Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: En Pontevedra, na Sala de Xuntas do Pazo Provincial, sendo as dez horas e dez minutos do día cinco de marzo do ano dous mil oito, baixo a Presidencia do Ilmo. Sr. D. Rafael Louzán Abal, Presidente da Excma. Deputación Provincial de Pontevedra, reuníronse as/os señoras/es deputadas/os, D. José Manuel Figueroa Vila, D. José Enrique Sotelo Villar, Dona Mª Teresa Pedrosa Silva, D. José Juan Durán Hermida, D. Xosé Crespo Iglesias, Dona María Corina Porro Martínez, D. Silvestre José Balseiros Guinarte, D. Jesús Mª Fernández Portela e D. Agustín Reguera Ocampo, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados, D. Julio Alén Montes, D. Severino Reguera Varela, D. José Carlos Silva Mariño e D. Jesús Vázquez Almuíña. Da fe do acto D. Carlos Cuadrado Romay, Secretario, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.15931.- ACTA ANTERIOR A Xunta de Goberno acorda por unanimidade aprobar o borrador da acta da anterior sesión, ordinaria, do día 27 de febreiro de 2008. ------ Folla: 2.15932.- APROBACIÓN DO CONVENIO DE COLABORACIÓN ENTRE A DEPUTACIÓN DE PONTEVEDRA E A ASOCIACIÓN CIDADÁ DA LOITA CONTRA A DROGA “ALBORADA”, ANO 2008 Retírase da orde do día pendente de informe expediente relativo á “Aprobación do convenio de colaboración entre a Deputación de Pontevedra e a Asociación Cidadá da Loita contra a Droga “Alborada”, ano 2008”. ------ Folla: 3.15933.- CONCESIÓN DE PRÓRROGA RESPECTO Á SUBVENCIÓN PARA ARRANXO DE VIVENDA, APROBADA POLA XUNTA DE GOBERNO DO 18/07/07 A FAVOR DE DONA Mª LUZ CERDEIRA DURÁN, VECIÑA DO CONCELLO DE A LAMA Aprobada pola Xunta de Goberno do 18/07/07 unha subvención para arranxo de vivenda, por importe de 4.008,25 euros a favor de Dona Mª Luz Cerdeira Durán, veciña do concello de A Lama, e comunicada o 16/02/08 polo Sr. Alcalde de dito Concello a solicitude de prórroga formulada por tal beneficiaria da subvención, ante a imposibilidade de rematar as obras no tempo previsto, por causas alleas a súa vontade, a Xunta de Goberno acorda por unanimidade conceder unha prórroga ata o 31 de maio de 2008, respecto á subvención para arranxo de vivenda, que por importe de 4.008,25 euros aprobou a Xunta de Goberno de 18/07/07, a favor de Dona Mª Luz Cerdeira Durán, veciña do Concello de A Lama. ------ Folla: 4.15934.- CONCESIÓN DE PRÓRROGA PARA XUSTIFICAR A AXUDA CONCEDIDA Á CONFRARÍA DE PESCADORES SAN GREGORIO DE RAXÓ DENTRO DO PROGRAMA DE AXUDAS PARA ADQUISICIÓN DE SEMENTE PARA O ANO 2007 Dada conta da solicitude da Confraría de Pescadoras San Gregorio de Raxó, CIF núm. G36020261, para ampliar o prazo para xustificar a axuda que se lle concedeu pola Xunta de Goberno do 08/06/2007, por importe de 1.500,00 €, con cargo ó “Programa de axudas para adquisición de semente – 2007”, e vistos os informes da bióloga da Sección de Pesca e Cultivos Mariños, do xefe do Servizo Agrario e da Intervención, a Xunta de Goberno acorda por unanimidade prorrogar o prazo para xustificar esta axuda por un período máximo de tres meses a contar dende a finalización do prazo de xustificación inicial. ------ Folla: 5.15935.- CONCESIÓN DE PRÓRROGA DO CONTRATO PARA PRESTACIÓN DE SERVIZOS ENTRE A DEPUTACIÓN DE PONTEVEDRA, A TRAVÉS DO LABORATORIO DE MOURISCADE, E SEGURIDADE ALIMENTARIA DO NOROESTE (SANOR, S.L.), PARA A TOMA DE MOSTRAS DAS MATERIAS PRIMAS QUE ENTREN POLOS PORTOS DE GALICIA O 5/12/2007 preséntase no Rexistro Xeral (núm. 40344) da Deputación unha comunicación asinada por Bruno Beada García, en calidade de xerente da empresa Seguridad Alimentaria del Noroeste SL (SANOR S.L.), con CIF núm. B15982796 e domicilio no Muelle de San Diego s/n, C.P. 15006 do concello de A Coruña, mediante a que solicita a prórroga do contrato asinado coa Deputación de Pontevedra para tomar mostras das materias primas que entren polo portos de Galicia ata o 31/12/2008 e a modificación do importe a pagar polo quilometraxe. Dada conta do contrato aprobado pola Xunta de Goberno e asinado o 23/09/2005, no que se establece a posibilidade de prorrogalo por acordo de ambas partes e de que se estuden as modificacións das achegas, no caso de que fose necesario. Resultando que a última prórroga deste contrato aprobouse pola Xunta de Goberno do 24/11/2006, estendeu a súa vixencia ata o 31/12/2007 e que polo tanto a nova prórroga solicítase dentro do prazo previsto. Vistos os informes do Enxeñeiro Director do Servizo Agrario, do 21/12/07, e da Intervención, do 01/02/08, que valoran favorablemente a prórroga deste contrato ata o 31/12/2008 e a modificación do importe a pagar pola quilometraxe de modo que se paguen 0,19 €/Km., en vez de 0,17 €/Km., e visto o ditame favorable da Comisión Informativa de Desenvolvemento Agrogandeiro, celebrada o 20/02/2008. A Xunta de Goberno acorda por unanimidade prorrogar o “Contrato de prestación de servizos entre a Deputación de Pontevedra e a Sociedade Unipersoal Seguridad Alimentaria del Noroeste, SANOR, S.L. (CIF núm. B 15982796), para a recollida de mostras de materias primas para alimentación animal que entren polos portos de Galicia” dende o 01/01/08 ata o 31/12/08 e modificar o importe a pagar pola quilometraxe, de modo que se fixa en dezanove céntimos por quilómetro (0,19 €/Km.). ------ Folla: 6.15936.- APROBACIÓN DO GASTO E DECLARACIÓN DE ABOO DE CANTIDADE PARA O PAGO DA SUBVENCIÓN CONCEDIDA Ó CONCELLO DE BAIONA NO PUG/05, PARA A ACTUACIÓN Nº3, DENOMINADA “2ª ANUALIDADE REDACCIÓN PLAN XERAL BAIONA E CARTOGRAFÍA”, POLO PROCEDEMENTO EXTRAXUDICIAL DE CRÉDITO Dada conta da solicitude de aboo da xustificación da subvención, do concello de Baiona, á vista do informe de Intervención de data 26 de febreiro de 2008, a Xunta de Goberno acorda por unanimidade: Recoñecer a obriga de 12.000,00 euros, seguindo o procedemento de recoñecemento extraxudicial de crédito, a favor do devandito concello e declarar de aboo dita cantidade, con cargo á partida 08/911.911.462.09-2005, como pago da subvención concedida á mesma, para a actuación nº 3, denominada “2ª anualidade redacción Plan Xeral Baiona e cartografía”, incluída no PUG/05. ------ Folla: 7.15937.- APROBACIÓN DO EXPEDIENTE DE CONTRATACIÓN PARA A ADXUDICACIÓN MEDIANTE CONCURSO DA XESTIÓN E ORGANIZACIÓN DO PROGRAMA “CONTACTO COA NATUREZA” A Deputación de Pontevedra, coa finalidade de fomentar o compañeirismo, a tolerancia, o respecto á natureza e a boa convivencia, así como prácticas de vida saudables, pretende levar a cabo un programa denominado “Contacto coa natureza”, que se dirixe a escolares de 1º de bacharelato. Visto o Informe emitido polo Sr. Secretario sobre o prego de cláusulas económico-administrativas particulares que rexerán na contratación, e vistos así mesmo, o documento RC e o informe de fiscalización do expediente emitido por Intervención, a Xunta de Goberno acorda por unanimidade: Aprobar o expediente de contratación mediante concurso, procedemento aberto, da xestión e organización do programa “CONTACTO COA NATUREZA” O programa conta cun presuposto máximo de cen mil euros (100.000,00 €), sendo o tipo de licitación do concurso de DOUSCENTOS CINCUENTA EUROS/PERSOA (250,00 €), IVE incluído. O financiamento deste programa por persoa realizarase da seguinte forma:  Deputación Provincial de Pontevedra: 75,00 €/persoa.  Concellos que se acollan ó programa: 35,00 €/persoa.  