Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: 1,4 Da sesión ordinaria en primeira convocatoria, celebrada polo Pleno desta Excma. Deputación o día, 26 de abril de 1996 No Salón de sesións da Excma. Deputación Provincial de Pontevedra, sendo as once horas do día vinteseis de abril de mil novecentos noventa e seis, baixo a Presidencia do Ilmo. Sr. Presidente D. Manuel Abeledo López, reuníronse os Sres./as Deputados/as, D. Xosé Ramón Abal Varela, Dona Carmen Avendaño Otero, D. Xosé Manuel Barros González, D. Adolfo Campos Panadeiros, Dona Ramona Castaño López, D. Xosé Costa Díaz, D. Xosé Manuel Chapela Seijo, D. Xoán Carlos Chillón Iglesias, D. Miguel Domínguez Vaz, D. José Luis Fernández Lorenzo, Dona Carmen Ferro Carballo, D. Lino Fontán Mariño, Dona Ana Gandón Menduíña, D. Baltasar García García, D. Emilio González Iglesias, D. Oswaldo Lino González Pereira, D. Efrén Juanes Rodríguez, D. Mario López Martínez, D. Rafael Louzán Abal, D. Xosé Cesáreo Mosquera Lorenzo, D. Julio Pedrosa Vicente, D. Ramón Sestelo Fernández, D. Santiago Tirado Serén, D. Pablo Vázquez Caride e D. Manuel Vilar Márquez, co obxecto de celebrar sesión ordinaria da Deputación en Pleno, en primeira convocatoria, consonte á correspondente orde do día. Da fé do acto D. Carlos Cuadrado Romay, Vicesecretario, e está presente o Sr. Interventor, D. Bautista Pérez Carnero. Non asiste o Sr. Deputado, D. Amado Ricón Virulegio. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.3899.- DECLARACIÓN INSTITUCIONAL EN RELACIÓN CON APOIO Ó GRUPO DE EMPRESAS ÁLVAREZ (GEA) Sr. Presidente.- .... correspondentes. Ten a palabra para falar sobre este tema o portavoz do Bloque Nacionalista Galego. Sr. Mosquera. Sr. Mosquera Lorenzo.- Bueno, bós días, moitas gracias. Estamos ante unha situación na que a pesar de que non creo que se deban esquence-los antecedentes, a esta situación chegouse polo que se chegou, por unha política privatizadora absolutamente bárbara do INI, pola firma dun acordo de viabilidade hai case ano e medio que non se efectivizou, polo incumprimento reiterado de promesas e parece que por unha decisión, non sei se explícita ou implícita política de deixar en desamparo a este grupo que tanta transcendencia ten. Pero dado que os traballadores, 1.040 en concreto, nestes momentos que ten o grupo, lle deben ou teñen pendente de percibir moitisimos millóns, dado que é unha empresa que forma parte tradicionalmente do tecido industrial desta provincia e que é absolutamente imprescindible sacala adiante na situación en que está, vamos a esquencer, non a esquencer senón a obviar, digamos, a análise da súa historia, que creo que é ben coñecida, e dado que consideramos por un lado viable o grupo, por outro lado necesario para esta provincia, e para os seus traballadores, e para o conxunto pola importancia industrial que ten, e dado que estamos convencidos de que se a súa viabilidade non está efectivizada o único que fai falta para efectivizala é rápido e xa para evitar que se deteriore máis, unha decisión política clara. O noso compromiso nestes momentos desde esta Institución que pouca competencia ten pero sí pode impulsar, é o que estamos a facer, é apoia-lo acordo ó que chegamos como resultado das mocións que tiñamos presentado todos e que creo que no fondo é suficiente para que se se efectiviza poida saír adiante o grupo que é o que a todos nos preocupa, vamos a apoia-lo acordo e desde logo vamos a estar vixiantes e vamos a impulsar dentro dos nosos modestos medios que se efectivice o seu urxente cumprimento para así poder salvar, digamos unha situación que está moi deteriorada e que nos parece especialmente grave, que conten con todo o noso apoio, tanto o Grupo de Empresas Alvarez, como os traballadores, como nestes momentos a moción ou acordo que vamos a adoptar por unanimidade. Moitas gracias. Sr. Presidente.- Moitas gracias Sr. Mosquera. Ten a palabra, Carmen. Srª. Avendaño Otero.- Si, bueno, mostra-lo noso grupo político o acordo este de apoio desta Excma. Deputación e desde logo esperar que esta situación de Alvarez, desgraciadamente coñecida desde fai anos porque a situación non é de hoxe, xa é unha situación que leva creando inestabilidade e graves problemas na plantilla de Alvarez, eu o sei de primeira fila porque son veciña de Lavadores, que se estabilice dunha vez por todas. Está claro que creo que todos nós temos moi claro, a pasada semana foi aprobado un acordo en Vigo onde tódolos grupos se manifestaron a favor, de que a empresa é viable, de que a empresa ten saída porque un estudio da propia Xunta de Galicia así o demostra, que a empresa ten unha carteira de pedidos importantes, que ten un mercado estabilizado e ademais de forte recoñecemento, non só en España senón en toda Europa e América, polo tanto o único que falta aquí é unha vontade política por parte de todos e parece que esa vontade tende a darse polo apoio que está recibindo, non só nas Institucións que desde o noso punto de vista son importantes, senón coa manifestación que en Vigo se produce con máis de 50.000 persoas, de vigueses e de xentes de toda a provincia pedindo que esta empresa, que é unha das empresas máis importantes da provincia de Pontevedra poida continuar, para iso é necesario que ese aval de 2.500.000.000 de pesetas poida chegar á empresa para que os traballadores que levan doce meses sen cobrar poidan por fin cobrar e poidan ter unha xerencia seria e forte que dunha vez por todas estabilice esta empresa e que poida saír adiante sen máis atrancos, esperemos que sexa definitivamente. O noso grupo mostra o total apoio á plantilla de GEA e por suposto tamén queremos facer mención a tres traballadores que desde fai dez días se encontran en folga de fame no noso Concello, no Concello de Vigo, polo tanto todo o noso apoio, o do noso grupo, para esta declaración institucional desta Deputación. Sr. Presidente.- ... Srª. Avendaño. Ben, dentro da mesma filosofía que acabamos de oir do grupo de Deputados do Bloque Nacionalista e do PSOE, o grupo do Partido Popular na mesma liña, como non podía ser doutra maneira, consciente da importancia da Empresa Grupo Alvarez que ten na provincia de Pontevedra, as reivindicacións que nestes momentos moven ós traballadores, xustisimamente, en fin, a reivindicar que se lle abone o que se lle debe. Conscientes de todo esto, conscientes da importancia de que é unha empresa xeñera, diríamos, dentro da provincia de Pontevedra posto que é das poucas que non ten relación co mar, e por todas estas razóns o grupo do Partido Popular adhírese taxantemente ó acordo pactado polos tres grupos e por suposto o apoio total á Empresa Alvarez para que adquira a viabilidade que debe ter e o apoio total ós traballadores que loxicamente nestes momentos son os que están pasando os peores momentos precisamente porque non se lle abona en concreto o que se lle debe, por eso paso a dar lectura ó acordo que os tres grupos por unanimidade parece que vamos a votar. Paso polo tanto a lelo: 1º.- Vista a solicitude presentada o 19 do 4 do 96 polas Organizacións Sindicais CIG, UGT e CC.OO. convocando a unha manifestación o día 26 ás 20 horas, tendo por obxecto demostra-la solidariedade dos traballadores e da sociedade pontevedresa coa plantilla de GEA. 2º.- Vista a solicitude formulada por UXT, CC.OO e CIG solicitando un Pleno extraordinario co mesmo obxecto. 3º.- Visto o acordo da Comisión de Goberno da Deputación Provincial de data 25 de abril adheríndose ó acordo adoptado polo Consello Económico e Social de Vigo e polo Pleno do seu Concello de data 23 de abril en apoio ás reivindicacións de GEA. 4º.- Visto o acordo tomado o 24 de abril polo Parlamento de Galicia firmado polos portavoces dos tres grupos con representación parlamentaria (PP, PSOE e BNG). 5º.