Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: Da sesión ordinaria en primeira convocatoria, celebrada polo Pleno desta Excma. Deputación o día, 30 de marzo de 2005 No Salón de sesións da Excma. Deputación Provincial de Pontevedra, sendo as once horas e cinco minutos do día trinta de marzo do ano dous mil cinco, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, D. Xosé Antón Araujo Quintas, Dona Nidia María Arévalo Gómez, D. Ramón Campos Durán, Dona Francisca Canal Gómez, D. José Costa Díaz, D. Xosé Crespo Iglesias, D. José Juan Durán Hermida, D. Antonio Feliciano Fernández Rocha, D. José Manuel Figueroa Vila, D. Emilio González Iglesias, D. Efrén Juanes Rodríguez, D. José Antonio Landín Eirín, D. José Antonio Lorenzo Rodríguez, Dona Clara Millán González, D. Xosé Cesáreo Mosquera Lorenzo, D. Constante Juan Muradas Ramos, D. Manuel Núñez Sestelo, D. Xosé Carlos Pazos Docampo, Dona María Teresa Pedrosa Silva, D. Juan Manuel Rey Rey, D. Alfredo Rodríguez Millares, D. Rodrigo Santiago Novas, Dona Belén Sío Lourido, D. José Enrique Sotelo Villar, D. Xabier Toba Girón e D. Jesús Vázquez Almuíña, co obxecto de celebrar sesión ordinaria da Deputación en Pleno, en primeira convocatoria, consonte á correspondente orde do día. Da fé do acto o Secretario Accidental, D. Carlos Cuadrado Romay, e está presente o Sr. Interventor, D. Bautista Pérez Carnero. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: Sr. Presidente.- Vamos a dar comezo á sesión ordinaria do Pleno da Corporación Provincial. ------ Folla: 2.5193.- MOCIÓN DO GRUPO PROVINCIAL DO PP EN RELACIÓN COA AUTOESTRADA AP-9 Sr. Presidente.- Segundo punto. Moción do Grupo Provincial do PP en relación coa autoestrada A-9. Ten a palabra D. José Enrique Sotelo Villar. Sr. Sotelo Villar.- Bos días Sr. Presidente, Sres. Deputados, público, medios da prensa. En primeiro lugar gustaríame poder dicir que ó final deste debate que vamos a establecer na mañá de hoxe, que a Corporación Provincial pois sacaba unha postura unánime neste tema que como dicía vamos a tratar hoxe. E digo esto porque independentemente de quen goberne, entendemos dende o Partido Popular que é un problema común que estamos sufrindo todos os galegos e máis especialmente, máis especialmente como logo explicaremos os cidadáns da provincia de Pontevedra. E dito esto vou explicar un pouco máis polo miúdo pois por que se presentou, por que hoxe o Grupo Provincial do Partido Popular trae aquí esta moción. Unha moción que quero resaltar e insisto na data, foi presentada o día 11 de marzo. E resalto esta data porque foi presentada antes, antes dese acordo entre o Ministerio de Fomento e a Xunta de Andalucía polo cal pois chegaron a uns acordos para liberalizar a peaxe entre Xerez e Cádiz, Puerto Real en concreto, que eu creo que aínda nos dá aínda máis argumentos dos que referimos nesta exposición de motivos. Como saben o pasado 23 de xuño do 2004 na Comisión de Fomento e Vivenda, aprobouse unha proposición non de Lei onde literalmente se dicía o seguinte: O Congreso de Deputados insta ó goberno a realizar nun prazo de seis meses os estudios necesarios que permitan dar alternativas para integrar territorialmente a Área Metropolitana Vigo-Pontevedra, establecer peaxes cunha marxe equitativa e liberar a peaxe do tramo O Morrazo-Vigo. Esto sucedeu como dicía o 23 de xuño, transcorridos eses seis meses, ese prazo rematou o 23 de decembro do ano 2004, á data de hoxe evidentemente non temos noticias deses estudios e polo tanto este foi o motivo principal polo cal o Grupo Provincial do Partido Popular, presenta como dicía antes, o día 11 de marzo esta moción. Insisto antes dese acordo que logo posteriormente, no debate, seguro que faremos referencia todas as formacións políticas e evidentemente tamén o Partido Popular. Dicía esta moción ten tres puntos, entendemos que os tráficos que se producen na autopista A-9 entre Pontevedra e Vigo, teñen un marcado carácter metropolitano relacionado con actividades tal e como se reflexa nesta exposición de motivos, como pode ser a actividade industrial, sanidade, comercio, cultura, educación, en definitiva entendemos, como dicía que son tráficos evidentemente relacionados con esta área metropolitana e que se analizamos máis polo miúdo en relación con outros tráficos pois nos demostran, nos demostran que son discriminatorios e así, ademais de pedir pois como di no noso primeiro punto, a liberalización da peaxe no tramo Vigo-O Morrazo, porque como saben nestes momentos segue sen haber alternativa, creo que hai argumentos máis que sobrados para pedilo, se analizamos un pouco polo miúdo os custos dos distintos traxectos na A-9, podemos dicir que o traxecto A Coruña-Santiago, un tramo aproximado de 70 km., o prezo do traxecto é aproximadamente 4,50¤, é dicir, que cada un deses quilómetros, cada un deses quilómetros ten un custo aproximado de 10,65 das antigas pesetas/quilómetro. Se analizamos o tramo Santiago-Padrón, cun custo de 25 quilómetros, aproximadamente 25 quilómetros, o custo é de 1,60¤ o que sae aproximadamente 10,56 das antigas pesetas por quilómetro. E se analizamos o tramo Pontevedra-Vigo, cunha quilometraxe aproximada de 26,5 quilómetros cun custo, o prezo do traxecto é de 2,60¤ nos sairía un prezo aproximado de 16,64 pesetas/quilómetro. É dicir, que o traxecto Pontevedra-Vigo é nada máis nin nada menos que en torno a 54% máis caro cos traxectos da provincia da Coruña da mesma autoestrada A-9. O tramo de Coruña a Santiago se tivese o mesmo prezo quilómetro que o de Pontevedra-Vigo, tería que custar, seguindo o mesmo criterio, pois 7,08¤, é dicir, 2,58¤ máis se aplicaramos o mesmo prezo que se aplica no tramo Pontevedra-Vigo. É dicir, que os cidadáns de Pontevedra, de Vigo, os cidadáns que transcorren entre ese tramo Pontevedra-Vigo, pagan aproximadamente cada vez que fan esa viaxe, un euro máis, un euro máis que os cidadáns da provincia da Coruña. Por eso nós no segundo punto, no segundo punto, pretendemos, instamos, solicitamos a tarifa plana para a totalidade da autoestrada entendendo como tal a igualdade do prezo por quilómetro en calquera dos tramos. E en terceiro lugar, en terceiro lugar, pedimos a construcción deses novos enlaces de dobre entrada e saída, tanto en Carracedo como en Vilaboa, enlaces que inicialmente non estaban previstos no proxecto orixinal, hai que recordar que este proxecto pois evidentemente é dos anos 76, creo recordar que se rematou esta autoestrada, polo tanto é xustificado que naquel momento pois non existiran estes dobres enlaces pero eu creo que ó ano 2005 pois creo que é unha reivindicación plantexada por todos os usuarios desta autoestrada e entendemos que se fai imprescindible e evidentemente a Deputación, pois neste caso o Pleno desta Corporación, a instancias do Grupo Provincial do Partido Popular, pois pide tamén nese terceiro punto desta moción pois esa dobre saída nestes traxectos, nestes dous puntos concretos de Carracedo e de Vilaboa. Estes foron os motivos que entendemos motivos razoables, como dicía antes, transcorreu un tempo prudencial para esperar esas solucións, á data de hoxe os galegos e os cidadáns da provincia de Pontevedra, non as teñen esas explicacións e polo tanto é o que motivou que hoxe pois traiamos aquí esta moción, que, como dicía antes entendemos que é un problema que nos afecta a todos os cidadáns, da provincia de Pontevedra, a todos os galegos e polo tanto nos gustaría que ó final deste debate pois acadáramos unha postura de consenso. Nada máis. Sr. Presidente.- Moitas gracias. ¿Quen queda?. Intervencións. Sr. Mosquera. Sr. Mosquera Lorenzo.