ATOPO
Rexistros actuais: 1.328.603
Obxectos dixitais dispoñibles: 490.671

Fondos

ENTIDADE LOCAL MENOR DE PAZOS DE REIS

Área de identificación

  • Código(s) de referencia ES.GA.36055.AELMP

  • Título ENTIDADE LOCAL MENOR DE PAZOS DE REIS

  • Data(s) 1926-2004 (Creación) 1926-00-00 - 2020-04-30 (Produción)

  • Volume e soporte 138 unidades de instalación con 676 agrupacións documentais en soporte papel na súa totalidade

Área de contexto

  • Nome do produtor Entidade Local Menor de Pazos de Reis(1926) Formada pola parroquia de Nosa Señora do Sagrario de Pazos de Reis, que pertence ó concello de Tui; ten unha superficie total de 615 hectáreas nas que residen 1.113 habitantes, distribuídos nos lugares de O Ánxel, Circos, O Eirado, Frinxo, Herdeiros, Os Muíños, A Poboanza, A Porteliña, Ricamonde e O Seixal. A Entidade Local Menor constitúese no ano 1926, con certa oposición por parte de veciños de Tui. Actualmente ten a súa sede con carácter provisional nunha escola e centro cultural, propiedade da Entidade, por ter sido expropiada a anterior casa por mor da construcción da autovía Vigo-Tui. Atópase en construcción unha nova na subida ó monte Aloia.

  • Institución arquivística Arquivo Entidade Local Menor de Pazos de Reis

  • Historia arquivística A documentación consérvase no edificio da propia Entidade Local Menor. Rematado o proceso de organización do fondo documental no ano 1996 ocupaba un total de nove metros lineais, debidamente disposto nas condicións axeitadas para a súa futura conservación. Os traballos de organización e descrición documental foron desenvoltos por José Luis Castro Carpintero, Lourdes Pérez-Santamarina Feijóo, Jacobo Domínguez Pedreira e Iñaki Pérez Varela.

  • Forma do ingreso Por transferencia directa ó arquivo no remate da súa tramitación administrativa e coincidindo co seu escaso uso administrativo.

Área de contido e estrutura

  • Alcance e contido Conserva un total de cento trinta e oito unidades de instalación, con documentos desde 1924. Entre eles están a totalidade das actas dos órganos de goberno desde a súa constitución no ano 1926. O 71% do total corresponde a xestión e control presupostario, tendo certa relevancia cuantitativa as series de obras e urbanismo así como os aproveitamentos de madeiras. Testemuñalmente existe documentación relacionada co monte Aloia e o seu Padroado e das relacións da Entidade Local co propio concello de Tui, ao que incluso chegou a axudar para a construción da súa casa do concello.

  • Valoración, selección e eliminación A pesar da existencia de manuais e estudos de valoración e expurgo documental, tendo en conta a inexistencia dunha consistente argumentación técnica e legal, ademais da escaseza do fondo xa de por si conservado, a única eliminación levada a cabo foi a dos duplicados, fotocopias ou publicacións periódicas que acompañaban aos documentos e expedientes.

  • Novos ingresos Transferencias anuais incorporadas polo Servizo Técnico do Patrimonio Documental.

  • Organizació

    CADRO DE CLASIFICACIÓN
    
    0.-  ÓRGANOS SUPERIORES
    
    1.- GOBERNO
    
    1.1.- XUNTA ADMINISTRATIVA
    1.2.- ALCALDE PEDÁNEO
    1.3.- COMISIÓNS ESPECIAIS
    
    2.- XESTIÓN  ADMINISTRATIVA E SERVIZOS
    
    2.1.- XESTIÓN ADMINISTRATIVA
    
    2.1.1.- SECRETARÍA
    2.1.2.- REXISTRO XERAL
    2.1.3.- PATRIMONIO. CONTRATACIÓN
    2.1.4.- PERSOAL
    2.1.5.- ELECCIÓNS
    2.1.6.- ARQUIVO
    
    2.2.- XESTIÓN DE SERVIZOS
    
    2.2.1.- OBRAS E URBANISMO
    2.2.2.- SEGURIDADE CIDADÁ
    2.2.3.- EDUCACIÓN. CULTURA. DEPORTES
    2.2.4.-  PRESTACIÓN SOCIAL SUBSTITUTORIA
    2.2.5.- SANIDADE E MEDIO AMBIENTE
    2.2.6.- SERVIZOS SOCIAIS
    
    
    3.- XESTIÓN ECONÓMICA
    
    3.1.- PRESUPOSTO ORDINARIO
    3.2.- PRESUPOSTO EXTRAORDINARIO
    3.3.- FACTURAS E EXTRACTOS BANCARIOS

Área de condicións de acceso e utilización

  • Condicións que rexen o acceso Documentación de carácter público, de consulta libre agás as limitacións legais derivadas das respectivas normativa vixentes.

  • Condicións de reprodución Reprodución libre a solicitude do interesado, coa salvidade da protección documental e da salvagarda da súa integridade.

  • CaracterÍsticas fÍsicas e requirimentos técnicos En soporte papel na súa totalidade, cun bo estado de conservación. Aprécianse notables perdas documentais.

  • Instrumentos de descrición Guía e cadro de clasificación publicados e informatizados. Inventario somero e detallado en papel.

Área de documentación

  • Existencia e localización de orixinais Non se coñece a existencia de orixinais fóra do arquivo.

  • Existencia e localización de copias Non se coñecen, agás naquela documentación derivada dun proceso de colaboración con outras administracións (eleccións, padróns de habitantes e de impostos...).

  • Unidades de descrición relacionadas Pola realidade administrativa do eido local podería atoparse documentación directamente relacionada coa Entidade Local Menor e as súas actividades en arquivos doutras administracións do seu ámbito xeográfico, especialmente no Arquivo municipal de Caldas de Reis, no Arquivo da Deputación Provincial e no Arquivo Histórico Provincial.

Área de notas

  • Nota O arquivo da Entidade Local Menor supón un sistema arquivístico simple, coa función de recoller, conservar e servir a documentación xerada no decurso da xestión administrativa nas súas oficinas. Carece aínda dunha estructura propia e diferenciada que nos permita considerar a existencia dun arquivo na totalidade e amplitude do termo.

Puntos de acceso

Área de control da descrición