto á xente que neste momento vostedes estean pedindo 36 millóns de euros de euros para construír un estadio ou 35 millóns?. Pero, ¿vostedes non son tan progresistas?, non son os que defenden ós traballadores, os que din que, “nós poderosos”, e os que atacan todo o que poden, sexa empresa ou empresario. Porque vostedes o discurso que están facendo, non sei se o Sr. Zapatero ó mellor non lle mandou os argumentarios, pero o ataque ós poderosos, o ataque ás grandes empresas e a defensa dos traballadores, mire, a nos preocúpanos moito máis, seguramente, pequenas empresas e pequenos traballadores que están pasando problemas, e iso non é demagoxia, non é demagoxia, é afrontar os problemas con prioridades, chámanse prioridades, seguramente o estadio de Balaídos, no ano 99, ou no ano 2000, ou no 2001, se podía construír ata con fondos públicos, que nós nunca fomos desa idea, só, repito, nunca fomos desa idea de construír un estadio con fondos públicos, pero se podía construír, pero vostede cree que chegando este país case, superando os 4 millóns de parados, e Vigo o 41% máis dende que gobernan vostedes na cidade de Vigo, é dicir, de 17.000 pasaron a 25.000 parados, é dicir, 8.000 parados máis só na cidade de Vigo en dous anos, nin plan E, nin plan Zp, nin nada. Estes son os datos reais, reais, e vostedes piden para un estadio de fútbol, para unha SA, 36 millóns de euros, se queren escoitarnos convoquen unha comisión e nós lle daremos a nosa idea, e lle diremos como se pode construír un estadio de fútbol para a cidade de Vigo, e optar ó mundial con custe case, con achega case 0 de fondos públicos. Nós llo dicimos, non nos custa absolutamente nada, porque o temos, temos a nosa proposta, temos a ubicación, e temos como se pode facer a construción dese estadio con custe 0 e incluso revitalizando o que pode ser unha parte importante da cidade, se queren vostedes, nos escoita e llo dicimos, pero vostedes non teñen imaxinación, vostedes son as das 47 garderías que fan 0, son os das 6.000 vivendas protexidas que de momento puxeron en marcha 0. Pero, ¿como se van a construír vivendas protexidas se é imposible desenvolver nin os planeamentos?, pero, é o que fan vostedes continuamente, única e exclusivamente, é dicir, os grandes proxectos, as fantasías, iso si, hai que dicirlle tamén ós veciños que no plan NOUVEL en Vigo o seu alcalde actual se gastou 3 millóns de euros só en maquetas e en publicidade, 3 millóns de euros nun concurso de ideas, ¿sabe o que significa iso?, 500 millóns das antigas ptas., 500 millóns en maquetas, nun concurso de ideas, que non hai nin proxecto, nun anteproxecto, nun concurso de ideas, si Sr. Mosquera, se quere lle paso os datos, supéranos, vostedes, niso son mestres, en Vigo o goberno de Vigo e o alcalde de Vigo son mestres, eu creo que en Galicia e en España, de como hai que facer maquetas e gastar o diñeiro público para dilapidalo en publicidade, lle ganan, miren, vostedes. Sr. Presidente.- Moitas gracias Sr. Figueroa. Dona Isaura Abelairas. Sra. Abelairas Rodríguez.- ¡Ai por Dios!. É que é moito Sr. Figueroa, é que me estresa moitísimo, porque fala tanto, tanto, tanto. Mire, o falar non ten cancelas, pero, “el que mucho habla, mucho yerra”, a ver, Sr. Figueroa, ¿por que non aplicaron ese sistema en Pasarón?. ¿Por que investiron en Pasarón?. A ver, mire, vale, a ver, para os medios de comunicación …, lle estou dicindo que en Pasarón aplicaron ese sistema porque non quixo aquel, non sei quen é aquel … Sr. Presidente.- Sra. Abelairas, ese tema non o coñece, polo tanto é mellor que non opine. Sra. Abelairas Rodríguez.- Non, simplemente estou repetindo o que dixo o Sr. Figueroa. Sr. Presidente.- Non, pero é que non o coñece. Sra. Abelairas Rodríguez.- O que dixo o Sr. Figueroa, déixeme falar a min, Sr. Presidente. Sr. Presidente.- Termine. Sra. Abelairas Rodríguez.- Vale, ademais mire, unha non se molesta por determinadas cousas, non teño ningunha titulación deportiva, Sr. Figueroa, ningunha, nin son entrenadora, nin son xogadora de fútbol, non son nada, pero teño algo de sentido común, pero, ¿tena vostede?, ¿cal é o problema?, eu non a teño, non teño ningunha titulación deportiva, ¿tena vostede?. A min non me importa en absoluto se as ten ou non, non me importa nada. Mire, dos 36 millóns de euros que se pide, pídese que se repartan ben, que se repartan ben, eu díxenlle algunha das fórmulas, que poden ser mellor ou peor, pero díxenlle unha das fórmulas, e como vostede está facendo demagoxia e aproveita o tema dos parados, e non sei que, non sei canto, miren, todo o mundo incluído os medios de comunicación, que son persoas suficientemente intelixentes, como para saber discriminar cando un está facendo demagoxia, e fala durante moito tempo, ou está dicindo a verdade … Miren, nin Vigo, nin Pontevedra, lle ten moita responsabilidade no tema do paro, eu creo que as políticas deseñadas polos especuladores amigos do seu partido, levaron a esta situación. “Los mercados no se regulan a si mismos”, hai que ter coidadiño, hai que ter coidadiño. Mire, está falando vostede de que o alcalde de Vigo fixo non sei cantas maquetas, bueno, eu vin aí unha exposición de maquetas que me gustou, eran máis pequeniñas, pero si, gustáronme, dos edificios da Deputación, gustáronme. Mire, e os 2 millóns de euros que se gastaron nun despacho cando a alcaldesa de Vigo xa tiña despacho, e fan outro despacho no Areal, e vostede daqueles 2 millóns cando a alcaldesa de Vigo deixa de ser alcaldesa de Vigo, se gastan vostedes noutro despacho, noutro local alí ó lado, ¿facemos demagoxia?. Sr. Figueroa, home, eu creo que hai que ser un pouquiño serios, digan vostedes, digan vostedes que non queren investir en Vigo nin 1 euro, dígano vostedes, por certo fagan, arranxen polo menos os que son propios da Deputación, pero dígano claramente. De todas formas, os cidadáns de Vigo xa o saben. Sr. Presidente.- Gracias Sra. Abelairas, Sr. Alonso. Sr. Alonso Pérez.