Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas e trinta minutos do día quince de xuño do ano dous mil once, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Manuel Figueroa Vila, D. José Enrique Sotelo Villar, Dona Mª Teresa Pedrosa Silva, D. Xosé Crespo Iglesias, D. Silvestre José Balseiros Guinarte, D. Jesús Mª Fernández Portela, Dna. Francisca Canal Gómez e D. Salvador González Solla, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. Severino Reguera Varela, D. Jesús Vázquez Almuíña, D. Perfecto Rodríguez Muíños e D. Carlos Comesaña Abalde. Da fe do acto D. Carlos Cuadrado Romay, Secretario Xeral, e está presente o Sr. Interventor, D. Antonio Graña Gómez. Non asiste o señor deputado D. José Juan Durán Hermida. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.19307.- ACTA ANTERIOR A Xunta de Goberno acorda por unanimidade aprobar o borrador da acta da anterior sesión, ordinaria, do día 8 de xuño de 2011. 2.19308.- BASES PARA A CONCESIÓN DE AXUDAS A CONSERVATORIOS DE MÚSICA NON DEPENDENTES DA CONSELLERÍA DE EDUCACIÓN E ORDENACIÓN UNIVERSITARIA E DE TITULARIDADE PÚBLICA, ANO 2011 A Deputación de Pontevedra convoca as axudas a Conservatorios de Música non dependentes da Consellería de Educación e Ordenación Universitaria e de titularidade pública, e fiscalizadas as bases polo Servizo de Secretaría Xeral así como visto o informe favorable de Intervención sobre existencia de consignación, por un importe de 152.200,00€, con cargo á aplicación 11/330.323.462.04 do orzamento provincial, a Xunta de Goberno acorda por unanimidade aprobar as bases que rexerán as citadas axudas e que son do seguinte teor: “BASES PARA A CONCESIÓN DE AXUDAS A CONSERVATORIOS DE MÚSICA NON DEPENDENTES DA CONSELLERÍA DE EDUCACIÓN E ORDENACIÓN UNIVERSITARIA E DE TITULARIDADE PÚBLICA O art. 64.2º da Lei orgánica 10/2002, de 23 de decembro (BOE de 24 de decembro), de calidade da educación clasifica como centros docentes públicos aqueles que teñen como titular un poder público. Así pois, os conservatorios de música dependentes de concellos teñen a consideración de centros públicos. Esta Deputación é consciente de que determinados concellos da nosa provincia veñen desenvolvendo un importante labor coa iniciativa de creación e co sostemento de centros públicos que imparten as ensinanzas regradas de música que sinala o artigo 39.1º da Lei orgánica 1/1990, do 3 de outubro, de ordenación xeral do sistema educativo. En consonancia coa política desta Deputación, en vista da crecente demanda das ensinanzas de música e coa finalidade de prestarlles apoio ás iniciativas doutros entes públicos para o fomento, difusión e extensión destas ensinanzas, a Deputación establece as bases reguladoras de concesión de axudas a conservatorios de música: 1. Obxecto.- Esta convocatoria vai destinada a subvencionar o funcionamento, no desenvolvemento das súas actividades docentes, dos conservatorios non dependentes da Consellería de Educación e Ordenación Universitaria e de titularidade pública que radiquen na provincia de Pontevedra, durante o ano 2011. O importe total das axudas será de cento cincuenta e dous mil douscentos euros (152.200,00 €) que se financiarán con cargo á aplicación 11/330.323.462.04 do orzamento provincial para o ano 2011. 2. Solicitantes.- Poderán solicitar estas axudas os titulares dos conservatorios de música sinalados no punto anterior que conten coa correspondente autorización da Consellería de Educación e Ordenación Universitaria ó final do prazo establecido para a presentación de solicitudes e que radiquen na provincia de Pontevedra. 3. Lugar e prazo de presentación de solicitudes.- As solicitudes presentaranse no Rexistro Xeral da Deputación: - Sede de Pontevedra: Avda. Montero Ríos, s/n (de luns a sábado). - Sede Vigo: Rúa Oporto, 3 (de luns a venres). Ou tal e como establece o artigo 38.4º da Lei 30/1992, de 26 de novembro, de réxime xurídico das administracións públicas e do procedemento administrativo común. O prazo de presentación de solicitudes comezará o día seguinte da publicación da presente convocatoria no Boletín Oficial da Provincia e rematará o 30 de setembro de 2011. 4. Documentación.- As solicitudes deberán formularse nos modelos normalizados, que se facilitarán no Rexistro Xeral da Deputación, no Servizo de Cultura ou na páxina web da Deputación: www.depontevedra.es, achegando ademais a seguinte documentación: a. Orzamento que dedica o concello para o Conservatorio asinado polo Interventor/a, detallado por conceptos. b. Relación de persoal docente e non docente, debidamente asinado. c. Número de alumnos matriculados no curso 2010/2011, detallado por especialidades ou materias, debidamente asinado. d. Certificado da conta bancaria a nome do solicitante. e. Declaración de ter solicitado, ou non, axuda para a mesma finalidade doutras entidades. f. Declaración de non estar incurso en causas de incapacidade ou incompatibilidade para percibir axudas ou subvencións públicas e de aceptar as bases da convocatoria. g. Declaración responsable de estar ó corrente coas obrigas tributarias e coa Seguridade Social. 5. Valoración das solicitudes.- A concesión das axudas realizarase en réxime de concorrencia competitiva, tendo en conta para a súa adxudicación, os seguintes criterios: 1. Número de alumnos matriculados no curso 2010/2011, ata 25 puntos. 2. Número de profesores, ata 15 puntos. 3. Orzamento do conservatorio, ata 35 puntos. 4. Grao de desenvolvemento artístico na zona, ata 25 puntos. As propostas de concesión destas axudas someteranse ó ditame da Comisión Informativa de Cultura e á aprobación do órgano de goberno competente. Transcorridos tres meses, a partir do día seguinte en que remate o prazo de presentación da solicitude, sen que os interesados obteñan resposta expresa, entenderase desestimada a petición. A Deputación poderá requirir do solicitante cantos documentos e aclaracións considere necesarios para completar o expediente, e tamén poderá dispor que se leven a cabo as comprobacións oportunas dos datos achegados polos solicitantes. 6. Pagamento.- As subvencións estarán condicionadas ós orzamentos dispoñibles e irán destinadas a financiar operacións correntes (gastos de funcionamento e profesorado). O aboamento da subvención materializarase mediante ingreso na conta bancaria sinalada pola entidade. O beneficiario da subvención para efectos de xustificación deberá remitir: - Certificado acreditativo de toma de razón na contabilidade da entidade do dereito a percibir a axuda, asinado polo secretario ou polo interventor, de acordo co establecido na base 25ª.8ª – 2.f) de execución do orzamento desta Deputación para o ano 2011. - Conta xustificativa, asinada polo secretario ou polo interventor, na que se relacionen os gastos de funcionamento do Conservatorio, axustándose ós conceptos establecidos no orzamento remitido coa solicitude. - Declaración de que os xustificantes están a disposición da Deputación para a súa comprobación e que o importe das axudas concedidas non superan o importe total do orzamento consignado para os gastos de funcionamento do Conservatorio. - Declaración responsable de que se fixo a debida divulgación do financiamento pola Deputación da actividade subvencionada. A xustificación deberá presentarse antes do 31 de marzo de 2012. 7. Obrigas dos beneficiarios.- Nas comunicacións, escritos e propaganda dos conservatorios de música que obteñan axuda, deberá figurar o logotipo da Deputación de Pontevedra. 8. Órgano competente para a aprobación de bases.- De acordo co establecido na base 16.2 das de execución do orzamento para 2011 e dando cumprimento ó establecido no art. 18 da Lei xeral de subvencións, o órgano competente para a aprobación destas bases é a Xunta de Goberno. 9. Dereito supletorio.- Para o non previsto nas presentes bases serán de aplicación as normas incluídas nas bases de execución do orzamento xeral da Deputación de Pontevedra para o exercicio 2011 e na Lei 38/2003, de 17 de novembro, xeral de subvencións (BOE núm. 276, de 18/11/03) e demais lexislación de desenvolvemento.” 3.19309.- BASES PARA A CONCESIÓN DE AXUDAS A ESCOLAS DE MÚSICA PÚBLICAS, ANO 2011 A Deputación de Pontevedra convoca as Axudas a Escolas de Música Públicas, e fiscalizadas as bases polo Servizo de Secretaría Xeral así como visto o informe favorable de Intervención sobre existencia de consignación, por un importe de 150.000,00 €, con cargo á aplicación 11/330.323.462.06 do orzamento provincial, a Xunta de Goberno acorda por unanimidade aprobar as bases que rexerán as citadas axudas e que son do seguinte teor: “BASES PARA A CONCESIÓN DE AXUDAS A ESCOLAS DE MÚSICA PÚBLICAS Esta Deputación é consciente de que determinados concellos da nosa provincia desenvolven un importante labor coa iniciativa de creación e co sostemento de centros públicos que imparten as ensinanzas regradas de música que sinala o artigo 39.1º da Lei orgánica 1/1990, do 3 de outubro, de ordenación xeral do sistema educativo, e que no seu art. 39.5º establece que os estudos de música se poderán cursar, sen límite de idade, en escolas específicas. A notable demanda das ensinanzas de música xustifica o crecemento do número de escolas de titularidade pública para lles achegar á mocidade e ós afeccionados a posibilidade de cursar estes estudos, tanto para realizar unha actividade de formación artística como para continuar posteriormente estudos regrados de música en conservatorios ou centros autorizados. Co fin de potenciar o funcionamento destas escolas de música das que son titulares determinados entes públicos, a Deputación establece as bases reguladoras de concesión de axudas a escolas de música públicas: 1. Obxecto.- Esta convocatoria destínase a subvencionar o funcionamento, no desenvolvemento das súas actividades docentes, das escolas de música de titularidade pública que radiquen na provincia de Pontevedra, durante o ano 2011. O importe total das axudas será de cento cincuenta mil euros (150.000,00 €) que se financiarán con cargo á aplicación 11/330.323.462.06 do orzamento provincial para o ano 2011. 2. Solicitantes.- Poderán solicitar estas axudas os titulares das escolas de música sinalados no punto anterior que conten coa correspondente autorización da Consellería de Educación e Ordenación Universitaria ó final do prazo establecido para a presentación de solicitudes e que radiquen na provincia de Pontevedra. 3. Lugar e prazo de presentación de solicitudes.- As solicitudes presentaranse no Rexistro Xeral da Deputación: - Sede de Pontevedra: Avda. Montero Ríos, s/n (de luns a sábado) - Sede Vigo: Rúa Oporto, 3 (de luns a venres) Ou tal e como establece o artigo 38.4º da Lei 30/1992, de 26 de novembro, de réxime xurídico das administracións públicas e do procedemento administrativo común. O prazo de presentación de solicitudes comezará o día seguinte ó da publicación da presente convocatoria no Boletín Oficial da Provincia e rematará o 30 de setembro de 2011. 4. Documentación.