- Si, gracias Sr. Presidente. Bos días a todos e a todas. Perdóeseme que inicie esta intervención cunha referencia coñecida nesta cultura que era aquela famosa de "Salvo e Tarso", verdade, por se alguén non a coñece, non ten esa cultura, despois chamado por San Pablo, como coñecido pasou gran parte da súa vida perseguindo ós herexes, os herexes naquel momento eran os cristiáns, os discípulos de Cristo, ata que un día camiño de Damasco, pois veu un gran resplandor e se converteu, caeu do cabalo e se converteu, caeu da burra, aquí dise caeu da burra, verdade, e a partir de aí pois cambiouse de bando, cambiouse de bando, pero neste caso foi un cambio de bando, o cambio de Salvo e Tarso, foi un cambio de bando, foi un cambio de bando definitivo que chegou incluso a neste caso a ser para o home da cristiandade. Ben, ¿por que digo esto?. Eu creo que é evidente, é dicir, neste Pleno, neste Pleno houbo mocións presentadas por este grupo, nuns termos moi similares, que foi votado en contra polo grupo do Partido Popular. Se quere fágolle referencias ó ano 97, debates sobre as subvencións, etc., etc., pero non só iso, senón que se agarran agora a unha proposición non de Lei, que foi verdade, que se aprobou na Comisión do Congreso o 23 de xuño do ano 2004, proposición presentada polo BNG, aprobada por todos os grupos da cámara excepto o Partido Popular que se abstivo, ou sexa que hai nove meses aínda non caeran do cabalo, aínda non caeran da burra, aínda non viran ese resplandor que lle fixera ver a claridade no asunto. Ben, creo que está demais, que non sobra facer un relatorio, que asumo, o relatorio que fixo o Portavoz do Partido Popular, de todos os problemas, inxustizas comparativas, e dificultades que está creando, que está creando, para toda a provincia, en especial para o Morrazo, pero para toda a provincia a situación na que está nestes momentos a peaxe. Evidentemente non é que nós vaiamos votar en contra senón que se anos despois ou meses despois, o Partido Popular presenta unha moción que é un calco do que nós estivemos defendendo sempre, pois o único que podemos facer é alegrarnos dese cambio de postura. Pero, sempre nos queda a sospeita, sempre nos queda a sospeita, de que se trate deste tipo de comportamentos que varían segundo se teña o goberno ou non, segundo as directrices que manden de Madrid ou non. Porque a historia está aí e no ano 96 escoitamos ó Sr. Rajoy nesa época de, se nós gañamos, prometer que se gañaba o Partido Popular as eleccións lexislativas ó Estado pois que se ía suprimir a peaxe, todos de acordo, fantasticamente de acordo. Agora, uns meses despois de gañar as eleccións pois o cambio de criterio foi absoluto e a partir de aí xa era imposible a pesar de prorrogar concesións, privatizacións, etc. Ben, eu admírome de que vostedes se lancen así nesta conversión agora tan repentina, parece que tan decisiva, e de que cando menos, cando menos non inicien a intervención pedindo desculpas, nos engañamos, nos engañamos, estivemos defendendo unha postura que nos mandaban dende Madrid o noso goberno e que realmente por disciplina e por defender ó goberno que era máis importante que defender ós cidadáns da provincia, pois estivemos defendendo unha postura equivocada e agora e a partir de agora e independentemente de que haxa cambios ou non haxa cambios no goberno de Madrid, e de que nos manden ou non, a partir de agora vamos a defender sempre esta postura que é a única razoable, é a única razoable, para os cidadáns de toda a provincia e en especial os do Morrazo. Polo tanto pois alegrarnos do cambio de postura, agardar que sexa firme, continuo e definitivo e non só en estas, vamos, ocasionalmente e demais, que é a sospeita que planea, e vamos a votar a favor, como no vamos a facer cando sempre estivemos defendendo esa postura. Polo tanto por agora creo que con esto chega, se hai ocasión a facer algunha outra e a volver a falar pois falarase. Esa é a nosa postura. Sr. Presidente.- Moitas gracias Sr. Mosquera. Sr. González. Sr. González Iglesias.- Si, bueno, eu a verdade é que estou sorprendidísimo porque faga a intervención en nome do Partido Popular o Sr. Sotelo, estou tremendamente sorprendido. E estou sorprendido porque votando man da hemeroteca e mirando declaracións de vostede, pois por exemplo, en febreiro do 2003 vostede defendía ou dicía claramente "si no se logra la liberalización antes de la privatización no se conseguirá nunca", di Sotelo. Pois mire, fixeron a privatización e non só cambia de posición o Partido Popular neste tema, senón que vostede cambia tres veces, porque resulta que o que dixo hai un ano pois ten que desdicirse, do cal nos alegramos. Nos alegramos e para non seguir, despois seguirei co preámbulo da moción porque non estamos de acordo loxicamente, pero si lle vou a dicir agora mesmo que nós se se fai unha pequena introducción na moción estamos dispostos a votar a favor, e sería introducir algo que se aprobou aquí xa nesta casa, cunha proposta do Partido Popular e que naquel momento vostedes admitiron como unha emenda do Grupo Socialista que no último acordo, que é a construcción dos novos enlaces de dobre entrada e saída Carracedo e Vilaboa, engadir esto mesmo na saída de Rande-Puxeiros. Con esto nós votaríamos a favor porque no resto estamos de acordo, nós non cambiamos de posición, estamos na mesma posición e loxicamente estamos de acordo con suprimir a peaxe da ponte, e estamos de acordo co segundo que plantexan da tarifa plana na totalidade da autoestrada. Pero, permítanme, permítanme que polo menos faga alusión ás diferentes posicións e posturas do Partido Popular. E ademais disto dicirlle que preveo que a partir de decembro van a presentar outra moción máis aquí, que ata nós podíamos nestes momentos dicirlle, home, xa que están vostedes tanto pola liberalización e pola supresión da peaxe pois poderíamos engadir aquí a autopista Puxeiros-Val Miñor. O que pasa é que como é da Xunta vostedes aí non entran. Xa lle digo preveo que a partir de decembro van a cambiar de posición tamén. Porque non van a gobernar en Santiago e iso lles vai a permitir cambiar de posición. Mire, con respecto, e Sr. Sotelo non é nada en contra de vostede, porque non só vostede fixo esas declaracións, esas declaracións fíxoas vostede, fíxoas o Presidente da Deputación o Sr. Louzán, fíxoas o Sr. Fraga, cando nos dicía que naquel momento da privatización era o momento xusto e ademais dalgún xeito nos estaban xustificando a privatización para ese tema. Ben, continúo. Din vostedes na súa moción que fan referencia, por certo o día de presentala foi malo, non é un día precisamente para presentar esta moción, podía ser o día seguinte ou o día anterior, non había problema ningún, o 11 de marzo non era un día para presentar esta moción, o que pasa é que foi un lapsus que tiveron vostedes. Pero bueno, é así. Din na súa moción, falan e vostede xa se anticipou dicindo que, non, bueno, despois dos acordos de Fomento coa Xunta de Andalucía, non, non, mire non hai acordo de Fomento coa Xunta de Andalucía, é que vostedes como sempre en todas as súas intervencións tiran para adiante, os acordos de Fomento coa Xunta de Andalucía son por outros temas. Pero a liberalización da peaxe entre Sevilla e Cádiz, dun tramo da peaxe, un tramo que por certo pagaban, os cidadáns pagaban 1,05 ata agora, esa liberalización faina a Xunta de Andalucía pagando 72 millóns de euros en quince anos. Se van ó mesmo argumento pois podían facela vostedes dende a Xunta de Galicia. Pero eu non quero entrar nese tipo de argumentacións, é dicir, meteron a pata, recoñézano e falen doutra cousa, poñan outros exemplos e non ese. Pero, un lendo a moción encontra cousas sorprendentes, e é sorprendente e digan vostedes, no texto da moción o din, "o Grupo Provincial do Partido Popular estima que no caso da conexión ó Morrazo e Vigo continúa sen existir alternativas a esta vía de comunicación". Totalmente de acordo. E continúa, "e que as inversións na construcción de autoestrada están amortizadas hai anos". Bueno, mire, se pode cambiar de posición pero non se pode ser tan necio, permítanme, non se pode ser tan necio, permítanme, non se pode ser tan estúpido, cambien de posición pero non digan esto porque se din esto están dicíndolle ós cidadáns que cando vostedes gobernaban durante oito anos no Estado esto mesmo se daba, tamén estaba