- Vistas as mocións urxentes presentadas o 25 de abril tanto polo PSOE como polo BNG, para que se inste á Xunta de Galicia, para a posta en práctica do plan de viabilidade de GEA e para expresa-lo apoio da Corporación ás reivindicacións dos traballadores. Os grupos provinciais do Partido Popular, Partido Socialista Obrero Español e Bloque Nacionalista Galego, formulan a seguinte proposta de acordo: O Pleno da Corporación acorda: PRIMEIRO.- Instar á Xunta de Galicia para: a) Procura-la efectividade do aval comprometido na viabilidade de GEA realizando de forma urxente e sen demora, ás accións necesarias para a posta en marcha do devandito plan de viabilidade. b) Instar e negociar coas Administracións competentes, Organismos Autónomos e Entidades de Crédito, as medidas necesarias para acabar coa actual situación que impide a posta en marcha do Grupo de Empresas Alvarez (GEA), favorecendo a continuidade da súa actividade productiva. c) Fomentar todas aquelas medidas tendentes á actividade normal do grupo e da súa actividade productiva. SEGUNDO.- Chamar ós cidadáns pontevedreses para que se solidaricen cos traballadores de GEA e participen na manifestación convocada na cidade de Pontevedra o próximo día, hoxe, hoxe, día 26 de abril ás 20 horas. Moitas gracias, procedemos polo tanto á votación deste acordo. ¿Votos en contra?, ¿abstencións?, ¿votos a favor?. Apróbase polo tanto este acordo por unanimidade dos grupos políticos compoñentes desta Deputación Provincial. Moitas gracias. Sr. Presidente.- Gracias, tódolos aquí presentes acabamos de dicilo, estamos con vostedes, esperemos que esta solución sexa inmediata. Moitas gracias. Por conseguinte o Pleno da Corporación, por unanimidade, adopta-lo seguinte acordo: PRIMEIRO.- Instar á Xunta de Galicia para: a) Procura-la efectividade do aval comprometido na viabilidade de GEA realizando de forma urxente e sen demora, ás accións necesarias para a posta en marcha do devandito plan de viabilidade. b) Instar e negociar coas Administracións competentes, Organismos Autónomos e Entidades de Crédito, as medidas necesarias para acabar coa actual situación que impide a posta en marcha do Grupo de Empresas Alvarez (GEA), favorecendo a continuidade da súa actividade productiva. c) Fomentar todas aquelas medidas tendentes á actividade normal do grupo e da súa actividade productiva. SEGUNDO.- Chamar ós cidadáns pontevedreses para que se solidaricen cos traballadores de GEA e participen na manifestación convocada na cidade de Pontevedra o próximo día 26 de abril ás 20 horas. ------ Folla: 4 2.3900.- ACTA ANTERIOR Sr. Presidente.- Proseguimos entón a orde do día tal como aparece na convocatoria, pasando ó primeiro punto da orde do día que é "Aprobación do borrador da acta da sesión anterior". ¿Algunha intervención?, ¿algunha alegación que facer á acta anterior?, ¿apróbase?. Apróbase por unanimidade a acta anterior. O Pleno acorda, por unanimidade, aproba-lo borrador da acta da anterior sesión, ordinaria, do día 29 de marzo de 1996. ------ Folla: 4,8 3.3901.- CONVENIO MARCO ENTRE A CONSELLERÍA DE PESCA, MARISQUEO E ACUICULTURA E A EXCMA. DEPUTACIÓN PROVINCIAL DE PONTEVEDRA Sr. Presidente.- Pasamos ó segundo punto da orde do día, "Convenio Marco entre a Consellería de Pesca, Marisqueo e Acuicultura e a Excma. Deputación Provincial de Pontevedra". ¿Alguna intervención, por favor?. Ten a palabra o Sr. Mosquera. Sr. Mosquera Lorenzo.- Moitas gracias Sr. Presidente. Home, en principio que se coordinen políticas neste caso de pesca, marisqueo e acuicultura entre quen ten as competencias de orixe que sería a Xunta de Galicia, e quen trata de impulsar unha, dentro da súa provincia, anque non sexa estrictamente a súa competencia pero facendo un esforzo intentan impulsalo como neste caso a Deputación, parece positivo, pero a nosa sorpresa cando se lee ese Convenio Marco, é unha cousa tan xenérica, tan vaga, tan digamos sen ningún contido preciso, que chega ó extremo por exemplo que nin sequera fixa o número de membros da Comisión Paritaria, di, vaise constituir unha Comisión Paritaria da Deputación e máis tal, nin fixa o número, non sabe se van ser tres por cada banda, sete, un, ningún, non se vai constituir, débelle dar moitisima importancia a esa Comisión Paritaria e ó Convenio Marco cando di que se reunirá unha vez ó ano, é unha cousa tan vaga, tan diluída que, bueno, en principio ó fin parece ben pero a concreción parece absolutamente pobre, de tódalas maneiras como despois vai a haber Convenio específico segundo convén haberá que miralo. De tódalas maneiras a pesar de que explicitamente pon que o Convenio se fai en principio sen detrimento de que a Consellería vaia polos fondos que seguía a por, que estaba poñendo, ¿non?, nós moito nos tememos que o asunto non sexa así e exemplos xa temos, verdade. Entón quero explicar, quero explicalo, por exemplo, o outro día tamén saiú o Convenio para a promoción do turismo, cousa que en principio parece ben, o Convenio supón que a Dirección Xeral de Turismo pon 5.000.000 millóns para a provincia e elimina liñas de promoción de turismo que había de 200.000.000 millóns, e con este Convenio coa Deputación a provincia de Pontevedra, a Deputación xa ten máis capacidade, digamos, para xestionar eses 5.000.000 millóns, moi pouquiño pero por outro lado a provincia de Pontevedra perde case 200.000.000 que lle estaba dedicando a Xunta á promoción do turismo, moito nos tememos que con esto poida sucede-lo mesmo, como non hai cantidades, como a intención é boa, bueno, en principio vamos a votalo a favor, vamos a aceptalo pero estaremos pendentes de a ver que pasa, desde logo se a liña vai se-lo mesmo que pasou en turismo por un lado, e por outro lado non se van concretar en nada o que vai pasar aquí, pois no seu momento advertiremos do que pasa, en principio a idea é boa, a concreción tal como está escrita e a historia que hai deste tipo de Convenios coa Consellería danos moito que desconfiar, pero como a intención é boa e nada máis que é unha declaración de intencións no fondo, vamos votar a favor. Sr. Presidente.- Gracias Sr. Mosquera. Ten a palabra o Sr. D. Emilio González. Sr. González Iglesias.- Vamos a ver, o punto dous da orde do día no que tratamos este tema, nós entendemos que debería ter, evidentemente, bastante máis contido do que ten agora mesmo, é dicir, o que traemos aquí eu nunca lle chamaría Convenio Marco, é dicir, penso que é máis ben unha declaración de intencións que se compón de dúas follas nas que dalgún xeito se anuncia a intención de colaborar a partir de agora entre a Deputación e a Xunta de Galicia. Este tipo de política vén sendo reclamada polo noso grupo dende hai anos, entón en boa lóxica deberíamos estar de acordo, e loxicamente estamos de acordo coa política de Convenios entre a Deputación Provincial e o Goberno Autónomo de Galicia, pero non podemos estar de acordo cando se empeza a le-lo papel e lendo o papel un atópase con que, como dicía antes Mosquera, a Comisión Paritaria enúnciase pero nada máis, non se pode estar de acordo tampouco cando no Pleno pasado tráese unha cantidade nunhas bases para repartir vía subvencións, naquel Pleno volvemos a pedi-lo Convenio e dixemos que se en realidade ese Convenio ía vir ó Pleno seguinte, é dicir, a este, entendíamos que sería máis lóxico que viñeran xuntos e podería ser xa un Convenio específico dos que aquí se enuncia. Pero claro, moito nos tememos que a cláusula séptima do Convenio sexa a típica cláusula que se utiliza por desgracia nesta Institución de xeito que os Convenios específicos ó final sexan firmados ou aprobados, mellor dito, pola Comisión de Goberno e no Pleno non nos enteremos, é dicir, ou nos enteremos cando leamos as actas da Comisión de Goberno. Un non entende moi ben o que di a cláusula séptima que di que a representación do Conselleiro de Pesca ostentaraa o Director Xeral que lle corresponda e que a representación da Institución Provincial vai ostentala a Comisión de Goberno, eu entendo que a Comisión de Goberno non pode ostenta-la representación da Deputación Provincial como tal, a representación da Deputación Provincial é do Presidente da Deputación ou da persoa en quen delegue, por un lado, e por outro lado se se nos trata de colar que se van aproba-los Convenios específicos nas Comisións de Goberno nós non vamos estar de acordo, entón, entre tanto non se aclaren os dous temas, o da Comisión Paritaria e o de que órgano vai aproba-los Convenios específicos nós vamos absternos, simplemente por desconfianza, e temos razóns de abondo para seguir desconfiando. Sr. Presidente.