- Para terminar o debate, eu creo que está claro, pero quero facer un esforzo de diálogo e aclararlle primeiro, primeiro dicir que a proposta do proxecto, o propio Sr. Figueroa o di aquí na prensa, o propio Sr. Figueroa dicía que o mellor era non facer pequenos parches e irse ó proxecto do ano 1999, ou sexa, era el quen o dicía, nós o que fixemos é recuperalo, pero en todo caso aclarar, que os 35 millóns de euros que cuantifican de apoio á Deputación, quero aclarar cal é a razón e con ánimo que ó final non se poña freo ó proxecto, que eu creo que é o mellor se dalgunha maneira lles asustou un pouco a cifra, pero a cifra a puxeron vostedes. Leva dicindo o Sr. Figueroa nos plenos da corporación viguesa que ten 35 millóns de euros para investir en deporte en Vigo, en cada pleno mo di, eu son concelleiro de deportes, entón digo, se alí sempre di que ten 35 millóns de euros, pois o que el di que ten llo pedimos, pero eu si que estou de acordo, estou de acordo con todo o que dixo, a metade das cousas foron inexactitudes, non estudar o que se está falando, falar por falar, pero hai unha cousa que dixo que é certa e que eu comparto, e é que non debemos ir exclusivamente ó erario para facer o proxecto, e tampouco porque nestes momentos na fase, e eu me estou esforzando a que mo entendan, estamos nunha fase inicial, e é unha situación de apoio de intención de todas as administracións, por iso vou a facer un esforzo de diálogo, e para non deixalos a vostedes fóra, que me parecería un erro terrorífico nesta fase, vou a eliminar o dos 35 millóns porque iso é a cifra que puxeron vostedes, non eu, xa digo que o Sr. Chema Figueroa me di en todos os plenos que ten 35, pois se os ten que os poña, pero xa vexo que non, pero en todo caso, eu podería rectificar se hai un ánimo de que ó final todos sumemos, podería rectificar e eliminar a cantidade, é dicir, que a Deputación apoia o proxecto da reforma do estadio de Balaídos para que participe no proxecto do mundial, e que a cuantificación a faremos en función do proceso do reparto que signifique a aportación privada, a aportación pública de todas as administracións, porque a administración central que é a oportunidade, por iso é unha oportunidade, que a administración central, na Federación de Fútbol, na Federación Española, haxa diñeiro que veña como veu no 82 para o mundial. Esa oportunidade non podemos perdela, sería lamentable que a perdamos porque a Deputación tampouco tivera cintura, de que senón son 35 millóns, e teremos que cuantificar nun futuro, cando teñamos unha aportación privada e das distintas administracións, que cifremos cal sería a aportación da Deputación. Con isto eu creo que salvaríamos o escollo de que o PP non tome unha decisión, quedou na mente por poñer trabas a un proxecto que a cidade de Vigo está ilusionada con el, é un proxecto realista, é un proxecto que ademais a cuantificación do diñeiro, que está falando o Sr. Chema Figueroa, está incluíndo os aparcamentos, a reforma do entorno da praza, a mellora do río, porque non coñece ben que, efectivamente, nós partimos da base do proxecto do 1999 de Eidom, pero o melloramos en canto a cuestión medio ambiental e a mellora de transporte e de aparcamentos. Entón, eu a proposta, se vostedes lles parece ben, sería eliminar a cuestión da cuantificación en función de que todas as administracións ó final saibamos canto aporta cada unha, pero que a Deputación non sexa a única administración que lle dea a espalda á cidade de Vigo e que poña un problema, porque si que sería moito máis grave. Moitas gracias. Sr. Presidente.- Gracias Sr. Alonso. Sr. Figueroa. Sr. Figueroa Vila.- Nós estaríamos dispostos a aceptar unha reformulación da proposta sempre e cando se inclúa, primeiro, que se entregará a documentación e se convocará tanto á Deputación como ó grupo maioritario do concello de Vigo para coñecer a proposta en detalle. E segundo, que o estadio de Balaídos terá que reformularse os fondos, é dicir, que os fondos terán que ser públicos e privados, se aparece que as achegas son públicas e privadas e que se estude unha reformulación, nós, evidentemente, non podemos apoiar agora mesmo unha fórmula do estadio, porque non coñecemos cal é a proposta do estadio, por iso se vostedes din que a Deputación apoiará a unha reforma ou unha construción dun estadio en Vigo, buscando o financiamento privado e o financiamento público. Sr. Presidente.- Apoiará, pero sobre todo que nos sentaremos primeiro a falar, digo eu, porque aquí eu xa lle concretei Sr. Alonso, que empezamos a casa polo tellado, este señor que é portavoz do grupo maioritario en Vigo, o que coñece, o coñece a través dos medios de comunicación, creo que iso non é razoable, en primeiro lugar. Segundo lugar, evidentemente, isto primeiro require sentarse nunha mesa e falar, e a partir de alí traballar en iso. Sr. Alonso. Sr. Alonso Pérez.- Eu creo que xa o expliquei, pero ó mellor non se quixo escoitar, é o proxecto do 99, o coñece todo Vigo, o Sr. Chema Figueroa o coñece, adaptado á FIFA, adaptado ás normas FIFA, en todo caso como o meu ánimo e dar toda a documentación e transparencia e diálogo, eu claro que estou aberto a que coñezan todos os pormenores do que necesitamos, do proxecto do 99 adaptado á FIFA, o que nos esixiu a FIFA, claro que estou á disposición para que o coñeza, e estou tamén de acordo en que buscaremos todas as posibles fórmulas de financiamento públicas e privadas. Sr. Presidente.- Sr. Figueroa. Sr. Figueroa Vila.- Bueno, eu creo que a postura nosa está perfectamente clara, é dicir, nós o que queremos é que o equipo de goberno de Vigo formalice a proposta que vostedes teñen, que nós descoñecemos oficialmente, só a coñecemos a través dos medios de comunicación. Tanto o goberno en Vigo, digo o Grupo Popular en Vigo como o grupo de goberno da propia Deputación e o Presidente, esa é unha cuestión que ten que quedar clara, a redactamos como queira, pero ten que quedar claro que temos que coñecer a proposta para pronunciarnos; e segundo, que nós vamos a facer unha proposta dunha fórmula de xestión, onde o custe para os fondos públicos sexa menor, e incluso buscar a fórmula que sexa case 0, e como a temos, se vostedes nos queren escoitar con esa filosofía, perfecto, senón nos queren escoitar con esa filosofía, pois, votaremos en contra e diremos claramente o que queremos, é dicir, está claro que nós queremos que Balaídos …, que se constrúa un estadio en Vigo, un estadio para o Real Club Celta, pero o que queremos é que o custe para os fondos públicos se pode ser 0, que sexa 0 e senón que sexa o menor posible, e nós entendemos que temos unha proposta que vostedes poden estudar tamén. Sr. Presidente.- Finalmente, para facer a proposta, dicir que a Deputación está disposta a abrir esta mesa de diálogo para traballar na posibilidade de encontrar apoio desta casa, porque deberíao de haber, pero sempre e cando exista unha mesa de diálogo onde estean representantes dos 3 grupos políticos do concello de Vigo e por suposto da Deputación de Pontevedra … Sr. Alonso Pérez.- A ver, se cada dous minutos cambiamos a proposta … Sr. Presidente.- Non, non, a proposta é así … Sr. Alonso Pérez.