amortizado, o din na súa moción, din que fai hanos, entón ¿por que non suprimiron esa peaxe e non fixeron o que plantexan no segundo punto en toda a autoestrada?, ¿por que non o fixeron?. Pois mire por unha razón moi sinxela, porque primaba un negocio particular sobre os intereses dos cidadáns. E ese negocio particular foi un pelotazo cifrado en 2.400 millóns de euros, nin máis nin menos, uns 400.000 millóns de pesetas, unha tontería. É dicir tiñan unha cadea de ouro e engarzáronlle un diamante, que foi a prórroga dos vinte e cinco anos máis, para despois vendela a mellor prezo. Pero claro ese si era o momento, o dicía vostede e o dicía o Sr. Fraga e o dicían todos vostedes, era o momento de liberalizar esa peaxe, pero ou vostedes non tiñan forza ningunha ou vostedes no fondo estaban de acordo e eu penso que vostedes no fondo estaban de acordo. Algúns de vostedes tiñan que dicir máis alto outras cousas, pero nada máis, e a situación de agora é que resulta, non, non, é que presentamos a moción porque como se cumpriron os seis do acordo no Parlamento do Estado pois teñen vostedes que responder. Di, si, e case aí tamén teño que darlle as gracias, Sr. Sotelo, teño que darlle as gracias porque de verdade, de verdade que confía vostede moito máis no Partido Socialista que no Partido Popular porque o que vostedes non fixeron en oito anos quería que agora se fixera en seis meses, pois non nos deu tempo en seis meses, pero non se preocupe, estamos no tempo. E volvo a repetir nós non cambiamos de posición, vostedes si cambiaron de posición, e si cambian de posición porque vostedes están nunha dinámica dende hai anos en toda España, de utilizar ás institucións para facer política e de utilizar ás institucións como ... e o están facendo de xeito sistemático, lles dá igual outros temas que este, e volvo a repetir, estou seguro, convencido, que en decembro nos presentan aquí unha moción, porque non van a gobernar en Santiago, nos presentan aquí unha moción para liberalizar de peaxe o tramo de Puxeiros-Val Miñor. Se o fan agora nós estamos dispostos a votarlle a favor tamén. Pero curiosamente nesa parte vostedes non entran, vostedes entran no que lles interesa loxicamente. Eu por agora anunciando que si admiten a emenda esa nós votamos a favor, loxicamente porque o fixemos ata agora sempre así, se admiten esa emenda e se recoñecen publicamente que ata agora estaban equivocados, porque eso supoño que teñen que facelo, e se recoñecen que ata agora lle estiveron mentindo ós cidadáns, porque se agora din que está amortizado dende hai anos, cando privatizaron tamén estaba amortizado. E por que non utilizaron ese argumento diante do Sr. Aznar ou do Sr. Rato cando estaban en mans da SEPI. É curioso. Bueno, por agora nada máis. Sr. Presidente.- Moitas gracias Sr. González. Sr. Sotelo. Sr. Sotelo Villar.- Si, ben, en primeiro lugar teño que dicir con claridade e profundidade que o Partido Popular non cambiou de postura e evidentemente que as hemerotecas están aí, están aí para uns e tamén para outros, para uns e para outros e faremos referencia a elas. Ben, empezarei facendo unha serie de comentarios sobre o que dixo o Sr. Mosquera, eu non sei se foi por influencia de que acaba de rematar a semana santa ou se foi como influencia da caída do cabalo, ó mellor o Sr. Mosquera caeu do cabalo e comete algunhas herexías, porque eu creo que se alguén cometeu algunha herexía no tema da autoestrada, o BNG cometeu unha herexía moi gorda. Ou o Sr. Mosquera non se acorda daquela famosa navallada, ¿non se acorda verdade?, non se acorda, unha herexía que logo se mutou para dicir "autopista xa". Evidentemente esa herexía pois o Sr. Mosquera xa non se lembra porque o certo é que transcorreu moito tempo pero as hemerotecas tamén están aí para todos, para todos. Evidentemente o Sr. Mosquera, os señores do BNG como non tiveron opción de gobernar pois tampouco tiveron opción de mutar. ¿Pero que farían os señores do BNG se foran goberno?. Porque tamén hai que dicir con claridade, señores do BNG, vostedes sustentan o goberno do Sr. Zapatero, porque o Sr. Zapatero non saíu Presidente deste estado cos votos dos señores do BNG, ¿a que si?. Polo tanto vostede creo, ó mellor como todos, ó mellor como todos non debería de falar de herexías porque nestes temas, en temas que nos afectan a todos pois ó mellor todos cometemos herexías, todos, incluídos vostedes, incluídos vostedes que van case sempre de virxes pola vida e logo ía a dicir unha palabra, traballan noutro sitio. Ben, en canto ás palabras do Sr. González, home, o que estou sorprendido Sr. González son eu, porque vostede, mire, as hemerotecas serven para todos, mire, acordo, 10 de febreiro do 2000, entre os distintos concellos, Deputacións e a Xunta de Galicia, alcaldes do BNG, alcaldes do PP, e alcaldes tamén do PSOE, porque creo que o Sr. Vázquez, aínda que ás veces non o pareza, pois creo que tamén é alcalde do PSOE, o Sr. Alcalde seu, noso amigo Xaime Rei, creo que tamén era Alcalde do PSOE, segue sendo, non sei se hai algún máis socialista, seguramente que si, o alcalde de Marín tamén era alcalde socialista naquel momento, se chega a un acordo similar ó que hoxe estamos aquí falando, un acordo similar. Mire, Pleno do 30 de novembro do 2000, cando aquí traemos pois a proposta dese convenio sobre, ese convenio que firmamos para o tema do bono-peaxe. Ben, o Sr. González e os señores socialistas pois votaron en contra, votaron en contra, volveron a votar en contra non fai moito tempo nesa addenda que lle tivemos que facer ó orzamento. Bueno, pois señores socialistas e xa non llo digo eu, dillo a prensa, este é un titular, bueno, pois di que o Sr. Touriño, que por certo logo falaremos tamén do Sr. Touriño, pois di que bueno, que a opción hoxe é ese bono-peaxe. ¿Eso que é, froito da causalidade ou é froito dunha mutación?. Non sei se xenética ou non pero eu creo que é unha mutación e as hemerotecas creo que están cheas destes casos. Home, me parece moi burdo, moi duro e creo que pouco afortunado, facer aquí referencias ó 11M, me parece moi burdo, moi grave que vostede faga referencia, a non ser evidentemente, a non ser, non a fixen eu Sr. González, a non ser que vostede teña remordemento de conciencia que tamén pode suceder, que tamén pode suceder e entón non me estraño que vostede quite aquí e faga esa referencia. Me parece unha afirmación moi burda e moi grave a que fixo vostede hoxe aquí. Mire, e da política da Xunta nas autoestradas téñolle que dicir, téñolle que dicir e con datos, con argumentos, que curiosamente as autoestradas que teñen competencia a Xunta de Galicia pois son nun caso o 25 e noutro caso o 45% inferior ás que ten competencia o goberno central. Polo tanto creo que cada un neste momento ten a responsabilidade que ten pero a política de autoestradas que se está dobrando da Xunta, está aí, está aí. E dende logo non sei se o vamos a solicitar en decembro ou non porque quen vai a decidir quen vai gobernar a nosa Comunidade Autónoma van ser os cidadáns, evidentemente, aínda que a vostedes lles gustaría que fora gobernada por ese señor que ten tanto que ver, porque vostede falaba que negocio primaba cando se privatizou a Autopista do Atlántico, e eu devólvolle a pregunta que negocio primaba cando o Sr. Touriño, hoxe xefe do seu partido, o que di agora que a única opción, que a única opción posible é o bono-peaxe, o Sr. Touriño renovou por vinte e cinco anos a cambio de nada, porque tamén hai que dicilo, a cambio de nada, a cambio de nada, por vinte e cinco anos esa concesión, ¿cal é o negocio que primaba?, que tamén o podemos dicir, e evidentemente non fomos nós, non foi o Partido Popular quen dixo que en seis meses, que en seis meses habería unha solución a este problema, non fomos nós, foron vostedes, nadie lles obrigou a dicilo. E para rematar esta segunda intervención eu quero deixar moi claras unha serie de cuestións. Se pode dicir o que se queira, se pode dicir o que se queira, hai un dito que "o falar