Fondos
ES.GA.36900.AAPO. ARQUIVO DA AUTORIDADE PORTUARIA DE MARÍN E RÍA DE PONTEVEDRA
ARQUIVO DA AUTORIDADE PORTUARIA DE MARÍN E RÍA DE PONTEVEDRA
Área de identificación
Código(s) de referencia ES.GA.36900.AAPO
Título ARQUIVO DA AUTORIDADE PORTUARIA DE MARÍN E RÍA DE PONTEVEDRA
Data(s) 1867-2015 (Creación)
Volume e soporte Máis de 7.500 unidades de instalación en soporte papel e outros materiais
Área de contexto
Nome do produtor Autoridade Portuaria de Marín e Ría de Pontevedra(1886-2015) O 30 de agosto de 1886 Marín comeza a ser porto de interese xeral de segunda orde a nivel estatal, iniciando unha nova etapa da súa Historia. A Junta de Obras del Puerto y Ría de Pontevedra dende o 23 de setembro de 1907 administrará todos os portos da Ría variando de nome oficial pero sin cambios nas súas competencias ata o ano 1982 cando o Estado lle transfire os portos á Xunta de Galicia, excepto Marín que por ser porto de interese xeral do Estado pasa a depender da Autoridade Portuaria de Marín e Ría de Pontevedra dende 1993, entidade xestora da que depende o conxunto de espazos terrestres, augas marítimas e instalacións portuarias actuais.
Institución arquivística Arquivo da Autoridade Portuaria de Marín e Ría de Pontevedra
Historia arquivística O servizo de Documentación está dixido por Marina Díaz Paredes. Compromiso iniciado no mes de abril de 1997, tratase dun arquivo en crecemento constante no que os documentos tanto teñen valor histórico como administrativo. O depósito documental consta de 300 metros cadrados compartidos polo arquivo e a Biblioteca especializada en temas portuarios. No recinto portuario de Marín están situadas as oficinas administrativas, un edificio compartido con Capitanía Marítima. A nave onde está o arquivo portuario atópase no sector de reparacións, que comparte principalmente cunha Escola de Formación de actividades do sector. As instalacións do arquivo sitúanse nunha planta baixa e constan de depósito e sala de consulta. Son 200 metros cadrados compartidos polo arquivo portuario e a biblioteca especializada, cunha organización informatizada dos instrumentos de descrición de ambos. A organización e custodia está ao cargo de Marina Díaz Paredes. Compromiso iniciado no mes de abril de 1997, tratase dun arquivo en crecemento constante no que os documentos tanto teñen valor histórico coma administrativo.
Forma do ingreso Por transferencia directa ao arquivo coincidindo co seu escaso uso administrativo
Área de contido e estrutura
Alcance e contido O fondo constitúe a xestión da entidade desde os seus inicios, aínda que se conservan documentos anteriores. Entre os documentos custodiados máis interesantes destacamos: · *Libros de actas da Entidade (dende 1907). · *Estatística peninsular e particular sobre tráfico mercantil e pesqueiro desde 1935. · *Plans e índices de actividade da Dirección Xeral de Portos cos informes mensuais de 1964 ata 1972. · *Rexistro de correspondencia dende 1907. · *Documentos sobre a denominación do organismo e terreos · *Adquisicións de bens mobles dende 1907. · *Vendas e poxas de inmobles dende 1914. · *Expropiacións dende 1915 ata 1987. · *Deslindes dende 1914 ata 1979. · *Permutas dende 1913. · *Lindes dende 1889 ata 1998. · *Estudos sobre infraestruturas e servizos pesqueiros, protección medioambiental, valoración de terreos, de sinais marítimos, de seguridade no porto, de mercado, xeotécnicos · *Plans xerais dos portos de 1948, 1952, 1967 e do período 1968-1971. · *Informacións públicas dos plans xerais dende 1923. · *Plan especial de ordenación do porto de 1994 ata 2000. · *Expedientes de obras nos portos de Bueu (1901-1986), Marín (dende 1883), Pontevedra (1894-1974), Sanxenxo (1931- 1954), ría de Pontevedra (1904-1969), A Illa de Ons (dende 1935). · *Certificacións e relacións valoradas de obras (dende 1899). · *Informacións públicas de proxectos (dende 1921). · *Proxectos nos portos de Bueu (1905-1983), Marín (dende 1883), Pontevedra (1867-1993), Sanxenxo (1923), ría de Pontevedra (1867-1957), A Illa de Ons (dende 1932), outros portos da ría (1932-1936). · *Expedientes do ferrocarril (dende 1920) e proxectos de ferrocarril (dende 1885). · *Expedientes de accesos e estradas (1948-1983) e proxectos (dende 1940). · *Expedientes sobre sondaxes (dende 1928) e sondaxes ( dende 1969). · *Sinais marítimos: expedientes e proxectos · *Observacións de mareas (1912-1986). · *Intensidade do vento (1976-1996). · *Orzamentos de conservación ( dende 1898). · *Concesións e autorizacións de obras: expedientes e proxectos das diversas instalacións relacionadas co sector industrial portuario -lonxa, fábricas de salazón, fábricas de xeo, frigoríficos- e industrias instaladas na ría como Ence, Tafisa e Elnosa (dende 1899). · *Servizos portuarios facturados e recadados. a partires de 1935 · *Control de buques e movemento de mercadorías, operacións de guindastres e básculas, o tráfico mercantil e pesqueiro. · *Raxó (1939-1948); *Imposto de transporte (todos: 1932-1938); *Partes de explotación