Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas do día tres de marzo do ano dous mil dezasete, baixo a Presidencia de D. Xosé Cesáreo Mosquera Lorenzo, vicepresidente da Deputación Provincial de Pontevedra, reuníronse as/os señoras/es deputadas/os, Dna. Consuelo Besada Lores, Dna. Mª Montserrat Magallanes Álvarez, D. David Regades Fernández, D. Santos Héctor Rodríguez Díaz, D. Uxío Benítez Fernández, e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay Secretario Xeral, e está presente o Sr. Interventor Acctal., D. Julio Souto Diz. Non asiste a Ilma. Sra. Presidenta Dna. Mª del Carmen Silva Rego, nin os deputados D.Juan Antonio González Pérez e D. Carlos López Font, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.25246.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 17 de febreiro de 2017. 2.25247.- APROBACIÓN DAS BASES REGULADORAS DO PROGRAMA “DEPO AVENTURA A LANZADA”, PARA O ANO 2017 A Deputación de Pontevedra, a través do Servizo de Cohesión Social e Xuventude, convoca o programa “Depo Aventura a Lanzada” dirixido ós rapaces e rapazas dos concellos da provincia de Pontevedra, co obxecto de promover e fomentar o seu desenvolvemento persoal e social, e favorecer a comunicación e o seu dinamismo multicultural. Resultando que con data 2 de febreiro de 2017, o Sr. Secretario informa favorablemente as bases reguladoras do programa “Depo Aventura a Lanzada 2017”. Resultando que con data 10 de febreiro de 2017, a xefa do Servizo de Fiscalización emite informe favorable sobre a tramitación do expediente para a aprobación das citadas bases, deixando constancia de que as aplicacións orzamentarias propostas 17/231.3370.221.05 e 17/231.3370.227.99, considérase correcta, e conta co crédito por importe de 80.000,00 € e 160.000,00 € para este fin. Considerando que o órgano competente para aprobación das bases reguladoras do programa “Depo Aventura a Lanzada 2017”, é a Xunta de Goberno, de conformidade co estipulado nas bases de execución do Orzamento provincial. A Xunta de Goberno acorda por unanimidade: 1. Aprobar as bases reguladoras do Programa “Depo Aventura a Lanzada” para o ano 2017. Estas bases son como seguen: “A Deputación de Pontevedra leva a cabo a promoción e organización de actividades destinadas á xuventude no ámbito da educación non formal, da inserción socio-laboral, da formación en linguas estranxeiras, do deporte, da cultura, do lecer e do tempo libre entre outras. Desde o Servizo de Cohesión Social e Xuventude ponse en marcha a segunda edición do programa de campamentos de verán “Depo Aventura A Lanzada” 2017, no Centro de Vacacións da Lanzada para as rapazas e rapaces dos concellos da provincia de Pontevedra. Este programa ofrece a posibilidade de que 2.200 menores empreguen o seu tempo libre no verán participando en actividades de carácter lúdico, cultural, deportivo e formativo, que contribúan ao seu enriquecemento persoal e lles faciliten coñecer outros lugares fóra da súa contorna habitual. Así mesmo a Deputación, en aplicación do principio de transversalidade das políticas en materia de diversidade funcional, ten en conta a este colectivo nesta liña de actuación pública para facer efectivos os dereitos das persoas con diversidade funcional que participen, en igualdade de condicións coas demais, nas actividades recreativas, de lecer e de tempo libre, segundo o artigo 30 da Convención Internacional da ONU sobre os Dereitos das Persoas con Discapacidade, así como, o dereito á igualdade deste colectivo, recollido no artigo 7 do R. d. l. 1/2013, de 29 de novembro, que aproba o Texto refundido da Lei xeral de dereitos das persoas con discapacidade e da súa inclusión social. En base ao anterior, a Deputación acorda poñer en marcha os campamentos de verán Depo Aventura 2017 dirixidos a rapazas e rapaces da provincia de Pontevedra, conforme ás seguintes BASES REGULADORAS Primeira. Obxecto: A institución provincial, co obxecto de promover e fomentar o desenvolvemento persoal e social das rapazas e rapaces e favorecer a comunicación e o dinamismo multicultural, organiza o programa “Depo Aventura a Lanzada” 2017 e oferta 2.200 prazas nos campamentos de verán a menores da provincia de Pontevedra. Este programa lúdico e educativo inclúe a programación e o desenvolvemento de actividades ao aire libre relacionadas coa natureza, artísticas, culturais, deportivas e xogos, entre outras, e introduce por primeira vez actividades en lingua inglesa, co fin de colaborar na formación das nosas mozas e mozos. “Depo Aventura” 2017 desenvolverase, entre os meses de xuño e setembro, a través de 11 quendas de campamentos de 7 días de duración cada unha. A información detallada sobre o programa de actividades, quendas e instalacións onde se executará poderase consultar na web www.depo.es. Segunda. Persoas participantes: 2.1. Nesta convocatoria poderán participar nenas e nenos que cumpran os seguintes requisitos: - Que nacesen entre 2004 e 2009 (ambos inclusive). - Que estean empadroadas ou empadroados na provincia de Pontevedra. - Que non padezan enfermidade infecto-contaxiosa en fase activa. 2.2. Poderán participar menores en situación de tutela ou garda pola Administración, que se atopen en acollemento residencial nun centro da provincia de Pontevedra. 2.3. No caso de menores que precisen un apoio específico derivado dalgún tipo de diversidade funcional ou doutra patoloxía, esta circunstancia deberá facerse constar no cuestionario de saúde e autonomía persoal, detallando do xeito máis preciso posible as súas necesidades específicas. 2.4. No caso de menores que presenten algún grao de diversidade funcional, se teñen praza adxudicada, será necesario poñerse en contacto co Servizo de Inspección Médica, enviando un correo electrónico ao enderezo maricarmencampos@depo.es, e será o persoal sanitario desta institución provincial quen solicite os informes médicos ou a documentación necesaria para a valoración destas necesidades no campamento. Os requisitos sinalados anteriormente serán condición necesaria para a admisión da solicitude. O seu incumprimento impedirá a participación da persoa solicitante no campamento e dará lugar á inadmisión da solicitude, salvo que o defecto ou erro formal poida ser corrixible, de acordo co previsto na lexislación vixente. Terceira. Organización das quendas de campamentos: Os campamentos terán lugar entre o 25 de xuño e o 9 de setembro de 2017. Realizaranse 11 quendas, de 7 días de duración cada unha, nas seguintes datas: • Primeira quenda: do 25 de xuño ao 1 de xullo. • Segunda quenda: do 2 ao 8 de xullo. • Terceira quenda: do 9 ao 15 de xullo. • Cuarta quenda: do 16 ao 22 de xullo. • Quinta quenda: do 23 ao 29 de xullo. • Sexta quenda: do 30 de xullo ao 5 de agosto. • Sétima quenda: do 6 ao 12 de agosto. • Oitava quenda: do 13 ao 19 de agosto. • Novena quenda: do 20 ao 26 de agosto. • Décima quenda: do 27 de agosto ao 2 de setembro. • Undécima quenda: do 3 ao 9 de setembro. A realización da derradeira quenda queda condicionada á data de comezo do primeiro día lectivo do próximo curso escolar 2017/2018. A incorporación ao campamento será responsabilidade da nai, do pai ou da persoa que exerza a titoría legal da ou do menor, o día de inicio da quenda correspondente, de 10:00 a 11:00 horas. A saída do campamento será responsabilidade da nai, do pai ou da persoa que exerza a titoría legal da ou do menor o día que finalice a quenda correspondente, ás 10:00 horas. No suposto de abandono da actividade ou expulsión da persoa participante será responsabilidade da nai, do pai ou da persoa titora o traslado ao seu domicilio. Cuarta. Servizos ofertados: As nenas e os nenos participantes disporán dos seguintes servizos en cada quenda: a) Un programa de actividades socioculturais, recreativas, formativas e de convivencia, que posibilite a participación de todas as rapazas e rapaces. Algunha destas actividades impartirase en lingua inglesa. b) O aloxamento en tendas de campaña no campamento xuvenil. c) A manutención en réxime de pensión completa. d) O material necesario para a actividade. e) Un equipo técnico de persoal especializado en animación sociocultural, actividades de tempo libre, actividades náuticas e lingua inglesa. Así mesmo, e para o caso de menores con necesidades especiais por razón da súa discapacidade, disporase de persoal de apoio necesario adaptado as súas características. f) Atención sanitaria de primeiros auxilios e seguro de accidentes. Quinta. Procedementos de participación: O número total de prazas ofertadas para este programa ascende a 2.200, distribuídas do seguinte xeito:  1.900 prazas que serán adxudicadas polo procedemento xeral  300 prazas que serán adxudicadas polo procedemento específico: prazas de reserva para menores en situación ou risco de exclusión social No caso de cumprir cos requisitos sinalados poderá presentarse unha solicitude e optar á adxudicación da praza por algún dos dous procedementos que se describen a continuación, o que deberá sinalarse no formulario de solicitude. A. Procedemento de participación xeral: A.1. Número de prazas: 1.900 prazas A.2. Prezo: O prezo da praza do campamento estímase en 200 € por menor como resultado da suma dos gastos necesarios para a execución deste programa, que inclúen persoal de cociña para a preparación de alimentos, mantemento e limpeza de instalacións, e gastos da empresa adxudicataria da actividade e da empresa adxudicataria do subministro de alimentación, entre outros. A Deputación subvenciona polo procedemento xeral o 50 % do custo da praza. O importe do pagamento final que deberá efectuar a persoa interesada é de: - 100 € por praza, o que inclúe: o Aloxamento e manutención. o Todas as actividades do campamento, incluídas as que se fagan en inglés. o Seguro. o Excursións. - 80 € por praza para menores de familias numerosas (desconto do 20 % sobre o prezo.) Para que se lles aplique este desconto as persoas solicitantes deberán marcar no cadro correspondente do formulario de solicitude se teñen ou non o título de familia numerosa e achegar o documento acreditativo (no caso de no presentalo non se aplicará este desconto). Estes prezos inclúen todos os servizos do campamento, incluída a excursión ao exterior. A.3. Adxudicación das prazas: A adxudicación das prazas, tanto neste procedemento como no específico, realizarase por sorteo, por medios informáticos, do seguinte xeito: - Cubriranse as 200 prazas de cada unha das quendas (100 nenas e 100 nenos). - Confeccionarase unha lista de agarda. Na páxina web da institución provincial publicarase o seguinte: - O anuncio do lugar, o día e a hora da realización do sorteo público. - O resultado, coa lista de persoas con praza adxudicada para cada quenda e a lista das 100 primeiras persoas de agarda para cada quenda. - O resultado notificaráselles por mensaxe SMS ao móbil ás persoas con praza adxudicada para que efectúen o pagamento. - Se non se efectúa o pagamento no prazo establecido perderase o dereito á praza. Para estes efectos, a presentación da solicitude implica a autorización para a publicación dos datos da persoa solicitante. O sorteo rexerase por un algoritmo do programa informático no que se terá en conta o seguinte: 1. Daráselles prioridade ás persoas que non asistisen ao campamento no verán do ano 2016. 2. Asignaranse en cada quenda 100 prazas para nenas e outras 100 para nenos. De non existir cota suficiente para cubrilas farase a través de múltiplos de cinco, por exemplo: 90/110, 95/105. 3. fconciliación familiar. 4. Cota por concellos: as prazas asignadas a cada concello serán proporcionais á súa poboación, segundo os datos obtidos do Instituto Nacional de Estatística (INE), do censo do ano 2016, e de acordo co reparto que se detalla no anexo I destas bases. A praza adxudicada será intransferible. B. Procedemento de participación específico: prazas de reserva para inclusión: B.1. Número de prazas: 300 prazas repartidas do seguinte xeito:  260 prazas de reserva para menores en situación ou risco de exclusión social dos concellos da provincia de Pontevedra. As persoas destinatarias destas prazas serán menores dos concellos da provincia de Pontevedra que teñan historia social nos servizos sociais do seu concello, como participantes nalgún dos programas e servizos básicos relacionados no artigo 9 do Decreto 99/2012 de 16 de marzo, polo que se regulan os servizos sociais e o seu financiamento. As persoas solicitantes por este procedemento efectuarán a súa solicitude, na forma e prazo establecidos nestas bases, e deberán sinalar no formulario de solicitude a opción “Procedemento específico: prazas de reserva para inclusión” e dentro deste apartado “Menores dos concellos da provincia de Pontevedra”, ademais de solicitarlle á traballadora ou traballador social do seu concello que emita a valoración social. Os servizos sociais comunitarios municipais dos concellos da provincia de Pontevedra, nun prazo máximo de 15 días naturais desde a finalización do prazo para a presentación das solicitudes, presentarán por rexistro, en calquera dos medios previstos na lexislación vixente, a seguinte documentación: 1. Relación nominal por orde de puntuación das persoas solicitantes desta modalidade. 2. Valoracións sociais solicitadas polas persoas interesadas baremadas segundo modelo oficial:  25 prazas de reserva asignadas a menores do Centro Príncipe Felipe dependente da Deputación de Pontevedra. As persoas solicitantes por esta modalidade presentarán a súa solicitude na forma e no prazo establecidos nestas bases e deberán: 1. Sinalar no formulario a opción “Procedemento Específico: prazas de reserva para inclusión” e dentro deste apartado “Menores do Centro Príncipe Felipe.” 