Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido O arquivo desta Entidade conta con sesenta e dúas unidades de instalación, que supoñen a penas seis metros lineais. Conservan a documentación desde a súa creación no ano 1935 até a actualidade. Poden consultarse a totalidade dos libros de actas da Xunta Veciñal correspondente ao período que vai do ano 1935 até os nosos días. Outra documentación especialmente destacable serían os expedientes dos aproveitamentos de madeiras do período comprendido entre 1950 e 1998 e a documentación presupostaria dende 1951, que supón o 92% do total do fondo documental.

• Valoración, selección e eliminación A pesar da existencia de manuais e estudos de valoración e expurgo documental, tendo en conta a inexistencia dunha consistente argumentación técnica e legal, ademais da escaseza do fondo xa de por si conservado, a única eliminación levada a cabo foi a dos duplicados, fotocopias ou publicacións periódicas que acompañaban aos documentos e expedientes.

• Novos ingresos Transferencias anuais incorporadas polo Servizo Técnico do Patrimonio Documental.

• Organizació

  CADRO DE CLASIFICACIÓN
  
  0.-  ÓRGANOS SUPERIORES
  
  1.- GOBERNO
  
  1.1.- XUNTA ADMINISTRATIVA
  1.2.- ALCALDE PEDÁNEO
  1.3.- COMISIÓNS ESPECIAIS
  
  2.- XESTIÓN  ADMINISTRATIVA E SERVIZOS
  
  2.1.- XESTIÓN ADMINISTRATIVA
  
  2.1.1.- SECRETARÍA
  2.1.2.- REXISTRO XERAL
  2.1.3.- PATRIMONIO. CONTRATACIÓN
  2.1.4.- PERSOAL
  2.1.5.- ELECCIÓNS
  2.1.6.- ARQUIVO
  
  2.2.- XESTIÓN DE SERVIZOS
  
  2.2.1.- OBRAS E URBANISMO
  2.2.2.- SEGURIDADE CIDADÁ
  2.2.3.- EDUCACIÓN. CULTURA. DEPORTES
  2.2.4.-  PRESTACIÓN SOCIAL SUBSTITUTORIA
  2.2.5.- SANIDADE E MEDIO AMBIENTE
  2.2.6.- SERVIZOS SOCIAIS
  
  
  3.- XESTIÓN ECONÓMICA
  
  3.1.- PRESUPOSTO ORDINARIO
  3.2.- PRESUPOSTO EXTRAORDINARIO
  3.3.- FACTURAS E EXTRACTOS BANCARIOS

Área de condicións de acceso e utilización

• Condicións que rexen o acceso Documentación de carácter público, de consulta libre agás as limitacións legais derivadas das respectivas normativa vixentes.

• Condicións de reprodución Reprodución libre a solicitude do interesado, coa salvidade da protección documental e da salvagarda da súa integridade

• CaracterÍsticas fÍsicas e requirimentos técnicos En soporte papel na súa totalidade, cun bo estado de conservación. Aprécianse notables perdas documentais

• Instrumentos de descrición Guía e cadro de clasificación publicados e informatizados. Inventario somero e detallado en papel.

Área de documentación

• Existencia e localización de orixinais Non se coñece a existencia de orixinais fóra do arquivo.

• Existencia e localización de copias Non se coñecen, agás naquela documentación derivada dun proceso de colaboración con outras administracións (eleccións, padróns de habitantes e de impostos...).

• Unidades de descrición relacionadas Pola realidade administrativa do eido local podería atoparse documentación directamente relacionada coa Entidade Local Menor e as súas actividades en arquivos doutras administracións do seu ámbito xeográfico, especialmente no Arquivo municipal de Caldas de Reis, no Arquivo da Deputación Provincial e no Arquivo Histórico Provincial.

Área de notas

• Nota O arquivo da Entidade Local Menor supón un sistema arquivístico simple, coa función de recoller, conservar e servir a documentación xerada no decurso da xestión administrativa nas súas oficinas. Carece aínda dunha estrutura propia e diferenciada que nos permita considerar a existencia dun arquivo na totalidade e amplitude do termo.

Puntos de acceso

• Puntos de acceso de materias Entidade local menor España Galicia Pontevedra Mondariz Queimadelos (Santa María)

• Puntos de acceso de topónimos España Galicia Pontevedra Mondariz Queimadelos (Santa María)

• Nome dos puntos de acceso Entidade Local Menor de Queimadelos (Tema) (Creador)

Área de control da descrición