Persoas beneficiarias do Programa máximo de 140,00 €/persoa. Así mesmo, a Xunta de Goberno acorda: • Autorizar o gasto de ata unha cantidade máxima de 100.000,00 euros destinado a financiar a parte correspondente á Deputación e con cargo á partida 08/313.313.227.09 do vixente Presuposto provincial. • Aprobar os pregos de cláusulas administrativas e técnicas que rexerán o Concurso como Lei fundamental. • Iniciar o procedemento de adxudicación para dita contratación, concedendo un prazo de quince días naturais para a presentación de proposicións, contados a partir do día seguinte á publicación do anuncio deste concurso no Boletín Oficial da Provincia. Dito prego é como segue: “PREGO DE CLÁUSULAS ECONÓMICAS-ADMINISTRATIVAS, QUE REXERÁ O CONCURSO PARA ADXUDICAR, MEDIANTE PROCEDEMENTO ABERTO, A CONTRATACIÓN DA XESTIÓN E ORGANIZACIÓN DO PROGRAMA “CONTACTO COA NATUREZA” 1.- OBXECTO.- A xestión e organización do programa “Contacto coa natureza”, dirixido a escolares de 1º de bacharelato coa finalidade de fomentar o compañeirismo, a tolerancia, o respecto á natureza e a convivencia. A Xestión comprenderá a confección da lista de beneficiarios definitiva a través dos Concellos da Provincia que soliciten acollerse ó programa, así como a recadación das cantidades asumidas polos concellos e os participantes. A organización e prestación consistirá na realización de todos os trámites necesarios do programa (concertación de horarios, prazas, quendas, traslados, aloxamento, actividades, etc). Esta institución non se compromete a contratar un número mínimo de prazas, xa que dependerá do número de solicitudes presentadas ó programa. No Prego de prescricións técnicas que se une como anexo desenvólvese con máis detalle o obxecto do contrato. 2.- FINANCIAMENTO.- O prezo de cada viaxe financiarase do seguinte xeito: • A Deputación de Pontevedra achegará a cantidade de 75,00 euros por cada escolar participante. • Os concellos interesados en participar neste programa deberán contribuír cunha cantidade de 35,00 euros por cada participante. • As persoas beneficiarias aboarán unha cantidade máxima de 140,00 euros. No caso de que a oferta por programa/persoa presentada polo adxudicatario sexa menor á estimada no tipo de licitación, reducirase no devandito importe a contía a achegar polo beneficiario do programa. A parte correspondente á Deputación de Pontevedra, cen mil euros (100.000,00 €), será financiada con cargo á partida 08/313.313.227.09 do vixente Presuposto provincial. 3.- PAGAMENTO.- A Deputación procederá ó pagamento da factura que presente a empresa adxudicataria unha vez se preste a conformidade por parte do Servizo de Acción Social. A factura deberá recoller unha relación de todas as persoas beneficiarias do programa. 4.- DATAS DE REALIZACIÓN DO PROGRAMA.- Durante o presente ano 2008. 5. - TIPO DE LICITACIÓN.- O presuposto que servirá de base de licitación fíxase na cantidade máxima de DOUSCENTOS CINCUENTA EUROS /PERSOA (250,00 €), IVE incluído. 6. - CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente solvencia económica, financeira ou técnica. A Administración poderá contratar con unións temporais de empresas que se constitúan ó efecto (sen que sexa necesaria a formalización delas en escrituras públicas, ata que se teña formalizado la adxudicación); ditas empresas serán responsables solidarias ante a Administración debendo nomear ante ela un representante ou apoderado único. Ditas empresas deberán ter por obxecto a realización de actividades que teñan relación directa co obxecto do contrato e dispoñer dunha organización dotada dos elementos persoais e materiais suficientes para a debida execución do contrato. 7.- GARANTÍA DEFINITIVA.- O seu importe será do 4% do prezo de adxudicación, e poderá constituírse en calquera das formas previstas no art. 36 do T.R. da Lei de Contratos das Administracións Públicas. A constitución da garantía definitiva deberá ser acreditada dentro dos quince días naturais seguintes ó da notificación do acordo de adxudicación. O incumprimento deste requisito, por causa imputable ó adxudicatario dará lugar á resolución do contrato. A garantía definitiva terá que ser ingresada exclusivamente na Caixa da Deputación. 8. - PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN. - 8. 1 º.- Lugar e Prazo de Presentación.- As proposicións presentaranse no Rexistro Xeral da Deputación en horario de 9 a 13 horas, durante os 15 días naturais seguintes á publicación do anuncio no Boletín Oficial da Provincia. Se o último día de presentación de proposicións coincidise en festivo, prorrogarase o prazo ata o primeiro día hábil seguinte. Tamén se poderán presentar por calquera dos procedementos establecidos polos artigos 38.4 º da Lei 30/92 do 26 de novembro de Réxime Xurídico das Administracións Públicas e do Procedemento Administrativo Común e 80 do R.d. 1098/2001 do 12 de outubro, polo que se aproba o Regulamento Xeral da Lei de Contratos das Administracións Públicas, agás por Correo Electrónico. Cando a documentación se envíe por calquera dos procedementos antes indicados, o empresario deberá xustificar a data e hora da imposición do envío e anunciar ó órgano de contratación a remisión da oferta mediante télex, fax (986804126) ou telegrama no mesmo día. 8. 2 º.- Formalidades.- As proposicións constarán de dous sobres pechados, denominados A e B en cada un dos cales farase constar o contido, na forma que se indicará, así como o nome ou denominación do licitador. A) SOBRE A denominado “PROPOSICIÓN ECONÓMICA”, axustarase ó modelo contido na cláusula final do presente prego. Presentarase pechado, poderá ser lacrado e precintado a petición do interesado; deberá conter a seguinte inscrición: PROPOSICIÓN ECONÓMICA PARA OPTAR Ó CONCURSO PARA ADXUDICAR, MEDIANTE PROCEDEMENTO ABERTO, A XESTIÓN e ORGANIZACIÓN DO PROGRAMA “CONTACTO COA NATUREZA” Dito sobre deberá conter a seguinte documentación: 1.- Proposición económica. Que se axustará ó modelo contido na cláusula final do presente prego. 2.- Descrición do programa (actividades , horarios… .etc) 3.- Características do transporte, aloxamento e manutención (menú). 4.- Melloras. Non se poderá subscribir proposta ningunha en unión temporal con outros licitadores se se fixo de forma individual ou con outra unión temporal. B) SOBRE B denominado “DOCUMENTOS” deberá conter a seguinte inscrición: DOCUMENTOS XERAIS PARA OPTAR Ó CONCURSO PARA ADXUDICAR MEDIANTE PROCEDEMENTO ABERTO, A CONTRATACIÓN DA XESTIÓN E ORGANIZACIÓN DO PROGRAMA “CONTACTO COA NATUREZA” Dito sobre deberá conter a seguinte documentación: 1.- Documento o documentos que acrediten a personalidade do empresario e a representación que ostente, no seu caso, o asinante da proposición e, en todo caso os seguintes: a) Documento Nacional de Identidade do licitador, cando se trate de persoas físicas ou empresarios individuais, mediante fotocopia compulsada por quen ostente a fe pública administrativa, ou escritura de constitución da Sociedade debidamente inscrita no Rexistro Mercantil, cando o empresario fose persoa xurídica. b) Poder debidamente bastanteado. c) En caso de concorrer á licitación varias empresas constituíndo unha unión temporal, cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 2.- Declaración responsable do licitador, pola que se faga constar que non se atopa incursa en algunha das prohibicións para contratar que contén o art. 20 do T.R. da Lei de Contratos de las Administracións Públicas Rdl 2/2000. 3.- Declaración responsable á que se refire o artigo 79. 2 º do T.R. da Lei de Contratos das Administracións Públicas R.d.l. 2/2000, de atoparse ó corrente do cumprimento das obrigas tributarias e de Seguridade Social impostas polas disposicións vixentes. 4.