2. Achegar, xunto coa demais documentación, un certificado expedido pola Dirección do centro que acredite que durante o período 2016-2017 están en situación de internamento.  15 prazas para menores en situación de tutela ou garda administrativa doutros centros da provincia de Pontevedra. As persoas solicitantes por esta modalidade presentarán a súa solicitude na forma e no prazo establecidos nestas bases e deberán: 1. Sinalar no formulario de solicitude a opción “Procedemento específico: prazas de reserva para inclusión”, e dentro deste apartado “Menores en situación de tutela ou garda administrativa doutros centros da provincia de Pontevedra.” 2. Achegar, xunto coa demais documentación, un certificado expedido pola Dirección do centro que acredite que durante o período 2016-2017 están en situación de internamento. B.2. Prezo: Co fin de acadar a igualdade de oportunidades a institución provincial subvencionará o 100 % do prezo da praza para promover a inclusión social das nenas e nenos da provincia de Pontevedra. B.3. Adxudicación das prazas: A adxudicación das prazas de reserva para inclusión subvencionadas polo procedemento específico realizarase do seguinte xeito: 1. Por adxudicación directa, no caso de que a demanda non superase o número de prazas dispoñibles (300 prazas). 2. Se o número de solicitudes superase o ofertado (300 prazas), seguirase o seguinte procedemento: 2.1. As solicitudes de praza de reserva asignadas a menores do Centro Príncipe Felipe dependente da Deputación de Pontevedra adxudicaranse de forma directa. As prazas baleiras que quedasen sen cubrir reasignaranse para dar maior cobertura a: • En primeiro lugar, a menores en situación de tutela ou garda administrativa doutros centros da provincia de Pontevedra. • En segundo lugar, para as prazas de reserva dos concellos, seguindo a puntuación das valoracións sociais independentemente do concello de procedencia, e, en caso de empate, prevalecendo os concellos con maior demanda de solicitudes e tendo en conta as nenas e nenos que non asistiron no ano 2016 ao campamento. 2.2. As solicitudes de praza de reserva asignadas para menores en situación de tutela ou garda administrativa doutros centros da provincia de Pontevedra adxudicaranse por sorteo, segundo a cota establecida. As prazas baleiras que quedasen sen cubrir reasignaranse para dar maior cobertura ás prazas de reserva dos concellos, seguindo a puntuación das valoracións sociais independentemente do concello de procedencia, e, en caso de empate, prevalecendo os concellos con maior demanda de solicitudes e tendo en conta as nenas e nenos que non asistiron no ano 2016 ao campamento. 2.3. As solicitudes de praza de reserva para cada concello (atendendo ás cotas establecidas segundo poboación) adxudicaranse de forma directa seguindo o modelo de relación nominal confeccionado polos servizos sociais comunitarios municipais. As prazas baleiras que quedasen sen cubrir reasignaranse para dar maior cobertura as prazas de reserva doutros concellos, seguindo a puntuación das valoracións sociais independentemente do concello de procedencia, e, en caso de empate, prevalecendo os concellos con maior demanda de solicitudes e tendo en conta as nenas e nenos que non asistiron no ano 2016 ao campamento. No caso de quedar prazas baleiras correspondentes ao procedemento específico, estas reasignaranse e adxudicaranse a través do procedemento xeral. Sexta. Lista de agarda: As vacantes que se produzan por non efectuar o pagamento ou por renunciar á praza obtida no sorteo seranlles adxudicadas ás nenas e nenos da lista de agarda, tendo en conta que a baixa dun neno se cubrirá con outro neno e a baixa dunha nena se cubrirá con outra nena. Teranse en conta as solicitudes para a mesma quenda de irmás e irmáns sempre e cando haxa vacantes suficientes; de non ser así, chamaríase á seguinte persoa da lista. Nesta relación de agarda non se terá en conta a cota correspondente a cada concello. A Deputación contactará coas persoas da lista de agarda por mensaxe SMS enviado ao teléfono móbil. Realizaranse tres chamadas entre as 9:00 e as 14:00 horas que serán rexistradas para que quede constancia da súa realización. Unha vez recibida a comunicación e aceptada a praza ofrecida deberase efectuar o pagamento da praza do campamento no prazo establecido. Sen non se puidese contactar coa persoa interesada, ou esta non efectuase o pagamento en prazo, será dada de baixa e contactarase coa seguinte persoa na lista de agarda. Sétima. Documentación: 7.1. Documentación que se debe achegar coa solicitude inicial: 1. Fotocopia do DNI ou NIE da ou do menor ou, no seu defecto, da súa inscrición no libro de familia. 2. Fotocopia do DNI ou NIE da nai, do pai ou da persoa titora. 3. No caso de menores estranxeiras e estranxeiros, copia compulsada do permiso legal de residencia. 4. Certificado ou volante de empadroamento. 5. Acreditación de familia numerosa (se se acolle ao desconto no prezo establecido nas bases). 6. Cuestionario de saúde e autonomía persoal. 7. Se é o caso, certificado acreditativo do grao de discapacidade e copia do ditame médico facultativo emitido polo equipo de valoración e orientación (EVO) correspondente. 8. Certificado expedido pola Dirección do centro que acredite que durante o período 2016-2017 están en situación de internamento. 7.2. Documentación que debe remitir ao Servizo de Inspección Médica (no caso de resultar beneficiaria ou beneficiario): - Informe de saúde da ou do especialista que proceda, no que se indique a patoloxía, o tratamento farmacolóxico ou a terapia que precisa, e no que se faga constar que a súa condición médica lle permite asistir ao campamento. 7.3. Documentación que se debe levar o primeiro día do campamento: 1. Fotografía tamaño carné. 2. Tarxeta sanitaria orixinal ou seguro médico privado. No caso de que se detecten ou diagnostiquen enfermidades, alerxias e/ou intolerancias alimentarias entre a data de presentación das solicitudes e a data de incorporación ao campamento será necesario poñerse en contacto co Servizo de Inspección Médica, a través da dirección de correo electrónico maricarmencampos@depo.es e será o persoal sanitario o que solicite o correspondente informe de saúde. Oitava. Prazo, lugar e forma de presentación das solicitudes. Verificación dos datos: 8. 1. Prazo de presentación das solicitudes: Será de 20 días naturais contados a partir do día seguinte ao da publicación do extracto desta convocatoria no Boletín Oficial da Provincia de Pontevedra (BOPPO). 8.2. Lugar e forma de presentación das solicitudes: Co fin de minimizar erros e axilizar a mecanización dos datos das solicitudes deberase escoller preferentemente a opción de presentación de solicitudes mediante o formulario web ao que se pode acceder en www.depo.es. a) Mediante formulario web: Para realizar a preinscrición a través da web da www.depo.es seguiranse estes pasos: 1.º. Encher os datos do formulario oficial de solicitude e premer en “enviar”. 2.º. Descargar e imprimir o xustificante electrónico xerado na web tras realizar o envío. Este xustificante incluirá un código único de preinscrición. No caso de irmás ou irmáns que queiran ir en quendas diferentes, deberase cubrir un formulario por cada nena ou neno; deste xeito entrarían por separado no sorteo, sen que se poida garantir que, de conseguir praza, saian en quendas diferentes. 3º. Presentar o xustificante electrónico xerado durante o proceso de preinscrición, xunto coa documentación establecida na base sétima, no Rexistro xeral da institución provincial ou en calquera das formas descritas na base octava, dentro do prazo establecido na mesma base. b) Mediante formulario impreso: No caso de non poder realizar a preinscrición a través da web do organismo provincial, a persoa solicitante poderá presentar a solicitude, xunto coa documentación establecida na base sétima, no Rexistro xeral da Deputación, en calquera das súas oficinas de rexistro ou no Rexistro electrónico sede.depo.es, de conformidade co establecido no artigo 16 da Lei 39/2015, de 1 de outubro, do procedemento administrativo común das administracións públicas. No caso de enviarse por correo postal ao Rexistro da Deputación, o envío deberá ser certificado co selo de Correos no formulario da solicitude para garantir que a data de remisión está incluída no prazo de presentación de solicitudes desta convocatoria. As solicitudes remitidas por correo que non cumpran este requisito teranse por presentadas para todos os efectos no mesmo día en que teñan entrada no Rexistro da institución provincial, independentemente da data de presentación na oficina de Correos. O modelo de solicitude estará a disposición das persoas interesadas na Oficina de Información á Cidadanía da Deputación, tanto en Pontevedra coma en Vigo, e poderá descargarse na páxina www.depo.es. No caso de irmás ou irmáns que queiran ir en quendas diferentes, deberase cubrir un formulario por cada nena ou neno; deste xeito entrarían por separado no sorteo, sen que se poida garantir que, de conseguir praza, saian en quendas diferentes. Os impresos de solicitude deberán cubrirse de acordo coas seguintes normas: a) Só se poderá cubrir unha solicitude por menor, e as quendas elixiranse por orde de prioridade, para o que se empregarán os códigos asignados. b) Os datos da persoa solicitante deberán ser os da ou o menor que opta a participar no campamento. c) No caso de solicitudes múltiples que opten a participar na mesma quenda deberán cubrirse os datos de cada irmá ou irmán que solicite participar. d) As solicitudes deberán ser asinadas pola nai, pai ou persoa titora da ou do menor solicitante. 8.3. Comprobación e corrección de datos da solicitude na web: Finalizado o prazo de presentación das solicitudes, a persoa interesada deberá estar pendente da publicación das listas para comprobar na web www.depo.es que os datos de mecanización da súa solicitude son correctos. A Deputación enviará unha mensaxe SMS ao móbil de todas as persoas solicitantes cun código para acceder ao enlace habilitado para a consulta e a revisión dos datos da súa solicitude. Se as persoas interesadas detectan algún erro nos datos mecanizados ou non atopan a solicitude, deberán poñerse en contacto co Servizo de Cohesión Social e Xuventude, a través do correo electrónico cohesionsocialexuventude@depo.es para que poidan ser emendados. A comunicación dos erros para a súa corrección deberá efectuarse dentro do prazo sinalado na web coa publicación da lista. Unha vez transcorrido ese prazo, non procederá ningunha reclamación contra os erros ou omisións nas solicitudes. Novena. Pagamento e devolución da cota: 9.1. Pagamento: O prazo, a forma e os lugares para realizar o pagamento publicaranse na web www.depo.es xunto cos recibos de pagamento que estarán dispoñibles nas 48 horas seguintes á realización do sorteo. Os recibos serán individualizados para cada menor; no caso de irmás ou irmáns que obtivesen praza, disporán de recibos individuais. A persoa responsable do menor (nai, pai ou titora) recibirá unha SMS no seu móbil (para efectos informativos) coas claves para acceder e descargar os recibos. É unha obriga das persoas beneficiarias solicitar as claves no caso de que non se reciban no móbil e proceder ao pagamento dentro do prazo publicado na páxina web. No caso de non facer efectivo este pagamento no prazo establecido no recibo perderase o dereito á praza obtida, que pasará a ser ocupada por outra persoa da lista de agarda. 9.2. Devolución da cota: Para ter dereito á devolución do importe aboado da praza adxudicada a persoa interesada deberá solicitar por escrito a renuncia á praza e a devolución. Só se terá dereito á devolución do importe da cota de inscrición: 1. No caso de impedimento da persoa interesada para asistir á actividade por algún dos seguintes motivos debidamente xustificados: - Enfermidade, accidente ou outros (deberá achegar o correspondente xustificante médico). - Motivos familiares, enfermidade ou accidente grave dun familiar, falecemento ou outros (deberá achegar xustificación do motivo). - Admisión noutra actividade nas mesmas datas (deberá achegar o xustificante de pagamento). Na maior brevidade posible, a persoa interesada deberá comunicarlle a renuncia á praza ao Servizo de Cohesión Social e Xuventude, por teléfono ou por correo electrónico á dirección cohesionsocialexuventude@depo.es, co fin de que a Deputación poida realizar as xestións de adxudicación desa praza á seguinte persoa da lista de agarda. A presentación da solicitude de devolución da cota de inscrición deberase efectuar en canto se produza algún destes motivos que xustifican a renuncia coa achega do correspondente xustificante. 2. No caso de non prestación do servizo por causas non imputables á persoa interesada ou anulación da actividade pola Administración. A presentación da solicitude de devolución da cota de inscrición deberase efectuar no prazo de 20 días naturais contados desde que a Deputación comunique as causas da non prestación do servizo. Para estes efectos as persoas interesadas dispoñen dun modelo normalizado de solicitude de devolución de cota de inscrición, que poderá descargarse na páxina www.depo.es. A solicitude de devolución da cota poderase presentar en calquera das formas previstas no artigo 16.4 da LPACAP. No caso de enviarse por correo postal ao Rexistro da Deputación o envío deberá ser certificado co selo de Correos na primeira folla do formulario. Non se admitirán as solicitudes de devolución da cota que non se presentan na forma que se reflicte nesta base. Décima. Obrigas das persoas participantes: As persoas participantes nos campamentos estarán obrigadas: 1. A incorporarse á actividade nos prazos establecidos. 