- As solicitudes deberán formularse nos modelos normalizados, que se facilitarán no Rexistro Xeral da Deputación, no Servizo de Cultura ou na páxina web da Deputación: www.depontevedra.es, achegando ademais a seguinte documentación: a. Orzamento que dedica o Concello para a Escola de Música asinado polo interventor/a, detallado por conceptos. b. Relación de persoal docente e non docente, debidamente asinado. c. Número de alumnos matriculados no curso 2010/2011, detallado por especialidades ou materias, debidamente asinado. d. Certificado da conta bancaria a nome do solicitante. e. Declaración de ter solicitado, ou non, axuda para a mesma finalidade doutras entidades. f. Declaración de non estar incurso en causas de incapacidade ou incompatibilidade para percibir axudas ou subvencións públicas e de aceptar as bases da convocatoria. g. Declaración responsable de estar ó corrente coas obrigas tributarias e coa Seguridade Social. 5. Valoración das solicitudes .- A concesión das axudas realizarase en réxime de concorrencia competitiva, tendo en conta para a súa adxudicación, os seguintes criterios: 1. Número de alumnos matriculados no curso 2010/2011, ata 25 puntos. 2. Número de profesores, ata 15 puntos. 3. Orzamento da escola de música, ata 35 puntos. 4. Grao de desenvolvemento artístico na zona, ata 25 puntos. As propostas de concesión destas axudas someteranse ó ditame da Comisión Informativa de Cultura e á aprobación do órgano de goberno competente. Transcorridos tres meses, a partir do día seguinte en que remate o prazo de presentación da solicitude, sen que os interesados obteñan resposta expresa, entenderase desestimada a petición. A Deputación poderá requirir do solicitante cantos documentos e aclaracións considere necesarios para completar o expediente, e tamén poderá dispor que se leven a cabo as comprobacións oportunas dos datos achegados polos solicitantes. 6. Pagamento.- As subvencións estarán condicionadas ós orzamentos dispoñibles e irán destinadas a financiar operacións correntes (gastos de funcionamento e profesorado). O aboamento da subvención materializarase mediante ingreso na conta bancaria sinalada pola entidade. O beneficiario da subvención para efectos de xustificación deberá remitir: - Certificado acreditativo de toma de razón na contabilidade da entidade do dereito a percibir a axuda, asinado polo secretario ou polo interventor, de acordo co establecido na base 25ª.8ª – 2.f) de execución do orzamento desta Deputación para o ano 2011. - Conta xustificativa, asinada polo secretario ou polo interventor, na que se relacionen os gastos de funcionamento da Escola de Música, axustándose ós conceptos establecidos no orzamento remitido coa solicitude. - Declaración de que os xustificantes están a disposición da Deputación para a súa comprobación e que o importe das axudas concedidas non superan o importe total do orzamento consignado para os gastos de funcionamento da Escola de Música. - Declaración responsable de que se fixo a debida divulgación do financiamento pola Deputación da actividade subvencionada. A xustificación deberá presentarse antes do 31 de marzo de 2012. 7. Obrigas dos beneficiarios.- Nas comunicacións, escritos e propaganda das escolas de música que obteñan axuda, deberá figurar o logotipo da Deputación de Pontevedra. 8. Órgano competente para a aprobación de bases.- De acordo co establecido na base 16.2 das de execución do orzamento para 2011 e para dar cumprimento ó establecido no art. 18 da Lei xeral de subvencións, o órgano competente para a aprobación destas bases é a Xunta de Goberno. 9. Dereito supletorio.- Para o non previsto nas presentes bases serán de aplicación as normas incluídas nas bases de execución do orzamento xeral da Deputación de Pontevedra para o exercicio 2011 e na Lei 38/2003, de 17 de novembro, xeral de subvencións (BOE núm. 276, de 18/11/03) e demais lexislación de desenvolvemento.” 4.19310.- BASES PARA A CONCESIÓN DE AXUDAS A ESCOLAS DE MÚSICA DEPENDENTES DE ASOCIACIÓNS SEN ÁNIMO DE LUCRO, ANO 2011 A Deputación de Pontevedra convoca as Axudas a Escolas de Música dependentes de Asociacións sen ánimo de lucro, e fiscalizadas as bases polo Servizo de Secretaría Xeral, así como visto o informe favorable de Intervención sobre existencia de consignación, por un importe de 50.000,00 €, con cargo á aplicación 11/330.323.489.09 do orzamento provincial, a Xunta de Goberno acorda por unanimidade aprobar as bases que rexerán as citadas axudas e que son do seguinte teor: “BASES PARA A CONCESIÓN DE AXUDAS A ESCOLAS DE MÚSICA DEPENDENTES DE ASOCIACIÓNS SEN ÁNIMO DE LUCRO A Lei orgánica 1/1990, do 3 de outubro, de ordenación xeral do sistema educativo, no seu art. 39.5º establece que os estudos de música se poderán cursar, sen límite de idade, en escolas específicas. Co fin de potenciar o funcionamento das escolas de música dependentes de institucións sen ánimo de lucro a Deputación establece as bases reguladoras de concesión de axudas a estas escolas de música: 1. Obxecto.- Esta convocatoria destínase a subvencionar o funcionamento, no desenvolvemento das súas actividades docentes, das escolas de música dependentes das asociacións ou fundacións sen ánimo de lucro que teñan entre os seus obxectivos a formación en ensinanzas de música que radiquen na provincia de Pontevedra, durante o ano 2011. O importe total das axudas será de cincuenta mil euros (50.000,00 €) que se financiarán con cargo á aplicación 11/330.323.489.09 do orzamento provincial para o ano 2011. 2. Solicitantes.- Poderán solicitar estas axudas os titulares das escolas de música sinalados no punto anterior que conten coa correspondente autorización da Consellería de Educación e Ordenación Universitaria ó final do prazo establecido para a presentación de solicitudes e que radiquen na provincia de Pontevedra. 3. Lugar e prazo de presentación de solicitudes.- As solicitudes presentaranse no Rexistro Xeral da Deputación: - Sede de Pontevedra: Avda. Montero Ríos, s/n (de luns a sábado). - Sede Vigo: Rúa Oporto, 3 (de luns a venres). Ou tal e como establece o artigo 38.4º da Lei 30/1992, de 26 de novembro, de réxime xurídico das administracións públicas e do procedemento administrativo común. O prazo de presentación de solicitudes comezará o día seguinte ó da publicación da presente convocatoria no Boletín Oficial da Provincia e rematará o 30 de setembro de 2011. 4. Documentación.- As solicitudes deberán formularse nos modelos normalizados, que se facilitarán no Rexistro Xeral da Deputación, no Servizo de Cultura ou na páxina web da Deputación: www.depontevedra.es, achegando ademais a seguinte documentación: a. Fotocopia cotexada do CIF da entidade titular do centro. b. Fotocopia cotexada do DNI do representante da Entidade. c. Certificado da conta bancaria a nome do solicitante. d. Orzamento de gastos da escola, detallado por conceptos, asinado polo representante. e. Relación de persoal docente e non docente, debidamente asinada. f. Número de alumnos matriculados no curso 2010/2011, debidamente asinado. g. Declaración de ter solicitado, ou non, axuda para a mesma finalidade doutras entidades. h. Declaración de non estar incurso en causas de incapacidade ou incompatibilidade para percibir axudas ou subvencións públicas e de aceptar as bases da convocatoria. i. Declaración de estar ó corrente coas obrigas tributarias e coa Seguridade Social. 5. Valoración das solicitudes.- A concesión das axudas realizarase en réxime de concorrencia competitiva, tendo en conta para a súa adxudicación, os seguintes criterios: 1. Número de alumnos matriculados no curso 2010/2011, ata 25 puntos. 2. Número de profesores, ata 15 puntos. 3. Orzamento da escola de música, ata 35 puntos. 4. Grao de desenvolvemento artístico na zona, ata 25 puntos. As propostas de concesión destas axudas someteranse ó ditame da Comisión Informativa de Cultura e á aprobación do órgano de goberno competente. Transcorridos tres meses, a partir do día seguinte en que remate o prazo de presentación da solicitude, sen que os interesados obteñan resposta expresa, entenderase desestimada a petición. A Deputación poderá requirir do solicitante cantos documentos e aclaracións considere necesarios para completar o expediente, e tamén poderá dispor que se leven a cabo as comprobacións oportunas dos datos achegados polos solicitantes. 6. Pagamento.- As subvencións estarán condicionadas ós orzamentos dispoñibles e irán destinadas a financiar operacións correntes (gastos de funcionamento e profesorado). Para cobrar a axuda concedida as entidades deberán estar ó corrente das súas obrigas fiscais coa Axencia Estatal Tributaria, coa Seguridade Social e coa Deputación de Pontevedra, situación que determinará de oficio a propia Deputación, a través do Servizo de Intervención. O aboamento da subvención materializarase mediante ingreso na conta bancaria sinalada pola entidade. Para cobrar a subvención as entidades deberán presentar a seguinte documentación: a. Facturas ou documentos análogos con valor probatorio no ámbito mercantil e administrativo polo importe da subvención concedida, indicando cada factura o número de unidades, os prezos unitarios destas e máis o custo total de cada unidade. b. Conta xustificativa dos gastos, na que se determinará o custo ou gasto total da finalidade subvencionada, detallando as facturas ou documentos con valor probatorio no ámbito mercantil e administrativo, na que se poña de manifesto que os gastos que figuran en dita conta xustificativa se aplicaron á finalidade para a que foi concedida a axuda, indicando que o resto dos xustificantes da conta se encontran no domicilio da entidade beneficiaria a disposición da Deputación para o seu exame, tal como se establece na base 25.8ª. 2.c das de execución do vixente orzamento provincial. c. Os gastos xustificados deberán axustarse ós conceptos incluídos no orzamento inicial, non aboándose máis que o importe xustificado co límite da subvención concedida. d. Declaración de non ter recibido outras subvencións de administracións públicas ou entidades privadas para a finalidade subvencionada ou, no seu caso, detalle do financiamento obtido e declaración responsable de que os ingresos non superan o custo da finalidade subvencionada. e. Acreditar a debida divulgación do financiamento por parte da Deputación da actividade ou investimento subvencionado, sendo suficiente a declaración responsable do representante de a ter feito. A xustificación deberá presentarse antes do 31 de marzo de 2012. 7. Obrigas dos beneficiarios.- Nas comunicacións, escritos e propaganda das escolas de música que obteñan axuda, deberá figurar o logotipo da Deputación de Pontevedra. 8. Órgano competente para a aprobación de bases.- De acordo co establecido na base 16.2 das de execución do orzamento para 2011 e para dar cumprimento ó establecido no art. 18 da Lei xeral de subvencións, o órgano competente para a aprobación destas bases é o presidente. 9. Dereito supletorio.- Para o non previsto nas presentes bases serán de aplicación as normas incluídas nas bases de execución do orzamento xeral da Deputación de Pontevedra para o exercicio 2011 e na Lei 38/2003, de 17 de novembro, xeral de subvencións (BOE núm. 276, de 18/11/03) e demais lexislación de desenvolvemento.” 5.19311.- COMUNICACIÓNS A Xunta de Goberno queda enterada da comunicación do Secretario da FEGAMP de data 7/06/2011, que literalmente di: “Recibida a súa comunicación interesándose pola posible redución das cotas anuais que as entidades locais satisfacen á Federación, razoada como consecuencia do importante minoramento experimentado polos ingresos das Entidades Locais, cómpreme comunicarlle que, a pesares de que a FEGAMP ten conxeladas ás súas cotas en 0,042€/habitante/ano, dende o ano 2003, a proposta da Deputación de Pontevedra é trasladada ós órganos de Goberno da FEGAMP para a súa tramitación e, si é o caso, toma en consideración por parte do Consello Federal da Federación, órgano estatutariamente facultado para adoptar acorda por unanimidade na materia segundo o artigo 30 letra “d” dos Estatutos.” FÓRA DA ORDE DO DÍA, e previa declaración de urxencia adoptáronse os seguintes acordos: 6.19312.