Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas e corenta e cinco minutos do día quince de marzo do ano dous mil trece, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Crespo Iglesias, Dna. Begoña Estévez Bernárdez, D. Jose Carlos López Campos, D. José Luis Pérez Estévez, Dna. María Pilar Ramallo Vázquez, D. José Nelson Cándido Santos Argibay, D. Alberto Valverde Pérez e D. Jesús Vázquez Almuíña, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. Pablo Baquero Álvarez, D. José María Bello Maneiro, D. Arturo Grandal Vaqueiro, Dna. Marta Iglesias Bueno, D. Severino Reguera Varela, Dna. Ana Isabel Vázquez Reboredo e D. Fernando Guitián Guitián. Da fe do acto D. Carlos Cuadrado Romay, Secretario Xeral, e está presente o Sr. Interventor, D. Antonio Graña Gómez. Non asiste o señor deputado D. José Manuel Figueroa Vila. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.20679.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 8 de marzo do ano 2013. 2.20680.- DEVOLUCIÓN DE GARANTÍAS DEFINITIVAS Devolución de garantía definitiva á empresa Gallega de Mobiliario, S.L. A empresa Gallega de Mobiliario, S.L. (CIF: B- 36.682.276), mediante escrito presentado perante esta Deputación solicitou a devolución dunha fianza constituída para responder dun contrato do que resultou adxudicataria. Resultando que no expediente tramitado ó efecto figuran informes emitidos polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto do contrato. Considerando que o artigo 102. 2 do R.D.L. 3/2011, de 14 de novembro polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. A Xunta de Goberno, en base ós informes favorables que constan nos expedientes e de conformidade có establecido no artigo 102. 2 do R.d.l. 3/2011, de 14 de novembro polo que se aproba o T.R. da Lei de Contratos do Sector Público, acorda por unanimidade a devolución da seguinte garantía: • A garantía definitiva constituída en valores, mediante aval de Banco Popular, por importe de mil novecentos oitenta euros (1.980,00 €), para responder do contrato relativo a: Subministro de diverso material para o edificio anexo ó Pazo Provincial, que foi depositada na Tesourería Provincial o 12/07/2011, segundo mandamento de ingreso con número de operación 201100055589, sendo indispensable para retirala a presentación da carta de pagamento orixinal e o selo da empresa. 3.20681.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA DE “ENSANCHE E MELLORA DA SEGURIDADE VIAL NA E.P. 8501 VALGA-MARTORES, PK 0+000 A 1+040 (VALGA)” CPV45230000. EXPEDIENTE 2013000271 Resultando que a Xunta de Goberno, en sesión de 21/12/2012, prestou aprobación a un convenio de colaboración entre a Deputación Provincial de Pontevedra e o Concello de Valga co obxecto de levar a cabo a execución da obra “Mellora da seguridade vial na E.P.8501 Valga-Martores, PK 0 +000 a 1 +040 (Valga)”, cun orzamento de 375.000,00 €. Resultando que polo mesmo Órgano, en sesión de 22/02/2013, se aprobou o proxecto de “Mellora da seguridade vial na E.P. 8501Valga-Martores, PK 0 +000 a 1 +040 (Valga)”, por importe de 309.917,35 € máis a cantidade de 65.082,65 € correspondente ó IVE, así como o inicio do correspondente expediente de contratación da obra. Resultando que polo Sr. Secretario Xeral se emite informe relativo ó prego de cláusulas administrativas que rexerá na contratación da obra, considerándoo correcto xuridicamente para os fins propostos. Á vista do informe de fiscalización do expediente, emitido por Intervención, Considerando o disposto nos artigos 34.1, f) e i) da Lei 7/85, do 2 de abril, 185 do TRLRHL, do 5 de marzo de 2004, 117 e concordantes do R.d. 2568/86, de 18 de novembro, e a base 16.2 de execución do presuposto, a Xunta de Goberno acorda por unanimidade: Aprobar o expediente de contratación para a adxudicación, mediante procedemento aberto, da obra de “Ensanche e mellora da seguridade vial na E.P. 8501 Valga-Martores, PK 0 +000 A 1 +040 (Valga)” Exp.2013000271. O orzamento deste contrato estímase nun importe de 309.917,35 € máis a cantidade de 65.082,65 € correspondente ó IVE, o que fai un importe total de 375.000,00 €. Así mesmo a Xunta de Goberno acorda: - Autorizar o gasto por importe de 375.000,00 euros, que se financiará con cargo á aplicación 13/456.453-612.02, coas achegas da Deputación Provincial, por importe de 300.000,00 €, e do Concello de Valga, por importe de 75.000,00 € que deberá ingresar na Tesourería da Deputación. - Aprobar os pregos de cláusulas administrativas e de prescricións técnicas que rexerán como Lei fundamental. - Iniciar o procedemento de adxudicación para dita contratación, concedendo un prazo de vinte e seis días naturais para a presentación de proposicións, contados a partir do día seguinte á publicación do anuncio desta contratación no Boletín Oficial da Provincia. Dito prego é como segue: “PREGO DE CLÁUSULAS ECONÓMICO-ADMINISTRATIVAS QUE REXERÁN NA CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “ENSANCHE E MELLORA DA SEGURIDADE VIAL NA E.P. 8501 VALGA-MARTORES (VALGA)” EXPTE. 2013000271). 1. OBXECTO.- Execución da obra de “Ensanche e mellora da seguridade vial na E.P. 8501 Valga-Martores (Valga)”, cuxo proxecto foi aprobado pola Xunta de Goberno de 22/02/2013, ó amparo do convenio subscrito entre a Deputación Provincial de Pontevedra e o Concello de Valga. A súa execución deberá realizarse suxeitándose ós proxectos técnicos que aprobou o órgano de contratación e que integran os documentos enumerados no artigo 123 do Texto Refundido da Lei de Contratos do Sector Público, en adiante TRLCSP, incluído o correspondente estudo de seguridade e saúde. O conxunto de documentos que compoñen os proxectos, considerados como parte integrante deste prego, teñen carácter contractual. 2. ORZAMENTO.- Segundo o anexo I deste prego. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material; comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación Provincial na sesión do 27 de febreiro de 1998. • Gastos referentes á coordinación da seguridade e saúde, 0,50 % do orzamento de execución material. • Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2. Beneficio industrial; aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e os gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais, autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3. FINANCIAMENTO.- A obra financiarase de acordo co estipulado no anexo I. 4. PRAZO DE EXECUCIÓN.- O prazo máximo estimado para a execución das obras, a contar dende o día seguinte ó da sinatura da acta de comprobación do replanteo, salvo que exista razón fundada que impida o seu comezo, estímase no anexo I. Os licitadores deberán presentar na proposta económica un programa de traballo que contemple o desenvolvemento das unidades de obras que se van realizar en cada prazo. O contratista está obrigado a cumprir o contrato na súa totalidade dentro do prazo ofertado, así como nos prazos parciais sinalados para a súa execución sucesiva. Dito prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e previa petición do contratista co informe favorable do director de obra. No caso de prorroga, proposta pola dirección da obra, o órgano de contratación terá que aprobar o expediente pertinente que implica a modificación. 5. INCUMPRIMENTO DO PRAZO.- Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5 por cento do prezo do contrato. As penalidades diarias serán cuantificadas na proporción de 0,20 euros por cada 1.000 euros do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. A dita imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 6. CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias dos que a constitúan e a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); ditas empresas serán responsables solidarias ante a Administración debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Ditas empresas deberán ter por obxecto realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. GARANTÍA DEFINITIVA.- O seu importe será do 5% do prezo de adxudicación, excluído o imposto sobre o valor engadido, e poderá constituírse en calquera das formas previstas no arts. 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados dende o seguinte ó da recepción do correspondente requirimento. En caso de incumprir este requirimento no prazo sinalado, entenderase que o licitador retirou a súa oferta, procedéndose, nese caso, a recabar a mesma documentación ó licitador seguinte, pola orde en que quedaran clasificadas as ofertas. A garantía definitiva ingresarase exclusivamente na Caixa da Deputación. 8. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN.- 8.1. Lugar e prazo de presentación. As proposicións presentaranse no Rexistro Xeral da Deputación, cun horario de 9.00 a 13.00 horas, de luns a sábado, ou na sede da Deputación en Vigo, de luns a venres, dentro dun prazo de vinte e seis días naturais, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos polos artigos 38.4º da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986 804 126) ou telegrama, sempre no mesmo día. 8.2º. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Nome do licitador. CIF. Enderezo e teléfono de contacto. Número de inscrición no rexistro de contratistas (se é o caso). Dependendo de cada sobre incluirase a seguinte documentación: SOBRE A: documentación xeral, coa seguinte inscrición: Documentación xeral para o procedemento aberto para a contratación da obra (especificar o nome da obra). Este sobre conterá os seguintes documentos: 1.