non ten cancelas", "o falar non ten cancelas", pero o certo, e a hemeroteca está aí para consultala, que ata a chegada do Partido Popular ó goberno no Estado e máis en concreto na nosa Comunidade Autónoma, nadie, nadie fixera nada en relación ás peaxes. E insisto, e llo recordo outra vez, foi, foi un goberno socialista, co Sr. Pérez Touriño ó fronte, no Ministerio, quen realizou esa primeira prórroga da concesión á Audasa a cambio de nada. É máis, lle podo dicir, mire, no traxecto Morrazo-Vigo, no período 82-96, o incremento da tarifa, o incremento foi do 100%, do 100%, e eses datos están aí e calquera os pode consultar. Mire, sen embargo no período 96-2003, goberno do Partido Popular, o decremento foi do 19%, eu creo que esa é unha cifra que está aí, lles guste ou non lles guste. Está aí, hai unha serie de Reais Decretos que podíamos falar, en concreto o Real Decreto da Lei 6/99, o Decreto 18/99, en definitiva dunha serie de medidas que posibilitaron ese rebaixe, aproximadamente como dicía nalgúns casos en torno ó 20%. E despois podemos falar tamén do bono-peaxe, que como antes dixen cando foi aquí proposto vostedes dicían que era unha medida, bueno, eu aquel día, me recordo, ata tiven a honra aquel día, por ausencia do Sr. Abeledo, de presidir ese Pleno, e eu dicía que aquel día pois era o principio da conta atrás e vostedes me están dando a razón. Porque agora resulta que aquela mala opción resulta que é a solución. Bueno pois ese bono-peaxe neste momento, neste momento o número aproximado de pasos en días da semana, resulta que esa mala proposta que agora é a solución, que fixo o Partido Popular, pois é aproximadamente de 9.200 pasos en días de semana e 5.200 en fin de semana, eso quere dicir que a medida que naquel momento se propuxo, pois consideramos que favoreceu a esas persoas que diariamente teñen que ir a traballar a Vigo, ou a outros, ou de Vigo a Pontevedra, ou do Morrazo a Vigo, ou de Vigo ó Morrazo, é dicir que non estabamos tan desacertados. Podíamos falar de moitas cousas, podíamos falar e as hemerotecas están aí para consultar, e cada un pode facer unha interpretación. Eu creo e digo, e no caso meu concreto, sempre que tivemos que posicionarnos ás veces en contra de posturas do propio Partido ó cal pertenzo pois nos posicionamos porque entendíamos que ese é o argumento principal que debemos debater aquí á marxe doutros. Cando hai argumentos de peso esa demanda cala na sociedade e se eso calou, se esa reivindicación se mantén no tempo, e porque hai argumentos de peso. E reivindicamos cando gobernaba o Partido Popular e seguiremos reivindicando mentres non haxa solución que goberna o Partido Socialista e evidentemente no Estado pois creo que os señores do BNG non aspiran a eso, aspirarán a gobernar na nosa Comunidade Autónoma, cousa que é lexítima, pero teño que dicir que goberne quen goberne, o mesmo, supoño, que vostedes, defenderemos, porque é un problema que temos todos os cidadáns, todos os galegos e todos os cidadáns da provincia de Pontevedra. Moitas gracias. Sr. Presidente.- Gracias Sr. Sotelo. Sr. Mosquera. Sr. Mosquera Lorenzo.- Gracias Sr. Presidente. Home, a verdade é que é loable e sorprendente que se manteña unha postura á parte de que non pida desculpas pola traxectoria anterior, antes o dixen e non se me contestou, a proposición non de Lei aprobada foi do BNG e se abstivo o PP, verdade, e nos sae aquí con que se votou a investidura de Zapatero, pois si señor, e posiblemente ese acordo foi consecuencia deso, pero se non o cumpre non se preocupe, veu o que pasou cos orzamentos, votamos en contra. Nós só temos unha política que é a defensa dos intereses de Galicia e estas polémicas cando un está no goberno na oposición en función de Madrid realmente a nós nos preocupan relativamente pouco, e eso o saben e creo que é ben coñecido. Ben, seguindo co tono, mire non é cuestión de semana santa ou de saldo, xa o dixen na Comisión e xa o saben e polo tanto non hai, é un exemplo creo que moi coñecido e interesante de recordar, pero recorde unha cousa que herexías só poden cometer os crentes, os confesionais, exactamente este Portavoz dificilmente vai a cometer herexías e se fai referencia á navallada, hai trinta anos, e lle quedou moi gravado no subconsciente de certas forzas políticas e concretamente na súa, o que non lle quedou gravado foi a alternativa e a alternativa é que non fora de peaxe e fora outro tipo de vía, fíxense vostedes ata aí nos están dicindo que somos coherentes dende a orixe, que o nacionalismo galego con respecto á autoestrada foi coherente dende a orixe. Ben, se vostedes nos queren recoñecer eso pois nós non temos ningún problema e resulta que moitos anos despois podemos falar de que pasara daquela, quen era Ministro, da UCD, que vinculacións había entre o capital metido na autoestrada e o Ministerio, podemos falar do Garrigues Walquer, podemos falar, podemos falar de todo aquelo, verdade que foi a última autoestrada que se fixo de peaxe naquela época e despois se pasou a facer todas autovías, as autoestradas volveron como 25 anos despois, e realmente un tramo como Pontevedra-Vigo non tiña sentido que fora dese tipo, podíamos falar de todo eso que eu creo que non ten moito sentido máis que agradecerlle que recoñeza que incluso neste asunto a pesares dos anos transcorridos o noso posicionamento foi coherente, foi coherente. Ben, de todas maneiras Sr. Sotelo sorprende por exemplo que vostedes sempre mantiveran a mesma postura e vostede é evidente que non, é evidentisimo que non, e houbo creo que sete marchas contra a peaxe e en ningunha estiveron vostedes, máis ben todo ó contrario, dicindo que os pancarteiros, ultimamente están cambiando, agora parece que eso que tanto denotaban das manifestacións e a pancarta parece que lle colleron aficción, cousa que nos alegramos, cousa que nos alegramos, porque é dicir, que na manifestación había certas dúbidas de que vostedes en fin a avalaban como método democrático de participación cidadá, parece que si e lle colleron gusto pero aí están todas as declaracións, no seu caso todas as declaracións súas desprezando, dicindo que eso non vale para nada e dicindo que coa política de pancarta non se resolvía nada cando houbo coincidentes, co mesmo posicionamento da súa moción agora moitas historicamente, moitas marchas ás que vostedes non foron e incluso descualificaron. Creo que eso por se fora pouco do que pasou aquí na Deputación con mocións deste mesmo contido que vostedes votaron en contra, o que pasou coa proposición non de Lei á que vostedes fan referencia do 23 de xuño, pois temos tamén ese tipo de comportamento e demais. Ben, eu o único que podo é repetir o mesmo, agardo, agardo que a conversión sexa definitiva e ademais por un motivo, porque a nós o que nos interesa son os intereses deste país, polo tanto canto máis sectores sociais e forzas políticas se sumen a defender os intereses deste país pero en serio, de verdade, con continuidade e non en función de tácticas ou oportunidades de quen goberne ou non goberne ou ordes de Madrid, pois moito mellor veñan de onde veñan, benvidos sexan os apoios veñan de onde veñan. Polo tanto nós aquí tivemos sempre unha postura que vostede mesmo recoñece que foi coherente e a seguiremos tendo e polo tanto vamos a votar a favor, e eu creo que quedarían moi ben recoñecendo que bueno, que efectivamente é un problema do Estado, é un problema do PSOE tamén, puido facer máis que o que fixo e non o fixo, é un problema seu, do Estado, non pasa nada, e vostedes seguiron certas ordes e tiveron que estar cubríndolle as espaldas pois ás actuacións do seu goberno central. Ben, eu agardo que esto sexa digamos un punto de inflexión na política do PP. Con respecto ó do bono-peaxe e demais, eu creo, colla as actas, colla as actas e mire cal foi o motivo da nosa posición. Creo que foi claro, é dicir, unhas institucións mal financiadas como pode ser a Deputación ou os Concellos, non que viven da Deputación, pois non ten ningún