ATOPO
Rexistros actuais: 1.617.386
Obxectos dixitais dispoñibles: 504.649

Fondos

ARQUIVO DO XULGADO DE PAZ DE SILLEDA

Área de identificación

  • Código(s) de referencia ES.GA.36052.AXP.SIL.

  • Título ARQUIVO DO XULGADO DE PAZ DE SILLEDA

  • Data(s) 1871-2002 (Creación) 1871-00-00 - 2002-00-00 (Produción)

  • Volume e soporte 192 libros do rexistro civil e 272 unidades de instalación en soporte papel na súa totalidade, descritos en 1.457 rexistros

Área de contexto

  • Nome do produtor Xulgado de paz de Silleda(1870) Créase o xulgado de paz e o rexistro civil de Silleda no ano 1870, con independencia dos órganos políticos locais que viñan desempeñando estas funcións, integrado na superior estrutura do partido xudicial de Lalín, no que se mantén. Ten un funcionamento continuado ata a actualidade con categoría de xulgado municipal ou xulgado de paz, quedando con categoría de xulgado comarcal dende o ano 1945 ata o 1953.

  • Institución arquivística Arquivo xulgado de paz de Silleda

  • Historia arquivística O arquivo do xulgado sitúase na planta baixa da casa do concello ocupando unha superficie de 55 m2. Nela dispón dunha estantería para o depósito dos fondos documentais, cun total de 42 metros lineais. O proceso de organización dos fondos desenvolveuse no ano 2002, baixo a dirección do Servizo Técnico do Patrimonio Documental, por Victoria Hortas Porto e Iria Jauregui Carrasco.

  • Forma do ingreso Por transferencia directa ó arquivo no remate da súa tramitación administrativa e coincidindo co seu escaso uso administrativo.

Área de contido e estrutura

  • Alcance e contido A documentación conservada, a pesares de non ser moi abundante, recolle as actuacións do xulgado en materia civil, dende 1889, criminal dende 1888 e gobernativa dende 1876, ou de eleccións dende 1955. Está completa a serie dos libros do rexistro civil, tanto de nacementos como de matrimonios e defuncións.

  • Valoración, selección e eliminación A pesares da existencia de manuais e estudos de valoración e expurgo documental, tendo en conta a inexistencia dunha consistente argumentación técnica e legal, ademais da escaseza do fondo xa de por si conservado, a única eliminación levada a cabo foi a dos duplicados, fotocopias ou publicacións periódicas que acompañaban ós documentos e expedientes.

  • Novos ingresos Transferencias incorporadas polo Servicio Técnico do Patrimonio Documental.

  • Organizació

    CADRO DE CLASIFICACIÓN

1. REXISTRO CIVIL

1.1. CORRESPONDENCIA 1874-2001 32
1.2. NACEMENTOS 1871-2002 124
1.3. MATRIMONIOS 1871-2001 78
1.4. DEFUNCIÓNS 1871-2001 95

1.5. EXPEDIENTES DE ADOPCIÓN E RECOÑECEMENTO DE FILLOS 1903-2001 3
1.6. CONSELLO DE FAMILIA 1925-1955 3
1.7. NACIONALIDADE 1928-2001 6

2. XULGADO
2.1. ADMINISTRACIÓN 1874-1993 26
2.2. ASUNTOS CIVÍS 1889-2002 55
2.3. ASUNTOS CRIMINÁIS 1888-1993 48
2.4. ASUNTOS GOBERNATIVOS 1876-2001 46
2.5. ELECCIÓNS 1955-1995 11
2.6. COMUNIDADE DE MONTES 1955-1957 1

Área de condicións de acceso e utilización

  • Condicións que rexen o acceso Documentación de caracter público, de consulta libre agás as limitacións legais derivadas das respectivas normativa vixentes.

  • Condicións de reprodución Reprodución libre a solicitude do interesado, coa excepción da protección documental e da salvagarda da súa integridade.

  • CaracterÍsticas fÍsicas e requirimentos técnicos En soporte papel na súa totalidade, cun bo estado de conservación. Aprécianse notables perdas documentais.

  • Instrumentos de descrición Guía e cadro de clasificación e inventario somero en papel, publicados e informatizados.

Área de documentación

  • Existencia e localización de orixinais Non se coñece a existencia de orixinais fora do arquivo do xulgado de paz.

  • Existencia e localización de copias Non se coñecen, agás naquela documentación derivada dun proceso de colaboración con outras administracións (eleccións, padróns de habitantes... )

  • Unidades de descrición relacionadas Pola realidade administrativa do eido local podería atoparse documentación moi directamente relacionada co xulgado de paz e as súas actividades en arquivos xudiciais de ámbito superior ou doutras administracións do seu contorno xeográfico, especialmente no Arquivo Municipal de Silleda, Arquivo da Deputación Provincial e no Arquivo Histórico Provincial.

Área de notas

  • Nota Polas características propias da Institución, o arquivo do xulgado de paz exerce as funcións de arquivo central administrativo, arquivo intermedio e arquivo histórico.

Puntos de acceso

Área de control da descrición