Fondos
ES.GA.36057.AM.VIG.. COLECCIÓN HEMEROGRÁFICA
COLECCIÓN HEMEROGRÁFICA
Área de identificación
Código(s) de referencia ES.GA.36057.AM.VIG.
Título COLECCIÓN HEMEROGRÁFICA
Data(s) 1828-2010 (Creación) 1828-00-00 - 2010-00-00 (Produción)
Volume e soporte Volume elevado por determinar con exactitude
Área de contexto
Nome do produtor Concello de Vigo(1836-Actualidade) O Concello de Vigo está situado no suroeste de Galicia, pertencendo administrativamente á Provincia de Pontevedra. Limita no norte co Concello de Redondela, polo leste cos concellos de Mos e do Porriño, polo sur cos concellos de Gondomar e Nigrán, e polo oeste co Océano Atlántico e a Ría de Vigo. Este termo municipal ten orixe na Idade Media, período na que a organización territorial de ámbito local baseábase nos coutos, xurisdicións e vilas. A partir do século XVI, no Antigo Réxime, a organización territorial vaise desenvolvendo en base a tres niveis: un Reino-Provincia, as sete provincias, e a subdivisión destes en coutos e xurisdicións que, a súa vez, estarían compostas por parroquias. Neste período, Vigo pertencía á Provincia de Tui. No Catastro de Ensenada (1749) veñen referenciadas as seguintes territorialidades: o señorío de Valadares baixo a soberanía do Marqués que pon nela o xuíz ordinario e o mordomo pedánea; a xurisdición de Bouzas, composta por cinco parroquias e pertencente ao señoría do Bispado de Tui, quen nomeaba a un xuíz ordinaria e contaban cun escribán e rexedores; Fragoso, composto por catorce parroquias sendo o señorío do seu concello; e Vigo que só comprendía dúas parroquias e pertencía ao señorío do Arcebispado de Santiago. Contaba cun xuíz xeral, un presidente do concello, seis rexedores, seis deputados de abastos, dous procuradores xerais e un secretario do concello. Co cambio de Réxime e a instauración do liberalismo establecéronse os concellos constitucionais aínda que de forma intermitente debido aos sucesivos períodos absolutistas e liberais do primeiro terzo do século XIX. A altura de 1813, no Partido Xudicial de Tui estarían encadrados os concellos de Bouzas, Fragoso, Lavadores, Valadares e Vigo. Posteriormente, en 1820, no repartimento que fai a Deputación Única de Galicia aparecen citados os concellos de Bouzas, Cabral, Lavadores, Teis, Valadares e Vigo, todos eles incluídos no Partido Xudicial de Vigo. En 1822 realízase a división de Galicia en catro provincias constituíndose a efémera Deputación da Provincia de Vigo conformada por 11 partidos xudiciais. A esta altura mantíñanse os concellos de Bouzas, Cabral, Teis, Valadares e Vigo. Finalmente, e tras a aprobación da división provincial de Javier de Burgos en 1833 e a aprobación do RD do 23 de xullo de 1835, estableceríase a nova planta dos concellos constitucionais da provincia na que constaban os tres concellos que acabarían unificándose no actual Concello de Vigo: o Concello de Bouzas conformado por nove parroquias (Bouzas, Coia, Alcabre, Comesaña, Matamá, Navia, Coruxo, Oia e Saiáns); o Concello de Lavadores composto por sete parroquias ( Lavadores, Candeán, Cabral, Bembrive, Beade, Valadares e Zamáns); e o Concello de Vigo que abranguía seis parroquia (Santa María de Vigo, Santiago de Vigo, Teis, Freixeiro, Castrelos e Sárdoma). Tras a publicación da nova planta en 1836 existirían algunhas reclamacións para modificar a composición destes concellos. En 1837, Teis e Candeán queren segregarse e conformar un concello propio. En 1842 serán as parroquias de Freixeiro e Castrelos os que soliciten a segregación e a conformación como concello. En 1844, Valadares e Zamáns piden segregarse do Concello de Lavadores e conformarse como concello propio. Nese mesmo ano, os veciños de Teis pedirán segregarse do Concello de Vigo e integrarse en Lavadores, do que formarán parte tras a aprobación do RD do 11 de xaneiro de 1846. Posteriormente, tras a Revolución de 1868, a Xunta Revolucionaria de Vigo acorda disolver os concellos de Bouzas e Lavadores e integralos en Vigo aínda que esta integración ficou sen efectos ao pouco de se producir. Non obstante, a integración destes dous concellos acabaría producíndose no século XX. Bouzas sería o primeiro, integrándose de forma efectiva o 5 de outubro de 1904 de conformidade á Lei de Cortes do 30 de abril dese mesmo ano. Así e todo, esta integración tería un precedente coa anexión da parroquia de Coia ao Concello de Vigo anos antes. Pola súa parte, o Concello de Lavadores sufriría unha segregación dentro do seu termo municipal. Neste caso sería a parroquia de Teis a se conformarían como concello durante un breve lapso de tempo (1935-1936). Finalmente, e tras o acordo do Consello de Ministros do 27 de marzo de 1941 o Concello de Lavadores sería anexionado ao Concello de Vigo dando por finalizada a evolución territorial desta administración local. Xa que logo, o actual concello de Vigo é froito dunha longa evolución que deu lugar á maior cidade de Galicia en número de habitantes. Ten unha superficie de 106 km cadrados e dezasete parroquias administrativas: Alcabre, Beabe, Bembrive, Cabral, Candeán, Castrelos, Illas Cíes, Comesaña, Coruxo, Lavadores, Matamá, Navia, Oia, Saiáns, Sárdoma, Valadares, Vigo e Zamáns. As parroquias históricas de Bouzas, Coia, Freixeiro, San Paio e San Xoan do Monte non teñen esta consideración dado que foron integradas na parroquia administrativa de Vigo.
Institución arquivística Arquivo municipal de Vigo
Forma do ingreso Por compra
Área de contido e estrutura
Alcance e contido A colección hemerográfica está composta por diferentes publicacións, tanto oficiais como de entidades privadas. Estas últimas abranguen diversos materiais como xornais diarios ou semanais e publicacións periódicas. No referido ás publicacións oficiais podemos destacar, pola súa extensión cronolóxica e o seu volume, a colección do Boletín Oficial da Provincia de Pontevedra e o Boletín Oficial do Estado. Da primeira consérvanse a práctica totalidade dos exemplares, sendo o primeiro número anterior, incluso, á implantación da propia Deputación de Pontevedra. Así, o primeiro exemplar está datado en 1835 e o último en 2010. Da segunda, consérvanse varios exemplares da primeira metade do século XIX e a práctica totalidade dos exemplares a partir de 1870. Por outra parte, tamén son moi destacadas outras publicacións oficiais, a pesar da súa reducida extensión cronolóxica e da seu escaso volume, como son o Boletín Oficial de Galicia (1833) e o Boletín Oficial da Provincia de Vigo (1840). Xunto a estas publicacións tamén podemos mencionar outras como o Diario Oficial de Galicia, o Boletín Oficial das Cortes Xerais (Congreso e Senado) ou o Boletín do Rexistro Mercantil.
Valoración, selección e eliminación Non se realizou ningunha expurgación, excepto aqueles exemplares duplicados.
Novos ingresos Non se esperan novos ingresos de boletíns oficiais dada a súa publicación electrónica. A colección, no que se refire ás publicacións xornalísticas e seriadas, pode ser ampliada a través da adquisición de novos números ou títulos.
Organizació
A colección hemerográfica está composta por materiais de diferentes produtores e diversas tipoloxías, podéndoos agrupar e estruturar da forma a seguir: 1.- PUBLICACIÓNS OFICIAIS. 1.1.- Boletín Oficial da Provincia de Vigo (1840). 1.2.- Boletín Oficial de Galicia (1833). 1.3.- Boletín Oficial da Provincia de Pontevedra (1835-2010). 1.4.- Boletín Oficial do Estado (1828-2008). 1.5.- Diario Oficial de Galicia (1978-2010). 1.6.- Diario Oficial das Comunidades Europeas (1997). 1.7.- Boletín Oficial das Cortes Xerais (1980-1991). 1.8.- Boletín do Rexistro Mercantil (1990-1991). 2.- PUBLICACIÓNS XORNALÍSTICAS. 2.1.- El Pueblo Gallego. 2.2.- La Hoja del Lunes. 2.3.- Faro de Vigo. 2.4.- Diario de Galicia. 2.5.- A Nosa Terra. 2.6.- Outros diarios. 3.- PUBLICACIÓNS SERIADAS. 3.1.- Vida Gallega. 3.2.- El Pope. 3.3.- Outras publicacións seriadas
Área de condicións de acceso e utilización
Condicións que rexen o acceso Documentación de libre acceso.
Condicións de reprodución Reprodución libre a solicitude do interesado, coa excepción da protección documental e da salvagarda da súa integridade, así como das limitacións impostas pola normativa legal vixente en material de protección da propiedade intelectual.
CaracterÍsticas fÍsicas e requirimentos técnicos Documentación en soporte papel na súa totalidade. Copias dixitais en soporte CD-ROM do Faro de Vigo e El Pueblo Gallego
Instrumentos de descrición Índice parcial en papel
Área de documentación
Existencia e localización de copias Ao tratarse de publicacións editadas e comerciais, poden encontrarse copias, tanto en soporte papel como en soporte dixital, en diferentes arquivos e bibliotecas.
Ãrea de notas
Nota Dado que se trata dunha colección, o nome do produtor fai referencia á Institución, neste caso o Concello de Vigo, que foi a responsable da súa adquisición e recompilación.
Puntos de acceso
Puntos de acceso de topónimos
Nome dos puntos de acceso Concello de Vigo (Tema) (Creador)