sentido que lle estean cubrindo as espaldas a administración central e máis dubidoso tamén a autonómica, por algo que debían ter feito e que non fan por toda unha serie de decisións que se foron tomando e que polo tanto pois tapalas desa maneira pois resolve, é un parche para os usuarios pero que non resolve o problema de fondo, senón ó contrario, perpetúa o agravio, agora, eu supoño, supoño tamén que o paso que están dando con estas mocións e con esta campaña supoño que responderá ó anuncio que se ten feito de que posiblemente para o ano que vén non haxa bono-peaxe, se é que vostedes seguen gobernando na Xunta e na Deputación que agardemos que non sexa así. Supoño que será un paso máis nesa dirección, dende logo que se entre todos logramos que se libere a peaxe, pois aleluia, sería unha sorte, se o que queren é outra cuestión, é retirarse digamos do seu posicionamento que no seu momento adoptaron por cubrirlle as espaldas ó seu goberno en Madrid, pois bueno, a cousa xa sería bastante menos presentable. Ben, eu repito que non creo que sexa cuestión de seguir dándolle voltas, o noso voto favorable e a alegría de que vostedes se sumen ó posicionamento que estivemos defendendo historicamente. Sr. Presidente.- Moitas gracias Sr. Mosquera. Sr. González. Sr. González Iglesias.- Si, vamos a ver, antes de nada Sr. Sotelo voulle aclarar a referencia ó 11 de marzo. E voulla aclarar para que non siga dicindo as barbaridades que dixo. Mire, o que eu quería dicir e está absolutamente claro, é que o 11 de marzo deste ano algúns estabamos apenados porque un ano antes se produxera o máis brutal atentado da historia deste país e outros presentaban mocións. Eso é o que quería dicir. E se alguén ten que ter remordementos aquí ó mellor será quen se senta nas filas do Partido Popular porque ó mellor algún remordemento por omisión si ten que ter, porque gobernaban vostedes en Madrid aquel día, non sei se me entende. E non quero entrar nese tema, é dicir non é, simplemente a referencia é por esa razón, única e exclusivamente. Me parece que o de remordemento sobra, pero bueno. Vamos a ver, me di o Sr. Sotelo que, facendo referencia á posición nosa cando o Pleno do bono-peaxe, o primeiro Pleno, etc., etc. Mire, nós naquel momento o dicíamos e o seguimos dicindo hoxe, non é un tema da Deputación nin o era naquel momento. Que vostedes optaron por facelo, alá vostedes, pero nós naquel momento pensábamos o mesmo que pensamos agora. Mire, a diferencia entre cambiar de posición un e o seu partido, a diferencia é importante, é dicir, o Sr. Sotelo cambiou el de posición, tres veces, e eu Sr. Sotelo ata agora non cambiei de posición, vostede varias veces. Esa é a diferencia. A min me parecen perfectas as declaracións do Sr. Touriño pero eu non cambiei de posición, eu votei unha cousa neste Pleno e a sigo mantendo. E tanto é así que fixo vostede referencia a que na Addenda tamén votamos en contra, sería por algo, sería por algo. Di o Sr. Sotelo, fai unha serie de referencias ó Sr. Touriño cando estaba no goberno, e referencias a el, que se explique por que se fixo a primeira prórroga, a que negocio obedecía esa primeira prórroga, díxoo vostede, a que negocio obedecía, pois mire, tan claro como esto, naquel momento Audasa era unha empresa do Estado, é dicir, non hai que darlle contas do negocio a nadie, é do Estado o negocio. A prórroga que fan vostedes é para privatizar despois, para que caia en mans dunha empresa privada e aí si que hai que dar contas do negocio. Porque as contas do Estado hai Tribunais de Contas e demais historias para controlalas, as das empresas privadas son das empresas privadas. A diferencia me parece que é importante, absolutamente importante. E faime vostede referencia a que na duración do goberno socialista no Estado, entre o 82 e o 96, se incrementa o prezo da autopista o 100%. Si señor, e se remata a estrada Pontevedra-Santiago, e estaba nunha empresa absolutamente quebrada por eso o colleu o Estado, e se puxo en beneficios e se puxo a andar. Claro, por certo, por certo, cando fan vostedes a seguinte prórroga de 25 anos máis, 25 anos máis, un dos argumentos, o argumento principal é que se ía a abaratar nun 40%, nun 40%, e están as hemerotecas, volven a estar, nun 40%, realidade final, o 19% que dixo vostede, esa é a realidade final. Dicía vostede, nos facía referencia, volvo a repetir, ó tema do Sr. Touriño, que nunca polo tema das autopistas se fixo nada cando o goberno socialista, etc., etc. Mire, cando o goberno socialista decidiuse, decidiuse que Rande-Puxeiros, que en principio ía a ser de pago non fora de pago. E eso fíxose cun goberno socialista e co Sr. Touriño. Que volvo a repetir, este non é o debate nin deste punto nin de hoxe aquí. O debate de hoxe aquí e a explicación que sigue sen dar o Sr. Sotelo e o Partido Popular, é por que razón se hai anos, como vostedes recoñecen na súa moción, se hai anos que está amortizada, e o din no texto da súa moción, por que razón antes de privatizar non liberalizaron a peaxe e non puxeron a tarifa plana en toda a autopista. Explíquenos cal é a razón porque senón retiren esto do texto da súa moción, que poden facelo, é dicir, mire, equivoqueime, e claro xa son moitas equivocacións, equivocación Sevilla-Cadiz, e a equivocación esta, e a equivocación, moitas, montóns de equivocacións, a equivocación permanente durante oito anos de todos vostedes, pero ata agora non o explicaron e non o poden explicar porque non teñen argumentos para facelo. Nada máis. Eu volvo a repetir que nós vamos a votar a favor. Sr. Presidente.- Moitas gracias. Sr. Sotelo. Sr. Sotelo Villar.- Moi brevemente, eu creo que este debate está perfectamente cifrado, cada un coas súas posicións evidentemente, e bueno, eu creo que como dicía o Sr. Mosquera non é cuestión de darlle voltas, creo que dixo ó final da súa intervención, e tamén lle diría, queríalle aclarar unha serie de cuestións, eu cando fai referencia ó Sr. Zapatero non sei se é porque no seu subconsciente tamén pois ó mellor subxace que aspiran a ser socios tamén en Galicia igual que en Madrid, ó mellor é por eso. Mire, eu teño que dicirlle unha cuestión moi clara, nunca, nunca descualifiquei ningunha marcha, nunca, puiden estar de acordo ou non, ou non, por exemplo na última que se celebrou, creo recordar que era previa, previa ás eleccións municipais, en abril, se mal non recordo, pois considerei que aquel non era o momento oportuno porque entendíamos que tiña un claro compoñente político como logo así foi. Porque hai que ver só quen estaban agarrados ás pancartas. Evidentemente o Partido Popular pois tamén, ou non ten dereito igual que vostedes a agarrarse a unha pancarta. Bueno, porque ó mellor podemos dicir aquí claramente que igual somos alumnos avantaxados de vostedes. Bueno, eu creo que todo se aprende na vida, todo se aprende na vida, e ó mellor resulta que somos eso, alumnos avantaxados. Mire, eu si podo, eu estiven nalgunha desas marchas, non podo dicir que non estiven, nalgunha si, non estiven agarrado a unha pancarta, fun coma un cidadán máis do Morrazo que entendía que debía estar e fun a varias, non a todas, fun a varias, e quero deixar moi claro, moi claro, que nunca descualifiquei e ademais ese colectivo dentro dunha discordancia razoable, porque a xente que tiñamos comprometida moi clara, moi clara, hai que dicilo tamén, clarisimamente político porque a reflexión que fixo hai poucos días o Presidente está aí, e só houbo manifestacións pois cando gobernou o Partido Popular, ese é tamén un feito que está aí, pero á marxe desas discordancias que poidamos ter o respectei, o respecto e o respectarei porque creo que cando se defende con argumentos e os argumentos están aí, eu creo que é unha actitude en moitos casos loable. Polo tanto a min persoalmente nese tema pouco me ten que dicir, mire, Sr. González, o tema do 11-M, se pode ter remordementos por omisión ou por acción, por acción ou por omisión e non quero volver a falar deste tema máis, por acción ou por omisión. Nós podemos ter por omisión pero hai outros que no seu subconsciente, que é moito máis grave, poden ter por acción. Sr. ... .