Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas e quince minutos do día nove de maio do ano dous mil catorce, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Crespo Iglesias, Dna. Begoña Estévez Bernárdez, D. José Manuel Figueroa Vila, D. José Carlos López Campos, D. José Luis Pérez Estévez, Dna. María Pilar Ramallo Vázquez, D. Moisés Rodríguez Pérez, D. Alberto Valverde Pérez e D. Jesús Vázquez Almuíña, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. José María Bello Maneiro, D. Horacio Gil Expósito, D. Fernando Guitián Guitián, Dna. Marta Iglesias Bueno, D. Severino Reguera Varela, D. Alejandro Rodríguez Rodríguez e Dna. Ana Isabel Vázquez Reboredo. Da fe do acto D. Carlos Cuadrado Romay, Secretario Xeral, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.22046.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 25 de abril de 2014. 2.22047.- APROBACIÓN DO EXPEDIENTE PARA A CONTRATACIÓN, POR PROCEDEMENTO ABERTO, DA ADQUISICIÓN DUN SISTEMA DE ALMACENAMENTO “NAS” DE ALTA CAPACIDADE DENTRO DO PROXECTO DEPOTIC, COFINANCIADO NUN 70% POLO FEDER (Nº EXPTE 2014003819) A Deputación de Pontevedra co ánimo de reforzar a sociedade da información no ámbito social, administrativo e económico dentro da provincia, mediante a implantación das novas tecnoloxías da información e da comunicación elaborou o proxecto depoTIC: “A tecnoloxía nas túas mans”. Este proxecto persegue potenciar o desenvolvemento económico da provincia mediante o fomento das tecnoloxías da información e da comunicación (TIC), impulsar as mesmas nos concellos e nas empresas, mellorar os servizos públicos prestados ós cidadáns a través das TIC aumentando a accesibilidade ós mesmos, fomentar a participación cidadán nos asuntos públicos e así poñer á disposición do cidadán de forma on line o patrimonio documental, gráfico e audiovisual da provincia. A Secretaría de Estado de Cooperación Territorial, a través da resolución do 22 de xuño de 2011, resolveu conceder financiamento ó proxecto, cunha achega de fondos FEDER dun 70% (cunha reformulación que diminuía nun 8% o importe de financiamento do mesmo). Entre as actuacións incluídas no proxecto depoTIC, inclúese a ampliación do Centro de coñecemento avanzado para a explotación do patrimonio documental e bibliográfico. A creación deste centro iniciouse dentro do proxecto eDepo, a Administración nun Click no ano 2010, ó que se acompañou a dixitalización dunha parte do patrimonio documental, gráfico, cartográfico, sonoro, audiovisual e bibliográfico do Arquivo Provincial e dos concellos da provincia. Adicionalmente, e dentro do proxecto depoTIC, continuarase con este proceso de dixitalización, iniciado, tal e como xa se mencionou, no marco do proxecto eDepo, pero incluíndo neste caso parte dos fondos existentes no Museo de Pontevedra e practicamente a totalidade dos fondos dos concellos da provincia de Pontevedra. Este proxecto ten uns requisitos de almacenamento moi esixentes, superando amplamente a actual capacidade dos sistemas dispoñibles no CPD da Deputación de Pontevedra, tanto no referido a servidores de ficheiros como a sistemas de copia de seguridade, indispensables para asegurar a persistencia dos datos. Por todo isto, o Xefe do Servizo de Novas Tecnoloxías, solicita que se inicien os trámites para a contratación dun sistema de almacenamento NAS de alta capacidade, coa finalidade de dispor dos sistemas de almacenamento necesarios para cumprir cos requirimentos das actuacións que se están levando a cabo no marco do proxecto depoTIC, os cales deberán permitir o manexo de cantidades inxentes de información, quedando garantidas a dispoñibilidade, persistencia e crecemento futuro da plataforma. O Servizo de Contratación, Facenda e Patrimonio, tal e como prevé o artigo 109 do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP), xustifica no expediente a elección do procedemento e elabora un proxecto de prego de condicións económico-administrativas. Polo secretario infórmase o proxecto de prego de cláusulas económico administrativo e posteriormente trasládase o expediente de contratación ó Servizo de Intervención para que fiscalice o mesmo nos termos previstos na Lei 47/2003, de 26 de novembro. Visto así mesmo ou informe de fiscalización do expediente emitido por Intervención. Considerando que a disposición adicional segunda do TRLCSP, no seu apartado 1, faculta ó Ilmo. Sr. Presidente para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación de servizos que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía, a Xunta de Goberno acorda por unanimidade: Aprobar o expediente de contratación para a adxudicación mediante procedemento aberto da adquisición dun sistema de almacenamento NAS de alta capacidade dentro do proxecto depoTIC, cofinanciado nun 70% polo FEDER. O prezo de licitación do contrato estímase na seguinte cantidade: Prezo de licitación 330.578,51 € IVE 69.421,49 € Total IVE incluído 400.000,00 € - Autorizar o gasto por importe de 400.000,00 € para financiar o contrato con cargo á aplicación orzamentaria 14/926.492.627.01.2012 do vixente orzamento provincial. - Aprobar os pregos de cláusulas administrativas e de prescricións técnicas que rexerán como lei fundamental. - Iniciar o procedemento de adxudicación para a contratación, concedendo un prazo de 52 días naturais (artigo 159.1 do R.d.l. 3/2011), a contar dende a data de envío do anuncio do contrato á Comisión Europea e que se especificará no anuncio que se publicará no Boletín Oficial da Provincia de Pontevedra e no Boletín Oficial do Estado. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES XERAIS QUE REXERÁN A CONTRATACIÓN, MEDIANTE PROCEDEMENTO ABERTO DA ADQUISICIÓN DUN SISTEMA DE ALMACENAMENTO “NAS” DE ALTA CAPACIDADE DENTRO DO PROXECTO DEPOTIC COFINANCIADO NUN 70 % POLO FEDER (Nº EXPTE 2014003819) 1. OBXECTO O obxecto do contrato ó que se refire o presente prego é o subministro/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s subministros/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. Para o dito contrato contempláronse na súa elaboración os preceptos do Libro II do RXLCAP. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 2. FINANCIAMENTO E ORZAMENTO DE LICITACIÓN Este contrato será financiado do modo que se establece no apartado 1 do Anexo I e distribuído nas anualidades previstas. O orzamento base de licitación do contrato ascende á cantidade expresada no apartado 1 do Anexo I deste prego, incluíndo en dita contía todos os factores de valoración e gastos que, segundo os documentos contractuais e a lexislación vixente son, por conta do adxudicatario igual cós tributos de calquera índole. En calquera caso, indicarase como partida independente o importe do Imposto sobre o Valor Engadido (IVE). As proposicións que se presenten no caso de superar o orzamento base de licitación serán descartadas automaticamente. 3. RÉXIME XURÍDICO O contrato ten a cualificación de subministro de conformidade co artigo 9 do TRLCSP. Polo tanto rexerase polo establecido no presente prego e no de prescricións técnicas, polas normas contidas no TRLCSP, modificado pola lei 14/2013, de 27 de setembro, de apoio a emprendedores e a súa internacionalización, polo R.d 817/2009, de 8 de maio, modificado polo R.d. 300/2011, de 4 de marzo, e en canto non se atope derogado polas citadas disposicións, polo Real Decreto 1098/2011, de 12 de outubro, polo que se aproba o Regulamento Xeral da Lei de Contratos das Administracións Públicas. Supletoriamente aplicaranse as restantes normas de dereito administrativo e no seu defecto as normas de dereito privado. O descoñecemento do contrato en calquera dos seus termos ou dos documentos anexos que forman parte deste, non eximirá ó contratista da obrigación do seu cumprimento. O contratista acepta de forma expresa a submisión ós presentes pregos e á lexislación anteriormente citada, supletoriamente aplicaranse as restantes normas de dereito administrativo e, no seu defecto, as normas de dereito privado. O adxudicatario obrigarase ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración -prezo- ou ben a unha pluralidade de criterios, segundo o disposto no apartado 3 do Anexo I deste prego e en aplicación do artigo 150 do TRLCSP, segundo os termos e requisitos establecidos no citado texto legal. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual e sen prexuízo da utilización doutros medios de publicidade nos casos esixidos polo TRLCSP ou polas normas autonómicas de desenvolvemento ou nos que así se decida voluntariamente, a Deputación difundirá a través de Internet (www.depo.es) o seu perfil de contratante. Neste perfil publicaranse todas as noticias, aviso e documentación relativos a este contrato. Calquera dúbida existente a cerca dos pregos que rexen esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se dispoña no apartado 2 do Anexo I, nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. Os licitadores, persoas naturais ou xurídicas, deberán ter unha finalidade ou actividade que teña relación directa co obxecto do contrato, segundo resulte dos seus respectivos estatutos ou regras fundacionais, así como dispor dunha organización con elementos persoais e materiais suficientes para a debida execución do contrato. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias que a constitúan e a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); ditas empresas serán responsables solidarias ante a administración debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a súa extinción, sen prexuízo da existencia de poderes mancomunados que poidan outorgar para cobros e pagamentos dunha contía significativa. O momento decisivo para apreciar a concorrencia dos requisitos de capacidade e solvencia esixidos para contratar coa Administración será o de finalización do prazo de presentación de proposicións. 7. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do Anexo I. O contratista estará obrigado a cumprir o contrato na súa totalidade dentro do prazo ofertado, así como nos prazos parciais sinalados. O contrato poderá prever unha ou varias prórrogas sempre que as súas características permanezan inalterables durante o período de duración destas e que a concorrencia para a súa adxudicación sexa realizada tendo en conta a duración máxima do contrato, incluídos os períodos de prórroga. A prórroga acordarase polo órgano de contratación e será obrigatoria para o empresario, salvo que o contrato expresamente prevexa o contrario, sen que poida producirse polo consentimento tácito das partes. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5% do prezo do contrato. Os importes destas penalidades faranse efectivos mediante a dedución destas na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionadas polo atraso imputable ó contratista. 9. GARANTÍA DEFINITIVA O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados dende o seguinte ó da recepción do correspondente requirimento. En caso de incumprir este requirimento no prazo sinalado entenderase que o licitador retirou a súa oferta, procedéndose, nese caso, a solicitarlle a dita documentación ó seguinte licitador, pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 10. PRESENTACIÓN DE PROPOSICIÓNS, LUGAR E PRAZO DE PRESENTACIÓN, FORMALIDADES E DOCUMENTACIÓN 10.1. Lugar e prazo de presentación: As proposicións presentaranse no Rexistro Xeral da Deputación, (sede de Pontevedra en horario de 8:30 a 14:30 horas e de 17:00 a 19:00 horas, de luns a venres, e sábados de 9:00 a 13:00 horas; ou na sede da Deputación en Vigo, de luns a venres, de 9:00 a 14:00 horas) durante un prazo de 52 días naturais (artigo 159.1 do R.d.l. 3/2011), a contar dende a data de envío do anuncio do contrato a Comisión Europea e que se especificará no anuncio que se publicará no Boletín Oficial da Provincia de Pontevedra e no Boletín Oficial do Estado. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos polos artigos 38.4º da Lei 30/92 de 26 de novembro de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle o órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986 804 126) ou telegrama, sempre no mesmo día. 10.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C). Poñer a letra en función do sobre correspondente. - Lote nº … (Especificar o número do lote o que se licita no caso de que o procedemento se divida en lotes). - Nº Expediente. No caso que se coñeza. - Denominación do contrato. - Nome do licitador. - CIF - Enderezo, e-mail e teléfono de contacto - Número de inscrición no rexistro de contratistas (se é o caso). A documentación a incluír en ditos sobres detállase no apartado 4 do Anexo I do presente prego. 11. MESA DE CONTRATACIÓN Estará integrada da seguinte maneira: Presidente: - o titular da Corporación ou o membro en quen delegue Vogais: - - o secretario xeral - o interventor - o xefe do servizo responsable do contrato Secretario: - o xefe do Servizo de Contratación 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que se precise emendar erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, nun acto público, sinalará as que cualificasen como inadmitidas e admitidas e procederá á apertura do sobre B, correspondente á documentación técnica valorable mediante criterios non avaliables mediante fórmulas, tal e como se prevé no artigo 27 do Real decreto 817/2009, no que se desenvolve parcialmente a Lei de contratos do sector público. Dita documentación trasladaráselles ós técnicos que se considere oportuno, que a avaliarán e ponderarán seguindo os criterios de valoración establecidos no apartado 3 do Anexo I. Unha vez avaliada esta documentación técnica sinalaranse no perfil do contratante da Deputación de Pontevedra a data e a hora na que se procederá, nun acto público, á apertura do sobre C da documentación correspondente á valoración de criterios avaliables mediante fórmulas. Neste acto darase a coñecer a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha ponderación dos criterios avaliables mediante xuízos de valor que superen os puntos indicados no apartado 3 do Anexo I. Para a valoración das cifras ou valores do sobre C aplícanse os criterios establecidos no apartado 3 do Anexo I. Unha vez aplicados estes criterios clasifícanse as propostas en orde decrecente de valoración e propoñeránselle ó órgano de Contratación a adxudicación a favor do licitador que conteña a oferta economicamente de maior vantaxe. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no Anexo III, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou á posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente de maior vantaxe, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN A PRESENTAR POLA EMPRESA QUE PRESENTE A OFERTA ECONOMICAMENTE MÁIS VANTAXOSA O órgano de Contratación, unha vez avaliadas as propostas, para cuxo efecto poderá solicitar cantos informes técnicos estime pertinentes, clasificaraas por orde decrecente e requirirá á empresa coa oferta máis vantaxosa para que, dentro do prazo de dez días hábiles, presente a seguinte documentación: 13.1.- Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2.- Documentación necesaria para a adxudicación do contrato. O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1.- Certificación positiva expedida pola Tesourería da Seguridade Social, ó amparo dos artigos 14 e 15 do RXLCAP, que acredite que se atopa ó corrente no cumprimento das súas obrigacións coa Seguridade Social. 2.- Certificación positiva expedida pola Axencia Estatal da Administración Tributaria ó amparo dos artigos 13 e 15 do RXLCAP, que acredite que se atopa ó corrente do pagos das súas obrigacións tributarias. 3.- Orixinal ou copia compulsada da alta no Imposto de Actividades Económicas no epígrafe correspondente ó obxecto do contrato, referida ó exercicio corrente, ou o último recibo acompañado dunha declaración responsable de non terse dado de baixa na matrícula do citado imposto. 4.- Documentación acreditativa da efectiva disposición dos medios persoais e materiais que se comprometeu a adscribir a execución do contrato. 5.- Deberá indicarse a parte do contrato que teñan previsto subcontratar, sinalando a súa porcentaxe con respecto á totalidade do contrato, e o nome ou o perfil empresarial. 6.- Documento que acredite a constitución da garantía definitiva. 7.- Documento acreditativo do pagamento dos anuncios. 14. ADXUDICACIÓN O órgano de Contratación terá alternativamente a facultade de adxudicar o contrato á proposición de maior vantaxe no seu conxunto, se se atende a unha pluralidade de criterios, ou á proposición que incorpore o prezo máis baixo, cando este sexa o único criterio para considerar. A adxudicación acordarase en resolución motivada no prazo máximo de dous meses, a contar dende a apertura das proposicións, cando para a adxudicación do contrato deba terse en conta unha pluralidade de criterios; e no prazo máximo de quince días, contando dende a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22 f) do R.d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de Contratación, indicándose o prazo en que debe procederse á súa formalización. O órgano de Contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 15. SUBCONTRATACIÓN O contratista poderá concertar con terceiros a realización parcial deste, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberá indicarse na oferta (sobre B) a parte do contrato que teñan previsto subcontratar, sinalando a súa porcentaxe con respecto á totalidade do contrato, e o nome ou o perfil empresarial, definido por referencia ás condicións de solvencia profesional ou técnica, dos subcontratistas ós que se lles vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50% do importe do subcontrato. Os subcontratistas non terán en ningún caso acción directa fronte á administración contratante polas obrigas contraídas con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre subcontratación establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, segundo o indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado por Real decreto lexislativo 5/2000, de 4 de agosto. 16.- PAGOS A SUBCONTRATISTAS E SUBMINISTRADORES O contratista debe abonar ós subcontratistas ou subministradores o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo computarase dende a data de aprobación polo contratista principal da factura emitida polo subcontratista ou subministrador, con indicación da súa data e do período que corresponda. A aprobación ou conformidade o no seu caso os motivos da disconformidade deberán outorgarse nun prazo máximo de trinta días dende a presentación da factura. No caso de demora no pago o subcontratista ou subministrador terá dereito o cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ous subcontratistas prazos de pago superiores respectando os límites previstos no artigo 4.3 da lei 3/2004, de 29 de decembro, pola que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva e que o pago se instrumente mediante un documento negociable que leve aparellada a acción cambiaria no que os gastos de desconto ou negociación sexan de conta do contratista. Adicionalmente o subministrador ou subcontratista poderá esixir que o pago se garanta mediante aval. De conformidade co artigo 228 bis do TRLCSP a Deputación de Pontevedra poderá comprobar o estrito cumprimento dos pagamentos que os contratistas adxudicatarios dos contratos públicos, han de facer a todos os subcontratistas ou subministradores que participen nos mesmos. En tal caso, os contratistas adxudicatarios remitirán a Deputación de Pontevedra, cando esta o solicite, relación detallada daqueles subcontratistas ou subministradores que participen no contrato cando se perfeccione a súa participación, xunto con aquelas condicións de subcontratación ou subministración de cada un deles que garden unha relación directa co prazo de pagamento. Así mesmo, deberán achegar a solicitude do ente público contratante xustificante de cumprimento dos pagamentos a aqueles unha vez terminada a prestación dentro dos prazos de pagamento legalmente establecidos no artigo 228 e na Lei 3/2004, de 29 de decembro, no que lle sexa de aplicación. Estas obrigacións, que se incluirán nos anuncios de licitación e nos correspondentes pregos de condicións ou nos contratos, considéranse condicións esenciais de execución, cuxo incumprimento, ademais das consecuencias previstas polo ordenamento xurídico, permitirá a imposición das penalidades que para ese efecto se conteñan nos pregos 17. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1.- Corresponde exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da "entidade contratante" do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, en orde a non alterar o bo funcionamento do servizo informando en todo momento á "entidade contratante". 2.- A empresa contratista asume a obrigación de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pagamento dos salarios, a concesión de permisos, licenzas e vacacións, as substitucións dos traballadores en casos de baixa ou ausencia, as obrigacións legais en materia de Seguridade Social, incluído o abono de cotizacións e o pagamento de prestacións, cando cumpra, as obrigacións legais en materia de prevención de riscos laborais, o exercicio da potestade disciplinaria, así como cantos dereitos e obrigacións se deriven da relación contractual entre empregado e empregador. 3.- A empresa contratista velará especialmente porque os traballadores adscritos á execución do contrato desenvolver a súa actividade sen extralimitarse nas funcións desempeñadas respecto da actividade delimitada nos pregos como obxecto do contrato. 4.- A empresa contratista estará obrigada a executar o contrato nas súas propias dependencias ou instalacións salvo que, excepcionalmente, sexa autorizada a prestar os seus servizos nas dependencias dos entes, organismos e entidades que forman parte do sector público. Neste caso, o persoal da empresa contratista ocupará espazos de traballo diferenciados do que ocupan os empregados públicos. Corresponde tamén á empresa contratista velar polo cumprimento desta obrigación. No prego deberá facerse constar motivadamente a necesidade de que, para a execución do contrato, os servizos préstense nas dependencias dos Departamentos, axencias, entes, organismos e entidades que forman parte do sector público. 5.- A empresa contratista deberá designar polo menos un coordinador técnico ou responsable, integrado no seu propio persoal, que terá entre as súas obrigacións as seguintes: a) Actuar como interlocutor da empresa contratista fronte á "entidade contratante", canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a "entidade contratante", doutro lado, en todo o relativo ás cuestións derivadas da execución do contrato. b) Distribuír o traballo entre o persoal encargado da execución do contrato, e impartir ós ditos traballadores as ordes e instrucións de traballo que sexan necesarias en relación coa prestación do servizo contratado. c) Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do dito persoal ó posto de traballo. d) Organizar o réxime de vacacións do persoal adscrito á execución do contrato, debendo para ese efecto coordinarse adecuadamente a empresa contratista coa "entidade contratante", a efectos de non alterar o bo funcionamento do servizo. e) Informar á ''entidade contratante" acerca das variacións, ocasionais ou permanentes, na composición do equipo de traballo adscrito á execución do contrato. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar dende o día seguinte á notificación da adxudicación, constituíndo o dito documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os gastos correspondentes. Cando por causas imputables ó contratista non se formalizase o contrato dentro do prazo indicado a Administración poderá acordar a súa resolución. Non poderá iniciarse a execución do contrato sen a súa formalización previa. 19. OBRIGAS DO CONTRATISTA O contratista deberá dar cumprimento ás obrigas derivadas das disposicións vixentes en materia de protección do emprego, condicións de traballo e prevención de riscos laborais segundo a lexislación competente nesa materia. 20. GASTOS ESIXIBLES Os gastos que orixine a publicación dos anuncios de licitación no presente contrato, tanto nos correspondentes boletíns oficiais coma, no seu caso, na prensa, irán por conta do adxudicatario do contrato, sen que se lle poida imputar á administración contratante ningún pagamento por tal concepto, e sen que estes gastos superen os 2.000 €. 21. RESPONSABLE DO CONTRATO A Deputación poderá designar a un responsable do contrato, vinculado a esta institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. A designación ou non do responsable non eximirá o contratista da correcta execución obxecto do contrato, salvo que as deficiencias sexan debidas á orde directa do responsable designado, con expresa reserva escrita por parte do contratista tanto ó propio responsable coma ó órgano de Contratación. 22. EXECUCIÓN DO SERVIZO E RESPONSABILIDADE DO CONTRATISTA O contrato executarase con suxeición ó establecido nas súas cláusulas e nos pregos de acordo coas instrucións que para a súa interpretación lle dese o contratista ó órgano de Contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. 23.- EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizos sufrisen un atraso na súa execución, e sempre que este non fose imputable ó contratista e este ofrecese cumprir os seus compromisos, o órgano de Contratación concederá un prazo que será, polo menos, igual ó tempo perdido, a non ser que o contratista pedise outro menor segundo o establecido no artigo 213.2 do TRLCSP, regulándose a súa petición polo establecido no artigo 100 do RXLCAP. A petición de prórroga por parte do contratista deberá ter lugar nun prazo máximo de quince días dende aquel en que se produza a causa orixinaria do atraso, alegando as razóns polas que estime que non lle é imputable e sinalando o tempo probable da súa duración, para que a Administración poida oportunamente e sempre antes de que remate o prazo de execución do contrato, resolver sobre a prórroga deste, sen prexuízo de que unha vez desaparecida a causa se reaxuste o prazo prorrogado ó tempo realmente perdido. Cando o contratista, por causas imputables a el, incorrese en demora respecto ó cumprimento do prazo total, a Administración poderá optar, indistintamente, pola resolución do contrato ou pola imposición de penalidades que figuran no presente prego. Cada vez que as penalidades por demora alcancen un múltiplo do 5% do prezo do contrato o órgano de Contratación estará facultado para proceder á súa resolución ou acordar a continuidade da súa execución con imposición de novas penalidades. Neste último suposto o órgano de Contratación concederá a ampliación do prazo que estime necesaria para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á que a Administración poida ter dereito por danos e perdas ocasionadas con motivo do atraso imputable ó contratista. 24. GARANTÍA DOS SERVIZOS O prazo de garantía comezará a contar dende a data de recepción do servizo. A garantía definitiva responderá dos seguintes conceptos: a) Das penalidades impostas ó contratista segundo o artigo 212 do Real decreto lexislativo 3/2011, do 14 de novembro, polo que se aproba o Texto refundido da Lei de contratos do sector público. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento das súas obrigas, e dos danos e prexuízos ocasionados con motivo da execución do contrato ou polo seu incumprimento, cando non proceda a súa resolución. c) Da incautación que poida decretarse nos casos de resolución do contrato, de acordo co establecido no citado Real decreto lexislativo. Durante este prazo de garantía terá dereito o contratista a coñecer e ser oído sobre a aplicación do servizo realizado. 25.-DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada polos licitadores, previo aviso ó Servizo de Contratación, mediante escrito ordinario ou electrónico no correo contratacion@depo.es, transcorridos tres meses, contados dende o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no suposto que teñan interposto reclamacións ou recursos ou exista algunha incidencia administrativa. Transcorridos os prazos anteriormente mencionados, esta Administración disporá da documentación quedando exenta de toda responsabilidade. 26. RESOLUCIÓN DO CONTRATO O contrato poderá extinguirse por calquera das causas de resolución enumeradas nos art. 223 e 308 do TRLCSP. 27. XURISDICIÓN COMPETENTE As cuestións litixiosas que xurdan sobre interpretación, modificación, resolución e efectos do presente contrato, resolveraas o órgano de Contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a teor do disposto na lei reguladora de dita xurisdición. 28.