ATOPO
Rexistros actuais: 1.625.133
Obxectos dixitais dispoñibles: 504.759

Fondos

Expedientes de obras de apertura e pavimentación de rúas , pontes , camiños e prazas

Área de identificación

  • Código(s) de referencia ES.GA.36038.AMPO.1.GF002.F0007.SF083.SF084.S0655.18938/1

  • Título Expedientes de obras de apertura e pavimentación de rúas , pontes , camiños e prazas

  • Data(s) 1970 (Produción)

  • Volume e soporte 42 expedientes, papel

Área de contexto

  • Nome do produtor Concello de Pontevedra(1835-) O primeiro “foro” do burgo de Pontevedra concedido en decembro de 1169 por Fernando II de León, pode considerarse como o punto de partida no desenvolvemento municipal da cidade. Poucos anos máis tarde, o 16 de decembro de 1180, Fernando II doa ao arcebispo Pedro Compostelán a vila, con todos os seus termos e pertenzas, polo que esta perde a súa condición reguenga e pasa a depender da Mitra compostelá ata a supresión dos señoríos polas Cortes de Cádiz (1811), excepto unha pequena paréntese reguenga (1588-1595) en tempos de Felipe II. A vila consegue ao longo da Idade Media unha serie de privilexios e exencións de gran importancia para o seu desenvolvemento económico. Xa a mediados do século XIII atopámonos cun Concello que realiza funcións administrativas e xudiciais, inseparables durante toda a Idade Media e Moderna, e do que non é posible determinar a súa estrutura e composición. Este Concello é o encargado de propoñer anualmente ao arcebispo seis homes para que de entre eles elixa os dous alcaldes. O arcebispo resérvase o nomeamento dun xuíz, que o representa e administra xustiza, e dun mordomo cuxa función é esencialmente recadatoria. Desde mediados do século XV ata o fin do Antigo Réxime a composición do Concello será similar: un xuíz, dous alcaldes, varios rexedores e dous procuradores xerais. A transición do antigo ao novo réxime modificou radicalmente a composición e funcionamento do Concello. Os alcaldes deixaron de ser nomeados polos arcebispos composteláns e as rexedorías pasaron de ser vitalicias e transmisibles a electivas. A Real orde do 23 de xullo de 1835 foi a que consagrou de forma definitiva os novos concellos. O goberno municipal estaba encomendado ao alcalde ou alcaldes e a un número variable de rexedores, dos que un ou dous actuaban como síndicos. O número de rexedores durante os anos 1840 a 1860 limitouse a trece, pasando a 21 en 1869. No devandito ano a corporación quedou composta por cinco alcaldes e os 21 rexedores. A lei electoral de 1874 fixou o seu número en 22.

  • Institución arquivística Arquivo municipal de Pontevedra

Área de contido e estrutura

  • Alcance e contido Contén: - Reparación do camiño de Abarcia que vai dende a Igrexa a Frieiro en Santa María de Xeve. 1970 - Construción dunha ponte sobre o río de Frieiro xunto o Muíño de Arriba. 1971 - Reparación da pista que vai dende a pista de Touceda ata a igrexa parroquial de Alba. 1972 - Reparación do camiño de Ponte Cabras na parroquia de Alba. 1972 - Obras de reparación de ensanche no camiño lo lugar de Casaldorado ( Lérez ) e derruba da pared da vivenda de Juan Argibay para ampliar o camiño. 1976 - Obras de reparación dun camiño na pista de Gugilde na parroquia de Alba. 1972 - Solicitude de subvención do alcalde de barrio ( Amancio Iglesias Balnco ) de Fontanes ( Santa María de Xeve ) para levar a cabo obras no camiño central que vai dende a estrada de Moraña e pasa pola Ponte de Bouza. 1972 - Solicitude de Jesús García Sobral ( alcalde de barrio de Santa María de Xeve ) para a reparación de camiños. 1972 - Reparación do camiño que vai dende o atrio parroquial e conduce o lugar de Frieiro e a Capela de San Roque en San Andrés de Xeve. 1972 - Solicitude de José Fontán Fontán ( alcalde de Barrio de Gatomorto ) para a reparación de camiños. 1972 - Obras de ensanche no Camiño das Casas en San Andrés de Xeve. 1976 -Contrución dun muro de contención de terras no camiño que vai o lugar de Cimbelo ( Lérez ). 1976 - Ampliación dun camiño no lugar de Casaldorado. 1976 - Peche do recinto escolar do Colexio Nacional de Parada ( Campañó ). 1976 - Ensanche do camiño que vai dende a estrada de Campañó a estrada forestal. 1976 - Ensanche do camiño de Ferreiros a Igrexa en Campañó. 1976 - Obras no camiño de Moldes a Galiana e Corredoira en Campañó. 1976 - Obras no camiño de Rieriz na parroquia de Alba. 1977 - Reparación dun camiño no lugar da Pedra Picada ( Lérez ). 1977 - Ensanche do camiño de Brazal en Santa María de Xeve. 1976 - Ensanche do camiño de Pidre a Fonteiriña na parroquia de San Vicente de Cerponzóns. 1974 - Reparación do camiño veciñal del Riveiro que vai dende a fábrica da Cros a estrada de Campañó. 1974 - Acondicionamento e ensanche do camiño veciñal de Reiriz ( Alba ). 1976 - Ensanche e acondicionamento do camiño Agriños sito en Campañó. 1976 - Reparación do camiño de Cruceiro a Ramallás e de Cimbelo a Casalnovo. 1976 - Pavimentación do camiño da Gándara ( Santiña ). 1975 - Ensanche e reparación do camiño que vai do atrio parroquial de Santa María a San Andrés de Xeve. 1973 - Construción dun camiño de comunicación a estrada no barrio de Outeiro en Gatamorto. 1974 -Solicitude de Argimiro Germán Rivas Castiñeiras ( Concelleiro Delegado do Distrito do Lérez ) solicitando a Deputación Provincial que se faga carga da aliñación da estrada do Cruceiro o Castelo en Lérez. 1974 - Demolición da rocha e ensanche do camiño de Casalnovo na parroquia de Lérez. 1975 - Solicitude de suvbención para obras de acceso o mirador do Lérez. 1976 - Obras na cuberta do Colexio Nacional Mixto de Lérez. 1974 - Solicitude de Manuel Casalderrey ( Alcalde de Barrio de Castelo - Lérez ) para a realización de obras de reconstrución dun muro en Casaldorado. 1977 - Obras no camiño veciñal da Piollosa que comunican a parroquia de Verducido coa de Santa María de Xeve. ( Plans Provinciais de Acción Comunitaria ). 1981 - Obras de pavimentación do camiño de Balado na parroquia de Verducido. ( Plans Provinciais de Acción Comunitaria )1981 - Apertura de pista entre Rañadoiro e Acevedo ( Ponte Sampaio ). Plans Provinciais de Acción Comunitaria. 1981 - Ensanche do camiño veciñal de Cornide ( Verducido ). Plan Provinciais de Acción Comunitaria.1981 - Obra de ensanche do camiño a Outeriño ( Verducido ). Plans Provinciais de Acción Comunitaria. 1981 - Apertura pista entre Acevedo e Comboa ( Ponte Sampaio ). Plans Provinciais de Acción Comunitaria. 1981 - Obras de pavimentación no camiño de Ramallás ( Lérez ). Plans Provinciais de Acción Comunitaria. 1983 - Obras de reparación da estrada a Igrexa de Bora. 1983

Área de notas

  • Nota

Puntos de acceso

Área de control da descrición