- Es una verguenza a la cuál ha hecho referencia el Sr. González y está ahí la hemeroteca está ahí, están ahí para todos. Sr. Presidente.- Por favor, por favor, Sr. González, por favor Sr. González, respecte o turno da palabra. Por favor Sr. González. Por favor Sr. González. Sr. Sotelo Villar.- Sr. González eu creo que mantiven unha actitude totalmente, a pesares da barbaridade, da barbaridade que vostede dixo, non fun eu o que introducín ese tema neste debate. Sr. Presidente.- Vostede foi quen introduciu ese tema Sr. González. Por favor. Por favor respecte o turno da palabra, respecte o turno da palabra. Sr. Sotelo siga. Sr. Sotelo Villar.- Si, eu simplemente dicía que as hemerotecas están aí e que se revisen as noticias de prensa dos últimos días, e é ó único que fago referencia. Mire, evidentemente eu non cambiei de posición, eu lle digo a vostede, Sr. González, que ¿vostede parécenlle perfectas as palabras do Sr. Touriño?, porque se é así de certo, ben, pois tremenda contradicción a súa, tremenda contradicción a súa. Mire, e facía referencia á equivocación Cádiz-Xerez, eso será para vostedes, unha equivocación, para nós é fomentar aínda máis o que están facendo neste ano que levan de goberno. Un agravio máis que lle están facendo vostedes a Galicia, e eso é, porque que me veñan a dicir aquí vostedes que negocien, que a Xunta negocie igual que negociou a Xunta de Andalucía me parece unha auténtica vergonza que un Deputado cabeza de lista de Pontevedra defenda esa actitude, é unha auténtica vergonza, é un agravio máis que están facendo vostedes a Galicia e que lles quede ben claro, porque dicir que pagou a Xunta de Andalucía 70 millóns de euros é unha auténtica vergonza, porque os pagaron con eses dubidosos, increíbles 2.700 millóns dunha suposta débeda histórica, unha vergonza e un agravio máis que están facendo. E aínda non lle chegou con eso, mire, que o fan a prazos, e non lle chega cos prazos, non lle chega cos cómodos prazos, mire, que lle desdobran tendo unha alternativa desdobran esa autovía, e o están facendo coas autopistas, o están facendo co AVE, o están facendo cos portos, o están facendo con todo o que toca a Galicia e eso si que é un agravio e que haxa un Deputado que encabeza unha lista da provincia de Pontevedra que defenda esa actitude eso si que é unha falta de respecto ós cidadáns de Galicia e máis en concreto ós cidadáns de Pontevedra porque eso si que é como dicía para os que somos crentes, porque case todos os que estamos aquí, ou sexa, hai algún que creo que non, aquí neste bando tamén hai algún herexe, eh, Sr. Mosquera, ou non, algún ateo, que de vez en cando comete algunha herexía, pois que defenda eso, eso si que é unha herexía. Mire, e eu lle podo dicir, e para rematar xa a miña intervención, eu creo que o debate como dicía antes está perfectamente centrado, non sei se quere comentar algo máis o Sr. Presidente, pero si lle podo ler, porque as hemerotecas están aí, lle podo ler con claridade as distintas actuacións que ten feito a Xunta de Galicia e que contribúen a minorar, a minorar o impacto nos usuarios da peaxe en Galicia. Mire, tramo Fene-Ferrol, libre de peaxe; tramo Rande-Puxeiros, libre de peaxe; vostede sabe coma min, seguramente mellor ca min que incluso chegou a haber unhas cabinas alí, porque creo que eran non sei se no seu territorio pero case, creo que si. A Barcala-A Coruña, gratis para os residentes da provincia con ese bono-peaxe que vostedes non querían e que agora parece ser marabilloso para o Sr. Touriño. O Morrazo-Vigo, gratis para os residentes na provincia de Pontevedra con ese bono-peaxe que vostede no seu momento, cando se asinou ese convenio votou en contra e que nesa addenda que tivemos que facer tamén votou en contra. E despois poderíamos falar das distintas deduccións que se produciron na autopista A-9, e remato a miña intervención, todas elas cun goberno do Partido Popular. Mire, e dígolle máis, non divague, non divague, non voten balóns fóra, agora neste momento vostedes teñen unha responsabilidade, noutros momentos tivémola nós, a tivemos nós o Partido Popular, insisto o Partido Popular fíxoo e ó mellor tería que haber feito algo máis, pero fixo o que fixo e o pouco que se fixo e o deixo ben claro, polas peaxes nas autoestradas na nosa Comunidade o fixo o Partido Popular e mesmo con esa medida que vostedes agora pois se agarran e que naquel momento pois dicían, denotaban, que era naquel momento a única posibilidade que tiñamos, polo tanto insisto, cada un ten a responsabilidade que ten, neste momento vostedes teñen unha responsabilidade clara e insisto, non divaguen, hai un problema e eu creo que entre todos debemos solucionalo. Nada máis Sr. Presidente. Sr. Presidente.- Moitas gracias Sr. Sotelo. Por favor ten a palabra o Sr. Mosquera. Sr. Mosquera Lorenzo.- Si, para rematar, xa fixen unha referencia noutro caso, dende logo, home eu supoño que os postulados do BNG á parte de vostedes lle superan un pouquiño fortes, pero en canto perden o goberno en Madrid a súa visión de Galicia e a súa defensa de Galicia creo que nos fai estar expectantes de que se vai crear outro partido nacionalista. Nos están ás veces desbordando, mentres están no goberno non, en Madrid e tal non, non existe, nin hai ningún problema e seguen obediencia cega a Madrid e todo o que fai Madrid é bárbaro para Galicia, en canto perden se converten nuns defensores deste país, desta nación, absolutamente fantásticos, a conversión é moito máis profunda polo que vexo, polo que vexo é moito máis profunda e nos alegra profundamente, nos alegra, agardemos que eso leve estes postulados, se manteñan no tempo estes postulados que defendeu o Sr. Sotelo como o outro día defendeu aquí o Sr. Crespo e leve realmente a que haxa unha vertebración política en clave nacionalista moito máis forte da que hai agora e se cubra un máis amplo aspecto. Dende logo se eso é así e polas declaracións parece que si e son moi coincidentes, dende logo agardemos que sigan nesta liña e polo tanto este país teña forzas políticas que o defendan dende distintos aspectos ideolóxicos e cambiaría probablemente moito, cambiaría probablemente moito, e non cando están na oposición en Madrid e entón se defenden cando están no goberno. Non porque se houbera forzas con máis peso no aspecto social en Galicia evidentemente eso cambiaría, pero cambiaría definitivamente non dependería de quen goberna en Madrid, cousa que sería moi boa para toda esta sociedade e para toda Galicia. Alégrome moitísimo, espero que a conversión non sexa na autoestrada senón tamén no fondo e que por fin vaiamos, en fin, vertebrando este país. Sr. Presidente.- Moitas gracias Sr. Mosquera. Sr. González. Sr. González Iglesias.