- RECLAMACIÓN DE RESPONSABILIDADE PATRIMONIAL FORMULADA POR Dª. CARMEN GOLDAR FERRO, POR DANOS EN VEHÍCULO NA E.P. 7001 A ESTRADA-FORCAREI NO CONCELLO DE A ESTRADA Dada conta que con data de rexistro 17/03/11 tivo entrada nesta Deputación reclamación de responsabilidade patrimonial formulada por Dona Carmen Goldar Ferro, con enderezo de notificacións na rúa Guimarei, 18, do Concello de A Estrada, por danos en vehículo como consecuencia da irrupción dun cabalo na E.P. 7001 A Estrada-Forcarei, o día 27/01/11 e que individualiza economicamente en 632,54 €. Resultando.- Que con data 14/04/11 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Infraestruturas que o emitiu en data 03/05/11 co seguinte contido: “… Primeiro. O vial E.P. 7001 A Estrada-Forcarei está incluído dentro da rede provincial de estradas. Segundo. Por parte do Servizo de Infraestruturas non se tivo constancia do accidente de referencia, nin doutros ocorridos pola mesma causa “irrupción dun cabalo na zona de circulación” en datas próximas anteriores ou posteriores ao que é obxecto do presente informe. Terceiro. En relación á sinalización existente no vial E.P. 7001 A Estrada-Forcarei, sentido Forcarei, manifestar que nos puntos quilométricos 10+250 e 16+400 existen sinais P-24 (paso de animais en liberdade) mentres que nos puntos quilométricos 11+650, 13+400 e 15+600 existen sinais P-23 (Paso de animais domésticos) que advirten, respectivamente, do perigo que representa a proximidade dun lugar onde frecuentemente a vía pode ser atravesada por animais en liberdade e por animais domésticos. É por iso que as probas documentais que obran no presente expediente desvirtuarían as alegacións de parte relativas a que “O mal estado da vía sen sinalización algunha é a causa directa dos danos sufridos polo vehículo…” xa que o bo estado da conservación da estrada e a súa correcta sinalización acreditan a ausencia de responsabilidade da Administración no accidente, o que leva claramente a ruptura do nexo causal entre o actuar desta Entidade Local e o resultado producido. Ademais non hai que esquecer que o vial provincial de referencia é unha estrada convencional na que o valado non forma parte esencial da mesma sen que por tanto se poda imposibilitar desa forma a penetración nela de animais salvaxes ou domésticos no seu libre, incontrolado e incontrolable vagar. En calquera caso NON se ten coñecemento de que concretamente o punto quilométrico 15+400 do vial E.P. 7001 A Estrada-Forcarei sexa un paso habitual de animais en liberdade, tal e como acreditan os partes de incidencias da brigada da zona dos anos 2009, 2010 eo que vai de 2011, que non reflicten accidente algún por dita causa. Cuarto. Por último sinalar que no momento do accidente, ás 7:55 horas da mañá, a visibilidade encontrábase restrinxida polos factores atmosféricos ó existir unha intensa neboa, mentres que o feito de que o animal abandonase a zona e que a brigada non recibise aviso algún respecto ó sinistro fai que non se poida coñecer nin o lugar exacto da súa procedencia nin o seu dono. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do Rd 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo e isto polos seguintes argumentos: 1º Estrito cumprimento por parte desta Administración do establecido no artigo 149.5 do R.d. 1.428/03, de 21 de novembro, que aprobou o regulamento xeral de circulación, pois verificouse polos vixiantes desa zona a frecuencia da irrupción de fauna, máis cando no p.q 12+300 existe un desvío hacia á zona de Sabucedo onde a presenza de cabalos é frecuente, polo que hai instaladas nese tramo do vial numerosas sinais que advirten do citado perigo. Conta diso e a presenza de sinais P-24 (paso de animais en liberdade) nos puntos quilométricos 10+250 e 16+400, sinais P-23 (paso de animais domésticos) nos puntos quilométricos 11+650, 13+400 e 15+600, o que mostra ben ás claras que a estrada estaba perfectamente sinalizada e acredita a non responsabilidade desta Administración. 2º O atestado levantado pola Garda Civil recolle que o accidente prodúcese ás 7:55 da mañá con visibilidade reducida ó existir unha intensa néboa e tratarse dunha curva forte co pavimento mollado, polo que cabe atribuír o sucedido a un suposto de forza maior, caracterizada pola súa externalidade e irresistibilidade, e motivante da súa imprevisibilidade e consecuente inevitabilidade, ó que é allea esta Deputación, o que obrigaría o condutor do vehículo a adecuar a súa condución as condicións da vía e climatolóxicas de acordo co establecido no artigo 45 do R.d. 1428/03, do 21 de novembro, que establece que: “…Todo condutor está obrigado a respectar os límites de velocidade establecidos e ter en conta (…) as características e estado da vía, do vehículo e a súa carga, as condicións meteorolóxicas, ambientais e de circulación e en xeral cantas circunstancias concorran en cada momento, a fin de adecuar a velocidade do seu vehículo a elas, de maneira que sempre poda detelo dentro dos límites do seu campo de visión e ante calquera obstáculo que poida presentarse”. 3º Coñecemento do estado da vía por parte do condutor pois e veciño da Estrada, exactamente na rúa Guimarei, a escasos 5 minutos da E.P. 7001 A Estrada-Forcarei. 4º Non se produciu ningún outro accidente pola mesma causa, o que fala da adaptación doutros condutores ás circunstancias da vía e por todo isto cabe atribuír unha concorrencia do condutor ó evento lesivo. 5º Os diferentes precedentes que foron sentando os tres xulgados do contencioso-administrativo de Pontevedra en supostos idénticos ou similares, podendo neste senso invocarse “ad exemplum” as seguintes sentenzas: Do Xulgado do concencioso-administrativo nº1 de Pontevedra, sentenzas números 171/2005, 115/2009 e 63/2010, do Xulgado do concentioso-administrativo nº2 de Pontevedra, sentenzas números 228/08 e 63/2010, do Xulgado do contencioso-administrativo nº 3 de Pontevedra, sentenzas números 75/2005, 27/2010 e 43/2011, ben sexa por non preceptividade da sinalización por non frecuencia nin habitualidade na irrupción, ben, como é o caso por irrupción frecuente e sinalización instalada. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. 7.19313.- RECLAMACIÓN DE RESPONSABILIDADE PATRIMONIAL FORMULADA POR D. ISMAEL FERREIRA PÉREZ POR DANOS EN VEHÍCULO NA E.P. 4006 PONTEAREAS- AS NEVES (CONCELLO DE AS NEVES) Dada conta que con data de rexistro 29/11/10 tivo entrada nesta Deputación reclamación de responsabilidade patrimonial formulada por Don Ismael Ferreira Pérez , con enderezo de notificacións na rúa Vía Norte, 23- Baixo, Local 2 de Vigo, por danos en vehículo como consecuencia da irrupción duns xabarís na E.P. 4006 Ponteareas- As Neves, o día 09/04/10 e que individualiza economicamente en 657,84€. Resultando.- Que con data 18/01/10 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Infraestruturas que o emitiu en data 02/02/11 co seguinte contido: “… Primero. El vial E.P. 4006 Ponteareas- As Neves está incluido dentro de la red provincial de carreteras. Segundo. Por parte del Servicio de Infraestructuras no se tuvo constancia del accidente de referencia ni de otros ocurridos por la misma causa, irrupción de jabalís en la calzada, en fechas próximas, anteriores o posteriores, al que es objeto del presente informe. Tercero. El tramo de carretera en el que se produjo el siniestro se encuentra en buen estado de conservación, existiendo además en el mismo una señal de indicación S-7 velocidad máxima aconsejada 60 km/hora. Cuarto. En cuanto a la posible responsabilidad de esta Administración motivada únicamente por ser titular de la vía, es preciso recordar que de acuerdo con lo dispuesto en el artículo 9 de la Ley 4/1997, de 25 de junio, de Caza de Galicia, “1. Los terrenos de carácter cinegético pueden estar sujetos a un régimen cinegético común o especial. 2. Los terrenos sujetos a régimen cinegético especial pueden pertenecer a alguna de las siguientes categorías: Reservas de caza; refugios de fauna; terrenos cinegéticamente ordenados (Tecor), terrenos cinegético deportivos o explotaciones cinegéticas. 3. Los no comprendidos en alguna de las categorías relacionadas en el párrafo anterior quedarán sujetos al régimen cinegético común y, en los mismos, el ejercicio de la caza será libre, sin más limitaciones que las contenidas en la presente Ley y disposiciones que la desarrollen”. Según información facilitada verbalmente desde la Consellería de Medio Rural, el tramo del vial en el que se produce le accidente es un terreno sujeto a régimen cinegético común, por lo tanto, zona libre se caza. Es por ello que de acuerdo con lo dispuesto en el artículo 23 de la Ley de Caza de Galicia, en su redacción dada por la Ley 6/2006, de 23 de octubre, la responsabilidad de indemnizar los daños en un accidente de tráfico provocado por la irrupción de una especie cinegética en ese tipo de terreno correspondería, en su caso, a la Consellería de Medio Ambiente. “1. En accidentes de tráfico ocasionados por el atropello de especies cinegéticas los daños personales y patrimoniales se atendrán a lo dispuesto en la normativa estatal en materia de seguridad vial existente al respecto. 2. Los titulares de aprovechamientos cinegéticos de terrenos sujetos a régimen cinegético especial responderán en los demás casos de los daños ocasionados por las especies cinegéticas. La Consellería de Medio Ambiente e Desenvolvemento Sostible, previa instrucción del correspondiente expediente de valoración, indemnizará los daños efectivamente producidos por las especies cinegéticas de los terrenos cinegéticos de aprovechamiento común, de los tecor autonómicos de su administración, de las reservas de caza, de los refugios de fauna y de cualquier otro terreno cuya administración y gestión le correspondan.” Quinto. En cuanto a la posible responsabilidad de esta Administración motivada “… por cuanto no procedió al cumplimiento de su obligación de adoptar las medidas necesarias para evitar la presencia de animales salvajes… tales como vallas o, cuanto menos, dotar a la vía de la señalización pertinente en orden a advertir a los conductores de la posible presencia en la vía de animales salvajes”, señalar que al ser la E.P. 4006 una vía convencional no es obligatorio el vallado de la misma, mientras que de acuerdo con lo dispuesto en el anexo 9.9.2. de la Orden de 28 de diciembre de 1999, por la que se aprueba la norma 8.1-IC “Señalización vertical” de la Instrucción de Carreteras, en el tramo de vial en cuestión no es necesaria la presencia de la señal P-24 “animales sueltos” ya que según dicho anexo “La posible presencia de animales sueltos, al atravesar la carretera cotos, reservas, parques nacionales etc.., se advertirá mediante la señal P-24, complementada en su caso, por un panel indicativo de la longitud afectada”, circunstancia que no concurre en este supuesto ya que el tramo de carretera en el que se produjo el accidente no atraviesa ninguno de estos lugares. Sexto. Por último reiterar que no se tiene constancia de que en dicho tramo de carretera y en un período de tiempo próximo al accidente se hubiesen producido otros por similares causas, es decir, por el acceso repentino de jabalís a la carretera. Resultando.