- Moitas gracias. Ten a palabra o Sr. D. Lino. Sr. Fontán Mariño.- Bós días, gracias Presidente. Agradecerlle ó Sr. Mosquera o voto a favor porque comprende que é unha situación nova que se presenta e terá os seus erros pero que vamos a funcionar e se lle informará a tódolos grupos de todo o que se faga. Con relación ó Grupo Socialista, Sr. D. Emilio, lle comunicarei que así como lle dixen que traería o Convenio a este Pleno, que se lle informará todo nas reunións que se fagan cos distintos grupos e non se aprobará nada a espaldas da, todo se lle informará, non se fará nada de axudas nin comunicacións, todo será pasado pola Comisión de Pesca onde están vostedes tamén representados, e nada máis. Sr. Presidente.- Gracias. Ten a palabra o Sr. D. Emilio González. Sr. González Iglesias.- Home, supoño que foi un lapsus do Sr. D. Lino, loxicamente está claro que non se aprobará nada de espaldas á Xunta, non o sei, tampouco ese é o meu problema, tampouco é o meu problema. Di vostede que se informará ós grupos do que se faga, mire, eu non quero información do que se faga, eu quero participación no que se faga que é moi diferente, e eu quero e sigo dicindo, que os Convenios específicos se aproben no Pleno non na Comisión de Goberno, no Pleno que ten, entendo eu, entendo que tódolos Convenios teñen ou deben aprobarse polo Pleno, no Pleno tamén recollendo compromiso do Sr. Presidente da Deputación de darlle contido político ós Plenos da Deputación porque senón seguimos no vacío político dos Plenos, é a proba é o Pleno de hoxe con catro puntos, que se non é o primeiro punto non tiña razón de ser, o primeiro que se tratou que non viña na orde do día, evidentemente, non tiña razón de ser este Pleno sequera. Polo tanto mentras sigan vostedes na liña da súa intervención é que me acentúo máis no convencimento de que debemos absternos e case case me está forzando a que votemos en contra, case, case. Sr. Presidente.- Gracias, Sr. D. Emilio. ¿Algunha intervención máis?. Procedemos polo tanto á votación do punto dous da orde do día, "Convenio Marco entre a Consellería de Pesca, Marisqueo e Acuicultura e a Excma. Deputación Provincial de Pontevedra". ¿Votos en contra?, ¿abstencións?, ¿votos a favor?. Apróbase cos votos a favor do Bloque Nacionalista Galego e o PP e a abstención do Partido Socialista Obrero Español. O Pleno, de conformidade co dictame favorable da Comisión Informativa de Pesca e Cultivos Mariños, onde se fai unha exposición do mesmo e das posibles actuacións a desenvolver dentro do Convenio Marco, acorda por maioría de votos do Grupo Popular e do BNG, e o voto en contra do PSOE, a aprobación do mesmo que é o seguinte: CONVENIO MARCO ENTRE A CONSELLERÍA DE PESCA, MARISQUEO E ACUICULTURA E A EXCMA. DEPUTACIÓN PROVINCIAL DE PONTEVEDRA REUNIDOS Por unha parte, D. Juan Caamaño Cebreiro, Excmo. Sr. Conselleiro de Pesca, Marisqueo e Acuicultura da Xunta de Galicia, no seu nome e representación, de acordo coas atribucións que ten conferidas no artigo 34.10 da Lei 1/1983, de 1 de febreiro, reguladora da Xunta e o seu Presidente. E, por outra, D. Manuel Abeledo López, Ilmo. Sr. Presidente da Excma. Deputación Provincial de Pontevedra, no seu nome e representación, en virtude das facultades que ostenta segundo o artigo 34.10 da Lei 7/85, de 2 de abril, de Bases de Réxime Local. EXPOÑEN Que o sector pesqueiro, marisqueiro e de cultivos mariños é un sector socioeconómico estratéxico para Galicia, pola súa aportación económica e máis polos postos de traballo que xera. Que por eso é de primordial importancia promove-lo seu desenvolvemento, modernización e adaptación ós cambios producidos desde a extracción deica a comercialización final dos diferentes recursos renovables de explotación. Que ámbalas partes consideran aconsellable promove-la cooperación e colaboración das dúas institucións no desenvolvemento do sector, sen detrimento do exercicio das competencias e das disposicións de rango superior que na actualidade ou nun futuro poidan regula-las competencias que ámbalas institucións teñen na materia. Que as dúas partes son conscientes de que o desenvolvemento dos sectores pesqueiro, marisqueiro e de cultivos mariños, así como a conservación, ordenación e máis explotación dos recursos así como o medio litoral deben asentar nun desenvolvemento científico e tecnolóxico. Que desde ámbalas institucións subscriben un Convenio Marco de Cooperación que sirva para o fomento e desenvolvemento do sector pesqueiro, marisqueiro e de cultivos mariños. CLÁUSULAS PRIMEIRA.- É obxecto do presente Convenio a realización común de proxectos e programas referidos a algún dos seguintes aspectos: a) Aplicación de novas técnicas e modernización do proceso productivo. b) Axudas para a modernización da flota artesanal de baixura, atendendo fundamentalmente ós aspectos de renovación, seguridade e máis equipamento. c) Axudas para o equipamento de lonxas, puntos de venda e/ou control, así como a comercialización. d) Formación das persoas que pertencen ó sector pesqueiro, marisqueiro e de cultivos mariños. e) Fomento dos traballos de investigación e f) Demais accións tendentes a mellora-las tecnoloxías aplicadas no sector, así como a mellora da calidade dos diferentes productos. SEGUNDA.- O presente Convenio Marco será obxecto de desenvolvemento a través de Convenios Específicos, determinándose en cada un deles o programa a desenvolver, os fins propostos, os medios necesarios para a súa realización, a duración do programa, o presuposto económico e maila persoa designada para a dirección do programa. Os Convenios Específicos deberán constar, como mínimo, dunha breve memoria explicativa dos obxectivos da colaboración, cos anexos que se consideren necesarios e dun presuposto de gastos no que se recollerá a distribución das aportacións financeiras entre as institucións e a distribución temporal dos gastos, cando a duración sexa superior a un execicio económico, así como o réxime de pagamentos. A Comisión Mixta estudiará as propostas de convenios específicos e informará sobre estas antes de seren sometidas ós órganos rectores de ámbalas partes. TERCEIRA.- Cando dos convenios específicos deriven obrigacións de natureza económica observaranse as normas sobre a aprobación do expediente de gasto e as de intervención previa regulamentaria. CUARTA.- As aportacións económicas destinadas ós diferentes Convenios Específicos que puidese efectua-la Deputación Provincial de Pontevedra enténdese que non irán en prexuízo daqueles que fixese a Consellería de Pesca, Marisqueo e Acuicultura. Enténdense as ditas aportacións como un incremento dos investimentos ou axudas da Consellería de Pesca, Marisqueo e Acuicultura a favor e para un mellor e máis rápido desenvolvemento do sector pesqueiro, marisqueiro e de cultivos mariños da provincia de Pontevedra. QUINTA.- Os acordos que se reflecten neste Convenio Marco e nos Convenios Específicos que se poidan asinar terán sempre carácter administrativo e deles non poderán derivar, en ningún dos casos, dereitos ou obrigacións de carácter laboral. SEXTA.- No prazo de trinta días hábiles, a partir da data da sinatura do presente Convenio Marco, constituirase unha Comisión Mixta con representantes designados polos órganos rectores de ámbalas institucións en réxime de paridade. A dita Comisión será o órgano de planificación, seguimento e avaliación das accións derivadas do presente Convenio Marco. A Comisión Mixta xuntarase sempre que o solicite unha das partes, polo menos unha vez ó ano, e máis elevaranse informes e propostas ós órganos rectores de ámbalas institucións. SÉTIMA.