- Si, Sr. Sotelo vostede forma parte dese Partido Popular, polo que se ve a maioría, que pensa que en política vale todo. Vostedes pensan que en política vale todo e en política non vale todo. Sigan por ese camiño que así lles foi e así lles irá, así lles foi e así lles irá. Mire, Sr. Sotelo, di vostede que parece incrible que un Deputado que foi cabeza de lista da provincia de Pontevedra estea plantexando o tema que se a Xunta de Andalucía foi a que negociou, mire, si, é que é así, a negociación se produce e o acordo se produce entre a Xunta de Andalucía e a empresa que explota a autopista, non hai máis, e esa é a realidade, e esa é a realidade, e aparecen 72 millóns de euros a pagar pola Xunta de Andalucía que seguindo as súas teses pois podía ser tamén a Xunta de Galicia quen fixera a operación, que eu non estou de acordo nesa operación, pero segundo as súas teses podía ser así, eso é o que defenden vostedes. Mire, a min o que me parece tremendo, me parece tremendo, e por eso lle dicía entre outras cousas á parte do 11-M que a vostede válelle todo en política, á parte deso, me parece tremendo que estea a voltas de novo coa débeda histórica a Andalucía. Me parece tremendo porque eu recordo en plenas eleccións Ministros do Partido Popular chantaxeando, e aparecía en todos os medios de prensa, á Xunta de Andalucía co tema da débeda histórica, e dicindo que se gañaba non sei quen ó mellor lla pagaba, así que non me veña con dubidosas procedencias no pago da débeda. O que é curioso, o que é curioso, é que utilizando tamén o seu argumento, se se produciu historicamente unha aldraxe a Galicia, como dicía vostede, ¿por que non fixeron vostedes durante eses oito anos, votaron man da débeda histórica de Galicia tamén?. ¿Por que non fixeron un tema de inversións neses oito anos en Galicia, por que non puxeron Galicia ó día?, ¿ou é que o aldraxe só se produce neste último ano?. Neste último ano cando curiosamente se poñen os cartos para o que vostedes prometeran que non puxeran cartos ó lado. É curioso, é tremendamente curioso, pero, volvo a repetir, é a forma de facer política que ten o Partido Popular que así lle foi e así lle seguirá indo. Pero, para rematar, Sr. Sotelo, para rematar, eu vólvolle a facer a mesma pregunta, se utilizando o texto da súa moción, se está amortizada dende hai anos ¿cal é a razón pola que non liberalizaron de peaxe ese tramo da autopista Ponte de Rande antes da privatización?, porque vostedes din aquí que hai anos que está amortizado, o din no texto da moción, explíqueo o por que non o fixeron naquel momento e están pedindo agora, que nós estabamos pola labor naquel momento e agora, pero expliquen vostedes recoñecendo que está amortizado por que non o fixeron, ¿a quen lle quitarían o negocio para non facelo?, porque a alguén tiñan que deberllo. Bueno, eu recórdolle Sr. Presidente que hai unha emenda nosa e que se vostedes asumen de acordo e senón pois que o someta a votación. Sr. Presidente.- Sr. Sotelo. Gracias Sr. González. Sr. Sotelo Villar.- Creo que estamos a falar da peaxe na autoestrada A-9, non estamos falando de débedas históricas nin debates sobre débedas, si, si, si, pero se quere tamén podemos falar. Insisto unha vez máis, o debate do 11-M non o introduciu quen está a falar senón que foi vostede o que fixo referencia. E remato, as hemerotecas están aí para consultalas quen queira. E insisto nunca un goberno central axudou a Galicia como o goberno do Partido Popular e as hemerotecas están aí e os agravios están aí Sr. González, e só levan, remato, remato, mire cando o Sr. Touriño estaba as autovías, non me gustaría reabrir o debate, as autovías acababan no Padornelo, aí están os mapas, aí están os mapas e llos podo traer cando vostede queira, están aí, están aí Sr. González, cando vostede queira, ó próximo Pleno me comprometo eu aquí a traerlle ese plano e llo mostrarei así Sr. González, remataban, porque para vostedes, para vostedes nin antes cando gobernou o Sr. González nin agora co goberno do Sr. Zapatero, para vostedes Galicia non existe. E só levan un ano, poñámonos ó cuberto porque ó mellor non chegan ós catro anos, tamén hai que dicilo, pero poñámonos a cuberto porque desgraciadamente nos tocan tres anos de sufrir. Moitas gracias. Sr. Presidente.- Moitas gracias Sr. Sotelo. Bueno, eu creo que a explicación foi clara e contundente en relación a algo importante que nos afecta a miles de cidadáns da provincia de Pontevedra, e bueno, eu como saíu fóra do debate, quería dicirlle neste caso ó Sr. González que nalgún momento fixo mención, pero esto dentro da dialéctica política, porque eu creo que esa realidade xa agora como ben dicía o Sr. Sotelo mutou, esa realidade mutouse que vostede dicía que para facer política o Partido Popular utilizaba todo, incluso as institucións. Eu quero recordarlle a vostede que, bueno dende que vostedes están gobernando se están producindo unha serie de acontecementos, os máis importantes son os que dicía o Sr. Sotelo, que é o desprezo a Galicia, pero sobre todo o que máis se está notando, porque esas son as fotos que saen nos medios de comunicación, é o desprezo permanente que ben sufrindo o Presidente de todos os galegos en relación á visita e o desembarco de Ministros que veñen aquí a visitar a un tal Touriño, a un tal Touriño, verdade, vostede eso non sei se lle soa pero supoño que si, verdade, que eso é unha realidade que está pasando. Vostede imaxínese que eso o fixera o Partido Popular, visitando precisamente, pois vostede imaxínese como nos porían, e vostede fala de utilización das institucións, eso que se chama, Sr. González, -eu lles pido respecto, estou no turno da palabra, cando tal, vostedes pulsan e eu lles darei o turno da palabra-, o que si lles digo é que por favor cando se faga algún tipo de utilización ou de maniobra saiban ben o que din porque creo que están caendo na evidencia do que está pasando estes días, que ese desembarco de Ministros para visitar a un tal Touriño ou tamén como aquilo que pasou cun tal Sr. Bono, que á parte de ser Ministro de, se autoconcede unha medalla a el mesmo, cousa con moito mérito por certo deste señor. Por eso que hai que saber ben o que se di e non desviar o debate cara outras cousas. O que si é importante e eu teño que dicilo aquí é o debate de hoxe, o Partido Popular como quedou claro, foi o único pouco ou moito que fixo un gran labor neste sentido, pouco ou moito, que probablemente houbera podido facer máis pero que o que si está claro é que quen non fixo nada durante trece anos de goberno foi o Partido Socialista e agora tiña unha oportunidade que ademais vostedes prometeron e nós respectuosamente, respectuosamente esperamos ese prazo de seis meses para que vostedes estudiaran a alternativa. Dixéronnos que nos ían a traer unha alternativa marabillosa para solucionar este problema. Eso rematou o 23 de decembro pasado, estamos catro meses despois e non temos ningún tipo de alternativa. Por eso entendemos que aquí esta institución, porque ademais de ter que defender os intereses de todos os cidadáns está implicada neste asunto, dunha maneira directa, cun custe anual próximo ós 200 millóns das antigas pesetas. Que vostedes como ben lle recordaba neste caso o noso Portavoz votaron en contra deso no seu momento e agora recoñecen que é a única solución viable, co cal me parece razoable, pero nós a pesares de todo eso temos que pedir máis e temos que pedir a liberalización dese tramo, e temos ademais de todo eso que pedir que se compense un agravio comparativo que existe, que quizais ó mellor non entrou tanto no debate, que é que na provincia da Coruña os tramos da A-9 se están pagando a 10,65 pesetas quilómetro, para que todos nos entendamos, e nos tramos da provincia de Pontevedra a 16,32 pesetas quilómetro. Polo tanto imaxínese calquera de nós que facemos o traxecto Pontevedra-Vigo, ou Vigo-Pontevedra que nos está custando un euro máis cada un destes viaxes a calquera dos cidadáns, máis de 40.000 que diariamente percorren esta autopista, sobre todo en relación ó que está sucedendo na provincia da Coruña. Creo que non existe xustificación e eso era precisamente outro dos nosos argumentos. E o terceiro, precisamente que estamos de acordo en que se amplíe a esa proposta que vostede acaba de facer Sr. González, era pois a conexión, porque non ten sentido que non sexa así, de conexión coa autopista dos tramos en Carracedo, concretamente, e en Vilaboa, con dirección entrada e saída con dirección Santiago e en Vilaboa con entrada e saída con dirección Vigo. E tamén queremos dicilo aquí, porque é un tema que afecta a esta Comarca e a Comarca de Caldas, sobre todo onde hai unha obra importante que nestes momentos está paralizada que é a variante de Caldas de Reis e no caso de Pontevedra que se atenda tamén dalgunha maneira esa posible circunvalación que esperemos que o goberno do Partido Socialista pois poida dicirnos cal é a alternativa que vai poñer para facer esa circunvalación necesaria para Pontevedra e que polo tanto deamos solución conxunta e que non sexa unha solución dalgunha maneira illada senón que sexa como digo unha solución conxunta para resolver os problemas de infraestructuras da provincia. E é máis, creo que esta institución na medida das súas posibilidades pois debe incluso participar na medida do posible en comunicar eses accesos para estas dúas zonas, no que me estou a referir en Caldas de Reis, Carracedo concretamente, e en Vilaboa onde existe actualmente esa peaxe para facer eses accesos e que poidan como digo entrar hacia Vigo en Vilaboa e hacia Santiago en Carracedo. E pola miña parte eu creo que nada máis. ¿Algunha cousa Sr. González?. Si. Sr. González Iglesias.