Plagas y enfermedades de los cultivos de brásicas
Esta publicación trata sobre as pragas e enfermidades que poden afectar ás brásicas; a súa bioloxía, os síntomas, os danos e as recomendacións máis axeitadas para atallalos. O xénero de Brassica pertence á familia das Crucíferas, integrada por 350 xéneros e unhas 3.500 especies. As brásicas aplícanse na alimentación humana e animal, na industria e na ornamentación. En Galicia o cultivo de brásicas ten unha grande importancia xa que estas hortalizas son a base da dieta tradicional. As tres especies que se cultivan na nosa Comunidade son: oleracea (berza, repolo), rapa (nabos, nabizas e grelos) e napus (nabicol). As brásicas teñen un baixo contido en auga; son unha boa fonte de minerais (potasio e calcio), teñen un elevado contido en vitaminas, un gran número de nutrientes e un alto contido en fibra. Os cultivos de brásicas son atacados por numerosas pragas (lepidópteros, dípteros, homópteros, heterópteros, coleópteros…) que provocan importantes pérdidas nas colleitas; os métodos de control poden ser: agronómico, biolóxico, químico, xenético e integrado. As enfermidades que poden afectar ás brásicas son bacterianas, fúnxicas, víricas ou causadas por nematodos. O libro vén sumarse á colección “Natureza galega”, editada polo Servizo de Publicacións desta Deputación, unha serie que engrosa un amplo número de títulos que teñen na natureza o eixe fundamental de estudo. Esta colección recolle títulos coma: “De la reforestación de Pontevedra. El gran proyecto de Daniel de la Sota hecho realidad 1927-1958”, “Centro forestal de investigación Lourizán” (DVD), “Árbores e arbustos do castelo de Sobroso”, “Nuestro agro”, “Sanidad de la vid en Galicia”…