- MODIFICACIÓNS DO CONTRATO Unha vez perfeccionado o contrato, o órgano de contratación só poderá introducir modificacións por razóns de interese público cando así o previu nos pregos ou no anuncio de licitación ou nos casos e cos límites establecidos no artigo 107 do TRLCSP. As citadas modificacións axustaranse ó previsto no Título V do Libro I do TRLCSP e tramitaranse de acordo co procedemento previsto no artigo 211 desta norma. Procederá a modificación do contrato nos termos previstos no artigo 106, cando así se previu no Anexo I do presente prego e detallouse nos pregos de prescricións técnicas de forma clara, precisa e inequívoca as condicións en que poderá facerse uso da mesma, así como o seu alcance e límites. As modificacións acordadas polo órgano de contratación serán obrigatorias para os contratista e deberán formalizarse conforme ó disposto no artigo 156 do TRLCSP. No concernente ó seu réxime estarase ó disposto no Título V do Libro I e os artigos 211, 219 e 306 do TRLCSP”. Ditos anexos son como seguen: “ANEXO I 1. DEFINICIÓN E CARACTERÍSTICAS DO CONTRATO 1.1.- DEFINICIÓN E OBXECTO DO CONTRATO Levar a cabo a renovación e ampliación dos equipos de almacenamento dos centros de procesos de datos da Deputación de Pontevedra, co obxectivo de dar un mellor servizo, máis escalable, dentro do marco do proxecto depoTIC. 1.2. PROCEDEMENTO Cualificación do contrato: contrato administrativo de subministro suxeito a regulación harmonizada. Trámite: ordinario Procedemento: aberto Órgano de Contratación: Xunta de Goberno Prazo de presentación de ofertas:. 52 días naturais (artigo 159.1 do R.d.l. 3/2011), a contar dende a data de envío do anuncio do contrato a Comisión Europea e que se especificará no anuncio que se publicará no Boletín Oficial da Provincia de Pontevedra e no Boletín Oficial do Estado. 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN: Formulación do prezo: a tanto alzado Importe sen IVE: 330.578,51 € IVE (21%): 69.421,49 € Total con IVE: 400.000,00 € B) FINANCIAMENTO: O contrato financiarase pola Deputación de Pontevedra, con cargo a aplicación orzamentaria 14/926.492.627.01.2012 do vixente orzamento provincial. Cadro de financiamento: Anualidade Aplicación orzamentaria Importe 2014 926.492.627.01.2012 400.000,00 € Revisión de prezos: non procede. 1.4. PRAZO DE EXECUCIÓN O prazo de execución do contrato será de tres meses dende o día seguinte á sinatura do contrato. 1.5. RÉXIME DE PAGAMENTOS Os pagos a empresa adxudicataria efectuaranse contra a prestación das correspondentes facturas e unha vez prestada a conformidade polo Servizo de Novas Tecnoloxías , de acordo coa seguinte distribución: - O 30% ó recibir o subministro de todo o material. - O 30 % ó finalizar a posta en marcha completa dos sistemas. - O 40 % ó dar por finalizado o proxecto, incluída a migración dos sistemas actuais a nova plataforma. 1.6. GARANTÍAS Definitiva: 5% do importe de adxudicación do contrato (IVE excluído). 1.7. PENALIZACIÓNS No suposto de incumprimento dos compromisos ou das condicións especiais de execución do contrato ofertados polo contratista poderase optar entre a resolución do contrato ou a imposición de penalidades establecidas no artigo 212 do TRLCSP. 2. SOLVENCIA ECONÓMICA, FINANCEIRA E TÉCNICA (Documentación a presentar na fase de requirimento, segundo figura na cláusula 13.1 do prego económico administrativo). Acreditación da solvencia económica, financeira e técnica. A) Solvencia económica e financeira: Deberase acreditar unha cifra media de negocio dos traballos realizados pola empresa nos últimos tres anos, igual ou superior á do orzamento total do contrato, IVE incluído. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva: - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa B) Solvencia técnica: Para acreditar a solvencia técnica o licitador deberá presentar os seguintes documentos: a) Relación dos principais subministros ou traballos no curso dos tres últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase se se realizaron segundo as regras polas que se rexe a profesión e se levaron normalmente a bo termo (cumprimentar o Anexo V). Os subministros ou traballos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe total destes contratos xustificados deberá ser igual ou superior ó orzamento deste contrato, IVE incluído. b) Acreditación de estar en posesión da certificación ISO 9001:2008 ou certificación equivalente expedida por organismos establecidos en calquera estado da Unión Europea. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta de maior vantaxe económica atenderase ós seguintes criterios directamente vinculados ó obxecto do contrato: 3.1. Enumeración dos criterios non avaliables mediante fórmulas (Sobre B). Os criterios avaliables mediante xuízos de valor valoraranse cun máximo de 49 puntos, de conformidade cos seguintes criterios: Proposta técnica (30 puntos) A puntuación obtida neste apartado será a suma dos subapartados que a compoñen. Esta puntuación, será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. o Obxecto e alcance (0,5 puntos).-Valorarase o detalle e o esquema xeral da solución proposta. o Características da solución proposta (29,5 puntos). Baixo este punto valorarase a adecuación da solución proposta ás necesidades presentes e futuras da Deputación, tendo en conta os requirimentos establecidos no apartado correspondente do prego de prescricións técnicas. Xestión do proxecto (2,5 puntos) A puntuación obtida neste apartado será a suma dos subapartados que a compoñen. Esta puntuación, será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. o Metodoloxía de xestión de proxecto e órganos de dirección (1 punto). Valorarase neste punto tanto a metodoloxía de xestión de proxecto como a proposta organizativa para a dirección e xestión do proxecto exposta polo licitador. o Plan de traballo (1 punto). Valorarase o plan de traballo proposto polo licitador atendendo ó cronograma de actividades proposto. o Seguimento e control do proxecto (0,5 puntos) Valorarase a metodoloxía proposta polo licitador para o control e seguimento do proxecto. Plan de calidade (1 punto) Valorarase o plan de calidade proposto polo licitador así como as certificacións de calidade achegadas polo mesmo segundo o apartado. Plan de entrega e instalación (1 punto) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Valorarase baixo este punto a oferta do licitador para este apartado. Plan de migración de servidores (2 puntos) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Valorarase baixo este punto a oferta do licitador para este apartado. Plan de probas (1 punto) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Plan de formación (1 punto) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Valorarase o Plan de Formación exposto polo licitador no que respecta a metodoloxía, capacitación dos recursos formadores, medios, número de horas, etc. Plan de transferencia do servizo (1 punto) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Plan de garantía, mantemento e soporte (3,5 puntos) A puntuación obtida neste apartado será normalizada á puntuación máxima deste apartado, que será a mellor oferta presentada neste criterio. Por tanto, dentro do presente apartado, obterá a máxima puntuación a oferta mellor avaliada. Valorarase baixo este punto a oferta do licitador para este apartado. Melloras propostas polo licitador: 6 puntos. Valoraranse ata con 6 puntos as melloras achegadas polos licitadores non determinadas polo prego. Estas melloras deben enfocarse cara a un aumento das funcionalidades do equipamento obxecto do Prego de prescricións técnicas. Nota moi importante: na documentación que se presente no sobre b non se poderá incluír ningún dato que permita intuír a proposta ofertada polo licitador no sobre C. Toda referencia económica en relación ó servizo prestado ou relativa ós criterios de valoración automática presentarase única e exclusivamente no sobre C. O incumprimento deste precepto suporá a exclusión da oferta no proceso de licitación. 3.2. Enumeración dos criterios de valoración automática (Sobre C). Nota importante: só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 25 puntos. Os criterios avaliables mediante fórmulas valoraranse cun máximo de 51 puntos de conformidade cos seguintes criterios: Prezo de licitación: 5 puntos Valorarase de conformidade coa fórmula do anexo III. Capacidade neta dos sistemas: 25 puntos Consiste na capacidade neta, unha vez establecida a protección que soporte o fallo simultáneo de dous discos en calquera localización ou o fallo dunha controladora. Debido a que o licitador pode ofrecer diversas solucións que cumpran co Prego de prescricións técnicas, a Deputación optou por utilizar unha fórmula que equipare e pondere o tipo e cantidade de TB netos (segundo a definición do anexo I) de disco ofertados; con tal fin utilizarase a seguinte clasificación, definida no anexo I: disco de alto rendemento flash, discos de alto rendemento 10k, disco de alta capacidade e engadirase ademais almacenamento en cintas tipo LTO. Entendemos que todos os discos do mercado ofrecidos para a solución deberían poder encaixar neste criterio, en caso de dúbida o almacenamento englobarase dentro do criterio que máis se aproxime de forma inferior; é dicir, se non cumpre os criterios mínimos da clasificación, non poderá englobarse nese criterio e deberá englobarse no inmediatamente anterior. Téñase en conta que, debido a que só se admiten dous tipos de almacenamento, o licitador só debe pór dous tipos de tecnoloxía. Desta forma, a modo de exemplo, non se admiten ofertas de disco flash, disco 10k e discos de alta capacidade de maneira conxunta, en calquera das dúas partes, tanto a rápida como a lenta. Se o licitador propón melloras parciais en parte do almacenamento debe reflectirse na oferta e será valorado subxectivamente. Nesta fórmula débense pór os TB de almacenamento rápido e lento segundo a mínima tecnoloxía que se use para cada caso (é dicir, se se usase un disco que supera as 10k revolucións pero non chega a ser de tipo flash, o almacenamento dedicado a esa tecnoloxía contabilizarase como discos de 10k). A valoración deste criterio efectuarase de conformidade coa seguinte fórmula: Onde: x= número de TB tipo flash do licitador obxecto de cálculo x' = máximo número de TB tipo flash de entre todas as ofertas y= número de TB tipo discos 10k do licitador obxecto de cálculo y'= máximo número TB tipo discos 10k de entre todas as ofertas z= número de TB tipo discos alta capacidade do licitador obxecto de cálculo z'= máximo número de TB tipo discos alta capacidade de entre todas as ofertas c = número de TB de almacenamento ofrecidos en almacenamento tipo cinta Vl = TB de almacenamento ponderados a tecnoloxía do licitador obxecto de cálculo Vmáx = valor máximo de TB ponderados de entre todas as ofertas Vmíx = valor mínimo de TB ponderados de entre todas as ofertas Pl= puntos asignados ó licitador obxecto de cálculo Pc= puntuación máxima asignada ó criterio de valoración (25) Escalabilidade da plataforma en capacidade: 2 puntos Valorarase a capacidade de crecemento máximo en TB netos (segundo o anexo I do Prego de prescricións técnicas) da plataforma de conformidade coa seguinte fórmula: Cl = TB máximos soportados pola plataforma do licitador obxecto de cálculo Cmáx = TB soportados pola mellor oferta Cmíx = TB soportados pola peor oferta Pl= puntos asignados ó licitador obxecto de cálculo Pc= puntuación máxima asignada ó criterio de valoración (2) Replicación a través da fibra dedicada: 1 punto Otorgarase 1 punto a solución que utilice a fibra dedicada para realizar a réplica entre os sistemas do CPDP e o CPDR. Ampliación da duración do soporte e mantemento despois do terceiro ano: 6 puntos Valorarase a ampliación do mantemento e soporte despois do terceiro ano, de acordo coa seguinte táboa: Ampliación do prazo de soporte e mantemento Puntos 1 ano adicional 2,5 2 anos adicionais 6 Custo de mantemento en anos sucesivos: 3 puntos Valorarase o custo do mantemento despois do máximo ofrecido no criterio anterior, que o adxudicatario manterá durante un período de 5 anos, aplicando a correspondente corrección do Índice de Prezos ó Consumo (IPC), segundo a seguinte fórmula: Ml = Custo de mantemento en euros que oferta o licitador Mmáx = Custo máximo de mantemento de todas as ofertas Mmíx = Custo mínimo del mantemento de todas as ofertas Pl= puntos asignados ó licitador obxecto de cálculo Pc= puntos asignados ó criterio de valoración (3) Custo de ampliación ó dobre de almacenamento: 9 puntos Valorarase o custo de ampliación ó dobre do almacenamento ofertado polo licitador (no conxunto da solución, é dicir, en ambos os CPD). O adxudicatario comprométese a manter como máximo o custo ofertado, aplicando a debida corrección do Índice de Prezos ó Consumo (IPC), durante un período de 5 anos. O custo de adquisición de calquera outra cantidade de almacenamento deberá ser sempre igual ou inferior á parte proporcional do custo deste apartado. Os puntos obtidos neste apartado rexeranse pola seguinte fórmula: Cl = Custo da ampliación en euros que oferta o licitador Cmáx = Custo máximo da ampliación de todas as ofertas Cmíx = Custo mínimo da ampliación de todas as ofertas Pa= puntos asignados ó licitador obxecto de cálculo pola ampliación Pc= puntos asignados ó criterio de valoración (9) Este compromiso debe ser adquirido polo provedor de forma escrita e vinculante. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e a análise técnica da documentación contida no sobre B. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1.- Unha relación de todos os documentos incluídos neste sobre. 2.- Declaración responsable subscrita pola persoa que asine a proposición, de acordo co modelo que se adxunta no Anexo II. 3.- Compromiso do licitador de dedicar ou adscribir ó contrato os medios persoais e materiais suficientes necesarios para a debida execución do mesmo, ós que se refire o artigo 64.2 do TRLCSP. 4.- As empresas estranxeiras presentarán unha declaración de someterse a xurisdición dos xulgados e tribunais españois de calquera orden, para todas as incidencias que de modo directo ou indirecto poidan xurdir do contrato, con renuncia, se é o caso ó foro xurisdicional estranxeiro que puidera corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ó castelán ou galego. Presentación do sobre A no caso de licitar a varios lotes. No caso de que o contrato se divida en lotes, se un mesmo licitador se presenta a varios lotes poderá presentar un único sobre A no que acredite os requisitos de capacidade e solvencia requiridos para cada un dos lotes. Pola contra, deberá presentar un sobre B e outro C por cada un dos lotes ós que se presente. SOBRE B: DOCUMENTACIÓN CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Presentarase pechado e cos seguintes documentos: A oferta do licitador deberá estar paxinada e conter un índice detallado e deberá presentarse por escrito e en formato dixital de conformidade co formato que se establece no prego de prescricións técnicas. A exposición da oferta axustarase, como mínimo, ós diferentes apartados que a continuación se detallan: 1. Introdución: Débese realizar un pequeno resume da oferta presentada polo licitador. 2. Obxecto e alcance: Deberanse especificar os obxectivos, obxecto, alcance e esquema xeral da solución proposta. 3. Características da solución proposta. Deberanse describir os seguintes aspectos: a) Arquitectura técnica da solución. Neste apartado o licitador deberá contemplar todos aqueles aspectos relativos á arquitectura lóxica e física da solución proposta, tendo ademais en conta a integración cos sistemas da Deputación. Deberá conter os documentos, diagramas, esquemas, etc. necesarios para definir de maneira completa, detallada e intelixible toda a solución. b) Requisitos técnicos que cumpre a plataforma: Todos os requisitos referidos anteriormente son de obrigado cumprimento. O licitador deberá encher a táboa do Anexo II do prego de prescricións técnicas (Táboa de requirimentos). c) Características técnicas dos equipos: Descrición detallada de todos os elementos xunto coas súas características técnicas, funcionalidades e servizos que proporcionan,etc. d) Características da replicación: Descrición detallada do método de replicación elixido polo licitador entre os sistemas de almacenamento principal e replicado. 4. Xestión e desenvolvemento do proxecto: a) Metodoloxía de xestión de proxecto e órganos de dirección: Describirase a metodoloxía de xestión de proxecto proposta polo licitador así como a proposta organizativa para a dirección e xestión do proxecto. b) Plan de traballo: Descrición do plan de traballo detallado para desenvolver as tarefas solicitadas, deberase incluír de maneira obrigatoria: - Cronograma global. - Descrición de actividades (diagrama de Gantt). - Descrición de fases, tarefas, subtareas, tempos estimados e perfís asociados. c) Seguimento e control do proxecto: Descrición da metodoloxía de seguimento e control do proxecto propostos polo licitador. 5. Plan de calidade: Descrición do plan de calidade que inclúa unha descrición detallada da metodoloxía de control de calidade a aplicar dentro do ámbito do proxecto obxecto do PPT e certificados de calidade que a empresa teña vixentes no momento de presentación da oferta. 6. Plan de entrega e instalación: Deberase indicar o plan de entrega e instalación segundo os requirimentos de entrega e instalación expostos no prego de prescricións técnicas. 7. Plan de migración de servidores: Deberase indicar un plan de migración segundo os requirimentos de migración dos servidores actuais expostos no PPT. 8. Plan de probas: Deberase expor un plan de probas segundo os requirimentos de probas expostos no PPT. 9. Plan de formación: Debera indicar un plan de formación segundo os requirimentos de probas expostos no PPT. 10. Plan de transferencia do servizo: O licitador deberá expor neste punto un plan de transferencia do servizo segundo os requirimentos de transferencia do servizo expostos no PPT. 11. Garantía, mantemento e soporte: O licitador deberá expor neste punto o modelo de garantía, mantemento e soporte (organización, interacción con outros niveis, etc.). 12. Prazo de execución: O licitador deberá expor neste punto a duración total do proxecto xunto co seu prazo de execución. 13. Melloras propostas polo licitador: Neste punto o licitador deberá indicar as melloras ofertadas. 14. Información adicional. 15. Calquera outra documentación que o licitador desexe achegar. Ademais dos documentos aquí requiridos, coa oferta presentaranse todos os que o licitador considere oportunos para a perfecta definición do contrato dentro do apartado de información adicional, entendendo, que en caso de non indicarse un determinado aspecto, cumpre cos requisitos mínimos establecidos no prego e cos estándares de mercado. As ofertas diferenciarán, claramente e dun modo inequívoco, as características mínimas do servizo esixidas, e as que realmente se achegan como melloras, co obxectivo de facilitar o traballo de avaliación. 16. Deberase indicar a parte do contrato que o empresario ten eventualmente co propósito de subcontratar de conformidade co establecido na cláusula 15 deste prego. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición seguindo o modelo determinado no Anexo IV do prego de condicións, asinado e selado. Este modelo conterá a oferta económica que se realice. Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do presuposto base de licitación, variase substancialmente o modelo establecido, comportase erro manifesto no importe da proposición, ou existise recoñecemento por parte do licitador de que adoece de erro ou inconsistencia que a fagan inviable, poderá ser descartada pola Mesa de Contratación. Na proposición indicarase como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables de xeito automático mediante cifras ou porcentaxes por aplicación das fórmulas establecidas nos pregos. 5. MODIFICACIÓNS PREVISTAS Unha vez perfeccionado o contrato, o órgano de contratación só poderá introducir modificacións por razóns de interese público, limitándose ás estritamente indispensables para lograr a satisfacción pretendida no obxecto do contrato, e sen excederse do 10% do prezo de adxudicación. O importe do contrato poderá ampliarse sempre e cando o crédito previsto sexa insuficiente para atender a tódalas solicitudes presentadas, sen que dita ampliación sexa superior o 10% do prezo de adxudicación. ANEXO II DECLARACIÓN RESPONSABLE (SOBRE A) Nota: este modelo pode descargarse en formato .pdf para cubrir na área de descargas do seguinte enderezo web: http://www.depo.es/web/edepo/contratacion1 ANEXO III “FÓRMULAS A APLICAR PARA A VALORACIÓN DA OFERTA ECONÓMICA A) Valoración da oferta económica, ata un máximo de 5 puntos: Entenderase por ofertas admitidas todas aquelas que non quedaran excluídas unha vez realizan o exame da documentación administrativa contida no sobre A e a análise técnica da documentación contida no sobre B. P: prezo de licitación N: número de ofertas O1,O2,….,On: valor das n ofertas, B1, B2,….,Bn: baixas absolutas (Bi=P-Oi, i=l,….,n) b1,b2, ….., bn: baixas porcentuais con respecto a bmax,bmin: baixas porcentuais máxima e mínima bm: baixa porcentual media Vmax: máxima valoración posible Wmax: máxima valoración de acordo coas ofertas presentadas Wi: valoración previa da oferta i-ésima entre 9 e Wmax, i=l, ….., n Vi: valoración final da oferta i-ésima entre 0 e Vmax, i=l, ….., n Nota. Dado que as baixas negativas corresponderían a ofertas superiores ó prezo de licitación (e polo tanto, non admisibles), suponse que as baixas bi, son iguais ou maiores que cero. 1. Valoración máxima inicial de acordo coas ofertas presentadas: 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): Se (oferta entre o prezo de licitación –baixa nula– e a oferta media) entón a súa valoración é proporcional entre os valores Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral, as puntuacións iniciais anteriores resultan moi pequenas, sobre todo cando as ofertas son moi semellantes. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quase-proporcional á baixa: Se : Se : A valoración final das ofertas obtense agora do seguinte modo: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20% (figura 2). Nota. No caso particular en que todas as ofertas sexan iguais en prezo de licitación se ten b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgarlles a todas elas unha puntuación nula . Na práctica, esta situación tamén se produce cando as baixas son todas moi pequenas aínda que non sexan exactamente cero. Por iso propoñemos darlles unha puntuación nula a todas as ofertas sempre que . 4. Fórmula completa para valoración de ofertas: 1. Definición de Wmax: 2. Definición de S: Se : , Se : 3. Valoración das ofertas cando bmax > . Para ,…..,n: Se entón , Se entón 4. Valoración das ofertas cando Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). n = 1: se b1 > 25, entón a oferta 1 (única) é temeraria n = 2: supoñemos que . Se entón a oferta 2 é temeraria Obsérvese que a condición equivale a porque n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada.” ANEXO IV “MODELO DE PROPOSICIÓN (SOBRE C) Don.........................., maior de idade, veciño de....................., con domicilio en .............., titular do DNI.................., expedido en data.............., actuando en nome propio/ou en representación da empresa ................. (CIF núm. .......................) e con domicilio en ....................., teléfono..................... Decatado do anuncio para adxudicar mediante procedemento aberto o contrato correspondente ó subministro (especificar denominación do subministro): Primeiro. Declaramos que na execución do contrato se cumprirán as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos a prestar o contrato con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: 1.- Prezo ofertado: Prezo sen IVE € IVE € Prezo total € 2.- Capacidade neta dos sistemas: Nº de TB netos de almacenamento en discos tipo flash: TB Nº de TB netos de almacenamento en discos 10K: TB Nº de TB netos de almacenamento en discos de alta capacidade: TB Nº de TB netos de almacenamento en almacenamento tipo cinta: TB 3.- Escalabilidade da plataforma en capacidade: -Nº de TB netos máximos soportados pola plataforma que se oferta: TB 4.- Replicación a través da fibra dedicada A solución que se oferta emprega fibra dedicada para realizar a réplica entre os sistemas do CPDP e o CPDR: si / non. 5.- Ampliación da duración do soporte e mantemento despois do terceiro ano: Anos adicionais, despois do terceiro, de duración do soporte e mantemento que oferta a empresa: … anos (pódense ofertar 0, 1 ou 2 anos adicionais). 6.- Custo de mantemento en anos sucesivos: Custo anual de mantemento nos 5 seguintes anos (despois dos tres primeiros máis os adicionais ofertados no apartado anterior):………… euros por ano (sen IVE). 7.- Custo da ampliación ó dobre de almacenamento: Custo anual da ampliación ó dobre do almacenamento ofertado (no conxunto da solución, e dicir, en ambos CPD): ……………….. euros/ ano (sen IVE). (Lugar, data, sinatura e selo do licitador)” ANEXO V “MODELO DE ACREDITACIÓN DE SOLVENCIA TÉCNICA DE SUBMINISTROS OU TRABALLOS REALIZADOS POLA EMPRESA ACREDITACIÓN DA SOLVENCIA TÉCNICA E PROFESIONAL RESPECTO Á REALIZACIÓN DE SERVIZOS OU TRABALLOS REALIZADOS POLA EMPRESA NOS ÚLTIMOS TRES ANOS TÍTULO DO CONTRATO:………………………………………………………… Nº EXPEDIENTE …………………………..…………………………………… D.ª/D. ……………, con DNI núm.……., en nome propio ou en representación da empresa ………, con NIF/CIF núm. ……… DECLARA que a relación dos servizos ou traballos análogos ó obxecto do presente contrato realizados nos últimos tres anos son os que se recollen na táboa seguinte: Título do contrato Obxecto Data Importe do ano 2011 Importe do ano 2012 Importe do ano 2013 Importe total dos últimos 3 anos Destinatario Inicio Fin Totais ……….………., ….. de ………..…… de ……….. (Lugar, data, sinatura e selo do licitador)” 3.22048.- DAR CONTA DO CAMBIO DE DENOMINACIÓN SOCIAL E DO DOMICILIO SOCIAL DA EMPRESA TÉCNICA COMERCIAL AGROPECUARIA, S.L. Mediante acordo da Xunta de Goberno de 6 de xullo de 2012 adxudicouse á empresa Técnica Comercial Agropecuaria, S.L. (CIF B-36.359.230), o lote nº3 (Froitas e verduras) do contrato de subministro de produtos alimenticios para o Centro Príncipe Felipe. Resultado que mediante escrito que tivo entrada no Rexistro Xeral desta Deputación a citada empresa, comunica o cambio de denominación social da empresa que pasa a ser o seguinte:  TC Group Atlántico, S.L. Así mesmo comunica que se efectuou tamén o cambio do seu domicilio social que pasa a ser o seguinte:  Polígono Industrial de Outeda-Curro, Parcela A02 - 36692 Barro. Considerando que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de servizos, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do vixente orzamento provincial, concretamente na Base 16ª. 2 a) onde figura que lle compete á Xunta de Goberno a fase correspondente á disposición dos gastos precisos para a contratación de servizos que, sendo competencia da Presidencia, superen o importe dos contratos negociados sen publicidade por razón da contía, a Xunta de Goberno queda enterada de: Cambio de denominación social da empresa Técnica Comercial Agropecuaria, S.L, pasando a denominarse TC Group Atlántico, S.L., e do cambio de domicilio social, manténdose o mesmo CIF e resto de datos fiscais. 4.22049.- INICIO DO PROCEDEMENTO DE PERDA DO DEREITO Ó COBRO DE SUBVENCIÓNS DO PROGRAMA DE ACCIÓN COMUNITARIA, ANUALIDADE 2012 Antecedentes: Primeiro.- Que, por Acordo da Xunta de Goberno núm. 19.20538, de 28 de decembro de 2012, concedeuse ás asociacións/agrupacións que se detallan na táboa anexa unha axuda económica con destino ó financiamento das actuacións (que se relacionan), incluídas no Programa de Acción Comunitaria, anualidade 2012. Segundo.- Que a concesión das subvencións quedan sometidas, entre outras, ó cumprimento das seguintes condicións: xustificar a axuda concedida antes do 30 de xuño de 2013 e examinado, polo servizo de Cooperación, os expedientes de referencia comprobouse que non se cumpriu en debida forma esta obriga. Terceiro.- Que, con data 11 de marzo de 2014, se lle requiriu a cada beneficiario para que nun prazo de 15 días hábiles achegaran (xustificación segundo as bases do citado Programa). Este requirimento non foi atendido. Cuarta.- Que as circunstancias de feito referidas constitúen causa de perda do dereito ó cobro da axuda económica concedida polo que se eleva a proposta de resolución de inicio de procedemento de perda do dereito ó cobro de subvención. Fundamentos: Primeiro.- Que o servizo de Cooperación é competente para coñecer dos feitos dos expedientes de concesión das subvencións, a teor do disposto na Lei 38/2003, de 17 de novembro, xeral de subvencións e nas bases reguladoras da convocatoria. Segundo.- De conformidade co establecido no artigo 89 do R.d. 887/2006, de 21 xullo, polo que se aproba o regulamento da Lei 38/2003 xeral de subvencións, procederá a perda do dereito ó cobro da subvención e, no seu caso, ó reintegro das cantidades indebidamente percibidas, a falta de xustificación ou a concorrencia dalgunha das causas previstas no artigo 37 da Lei xeral de subvencións. No presente caso, o incumprimento da obriga de xustificar a subvención (Conta xustificativa, facturas e memoria explicativa). Terceiro.