- A moción a presenta o BNG e cun ánimo de diálogo, estou dicindo que estou disposto a pasarlle toda a información que queira, e a proposta é a seguinte: a Deputación apoia a sede de Vigo para o mundial 2018 e comprométese a cofinanciar na medida en que se acorde polas distintas administracións, na medida que lle toque, na cantidade que se designe no momento, e que na moción engadimos, que estou de acordo en buscar todas as fórmulas de financiamento. Sr. Presidente.- Esa proposta non é aceptada polo Grupo do Partido Popular, polo tanto iremos á votación. Pero de todas as maneiras vostede non pode pedir agora o que non fixo, é dicir, eu darei toda a información, vostede de momento non deu nada ó grupo maioritario do concello de Vigo, non lle deu absolutamente nada, non, a Deputación tampouco. Vostede o que presentou aquí foi unha moción e o Partido Popular ó que está disposto dende a Deputación de Pontevedra é a abrir unha mesa de diálogo, sentarse a falar do financiamento de Balaídos e que dalgunha maneira apoiará, pero, cando coñeza en profundidade o proxecto e cando teña os datos necesarios para poder decidir. Non vai a apoiar, evidentemente, unha moción onde manifeste, como vostede ben di, que achegará a parte correspondente, iso non estamos dispostos baixo ningún concepto, evidentemente, porque non o fixemos así cando foi no concello de Pontevedra polo estadio de Pasarón, chegamos a un acordo e polo tanto esa é a forma nosa de traballar. Polo tanto … Sr. Alonso Pérez.- Acabamos, está claro que todos os esforzos de diálogo para que a Deputación se sumara son inútiles, e ó principio era quen facía o proxecto, despois, cal era o proxecto, despois, canto custaba o proxecto, e unha vez que se foron caendo todas as barreiras que se poñían, porque o proxecto é o do 1999, o coñecen, non lles interesa, eran os vascos, resulta que non era así, son os mesmos que fixeron Pasarón, despois eran os 35 millóns, agora non son os 35, tampouco lles vale, vostedes non queren apoiar a moción, todos estes esforzos de diálogo non serviron, entón pasamos á votación da proposta co enunciado que ten, e que é a proposta final, que é apoiar a sede de Vigo do mundial 2018 e comprometerse a cofinanciar na medida que se acorde na Deputación, esa é a proposta definitiva. Sr. Presidente.- Bueno, pois procedemos á votación. E polo tanto xa digo, o Partido Popular, maioritario na Corporación Provincial, manifesta o seu apoio, evidentemente, a que Vigo sexa unha das 14 sedes, sen ningunha dúbida, pero previamente, para iso, para que a Deputación estea presente e poida apoiar, debe coñecer o proxecto e ter unha reunión previa para que poidamos sentarnos e falar do financiamento, así non o van a facer porque sería falar e facer un canto ó sol, que nós temos outra maneira de traballar que non é precisamente esa que vostede di, vostedes actuaron con sectarismo dende onde estiveron gobernando, o fixeron dende a Xunta de Galicia, así lles foi, e quéreno intentar facer dende o concello de Vigo, así non o van a conseguir. Polo tanto, nós temos claro cales son as prioridades, sabemos que Vigo merece e necesita unha instalación dese tipo, pero antes, evidentemente, hai que sentarse a falar e a dialogar, e a Deputación está disposta a dialogar e a buscar un consenso, vostedes non o queren, pois alá a súa responsabilidade, Sr. Alonso. Sr. Alonso Pérez.- Eu creo que se o Pleno evidenciou algo, este Pleno, foi a posibilidade de consenso, de aclararlles todas as dúbidas, todas quedaron clarificadas, todos os argumentos do Partido Popular caeron polo seu propio pé, e ó final o único que ofreceu consenso foi o que presentou a moción, que incluso está de acordo a modificala para que entrara no consenso. Pero vostedes non o demostran, prefiren de novo castigar á cidade de Vigo, e bueno, esa é a súa política por non ter alí o goberno municipal, eu creo que é un erro, pero é a súa responsabilidade. Sr. Presidente.- Moitas gracias, moitas gracias Sr. Alonso. Bueno, dicirlle que de sectarismo vostedes saben ben, o practicaron durante 4 anos na Xunta de Galicia, e así lles foi, e polo tanto diso non nos van a dar leccións, dende aquí, non nos van a dar leccións, estea tranquilo, sabemos a importancia que ten a cidade de Vigo, sabemos que Vigo se merece esta oportunidade, e sei que a vai a ter, seguramente a vai a ter, pero cando vostedes, dalgunha maneira non lles quedará máis remedio, evidentemente, que sentarse a falar coa Xunta de Galicia, e sentarse a falar tamén coa Deputación de Pontevedra. ¿E como non van a falar vostedes co grupo maioritario que ten neste caso a corporación de Vigo, que é o Partido Popular?, ó cal obviaron en todo momento. Polo tanto, ¿votos en contra?. O Partido Popular. A maiores vota …, voto de calidade do Presidente da Deputación. Como queiran, votamos antes o ditame, senón votamos a moción, o Poñente xa a reformulou. Polo tanto a ver se … ¿Votos en contra?. Partido Popular voto de calidade do Presidente. Bueno, pois votamos de novo. ¿Votos en contra?. Partido Popular. ¿Votos a favor?. ¿Abstencións?. Non hai. Polo tanto, queda rexeitada. Xa votei dúas veces, home … ¿Votos en contra de novo? ... O Secretario o está dicindo, pero gústavos reiterar algo …, que, ¿queremos facer un paripé aquí ou queremos ser realistas?. ¿Que queres?. Digo eu, porque sexamos … non … dos que … Por maioría de votos en contra do PP e cos votos a favor do PSdeG-PSOE e do BNG, acórdase rexeitar a Moción do Grupo Provincial do BNG en relación co investimento da Deputación Provincial no Proxecto do novo Estadio de Balaídos. 4.5866.- MOCIÓN CONXUNTA APOIANDO AS REIVINDICACIÓNS DOS TRABALLADORES DA EMPRESA TRÈVES GALICIA Sr. Presidente.- Punto número 4. Moción conxunta apoiando as reivindicacións dos traballadores da empresa Trèves Galicia. Finalmente se fai unha proposta de moción conxunta dos tres grupos políticos, que di que a Deputación de Pontevedra insta á Xunta de Galicia para que rexeite o expediente de extinción de emprego da empresa Trèves Galicia e se implique na solución de garantir o mantemento da actividade industrial e dos 133 postos de traballo existentes na actualidade. Sr. Mosquera. Sr. Mosquera Lorenzo.