- Os que acrediten a personalidade xurídica do empresario e, se é o caso, a súa representación. En caso de concorrer á licitación varias empresas constituíndo unha unión temporal cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ha de ocupar a representación da unión temporal ante a Administración. 2.- Poder debidamente bastanteado. 3.- Certificado acreditativo de posuír a clasificación empresarial que se establece no anexo I, no seu caso. Se a empresa se encontrase pendente de clasificación deberá achegarse o documento acreditativo de ter presentado a correspondente solicitude para iso debendo xustificar estar en posesión da clasificación esixida no prazo previsto nas normas de desenvolvemento desta Lei para emendar os defectos ou omisións na documentación. 4.- Declaración conforme o modelo do anexo II. Esta declaración inclúe a manifestación de non estar incurso na prohibición de contratar, estar ó corrente do cumprimento das obrigas tributarias e coa Seguridade Social que impoñen as disposicións vixentes, sen prexuízo de que a xustificación acreditativa de tal requirimento deba presentala, antes da adxudicación definitiva, o empresario a cuxo favor se vaia efectuar esta. 5.- Acreditación da solvencia económica, técnica e financeira: a) Declaración sobre o volume global de negocios no ámbito de actividades correspondente ó obxecto do contrato, referido como máximo aos tres últimos exercicios dispoñibles en función da data de creación ou de inicio das actividades do empresario, na medida que se dispoña das referencias de dito volume de negocios. Deberase acreditar un importe neto da cifra de negocios do importe considerado anual do contrato durante cada un dos tres últimos exercicios, segundo contas anuais depositadas no Rexistro Mercantil. Documentación a presentar: • No caso de Entidades con personalidade xurídica propia (sociedades mercantís): - Contas Anuais (Conta de Perdas e Ganancias) dos tres últimos años presentadas no Rexistro Mercantil ou no Rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. • No caso de Titulares de actividades económicas no ámbito do imposto sobre a renda das persoas físicas (IRPF). 1.-Empresarios e profesionais con tributación do IRPF mediante o método de estimación directa normal ou simplificada. - Libro rexistro de vendas e ingresos dos tres últimos años. (Debendo estar debidamente legalizados para aqueles que teñan dita obrigación). - Modelo 390 (Declaración resumen anual IVE) dos tres últimos años e/ou modelo 100 (Documento de ingreso ou devolución da declaración do Imposto sobre a Renda das Persoas Físicas) dos tres últimos años. 2.- Empresarios e profesionais con tributación do IRPF mediante o método de estimación obxectiva. - Libro rexistro de vendas e ingresos dos tres últimos años e/ou modelo 100 (Documento de ingreso o devolución da declaración do Imposto sobre a Renda das Persoas Físicas) dos últimos tres años. - Declaración responsable asinada polo representante legal que acredite que o libro rexistro de vendas e ingresos reflexa a imaxe fiel da actividade económica da empresa. En caso de non dispoñer do libro rexistro de vendas e ingresos, a declaración debe acreditar que o rendemento neto da actividade reflexa a imaxe fiel da actividade económica da empresa. b) Relación das obras executadas no curso dos cinco últimos anos, avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo; se é o caso, os devanditos certificados serán comunicados directamente ó órgano de contratación pola autoridade competente. c) Relación das obras executadas no curso dos cinco últimos anos, avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo; se é o caso, os devanditos certificados serán comunicados directamente ó órgano de contratación pola autoridade competente. O importe total destes contratos xustificados deberá ser igual ou superior ó orzamento anual deste contrato. d) Declaración indicando a maquinaria, material e equipo técnico do que se disporá para a execución das obras, á que se achegará a documentación acreditativa pertinente. 6.- Dirección de correo electrónico ó que efectuar as comunicacións ou notificacións. Nota importante: o acreditamento das circunstancias que mencionan nos artigos anteriores poderase realizar mediante a certificación dun rexistro oficial de licitadores e empresas clasificadas ou mediante un certificado comunitario de clasificación, deberá acompañarse á mesma unha declaración responsable do licitador na que manifeste que as circunstancias reflectidas no correspondente certificado non experimentaron variación. Esta manifestación deberá reiterarse, en caso de resultar adxudicatario, no documento en que se formalice o contrato, sen prexuízo de que o órgano de contratación poida, se o estima conveniente, efectuar unha consulta ó rexistro oficial de licitadores e empresas clasificadas. SOBRE B: Documentación correspondente á valoración de criterios non avaliables mediante fórmulas, coa seguinte inscrición: Documentación Técnica para o procedemento aberto para a contratación da obra (especificar nome da obra). Presentarase cerrado e contendo os seguintes documentos: 1.- Como primeiro documento presentarase unha relación numerada e foliada de todos os documentos, asinada e selada polo representante legal da empresa. 2.- Memoria construtiva e programa de traballo. 3.- Melloras ofertadas. 4.- Memoria de seguridade e saúde. 5.- Programa de actuacións medioambientais. Toda a documentación relativa a este sobre deberá presentarse en formato A4, e cun límite máximo de 100 follas. SOBRE C: documento correspondente á valoración de criterios avaliables mediante fórmulas, coa seguinte inscrición: proposición económica para o procedemento aberto para a contratación da obra (especificar nome da obra). Presentarase pechado e contendo o seguinte documento: 1.- Modelo de proposición, seguindo o modelo determinado na última cláusula deste prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicado sobre o orzamento de execución material da obra, e determinado no apartado destinado para iso no modelo de proposición. A Deputación reservarase o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. 9. MESA DE CONTRATACIÓN.- Estará integrada da seguinte maneira: PRESIDENTE: -O titular da corporación ou membro en quen delegue. VOGAIS: O secretario xeral. O interventor. O director de infraestruturas. SECRETARIO: -O técnico adxunto ó Servizo de Contratación. 10.- CUALIFICACIÓN DA DOCUMENTACIÓN XERAL E APERTURA DE PROPOSICIÓNS.- Unha vez finalizado o prazo de presentación de proposicións, constituirase a mesa de contratación e procederase á cualificación da documentación xeral achegada polos licitadores no sobre A. No caso de que se precise o arranxo de erros ou omisións na documentación que establece a cláusula 8.2, a mesa de contratación concederá un prazo máximo de 3 días hábiles para corrixir estes defectos. Posteriormente, a mesa ás 10 horas do quinto día hábil seguinte ó día no que finalice o prazo sinalado para a presentación de plicas, en acto público, sinalará as que cualificasen como inadmitidas e admitidas, e procederá á apertura do Sobre B correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a Lei de contratos do sector público. Esta documentación trasladaráselles ós técnicos, que a avaliarán e a ponderarán segundo os criterios de valoración que estableza o prego. Unha vez avaliada esta documentación técnica, sinalarase no perfil do contratante da Deputación, a data e hora na que se procederá, en acto público, á apertura do Sobre C da documentación correspondente á valoración de criterios avaliables mediante fórmulas. Neste acto, darase a coñecer a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha valoración superior a 30 puntos sobre os criterios non avaliables mediante fórmulas. 11. CRITERIOS DE ADXUDICACIÓN DO CONTRATO.- Para a valoración das proposicións e a determinación da oferta economicamente máis vantaxosa atenderase ós seguintes criterios directamente vinculados ó obxecto do contrato: 11.1.-Enumeración dos criterios non avaliables mediante fórmulas (Sobre B). Os criterios avaliables mediante xuízos de valor valoráranse cun máximo de 50 puntos, de conformidade cos seguintes criterios: - Memoria construtiva e programa de traballo, ata un máximo de 25 puntos. - Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/a redución do prazo de execución da obra, ata un máximo de 15 puntos. - Memoria de seguridade e saúde, ata un máximo de 5 puntos. - Programa de actuacións medioambientais, ata un máximo de 5 puntos. Estes criterios ponderaranse da seguinte forma: 11.1.1) Memoria construtiva e programa de traballo, ata un máximo de 25 puntos: Valorarase o coñecemento do proxecto e do terreo onde será executada a obra, debéndose explicar a metodoloxía a empregar na súa execución, así como das provisións a empregar, e dos medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. NOTA MOI IMPORTANTE: Na documentación que se presente no Sobre B, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación co programa de traballo, e su execución por anualidades, no seu caso, presentarase única e exclusivamente no Sobre C. O incumprimento deste precepto carreará a exclusión da oferta no proceso de licitación. 11.1.2.) Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/o redución do prazo de execución ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (21 %), e na que se indiquen as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservándose o dereito de poder variar as mesmas en beneficio do interese público, e sempre sen que poida superar o valor económico das ofertadas. Poderase ofertar como melloras unha redución no prazo de execución da obra, debéndose xustificar adecuadamente as circunstancias ou solucións técnicas que permitan a mesma. Os técnicos, en base a documentación achegada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento. 11.1.3) Memoria de seguridade e saúde, ata un máximo de 5 puntos: 1. Definición da problemática principal en relación coa seguridade e saúde dos traballos. Describiranse as actividades de maior problemática na súa execución en relación coa seguridade e saúde, e definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e o sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real Decreto 171/2004, en materia de Coordinación de Actividades Empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes, etc. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. R.D. 1627/97). Neste apartado desenvolverase, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias, así como que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003 de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e ferramentas auxiliares cumpren a normativa vixente en materia de seguridade e saúde, e máis e das revisións e mantementos de cada unha das máquinas xunto co protocolo de seguimento destas revisións e mantementos. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI´s. Presentarase a proposta de cómo realizar a formación dos traballadores en obra, así como de información dos riscos a que están sometidos nas mesma. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento, e sobre os riscos dos que o protexen, así como se haberá de definir como se verificará a utilización dos mesmos por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias a utilizar na obra, determinando como se definirá a súa necesidade e como se verificará a súa correcta utilización, estado e reposición. 11.1.4) Programa de actuacións medioambientais, ata un máximo de 5 puntos: Para este Programa valoraranse as propostas de medidas de xestión medioambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión medio ambiental propostos. As medidas medioambientais valoraranse de acordo cos seguintes criterios: a) Se a execución da obra se realizada nun marco de xestión medioambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE(77/801-94 e 77/802-94). b) Se os materiais que utilizará o licitador proveñen dun proceso de reciclado ou reutilización en máis dun 50%, conforme a certificación emitida por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais que utilizará o licitador son reutilizables ou teñen un grao de reciclabilidade superior a un 50%, conforme a certificación emitido por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por vertidos, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. 11.2.-Enumeración dos criterios avaliables mediante fórmulas(Sobre C). Nota importante: Só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: -Valoración oferta económica, ata un máximo de 45 puntos. - Plan de control de calidade da obra, ata un máximo de 5 puntos. 11.2.1) Valoración oferta económica, ata un máximo de 45 puntos. Entenderase por ofertas admitidas todas aquelas que non quedaran excluídas unha vez realizados o exame da documentación administrativa contida no Sobre A, e a análise técnica da documentación contida no Sobre B. Para a valoración das ofertas admitidas administrativa e tecnicamente consideraranse dous posibles casos: CASO 1. A oferta máis baixa OMB das admitidas administrativa e tecnicamente é inferior estritamente ó 85% do Presuposto Base de Licitación (PBL), é dicir, . 1.1. Se o presuposto ofertado pola empresa (Pro) é maior ou igual á Oferta Máis Baixa (OMB) das admitidas administrativa e tecnicamente, e menor ou igual ó 85% do Presuposto Base de Licitación (PBL), é dicir, Si : a fórmula a empregar é a seguinte: 1.2. Se o presuposto ofertado pola empresa (Pro) é maior estritamente ó 85% do Presuposto Base de Licitación PBL e menor ou igual ó Presuposto Base de Licitación (PBL), é dicir, : a fórmula a empregar é a seguinte: CASO 2. A Oferta Máis Baixa (OMB) das admitidas administrativa e tecnicamente é maior ou igual ó 85% do Presuposto Base de Licitación (PBL), é dicir, a fórmula a empregar é a seguinte: PRESUNCION DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere nun 5% a porcentaxe de baixa media de todas as ofertas admitidas administrativamente e tecnicamente. Para calcular a Baixa Media (BM) e a Baixa Media Permitida (sen incorrer en temeridade) (BMP) utilízanse as seguintes ecuacións: a. Cálculo da Baixa Media (BM): A baixa da oferta económica da empresa i se calculará como: A porcentaxe de baixa da oferta económica da empresa i calcularase como: A baixa media de todas as porcentaxes das baixas das ofertas admitidas administrativa e tecnicamente é: sendo: Oferta económica da empresa i. n: Número de ofertas admitidas administrativa e tecnicamente. Presuposto base de licitación. Porcentaxe de baixa de cada unha das ofertas admitidas administrativa e tecnicamente. Baixa media. b. Cálculo da Baixa Máxima Permitida, sen incorrer en temeridade (BMP): sendo: Baixa Máxima Permitida, sen incorrer en temeridade. Baixa Media. Polo que se considerará temeraria unha oferta que incorra en: 11.2.2) Proxecto de control de calidade da obra, ata un máximo de 5 puntos. Especificarase a porcentaxe sobre o Presuposto de Execución Material (PEM) que a empresa asigne para tal efecto, así como a acreditación por parte da mesma da disposición dun certificado de calidade reservándose para si a Deputación a aprobación do laboratorio homologado. Esta porcentaxe será obrigatoriamente maior ou igual ó 1% e menor ou igual ó 5%. No caso de que sexa inferior ó 1% ou non se defina, a Deputación establecerá un valor do 1%, e no caso de que sexa superior ó 5%, a Deputación establecerá un valor do 5%. Para a valoración das ofertas admitidas consideraranse dous posibles tramos, separados polo Punto de Corte Porcentual de control de calidade , neste caso o valor do devandito punto é de 3%. Tramo 1. A porcentaxe do control de calidade sobre o PEM ofertado é maior ou igual ó 1% e menor o igual ó PC%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo1: sendo: Puntuación do control de calidade ofertada. Tramo 2. A porcentaxe do control de calidade sobre o PEM ofertado é maior estritamente co PC% e menor o igual ó 5%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo 2: 12. OFERTAS CON VALORES ANORMAIS OU DESPROPORCIONADOS.- Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere nun 5% a porcentaxe de baixa media de todas as ofertas admitidas administrativamente e tecnicamente Cando a mesa de contratación considere que a proposición non se poderá cumprir como consecuencia das baixas anormais ou desproporcionadas, darase audiencia ó contratista, por un prazo máximo de cinco días hábiles, para que xustifique a valoración da oferta e precise as condicións da mesma, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación unha vez considerada a xustificación do licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde na que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO.- O órgano de contratación, unha vez avaliadas as propostas clasificaraas por orde decrecente, para cuxo efecto poderá solicitar cantos informes técnicos estime pertinentes, e requirirá á empresa que presentara a oferta máis vantaxosa para que dentro do prazo de dez días hábiles, a contar dende o día que recibise a comunicación, presente a documentación xustificativa de estar ó corrente no cumprimento das súas obrigas tributarias e coa Seguridade Social, e calquera outro documento acreditativo da súa aptitude para contratar ou da efectiva disposición dos medios que se comprometeran a dedicar ou adscribir á execución do contrato que lle reclame esta institución, así como constituír a garantía definitiva. 14. ADXUDICACIÓN.- O órgano de contratación adxudicará o contrato dentro dos cinco días hábiles seguintes á recepción da documentación referida no artigo anterior, fixando os termos definitivos do contrato. De forma simultánea publicarase a adxudicación no perfil do contratante da Deputación de Pontevedra. 15. FORMALIZACIÓN CONTRATO.- A administración e o contratista deberán formalizar o contrato en documento administrativo dentro do prazo de quince días hábiles, a contar dende o día seguinte á notificación da adxudicación, constituíndo dito documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado a administración poderá acordar a súa resolución. Non poderá iniciarse a execución do contrato sen a súa formalización previa. 16. PERFIL DO CONTRATANTE.- Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos pola TRLCSP ou polas normas autonómicas de desenvolvemento ou nos que así se decida voluntariamente, a Deputación difundirá, a través de Internet (www.depo.es), o seu perfil de contratante. 17. GASTOS A CARGO DO ADXUDICATARIO.