- Cando a sinatura dos Convenios Específicos lle correspondese ó Excmo. Sr. Conselleiro de Pesca, Marisqueo e Acuicultura, este delegará no Director Xeral a quen lle afecte a natureza do acordo, que actuará en representación da Consellería de Pesca, Marisqueo e Acuicultura e a Comisión de Goberno da Deputación Provincial de Pontevedra actuará en representación desta Entidade. OITAVA.- As cuestións litixiosas verbo da interpretación, modificación, resolución e máis efectos que puidesen derivar da aplicación do presente Convenio, ou dos específicos que se establezan como consecuencia do mesmo, deberá resolvelos a Comisión Mixta a que se refire a cláusula sexta, artigos 60.1 e 61, consonte co establecido na Lei e Regulamento de Contratos das Administracións Públicas. NOVENA.- O presente Convenio empezará a produci-los seus efectos a partir da data da súa sinatura e terá unha duración de catro anos, podendo ser prorrogado por acordo das partes, acordo que debe ser formalizado con anterioridade á expiración do prazo convido. DÉCIMA.- O presente Convenio poderá resolverse por denuncia de calquera das partes mediante aviso previo comunicado de maneira que faga fe con, polo menos, seis meses de antelación á data de resolución proposta. No caso de existir algún Convenio Específico vixente ó abeiro deste Convenio Marco, o dereito de denuncia non poderá exercitarse en tanto non se arbitre a fórmula de resolución dos citados Convenios Específicos. E como proba de conformidade asinan o presente Convenio, en tódalas súas follas, no lugar e data indicados ó principio. POLA EXCMA. DEPUTACIÓN POLA CONSELLERÍA DE PESCA, PROVINCIAL DE PONTEVEDRA MARISQUEO E ACUICULTURA Asdo.: Manuel Abeledo López Asdo.: Juan Caamaño Cebreiro ------ Folla: 8,10 4.3902.- BASES REGULADORAS DE AXUDAS PARA O MELLOR APROVEITAMENTO DAS AUGAS DESTINADAS Á REGA DE CULTIVOS Sr. Presidente.- Pasamos polo tanto ó debate do terceiro punto da orde do día, "Bases reguladoras de axudas para o mellor aproveitamento das augas destinadas a rego de cultivos". ¿Alguna intervención?. Gracias, pasamos a súa votación. ¿Votos en contra?, ¿abstencións?, ¿votos a favor?. Apróbanse por unanimidade as "Bases reguladoras de axudas para o mellor aproveitamento das augas destinadas a rego de cultivos". Visto o informe do Sr. Enxeñeiro Director do Servicio Agrario, o informe da Intervención e o dictame da Comisión Informativa de Agricultura, Gandería, Montes e Industria, o Pleno acorda por unanimidade a aprobación das Bases Reguladoras de axudas para o mellor aproveitamento das aguas destinadas a rego de cultivos. BASES REGULADORAS DE AXUDAS PARA O MELLOR APROVEITAMENTO DAS AUGAS DESTINADAS Á REGO DE CULTIVOS OBXECTIVO DA CONVOCATORIA Con obxecto de mellora-los recursos hídricos destinados á rega de cultivos da provincia de Pontevedra e dado que os regadíos existentes presentan, en moitos casos, grandes deficiencias nas súas conduccións, así como as instalacións de rega de cultivos baixo plásticos en horta e flor, a Deputación establece as presentes BASES para defini-lo conxunto de condicións e mailo proceso a seguir para a concesión de axudas económicas que esta outorgue, de acordo coas consignacións dispoñibles no Presuposto vixente, cunha contía inicial de VINTE MILLÓNS DE PESETAS (20.000.000), con cargo á partida 711.711.789.00 BASES PRIMEIRA.- Neste programa outórganse axudas económicas ata un total inicial de VINTE MILLÓNS DE PESETAS (20.000.000), quedando facultado o Ilmo. Sr. Presidente desta Deputación para a súa concesión, previo informe da Comisión de Agricultura e Gandería. SEGUNDA.- Os modelos de impresos facilitaránselles ós interesados nos seus respectivos Concellos e máis no Servicio Agrario da Deputación Provincial. As instancias dirixiranse ó Ilmo. Sr. Presidente da Deputación achegándolle a seguinte documentación: A) Para o establecemento de pequenos regadíos e mellora dos existentes, renovación ou mellora de instalación de rega en cultivos baixo abrigo. 1) Esbozo coutado das obras a realizar e a situación dos mesmos. 2) Presuposto dos materiais a empregar. 3) Presuposto total das obras. 4) Fotocopia do rateo de augas, de existi-lo mesmo en pequenos regadíos e mellora dos existentes. 5) Acordo dos beneficiarios do regadío para realiza-las obras en pequenos regadíos e mellora dos existentes. 6) Declaración xurada de que non solicitaron ou percibiron para o mesmo investimento, axuda doutros organismos oficiais. TERCEIRA.- As solicitudes para as zonas de montaña, interior e Miño que non obteñan axudas económicas das establecidas no Real Decreto 204/1996, de 6 de febreiro de 1996, encadradas na liña de axuda e).- Investimentos colectivos, poderán acollerse ás axudas que se contemplan nas presentes Bases. No caso de que non tivesen subvención a teor do Real Decreto e fosen auxiliadas economicamente pola Deputación, a contía da axuda concedida polo MAP e maila Deputación non poderá pasar de 1.205.000 ptas./H. a transformada en regadío ou de regadío mellorado. CUARTA.-Unha vez que estudie as solicitudes a Comisión de Agricultura e que o Ilmo. Sr. Presidente ou órgano competente desta Deputación as aprobe, comunicaráselles ós interesados a resolución recaída. QUINTA.- O importe das axudas acadará, como máximo, o custo dos materiais, e máis elementos auxiliares a empregar na obra, non pasando, en ningún caso, o 50% do presuposto total das obras. SEXTA.- O pagamento da axuda económica realizarase unha vez rematada a obra de mellora do regadío e das instalacións, mediante un escrito do solicitante que se dirixirá ó Servicio Agrario, comunicando a finalización das mesmas, así como unha certificación do Técnico do Servicio Agrario na que conste que as obras e as instalacións se levaron a cabo de acordo co expediente de axuda concedida e o prazo de execución, que se entende desde a data de notificación deica ó 20 de decembro do exercicio presente. SÉTIMA.- Cando o presuposto da obra e das instalacións a realizar fose superior a 1.000.000 (un millón) de pesetas, a Presidencia poderá autorizar e dispo-lo pagamento fraccionado, tal como se establece na Base anterior. OITAVA.- Estimaranse como criterios de selección das peticións para a concesión das axudas destinadas ó establecemento de pequenos regadíos e melloras dos existentes os seguintes: a) Terán prioridade para as ditas axudas as que se solicitan para zonas non incluídas en zona de montaña, interior e Miño, achegándolles un mapa das devanditas zonas e máis unha relación dos Concellos incluídas nas mesmas. b) O número de veciños ós que lles afecten as obras que se pretenden facer e o grado de desenvolvemento da bisbarra. c) O importe das obras. d) A superficie a regar. e) O interese económico e social dos cultivos. f) Remate do regadío, de se estar executando por fases e se se realizou algunha delas. NOVENA.- Desde o Servicio Agrario enviaráselle á Delegación Provincial da Consellería de Agricultura a relación dos beneficiarios e maila contía da axuda concedida. DÉCIMA.- Os beneficiarios comprométense, como contraprestación da axuda recibida, a prestaren unha estreita colaboración co Servicio Agrario desta Deputación durante a realización das obras. Ó mesmo tempo faranse responsables da conservación das mesmas, así co mo da limpeza das canles de rega, por un período mínimo de cinco anos, baixo o apercibimento de reintegro da axuda, ínstaselles a que se constitúan en Comunidade de Regantes, para o que, no seu caso, poderían solicita-la axuda da Deputación Provincial. DÉCIMOPRIMEIRA.- Concédese un prazo de trinta días hábiles a partir da publicación destas Bases no Boletín Oficial da Provincia, para presenta-las solicitudes correspondentes. DÉCIMOSEGUNDA.- No caso de que cando se peche o prazo de presentación de solicitudes lle falte ó solicitante parte da documentación, concederáselle 10 (DEZ) días máis para completa-la mesma; transcorrido este prazo as solicitudes incompletas daranse de baixa. DÉCIMOTERCEIRA.