- Gracias Sr. Presidente. Despois deste desafortunadisimo debate, a verdade é que chega este asunto no que afortunadamente, afortunadamente, a pouca ou nula altura institucional que demostrou o Partido Popular e o Presidente no anterior debate, unha cousa é cara fóra e outra cousa é cara dentro, se nos presentamos a algo cara fóra hai que ir unidos, cara dentro deámonos as patadas na canilla que sexan. Pero bueno, moi pouca altura institucional, neste caso si a houbo, aquí afortunadamente aínda que foi unha moción presentada, parece ser primeiro polo PSOE, despois presentouna o BNG, no debate na Comisión foi a instancias da moción do BNG, que á súa vez era unha solicitude dos traballadores, o Comité de empresa, pois se houbo esa altura institucional, afortunadamente e agardemos, podía servir, podía servir para outras. Entón, ó final, pois queda unha proposición conxunta que eu creo que é admirable neste caso, na que, gracias á combatibilidade e defensa dos seus dereitos, dos traballadores e traballadoras, sobre todo, non o digo polo número, e do Comité de Empresa, e o apoio das institucións, ás veces máis claro e outras veces menos, pois agardamos que teña un final feliz, ou sexa, neste caso vamos a manifestar a nosa opinión, como xa fixemos no concello de Pontevedra e noutra serie de instancias, e agardemos, e vamos a seguir con esta intención. E quero, quero destacar isto porque estamos nuns tempos nos que parece que, ou se trata de votar, ou sexa, de difundir unha especie de que, en fin, todo está globalizado, todos somos unha maravilla, globalización e demais, e cando unha transnacional pois ten unha ocorrencia deste tipo, non, como empresa que non ten perdas, que ten carga de traballo, que pode perfectamente funcionar, pois se ten a vontade de dislocala, pois pouco hai que facer, e parece que hai que facer, parece que hai que facer e fagámolo, parece que este acordo que vamos a adoptar hoxe é positivo neste sentido. En todo caso creo que tamén sería bo comunicarllo á propia empresa, porque xa a empresa mañá o lerá e o escoitará, pero vamos, sería ben comunicarllo á propia empresa e que sepan que os traballadores, e cando hai apoio e arroupo social, pois non se pode xogar con esta alegría, a pesares desta vontade, e a ver se se empeza a reverter un pouco esa tendencia, é que parece que vale todo con tal de que se aforre un euro ou se poida ter máis beneficio. É lóxico que unha empresa busque o beneficio, pero todo ten uns límites, verdade, e eses límites creo que hai que ir poñéndoos, creo que hai que ir poñéndoos. Non vou a remitirme ó marco que temos, tratados europeos e demais, que precisamente van todo polo contrario, pero bueno, aínda que sexa por abaixo, a base de loitas e de defensa dos intereses, creo que eses límites hai que ir poñéndollos porque estamos nunha crise que ten bastante que ver con esta falta de loita. En todo caso, eu o único que podo dicir é todo o apoio ós traballadores, ó Comité de Trèves, e ánimo, e agardemos que sexa un exemplo de como unha loita deste tipo se pode gañar. Para nós sería unha enorme satisfacción, por eles e incluso pola política económica e xeral que están facendo estas empresas transnacionais. Moitas gracias. Sr. Presidente.- Gracias Sr. Mosquera. D. Emilio González. Sr. González Iglesias.- Si, vamos a ver, como antes dicía o Voceiro do BNG, efectivamente, nós presentamos a moción o día 18, e realmente, sexamos serios, realmente o que buscamos todos ou o que tratamos de buscar naquel momento era que se produxera un acordo dos tres grupos políticos. Polo tanto, dixémolo na Comisión e así se mantén, é dicir, renunciamos á moción que presentamos naquel momento en aras de que houbera un acordo unánime, é dicir, acabamos de firmar os tres portavoces a moción nese sentido, e sinceiramente Sr. Presidente esta é a razón, a única razón de que o Grupo Socialista estea nestes momentos no Pleno, senón nos houberamos ausentado antes de empezar. Porque, claro, estamos ante situacións que se veñen dando Pleno tras Pleno, é dicir, o Pleno se convoca para as once da mañá e o Presidente abre o Pleno ás once en cuarto, pero non é hoxe o único día que se fixo, vense facendo sistematicamente. É curioso, os Deputados da oposición chegan antes, é dicir, ás once están no asento, o Presidente sempre dez minutos tarde, un cuarto de hora tarde, é dicir, é un desprezo absoluto, absoluto á oposición e á institución, desprezo que vai no mesmo sentido, exactamente no mesmo, cando hai uns días os traballadores desta empresa queren falar con vostede e vostede pecha as portas. Pero non é a primeira vez que o fixo, é dicir, dous meses antes, cando había uns veciños de Gondomar que querían asistir ó Pleno, vostede pechou as portas tamén, curioso, pero pechounas a todo o mundo, incluído algúns Deputados da oposición que estabamos intentando entrar para o Pleno naquel momento. Presidente, é dicir, volvo a repetir, empeza a tomarse en serio isto e empeza a haber un respecto institucional polos grupos, ou de verdade que teremos que replantexarnos a fórmula de actuación todos nesta casa. Dicía antes a miña compañeira Isaura que parece, parece, polo menos polas formas, que a democracia non chegou a algunhas persoas e entón hai que empezar a reciclarse rapidamente. Ben, ó asunto que nos ocupa. Dicíalle antes que para nós foi o que nos levou a seguir no Pleno, nos parece que agora mesmo falta un paso importantisimo, un paso que ten nas súas mans a Conselleira de Traballo, e non vamos a dudar dos bos oficios do Presidente da Deputación diante da Conselleira de Traballo para alcanzar o obxectivo que se plantexa na moción. Volvo a repetir, eu non vou dudar en absoluto dos bos oficios e do traballo de vostedes nese sentido. Nada máis que dicir, que bueno, que loxicamente vamos a votar a favor e esperamos que haxa un pronunciamento unánime sobre este tema. Nada máis. Sr. Presidente.- Moitas gracias Sr. González. Eu sei que, mire Sr. González, vostede e máis eu xa nos coñecemos hai moitos anos, vostede leva aquí na casa máis anos que eu na oposición, máis anos na oposición, por algo será, só lle vou deixar así ese recado, por algo será que leva tantos anos na oposición. Vostede quería evidentemente que eu lle entrara ó xogo, pero vostede tranquilo que eu non lle vou a entrar ó xogo, sei que disfruta moito cando vostede pica para que eu lle entre, eu sei, bueno ó mellor nos apetece, hai algún momento que nos apetece, hoxe estea tranquilo que non vamos a entrar nese xogo, estea tranquilo, leva moitos anos aí na oposición e vai a seguir moitos máis anos na oposición, son moitos anos. O outro día recordaba con non sei quen, ¿pero aínda está alí?, pois si está na oposición, no mesmo sitio onde estaba, e vai a seguir aí Sr. González, vai a seguir aí. E de desprezo vostede non fale, de desprezo en Redondela saben ben, saben ben como se levan os Plenos en Redondela, non fale diso, non fale. Polo tanto, mire, democracia, democracia hai que practicala co exemplo, e coherencia tamén, ou sexa que polo tanto estea tranquilo Sr. González que non vou a entrar nese