- Que con datas 09/02/11, 22/03/11 e 30/05/11 déuselle traslado da reclamación á Consellería de Medio Ambiente e Desenvolvemento Sostible, en virtude do artigo 31.1 apartados “b” e “c”, para que puidera comparecer coma interesada, facéndoo en escrito de data 02/06/11 co seguinte contido: “… Polo que respecta á posible responsabilidade patrimonial da consellería do Medio Rural na materia que nos ocupa, o art. 23.1 da Lei 4/1997 do 25 xuño, de caza de Galicia ( na redacción dada pola lei 6/2006 do 23 de outubro) dispón: “En accidentes de tráfico ocasionados polo atropelo de especies cinexéticas, os danos persoais e patrimoniais ateranse ao disposto na normativa estatal en materia de seguridade vial, existente ao respecto. Dita normativa estatal recóllese na disposición adicional novena da Lei 17/2005 do 29 de xullo, pola que se regula o permiso e a licenza de condución por puntos e se modifica o texto articulado da Lei sobre o tráfico, circulación de vehículos a motor e seguridade vial; a cuxo teor: “1.- En accidentes de tráfico ocasionados por atropelo de especies cinexéticas será responsable o condutor do vehículo cando se lle poida imiputar o incumprimento das normas de circulación. 2.- ós titulares de aproveitamentos cinexéticos ou, no seu defecto, os propietarios dos terreos, só se lles podería esixir a indemnización dos danos persoais e patrimoniais nos accidentes de tráfico cando o accidente sexa consecuencia directa da acción de cazar ou da falta de dilixencia na conservación do terreo acoutado. 3.- Responderá o titular da vía pública nos casos en que o accidente se produza como consecuencia dun defecto no estado da súa conservación ou a súa sinalización.” Así os supostos indemnizables para a administración autonómica serían: que houbera un defecto na conservación ou sinalización da vía se esta fose da súa titularidade (que non é o caso); que o dano resulte como consecuencia directa da acción de cazar nun terreo de aproveitamento cinexético común; ou que exista falta de dilixencia na conservación do terreo acoutado, adxectivo este que non equivale a “terreo cercado”, senón a “delimitado para os efectos da súa consideración cinexética”, pois os titulares dos ditos terreos non están na obriga do seu valado. Consultado o servizo de conservación da natureza deste departamento territorial, resulta que conforme a Orde de Vedas correspondente, o día do accidente non era día hábil de caza, polo que o dano non resulta como consecuencia directa da acción de cazar. Por outra banda segundo o exposto no parágrafo anterior, tampouco existiu falta de dilixencia na conservación do terreo acoutado, polo que o dano producido non é imputable a esta administración ao non concorrer a necesaria relación causal. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do Rd 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo pois a simple lectura do artigo 149.5 do R.d. 1.428/03 de 21 de novembro que aprobou o regulamento xeral de circulación, revela ben ás claras que é necesario acreditar a frecuencia na irrupción de fauna salvaxe, e así… “…Los tipos de señales de advertencia de peligro, con su nomenclatura y significado respectivos, son los siguientes: (…) P-24. Paso de animales en libertad. Peligro por la proximidad de un lugar donde frecuentemente la vía puede ser atravesada por animales en libertad…” Considerando.- Que a sentenza 228/08, do Xulgado do Contencioso Administrativo nº. 2 de Pontevedra, nos autos de Procedemento Abreviado 204/08 eximiu á Deputación da obriga de instalación do sinal P-24 (paso de animais en liberdade) por non terse acreditado a FRECUENCIA e HABITUALIDADE no paso, deixando dito que: “… No hay dato alguno en el expediente administrativo ni informe al respecto que indique que el tramo en el que ocurrió el accidente constituye un lugar de paso habitual, y no esporádico, de animales salvajes que hiciera necesaria la señalización adecuada al respecto, en concreto con la señal P-24. Es más, tampoco hay constancia de que en dicho tramo de la carretera y en un lapso de tiempo próximo al accidente registrado, se hubiesen originado otros por similares causas, es decir, por el acceso inopinado de un jabalí a la carretera.” Na mesma liña, a recente sentenza 27/2010 ditada polo Xulgado do Contencioso-Administrativo número 3 de Pontevedra, nos autos de procedemento abreviado 432/08, con identidade de razón á que nos ocupa, eximiu á Deputación de responsabilidade algunha deixando dito que… “…Al no existir una obligación legal de señalizar ese tramo, y al no haberse demostrado por la parte actora que el mismo debería de ser señalizado (…), no es posible imputar la responsabilidad en la producción de los daños a la Administración aquí demandada (Diputación)…” Próxima no tempo, a sentenza 119/10, do Xulgado do Contencioso Administrativo nº 2 de Pontevedra, nos autos de Procedemento Abreviado 63/10 eximiu á Deputación de responsabilidade algunha deixando dito que: “…Tampoco ha quedado acreditado de la prueba practicada que el lugar en que se produjo el accidente sea un lugar de paso frecuente de animales de caza, que hiciera necesario advertir a los usuarios de la vía por medio de la señalización pertinente al respecto (P-24), no constando según la información obrante en el expediente, la existencia de ningún otro siniestro de similares características en dicho tramo de la vía.” No mesmo senso se pronuncia a recentísima sentenza 43/2011 do Xulgado Contencioso- Administrativo nº 3 de Pontevedra, nos autos do Procedemento Abreviado 306/2010. Considerando.- Que a detentación (como xa ten dito o T.S. ata a saciedade) dunha infraestrutura material (a estrada) non converte, no presente suposto, a Deputación nunha sorte de aseguradora universal de todos os sinistros, pois é sabido que existe un estándar medio de risco predicable de calquera actividade humana ó que non é allea a condución de vehículos a motor. Considerando.- Todo o anterior, resta atribuír o sucedido a un suposto de forza maior, caracterizada pola súa externalidade e irresistibilidade, e motivante da súa imprevisibilidade e consecuente inevitabilidade, ó que é allea esta Deputación. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. 8.19314.- CONCESIÓN DUNHA SUBVENCIÓN COMPLEMENTARIA A FAVOR DA ASOCIACIÓN “AMENCER-ASPACE” Aprobada pola Xunta de Goberno desta Deputación Provincial, na súa sesión do 28 de xullo de 2010, unha subvención de 3.432,00 euros, a favor da Asociación de Padres Paralíticos Cerebrales y Afines “Amencer-Aspace” de Pontevedra, para un proxecto de “Integración socio-familiar a través da cociña”, e presentándose a xustificación non dentro do prazo previsto na normativa, a Xunta de Goberno acorda por unanimidade a concesión dunha subvención a favor da Asociación de Padres Paralíticos Cerebrales y Afines “Amencer-Aspace” de Pontevedra, polo importe de 3.432,00 € dentro da Convocatoria 2010 de subvencións para Entidades de Iniciativa Social, polo procedemento de recoñecemento extraxudicial de crédito, toda vez que o orzamento do seu correspondente exercicio quedou esgotado, como constata o informe de 31 de maio de dous mil once do Sr. Interventor. 9.19315.- RENUNCIA DUNHA SUBVENCIÓN PRESENTADA POLA ASOCIACIÓN “ASO.DI.FI.SI” DE MOS, DENTRO DA CONVOCATORIA DE SUBVENCIÓNS DIRIXIDAS A ENTIDADES DE INICIATIVA SOCIAL 2010 Aprobada pola Xunta de Goberno desta Deputación Provincial, na súa sesión de 28 de xullo de 2010, unha subvención de 1.201,20 €, a favor da Asociación Disminuidos Físicos y Psíquicos de Mos, para un curso de integración laboral “Dalle ritmo a túa vida” de 100 horas de duración, e comunicada o 25 de maio de 2011 pola citada Asociación a súa renuncia á subvención ante a imposibilidade de non realizalo o curso previsto e de non xustificalo; a Xunta de Goberno queda enterada da renuncia da Asociación de Disminuidos Físicos y Psíquicos “ASO.DI.FI.SI.” de Mos, á subvención que polo importe de 1.201,20€ aprobada pola Xunta de Goberno do 28 de xullo de 2010, dentro da convocatoria de Subvencións para Entidades de Iniciativa Social 2010. 10.19316.- RECOÑECEMENTO DA OBRIGA E DECLARACIÓN DE ABOO DA CERTIFICACIÓN NÚM. 3 DA OBRA “POUSADA DE RIBADUMIA” Á vista do informe favorable da Intervención, do 7 de xuño de 2011, relativo á certificación nº 3 da obra Pousada de Ribadumia, a Xunta de Goberno acorda por unanimidade aprobar o recoñecemento da obriga e o pago de dita certificación, debendo librarse o seu importe con cargo á aplicación que se cita e co seguinte detalle: EMPRESA Aplicación orzamentaria Importe CONSTRUCCIONES ABAL, SA CIF. A - 36115453 11/942-430-622.01.2009 360.854,88 € SUBTOTAL (importe bruto) ….……. 360.854,88 € Descontos sobre o importe bruto da certificación: Taxa dirección de obra (4 % P.E.M.) Id. 10.279,30 € Control de calidade (3 % P.E.M.) Id. 7.709,48 € Seguridade e Saúde (0,72 % P.E.M.) Id. 1.850,27 € TOTAL DESCONTOS ………… 19.839,05 € TOTAL LÍQUIDO A PERCIBIR POLA EMPRESA 341.015,83 € Os honorarios correspondentes ós Técnicos ingresaranse provisionalmente no concepto non orzamentario correspondente. Os relativos a funcionarios desta Deputación formalizaranse ingresándoos no concepto orzamentario que proceda e os de técnicos non funcionarios aboaranse cando se formalice o ingreso na conta non orzamentaria. 11.19317.- INFORME EN RELACIÓN CO EXPEDIENTE DE DESLINDE ENTRE OS TERMOS MUNICIPAIS DOS CONCELLOS DE ARBO, AS NEVES E A CAÑIZA (PONTEVEDRA) QUE REMITE A DIRECCIÓN XERAL DE ADMINISTRACIÓN LOCAL DA CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA DA XUNTA DE GALICIA Dada conta da comunicación da Dirección Xeral de Administración Local da Consellería de Presidencia, Administracións Públicas e Xustiza da Xunta de Galicia, de data 23 de maio de 2011, recibida nesta Deputación o día 26 de maio (Rex. de entrada núm. 20747), pola que se remite expediente de deslinde entre os termos municipais de Arbo, As Neves e A Cañiza e, Resultando que o Director de Infraestruturas, emite informe o día 1 de xuño de 2011, no que manifesta que “...De acordo co disposto no parágrafo 3º do artigo 44 da Lei 5/1997, de 22 de xullo, de Administración Local de Galicia e á vista da documentación que obra no expediente administrativo da súa razón, infórmase favorablemente a proposta de deslinde formulada pola Dirección Xeral do Instituto Xeográfico Nacional que establece como liña xurisdicional entre os termos municipais de Arbo e As Neves (xa que A Cañiza manifestou no seu día que a súa liña divisoria non se ve afecta) a definida pola acta deslindamento subscrita por ambos Concello o 18 de novembro de 1889 e proponse a adhesión a dita proposta, tendo en conta que segundo reitera a xurisprudencia do Tribunal Supremo “... nos deslindes xurisdicionais deben, ante todo, terse en conta os documentos que se refiran a deslindamentos anteriores practicados de conformidade entre os termos municipais interesados...”