de todas as tarifas en Bueu, Portonovo, Marín, Estribela, Pontevedra e Sanxenxo dende 1936; dende setembro de 1966 en Marín, Pontevedra e Bueu e dende 1983 os datos de Pontevedra e Marín. · *Rexistro de pagamento das taxas: 17.07(aluguer de lonxa, 2% de pesca, superficie, uso xeral do porto) e outras taxas nos portos de Combarro, Raxó, Portonovo, O Grove e Aldán (1952-1977). · *Rexistro de recadación de servizos portuarios e concesións de Marín, Bueu, Estribela, Sanxenxo e Pontevedra (1949- 1984). · *Orzamentos de conservación dos portos de Pontevedra, Marín, Bueu e Sanxenxo dende 1925. · *Orzamentos de ingresos e gastos, contas liquidacións, rexistros de pagamentos e ingresos dende 1926. · *Gastos mensuais xustificados de conservación, de explotación, de obras, de Secretaría, de Dirección, de Montepío, etc. e ingresos desde 1930. · Libros de contabilidade a partires de 1908: diario, actas de arqueo, libro maior. · *Escola Naval: expedientes (1915-1962) e proxectos (1944-1951). No fondo gráfico pode admirarse a evolución da ría de Pontevedra, da súa costa, dos seus lugares, da evolución dos portos. No fondo cartográfico os orixinais únicos son verdadeiras xoias tanto pola súa antigüidade coma pola maestría do traballo elaborado. Cabe engadir a Biblioteca Especializada tanto de publicacións actuais coma as coleccións antigas, de grande interese sobre o sector portuario, obras públicas en xeral, arquitectura e enxeñería; publicacións locais, lexislación, informes de prensa dedicados á actividade, xestión e obras portuarias; as memorias anuais dos portos galegos. Fondo que pode servirnos de importante complemento de estudo da documentación do Arquivo.
Valoración, selección e eliminación Os documentos antigos, tanto orixinais coma copias, teñen valor histórico e non son eliminados. Nos documentos actuais faise a selección dos orixinais e elíminanse as súas copias.
Novos ingresos As transferencias dependen da actividade administrativa e xestións das diferentes áreas da Autoridade Portuaria.
Área de condicións de acceso e utilización
Condicións que rexen o acceso Os documentos son públicos e a súa consulta é libre agás as limitacións legais atendendo á normativa vixente. Para ó acceso debe presentarse unha instancia da consulta requirida e o seu motivo ante a Autoridade Portuaria
Condicións de reprodución A reprodución dos documentos, nos diferentes soportes nos que se conservan -coa excepción da protección documental e da salvagarda da súa integridade- poden realizarse tras solicitar os servizos de reprodución e pagar as taxas propias do servizo
CaracterÍsticas fÍsicas e requirimentos técnicos Os documentos de xestión da Entidade sobre papel presentan un bo estado de conservación grazas ao sistema de control higrotérmico do depósito.
Instrumentos de descrición Cadro de clasificación e inventario informatizado.
Área de documentación
Existencia e localización de orixinais Os documentos máis antigos poden atoparse no arquivo dependente da orde do Císter no mosteiro de Oseira (no caso de que non sufriran o incendio das súas instalacións no século XX) e algúns dos contemporáneos atoparanse no Arquivo da Administración do Estado (AGA) en Alcalá de Henares (Madrid) porque dende o século XX pasa a depender do Ministerio de Obras Públicas ou Fomento. Algúns dos documentos da xestión portuaria foron entregados ó Grupo de Portos de Pontevedra no ano 1964, o Servicio de Costas provincial e outros á Xunta de Galicia en 1983. Pero da maioría consérvanse copias
Existencia e localización de copias Ademais dos nomeados, podemos atopar documentos portuarios no arquivo histórico de Pontevedra, no arquivo da Deputación, nos arquivos municipais con porto dependente desta entidade durante case todo o século XX, no arquivo do Ministerio de Transportes, Puertos del Estado, Subdelegación do Goberno, arquivos de RENFE e arquivos doutras autoridades portuarias.
Unidades de descrición relacionadas A maioría das nomeadas e organismos e empresas con documentación relacionada coas actividades económicas, industriais, comerciais, obras públicas.
Ãrea de notas
Nota As instalacións do arquivo portuario é o complemento cultural das actividades diarias dun porto. Un conxunto de documentos en diferentes soportes e formatos conservados nun local con condicións ambientais e sistemas contra calquera efecto extrano e incendio na procura da custodia do patrimonio documental da Administración. Ten o servizo de lectura e estudo en sala para investigadores e serve como centro de documentación completo favorecendo á procura de calquera cuestión para a boa xestión dos servizos da Autoridade Portuaria.
Puntos de acceso
Puntos de acceso de materias Porto España Galicia Pontevedra Marín Marín (Santa María do Porto) Marín (Marín)
Puntos de acceso de topónimos España Galicia Pontevedra Marín Marín (Santa María do Porto) Pontevedra (San Bartolomeu e Santa María) Marín (Marín)
Nome dos puntos de acceso Autoridade Portuaria de Marín e Ría de Pontevedra (Tema) (Creador)