Servicio de patrimonio documental e bibliográfico - Deputación de Pontevedra

Nace esta colección como un último paso de difusión dos fondos documentais municipais da provincia de Pontevedra, dentro dos traballos do Plan de Organización de Archivos Municipales, que se iniciou en 1981. Cada un dos seus títulos contén unha pequena guía con información xeral sobre fondos e instalacións así como os instrumentos de descrición máis xenéricos –cadro de clasificación específico e inventario superficial– que se elaboraron no proceso de organización de cada arquivo. Vilanova de Arousa foi visitado en 1983, iniciándose os traballos de organización no mesmo ano. Constitúe o número catro da colección, con 840 libros e 1021 cartafoles; os libros de Actas comezaban cedo, en 1835, e as Actas de eleccións municipais dende 1844.