- Se por causas de forza maior as obras de pequenos regadíos e mellora dos existentes iniciadas non puidesen rematar dentro do ano, o solicitante deberá pedir por escrito a prórroga oportuna pra acaba-las mesmas, que non deberán pasar do mes de setembro do vindeiro ano. As melloras de rega e instalacións de cultivos baixo abrigo acabaranse no ano. RECLAMACIÓNS.- Dento dos oito días seguintes ó da publicación deste anuncio no Boletín Oficial da Provincia poderán interporse reclamacións contra as Bases. ------ Folla: 10,12 5.3903.- INCLUSIÓN DA ESTRADA PO-7005 MEIXUEIRO - CUVI NA REDE PRIMARIA PROVINCIAL, SOLICITADA POLO EXCMO. CONCELLO DE VIGO Sr. Presidente.- Punto cuarto da orde do día, "Inclusión da estrada PO-7005 Meixueiro-CUVI na Rede Primaria Provincial, solicitada polo Excmo. Concello de Vigo". ¿Algunha intervención?. Ten a palabra o Sr. D. Emilio Alvarez, perdón Emilio, no se por qué se me escapa lo de Alvarez, Emilio González, debe ser por la obsesión que tenemos con el grupo que estamos viviendo. Sr. González Iglesias.- Enténdoo perfectamente Presidente. Vamos a ver, loxicamente o Grupo Socialista está de acordo, está de acordo porque xa no Concello de Vigo aprobouse por unanimidade esta petición e está de acordo porque entendemos que a carretera pola súa importancia debe estar nesta Rede Primaria, pero, home, a un lle escapan as ganas de dici-lo que pensa, e as ganas de dici-lo que pensa é que esta Institución sigue funcionando a salto de mata. O día 23 de febreiro, é dicir, hai dous meses e uns días, aprobouse cos votos a favor do Grupo Popular a Rede Primaria Provincial, argumentaban vostedes que era un estudio serio, riguroso, feito con tódalas bendicións técnicas por parte de funcionarios desta casa e que era o que había que levar. Recordo que foi un punto que foi fóra da orde do día na Comisión Informativa no seu día, solicitamos que quedara sobre a mesa para mellor estudio, veu ó Pleno tamén, sigo pensando que de mala maneira, seguimos argumentando que o que había que facer de verdade e o que hai que facer de verdade é un Plan Provincial de Carreteras e a partir de aí asigna-las prioridades e as categorías desa Rede, pero bueno, vostedes como sempre dicían que nós estabamos en contra polo mero feito de se-la oposición sen ningún tipo de razón, pois mire, a razón se nos dá dous meses despois, é dicir, dous meses despois danse conta, non se dan conta vostedes, evidentemente, é dicir, danse con técnicos do Concello de Vigo que coas características aprobadas por vostedes había que introducir unha carretera provincial, concretamente a carretera provincial 7005 Meixueiro-CUVI, entón parece absurdo, parece absurdo que ese gran estudio tan tremendamente ben feito resulta que, eran 16 carreteras as que se metían, bueno, pois de 16 se lles escapa unha, que sepamos por agora, eso nos vén a da-la razón, onde non había ningún tipo de estudio, seguimos pensando que o que había era unha presión política de parte de determinados Alcaldes e Deputados Provinciais do Partido Popular e en función deso fíxose a Rede Primaria, non en función de criterios técnicos porque senón ós dous meses non habería que vir a incluir unha carretera máis. E curiosamente nesta proposta, na proposta da Comisión e no mesmo informe técnico, en ningún momento se disculpan vostedes nin os técnicos desta Institución dicindo que, polo menos dicindo que tiveran un olvido, polo menos dicindo eso, pois nin sequera eso, se trae, a ver se cola, non dicimos nada e demais. Nada máis. Sr. Presidente.- Gracias D. Emilio. Ten a palabra o Sr. Mosquera. Sr. Mosquera Lorenzo.- Moitas gracias Sr. Presidente. Mire, eu o que se me está pasando pola cabeza é máis serio que facer con esta Institución tal como están as cousas, é que tomemos un acordo pedindo a súa disolución, e o digo con toda a seriedade do mundo, desde logo se temos que reunirnos aquí nun Pleno solemne para falar dun Convenio Marco que é unha declaración de intencións que non ten nada; para falar dunhas bases reguladoras que son 20.000.000 millóns que non chegan para nada, que antes non había, que agora hai, despois deixaba de haber, que non se sabe que política se sigue nesto; e agora para demostrar que nin funcionan os servicios técnicos nin cando nos venden que hai un estudio sobre a Rede Primaria non hai tal estudio senón que hai 16, como podían ser outras 16 diferentes, é algo así a bulto e lle cadraba, e agora nos teñen que traer, e todo esto que viña ó Pleno, todo esto, eu creo que é unha demostración dun valeiro político, dunha atonía tan absoluta desta Institución que podíamos seguir facendo o relatorio tan largo que é tal, e á parte e que a nós, digamos, que ó fin e ó cabo somos oposición e non temos culpa da situación de funcionamento desta Institución, e nun punto destos que facemos, ¿votamos a favor?, si, está ben que entre na Primaria, vale, e que é tal chapuza todo, tan soberana que bueno, é unha cousa, dá unha sensación, de verdade, dun mal corpo de dicir, bueno, que pintamos aquí, votar que, se metemos esa que xa debía estar de entrada cando as outras nin tan sequera supemos os criterios polos que entraron, etc., etc. Esto de verdade eu creo que debe de levar a unha reflexión ó grupo de goberno, Sr. Presidente, de que hai que botar a andar mentras exista polo menos esta Institución, de que teña uns obxectivos claros e que teña un rigor de funcionamento que nestes momentos desde logo, desde logo, non se ven nin os obxectivos claros, nin a política definida, nin o rigor do funcionamento, non se ven absolutamente por ningún lado e creo que o que pasa con este punto como con todo o Pleno, quitando xa digo, o que veu fóra da orde do día, desde logo demostra ... por ningún lado, máis ben demostra todo o contrario. Moitas gracias, vamos a votar a favor pero xa digo, daquela maneira, como nos outros puntos, daquela maneira, que é, bueno, vale, moitas gracias. Sr. Presidente.- Gracias Sr. Mosquera. Ten a palabra o Sr. Tirado. Sr. Tirado Serén.- Ben, como eu nese día foi o que me correspondeu defender pois tanto a redacción da ordenanza como a clasificación das vías en primarias e secundarias, pois pódolle dicir a D. Emilio que unha cousa non quita a outra, que o feito de que a clasificación ou o traballo fose riguroso ou non riguroso non impide que hoxe haxa que incluir esta porque a petición do Concello de Vigo e como alegación precisamente inclue, pideu a inclusión desta vía, a vía na que efectivamente pois existen os criterios que se fixaban que eran pois, alta densidade, é dicir, condicións xeométricas en canto á anchura, en canto ó estado do pavimento, para que aquela vía fose clasificada como primaria, hoxe son esas e mañá a pesar de estar clasificadas xa se deixou aberto, que se pode mañá, pasado, no futuro, clasificarse outras vías que hoxe están clasificadas como de rede secundaria pasarán a ser de primaria no momento que cumpran as condicións que se marcaban alí, por eso cando Mosquera di que non, que criterios utilizaron, que non se deron, e tal, pois efectivamente, os criterios déronse cando se clasificou, e os criterios eran esos, eran precisamente polo seu estado, pola súa traza xeométrica e pola súa densidade de tráfico o permitían, e unha cousa non quita a outra, hoxe digo, introdúcese esa e mañá pode introducirse outra sen que eso queira dicir que o estudio previo non che é riguroso nin che é ponderado. Sr. Presidente.- Moitas gracias Sr. Tirado. Ten a palabra o Sr. Mosquera. Sr. Mosquera Lorenzo.