- Documentación acreditativa da solvencia económica e técnica. a) Informe de institucións financeiras acreditativo da solvencia económica e financeira ou no seu defecto seguro de indemnización por riscos profesionais. b) Descrición do equipo técnico e monitores participantes no contrato. c) Relación dos principais servizos de características similares ó obxecto do contrato realizados nos tres últimos anos, que inclúa importes, datas e beneficiarios públicos ou privados destes. 9.- MESA DE CONTRATACIÓN.- Estará composta por: PRESIDENTE: O Presidente da Corporación Provincial, ou membro en quen delegue. VOGAIS: -O Secretario Xeral da Corporación. -O Interventor da Corporación. -A Xefa do Servizo de Acción Social. SECRETARIO: O Técnico Adxunto do Servizo de Contratación Facenda e Patrimonio da Corporación. 10.- CUALIFICACIÓN DA DOCUMENTACIÓN XERAL E APERTURA DE PLICAS.- A Mesa de Contratación ás 10 horas do terceiro día hábil seguinte ó de finalización do prazo de presentación de proposicións -que se coincidise en festivo ou en sábado se realizará o primeiro día hábil seguinte- procederá ó exame da documentación presentada polos licitadores nos sobres B, indicando os licitadores excluídos, as causas de exclusión e demais observacións que serán recollidas na Acta. A continuación en acto público, o Secretario da Mesa de Contratación procederá á apertura dos Sobres A, dará lectura ás proposicións económicas formuladas e dará traslado destas ós Servizos Técnicos correspondentes coa finalidade de que emitan o preceptivo informe. 11.- CRITERIOS BASE PARA A ADXUDICACIÓN.- Os criterios obxectivos que servirán de base para a adxudicación do concurso, serán os seguintes: 1. Programa de actividades, ata 4 puntos. 2. Transporte, aloxamento e manutención, ata 3 puntos. 3. Mellor prezo ofertado: ata 2 puntos. 4. Outras melloras, ata 1 punto. 12.- ADXUDICACIÓN.- O órgano de contratación, evacuados os informes técnicos correspondentes e recibida a proposta da Mesa de Contratación, ditará alternativamente dentro dos tres meses seguintes ó acto de apertura das proposicións económicas, resolución motivada adxudicando o contrato á proposición máis vantaxosa, sen atender exclusivamente ó seu valor económico, ou declarando deserto o concurso. A adxudicación será notificada ós participantes no concurso. Ó practicar a notificación da adxudicación do contrato ó adxudicatario, requiriráselle para que constitúa a garantía definitiva, na contía e forma establecidas na cláusula 8ª. 13.- FORMALIZACIÓN DO CONTRATO.- A Administración e o contratista deberán formalizar o contrato en documento administrativo, dentro dos 30 días seguintes ó da notificación da adxudicación, sendo dito documento título suficiente para acceder a calquera Rexistro. No obstante o anterior, o contrato poderá ser elevado a escritura pública a petición do contratista e á súa costa. 14.- GASTOS A CARGO DO ADXUDICATARIO.- Serán por conta do adxudicatario, os gastos de anuncios e calesqueira outros que xere o expediente, que se orzamentan na contía máxima de 600,00 €. 15.- INDEMNIZACIÓN Ó CONTRATISTA.- O contratista non terá dereito a indemnización polos danos que padeza como consecuencia da execución do contrato, e que non poidan imputarse á administración. 16.- RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts. 111 e 214 do TR de la LCAP. 17.- RÉXIME XURÍDICO.- En todo o non previsto expresamente no presente prego de condicións, estarase ó disposto no R.d.l. 2/2000 polo que se aproba o Texto Refundido da Lei de Contratos das Administracións Públicas e demais normativa que resulte de aplicación. 18.- XURISDICIÓN COMPETENTE.- As cuestiones litixiosas xurdidas sobre interpretación, modificación, resolución e efectos dos contratos serán resoltas polo Órgano de Contratación, cuxas resolucións esgotarán a vía administrativa e abrirán a vía Contencioso-Administrativa, a teor da Lei de dita xurisdición. 19.- MODELO DE PROPOSICIÓN.- Don..................................., maior de idade, veciño de....................., con domicilio en ..................titular do DNI.................., expedido en fecha.............., actuando en nome propio ou en representación de .....................con domicilio en ......................, teléfono.................. segundo acredito mediante poder debidamente bastanteado. Informado do anuncio, para adxudicar mediante Concurso o contrato correspondente á XESTIÓN E ORGANIZACIÓN DO PROGRAMA “CONTACTO COA NATUREZA” comprométese a realizalo con suxeición ó prego de condiciones económico administrativas particulares e de prescricións técnicas, polo prezo de__________________________euros/persoa: • Ofértese como melloras ós contidos expostos no Prego de condicións: (Enumerar e realizar unha valoración económica global) (Data e sinatura do propoñente)” ------ Folla: 8.15938.- DEVOLUCIÓN DE GARANTÍAS DEFINITIVAS Unha vez tramitados os correspondentes expedientes, de conformidade co disposto no artigo 47 e concordantes do R.d.l. 2/2000, de 16 de xuño, do Texto Refundido da Lei de Contratos das Administracións Públicas, e ó non estar suxeitos a responsabilidade e terse cumpridas as condicións dos contratos a Xunta de Goberno acorda por unanimidade a devolución das seguintes fianzas: OBRAS Y CONSTRUCCIONES SISAN, S.L. – CONSTRUCCIONES FERNÁNDEZ SARMIENTO,S.A. U.T.E. CAMPO FÚTBOL DE ARBO (NIF. G.36.474.625) • A constituída en metálico, por importe de dous mil seiscentos sesenta euros con doce céntimos (2.660,12 €), para responder de “Proxecto modificado núm.1 de Campo de Fútbol de Arbo”, e que foi depositada na Tesourería Provincial o 5/07/2006 segundo núm.200600060432 de operación, sendo indispensable para retirala a presentación da carta de pago orixinal e o selo da Empresa. • A constituída en valores, mediante aval de Caixanova, por importe de mil cento corenta euros con cinco céntimos (1.140,05 €), para responder de “Modificado número 1 de Campo de fútbol de Arbo”, e que foi depositada na Tesourería Provincial o 5/07/2006 segundo núm.200600060142 de operación, sendo indispensable para retirala a presentación da carta de pago orixinal e o selo da Empresa. ------ Folla: 9.15939.- CONVOCATORIA PARA ADXUDICACIÓN DE DÚAS BOLSAS DE LICENCIADO EN HISTORIA PARA A REALIZACIÓN DE TAREFAS DE INVESTIGACIÓN NO SERVIZO DE PATRIMONIO DOCUMENTAL E BIBLIOGRÁFICO Vista a proposta de data 3 de decembro de 2007, presentada polo Xefe do Servizo de Patrimonio Documental e Bibliográfico, solicitando a convocatoria urxente de dúas Bolsas de Licenciado Universitario en Historia, para a realización de tarefas de investigación e colaboración relacionadas cos Arquivos Municipais da provincia, ó amparo do establecido no artigo 35.2 b da Lei 7/1985 de 2 abril, Reguladora das Bases de Réxime Local, e en virtude da competencias que lle confire o artigo 105 da Lei 5/1997 de Administración Local de Galicia, a Xunta de Goberno acorda por unanimidade aprobar a convocatoria e bases de dúas bolsas de Licenciado/a Universitario en Historia, polo procedemento de concorrencia competitiva, para a realización de tarefas de investigación e colaboración relacionadas cos arquivos municipais da provincia. O custo destas Bolsas para o exercicio 2008 ascenden a un total mensual de 1.000,00 € cada unha delas, que se imputarán á partida orzamentaria 08/454.451.481.01. Ditas bases son como seguen: “CONVOCATORIA DE DÚAS BOLSAS, EN RÉXIME DE CONCORRENCIA COMPETITIVA, PARA LICENCIADOS/AS UNIVERSITARIOS EN HISTORIA, CON DESTINO Ó SERVIZO DE PATRIMONIO DOCUMENTAL E BIBLIOGRÁFICO DA DEPUTACIÓN PROVINCIAL DE PONTEVEDRA De conformidade coa proposta do Xefe do Servizo de Patrimonio Documental e Bibliográfico, na que solicita a convocatoria de dúas Bolsas de Licenciado Universitario de Historia, para a realización de tarefas de investigación e colaboración relacionadas cos Arquivos Municipais da Provincia, en virtude das facultades que lle confire o artigo 35.2.b da Lei 7/85 de 2 de abril, Reguladora das Bases de Réxime Local, e artigo 105 da Lei 5/1997 da Administración Local de Galicia, esta Deputación Provincial convoca dúas bolsas de Licenciados/as Universitarios en Historia, consonte as seguintes BASES PRIMEIRA.