2. A non abandonar a actividade sen o permiso da persoa responsable. En todo caso, o abandono da actividade antes da súa finalización requirirá a comparecencia da nai, do pai da persoa titora, e será responsabilidade destas o traslado para o regreso ao seu domicilio. 3. A respectar as normas establecidas polos equipos de animación e as normas de réxime interior das respectivas instalacións. 4. A non transferir a praza. Décimo primeira. Protección de datos: De acordo co artigo 5 da Lei orgánica 15/1999, de 13 de decembro, de protección de datos de carácter persoal, infórmase de que os datos recollidos nos diferentes modelos desta convocatoria resultan necesarios para a adxudicación das prazas dentro do programa “Depo Aventura 2017”. A persoa solicitante consente, ao se adherir a estas bases, que os datos deste expediente queden incorporados aos ficheiros informáticos da institución provincial. Os datos persoais recollidos serán incorporados e tratados en ficheiros coa finalidade de conter os datos das persoas que participan nos programas financiados pola Deputación, inscritos na Axencia Española de Protección de Datos. As listas de participantes nos campamentos ofertados e as listas definitivas publicaranse na páxina www.depo.es. Co fin de lograr a efectiva difusión deste programa para as vindeiras convocatorias e co obxectivo de garantir os principios de transparencia, accesibilidade da información e veracidade (artigo 2 da Lei 1/2016, de 18 de xaneiro, de transparencia e bo goberno), recolleranse experiencias e fotografías das instalacións e das persoas participantes, que poderán ser empregadas para noticias contidas en xornais ou publicacións e incluso divulgadas tanto a través de servizos da sociedade da información como nos sitios web da Deputación. Coa sinatura da solicitude de participación as e os representantes legais (pais, nais ou persoas titoras) das persoas beneficiarias de praza indicarán expresamente que autorizan a tomar imaxes das actividades que se realicen nos mencionados campamentos (que se incorporarán ao ficheiro da Deputación) e a publicar estas imaxes para a promoción e difusión do propio programa de campamentos e a utilizar o teléfono móbil e correo electrónico como forma de contacto, aviso e comunicación por parte da institución provincial coa persoa solicitante. No caso de que as e os representantes legais (pais, nais ou persoas titoras) das persoas beneficiarias marquen expresamente a opción de que non autorizan, a Deputación, de forma coordinada coa empresa que xestione a actividade dos campamentos, tomará as medidas pertinentes para velar pola protección da imaxe destas nenas ou nenos. Os dereitos de acceso, rectificación, cancelación e oposición aos datos persoais rexistrados neste ficheiro poderanse exercer ante as oficinas do Rexistro da Deputación nos termos establecidos nos artigos 15,16 e 17 da Lei orgánica 15/1999, de 13 de decembro, de protección de datos de carácter persoal. Decimo segunda. Orzamento: O orzamento consignado no Servizo de Cohesión Social para gastos directos do programa “Depo Aventura” 2017 ascende á cantidade de dous centos corenta mil euros (240.000,00 €), e nel constan as seguintes consignacións: - 17/231.3370.221.05 produtos alimenticios: 80.000,00 € - 17/231.3370.227.99 traballos realizados por outras empresas: 160.000,00 € Ademais existirán outros gastos indirectos, entre os que se atopan os da contratación de persoal, que se asumirán en función da demanda e que poderán ser xestionados ben por medios propios da Deputación ou ben realizando as contratacións que se consideren necesarias nos termos previstos no R.d.l.3/2011, de 14 de novembro, polo que se aproba o Texto refundido da Lei de contratos do sector público. Décimo terceira. Interpretación das bases: Todas as cuestións que poidan derivar da interpretación destas bases serán resoltas polo Servizo de Cohesión Social e Xuventude. Décimo cuarta. Lexislación aplicable: - Lei 38/2003, de 17 de novembro, xeral de subvencións. - Real decreto 887/2006, de 21 de xullo, polo que se aproba o Regulamento da Lei xeral de subvencións. - Lei 7/1985, de 2 de abril, reguladora das bases do réxime local. - Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. - Lei 5/1997, de 22 de xullo, de Administración local de Galicia. - Lei 39/2015, de 1 de outubro, do procedemento administrativo común das administracións públicas - Lei 40/2015, de 1 de outubro, de réxime xurídico do sector público. - Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público. - Real decreto lexislativo de 1/2013, de 29 de novembro, polo que se aproba o Texto refundido da Lei xeral de dereitos das persoas con discapacidade e da súa inclusión social. - Bases de execución do vixente Orzamento provincial. ANEXO I Distribución de prazas asignadas a cada concello en función da poboación segundo os datos oficiais do Instituto Nacional de Estatística para o ano 2016 Concello Poboación Cota total de prazas Depo Aventura Prazas polo procedemento específico Prazas polo procedemento xeral Agolada 2507 10 4 6 Arbo 2770 10 4 6 Baiona 12119 30 4 26 Barro 3746 20 4 16 Bueu 12189 30 4 26 Caldas de Reis 9830 25 4 21 Cambados 13977 30 4 26 Campo Lameiro 1894 10 4 6 Cangas 26584 65 5 60 Cañiza, A 5234 25 4 21 Catoira 3376 20 4 16 Cotobade-Cerdedo 6071 25 4 21 Covelo 2528 10 4 6 Crecente 2131 10 4 6 Cuntis 4794 20 4 16 Dozón 1107 10 4 6 Estrada, A 20891 65 5 60 Forcarei 3621 20 4 16 Fornelos de Montes 1748 10 4 6 Gondomar 14192 30 4 26 Grove, O 10758 30 4 26 Guarda, A 10133 30 4 26 Illa de Arousa, A 4909 20 4 16 Lalín 20044 65 5 60 Lama, A 2587 10 4 6 Marín 24878 65 5 60 Meaño 5341 25 4 21 Meis 4844 20 4 16 Moaña 19458 30 4 26 Mondariz 4647 20 4 16 Mondariz-Balneario 614 10 4 6 Moraña 4313 20 4 16 Mos 15240 30 4 26 Neves, As 4038 20 4 16 Nigrán 17593 30 4 26 Oia 3002 20 4 16 Pazos de Borbén 3004 20 4 16 Poio 16901 30 4 26 Ponte Caldelas 5573 25 4 21 Ponteareas 22963 65 5 60 Pontecesures 3040 20 4 16 Pontevedra 82549 200 7 193 Porriño, O 19567 30 4 26 Portas 3056 20 4 16 Redondela 29563 65 5 60 Ribadumia 5105 25 4 21 Rodeiro 2644 10 4 6 Rosal, O 6349 25 4 21 Salceda de Caselas 8914 25 4 21 Salvaterra de Miño 9566 25 4 21 Sanxenxo 17314 30 4 26 Silleda 8734 25 4 21 Soutomaior 7251 25 4 21 Tomiño 13548 30 4 26 Tui 16966 30 4 26 Valga 6047 25 4 21 Vigo 292817 300 8 292 Vila de Cruces 5435 25 4 21 Vilaboa 6043 25 4 21 Vilagarcía de Arousa 37283 110 7 103 Vilanova de Arousa 10406 30 4 26 REPARTO DE PRAZAS POR CONCELLO Poboación maior ou igual a (nº de habitantes) Poboación menor ou igual a (nº de habitantes) Prazas polo procedemento xeral Prazas polo procedemento específico (inclusión social) 0 3.000 6 4 10 3.000 5.000 16 4 20 5.000 10.000 21 4 25 10.000 20.000 26 4 30 20.000 35.000 60 5 65 35.000 80.000 103 7 110 80.000 200.000 193 7 200 200.000 292 8 300 3.25248.- DESISTIMENTO DO PROCEDEMENTO DE LICITACIÓN “ENSANCHE E MELLORA DA E.P. 0405 XESTEIRA-ALMOFREI, P.K. 0+000 Ó 0+750 (COTOBADE)” (Expte. nº2015017270) Resultando.- Que o Pleno da Deputación de Pontevedra, na súa sesión de data 24/04/2015 aprobou definitivamente o proxecto “Ensanche e mellora da E.P. 0405 Xesteira-Almofrei, p.k. 0+000 ó 0+750 (Cotobade)”, cun orzamento de 608.679,98 €. Resultando.- Que a Xunta de Goberno da Deputación de Pontevedra na súa sesión ordinaria celebrada o día 29 de maio de 2015 acordou aprobar o expediente de contratación mediante procedemento aberto da execución da obra “Ensanche e mellora da E.P. 0405 Xesteira-Almofrei, p.k. 0+000 ó 0+750 (Cotobade)”. No mesmo acto aprobáronse o prego de cláusulas administrativas e de prescricións técnicas que rexerían este contratación, e concedeuse un prazo de vinte e seis días naturais para a presentación de proposicións. Resultando.- Que con data 2 de setembro de 2015, a Mesa de Contratación, procedeu á apertura dos sobres B das empresas licitadoras, nos que se recollen os documentos que se van a avaliar mediante criterios non cualificables mediante fórmulas. Seguindo o procedemento habitual de licitacións deste tipo deuse traslado dos sobres ó Servizo de Mobilidade para a súa avaliación. Resultando.- Que con data 30/01/2017 a técnico de proxecto de Mobilidade co visto e prace do xefe de Servizo de Mobilidade emitiu informe co seguinte contido: “...dende o inicio da licitación do contrato á data actual ponse de manifesto unha serie de circunstancias que motivan este informe de revisión, que, a xuízo do Técnico que subscribe, conclúen na inviabilidade das obras recollidas no proxecto vixente. Enuméranse a continuación as causas que xustifican a inviabilidade do proxecto construtivo aprobado: - Detéctanse deficiencias en canto ó contido mínimo a incluír nos proxectos segundo o artigo 123 do Real Decreto Lexislativo 3/201, de 14 de novembro (...), tales como que se inclúe un anexo de cartografía e topografía que parece incompleto xa que se indica a inclusión dun levantamento Taquimétrico que permite o recoñecemento das bases de referencia pero finalmente non se inclúe na documentación. - Detéctase que o proxecto aprobado non conta co preceptivo informe de autorización ou cando menos Coordinación coa Administración titular da estrada PO-233, sendo unha das actuacións definidas á mellora da intersección coa referida estrada. - O obxecto do proxecto é definir as actuacións necesarias para a ampliación da plataforma da estrada EP 0405 ata acadar 9 m de sección transversal de calzada, entre os pks 0+000 e 0+750. Chama a atención o ámbito de actuación da obra, que supón a ampliación da metade da estrada EP 0405, de 1.530 mts de lonxitude, tendo en conta que non existe variación entre as características da estrada na que se pretende actuar e o resto da mesma, supoñendo ademais o punto final do ensanche proxectado un punto conflitivo polo estreitamento que se producirá bruscamente na sección, sen coincidir con ningunha intersección ou punto que permita o cambio das características de trazado pudendo xerar situacións de perigosidade para os vehículo. Enténdese necesario, por razóns de seguridade viaria, incluír a definición dunha transición segura entre estas dúas seccións, actuación que suporá unha modificación do proxecto aprobado. Transcorrido mais dun ano dende a apertura do sobre B e tendo en conta o prazo das obras, conviría revisar os prezos considerados. De acordo co anteriormente exposto e por razóns de interese público, considérase oportuna a reformulación do proxecto de forma que poidan ser corrixidas antes da adxudicacións as deficiencias atopadas. Resultando.- Que con data 1 de febreiro de 2017 o xefe do Servizo de Mobilidade co visto e prace do Deputado de Mobilidade emitiu informe co seguinte contido: “...Que con data 30 de xaneiro e trala revisión dos proxectos de obras correspondentes, se detectan unha serie de circunstancias fácticas e legais que fan precisa a reformulación dos proxectos de construción que determinaron o inicio dos expedientes de contratación. Que o artigo 155 do Real Decreto Lexislativo 3/2011, do 14 de novembro, polo que se aproba o Texto Refundido da Lei de Contratos do Sector Público prevé a posibilidade de desistir por razóns de interese público dos procedementos de contratación antes da súa adxudicación. Que tendo en conta as devanditas circunstancias, e co fin de salvagardar acaecidamente o interese público e poder reformular os proxectos referidos, solicita dese órgano de contratación que se proceda a realizar os trámites oportunos para desistir dos procedementos de contratación citados...” Resultando.- Que con data 08/02/2017 o xefe de Servizo de Contratación emitiu informe co seguinte contido: “...polo recollido nos informes da Técnico do Servizo de Mobilidade e do Xefe do Servizo de Mobilidade, onde poñen de manifesto unha serie de deficiencias que presenta o proxecto aprobado polo Órgano de Contratación, cuestión que ataca de forma directa ao obxecto do contrato que vén determinado polo propio proxecto. Así mesmo, ponse en dúbida que os prezos sexan os adecuados ao mercado polo prazo transcorrido dende a aprobación do expediente. Atendendo ao manifestado advírtese a existencia de defectos singulares que aconsellan ser corrixidos para a consecución satisfactoria da finalidade publica perseguida. Se colixe tras a lectura das diferentes opinións doutrinais mentadas, que non estamos ante un caso de nulidade nin anulabilidade do contrato, nin ante uns defectos do proxecto que poidan ser corrixidos a través do articulo 109.2 da Lei 39/2015, nin tampouco a usando a manida figura do modificado, xa que neste último caso non se produciu aínda a adxudicación e a necesaria perfección do contrato. Por tanto, tal e como sinalan os profesores Isabel Galego,Punzón e Sánchez Rodríguez , as posibilidades de corrixir os defectos son moi reducidas durante o procedemento de licitación, e o único instrumento de reconstrución do contrato compréndeo o artigo 155 TRLCSP. De acordo con este precepto, tal e coma sinala o informe 6/2016 da Xunta Consultiva de contratación administrativa, para que o desistimento sexa valido, deben cumprirse os seguintes requisitos: 1) Que o desistimento sexa adoptado polo órgano de contratación antes da adxudicación. 