- Home, Sr. Louzán, dicía vostede que os Ministros visitan a un tal Touriño. Eu podería recordarlle cando os Ministros visitaban ó Sr. Fraga, eu son un pouco máis respectuoso que vostede. O Sr. Fraga en campaña electoral, sistematicamente antes da campaña electoral, excepto cando foi o tema do Prestige, aí houbo unha desaparición empezando polo Sr. Aznar, tal desaparición que ata o Sr. Fraga o outro día dicía que se sentía desasistido polo Presidente do Goberno, curioso. Pero mire, ou sexa, xa que me di vostede que é o Presidente e sacando a colación unha das Comunidades Autónomas que se fixo referencia antes, en Andalucía, na campaña electoral andaluza, os Ministros de Madrid, do goberno do Partido Popular, ían sistematicamente dous cada fin de semana a levar a boa nova coa candidata que tiñan vostedes alí. É dicir, miren, utilicen outra cousa que eso non vale, utilicen outra cousa, eso non vale. Pero de todos os xeitos a min de verdade, de verdade que me gustaría, por certo facía vostede unha referencia ó Sr. Bono que se autocolgou unha medalla, o día seguinte renunciou a ela. Houbo quen lla puxeron por fundir un barco, un petroleiro, e cargarse as costas de Galicia. ¿Sabe de quen lle falo, non?. Do Sr. Cascos. Sr. Presidente.- Pero o Sr. Bono non a devolveu aínda. Están preguntando onde está porque non a devolveu aínda. Sr. González Iglesias.- Xa, xa. Non, que va. Xa, xa. O Sr. Cascos polo que fixo de máis, por fundir un barco e cargarse as costas de Galicia. Curioso, curioso que se premie con eso. Sr. Presidente.- Cando vostedes digan onde meterían vostedes o barco pois a partir de aí empezamos a falar. Sr. González Iglesias.- Sr. Louzán, Sr. Louzán mire unha cousa, Sr. Louzán mire unha cousa, quen goberna ten que asumir as consecuencias e dicir as cousas, cousa que vostedes non din. Mire, facía unha referencia, facía unha referencia o Sr. Louzán a que o custe do quilómetro de autopista na provincia de Coruña comparado co de Pontevedra pois é da orde de seis pesetas máis barato. Sr. Presidente.- Si, si, seis pesetas quilómetro. Sr. González Iglesias.- Exactamente, quilómetro, quilómetro, me refiro a eso. Mire, unha pregunta, ¿eso que pasa que é do último ano ou era a anterior, e ese é o argumento que utilizou vostede cando se reúne co Sr. Cascos ou co Sr. Rato no ano 2003?, ¿tamén lle utilizou ese argumento?, ¿tamén lle utilizou o argumento que poñen no texto da moción de que xa estaba amortizada a autopista?, ¿utilizoullo ou non llo utilizou?. Me temo que non llo utilizou, ¿sabe por que?, porque vostedes teñen unha concepción da política absolutamente militarista, o de poñerse a "sus órdenes", ese é o tema, e como agora non teñen a quen poñerse a "sus órdenes", agora lle vale todo. Esa é a diferencia. Non, non, agora non teñen e van a estar así durante moito tempo, durante moito tempo, e cada vez van a ter menos sitios onde poñerse ademais. Nada máis. Eu si quero recordarlle que se asume a emenda nosa nós votamos a favor sen ningún problema. Sr. Presidente.- Así me gusta que vostedes saiban recoñecer a realidade e polo tanto o que si lles pedimos tamén é que fagan algo máis ou bastante máis por resolver un problema que afecta a todos os cidadáns e que non fagan esas promesas que fixeron en campaña electoral para dicir que ían a resolvelo e aínda a día de hoxe non sabemos absolutamente nada. Polo tanto procedemos neste caso a votar a emenda que propón o Partido Socialista ó cal en principio o Partido Popular, como non pode ser doutra maneira, porque entendemos que mellora as comunicacións na zona concretamente de Rande-Puxeiros, que é onde vostede. Bueno, pois se sume ó propio texto da moción a incorporación dese e procedemos polo tanto á votación. Espero ademais e así o desexo que esta moción que hoxe foi debatida aquí polos tres grupos políticos e que dalgunha maneira vai ser apoiada por todos que non quede en saco roto senón que todo o contrario e que como eu dicía ó principio o Partido Popular, neste caso o goberno da Deputación Provincial de Pontevedra, tamén está disposto a colaborar na medida do posible porque son infraestructuras básicas para a nosa provincia e polo tanto cooperar en todo o que sexa posible para que estas melloras se produzan canto antes. Procedemos polo tanto á votación. ¿Votos en contra?. ¿Abstencións?. ¿A favor?. Todos os grupos. Moitas gracias. De conformidade co dictame da Comisión Informativa de Cooperación, o Pleno acorda por unanimidade, aprobar a Moción do Grupo Provincial do PP en relación coa autoestrada AP-9, que é como segue: "O Congreso dos Deputados aprobou o 23 de xuño de 2004 na Comisión de Fomento e Vivenda a proposición non de Lei literalmente transcrita seguinte: "O Congreso dos Deputados insta ó Goberno a realizar, nun prazo de seis meses, os estudios necesarios que permitan dar alternativas para integrar territorialmente a área metropolitana de Vigo-Pontevedra, establecer peaxes cunha marxe equitativa, e liberar a peaxe do tramo O Morrazo-Vigo". Transcorrido dito prazo sen que se vislumbren solucións positivas a esta proposición, conscientes de que a autoestrada contribúe sen dúbida á creación de riqueza e ó desenvolvemento da provincia, e de que, en concreto, o tramo O Morrazo-Vigo, carece de alternativa razoable a esta vía de comunicación. Así mesmo, coñecendo a disposición do Goberno a liberar de peaxes tramos da autoestrada Sevilla-Cádiz, o tramo Pancorbo-Armiñón na AP-1, e a rebaixar as tarifas na de Campomanes-León e zonas de tráfico metropolitano, entre outras, parece incuestionable tomar unha decisión similar respecto da autoestrada galega. Por estas razóns, a Corporación Provincial retoma o acordo subscrito en Santiago de Compostela a 10 de febreiro de 2000, asinado polos representantes das Deputacións de A Coruña e Pontevedra, os Concellos de A Coruña, Arteixo, Pontevedra, Marín, Bueu, Cangas do Morrazo, Moaña e Vigo, onde estaban representados todos os partidos do arco parlamentario galego e recoñecendo que os esforzos foron insuficientes, imponnos realizar nova formulación insistindo nos mesmos argumentos que nos levaron a asinar o referido acordo. O Grupo Provincial do PP entende que os tráficos teñen unha natureza eminentemente metropolitana, a actividade industrial, a asistencia sanitaria, o comercio, a cultura, a educación e o resto das actividades económicas e sociais desenvólvense na área de influencia das cidades de Pontevedra e Vigo, e vense fortemente condicionadas pola existencia de tramos de peaxe discriminatorios. Polo tanto, cremos que o Goberno debe definir un modelo para todo o territorio nacional que non cree estas desigualdades e libere a outras administracións públicas das inversións que están a facer para aminorar esta discriminación. O Grupo Provincial do PP estima que no caso da conexión O Morrazo-Vigo, continúan sen existir alternativas a esta vía de comunicación, e que as inversións na construcción da autoestrada están amortizadas hai anos. Coas peaxes que se pagan hoxe en día, a construcción dunha nova ponte é incluso totalmente posible. Asumida esta realidade, é discriminatorio que o prezo por km. non sexa o mesmo, non importa en que tramo do traxecto, non só na A-9 senón en calquera outra autoestrada do Estado e entre todas elas. Afirmamos que a consecución dos obxectivos que se propoñen producirían

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

Área de control da descrición