- Segundo dispoñen os artigos 41 e 42 da Lei xeral de subvencións, no procedemento perda do dereito ó cobro da subvención, a resolución debe ser adoptada polo órgano concedente de aquelas, previa instrución do expediente no que, xunto coa proposta razoada do órgano xestor, se acompañaran dos informes pertinentes e as alegacións do beneficiario, debendo, garantirse, en todo caso, o dereito do interesado á audiencia no procedemento que se iniciará de oficio. Vistos os antecedentes de feito e os fundamentos de dereito, a Xunta de Goberno acorda por unanimidade: Primeiro.- Iniciar o procedemento de perda do dereito ó cobro das subvencións ás asociacións/agrupacións que se detallan na táboa anexa na que se indica: terceiro, obxecto e importe da subvención, incluídas no Programa Acción Comunitaria, anualidade 2012. Segundo.- Notificar esta resolución ós interesados para que, nun prazo non superior a quince días, computados a partir do día seguinte ó que teña lugar a notificación deste acto, poida alegar e presentar os documentos que estime pertinentes, a teor do disposto no artigo 94.2 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Terceiro.- Se transcorrido dito prazo non se presentan alegacións a resolución devén firme. A listaxe é a que segue: Programa de Acción Comunitaria (PAC) 2012 CIF Entidade Concello Obra Subvención G36244309 Asociación de veciños Berobre de Donón Cangas do Morrazo Acondicionamento Camiño do Carril 1.000,00€ G36410090 Asociación de veciños e propietarios de Viñó Cangas do Morrazo Compra de maquinaria para limpeza 1.000,00€ 77404184F Asociación veciñal da pena Cuntis Acondicionamento Parque da Pena 2.500,00€ G36348183 Asociación cultural Virxe do Loreto Cuntis Restauración lavadoiro e a súa fonte 6.000,00€ 36169770Q Asociación veciñal de Novás Cuntis Tellado lavadoiro e acondicionamento xardín 2.500,00€ G94023694 AA.VV. Virxe das Angustias de S. Miguel de Castro Estrada, A Cambio tellado capela (fase I) 3.000,00€ G36132710 Asociación de consumidores e amas de casa Estrada, A Equipo de protección 700,00€ G36144947 Asociación veciños Airiños Meaño Construción camiño e muro de sostén 2.000,00€ G36163707 Asociación de veciños San Martiño Moaña Parque infantil no cruceiro 10.000,00€ G36550929 Asociación de veciños Cruceiro do Río Moaña Goma de protección e elementos parque infantil 10.000,00€ G36146793 Comunidade de usuarios Gándara Mos Mos Adquisición de moto-bomba 1.500,00€ G36137230 Comunidade de usuarios de Auga de Fozara Ponteareas Mellora traída Augas de Fozara 2.000,00€ G36541209 Asociación de veciños, cultural e deportiva Santa Mariña de Pescoso Rodeiro Construción de aseos públicos en local social 6.400,00€ G36018935 Asociación cultural o Cruceiro-Breixa Silleda Recintado de paredes e pedra para piso 6.000,00€ G36258903 Asociación de mulleres do municipio de Silleda Silleda Adquisición mobiliario de cocina 2.000,00€ G36729796 Asociación de veciños do Barrio da Feira en Cabral Vigo Adquisición de material 1.000,00€ G36750610 Comunidade de aproveitamento de augas A Garrida Vigo Construción dun pozo 2.000,00€ G36481620 Asociación cultural As Mercedes Vila de Cruces Equipamento local social Das Mercedes 2.000,00€ 5.22050.- PERMISO E AXUDA ECONÓMICA PARA ASISTENCIA A CURSOS a) Con data 14 de abril de 2014 e con número de rexistro de entrada 2014038110, D. José Luis Fernández Costas, en calidade de funcionario de carreira prestando servizos como Técnico en Educación Diúrna no Centro Príncipe Felipe, expón que o día 25 de abril de 2014 terá lugar na Coruña o curso “O manexo do TDAH no ámbito educativo”. Solicita permiso para ausentarse do seu posto de traballo o día 25 de abril de 2014, así como a axuda económica correspondente ó desprazamento. A solicitude é informada favorablemente polo Director do Centro Agarimo e conformada pola Deputada Dna. Begoña Estévez Bernárdez. Dada a relación existente entre o contido do curso e o traballo que vén desenvolvendo devandito traballador no Servizo, infórmase favorablemente a súa petición; con todo, para o aboo das indemnizacións que puidesen corresponder e ó amparo da norma 14ª do acordo nº 9.14880 de data 9 de marzo de 2007, adoptado pola Xunta de Goberno, a traballadora deberá presentar unha memoria sobre o desenvolvemento da Acción Formativa e as conclusións obtidas. Polo exposto e de conformidade co establecido no V Acordo Regulador para persoal funcionario da Deputación Provincial de Pontevedra e o Real Decreto 462/2002, de 24 de maio, de Indemnizacións por razón de servizo, a Xunta de Goberno acorda por unanimidade en virtude das competencias que lle confire o artigo 105 da Lei 5/1997 de Administración Local de Galicia, validar o expediente e conceder a D. José Luis Fernández Costas licenza para asistir, así como unha axuda económica cuxo importe ascende a un total de 74,32 € en concepto de desprazamentos: Desprazamento: Concepto Total Partida Vehículo propio: Pontevedra – A Coruña - Pontevedra (134 km x 2) x 0,19 € 50,92 € 14/232.232.231.20 Peaxe: (Pontevedra - A Coruña - Pontevedra) 23,40 € 14/232.232.231.20 Total gastos locomoción 74,32 € 14/232.232.231.20 Unha vez finalizada a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde de 8 de novembro de 1994 sobre xustificación e anticipos de indemnizacións por razón do servizo. Así mesmo, deberá achegar tamén a tarxeta de embarque, billete ou algún documento acreditativo onde se especifique os horarios da viaxe. Así mesmo, e, de conformidade coa normativa 11ª do Acordo nº 9.14880 de data 9 de setembro de 2011, especifícase que non se aboarán os gastos de desprazamento en taxi entre o lugar de aloxamento e o centro onde se imparte o curso, xornada, congreso, reunión ou seminario, debendo utilizarse as liñas de transporte regular (autobús, metro…). Respecto dos gastos de desprazamento, faise constar que cando o mesmo se realice por varios traballadores do mesmo ou distinto servizo, na mesma data, idéntico destino e no mesmo medio de transporte, só se aboarán os gastos a un traballador. Cando se trate de reunións de traballo ou xornadas técnicas, deberá achegar a convocatoria e detallar claramente a hora de inicio e finalización. b) Mediante escrito de data 30 de abril de 2014, D. Fernán Pereira Couso, adxunto ó Xefe do Servizo de Xestión de Recursos Públicos e Inspección do ORAL, expón que o próximo 13 de maio de 2014 celebrarase en Madrid a “Xornada sobre aspectos normativos e de xestión administrativa de tráfico para administracións locais”. Por todo iso, solicita permiso para asistir así como a axuda económica correspondente a dietas e locomoción, tendo en conta que o desprazamento iniciarase o luns 12 de maio ás 20:00 h e finalizará o martes 13 de maio ás 23:00 h. A solicitude é informada favorablemente polo Tesoureiro D. Miguel Santirso Fernández e conformada pola Deputada Delegada Dna. Begoña Estévez Bernárdez. Dada a relación existente entre o contido da Xornada e o traballo que vén desenvolvendo dito funcionario no ORAL, infórmase favorablemente a súa petición; con todo, para o aboo das indemnizacións que puidesen corresponder e ó amparo da norma 14ª do Acordo nº 9.14880 de data 9 de marzo de 2007, adoptado pola Xunta de Goberno, o traballador deberá presentar unha memoria sobre o desenvolvemento da Xornada e as conclusións obtidas. Polo exposto e de conformidade co establecido no art. 16.6 do V Acordo Regulador para persoal Funcionario da Deputación Provincial de Pontevedra e Real Decreto 462/2002, de 24 de maio, de Indemnizacións por razón de servizo, a Xunta de Goberno acorda por unanimidade, en virtude das competencias que lle confire o artigo 105 da Lei 5/1997 de Administración Local de Galicia, conceder a D. Fernán Pereira Couso permiso para asistir á Xornada, así como unha axuda económica que ascende a 218,14 €, desagregado do seguinte xeito: • Total desprazamentos 114,77 € Saída día 12/05/2014 ás 20:00 h e regreso día 13/05/2014 ás 23:00 h. Avión 58,95 € Desprazamento vehículo particular ó Aeroporto de Santiago de Compostela 158 km x0.19 € 30,02 € Peaxe (Pontevedra – Santiago de Compostela – Pontevedra) 5,40 € x 2 10,80 € Parking Aeroporto 15,00 € • Total dietas 103,37 € Saída día 12/05/2014 ás 20:00 h e regreso día 13/05/2014 ás 23:00 h. Día 12/05/2014 (1/2 manutención + aloxamento) (100 % dieta) Grupo II 84,67 € Día13/05/2014 (1/2 manutención) (100 % dieta) Grupo II 18,70 € Ditas cantidades imputaranse ás aplicacións orzamentarias 14/932.932.231.20 de locomoción por un importe de 114,77 € e 14/932.932.230.20 de dietas por un importe de 103,37 €. Unha vez finalizada a viaxe, presentarase no Servizo de Recursos Humanos e Formación no prazo de 10 días hábiles a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención. O interesado deberá achegar tamén a tarxeta de embarque, billete ou algún documento acreditativo onde se especifique os horarios da viaxe. Así mesmo, e, de conformidade coa normativa 11ª do acordo nº 9.14880 de data 9 de marzo de 2007, e, modificada mediante acordo da Xunta de Goberno de data 9 de setembro de 2011, pola que se regulan as licenzas e axudas económicas para a asistencia a cursos, reunións, xornadas, etc.., especifícase que non se aboarán os gastos de desprazamento en taxi entre o lugar do aloxamento e o centro onde se imparte o curso, xornada, congreso, reunión ou seminario, debendo utilizarse as liñas de transporte regular (autobús, metro…). Así mesmo, respecto dos gastos de desprazamento en vehículo particular, faise constar que cando o mesmo se realice por varios traballadores dun mesmo ou distinto Servizo, na mesma data, idéntico destino e co mesmo vehículo, só se autorizará o aboo ó titular do vehículo no que se despracen, considerándose para o cómputo dos quilómetros de distancia e como punto de partida e chegada o centro de traballo, non a residencia do traballador. Cando se trate de reunións de traballo ou xornadas técnicas, deberá achegar a convocatoria e detallar claramente a hora de inicio e finalización, e traballadores do servizo que asisten. c) Mediante escrito de data 23 de abril de 2014 con número de rexistro de entrada 2014040618, o Interventor da Deputación de Pontevedra, D. Antonio Graña Gómez, expón que o Instituto Nacional de Administración Pública (INAP) organiza, en colaboración coa Deputación da Coruña, o curso "O control financeiro da Intervención. Especial referencia ó control de subvencións e xestión de servizos públicos", que terá lugar Na Coruña os días 5, 7, 12 e 14 de maio de 2014 en xornada de mañá e tarde. Dado o especial interese que ten, de cara á implantación do control financeiro de subvencións na Deputación de Pontevedra, solicita a autorización para que D. Julio Souto Diz (Xefe de Contabilidade e Auditoría) poida asistir á devandita acción formativa, así como unha axuda económica en concepto de manutención e aparcadoiro. A solicitude é informada favorablemente polo Interventor D.Antonio Graña Gómez e conformada pola Deputada Dna. Begoña Estévez Bernárdez. Dada a relación existente entre o contido do Curso e o traballo que vén desenvolvendo o devandito funcionario no Servizo, infórmase favorablemente a súa petición; non obstante, para o aboamento das indemnizacións que puidesen corresponder e ó abeiro da norma 14ª do acordo nº 9.14880 de data 9 de marzo de 2007, adoptado pola Xunta de Goberno, o funcionario deberá presentar unha memoria sobre o desenvolvemento do curso e as conclusións obtidas. Polo exposto e de conformidade co establecido no art. 16.6 do V Acordo Regulador para persoal Funcionario da Deputación Provincial de Pontevedra e Real Decreto 462/2002, do 24 de maio, de Indemnizacións por razón de servizo, a Xunta de Goberno acorda por unanimidade, en virtude das competencias que lle confire o artigo 105 da Lei 5/1997 de Administración Local de Galicia, validar o expediente e conceder a D. Julio Souto Diz permiso para asistir ó curso, así como unha axuda económica que ascende a 166,68 €: Concepto: Manutención Total Aplicación orzamentaria ½ Manutención día 05/05/2014 - Grupo I 26,67 € 14/931.931.230.20 ½ Manutención día 07/05/2014 - Grupo I 26,67 € 14/931.931.230.20 ½ Manutención día 12/05/2014 - Grupo I 26,67 € 14/931.931.230.20 ½ Manutención día 14/05/2014 - Grupo I 26,67 € 14/931.931.230.20 Total 106,68 € 14/931.931.230.20 Concepto: Desprazamento Total Aplicación orzamentaria Parking (15,00 x 4 días) 60,00 € 14/931.931.231.20 Total 60,00 € 14/931.931.231.20 Unha vez finalizada a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde de 8 de novembro de 1994 sobre xustificación e anticipos de indemnizacións por razón do servizo. d) Mediante escrito de data 9 de abril de 2014 con número de rexistro de entrada 2014036839, D. Joaquín Lede Martínez, Director de Xestión do Museo de Pontevedra, expón que informa favorablemente o escrito presentado por D. Xosé Carlos Valle Pérez (Director Técnico do Museo de Pontevedra), onde solicita autorización para trasladarse a Madrid o día 29 de abril de 2014 para asistir, seguindo instrucións de Presidencia, ó acto de presentación do libro titulado “Os pazos galegos. Materiais para o seu estudo”, editado polo Servizo de Publicacións da Deputación de Pontevedra. Por iso, solicita autorización para que D. Xosé Carlos Valle Pérez poida asistir, en Comisión de Servizos, a Madrid os días 29 e 30 de abril de 2014, así como unha axuda económica correspondente ós gastos de desprazamentos e dietas. Polo exposto e de conformidade co establecido no V Acordo Regulador para persoal Funcionario da Deputación Provincial de Pontevedra, a Xunta de Goberno acorda por unanimidade, en virtude das competencias que lle confire o artigo 105 da Lei 5/1997 de Administración Local de Galicia, validar o expediente e autorizar a realización do desprazamento por razón do servizo con dereito a percibir as indemnizacións que se fixan no R.d. 462/2002, sempre que os mesmos sexan xustificados de acordo co procedemento aprobado pola Xunta de Goberno da Deputación Provincial de Pontevedra, na súa sesión ordinaria de 23/01/2008, cuxo gasto ascende a un total de 532,57 € en concepto de desprazamentos e dietas: Desprazamento: saída o 29/04/2014 ás 7:30 h e chegada o 30/04/2014 ás 18:00 h. Concepto Total Partida Desprazamento en avión, taxi, metro, bus, etc … 350,00 € 14/333.333.231.20 Total gastos locomoción 350,00 € 14/333.333.231.20 Dietas: Saída o 29/04/2014 ás 7:30 h e chegada día 30/04/2014 ás 18:00 h. Concepto Total Partida Dieta (100 %) Grupo I Día 29 de abril de 2014 155,90 € 14/333.333.230.20 Dieta (100 %) Grupo I Día 30 de abril de 2014 26,67 € 14/333.333.230.20 Total gastos dietas 182,57 € 14/333.333.230.20 Unha vez finalizada a viaxe, os interesados deberán presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde de 8 de novembro de 1994 sobre xustificación e anticipos de indemnizacións por razón do servizo. O interesado deberá achegar tamén a tarxeta de embarque, billete ou algún documento acreditativo onde se especifique os horarios da viaxe. Así mesmo, e, de conformidade coa normativa 11ª do Acordo nº 9.14880 de data 9 de setembro de 2011, especifícase que non se aboarán os gastos de desprazamento en taxi entre o lugar de aloxamento e o Centro onde se imparte o curso, xornada, congreso, reunión ou seminario, debendo utilizarse as liñas de transporte regular (autobús, metro…). Así mesmo, respecto dos gastos de desprazamento, faise constar que cando o mesmo se realice por varios traballadores do mesmo ou distinto servizo, na mesma data, idéntico destino e no mesmo medio de transporte, só se aboarán os gastos a un traballador. Cando se trate de reunións de traballo ou xornadas técnicas, haberá que achegar a convocatoria e detallar claramente a hora de inicio e finalización. 6.22051.- COMUNICACIÓNS Non houbo. FÓRA DA ORDE DO DÍA, e previa declaración de urxencia adoptáronse os seguintes acordos: 7.22052.- CONVENIO DE COLABORACIÓN ENTRE A DEPUTACIÓN PROVINCIAL E A FUNDACIÓN CELTA DE VIGO PARA A REALIZACIÓN DO MINITORNEO ELITE UEFA SUB 19) (CLASIFICATORIO PARA O MUNDIAL SUB 20 2015) Visto a proposta do Servizo de Deportes de data 5 de maio de 2014, o informe de Secretaría Xeral de data 2 de maio de 2014 e o informe de Intervención de data 7 de maio, relativa á sinatura do Convenio de colaboración coa Fundación Celta de Vigo para a celebración do Minitorneo Elite UEFA Sub 19, mediante a achega de setenta mil euros (70.000,00 €) e con cargo á aplicación orzamentaria 14/340.341.489.07 do vixente orzamento, a Xunta de Goberno acorda por unanimidade a aprobación do mesmo facultando ó Ilmo. Sr. Presidente para a súa sinatura. Dito convenio é como segue: “CONVENIO DE COLABORACIÓN ENTRE A DEPUTACIÓN PROVINCIAL DE PONTEVEDRA E A FUNDACIÓN CELTA DE VIGO PARA A REALIZACIÓN DO MINITORNEO ELITE UEFA SUB 19 (CLASIFICATORIO PARA O MUNDIAL SUB-20 2015) Vigo, a … de ……. maio de 2014 REUNIDOS D. Rafael Louzán Abal, Presidente da Deputación Provincial, actuando na súa representación, e D. Manuel Carlos Mouriño Atanes, en calidade de presidente da Fundación Celta de Vigo, con CIF:G.36810042 e domicilio social en Avda. de Balaídos, s/n, do Concello de Vigo (36210). EXPOÑEN O obxectivo principal que se persegue coa firma deste convenio entre a Deputación de Pontevedra e a Fundación Celta de Vigo é organizar con éxito o Minitorneo Elite UEFA Sub 19 clasificatoria para a Copa Mundial sub-20 da FIFA e para o Mundial sub-20 de Nova Zelandia en 2015. Ademais plasmase a intención de unir esforzos e aproveitar sinerxías para que os cidadáns da provincia de Pontevedra poidan asistir e participar nun acontecemento futbolístico a nivel internacional e potenciar e difundir o nome da provincia de Pontevedra a nivel nacional e internacional, implicación e apoio que a Deputación de Pontevedra amosou sempre polo deporte na nosa provincia, colaborando con accións coma esta, que son necesarias e potencian a formación deportiva, cultural e social dos cativos da nosa provincia. ACORDAN 1º.- A Fundación Celta de Vigo estará obrigada o seguinte:  Inserir o logotipo da Deputación de Pontevedra nos seguintes soportes: o Páxina Web do R.C. Celta de Vigo e da Fundación Celta de Vigo o Facebook R.C. Celta e Fundación Celta de Vigo. o Twitter R.C. Celta e Fundación Celta de Vigo. o Newsleter abonados R.C. Celta e membros da Fundación Celta de Vigo. o Publicidade en medios de comunicación. o Presentación oficial do devandito Torneo a os medios de comunicación. o Vídeo-marcador do Estadio municipal de Balaídos. Realizaranse dez insercións de 5 segundos cada unha o longo da cada partido disputado neste estadio.  Colocación de tres valos da Deputación de Pontevedra a pe de campo no estadio Balaídos, ademais dos xa existentes.  Colocación de tres valos da Deputación de Pontevedra a pe de campo no estadio Pasarón, ademais dos xa existentes. 2º.- A Fundación Celta de Vigo, facilitará a Deputación Provincial, mil invitacións para cada un dos seis encontros, que se disputarán nos estadios de Balaídos e Pasarón, para achegar a os nenos e nenas da provincia de Pontevedra que desexen acudir como espectadores. 3º.- A Fundación Celta de Vigo poñerá a disposición da Deputación de Pontevedra, dez prazas por partido, para que nenos e nenas desfruten da experiencia a pé de campo, participando como recollepelotas nesta competición. 4º.- Establécese a cantidade de setenta mil euros (70.000,00€) con cargo á aplicación orzamentaria 14/340.341.489.07 como contribución da Deputación Provincial de Pontevedra, para poder cubrir este convenio de colaboración para a realización do Minitorneo Elite UEFA SUB 19. 5º.- A Deputación Provincial de Pontevedra subvencionará a Fundación Celta de Vigo a citada cantidade de 70.000,00 €, que poderá aboarse o 50% á sinatura do convenio e o outro 50% unha vez que se xustifique a celebración do torneo e, en todo caso, antes do 30 de xuño de 2014, con: a. Fotografías da publicidade inserida a que se refire a cláusula 1º. b. Certificación do Club de que a publicidade sinalada na cláusula 1º estivo exposta na celebración dos partidos. c. Memoria sobre a actividade referida neste convenio de celebración do Minitorneo Elite UEFA SUB 19 e cumprimento das distintas obrigas. 6º.- A vixencia do presente convenio remata ó final da celebración do evento. 7º.- As obrigas recollidas no presente protocolo de convenio de colaboración quedarán suxeitas a Lei 38/03, Xeral de Subvencións, así como o establecido nas bases de execución do orzamento provincial e demais disposicións de desenvolvemento. E como proba da firme vontade de fomentar o desenvolvemento cultural e deportivo de Galicia, e en particular da provincia de Pontevedra, asínase o presente Convenio no lugar e data do encabezado. O Presidente, Fundación Celta de Vigo, Asdo: D. Rafael Louzán Abal Asdo: D. Manuel C. Mouriño Atanes” 8.22053.- CONCESIÓN DE SUBVENCIÓNS A DIVERSOS CONCELLOS CON DESTINO Ó PAGAMENTO DE GASTO CORRENTE, ACREDORES DE INVESTIMENTOS E AMORTIZACIÓN DE DÉBEDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 Resultando que o Pleno da Deputación na sesión ordinaria celebrada o día 28 de febreiro de 2014 aprobou as “Bases do Plan Urxente de mantemento de Servizos e Infraestruturas Municipais 2014 (PUSIM 2014)”, sendo o obxecto das mesmas financiar a realización de investimentos e o financiamento de débeda ou de gasto corrente no que incorren os concellos na súa actividade como xestores públicos. Estas Bases foron publicadas no BOP núm. 44 do 5 de marzo de 2014, así como nos medios informáticos promovéndose a concorrencia de solicitudes ata o día 9 de abril de 2014. De acordo co disposto na base primeira e quinta, os concellos poderán destinar ata o 30% da cantidade que lles corresponde neste Plan ó pago da débeda contraída co Estado, entidades financeiras, acredores de investimentos e de gasto corrente, así como o financiamento do gasto corrente novo. No Rexistro Xeral recibíronse doce solicitudes con destino a estes fins. Visto que as solicitudes presentadas formalmente se adaptan ó preceptuado nas bases e non exceden o 30% da axuda económica concedida a cada concello. Vistos o informe da xefa do Servizo de Cooperación e o informe de fiscalización dos expedientes de subvención propostos. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos Provinciais e a restante normativa local vixente, a Xunta de Goberno acorda por unanimidade: A concesión de subvencións ós concellos que se detallan na seguinte táboa para as actuacións que se relacionan na mesma, por un importe total catrocentos corenta e catro mil cento sesenta e sete con noventa e cinco euros (444.167,95€) con destino á amortización de préstamos, ó pago de débedas e ó financiamento de gasto corrente, con cargo ás aplicacións orzamentarias 2014/942.942.462.45 e 2014/942.942.762.45 do Plan Urxente de mantemento de Servizos e Infraestruturas Municipais 2014 (PUSIM/14). Concello Núm. Finalidade Importe Agolada Acredores gasto corrente novo 40.212,57€ Cambados Acredores gasto corrente 49.580,37€ Cañiza, A Acredores gasto corrente 7.539,31€ Cañiza, A Acredores de investimentos 17.190,47€ Grove, O Acredores gasto corrente novo 6.052,07€ Lama, A Amortización débedas con Entidades financeiras 38.557,34€ Meis Amortización débedas con Entidades financeiras 40.730,58€ Pazos de Borbén Acredores gasto corrente novo 37.463,32€ Portas Acredores gasto corrente novo 3.401,57€ Ponteareas Acredores gasto corrente 101.148,97€ Redondela Acredores gasto corrente novo 88.735,92€ Silleda Acredores gasto corrente novo 13.555,46€ Total 444.167,95€ A concesión das subvención está suxeita ó cumprimento das seguintes condicións: 1) As subvencións concédense para colaborar no financiamento das actuacións propostas, non podendo cambiarse o destino nin a contía das mesmas. 2) O pago das subvencións farase anticipadamente unha vez se aprobe a concesión, agás no relativo ó gasto corrente novo que so procederá ó seu libramento despois de que o beneficiario achegue a pertinente xustificación. Os concellos deberán xustificar a realización dos pagamentos achegando: • Certificación ou acordo do órgano competente aprobando os pagamentos realizados. • Certificación do secretario ou do secretario-interventor indicando que se fixo o aboamento ó Estado, ás Entidades Financeiras ou ós acredores de gasto corrente (identificando o acredor) e a data de pago. • Certificación que acredite que a subvención se aplicou a finalidade proposta, quedando a disposición da Deputación para o seu exame, se o considera oportuno, os xustificantes correspondentes. • Declaración do Concello de darlle difusión a actuación subvencionada facendo constar a colaboración da Deputación-Servizo de Cooperación, ademais de cumprir co disposto na base décimo quinta sobre a publicidade. • No caso concreto do gasto corrente novo, ademais, a conta xustificativa dos gastos na que se determinará o custo ou gasto total de finalidade subvencionada, detallando as facturas ou documentos con valor probatorio no ámbito mercantil e administrativo (identificando acredor e documento, importe, data de emisión, e se é posible, a data na que se pagou). 3) As axudas concedidas para a amortización e o pagamento de débeda, así como de gastos xa realizados, deberán ser xustificadas antes do día 31 de decembro de 2014. Respecto ós demais gastos correntes deberán ser xustificados antes do día 31 de marzo do 2015. O incumprimento desta obriga determinará a revogación das subvencións, así como o reintegro das cantidades percibidas de acordo co disposto no artigo 37 da Lei 38/2003, do 17 de novembro, xeral de subvencións. 9.22054.- REVOGACIÓN PARCIAL DA SUBVENCIÓN CONCEDIDA, NO MARCO DO SEGUNDO PLAN PROVINCIAL DE EMPREGO Ó CONCELLO DE ARBO E INICIO DO PROCEDEMENTO DE REINTEGRO Resultando que á vista da documentación obrante no expediente da subvención concedida ó Concello de Arbo, CIF núm. P3600100F, no marco do Segundo Plan Provincial de Emprego 2013, ponse de manifesto un incumprimento dos requisitos impostos para a selección dun axudante de tarefas no fogar no marco do dito Plan. Este incumprimento ten carácter esencial porque a selección de ambas candidatas vulnera o previsto nos artigos 7 e 11 das súas Bases reguladoras, xa que as prestacións que perciben dúas das candidatas remitidas polo Servizo Público de Emprego de Galicia non son asimilables a unha prestación social destinada a garantir os recursos económicos mínimos de subsistencia (RISGA, RAI ou PREPARA). Resultando que tamén se constata un incumprimento das propias Bases aprobadas polo Concello de Arbo, que se encadran no marco do Segundo Plan Provincial de Emprego 2013, polo motivo antedito e por incumprir manifestamente a base Quinta no referido á omisión ou a falsidade da documentación alegada para valorar os méritos dos aspirantes. Resultando que en virtude do disposto no artigo 33.1 da Lei 9/2007, de 13 de xuño, de subvencións de Galicia, este suposto da lugar á perda da subvención destinada á contratación dun axudante nas tarefas do fogar que ascende a un total de 4.181,88 €, máis no seu caso os intereses de demora. Resultando que non se estima procedente a imposición dunha sanción porque o incumprimento das condicións impostas para percibir a subvención é parcial e restrínxese ós aspectos concretos do caso analizado, que a argumentación do propio órgano seleccionador reflicte simplemente unha mala interpretación, que non obsta a existencia dunha causa de reintegro, pero que non é suficiente para xustificar a imposición dunha sanción, habida conta que non existen antecedentes similares de incumprimentos por parte do Concello de Arbo e que se trata dun programa de subvencións de implantación novidosa, o que significa que os beneficiarios aínda non posúen un dominio práctico dos trámites necesarios para a súa execución, sen prexuízo das medidas que se adopten polos interesados contra ese concello pola vulneración da regulamentación que impón as condicións para realizar o procedemento de selección. Vistos os informes da xefa do Servizo de Cooperación, da Secretaría Xeral e da Intervención, en virtude das competencias que lle outorga a normativa local vixente, a Xunta de Goberno acorda por unanimidade: 1.- Declarar a perda da subvención concedida ó Concello de Arbo, CIF núm. P3600100F, no marco do Segundo Plan Provincial de Emprego 2013, destinada á contratación dun axudante nas tarefas do fogar, que ascende a un importe total de 4.181,88 €, máis no seu caso os intereses de demora, por incumprir as condicións impostas para a súa percepción. 2.- Iniciar o procedemento de reintegro correspondente. 3.- Suspender cautelarmente o libramento do segundo anticipo da subvención concedida ó Concello de Arbo, CIF núm. P3600100F, no marco do Segundo Plan Provincial de Emprego 2013, por un importe de 4.181,88 €. 4.- Darlle audiencia ó Concello de Arbo, para poñer de manifesto o expediente e que realice, no prazo de dez días, as alegacións que considere oportunas. 5.