2) Que concorra unha infracción non emendable das normas de preparación do contrato ou das reguladoras do procedemento de adxudicación. 3) Que as razóns do desistimento se atopen xustificadas no expediente. No informe do servizo de mobilidade, que obra no expediente, se xustifican os defectos que fan aconsellable o desistimento desta Deputación do procedemento de licitación “Rehabilitación de firma na E.P. Serrapio-Portela, p.k. 0+000 ó p.k. 1+800 (Cerdedo)” por infracción non subsanable nos documentos que definen o contrato, co fin de poder reformular o citado proxecto subsanando os erros e carencias que presenta. Non estando adxudicado o contrato pódese desistir do contrato en aplicación do artigo 155 TRLCSP. No obstante a Xunta de Goberno, como órgano de contratación, decidirá....” Resultando.- Que con data 14/02/2017 o Secretario da Deputación emitiu informe co seguinte contido:”...maniféstase que se presta conformidade o informe do xefe do Servizo de data 8 de febreiro de 2017 e, na súa consecuencia infórmase favorablemente a proposta...” Resultando.- Que con data 22/02/2017 o Servizo de Intervención emitiu informe co seguinte contido: “...Sinalar que, aínda que dos informes técnicos do servizo de mobilidade se desprende que unha vez corrixidas as deficiencias se iniciará un novo procedemento de licitación, debería quedar aclarado que non estamos ante unha renuncia á celebración do contrato. En ambos casos, renuncia ou desistimento, pode haber consecuencias económicas para a Deputación no caso de ter que compensar ós licitadores. (...)infórmase favorablemente o expediente...” Considerando.- Que o desistimento, como potestade discrecional da Administración, está limitado, como todas as de tal clase, por norma xeral imperativa pola cal dita potestade debe cumprir os fins que se lle supón propios ó servizo do ben común e de ordenamento xurídico, e sempre baseándose nos principios de racionalidade e proporcionalidade. Así o puxo de manifesto a xurisprudencia do Tribunal Supremo en reiteradas ocasións (Sentenzas de 16 de abril de 1999, RJ 1999/4362, de 23 de xuño, de 2003, RJ 4413, o Sentenza de 21 de setembro de 2006 RJ2006/6437, entre outras moitas. Considerando.- Que o artigo 155 do TRLCSP regula, xunto á renuncia, o desistimento como unha forma de terminación do procedemento de contratación pública sen elección de ningún licitador, establecendo que: “...1. No caso de que o órgano de contratación (...) decida reiniciar o procedemento para a súa adxudicación, o notificará ós candidatos ou licitadores... (...)4. O desistimento do procedemento deberá estar fundamentado nunha infracción non subsanable das normas de preparación do contrato ou das reguladoras do procedemento de adxudicación, debendo xustificarse no expediente a concorrencia da causa. O desistimento non impedirá a iniciación inmediata dun novo procedemento de licitación...” Considerando.- Que á vista do disposto en dita disposición, como sinalou o Tribunal Administrativo de Contratos Públicos de Navarra no seu acordo 19/2013, de 31 de xullo, que en sintésis sinala que o desistimento do procedemento de contratación constitúe unha facultade da Administración suxeita a unha serie de requisitos como que debe ser acordado polo órgano de contratación antes da adxudicación do contrato, debe xustificarse as razóns de interesa público e debe motiva a causa e notificarse ós interesados. Considerando.- Que o ditame do Consello de Estado de 22 de xullo de 2010, sinala en relación ó desistimento do contrato que “o desistimento da Administración constitúe un remedio excepcional ante unha situación que, na medida do posible, deberá evitarse que se produza. E en todo caso, a Administración só poderá desistir do contrato cando por razóns de interese público así o aconsellen.” Considerando.- Que a desistencia pode ser concibido como un mero «accidente» na vida do proceso contractual, pois aínda que a aprobación do TRLCSP céntrase nunha infracción insubsanable, nada impide que unha vez corrixida a infracción, persista o interese por continuar coa celebración obxecto do contrato. Por outra banda, a renuncia queda baleira do interese no sentido exposto, primeiro, porque no suposto de renuncia o contrato non existe, e segundo, porque xa non existe interese en celebrar o contrato propiamente devandito. Considerando.- Que a desistencia lígase á existencia dunha infracción non emendable das normas de preparación do contrato ou das reguladoras do procedemento de adxudicación, feito que, por suposto, débese fundamentar de forma adecuada. A desistencia, na súa concepción máis precisa, está regulado como un instrumento útil e imprescindible para que os órganos de contratación satisfagan plenamente o interese xeral. Considerando.- Que o Tribunal Supremo non foi alleo a unha cualificación moi clara e concisa da desistencia. É de relevante importancia a STS de 20 de maio de 1997 na que se indica de forma expresa que a desistencia entraña unha declaración expresa e unilateral, por parte da Administración, de pór fin ao contrato expondo os motivos que, ao seu xuízo, deciden tal actuación. Considerando.- Que o Tribunal Supremo explica na Sentenza de 9 de xullo de 2010 (RJ 2010/6133) o seguinte: “ Con carácter xeral, a motivación dos actos administrativos precisa, segundo reiterada doutrina do Tribunal Constitucional e xurisprudencia deste Tribunal Supremo, cuxa reiteracións escusa cita, dunha explicación suficiente sobre as razóns da decisión adoptada – a asignación dos dereitos de emisión de gases de efecto invernadero- asequible ó destinatario dos mesmos, poñendo de manifesto os motivos, concretos e precisos aínda que non exhaustivos, da resolución administrativa adoptada. Este coñecemento constitúe a premisa esencial para que o receptor do acto administrativo poida impugnar o mesmo ante os órganos xurisdicionais, e estes, á súa vez, poidan cumprir a función que constitucionalmente teñen encomendada de control da actividade administrativa e do sometemento desta ós fins que a xustifican, ex artigo 106.1 CE” Considerando.- Que a motivación exixible nas resolucións administrativas é aquela que permite coñecer, polos propios interesados e polos propios órganos administrativos e xudiciais que haxan de realizar o seu control de legalidade, as razóns que conduciron á súa adopción, e que neste caso nace no informe técnico emitido polo Enxeñeiro do Servizo de Mobilidade que xustifica o desistimento. Considerando.- Que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade desistir do procedemento de licitación “Ensanche e mellora da E.P. 0405 Xesteira-Almofrei, p.k. 0+000 ó 0+750 (Cotobade)”. 4.25249.- DESISTIMENTO DO PROCEDEMENTO DE LICITACIÓN “ACONDICIONAMENTO E.P. 9401 TRAMO MOSTEIRO-ARCOS (MEIS)” (Expte. nº2015025433) Resultando.- Que a Xunta de Goberno, na súa sesión ordinaria celebrada o día 19 de xuño de 2015, acordou aprobar o proxecto de “Acondicionamento E.P. 9401 Tramo Mosteiro-Arcos (Meis)”, por un importe de 356.975,38 €, IVE incluído, e un prazo de execución de 8 meses. Resultando.- Que o mesmo órgano na súa sesión ordinaria celebrada o día 3 de xullo de 2015, acordou aprobar o expediente de contratación, mediante proc. elemento aberto da execución da obra “Acondicionamento E.P. 9401 tramo Mosteiro-Arcos (Meis)”. No mesmo acto aprobáronse o prego de cláusulas administrativas e de prescricións técnicas que rexerían este contratación, e concedeuse un prazo de vinte e seis días naturais para a presentación de proposicións. Resultando.- Que con data 26 de agosto de 2015, a Mesa de Contratación, procedeu á apertura dos sobres B das empresas licitadoras, nos que se recollen os documentos que se van a avaliar mediante criterios non cualificables mediante fórmulas. Seguindo o procedemento habitual de licitacións deste tipo deuse traslado dos sobres ó Servizo de Mobilidade para a súa avaliación. Resultando.- Que con data 30/01/2017 a técnico de proxecto de Mobilidade co visto e prace do xefe de Servizo de Mobilidade emitiu informe co seguinte contido: “...dende o inicio da licitación do contrato á data actual ponse de manifesto unha serie de circunstancias que motivan este informe de revisión, que , a xuízo do Técnico que subscribe, conclúen na inviabilidade das obras recollidas no proxecto vixente. Enuméranse a continuación as causas que xustifican a inviabilidade do proxecto construtivo aprobado: Detéctase que unha vez aprobado o proxecto e previamente á tramitación do expediente de contratación non se procedeu a efectuar o replanteo previo do mesmo tal e como se indica no artigo 126 do Real Decreto Lexislativo 3/2011... Detéctase que antes da súa aprobación definitiva, o proxecto non foi sometido ao preceptivo trámite, para a súa autorización, de información da Consellería de Cultura e Ordenación Universitaria, tal e como se establece o art. 32 da Lei 8/1995 de Patrimonio Cultural de Galicia, a pesar de que na memoria se indica no apartado 4.14 Patrimonio Cultural, que “En el entorno de las obras, se identifica la protección del elemento catalogado GA36028007 (Igrexario de Santo Tomé de Nogueira) según el PGOM vigente”: Detéctase que o proxecto non cumpre o Plan Xeral de Ordenación Municipal de Meis, aprobado o 23/05/2003 que especifica “se entende por praza de aparcadoiro un espazo mínimo de 2.20 por 4.50 metros, libres de obstáculos puntuais”, contemplando o proxecto construtivo a totalidade dos aparcamentos en liña un ancho máximo de 2.00 metros. Así mesmo, detéctanse unha serie de contradicións no proxecto en canto ás actuacións definidas nos Planos, Prego de Prescricións Técnicas Particulares e orzamento... Transcorrido mais dun ano dende a apertura do sobre B e tendo en conta o prazo das obras, conviría revisar os prezos considerados. De acordo co anteriormente exposto e por razóns de interese público, considérase oportuna a reformulación do proxecto de forma que poidan ser corrixidas antes da adxudicacións as deficiencias atopadas.” Con data 1 de febreiro de 2017 o xefe do Servizo de Mobilidade co visto e prace do Deputado de Mobilidade emitiu informe co seguinte contido: “...Que con data 30 de xaneiro e trala revisión dos proxectos de obras correspondentes, se detectan unha serie de circunstancias fácticas e legais que fan precisa a reformulación dos proxectos de construción que determinaron o inicio dos expedientes de contratación. Que o artigo 155 do Real Decreto Lexislativo 3/2011, do 14 de novembro, polo que se aproba o Texto Refundido da Lei de Contratos do Sector Público prevé a posibilidade de desistir por razóns de interese público dos procedementos de contratación antes da súa adxudicación. Que tendo en conta as devanditas circunstancias, e co fin de salvagardar acaecídamente o interese público e poder reformular os proxectos referidos, solicita dese órgano de contratación que se proceda a realizar os trámites oportunos para desistir dos procedementos de contratación citados...” Resultando.- Que con data 08/02/2017 o xefe de Servizo de Contratación emitiu informe co seguinte contido: “...polo recollido nos informes da Técnico do Servizo de Mobilidade e do Xefe do Servizo de Mobilidade, onde poñen de manifesto unha serie de deficiencias que presenta o proxecto aprobado polo Órgano de Contratación, cuestión que ataca de forma directa ao obxecto do contrato que vén determinado polo propio proxecto. Así mesmo, ponse en dúbida que os prezos sexan os adecuados ao mercado polo prazo transcorrido dende a aprobación do expediente. Atendendo ao manifestado advírtese a existencia de defectos singulares que aconsellan ser corrixidos para a consecución satisfactoria da finalidade publica perseguida. Se colixe tras a lectura das diferentes opinións doutrinais mentadas, que non estamos ante un caso de nulidade nin anulabilidade do contrato, nin ante uns defectos do proxecto que poidan ser corrixidos a través do articulo 109.2 da Lei 39/2015, nin tampouco a usando a manida figura do modificado, xa que neste último caso non se produciu aínda a adxudicación e a necesaria perfección do contrato. Por tanto, tal e como sinalan os profesores Isabel Galego,Punzón e Sánchez Rodríguez , as posibilidades de corrixir os defectos son moi reducidas durante o procedemento de licitación, e o único instrumento de reconstrución do contrato compréndeo o artigo 155 TRLCSP. De acordo con este precepto, tal e coma sinala o informe 6/2016 da Xunta Consultiva de contratación administrativa, para que o desistimento sexa valido, deben cumprirse os seguintes requisitos: 1) Que o desistimento sexa adoptado polo órgano de contratación antes da adxudicación. 2) Que concorra unha infracción non emendable das normas de preparación do contrato ou das reguladoras do procedemento de adxudicación. 3) Que as razóns do desistimento se atopen xustificadas no expediente. No informe do servizo de mobilidade, que obra no expediente, se xustifican os defectos que fan aconsellable o desistimento desta Deputación do procedemento de licitación “Rehabilitación de firma na E.P. Serrapio-Portela, p.k. 0+000 ó p.k. 1+800 (Cerdedo)” por infracción non subsanable nos documentos que definen o contrato, co fin de poder reformular o citado proxecto subsanando os erros e carencias que presenta. Non estando adxudicado o contrato pódese desistir do contrato en aplicación do artigo 155 TRLCSP. No obstante a Xunta de Goberno, como órgano de contratación, decidirá....” Resultando.