. Considerando que o artigo 44 da Lei 5/97, de 22 de xullo, de Administración Local de Galicia, establece o procedemento a seguir nos casos de existencia de diverxencias entre os Concellos implicados en relación coa liña divisoria entre ambos. A Xunta de Goberno acorda por unanimidade prestar conformidade ó citado informe, e remitir o acordo a Dirección Xeral de Administración Local da Consellería de Presidencia, Administracións Públicas e Xustiza da Xunta de Galicia. 12.19318.- APROBACIÓN DO PROXECTO MODIFICADO DA OBRA “BEIRARRÚAS, SERVIZOS E ALUMEADO EN E.P. 8503 CORDEIRO-SENÍN (VALGA) FASE 2” Resultando que a Xunta de Goberno, en sesión de 29/10/2008, aprobou o expediente de contratación da obra “Beirarrúas, servizos e alumeado E.P. 8503 Cordeiro-Senín, fase II (Valga)”, con orzamento de 474.856,60 €, máis 75.977,06 € correspondentes ó IVE. Resultando de que o mesmo Órgano, en sesión de 30/12/2008, adxudicou a obra á UTE Instalaciones Eléctricas de Sanxenxo, S.L.-Pavimentos de Meaño, S.L. na suma de 387.008,13 €, máis 61.921,30 € correspondentes ó IVE. Resultando que polo Servizo de Vías e Obras, como consecuencia do tempo transcorrido dende a realización do proxecto faise necesario acometer unha serie de modificacións para os efectos de actualizar as obras proxectadas ás necesidades actuais, redáctase un proxecto modificado de dita obra sen variación económica excepto no que se refire ó IVE debido ó cambio do tipo impositivo ó 18%. Resultando que por Intervención se emite informe relativo á existencia de crédito axeitado e suficiente na partida 11/456.453-612.02-2010 para facer fronte ó gasto, poñéndose de manifesto unha serie de observacións, sobre as que se emitiron informes polos Servizos de Infraestruturas e Contratación. Considerando emendadas as observacións postas de manifesto no informe emitido por Intervención mediante os referidos informes dos Servizos de Infraestruturas e de Contratación, a Xunta de Goberno acorda por unanimidade aprobar o proxecto modificado da obra de “Beirarrúas, servizos e alumeado E.P. 8503 Cordeiro-Senín, fase II (Valga)” por importe, aplicada a baixa de adxudicación da obra inicial, de 387.008,13 €, máis 69.661,46 € correspondentes ó IVE (18%), manténdose o importe da adxudicación efectuada no seu día a favor de UTE Instalaciones Eléctricas de Sanxenxo, S.L.-Pavimentos de Meaño, S.L., toda vez que non varía o orzamento inicial da obra agás no que se refire ó IVE debido ó cambio do tipo impositivo ó 18%. 13.19319.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA “TERMINACIÓN E.P. 7103 CERDEDO-CASTRO-QUIREZA, TRAMO CASTRO-PONTE DO CANDO (CERDEDO)” Resultando que a Xunta de Goberno, en sesión de 18/05/2010, prestou aprobación ó proxecto de “Terminación E.P. 7103 Cerdedo-Castro-Quireza, tramo Castro-Ponte do Cando (Cerdedo)”, por importe de 338.983,05 €, máis a cantidade de 61.016,95 € correspondentes ó IVE, o que fai un total de 400.000,00 €. Resultando que polo Sr. Secretario Xeral, se emite informe relativo ó prego de cláusulas administrativas que rexerá o procedemento aberto para a adxudicación da obra, considerándoo correcto xuridicamente para os fins propostos. E, á vista do informe de fiscalización do expediente emitido polo Sr. Interventor, a Xunta de Goberno acorda por unanimidade aprobar o gasto, o prego de cláusulas administrativas e o expediente de contratación, mediante procedemento aberto, da obra de “Terminación E.P. 7103 Cerdedo-Castro-Quireza, tramo Castro-Ponte do Cando (Cerdedo)”, por importe de 338.983,05 €, máis a cantidade de 61.016,95 € correspondentes ó IVE, o que fai un total de 400.000,00 €. A obra obxecto do expediente finánciase con cargo ás aplicacións 11/456.453.612.2009 e 11/456.453.612.2010. O anuncio de licitación e do extracto do prego de cláusulas administrativas que rexerá no procedemento aberto publicarase no Boletín Oficial da Provincia. Os gastos de inserción de anuncios, e outros que se deriven do expediente, serán por conta do adxudicatario. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN NA CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “TERMINACION E.P. 7103 CERDEDO-CASTRO-QUIREZA, TRAMO CASTRO-PONTE DO CANDO (CERDEDO)”. CPV 45230000. 1.- OBXECTO.- Execución da obra “Terminación E.P. 7103 Cerdedo-Castro-Quireza, tramo Castro-Ponte do Cando (Cerdedo)”. A súa execución deberá realizarse suxeitándose ós proxectos técnicos que aprobou o órgano de contratación e que integran os documentos enumerados no artigo 107 da LCSP, e os artigos 125 ó 132 do RXLCAP, incluído o correspondente estudo de seguridade e saúde. O conxunto de documentos que compoñen os proxectos, considerados como parte integrante deste prego, teñen carácter contractual. 2. ORZAMENTO.- Segundo o anexo II deste prego. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material; comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación Provincial na sesión do 27 de febreiro de 1998. • Gastos referentes á coordinación da seguridade e saúde, 0,50 % do orzamento de execución material. • Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ao 1%, reterase o 1% do orzamento de execución material. 2. Beneficio industrial; aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e os gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais, autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3.- FINANCIAMENTO.- A obra financiarase de acordo co estipulado no anexo II. 4.- PRAZO DE EXECUCIÓN.- O prazo máximo estimado para a execución das obras, a contar dende o día seguinte ó da sinatura da acta de comprobación do replanteo, salvo que exista razón fundada que impida o seu comezo, estímase no anexo II. Os licitadores deberán presentar na proposta económica un programa de traballo que contemple o desenvolvemento das unidades de obras que se van realizar en cada prazo. O contratista está obrigado a cumprir o contrato na súa totalidade dentro do prazo ofertado, así como nos prazos parciais sinalados para a súa execución sucesiva. O dito prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e previa petición do contratista co informe favorable do director de obra. No caso de prorroga, proposta pola dirección da obra, o órgano de contratación terá que aprobar o expediente pertinente que implica a modificación. 5.- INCUMPRIMENTO DO PRAZO.- Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5 por cento do prezo do contrato. As penalidades diarias serán cuantificadas na proporción de 0,20 euros por cada 1.000 euros do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, a proposta do enxeñeiro director da obra, para a súa correcta finalización. A dita imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 6.- CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica nos termos que dispón o artigo 65 da Lei 30/2007, de 30 de outubro, de contratos do sector público, e non se atopen incursas nalgunha das prohibicións que contempla o art. 49 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias dos que a constitúan e a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); as ditas empresas serán responsables solidarias ante a Administración debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. As ditas empresas deberán ter por obxecto realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7.- GARANTÍA DEFINITIVA.- O seu importe será do 5% do prezo de adxudicación, excluído o imposto sobre o valor engadido, e poderá constituírse en calquera das formas previstas no art. 84 da LCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó que se publique a adxudicación provisional no perfil de contratante do órgano de contratación. En caso de incumprir este requirimento a Administración poderá efectuar unha nova convocatoria ou adxudicarlles provisionalmente ó licitador ou licitadores seguintes a aquel que incumpriu a obriga, pola orde en que quedasen clasificadas as súas ofertas, sempre que iso fose posible e que o novo adxudicatario prestase a súa conformidade, en cuxo caso se lle concederá a este un prazo de dez días hábiles para formalizar o sinalado no segundo parágrafo do apartado anterior. A garantía definitiva ingresarase exclusivamente na Caixa da Deputación. 8.- PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN.- 8.1º. Lugar e prazo de presentación: As proposicións presentaranse no Rexistro Xeral da Deputación, cun horario de 9.00 a 13.00 horas, de luns a sábado, ou na sede da Deputación en Vigo, de luns a venres, dentro dun prazo de vinte e seis días naturais, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos polos artigos 38.4º da Lei 30/92, de 26 de novembro, de réxime xurídico das administracións públicas e do procedemento administrativo común e 80 do R.d. 1098/2001, de 12 de outubro, polo que se aproba o regulamento xeral da Lei de contratos das administracións públicas, agás por correo electrónico. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986 804 126) ou telegrama, sempre no mesmo día. 8.2º. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Nome do licitador. CIF. Enderezo e teléfono de contacto. Número de inscrición no rexistro de contratistas (se é o caso). Dependendo de cada sobre incluirase a seguinte documentación: Sobre “A”: documentación xeral, coa seguinte inscrición: Documentación xeral para o procedemento aberto para a contratación da obra (especificar o nome da obra). Este sobre conterá os seguintes documentos: 1. Os que acrediten a personalidade xurídica do empresario e, se é o caso, a súa representación. En caso de concorrer á licitación varias empresas constituíndo unha unión temporal cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ha de ocupar a representación da unión temporal ante a Administración. 2.- Poder debidamente bastanteado. 3.- Certificado acreditativo de posuír a clasificación empresarial que se establece no anexo II. Se a empresa se encontrase pendente de clasificación deberá achegarse o documento acreditativo de ter presentado a correspondente solicitude para iso debendo xustificar estar dispoñer da clasificación esixida no prazo previsto nas normas de desenvolvemento desta Lei para emendar os defectos ou omisións na documentación. 4.- Unha declaración responsable de non estar incurso na prohibición de contratar. Esta declaración incluirá a manifestación de estar ó corrente do cumprimento das obrigas tributarias e coa Seguridade Social que impoñen as disposicións vixentes, sen prexuízo de que a xustificación acreditativa de tal requirimento deba presentala, antes da adxudicación definitiva, o empresario a cuxo favor se vaia efectuar esta. 5.- Acreditación da solvencia económica, técnica e financeira: a) As contas anuais presentadas no Rexistro Mercantil ou no Rexistro oficial que corresponda. Os empresarios non obrigados a presentar as contas en Rexistros oficiais poderán achegar, como medio alternativo de acreditación, os libros de contabilidade debidamente legalizados. b) Relación das obras executadas no curso dos cinco últimos anos, avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo; se é o caso, os devanditos certificados serán comunicados directamente ao órgano de contratación pola autoridade competente. c) Declaración indicando a maquinaria, material e equipo técnico do que se dispoñerá para a execución das obras, á que se achegará a documentación acreditativa pertinente. 6.