Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: XUNTA DE GOBERNO Sesión do día 3 de setembro de 2004 --------o0o-------- En Pontevedra, na Sala de Xuntas do Pazo Provincial, sendo as dez horas do día tres de setembro do ano dous mil catro, baixo a Presidencia do Sr. D. Xosé Crespo Iglesias, Vicepresidente da Excma. Deputación Provincial de Pontevedra, reuníronse as/os señoras/es deputadas/os, Dona María Teresa Pedrosa Silva, D. José Juan Durán Hermida, D. José Enrique Sotelo Villar, D. Ramón Campos Durán, D. Antonio Feliciano Fernández Rocha, D. José Manuel Figueroa Vila e D. José Antonio Landín Eirín, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fé do acto D. Carlos Cuadrado Romay, Secretario Accidental e está presente o Sr. Interventor, D. Bautista Pérez Carnero. Non asiste o Ilmo. Sr. Presidente D. Rafael Louzán Abal nin o Sr. Deputado D. Alfredo Rodríguez Millares. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.12400.- ACTA ANTERIOR Acórdase por unanimidade, aprobar o borrador da acta da anterior sesión, ordinaria, do día 27 de agosto do ano 2004. ------ Folla: 2.12401.- PRÓRROGA DO CONVENIO ENTRE A CONSELLERÍA DE MEDIO AMBIENTE E A EXCMA. DEPUTACIÓN PROVINCIAL DE PONTEVEDRA PARA A "MELLORA DA PESCA CONTINENTAL NA PROVINCIA DE PONTEVEDRA" Dada conta da remisión pola Delegación Provincial de Pontevedra da Consellería de Medio Ambiente da solicitude da "Prórroga do convenio entre a Consellería de Medio Ambiente e a Excma. Deputación de Pontevedra para a Mellora da Pesca Continental na Provincia de Pontevedra". Vistos os informes favorables de Intervención con data 25-08-04 e do enxeñeiro director do Servizo Agrario de data 30-08-04, acórdase por unanimidade a adopción do seguinte acordo: Aprobar a "Prórroga do convenio entre a Consellería de Medio Ambiente e a Excma. Deputación de Pontevedra para a Mellora da Pesca Continental na Provincia de Pontevedra ata o mes de outubro para xustificar o 50% das inversións previstas no Convenio". ------ Folla: 3.12402.- SOLICITUDE DE PRÓRROGA DO CONCELLO DE VILABOA PARA A XUSTIFICACIÓN DA OBRA: "AMPLIACIÓN DA REDE MUNICIPAL DE SANEAMENTO NA PARROQUIA DE VILABOA, LUGARES DE ACUÑA, RÍA E POSTEMIRÓN", INCLUÍDA NO PSA/03 Acórdase por unanimidade aprobar a solicitude do Concello de Vilaboa pola que interesa a concesión dunha prórroga, para xustificar a obra incluída no PSA/03, co núm. 79/789, denominada "Ampliación da rede municipal de saneamento na parroquia de Vilaboa, lugares de Acuña, Ría e Postemirón", subvencionada con 30.000,00 euros, por Resolución Presidencial de 11-11-03. Concédese un aprazamento na súa xustificación ata o 30 de abril de 2005, con carácter improrrogable. ------ Folla: 4.12403.- SOLICITUDE DE PRÓRROGA DO CONCELLO DE SILLEDA PARA A XUSTIFICACIÓN DA OBRA: "CENTRO MULTIUSOS E BIBLIOTECA DE BANDEIRA" Acórdase por unanimidade aprobar a solicitude do Concello de Silleda, pola que interesa a concesión dunha prórroga para xustificar a obra subvencionada con cargo á partida 03/911.451.762.24, denominada "Centro Multiusos e Biblioteca de Bandeira", por un importe de 238.850,00 euros, concedida por Comisión de Goberno de data 05-12-03. Concédese un aprazamento na súa xustificación ata o 30 de abril de 2005, con carácter improrrogable. ------ Folla: 5.12404.- CONVENIO DE COLABORACIÓN ENTRE A EXCMA. DEPUTACIÓN PROVINCIAL DE PONTEVEDRA E A CRUZ VERMELLA-OFICINA DE PONTEVEDRA PARA A POSTA EN MARCHA DO PROGRAMA "SEN VIOLENCIA CONVIVENCIA". ANO 2004 De conformidade co informe favorable da Comisión Informativa de Benestar Social e Muller, acórdase por unanimidade aprobar a proposta de Convenio coa Cruz Vermella-oficina de Pontevedra sobre "Convivencia sen violencia-2004", por un importe máximo de 51.623,88 euros con cargo á partida 04/313.413.480.02, así como o anexo ó mesmo, habilitando ó Ilmo. Sr. Presidente para a súa sinatura. Dito convenio é como segue: CONVENIO DE COLABORACIÓN ENTRE A EXCMA. DEPUTACIÓN PROVINCIAL DE PONTEVEDRA E A CRUZ VERMELLA, OFICINA PROVINCIAL DE PONTEVEDRA PARA A POSTA EN MARCHA DO PROGRAMA "SEN VIOLENCIA CONVIVENCIA". ANO 2004 No Pazo da Deputación Provincial de Pontevedra reúnense o ..................... de 2004, pola Excma. Deputación Provincial de Pontevedra, D. Rafael Louzán Abal como Presidente, en virtude do art. 34.1, b) da Lei 7/85, de 2 de abril e D. Jorge Araujo Cortegoso, como Presidente Provincial da Cruz Vermella-Oficina Provincial de Pontevedra con CIF Q 2866001-G. Ámbalas dúas partes recoñécense con capacidade legal e representación suficiente para subscribir o convenio de colaboración de acordo cos seguintes ANTECEDENTES As institucións asinantes do presente convenio co fin de favorecer o desenvolvemento integral do/a neno/a e adolescente, consideran fundamental a posta en marcha dun Programa de intervención educativo con xóvenes á promoción de actitudes positivas para a prevención de conductas violentas, consistindo o mesmo, por unha banda, na realización de obradoiros en centros escolares e por outra, na intervención directa con alumnos, pais e profesores. Asumindo as competencias previstas no artigo 31.2 da Lei 7/85 de Bases de Réxime Local, nos artigos do 22 ó 25 da Lei 4/93 dos Servizos Sociais da Comunidade Autónoma Galega e ó amparo do Real Decreto 415/96, de 1 de marzo coas modificacións introducidas no mesmo polo Real Decreto 2219/96 de 11 de outubro, sobre o ordenamento da Cruz Vermella Española, e en cumprimento da Recomendación (R85) 9 a 21 de xuño, do Consello de Ministros do Consello de Europa, sobre o traballo voluntario en actividades sociais, as partes asinantes consideran que Cruz Vermella-Oficina Provincial de Pontevedra, é unha entidade idónea para contribuír ó desenvolvemento da política social e asistencial da proposta do presente convenio. En base ás anteriores consideracións, ámbalas dúas partes acordan establecer o presente convenio, coas seguintes. CLÁUSULAS PRIMEIRA.- Obxecto. As institucións asinantes, Excma. Deputación Provincial de Pontevedra e Cruz Vermella-Oficina Provincial de Pontevedra, levarán a cabo de mutuo acordo, o contido das prestacións específicas no Programa Sen Violencia-Convivencia cos obxectivos seguintes: .- Evitar a proliferación de conductas violentas dentro da comunidade escolar. .- Aportar instrumentos válidos ós pais para a educación dos seus fillos. .- Ofrecer información ós docentes sobre formas de resolver positivamente os conflictos. .- Comprender as razóns e función da violencia para neutralizala e superala. .- Analizar os efectos dos medios de comunicación na proliferación de conductas violentas. .- Promocionar actitudes positivas para a prevención de conductas violentas na xuventude da nosa sociedade. .- Lograr unha maior intervención nos centros escolares da provincia. .- Comezar a sensibilización sobre a prevención de conductas violentas con nenos en idades máis temprás. .- Promover a continuidade do proxecto no centro unha vez rematados os obradoiros. No proxecto ANEXO queda recollida a fundamentación do mesmo, os obxectivos xerais, as accións por obxectivo, os recursos humanos, os destinatarios, a temporalización, avaliación e orzamento. SEGUNDA.