- Que con data 14/02/2017 o Secretario da Deputación emitiu informe co seguinte contido:”...maniféstase que se presta conformidade o informe do xefe do Servizo de data 8 de febreiro de 2017 e, na súa consecuencia infórmase favorablemente a proposta...” Resultando.- Que con data 22/02/2017 o Servizo de Intervención emitiu informe co seguinte contido: “...Sinalar que, aínda que dos informes técnicos do servizo de mobilidade se desprende que unha vez corrixidas as deficiencias se iniciará un novo procedemento de licitación, debería quedar aclarado que non estamos ante unha renuncia á celebración do contrato. En ambos casos, renuncia ou desistimento, pode haber consecuencias económicas para a Deputación no caso de ter que compensar ós licitadores. (...)infórmase favorablemente o expediente...” Considerando.- Que o desistimento, como potestade discrecional da Administración, está limitado, como todas as de tal clase, por norma xeral imperativa pola cal dita potestade debe cumprir os fins que se lle supón propios ó servizo do ben común e de ordenamento xurídico, e sempre baseándose nos principios de racionalidade e proporcionalidade. Así o puxo de manifesto a xurisprudencia do Tribunal Supremo en reiteradas ocasións (Sentenzas de 16 de abril de 1999, RJ 1999/4362 de 23 de xuño de 2003, RJ 4413, o Sentenza de 21 de setembro de 2006 RJ2006/6437, entre outras moitas. Considerando.- Que o artigo 155 do TRLCSP regula, xunto á renuncia, o desistimento como unha forma de terminación do procedemento de contratación pública sen elección de ningún licitador, establecendo que: “...1. No caso de que o órgano de contratación (...) decida reiniciar o procedemento para a súa adxudicación, o notificará ós candidatos ou licitadores... (...)4. O desistimento do procedemento deberá estar fundamentado nunha infracción non subsanable das normas de preparación do contrato ou das reguladoras do procedemento de adxudicación, debendo xustificarse no expediente a concorrencia da causa. O desistimento non impedirá a iniciación inmediata dun novo procedemento de licitación... Considerando.- Que á vista do disposto en dita disposición, como sinalou o Tribunal Administrativo de Contratos Públicos de Navarra no seu acordo 19/2013, de 31 de xullo, que en sínteses sinala que o desistimento do procedemento de contratación constitúe unha facultade da Administración suxeita a unha serie de requisitos como que debe ser acordado polo órgano de contratación antes da adxudicación do contrato, debe xustificarse as razóns de interesa público e debe motiva a causa e notificarse ós interesados. Considerando.- Que o ditame do Consello de Estado de 22 de xullo de 2010, sinala en relación ó desistimento do contrato que “o desistimento da Administración constitúe un remedio excepcional ante unha situación que, na medida do posible, deberá evitarse que se produza. E en todo caso, a Administración só poderá desistir do contrato cando por razóns de interese público así o aconsellen.” Considerando.- Que a desistencia pode ser concibido como un mero «accidente» na vida do proceso contractual, pois aínda que a aprobación do TRLCSP céntrase nunha infracción insubsanable, nada impide que unha vez corrixida a infracción, persista o interese por continuar coa celebración obxecto do contrato. Por outra banda, a renuncia queda baleira do interese no sentido exposto, primeiro, porque no suposto de renuncia o contrato non existe, e segundo, porque xa non existe interese en celebrar o contrato propiamente devandito. Considerando.- Que a desistencia lígase á existencia dunha infracción non emendable das normas de preparación do contrato ou das reguladoras do procedemento de adxudicación, feito que, por suposto, débese fundamentar de forma adecuada. A desistencia, na súa concepción máis precisa, está regulado como un instrumento útil e imprescindible para que os órganos de contratación satisfagan plenamente o interese xeral. Considerando.- Que o Tribunal Supremo non foi alleo a unha cualificación moi clara e concisa da desistencia. É de relevante importancia a STS de 20 de maio de 1997 na que se indica de forma expresa que a desistencia entraña unha declaración expresa e unilateral, por parte da Administración, de pór fin ao contrato expondo os motivos que, ao seu xuízo, deciden tal actuación. Considerando.- Que o Tribunal Supremo explica na Sentenza de 9 de xullo de 2010 (RJ 2010/6133) o seguinte: “ Con carácter xeral, a motivación dos actos administrativos precisa, segundo reiterada doutrina do Tribunal Constitucional e xurisprudencia deste Tribunal Supremo, cuxa reiteracións escusa cita, dunha explicación suficiente sobre as razóns da decisión adoptada – a asignación dos dereitos de emisión de gases de efecto invernadero- asequible ó destinatario dos mesmos, poñendo de manifesto os motivos, concretos e precisos aínda que non exhaustivos, da resolución administrativa adoptada. Este coñecemento constitúe a premisa esencial para que o receptor do acto administrativo poida impugnar o mesmo ante os órganos xurisdicionais, e estes, á súa vez, poidan cumprir a función que constitucionalmente teñen encomendada de control da actividade administrativa e do sometemento desta ós fins que a xustifican, ex artigo 106.1 CE” Considerando.- Que a motivación exixible nas resolucións administrativas é aquela que permite coñecer, polos propios interesados e polos propios órganos administrativos e xudiciais que haxan de realizar o seu control de legalidade, as razóns que conduciron á súa adopción, e que neste caso nace no informe técnico emitido polo Enxeñeiro do Servizo de Mobilidade que xustifica o desistimento. Considerando.- Que a disposición adicional segunda do referenciado RDL 3/2011, no seu apartado 1, faculta á Ilma. Sra. Presidenta para actuar como órgano de contratación, e tendo en conta o disposto no artigo 185 do RDL 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade desistir do procedemento de licitación “Acondicionamento E.P. 9401 Tramo Mosteiro-Arcos (Meis)”. 5.25250.- INICIO DO PROCEDEMENTO DE RESOLUCIÓN DO CONTRATO “EFICIENCIA ENERXÉTICA NO ALUMEADO EXTERIOR DO ENTORNO DA POUSADA DE RIBADUMIA” (N/REF:POSP/13/00924/2013000160) Resultando.- Que a Xunta de Goberno na súa sesión ordinaria celebrada o día 19/09/2014 acordou conceder unha subvención o Concello de Ribadumia para a realización do investimento denominado “Eficiencia enerxética no alumeado exterior do entorno da Pousada de Ribadumia”, incluído no Plan de Obras e Servizos (POSP/14). Resultando.- Que por Resolución Presidencial número 2015001505 de data 26/01/2015 adxudicouse á empresa SETGA, S.L.U. (CIF B-36.699.064), o contrato para a execución da obra “Eficiencia enerxética no alumeado exterior do entorno da Pousada de Ribadumia”, por un importe de 156.695,00 € IVE incluído, e un prazo de execución de 50 días. Resultando.- Que previa á adxudicación, e para facer fronte á execución desta obra, o contratista constituíu unha garantía definitiva por importe de 6.475,00 € segundo consta en carta de pagamento depositada na Tesourería desta Deputación con número 201500009325 de data 19/01/2015. Resultando.- Que con data 02/03/2015 formalizouse acta de comprobación de replanteo, establecéndose nese intre como data para finalizar a obra o día 21/04/2015. Resultando.- Que con data 01/04/2015 tivo entrada nesta Deputación certificación número 1, correspondente ó período 02/03/2015 a 31/03/2015 por importe de 144.999,77 € que se corresponde co 92,53 % das unidades de obra. Por Resolución Presidencial 2015014179 de data 26/05/2015 aprobouse o recoñecemento da obriga e o pago de dita certificación. Resultando.- Que con data 09/04/2015 asinouse acta de paralización da obra, debido a que os traballos de instalación de iluminación pública que ten que executar o contratista, non se poden realizar mentres non se finalicen as obras de urbanización do entorno. A paralización das obras prodúcese cun 92,53 % das unidades de obra executadas, estando pendente de executar obras por unha contía de 11.695,23 €. Resultando.- Que mediante escrito de data 21/12/2016 solicitouse informe ó director de obra para que manifestara ó estado no que se atopaban as obras, emitindo o seguinte informe: “...As obras foron paralizadas o 09/04/2015 debido a que os traballos de instalación de iluminación pública que ten que executar o contratista, non se podían realizar mentres non finalizasen as obras de urbanización do entorno. Neste caso as obras pendentes de execución son as de urbanización “Santa Eulalia”, que se corresponden co compromiso adquirido por esa administración co Arzobispado de Santiago de Compostela e o Concello de Ribadumia e cos traballos de urbanización para a pousada de Ribadumia. Concretamente a execución da beirarrúa na que se proxectaba a instalación de varias farolas. A paralización das obras produciuse cun 92,53 % das unidades de obra executadas, estando pendente de executar obras por unha contía de 11.695,23 € (...). O estado actual das obras de urbanización do entorno da Pousada de Ribadumia, segue sento o mesmo. Nesta situación a obra non pode executarse, si ben nesta últimas datas, ten vido o xefe de obra da empresa construtora SETGA, coas directrices indicadas dende o organismo correspondente desa administración, de realizar cambios na solución proxectada, a fin de rematar as obras pendentes, que consistirán basicamente no cambio das farolas para a beirarrúa do outro lado da calle. Respecto de si existiu culpabilidade da empresa contratista no retraso, entendo que non é unha causa atribuíble a ela, en todo caso a causa e atribuíble o organismo que debe concluír as obras de urbanización...” Resultando.- Que con data 16 de febreiro de 2017 o xefe do Servizo de Contratación emitiu informe co seguinte contido: “do manifestado polo director de obra no seu informe de data 28/12/16, transcorridos mais de 8 meses dende a formalización da acta de suspensión da execución, non é posible reanudar a execución da obra debido a que o Concello de Ribadumia non realizou ás obras ás que se comprometeu, de urbanización do entorno da Pousada necesarias para que o contratista poida instalar o iluminación pública pendente de executar. Polo dito anteriormente, e de o recollido polo artigo 223.i) do TRLCSP en relación co artigo 237.c) do mesmo texto legal, procedería a iniciar un procedemento de resolución do contrato “Proxecto de eficiencia enerxética no alumeado exterior do entorno da Pousada de Ribadumia (Ribadumia)” ó ser imputable á Administración a suspensión da execución das obras por un prazo superior 8 meses, tendo nese caso o contratista, dereito ó aboo do 6% das obras deixadas deixadas de realizar, en concepto de beneficio industrial. A isto cabe engadirlle, como recolle tamén no seu informe o director da obra, que ó contratista non lle é atribuíble a causa de suspensión, non existindo actitude culpable, polo que podería procederse á devolución da totalidade da garantía definitiva constituída por este. Asemade en virtude do artigo 109 del RGLCAP debe darse audiencia ó contratista para que faga as alegacións que estime oportunas e concretamente se mostra a súa conformidade ou oposición á resolución do citado contrato.” Considerando.- Que o artigo 220 do RDL 3/2011, de 14 de novembro, polo que se aproba o Texto Refundido da Lei de Contratos do Sector Público establece que o órgano de contratación ostenta a prerrogativa de interpretar os contratos administrativos acordar a súa resolución e determinar os efectos desta. Considerando.- Que o artigo 212.2 do TRLCSP establece que o contratista está obrigado a cumprir o contrato dentro do prazo total fixado para a realización do mesmo, así como dos prazos parciais sinalados para a execución sucesiva Considerando.- Que o artigo 222.1 do RDL 3/2011 establece que o contrato entenderase cumprido polo contratista cando este realizara, de acordo cos termos do mesmo e a satisfacción da Administración, a totalidade da prestación. Considerando.- Que o artigo 223 do TRLCSP establece que son causas de resolución do contrato: i) As que se sinalen especificamente para cada categoría de contrato nesta lei. Considerando.- Que o artigo 237.c) do mesmo texto legal, establece no que se refire ás causas específicas de resolución dos contratos de obras, o seguinte: c) O desistimento ou a suspensión das obras por un prazo superior a oito meses acordada pola Administración. Considerando.- Que o artigo 109 do Real Decreto 1098/2001, de 12 de outubro, polo que se aproba o Regulamento xeral da Lei de Contratos das Administracións Públicas establece no que a procedemento de resolución dos contratos se refire, que se debe dar audiencia ó contratista. A Xunta de Goberno acorda por unanimidade: 1. Iniciar procedemento de resolución do contrato “Eficiencia enerxética no alumeado exterior do entorno da Pousada de Ribadumia” 2. Requirir a SETGA, S.L.U., para que no prazo de dez días naturais, a contar dende o día seguinte á notificación deste acordo, faga as alegacións que estime oportunas, e concretamente se está de acordo ou mostra a súa oposición á resolución deste contrato. 6.25251.