- Dirección de correo electrónico ó que efectuar as comunicacións ou notificacións. Nota importante: o acreditamento das circunstancias que mencionan nos artigos anteriores poderase realizar mediante a certificación dun rexistro oficial de licitadores e empresas clasificadas ou mediante un certificado comunitario de clasificación, deberá acompañarse á mesma unha declaración responsable do licitador na que manifeste que as circunstancias reflectidas no correspondente certificado non experimentaron variación. Esta manifestación deberá reiterarse, en caso de resultar adxudicatario, no documento en que se formalice o contrato, sen prexuízo de que o órgano de contratación poida, se o estima conveniente, efectuar unha consulta ó rexistro oficial de licitadores e empresas clasificadas. Sobre “B”: Documentación correspondente á valoración de criterios non avaliables mediante formulas, coa seguinte inscrición: Documentación Técnica para o procedemento aberto para a contratación da obra (especificar nome da obra). Presentarase cerrado e contendo os seguintes documentos: 1.- Como primeiro documento presentarase unha relación numerada e foliada de todos os documentos, asinada e selado polo representante legal da empresa. 2.- Memoria construtiva e programa de traballo. 3.- Melloras ofertadas. 4.- Memoria de seguridade e saúde. 5.- Tecnoloxía e I+D+i e programa de actuacións medioambientais (se é o caso). Toda a documentación relativa a este sobre deberá presentarse en formato A4, e cun límite máximo de 100 follas. Sobre “C”: documento correspondente á valoración de criterios avaliables mediante fórmulas, coa seguinte inscrición: proposición económica para o procedemento aberto para a contratación da obra (especificar nome da obra). Presentarase cerrado e contendo o seguinte documento: 1.- Modelo de proposición, seguindo o modelo determinado na última cláusula deste prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicado sobre o orzamento de execución material da obra, e determinado no apartado destinado para iso no modelo de proposición. A Deputación reservarase o dereito de aprobar a empresa que vaia realizar.o control de calidade. Así mesmo, esa empresa deberá acreditar a disposición dun certificado de calidade. 9.- MESA DE CONTRATACIÓN.- Estará integrada da seguinte maneira: PRESIDENTE: O titular da corporación ou membro en quen delegue. VOGAIS: O secretario xeral. O interventor. O director de Infraestruturas. SECRETARIO: O técnico adxunto ó Servizo de Contratación. 10.- CUALIFICACIÓN DA DOCUMENTACIÓN XERAL E APERTURA DE PROPOSICIÓNS.- Unha vez finalizado o prazo de presentación de proposicións, constituirase a mesa de contratación e procederase á cualificación da documentación xeral achegada polos licitadores no sobre “A”. No caso de que se precise o arranxo de erros ou omisións na documentación que establece a cláusula 8.2, a mesa de contratación concederá un prazo máximo de 3 días hábiles para corrixir estes defectos. Posteriormente, a mesa ás 10 horas do quinto día hábil seguinte ó día no que finalice o prazo sinalado para a presentación de plicas, en acto público, sinalará as que cualificasen como inadmitidas e admitidas, e procederá á apertura do sobre b correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a Lei de contratos do sector público. Esta documentación trasladaráselles ós técnicos, que a avaliarán e a ponderarán segundo os criterios de valoración que estableza o prego. Unha vez avaliada esta documentación técnica, sinalarase no perfil do contratante da Deputación, a data e hora na que se procederá, en acto público, á apertura do sobre “C” da documentación correspondente á valoración de criterios avaliables mediante fórmulas. Neste acto, darase a coñecer a ponderación asignada á proposta técnica de cada empresa e procederase á apertura dos sobres “C” daquelas empresas que obtivesen unha valoración superior a 30 puntos sobre os criterios non avaliables mediante fórmulas. 11.- CRITERIOS DE ADXUDICACIÓN DO CONTRATO.- Para a valoración das proposicións e a determinación da oferta economicamente máis vantaxosa atenderase ós seguintes criterios directamente vinculados ó obxecto do contrato: 11.1.-Enumeración dos criterios non avaliables mediante formulas (Sobre “B”) Os criterios avaliables mediante xuízos de valor valoráranse cun máximo de 50 puntos, de conformidade cos seguintes criterios: - Memoria construtiva e programa de traballo, ata un máximo de 20 puntos. - Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/a redución do prazo de execución da obra, ata un máximo de 15 puntos. - Memoria de seguridade e saúde, ata un máximo de 5 puntos. - Tecnoloxía e I+D+i, ata un máximo de 5 puntos - Programa de actuacións medioambientais, ata un máximo de 5 puntos. Estes criterios ponderaranse da seguinte forma: 11.1.1) Memoria construtiva e programa de traballo, ata un máximo de 20 puntos. Valorarase o coñecemento do proxecto e do terreo onde será executada a obra, debéndose explicar a metodoloxía a empregar na súa execución, así como das provisións a empregar, e dos medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. Nota moi importante: Na documentación que se presente no sobre “B”, e en especial neste apartado, non poderase incluír ningún dato que permita intuír a proposta económica ofertada polo licitador. Toda referencia económica en relación co programa de traballo, e su execución por anualidades, no seu caso, presentarase única e exclusivamente no Sobre “C”. O incumprimento deste precepto carreará a exclusión da oferta no proceso de licitación. 11.1.2.) Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/o redución do prazo de execución ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (18%), e na que se indiquen as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservándose o dereito de poder variar as mesmas en beneficio do interese público, e sempre sen que poida superar o valor económico das ofertadas. Poderase ofertar como melloras unha redución no prazo de execución da obra, debéndose xustificar adecuadamente as circunstancias ou solucións técnicas que permitan a mesma. Os técnicos, en base a documentación forzada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento. 11.1.3) Memoria de seguridade e saúde, ata un máximo de 5 puntos. 1. Definición da problemática principal en relación coa seguridade e saúde dos traballos. Describiranse as actividades de maior problemática na súa execución en relación coa seguridade e saúde, e definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e o sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real Decreto 171/2004, en materia de Coordinación de Actividades Empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes, etc. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo II. R.D. 1627/97). Neste apartado desenvolverase, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias, así como que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003 de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e ferramentas auxiliares cumpren a normativa vixente en materia de seguridade e saúde, e máis e das revisións e mantementos de cada unha das máquinas xunto co protocolo de seguimento destas revisións e mantementos. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI´s. Presentarase a proposta de cómo realizar a formación dos traballadores en obra, así como de información dos riscos a que están sometidos nas mesma. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento, e sobre os riscos dos que o protexen, así como se haberá de definir como se verificará a utilización dos mesmos por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias a utilizar na obra, determinando como se definirá a súa necesidade e como se verificará a súa correcta utilización, estado e reposición. 11.1.4) Tecnoloxía e I+D+i, ata un máximo de 5 puntos. Valorarase a calidade e idoneidade das tecnoloxías que o contratista propoña para a execución do contrato. Neste sentido valorarase en particular a utilización na obra de tecnoloxías o contratista desenvolva no marco de proxectos de I+D+I que supoñan unha mellora da calidade e valor técnico da obra, e cuxa xustificación poida ser debidamente documentada. Esta xustificación realizarase mediante a acreditación segundo a serie de normas UNE 16600. 11.1.5) Programa de actuacións medioambientais, ata un máximo de 5 puntos. Para este Programa valoraranse as propostas de medidas de xestión medioambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión medio ambiental propostos. As medidas medioambientais valoraranse de acordo cos seguintes criterios: a) Se a execución da obra se realizada nun marco de xestión medioambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE(77/801-94 e 77/802-94). b) Se os materiais que utilizará o licitador proveñen dun proceso de reciclado ou reutilización en máis dun 50%, conforme a certificación emitida por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais que utilizará o licitador son reutilizables ou teñen un grao de reciclabilidade superior a un 50%, conforme a certificación emitido por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por vertidos, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. 11.2.- Enumeración dos criterios avaliables mediante formulas (Sobre “C”). Nota importante: Só se procederá á apertura e valoración das propostas do sobre c daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: - Redución do prezo sobre o orzamento máximo do contrato, ata un máximo de 45 puntos. - Proxecto de control de calidade da obra que a empresa manterá durante a súa execución, ata un máximo de 5 puntos. 11.2.1) Redución do prezo sobre o orzamento máximo do contrato, ata un máximo de 45 puntos. Puntuándose en función da fórmula establecida no anexo I. 11.2.2) Proxecto de control de calidade da obra que a empresa manterá durante a súa execución, ata un máximo de 5 puntos. Especificarase a porcentaxe sobre o orzamento de execución material que asigne para tal efecto, así como a acreditación por parte da mesma da disposición dun certificado de calidade, reservándose para si a Deputación a aprobación do laboratorio homologado proposto. Puntuación: (Control ofertado x 5)/control máximo ofertado (de entre todas as empresas licitadoras). Se non se oferta ningún porcentaxe ou o ofertado é inferior ó 1%, reterase o 1% do orzamento de execución material. 12.- OFERTAS CON VALORES ANORMAIS OU DESPROPORCIONADOS.- Consideraranse ofertas con valores anormais ou desproporcionados aquelas cuxa porcentaxe de baixa exceda nas porcentaxes que se sinalan a continuación en función do número de empresas presentadas e admitidas ó procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á da outra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades a media aritmética das baixas porcentuais das baixas admitidas. Excluirase para o cómputo desta media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades a media das baixas porcentuais das ofertas admitidas. Non obstante, se entre elas existen baixas porcentuais inferiores en máis de 10 unidades a esta media, se calculará unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media se calculará sobre as tres ofertas de menor contía (maior baixa porcentual). • n = 1: Se b 1 > 25, entón a oferta 1 (única) é temeraria. • n = 2: Supoñemos que b 1 ≤ b 2 . Se b 2 > bm + 10 entón a oferta 2 é temeraria. Obsérvese que a condición b 2 > bm + 10 equivale a b 2 > b 1 + 20 porque: bm = (b 1 + b 2 ) • n = 3: Supoñemos que b 1 ≤ b 2 ≤ b 3 . Sexa b * m definida como: b * m = (b 2 + b 3 ) se b 1 < bm - 10 bm en caso contrario Para i = 1,2,3, se b 1 >25 ou b 1 > b * m + 10 a oferta i é temeraria. • N ≥ 4: Supoñemos que b 1 ≤ b 2 ≤ …. ≤ bn . Se b 1 < bm – 10 sexa 1 ≤ l ≤ n tal que b 1 ≤ b 2 ≤ …. ≤ b 1 < bm – 10, bl+1 ≥ bm - 10 Definimos: b * m = ( bl+1 + ...