- Soamente dúas precisións. Primeiro, que nós pedimos cando veu a primeira vez que se consultara ós Concellos e non se fixo, si se houbera consultado igual saía algo máis riguroso, porque por desgracia neste caso, digo eu, que é evidente que si temos uns servicios técnicos tan brillantes nesta casa, que eu non dubido deles, pois deixen en evidencia porque aínda non coñecen as carreteras ou se lles pasan lapsus tremendos, ou o que é máis real, non foi feito con eses criterios, algo parecido a uns criterios houbo pero en fin, non foi feito así nin houbo tal estudio riguroso porque eu non creo que sexan tan, digamos, despistados os técnicos desta casa para darse conta de que carreteras provinciais hai e como se clasifican, pero xa digo, eu creo que é un tema que non merece nin tan sequera moitas máis voltas porque, estamos dando voltas por que, porque é que non hai nada no Pleno pero non merecen nin eso, creo que é unha demostración máis de como funciona esta casa e punto, non hai nada máis, o resto é moela. Sr. Presidente.- Gracias Sr. Mosquera. Ten a palabra o Sr. D. Emilio González. Sr. González Iglesias.- Sr. Tirado, vostede ten a virtude cando intervén de rematala, pero de rematala ó revés. Vamos a ver, ninguén nesta casa pode dicir que as condicións desa carretera, a carretera CUVI-Meixueiro cambiaran absolutamente nada, bueno, en todo caso os baches os están facendo que hai que empezar a mantela xa, máis a menudo, pero nada máis, é dicir, nin na súa xeometría, nada, absolutamente nada cambiou, entón vostede o que ten que dicir en vez de dicirnos aí, adornarnos a intervención, dicir, mire, nos equivocamos, o Grupo Popular se equivocou, pide disculpas, presenta este tema, se aproba e punto, porque non variou para nada en dous meses, e sigo dicindo, se non variou para nada en dous meses a tipoloxía da carretera, o estudio estaba mal feito ou non había estudio, había presións, e nada máis. Sr. Presidente.- Bien. Gracias Sr. D. Emilio González. Eu soamente quería terminar este tema dicindo e confirmando que efectivamente pudo haber unha equivocación, pudo habela, indudablemente, ¿quen é o que non se equivoca?, o que si lle quería dicir ó Sr. Mosquera é que efectivamente se seguiron estes criterios, os criterios que expuxo o Sr. Tirado e que no seu momento se expuxeron aquí foron os criterios que se seguiron para clasifica-la Rede Primaria, a Rede Secundaria, e indudablemente esa carretera nadie discute que tiña que estar xa incluída, en fin, podemos aceptar que neste caso nos equivocamos como posiblemente nos equivoquemos en moitos máis, pero creo que tampouco é tan grave como para poñe-lo grito no ceo neste sentido por esta sóa razón, penso eu. E dito esto procedemos a súa votación. ¿Votos en contra?, ¿abstencións?, ¿votos a favor?. Apróbase por unanimidade a inclusión desta carretera na Rede Provincial. Visto o acordo plenario de 23-02-96, polo que se determinaba a "Rede Primaria Provincial", así como os criterios que debe reunir unha estrada provincial para a súa inclusión en dita Rede Primaria; visto o acordo plenario do Excmo. Concello de Vigo, adoptado en sesión celebrada o 12-03-96, polo que se solicitaba á Deputación Provincial de Pontevedra a inclusión da "Estrada PO-7005 Meixueiro - CUVI" na Rede Primaria Provincial; visto o informe favorable emitido polo Sr. Enxeñeiro Xefe de Vías e Obras; e, visto o dictame favorable da Comisión Informativa de Vías e Obras celebrada o 17 dos correntes, o Pleno da Corporación acorda por unanimidade acceder ó solicitado polo Pleno do Excmo. Concello de Vigo e incluir na Rede Primaria Provincial a "Estrada PO-7005 MEIXUEIRO - CUVI", por concurrir nela os supostos establecidos para a súa integración en dita rede. ------ Folla: 12 6.3904.- COMUNICACIÓNS Sr. Presidente.- Comunicacións. Ten a palabra o Sr. Vicesecretario da Institución. Sr. Secretario.- Dar cuenta de los extractos de las Resoluciones Presidenciales dictadas entre o 25 de marzo e o 20 de abril de 1996. Sr. Presidente.- Gracias. Queda enterado o Pleno de extractos de Resolucións Presidenciais dictadas entre o 25 de marzo e o 20 de abril de 1996. FÓRA DA ORDE DO DÍA ------ Folla: 12,14 7.3905.- MOCIÓN DO BNG SOBRE A IMPLANTACIÓN DA LOXSE E A REDE DE CENTROS EDUCATIVOS Sr. Presidente.- Fóra da orde do día á parte da moción que xa debatimos hai unha nova moción do Bloque Nacionalista Galego sobre a implantación da Loxse e da Rede de Centros Educativos. Eu quería aclarar antes de proceder á votación de urxencia a postura do Grupo Popular neste caso. Consideramos que neste momento é un problema que está afectando a todo o Estado e dunha forma moi importante, quizais máis importante, sin duda máis importante a Galicia polas súas características de diseminación da poboación, etc., etc. Neste sentido somos coñecedores todos que a Consellería de Educación está, diríamos, estudiando novamente o tema e ante as dificultades de poñer en práctica a rede de centros na realidade non é o mesmo que poñe-la rede de centros en marcha nun despacho e polo tanto, vista a realidade e os problemas, neste momento teño entendido que a mesma Consellería está estudiando con máis profundidade o tema. Neste sentido pensamos que o lóxico sería que esta moción pasase pola Comisión Informativa para que se poida discutir máis e para que se poida ter, diríamos, máis criterios desde o punto de vista da Xunta de Galicia, por eso o Grupo Popular non vai vota-la urxencia para que siga esta moción o trámite regulamentario. Procedemos á votación da urxencia, perdón. Pido disculpas porque loxicamente debería se-lo poñente o primeiro en expoñela, en fin, Sr. Chillón. Sr. Chillón Iglesias.- Bueno, bós días. Na liña que comentaba o noso portavoz, digo César, realmente non é que, xa temos plantexado máis veces aquí, os novos nesta casa, e o proceso que levamos neste case ano que imos a cumprir, é que hai un tono realmente de decepción e de vaciedade nesta Institución que como ben comentaba hai unha total falta, digo, de contido político, hai unha duplicidade de funcións e hai unha liña, non vou ser, digo descalificador pero si un pouco de reparto como temos comentado dos poucos ou dos moitos fondos, ben chamados ou mal chamados prevendas, pero que realmente esta Institución Provincial non asume con responsabilidade os termos e a problemática social que existe na nosa provincia. O tema no seu día de ensino, como se plantexou aquí un tema tamén relacionado co Concello de Vigo pero relacionado con toda a provincia, que era o tema dos Conservatorios, da súa financiación, por parte do responsable de Cultura que hoxe non se atopa nesta sesión plenaria, vamos, quero dicir, que non vou facer ningunha referencia, e por parte desta Presidencia comentárase sobre diferentes xestións que se ían realizar diante da Xunta de Galicia, neste caso da Consellería pertinente, as respostas nin foron satisfactorias, é que non existiron como tales. Eu témome moito que esta moción en si cando si é certa a complexidade do tema, da rede de centros, da implantación da LOXSE e demais e que si existe problemática noutras áreas do Estado español, pero que non existe nin vontade política e o que existe si é unha intencionalidade de política na privatización do ensino, e neste cao incluso inhibíndose completamente das propias características e peculiaridades da nosa xeografía. O tema de Alvarez que non quero remover, pero si, é un tema máis digo, na medida en que esta Institución si acaba de aprobar unha moción consensuada no sentido de solidarizarse con este colectivo e de garantir ou de intentar garantir neste caso a viabilidade e ese aval tan necesario, non quero facer unha referencia digo xeográfica, comarcal nin local pero nós alí no Morrazo temos, estamos a sufrir unha crise moi grande e temos un caso moi parecido e que estamos inda a sufrir e que case pois estamos a celebra-lo funeral, intentaremos non facelo que é o caso de Massó, eu miro no caso de Alvarez, como miro no caso do ensino, como miro no caso do Conservatorio, é dicir, que hai uns pronunciamentos políticos pero que realmente na realidade quedan simplemente en, pois eso, en aprobacións, en boas palabras, en boas intencións pero que como tal, nós como Institución Provincial e se estamos nesta liña de coordinación coa propia Xunta, noutros aspectos estamos a través de convenios, a través pois de cofinanciación e demais, temos que implicarnos dunha forma moito máis directa, está claro que non desde un punto de vista económico pero si que esta Institución que vaia ós sitios, que se poña ó lado dos problemas e que realmente esté presente e participe dos mesmos, e que non quede nunha simple referencia, nunha simple formalidade. Entón, personalmente e a nivel de grupo provincial pois está claro que houbo xá un prazo de alegacións, houbo xa as súas respostas pero, se vai quedar simplemente no pronunciamento en sí pois case é igual agora nesta sesión como na próxima, o que si quero é que esta Institución tome partido e que vaia a onde teña que ir, neste caso cos problemas e que intente resolvelos pero que de respostas, e que esté ó lado dos problemas e que non estemos simplemente aquí pois facendo unha formalidade pero vacía de contido e vacía de intención e de vontade política que realmente temos que ter. Sr. Presidente.