Servicio de patrimonio documental e bibliográfico - Deputación de Pontevedra

Varias saídas ornitolóxicas foron necesarias para a realización deste estudo do río Gafos e das aves que habitan nas súas beiras. A través deste traballo poderemos descubrir un río por moitos descoñecido, que nace no mato da Xestiña (na parroquia de Figueirido, no concello de Vilaboa) e desemboca no barrio mariñeiro das Corbaceiras, cun total de case 11 km. de percorrido. Ofrécense algúns datos referentes ás características máis básicas do río (percorrido, caudal, leito, canalización, biótopos) para, a continuación, comezar cunha descrición detallada das aves catalogadas nel.