+ bm ) se b 1 < bm – 10 e l ≤ n-3. ( bn-2 + bn-1 + bn ) se b 1 < bm - 10 e l > n-3, bm se b 1 ≥ bm - 10 Para i = 1,2,……,n, se b 1 > b * m + 10 a oferta i é temeraria. Cando a mesa de contratación considere que a proposición non se poderá cumprir como consecuencia das baixas anormais ou desproporcionadas, darase audiencia ó contratista, por un prazo máximo de cinco días hábiles, para que xustifique a valoración da oferta e precise as condicións da mesma, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación unha vez considerada a xustificación do licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde na que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13.- REQUIRIMENTO.- O órgano de contratación, unha vez avaliadas as propostas clasificaraas por orde decrecente, para cuxo efecto poderá solicitar cantos informes técnicos estime pertinentes, e requirirá á empresa que presentara a oferta máis vantaxosa para que dentro do prazo de dez días hábiles, a contar dende o día que recibise a comunicación, presente a documentación xustificativa de estar ó corrente no cumprimento das súas obrigas tributarias e coa Seguridade Social, e calquera outro documento acreditativo da súa aptitude para contratar ou da efectiva disposición dos medios que se comprometeran a dedicar ou adscribir á execución do contrato que lle reclame esta institución, así como constituír a garantía definitiva. 14.- ADXUDICACIÓN.- O órgano de contratación adxudicará o contrato dentro dos cinco días hábiles seguintes á recepción da documentación referida no artigo anterior, fixando os termos definitivos do contrato. De forma simultánea publicarase a adxudicación no perfil do contratante da Deputación de Pontevedra. 15.- FORMALIZACIÓN CONTRATO.- A administración e o contratista deberán formalizar o contrato en documento administrativo dentro do prazo de quince días hábiles, a contar dende o día seguinte á notificación da adxudicación, constituíndo dito documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado a administración poderá acordar a súa resolución. Non poderá iniciarse a execución do contrato sen a súa formalización previa. 16.- PERFIL DO CONTRATANTE.- Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos pola LCSP ou polas normas autonómicas de desenvolvemento ou nos que así se decida voluntariamente, a Deputación difundirá, a través de Internet (www.depo.es), o seu perfil de contratante. 17.- GASTOS A CARGO DO ADXUDICATARIO.- Serán a cargo do adxudicatario os gastos que xere o expediente, así como os de carteis de obra que lle serán facilitados pola Deputación e que serán colocados no lugar que lles indique a Dirección de Obra. Ademais os adxudicatarios estarán obrigados a colocar toda a sinalización necesaria que garanta a plena seguridade da obra, e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra obxecto do contrato e que ademais será responsable da súa seguridade sen cuxos requirimentos non se confeccionará a acta de comprobación do replanteo. Así mesmo, os gastos do cartel da obra serán por conta do adxudicatario. 18.- RESPONSABLE DO CONTRATO.- A Deputación designará a un responsable do contrato, vinculado a esta institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que corresponden ó director facultativo das obras. 19.- EXECUCIÓN DAS OBRAS E RESPONSABILIDADE DO CONTRATISTA.- As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste desen ó contratista o director facultativo, e se é o caso, o responsable do contrato, nos ámbitos da súa respectiva competencia. (art. 213 LCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a administración poderá penalizar ó contratista ata un importe que non supere o 10% do orzamento do contrato (art. 196.1 LCSP). Ó contratista indemnizará todos os danos e perdas que se causen a terceiros como consecuencia da realización das obras contratadas. (art. 198.1 LCSP). 20.- CERTIFICACIÓNS.- A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. As certificacións de obra axustaranse ós modelos de certificación ordinaria e anticipada para obras da Deputación que foron aprobadas pola Resolución presidencial, de 13 de xullo de 2007, e que se encontran inseridos na páxina web www.depontevedra.es. O técnico director deberá practicar nas certificacións de obra as retencións correspondentes ás porcentaxes ofertadas polo adxudicatario en concepto de control de calidade, seguridade e saúde, taxa por dirección de obra, etc. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora, teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario, será necesario que a certificación recolla a retención correspondente ás penalidades. 21.- RECEPCIÓN E CERTIFICACIÓN FINAL DE OBRAS.- O contratista comunicará á dirección da obra a data prevista para a terminación ou execución do contrato, ós efectos de que se poida realizar a recepción. Á recepción concorrerán o responsable do contrato ou un facultativo designado pola Administración representante desta, o facultativo encargado da dirección das obras e o contratista asistido, se o estima oportuno, do seu facultativo. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase seguidamente á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses dende a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegaralle á acta de recepción un estado de dimensións e características da obra executada que defina con detalle as obras realizadas tal e como se encontran no momento da recepción, a efectos de inventario. 22.- XUSTIFICACIÓN DAS MELLORAS.- O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante informe ó que se acompañará unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (18%). 23.- LIQUIDACIÓN DA OBRA.- Transcorrido o prazo de garantía, se o informe do director da obra sobre o seu estado fose favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, en cuxo último caso, aboarase a cantidade endebedada ó contratista. 24.- GARANTÍA DA OBRA.- A obra terá un período de garantía dun ano desde o día seguinte á data de formalización da acta de recepción, neste tempo o contratista estará obrigado á súa conservación e policía, e á reparación dos estragos producidos pola defectuosa execución das mesmas. Se se producise un incumprimento das obrigas accesorias propias da garantía, non podendo resolverse o contrato, poderase incautar a garantía, e se non fose suficiente, poderase reclamar danos e perdas pola vía de prema. Dentro do prazo de quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este fóra favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó uso do construído, durante o prazo de garantía, o director da obra procederá a ditar as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade algunha por ampliación do prazo de garantía. 25.- DEVOLUCIÓN DA DOCUMENTACIÓN E DA GARANTÍA PROVISIONAL.- A documentación incluída no Sobre “A” dos licitadores que non resultasen adxudicatarios poderá ser retirada polos licitadores, previo aviso ó servizo de contratación, mediante escrito ordinario ou electrónico no e-mail contratacion@depo.es, transcorridos tres meses contados desde o día seguinte á notificación do acordo de adxudicación ós licitadores, e durante o prazo de 30 días naturais, salvo que a administración considere oportuno retela no suposto que interpuxeran reclamacións ou recursos, ou exista algunha incidencia administrativa. Transcorridos os prazos anteriormente mencionados, esta administración disporá da documentación quedando exenta de toda responsabilidade. 26.-RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts. 206 e 220 da LCSP. 27.- RÉXIME XURÍDICO.- En todo o non previsto expresamente no presente prego de condicións, se estará ó disposto, en canto á súa preparación, adxudicación, efectos e extinción, pola Lei 30/2007, de 30 de outubro, de Contratos do Sector Público e as súas disposicións de desenvolvemento; supletoriamente aplicaranse as restantes normas de dereito administrativo e, no seu defecto, as normas de dereito privado. 28.- XURISDICIÓN COMPETENTE.- As cuestións litixiosas que xurdan sobre interpretación, modificación, resolución e efectos do presente contrato, serán resolvidas polo órgano de contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a teor do disposto na Lei Reguladora de dita Xurisdición. 29.- MODELO DE PROPOSICIÓN.- Don......................................, maior de idade, veciño de....................................., con domicilio en ...................................titular do DNI....................................., expedido en data................................., actuando en nome propio ou en representación da empresa .................................... (CIF- núm. ..........................................) e con domicilio en ................................., teléfono................................. segundo acredito mediante poder debidamente bastanteado. Enterado do anuncio, para adxudicar mediante procedemento aberto o contrato correspondente á obra (especificar denominación da obra). Comprométese a executala polo prezo de _______ (en letra e número) euros, máis _____ euros (en letra e número) correspondente ó IVE, con estrita suxeición ó proxecto aprobado e pregos de prescricións técnicas e condicións económico-administrativas, que acepta en todas as súas partes. • % do control de calidade ofertado:….” ANEXO I ANEXO II “PREGO DE CONDICIÓNS PARTICULARES QUE REXERÁ A CONTRATACIÓN MEDIANTE PROCEDEMENTO ABERTO DA OBRA “TERMINACIÓN E.P. 7103 CERDEDO-CASTRO-QUIREZA, TRAMO CASTRO-PONTE DO CANDO (CERDEDO)” A) PROCEDEMENTO DE CONTRATACIÓN: Aberto. Tramite ordinario. B) ORZAMENTO EXECUCIÓN CONTRATO: Tipo de licitación: 338.983,05 € IVE: 61.016,95 € Total: 400.000,00 € C) FINANCIACIÓN: Anualidade Aplicación Importe 2011 11/456.453-612.02.2009 11/456.453-612.02.2010 400.000,00 € D) PRAZO DE EXECUCIÓN DAS OBRAS: O prazo máximo para a execución da obra de referencia establécese en seis meses, e a data contará dende o día seguinte á sinatura da acta de comprobación do replanteo, salvo que exista razón fundada que impida o seu comezo. E) GARANTÍAS: Provisional: non se esixe. Definitiva: 5% do prezo de adxudicación, excluído o Imposto sobre o Valor Engadido. F) CLASIFICACIÓN: Grupo G, subgrupo 4, categoría d.” 14.19320.