- Gracias Sr. Chillón. Eu pódolle dicir como Presidente desta Institución, piso máis do que vostede pode creer a Xunta de Galicia, e indudablemente eu informei das miñas xestións sobre o tema de Conservatorios e móvome pola COTOP na medida do posible para mellorar, o cal é a miña obriga neste caso como Presidente de todos neste caso e desta Deputación para traer fondos para Pontevedra, fago o que podo e pódolle dicir que personalmente fago neste sentido tódalas xestións posibles, unhas poden ter unha resposta satisfactoria, outras poden ser que non, pero o que lle garantizo é que efectivamente por parte desta Presidencia e por parte dalgúns dos Vicepresidentes se están facendo xestións, neste sentido benvidas sexan tódalas iniciativas que propón calquera dos grupos porque en liñas xerais, en liñas xerais as necesidades son tan evidentes que as vexa o Grupo Socialista, véxaas o Bloque Nacionalista Galego, o PP tamén as ve, eso é indiscutible, o que pasa que moitas veces pois non se ten a resposta nin do Ministerio, nin da Administración Central que tamén se fixeron xestións persoais en temas por parte desta Presidencia, como na Xunta non se teñen as respostas positivas que moitas veces se esperan, pero bueno, algo estase logrando e indudablemente por ese camiño se seguirá mentras, desde logo, eu estea nesta Presidencia. Gracias. En todo caso procedemos. Sr. Chillón Iglesias.- Ben, neste caso acéptase a súa valoración pero quero dicir, o dano está feito, xa nese aspecto relacionado coa moción en si o dano está feito porque si houbo unha irresponsabilidade por parte da Consellería e por parte da Xunta que neste caso algunhas outras din, din que din, non sei que realidade ata que punto é certo, que houbo aquela famosa, xa temos comentado aquí varias veces, a famosa coordinación Xunta-Deputación se se escacharrou parece ser que tamén nalgunha outra provincia onde esta problemática incidía de forma moito máis grave tamén houbo, indirectamente, parece ser, pois algunha implicación, quero dicir, o dano está feito, quero dicir no sentido en que se favoreceu ó ensino privado en detrimento do ensino público pois, o permiti-la impartición neste caso da famosa Educación Secundaria Obrigatoria nos propios centros privados mentras que nos ensinos públicos se dividía, fora que fose xustificada ou non, e despois que esta cuestión incluso ben foi dada no momento punto ou clave que era no período de matriculación que mentras, pois eso, que o Ensino Privado sabía perfectamente que podía coller, o ensino público sigue hoxe inda nunha total provisionalidade que non sabemos, pois eso, se se vai a rectificar ou a corrixir, estase sobre eso como ben comentaba agora a Presidencia. O dano está feito, entón quero dicir desde esta Institución Provincial pois na medida, quero dicir, que fai un deterioro neste caso do ensino xeral e do ensino público, pois teríamos que participar e teríamos que estar aí, pero bueno, queda para o próximo Pleno. Sr. Presidente.- Moitas gracias Sr. Chillón. Procedemos entón á votación da urxencia desta moción. ¿Votos?. Una vez se enciende y no quiere hablar, y otra vez no se enciende, como en este caso, y quiere hablar, no es culpa de la Presidencia si no que es culpa de los instrumentos que fallan cuando menos pensamos. Sr. González Iglesias.- Se os poñentes aceptan que queden para o próximo Pleno non hai votación da urxencia, entendo eu. Sr. Presidente.- Moitas gracias. Retiramos entón a moción e deixámola para o próximo Pleno, dá o mesmo, ó final é o mesmo, moitas gracias. ¿Está de acordo, Sr. Chillón?. Sr. Chillón Iglesias.- É unha retirada a tempo porque se van votar en contra tampouco. Sr. Presidente.- De acordo, queda para o próximo Pleno. Moitas gracias. Non hai máis mocións. Retírase Moción presentada polo BNG en relación coa "Implantación da LOGSE e a Rede de Centros Educativos". ------ Folla: 14,19 8.3906.- MOCIÓN PRESENTADA POLA DEPUTADA PROVINCIAL, DONA ANA GANDÓN MENDUÍÑA, EN RELACIÓN CO CARTEL ANUNCIADOR DA "FESTA DA CARNE Ó CALDEIRO" DO CONCELLO DE DOZÓN Sr. Presidente.- Pasamos entón ó último punto da orde do día, "Rogos e Preguntas". Ten a palabra a Srª. Dona Ana Gandón. Srª. Gandón Menduíña.- Eu quero presentar unha moción de urxencia, oral, claro, de dous puntos, moi breve, e é referida esto, creo que abrevio, non, unha fotocopia de algo que apareceu hoxe no "Faro de Vigo", alude a un cartel anunciador do que é responsable o Alcalde dun Concello presente membro desta Corporación, e como creo que é un cartel que na miña opinión e a de tódalas mulleres coas que levo falado no día de hoxe que o viron, absolutamente ofensivo para as mulleres, absolutamente ofensivo para as mulleres, agradecíalle Presidente que lle recomendara ós seus compañeiros de partido que gardaran a compostura mentras falamos deste tema, pois entón como se dá a circunstancia de que ese cartel foi a tenor dunha denuncia de mulleres do Deza do BNG e que chegou ó Servicio de Igualdade de Promoción da Muller, do Home e da Muller, como vostedes saben, organismo dependente da Xunta de Galicia e nada sospeitoso de feminismo radical nin nada semellante, e ese organismo coincidindo con nós considera que ese cartel é ofensivo e denigrante para as mulleres e esixe a súa retirada e posto que o Alcalde de Dozón aquí desgraciadamente sentado a miña beira di que non o vai retirar, eu propoño unha moción á Corporación para que por unha parte exprese claramente o seu rexeitamento a este tipo de publicidade denigrante para as mulleres, e en segundo lugar se sume a esixencia do Servicio Galego de Promoción da Igualdade do Home e da Muller da Xunta de Galicia para que o Alcalde de Dozón ordene retirar eses carteis, e ó mesmo tempo e xa fóra da moción, lle agradecería Sr. Presidente que lle pedira, insisto, ós membros da Corporación do seu partido sentados enfrente de min, que como mínimo tiveran a mesma actitude que cando se trataron outros temas, non vaia ser que as mulleres votantes do PP crean que tódolos homes do PP teñen a mesma posición que o Alcalde de Dozón. Sr. Presidente.- Ten a palabra a Srª. Dona Ramona Castaño. Srª. Castaño López.- Ben, bueno, eu traio tamén un rogo sobre este tema do cartel anunciador da Festa da Carne ó Caldeiro me parece que é, o Grupo Socialista quere manifesta-la nosa máis profunda repulsa pola falta de respeto e sensibilidade hacia os temas da muller, a tristeza de que se utilice con tanta baixeza e chabacanería na publicidade que patrocina unha Institución ademais, que debería defender ás mulleres, e rogo que se traslada a queixa ó Excmo. Concello correspondente ante tan tamaña barbaridade e que esperamos que a Excma. Deputación non colabore en ningún momento, nin monetariamente nin doutro xeito na utilización tan negativa destes temas de muller. E só nos faltaba por último, xa un pouco en plan de chiste, las vacas locas inglesas y la vaca de Dozón, ¿e que máis?. Sr. Presidente.- Moitas gracias Srª. Ramona Castaño. Ten a palabra o Sr. D. Adolfo Campos. Sr. Campos Panadeiros.