Número 12
Inventario. Archivo municipal de Meis
Nace esta colección como un último paso de difusión dos fondos documentais municipais da provincia de Pontevedra, dentro dos traballos do Plan de Organización de Archivos Municipales, que se iniciou en 1981. Cada un dos seus títulos contén unha pequena guía con información xeral sobre fondos e instalacións así como os instrumentos de descrición máis xenéricos –cadro de clasificación específico e inventario superficial– que se elaboraron no proceso de organización de cada arquivo. En 1986 iníciase a organización dos fondos do Concello de Meis mediante convenio entre o INEM e o Concello, coordinada polo equipo técnico da Deputación. O incendio de 1930 destruíra o almacenado ata esa data, polo que o volume documental é significativamente escaso e recente: 509 libros e 389 cartafoles.