- Notificar o presente acordo ó Concello de Arbo, CIF núm. P3600100F e a Dª Beatriz Fernández Iglesias, DNI núm. 34875766S. 10.22055.- RECOÑECEMENTO DA OBRIGA E DECLARACIÓN DE ABOO, POLO PROCEDEMENTO EXTRAXUDICIAL DE CRÉDITO, DA SUBVENCIÓN CONCEDIDA Á ASOCIACIÓN VECIÑAL, CULTURAL E DEPORTIVA “CELADO” (CIF: G36117315) DO CONCELLO DE MOS PARA REALIZAR A OBRA DENOMINADA “MELLORA DE ACCESIBILIDADE E SEGURIDADE NO LOCAL DA AA.VV. CELADO”, INCLUÍDA NO PROGRAMA DE ACCIÓN COMUNITARIA 2012 (NÚM. EXP. 2012000891) Examinada a documentación xustificativa da subvención e visto o informe da Intervención, a Xunta de Goberno acorda por unanimidade aprobar a xustificación e declarar de aboo, polo procedemento de recoñecemento extraxudicial de crédito, a cantidade de cinco mil euros (5.000,00 €) a favor da Asociación Veciñal, Cultural e Deportiva “Celado” (CIF: G36117315), correspondente á subvención que lle foi concedida por acordo da Xunta de Goberno desta Deputación Provincial, na súa sesión do 28 de decembro de 2012, polo sistema de concorrencia competitiva, para realizar a obra: “Mellora de accesibilidade e seguridade no local da AA.VV. Celado”, incluída no Programa de Acción Comunitaria 2012 (núm. exp. 2012000891). Este libramento farase con cargo á aplicación 14/942.459.789.07.2012 do vixente orzamento provincial. 11.22056.- RECOÑECEMENTO EXTRAXUDICIAL DE OBRIGAS Visto o informe que formula a Intervención desta Deputación, de data 9 de maio de 2014, para o recoñecemento extraxudicial das obrigas, de gastos efectuados polos Centros Xestores e Dependencias, desta Deputación e que se especifican na relación que se achega, e en virtude das facultades que lle confire a base 17-1, parágrafo cuarto das aprobadas para a execución do orzamento de 2014, a Xunta de Goberno acorda por unanimidade aprobar e declarar de aboamento: A relación de facturas que figuran ca referencia 2014005897 e que contén vinte e catro facturas, correspondendo a primeira a Etensis IT Consulting, por importe de 3.999,35 €, e derradeira a R.Cable y Telecomunicaciones Galicia, S.A., por importe de 205,79 €, obedecendo ó seguinte detalle: Importe total 138.327,97 € Descontos do IRPF 0,00 € Descontos do IVE soportado deducible 0,00 € Descontos do Honorarios técnicos externos 0,00 € Total líquido 138.327,97 € 12.22057.- RECOÑECEMENTO EXTRAXUDICIAL DE OBRIGAS E CERTIFICACIÓNS DA EMPRESA CONSTRUCCIONES ABAL, S.A. En data 03/04/2014 recíbese no Servizo de Contratación a certificación nº 1 da obra: Canalización das instalacións no novo vial e muro de contención de cachotes no ensanche de acceso a Meis, levada a cabo pola empresa Construcciones Abal S.A. (A-36.115.459) por importe de 239.741,12€. Non tendo constancia no Servizo de Contratación de terse tramitado expediente correspondente a dita certificación, remítese á responsable do Servizo de Turismo Rías Baixas para que emita informe. En data 10 de abril de 2014, a xefa de Turismo, informa que a tramitación da factura nº15/14 emitida por Construcciones Abal S.A., en relación coa certificación nº 1 da obra: “Canalización das instalacións no novo vial e muro de contención de cachotes no ensanche de acceso a Meis” se tramite polo procedemento de recoñecemento extraxudicial de crédito, con cargo á aplicación orzamentaria 14/433.430.622.01.2013. Visto o informe emitido por Intervención en data 02/05/2014, correspondente á certificación que se relaciona, tendo en conta que non se seguiu o procedemento de contratación oportuno á aprobación das facturas, require seguir o procedemento de recoñecemento extraxudicial de crédito, de acordo co establecido na base 17.1 das aprobadas para a execución do Orzamento Provincial de 2014, a Xunta de Goberno acorda por unanimidade a autorización, o compromiso de gasto e o recoñecemento extraxudicial da seguinte obriga: -A certificación nº 1-final, da empresa Construcciones Abal S.A. (A-36.115.459) por importe de douscentos trinta e nove mil setecentos corenta e un mil euros con doce céntimos (239.741,12€), correspondente á obra “Canalización das instalacións no novo vial e muro de contención de Cachotes no ensanche de acceso a Meis”, co arranxo ó seguinte detalle: CONSTRUCCIONES ABAL, S.A. (CIF A-36.115.459) 239.741,12€ Subtotal 239.741,12€ Taxa dirección de obra (4%) 6.659,94€ Control de Calidade (1%) 1.664,98€ Seguridade e saúde (0,5%) 832,49€ Total descontos 9.157,41€ Importe líquido a percibir pola empresa 230.583,71€ O pago da certificación realizarase con cargo á aplicación: 14/433.430.622.01.2013 13.22058.- DEVOLUCIÓN DE GARANTÍAS DEFINITIVAS 1.- Devolución de garantías definitivas á empresa Obras y Contrucciones Sostenibles, S.L. A empresa Obras y Construcciones Sostenibles, S.L. (CIF B 36.360.501), mediante escrito presentado perante esta Deputación solicitou a devolución dunha fianza constituída para responder dun contrato do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade có establecido no artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Novacaixagalicia, por importe de cinco mil corenta e catro euros con setenta céntimos (5.044,70 €), para responder do contrato relativo á obra: Ampliación base protección civil no Grove, que foi depositada na Tesourería Provincial o 13/10/2011, segundo mandamento de ingreso con número de operación 201100083424, sendo indispensable para retirala a presentación da carta de pagamento orixinal e o selo da empresa. 2.- Devolución de garantías definitivas á empresa Cotrarga, S.L. A empresa Cotrarga, S.L. (CIF B 36.571.784), mediante escrito presentado perante esta Deputación solicitou a devolución dunha fianza constituída para responder dun contrato do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade có establecido no artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Banco Popular, por importe de tres mil oitocentos cincuenta e tres euros con cincuenta e oito céntimos (3.853,58 €), para responder do contrato relativo á obra: Ensanche e mellora do trazado da E.P. 8503 Cordeiro Senín (Valga), que foi depositada na Tesourería Provincial o 31/03/2013, segundo mandamento de ingreso con número de operación 201300007125, sendo indispensable para retirala a presentación da carta de pagamento orixinal e o selo da empresa. 14.22059.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA “CANALIZACIÓN LIÑA A.T. 66 KW, DENDE A LIÑA TIBO MOURENTE Ó COMPLEXO INDUSTRIAL DE BARRO MEIS” (EXPTE. 2014000691) Resultando que pola Xunta de Goberno, en sesión de 25/04/2014, acordouse aprobar o proxecto de “Canalización liña A.T. 66 KW dende liña Tibo-Mourente ata Subestación Complexo Industrial Barro-Meis” con orzamento de 1.034.337,87 €, máis a cantidade de 217.210,95 € correspondente ó IVE, o que fai un total de 1.251.548,82 €. A Deputación non conta con medios humanos e técnicos suficientes para levar por se mesma a execución desta actuación, polo que resulta necesario a súa contratación. Visto o informe do Xefe do Servizo de Contratación, de data 01/10/2013, no que expón que considerando o R.d.l. 3/2011, de 14 de novembro, polo que se aproba o texto refundido da Lei de Contratos do Sector Público, no seu artigo 6 tipifica este contrato como de obra ó ter por obxecto o resultado dun conxunto de traballos de construción ou de enxeñería civil, destinado a cumprir en por si unha función económica ou técnica, que teña por obxecto un ben inmoble ou a execución dalgún dos traballos enumerados no Anexo I. Tamén informa que o procedemento aberto é a forma ordinaria que debe utilizarse para a adxudicación destes contratos, tal e como establece o artigo 138.2 do citado R.d.l. 3/2011. Resultando que o Sr. Secretario Xeral emite informe relativo ó prego de condicións que rexerá no procedemento, no que o estima correcto xuridicamente para os fins propostos. Resultando que polo Sr. Interventor emítese informe de fiscalización do expediente certificando a existencia de crédito suficiente para levar a cabo esta actuación. Considerando que a disposición adicional segunda do referenciado R.d.l. 3/2011, no seu apartado 1, faculta ó Ilmo. Sr. Presidente para actuar como órgano de contratación, e tendo en conta o disposto no artigo 185 do R.d.l. 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o expediente para a contratación, mediante procedemento aberto, da execución da obra “Canalización liña A.T. 66 KW dende liña Tibo-Mourente ata Subestación Complexo Industrial Barro-Meis”. O orzamento deste contrato é de 1.034.337,87 €, máis a cantidade de 217.210,95 € correspondente o IVE, o que fai un importe total de 1.251.548,82 €. Así mesmo a Xunta de Goberno acorda: - Autorizar o gasto por importe de 1.251.548,82 €. - Aprobar os pregos de cláusulas administrativas e de prescricións técnicas que rexerán como lei fundamental do contrato. - Conceder un prazo de vinte e seis días naturais para a presentación de proposicións, contados a partir do día seguinte á publicación do anuncio desta contratación no Boletín Oficial da Provincia. O expediente finánciase con cargo ás aplicacións 14/456.156.680.03.2008 (839.711,60 €) e 14/456.156.680.03 (411.837,22 €) do vixente orzamento provincial. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES XERAIS QUE REXERÁN A CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “CANALIZACIÓN LIÑA A.T. 66 KW DENDE LIÑA TIBO-MOURENTE ATA SUBESTACIÓN COMPLEXO INDUSTRIAL DE BARRO-MEIS” (EXPTE. 2014000691) 1.OBXECTO O obxecto do contrato ó que se refire este prego é a execución das obras descritas no apartado 1 do anexo I, e definidas nos correspondentes proxectos aprobados pola Administración, que recolle as necesidades administrativas a satisfacer mediante o contrato e os factores de toda orde a ter en conta. No caso de que o procedemento aberto se divida por lotes, haberá un anexo I por cada unha delas. Dito proxecto consta dos documentos esixidos no artigo 123 do TRLCSP, despois de contemplarse na súa elaboración os preceptos do Libro II, título I, capítulo II, sección 2ª do RXLCAP. A memoria, os planos, os cadros de prezos, o prego de prescricións técnicas particulares e o prego de cláusulas administrativas particulares, revestirán carácter contractual. Se o contrato está dividido en lotes, os licitadores poderán optar a unha obra, a varias ou a todas elas, agás que se estableza un número máximo de obras por licitador, para o que se estará ó estipulado no apartado 1 do anexo I deste prego. 2. FINANCIAMENTO E ORZAMENTO DE LICITACIÓN Este contrato será financiado do xeito que se establece no apartado 1 do anexo I e distribuído nas anualidades previstas. O orzamento base de licitación do contrato ascende á cantidade expresada no apartado 1 do anexo I deste prego, incluíndo na mencionada contía todos os factores de valoración e gastos que, segundo os documentos contractuais e a lexislación vixente son de conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións que se presenten superando o orzamento base de licitación serán desbotadas automaticamente. O orzamento de execución por contrata comprende os seguintes conceptos: Gastos xerais da empresa, correspondéndolle a porcentaxe do 13% sobre o orzamento de execución material e comprenderá os seguintes aspectos: 1.- A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación na sesión do 27 de febreiro de 1998. Gastos referentes á coordinación da seguridade e saúde: 0,50 % do orzamento de execución material. Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2.- Beneficio industrial: aplicarase o 6% sobre o orzamento de execución material. 3.- IVE, que se aplicará sobre a suma do orzamento de execución material, beneficio industrial e dos gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais e autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3. RÉXIME XURÍDICO En todo o non previsto nos pregos, estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, o Real decreto lexislativo 817/2009, de 8 de maio, polo que se desenvolve parcialmente a LCSP e no que sexa aplicable no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP e en toda a demais normativa aplicable. O descoñecemento do contrato en calquera dos seus termos ou dos documentos anexos que fan parte deste non eximirá ó contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada, supletoriamente aplicaranse as restantes normas de dereito administrativo e, no seu defecto, as normas de dereito privado O adxudicatario obrigarase ó cumprimento, baixo a súa exclusiva responsabilidade, das disposicións vixentes sobre relacións laborais, Seguridade Social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos no dito texto legal. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos polo TRLCSP ou polas normas autonómicas de desenvolvemento ou cando así se decida voluntariamente, a Deputación difundirá, a través de internet (www.depo.es) o seu perfil de contratante. Neste perfil publicaranse todas as noticias, avisos e documentación relativos a este contrato. Calquera dúbida existente acerca dos pregos que rexen esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se indique no apartado 2 do anexo I, nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias nas que constitúan a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); estas empresas serán responsables solidarias ante a Administración, debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. A finalidade destas empresas será realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. PRAZO DE EXECUCIÓN O prazo máximo estimado para a execución das obras, contando dende o día seguinte ó da sinatura da acta de comprobación do replanteo, agás que exista razón fundada que impida o seu comezo, estímase no apartado 1 do anexo I. O contratista deberá presentar, antes da formalización do contrato, un programa de traballo que contemple o desenvolvemento das unidades de obras en relación co prezo que se van realizar en cada prazo. Estará obrigado a cumprir o contrato na súa totalidade dentro do prazo ofertado, así como nos parciais sinalados para a súa execución sucesiva. Este prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e con petición previa do contratista co informe favorable do director de obra. No caso de prórroga proposta pola dirección da obra o órgano de contratación terá que aprobar o expediente pertinente que implica a modificación. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5% do prezo. As penalidades diarias serán cuantificadas na proporción de 0,20 euros por cada 1.000 do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. Esta imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 9. GARANTÍA DEFINITIVA O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados dende o seguinte ó da recepción do correspondente requirimento. No caso de non se cumprir o prazo sinalado entenderase que o licitador retirou a súa oferta, procedéndose, nese caso, a solicitarlle a mesma documentación ó licitador seguinte, pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 10. PRESENTACIÓN DE PROPOSICIÓNS, LUGAR E PRAZO DE PRESENTACIÓN, FORMALIDADES E DOCUMENTACIÓN 10.1. Lugar e prazo de presentación: As proposicións presentaranse no Rexistro xeral da Deputación (na sede de Pontevedra, de luns a venres de 8:30 a 14:30 e de 17:00 a 19:00 horas, os sábados de 9:00 a 13:00 horas; na sede da Deputación en Vigo, de luns a venres de 9:00 a 14:00 horas) dentro dun prazo de vinte e seis días, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre no mesmo día. 10.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C, en función do sobre correspondente). - Obra núm.… (especificar o número de obra a que se licita). - Núm. de expediente (no caso de que se coñeza). - Denominación do contrato. - Nome do licitador. - CIF - Enderezo, correo-e e teléfono de contacto. - Número de inscrición no Rexistro de contratistas (se é o caso). A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada da seguinte maneira: Presidente: - a Deputada Delegada en materia de Contratación. Vogais: - o secretario xeral. - o interventor. - o Director de Infraestruturas. Secretario: - o técnico adxunto ó Servizo de Contratación . 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de contratación e procederase á cualificación da documentación xeral achegada polos licitadores no sobre A. No caso de que se precise o arranxo de erros ou omisións na documentación, a Mesa de contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, sinalará, en acto público, as que cualificasen como inadmitidas e admitidas e procederá á apertura do sobre B correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. Dita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase, no perfil do contratante da Deputación de Pontevedra, a data e hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Darase a coñecer, neste acto, a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha ponderación dos criterios avaliables mediante xuízos de valor que superen os puntos indicados no apartado 3 do anexo I. Para a valoración das cifras ou valores do sobre C aplicaranse os criterios establecidos no apartado 3 do anexo I. Unha vez aplicados estes criterios clasificaranse as propostas en orde decrecente de valoración e propoñeráselle ó órgano de contratación a adxudicación a favor do licitador que obtivese a oferta economicamente máis vantaxosa. Cando a Mesa de contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas ó respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN A PRESENTAR POLA EMPRESA QUE PROPOÑA A OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, para cuxo efecto poderá solicitar todos os informes técnicos que estime pertinentes, clasificaraas por orde decrecente e requiriralle á empresa coa oferta máis vantaxosa que, dentro do prazo de dez días hábiles, presente a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose, a acreditación da capacidade de obrar realizarase mediante escritura ou documento de constitución, estatutos ou acto fundacional no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante un informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física, o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador, deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en dereito ó seu favor, debidamente inscrito no rexistro oficial correspondente que habilite para concorrer ó asinamento de contratos coas administracións públicas. No caso de concorreren á licitación varias empresas, constituíndo unha unión temporal cada unha delas, deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado. Os que comparezan ou asinen proposicións en nome doutro, ou representen a unha persoa xurídica, deberán presentar tamén unha escritura de poder debidamente bastanteado por un fedatario público cunha antigüidade non superior a 6 meses. 3. Documentación acreditativa da solvencia económica, financeira e técnica. Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato. O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1) Certificación positiva expedida pola Tesourería da Seguridade Social, ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2) Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP, que acredite que se atopa ó corrente do pagamento das súas obrigas tributarias. 3) Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. 4) Documentación acreditativa da efectiva disposición dos medios persoais e materiais que se comprometeu a adscribir a execución do contrato. 5) Deberá indicarse a parte do contrato que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial. 6) Documento que acredite a constitución da garantía definitiva. 7) Documento acreditativo do pagamento dos anuncios. 14. ADXUDICACIÓN O órgano de contratación terá alternativamente a facultade de adxudicar o contrato á proposición máis vantaxosa no seu conxunto, se se atende a unha pluralidade de criterios, ou á proposición que incorpore o prezo máis baixo, cando este sexa o único criterio a considerar. A adxudicación acordarase nunha resolución motivada no prazo máximo de dous meses, a contar dende a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando dende a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados no artigo 152.3 do TRLCSP e 22.f do R.d. 817/2009, para as proposicións desproporcionadas ou anormalmente baixas. A adxudicación notificaráselle ós licitadores e, simultaneamente, publicarase no perfil de contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da mesa de contratación, cando non exista ningunha oferta ou proposición que sexa admisible de acordo cos criterios que figuran no prego. 15. SUBCONTRATACIÓN O contratista poderá concertar con terceiros a realización parcial do contrato, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberá indicarse na oferta (sobre B) a parte que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial, definido por referencia ás condicións de solvencia, profesional ou técnica, dos subcontratistas ós que se lles vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50% do importe do subcontrato. Os subcontratistas non terán en ningún caso acción directa fronte á administración contratante polas obrigas contraídas con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, segundo o indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado por Real decreto lexislativo 5/2000, de 4 de agosto. As administracións públicas e demais entes públicos contratantes poderán comprobar o estrito cumprimento dos pagamentos que os contratistas adxudicatarios dos contratos públicos han de facer a todos os subcontratistas ou subministradores que participen neles. En tal caso, os contratistas adxudicatarios remitiranlle ó ente público contratante, cando este o solicite, a relación detallada daqueles subcontratistas ou subministradores que participen no contrato, xunto coas condicións de subcontratación ou subministración de cada un deles que garden unha relación directa co prazo de pagamento. Así mesmo, deberán achegar, a solicitude do ente público contratante, un xustificante de cumprimento dos pagamentos unha vez terminada a prestación dentro dos prazos de pagamento legalmente establecidos no artigo 228 e na Lei 3/2004, de 29 de decembro, no que lle sexa de aplicación. Estas obrigas considéranse condicións esenciais de execución, cuxo incumprimento, ademais das consecuencias previstas polo ordenamento xurídico, permitirá a imposición das penalidades que para ese efecto se conteñan nos pregos. 16. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1.- Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, fará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, para non alterar o bo funcionamento do servizo informando en todo momento á entidade contratante. 2.- A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pagamento dos salarios; a concesión de permisos, licenzas e vacacións; as substitucións dos traballadores nos casos de baixa ou ausencia; as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra; as obrigas legais en materia de prevención de riscos laborais; o exercicio da potestade disciplinaria; así como cantos dereitos e obrigas se deriven da relación contractual entre empregado e empregador. 3.- A empresa contratista velará especialmente porque os traballadores adscritos á execución do contrato desenvolvan a súa actividade sen extralimitarse nas funcións desempeñadas respecto da actividade delimitada nos pregos como obxecto do contrato. 4.- A empresa contratista estará obrigada a executar o contrato nas súas propias dependencias ou instalacións agás que, excepcionalmente, sexa autorizada a prestar os seus servizos nas dependencias dos entes, organismos e entidades que fan parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que fan parte do sector público. 5.- A empresa contratista deberá designar, polo menos, un coordinador técnico ou responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dunha banda, e a entidade contratante, doutra banda, en todo o relativo ás cuestións derivadas da execución do contrato. b) Distribuír o traballo entre o persoal encargado da execución do contrato e transmitirlles as ordes e instrucións que sexan necesarias en relación coa prestación do servizo contratado. c) Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do persoal ó posto de traballo. d) Organizar o réxime de vacacións do persoal adscrito á execución do contrato debendo, para ese efecto, coordinarse adecuadamente a empresa contratista coa entidade contratante para non alterar o bo funcionamento do servizo. e) Informar a entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 17. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar dende o día seguinte ó da notificación da adxudicación, constituíndo este documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non se poderá iniciar a execución do contrato sen a súa formalización previa. 18. OBRIGAS DO CONTRATISTA TRAS O ASINAMENTO DO CONTRATO Unha vez asinado o contrato o contratista terá a obriga de realizar as seguintes actuacións: 18.1. Control de seguridade e saúde: Deberá contactar coa empresa encargada do control da seguridade e saúde das obras da Deputación. Datos de contacto: Empresa: Atenea Seguridade e Ambiente (A82876905) Enderezo: rúa Médico Ballina, 73, 36005 Pontevedra Teléfono: 986 873 176 Correo-e: delegacion.galicia@ateneasa.com 18.2. Elaboración do Plan de seguridade e saúde de obra: Realizarase en base ó Estudo de Seguridade e Saúde ou, no seu caso, Estudo Básico de Seguridade e Saúde do proxecto (artigo 7 do Real decreto 1627/1997, de 24 de outubro, polo que se establecen as disposicións mínimas de seguridade e saúde nas obras de construción). En obras sen proxecto elaborarase unha avaliación de riscos aplicable á obra, sendo necesaria para a posterior comunicación de apertura do centro de traballo (Orde TIN/1071/2010, de 27 de abril, sobre os requisitos e datos que deben reunir as comunicacións de apertura ou de continuación de actividades nos centros de traballo). Estes documentos entregáronselle a Atenea, que realizará os seguintes trámites ante a Deputación de Pontevedra: a) Aprobación do Plan de seguridade e saúde da obra. b) Nomeamento do coordinador de seguridade e saúde durante a execución da obra. O Plan de seguridade e saúde deberá ser aprobado polo órgano de contratación antes do inicio da obra, co informe previo do coordinador nesta materia durante a execución da obra ou do director, no seu caso. 18.3. Comunicación de apertura do centro de traballo: Con anterioridade ó comezo dos traballos solicitarase a apertura do centro de traballo ante a autoridade laboral competente. Consellería de Traballo e Benestar. Servizo de Relacións Laborais de Vigo: Enderezo: rúa Concepción Arenal, núm. 8, 2º, 36202 Vigo. Documentos que se deben achegar xunto co modelo/impreso oficial: Plan de seguridade e saúde aprobado ou avaliación dos riscos. Habilitación do Libro de Subcontratación ante a autoridade laboral competente (artigo 13 do Real decreto 1109/2007, de 24 de agosto, polo que se desenvolve a Lei 32/2006, de 18 de outubro, reguladora da subcontratación no sector da construción). 18.4. Solicitude de licenzas, autorizacións e impostos: O contratista, como substituto da Administración, está obrigado a xestionar o outorgamento de todas as licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado que sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista informando inmediatamente á Administración de cumprir os ditos trámites. Se se entende que as liquidacións practicadas non se axustan a dereito o contratista quedará lexitimado para interpor contra estas os recursos pertinentes, comunicándolle este extremo á Administración contratante. O importe destas cargas derivadas da obra son parte dos gastos asumidos pola oferta económica e conforme a esta estipulación contractual trasládolle o deber de pagamento ó adxudicatario do contrato asinado. 18.5. Inicio das obras: A execución da obra comezará co asinamento da acta de comprobación de replanteo. A data de formalización desta acta non poderá ser maior dun mes dende a sinatura do contrato. Tras a súa formalización a acta de comprobación de replanteo deberá remitírselle inmediatamente ó Servizo de Contratación da Deputación de Pontevedra. Non se tramitará ningunha certificación ata o mes seguinte da entrega na Deputación da acta de comprobación de replanteo. Naqueles casos nos que non resulten acreditadas as circunstancias que permitan considerar favorable a acta ou o director da obra considere necesaria a modificación das obras proxectadas, quedará suspendida a súa iniciación, facéndose constar na acta, e quedando obrigado a dar conta inmediata á Administración, que resolverá o que proceda. No momento de se ditar a resolución quedará suspendida a iniciación das obras dende o día seguinte ó do asinamento da acta, computándose a partir desta data o prazo de seis meses ó que fai referencia o artigo 238 do TRLCSP. Desaparecida a causa que motivou a falta de inicio o órgano de contratación ditará a resolución correspondente, que se lle notificará ó contratista. O prazo de execución empezará a contarse dende o día seguinte ó da recepción da notificación do acordo de autorización de inicio das obras. O disposto anteriormente aplicarase igualmente cando o contratista formulase reservas no acto de comprobación do replanteo. No entanto, se a xuízo do órgano de contratación tales reservas resultasen infundadas, non quedará suspendida a iniciación das obras nin, en consecuencia, será necesario ditar un novo acordo para que se produza a súa iniciación e se modifique o cómputo do prazo para a súa execución. A acta de comprobación do replanteo fará parte integrante do contrato ós efectos da súa esixibilidade. 