xogo. E tamén, como fixo un comentario en relación a este tema, sei que se fora o goberno bipartito naquel entón, non diría o que acaba de dicir agora, de responsabilizar á Conselleira de Traballo, que está nas súas mans o resolver este problema. Sexa coherente Sr. González, sexa coherente, vostede, o Sr. Mosquera e máis eu, todos temos enorme interese en que esta situación se arregle, en que esta situación se arregle e ogallá así sexa, eu xa llo dixen a eles e están aquí parte dos seus traballadores. Eu ás veces non son partidario destes papeis que se quedan en nada, porque os papeis están moi ben, son moi bonitos, son acordos de todos, de acordo, porque ese é o interese de todos, pero a autoridade competente, laboral neste sentido, que lle dirá agora a Sra. Pedrosa, pois é quen ten que decidir sobre ese ERE. De todas maneiras as miñas últimas conversas coa Conselleira de Traballo, creo que nese sentido como alternativas para outras cousas, van por bo camiño, polo que ela me tratou de trasladar. Pero dalgunha maneira sexa responsable e non intente sacar cuestión política onde non a hai, aquí só hai un interese e o interese é que aquí hai unha serie de traballadoras moi importante, un número moi importante de traballadoras que necesitan que teñan traballo, e moitos máis evidentemente, debido á situación preocupante que ten este país. Polo tanto, xa digo, non se poña así melancólico dicindo que, bueno, se o retraso, se o desprezo, se a democracia, e todo iso, que vostede diso xa sabe bastante, xa nos coñecemos, home, levamos moitos anos, pero vostede me gaña en dez polo menos, pero sempre no mesmo sitio, na oposición, polo tanto por algo será. Sra. Pedrosa. Adiante. Sra. Pedrosa Silva.- Buenos días a todos y a todas. Es cierto que este es uno de los expedientes de regulación de empleo más importantes que se presentaron en Galicia en este último año, y decir que se presentaron muchos, porque el número de expedientes de regulación de empleo se incrementó en un 600 o 700 por cien en relación con el año anterior, y hay casi 900 planteados en este momento en Galicia. Pero si bien es cierto que hay muchos, de extinción de la totalidad de las relaciones laborales de trabajo pues hay pocos, y que no tengan acuerdo de los trabajadores aún menos, porque de esos 900 expedientes de regulación de empleo que se presentaron en Galicia, aproximadamente la mitad son de fuerza mayor y la otra mitad en período de consultas y se llegó a un acuerdo entre empresarios y trabajadores y a una resolución o … por la autoridad laboral competente. Este es un caso donde no hay acuerdo, además no hay informe favorable tampoco de la inspección de trabajo, porque se trata de un expediente de deslocalización de puestos y de cierre por cambio de ubicación, para ahorrar costes como se pone en la exposición de motivos. Por eso, sintiendo que la solución del problema no se acaba ahí, no se acaba en la resolución del expediente de regulación de empleo como decía antes Mosquera, esperemos que tenga un final feliz, pero es que el final feliz por desgracia no es sólo que se rechace el expediente de regulación de empleo, porque la empresa en vez de pagar veinte días pagará cuarenta y cinco y si quiere cerrar cierra. Y lo que quieren los 133 trabajadores afectados es seguir trabajando, con lo cuál yo creo que además de instar a la Xunta de Galicia para que inste a la autoridad laboral, y la Xunta de Galicia resuelva desfavorablemente este expediente, y no se apruebe el expediente de regulación de empleo, que por ahí con este informe que hay está claro, también debemos de instar a la empresa a que haga todos las cuestiones posibles para que la empresa se quede aquí, para que no cierre ni con expediente ni sin expediente de regulación de empleo, un centro de trabajo que tiene ahora mismo en esta ciudad, que tiene carga de trabajo hasta dentro de varios años, y que no lo traslade porque hay 133 familias afectadas y otras 200 que trabajan en otro centro de trabajo de la misma empresa, en la misma ciudad, y yo creo que debemos todos, los tres grupos desde luego, pues votar a favor de esta moción, pero también no trasladar sólo para dar conocimiento a la empresa sino que se implique como en otras veces se implican otras empresas, y que de una oportunidad a seguir manteniendo abierto este centro de trabajo que funciona bien y que da trabajo a muchas familias de esta ciudad. Muchas gracias. Sr. Presidente.- Moitas gracias Sra. Pedrosa. Polo tanto como hai acordo dos tres grupos políticos para esta moción, con ese único interese e afán da Corporación Provincial toda, Bloque Nacionalista Galego, Partido Socialista e Partido Popular, así o trasladamos e así o remitimos e seguiremos traballando na procura da mellor das solucións para este caso que é o que realmente nos interesa. Polo tanto, ¿votos a favor?, que son todos. Por unanimidade se aproba esta moción, e trasladamos tamén de aquí a nosa solidariedade, de todos os membros desta Corporación, ás traballadoras de toda esta grande empresa en Pontevedra. De conformidade co ditame da Comisión Informativa de Réxime Interior e Persoal o Pleno acorda por unanimidade aprobar a Moción conxunta apoiando as reivindicacións dos traballadores da empresa Trèves Galicia. Dita Moción é como segue: “José Manuel Figueroa Vila, voceiro do Partido Popular na Deputación Provincial de Pontevedra, Emilio González Iglesias, voceiro do Grupo Socialista e Francisco Xabier Alonso Pérez, deputado provincial do Bloque Nacionalista Galego, ó abeiro da lexislación vixente presentan a seguinte moción ó Pleno da Corporación: EXPOSICIÓN DE MOTIVOS Na actualidade padecemos unha grave crise económica que está a ter unha incidencia social moi negativa debido á forte destrución de emprego que provoca, sendo aproveitada por algunhas empresas para recortar os dereitos dos seus traballadores e traballadoras. Neste caso se encontra a empresa Tréves-Galicia, que conta con dous centros de traballo en Pontevedra e vén de anunciar o peche dun deles para trasladar a súa fábrica a Marrocos. Esta empresa fabrica compoñentes téxtiles e plásticos para o sector da automoción, fundamentalmente para Citroën. A fábrica, instalada na Avenida de Vigo e que dispón de máis de 130 postos de traballo, serve pezas para a súa composición definitiva na planta do polígono industrial de O Campiño, que conta con preto de 200 traballadores; esta última instalación tamén recibe pezas de Marrocos e Portugal. O peche da planta da Avenida de Vigo, que xa ten pasado por distintos expedientes de regulación de emprego, vén motivado, segundo a empresa, por razóns organizativas, sen embargo, os sindicatos temen que se trate dunha clara deslocalización da produción a Marrocos na busca dunha redución dos salarios dos traballadores. Esta empresa recibiu diversas subvencións para a formación dos seus traballadores e para a conversión dos empregos en fixos. Agora presenta un expediente de extinción de emprego que a Xunta de Galicia terá que estudar, tendo en conta que Trèves neste momento ten garantida a carga de traballo ata o ano 2014 cos novos modelos que Citroën fabricará en Vigo. Por todo o exposto, preséntase ó Pleno da Corporación a adopción da seguinte: MOCIÓN A Deputación de Pontevedra insta á Xunta de Galicia para que rexeite o expediente de extinción de emprego da empresa Trèves-Galicia e se implique na solución de garantir o mantemento da actividade industrial e dos 133 postos de traballo existentes na actualidade.” 