- Serán a cargo do adxudicatario os gastos que xere o expediente, así como os de carteis de obra que lle serán facilitados pola Deputación e que serán colocados no lugar que lles indique a Dirección de Obra. Ademais os adxudicatarios estarán obrigados a colocar toda a sinalización necesaria que garanta a plena seguridade da obra, e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra obxecto do contrato e que ademais será responsable da súa seguridade sen cuxos requirimentos non se confeccionará a acta de comprobación do replanteo. Así mesmo, os gastos do cartel da obra serán por conta do adxudicatario. 18. RESPONSABLE DO CONTRATO.- A Deputación designará a un responsable do contrato, vinculado a esta institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que corresponden ó director facultativo das obras. 19. ACTUACIONS PREVIAS O INICIO DAS OBRAS.- - Plan de seguridade e saúde no traballo. O Plan de Seguridade e Saúde no traballo, cando fora esixible, redactado por técnico coa titulación esixida legalmente e axustado en contido o requirido na normativa de aplicación vixente, deberá ser presentado polo contratista a empresa que teña asignada a Deputación para a levar a seguridade e saúde nas súas obras, no prazo máximo de 20 días naturais dende a data de notificación da adxudicación. O incumprimento do prazo non impedirá a comprobación da reformulación nin a autorización do inicio da obra, se ben non comezarán efectivamente as obras sen a aprobación do referido Plan. Polo tanto, atrásase o inicio efectivo das obras por causa imputable ó contratista, pero non así o inicio do cómputo do prazo de execución. O prazo contractual empezará a contar coa firma da Acta de comprobación da reformulación, na que se deixará constancia dos extremos mencionados. Con independencia do anterior, o incumprimento do mencionado prazo de presentación supoñerá unha penalización diaria de 1 por cada 5.000,00 € do prezo do contrato, que será descontada, se é o caso, na primeira certificación. O contratista virá obrigado a recoller no Plan de Seguridade e Saúde, e, polo tanto a realizar e implantar na obra todas as medidas e elementos necesarios para cumprir o estipulado ó respecto pola lexislación vixente sobre a materia e polas normas de boa construción, e polas especificacións e prescricións recollidas no Estudo/ Estudo básico de Seguridade e Saúde, sen que teña dereito a recibir máis importe que o fixado no Estudo/ Estudo básico de Seguridade e Saúde afectado da baixa de adxudicación, se é o caso. Os locais e servizos para hixiene e benestar dos traballadores que vingan obrigados polo Estudo de Seguridade e Saúde ou polas disposicións vixentes sobre a materia haberán de ser situados nos lugares indicados no citado estudo e no seu defecto, sempre que sexa posible, na propia obra, salvo autorización expresa da Administración noutro sentido. En todo caso serán para uso exclusivo do persoal adscrito á obra. Calquera variación que se formule das características e localización dos devanditos locais e servizos, unha vez aprobado o Plan, requirirá a previa modificación deste, así como o seu posterior informe e aprobación nos termos establecidos polas disposicións vixentes. Os referidos locais e servizos deberán estar dispostos dende o inicio da obra, debendo contar coa autorización da Administración antes da súa retirada. - Licenzas, autorizacións e impostos. O contratista, de por se ou como substituto da Administración, está obrigado a xestionar o outorgamento de cantas licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista dando coñecemento inmediatamente á Administración de ter cumprido os devanditos trámites. Se entendese que as liquidacións practicadas non se axustan a Dereito, o contratista quedará lexitimado para interpoñer contra estas os recursos pertinentes, comunicando este extremo á Administración contratante. O importe destas cargas derivadas da obra forma parte dos gastos asumidos pola oferta económica e conforme a esta estipulación contractual trasládase a obriga de pagamento ó adxudicatario do contrato asinado. Será requisito necesario para que a Deputación aboe ó contratista a primeira certificación, que este acredite mediante achega dos oportunos xustificantes, ter aboado os tributos correspondentes. No caso de que á data de expedición da primeira certificación non se tivese xustificado documentalmente o mencionado requisito, o inicio do cómputo do prazo mencionado no art. 216. 4 TRLCSP suspenderase ata que se entreguen á Administración os mencionados xustificantes. 20. EXECUCIÓN DAS OBRAS E RESPONSABILIDADE DO CONTRATISTA.- As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste desen ó contratista o director facultativo, e se é o caso, o responsable do contrato, nos ámbitos da súa respectiva competencia. (art. 230 do TRLCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a administración poderá penalizar ó contratista ata un importe que non supere o 10% do orzamento do contrato (art, 212.1 do TRLCSP). Ó contratista indemnizará todos os danos e perdas que se causen a terceiros como consecuencia da realización das obras contratadas. (art, 214 do TRLCSP). 21. CERTIFICACIÓNS.- A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. As certificacións de obra axustaranse ós modelos de certificación ordinaria e anticipada para obras da Deputación que foron aprobadas pola Resolución presidencial, de 13 de xullo de 2007, e que se encontran inseridos na páxina web www.depontevedra.es. O técnico director deberá practicar nas certificacións de obra as retencións correspondentes ás porcentaxes ofertadas polo adxudicatario en concepto de control de calidade, seguridade e saúde, taxa por dirección de obra, etc. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora, teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario, será necesario que a certificación recolla a retención correspondente ás penalidades. 22. RECEPCIÓN E CERTIFICACIÓN FINAL DE OBRAS.- O contratista comunicará á dirección da obra a data prevista para a terminación ou execución do contrato, ós efectos de que se poida realizar a recepción. Á recepción concorrerán o responsable do contrato ou un facultativo designado pola Administración representante desta, o facultativo encargado da dirección das obras e o contratista asistido, se o estima oportuno, do seu facultativo. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase seguidamente á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses dende a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegaralle á acta de recepción un estado de dimensións e características da obra executada que defina con detalle as obras realizadas tal e como se encontran no momento da recepción, a efectos de inventario. 23. XUSTIFICACIÓN DAS MELLORAS.- O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante informe ó que se acompañará unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (21%). 24. LIQUIDACIÓN DA OBRA.- Transcorrido o prazo de garantía, se o informe do director da obra sobre o seu estado fose favorable, formularase no prazo dun mes a proposta de liquidación das realmente executadas, tomando como basee para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, en cuxo último caso, aboarase a cantidade endebedada ó contratista. 25. GARANTÍA DA OBRA.- A obra terá un período de garantía dun ano dende o día seguinte á data de formalización da acta de recepción, neste tempo o contratista estará obrigado á súa conservación e policía, e á reparación dos estragos producidos pola defectuosa execución das mesmas. Se se producise un incumprimento das obrigas accesorias propias da garantía, non podendo resolverse o contrato, poderase incautar a garantía, e se non fose suficiente, poderase reclamar danos e perdas pola vía de prema. Dentro do prazo de quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este fóra favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó uso do construído, durante o prazo de garantía, o director da obra procederá a ditar as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade algunha por ampliación do prazo de garantía. 26. DEVOLUCIÓN DA DOCUMENTACIÓN E DA GARANTÍA PROVISIONAL.- A documentación incluída no Sobre A dos licitadores que non resultasen adxudicatarios poderá ser retirada polos licitadores, previo aviso ó servizo de contratación, mediante escrito ordinario ou electrónico no e-mail contratacion@depo.es, transcorridos tres meses contados dende o día seguinte á notificación do acordo de adxudicación ós licitadores, e durante o prazo de 30 días naturais, salvo que a administración considere oportuno retela no suposto que teñan interposto reclamacións ou recursos, ou exista algunha incidencia administrativa. Transcorridos os prazos anteriormente mencionados, esta administración disporá da documentación quedando exenta de toda responsabilidade. 27. RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts, 223 e 237 do TRLCSP. 28.- RÉXIME XURÍDICO En todo o non previsto expresamente no presente prego de condicións, se estará ó disposto, en canto á súa preparación, adxudicación, efectos e extinción, polo RDL 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP) e as súas disposicións de desenvolvemento; supletoriamente aplicaranse as restantes normas de dereito administrativo e, no seu defecto, as normas de dereito privado. 29. XURISDICIÓN COMPETENTE.- As cuestións litixiosas que xurdan sobre interpretación, modificación, resolución e efectos do presente contrato, serán resolvidas polo órgano de contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a teor do disposto na Lei Reguladora de dita Xurisdición. 