- DEVOLUCIÓN DE GARANTÍAS DEFINITIVAS a)Devolución de garantías definitivas á empresa Construcciones Abal, S.A. A empresa Contrucciones Abal, S.A. (CIF A 36.115.459), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Construción do edificio auxiliar e adecuación vestiarios no Campo de Fútbol Louro Tameiga (Concello de Mos)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO SABADELL, por importe de dous mil novecentos noventa e sete euros con setenta e dous céntimos (2.997,72 €), para responder do contrato relativo á obra “Construción do edificio auxiliar e adecuación vestiarios no Campo de Fútbol Louro Tameiga (Concello de Mos)”, que foi depositada na Tesourería Provincial o 06/02/2015, segundo mandamento de ingreso con número de operación 201500017727. b)Devolución de garantías definitivas á empresa Narom, S.L. A empresa Narom, S.L. (CIF B 36.163.418), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Construción de beirarrúas na Avda. Fernando Conde (Concello da Estrada)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO PASTOR, por importe de cinco mil oitocentos once euros con trece céntimos (5.811,13 €), para responder do contrato relativo á obra “Construción de beirarrúas na Avda. Fernando Conde (Concello da Estrada)”, que foi depositada na Tesourería Provincial o 18/12/2014, segundo mandamento de ingreso con número de operación 201400172215. c)Devolución de garantías definitivas á empresa Construciones Salnés S.L. A empresa Construciones Salnés, S.L. (CIF B 36.417.533), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Construción de senda peonil en Ouzande (Concello da Estrada)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de SOGARPO, por importe de dous mil seiscentos seis euros con oitenta e oito céntimos (2.606,88 €), para responder do contrato relativo á obra “Construción de senda peonil en Ouzande (Concello da Estrada)”, que foi depositada na Tesourería Provincial o 17/12/2014, segundo mandamento de ingreso con número de operación 201400171460. d)Devolución de garantías definitivas á empresa Construcciones Taboada y Ramos, S.L. A empresa Construcciones Taboada y Ramos, S.L. (CIF B 36.052.876), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Construción de beirarrúas a unha marxe en Ouzande (Concello da Estrada)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO POPULAR, por importe de cinco mil douscentos cincuenta e seis euros con vinte céntimos (5.256,20 €), para responder do contrato relativo á obra “Construción de beirarrúas a unha marxe en Ouzande (Concello da Estrada)”, que foi depositada na Tesourería Provincial o 19/09/2013, segundo mandamento de ingreso con número de operación 201300120865. e)Devolución de garantías definitivas á empresa Construcciones Rafer, S.L. A empresa Construcciones Rafer, S.L. (CIF B 36.052.702), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Pavimentación en Barciela e Valadares (Concello de Forcarei)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BBVA, por importe de dous mil trescentos oitenta e seis euros con trece céntimos (2.386,13 €), para responder do contrato relativo á obra “Pavimentación en Barciela e Valadares (Concello de Forcarei)”, que foi depositada na Tesourería Provincial o 19/12/2013, segundo mandamento de ingreso con número de operación 201300170270. f) Devolución de garantías definitivas á empresa Aqualia Infraestructuras, S.A. A empresa Aqualia Infraestructuras, S.A. (CIF A 28.849.495), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Cubrición e desodorización do pretratamento da EDAR de Moaña (Concello de Moaña)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO SABADELL, por importe de sete mil cento oitenta e seis euros con sesenta e dous céntimos (7.186,62 €), para responder do contrato relativo á obra “Cubrición e desodorización do pretratamento da EDAR de Moaña (Concello de Moaña)”, que foi depositada na Tesourería Provincial o 23/09/2014, segundo mandamento de ingreso con número de operación 201400124850. g)Devolución de garantías definitivas á empresa Tesagua 2001, S.L. A empresa Tesagua 2001, S.L. (CIF B 36.885.531), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Saneamento en Brea, Castros e Cotiño (Concello de Mos)”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCO PASTOR, por importe de dous mil setecentos oitenta e catro euros con corenta e cinco céntimos (2.784,45 €), para responder do contrato relativo á obra “Saneamento en Brea, Castros e Cotiño (Concello de Mos)”, que foi depositada na Tesourería Provincial o 05/07/2010, segundo mandamento de ingreso con número de operación 201000055113. h)Devolución de garantías definitivas á empresa Pricewaterhousecoopers Asesores de Negocio,S.L. A empresa Pricewaterhousecoopers Asesores de Negocio, S.L. (CIF B 78.016.375), mediante escrito presentado polo Servizo de Contratación perante esta Deputación, solicita a devolución da fianza definitiva constituída para responder do contrato de “Traballos de apoio ás tarefas de xestión, seguimento e soporte ás actuacións do peche do proxecto AQUELANDO 2, cofinanciado nun 80% polo FEDER”, do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan no expediente e de conformidade co establecido no artigo 102. 2 do RDL 3/2011, de 14 de novembro, polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de BANCA CÍVICA, por importe de dous mil oitocentos setenta e cinco euros (2.875,00 €), para responder do contrato relativo a “Traballos de apoio ás tarefas de xestión, seguimento e soporte ás actuacións do peche do proxecto AQUELANDO 2, cofinanciado nun 80% polo FEDER”, que foi depositada na Tesourería Provincial o 05/06/2012, segundo mandamento de ingreso con número de operación 201200041257. 7.25252.- RECOÑECEMENTO EXTRAXUDICIAL DE CRÉDITO A) Vista a relación de facturas con número 2017005174, que contén dez facturas e por un importe de 6.268,36 €, correspondendo a primeira á empresa Marexada. Deporte, Lecer e Cultura, S.L., por importe de 300,00 €, e a derradeira a Basilisa Fiestras Cachafeiro, por importe de 1.222,07 €, e visto o informe que formula a Intervención desta Deputación, de data 27 de febreiro de 2017, e os xefes de servizo ou responsables dos centros Xestores no que se pon de manifesto que os gastos se fixeron con vicios de procedemento que implican a nulidade das obrigas, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 6.767,32 € Descontos do IRPF 498,96 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 6.268,36 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. B) Vista a relación de facturas con número 2017005179, que contén seis facturas e por un importe de 3.030,56 €, correspondendo a primeira á empresa Escayolas y Aislamientos el Puente, S.L., por importe de 85,89 €, e a derradeira a Marexada. Deporte, Lecer e Cultura, S.L., por importe de 210,00 €, e visto o informe que formula a Intervención desta Deputación, de data 27 de febreiro de 2017, e os xefes de servizo ou responsables dos centros Xestores no que se pon de manifesto que os gastos se fixeron en exercicios pechados, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 3.030,56 € Descontos do IRPF 0,00 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 3.030,56 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. 8.25253.- CONCESIÓN DE SUBVENCIÓNS Ó ABEIRO DO PLAN CONCELLOS 2017 CORRESPONDENTE Á LIÑA 3: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS – 7ª RELACIÓN O Pleno da Corporación Provincial, na súa sesión extraordinaria do día 28/12/2016, aprobou as Bases reguladoras e convocatoria do Plan de Obras e Servizos (Plan Concellos) 2017 que recollen os procedementos para conceder subvencións a 59 municipios da provincia para financiar actuacións e investimentos, propostas que deben estar relacionadas coas materias que os municipios exercen como competencias propias ou, en todo caso, as atribuídas por delegación, de conformidade co artigo 7 da Lei 7/1985, de 2 de abril, reguladora das bases do réxime local. Ditas bases foron publicadas no BOPPO nº 249 de 30/12/2016 e o extracto da convocatoria publicouse no BOPPO nº 1, do 02/01/2017. Este plan aprobado baixo o procedemento de concorrencia non competitiva, está dotado con 41,2 millóns de euros, que se reparten entre os concellos beneficiarios en función de tres criterios básicos: a poboación de cada concello, a súa superficie e os seus núcleos de poboación, segundo as porcentaxes indicadas nas Bases para cada grupo de concellos. Mediante Resolución Presidencial de 12/01/2017, núm. 2017000367 aprobáronse as cantidades asignadas a cada concello, se ben, unha vez comunicadas as débedas pendentes coa Deputación, poderase proceder de oficio á súa detracción polo que neses casos o importe definitivo será calculado tendo en conta a detracción que se efectúe. De conformidade coa base 5ª, as axudas e subvencións concedidas poderán destinarse ás seguintes liñas nos termos recollidos na base 8ª: liña 1 (Investimentos) ata un importe mínimo que resulte de aplicar a porcentaxe do 62,50% á cantidade total que lle corresponde ó concello; liña 2 (Amortización, pagamento de débedas e gastos correntes) ata un importe máximo do 15 % á cantidade total que lle corresponde ó concello; liña 3 (Emprego para conservación e funcionamento de bens e servizos municipais) ata un importe máximo do 22,50 % á cantidade total que lle corresponde ó concello. As cantidades que os concellos non utilicen das liñas 2 e 3, poderanas empregar para facer investimentos (liña 1), non obstante, o excedente nesta liña 1 non se pode aplicar ás restantes liñas. A liña 3 (Emprego para conservación e funcionamento de bens e servizos municipais) ten por obxecto regular as condicións polas que se rexerá a convocatoria pública das axudas e subvencións destinadas a financiar a prestación de servizos mínimos de competencia municipal mediante a contratación de persoas desempregadas. Comprobado dende o Servizo de Cooperación que todas as solicitudes desta relación compren os requisitos esixidos nas Bases reguladoras e achegan a documentación requirida, emítese informe da Xefa do Servizo en relación a súa tramitación. As solicitudes dos concellos referenciados no anexo aparte respectan en todo caso o importe máximo de 22,50 % da cantidade que lle corresponde a cada concello (detraídas no seu caso as débedas contraídas coa Deputación). Na aplicación 2017/942.9425.462.03 (Plan de Cooperación cos Concellos_17. Emprego para conservación e funcionamento de bens e servizos) do vixente Orzamento Provincial existe crédito suficiente para facer fronte a este gasto. Xúntase a relación valorada das solicitudes en anexo aparte que comeza con Catoira e remata en O Grove (total de: 4 concellos), calculándose o importe das axudas segundo a petición do beneficiario en base ao custo das contratacións e tendo en conta o número de traballadores, a duración das contratacións e o tipo de xornada a realizar (completa ou parcial). As axudas comprenden o custo salarial e a cotización á Seguridade Social, de persoas desempregadas (calquera que sexa a categoría profesional), respectando o Salario Mínimo Interprofesional por traballador (importe proporcional ás horas traballadas), complementando o concello, no seu caso, a cantidade que sexa necesaria ata acadar os salarios que correspondan por categoría profesional. Fundamentos xurídicos: Primeiro.- Réxime xurídico: - Lei 38/2003, de 17 de novembro, Xeral de Subvencións (LXS). - Lei 7/1985, de 2 de abril, Reguladora das Bases do Réxime Local (LRBRL). - Lei 39/2015, de 1 de outubro, do Procedemento Administrativo Común das administracións públicas (LPACAP). - Lei 40/2015, de 1 de outubro, do Réxime Xurídico do Sector Público (LRXSP). - Lei 9/2007, de 13 de xuño, de Subvencións de Galicia (LSG). - Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, Xeral de Subvencións (RLXS). - Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais (ROFRXEL). - Bases Reguladoras do Plan de Obras e Servizos (Plan Concellos) 2017. - Bases de execución do orzamento da Deputación. - Ordenanza xeral de subvencións, publicada no BOPPO do 30/12/2016. Segundo.- Consideracións xurídicas: I.- Instrución do expediente: - Base novena do Plan Concellos 2017, relativa ao procedemento que dispón que será o de concorrencia non competitiva; e asemade segundo o disposto na Base décimo terceira indícase que é o Servizo de Cooperación o encargado da tramitación dos expedientes, revisión das solicitudes e comprobación da documentación. II.- Petición e evacuación de informes: - Artigos 79 e 80 da LPACAP sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do TRLRFL, sobre o control e a fiscalización da xestión económica que lle corresponde realizar á Intervención. - Bases 47ª e 48ª de execución do Orzamento provincial, sobre o control e a fiscalización da xestión económica, que sinala a competencia da Intervención para realizar esta función. - Artigo 24 da LXS que establece que as actividades de instrución comprenderán, entre outras, a petición de cantos informes estime necesarios para resolver ou que sexan esixidos polas normas que regulan a subvención. III.- Resolución do expediente: - Artigo 22 LXS que dispón que a proposta de concesión formularase ao órgano concedinte a través do órgano instrutor. - Artigo 25 da LXS polo que o órgano competente resolverá o procedemento e a resolución motivarase de conformidade co que dispoñan as bases reguladoras da subvención. - Artigo 62 do RLXS que establece que na resolución de concesión deberán quedar claramente identificados os compromisos asumidos polos beneficiarios - Artigo 185 do TRLRFL que regula as competencias en materia de xestión de gasto. - Bases de execución 25ª.2ª e 4ª do orzamento provincial que regulan o procedemento de concesión e o contido das solicitudes de subvención. - Base de execución 16ª.2ª do orzamento que sinala que o órgano competente para a autorización e disposición deste gasto é a Xunta de Goberno. - Base oitava e décima dentro da liña 3 do Plan Concellos 2017 que relaciona os requisitos dos servizos para os que se van contratar aos traballadores, así como a cantidade subvencionables (custo salarial e cotización á Seguridade social), co límite mínimo do Salario Mínimo Interprofesional por traballador (importe proporcional ás horas traballadas), que poderá ser superior se así o sinala o propio concello, e a necesaria documentación para a concesión da subvención. - Base quinta do Plan Concellos 2017 que consigna o crédito orzamentario, a porcentaxe e o límite máximo por liña. Conclusións: Primeiro.