18.6. Certificacións: A dirección de obra realizará mensualmente a medición das unidades de obra executadas redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. Emitirase a certificación aínda que o seu importe sexa 0. Deberán presentarse no Rexistro da Deputación, coa conformidade da dirección de obra e dos técnicos responsables, nos cinco primeiros días de cada mes. A factura deberase remitir unha vez estea conformada a certificación en todo caso antes dos 30 días da realización do obxecto do contrato; no rexistro de facturas contable só se rexistrará a factura. Aquelas certificacións e facturas que se presenten con data posterior, a Administración quedará coa potestade de non tramitalas ata o mes seguinte. Non se admitirán as facturas que teñan unha data anterior a cinco días dende a súa entrada no Rexistro. As certificacións de obra axustaranse ós modelos de certificación común e anticipada para obras da Deputación que foron aprobadas pola Resolución presidencial, de 13 de xullo de 2007, e que se atopan na área de descargas da páxina web www.depo.es. O técnico director deberá practicar nas certificacións de obra as retencións correspondentes ás porcentaxes de seguridade e saúde, a taxa por dirección de obra e a ofertada polo adxudicatario en concepto de control de calidade. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario será necesario que a certificación recolla a retención correspondente ás penalidades. 18.7. Solicitude de prórroga no prazo de execución: As obras executaranse con estrita suxeición ós pregos de condicións, proxecto e o prazo ofertado. A prórroga é un instrumento excepcional que deberá ser expresamente concedido polo órgano de contratación, tras a previa petición do contratista ó que deberá acompañarse dun informe favorable do director de obra. 18.8. Modificación do proxecto: A consideración da necesidade da modificación do proxecto recae exclusivamente no director de obra, quen solicitará de forma inmediata a autorización do órgano de contratación para iniciar o correspondente expediente e redactar un proxecto modificado unha vez autorizado. Unicamente poderase modificar o contrato cando se estableza no anexo I, de forma clara, precisa e inequívoca as condicións en que poderá facerse uso desta posibilidade, ou polas circunstancias previstas no artigo 107 TRLCSP. 19. OUTROS GASTOS A CARGO DO ADXUDICATARIO Ademais dos anteriormente sinalados (gastos dos anuncios ou pagamento das licenzas de obrigado aboamento nos prazos voluntarios establecidos; o importe dos gastos e exaccións derivados dos impostos, licenzas, autorizacións e requirimentos e calquera que grave a execución e posterior ocupación da obra, gastos que serán de conta do contratista, informando inmediatamente á Administración do cumprimento os trámites), serán a cargo do adxudicatario os gastos que xere o expediente, así como os de carteis de obra, que serán colocados no lugar que lles indique a dirección de obra. Ademais, os adxudicatarios estarán obrigados a colocar toda a sinalización necesaria que garanta a plena seguridade da obra e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra. Na área de descargas de documentos da páxina web poderase atopar o deseño dos carteis. 20. RESPONSABLE DO CONTRATO A Deputación poderá designar un responsable do contrato, vencellado a esta institución, ó que lle corresponderá supervisar a súa execución, adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que lle corresponden ó director facultativo das obras. 21. EXECUCIÓN DAS OBRAS E RESPONSABILIDADE DO CONTRATISTA As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste lle desen ó contratista ou ó director facultativo, e se é o caso, ó responsable do contrato, nos ámbitos da súa respectiva competencia. (art. 230 do TRLCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista ata un importe do 10% do orzamento (art. 212.1 do TRLCSP). O contratista indemnizará todos os danos e perdas que se lle causen a terceiros como consecuencia da realización das obras contratadas (art. 214 do TRLCSP). 22. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se as obras sufrisen un atraso na súa execución, e sempre que o mesmo non for imputable ó contratista e este ofrecese cumprir os seus compromisos, concederase polo órgano de contratación un prazo que será, polo menos, igual ó tempo perdido, a non ser que o contratista pedise outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. A petición de prórroga por parte do contratista deberá ter lugar nun prazo máximo de quince días dende aquel en que se producir a causa orixinaria do atraso, alegando as razóns polas que estime que non lle é imputable e sinalando o tempo probable da súa duración, ós efectos de que a Administración poida oportunamente, e sempre antes da terminación do prazo de execución do contrato, resolver sobre a súa prórroga, sen prexuízo de que unha vez desaparecida a causa se reaxuste o prazo prorrogado ó tempo realmente perdido. Cando o contratista, por causas imputables a si mesmo, incorrese en demora respecto ó cumprimento do prazo total, a Administración poderá optar, indistintamente, pola resolución do contrato ou pola imposición de penalidades que figuran neste prego. Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á resolución deste ou acordar a continuidade da súa execución con imposición de novas penalidades. Neste último suposto o órgano de contratación concederá a ampliación do prazo que estime necesaria para a terminación do contrato. A Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á que a Administración poida ter dereito por danos e perdas ocasionados con motivo do atraso imputable ó contratista. 23. RECEPCIÓN E CERTIFICACIÓN FINAL DE OBRAS O contratista comunicaralle á dirección da obra a data prevista para a terminación da execución do contrato, ós efectos de que se poida realizar a recepción. Na recepción concorrerán o responsable do contrato ou un facultativo designado pola Administración en representación desta, o facultativo encargado da dirección das obras e o contratista asistido do seu facultativo, se o estima oportuno. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase a seguir á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses dende a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegará á acta de recepción un estado de dimensións e características da obra executada que defina con detalle as obras realizadas tal e como se atopan no momento da recepción, para os efectos de inventario. 24. XUSTIFICACIÓN DAS MELLORAS O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante un informe ó que se engadirá unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (21%). 25. LIQUIDACIÓN DA OBRA Transcorrido o prazo de garantía, se o informe do director da obra sobre o seu estado for favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, que, no último caso, lle será aboada a cantidade endebedada. 26. GARANTÍA DA OBRA A obra terá un período de garantía dende o día seguinte ó da data de formalización da acta de recepción, neste tempo o contratista estará obrigado á súa conservación e policía e á reparación dos danos producidos pola defectuosa execución da obra. De se producir un incumprimento dos deberes accesorios propios da garantía, non podendo resolverse o contrato, poderase incautar a garantía e se non for suficiente, poderanse reclamar danos e perdas pola vía de constrinximento. Dentro do prazo dos quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este for favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó emprego do construído durante o prazo de garantía, o director da obra procederá a ditarlle as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade ningunha por ampliación do prazo de garantía. 27. DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada por eles mesmos, previo aviso ó Servizo de Contratación, mediante escrito ordinario ou electrónico no correo-e contratacion@depo.es, transcorridos tres meses contados dende o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no suposto de que interpuxesen reclamacións ou recursos, ou exista algunha incidencia administrativa. Transcorridos os prazos anteriormente mencionados esta Administración disporá da documentación quedando exenta de toda responsabilidade. 28. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 237 do TRLCSP. 29. XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resolvidas polo órgano de contratación, cuxas resolucións esgotarán a vía administrativa deixando expedita a vía xurisdicional, contencioso-administrativa, a teor do disposto na lei reguladora desta xurisdición”. Ditos anexos son como seguen: “ANEXO I 1. DEFINICIÓN E CARACTERÍSTICAS DO CONTRATO 1.1. DEFINICIÓN OBXECTO DO CONTRATO Execución da obra “Canalización liña A.T. 66 Kw dende liña Tibo-Mourente ata subestación Complexo Industrial de Barro-Meis”. 1.2. PROCEDEMENTO División en lotes: non Cualificación contrato: obra CPV: 45000000 Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 26 días naturais (artigo 159.2 do R.d.l. 3/2011), a contar dende o día seguinte ó da publicación do seu anuncio no BOP 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN: Formulación do prezo: prezo tanto alzado Importe sen IVE: 1.034.337,87 € IVE (21%): 217.210,95 € Total con IVE: 1.251.548,82 € B) FINANCIAMENTO: cadro de financiamento: Anualidade Aplicación orzamentaria Importe 2014 14/456.156.680.03.2008 839.711,60 € 14/456.156.680.03 411.837,22 € Revisión de prezos: non procede, por ter un prazo de execución inferior a un ano. 1.4. PRAZO DE EXECUCIÓN O prazo máximo para a execución da obra de referencia establécese en seis meses contados dende o día seguinte ó do asinamento da acta de comprobación de replanteo, agás que exista razón fundada que impida o seu comezo. 1.5. RÉXIME DE PAGAMENTOS. CERTIFICACIÓNS A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. 1.6. GARANTÍAS Provisional: non procede. Definitiva: 5% do importe de adxudicación do contrato (IVE excluído). Prazo de garantía mínimo: o adxudicatario deberá garantir cando menos por un ano a execución da obra. 1.7. PENALIZACIÓNS No suposto de incumprimento dos compromisos ou das condicións especiais de execución do contrato ofertados polo contratista aplicarase o disposto no artigo 212 do TRLCSP. 2. SOLVENCIA ECONÓMICA, FINANCEIRA E TÉCNICA (Documentación a presentar na fase de requirimento, segundo figura na cláusula 13.1. do prego económico-administrativo). Clasificación: Grupo A, subgrupo 4, categoría d. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios directamente vencellados ó obxecto do contrato:  Criterios non avaliables mediante fórmulas (sobre B): máximo de 50 puntos: • Memoria construtiva e programa de traballo, ata un máximo de 25 puntos. • Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución da obra, ata un máximo de 15 puntos. • Memoria de seguridade e saúde, ata un máximo de 5 puntos. • Programa de actuacións ambientais, ata un máximo de 5 puntos.  Criterios de valoración automática (sobre C): máximo de 50 puntos: • Valoración da oferta económica, ata un máximo de 45 puntos. • Plan de control de calidade da obra, ata un máximo de 5 puntos. Estes criterios valoraranse en función da fórmula establecida no anexo III. Os criterios avaliables mediante xuízos de valor valoraranse de conformidade cos seguintes criterios:  Memoria construtiva e programa de traballo, ata un máximo de 25 puntos. Valorarase o coñecemento do proxecto e do terreo onde se executará a obra, debéndose explicar a metodoloxía a empregar na súa execución, as provisións a utilizar e os medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. Nota moi importante: na documentación que se presente no sobre B, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación ó programa de traballo e á súa execución por anualidades, no seu caso, presentarase única e exclusivamente no sobre C. O incumprimento deste precepto provocará a exclusión da oferta no proceso de licitación.  Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución, ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (21 %), máis indicaranse as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservando para si o dereito de as poder variar en beneficio do interese público, e sempre sen que poida superar o valor económico das ofertadas. Poderase ofertar como mellora unha redución no prazo de execución da obra, debéndose xustificar adecuadamente as circunstancias ou solucións técnicas que a permitan. Os técnicos, en base á documentación aportada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento.  Memoria de seguridade e saúde, ata un máximo de 5 puntos. 1. Definición da cuestión principal en relación coa seguridade e saúde dos traballos. Describiranse as actividades de maior problema na súa execución en relación coa seguridade e saúde. Definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real decreto 171/2004, en materia de coordinación de actividades empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes e outras. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. do R. d. 1627/97). Neste apartado realizaranse, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias e que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003, de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e as ferramentas auxiliares cumpren a normativa vixente en materia de seguridade e saúde, e máis das revisións e mantementos de cada unha das máquinas xunto co seu protocolo de seguimento. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI. Presentarase a proposta de como realizar a formación dos traballadores en obra, así como de información dos riscos ós que están sometidos nela. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento e sobre os riscos dos que o protexen, así como se haberá de definir como se verificará a súa utilización por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias na obra, determinando como se definirá a súa necesidade e como se verificará a súa correcta utilización, estado e reposición.  Programa de actuacións ambientais, ata un máximo de 5 puntos. Para este programa valoraranse as propostas de medidas de xestión ambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión ambiental propostos. As medidas ambientais valoraranse de acordo cos seguintes criterios: a) Se a execución da obra se realiza nun marco de xestión ambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE (77/801-94 e 77/802-94). b) Se os materiais a utilizar polo licitador proveñen dun proceso de reciclado ou reutilización en máis dun 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais a utilizar polo licitador son reutilizables ou teñen un gró de reciclabilidade superior ó 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por verteduras, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. Nota importante: só se procederá á apertura e á valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1) Unha relación de todos os documentos incluídos neste sobre. 2) Declaración responsable subscrita pola persoa que asine a proposición, de acordo co modelo que se achega no anexo II. 3) Compromiso do licitador de dedicar ou adscribir ó contrato os medios persoais e materiais suficientes necesarios para a súa execución, ós que se refire o artigo 64.2 do TRLCSP. Sen prexuízo de que a xustificación acreditativa de tal requisito deba presentarse, antes da adxudicación do contrato. 4) As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ó castelán ou ó galego. Presentación do sobre A no caso de licitar a varias obras: No caso de que o contrato se divida en varias obras, se un mesmo licitador se presenta a varias obras poderá presentar un único sobre A. Pola contra, deberá presentar un sobre B e outro C por cada unha das obras ás que se presente. SOBRE B: DOCUMENTACIÓN CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Presentarase pechado e contendo os seguintes documentos: 1. Como primeiro documento presentarase unha relación numerada e foliada de todos os documentos, asinada e selada polo representante legal da empresa. 2. Memoria construtiva e programa de traballo. 3. Melloras ofertadas. 4. Memoria de seguridade e saúde. 5. Programa de actuacións ambientais. Toda a documentación relativa a este sobre deberá presentarse en formato A4 e cun límite máximo de 100 follas. Enténdese por folla unha cara dun folio. Poderase rexeitar unha proposición por incumprir esta condición. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e contendo o seguinte documento: Modelo de proposición, seguindo o modelo determinado no anexo IV do prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicada sobre o orzamento de execución material da obra e determinado no apartado destinado para iso no modelo de proposición. A Deputación reserva para si o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do orzamento base de licitación, variase substancialmente o modelo establecido, comportase erro de relevo no importe da proposición ou existise recoñecemento por parte do licitador de que adoece de erro ou inconsistencia que a fagan inviable, poderá ser desbotada pola Mesa de contratación. Na proposición indicarase como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables de xeito automático mediante cifras ou porcentaxes por aplicación das fórmulas establecidas nos pregos. Os licitadores poderán optar a unha obra, a varias ou a todas as mencionadas na referida relación. ANEXO II DECLARACIÓN RESPONSABLE Nota: este modelo pode descargarse en formato PDF para cubrilo na área de descargas do seguinte enderezo web: http://www.depo.es/web/edepo/contratacion1. ANEXO III “FÓRMULA DE VALORACIÓN Enumeración dos criterios avaliables mediante fórmulas(Sobre C). Nota importante: Só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: • Valoración oferta económica, ata un máximo de 45 puntos. • Plan de control de calidade da obra, ata un máximo de 5 puntos.  Valoración oferta económica, ata un máximo de 45 puntos: Entenderase por ofertas admitidas todas aquelas que non quedaran excluídas unha vez realizados o exame da documentación administrativa contida no sobre A, e a análise técnica da documentación contida no sobre B. Para a valoración das ofertas admitidas administrativa e tecnicamente consideraranse dous posibles casos: Caso 1. A oferta máis baixa OMB das admitidas administrativa e tecnicamente é inferior estritamente ó 85% do Presuposto Base de Licitación (PBL), é dicir, 1.1. Se o presuposto ofertado pola empresa (Pro) é maior ou igual á Oferta Máis Baixa (OMB) das admitidas administrativa e tecnicamente, e menor ou igual ó 85% do Presuposto Base de Licitación (PBL), é dicir, Se : a fórmula a empregar é a seguinte: Puntos oferta 1.2. Se o presuposto ofertado pola empresa (Pro) é maior estritamente ó 85% do Presuposto Base de Licitación PBL e menor ou igual ó Presuposto Base de Licitación (PBL), é dicir, Si : a fórmula a empregar é a seguinte: Puntos oferta Caso 2. A Oferta Máis Baixa (OMB) das admitidas administrativa e tecnicamente é maior ou igual ó 85% do Presuposto Base de Licitación (PBL), é dicir, a fórmula a empregar é a seguinte: Puntos oferta PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere en 5 puntos porcentuais o porcentaxe de baixa media de todas as ofertas admitidas administrativamente e tecnicamente. Para calcular a Baixa Media (BM) e a Baixa Media Permitida (sen incorrer en temeridade) (BMP) utilízanse as seguintes ecuacións: a) Cálculo da Baixa Media (BM): A baixa da oferta económica de la empresa i calcularase como: A porcentaxe de baixa da oferta económica da empresa i calcularase como: A baixa media de todas as porcentaxes das baixas das ofertas admitidas administrativa e tecnicamente é: sendo: Oferta económica da empresa i. n: Número de ofertas admitidas administrativa e tecnicamente. Presuposto base de licitación. Porcentaxe de baixa de cada unha das ofertas admitidas administrativa e tecnicamente. Baixa media. b) Cálculo da Baixa Máxima Permitida, sen incorrer en temeridade (BMP): sendo: Baixa Máxima Permitida, sen incorrer en temeridade. Baixa Media. Polo que se considerará temeraria unha oferta que incorra en:  Proxecto de control de calidade da obra, ata un máximo de 5 puntos. Especificarase a porcentaxe sobre o Presuposto de Execución Material (PEM) que a empresa asigne para tal efecto, así como a acreditación por parte da mesma da disposición dun certificado de calidade reservándose para si a Deputación a aprobación do laboratorio homologado. Esta porcentaxe será obrigatoriamente maior ou igual ó 1% e menor ou igual ó 5%. No caso de que sexa inferior ó 1% ou non se defina, a Deputación establecerá un valor do 1%, e no caso de que sexa superior ó 5%, a Deputación establecerá un valor do 5%. Para a valoración das ofertas admitidas consideraranse dous posibles tramos, separados polo Punto de Corte Porcentual de control de calidade , neste caso o valor do dito punto é de 3%. Tramo 1. A porcentaxe do control de calidade sobre o PEM ofertado é maior ou igual ó 1% e menor o igual ó PC%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo1: sendo: Puntuación do control de calidade ofertada. Tramo 2. A porcentaxe do control de calidade sobre o PEM ofertado é maior estritamente co PC% e menor o igual ó 5%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo 2: ” ANEXO IV “MODELO DE PROPOSICIÓN (SOBRE C) D.ª/D….................., maior de idade, veciño de .................., con domicilio en ….............., titular do DNI….........., expedido na data ..........., actuando en nome propio/ou en representación da empresa ….............................. (CIF núm. ….........) e con domicilio en …..........., teléfono ....... segundo acredito mediante poder debidamente bastanteado. Decatado do anuncio para adxudicar mediante procedemento aberto o contrato correspondente á obra (especificar denominación da obra): Primeiro. Declaramos que na execución do contrato se cumprirán as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos a prestar o servizo con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: - Polo prezo de …. (en letra e número) euros, máis …… euros (en letra e número) correspondente ó IVE. - Prezo total (en letra e número): - % de Control de calidade ofertado: - Prazo de execución ofertado: - Melloras ofertadas (descrición): (Lugar, data, sinatura e selo do licitador)” ANEXO V “MODELO DE ACREDITACIÓN DE SOLVENCIA TÉCNICA DE OBRAS REALIZADAS (SOBRE A) ACREDITACIÓN DA SOLVENCIA TÉCNICA E PROFESIONAL RESPECTO DA REALIZACIÓN DE OBRAS REALIZADAS POLA EMPRESA NOS ÚLTIMOS CINCO ANOS TÍTULO DO CONTRATO:…………………………………………..…..…..……… NÚM. DE EXPEDIENTE …………………………………………………….…… D.ª/D. …………………, con DNI núm. …….., en nome propio ou en representación da empresa ……………, con NIF/CIF núm. …… DECLARA que a relación de obras análogas ó obxecto deste contrato realizadas nos últimos cinco anos son as que se recollen na táboa seguinte: Título do contrato Obxecto Data Importe ano 2008 Importe ano 2009 Importe ano 2010 Importe ano 2011 Importe ano 2012 Importe total dos últimos 5 anos Destinatario Inicio Fin Totais ………………., ….. de …………………… de ……….. (Lugar, data, sinatura e selo do licitador)” 15.22060.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA “MELLORA DE INSTALACIÓNS DEPORTIVAS NO CONCELLO DE CAMBADOS” (EXPTE. 2014003601) Resultando que a Xunta de Goberno, en sesión de 28/02/2014, prestou aprobación a un convenio de colaboración entre a Consellería de Cultura, Educación e Ordenación Universitaria, a Deputación Provincial e o Concello de Cambados para a execución de obras de mellora nas instalación deportivas do Concello de Cambados, no que se establece que a Deputación levará a cabo a licitación da obra. Resultando que pola Xunta de Goberno, en sesión de 11/04/2014, acordouse aprobar o proxecto de “Mellora de instalacións deportivas no Concello de Cambados” con orzamento de 637.499,99 €, máis a cantidade de 133.875,00 € correspondente ó IVE, o que fai un total de 771.374,99 €. A Deputación non conta con medios humanos e técnicos suficientes para levar por se mesma a execución desta actuación, polo que resulta necesario a súa contratación. Visto o informe do Xefe do Servizo de Contratación, de data 1 de outubro de 2013, no que expón que considerando o Real Decreto Lexislativo 3/2011, de 14 de novembro, polo que se aproba o texto refundido da Lei de Contratos do Sector Público, no seu artigo 6 tipifica este contrato como de obra ó ter por obxecto o resultado dun conxunto de traballos de construción ou de enxeñería civil, destinado a cumprir en por si unha función económica ou técnica, que teña por obxecto un ben inmoble ou a execución dalgún dos traballos enumerados no Anexo I. Tamén informa que o procedemento aberto é a forma ordinaria que debe utilizarse para a adxudicación destes contratos, tal e como establece o artigo 138.2 do citado R.d.l. 3/2011. Resultando que o Sr. Secretario Xeral emite informe relativo ó prego de condicións que rexerá no procedemento. Resultando que polo Sr. Interventor emítese informe de fiscalización do expediente no que pon de manifesto una serie de observacións e recomendacións. Considerando que a disposición adicional segunda do referenciado R.d.l. 3/2011, no seu apartado 1, faculta ó Ilmo. Sr. Presidente para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o expediente para a contratación, mediante procedemento aberto, da execución da obra “Mellora de instalacións deportivas no Concello de Cambados”. O orzamento deste contrato é de 637.499,99 €, máis a cantidade de 133.875,00 € correspondente o IVE, o que fai un importe total de 771.374,99 €. Así mesmo a Xunta de Goberno acorda: - Autorizar o gasto por importe de 771.374,99 €. - Aprobar os pregos de cláusulas administrativas e de prescricións técnicas que rexerán como lei fundamental do contrato. - Conceder un prazo de vinte e seis días naturais para a presentación de proposicións, contados a partir do día seguinte á publicación do anuncio desta contratación no Boletín Oficial da Provincia. O expediente finánciase con cargo á aplicación 14/922.342.652.00 e vinculación xurídica 14/922.342.655.00 do vixente orzamento provincial. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES XERAIS QUE REXERÁN A CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “MELLORA DAS INSTALACIÓNS DEPORTIVAS EN CAMBADOS” (EXPTE. 2014003601) 1.OBXECTO O obxecto do contrato ó que se refire este prego é a execución das obras descritas no apartado 1 do anexo I, e definidas nos correspondentes proxectos aprobados pola Administración, que recolle as necesidades administrativas a satisfacer mediante o contrato e os factores de toda orde a ter en conta. No caso de que o procedemento aberto se divida por lotes, haberá un anexo I por cada unha delas. Dito proxecto consta dos documentos esixidos no artigo 123 do TRLCSP, despois de contemplarse na súa elaboración os preceptos do Libro II, título I, capítulo II, sección 2ª do RXLCAP. A memoria, os planos, os cadros de prezos, o prego de prescricións técnicas particulares e o prego de cláusulas administrativas particulares, revestirán carácter contractual. Se o contrato está dividido en lotes, os licitadores poderán optar a unha obra, a varias ou a todas elas, agás que se estableza un número máximo de obras por licitador, para o que se estará ó estipulado no apartado 1 do anexo I deste prego. 2. FINANCIAMENTO E ORZAMENTO DE LICITACIÓN Este contrato será financiado do xeito que se establece no apartado 1 do anexo I e distribuído nas anualidades previstas. O orzamento base de licitación do contrato ascende á cantidade expresada no apartado 1 do anexo I deste prego, incluíndo na mencionada contía todos os factores de valoración e gastos que, segundo os documentos contractuais e a lexislación vixente son de conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións que se presenten superando o orzamento base de licitación serán desbotadas automaticamente. O orzamento de execución por contrata comprende os seguintes conceptos: 1) Gastos xerais da empresa, correspondéndolle a porcentaxe do 13% sobre o orzamento de execución material e comprenderá os seguintes aspectos: - A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación na sesión do 27 de febreiro de 1998. - Gastos referentes á coordinación da seguridade e saúde: 0,50 % do orzamento de execución material. - Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2) Beneficio industrial: aplicarase o 6% sobre o orzamento de execución material. 