30. MODELO DE PROPOSICIÓN.- Don.................., maior de idade, veciño de....................., con domicilio en ..............titular do DNI.................., expedido en data.............., actuando en nome propio ou en representación da empresa ................................. (CIF- núm. .......................) e con domicilio en .................................., teléfono.................... segundo acredito mediante poder debidamente bastanteado. Enterado do anuncio, para adxudicar mediante procedemento aberto o contrato correspondente á obra (especificar denominación da obra). Comprométese a executala polo prezo de _________________ (en letra e número) euros, máis __________ euros (en letra e número) correspondente ó IVE, con estrita suxeición ó proxecto aprobado e pregos de prescricións técnicas e condicións económico-administrativas, que acepta en todas as súas partes. • % do control de calidade ofertado:……….” ANEXO I “PREGO DE CONDICIONS PARTICULARES QUE REXERA A CONTRATACIÓN, MEDIANTE PROCEDEMENTO ABERTO, DA OBRA “ENSANCHE E MELLORA DA SEGURIDADE VIAL NA E.P. 8501 VALGA-MARTORES (VALGA)” (EXPTE. 2013000271). A) PROCEDEMENTO DE CONTRATACIÓN: Aberto. Trámite ordinario. B) ORZAMENTO DE EXECUCIÓN DO CONTRATO: Importe de execución sen IVE 309.917,35 € IVE (21%) 65.082,65 € Total 375.000,00 € C) FINANCIAMENTO: ANUALIDADE APLICACION IMPORTE 2013 13/456.453-612.02 375.000,00 € D) PRAZO DE EXECUCIÓN DAS OBRAS: O prazo máximo para a execución da obra de referencia establécese en un ano, e comezará a contar dende o día seguinte á sinatura da acta de comprobación do replanteo, salvo que exista razón fundada que impida ó seu comezo. E) GARANTÍAS: Provisional: non se esixe. Definitiva: 5% do prezo de adxudicación, excluído o Imposto sobre o Valor Engadido. F) CLASIFICACIÓN: Non se precisa.” ANEXO II Nota: autocompletable na páxina web (declaración responsable) 4.20682.- DAR CONTA DA RENUNCIA DO CONCELLO DE CAMBADOS Á OBRA NÚM. 2012000468 “PAVIMENTACIÓN E INSTALACIÓN DE SERVIZOS NO LUGAR DE COUTO DE ARRIBA (CASTRELO-CAMBADOS)”, INCLUÍDA NO PLAN DE INVESTIMENTOS E GASTOS CORRENTES 2012 Resultando que a Xunta de Goberno da Deputación na sesión celebrada o día 30 de novembro de 2012 concedeu (acordo núm. 14.20426) ó Concello de Cambados, CIF núm. P3600600E, con cargo o Plan de Investimentos e Gastos correntes da Deputación 2012, unha subvención por importe de sesenta e catro mil seiscentos cincuenta euros con setenta e sete céntimos (64.650,77€) para a realización do investimento núm. 2012000468 “Pavimentación e instalación de servizos no lugar de Couto de Arriba (Castrelo-Cambados)”. A licitación, dirección e execución desta obra correspondíalle á Deputación. Resultando que, por mor dos problemas de vertidos, inundacións e escorrentías de terras e das continuas demandas dos veciños reclamando o inmediato arranxo da zona debido ó mal estado no que se atopa, o Concello de Cambados non pode esperar ata que a Deputación inicie o expediente de contratación polo que, en breve, iniciará polo procedemento de urxencia, a licitación cos seus propios medios do citado investimento. Á vista do que antecede tendo en conta o disposto no artigo 64 do regulamento da Lei de Subvencións e na base décimo primeira das Bases do Plan de Investimentos e Gastos Correntes 2012, o Concello de Cambados solicita a baixa da obra núm. 2012000468, “Pavimentación e instalación de servizos no lugar de Couto de Arriba (Castrelo-Cambados)”, no Plan de Investimentos de 2012 e que o crédito comprometido para a realización do mesmo se aplique as actuacións “Acredores de gasto corrente” por importe de 36.793,50€, aplicación 942.942.462.45, e “Parques infantís no rural” por importe de 27.857,27€, aplicación 942.942.652.45. En atención ó exposto, a Xunta de Goberno acorda por unanimidade: 1. Dar de baixa a obra núm. 2012000468 “Pavimentación e instalación de servizos no lugar de Couto de Arriba (Castrelo-Cambados)” no Plan de Investimentos e Gastos Correntes da Deputación 2012. 2. Prestar a súa conformidade para que o crédito comprometido para a execución do devandito investimento se aplique as novas actuacións propostas polo Concello de Cambados, é dicir, “Acredores de gasto corrente” por importe de 36.793,50 € e “Parques infantís no rural” por importe de 27.857,27 €. As novas propostas, que se acompañaran das solicitudes, certificacións e orzamentos pertinentes, deberán achegarse no prazo de quince días a contar dende o recibo da notificación do presente acordo para que se poida proceder a súa avaliación e informe polos servizos correspondentes e a súa alta no Plan de Investimentos. 5.20683.- PERMISO E AXUDA ECONÓMICA PARA ASISTENCIA A CURSOS a) Mediante escrito de data 25 de febreiro de 2013 con número de rexistro de entrada 016264, D. Miguel Santirso Fernández, en calidade de Tesoureiro da Deputación de Pontevedra, expón que o punto 8 do artigo 16 da Orde HAP/2105/2012, do 27 de abril de Estabilidade Presupostarias e Sostibilidade Financeira, obriga ás Corporacións Locais a formar e presentar trimestralmente ante os órganos competentes do Ministerio de Facenda un calendario e presuposto de tesourería que conteña os seus cobros e pagos mensuais por rúbricas, previsión mensual de ingresos, desviacións, etc. Tratándose dun procedemento novo de traballo, e dado que no mes de abril haberá que remitir a primeira información, faise necesaria a súa asistencia á Xornada denominada “HAP/2105/2012 Plan de Tesourería”, que terá lugar o luns 4 de marzo de 2013 no Edificio da Bolsa de Madrid (Plaza de la Lealdad, 1) de Madrid, en horario de mañá. Por iso, solicita autorización para poder asistir á devandita Xornada, así como unha axuda económica en concepto de axudas e desprazamentos. A solicitude é conformada favorablemente pola Deputada Provincial Dna. Begoña Estévez Bernárdez. Dada a relación existente entre o contido da Xornada e o traballo que vén desenvolvendo dito traballador no Servizo, infórmase favorablemente a súa petición; non obstante, para o aboamento das indemnizacións que puidesen corresponder e ó abeiro da norma 14ª do acordo n.º 9.14880, de data 9 de marzo de 2007, adoptado pola Xunta de Goberno, o traballador deberá presentar unha memoria sobre o desenvolvemento da Xornada e as conclusións obtidas. Polo exposto e de conformidade co establecido no V Acordo Regulador para persoal funcionario da Deputación Provincial de Pontevedra e o Real Decreto 462/2002, do 24 de maio, de Indemnizacións por razón de servizo, a Xunta de Goberno acorda por unanimidade, en virtude das competencias que lle confire o artigo 105 da Lei 5/1997 de Administración Local de Galicia, validar o acto e conceder a D. Miguel Santirso Fernández licenza para asistir, así como unha axuda económica que ascende a un total de 489,23 €, en concepto de desprazamentos e axudas, analizados do seguinte xeito: Desprazamento: Saída día 03/03/2013 despois das 22:00 h. e chegada día 04/03/2013 antes das 22:00 h.) CONCEPTO TOTAL PARTIDA Avión 360,00 € 13/934.934.231.20 TOTAL GASTOS LOCOMOCIÓN… 360,00 € 13/934.934.231.20 Dietas: Saída día 03/03/2013 despois das 22:00 h. e chegada día 04/03/2013 antes das 22:00 h.) CONCEPTO TOTAL PARTIDA Aloxamento día 03/03/2013 Grupo I 102,56 € 13/934.934.230.20 ½ dieta día 04/03/2013 Grupo I 26,67 € 13/934.934.230.20 TOTAL GASTOS DIETAS…… 129,23 € 13/934.934.230.20 Unha vez finalizada a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde de 8 de novembro de 1994 sobre xustificación e anticipos de indemnizacións por razón do servizo. Para poder aboarse as correspondentes cantidades en concepto de axudas, deberá presentar, xunto coa conta xustificativa, a tarxeta de embarque ou algún documento acreditativo onde se especifique os horarios de voo. b) Mediante escrito de data 4 de marzo de 2013 con número de rexistro de entrada 018094, o Xefe da Estación Fitopatolóxica de Areeiro, D. Pedro Mansilla Vázquez, expón que o Colexio Oficial de Enxeñeiros Agrónomos en colaboración coa Consellería de Medio Rural e do Mar (CMRM), organizan a “Xornada técnica sobre Rynchiphorus Ferrugineous (picudo vermello das palmeiras)”, a celebrar no Centro Neural de Gondomar o próximo día 6 de marzo de 2013. A Estación Fitopatolóxica de Areeiro participou na detección do primeiro foco da praga en Galicia, debido á transcendencia do insecto, que pode afectar gravemente ás palmeiras e xardíns, causando mesmo a súa morte. Para tal efecto, solicita permiso e axuda económica para que poida asistir Dna. Rosa Pérez Otero o próximo día 6 de marzo de 2013 á Xornada a celebrar en Gondomar. A solicitude é informada favorablemente polo Xefe da Estación Fitopatolóxica de Areeiro, D. Pedro Mansilla Vázquez, e conformada pola Deputada Dna. Begoña Estévez Bernárdez. Dada a relación existente entre o contido da Xornada e o traballo que vén desenvolvendo a devandita funcionaria na Estación Fitopatolóxica de Areeiro, infórmase favorablemente a súa petición; non obstante, para o aboamento das indemnizacións que puidesen corresponder e ó abeiro da norma 14ª do acordo n.º 9.14880 de data 9 de marzo de 2007, adoptado pola Xunta de Goberno, a funcionaria deberá presentar unha memoria sobre o desenvolvemento da Xornada e as conclusións obtidas. Polo exposto e de conformidade co establecido no art.