Servicio de patrimonio documental e bibliográfico - Deputación de Pontevedra

O libro recolle unha completa colección de postais de Vilagarcía que nos permiten realizar unha viaxe a esta vila entre os anos 1900 e 1936. Máis de duascentas compoñen a colección, a maioría tiradas nos anos 1900 a 1914, a época dourada das tarxetas postais. Toda esta parte gráfica acompáñase así mesmo de escritos e noticias aparecidas no diario local da época, “Galicia nueva”, que abarca o período 1907-1938, unha das fontes históricas fundamentais para os traballos de investigación sobre o concello e que axudan a recuperar a nosa memoria colectiva.