5.5867.- MOCIÓN DO GRUPO PROVINCIAL DO BNG SOBRE A NECESIDADE DE ELABORAR UN PROXECTO DE SEGURIDADE VIAL NA EP-1104 (MOAÑA-COIRO) Sr. Presidente.- Moción do Grupo Provincial do BNG sobre a necesidade de elaborar un proxecto de seguridade vial na EP-1104 (Moaña-Coiro). Ten a palabra D. Daniel Rodas. Sr. Rodas Chapela.- Bos días a todos. Gracias Sr. Presidente. Traemos esta moción unha vez máis por un vial no concello de Moaña, que ben pode ser a mostra da política desenvolvida por esta institución con respecto a aqueles concellos onde difire a cor política que goberna alí da que goberna aquí. A modo de introdución, dicir, que vamos, a moción é da estrada … a Coiro, onde a Deputación investiu recentemente 219.000 euros para mellorar a capa de rodadura. Como ben sabe, levamos moitisimo tempo reclamando a mellora dos viais na localidade, e bueno, pois en principio esta foi unha actuación que desenvolveu unilateralmente a Deputación e que tivo unhas consecuencias pois bastante perigosas, dado que o que se conqueriu foi únicamente mellorar o firme sen facer ningún tipo de mellora no vial, co cal agora conseguimos que, o vial, os coches se embalen, preferentemente, e que non quedara espazo ningún para os peóns. Isto está provocando unha alarma social e o que trouxo consigo foi un acordo plenario requiríndolle á Deputación que adoptara as medidas pertinentes, e tamén, pois que diferentes colectivos veciñais que se dedicaran a recoller firmas para que dito vial pois sexa mellorado. Entón, despois de tanto tempo esperando a que se mellorara algún vial, realmente a proposta que se fixo é bastante catastrófica no sentido de que se empeorou bastante máis as condicións que tiña o vial co que está na actualidade. Entón, o que pedimos é que se acorde a elaboración dun proxecto de seguridade viaria para os peóns, onde se contemple a realización de arcéns, aceiras, e recollida de augas pluviais, para paliar as deficiencias desta estrada. E ó mesmo tempo, iso xa existe, é un acordo cos colectivos sociais de que se vai a efectuar, pero o que queda é a parte importante, que despois de poder elaborar o proxecto que realmente haxa a posibilidade de executala, como ben se recolle nunha nota de prensa recente, onde incluso a Deputación se comprometía no prazo de tres anualidades a poder acometer dita mellora. Estamos a falar dunha cuestión que é bastante urxente porque se mirades as fotos que saían na prensa de onte, pois xa se ve que dende a sinalización horizontal e dende a liña exterior hacia o terraplén, que non queda nin unha cuarta, e por non dicir que a sinalización horizontal non se completou porque en determinados tramos o ancho é totalmente insuficiente. Polo tanto, a segunda cuestión que plantexamos é que se inclúan as dotacións orzamentarias necesarias para completar a mellora da seguridade viaria nesta estrada con cargo ós fondos propios da Deputación. Nestes intres pasa a presidir o Pleno o Sr. Vicepresidente D. Xosé Manuel Figueroa Vila. Sr. Presidente.- Moi ben, moitas gracias. Sr. Sotelo. Sr. Sotelo Villar.- Bos días. Solucionados os problemas técnicos, dicirlle Sr. Rodas, en primeiro lugar, que non podo coincidir polo menos con parte da exposición de motivos que vostede fai aquí, nin cor política, nin, evidentemente se o ancho é agora insuficiente, antes sería insuficiente tamén, supoño eu, quero supoñer, e a Deputación fixo neste caso o que tiña que facer, e fíxoo onde tiña competencias, na capa de rodadura, coincidirá comigo que esa capa de rodadura non estaba na mellor das situacións posibles, e a mellorou, e esa é a obriga que ten a Deputación. Da lectura da súa moción, home, como dicía antes, bueno, pois parece que o vial era ancho e despois de pavimentar encolleu, parece que os coches para que non corran pois debía de estar no estado en que estaba a estrada, debía ter baches para que non correran os coches. Home, entendemos que se pode mellorar esa situación, e ese é o compromiso con carácter inmediato, que se vai a mellorar a sinalización actual, e, como digo, iso se fará con carácter inmediato. E tamén ten que coincidir comigo que haberá tramos onde se poida facer esa urbanización e outros vai a ser moi complexo, e para iso a Deputación vai a cumprir o compromiso que no seu día manifestou, o vai a cumprir; primeiro, repavimentou ese vial, e, en segundo lugar, vai a facer ese proxecto, vaino a facer, veremos de canto é a contía dese proxecto, se remitirá ó concello e cando teñamos os terreos pois se actuará. E o que está claro, home, eu non sei se o vai a facer con fondos propios ou con fondos dalgún plan, pero o que si estou seguro que non os vai a facer con fondos reservados, iso seguro que non o vai a facer. Sr. Presidente.