- OBXECTO Estas bases regulan o procedemento que se ha de seguir para a concesión, por concurso de méritos, de dúas bolsas, que teñen por obxecto a realización de tarefas de Investigación e Colaboración relacionadas cos arquivos municipais da provincia, e están destinadas a Licenciados/as Universitarios en Historia. SEGUNDA.- CONDICIÓNS DOS ASPIRANTES Poderán ser beneficiarios/as destas bolsas aquelas persoas físicas que, tendo plena capacidade de obrar e non estando inhabilitadas para a obtención de axudas e subvencións públicas, reúnan os seguintes requisitos: a) Posuír a nacionalidade española ou ser nacional dun dos países membros da Unión Europea. b) Estar en posesión do título de Licenciado en Historia, ou en condicións de obtelo na data na que remate o prazo de presentación de instancias. c) Non ter cumpridos os 35 anos de idade na data na que remate o prazo de presentación de solicitudes. d) Non estar incapacitado fisicamente ou padecer enfermidade que poida impedir o desenrolo da actividade obxecto da bolsa. TERCEIRA.- DOTACIÓN ECONÓMICA Estas bolsas figuran cunha dotación económica de 1.000,00 €/mes por beneficiario/a, que se imputará á partida 08/454.451.481.01 do presuposto provincial. O pagamento das bolsas ós beneficiarios realizarase a partir da incorporación do bolseiro, por mensualidades completas ou por fracción proporcional ó tempo de goce da mesma para os casos nos que o bolseiro/a inicie ou remate a súa relación nunha data non coincidente co mes natural. O goce das bolsas será incompatible con calesqueira outra remuneración ou axuda por parte das Administracións Públicas ou entidades privadas a partires da súa concesión. CUARTA.- PRESENTACIÓN DE SOLICITUDES 4.1.- As instancias solicitando tomar parte no concurso dirixiranse ó Sr. Presidente da Deputación Provincial de Pontevedra e presentaranse no Rexistro Xeral da Corporación Provincial no prazo de dez días hábiles, contados a partir do seguinte ó da publicación desta convocatoria no Boletín Oficial da Provincia de Pontevedra. Á instancia xuntarase a seguinte documentación: a) Fotocopia do Documento Nacional de Identidade, ou calquera outro que o substitúa. b) Documento acreditativo de estar en posesión da titulación esixida ou en condicións de obtela na data en que finalice o prazo de presentación de solicitudes. c) Certificado do expediente académico, currículum vitae e documentación acreditativa deste. d) Declaración xurada comprometéndose o solicitante a renunciar, se fose seleccionado, a calquera tipo de actividade remunerada durante o tempo que goce da bolsa. e) Certificado que acredite non estar incapacitado fisicamente ou padecer enfermidade que poida impedir o desenvolvemento da actividade que constitúa o obxecto da bolsa, ou declaración xurada do solicitante conforme este requisito se cumpre. 4.2.- En canto á presentación das solicitudes, ademais do recollido no apartado primeiro desta cláusula, os solicitantes estarán ó disposto no artigo 23, puntos 3,4 e 5 de Lei 38/2003 de 17 de novembro Xeral de Subvencións, en todo aquilo que lles sexa de aplicación. QUINTA.- COMISIÓN DE SELECCIÓN Para poder valorar os méritos achegados polos interesados constituirase unha Comisión de Selección, que estará integrada polos seguintes membros: Presidente: o da Deputación Provincial de Pontevedra, D. Rafael Louzán Abal, ou o deputado provincial en quen delegue. Vogais: - Un deputado provincial. - O xefe do Servizo de Patrimonio Documental e Bibliográfico. - Un funcionario Técnico Superior pertencente a Deputación Provincial de Pontevedra. Secretario: O da Deputación Provincial de Pontevedra ou funcionario de carreira con titulación superior en quen delegue. Todos os membros terán voz e voto. A Comisión non poderá constituírse nin actuar sen a asistencia de máis da metade dos seus membros, titulares ou suplentes indistintamente. SEXTA.- SELECCIÓN DOS BOLSEIROS/AS A selección dos bolseiros efectuarase mediante a valoración dos méritos acreditados polos interesados segundo o seguinte BAREMO a) Polo expediente académico ata un máximo de un (1) punto. b) Por ter asistido a cursos de formación e perfeccionamento impartidos en Centros Oficiais, Universidades, Colexios Oficiais ou Escolas da Administración Pública relacionados có obxecto da Bolsa, ata un máximo de dous (2) puntos, computados do xeito que se especifica a continuación: DURACIÓN/HORAS PUNTUACIÓN 1. De 200 ou máis horas 0,30 puntos. 2. De entre 100 e 200 horas 0,25 puntos. 3. De entre 60 e 99 horas 0,20 puntos/curso. 4. De entre 30 e 59 horas 0,15 puntos/curso. 5. De entre 10 e 29 horas 0,10 puntos/curso. 6. De 10 ou máis créditos 0,25 puntos/curso. 7. De entre 6 e 9 créditos 0,20 puntos/curso. 8. De entre 3 e 5 créditos 0,15 puntos/curso. 9. De entre 1 a 3 créditos 0,10 puntos/curso. c) Por servizos prestados na Administración Pública en postos das mesmas características que a Bolsa ofertada, 1 punto (1) por cada seis (6) meses de servizo ou fracción superior a seis (6) meses, ata un máximo de dous (2) puntos. A experiencia profesional deberá acreditarse mediante certificación acreditativa, expedida pola Administración pública na que prestou servizos, facendo constar o posto de traballo que desempeñou e o cómputo total de días, meses ou anos traballados. Para tales efectos, non se terán en conta as fotocopias de contratos de traballo, nin a vida laboral expedida pola Tesourería Xeral da Seguridade Social. d) Cursos específicos de lingua galega, nivel de iniciación (0,25) puntos e de perfeccionamento (0,25) puntos (ou validación correspondente). e) Por Publicacións relacionadas có obxecto das Bolsas Convocadas, ata un máximo de un (1) punto. f) Por acreditar outros méritos relacionados coa presente Convocatoria (Premios, Bolsas, Prácticas…), ata un máximo de 0,50 puntos. Poderase manter unha entrevista persoal, relacionada co obxecto da bolsa, con cada un dos aspirantes se o Tribunal o considera oportuno, cuxa valoración non excederá en ningún caso de tres (3) puntos. SÉTIMA.- RESOLUCIÓN A Comisión Seleccionadora proporalle á Xunta de Goberno desta Deputación Provincial a adxudicación destas bolsas ós aspirantes que consideren máis idóneos e que acadaran a máxima puntuación de acordo có baremo especificado na cláusula sexta das presentes Bases. O acordo publicarase no taboleiro de edictos do Pazo provincial. OITAVA.- CONDICIÓNS XERAIS Establécense as seguintes condicións xerais: a) As bolsas terán unha duración dun ano, a contar dende a data na que os adxudicatarios comezaron o seu desempeño no Servizo de Patrimonio Documental e Bibliográfico e poderán ser prorrogados por períodos anuais ata un máximo de catro (4) anos, á vista do informe favorable do Xefe de Servizo de Patrimonio Documental e Bibliográfico e o acordo da Xunta de Goberno. b) As bolsas serán incompatibles co desempeño de calquera outra actividade remunerada, calquera que sexa a natureza desta última. c) Os beneficiarios/as das bolsas comprometeranse a observar o horario de traballo e disciplina do Servizo de Patrimonio Documental e Bibliográfico có fin de non entorpecer o labor do persoal do centro e sen que iso implique relación de traballo laboral remunerado. d) A aceptación e goce desta bolsa non establece relación laboral nin funcionarial coa Deputación Provincial de Pontevedra, non implicando en consecuencia ningún compromiso para unha posterior incorporación ou vinculación de dito bolseiro ó expresado organismo. e) Os beneficiarios/as das Bolsas deberán subscribir unha Póliza de Seguro de Asistencia Médica, no caso de non estar xa cuberto pola Seguridade Social ou por outro Seguro Privado. f) A Comisión poderá convocar ós solicitantes para aclaracións que teñan relación cos seus currículos. A decisión da Comisión deberá producirse antes de que transcorran dous meses, contados a partir da publicación da convocatoria. NOVENA.- DEVOLUCIÓN DA DOCUMENTACIÓN No caso de non obter a bolsa ofertada, os candidatos poderán retirar a documentación presentada para participar nesta convocatoria no prazo de tres (3) meses, contados dende o día seguinte ó da comunicación da adxudicación da bolsa. Transcorrido este prazo, esta Excma. Deputación Provincial resérvase o dereito a destruír dita documentación. DÉCIMA.- INTERPRETACIÓN DAS BASES A Comisión quedará autorizada para resolver as dúbidas que se lle presenten e tomar os acordos necesarios para o desenvolvemento do concurso así coma no non previsto nas presentes Bases. UNDÉCIMA.- RÉXIME XURÍDICO A convocatoria das bolsa e a selección dos bolseiros/as así como a realización dos traballos que dan dereito ás bolsas, suxeitaranse ó previsto nas presentes Bases, e ademais, ó disposto na Lei Xeral de Subvencións (Lei 38/2003 de 17 de novembro) e na Lei de Réxime Xurídico das Administracións Públicas e do Procedemento Administrativo Común (Lei 30/1992, de 26 de novembro, modificada pola Lei 4/1999).” ------ Folla: 10.15940.- RECLAMACIÓN DE RESPONSABILIDADE PATRIMONIAL FORMULADA POR DONA MARÍA CASAL BENAVIDES POR DANOS PRODUCIDOS EN VIVENDA PADECIDOS POLA REALIZACIÓN DAS OBRAS “ENSANCHE, PAVIMENTACIÓN E DOTACIÓN EN VIRXE DAS MAREAS (O GROVE)” Dada conta que con data de Rexistro 16/03/2007 (rex. nº 10410) tivo entrada nesta Deputación instancia subscrita por Dona MARIA CASAL BENAVIDES con enderezo a efecto de notificacións na Oficina D.A.S Internacional S.A., rúa López de Neira, 22, 1º de Vigo por danos padecidos na vivenda da súa propiedade sita na Estrada do Conde 78 de O Grove, e que individualiza economicamente en 4.855,53 euros. Resultando.- Que con data 23/05/2007 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 171 do R.d. 2568/86, solicitouse informe ó Servizo de Vías e Obras, que o emitiu en data 28/05/2007 co seguinte contido: “1.- La carretera do Conde-Virxe das Mareas, en O Grove, está incluida dentro da rede provincial de carreteras. 2.- El convenio de colaboración firmado en su día entre la Excma. Diputación Provincial y el Excmo. Ayuntamiento de O Grove, tenía por objeto acometer las obras derivadas del proyecto denominado “Ensanche, pavimentación y dotación de servicios en Virxe das Mareas” Dicho proyecto contemplaba el acondicionamiento de la travesía que va desde Lordelo hasta Virxe das Mareas, en una longitud de 1.100 metros, realizando plataforma de 12 metros de ancho, con 8 metros de calzada y dos metros de aceras, además de dotarla de todos los servicios urbanos como el saneamiento, abastecimiento de agua, alumbrado o la pavimentación de la calzada. 3.- El proyecto “Ensanche, pavimentación y dotación de servicios en Virxe das Mareas” fue adjudicado por Junta de Gobierno de la Diputación, el 6 de abril de 2004, a la empresa ELSAMEX en la suma de 415.000,00 euros, IVA incluido. 4.- En cuanto a los daños en la vivienda (grietas en el alicatado de la fachada y en el techo de una de las habitaciones) presuntamente ocasionados a consecuencia del “asentamiento del terreno tras las obras de ensanche realizadas en la carretera, dado que se procedió a la colocación de las canalizaciones...”, cabe señalar que, según la información que se ha podido recabar de la empresa adjudicataria de las obras- comprobada por el técnico que suscribe-, la apertura de las zanjas para la colocación de la red de fecales y pluviales se ha realizado a una distancia suficiente de la vivienda, con el objetivo de evitar incidir en la cuña de terreno sobre el que están asentadas las zapatas de la vivienda; por otro lado la profundidad máxima de las zanjas en esta zona de la obra es de 80 centímetros, sin que en ningún momento, durante la ejecución de la obra, se hayan producido en esa zona desprendimientos de las tierras de la zanja que se afectasen al terreno en el que se asienta la vivienda. En consecuencia no parece que exista relación de causalidad entre los daños existentes en la propiedad de D.ª María Casal Benavides y las obras ejecutadas. 5.- En todo caso cabe recordar que si algún daño se hubiese originado a consecuencia de una operación inherente a la ejecución de las obras- condición que concurre respecto a la apertura de zanjas- y no ser consecuencia inmediata y directa de una orden de la Administración, ni tener su origen en las cláusulas impuestas por ésta de ineludible cumplimiento, ni tratarse de un daño derivado de vicios de un proyecto de obras elaborado por la misma, la responsabilidad correspondería al contratista. En este sentido cabe señalar que de acuerdo con lo dispuesto en el artículo 97 del Real Decreto Legislativo 2/2000, de 16 de junio, por el que se aprueba el Texto Refundido de la Ley de Contratos de las Administraciones Públicas “Será obligación del contratista indemnizar todos los daños y perjuicios que se causen a terceros como consecuencia de las operaciones que requiera la ejecución del contrato.....Los terceros podrán requerir previamente, dentro del año siguiente a la producción del hecho, al órgano de contratación para que este, oído el contratista, se pronuncie sobre a cuál de las partes contratantes corresponde la responsabilidad de los daños. El ejercicio de esta facultad interrumpe el plazo de prescripción de la acción...”, en el mismo sentido del apartado 4.17 del pliego de condiciones del proyecto “Ensanche, pavimentación y dotación de servicios en Virxe das Mareas” señala expresamente que “ Será responsable el contratista, hasta la recepción definitiva de las obras, de los daños y perjuicios causados a terceros como consecuencia de los actos, omisiones o negligencias del personal a su cargo o de una deficiente organización de las obras”. 6.- A los efectos oportunos, a este informe se acompaña copia del Convenio firmado en su día entre la Diputación Provincial de Pontevedra y el Ayuntamiento de O Grove, copia del acuerdo adoptado por la Junta de Gobierno por el que se adjudican las obras de referencia a la empresa Elsamex y un extracto del proyecto relativo a los pliegos de condiciones”. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo, xa que do informe da empresa dedúcese que as obras desenvolvidas realizáronse a unha distancia o suficientemente afastada da vivenda coa finalidade de non influír negativamente na cuña do terreo sobre o que van asentadas as zapatas da vivenda, o que unido á consistencia do terreo no que se ía levar a cabo a escavación, a ausencia de martelo picador e a carencia de vibracións, converte en inexistente o vínculo entre o actuar administrativo e un suposto dano que, de existir, ningunha relación tería coa Deputación, todo iso deixando a salvo a posibilidade do reclamante de dirixirse á empresa construtora na orde xudicial procedente, máxime cando non houbo orden directa desta Administración que puidera ser a orixe dos danos ou vicio ningún do proxecto. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e ss. da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que no presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación sen prexuízo da facultade da reclamante de dirixirse contra a empresa construtora. ------ Folla: 11.15941.- DAR CONTA DE SENTENZA DO XULGADO DO CONTENCIOSO-ADMINISTRATIVO Nº2 DE PONTEVEDRA, RECAÍDA EN AUTOS DE PROCEDEMENTO ABREVIADO NÚM. 292/07 PROMOVIDOS POR D. AQUILES GARCÍA NIETO CONTRA DESESTIMACIÓN DE RECLAMACIÓN DE RESPONSABILIDADE POR DANOS EN ACCIDENTE DE TRÁFICO NA E.P. 8001 CALDAS-CARRACEDO Dada conta que con data 18 de xaneiro de 2008 notifícase sentenza ditada polo Xulgado do Contencioso-Administrativo nº 2 de Pontevedra, recaída en autos de procedemento abreviado número 292/07, promovidos por D. Aquiles García Nieto contra desestimación de reclamación de responsabilidade patrimonial por danos en accidente de tráfico na estrada provincial 8001 Caldas-Carracedo, debido á existencia dunha árbore na calzada. Resultando que na devandita sentenza estímase parcialmente o recurso, condenando a esta Deputación a que indemnice á demandante no 50% da cantidade reclamada, que era de 2.688,23 €, concretándose dita indemnización en 1.344,12 €, actualizada conforme ó índice de prezos ó consumo dende o día 7 de decembro de 2006 ata o día en que se puxo fin ó procedemento, e á que se engadirá o xuro legal ata a data da sentenza, acadando así un importe total de 1.389,45 €, segundo informe da Intervención de data 13 de febreiro de 2008. Considerando o artigo 106.2 da Lei 29/98 e demais preceptos de xeral e pertinente aplicación, A Xunta de Goberno queda enterada da devandita sentenza, ordenando o cumprimento nos seus propios termos ata levala a puro e debido efecto, e, na súa consecuencia, acorda por unanimidade: Primeiro.- Aprobar o gasto, ordenar o pago e declarar de aboo a favor do Xulgado do Contencioso-Administrativo nº 2 de Pontevedra a cantidade de 1.389,45 € (mil trescentos oitenta e nove euros con corenta e cinco céntimos), en concepto de execución de sentenza ditada en autos de procedemento abreviado núm. 292/07, promovidos por D. Aquiles García Nieto. Segundo.- Dito pago farase efectivo con cargo á partida 511.511.210.00 do vixente Presuposto e mediante ingreso na Conta de Consignacións e Depósitos Xudiciais do devandito Xulgado na entidade BANESTO, Oficina Principal de Pontevedra, número 3598.0000.85.029207. Terceiro.- Dar traslado desta Resolución ós efectos oportunos ó Xulgado, á Intervención e á Tesourería. Cuarto.- Dar traslado, así mesmo, á aseguradora CASER (s/ref. 577/07), con enderezo en Lariño, Correduría de Seguros, S.L. de Pontevedra, ós efectos de que, de conformidade coa póliza subscrita no seu día proceda ó reintegro a esta Deputación da cantidade de 789,45 € (setecentos oitenta e nove euros con corenta e cinco céntimos), unha vez descontado o importe da franquía que debe asumir esta Deputación (600,00 €), e mediante ingreso na conta número 2080.0401.68.0040106618 da entidade CAIXANOVA. ------ Folla: 12.15942- DAR CONTA DE SENTENZA DA SALA DO CONTENCIOSO-ADMINISTRATIVO DO TSX DE GALICIA –SEC-2. RECAÍDA EN RECURSO DE APELACIÓN NÚM.4024/2006 PROMOVIDO POR DONA MARÍA DEL CARMEN COSTAL FILGUEIRA CONTRA SENTENZA DO XULGADO DO CONTENCIOSO-ADMNISTRATIVO Nº3 DE PONTEVEDRA, FAVORABLE A ESTA DEPUTACIÓN, SOBRE EXPEDIENTE SANCIONADOR POR INFRACCIÓN DA ORDENANZA REGULADORA DO USO E DEFENSA DAS ESTRADAS PROVINCIAIS Dada conta da sentenza da Sala do Contencioso-Administrativo do Tribunal Superior de Xustiza de Galicia (Sec. 2ª), recaída en recurso de apelación número 4024/2006 promovido por Dna. María del Carmen Costal Filgueira, contra sentenza do Xulgado do Contencioso-Administrativo nº 3 de Pontevedra, cuxo fallo foi favorable a esta Deputación, declarando axustado a dereito o expediente sancionador incoado no seu día por infracción da Ordenanza Reguladora do Uso e Defensa das Estradas Provinciais, e na que se ratifica dita sentenza do Xulgado de instancia, impoñendo as custas do proceso á apelante, a Xunta de Goberno queda enterada do contido favorable de dita sentenza. ------ Folla: 13.15943.- COMUNICACIÓNS Non houbo. ------ Folla: FÓRA DA ORDE DO DÍA, e previa declaración de urxencia adoptáronse os seguintes acordos: 14.15944.- RECLAMACIÓN DE RESPONSABILIDADE PATRIMONIAL FORMULADA POR DONA SONIA BARROS CASTIÑEIRAS E A ENTIDAD ASEGURADORA AGRUPACIÓN MUTUAL ASEGURADORA, REPRESENTADAS POLO LETRADO DON ENRIQUE MAREQUE ALVAREZ – SANTULLANO, POR DANOS EN VEHÍCULO PADECIDOS NA RÚA PADRE AVELINO DE CAMPELO DE POIO Dada conta que con data de rexistro 22 de xaneiro de 2008 (rex. nº 001776) tivo entrada nesta Deputación instancia subscrita por D. Don Enrique Mareque Alvarez – Santullano en nome e representación de Dona SONIA BARROS CASTIÑEIRAS e a entidade aseguradora AGRUPACIÓN MUTUAL ASEGURADORA con enderezo de notificacións na Rúa Benito Corbal, nº 21 – 3ºB de Pontevedra, por danos padecidos o día 25 de xullo de 2007, na Rúa Padre Avelino de Campelo de Poio e que individualiza economicamente en 1.699,37 €. Resultando.- Que con data 23 de xaneiro de 2008 e con fundamento no artigo 10.1, último parágrafo, do Rd 429/93, en relación co 82 e 83 da Lei 30/92, e 171 do Rd 2568/86, solicitouse informe ó Servizo de Vías e Obras, que emitiu en data 14 de febreiro de 2008 co seguinte contido: 1.- La calle Padre Avelino, lugar de Campelo, en Poio, está integrada en la carretera provincial E.P.0603 Portosanto-Lourido-Campelo. 2.- Por parte del Servicio de Vías y Obras no se tuvo constancia del accidente de referencia ni de otros ocurridos por la misma causa, existencia de gasoil en la calzada, en fechas anteriores o posteriores al que es objeto del presente informe. 3.- A la vista de las diligencias instruidas por la Policía Local de Poio en las que se señala literalmente, entre otras cuestiones, que “…los agentes al llegar al lugar del accidente comprueban que en la calzada existe una gran mancha de gasoil y que el accidente se produjo debido a que el vehículo A, al llegar a la curva, toca el freno derrapando a consecuencia de dicha mancha…”, cabe señalar lo siguiente: a) Girada visita de inspección al vial de referencia se ha podido comprobar que en el tramo de carretera en cuestión existe una señal de prohibición R-301- limitación de velocidad 40 km/hora, además de una señal P-14/b de advertencia de peligro por la proximidad de curvas peligrosas. b) Estas señales- de prohibición y de advertencia de peligro- tienen por objeto: a. Establecer la prohibición de circular a velocidad superior, en Km/hora, a la indicada en la señal (en este caso 40 Km/hora) b. Las señales de advertencia de peligro tienen por objeto indicar a los usuarios de la vía la proximidad y la naturaleza de un peligro difícil de ser percibido a tiempo con la finalidad que se cumplan las normas de comportamiento que, en cada caso, sean procedentes. 4.- Es por ello que vista la configuración de la calzada en ese punto y sin perjuicio de la existencia de una presunta sustancia resbaladiza en la carretera, esta Unidad Administrativa considera que circulando a 40 Km/hora es improbable que se pueda producir un accidente como el que es objeto del presente informe. En este sentido cabe recordar que el artículo 19 del Texto Articulado de la Ley sobre Tráfico, Circulación de Vehículos a Motor y Seguridad Vial señala que “Todo conductor está obligado a respetar los límites de velocidad establecidos…”, mientras que el artículo 53 del citado cuerpo normativo dispone que “Todos los usuarios de las vías objeto de esta Ley están obligados a obedecer las señales de la circulación que establezcan una obligación o una prohibición y a adaptar su comportamiento al mensaje del resto de las señales reglamentarias que se encuentren en las vías por las que circulan”. 5.- Por último reiterar que la brigada de la zona no recibió comunicación alguna al respecto, desconociendo por ello el origen de la sustancia que presuntamente provocó que la calzada estuviese resbaladiza en ese momento; en cualquier caso cabe recordar que la responsabilidad de dicha señalización, al no poder calificarse como permanente, no corresponde a la Diputacion Provincial de Pontevedra sino a la Administración estatal, de acuerdo con lo dispuesto en el artículo 139.2 del Reglamento General de Circulación cuando establece que “La autoridad encargada de la regularización del tráfico será responsable de la señalización de carácter circunstancial en rezón de las contingencias de aquél y de la señalización variable necesaria para su control, de acuerdo con la legislación de carreteras“. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do Rd 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do Rd 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo, pois como veñen dicindo abundantes precedentes e maila xurisprudencia “tratouse dun terceiro que precedentemente utilizou a vía e que, conscientemente ou non, verteu a sustancia”, pero ó que, unicamente, lle son imputables as consecuencias -incluso indemnizatorias- do mesmo. O que non e de recibo nin moito menos adminisble dende o punto de vista xurídico ou do xuízo da imputabilidade e que a simple detentación dunha infraestrutura material (a titularidade demanial da estrada) convirta a Deputación nunha aseguradora universal de todos os riscos, pois tal conclusión deviría absurda, polo que a reclamación debe seguir o destino do rexeitamento. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do Rd 2568/86 e Rd 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do Rd 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. ------ Folla: FÓRA DA ORDE DO DÍA, e previa declaración de urxencia adoptáronse os seguintes acordos: 15.15945.- APROBACIÓN DO EXPEDIENTE DE CONTRATACIÓN, POR PROCEDEMENTO ABERTO, MEDIANTE CONCURSO, DA OBRA DE “MELLORA CAPA DE RODADURA E.P. 0003 PEDRA DO LAGARTO-MARCÓN (PONTEVEDRA) Aprobándose pola Xunta de Goberno, en sesión celebrada o día 27/02/2008, o proxecto, redactado polo Servizo de Vias e Obras, de “Mellora capa de rodadura E.P. 0003 Pedra do Lagarto-Marcón (Pontevedra)” por importe de 91.195,51 €, IVE incluído. Emitíndose polo Sr. Secretario Xeral informe relativo ó prego de cláusulas administrativas que rexerá o concurso. E, á vista do informe de fiscalización do expediente emitido polo Sr. Interventor, a Xunta de Goberno acorda por unanimidade aprobar o gasto, o prego de cláusulas administrativas e o expediente de contratación, por procedemento aberto, mediante concurso, da obra “Mellora capa de rodadura E.P. 0003 Pedra do Lagarto-Marcón (Pontevedra)”, cun presuposto de licitación de 91.195,51 €, IVE incluído. A obra obxecto do expediente financiarase con cargo á partida 08/511.511.612.02 do vixente Presuposto provincial. O anuncio do concurso e do extracto do prego de cláusulas administrativas que rexerá o concurso publicarase no Boletín Oficial da Provincia. Os gastos de inserción de anuncios, e outros que se deriven do expediente, serán por conta dos adxudicatarios. Dito Prego é como segue: “PREGO DE CLÁUSULAS ADMINISTRATIVAS PARTICULARES QUE REXERÁN A CONTRATACIÓN, MEDIANTE CONCURSO, POR PROCEDEMENTO ABERTO, DA OBRA “MELLORA CAPA DE RODADURA E.P. 0003 PEDRA DO LAGARTO-MARCON (PONTEVEDRA)” 1.- OBXECTO. A execución da obra “Mellora capa rodadura E.P. 0003 Pedra do Lagarto-Marcón (Pontevedra)”, cuxo proxecto, e demais documentos que o integran, foi aprobado pola Xunta de Goberno da Deputación Provincial en sesión celebrada o día 27/02/2008. A súa execución deberá realizarse con suxeición ó proxecto aprobado, incluído o correspondente estudo de seguridade e saúde. 2.- ORZAMENTO. A obra obxecto deste contrato conta cun presuposto de 91.195,51 €, IVE incluído. O presuposto de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o presuposto de execución material, e que conterá os seguintes aspectos: • A dirección técnica das obras, sendo o 4% do presuposto de execución material, de acordo coa taxa por servizos facultativos que se prestan en obras provinciais, e que foi aprobada polo Pleno da Deputación Provincial na sesión celebrada o 27/02/98. • Gastos referentes á coordinación da seguridade e saúde, 0,72% do presuposto de execución material. • Porcentaxe ofertada relativa ó control de calidade. 2. Beneficio Industrial, aplicarase o 6% sobre o presuposto de execución material. 3. Ive, que se aplicará sobre a suma do presuposto de execución material, beneficio industrial e os gastos xerais da empresa 3.- FINANCIAMENTO. O prezo das obras financiarase con cargo á partida 08/511.511.612.02 do vixente Presuposto Provincial. 4.- PRAZO DE EXECUCIÓN. O prazo para a execución e terminación da obra será de tres meses. O prazo contarase a partir do día seguinte á sinatura da acta de comprobación do replanteo, salvo que exista razón fundada que impida o seu comezo. O contratista esta obrigado ó cumprimento do contrato na súa totalidade dentro do prazo ofertado, así como nos prazos sinalados para a súa execución sucesiva. Dito prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e logo de petición de contratista con informe favorable de director de obra. No caso de prorroga proposta pola dirección da obra, o órgano de contratación terá que aprobar o pertinente expediente que leva consigo a modificación. 5.- INCUMPRIMENTO DO PRAZO. Unha vez incumprido o prazo, o contratista incorre automaticamente en demora, podendo a administración optar entre a imposición de penalidades ou a resolución do contrato no caso de que as penalidades alcancen o 5 por cento do prezo do contrato. As penalidades diarias serán cuantificadas na proporción de 0,12 euros por cada 601,01 euros do prezo de adxudicación, podéndose facer efectivo por algún dos seguintes procedementos: retención ou dedución nas certificacións de obra, con cargo á garantía definitiva ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, a proposta do enxeñeiro director da obra, para a súa correcta finalización. Dita imposición non exclúe e é compatible coa imposición de danos e prexuízos causados á Deputación pola demora na execución imputable ó contratista. 6.- CAPACIDADE PARA CONTRATAR E CLASIFICACIÓN DO CONTRATISTA. Poderán concorrer á licitación as persoas naturais ou xurídicas que teñan plena capacidade de obrar. 7.- UNIÓNS TEMPORAIS DE EMPRESAS. A administración poderá contratar con unións temporais de empresarios que se constitúan temporalmente ó efecto, sen que sexa necesaria a súa formalización en escritura pública ata que se efectúe a adxudicación ó seu favor. Ditos empresarios deberán de nomear un representante ou apoderado único da unión con poderes bastantes para exercitar os dereitos e cumprir coas obrigas que do contrato se deriven ata a súa extinción. Para os casos en que sexa esixible a clasificación e concorran en unión de empresarios nacionais, estranxeiros non comunitarios ou estranxeiros comunitarios, os dous primeiros deberán acreditar a súa clasificación e os últimos, en defecto destas, a súa solvencia económica, financeira, técnica ou profesional. 8.- PROCEDEMENTO E FORMA DE ADXUDICACIÓN. O contrato adxudicarase mediante concurso, por procedemento aberto, ó licitador que, no seu conxunto, faga a proposición máis vantaxosa, tendo en conta os criterios de adxudicación que se establecen na cláusula décima deste prego. 9.- PROPOSICIÓNS. O prazo para a presentación de ofertas será de vinte e seis días naturais, contados dende o seguinte ó da última publicación do anuncio do concurso no Boletín Oficial da Provincia, de nove a trece horas, no Rexistro Xeral desta Deputación. Se o último día de presentación de proposicións coincidise en festivo, prorrogarase o prazo ata o primeiro día hábil seguinte. Tamén se poderán presentar por calquera dos procedementos establecidos polos artigos 38.4 º da Lei 30/92, do 26 de novembro, de Réxime Xurídico das Administracións Públicas e do Procedemento Administrativo Común e 80 do R.d. 1098/2001 do 12 de outubro, polo que se aproba o Regulamento Xeral da Lei de Contratos das Administracións Públicas. Cando a documentación se envíe por calquera dos procedementos antes indicados, o empresario deberá xustificar a data e hora da imposición do envío e anunciar ó órgano de contratación a remisión da oferta mediante télex, fax (986804126) ou telegrama no mesmo día. 10.- DOCUMENTACIÓN. Os contratistas interesados na licitación deberán presentar inescusablemente a seguinte documentación en dous sobres distintos: Sobre A: documentación xeral, coa seguinte inscrición: “Documentación xeral para o concurso para a contratación da obra (denominación da obra)”. Este sobre conterá os seguintes documentos: a) Documentos acreditativos da capacidade de obrar das empresas: 1. Empresario individual: fotocopia do DNI, pasaporte ou documento que o substitúa. 2. Persoas xurídicas: Escritura de constitución, modificación, estatutos ou acto fundacional, nas que conste as normas polas que se regula a súa actividade, inscrito se é o caso no correspondente rexistro oficial. Fotocopia da tarxeta de identificación fiscal (CIF), debidamente compulsada. b) Poderes: Cando o licitador non actúe en nome propio ou se trate dunha sociedade ou persoa xurídica, deberá acompañarse poder notarial para representar a persoa ou entidade no nome da cal concorre ante a administración contratante. Deberase verificar as facultades da persoa que concorre en nome da empresa polo secretario da corporación, notario ou calquera outra persoa lexitimada para certificar a suficiencia do poder, sendo igualmente válido o bastanteo co que se concorrera a calquera licitación na administración publica nos últimos doce meses. Esta verificación será solicitada a instancias do licitador que incluirá, posteriormente, o poder bastanteado no sobre A. Declaración expresa de que a empresa non esta incursa en ningunha das prohibicións para contratar ou incompatibilidades establecidas no artigo 20 do TRLCAP. c) Certificación ou documento acreditativo de que o contratista esta ó corrente no cumprimento das obrigas tributarias e da seguridade social. Non obstante, os licitadores poderán presentar unha declaración responsable na que faga constar que a empresa esta ó corrente do cumprimento das obrigas tributarias e da seguridade social, sen prexuízo de que previamente á formalización do contrato, achegue as mencionadas certificacións, así como a certificación, expedida pola Deputación Provincial, acreditativa de non ter débedas co Organismo Provincial. Sobre B: Proposición económica, coa seguinte inscrición: “Proposición económica para o concurso para a contratación da obra (denominación da obra)”. Presentarase pechado e lacrado, contendo os seguintes documentos: 1. Índice de documentos que integran o sobre, constará dentro do sobre como primeira páxina e en folla independente. 2. Modelo de proposición económica, formulada estritamente conforme ó modelo establecido na cláusula 28 deste prego. 3. Programa de traballo e de actuación medioambiental, as empresas deberán presentar un programa de traballo que contemple o desenvolvemento das unidades de obras que van realizar en cada prazo. Así mesmo e no caso de que a empresa aplique medidas especificas de protección medioambiental, deberán indicar as medidas que se pensan aplicar. (reciclaxe, reutilización e recuperación de materiais, etc.). 4. Proposta de redución de prazos, en caso de que a empresa oferte unha redución de prazos presentará unha memoria sobre a organización do proceso construtivo xustificando a redución de prazos. No caso de que as obras teñan un gasto plurianual, o contratista deberá especificar ademais do prazo total de execución no modelo de proposición, o prazo de execución correspondente para cada unha das anualidades. 5. Plan de control de calidade, a porcentaxe que se aplicará a tal fin deberá ser expresada con dous decimais aplicado sobre o presuposto de execución material da obra, e determinado no apartado destinado para iso no modelo de proposición. Importante: As retencións aplicaranse sobre o presuposto de execución material da adxudicación. Nos casos en que se oferten porcentaxes de retención sobre o presuposto global de adxudicación ou sobre calquera outro parámetro, traducirase a porcentaxe que corresponda sobre o presuposto de execución material. Os documentos que se acompañen á proposición económica terán que ser orixinais ou fotocopias debidamente dilixenciadas, nas que se acredite que foron compulsadas cos seus orixinais. Unha vez presentada e admitida unha plica non poderá retirarse, pero poderán presentarse varias polo mesmo licitador, en caso de concorrencia a varias obras, sen necesidade de acompañar a documentación xeral e se faga referencia a que se une a outra proposición. Así mesmo, o adxudicatario terá que achegar, previamente á formalización do contrato, certificacións acreditativas de estar ó día no pagamento das obrigas tributarias e da Seguridade Social, así como certificación, expedida pola Deputación Provincial, acreditativa de non ter débedas co Organismo Provincial. As empresas que participaran en licitacións nos últimos doce meses coa Deputación non teñen por que presentar a documentación referente á personalidade xurídica da empresa, unicamente se debe facer unha referencia ó concurso en que se licitou, e posteriormente achegar as certificacións acreditativas de estar ó día no pagamento das obrigas tributarias e da Seguridade Social. Transcorrido os doce meses deberán renovar os documentos referentes á solvencia económica e o poder bastanteado. 11.- MESA DE CONTRATACIÓN. Estará integrada do seguinte xeito: • Presidente: O titular da Corporación ou membro en quen delegue. • Vogais: - O Secretario. - O Interventor. - O Enxeñeiro Director de Infraestruturas. • Secretario: O Técnico Adxunto ó Servizo de Contratación. 12.- CUALIFICACIÓN DA DOCUMENTACIÓN XERAL E APERTURA DE PROPOSICIÓNS. A cualificación da documentación xeral achegada polos licitadores terá lugar ás 10 horas do segundo día hábil seguinte ó día en que finalice o prazo sinalado para a presentación de plicas. A continuación procederase á apertura de proposicións presentadas ó concurso. O acto de apertura de plicas celebrarase na forma determinada polo R.d.l. 2/2000, do 16 de xuño. 13.- CRITERIOS DE ADXUDICACIÓN. 1. Redución do prezo sobre o presuposto máximo do contrato.... ata 6 puntos. 2. Prazo e programa de construción das obras que aseguren a súa execución e a súa coherencia co prazo de execución ofertado... ata 4 puntos. 3. Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, presentando unha memoria valorada na que se indiquen as razóns que xustifiquen esta oferta; o importe da mellora será disposto pola Dirección de Obra, previa autorización de órgano de contratación, .... ata 3 puntos. 4. Plan de control de calidade da obra que a empresa m

Área de notas

• Nota

Puntos de acceso

Área de control da descrición