- Eu lamento que esta redacción destes carteis, que eu descoñecía, efectivamente, porque hai unha organización dentro, como todos coñecedes moi ben, hai unha organización en todos estes tipos de festas, eu descoñecía ata onte, que ás doce cheguei de Lugo, dunha reunión de Lugo e descoñecía estos temas, tal cal foron ... cando eu chamei, notifiquei e estiven co artista dos carteis que fai esta redacción, non me metín moito nos temas de ver ese cartel tan ofensivo, eu lamento de verdade, son descoñecedor do tema, el contestoume de que fora motivo a ver, que habíamos perdido bastante consumo, por así dicilo, baixou o consumo da carne de terneira polo tema das vacas locas, da carne en mal estado, e onde nós pretendíamos e pretendemos, por suposto, animar un pouco a xente a comer esta rica carne nesa feira que me toca a mín de presidir. É certo que vostedes .... como así son os molestos porque desde o principio ó final son as primeiras queixas que estou escoitando e invítolles a que veñan a tomar un trozo de carne rica por se vostedes neso non a logran como a nosa. Moitas gracias. Srª. Avendaño Otero.- Eu realmente sinto que o consumo de carne baixara porque realmente comprendo que hai un gran sector detrás que tamén se pode sentir, pois, moi agobiado en temas monetarios, pero o que me parece denigrante é que se utilicen os peitos dunha muller e todos, digamos, indicativos sexuais para promocionalo, paréceme denigrante e asqueroso. Sr. Presidente.- Gracias Srª. Avendaño Otero. Ten a palabra o número sete, por favor, Ana Gandón. Srª. Gandón Menduíña.- A intervención do Alcalde aludido non só non aclara nada senón que por enriba pois se ve perfectamente que lle trae sen coidado, ¿non?. Eu quería repeti-los dous puntos da miña moción porque a min realmente tampouco me interesa nada a opinión do Sr. Alcalde de Dozón, absolutamente nada, eu o que quero é que se retiren eses carteis, que se retiren eses carteis porque agora estamos falando de dignidade pero podemos falar de legalidade, existe unha Lei de Publicidade e existen varios artigos da Constitución que din de forma directa ou indirecta, e no caso da Lei de Publicidade directa, de que non se pode facer ese tipo de publicidade, e hai responsabilidades penais incluso, eu non sei se haberá que chegar a ese extremo ou non pero a min o que si me gustaría é que quedara claro que esta Corporación, que esta Deputación, non asume ese tipo de cuestións e que como ademais o teñen vostedes moi fácil porque a propia Xunta de Galicia, o Servicio Galego de Promoción de Igualdade do Home e da Muller que dirixe Carmen Bianchi, como vós ben saben, acaban de publicamente dici-lo mesmo que estamos dicindo nós agora e de esixi-la retirada deses carteis, polo tanto a moción que propoñemos é que o Pleno da Deputación expresa con claridade o rechazo dese tipo de publicidade e que se sume a ese plantexamento do Servicio Galego de Promoción de Igualdade, e me sumo ó que acaba de propoñe-la representante, a compañeira do PSOE, Ramona Castaño, e se a ela lle parece ben podería se-lo terceiro punto da moción, que se esto non sucede e se a Deputación ten algún tipo de subvención prevista, ou acordada, ou estipulada para esa festa que, non sei si se suspenda pero polo menos que quede pendente ata que non se teña comunicación formal e real de que eses carteis son retirados, só faltaría que con diñeiro público, tamén das mulleres, foramos a subvencionar animaladas deste tipo. Srª. Castaño López.- Si, eu quería dicir que o Grupo do Partido Socialista Obreiro Español está completamente de acordo con eso e de esixi-lo compromiso ó Presidente desta Excma. Deputación de que non colabore nestas barbaridades. Moitas gracias. Sr. Presidente.- Moitisimas gracias e propoño como Presidente desta Institución, que esto non vaia por vía de moción, vaia por vía de rogo e por unanimidade propoñer que o Sr. Alcalde de Dozón, perdón, por unanimidade é a proposta que fai a Presidencia, por unanimidade dos grupos parlamentarios debía pedir ó Sr. Alcalde de Dozón que retire este cartel que efectivamente non consideramos acertado tal como el mesmo expuxo e que eu en principio quero entender que o Sr. Deputado, ó mesmo tempo Alcalde de Dozón, non tivo nada que ver neste tema, indudablemente o artista pois fixo o que fixo, non estamos a favor porque indudablemente entendemos que vulnera a dignidade neste caso da muller, entón eu, igual que fixemos no primeiro punto, aínda que indudablemente este entendo é menos grave, pois acordar facerlle unha proposta ó Sr. Alcalde para que retire este anuncio, este cartel que promociona as festas. Srª. Gandón Menduíña.- En primeiro lugar que as ... do Alcalde de Dozón agora si vale senón sometería a moción a votación. Sr. Presidente.- Perdón. Srª. Gandón Menduíña.- Que no caso de que o Alcalde de Dozón aquí presente dixera agora que si que por min vale, senón que plantexaría a moción para a súa votación, claro. Srª. Castaño López.- Eu pediría tamén xa dado que onte saiu na televisión de Galicia, que tamén haxa unha especie de disculpa pública a tódalas mulleres galegas por esta situación, e ademais pediría o compromiso da Deputación de que non se dea ningunha subvención para esta actividade senón se piden disculpas publicamente. Sr. Campos Panadeiros.- En todo caso, Sres., Sr. Presidente, en todo caso debemos entender de que a culpa, a culpabilidade non é nin moito menos do Alcalde nin tampouco da organización do Concello, é un tema que debíamos, debían de, o Bloque Nacionalista Galego debía de pensar de que é unha redacción dun artista, nós só facemos pagar a un artista e se se meteu a pata, se é que hai unha metedura de pata debemos de creelo de que é, simple e soamente dun señor que se dedica a pintar. Gracias. Srª. Castaño López.- Perdón, pero eu creo entender que calquera persoa pode facer unha barbaridade manifesta e ter que cobrar por ela, eu penso que tamén hai unhas responsabilidades como persoas, no último caso o Concello é o encargado desta festa co cal eu creo que ten que valorar moi moito o que se pon nos carteis e sobre todo o que un artista poida facer a súa idea sobre un cartel pero non neste sentido, e que me digan que porque faga unha barbaridade se lle pague, pois entón apañados vamos. Sr. Presidente.- Bueno, vamos a ver. Eu creo que a Institución como tal Institución debe, efectivamente, posto que esto está así e todos estamos de acordo en que este cartel, independentemente das responsabilidades que posiblemente, repito, eu quero entendelo así e creo así, que o Alcalde non tivo nada que ver neste caso senón que foi o artista, bueno, esto pode ser así, eu xa para saír do impass, para saír do impass eu rogaría, me parece que é suficiente, me parece que é suficiente que a Corporación, por unanimidade, propoña ó Sr. Alcalde de Dozón a retirada dese cartel anunciador das festas da carne o caldeiro. Pido neste caso si é posible a unanimidade. Srª. Castaño López.- Sr. Presidente, eu pediríalle que nos respetase tanto como ós homes e non defendese algo que é indefendible. Eu entendo perfectamente que, claro, haxa que defendelo pero nesta situación e chegado ó extremo que chegamos, a televisión de Galicia sacouno onte no telediario, mañá vamos a saír en Cruzando o Mississippi, seguro, seguro que saímos, entón me parece que merecemos bastante máis que iso, aínda que si estou de acordo co que está dicindo vostede. Sr. Presidente.- Moitas gracias. Se eu digo esto é porque esto é a libertade persoal dun Sr. Alcalde que indudablemente como persoa, un momento, un momento, me dejan terminar, indudablemente, bueno, pero como está aquí presente, está aquí presente a libertade da persoa pode unha cousa ou outra cousa, eu o que quero pensar é que a nosa obriga como Institución posto que non estamos de acordo nadie, nin do Grupo Popular tampouco con este tipo de publicidade de festas, eu creo que o que temos que facer sinceramente, é recomendar ou se que

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

Área de control da descrición