º 16.6 do V Acordo Regulador para persoal Funcionario da Deputación Provincial de Pontevedra e Real Decreto 462/2002, do 24 de maio, de Indemnizacións por razón de servizo, a Xunta de Goberno acorda por unanimidade, en virtude das competencias que me confire o artigo 105 da Lei 5/1997 de Administración Local de Galicia, validar o acto e conceder a Dna. Rosa Pérez Otero permiso para asistir á Xornada, así como unha axuda económica que ascende a 29,04€, analizados do seguinte xeito: Concepto Total Aplicación orzamentaria Desprazamento en vehículo propio (106 Km x 0,19 €) 20,14 € 13/413.413.231.20 Peaxe (4,45 € x 2) 8,90 € 13/413.413.231.20 TOTAL……………………… 29,04 € 13/413.413.231.20 Unha vez finalizada a viaxe, o interesado deberá presentar no Servizo de Recursos Humanos e Formación, no prazo de 10 días hábiles, a conta xustificativa de gastos para a correspondente tramitación do expediente, co obxecto de que se lle aboen os gastos que se puidesen xerar en concepto de desprazamento, aloxamento e manutención, conforme ó disposto no apartado 2.2.1 da Orde de 8 de novembro de 1994 sobre xustificación e anticipos de indemnizacións por razón do servizo. 6.20684.- INADMISIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR DNA. STELLA RODRÍGUEZ FERNÁNDEZ EN REPRESENTACIÓN DE D. RAFAEL GARCÍA CASTIÑEIRAS, POR LESIÓNS NA AVDA. DO CONCELLO (CONCELLO DE A LAMA) Dada conta que con data de rexistro de entrada 08/02/13 (rex. núm. 004133) tivo entrada nesta Deputación instancia subscrita por Dna. Stella Rodríguez Fernández en representación de D. Rafael García Castiñeiras, con enderezo a efectos de notificacións na Praza de Ribadavia nº 2- 1º C, do Concello de Redondela, por lesións padecidas a consecuencia da caída dunha sinal na Avda. do Concello, no Concello de A Lama, o día 22/09/12, e que cuantificou economicamente en 790,00 €. Resultando.- Que con data 11/02/13 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Infraestruturas, que o emitiu con data 28/02/13 co seguinte contido: “Primero.- La Avenida del Concello en A Lama no pertenece a la red de carreteras provinciales. Segundo.- Por parte del Servicio de Infraestructuras se ha podido constatar que no se ha señalizado por parte de la Diputación ni ha habido ninguna intervención en esa vía.” Considerando.- Que a instancia se presenta cumprimentando os requisitos de capacidade, lexitimación activa e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que o teor do citado informe impide entrar sequera a valorar as circunstancias concorrentes no sinistro en cuestión, por canto non pode constituírse validamente a relación procedimental ó non resultar a Deputación Provincial pasivamente lexitimada para interpoñer perante dela ningunha reclamación que non se relacione directamente coa súa titularidade demanial. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que en ningún caso pode esta Deputación Provincial facerse responsable de danos producidos en estradas que non sexan da súa titularidade. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92, en relación co 13.2 do R.d. 429/93, referido á inadmisión argumentada da reclamación. A Xunta de Goberno acorda por unanimidade inadmitir a trámite dita reclamación. 7.20685.- DESESTIMACIÓN DE RECLAMACIÓN DE RESPONSABILIDADE PATRIMONIAL FORMULADA POR DONA STELLA RODRÍGUEZ FERNÁNDEZ EN REPRESENTACIÓN DE MAPFRE FAMILIAR, S.A., POR DANOS EN VEHÍCULO NA E.P. 5005 A CAÑIZA-POUSA NO CONCELLO DE A CAÑIZA Dada conta que con data de rexistro 04/09/12 tivo entrada nesta Deputación reclamación de responsabilidade patrimonial formulada por Dona Stella Rodríguez Fernández en representación da entidade Mapfre Familiar, S.A., con enderezo a efecto de notificacións na Praza de Ribadavia, 2-1ºC do Concello de Redondela, por danos en vehículo a consecuencia da irrupción dun corzo na E.P. 5005 A Cañiza-Pousa, no Concello de A Cañiza o día 05/09/11 e que individualiza economicamente en 3.598,81 €. Resultando.- Que con data 12/02/13 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Infraestruturas que o emitiu en data 28/02/13 co seguinte contido: “…1. La E.P. 5005 A Cañiza-Pousa está incluida dentro de la red provincial de carreteras. 2. Por parte del Servicio de Infraestructuras no se tuvo constancia directa del accidente de referencia ni de otros ocurridos por la misma causa, “irrupción de un corzo en la zona de circulación”, en fechas anteriores o posteriores al que es objeto el presente informe. 3. El punto concreto del accidente, que se corresponda con el P.K. 5+00 de la E.P. 5005, Se encuentra, efectivamente, como se señala en el escrito de reclamación, cercano al Tecor Societario A Cañiza, situado a partir del P.K. 1+900, PERO A UNA DISTANCIA DE +- kilómetros de sus límites, +- 3+400, ya muy próximo a un núcleo de población, por lo que la señalización a esa altura es la que corresponde con las circunstancias de la vía, peligro de hielo en la calzada, curva peligrosa… pero no existe señalización de animales sueltos ya que la distancia mencionada con el Tecor no parece requerirlo. Señalamos en este sentido lo recogido en el atestado, informe ARENA de la Guardia Civil que se adjunta al expediente, y en el cual, en su apartado 46, menciona expresamente la ausencia de señalización de peligro por innecesaria (no hay peligro). 4. No obstante lo anterior, es preciso señalar que el párrafo segundo de la disposición adicional novena del Texto Articulado de la Ley sobre Tráfico, Circulación y Vehículos a Motor y Seguridad Vial, aprobado por el Real Decreto Legislativo 339/1990, de 2 de marzo, incorporada por la Ley 17/2005, de 19 de julio establece que “los daños personales y patrimoniales en estos siniestros, sólo serán exigibles a los titulares de aprovechamientos cinegéticos o, en su defecto, a los propietarios de los terrenos, cuando el accidente sea consecuencia directa de la acción de cazar o de una falta de diligencia en la conservación del terreno acotado”… podrá ser responsable el titular de la vía pública en la que se produce el accidente como consecuencia de su responsabilidad en el estado de conservación de la misma y su señalización.” Ante esto cabe hacer las siguientes precisiones: a) En primer caso entendemos que deberá dilucidarse la existencia de responsabilidad de la Administración competente, en esta caso la Xunta de Galicia, Consellería de Medio Ambiente, interponiendo la oportuna reclamación. b) En relación al segundo caso, objeto del expediente que nos ocupa, queda acreditado, como Administración titular de la E.P.5005, que la Diputación Provincial, respecto a la señalización en el punto del accidente, está exenta de cualquier responsabilidad ya que dicha señalización es la que corresponde dadas la características de la vía en ese tramo concreto de circulación. c) Por último reiterar que no se tiene constancia de que en dicho tramo de carretera y en un período de tiempo próximo al accidente se hubiesen producido otros por similares causas, es decir, por el acceso repentino de un corzo en la carretera. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo pois a simple lectura do artigo 149.5 do R.d. 1.428/03 de 21 de novembro que aprobou o regulamento xeral de circulación, revela ben ás claras que é necesario acreditar a FRECUENCIA na irrupción de fauna salvaxe, máis cando non se produciron máis accidentes pola mesma causa, véxase: “…Los tipos de señales de advertencia de peligro, con su nomenclatura y significado respectivos, son los siguientes: (…) P-24. Paso de animales en libertad. Peligro por la proximidad de un lugar donde FRECUENTEMENTE la vía puede ser atravesada por animales en libertad…” Considerando.- Que a sentenza 228/08, do Xulgado do Contencioso Administrativo nº. 2 de Pontevedra, nos autos do Procedemento Abreviado 204/08 baseándose neste precepto, eximiu á Deputación da obriga de instalación do sinal P-24 (paso de animais en liberdade) por non terse acreditado a FRECUENCIA e a HABITUALIDADE no paso, deixando dito que: “… No hay dato alguno en el expediente administrativo ni informe al respecto que indique que el tramo en el que ocurrió el accidente constituye un lugar de paso habitual, y no esporádico, de animales salvajes que hiciera necesaria la señalización adecuada al respecto, en concreto con la señal P-24. Es más, tampoco hay constancia de que en dicho tramo de la carretera y en un lapso de tiempo próximo al accidente registrado, se hubiesen originado otros por similares causas.” Na mesma liña as seguintes sentenzas: - Sentenza 27/2010 ditada polo Xulgado do Contencioso-Administrativo nº. 3 de Pontevedra, nos autos do Procedemento Abreviado 432/08, con identidade de razón á que nos ocupa, eximiu á Deputación de responsabilidade algunha deixando dito que: “…Al no existir una obligación legal de señalizar ese tramo, y al no haberse demostrado por la parte actora que el mismo debería de ser señalizado (…), no es posible imputar la responsabilidad en la producción de los daños a la Administración aquí demandada (Diputación)…” - Sentenza 119/10, do Xulgado do Contencioso Administrativo nº 2 de Pontevedra, nos autos do Procedemento Abreviado 63/10 eximiu á Deputación de responsabilidade algunha deixando dito que: “…Tampoco ha quedado acreditado de la prueba practicada que el lugar en que se produjo el accidente sea un lugar de paso frecuente de animales de caza, que hiciera necesario advertir a los usuarios de la vía por medio de la señalización pertinente al respecto (P-24), no constando según la información obrante en el expediente, la existencia de ningún otro siniestro de similares características en dicho tramo de la vía.” - Sentenza 43/2011 do Xulgado Contencioso- Administrativo nº 3 de Pontevedra, nos autos do Procedemento Abreviado 306/2010 deixou dito que: “…quien reclama debe demostrar un determinado nivel de siniestralidad y la ausencia o insuficiencia de medidas visibles o aparentes de conservación o de señalización…” - Sentenza 268/2011 do Xulgado do Contencioso-Adminstrativo nº 1 de Pontevedra deixou dito que: “…No existen pruebas suficientes para entender que en la referida carretera provincial se da la frecuencia en el paso de animales en libertad que obligaría a la Administración a colocar en ella la señal fija de advertencia de peligro. No ha incurrido, por tanto, la Diputación Provincial de Pontevedra, en omisión del deber de señalización.” Considerando.