- Destinatarios. Continuando co traballo levado a cabo no pasado ano, este proxecto levarase a cabo no ano 2004 nos centros educativos de ensino secundario dos seguintes concellos: Meaño, Ponteareas, Pontecesures, Tui, A Estrada, Bueu, Mos, As Neves, Illa de Arousa, Barrantes, Moaña (2 centros), Lalín e Pontevedra. E irá dirixido ós: .- Alumnos/as de 2º e 3º da ESO. .- Pais e nais de ditos alumnos/as. .- Educadores e persoal dos centros. Así mesmo vaise por en marcha, polo menos en dous centros nos que se levou a cabo o proxecto en convocatorias anteriores, a creación de GRUPOS DE CONVIVENCIA que se realizarán como experiencia piloto de cara a darlle continuidade á intervención. Finalmente tamén se intervirá nunha experiencia piloto cos alumnos/as de 5º e 6º de primaria do centro educativo da Cidade Infantil Príncipe Felipe, para o que se deseñará un material didáctico do proxecto Sen Violencia Convivencia, adaptado ó colectivo infantil, que vai consistir nunha guía didáctica para os monitores e un cadernillo de tareas para os alumnos. TERCEIRA.- Duración e financiamento. O presente convenio entrará en vigor desde o día 1 de xaneiro de 2004 e rematará o 31 de decembro do mesmo ano. A aportación económica por parte da Deputación para o Proxecto Sen Violencia Convivencia será como máximo de 51.623,88 euros consignados na partida 04/313.413.480.02 e contraerase a obriga de pagamento ata o 31-12-04 en que se rematará o pago total. Dita contía aboarase en mensualidades unha vez xustificados os gastos, ata acadar o total da mesma a través das correspondentes facturas, nóminas ou outros documentos válidos legalmente a tal fin. CUARTA.- Participación da Cruz Vermella. A aportación da Cruz Vermella-Oficina Provincial de Pontevedra, concrétase nas actividades previstas no Proxecto, captación e emprego de recursos humanos voluntarios, selección e contratación de persoal e xestión do Programa. Ademais, proporcionará un seguro de cobertura de accidentes para os voluntarios do mesmo durante o desenvolvemento da actividade. QUINTA.- Comisión de Seguimento. A Comisión de Seguimento terá as seguintes funcións: seguimento técnico das actuacións e evolución do proceso e remate do Programa. Dita Comisión estará formada por parte da Deputación pola Presidenta da Comisión de Benestar Social e Muller, o Xefe do Servizo de Acción Social e a Traballadora Social responsable do convenio quen actuará como secretaria da Comisión e por parte da Cruz Vermella, pola Secretaria Provincial ou persoa en quen delegue, a Directora de Actividades e Servizos e Técnico do Proxecto. As reunións da Comisión de Seguimento serán bimensuais ou antes se os membros que a forman o consideran necesario. SEXTA.- Publicidade. A Cruz Vermella comprométese a facer constar a colaboración da Deputación Provincial, Área de Servizos Sociais, en toda a publicidade que elabore sobre o Proxecto. Estando as partes conformes co senso deste documento, asínano no Pazo da Excma. Deputación na data do encabezado. O PRESIDENTE DA EXCMA. O PRESIDENTE DA CRUZ VERMELLA DEPUTACIÓN PROVINCIAL DE OFICINA PROVINCIAL PONTEVEDRA, PONTEVEDRA, Asinado: Rafael Louzán Abal Asinado: Jorge E. Araujo Cortegoso ------ Folla: 6.12405.- CONCESIÓN DE PERMISO E AXUDA ECONÓMICA PARA ASISTENCIA A CURSO Vista a proposta do enxeñeiro-xefe do Servizo Agrario de data 22 de xullo de 2004, interesando que se conceda a D. Héctor Martínez Sanz, contratado laboral por obra ou servizo determinado como veterinario para a Finca Mouriscade, permiso e axuda económica para poder asistir ó "XX Congreso Científico de la European Embryo Tranfer Associatión", que se celebrará os días 10 e 11 de setembro en Lyon (Francia), acórdase por unanimidade, ó amparo do establecido nas normas aprobadas pola Comisión de Goberno de 11 de novembro de 1983 e artigo 16.6.a) do IV Acordo Regulador-Convenio Colectivo do 8 de xaneiro de 2001, concederlle o permiso solicitado e unha axuda económica por importe de 989,13 euros, desglosada por conceptos tal e como a continuación se sinala: .- Desprazamentos: - (Sant-Lyon-Santiago) 500,00 euros - Axudas de custo 489,13 euros IMPORTE TOTAL 989,13 euros Ditas cantidades imputaranse ás partidas 711.711.231.01 de desprazamentos e 711.711.230.01 de axudas de custo do orzamento provincial, e deberán xustificarse conforme ó establecido no Real Decreto 462/2002, de 24 de maio, sobre indemnizacións por razón do servizo. Tendo en conta o informe de Intervención de data 13 de agosto de 2004, desestímase a axuda económica solicitada en concepto de gastos de inscrición ó non existir consignación orzamentaria suficiente. ------ Folla: 7.12406.- COMUNICACIÓNS Non houbo. FÓRA DA ORDE DO DÍA e previa unánime declaración de urxencia adoptouse o seguinte acordo: ------ Folla: 8.12407.- ADXUDICACIÓN DO CONCURSO, PROCEDEMENTO ABERTO, PARA REALIZAR UN ESTUDIO DE MARCAS E SISTEMAS DE CALIDADE NO EMPREGO Aprobado pola Xunta de Goberno do día 16 de xullo de 2004, acordouse a "Aprobación do expediente de contratación, mediante concurso, procedemento aberto, da realización dun estudio de marcas e sistemas de calidade no emprego", cuxo anuncio do concurso foi publicado no BOP número 140 e no DOG nº 144 de datas 22 e 27 de xullo de 2004, respectivamente. Vista a acta de cualificación da documentación xeral e de apertura de plicas presentadas e admitidas, subscrita pola mesa de contratación con data 10 de agosto de 2004. Visto o informe emitido polo Enxeñeiro Director do Servizo Agrario, de data 11 de agosto de 2004, sobre valoración das distintas ofertas admitidas ó concurso de acordo cos criterios de valoración establecidos nos pregos de condicións que rexeron no concurso; e vista a proposta formulada pola mesa de contratación, acórdase por unanimidade: Adxudicar á empresa ANTAR, TALLER DE ESTRATEGIAS CREATIVAS, S.L. (CIF: B-82.949.769) a realización dun estudio de marcas e sistemas de calidade no emprego, por resultar a oferta que obtivo unha maior puntuación, cun total de 94,88 puntos, segundo os criterios de valoración establecidos nos pregos de condicións e reunir os requisitos esixidos en dito concurso, e por un importe de SESENTA MIL EUROS (60.000,00 euros), IVE incluído. O pagamento da expresada cantidade será librado no seu día ó adxudicatario, con cargo á partida 04/711.711.479.03.2003, do Orzamento Provincial. O adxudicatario deberá constituir unha fianza definitiva equivalente ó 4% do prezo de adxudicación, polo importe de 2.400,00 euros, que ingresarán na Tesourería da Deputación en calquera das formas previstas no artigo 36 do RDL 2/2000, de 16 de xuño, do texto refundido la Lei de Contratos das Administracións Públicas, no prazo de quince días naturais contados dende a notificación deste acordo. No caso de non cumprise este requisito por causas imputables ó adxudicatario, dará lugar á resolución do contrato. O adxudicatario deberá ingresar na Caixa desta Deputación as cantidades de 61,27 euros e 214,50 euros, (total 275,77 euros) en concepto de gastos de anuncios no Boletín Oficial da Provincia e Diario Oficial de Galicia, respectivamente. ------ Folla: 9.12408.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as dez horas e corenta minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. ------

Área de notas

• Nota

Puntos de acceso

Área de control da descrición