Los hermanos Rodríguez Barros. Tres décadas del mejor ciclismo nacional
O libro narra a vida e palmarés dos irmáns ciclistas Rodríguez Barros. Delio, o primeiro dos irmáns, nace en 1916, Pastor en 1921, Emilio no 23 e Manolo en 1926. Case 3 décadas transcorren dende os inicios de Delio é o final da carreira de Manolo. Os catro irmáns constitúen unha das sagas máis dotadas na historia do ciclismo mundial. Aínda que os irmáns Rodríguez Barros non tiveron oportunidades de competir no estranxeiro, os resultados obtidos en España servíronlle para sumar puntos e acadar posicións no ranking mundial. Delio ocupou o sexto posto mundial nos nados entre 1915 e 1919 e o posto dezanove nos nados entre 1920 e 1924. Asemade Delio figura en 3 ocasións na lista de gañadores de etapas da Volta a España, na que gañou 12 etapas en 1941, 8 en 1942 e 8 en 1947. En España houbo algunhas dinastías notables de ciclistas, unha das máis coñecidas é a dos irmáns Trueba, Vicente e Fermín, e a dos Bover, os irmáns Morales de Balmaseda, os Montero, os Lejarreta e os Lasa; ningunha delas suma tantas vitorias e tan importantes coma os irmáns Rodríguez. Entre os 4 irmáns sempre acadaron postos de primeira orde na clasificación da Volta a España, ademais de gañar outras etapas e voltas por toda España. Os catro irmáns pasaron por moitos equipos diferentes, por exemplo Emilio correu no Sangalhos, Ideo, Galicia…, Delio no Fabas ou Fiorelli, Manolo no Agris radio, Sangalhos, Palomam, Galicia, e Pastor no Agris Radio.