- Votamos. ¿Votos en contra?. ¿Abstencións?. Todos a favor. De conformidade co ditame da Comisión Informativa de Infraestruturas e Servizos Xerais, o Pleno acorda por unanimidade, aprobar a Moción do Grupo Provincial do BNG sobre a necesidade de elaborar un proxecto de seguridade vial na EP-1104 (Moaña-Coiro), proxecto que será remitido ó concello de Moaña para a súa supervisión, fixándose no posible convenio a firmar as obrigas que ó respecto asuman ámbalas dúas administracións. Dita Moción é como segue: “O abaixo asinante, Daniel Rodas Chapela, Deputado Provincial do Bloque Nacionalista Galego, presenta a seguinte Moción relativa á necesidade de comprometerse na elaboración dun proxecto de seguridade viaria para a estrada EP-1104, estrada da Porta do Cego a Coiro (Moaña-Coiro). Exposición de motivos: O señor presidente da Deputación Provincial de Pontevedra, comprometeuse cos veciños e veciñas de Abelendo, Casal e Ameixoada e cos representantes municipais a elaborar un proxecto de mellora da estrada EP-1104, onde se primase a seguridade viaria dos peóns. Xa que dende fai tempo vense reclamando por parte dos veciños e veciñas a ampliación deste vial, a partir do barrio de Abelendo. O presidente, publicamente, ten comprometido a súa palabra de acometer a mellora das súas beirarrúas cando menos por unha das marxes. Fai escasos meses e con cargo ós fondos propios do ano 2009, levouse a cabo, a mellora do vial EP-1104, cun investimento de 219.215 euros, consistindo esta mellora no asfaltado de dito vial, sen realizar ningunha mellora na seguridade viaria, aínda que na memoria constase que a finalidade do proxecto era mellorar a seguridade viaria tanto do tráfico rodado como dos e das viandantes, quedando esta mellora unicamente no asfaltado do vial. A reacción dos veciños e veciñas non se fixo esperar, dado que ven con asombro como as condicións do vial empeoraron: non queda espazo fóra da zona asfaltada; os veciños e veciñas teñen que camiñar pola estrada invadindo o carril de circulación, o pintado chega en moitos casos ó borde da explanación; en determinados tramos a sinalización horizontal quedou sen acometer por non dar a calzada o ancho regulamentado, … O vial nestas condicións de mellora do firme, pero estreiteza da calzada, vólvese máis perigoso, dado que priman os vehículos sobre os peóns, os coches embálanse e os peóns transitan aterrorizados. A actuación da Deputación, fixo que os problemas que xa tiña o vial: estreitez, falta de aparcamento, canalización de pluviais, etc., … se multiplicasen polo aumento da velocidade dos coches e a desaparición das escasas beirarrúas. Estas queixas veciñais foron recollidas polo Pleno do concello de Moaña, que acordou solicitarlle ó señor Presidente da Deputación Provincial a necesidade de, á maior brevidade posible, redactar un proxecto de seguridade viaria para os peóns, no que se contemple a construción de arcéns, beirarrúas e recollida de augas pluviais. Por todo isto, o Grupo Provincial do BNG presenta esta Moción e solicita o voto favorábel do Pleno da Corporación Provincial para a adopción do seguinte ACORDO Primeiro: Que se acorde a elaboración dun proxecto de seguridade viaria para os peóns, no que se contemple a realización de arcéns, beirarrúas e recollidas de augas pluviais para paliar as deficiencias da estrada EP-1104. Segundo: Que se inclúa a dotación orzamentaria necesaria para completar a mellora da seguridade viaria na estrada provincial EP-1104 con cargo ós fondos reservados no orzamento da Deputación Provincial para o acondicionamento dos seus viais. Terceiro: Que se remita dito acordo ó concello de Moaña para o seu coñecemento.” 6.5868.- COMUNICACIÓNS Sr. Presidente.- Pasamos ó punto seguinte da orde do día. Comunicacións. Sr. Secretario. Sr. Secretario.- Si, en primer lugar los extractos de Resoluciones Presidenciales entre el 10 y el 22 de setiembre; Resolución Presidencial delegando en el Sr. Figueroa las funciones de la Presidencia en la ausencia del Presidente desde el 16 al 21 de setiembre; nombramiento de nuevo Diputado, el Sr. González Solla, como miembro de la Comisión de Gobierno; y dos Resoluciones adscribiendo a los dos nuevos Diputados a distintas Comisiones Informativas. Sr. Presidente.- Moitas gracias. Queda enterado o Pleno das seguintes: A) De extractos de Resolucións Presidenciais ditadas pola Presidencia entre os días 10 e 22 de setembro do ano 2009 e que foron trasladados ós Voceiros dos distintos grupos políticos. B) De Resolución Presidencial de data 16 de setembro de 2009 delegando as atribucións da Presidencia os días 16 a 21 de setembro de 2009, ambos inclusive, no Vicepresidente D. José Manuel Figueroa Vila. C) De Resolución Presidencial de data 18 de setembro de 2009 adscribindo ó deputado D. Salvador González Solla como membro da Xunta de Goberno. D) De Resolución Presidencial de data 18 de setembro de 2009, adscribindo ó deputado D. Salvador González Solla, en substitución de D. Agustín Reguera Ocampo, ás seguintes Comisións Informativas: Benestar Social e Muller, Cooperación Municipal, Cultura, Desenvolvemento Agrogandeiro, Pesca e Asuntos Mariños, Réxime Interior e Persoal e Especial de Contas. E) De Resolución Presidencial de data 18 de setembro de 2009, adscribindo ó deputado D. Perfecto Rodríguez Muíños, en substitución de D. Julio Alén Montes, ás seguintes Comisións Informativas: Benestar Social e Muller, Cooperación Municipal, Cultura, Deportes e Xuventude, Desenvolvemento Agrogandeiro, Desenvolvemento Industrial, Urbanismo e Vivenda, Infraestruturas e Servizos Xerais, Medio Ambiente, Pesca e Asuntos Mariños, Réxime Interior e Persoal e Especial de Contas. 7.5869.- ROGOS E PREGUNTAS Sr. Presidente.- Pasamos a rogos e preguntas. Sr. Otero. Sr. Otero Besada.- Bos días. Gracias Sr. Presidente en funcións. Eu teño un par de preguntas, unha presenteina por escrito, presentada por Rexistro, refírese a unha pregunta sobre un parking en Sanxenxo, que agradecería que cando poidan ma contesten por escrito. A outra pregunta refírese a unhas declaracións do Sr. Louzán nas que se fai unha proposta á Xunta sobre a creación de catro consorcios provinciais a través de Sogama, para intentar reducir e equilibrar a recollida de basura. A miña pregunta é se isto ten algo que ver con aquela famosa sociedade mixta que se ía a facer entre Deputacións e concellos, que se creou o ano pasado e que non volvemos a ter ningunha razón. Ver se está relacionado unha cousa con outra ou non. Moitas gracias. Sr. Presidente.- Bueno, lle contestaremos ás dúas preguntas por escrito nos próximos días. ¿Máis preguntas?. D. Gabriel Martínez. Sr. Martínez Giráldez.- Bos días a todos e a todas. Teño dúas preguntas e dous rogos que facer. Un rogo é que recentemente se acaba de construír a variante de acceso a Lira e entendo que non conta con todas as medidas de seguridade, e por iso pídolle á Deputación que na EP 4006 se faga un illote de espera de xeito que permita realizar un xiro á esquerda para acceder á variante de acceso a Lira; e tamén que se faga un illote de espera na variante de acceso a Lira, que permita facelo á esquerda, o acceso da antiga estrada a Sta. Cristina. Iso presenteino por escrito e me imaxino que estará aí para a súa información. E despois, me gustaría tamén que estivera o Presidente para facerlle este rogo, pero bueno, está o Vicepresidente, era que vostedes antes estaban falando aí de democracia e de coherencia, que por favor que dean vostedes a orde ós alcaldes da provincia onde goberna o Partido Popular e onde o BNG e o PSOE somos a oposición, para que eles cando vaian a presentar un proxecto que tamén reúnan á oposición e que llo dean a coñecer antes de lanzalo á prensa. Por favor manteñan esa democracia e coherencia que vostedes falan. Ben. Preguntas: A pregunta en relación ó Plan de inversións da Deputación estáselle notificando ós concellos de toda, o total do importe que lles pertence e tamén da cantidade que se vai a detraer polas débedas contraídas coa Deputación e cos seus organismos, a pregunta é ¿a cantidade a detraer é o total das débedas que teñen eses concellos coa Deputación ou soamente esa é unha parte?. Sr. Presidente.