- Que a Garda Civil recolle no atestado instruído neste sinistro que “… a estrada estaba seca e limpa, (…), que o accidente se produciu a pleno día con bo tempo e circulación fluída, (…) nunha curva suave, sendo innecesaria a sinalización de perigo nese punto…”, atopándonos ante un suposto de forza maior (caracterizado pola súa externalidade e irresistibilidade, que motiva a súa imprevisibilidade e consecuente inevitabilidade), ó que é allea a esta Deputación, polo que dificilmente se lle poden atribuír as consecuencias indemnizatorias pola mera detentación material dunha infraestrutura, o que a convertería nunha especie de aseguradora universal de tódolos riscos, pois é sabido que existe un estándar medio de risco predicable de calquera actividade humana ó que non é allea a condución de vehículos a motor. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. 8.20686.- DOAZÓN DE BENS EFECTUADA POR DONA JULIA SÁEZ-ANGULO Ó ARQUIVO MUSICAL DO SERVIZO DE PATRIMONIO DOCUMENTAL E BIBLIOGRÁFICO DA DEPUTACIÓN PROVINCIAL Dada conta da comunicación de 4 de xuño de 2010, efectuada por Dona Julia Sáez-Angulo pola que fai doazón plena e sen condición algunha ó Arquivo Musical do Servizo de Patrimonio Documental e Bibliográfico desta Deputación, de bens do seu esposo D. José Manuel Bárcena Guzmán, fillo do músico D. Augusto Bárcena Saracho. Resultando que o Director do Servizo de Patrimonio Documental e Bibliográfico manifesta que “el contenido archivístico se resume en 36 unidades de instalación (cajas) de entre los años 1673 y 2009 junto con otros 33 objetos, mayoritariamente pinturas, dibujos e instrumentos del maestro y familia, cuya valoración a la baja se estima en quince mil euros (15.000,00€)”. Resultando que se achega inventario pormenorizado. Considerando que a doazón é un acto de liberalidade polo cal unha persoa dispón gratuitamente dunha cousa a favor de outra que a acepta (art. 618 Cc). Considerando que mediante este acto o donante despréndese do dominio que pasa a ingresar no patrimonio do donatario, que ha de aceptar la cosa moble verbalmente ou por escrito, pois é unánime a doutrina moderna na que predomina a concepción contractualista da doazón. Considerando que a adquisición de bens a título gratuíto non está suxeita a restrición algunha (art. 12,1 RB). Considerando que o contrato de doazón sobre bens mobles considérase privado (art. 20 R.d.l. 3/2011, de 14 de novembro) e que a competencia para a súa aceptación corresponde ó Presidente (Disp. Adic. Segunda, 1, R.d.l. 3/2011), a Xunta de Goberno acorda por unanimidade: 1.- Aceptar a doazón efectuada por Dona Julia Sáez-Angulo ó Arquivo musical do Servizo de Patrimonio Documental e Bibliográfico da Deputación consistente en obxectos e pinturas da familia do músico D. Augusto Bárcena Saracho. 2.- Agradecer a Dona Julia Sáez-Angulo a doazón efectuada. 9.20687.- COMUNICACIÓNS Non houbo. FÓRA DA ORDE DO DÍA, e previa declaración de urxencia adoptáronse os seguintes acordos: 10.20688.- DAR CONTA DA RENUNCIA DA ASOC. CULTURAL SANTA BÁRBARA DO CONCELLO DE MONDARIZ Á SUBVENCIÓN CONCEDIDA PARA “XVI EDICIÓN DO RESTABLECEMENTO “SERÁN DOS NAMORADOS”, APROBADA Ó SEU FAVOR NA XUNTA DE GOBERNO DE 21/12/12 Aprobada pola Xunta de Goberno desta Deputación provincial de data 21/12/2012 unha subvención a favor da Asoc. Cultural Santa Bárbara con CIF: G-36.503.449, do Concello de Mondariz, por un importe de 952,00 €, para “XVI Edición do restablecemento “Serán dos namorados”, con cargo á aplicación 12/330.334.489.05, e recibido escrito, presentado no Rexistro Xeral con data 11/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 11.20689.- DAR CONTA DA RENUNCIA DA ASOC. DE VECIÑOS DE SAN VICENTE E CANEDO DO CONCELLO DE PONTEAREAS Á SUBVENCIÓN CONCEDIDA PARA 1ª XORNADA TEATRAL SAN VICENTE E CANEDO”, APROBADA Ó SEU FAVOR NA XUNTA DE GOBERNO DE 21/12/12 Aprobada pola Xunta de Goberno desta Deputación provincial de data 21/12/2012 unha subvención a favor da Asoc. de Veciños de San Vicente e Canedo con CIF: G-36.376.374, do Concello de Ponteareas, por un importe de 466,00 €, para a “1ª Xornada Teatral San Vicente e Canedo”, con cargo á aplicación 12/330.334.489.05, e recibido escrito, presentado no Rexistro Xeral con data 13/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 12.20690.- DAR CONTA DA RENUNCIA DA ASOC. DE VECIÑOS SAN SALVADOR DE TORNEIROS DO CONCELLO DO PORRIÑO Á SUBVENCIÓN CONCEDIDA PARA “ADQUISICIÓN DE VESTIARIO GRUPO DE GAITAS”, APROBADA Ó SEU FAVOR NA XUNTA DE GOBERNO DE 05/12/12 Aprobada pola Xunta de Goberno desta Deputación provincial de data 05/12/2012 unha subvención a favor da Asoc. de Veciños San Salvador de Torneiros con CIF: G-36.042.364, do concello de Porriño, por un importe de 514,00 €, para “Adquisición vestiario grupo de gaitas”, con cargo á aplicación 12/330.334.789.00, e recibido escrito, presentado no Rexistro Xeral con data 01/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 13.20691.- DAR CONTA DA RENUNCIA DA AGRUPACIÓN MÚSICO-CULTURAL DE RIBADUMIA DO CONCELLO DE RIBADUMIA Á SUBVENCIÓN CONCEDIDA PARA “ADQUISICIÓN DE VESTIARIO”, APROBADA Ó SEU FAVOR NA XUNTA DE GOBERNO DE 5/12/12 Aprobada pola Xunta de Goberno desta Deputación provincial de data 05/12/2012 unha subvención a favor da Agrupación Músico-Cultural de Ribadumia con CIF: G-36.310.019, do Concello de Ribadumia, por un importe de 833,00 €, para “Adquisición de vestiario”, con cargo á aplicación 12/330.334.789.00, e recibido escrito, presentado no Rexistro Xeral con data 14/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 14.20692.- DAR CONTA DA RENUNCIA DA ASOC. DE FAMILIARES DE PERSOAS CON PARÁLISE CEREBRAL “APAMP” DO CONCELLO DE VIGO Á SUBVENCIÓN CONCEDIDA PARA “EXPOSICIÓN PASOARTE”, APROBADA Ó SEU FAVOR NA XUNTA DE GOBERNO DE 21/12/12 Aprobada pola Xunta de Goberno desta Deputación provincial de data 21/12/2012 unha subvención a favor da Asoc. de Familiares de persoas con parálise cerebral “APAMP” con CIF: G-36.624.120, do Concello de Vigo, por un importe de 672,00 €, para “Exposición pasoarte” con cargo á aplicación 12/330.334.489.05, e recibido escrito, presentado no Rexistro Xeral con data 02/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 15.20693.- DAR CONTA DA RENUNCIA DA ASOC. CULTURAL DE PALILLEIRAS DE VILANOVA “A FLORIÑA” DO CONCELLO DE VILANOVA DE AROUSA Á SUBVENCIÓN CONCEDIDA PARA “III ENCONTRO DE PALILLEIRAS E LABORES ARTESANAIS”, APROBADA Ó SEU FAVOR NA XUNTA DE GOBERNO DE 21/12/12 Aprobada pola Xunta de Goberno desta Deputación provincial de data 21/12/2012 unha subvención a favor da Asoc. Cultural de Palilleiras de Vilanova “A Floriña” con CIF: G-94.037.207, do Concello de Vilanova de Arousa, por un importe de 746,00 €, para o “III Encontro de palilleiras e labores artesanais” con cargo á aplicación 12/330.334.489.05, e recibido escrito, presentado no Rexistro Xeral con data 12/03/13, da citada Asociación renunciando á subvención concedida no seu día, a Xunta de Goberno queda enterada de dita renuncia. 16.20694.- BASES REGULADORAS DO “I CURSO DE FORMACIÓN CONTINÚA EN DIRECCIÓN E XESTIÓN DE CLUBS E ENTIDADES DEPORTIVAS” Vista a proposta do Servizo de Deportes relativa ás bases reguladoras do “I curso de Formación Continua en Dirección e Xestión de Clubs e Entidades Deportivas”, co obxecto de mellorar a formación dos directivos e persoas que están á fronte de clubs e asociacións deportivas da provincia de Pontevedra, mediante a achega de quince mil euros (15.000,00€) e con cargo á aplicación orzamentaria 13/340.341.489.02 do vixente orzamento, e os informes da Secretaría Xeral de data 14/03/2013 e Intervención de data 14/03/2013, a Xunta de Goberno acorda por unanimidade a aprobación das mesmas e que son as seguintes: “BASES DO I CURSO DE FORMACIÓN CONTINUA EN DIRECCIÓN E XESTIÓN DE CLUBS E ENTIDADES DEPORTIVAS, ENMARCADO DENTRO DO PLAN DE FORMACIÓN DE TÉCNICOS DEPORTIVOS 2013 Co desenvolvemento deste curso preténdese, por unha banda, mellorar a formación dos directivos e persoas que están á fronte de clubs e asociacións deportivas da provincia de Pontevedra, contribuíndo así á configuración curricular alternativa das persoas que actúan no campo da actividade físico-deportiva da provincia e, por outro, a mellora da calidade xestora das entidades deportivas, mediante a formación, eminentemente teórico-práctica, dos directivos que se sitúan á fronte destas entidades. É tamén un obxectivo principal desta acción formativa divulgar o espírito pedagóxico e motivador que debe presidir toda actuación dentro do deporte escolar e xuvenil, diferenciándoo claramente de modelos competitivos ou baseados no alto rendemento deportivo. 