Servicio de patrimonio documental e bibliográfico - Deputación de Pontevedra

Manuel Álvarez Torneiro (A Coruña, 1932) é xornalista e poeta. A súa xa longa obra inclúe títulos en castelán, como Desnudo en barro e Cenizas en el salmo, e, sobre todo, en galego. No noso idioma, desde Memoria dun silencio (1982), publicou os poemarios Fértil corpo do soño, Restauración dos días, As voces consagradas, As doazóns do incendio, Rigorosamente humano, Habitante único, Luz de facer memoria, Campo segado, Epicentro (Tambo, 2003) e Setembro Stradivarius (Tambo, 2004). Recibiu os premios da Crítica, Esquío e Miguel González Garcés; este, en dúas ocasións.