- ADXUDICACIÓN, MEDIANTE PROCEDEMENTO ABERTO, DA ASISTENCIA TÉCNICA PARA A ELABORACIÓN DE DIAGNÓSTICOS COMERCIAIS E A IMPARTICIÓN DE ASESORAMENTO INDIVIDUALIZADO ÓS COMERCIANTES DA PROVINCIA DE PONTEVEDRA (PLAN “Á TÚA MEDIDA 2011”) Mediante acordo da Xunta de Goberno de data 30 de marzo de 2011, aprobouse o expediente de contratación, para a adxudicación mediante procedemento aberto da asistencia técnica para a elaboración de diagnósticos comerciais e a impartición de asesoramento individualizado ós comerciantes da provincia de Pontevedra (Plan “A túa medida 2011”). Resultando que o anuncio do procedemento aberto para a contratación, publicouse no Boletín Oficial da Provincia de Pontevedra número 67 de data 6 de abril de 2011. Resultando que a cualificación da documentación xeral se efectuou o día 27 de abril de 2011, para cuxo efecto se reuniu a Mesa de Contratación para examinar a documentación presentada polas empresas. Resultando que a Mesa de Contratación, na reunión que tivo lugar o día 29 de abril de 2011, fai pública a relación de empresas admitidas ó procedemento aberto, procedendo á apertura dos sobres “B” presentados por estas, correspondentes á documentación técnica valorable mediante criterios non avaliables mediante fórmulas, para os efectos de dar cumprimento ó estipulado no artigo 27 do Real Decreto 817/2009, do 8 de maio, polo que se desenvolve parcialmente a Lei 30/2007, do 30 de outubro, de Contratos do Sector Público. Resultando que polo Servizo de Desenvolvemento Local e Fondos Comunitarios, se emite informe de valoración da documentación técnica correspondente ós criterios non avaliables mediante fórmulas (Sobre “B”). Resultando que a Mesa de Contratación na reunión que tivo lugar o día 6 de xuño de 2011, tras facer pública a puntuación asignada á proposta técnica efectuada polas empresas con puntuación superior a 30 puntos, procedeu á apertura dos Sobres “C”, presentados por estas, correspondentes ós criterios avaliables mediante fórmulas, obténdose os seguintes resultados: LICITADOR Puntuación proposta técnica (Sobre B) Prezo ofertado Puntuación Sobre C Puntuación total JGM Consultores S.L. 38,50 ptos 76.271,18 € 28,524 67,024 Marketing Jazz S.L.U 47,25 ptos 79.245,76 € 19,728 66,978 Estratexia Plus S.L. 28,00 ptos Puntuación proposta técnica non superior a 30 ptos Coto Consulting 13,50 ptos Puntuación proposta técnica non superior a 30 ptos Consulting Orbere S.L.U. 11,00 ptos Puntuación proposta técnica non superior a 30 ptos Gestión de Estudios y Análisis (Gesan S.L.) 7,00 ptos Puntuación proposta técnica non superior a 30 ptos Á vista das puntuacións totais obtidas, esta Presidencia, en virtude do establecido nas bases de execución do orzamento do ano 2011. Resultando que mediante Resolución Presidencial de data 6 de xuño de 2011, e á vista das puntuacións totais obtidas, requiríuselle á empresa JGM Consultores S.L., que formulou a proposición economicamente máis vantaxosa, para que dentro do prazo de dez días hábiles, a contar dende o seguinte a aquel en que tivese recibido este requirimento, presente a documentación xustificativa de atoparse ó corrente no cumprimento das súas obrigas tributarias e coa Seguridade Social, de dispoñer efectivamente dos medios que se tivese comprometido a dedicar ou adscribir á execución do contrato, e de ter constituído a garantía definitiva equivalente ó 5% do prezo do contrato excluído o IVE, por importe de 3.813,56 €, de acordo co disposto no art. 135 da Lei 30/2007, de Contratos do Sector Público. Resultando que a empresa JGM Consultores S.L. presentou a documentación requirida, entre a que se atopa a constitución dunha garantía definitiva por importe de 3.813,56 euros, que figura depositada na Tesourería desta Deputación con número de operación 201100048143, polo que unha vez cumpridos os trámites esixidos no artigo 135 da Lei 30/2007, do 30 de outubro, de Contratos do Sector Público, modificado pola Lei 34/2010, do 5 de agosto, procede adxudicar o contrato dentro do prazo de cinco días hábiles. Considerando que a disposición adicional segunda da Lei 30/2007, do 30 de outubro, de Contratos do Sector Público, no seu apartado 1, faculta á Presidencia desta Deputación para actuar como órgano de contratación con competencia respecto a este contrato de servizos, e tendo en conta o disposto no artigo 185 do Real decreto lexislativo 2/2004, do 5 de marzo, polo que se aproba o Texto refundido da Lei reguladora das facendas locais e o establecido nas bases de execución do vixente orzamento provincial, concretamente na Base 16ª. 2 a) onde figura que lle compete á Xunta de Goberno a fase correspondente á disposición dos gastos precisos para contratación de servizos que, sendo competencia da Presidencia, superen o importe dos contratos negociados sen publicidade por razón da contía, a Xunta de Goberno acorda por unanimidade: 1.- Adxudicar á empresa JGM Consultores, S.L. (CIF B-47.320.353) o contrato de asistencia técnica para a elaboración de diagnósticos comerciais e a impartición de asesoramento individualizado ós comerciantes da provincia de Pontevedra, polo prezo ofertado de: Prezo sen IVE 76.271,18 € IVE 13.728,81 € Prezo total 89.999,99 € O contrato financiarase con cargo á aplicación orzamentaria 11/241.431.227.06 do vixente orzamento provincial. 15.19321.- ADXUDICACIÓN DO CONTRATO DE PATROCINIO DO FESTIVAL DE ARTES ESCÉNICAS RÍAS BAIXAS (FESTIBAIX) Entre os próximos días 1 a 24 de xullo de 2011 celebrarase en diferentes sitios da provincia de Pontevedra (Vigo, Pontevedra e Mondariz Balneario) o Festival de Artes Escénicas Rías Baixas, que contará cun amplo programa de actividades relacionadas co teatro, música, danza, etc. Considerado interesante para a Deputación o patrocinio deste evento debido ó interese cultural-social do festival, e á súa repercusión nos diversos medios de comunicación, o Xefe do Servizo de Cultura solicitou o inicio do expediente de contratación e cuantifica o seu importe en cento dezaoito mil euros. Debido a que a empresa S.G.C.A. Producciones Artísticas de Galicia, S.L.N.E. é a organizadora do mencionado festival, unicamente se poderá adxudicar o contrato de patrocinio a esta empresa por razóns de exclusividade, de conformidade co apartado “d” do artigo 154 LCSP. A Xunta de Goberno, en sesión 11 de maio de 2011, aprobou o expediente de contratación para a adxudicación, mediante procedemento negociado sen publicidade, do patrocinio do Festival de Artes Escénicas Rías Baixas. Con data 25 de maio de 2011, a S.G.C.A., Producciones Artísticas de Galicia, S.L. presentou a súa oferta e memoria técnica para participar no mencionado procedemento, a cal é valorada de forma positiva polo Xefe do Servizo de Cultura. Mediante Resolución Presidencial, de data 1 de xuño de 2011, requiríuselle á devandita empresa para que achegase a documentación xustificativa de atoparse ó corrente no cumprimento das súas obrigas tributarias e coa Seguridade Social, de dispoñer efectivamente dos medios que se tivese comprometido a dedicar ou adscribir á execución do contrato, e do pagamento dos anuncios da licitación no Bop. Unha vez presentada a documentación requirida, entre a que se atopa unha garantía definitiva por importe de 5.000,00 € depositada na Tesourería desta Deputación co número de operación 201100047002, polo que unha vez cumpridos os trámites esixidos, procede efectuar a adxudicación deste contrato de conformidade co establecido no artigo 135.3 da citada Lei 30/2007. Considerando que a disposición adicional segunda da Lei 30/2007, do 30 de outubro, de Contratos do Sector Público, no seu apartado 1, faculta á Presidencia desta Deputación para actuar como órgano de contratación con competencia respecto a este contrato de servizos, e tendo en conta o establecido nas bases de execución do vixente presuposto provincial, concretamente na Base 16ª. 2 a) onde figura que lle compete á Xunta de Goberno a fase correspondente á disposición dos gastos precisos para contratación de servizos que, sendo competencia da Presidencia, superen o importe dos contratos negociados sen publicidade por razón da contía, a Xunta de Goberno acorda por unanimidade: Adxudicar á Empresa S.G.C.A. Producciones Artísticas de Galicia, S.L. (CIF B-94.087.729) o contrato de patrocinio do Festival de Artes Escénicas Rías Baixas (FESTIBAIX), polo prezo de cen mil euros, sen IVE, sendo o importe correspondente ó IVE de dezaoito mil euros. O pagamento deste contrato, de 118.000,00 €, realizarase conforme ó estipulado no prego de condicións, e con cargo á aplicación orzamentaria 11/330.334.227.25 do vixente exercicio. 16.19322.- AMPLIACIÓN DO PRAZO DE REALIZACIÓN DAS OBRAS DO MODIFICADO Nº4 DE “AMPLIACIÓN DO MUSEO DE PONTEVEDRA E REHABILITACIÓN DO EDIFICIO SARMIENTO” A Xunta de Goberno da Deputación Provincial, en sesión do día 18 de xaneiro de 2011, prestou aprobación ó proxecto modificado nº4 de “Ampliación e rehabilitación do Edificio Sarmiento (Museo de Pontevedra)”, adxudicando a realización do mesmo á empresa Dragados, S.A. O prazo para levar a cabo as obras ampliouse ata o 30 de marzo de 2011. A empresa constituíu garantía complementaria por un importe de 103.111,03 €, formalizado o correspondente contrato administrativo con data 1 de febreiro de 2011. Por acordo da Xunta de Goberno, de data 23 de marzo de 2011, debido a dificultades xurdidas no desenvolvemento das obras, ampliouse o prazo de realización das mesmas ata o 30 de xuño de 2011. Por escrito de data 14 de xuño, a empresa pon de manifesto que debido a que aínda está pendente a autorización da Deputación de Pontevedra, por parte da compañía subministradora de electricidade, para a modificación e traslado do Centro de Transformación do Museo de Pontevedra, a execución de varias unidades de obra atópase paralizada ou executada parcialmente, polo que non se poden finalizar os traballos. Os arquitectos directores da obra ratifican o manifestado pola empresa, advertindo que o cumprimento do novo prazo solicitado supón que os traballos para o traslado do Centro de Transformación deben estar finalizados o 15 de xullo de 2011. Visto o informe do Servizo de Contratación e o escrito da empresa Dragados, S.A. ratificado polos Arquitectos directores da obra, a Xunta de Goberno acorda por unanimidade ampliar o prazo de realización das obra ata o 31 de agosto de 2011. 17.19323.- RECTIFICACIÓN DO ACORDO NÚM. 19.18717 APROBADO NA SESIÓN DA XUNTA DE GOBERNO DE DATA 10/11/2011 RELATIVO Ó CAMBIO DE DESIGNACIÓN DA DIRECCIÓN DA OBRA “MELLORAS DOS CAMIÑOS PONTE, ALDEA GRANDE, MARTIXE, O CASTRO, RIBEIRAO I, RIBEIRAO II” (CONCELLO DE SILLEDA) A Xunta de Goberno desta Deputación, no uso das facultades que lle confire a normativa local vixente, aprobou o seguinte acordo: “A Xunta de Goberno, na súa sesión ordinaria do día 10 de novembro de 2010, acordou a adxudicación definitiva do contrato para a execución da obra “Melloras dos camiños Ponte, Aldea Grande, Martixe, o Castro, Ribeirao I, Ribeirao II, etc. (…) de Silleda” e a designación do director de obra a Promove Areas de Negocio S.L.” A empresa Promove Areas de Negocio S.L. en data 7 de xuño de 2011, particípanos que dita empresa aínda formando parte do grupo, non ten dentro do seu obxecto social a realización deste tipo de traballos, polo que solicita que a modificación da resolución en canto a dirección de obra sendo a empresa Promove Xestión Técnica S.L.P. co nº de C.I.F: B-36.570.042, a que realice ditos traballos e emita as correspondentes facturas. En virtude o establecido no artigo 105.2 da Lei 30/1992, de 26 de novembro, de Réxime xurídico das administracións públicas e do procedemento administrativo común, onde as Administración Públicas poden rectificar en calquera momento, de oficio ou a instancia dos interesados, os erros materiais, de feito ou aritméticos existentes nos seus actos, a Xunta de Goberno acorda por unanimidade rectificar dito acordo, da forma seguinte: No punto 2, onde di: “2.- Designar para a Dirección de obra a Promove Areas de Negocio S.l.” Debe dicir: “2.- Designar para a Dirección de obra a Promove Xestión Técnica S.L.P.” 18.19324.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as once horas do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición