Fondos
BANDA MUNICIPAL DE MÚSICA
Área de identificación
Código(s) de referencia ES.GA.36057.AM.VIG.13
Título BANDA MUNICIPAL DE MÚSICA
Data(s) 1883-1984 (Creación) 1883-00-00 - 1984-00-00 (Produción)
Volume e soporte 5 unidades de instalación con 347 expedientes ou agrupacións documentais en soporte papel na súa práctica totalidade
Área de contexto
Nome do produtor Concello de Vigo. Banda Municipal de Música(1883-1993) O antecedente da Banda Musical de Vigo encontrámolo na Banda do Hospicio, que desenvolverá a súa actividade entre xaneiro de 1878 e comezos do ano 1883. A súa desaparición supón a posta en marcha dunha nova agrupación, impulsada polo propio alcalde de Vigo, Jacobo Domínguez Iglesias, aínda que non terá carácter municipal até o ano 1898. En abril de 1883 créase unha comisión directiva, composta por Belarmino Landrove Mariño, José María Vázquez, Agustín Barros e Enríquez Paz, nomeado este último director da banda. En maio de 1883 o colectivo xa estaba plenamente constituído. En 1888 será nomeado director da Banda José Borrero Pérez, e a partir da municipalización da mesma estiveron ao ao seu cargo, como directores, Juan Serrano, Marcial Rodríguez Mariño, Wenceslao Menegón Miranda, Mónico García de la Parra y Tellez entre outros. Este último será nomeado en 1912 dentro do proceso de reorganización da Banda de Música, dando inicio a unha etapa de éxito musical e creativo. O declive da agrupación iniciarase en 1958, coincidindo coa partida do antedito, desaparecendo definitivamente a Banda Municipal de Música no ano 1993.
Institución arquivística Arquivo municipal de Vigo
Forma do ingreso Por transferencia tras a disolución da Banda
Área de contido e estrutura
Alcance e contido O fondo da Banda Municipal de Música comprende a documentación xerada durante o período temporal na que esta estivo en activo: inicialmente como unha entidade independente e posteriormente como agrupación cultural integrada nas estruturas municipais. Así, podemos encontrar documentación relacionada coa xestión directiva, como os expedientes de creación ou organización da Banda de Música e as súas seccións, a aprobación de regulamentos, expedientes de carácter xurídico, informes, mocións e propostas etc. Dentro deste tipo de documentación podemos mencionar o “Expediente de organización da Banda de Música impulsada polo Alcalde Jacobo Domínguez Iglesias”, sendo a unidade documental máis antiga. Tamén podemos mencionar a existencia de documentación relacionada coa xestión patrimonial e a contratación de subministración que nos achegan información sobre os bens propiedade da Banda e a adquisición dos mesmos. Neste senso, podemos destacar o “Libro de Arquivo da Banda Municipal de Música (1953-1957)”, que contén unha relación de todas as partituras da agrupación clasificadas segundo o seu xénero, así como dos instrumentos e outros materiais propiedade da agrupación. Non obstante, a maior parte das unidades documentais derivan da xestión do persoal integrado na Banda, cunha importante presenza de expedientes de nomeamentos interinos e expedientes disciplinarios e sancionadores. Así mesmo, tamén podemos encontrar documentación relacionada cos procesos de selección os cadros e relacións de persoal ou expedientes de concesión de licenzas e permisos. Por outra parte, o fondo recolle documentación de carácter contable e financeira, como a solicitude de subvencións, orzamentos de subministracións, xustificantes de pagamento ou facturas. Finalmente, tamén podemos encontrar a documentación derivada das actuacións e concertos ofrecidos pola Banda de Música, como por exemplo os contratos asinados polo Director da Banda, as solicitudes de actuación e outra documentación. Ademais, e a pesar de non encontrarse depositada no Arquivo municipal, o Servizo de Festas ? Cultura, custodia as partituras da propia Banda de Música.
Valoración, selección e eliminación Non se realizou ningún expurgo dado a pequena dimensión do fondo e o seu carácter patrimonial e de conservación permanente.
Novos ingresos Non se esperan novos ingresos dado que se trata dun fondo pechado pertencente a unha institución desaparecida. Non obstante, coñécese a existencia doutra documentación referida a esta institución custodiada polo Servizo de Cultura, entre as que destacan as partituras da agrupación.
Organizació
O fondo está organizado en seis series documentais: 1.- Expedientes de goberno e administración (1883-1981) 2.- Expedientes de patrimonio e contratación (1896-1962) 3.- Expedientes de persoal (1899-1984) 4.- Expedientes de xestión contable e financeira (1892-1961) 5.- Expedientes de actuacións e concertos (1913-1980) 6.- Partituras e música notada
Área de condicións de acceso e utilización
Condicións que rexen o acceso Documentación patrimonial de libre acceso.
Condicións de reprodución Reprodución libre a solicitude do interesado, coa excepción da protección documental e da salvagarda da súa integridade.
Instrumentos de descrición Cadro de clasificación - inventario Índice - inventario Catálogo informatizado accesible a traves do portal Atopo: https://atopo.depo.gal/
Área de documentación
Existencia e localización de orixinais Non se coñece a existencia de orixinais fóra do arquivo municipal a excepción das partituras custodiadas polo Servizo de Cultura.
Existencia e localización de copias Non se coñece a existencia de copias
Unidades de descrición relacionadas Dado que a Banda de Música estivo na maior parte da súa existencia integrada nas estruturas municipais, pódese localizar documentación relacionada coa mesma no fondo do Concello de Vigo.
Ãrea de notas
Nota Desde unha perspectiva teórica, esta agrupación documental non é un fondo en sentido estrito xa que a mesma deriva das actividades dun órgano municipal. Non obstante, durante o proceso de reorganización da documentación, esta agrupación mantívose segregada do fondo municipal por respecto á organización existente previamente e a cuestións de índole práctico.
Puntos de acceso
Puntos de acceso de topónimos
Nome dos puntos de acceso Concello de Vigo. Banda Municipal de Música (Tema) (Creador)