ATOPO
Rexistros actuais: 1.625.156
Obxectos dixitais dispoñibles: 504.759

Fondos

Expedientes de obra en centros escolares

Área de identificación

  • Código(s) de referencia ES.GA.36038.AMPO.1.GF002.F0007.SF083.SF085.S0669.18890/1

  • Título Expedientes de obra en centros escolares

  • Data(s) 1971 (Produción)

  • Volume e soporte 18 expedientes, papel

Área de contexto

  • Nome do produtor Concello de Pontevedra(1835-) O primeiro “foro” do burgo de Pontevedra concedido en decembro de 1169 por Fernando II de León, pode considerarse como o punto de partida no desenvolvemento municipal da cidade. Poucos anos máis tarde, o 16 de decembro de 1180, Fernando II doa ao arcebispo Pedro Compostelán a vila, con todos os seus termos e pertenzas, polo que esta perde a súa condición reguenga e pasa a depender da Mitra compostelá ata a supresión dos señoríos polas Cortes de Cádiz (1811), excepto unha pequena paréntese reguenga (1588-1595) en tempos de Felipe II. A vila consegue ao longo da Idade Media unha serie de privilexios e exencións de gran importancia para o seu desenvolvemento económico. Xa a mediados do século XIII atopámonos cun Concello que realiza funcións administrativas e xudiciais, inseparables durante toda a Idade Media e Moderna, e do que non é posible determinar a súa estrutura e composición. Este Concello é o encargado de propoñer anualmente ao arcebispo seis homes para que de entre eles elixa os dous alcaldes. O arcebispo resérvase o nomeamento dun xuíz, que o representa e administra xustiza, e dun mordomo cuxa función é esencialmente recadatoria. Desde mediados do século XV ata o fin do Antigo Réxime a composición do Concello será similar: un xuíz, dous alcaldes, varios rexedores e dous procuradores xerais. A transición do antigo ao novo réxime modificou radicalmente a composición e funcionamento do Concello. Os alcaldes deixaron de ser nomeados polos arcebispos composteláns e as rexedorías pasaron de ser vitalicias e transmisibles a electivas. A Real orde do 23 de xullo de 1835 foi a que consagrou de forma definitiva os novos concellos. O goberno municipal estaba encomendado ao alcalde ou alcaldes e a un número variable de rexedores, dos que un ou dous actuaban como síndicos. O número de rexedores durante os anos 1840 a 1860 limitouse a trece, pasando a 21 en 1869. No devandito ano a corporación quedou composta por cinco alcaldes e os 21 rexedores. A lei electoral de 1874 fixou o seu número en 22.

  • Institución arquivística Arquivo municipal de Pontevedra

Área de contido e estrutura

  • Alcance e contido Contén os seguintes expedientes sobre centros escolares: 1- Obras complementarias en novas escolas e accesos en Ponte Sampaio. 1971. 2- Solicitude de prórroga na construción dun comedor nas Escolas de Marcón a nome de Eduardo Peón Baltasar. 1971. 3- Orde de pagamento a nome de Amados Pazos Tenorio polas obras de reparación no Grupo escolar Álvarez Limeses. 1971. 4- Devolución de fianza a nome de Don Benigno Esperón Sertal polas obras de Colexio Nacional de oito seccións en Campañó. 1971. 5- Proxecto de edificio escolar de 32 aulas na Xunqueira do Lérez. Búsqueda de solar. 1971. 6- Acondicionamento do terreo para construción de pistas de recreo do Colexio de ensino especial de Campolongo. 1971. 7- Aprobación da devolución de fianza polas obras de ampliación do Colexio Nacional Álvarez Limeses. 1972. 8- Solicitude de relación de construcións escolares a nome da Junta de Construcciones, instalaciones y equipo escolar. 1972. 9-Aprobación da devolución da fianza polas obras do Colexio Nacional de oito seccións de Salcedo a nome de Raymundo Vázquez S.A. 1972. 10- Copia do expediente de ofrecemento de terreo para a construción dun centro de Formación Profesional de Primer e Segundo Grao para mil alumnos na Xunqueira. 1972. 11- Proxecto de instalación de depósito de gas para os centos de Xunqueira e Gándara. 1973. 12- Proxecto de instalación de calefacción no colexio de EGB de Vilaverde, Mourente. 1973. 13- Proxecto de instalación eléctrica de baixa tensión en grupo escolar de EGB de Campolongo. 14- Obras de conservación nas escolas de Lusquiños, Carballeira e Marcón. 1974. 15- Obras de conservación nas escolas de Pazo, Campos, Salgueiral e Pío. 1974. 17- Obras de conservación nas escolas de Cabanas, Ponte Sampaio e Froebel. 1974. 18- Aprobación do proxecto de construción do centro de EGB de Gándara e Xunqueira. 1977. 19- Creación de unidades de educación preescolar en Pontevedra e acondicionamento de escolas en Cabanas, Lusquiños e Marcón. 1977. 20- Expediente de instalación de calefacción e relativo á limpeza das Unidades de preescolar en Bora e Campolongo. 1980. 21. Actas de recepción provisional de obras de acondicionamento de centros escolares. 1979.

Área de notas

  • Nota

Puntos de acceso

  • Puntos de acceso de topónimos

  • Nome dos puntos de acceso Concello de Pontevedra (Tema) (Creador)

Área de control da descrición