Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A Facenda Local encargase de desenvolver as actividades económicas locais; e dicir, xestionar os ingresos e gastos locais coa intención de satisfacelas necesidades do municipio. Dende o século XII ó XVIII os ingresos municipais estiveron formados polos bens de propios ou patrimoniais: tendas, mercados, censos, devesas, muíños, etc.; bens comunais: montes, caza, pesca, etc.; e tamén polos arbitrios propios que xeralmente gravaban o consumo. O maiordomo encargábase da fiscalización dos ingresos e gastos, asumía a xestión e recadación de ingresos; e actuaba como depositario e custodio de todo o recadado. No século XIV apareceu a figurado Contador, a súa función era censuralas contas que rendía periodicamente o Mordomo. En 1761 esa labor fiscalizadora de contas pasou a desenvolvela a Xunta de Propios e Arbitrios, composta por alcaldes, rexedores e procurador síndico; a cal, tamén se encargou de presentar ante a Contadoría Xeral as contas xeradas pola administración dos propios e arbitrios municipais. A Facenda Local dos séculos XIX e XX caracterizouse polo intento de unir e suprimir a grande cantidade de arbitrios que existían e polo intento de que os municipios adquirisen autonomía financeira. A principios do século XIX o sistema impositivo nacional buscaba a creación dunha única contribución ou contribución directa, como consecuencia diso suprimíronse as rendas provinciais como: alcabalas, centos, millóns, servizos ordinarios e extraordinarios; aínda que apareceron novas cargas. As facendas locais coa desamortización dos bens de propios de Madoz (1855), sufriron un importante troco xa que pasaron de ser fundamentalmente patrimonialista a ser eminentemente fiscais. Durante a segunda metade do século XIX e primeira metade do século XX, os ingresos municipais nútrense de diversos impostos como foron: pesos e medidas, consumos, carruaxes de luxo, expedición de documentos, bebidas espirituosas, amillaramentos, soares sen edificar, incremento de valor dos terreos, etc.; e da participación nos impostos cedidos total ou parcialmente polo estado. Finalmente, a Constitución de 1978, que proclamaba o principio de suficiencia financeira das entidades locais, e a reforma das facendas locais promovida pola Lei 39/88, serviron para a reordenación do réxime presupostario dos entes locais e do sistema de recursos, suprimíronse moitos dos impostos recadados con anterioridade e os ingresos quedaron configurados principalmente polo cobro do imposto de bens inmobles, o imposto de actividades económicas e o imposto do vehículos de tracción mecánica. En canto os oficios municipais destacar que durante as primeiras décadas do século XIX os encargados da xestión económica eran os depositarios, os secretarios e os alcaldes, sempre baixo a supervisión do Concello. Na segunda metade do século XIX reapareceu a figura do Contador, el tiña baixo o seu cargo a oficina de contas, os libros de contabilidade, preparaba os presupostos e promovía os libramentos. As competencias do contador foron evolucionando, o longo do século XX, facía o que hoxe se coñece como interventor de fondos. Así mesmo, o Depositario que perdera as competencias en favor do contador, o cal se encargara da custodia de valores e de depósitos e do pagamento de libramentos, foi evolucionando cara o que hoxe se coñece como o tesoureiro municipal. Outras institucións importantes foron a Xunta Pericial e a Xunta Municipal de Asociados.

• Organizació

  A Sección 4 FACENDA  ten un desenvolvemento no caso do fondo do concello de Xeve, nas seguintes subdivisións:
  
  4.1 INTERVENCIÓN
  
  4.1.1 Expedientes xerais do presuposto ordinario
  4.1.1.1 Expedientes xerais do presuposto ordinario
  4.1.1.3 Contas xerais do presuposto
  4.1.1.4 Expedientes de liquidacións do presuposto
  4.1.1.7 Mandamentos de pagamentos
  
  4.1.2 Rexistros do presuposto ordinario
  4.1.2.1 Libros borradores de pagamentos
  4.1.2.4 Libros borradores de ingresos
  4.1.2.12 Libros de inventarios e balances
  4.1.2.15 Libros copiadores de presupostos
  
  4.1.12 Certificacións de Intervención
  4.1.12.1 Certificacións de Intervención
  
  4.1.13 Correspondencia de Intervención
  4.1.13.1 Correspondencia de Intervención
  
  4.2 FINANCIAMENTO E TRIBUTACIÓN
  
  4.2.1 Financiamento
  4.2.1.1 Expedientes de operacións de crédito
  4.2.1.1.1 Expedientes de operacións de crédito
  
  4.2.2 Tributación
  4.2.2.1 Expedientes de sesións das Xuntas locais de Tributación
  4.2.2.1.1 Expedientes de sesións das Xuntas locais de Tributación
  4.2.2.2 Rexistros das actas de sesións das Xuntas locais de Tributación
  4.2.2.2.2 Libros de actas de sesións das xuntas Periciais
  4.2.2.2.2.1 Libros de actas de sesións das xuntas Periciais
  
  4.2.2.5 Impostos e Arbitrios
  4.2.2.5.4 Contribución industrial/ Matrícula industrial/ Licenza fiscal/ I.A.E.
  4.2.2.5.6 Contribución territorial rústica e pecuaria / I.B.I.
  4.2.2.5.7 Contribución territorial urbana / I.B.I.
  4.2.2.5.10 Impostos de consumos
  4.2.2.5.14 Padróns do imposto sobre circulación de vehículos
  
  4.2.2.6 Prestación persoal e de transporte
  4.2.2.6.1 Prestación persoal e de transporte
  
  4.2.2.10 Expedientes de reclamación
  4.2.2.10.1 Expedientes de reclamación
  
  4.3 TESOURERÍA
  
  4.3.0 Expedientes de Tesourería
  4.3.0.0 Expedientes de Tesourería
  
  4.3.1 Recadación
  
  4.3.1.1 Expedientes de Recadación
  4.3.1.1.1 Expedientes de Recadación
  4.3.1.1.4 Expedientes de premas
  
  4.3.1.2 Rexistros de Recadación

Área de notas

• Nota

Puntos de acceso

Área de control da descrición