3) IVE, que se aplicará sobre a suma do orzamento de execución material, beneficio industrial e dos gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais e autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3. RÉXIME XURÍDICO En todo o non previsto nos pregos, estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, o Real decreto lexislativo 817/2009, de 8 de maio, polo que se desenvolve parcialmente a LCSP e no que sexa aplicable no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP e en toda a demais normativa aplicable. O descoñecemento do contrato en calquera dos seus termos ou dos documentos anexos que fan parte deste non eximirá ó contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada, supletoriamente aplicaranse as restantes normas de dereito administrativo e, no seu defecto, as normas de dereito privado. O adxudicatario obrigarase ó cumprimento, baixo a súa exclusiva responsabilidade, das disposicións vixentes sobre relacións laborais, Seguridade Social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos en dito texto legal. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos polo TRLCSP ou polas normas autonómicas de desenvolvemento ou cando así se decida voluntariamente, a Deputación difundirá, a través de internet (www.depo.es) o seu perfil de contratante. Neste perfil publicaranse todas as noticias, avisos e documentación relativos a este contrato. Calquera dúbida existente acerca dos pregos que rexen esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se indique no apartado 2 do anexo I, nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias nas que constitúan a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); estas empresas serán responsables solidarias ante a Administración, debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. A finalidade destas empresas será realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. PRAZO DE EXECUCIÓN O prazo máximo estimado para a execución das obras, contando dende o día seguinte ó da sinatura da acta de comprobación do replanteo, agás que exista razón fundada que impida o seu comezo, estímase no apartado 1 do anexo I. O contratista deberá presentar, antes da formalización do contrato, un programa de traballo que contemple o desenvolvemento das unidades de obras en relación co prezo que se van realizar en cada prazo. Estará obrigado a cumprir o contrato na súa totalidade dentro do prazo ofertado, así como nos parciais sinalados para a súa execución sucesiva. Este prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e con petición previa do contratista co informe favorable do director de obra. No caso de prórroga proposta pola dirección da obra o órgano de contratación terá que aprobar o expediente pertinente que implica a modificación. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5% do prezo. As penalidades diarias serán cuantificadas na proporción de 0,20 euros por cada 1.000 do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. Esta imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 9. GARANTÍA DEFINITIVA O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados dende o seguinte ó da recepción do correspondente requirimento. No caso de non se cumprir o prazo sinalado entenderase que o licitador retirou a súa oferta, procedéndose, nese caso, a solicitarlle a mesma documentación ó licitador seguinte, pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 10. PRESENTACIÓN DE PROPOSICIÓNS, LUGAR E PRAZO DE PRESENTACIÓN, FORMALIDADES E DOCUMENTACIÓN 10.1. Lugar e prazo de presentación: As proposicións presentaranse no Rexistro xeral da Deputación (na sede de Pontevedra, de luns a venres de 8:30 a 14:30 e de 17:00 a 19:00 horas, os sábados de 9:00 a 13:00 horas; na sede da Deputación en Vigo, de luns a venres de 9:00 a 14:00 horas) dentro dun prazo de vinte e seis días, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre no mesmo día. 10.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C, en función do sobre correspondente) - Obra núm.… (especificar o número de obra a que se licita) - Núm. de expediente (no caso de que se coñeza) - Denominación do contrato - Nome do licitador - CIF - Enderezo, correo-e e teléfono de contacto - Número de inscrición no Rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada da seguinte maneira: Presidente: - o titular da corporación ou o membro no quen delegue Vogais: - o Secretario Xeral. - o interventor. - o Director de Infraestruturas. Secretario: - o Xefe do Servizo de Contratación. 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de contratación e procederase á cualificación da documentación xeral achegada polos licitadores no sobre A. No caso de que se precise o arranxo de erros ou omisións na documentación, a Mesa de contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, sinalará, en acto público, as que cualificasen como inadmitidas e admitidas e procederá á apertura do sobre B correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. Dita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase, no perfil do contratante da Deputación de Pontevedra, a data e hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Darase a coñecer, neste acto, a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha ponderación dos criterios avaliables mediante xuízos de valor que superen os puntos indicados no apartado 3 do anexo I. Para a valoración das cifras ou valores do sobre C aplicaranse os criterios establecidos no apartado 3 do anexo I. Unha vez aplicados estes criterios clasificaranse as propostas en orde decrecente de valoración e propoñeráselle ó órgano de contratación a adxudicación a favor do licitador que obtivese a oferta economicamente máis vantaxosa. Cando a Mesa de contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas ó respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN A PRESENTAR POLA EMPRESA QUE PROPOÑA A OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, para cuxo efecto poderá solicitar todos os informes técnicos que estime pertinentes, clasificaraas por orde decrecente e requiriralle á empresa coa oferta máis vantaxosa que, dentro do prazo de dez días hábiles, presente a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose, a acreditación da capacidade de obrar realizarase mediante escritura ou documento de constitución, estatutos ou acto fundacional no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante un informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física, o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador, deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en dereito ó seu favor, debidamente inscrito no rexistro oficial correspondente que habilite para concorrer ó asinamento de contratos coas administracións públicas. No caso de concorreren á licitación varias empresas, constituíndo unha unión temporal cada unha delas, deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado. Os que comparezan ou asinen proposicións en nome doutro, ou representen a unha persoa xurídica, deberán presentar tamén unha escritura de poder debidamente bastanteado por un fedatario público cunha antigüidade non superior a 6 meses. 3. Documentación acreditativa da solvencia económica, financeira e técnica. Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato. O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1) Certificación positiva expedida pola Tesourería da Seguridade Social, ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2) Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP, que acredite que se atopa ó corrente do pagamento das súas obrigas tributarias. 3) Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. 4) Documentación acreditativa da efectiva disposición dos medios persoais e materiais que se comprometeu a adscribir a execución do contrato. 5) Deberá indicarse a parte do contrato que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial. 6) Documento que acredite a constitución da garantía definitiva. 7) Documento acreditativo do pagamento dos anuncios. 14. ADXUDICACIÓN O órgano de contratación terá alternativamente a facultade de adxudicar o contrato á proposición máis vantaxosa no seu conxunto, se se atende a unha pluralidade de criterios, ou á proposición que incorpore o prezo máis baixo, cando este sexa o único criterio a considerar. A adxudicación acordarase nunha resolución motivada no prazo máximo de dous meses, a contar dende a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando dende a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados no artigo 152.3 do TRLCSP e 22.f do R.d. 817/2009, para as proposicións desproporcionadas ou anormalmente baixas. A adxudicación notificaráselle ós licitadores e, simultaneamente, publicarase no perfil de contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da mesa de contratación, cando non exista ningunha oferta ou proposición que sexa admisible de acordo cos criterios que figuran no prego. 15. SUBCONTRATACIÓN O contratista poderá concertar con terceiros a realización parcial do contrato, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberá indicarse na oferta (sobre B) a parte que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial, definido por referencia ás condicións de solvencia, profesional ou técnica, dos subcontratistas ós que se lles vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50% do importe do subcontrato. Os subcontratistas non terán en ningún caso acción directa fronte á administración contratante polas obrigas contraídas con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, segundo o indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado por Real decreto lexislativo 5/2000, de 4 de agosto. As administracións públicas e demais entes públicos contratantes poderán comprobar o estrito cumprimento dos pagamentos que os contratistas adxudicatarios dos contratos públicos han de facer a todos os subcontratistas ou subministradores que participen neles. En tal caso, os contratistas adxudicatarios remitiranlle ó ente público contratante, cando este o solicite, a relación detallada daqueles subcontratistas ou subministradores que participen no contrato, xunto coas condicións de subcontratación ou subministración de cada un deles que garden unha relación directa co prazo de pagamento. Así mesmo, deberán achegar, a solicitude do ente público contratante, un xustificante de cumprimento dos pagamentos unha vez terminada a prestación dentro dos prazos de pagamento legalmente establecidos no artigo 228 e na Lei 3/2004, de 29 de decembro, no que lle sexa de aplicación. Estas obrigas considéranse condicións esenciais de execución, cuxo incumprimento, ademais das consecuencias previstas polo ordenamento xurídico, permitirá a imposición das penalidades que para ese efecto se conteñan nos pregos. 16. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1.- Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, fará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, para non alterar o bo funcionamento do servizo informando en todo momento á entidade contratante. 2.- A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pagamento dos salarios; a concesión de permisos, licenzas e vacacións; as substitucións dos traballadores nos casos de baixa ou ausencia; as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra; as obrigas legais en materia de prevención de riscos laborais; o exercicio da potestade disciplinaria; así como cantos dereitos e obrigas se deriven da relación contractual entre empregado e empregador. 3.- A empresa contratista velará especialmente porque os traballadores adscritos á execución do contrato desenvolvan a súa actividade sen extralimitarse nas funcións desempeñadas respecto da actividade delimitada nos pregos como obxecto do contrato. 4.- A empresa contratista estará obrigada a executar o contrato nas súas propias dependencias ou instalacións agás que, excepcionalmente, sexa autorizada a prestar os seus servizos nas dependencias dos entes, organismos e entidades que fan parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que fan parte do sector público. 5.- A empresa contratista deberá designar, polo menos, un coordinador técnico ou responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dunha banda, e a entidade contratante, doutra banda, en todo o relativo ás cuestións derivadas da execución do contrato. b) Distribuír o traballo entre o persoal encargado da execución do contrato e transmitirlles as ordes e instrucións que sexan necesarias en relación coa prestación do servizo contratado. c) Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do persoal ó posto de traballo. d) Organizar o réxime de vacacións do persoal adscrito á execución do contrato debendo, para ese efecto, coordinarse adecuadamente a empresa contratista coa entidade contratante para non alterar o bo funcionamento do servizo. e) Informar a entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 17. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar dende o día seguinte ó da notificación da adxudicación, constituíndo este documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non se poderá iniciar a execución do contrato sen a súa formalización previa. 18. OBRIGAS DO CONTRATISTA TRAS O ASINAMENTO DO CONTRATO Unha vez asinado o contrato o contratista terá a obriga de realizar as seguintes actuacións: 18.1. Control de seguridade e saúde: Deberá contactar coa empresa encargada do control da seguridade e saúde das obras da Deputación. Datos de contacto: Empresa: Atenea Seguridade e Ambiente (A-82876905) Enderezo: rúa Médico Ballina, 73, 36005 Pontevedra Teléfono: 986 873 176 Correo-e: delegacion.galicia@ateneasa.com 18.2. Elaboración do Plan de seguridade e saúde de obra: Realizarase en base ó Estudo de Seguridade e Saúde ou, no seu caso, Estudo Básico de Seguridade e Saúde do proxecto (artigo 7 do Real decreto 1627/1997, de 24 de outubro, polo que se establecen as disposicións mínimas de seguridade e saúde nas obras de construción). En obras sen proxecto elaborarase unha avaliación de riscos aplicable á obra, sendo necesaria para a posterior comunicación de apertura do centro de traballo (Orde TIN/1071/2010, de 27 de abril, sobre os requisitos e datos que deben reunir as comunicacións de apertura ou de continuación de actividades nos centros de traballo). Estes documentos entregáronselle a Atenea, que realizará os seguintes trámites ante a Deputación de Pontevedra: a) Aprobación do Plan de seguridade e saúde da obra. b) Nomeamento do coordinador de seguridade e saúde durante a execución da obra. O Plan de seguridade e saúde deberá ser aprobado polo órgano de contratación antes do inicio da obra, co informe previo do coordinador nesta materia durante a execución da obra ou do director, no seu caso. 18.3. Comunicación de apertura do centro de traballo: Con anterioridade ó comezo dos traballos solicitarase a apertura do centro de traballo ante a autoridade laboral competente. Consellería de Traballo e Benestar. Servizo de Relacións Laborais de Vigo: Enderezo: rúa Concepción Arenal, núm. 8, 2º, 36202 Vigo. Documentos que se deben achegar xunto co modelo/impreso oficial: Plan de seguridade e saúde aprobado ou avaliación dos riscos. Habilitación do Libro de Subcontratación ante a autoridade laboral competente (artigo 13 do Real decreto 1109/2007, de 24 de agosto, polo que se desenvolve a Lei 32/2006, de 18 de outubro, reguladora da subcontratación no sector da construción). 18.4. Solicitude de licenzas, autorizacións e impostos. O contratista, como substituto da Administración, está obrigado a xestionar o outorgamento de todas as licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado que sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista informando inmediatamente á Administración de cumprir os ditos trámites. Se se entende que as liquidacións practicadas non se axustan a dereito o contratista quedará lexitimado para interpor contra estas os recursos pertinentes, comunicándolle este extremo á Administración contratante. O importe destas cargas derivadas da obra son parte dos gastos asumidos pola oferta económica e conforme a esta estipulación contractual trasládolle o deber de pagamento ó adxudicatario do contrato asinado. 18.5. Inicio das obras. A execución da obra comezará co asinamento da acta de comprobación de replanteo. A data de formalización desta acta non poderá ser maior dun mes dende a sinatura do contrato. Tras a súa formalización a acta de comprobación de replanteo deberá remitírselle inmediatamente ó Servizo de Contratación da Deputación de Pontevedra. Non se tramitará ningunha certificación ata o mes seguinte da entrega na Deputación da acta de comprobación de replanteo. Naqueles casos nos que non resulten acreditadas as circunstancias que permitan considerar favorable a acta ou o director da obra considere necesaria a modificación das obras proxectadas, quedará suspendida a súa iniciación, facéndose constar na acta, e quedando obrigado a dar conta inmediata á Administración, que resolverá o que proceda. No momento de se ditar a resolución quedará suspendida a iniciación das obras dende o día seguinte ó do asinamento da acta, computándose a partir desta data o prazo de seis meses ó que fai referencia o artigo 238 do TRLCSP. Desaparecida a causa que motivou a falta de inicio o órgano de contratación ditará a resolución correspondente, que se lle notificará ó contratista. O prazo de execución empezará a contarse dende o día seguinte ó da recepción da notificación do acordo de autorización de inicio das obras. O disposto anteriormente aplicarase igualmente cando o contratista formulase reservas no acto de comprobación do replanteo. No entanto, se a xuízo do órgano de contratación tales reservas resultasen infundadas, non quedará suspendida a iniciación das obras nin, en consecuencia, será necesario ditar un novo acordo para que se produza a súa iniciación e se modifique o cómputo do prazo para a súa execución. A acta de comprobación do replanteo fará parte integrante do contrato ós efectos da súa esixibilidade. 18.6. Certificacións: A dirección de obra realizará mensualmente a medición das unidades de obra executadas redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. Emitirase a certificación aínda que o seu importe sexa 0. Deberán presentarse no Rexistro da Deputación, coa conformidade da dirección de obra e dos técnicos responsables, nos cinco primeiros días de cada mes. A factura deberase remitir unha vez estea conformada a certificación en todo caso antes dos 30 días da realización do obxecto do contrato; no rexistro de facturas contable só se rexistrará a factura. Aquelas certificacións e facturas que se presenten con data posterior, a Administración quedará coa potestade de non tramitalas ata o mes seguinte. Non se admitirán as facturas que teñan unha data anterior a cinco días dende a súa entrada no Rexistro. As certificacións de obra axustaranse ós modelos de certificación común e anticipada para obras da Deputación que foron aprobadas pola Resolución presidencial, de 13 de xullo de 2007, e que se atopan na área de descargas da páxina web www.depo.es. O técnico director deberá practicar nas certificacións de obra as retencións correspondentes ás porcentaxes de seguridade e saúde, a taxa por dirección de obra e a ofertada polo adxudicatario en concepto de control de calidade. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario será necesario que a certificación recolla a retención correspondente ás penalidades. 18.7. Solicitude de prórroga no prazo de execución: As obras executaranse con estrita suxeición ós pregos de condicións, proxecto e o prazo ofertado. A prórroga é un instrumento excepcional que deberá ser expresamente concedido polo órgano de contratación, tras a previa petición do contratista ó que deberá acompañarse dun informe favorable do director de obra. 18.8. Modificación do proxecto: A consideración da necesidade da modificación do proxecto recae exclusivamente no director de obra, quen solicitará de forma inmediata a autorización do órgano de contratación para iniciar o correspondente expediente e redactar un proxecto modificado unha vez autorizado. Unicamente poderase modificar o contrato cando se estableza no anexo I, de forma clara, precisa e inequívoca as condicións en que poderá facerse uso desta posibilidade, ou polas circunstancias previstas no artigo 107 TRLCSP. 19. OUTROS GASTOS A CARGO DO ADXUDICATARIO Ademais dos anteriormente sinalados (gastos dos anuncios ou pagamento das licenzas de obrigado aboamento nos prazos voluntarios establecidos; o importe dos gastos e exaccións derivados dos impostos, licenzas, autorizacións e requirimentos e calquera que grave a execución e posterior ocupación da obra, gastos que serán de conta do contratista, informando inmediatamente á Administración do cumprimento os trámites), serán a cargo do adxudicatario os gastos que xere o expediente, así como os de carteis de obra, que serán colocados no lugar que lles indique a dirección de obra. Ademais, os adxudicatarios estarán obrigados a colocar toda a sinalización necesaria que garanta a plena seguridade da obra e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra. Na área de descargas de documentos da páxina web poderase atopar o deseño dos carteis. 20. RESPONSABLE DO CONTRATO A Deputación poderá designar un responsable do contrato, vencellado a esta institución, ó que lle corresponderá supervisar a súa execución, adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que lle corresponden ó director facultativo das obras. 21. EXECUCIÓN DAS OBRAS E RESPONSABILIDADE DO CONTRATISTA As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste lle desen ó contratista ou ó director facultativo, e se é o caso, ó responsable do contrato, nos ámbitos da súa respectiva competencia. (art. 230 do TRLCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista ata un importe do 10% do orzamento (art. 212.1 do TRLCSP). O contratista indemnizará todos os danos e perdas que se lle causen a terceiros como consecuencia da realización das obras contratadas (art. 214 do TRLCSP). 22. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se as obras sufrisen un atraso na súa execución, e sempre que o mesmo non for imputable ó contratista e este ofrecese cumprir os seus compromisos, concederase polo órgano de contratación un prazo que será, polo menos, igual ó tempo perdido, a non ser que o contratista pedise outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. A petición de prórroga por parte do contratista deberá ter lugar nun prazo máximo de quince días dende aquel en que se producir a causa orixinaria do atraso, alegando as razóns polas que estime que non lle é imputable e sinalando o tempo probable da súa duración, ós efectos de que a Administración poida oportunamente, e sempre antes da terminación do prazo de execución do contrato, resolver sobre a súa prórroga, sen prexuízo de que unha vez desaparecida a causa se reaxuste o prazo prorrogado ó tempo realmente perdido. Cando o contratista, por causas imputables a si mesmo, incorrese en demora respecto ó cumprimento do prazo total, a Administración poderá optar, indistintamente, pola resolución do contrato ou pola imposición de penalidades que figuran neste prego. Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á resolución deste ou acordar a continuidade da súa execución con imposición de novas penalidades. Neste último suposto o órgano de contratación concederá a ampliación do prazo que estime necesaria para a terminación do contrato. A Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á que a Administración poida ter dereito por danos e perdas ocasionados con motivo do atraso imputable ó contratista. 23. RECEPCIÓN E CERTIFICACIÓN FINAL DE OBRAS O contratista comunicaralle á dirección da obra a data prevista para a terminación da execución do contrato, ós efectos de que se poida realizar a recepción. Na recepción concorrerán o responsable do contrato ou un facultativo designado pola Administración en representación desta, o facultativo encargado da dirección das obras e o contratista asistido do seu facultativo, se o estima oportuno. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase a seguir á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses dende a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegará á acta de recepción un estado de dimensións e características da obra executada que defina con detalle as obras realizadas tal e como se atopan no momento da recepción, para os efectos de inventario. 24. XUSTIFICACIÓN DAS MELLORAS O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante un informe ó que se engadirá unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (21%). 25. LIQUIDACIÓN DA OBRA Transcorrido o prazo de garantía, se o informe do director da obra sobre o seu estado for favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, que, no último caso, lle será aboada a cantidade endebedada. 26. GARANTÍA DA OBRA A obra terá un período de garantía dende o día seguinte ó da data de formalización da acta de recepción, neste tempo o contratista estará obrigado á súa conservación e policía e á reparación dos danos producidos pola defectuosa execución da obra. De se producir un incumprimento dos deberes accesorios propios da garantía, non podendo resolverse o contrato, poderase incautar a garantía e se non for suficiente, poderanse reclamar danos e perdas pola vía de constrinximento. Dentro do prazo dos quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este for favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó emprego do construído durante o prazo de garantía, o director da obra procederá a ditarlle as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade ningunha por ampliación do prazo de garantía. 27. DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada por eles mesmos, previo aviso ó Servizo de Contratación, mediante escrito ordinario ou electrónico no correo-e contratacion@depo.es, transcorridos tres meses contados dende o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no suposto de que interpuxesen reclamacións ou recursos, ou exista algunha incidencia administrativa. Transcorridos os prazos anteriormente mencionados esta Administración disporá da documentación quedando exenta de toda responsabilidade. 28. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 237 do TRLCSP. 29. XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resolvidas polo órgano de contratación, cuxas resolucións esgotarán a vía administrativa deixando expedita a vía xurisdicional, contencioso-administrativa, a teor do disposto na lei reguladora desta xurisdición.” Ditos anexos son como seguen: “ANEXO I 1. DEFINICIÓN E CARACTERÍSTICAS DO CONTRATO 1.1. DEFINICIÓN OBXECTO DO CONTRATO Execución da obra “mellora das instalacións deportivas en Cambados”. 1.2. PROCEDEMENTO División en lotes: non Cualificación contrato: obra CPV: 45000000 Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 26 días naturais (artigo 159.2 do R.d.l. 3/2011), a contar dende o día seguinte ó da publicación do seu anuncio no BOP 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN: Formulación do prezo: prezo tanto alzado Importe sen IVE: 637.499,99 € IVE (21%): 133.875,00 € Total con IVE: 771.374,99 € B) FINANCIAMENTO: cadro de financiamento: Anualidade Aplicación orzamentaria Importe 2014 14/922.342.652.00 14/922.342.655.00 (vinculación xurídica) 771.374,99 € Revisión de prezos: non procede, por ter un prazo de execución inferior a un ano. 1.4. PRAZO DE EXECUCIÓN O prazo máximo para a execución da obra de referencia establécese en oito meses contados dende o día seguinte ó do asinamento da acta de comprobación de replanteo, agás que exista razón fundada que impida o seu comezo. 1.5. RÉXIME DE PAGAMENTOS. CERTIFICACIÓNS A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. 1.6. GARANTÍAS Provisional: non procede. Definitiva: 5% do importe de adxudicación do contrato (IVE excluído). Prazo de garantía mínimo: o adxudicatario deberá garantir cando menos por un ano a execución da obra. 1.7. PENALIZACIÓNS No suposto de incumprimento dos compromisos ou das condicións especiais de execución do contrato ofertados polo contratista aplicarase o disposto no artigo 212 do TRLCSP. 