- Todas as solicitudes recollidas no anexo aparte (VII Relación Plan Concellos 2017 (Liña 3): Plan de Conservación e Funcionamento de Bens e Servizos Municipais), foron presentadas en prazo, e achegan a documentación precisa para a súa valoración. Segundo.- En canto ás funcións para as que se contratarán ós traballadores, de acordo coas memorias achegadas, consisten, en servizos de interese xeral e social. O importe da subvención solicitada non excede do importe máximo de financiamento do plan nin a porcentaxe máxima da liña 3 segundo o disposto na base quinta (22,50 % da cantidade total correspondente a cada concello, incluídas neste importe, no seu caso, as detraccións notificadas das débedas contraídas coa Deputación por parte das entidades solicitantes). Terceiro.- As cantidades que resultan subvencionables calcúlanse en base ás solicitudes realizadas polos concellos, tendo en conta que os salarios deberán respectar o Salario Mínimo Interprofesional por traballador e tomando como referencia unha xornada completa de 37,5 horas semanais. No caso de que as contratacións de desempregados se efectúen por un importe inferior de horas das estipuladas para un contrato a xornada completa, o importe subvencionable mínimo reducirase proporcionalmente en función das horas traballadas. En consecuencia, son os interesados os que sinalan o importe a subvencionar na súa solicitude, que poderá exceder o SMI en razón das obrigas legais ou por convenio existentes. Os beneficiarios asumen o compromiso de afrontar a cantidade complementaria non subvencionada. Cuarto.- Unha vez concedida a subvención, os concellos poderán solicitar o pago anticipado segundo o establecido na base vixésima. Asemade, deberanse xustificar as axudas concedidas de conformidade ó establecido na base vixésima e tendo en conta o disposto na base décimo quinta en relación ás obrigas do beneficiario, especialmente en canto á publicidade. Por todo o exposto e a vista dos antecedentes, fundamentos de dereitos aplicables e a súa motivación razoada, e a concorrencia dos requisitos necesarios, a xefa do Servizo de Cooperación informa favorablemente os expedientes de subvención relacionados no anexo aparte (VII Relación Plan Concellos 2017 (Liña 3): Plan de Conservación e Funcionamento de Bens e Servizos Municipais) e a concesión das subvencións solicitadas segundo os importes que figuran en dito anexo, por un importe total de cincocentos vinte e seis mil setecentos dezanove euros con vinte e cinco céntimos (526.719,25 €) con cargo á aplicación orzamentaria 2017/942.9425.462.03. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude do establecido na base 16ª.2ª c) das Bases de Execución do Orzamento provincial e de conformidade co disposto nos artigos 34 e 35 da Lei 7/1985, de 2 de abril, reguladora das bases do réxime local, e no artigo 17 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións, a competencia para resolver atribúeselle á Xunta de Goberno. Por todo o exposto, á vista da documentación que obra no expediente, do informe da xefa do Servizo de Cooperación e do informe de Intervención, a Xunta de Goberno acorda por unanimidade: 1. A concesión de subvencións, polo procedemento de concorrencia non competitiva, aos concellos que figuran en anexo aparte (VII Relación Plan Concellos 2017 (Liña 3:) Plan de Conservación e Funcionamento de Bens e Servizos Municipais) para a contratación dos traballadores e categorías laborais que se relacionan no mesmo, por un importe total de cincocentos vinte e seis mil setecentos dezanove euros con vinte e cinco céntimos (526.719,25 €) con cargo á aplicación orzamentaria 2017/942.9425.462.03. As subvencións concédense con suxeición ás bases reguladoras do plan, e, en particular, ás condicións seguintes: a) A selección do persoal levarase a cabo a través dos Servizos Públicos de Emprego, entre persoas desempregadas e que reúnan os requisitos establecidos na Base oitava correspondente á liña 3. b) Todos os contratos poderán estar iniciados dende o 01/01/2017 sen que en ningún caso a subvencionabilidade dos contratos poida exceder o 31/12/2017. No caso de que algún dos traballadores contratados renuncie ó contrato antes da súa finalización o concello poderá formalizar un novo contrato para substituír o anterior polo tempo restante. A relación laboral xurdida entre a entidade beneficiaria e o traballador non vinculará á Deputación de Pontevedra. c) O pagamento da subvención concedida farase efectiva da seguinte forma: - O 50% ó inicio da actividade (ou servizo), que se xustificará co documento acreditativo expedido polo órgano ou empregado público competente. Aboarase segundo o número de contratos formalizados ata esa data e deberán identificarse as persoas traballadoras, as datas de inicio dos seus contratos, a categoría profesional e a duración dos seus contratos. - O 50% restante ó finalizar a metade do prazo de duración do contrato, previa achega de documento acreditativo expedido polo órgano ou empregado público competente sobre a continuidade da actividade no que se faga constar o número de contratos, a súa categoría profesional, a identificación das persoas traballadoras e as datas de inicio e fin do contrato. d) En canto a xustificación, no prazo máximo de dous meses a partir do día seguinte ó da finalización da obra ou servizo, cómpre presentar no Rexistro da Deputación os seguintes documentos: - Memoria final sobre as actividades realizadas e práctica profesional adquirida polos traballadores contratados. - Certificación de fin de servizo e do cumprimento dos requisitos e criterios sinalados nestas bases. - Certificación expedida polo funcionario público competente de que os gastos se realizaron e se aplicaron á finalidade subvencionada, quedando a disposición da Deputación para o seu exame os xustificantes correspondentes. Nesta certificación deberanse concretar as cantidades aboadas en concepto de salario e cotización empresarial á Seguridade Social e as cantidades deducidas na liquidación de cotas a ese mesmo organismo (modelo TC1) en concepto de incapacidade temporal das traballadoras e traballadores contratados con cargo a esta subvención, cuxa contía deberá excluírse do cálculo do gasto total elixible realizado polo Concello e que, no seu caso, dará lugar á obriga de reintegro á institución provincial. - Acreditación da publicidade do financiamento pola Deputación de Pontevedra do obxecto da subvención. e) A non xustificación ou a xustificación insuficiente dará lugar o reintegro da subvención percibida con correspondentes xuros de demora nos termos previstos no artigo 37 da Lei 38/2003, de 17 de novembro, xeral de subvencións. 2. Darlle traslado da presente resolución ós interesados, ó Servizo de Intervención Provincial e ó Servizo de Cooperación. VII RELACION PLAN CONCELLOS 2017 (LIÑA 3): PLAN DE CONSERVACION E FUNCIONAMENTO DE BENS E SERVIZOS MUNICIPAIS Concello Nº traballadores Obxecto da subvención (número de contratos, tipo de xornada e duración) Importe concedido Catoira 11 7 peóns de obras e mantemento e 1 Licenciado, Diplomado universitario, FP1 ou FP2 para apoio a Cultura e Biblioteca municipal en xornada de 35 h/semanais durante 8 meses; 1 peón de obras e mantemento en xornada de 17,5 h/semanais durante 8 meses; e 1 Licenciado, Diplomado universitario, FP1 ou FP2 para apoio a Servizos Sociais en xornada de 15 h/semanais durante 7 meses 61.334,62 € Forcarei 9 3 peóns forestais, 1 peón para recollida de lixo e 1 oficial de obras públicas en xornada completa durante 8 meses; 1 operario de servizos para karting e 1 operario de servizos para instalacións deportivas en xornada completa durante 9 meses; 1 condutor e 1 peón de obras públicas en xornada completa durante 6 meses 79.641,80 € Gondomar 21 18 peóns e 2 condutores en xornada completa durante 8,5 meses; 1 técnico en turismo en xornada completa durante 5,5 meses 211.000,61 € O Grove 26 24 operarios en xornada completa durante 6 meses; e 2 auxiliares de turismo en xornada completa durante 5 meses 174.742,22 € TOTAL 526.719,25 € 9.25254.- INICIO DO PROCEDEMENTO DE REINTEGRO POLO IMPORTE NON XUSTIFICADO DA SUBVENCIÓN CONCEDIDA Ó CONCELLO DE MONDARIZ BALNEARIO Ó ABEIRO DO PLAN CONCELLOS 2016 CORRESPONDENTE Á LIÑA 4: EMPREGO PARA CONSERVACIÓN E FUNCIONAMENTO DE BENS E SERVIZOS MUNICIPAIS Primeiro.- Mediante acordo da Xunta de Goberno en sesión ordinaria celebrada o día 5 de febreiro de 2016, punto número 14.24087, acordouse a concesión de subvencións ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais-2ª Relación, mediante o procedemento de concorrencia non competitiva, cuxas Bases reguladoras foron aprobadas mediante aprobación do Pleno da Corporación Provincial, na súa sesión ordinaria do día 27/11/2015, e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Segundo.- No dito acordo da Xunta de Goberno concedéuselle ó Concello de Mondariz Balneario, con CIF número P3603100C, unha subvención de 58.987,32 € para facer fronte ó pagamento do custo salarial ao abeiro do seguinte número de contratos, tipo de xornada e duración: 8 peóns construción e 6 peóns forestais en xornada de 25 h/ semanais durante 6 meses (expediente número 2016003098). A concesión desta subvención publicouse no BOPPO núm. 47 do 09/03/2016. Terceiro.- Mediante resolucións presidenciais do 25/04/2016, núm. 2016007850, do 28/07/2016, núm. 2016014341, do 03/08/2016, núm. 2016014764, e do 21/12/2016, núm. 2016023559 aprobáronse os libramentos de sendos anticipos por un importe total de 58.987,32 €, dunha subvención concedida polo mesmo importe. Cuarto.- Finalizado o contrato dos traballadores seleccionados e contratados con cargo a este Plan, en data 10/02/2017 con núm. de rexistro 2017012136, recíbese no Rexistro Xeral da Deputación a documentación xustificativa final correspondente á subvención da liña 4- Emprego para conservación e funcionamento de bens e servizos municipais 2016, no marco do Plan de Concellos 2016. Na xustificación presentada certifícase un custo real da actuación de 58.630,87 €. Fundamentación Xurídica: Normativa examinada: - Lei 38/2003, de 17 de novembro, xeral de subvencións (LXS) e o seu Regulamento aprobado por R.D. 887/2006, de 21 de xullo (RLXS). - Lei 9/2007, de 13 de xuño, de subvencións de Galicia (LXSG). - Lei 7/1985, de 2 de abril, reguladora das bases do réxime local (LRBRL). - Lei 39/2015, de 1 de outubro, do procedemento administrativo común das Administracións Públicas (LPACAP). - Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais (TRLFL). - Real Decreto 2568/1986, de 28 de novembro, polo que se aproba o Regulamento de organización, funcionamento e réxime xurídico das Entidades locais (ROF). - Bases de execución do Orzamento Provincial. - Ordenanza xeral de subvencións da Deputación de Pontevedra (publicada no BOPPO do 30/12/2016). - Bases reguladoras do Plan de Obras e Servizos (Plan de Concellos) 2016 aprobadas no Pleno da Corporación Provincial, na súa sesión ordinaria do día 27 de novembro de 2015 e publicadas no Boletín Oficial da Provincia de Pontevedra (BOPPO) nº 233 de 02/12/2015 (tendo en conta a corrección de erros publicada no BOPPO nº 250 de 30/12/2015). Consideracións xurídicas: 1.- Instrución do expediente: - Na base Décimo terceira das Bases reguladoras do Plan de Concellos 2016 a tramitación dos expedientes, revisión das solicitudes e comprobación da documentación correspóndelle ó Servizo de Cooperación. 2.- Petición e evacuación de informes: - Artigos 78 e 79 da LPACAP, sobre a petición e a evacuación de informes. - Artigo 88.6 da LPACAP, que sinala que a aceptación de informes ou ditames servirá de motivación á Resolución cando se incorporen ó texto da mesma. - Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - Artigo 172 do ROF, que dispón que o xefe da Dependencia á que corresponda tramitar o expediente deberá emitir un informe, expoñendo os antecedentes e as disposicións legais ou regulamentarias en que funde o seu criterio. - Bases 47ª e 48ª das de execución do vixente Orzamento provincial, sobre o control e a fiscalización da xestión económica, que sinala a competencia da Intervención para realizar estas funcións. 3.- Procedencia do reintegro: - Artigos 32 da LXS e 84.1 do RLXS que sinalan que o órgano concedinte comprobará a adecuada xustificación da subvención, así como a realización da actividade e o cumprimento da finalidade que se determine no acordo ou resolución de concesión, e con atención ó método contemplado nas bases reguladoras, a cuxo fin se revisará formal e materialmente a documentación que obrigatoriamente debera achegar o beneficiario. - En materia de reintegros estarase ó disposto nos artigos 36 a 43 da LXS e 89 e do 91 a 101 do RLXS. - Artigo 37.3 da LXS que sinala que procederá o reintegro do exceso obtido sobre o custo da actividade subvencionada, conforme ó disposto no artigo 19.3 da LXS. - Artigos 29 e 30 da Ordenanza xeral de subvencións da Deputación de Pontevedra sobre os supostos do reintegro e o seu procedemento. - Na base Décimo oitava das Bases reguladoras do Plan de Concellos 2016, no referente á liña 4: Emprego para conservación e funcionamento de bens e servizos municipais, regúlase o pagamento e xustificación da subvención. - Na base Décimo novena das Bases reguladoras do Plan de Concellos 2016, sinálase que se procederá ó reintegro das subvencións outorgadas de conformidade con estas bases nos termos fixados na normativa de subvencións e, de modo particular nos artigos 32 e seguintes da LXS. Conclusións: Examinados os antecedentes e a motivación legal exposta, visto que o beneficiario achegou a regulamentaria documentación xustificativa, comprobouse a conformidade de dita xustificación. A subvención librada ascendeu a 58.987,32 € sobre unha subvención concedida de 58.987,32 €, mentres que o custo real da actuación segundo se desprende da certificación achegada polo concello foi de 58.630,87 €. Resultando que o concello declarou un custo total subvencionable inferior á subvención percibida, estímase procedente iniciar o procedemento para esixir o reintegro polo exceso non aplicado á finalidade subvencionada, que ascende a 356,45 €. Á vista do exposto e do informe de fiscalización da Intervención Provincial, de 15/02/2017, sobre a procedencia do reintegro e o seu importe, a xefa do Servizo de Cooperación Municipal informa favorablemente a aprobación da xustificación presentada e o inicio do procedemento de reintegro polo importe sinalado. Non obstante, o presente informe non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude das competencias atribuídas no artigo 35 da lei 7/1985, de 2 de abril, reguladora das bases do réxime local, nas Bases 16ª.2ª e 25ª das Bases de execución do orzamento provincial, no artigo 30.2 da Ordenanza xeral de subvencións da Deputación e no artigo 41.1 da Lei 38/2003, de 17 de novembro, xeral de subvencións, correspóndelle á Xunta de Goberno a resolución sobre o reintegro da cantidade recibida e non xustificada. En consecuencia, e vista a documentación xustificativa achegada polo Concello de Mondariz Balneario, CIF. P3603100C, relativa á contratación de catorce traballadores ó abeiro do Plan Concellos 2016 correspondente á liña 4: Emprego para Conservación e Funcionamento de Bens e Servizos Municipais, por un importe total de 58.630,87 €, sobre unha subvención concedida de 58.987,32 €. Vistos o informe-proposta da xefe do Servizo de Cooperación e o informe da Intervención Provincial segundo os cales procede o reintegro do importe de 356,45 € que non se aplicou á actividade subvencionada. Considerando que, en consonancia co disposto nos artigos 29 e 30 da Ordenanza xeral de subvencións da Deputación, o feito expresado está contemplado no artigo 37 da Lei Xeral de Subvencións como causa de reintegro. Por conseguinte, de conformidade ás competencias que lle confire a normativa local vixente, a Xunta de Goberno acorda por unanimidade: 1. Que, como consecuencia da obriga incumprida e posta de manifesto, o Concello de Crecente, CIF P3601400I, debe reintegrar á Deputación de Pontevedra o importe de trescentos cincuenta e seis euros con corenta e cinco céntimos (356,45 €) correspondentes á parte da subvención percibida que non foi aplicada á finalidade subvencionada. Este importe deberá ser ingresado na conta núm. ES17.2080.5401.57.3110106612 aberta na entidade ABANCA. 2. Notificar esta resolución ó interesado para que, se o considerase oportuno, nun prazo non superior a quince días, computados a partir do día seguinte ó que teña lugar a notificación deste acto, poida alegar e presentar os documentos que estime pertinentes, conforme o disposto no artigo 94.2 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións. Transcorrido dito prazo sen que se formulen alegacións a resolución devén firme. 3. Darlle traslado da presente resolución ó Concello de Mondariz Balneario, ó Servizo de Intervención Provincial e ó Servizo de Cooperación. 10.25255.- RATIFICACIÓN DA RESOLUCIÓN PRESIDENCIAL RELATIVA Á FINALIZACIÓN DUNHA BOLSA DE PRÁCTICA LABORAL EN EMPRESAS 2016 POR RENUNCIA DA BOLSEIRA ADXUDICATARIA (RP Nº 2017003547) De conformidade co disposto nas bases da convocatoria do Plan de práctica laboral empresas 2016 a Xunta de Goberno acorda por unanimidade ratificar a seguinte Resolución Presidencial: - Por Resolución Presidencial nº 2017003547 de data 27 de febreiro de 2017, resólvese dar por finalizada a bolsa concedida a Olalla Arbones Porto na empresa Vigo RTV Local Digital, S.L., con efectos do día 28 de febreiro de 2017. 11.25256.- RATIFICACIÓN DA RESOLUCIÓN PRESIDENCIAL RELATIVA Á FINALIZACIÓN DUNHA BOLSA DE PRÁCTICA LABORAL NA DEPUTACIÓN E EN CONCELLOS DA PROVINCIA DE PONTEVEDRA 2016 POR RENUNCIA DA BOLSEIRA NO CONCELLO DE PAZOS DE BORBÉN (RP Nº 2017003548) De conformidade co disposto nas bases da convocatoria do Plan de práctica laboral en deputación e concellos da provincia de Pontevedra 2016 a Xunta de Goberno acorda por unanimidade ratificar a seguinte Resolución Presidencial: - Por Resolución Presidencial nº 2017003548 de data 27 de febreiro de 2017, resólvese dar por finalizadas as prácticas da bolseira Nerea Guimeráns Lavandeira no Concello de Pazos de Borbén con efectos do 28 de febreiro de 2017. 12.25257.- MODIFICACIÓN DO ACORDO NÚM. 5.25176 ADOPTADO NA SESIÓN DA XUNTA DE GOBERNO DE DATA 10/02/2017 SOBRE A CONCESIÓN DUNHA SUBVENCIÓN Ó CONCELLO DE SILLEDA NO MARCO DO PLAN CONCELLOS 2017 CORRESPONDENTE Á LIÑA 3: EMPREGO PARA CONSERVACIÓN DE BENS E SERVIZOS MUNICIPAIS – 4ª RELACIÓN Primeiro.- O Pleno da Corporación Provincial, na súa sesión ordinaria do día 28/12/2016, aprobou as “Bases reguladoras e convocatoria do Plan de Obras e Servizos (Plan Concellos) 2017” que recollen os procedementos para conceder subvencións a 59 municipios da provincia para financiar actuacións e investimentos, propostas que deben estar relacionadas coas materias que os municipios exercen como competencias propias ou, en todo caso, as atribuídas por delegación, de conformidade co artigo 7 da Lei 7/1985, de 2 de abril, reguladora das bases do réxime local. Ditas bases foron publicadas no BOPPO nº 249 de 30/12/2016 e o extracto da convocatoria publicouse no BOPPO nº1 do 02/01/2017. Segundo.- Á vista da documentación obrante nos expedientes de subvención e dos informes da xefa do Servizo de Cooperación e do Servizo de Intervención, a Xunta de Goberno na sesión ordinaria celebrada o día 10 de febreiro de 2017, punto número 5.25176, acordou a concesión de subvencións ó abeiro do Plan Concellos 2017 correspondente á liña 3: Emprego para Conservación de Bens e Servizos Municipais-4ª Relación, por un importe total de un millón douscentos vinte nove mil oitenta e tres euros con cincuenta e nove céntimos (1.229.083,59 €), mediante o procedemento de concorrencia non competitiva, con cargo á aplicación 2017/942.9425.462.03 do vixente Orzamento Provincial. Terceiro.- No caso do Concello de Silleda concedéuselle unha axuda conforme á seguinte táboa: CONCELLO SILLEDA Número de traballadores 7 Obxecto da subvención (número de contratos, tipo de xornada e duración) 1 administrativo a xornada completa durante 10 meses, 2 peóns varredores e 3 peóns xardineiros a xornada completa durante 10 meses, e 1 peón de limpeza de edificios a xornada completa durante 5 meses. IMPORTE CONCEDIDO 100.480,50 € Cuarto.- Debido a que o Concello de Silleda non ten tempo suficiente para contratar durante 10 meses os traballadores, o concello mediante escritos con entrada no rexistro da Deputación o 24/02/2017, núm. 2017016499, solicita que se modifique o seu acordo de concesión de modo que se reaxusten os períodos de duración dos contratos subvencionados, o que implica tamén unha reformulación do importe da subvención que pasaría a ser de 91.203,45 €. Fundamentos xurídicos: - O artigo. 64 do Real Decreto 887/2006, de 21 de xullo, polo que se aproba o regulamento da Lei xeral de subvencións, establece que se poderá autorizar a modificación sempre que non se danen dereitos de terceiros. A solicitude deberá presentarse antes de que conclúa o prazo para a realización da actividade. - Base 25ª.5ª.b) das do orzamento provincial, dispón que os beneficiarios da subvención quedan obrigados a comunicar calquera eventualidade ou circunstancia que altere ou dificulte o desenvolvemento da finalidade pretendida, co obxecto de que, se se estiman con suficiente antelación, poida procederse á modificación da resolución. - Artigos 213 e ss. do Real Decreto Lexislativo 2/2004, de 5 de marzo, polo que se aproba o Texto refundido da lei reguladora das Facendas locais, sobre o control e a fiscalización da xestión económica que lle corresponde realizar á Intervención. - Bases 47ª e 48ª das de execución do Orzamento provincial, sobre o control e a fiscalización da xestión económica, que sinala a competencia da Intervención para realizar estas funcións. - Base décimo cuarta do Plan Concellos 2017 no referente ás modificacións das resolucións de concesión das subvencións, en concordancia co artigo 16 da Ordenanza Xeral de Subvencións da Deputación de Pontevedra Conclusións: Segundo o reaxuste da duración dos contratos proposto polo concello o importe da subvención calcularíase conforme á seguinte táboa: Nº de traballadores Categoría Profesional Período de contratación subvencionable Importe da subvención 1 Administrativo 9 meses 14.079,66 € 5 2 peóns varredores e 3 peóns xardineiros 9 meses 69.411,41 € 1 Peón de limpeza de edificios 5 meses 7.712,38€ Importe total da subvención 91.203,45 € Por todo o exposto e a vista dos antecedentes, fundamentos de dereitos aplicables e a súa motivación razoada, e a concorrencia dos requisitos necesarios, informo favorablemente a aprobación da modificación do acordo da Xunta de Goberno núm. 5.25176 do día 10 de febreiro de 2017 no referente á axuda concedida ó Concello de Silleda, de maneira que segue: CONCELLO SILLLEDA Número de traballadores 7 Obxecto da subvención (número de contratos, tipo de xornada e duración) 1 administrativo a xornada completa durante 9 meses, 2 peóns varredores e 3 peóns xardineiros a xornada completa durante 9 meses, e 1 peón de limpeza de edificios a xornada completa durante 5 meses. IMPORTE CONCEDIDO 91.203,45 € Como consecuencia desta modificación, o importe total da concesión da 4ª Relación Plan Concellos 2017 (Liña 3:) Plan de Conservación e Funcionamento de Bens e Servizos Municipais) redúcese ata a contía de un millón douscentos dezanove mil oitocentos seis euros con cincuenta e catro céntimos (1.219.806,54 €). Esta modificación respecta os criterios establecidos nas bases reguladoras do Plan de Concellos 2017 e non produce prexuízo a terceiros, se ben unha vez aprobada polo órgano competente, o concello deberá tramitar novamente a solicitude de aboo dos anticipos correspondentes conforme ás novas condicións da subvención reformulada. Non obstante, o presente informe-proposta non ten carácter vinculante para o órgano competente para resolver, que acordará o que proceda consonte ó seu superior criterio. Réxime competencial: En virtude do establecido na base 16ª.2 c) das Bases de Execución do Orzamento provincial e de conformidade co disposto nos artigos 34 e 35 da Lei 7/1985, de 2 de abril, reguladora das bases do réxime local, e no artigo 17 do Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións, a competencia para resolver atribúeselle á Xunta de Goberno. En consecuencia, a Xunta de Goberno acorda por unanimidade: 1. Modificar o acordo da Xunta de Goberno número 5.25176 do día 10 de febreiro de 2017, no referente á subvención concedida ao Concello de Silleda, que queda como segue: CONCELLO SILLLEDA Número de traballadores 7 Obxecto da subvención (número de contratos, tipo de xornada e duración) 1 administrativo a xornada completa durante 9 meses, 2 peóns varredores e 3 peóns xardineiros a xornada completa durante 9 meses, e 1 peón de limpeza de edificios a xornada completa durante 5 meses. IMPORTE CONCEDIDO 91.203,45 € Esta modificación respecta os criterios establecidos nas bases reguladoras do Plan de Concellos 2017 e non produce prexuízo a terceiros, se ben unha vez aprobada polo órgano competente, o concello deberá tramitar novamente a solicitude de aboo dos anticipos correspondentes conforme ás novas condicións da subvención reformulada, así como iniciar os trámites para solicitar que se aplique o importe liberado na Liña 1 do Plan de Concellos 2017. Asemade, como consecuencia desta modificación, o importe total da concesión da 4ª Relación Plan Concellos 2017 (Liña 3:) Plan de Conservación e Funcionamento de Bens e Servizos Municipais) redúcese ata a contía de un millón douscentos dezanove mil oitocentos seis euros con cincuenta e catro céntimos (1.219.806,54 €). Esta subvención imputarase con cargo á aplicación orzamentaria 2017/942.9425.462.03. 2. Liberar o resto do crédito para que o concello o destine á liña 1 do Plan Concellos 2017, por importe de 9.277,05 €, se ben debe enviar a documentación pertinente para destinar este importe ó investimento que elixa, quedando condicionado á súa aprobación definitiva no expediente de subvención da Liña 1 que o concello indique de conformidade coas bases do Plan. 3. Darlle traslado do acordo ó Concello de Silleda, á Intervención Provincial e ó Servizo de Cooperación. 13.25258.- COMUNICACIÓNS Non houbo. 14.25259.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e vinte minutos horas do expresado día, dáse por rematada a sesión e dela esténdese a presente acta, que asina o Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición