Servicio de patrimonio documental e bibliográfico - Deputación de Pontevedra

Área de descrición

• Datas de existencia 1847-1944

• Historia Xeve foi unha xurisdición formada polas parroquias de Santo André de Xeve, Santa María de Xeve e Verducido, con señorío de D. Gaspar Bermúdez durante finais do século XVIII,. Nos primeiros intentos de creación de concellos constitucionais xa figura como tal dentro do Partido xudicial de Pontevedra, xunto cos de Salcedo, Pontevedra, Alba, Mourente e Pontesampaio. Na definitiva instauración en 1836 créase coa denominación e capitalidade en Verducido, formado por 969 veciños e 3101 almas distribuídas en catro parroquias: Verducido, Cerponzóns, San Andrés e Santa María de Xeve. Correspondíanlle dous alcaldes, doce rexidores e dous procuradores síndicos. Xunto co concello de Xeve, a división inicial aprobada no Partido xudicial de Pontevedra incluía os concellos de Pontevedra, Bueu, Cangas, Marín, Meira, Poio e Vilaboa. Pero pronto se víu alterada polas reclamacións e demandas veciñais; así en 1842 xa aparecen aprobados os concelos de Alba, Salcedo e Mourente, quedando o de Pontevedra só coas dúas parroquias máis urbanas. Este cambio supón xa que a parroquia de Cerponzóns pasa ao concello de Alba e quede o de Verducido cos tres restantes. En 1845 solicitase polos veciños e acéptase por R.O. de 3 de outubro de 1847 o cambio de capitalidade e denominación pasando a ser concello de Xeve, coa capitalide en Santa María de Xeve. O concello funcionará un total de 108 anos ata a súa integración no de Pontevedra aprobada por acordo do Consello de Ministros de 17 de febreiro de 1944. En 1847, data da primeira acta conservada, o alcalde era Alberto Gómez. O 20 de abril de 1931, trala chegada da II República Española, foi nomeado alcalde Lino Tilve Corbacho. O último mandatario foi Benito Rivas Hermida.

• Lugares Galicia - Pontevedra - Comarca de Pontevedra - Pontevedra - Xeve-Berducido-Cerponzóns