2. SOLVENCIA ECONÓMICA, FINANCEIRA E TÉCNICA (Documentación a presentar na fase de requirimento, segundo figura na cláusula 13.1. do prego económico-administrativo). Clasificación: Grupo C, subgrupo 6, categoría d. Acreditación da solvencia económica, financeira e técnica. A) Solvencia económica e financeira: Deberase acreditar unha cifra media de negocio dos traballos realizados pola empresa nos últimos dez anos, igual ou superior á do orzamento total do contrato, IVE incluído. Documentación a presentar: a) No caso de entidades con personalidade xurídica propia (sociedades mercantís): - As contas anuais (conta de perdas e ganancias) dos cinco últimos anos presentadas no Rexistro Mercantil ou no rexistro oficial que corresponda e/ou os modelos 200 (declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto Sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro de rexistro de vendas e ingresos dos tres últimos anos (debendo estar debidamente legalizados para aqueles que teñan dita obriga). - Modelo 390 (declaración resumo anual IVE) dos tres últimos anos e/ou modelo 100 (Documento de ingreso ou devolución da declaración do IRPF) dos tres últimos anos. b.2) Empresarios e profesionais con tributación do IRPF mediante o método de estimación obxectiva: - Libro de rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do IRPF) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: - Relación das obras executadas no transcurso dos dez últimos anos avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo (anexo V). O importe total destes contratos xustificados deberá ser igual ou superior ó orzamento deste contrato, IVE incluído. C) Declaración indicando a maquinaria, o material e o equipo técnico do que se dispoñerá para a execución das obras, á que se lle achegará a documentación acreditativa pertinente. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios directamente vencellados ó obxecto do contrato:  Criterios non avaliables mediante fórmulas (sobre B): máximo de 50 puntos: • Memoria construtiva e programa de traballo, ata un máximo de 25 puntos. • Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución da obra, ata un máximo de 15 puntos. • Memoria de seguridade e saúde, ata un máximo de 5 puntos. • Programa de actuacións ambientais, ata un máximo de 5 puntos.  Criterios de valoración automática (sobre C): máximo de 50 puntos: • Valoración da oferta económica, ata un máximo de 45 puntos. • Plan de control de calidade da obra, ata un máximo de 5 puntos. Estes criterios valoraranse en función da fórmula establecida no anexo III. Os criterios avaliables mediante xuízos de valor valoraranse de conformidade cos seguintes criterios:  Memoria construtiva e programa de traballo, ata un máximo de 25 puntos. Valorarase o coñecemento do proxecto e do terreo onde se executará a obra, debéndose explicar a metodoloxía a empregar na súa execución, as provisións a utilizar e os medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. Nota moi importante: na documentación que se presente no sobre B, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación ó programa de traballo e á súa execución por anualidades, no seu caso, presentarase única e exclusivamente no sobre C. O incumprimento deste precepto provocará a exclusión da oferta no proceso de licitación.  Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución, ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (21 %), máis indicaranse as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservando para si o dereito de as poder variar en beneficio do interese público, e sempre sen que poida superar o valor económico das ofertadas. Poderase ofertar como mellora unha redución no prazo de execución da obra, debéndose xustificar adecuadamente as circunstancias ou solucións técnicas que a permitan. Os técnicos, en base á documentación achegada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento.  Memoria de seguridade e saúde, ata un máximo de 5 puntos: 1. Definición da cuestión principal en relación coa seguridade e saúde dos traballos. Describiranse as actividades de maior problema na súa execución en relación coa seguridade e saúde. Definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real decreto 171/2004, en materia de coordinación de actividades empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes e outras. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. do R.d. 1627/97). Neste apartado realizaranse, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias e que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003, de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e as ferramentas auxiliares cumpren a normativa vixente en materia de seguridade e saúde, e máis das revisións e mantementos de cada unha das máquinas xunto co seu protocolo de seguimento. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI. Presentarase a proposta de como realizar a formación dos traballadores en obra, así como de información dos riscos ós que están sometidos nela. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento e sobre os riscos dos que o protexen, así como se haberá de definir como se verificará a súa utilización por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias na obra, determinando como se definirá a súa necesidade e como se verificará a súa correcta utilización, estado e reposición.  Programa de actuacións ambientais, ata un máximo de 5 puntos. Para este programa valoraranse as propostas de medidas de xestión ambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión ambiental propostos. As medidas ambientais valoraranse de acordo cos seguintes criterios: a) Se a execución da obra se realiza nun marco de xestión ambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE (77/801-94 e 77/802-94). b) Se os materiais a utilizar polo licitador proveñen dun proceso de reciclado ou reutilización en máis dun 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais a utilizar polo licitador son reutilizables ou teñen un grao de reciclabilidade superior ó 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por verteduras, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. Nota importante: só se procederá á apertura e á valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1) Unha relación de todos os documentos incluídos neste sobre. 2) Declaración responsable subscrita pola persoa que asine a proposición, de acordo co modelo que se achega no anexo II. 3) Compromiso do licitador de dedicar ou adscribir ó contrato os medios persoais e materiais suficientes necesarios para a súa execución, ós que se refire o artigo 64.2 do TRLCSP. Sen prexuízo de que a xustificación acreditativa de tal requisito deba presentarse, antes da adxudicación do contrato. 4) As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ó castelán ou ó galego. Presentación do sobre A no caso de licitar a varias obras: No caso de que o contrato se divida en varias obras, se un mesmo licitador se presenta a varias obras poderá presentar un único sobre A. Pola contra, deberá presentar un sobre B e outro C por cada unha das obras ás que se presente. SOBRE B: DOCUMENTACIÓN CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Presentarase pechado e contendo os seguintes documentos: 1. Como primeiro documento presentarase unha relación numerada e foliada de todos os documentos, asinada e selada polo representante legal da empresa. 2. Memoria construtiva e programa de traballo. 3. Melloras ofertadas. 4. Memoria de seguridade e saúde. 5. Programa de actuacións ambientais. Toda a documentación relativa a este sobre deberá presentarse en formato A4 e cun límite máximo de 100 follas. Enténdese por folla unha cara dun folio. Poderase rexeitar unha proposición por incumprir esta condición. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e contendo o seguinte documento: Modelo de proposición, seguindo o modelo determinado no anexo IV do prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicada sobre o orzamento de execución material da obra e determinado no apartado destinado para iso no modelo de proposición. A Deputación reserva para si o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do orzamento base de licitación, variase substancialmente o modelo establecido, comportase erro de relevo no importe da proposición ou existise recoñecemento por parte do licitador de que adoece de erro ou inconsistencia que a fagan inviable, poderá ser desbotada pola Mesa de contratación. Na proposición indicarase como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables de xeito automático mediante cifras ou porcentaxes por aplicación das fórmulas establecidas nos pregos. Os licitadores poderán optar a unha obra, a varias ou a todas as mencionadas na referida relación”. ANEXO II DECLARACIÓN RESPONSABLE Nota: este modelo pode descargarse en formato PDF para cubrilo na área de descargas do seguinte enderezo web: http://www.depo.es/web/edepo/contratacion1. ANEXO III “FÓRMULA DE VALORACIÓN Enumeración dos criterios avaliables mediante fórmulas(Sobre C). Nota importante: Só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: - Valoración oferta económica, ata un máximo de 45 puntos. - Plan de control de calidade da obra, ata un máximo de 5 puntos. * Valoración oferta económica, ata un máximo de 45 puntos: Entenderase por ofertas admitidas todas aquelas que non quedaran excluídas unha vez realizados o exame da documentación administrativa contida no sobre A, e a análise técnica da documentación contida no sobre B. Para a valoración das ofertas admitidas administrativa e tecnicamente consideraranse dous posibles casos: Caso 1. A oferta máis baixa OMB das admitidas administrativa e tecnicamente é inferior estritamente ó 85% do Presuposto Base de Licitación (PBL), é dicir, 1.1. Se o presuposto ofertado pola empresa (Pro) é maior ou igual á Oferta Máis Baixa (OMB) das admitidas administrativa e tecnicamente, e menor ou igual ó 85% do Presuposto Base de Licitación (PBL), é dicir, Se : a fórmula a empregar é a seguinte: Puntos oferta 1.2. Se o presuposto ofertado pola empresa (Pro) é maior estritamente ó 85% do Presuposto Base de Licitación PBL e menor ou igual ó Presuposto Base de Licitación (PBL), é dicir, Se : a fórmula a empregar é a seguinte: Puntos oferta Caso 2. A Oferta Máis Baixa (OMB) das admitidas administrativa e tecnicamente é maior ou igual ó 85% do Presuposto Base de Licitación (PBL), é dicir, a fórmula a empregar é a seguinte: Puntos oferta PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere en 5 puntos porcentuais o porcentaxe de baixa media de todas as ofertas admitidas administrativamente e tecnicamente. Para calcular a Baixa Media (BM) e a Baixa Media Permitida (sen incorrer en temeridade) (BMP) utilízanse as seguintes ecuacións: a) Cálculo da Baixa Media (BM): A baixa da oferta económica de la empresa i calcularase como: A porcentaxe de baixa da oferta económica da empresa i calcularase como: A baixa media de todas as porcentaxes das baixas das ofertas admitidas administrativa e tecnicamente é: sendo: Oferta económica da empresa i. n: Número de ofertas admitidas administrativa e tecnicamente. Presuposto base de licitación. Porcentaxe de baixa de cada unha das ofertas admitidas administrativa e tecnicamente. Baixa media. b) Cálculo da Baixa Máxima Permitida, sen incorrer en temeridade (BMP): sendo: Baixa Máxima Permitida, sen incorrer en temeridade. Baixa Media. Polo que se considerará temeraria unha oferta que incorra en:  Proxecto de control de calidade da obra, ata un máximo de 5 puntos. Especificarase a porcentaxe sobre o Presuposto de Execución Material (PEM) que a empresa asigne para tal efecto, así como a acreditación por parte da mesma da disposición dun certificado de calidade reservándose para si a Deputación a aprobación do laboratorio homologado. Esta porcentaxe será obrigatoriamente maior ou igual ó 1% e menor ou igual ó 5%. No caso de que sexa inferior ó 1% ou non se defina, a Deputación establecerá un valor do 1%, e no caso de que sexa superior ó 5%, a Deputación establecerá un valor do 5%. Para a valoración das ofertas admitidas consideraranse dous posibles tramos, separados polo Punto de Corte Porcentual de control de calidade , neste caso o valor do dito punto é de 3%. Tramo 1. A porcentaxe do control de calidade sobre o PEM ofertado é maior ou igual ó 1% e menor o igual ó PC%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo1: sendo: Puntuación do control de calidade ofertada. Tramo 2. A porcentaxe do control de calidade sobre o PEM ofertado é maior estritamente co PC% e menor o igual ó 5%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo 2: ANEXO IV MODELO DE PROPOSICIÓN (SOBRE C) D.ª/D….................., maior de idade, veciño de …..........., con domicilio en …..., titular do DNI….........., expedido na data …........, actuando en nome propio/ou en representación da empresa …............. (CIF núm. …........) e con domicilio en …........, teléfono …......... segundo acredito mediante poder debidamente bastanteado. Decatado do anuncio para adxudicar mediante procedemento aberto o contrato correspondente á obra (especificar denominación da obra): Primeiro. Declaramos que na execución do contrato se cumprirán as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos a prestar o servizo con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: * Polo prezo de …. (en letra e número) euros, máis …. euros (en letra e número) correspondente ó IVE. * Prezo total (en letra e número): * % de Control de calidade ofertado: * Prazo de execución ofertado: * Melloras ofertadas (descrición): (Lugar, data, sinatura e selo do licitador). ANEXO V MODELO DE ACREDITACIÓN DE SOLVENCIA TÉCNICA DE OBRAS REALIZADAS (SOBRE A) ACREDITACIÓN DA SOLVENCIA TÉCNICA E PROFESIONAL RESPECTO DA REALIZACIÓN DE OBRAS REALIZADAS POLA EMPRESA NOS ÚLTIMOS CINCO ANOS TÍTULO DO CONTRATO:……………………………………………………… NÚM. DE EXPEDIENTE …………………………..…………………………… D.ª/D. …………………, con DNI núm. ………….., en nome propio ou en representación da empresa ……………, con NIF/CIF núm. ………… DECLARA que a relación de obras análogas ó obxecto deste contrato realizadas nos últimos cinco anos son as que se recollen na táboa seguinte: Título do contrato Obxecto Data Importe ano 2008 Importe ano 2009 Importe ano 2010 Importe ano 2011 Importe ano 2012 Importe total dos últimos 5 anos Destinatario Inicio Fin Totais ………………………., ….. de …………………… de ……….. (Lugar, data, sinatura e selo do licitador)” 16.22061.- PRÓRROGA DO CONTRATO FORMALIZADO COA EMPRESA MUGATRA, SOCIEDADE DE PREVENCIÓN, S.L.U. (C.I.F. B 70055504), PARA O SERVIZO DE VIXILANCIA DA SAÚDE E RECOÑECEMENTOS MÉDICOS DO PERSOAL DE DEPUTACIÓN DE PONTEVEDRA A Xunta de Goberno da Deputación Provincial en sesión ordinaria celebrada o 20 de abril de 2012 adxudicou á empresa Mugatra Sociedad de Prevención, S.L.U. (C.I.F.- B-70055504) o contrato correspondente ó servizo de vixilancia da saúde e recoñecementos médicos do persoal da Deputación de Pontevedra e dos seus organismos autónomos por unha cantidade máxima de sesenta mil euros (60.000,00 €) anuais, IVE incluído, en base ós seguintes prezos unitarios:  Por cada recoñecemento médico trinta e oito euros con cincuenta céntimos (38,50 €), exentos de IVE.  Polos servizos de vixilancia da saúde a cantidade mensual, de trescentos cincuenta e catro euros (354,00 €), IVE incluído, desagregado nas seguintes cantidades: A) Prezo mensual: trescentos euros 300,00 €) B) IVE (18%):cincuenta e catro euros 54,00 €) TOTAL A+B: trescentos cincuenta e catro euros (354,00 €) Resultando que o contrato formalizouse o 21 de maio de 2012 e a cláusula terceira do mesmo establece que terá unha duración de dous anos, con entrada en vigor o 21 de maio de 2012, podendo prorrogarse a vixencia de mutuo acordo das partes antes da finalización da mesma, sen que a duración do contrato -incluídas as posibles prórrogas- poida exceder de catro anos. Resultando que o prego de condicións administrativas que rexeu este procedemento de contratación establece na cláusula 22 en relación á revisión de prezos que o prezo do contrato poderase revisar anualmente de acordo coa variación que experimente o Índice de Prezos ó Consumo (IPC), sempre que transcorra un ano dende a súa adxudicación e se executase o contrato polo menos nun 20%, quedando excluídos da revisión ambas acotacións. A revisión non poderá superar o 85% da variación experimentada polo índice adoptado. Resultando que a empresa Mugatra Sociedad de Prevención, S.L.U. mediante escrito que tivo entrada no Rexistro desta Deputación o día 14 de febreiro de 2014 solicitou prorrogar o contrato por un período de dous anos (dende o 21 de maio de 2014 ata o 21 de maio de 2016) e que se procede a unha revisión de prezos de acordo coa citada cláusula 22 do prego de condicións administrativas. Resultando que a Xunta de Goberno da Deputación en sesión ordinaria celebrada o 7 de maio de 2014 aprobou a revisión de prezos do contrato formalizado coa empresa Mugatra Sociedade de Prevención S.L.U. para o período comprendido do 21 de maio de 2013 ata o 20 de maio de 2014, establecéndose os novos importes que se detallan a continuación: Recoñecementos médicos Prezo IVE Total Prezo recoñecemento medico (inicial) 38,50 Exento 38,50 € Revisión de prezos abril 2012 – abril 2013 (un 1,19%) 0,46 Exento 0,46 € Novo importe con revisión de prezos 38,96 Exento 38,96 € Vixilancia da saúde Prezo IVE 21% Total Prezo servizo de vixilancia da saúde mensual (inicial) 300,00 63,00 363,00 € Revisión de prezos abril 2012 – abril 2013 (un 1,19%) 3,57 0,75 4,32 € Novo importe con revisión de prezos 303,57 63,75 367,32 € Visto o informe da xefa do Servizo de Prevención de Riscos Laborais da Deputación de data 26 de febreiro de 2014 favorable á solicitude realizada pola empresa. Vistos os informes favorables de Secretaria Xeral e de Intervención de datas 6 e 7 de maio de 2014 respectivamente, a Xunta de Goberno, en aplicación das bases de execución do vixente Orzamento provincial, acorda por unanimidade: 1. Prorrogar por dous anos (dende o 21 de maio de 2014 ó 20 de maio de 2016) a duración do contrato formalizado coa empresa Mugatra Sociedade de Prevención, S.L.U. (C.I.F. B-70055504) correspondente ó servizo de vixilancia da saúde e recoñecementos médicos do persoal da Deputación de Pontevedra. 2. Autorizar o gasto que leva consigo dita prórroga ata un importe máximo anual de 60.000,00 € (IVE incluído), en base ós seguintes prezos unitarios: - Por cada recoñecemento médico trinta e oito euros con noventa e seis céntimos (38,96 €), exentos de IVE. - Polos servizos de vixilancia da saúde, a cantidade mensual, de trescentos sesenta e sete euros con trinta e dous céntimos (367,32 €), IVE incluído, desagregado nas seguintes cantidades: Prezo mensual (vixilancia da saúde) 303,57 € IVE (21%) 63,75 € Prezo total mensual (vixilancia da saúde) 367,32 € O gasto financiarase da seguinte forma: o correspondente á anualidade 2014 con cargo á aplicación 14/929.920.227.03, e os correspondentes ás anualidades 2015 e 2016, no seu caso, con cargo ás correspondentes aplicacións orzamentarias dos exercicios 2015 e 2016, quedando estes condicionados á existencia de crédito suficiente e á aprobación dos respectivos orzamentos provinciais. 17.22062.- PRÓRROGA NA EXECUCIÓN DA OBRA DO “COMPLEXO DEPORTIVO DE SANTA MARIÑA, FASE II (REDONDELA)” A Xunta de Goberno, en sesión de 9/12/2013, adxudicou a Construccións, obras e Viais, S.A. a obra “Complexo deportivo Santa Mariña, fase II (Redondela)” na suma de 448.900,00 €, máis a cantidade de 94.269,00 € correspondente ó IVE, cun prazo de execución de dous meses, tendo lugar a comprobación do replanteo o 19/12/2013, polo que a obra debería estar executada o 19/02/2014. Resultando que polo mesmo órgano, en sesión de 28/02/2014, concedeuse prórroga para a finalización da obra ata o día 19/04/2014. Resultando que pola adxudicataria solicítase unha nova prórroga debido a que sofre unha demora respecto ó prazo previsto como consecuencia das interferencias provocadas pola actividade diaria que se segue levando a cabo no recinto deportivo, co agravante do estado do terreo debido ás intensas choivas rexistradas nos últimos meses. Resultando que polo Director de Infraestruturas emítese informe favorable á concesión de dita prórroga. A Xunta de Goberno acorda por unanimidade conceder prórroga na finalización da referida obra ata o día 19 de xuño do ano en curso. 18.22063.- AUTORIZACIÓN PARA A REDACCIÓN DO PROXECTO MODIFICADO DA OBRA DE “AMPLIACIÓN DO EDIFICIO DA UNED PARA AULA MAGNA (PONTEVEDRA)” A Universidad Nacional de Educación a Distancia, o Concello de Pontevedra e a Deputación Provincial subscribiron, con data 14/11/2012, un convenio de colaboración para levar a cabo a ampliación do edificio da UNED en Pontevedra. A Xunta de Goberno desta Deputación, en sesión de 22/03/2013, adxudicou a Oreco, S.A. a execución da obra de “Ampliación do edificio da UNED (Pontevedra)”, por importe de 284.250,46 €, IVE incluído, cun prazo de execución de sete meses. A Xunta de Goberno, en sesión de 14/02/2014, concedeu unha ampliación do prazo de execución da obra ata o 15 de maio do ano en curso. Pola adxudicataria mediante escrito, conformado polo Director de Obra, solicítase unha nova prórroga, por espazo de dous meses, como consecuencia da redacción dun proxecto modificado que fai necesaria a reubicación de certas tarefas na planificación inicial da obra, así como a inclusión doutras novas que motivan o lanzamento de novos pedidos e encargos de materiais non incluídos nun primeiro momento e que levan consigo novos prazos de fabricación e entrega. Á vista do exposto, a Xunta de Goberno acorda por unanimidade: 1.- Autorizar a realización do proxecto modificado da obra de “Ampliación do edificio da UNED para Aula Magna (Pontevedra)”. 2.- A suspensión da execución da obra ata a aprobación do proxecto modificado. 19.22064.- ADXUDICACIÓN DO CONTRATO PARA A EXECUCIÓN DA OBRA “CAMPO DE FÚTBOL DE CÉSPEDE SINTÉTICO EN CARBALLEDO (COTOBADE)” Resultando que a Xunta de Goberno, en sesión celebrada o día 30/10/2013, prestou aprobación ó expediente de contratación, mediante procedemento aberto, da obra de “Campo de fútbol de céspede sintético en Carballedo (Cotobade)”, con orzamento de 403.563,46 €, máis a cantidade de 84.748,33 € correspondente ó IVE. Resultando que o día 9/12/2013, constituíuse a Mesa de Contratación procedendo ó estudo da documentación administrativa contida nos sobres “A”, admitindo a todas as empresas presentadas. Resultando que o día 11/12/2013, este mesmo órgano, en acto público, indicou as plicas que foron cualificadas como admitidas, procedendo á apertura dos sobres “B”, correspondente á documentación técnica valorable mediante criterios non avaliables mediante formulas, tal e como prevé o artigo 27 do Real Decreto 817/2009, polo que se desenvolve parcialmente a Lei de contratos do sector público. Resultando que o día 24/02/2014, unha vez avaliada a documentación técnica, procedeuse á apertura dos sobres “C” daquelas empresas que obtiveron unha valoración superior a 30 puntos sobre os criterios non avaliables mediante fórmulas, co seguinte resultado: Licitador Puntuación sobre “B” Oferta % Control calidade Construccións, Obras e Viais, S.A. 33,58 383.385,30 3,00 Italgreen, S.P.A. 31,90 363.610,68 3,00 Mondo Ibérica, S.A. 31,42 387.572,31 1,00 Mecano Sport, S.L. 31,38 362.399,99 3,00 Construcciones Ángel Jove, S.A.U. 31,27 377.695,04 4,00 Construcciones E.C. Casas, S.L. 31,15 343.553,58 3,00 Copcisa, S.A. 30,71 335.805,16 ------ Valoradas as ofertas, de acordo co establecido no prego de cláusulas administrativas que rexeu o procedemento, obtense a seguinte puntuación: Licitador Puntuación sobre “B” Puntuación sobre “C” Puntuación total Copcisa, S.A. 30,71 46,00 76,71 Construcciones e.c. Casas, S.L. 31,15 43,65 74,80 Mecano Sport, S.L. 31,38 31,20 62,58 Italgreen, S.P.A. 31,90 30,40 62,30 Construcciones Ángel Jove, S.A.U. 31,27 21,59 52,86 Construccións, Obras e Viais, S.A. 33,58 17,33 50,91 Mondo Ibérica, S.A. 31,42 11,57 42,99 Dado que segundo o establecido no prego de cláusulas administrativas que rexeu no procedemento de contratación, as ofertas das empresas Copcisa, S.A. e Construcións E.C. Casas, S.L., aínda que alcanzan as máximas puntuacións, conteñen valores anormais ou desproporcionados no referente ó prezo total ofertado, a Mesa de Contratación requiriu ás mesmas para que xustificasen as súas ofertas e precisasen as condicións das mesmas, en particular no que se refire ó aforro económico, solucións técnicas adoptadas e condicións excepcionalmente favorables de que dispuxesen para executar o contrato. Recibida a documentación solicitada emítense, polo Director de Infraestruturas, informes nos que considera que, tralo estudo de dita documentación, non se atopan suficientemente xustificadas polo que estima que non deben ser tidas en conta a efectos da adxudicación da obra. Efectuada unha nova valoración das ofertas excluíndo as formuladas por Copcisa, S.A. e Construcións E.C. Casas, S.L., obtense a seguinte puntuación: Licitador Puntuación sobre “B” Puntuación sobre “C” Puntuación total Mecano Sport, S.L. 31,38 49,00 80,38 Italgreen, S.P.A. 31,90 47,68 79,58 Construcciones Ángel Jove, S.A.U. 31,27 32,78 64,05 Construccions, Obras e Viais, S.A. 33,58 26,06 59,64 Mondo Ibérica, S.A. 31,42 18,48 49,90 Resultando que Mecano Sport, S.L. obtén a máxima puntuación a Mesa de Contratación, en sesión celebrada o día 23/04/2014, propón requirir á dita empresa para que presente a documentación xustificativa de atoparse ó corrente nas súas obrigacións tributarias e coa Seguridade Social, de dispoñer efectivamente dos medios que se comprometeu a dedicar ou adscribir á execución da obra, e de ter constituído a garantía definitiva equivalente ó 5,00 % do orzamento de adxudicación excluído o IVE, así como proceder ó ingreso na Tesourería da Deputación da cantidade de 97,65 € correspondente á publicación do anuncio de licitación no BOP, propoñendo, unha vez cumprimentado o requirimento, a adxudicación da obra. Resultando que Mecano Sport, S.L., atendendo ó requirimento formulado mediante resolución nº 2014012404, presentou a documentación requirida, así como a garantía definitiva por importe de 18.120,00 €, segundo acredita mediante xustificante de transferencia bancaria a favor da Deputación Provincial, de data 08/05/2014, e que ingresou a cantidade de 97,65 € correspondente á publicación do anuncio do procedemento no BOP. A Xunta de Goberno acorda por unanimidade adxudicar a Mecano Sport, S.L.(CIF B-27788397) a obra “Campo de fútbol de céspede artificial en Carballedo (Cotobade)”, con arranxo ó seguinte detalle: Importe, sen IVE 362.399,99 € IVE 76.104,00 € Importe total 438.503,99 € Prazo de execución Dous meses Melloras ofertadas 41.488,33 € Control de calidade 3,00 % 20.22065.- SOLICITUDE FRACCIONAMENTO DE FACTURAS DO 2º 25% DA ENTIDADE MERCANTIL GESCOGRA, S.L. Con data 4 de marzo de 2014, rexistro de entrada nº 19840, D. Evaristo Galiano Muíños, Letrado en exercicio, en nome e representación da entidade mercantil GESCOGRA, S.L. di que, recibidas as facturas pendentes de aboamento de data 19 de decembro de 2012 e 4 de xullo de 2013, procedentes do pagamento fraccionado da venda da parcela B-06 do Polígono Outeda-Curro, en contía de 8.381,77 € e 8.511,54 €, respectivamente (ás que habería que engadir a do 13 de decembro de 2013 por importe de 8.642,02 €) e ante a imposibilidade de acometer o pagamento destas de forma inmediata, debido á situación económica actual da empresa, que está en vías de solución, solicita deste Organismo que autorice o pagamento fraccionado destas, en contía de 500 € mensuais, comprometéndose ó tempo a atender o pagamento dos próximos vencementos e a liquidar a débeda total no semestre seguinte ó último dos vencementos. O 4 de abril emite informe o Técnico-Colaborador do Polígono Industrial que literalmente di: “Con fecha 4 de marzo de 2014, registro de entrada nº 19840, D. Evaristo Galiano Muíños, Letrado en ejercicio, en nombre y representación de la entidad mercantil GESCOGRA, S.L. dice que, recibidas las facturas pendientes de abono de fecha 19 de diciembre de 2012 y 4 de julio de 2013, procedentes del pago fraccionado de la venta de la parcela B-06 del Polígono Outeda-Curro, en cuantía de 8.381,77 € y 8.511,54 €, respectivamente (a las que habría que añadir la de 13 de diciembre de 2013 por importe de 8.642,02 €) y ante la imposibilidad de acometer el pago de las mismas de forma inmediata, debido a la situación económica actual de la empresa, que está en vías de solución, solicita de este Organismo que autorice el pago fraccionado de las mismas, en cuantía de 500 € mensuales, comprometiéndose al tiempo a atender el pago de los próximos vencimientos y a liquidar la deuda total en el semestre siguiente al último de los vencimientos. Este escrito tiene como antecedente uno de 17 de enero de 2014, suscrito por este Técnico-Colaborador, en el que se decía literalmente: “Habiendo sido devuelta por el Servicio de Correos carta certificada de este Organismo por la que se le remitían las facturas pendientes de cobro fraccionado nº 5/10, 6/10 y 7/10, correspondientes al segundo pago: 25% del total de la venta de la parcela B-06 del Polígono Outeda-Curro (Barro), para proceder a su abono, por la presente, y a los efectos de dar cumplimiento a lo establecido en los Pliegos de Cláusulas Económico-administrativas que rigieron la enajenación de parcelas, adjunto remito de nuevo las citadas facturas para su abono, pues en caso de futuro incumplimiento deberían tomarse las medidas por el órgano competente, para hacer efectivo su cobro o, en su caso, resolver el contrato, pudiendo esa empresa alegar lo que considere conveniente en defensa de sus derechos e intereses”. El pliego de cláusulas económico-administrativas (por el que se rige el presente contrato adjudicado por acuerdo del Consejo Rector del IPESPO el 21 de julio de 2010) que rigieron la enajenación, a través de procedimiento abierto, por el IPESPO, de 50 parcelas resultantes del Proyecto de Parcelación del Plan de Sectorización del SRAU Industrial Outeda-Curro, en el municipio de Barro, Pontevedra, establece en la cláusula duodécima Forma de pago: “Otro 25% del precio del contrato… podrá ser objeto de pago fraccionado, dentro de un período máximo de 5 años..., previa solicitud expresa de fraccionamiento que deberá ser realizada por el adjudicatario…” Es obvio que, a la vista del pliego, en una interpretación literal y rigurosa, no podría accederse a lo solicitado, pero la Junta de Gobierno apelando a la situación económica de excepcionalidad que atraviesa la empresa GESCOGRA, en un ambiente de crisis industrial generalizado, podría, a juicio del informante, autorizar el pago fraccionado de las facturas nº 5/10 de 19/12/2012 de 8.381,77 €, nº 6/10 de 04/07/2013 de 8.511,54€ y nº 7/10 de 13/12/2013 por importe de 8.642,02 €, correspondientes a parte del pago del segundo 25%, en la cuantía de 500 € mensuales, comprometiéndose a atender el pago de los próximos vencimientos y a liquidar la deuda total en el semestre siguiente al último de los vencimientos y ello, porque redundaría en un mayor beneficio para la Diputación el mantenimiento de la venta de la parcela (donde ya está funcionando la empresa de Gestión de Granito en la nave por ella construida y que ésta ya ha abonado el primer 25% del total de la venta), autorizando dicho pago fraccionado, y dado que no existe perjuicio alguno para esta Entidad por no existir, en la actualidad, comprador sustituto para dicha parcela y dicho pago fraccionado sería abonado con el interés legal vigente en cada momento”. O 21 de abril de 2014 emite informe o Sr. Secretario no que, en canto ó fondo do asunto, presta conformidade ó informe emitido polo Técnico-Colaborador de 4 de abril e, en consecuencia, informa favorablemente á petición. Con data 28 de abril emite informe o Sr. Interventor sobre o fraccionamento do pago das facturas pendentes de abono, no que literalmente establece o seguinte: En los “Pliegos de cláusulas económico-administrativa que rigen el 2º y3º concursos públicos convocados para la enajenación de parcelas resultantes del proyecto de parcelación del plan de sectorización del suelo rústico apto para urbanizar (SRAU), Industrial Outeda-Curro, en el municipio de Barro-Pontevedra”, aprobadas por el Consejo Rector del IPESPO, el día 28 de octubre de 2009 y el 24 de mayo de 2011 respectivamente, regulan la posibilidad fraccionar el 2º pago del 25% del precio del contrato, que se encuentra pendiente de abono y previa solicitud del adjudicatario de la parcela. Esta posibilidad de fraccionar el pago también es aplicable a los adjudicatarios del primer concurso público, tal como recoge la vigente cláusula duodécima, bajo las siguientes condiciones: • El fraccionamiento se concederá hasta un período máximo de cinco años, a contar desde la solicitud de fraccionamiento, y comportará el pago de los intereses legales vigentes que correspondan por cada pago fraccionando, (en los ejercicios 2010, 2011, 2012 y 2013, 2014 el interés legal del dinero es del 4% “Leyes: 26/2009, de 23/12/2009; Ley 39/2010, de 22/12/2010; RDL 20/2011, BOE 31-12-11; Ley 17/2012, de 27/12/2012; Ley 22/2013, de 23/12/2013)”. • Los pagos fraccionados, a solicitud del interesado, se podrán realizar por semestres naturales o anualmente (30 de junio y/o 30 de diciembre). De acuerdo con estos criterios establecidos en la “Clausula Duodécima”, se fraccionó el pago del segundo 25%, correspondiente a la parcela B-06 adquirida por GESCOGRA, S.L., emitiéndose facturas con periodicidad semestral. A fecha actual están pendientes de cobro los siguientes fraccionamientos: 5/10 pagos, factura 2012/60900/26 de 19/12/2012, por un importe total de 8.381,77€; el 6/10 pagos, factura 2013/456-60900/3 de 04/06/2013, por un importe total de 8.511,54€; y el 7/10 pagos, factura 2013/456-60900/13 de 13/12/2013, por un importe total de 8.642,02€. CONCLUSIÓN A fecha actual, la empresa se ha instalado en la parcela iniciado su actividad, abonando el primer pago del 25% más los 4 primeros pagos fraccionados del segundo 25%. En consecuencia el fraccionamiento de los cobros pendientes solicitados no se ajusta específicamente a lo establecido en las clausulas, pero supone un menor perjuicio para esta Diputación Provincial que la resolución del contrato, teniendo en cuenta que empresa ha iniciado su actividad y no existe una demanda específica sobre la parcela citada. Si se acepta el pago fraccionado de las facturas indicadas por importe de 500 € mensuales, habrá de tenerse en cuenta que estos cobros mensuales, no deben superar el periodo de los 5 años establecido en las “Cláusulas”, incorporando además el interés legal del dinero fijado para cada ejercicio, en concepto de intereses de demora, estimándose los siguientes pagos (si el interés legal del dinero para el 2015, variara respecto de los ejercicios anteriores “4%”, los cálculos se modificaran de acuerdo con el tipo que fije la respectiva ley)”: Factura/ Pagos Fraccionados Fecha devengo Importe pendiente Intereses Pagos deuda Total Pagos fraccionados 2012/60900/26 01/01/2013 8.381,77 € 0,00 € 0,00 € 0,00 € may-14 31/05/2014 7.908,48 € 26,71 € 473,29 € 500,00 € jun-14 30/06/2014 7.436,66 € 28,18 € 471,82 € 500,00 € jul-14 31/07/2014 6.966,35 € 29,69 € 470,31 € 500,00 € ago-14 31/08/2014 6.497,53 € 31,19 € 468,81 € 500,00 € sep-14 30/09/2014 6.030,16 € 32,63 € 467,37 € 500,00 € oct-14 31/10/2014 5.564,27 € 34,11 € 465,89 € 500,00 € nov-14 30/11/2014 5.099,80 € 35,53 € 464,47 € 500,00 € dic-14 31/12/2014 4.636,79 € 36,99 € 463,01 € 500,00 € ene-15 31/01/2015 4.175,23 € 38,44 € 461,56 € 500,00 € feb-15 28/02/2015 3.714,97 € 39,75 € 460,25 € 500,00 € mar-15 31/03/2015 3.256,15 € 41,18 € 458,82 € 500,00 € abr-15 30/04/2015 2.798,72 € 42,56 € 457,44 € 500,00 € may-15 31/05/2015 2.342,69 € 43,98 € 456,02 € 500,00 € jun-15 30/06/2015 1.888,03 € 45,34 € 454,66 € 500,00 € jul-15 31/07/2015 1.434,78 € 46,74 € 453,26 € 500,00 € ago-15 31/08/2015 982,91 € 48,13 € 451,87 € 500,00 € sep-15 30/09/2015 532,38 € 49,47 € 450,53 € 500,00 € oct-15 31/10/2015 83,23 € 50,85 € 449,15 € 500,00 € nov-15 30/11/2015 0,00 € 9,70 € 83,23 € 92,92 € Factura/ Pagos fraccionados Fecha devengo Importe pendiente Intereses Pagos deuda Total Pagos fraccionados 2013/456-60900/3 04/07/2013 8.511,54 € 0,00 € 0,00 € 0,00 € may-14 31/05/2014 8.029,04 € 17,50 € 482,50 € 500,00 € jun-14 30/06/2014 7.548,07 € 19,03 € 480,97 € 500,00 € jul-14 31/07/2014 7.068,66 € 20,59 € 479,41 € 500,00 € ago-14 31/08/2014 6.590,82 € 22,15 € 477,85 € 500,00 € sep-14 30/09/2014 6.114,46 € 23,65 € 476,35 € 500,00 € oct-14 31/10/2014 5.639,65 € 25,18 € 474,82 € 500,00 € nov-14 30/11/2014 5.166,31 € 26,66 € 473,34 € 500,00 € dic-14 31/12/2014 4.694,49 € 28,18 € 471,82 € 500,00 € ene-15 31/01/2015 4.224,18 € 29,69 € 470,31 € 500,00 € feb-15 28/02/2015 3.755,22 € 31,04 € 468,96 € 500,00 € mar-15 31/03/2015 3.287,75 € 32,53 € 467,47 € 500,00 € abr-15 30/04/2015 2.821,71 € 33,96 € 466,04 € 500,00 € may-15 31/05/2015 2.357,15 € 35,43 € 464,57 € 500,00 € jun-15 30/06/2015 1.894,00 € 36,85 € 463,15 € 500,00 € jul-15 31/07/2015 1.432,30 € 38,30 € 461,70 € 500,00 € ago-15 31/08/2015 972,05 € 39,75 € 460,25 € 500,00 € sep-15 30/09/2015 513,18 € 41,13 € 458,87 € 500,00 € oct-15 31/10/2015 55,74 € 42,56 € 457,44 € 500,00 € nov-15 30/11/2015 0,00 € 5,37 € 55,74 € 61,11 € Factura/ Pagos fraccionados Fecha devengo Importe pendiente Intereses Pagos deuda Total Pagos fraccionados 2013/456-60900/13 01/01/2014 8.642,02 € 0,00 € 0,00 € 0,00 € may-14 31/05/2014 8.150,11 € 8,09 € 491,91 € 500,00 € jun-14 30/06/2014 7.659,78 € 9,67 € 490,33 € 500,00 € jul-14 31/07/2014 7.171,08 € 11,30 € 488,70 € 500,00 € ago-14 31/08/2014 6.684,00 € 12,92 € 487,08 € 500,00 € sep-14 30/09/2014 6.198,47 € 14,47 € 485,53 € 500,00 € oct-14 31/10/2014 5.714,54 € 16,07 € 483,93 € 500,00 € nov-14 30/11/2014 5.232,14 € 17,60 € 482,40 € 500,00 € dic-14 31/12/2014 4.751,32 € 19,18 € 480,82 € 500,00 € ene-15 31/01/2015 4.272,07 € 20,75 € 479,25 € 500,00 € feb-15 28/02/2015 3.794,22 € 22,15 € 477,85 € 500,00 € mar-15 31/03/2015 3.317,92 € 23,70 € 476,30 € 500,00 € abr-15 30/04/2015 2.843,10 € 25,18 € 474,82 € 500,00 € may-15 31/05/2015 2.369,81 € 26,71 € 473,29 € 500,00 € jun-15 30/06/2015 1.897,99 € 28,18 € 471,82 € 500,00 € jul-15 31/07/2015 1.427,68 € 29,69 € 470,31 € 500,00 € ago-15 31/08/2015 958,87 € 31,19 € 468,81 € 500,00 € sep-15 30/09/2015 491,49 € 32,63 € 467,37 € 500,00 € oct-15 31/10/2015 25,60 € 34,11 € 465,89 € 500,00 € nov-15 30/11/2015 0,00 € 1,96 € 25,60 € 27,56 € Pois ben, á vista de todo o anterior, a Xunta de Goberno acorda por unanimidade aceptar o pago fraccionado das facturas indicadas por importe de 500 € mensuais, se ben ditos pagos non deben superar o período dos 5 anos establecidos no prego de cláusulas económico-administrativas que rexeron o concurso para enaxenación de parcelas, incorporando ademais o interese legal do diñeiro fixado para cada exercicio, en concepto de intereses de demora, estimándose os pagos nas táboas reflectidas anteriormente, correspondentes a: 5/10 pagos, factura 2012/60900/26 de 19/12/2012, por un importe total de 8.381,77€; o 6/10 pagos, factura 2013/456-60900/3 de 04/06/2013, por un importe total de 8.511,54€; e o 7/10 pagos, factura 2013/456-60900/13 de 13/12/2013, por un importe total de 8.642,02€. 21.22066.- PRÓRROGA DUNHA BOLSA DE PRÁCTICA LABORAL 2013 EN SERVIZOS DA DEPUTACIÓN PARA ENXEÑEIROS DE CAMIÑOS CON DESTINO Ó SERVIZO DE INFRAESTRUTURAS Por Acordo adoptado na Xunta de Goberno desta Deputación Provincial, en sesión celebrada o 21 de decembro de 2012, aprobáronse as Bases e a convocatoria de 74 bolsas de práctica laboral destinadas a mozos titulados universitarios sen experiencia laboral previa en Centros e Servizos da Deputación de Pontevedra coa finalidade de promover e completar a súa formación en áreas de coñecemento ou actividades que poidan facilitar a súa incorporación ó mercado laboral, publicadas no BOP nº 1 do 2 de xaneiro de 2013, entre as que figuraban as seguintes: - Expediente D18 Infraestruturas: unha bolsa de enxeñeiro de camiños. Por acordo adoptado na Xunta de Goberno con número 31.21499 en sesión celebrada o 8 de novembro de 2013 ampliouse e adxudicouse unha nova bolsa do expediente D18 a favor de Marta Fernández-Valdés Gómez de Membrillera, con efectos do 11 de novembro de 2013 e por un período de seis meses. Na base novena da convocatoria establécese que antes de que transcorran os últimos quince días do período de duración da bolsa, o beneficiario estará obrigado a presentar unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor, á vista da memoria presentada, emitirá un informe de avaliación para poderen valorar se procede ou non a prórroga. Á vista da memoria presentada, mediante informe de avaliación a titora solicita a prórroga de dita bolsa. De conformidade con todo o exposto, e en virtude das competencias conferidas polos artigos 35.2.b da Lei 7/1985, de 2 de abril, reguladora das bases do réxime local, e 105 da Lei 5/1997, de Administración Local de Galicia, e demais normativa de concordante aplicación, considerando o informe de intervención de data 7 de maio de 2014, a Xunta de Goberno acorda por unanimidade prorrogar a bolsa concedida a Marta Fernández-Valdés Gómez de Membrillera dende o 11 de maio de 2014 ata o 10 de novembro de 2014. A dotación económica da bolsa ascende a un total de 800,00 €/mes por beneficiario o que supón para o ano 2014, un total de 4.800 €, sendo o custo da seguridade social de 34,72€/mes por beneficiario, o que supón para o ano 2014 un total de 208,32 €. Estas cantidades imputaranse ás aplicacións orzamentarias 14/921.241.481.01 e 14/921.241.160.03 do orzamento provincial. 22.22067.- ADXUDICACIÓN DUNHA BOLSA DO PLAN DE PRÁCTICA LABORAL PARA PERSOAS CON DISCAPACIDADE POR RENUNCIA DUNHA BENEFICIARIA No Boletín Oficial da Provincia, número 40 de data 27 de febreiro de 2014, publicáronse as Bases da Convocatoria de 25 bolsas de Práctica Laboral para persoas con discapacidade, dirixidas a titulados universitarios e de formación profesional, sen experiencia laboral previa ou non superior a seis meses, coa finalidade de promover e completar a súa formación académica en áreas de coñecemento ou actividades que poidan facilitar a súa futura incorporación ó mercado laboral. Por acordo adoptado na Xunta de Goberno, celebrada o 30 de abril de 2014, adxudicáronse 12 das 25 bolsas de práctica laboral para persoas con discapacidade convocadas. Con data de 2 de maio de 2014 a bolseira Elisabet Iglesias Salvador, adxudicataria dunha bolsa do Plan de Práctica laboral para persoas con discapacidade, no expediente B01, presenta renuncia á mesma por motivos persoais. A base décimo terceira da convocatoria das bolsas, establece que en caso de renuncia á bolsa da persoa adxudicataria, a Deputación de Pontevedra poderá adxudicar a bolsa que quede vacante ó candidato suplente polo período restante, segundo a orde de puntuación obtida no proceso de selección. Considerando que o procedemento de selección, asignación e distribución dos bolseiros levouse a cabo conforme o establecido nas bases sexta, sétima e oitava da convocatoria, a Xunta de Goberno acorda por unanimidade adxudicar a referida bolsa a Mª Dolores Mondragón Caldas, primeira suplente do expediente B01 con efectos do 15 de maio do 2014 e por un período de 6 meses, podendo ser prorrogada por outros 6 por acordo da Xunta de Goberno, cumprindo o disposto na cláusula décima das bases e sempre que exista dotación orzamentaria. Nº Exp. Titulación 1º Apelido 2º Apelido Nome Centro Importe 1 B01 Ciclo superior en Administración e Finanzas Mondragón Caldas Mª Dolores Pazo Provincial 700 €/mes A dotación económica total desta bolsa, imputarase ás aplicacións orzamentarias 14/921.241.481.01, e 14/921.241.160.03. A bolsa será incompatible con calquera outra actividade remunerada, calquera que sexa a súa natureza, agás as indemnizacións por razón do servizo, que deberá sufragar a empresa. O feito de aceptar e facer uso desta bolsa non xera ningunha relación laboral nin funcionarial coa Deputación nin co centro no que se desenvolvan as actividades da práctica laboral, polo que non implica, en consecuencia, ningún tipo de compromiso para un posterior contrato ou vinculación con este organismo provincial. O pagamento do importe da bolsa realizarase por mensualidades vencidas. As cantidades correspondentes estarán suxeitas ás retencións que procedan, de conformidade co previsto no R.d. 439/2007, de 30 de marzo, polo que se aproba o Regulamento do Imposto sobre a Renda das Persoas Físicas, así como na orde pola que se desenvolven as normas reguladoras da cotización á Seguridade Social para este ano. Antes de que transcorran os últimos quince días do período de duración da bolsa o beneficiario estará obrigado a presentar unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor, á vista da memoria presentada, emitirá un informe de avaliación para poder valorar se procede ou non a prórroga. 23.22068.- ADXUDICACIÓN DE 4 BOLSAS DE PRÁCTICA LABORAL EN EMPRESAS POR RENUNCIA E SUSPENSIÓN DE BOLSEIROS TITULARES Por acordo aprobado na Xunta de Goberno celebrada o 27/12/2013 adxudicáronse as bolsas correspondentes ó Plan de Práctica Laboral en empresas do sector privado, por número de expediente, titulación, candidato seleccionado e empresa de destino, con efectos de 30/12/2013 e por un período de seis meses, prorrogables por outros seis. O pasado 30 de decembro de 2013 iniciaron as súas prácticas laborais os seguintes bolseiros: Exp. Titulación Bolseiro Empresa Importe/Bolsa E-13 Ciclo Superior en Administración e Finanzas Vanesa Pol Froiz Deza Postal, S.L. 700 € E-13 Ciclo Superior en Administración e Finanzas Miguel Waldo Paz Caamaño Aluminios Portonovo, S.L. 700 € E-26 Ciclo Superior en Guía, Información e Asistencia Turísticas. Mónica Bayo Criado Espiral Xestión Cultural, S.L. 700 € E-90 Licenciatura en Dereito Martín Rivera Búa APE GALICIA 800 € Os citados bolseiros causaron baixa como tales nas datas e motivos que se relacionan a continuación: Exp. Titulación Bolseiro Motivo da baixa Data da baixa E-13 Ciclo Superior en Administración e Finanzas Vanesa Pol Froiz Renuncia 07/04/2014 E-13 Ciclo Superior en Administración e Finanzas Miguel Waldo Paz Caamaño Renuncia 06/05/2014 E-26 Ciclo Superior en Guía, Información e Asistencia Turísticas. Mónica Bayo Criado Suspensión bolsa 30/04/2014 E-90 Licenciatura en Dereito Martín Rivera Búa Renuncia 30/04/2014 A base décimo terceira da convocatoria das bases, establece que no caso de que o bolseiro renuncie antes da finalización do período de prácticas deberá presentar no Rexistro xeral da Deputación a correspondente solicitude dirixida ó Servizo de Recursos Humanos e Formación e informar previamente o seu titor. En tal situación a empresa poderá solicitar que se cubra a bolsa que queda vacante polo tempo restante cun candidato suplente, segundo a orde de puntuación obtida no proceso de selección. Por todo e exposto, a Xunta de Goberno acorda por unanimidade cubrir as bolsas que quedaron sen bolseiro cos candidatos suplentes dos expedientes correspondentes, con data de efectos do 15 de maio de 2014 e polo tempo restante das bolsas segundo se detalla no Anexo I. O anexo é como segue: ANEXO I Exp. Titulación Bolseiro Empresa Importe/ Bolsa Data de incorporación E-13 Ciclo Superior en Administración e Finanzas José Miguel Cendón Barreiro Deza Postal, S.L. 700 € 15/05/2014 E-13 Ciclo Superior en Administración e Finanzas Brais González Rial Aluminios Portonovo, S.L. 700 € 15/05/2014 E-26 Ciclo Superior en Guía, Información e Asistencia Turísticas. Ana María Alcántara López Espiral Xestión Cultural, S.L. 700 € 15/05/2014 E-90 Licenciatura en Dereito Rosa Rodríguez Carballo APE Galicia 800 € 15/05/2014 24.22069.- RATIFICACIÓN DA RESOLUCIÓN PRESIDENCIAL Nº 2014013123 DE DATA 5 DE MAIO DE 2014 POLA QUE SE SUSPENDE UNHA BOLSA DO PLAN DE PRÁCTICA LABORAL EN EMPRESAS POR RENUNCIA DO BOLSEIRO De conformidade co disposto nas bases da convocatoria do Plan de Práctica Laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014013123 de data 5 de maio de 2014 pola que se dan por finalizadas as prácticas do bolseiro Miguel Waldo Paz Caamaño na empresa Aluminios Portonovo, S.L. con efectos do día 6 de maio de 2014, cuxo contido se reproduce integramente a continuación: “A Deputada delegada en materia de persoal, en virtude das competencias delegadas da Presidencia, dita a seguinte RESOLUCIÓN: Primeiro.- Por acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó Plan de Práctica Laboral en empresas do sector privado, por número de expediente, titulación, candidato seleccionado e empresa de destino, con efectos de 30 de decembro de 2013 e por un período de seis meses, prorrogables por outros seis. Segundo.- O pasado 30 de decembro de 2013 iniciou as súas prácticas laborais do expediente E-13 da titulación Ciclo Superior en Administración e Finanzas, o bolseiro Miguel Waldo Paz Caamaño na empresa Aluminios Portonovo, S.L. Terceiro.- Con data de 5 de maio de 2014 o bolseiro Miguel Waldo Paz Caamaño, presenta escrito solicitando a súa renuncia a continuar participando no plan de práctica laboral con efectos do 6 de maio de 2014, manifestando a incompatibilidade da bolsa co traballo que lle ofreceron e decidiu aceptar. Cuarto.- A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Polo exposto, en virtude das facultades que me confire o artigo 61.12 do Real Decreto 2568/86, de 28 de novembro, e artigo 105.1 g) da Lei 5/97, de 22 de xullo, reguladora da administración local de Galicia, RESOLVO, dar por finalizadas as prácticas do bolseiro Miguel Waldo Paz Caamaño na empresa Aluminios Portonovo, S.L. con efectos do día 6 de maio de 2014”. 25.22070.- RATIFICACIÓN DA RESOLUCIÓN PRESIDENCIAL Nº 2014013124 DE DATA 5 DE MAIO DE 2014 POLA QUE SE SUSPENDE UNHA BOLSA DO PLAN DE PRÁCTICA LABORAL EN EMPRESAS POR RENUNCIA DA BOLSEIRA De conformidade co disposto nas bases da convocatoria do Plan de Práctica Laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014013124 de data 5 de maio de 2014 pola que se dan por finalizadas as prácticas da bolseira Jéssica Giménez Amoedo na empresa Pepe Vieira, S.L. con efectos do día 30 de abril de 2014, cuxo contido se reproduce integramente a continuación: “A Deputada delegada en materia de persoal, en virtude das competencias delegadas da Presidencia, dita a seguinte RESOLUCIÓN: Primeiro.- Por Acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó Plan de Práctica Laboral en empresas do sector privado, por número de expediente, titulación, candidato seleccionado e empresa de destino, con efectos de 30 de decembro de 2013 e por un período de seis meses, prorrogables por outros seis. Segundo.- O pasado 30 de decembro de 2013 iniciou as súas prácticas laborais do expediente E-23 da titulación Ciclo Superior Dirección de Cociña, a bolseira Jéssica Giménez Amoedo na empresa Pepe Vieira S.L. Terceiro.- Con data de 5 de maio de 2014 a bolseira Jéssica Giménez Amoedo, presenta escrito solicitando a súa renuncia a continuar participando no Plan de Práctica Laboral con efectos do 30 de abril de 2014, manifestando o desacordo coas actividades encomendadas no desenvolvemento das prácticas. Cuarto.- A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Polo exposto, en virtude das facultades que me confire o artigo 61.12 do Real Decreto 2568/86, de 28 de novembro, e artigo 105.1 g) da Lei 5/97, de 22 de xullo, reguladora da Administración Local de Galicia, RESOLVO, dar por finalizadas as prácticas da bolseira Jéssica Giménez Amoedo na empresa Pepe Vieira, S.L. con efectos do día 30 de abril de 2014”. 26.22071.- RATIFICACIÓN DA RESOLUCIÓN PRESIDENCIAL Nº 2014013471 DE DATA 7 DE MAIO DE 2014 POLA QUE SE SUSPENDE UNHA BOLSA DO PLAN DE PRÁCTICA LABORAL EN EMPRESAS POR RENUNCIA DO BOLSEIRO De conformidade co disposto nas bases da convocatoria do Plan de Práctica Laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014013471 de data 6 de maio de 2014 pola que se dan por finalizadas as prácticas do bolseiro Evelio Seco Márquez na empresa Bodegas Coto Redondo con efectos do día 7 de maio de 2014, cuxo contido se reproduce integramente a continuación: “A Deputada delegada en materia de persoal, en virtude das competencias delegadas da Presidencia, dita a seguinte RESOLUCIÓN: Primeiro.- Por acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó Plan de Práctica Laboral en empresas do sector privado, por número de expediente, titulación, candidato seleccionado e empresa de destino, con efectos de 30 de decembro de 2013 e por un período de seis meses, prorrogables por outros seis. Segundo.- O pasado 30 de decembro de 2013 iniciou as súas prácticas laborais do expediente E-67 da titulación Enxeñería Técnica Agrícola, o bolseiro Evelio Seco Márquez na empresa Bodegas Coto Redondo S.L. Terceiro.- Con data de 02 de maio de 2014 o bolseiro Evelio Seco Márquez, presenta escrito solicitando a súa renuncia a continuar participando no Plan de Práctica Laboral con efectos do 7 de maio de 2014, manifestando o seu desacordo coas tarefas encomendadas no desenvolvemento da práctica laboral. Cuarto.- A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Polo exposto, en virtude das facultades que me confire o artigo 61.12 do Real Decreto 2568/86, de 28 de novembro, e artigo 105.1 g) da Lei 5/97, de 22 de xullo, reguladora da Administración Local de Galicia, RESOLVO, dar por finalizadas as prácticas do bolseiro Evelio Seco Márquez na empresa Bodegas Coto Redondo S.L. con efectos do día 7 de maio de 2014”. 27.22072.- RECTIFICACIÓN DE ERRO NO ACORDO NÚM. 31.21499 ADOPTADO NA XUNTA DE GOBERNO DE DATA 8 DE NOVEMBRO DE 2013, RELATIVO Á ADXUDICACIÓN DUNHA BOLSA DE PRÁCTICA LABORAL 2013 CON DESTINO Ó SERVIZO DE INFRAESTRUTURAS DA DEPUTACIÓN DE PONTEVEDRA Conforme ó establecido no artigo 105.2 da Lei 30/1992, de 26 de novembro, de réxime xurídico das administracións públicas e do procedemento administrativo común, a Xunta de Goberno acorda por unanimidade a rectificación do Acordo adoptado pola Xunta de Goberno desta Deputación Provincial con número 31.21499 na súa sesión celebrada o día 8 de novembro de 2013, polo que se adxudica unha bolsa vacante por renuncia do expediente D19 (convocatoria do 02/01/2013) a D. José Domínguez Fernández, con destino ó Servizo de Infraestruturas, no senso que onde di: “con efectos de 11 de novembro e ata o 26 de xullo de 2013”, debe dicir “con efectos de 11 de novembro de 2013 e ata o 26 de xullo de 2014”. 28.22073.- RECTIFICACIÓN DE ERRO NO ACORDO NÚM. 10.21992 ADOPTADO NA XUNTA DE GOBERNO DE DATA 11 DE ABRIL DE 2014, RELATIVO Á ADXUDICACIÓN DE CATRO BOLSAS DE LICENCIADO EN HISTORIA OU GRADUADO EN INFORMACIÓN E DOCUMENTACIÓN, CON DESTINO Ó SERVIZO DE PATRIMONIO DOCUMENTAL E BIBLIOGRÁFICO DA DEPUTACIÓN DE PONTEVEDRA Conforme ó establecido no artigo 105.2 da Lei 30/1992, de 26 de novembro, de réxime xurídico das administracións públicas e do procedemento administrativo común, a Xunta de Goberno acorda por unanimidade a rectificación do Acordo adoptado pola Xunta de Goberno desta Deputación Provincial con número 10.21992 na súa sesión celebrada o día 11/04/2014, polo que se adxudican catro bolsas de licenciado en historia ou graduado en información e documentación con destino ó Servizo de Patrimonio Documental e Bibliográfico, no senso que onde di: “D. José Ángel Pérez González”, debe dicir “D. José Ángel Reyes González”. 29.22074.- MODIFICACIÓN DO ACORDO NÚM. 7.21884 ADOPTADO NA XUNTA DE GOBERNO DE DATA 07/03/2014, RELATIVO A APROBACIÓN DAS BASES REGULADORAS DO PLAN DE PRÁCTICA LABORAL EN EMPRESAS 2014 Por acordo adoptado na Xunta de Goberno, en sesión celebrada o 07/03/2014, aprobáronse as bases reguladoras da convocatoria pública de empresas para participar no Plan de Práctica Laboral do ano 2014, en réxime de concorrencia competitiva, e co fin de seleccionar e distribuír entre os solicitantes un total de 400 bolsas de práctica laboral dirixidas a titulados universitarios e de formación profesional. Dita convocatoria publicouse no BOP nº51 de data 14 de marzo de 2014. Finalizado o prazo de presentación de solicitudes e examinada a documentación achegada por algunhas empresas comprobouse que no sector turístico a maior parte das solicitudes e proxectos de práctica laboral (hoteis, casas rurais, axencias de viaxe, restaurantes, etc.) demandan titulados para o período de verán e por un tempo de duración inferior ó previsto nas bases da convocatoria. Seguindo o procedemento establecido nas bases da convocatoria estimase que a resolución e adxudicación das bolsas terá lugar no mes de outubro, data a partires da cal os bolseiros que se destinen a estas empresas no poderán realizar as prácticas por falta de persoal, clientes, medios etc., e encontrarse en períodos de temporada baixa. Como consecuencia, coa finalidade de satisfacer as solicitudes de ditas empresas, proponse a modificación das bases da convocatoria de empresas para axilizar o proceso de selección, adxudicación e duración das bolsas destinadas á promoción do sector turístico da provincia. Polo exposto, de conformidade co disposto no artigo 105.2 da lei 30/92, do 26 de novembro, de Réxime xurídico das Administracións Públicas e do Procedemento Administrativo Común, a Xunta de Goberno acorda por unanimidade, modificar as bases reguladoras da convocatoria de empresas do plan de practica laboral 2014, para incrementar o número total de bolsas convocadas de 400 a 430, co fin de destinar as 30 de dita ampliación ás empresas do sector turístico da provincia, modificando para este caso concreto o procedemento de concesión das mesmas, no senso que se determina a continuación: - Redúcese o prazo de emenda de defectos formais de dez a cinco días hábiles. - Redúcese o período de duración das bolsas de un ano a tres mensualidades, prorrogables por outros tres se o volume de actividade da empresa así o xustifica, podendo incluso en casos excepcionais ampliarse a un ano. Como consecuencia do anterior, deberá tramitarse un expediente de modificación de créditos e incrementar as aplicacións orzamentarias 14/921.241.481.47 e 13/921.241.160.47, por importe de 150.249,60 €, conforme o seguinte detalle: Importe bolsas Duración Total Sg. social Total S.S. nº bolsas Total bolsas Total S.S. 800,00 €/mes 6 meses 4.800 34,72 €/mes 208,32 30 144.000 € 6.249,60 € 30.22075.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as once horas do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición