Servicio de patrimonio documental e bibliográfico - Deputación de Pontevedra

Cúmprense douscentos anos da batalla de Pontesampaio, onde o exército francés foi derrotado polos veciños da comarca; esta fazaña foi homenaxeada cen anos despois pola cidade de Pontevedra, coa inauguración en 1911 dun monumento esculpido por Julio González Pola, diante da Casa do Concello e presidindo a Alameda. O monumento reproduce ós heroes erguidos en armas trala vitoria de Pontesampaio. O libro céntrase na homenaxe ós heroes de Pontesampaio a través dunha serie de fotografías e noticias; móstranos a evolución da cidade de Pontevedra, o monumento e o espazo onde se asenta dende hai tantos anos.