1. Obxectivos: O I Curso de Formación Continua en Dirección e Xestión de Entidades Deportivas, organizado pola Deputación de Pontevedra, por un importe de 15.000,00€ previstos na aplicación orzamentaria 13/340.341.489.02, ten os seguintes obxectivos: - Proporcionarlles ós directivos, técnicos e adestradores deportivos da provincia de Pontevedra, que dirixen actualmente escolas deportivas ou clubs deportivos, unha formación sólida e de calidade, en materia de dirección e xestión dunha entidade deportiva. - Realzar e salientar a importancia da utilización dunha correcta pedagoxía e didáctica do deporte na idade escolar. - Identificar as demandas e necesidades reais dos directivos de clubs. - Comparar e analizar os distintos modelos de xestión utilizados actualmente nos clubs deportivos. - Promover a creación de relacións e futuros intercambios entre os profesionais de entidades deportivas. Co fin de instaurar vínculos duradeiros que poidan dar lugar a significativos avances na xestión deportiva. 2. Ficha resumo do curso: Preséntase a ficha resumo coas principais características do curso: Curso de Formación Específica en Dirección e Xestión dun Club Deportivo Duración do curso: 12 horas 8 horas a distancia Modalidade do curso: Semipresencial Prezo: Gratuíto Código do curso: 1/2013 Bolsas: N.D. Matrícula: Aberta Data de realización: Venres, de 16:00 a 20:00 horas. Sábado, de 10:00 a 14:00 horas e de 16:00 a 20:00 horas. 1º edición. Pontevedra, 26-27 de abril 2013 2º edición. Pontevedra, 24-25 de maio 2013 3º edición. Pontevedra, 27-28 de setembro 2013 4º edición. Pontevedra, 25-26 de outubro 2013 5º edición. Pontevedra, 29-30 de novembro 2013 6ª edición. Pontevedra, 13-14 de decembro 2013 Profesores: - Profesores de distintas universidades galegas. - Profesionais do deporte de recoñecido prestixio. - Técnicos da administración. Sistema de avaliación: Cuestionario final e traballo tutorizados. Persoas destinatarias: Directivos e técnicos deportivos de clubs adscritos ós distintos concellos da provincia de Pontevedra. Diploma outorgado: Certificado de asistencia con aproveitamento ó Curso de Formación Continua en Dirección e Xestión dun Club Deportivo. 3. Prazas ofertadas e requisitos de acceso: Ofertarase un máximo de 40 prazas por curso. - Destinatarios: directivos e técnicos deportivos dos distintos clubs da provincia de Pontevedra. - As prazas outorgaranse por rigorosa orde de inscrición. - Para evitar duplicidades en cada edición fíxase un límite de dúas persoas dun mesmo club, que deberán acreditar a pertenza ó devandito club cun certificado do secretario/a facendo mención ó seu nome e cargo. - No caso de que haxa máis solicitantes que prazas ofertadas confeccionarase unha lista de reserva de ata 10 persoas que terán prioridade para participar na seguinte edición. 4. Prazo de inscrición: O prazo de inscrición será dende o día seguinte ó da súa publicación no BOP ata o 15 de abril de 2013 incluído, podendo presentarse no Rexistro Xeral da Deputación na sede de Pontevedra en Avda. Montero Ríos, s/n, (horario de luns a venres de 8:30 a 14:30 e de 17:00 a 19:00, e os sábados de 9:00 a 13:00) , e na sede de Vigo en Rúa Oporto, 3, (horario de luns a venres de 9:00 a 14:00), así como polos demais medios previstos no artigo 38.4 da Lei 30/92 de RXAP e PAC. 5. Sistema de avaliación e control de asistencia: Existirá un control de asistencia ó curso en cada unha das tres xornadas. Tras finalizar o curso pasaráselles ós alumnos un cuestionario final de avaliación onde deberá demostrar todo o coñecemento adquirido. Unha vez que o alumno superase esta proba de avaliación poderá iniciar o traballo teórico-práctico tutelado por un profesor do curso, co fin de afianzar máis os contidos abordados nas distintas materias. 6. Custo da matrícula: Esta actividade será gratuíta e ofertarase soamente para os directivos e técnicos de clubs inscritos oficialmente na provincia de Pontevedra. A matrícula inclúe: - Clases teórico-prácticas. - Diploma de asistencia, sempre que se acredite unha asistencia mínima do 80% da carga lectiva e se cumpran os requisitos de participación. - Cartafol co material didáctico do curso. - Obsequio de Sportis. Camiseta exclusiva de técnico deportivo. 7. Metodoloxía: Utilizaranse diversos métodos de aprendizaxe co obxectivo de facilitar ó máximo a asimilación por parte do alumnado dos contidos traballados. Inicialmente levarán a cabo unhas actividades para coñecer as motivacións e os intereses do alumno para o logro dos obxectivos que se queren alcanzar, vinculados ó programa formativo. Desenvolveranse tamén sesións maxistrais mediante a exposición oral complementada co uso de medios audiovisuais e a introdución dalgunhas preguntas dirixidas ós alumnos, coa finalidade de transmitir coñecementos e facilitar a aprendizaxe. Tamén se utilizarán técnicas de dinámica de grupos na que os membros do grupo discutirán de forma libre, informal e espontánea sobre un tema exposto polo profesor, estando coordinados en todo momento por este. 8. Lugar de realización: O curso terá lugar na aula de informática da Escola de Canteiros de Pontevedra na dirección C/ Illa do Santo Nº2 - 36005 Poio – Pontevedra. Tlfno: 986 833 075”. 17.20695.- APROBACIÓN DO PROXECTO “CAMPO DE FÚTBOL DE HERBA ARTICICIAL EN PRÍNCIPE FELIPE” A Deputación de Pontevedra na súa política de mellora das infraestruturas deportivas existentes na provincia de Pontevedra, considera necesario levar a cabo a construción dun campo de fútbol de herba artificial no Centro Príncipe Felipe pretendendo conseguir así a mellora das instalacións deportivas do devandito centro, actualmente cun excesivo gasto de mantemento, e os de atender a demanda dos internos e dos deportistas da provincia, con especial incidencia nos que practican o fútbol base. Resultando que redactado o correspondente proxecto, cuxo importe ascende á suma de 558.226,08 €, IVE incluído, emítese por Intervención informe no que se pon de manifesto a existencia de crédito axeitado e suficiente na aplicación orzamentaria 13/232.232-621.01 do vixente orzamento provincial para facer fronte ó gasto. A Xunta de Goberno acorda por unanimidade aprobar o proxecto de “Campo de fútbol de herba artificial en Príncipe Felipe”, así como iniciar o correspondente expediente de contratación da obra, conforme ó seguinte detalle: Importe de execución sen IVE 461.343,87 € IVE 96.882,21 € Total 558.226,08 € Prazo de execución Seis meses 18.20696.- MODIFICACIÓN DO CONVENIO DE COLABORACIÓN ENTRE A DEPUTACIÓN DE PONTEVEDRA, A SECRETARÍA XERAL PARA O DEPORTE DA XUNTA DE GALICIA E O CONCELLO DE PONTEVEDRA PARA O REMATE DA OBRA DE CONSTRUCIÓN DO CAMPO DE FÚTBOL DE PASARÓN A Xunta de Goberno desta Deputación provincial, en sesión celebrada o día 21 de decembro de 2012, prestou aprobación a un convenio de colaboración entre a Deputación Provincial de Pontevedra, a Secretaría Xeral para o Deporte da Xunta de Galicia e o Concello de Pontevedra para o remate da obra de construción do campo de fútbol de Pasarón. Este convenio ten como finalidade que o Concello de Pontevedra libere á Deputación Provincial as cantidades pendentes de aboar, con motivo das obras de construción do campo de fútbol de Pasarón, ó non ser posible o seu pago por extinguirse, con data 31 de decembro de 2009, o convenio subscrito no seu día entre as tres Administracións, Xunta, Deputación e Concello. O Concello de Pontevedra, por acordo da Xunta de Goberno Local, en sesión celebrada o día 4 do actual mes de marzo, prestou aprobación a este convenio modificando as seguintes cláusulas: - Na cláusula terceira 3) b) a expresión “existe consignación suficiente na aplicación orzamentaria 09.342-76100S” deberá ser substituída por “existe consignación suficiente na aplicación orzamentaria 05.342-761.00S”. - O investimento destinado ó financiamento do convenio para o remate das obras do campo de fútbol de Pasarón ascende a cantidade total de 630.347,01 euros en vez de 605.145,19 euros, incrementándose por conseguinte na contía de 25.201,82 euros que corresponden á certificación nº 35 de 2 de decembro de 2009, pendente de aboar. Visto o informe do Servizo de Contratación e tendo en conta que con esta modificación se recolle toda a débeda pendente do Concello, a Xunta de Goberno acorda por unanimidade: Prestar aprobación á modificación do convenio de colaboración entre a Deputación Provincial de Pontevedra, a Secretaría Xeral para o Deporte da Xunta de Galicia e o Concello de Pontevedra para o remate da obra de construción do campo de fútbol de Pasarón, que queda redactado na súa cláusula terceira apartado b) do seguinte xeito: “b) O Concello de Pontevedra asumirá as obrigas económicas derivadas deste convenio, que se concretan en completar a súa achega na contía de seiscentos trinta mil trescentos corenta e sete euros cun céntimo (630.347,01 €), para proceder ó pago das certificacións de obra expedidas do campo de fútbol de Pasarón a partires do 1 de xaneiro de 2010. Para facer fronte a este gasto existe consignación suficiente na aplicación orzamentaria 05.342.761.00S.” Permanecendo invariable o resto do texto do convenio. 19.20697.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as once horas e corenta e cinco minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición