Servicio de patrimonio documental e bibliográfico - Deputación de Pontevedra

Historia Créase o xulgado de paz e o rexistro civil de Soutomaior no ano 1870, con independencia dos órganos políticos locais que viñan desempeñando estas funcións, integrado na superior estructura do partido xudicial da Redondela, no que se mantén agás nos períodos en que este se suprime –1867 a 1869 e de 1965 ata 1988 nos que pasa a integrarse no de Pontevedra. Ten un funcionamento continuado ata a actualidade con categoría de xulgado municipal ou xulgado de paz, quedando con categoría de xulgado comarcal dende o ano 1945 ata o 1953, comprendendo o xulgado de paz de Fornelos de Montes e Pazos de Borbén. O arquivo do xulgado ubícase nas oficinas situadas na planta baixa da casa do concello. Nela disponde unha estantería para o depósito dos fondos documentais, cun total de 10 metros lineais. O proceso de organización dos fondos desenvolveuse no ano 1991, baixo a dirección do Servizo Técnico do Patrimonio Documental, por José Luis Castro Carpintero.

Contexto xeográfico e cultural Provincia de Pontevedra. Concello de Soutomaior

Atribucións / fontes legais Os xulgados de paz, en España, son órganos xudiciais unipersonais con xurisdición nun municipio no que non existe un xulgado de primeira instancia e instrución. Xeralmente están servidos por xuíces non profesionais, chamados xuíces de paz que levan a cabo funcións xurisdiccionais, encargados de resolver cuestións de menor relevancia, os xulgados de paz prestan ao cidadán o servizo máis sinxelo dentro da complexa administración de xustiza. A figura e competencias dos xuíces e xulgados de paz están regulados por : Lei Orgánica do Poder Xudicial arts. 99 a 103. Regulamento Orgánico de Xuíces de Paz regulamento 3/1995 de 7 de xuño. Lei de Enjuiciamiento Civil art. 47 e art. 250. Lei de Enjuiciamiento Criminal art. 14 Orde de 17 de xuño de 2008, sobre funcionamento e organización dos Rexistros Civís dos Xulgados de Paz e a súa informatización.

Estrutura administrativa

Xestión de documentos e política de ingresos

Edificio(s) Casa do concello Rúa Alexandre Bóveda, 8 36691 Soutomaior

Fondos Xulgado de Paz de Soutomaior

Instrumentos de descrición, guías e publicacións Guía, cadro de clasificación e inventario somero en papel e informatizado Publicacións: -"Xulgados de Paz. Tomo II" N-V / Pereira Figueroa, M. A. Pontevedra. Deputación Provincial . Editorial. (2004) Patrimonio documental da provincia de Pontevedra, 58 -"Arquivos dos xulgados de paz da provincia de Pontevedra"./ Pereira Figueroa, M. A. (., Castro Carpintero, J. L., & Pérez-Santamarina, L. .- Pontevedra: revista de estudios provinciais, 12

Horarios de apertura Horario de oficinas do propio Xulgado de Paz e Rexistro Civil.

Condicións e requisitos para o uso e o acceso Acceso libre coas limitacións legais pertinentes.

Accesibilidade Documentación de caracter público, de consulta libre agás as limitacións legais derivadas das respectivas normativa vixentes

Servizos de axuda á investigación

Servizos de reprodución

Espazos públicos