- Lle contestaremos por escrito, pasaremos a Intervención e lle contestaremos por escrito para ser rigurosos. Sr. Martínez Giráldez.- Ben, e outra pregunta para rematar era, sigo esperando pola documentación que hai máis dun ano que levo pedida. Entón, falamos dunha, que me dean a coñecer a relación de traballadores que ten contratados a Deputación, relación de enxeñeiros que traballan para a Deputación, que contan ou non con compatibilidade, relación de sentenzas, etc., etc., etc. Nada máis. Gracias. Sr. Presidente.- Moi ben. Tomo nota. Moitas gracias tomamos nota e pasaremos todas as contestacións. ¿Máis preguntas?. Sr. Mosquera. Sr. Mosquera Lorenzo.- Grazas Sr. Figueroa. Eu antes, parece que aquí hai certa exclusividade no manexo dos botóns, o cursiño ese que lle fixeron ó Presidente parece que a vostede non llo reproduciron e ten algúns problemillas aí de, non, para facelo. Pero á parte do chascarrillo, mire, eu queríalle facer unha pregunta e un anuncio, a pregunta é se é que xa teñen liquidado e demais, ¿canto custaron as Jornadas-Xornadas, bilingües-bilingües, que organizou o Museo e ademais se xa saben canto, e se o saben se teñen a ben dicilo, claro?. O outro día no Pleno dixemos, información, eran 60.000 euros, ninguén dixo o contrario, entendemos que é o real, salvo que haxa pois unhas contas e uns datos que o avalen. E segunda cuestión, é que mire, vamos a pedir se vostedes teñen, a colaboración e demais, pois non sei se algún tipo de colaboración, non sei, pero dende logo a tomadura de pelo que nos están metendo non dando documentación e dicindo que a pregunta vai para o seguinte, despois dicíndonos vaia ó servizo que llo dan, chego ó servizo e os funcionarios teñen orde de non dala, e unha vez e outra e demais, vamos a ter que facer algo. Sabe que non, polo menos a este portavoz non lle gusta nada, nada, o estilo irónico, ou sexa, ter que facer algunha actuación do tipo que sexa, pero vamos a facela. Ou sexa, páselle o recado a quen teña que pasarllo, e dende logo como de aquí ó próximo Pleno non estean resoltas estas cousas vamos a facela, vamos a facela, ou sexa que, vostedes mesmos, porque xa de tomarnos o pelo xa lle vale, xa lle vale. Entón, vale, podo entender que vostedes están moi preocupados con outras cousas, cos seus líos internos e o que sexa e vale, pero o que non podo entender é que se nos tome o pelo desa maneira tan, bueno, por moito menos terían vostedes montada unha gresca de aquí a pasado mañá. É que non se contesta unha, non é, é que fixemos 50 e hai unha que se contestou, non, non, é que non se contesta unha, nin se dá a documentación de ningunha, xa creo que se están pasando. Anúnciollo, o que avisa non é traidor, anúnciollo para que o sepan. Sr. Presidente.- Bueno, con respecto ás Xornadas lle pasaremos a información do que foi o apoio desas Xornadas, Xornadas que por certo foron moi interesantes, con moita participación, e que, bueno, eu creo que resultaron moi satisfactorias en xeral para todos os que quixeron asistir. Con respecto á segunda denuncia que fai, é bo que a faga, porque así vamos a copiar tamén onde estamos na oposición para facer o mesmo, eu creo que ó mellor igual se empezan a adiantar vostedes. Eu creo que vostedes moitas veces equivocan os termos e os posicionamentos, non se dan conta do que fan onde gobernan, e bueno, sería bo, sería bo tamén que tomaran exemplo diso. Pero, xa que vostede o anuncia pois é bo, así tamén se poden facer noutros concellos. En calquera caso eu creo que esta casa, a información se facilita con absoluta normalidade, e bueno, vamos a seguir nesa liña, en calquera caso, bueno, recollemos a súa denuncia. ¿Máis preguntas?. Pois levantamos a sesión. Moitas gracias. Sr. Durán. O Sr. Durán que tiña a man levantada, é certo. Sr. Durán Hermida.- Non, simplemente unha cuestión e é o fío dun dos rogos que fixo o Deputado Sr. Martínez Giráldez, que eu non sei se lle entendín ben ou non, el o confirmará agora, que dicía que a Deputación lle dea orde ós alcaldes, ¿foi o que dixo vostede?, home, digo eu, porque se foi así creo que debeu ser unha pequena confusión no sentido de dicir que a Deputación dea orde ós alcaldes, non creo que sexa esa a función da Deputación nin moitisimo menos, como iso vai a quedar no libro de sesións, doulle a oportunidade que o rectifique, non, esa cuestión. Sr. Martínez Giráldez.- Ía no sentido de que dea a orde ós alcaldes do Partido Popular, que o Presidente que tamén é Presidente do Partido Popular, que dera a orde ós alcaldes do Partido Popular, para que nos concellos onde gobernan, pois que tamén convoquen á oposición cando teñen que presentar un proxecto, igual que antes estaban vostedes aí defendendo de que se en Vigo no nos habían convocado, pois iso mesmo cando pasa noutros concellos a ver se dan vostedes as ordes pertinentes para que os alcaldes do Partido Popular nos convoquen tamén á oposición para darnos a coñecer os proxectos que van a levar a cabo. Sr. Durán Hermida.- No partido, no Partido Popular, oe, estamos nun Pleno e como todos somos, hai dez minutos o Portavoz do Partido Socialista pediu respecto, hai dez minutos o Portavoz do Partido Socialista pediu respecto institucional, entón se estamos no Pleno estamos no Pleno, e se non estamos no Pleno estamos no patio e estamos no patio. Dicía, dicía, que no Partido Popular non se dá orde ós alcaldes, e a Deputación tampouco lle dá orde ós alcaldes, iso pasa noutras formacións políticas. Gracias. Sr. Presidente.- Sr. Durán, non se preocupe que lle vamos a pasar a documentación de cando eles gobernaban na Xunta, que trato recibíamos os que gobernábamos. Levántase a sesión. Moitas gracias. E non habendo máis asuntos que tratar, polo Sr. Presidente, sendo as trece horas do expresado día, dáse por rematada a sesión e dela esténdese a presente Acta, que asinará o Ilmo. Sr. Presidente comigo, o Secretario, que dou fe.

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Pleno (Tema)

Área de control da descrición