Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión ordinaria en primeira convocatoria, celebrada polo Pleno desta Deputación o día, 29 de xaneiro de 2010 No Salón de sesións da Deputación Provincial de Pontevedra, sendo as once horas e cinco minutos do día vinte e nove de xaneiro do ano dous mil dez, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, Dona Isaura Abelairas Rodríguez, D. Francisco Xabier Alonso Pérez, D. Silvestre José Balseiros Guinarte, Dona Francisca Canal Gómez, D. Xosé Crespo Iglesias, D. José Juan Durán Hermida, D. José Amador Eiras Paz, D. Jesús María Fernández Portela, D. José Manuel Figueroa Vila, D. Emilio González Iglesias, D. Juan A. González Pérez, D. Salvador González Solla, D. Rafael Lores Rosal, D. Gabriel Martínez Giráldez, D. Xosé Cesáreo Mosquera Lorenzo, D. Constante Juan Muradas Ramos, D. José Antonio Olmedo Granja, D. Juan Luciano Otero Besada, Dona Mª Teresa Pedrosa Silva, D. Severino Reguera Varela, D. Daniel Rodas Chapela, D. Perfecto Rodríguez Muíños, D. Xosé Carlos Silva Mariño, D. José Enrique Sotelo Villar e D. Jesús Vázquez Almuiña, co obxecto de celebrar sesión ordinaria do Pleno da Deputación, en primeira convocatoria, consonte á correspondente orde do día. Non asiste o Sr. Deputado D. Pauliño Damián Del Río Iglesias. Da fé do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: Sr. Presidente.- Bueno. Moi bos días. Vamos a dar comezo a este Pleno ordinario que ten a seguinte orde do día. 1.5904.- ACTA ANTERIOR Sr. Presidente.- Primeiro. Aprobación do borrador da acta da anterior sesión, extraordinaria, do día 22 de decembro de 2009. Apróbase. Acórdase por unanimidade aprobar o borrador da acta da anterior sesión, extraordinaria, do día 22 de decembro de 2009. 2.5905.- APROBACIÓN INICIAL DO PROXECTO “MELLORA DE ENLACES NA EP 9703 VILANOVA-PONTEARNELAS”. EXPOSICIÓN PÚBLICA DO MESMO E DO EXPEDIENTE DE EXPROPIACIÓN. DECLARACIÓN DE UTILIDADE PÚBLICA DA OBRA. SOLICITUDE Á XUNTA DE GALICIA DA DECLARACIÓN DE URXENTE OCUPACIÓN. MOTIVACIÓN DA URXENCIA Sr. Presidente.- O punto número 2. É a aprobación inicial do proxecto de mellora de enlaces na estrada provincial 9703 Vilanova-Pontearnelas, exposición pública do mesmo e do expediente de expropiación, declaración de utilidade pública da obra, solicitude á Xunta de Galicia da declaración de urxente ocupación e motivación da urxencia. ¿Votos en contra?. ¿Abstencións?. ¿A favor?. O proxecto “Mellora de enlaces na EP-9703 Vilanova-Pontearnelas” está dotado dun orzamento para coñecemento da Administración de 36.262,98 euros, desagregado en orzamento de execución por contrata por importe de 26.710,60 euros e capítulo de expropiacións nunha contía que ascende a 9.552,38 euros. Ante a recente construción da variante de enlace da EP-9703 de Vilanova a Pontearnelas coa PO-300 de Pontevedra a Cambados, así como a intersección da EP-9703 coa EP-9002 de Fefiñáns a Oubiña, é necesario reorganizar o tráfico na zona inmediata á glorieta de Pontearnelas ó obxecto de mellorar a seguridade viaria e o acondicionamento dos accesos a leiras lindantes co citado viario de Vilanova a Pontearnelas. É por iso que o obxecto do presente proxecto é definir as características técnicas necesarias para a execución de viais de espera nas interseccións referidas, ademais de mellorar os camiños lindantes. Como queira que a obra leva consigo a afección de terreos de particulares resulta imprescindible iniciar un expediente de expropiación forzosa o carácter urxente da cal queda sobradamente xustificado polos motivos antes expostos. Á vista do informe emitido polo Servizo de Infraestruturas advertindo da necesidade de acometer con urxencia a devandita obra o Pleno acorda por unanimidade: 1. A aprobación inicial do proxecto “Mellora de enlaces na EP-9703 Vilanova-Pontearnelas” que está dotado dun orzamento para coñecemento da Administración de 36.262,98 euros, desagregado en orzamento de execución por contrata por importe de 26.710,60 euros e capítulo de expropiacións nunha contía que ascende a 9.552,38 euros. 2. A exposición pública deste e do expediente de expropiación que leva consigo, polo prazo regulamentario, para os efectos de posibles reclamacións, entendéndose aprobado definitivamente, de forma automática, en caso de non se producir as mesmas. A relación de propietarios e bens afectados é a que se detalla a continuación: PARCELA PROPIETARIO BENS 1 Luis Oubiña Otero Dirección: Lugar de Bouza do Rei, nº 36 (Oubiña) - Cambados 60,00 m2 Terreo ocupado 2 Lucía Leiro Blanco Dirección: Lugar de Bouza do Rei, nº 24 (Oubiña) - Cambados 125,00 m2 Terreo ocupado 3 Marcelino Señoráns Santorum Dirección: Lugar de A Medoña, nº 3 - Meis 101,00 m2 Terreo ocupado 4 Jaime Santos Moares Dirección: Solobeira, nº 2 – Vilagarcía de Arousa 62,75 m2 Terreo ocupado 37,00 ml Muro mampostería ordinaria 20,00 uds. Cepas de viña 3. A declaración de utilidade pública da obra con base no informe emitido polo Enxeñeiro Técnico Xefe da Zona Centro advertindo da premura que reviste a execución da obra. 4. A solicitude á Xunta de Galicia da declaración de urxente ocupación dos bens e terreos afectados pola referida obra. 5. A motivación da urxencia que se pretende dar ás expropiacións que xera o proxecto xa que ante a recente construción da variante de enlace da estrada provincial EP-9703 de Vilanova a Pontearnelas coa PO-300 de Pontevedra a Cambados, así como a intersección da EP-9703 coa EP-9002 de Fefiñáns a Oubiña, é necesario reorganizar o tráfico na zona inmediata á glorieta de Pontearnelas ó obxecto de mellorar a seguridade viaria e o acondicionamento dos accesos a leiras lindantes co citado viario de Vilanova a Pontearnelas. É por iso que o obxecto do presente proxecto é definir as características técnicas necesarias para a execución de viais de espera nas interseccións referidas, ademais de mellorar os camiños lindantes. Como queira que a obra leva consigo a afección de terreos de particulares resulta imprescindible iniciar un expediente de expropiación forzosa, o carácter urxente da cal queda sobradamente xustificado polos motivos antes expostos. 3.5906.- CORRECCIÓN DE ERROS NA RELACIÓN DE POSTOS DE TRABALLO DE PERSOAL FUNCIONARIO E LABORAL DA DEPUTACIÓN PROVINCIAL DE PONTEVEDRA APROBADA XUNTO CO ORZAMENTO PARA O EXERCICIO DE 2010 Sr. Presidente.- Punto número 3. Corrección de erros na relación de postos de traballo de persoal funcionario e laboral da Deputación Provincial de Pontevedra aprobada xunto co orzamento para o exercicio de 2010. ¿Votos en contra?. ¿Abstencións?. ¿A favor?. Ó amparo do disposto no artigo 105.2 da Lei 30/92, de 26 de novembro, de réxime xurídico das administración públicas e do procedemento administrativo común e considerando os acordos adoptados na Mesa de Negociación do Orzamento Provincial para o exercicio 2010, o Pleno, de conformidade co ditame da Comisión Informativa de Economía, Facenda e Turismo, acorda por maioría de votos a favor do PP e coas abstencións do PSdeG-PSOE e do BNG, o seguinte: 1.- Modificar a relación de postos de traballo de persoal funcionario e laboral da Deputación Provincial aprobada xunto co Orzamento Provincial para o ano 2010 por acordo adoptado no Pleno da Corporación Provincial en sesión celebrada o 22 de decembro de 2009, nos termos que a continuación se sinalan, sen que estas variacións inflúan no montante total do orzamento: a) Na relación de postos de traballo de persoal laboral fixo adscrito á Imprenta Provincial asígnase ó posto de traballo de “Técnico auxiliar maquinista offset” por equiparación ós demais postos o nivel 22 en lugar do 20. b) Na relación de postos de traballo de persoal funcionario adscritos á Secretaría Particular asígnase ó posto de traballo de Xefe de Actos Públicos e Protocolo o nivel 25 de Xefe de Sección en lugar do 24. c) No anexo de contratacións laborais temporais adscríbese a previsión de dous postos de traballo de operador telefonista á Secretaría Xeral en lugar de ó Servizo de Novas Tecnoloxías. d) Na relación de postos de traballo de persoal funcionario adscrito a Patrimonio Documental e Bibliográfico asígnase ós postos de traballo de Corrector de Probas e Operador de Ordenadores Persoais e Redes, a denominación de Xefe de Negociado, ó terse equiparado economicamente a dito posto. e) Na relación de postos de traballo de persoal funcionario adscrito á Estación Fitopatolóxica do Areeiro rectifícase a denominación da praza e posto de traballo de Encargado de Viveiros e Tratamentos Fitosanitarios do nivel 18 por Oficial de Viveiros e Tratamentos Fitosanitarios do nivel 17, manténdose o mesmo Grupo de clasificación. 2.- Modificar as codificacións das aplicacións orzamentarias que a continuación se relacionan e dos conceptos de ingresos aprobados no orzamento para o exercicio 2010, de acordo coa nova estrutura orzamentaria para as Entidades Locais (Orde EHA/3565/2008 de 3 de decembro), polos problemas técnicos que se presentaron no programa de xestión de Recursos Humanos ó tramitar a nómina e polas incompatibilidades nas clasificacións orgánicas e nalgún grupo de programas ó coincidir a nova clasificación coa anterior en centros xestores distintos: - Centro Xestor Medio Natural, Rural e Mariño: a clasificación orgánica cambia de “412” a “411”. - Centro Xestor Infraestruturas: a clasificación orgánica modifícase de “450” a “456”. - Centro Xestor Arquitectura: a clasificación orgánica cambia de “451” a “457”. - As aplicacións orzamentarias do proxecto Pousadas: cambian de grupo de programa de “432” a “430”. - As seguintes aplicacións modifican o seu grupo de programa: CODIFICACIÓN INICIAL CÓDIGOS RESULTANTES ANO ORGÁNICO GRUPO PROGRAMA ECONÓMICA ANO ORGÁNICO GRUPO PROGRAMA ECONÓMICA 10/ 332 332 23020 10/ 332 330 23020 10/ 332 332 23120 10/ 332 330 23120 10/ 332 332 48101 10/ 332 330 48101 10/ 336 336 23020 10/ 336 330 23020 10/ 336 336 23120 10/ 336 330 23120 10/ 340 341 48101 10/ 340 340 48101 10/ 410 419 48101 10/ 410 410 48101 4.5907- MOCIÓN DA PRESIDENCIA SOBRE NOMEAMENTO DE REPRESENTANTE DA DEPUTACIÓN NO CONSORCIO PARA O SERVIZO CONTRA INCENDIOS E SALVAMENTO DA COMARCA DO MORRAZO Sr. Presidente.- Punto número 4. Moción da Presidencia sobre nomeamento de representante da Deputación no Consorcio para o servizo contra incendios e salvamento da Comarca do Morrazo. Sr. Secretario.- Bien, el acuerdo sería “modificar o acordo adoptado na sesión plenaria de 12 de xullo de 2007 no sentido de designar representante desta Deputación no Consorcio para os Servizos Contra Incendios e Salvamento da Comarca do Morrazo á Deputada Provincial Dona Francisca Canal Gómez, en substitución de D. Agustín Reguera Ocampo. Sr. Presidente.- ¿Votos en contra?. ¿Abstencións?. ¿A favor?. De conformidade co ditame da Comisión Informativa de Réxime Interior e Persoal, o Pleno acorda por maioría de votos a favor do PP e coas abstencións do PSdeG-PSOE e do BNG, aprobar a Moción da Presidencia sobre nomeamento de representante da Deputación no Consorcio para o Servizo Contra Incendios e Salvamento da Comarca do Morrazo. Dita Moción é como segue: Dada conta de que o Pleno, en sesión celebrada o 12 de xullo de 2007, aprobou Moción desta Presidencia sobre nomeamento de representantes da Deputación en órganos colexiados. Resultando que os representantes designados no Consorcio para o Servizo Contra Incendios e Salvamento da Comarca do Morrazo foron D. José Enrique Sotelo Villar, Dona Mª Teresa Pedrosa Silva e D. Agustín Reguera Ocampo como titulares, e D. José Juan Durán Hermida, D. José Manuel Figueroa Vila e D. Severino Reguera Varela, como suplentes. Resultando que como consecuencia da renuncia ó seu cargo do deputado provincial D. Agustín Reguera Ocampo é preciso efectuar novo nomeamento de representante no devandito Consorcio. Considerando que o art. 58 c) do RD 2568/1986, de 28 de novembro, determina que tal designación corresponde ó Pleno. Esta Presidencia somete á consideración do Pleno a adopción do seguinte acordo: “Modificar o acordo adoptado na sesión plenaria de 12 de xullo de 2007, no sentido de designar representante desta Deputación no Consorcio para o Servizo contra Incendios e Salvamento da Comarca do Morrazo á deputada provincial Dona Francisca Canal Gómez en substitución de D. Agustín Reguera Ocampo”. 5.5908.- COMUNICACIÓNS Sr. Presidente.- Comunicacións. Sr. Secretario.- Los extractos de las Resoluciones Presidenciales dictadas entre el 17 de decembro de 2009 e o 25 de xaneiro do presente ano. Queda enterado o Pleno das seguintes: - De extractos de Resolucións Presidenciais ditadas pola Presidencia entre os días 17 de decembro do ano 2009 e o 25 de xaneiro do ano 2010 e que foron trasladados ós Voceiros dos distintos grupos políticos. FÓRA DA ORDE DO DÍA, tratouse o seguinte asunto: 6.5909.- MOCIÓN DO PSdeG-PSOE EN RELACIÓN CON TAXA POLA DESINFECCIÓN DOS TRANSPORTES GANDEIROS Sr. Presidente.- Fóra da orde do día. Preséntase unha moción por parte do Partido Socialista relativa á implantación da nova taxa pola desinfección de transportes gandeiros e instar á Xunta para esixir a retirada desta taxa e que sega manténdose de xeito gratuito. Isto entrou onte. D. Emilio González. Sr. González Iglesias.- Si, entendemos que debe tratarse a moción posto que a urxencia vén dada de que o día, o luns entra en vigor o cobro da taxa, polo tanto entendemos que esa é razón suficiente para xustificar a urxencia da moción. Sr. Presidente.- Bueno, ten a palabra. Sr. Crespo Iglesias.- Si, ben, loxicamente nós non vemos a, na moción, podemos, o tema de urxencia pódese debater pero non vexo que sexa urxente cando as taxas se están cobrando dende hai unha semana, ¿cal é a urxencia?, non é que se vaian a cobrar, estanse cobrando. Sr. González Iglesias.- Vamos a ver, segundo todas as informacións as taxas empézanse a cobrar o día 1, polo tanto a urxencia está clara, e se estamos falando dun proceso que dende hai nove anos era gratuito, e loxicamente empezan a cobrarse, pois entendemos que a urxencia é esa, se quere entrar no fondo da cuestión entramos no fondo da cuestión, pero quixera que primeiro se votara a urxencia, que é o que procede, e a continuación entramos no fondo da cuestión porque hai unha cousa clara, é dicir, … Sr. Crespo Iglesias.- Eu non teño inconveniente ningún en que estudemos a moción, pero loxicamente necesitamos ter datos, porque eu non vin a moción, eu nin sequera a lin. Sr. González Iglesias.- Léolla, non se preocupe e á parte pásanlla aí. Léolla sen ningún problema. Dende a toma de posesión de Núñez Feijoo vimos asistindo a un discurso, dende a Xunta de Galicia, de enfrontamento co Goberno Central nos temas vinculados co sector agrícola. Dende a Xunta e o Partido Popular, vense reclamando ó Goberno Central unha aptitude máis decidida coa Unión Europea ó considerala culpable de todos os males que afectan ó sector agrícola galego. O sector vén arrastrando unha serie de problemas derivados sobre todo polos prezos do leite, que na súa baixa fan que as explotacións gandeiras galegas non sexan competitivas. Pero, dende a Xunta de Galicia, vimos como nos últimos meses estanse adoptando unha serie de medidas que afogan aínda máis o sector galego e sobre todo o pontevedrés. Así primeiro, foi a posta en vigor dunhas taxas polo uso das lonxas de Silleda, que ante o clamor das asociacións gandeiras, os sindicatos, e a denuncia do Partido Socialista, a Xunta tivo que reducilas ó ser inasumibles para os gandeiros da provincia. Agora, a Xunta e o PP volve a anunciar a aplicación dunha nova taxa pola desinfección dos vehículos usados para o transporte de gando. Unha nova medida adoptada unilateralmente por Medio Rural sen o consenso do sector. A provincia de Pontevedra ten na Comarca do Deza ó sector gandeiro como motor económico, e, o Partido Popular non pode por un lado falar da defensa do sector e por outro poñer novas taxas a un sector nunha situación crítica. Non parece normal que agora se impoña o cobro de entre 6 e 25 euros, dependendo do tamaño do vehículo, ós gandeiros, cando este servizo vénse dando de xeito gratuito dende o ano 2001. Esta actuación electoral da Xunta vén a demostrar o seu afán recadatorio e pouco interese polo sector gandeiro da provincia de Pontevedra. Por todo o exposto con anterioridade, presento a seguinte moción: primeiro, que o Pleno da Deputación rexeita a imposición dunha nova taxa pola desinfección dos transportes gandeiros; e segundo, que se dirixa ó Presidente da Xunta de Galicia para esixir a retirada desta taxa e que siga manténdose de xeito gratuita. Isto é o que di a moción. Non di nada máis. Podemos abundar en que loxicamente esta Deputación, que así o fixo noutras cuestións, pode abrir unha liña e pagar esta Deputación ese custe, se é que para a Xunta é inasumible. Pero bueno, iso sería outra cuestión e outro debate. En principio a Moción o que di é isto, e o que queríamos era que se manifestaran nese sentido, se están de acordo ou non. Sr. Crespo Iglesias.- Discutímola se queres, o que pasa é que esta moción é unha moción sistemática que presentaron en todos os concellos da comarca e máis que presentaron aquí. Eu creo que deberíamos de tomar unha posición conxunta, en todo caso debatela non hai ningún problema, deixámola para o próximo Pleno, pero non hai ningún problema, todo o contrario, dígalle, dígalle ós seus correlixionarios de Unións Agrarias que cando redacten a moción que sexan un pouco máis fieles á verdade que poñan o por que, que poñan que o plan de viabilidade Semana Verde feito polo Sr. Méndez Romeu, di que hai que cobrar as taxas pola lonxa e que hai que cobrar as taxas pola desinfección de vehículos. Feito polo PSOE, o Sr. Méndez Romeu que eu saiba non é do PP nin vai ser nunca. Quero dicir que vamos a estudalo, vamos a coller toda a documentación, e non se preocupe, vamos a estudalo, vamos a ter toda a documentación e no próximo Pleno debatémolo, non hai problema ningún, agora a taxa que está, supoño que non é para este centro de desinfección, creo que é … Sr. González Iglesias.- Seguimos debatendo ou non, como vostedes queiran. Sr. Presidente.- Non, vamos a propoñela para que vaia a Comisión, como foi presentada onte, que vaia a Comisión Informativa e como vamos a ter … Sr. González Iglesias.- Van a votar en contra da urxencia. Sr. Presidente.- A min me gustaría que non fixera falta votar a urxencia. Sr. González Iglesias.- Si, nós entendemos que si, que … Sr. Presidente.- Votamos a urxencia, votamos en contra entón da urxencia para levala á Comisión Informativa, se foi presentada onte. Sr. Crespo Iglesias.- Si, si, nós debatémola, levámola á Comisión Informativa, pero eu o que quero Presidente, o que quero é coller todos os datos, porque é xusto o contrario do que vostedes poñen nese papel, o contrario, están vostedes nas antípodas, non, non, é un tema que coñezo persoalmente, eu estiven como representante desta Deputación ... Sr. González Iglesias.- Sr. Crespo, hai unha realidade absolutamente clara. Sr. Crespo, Sr. Crespo, pois preocúpese un pouco máis. Mire, hai unha realidade absolutamente clara, dende o ano 2001 ata agora nunca se cobrou. Sr. Presidente.- Bueno, vamos a propoñela entón para, vamos a votar a urxencia, e xa digo, pode haber algunha cousa que ten unha urxencia inmediata, este non é o caso, pero como vai haber un Pleno extraordinario probablemente pronto, pois vamos a ... Sr. Crespo Iglesias.- Levámolo ó primeiro Pleno que haxa e xa está. Sr. Presidente.- Exactamente, se vai a levar para que nadie teña dúbidas de que o Partido Popular ten especial interese en tratar este tema. ¿Votos en contra da urxencia?. ¿Abstencións?. ¿A favor?. Polo tanto se propón para a Comisión Informativa urxente ese tema. O Pleno acorda por maioría de votos en contra do PP e cos votos a favor do PSdeG-PSOE e do BNG rexeitar a urxencia e que pase á Comisión Informativa correspondente Moción do PSdeG-PSOE en relación con taxa pola desinfección dos transportes gandeiros. 7.5910.- ROGOS E PREGUNTAS Sr. Presidente.- D. Cesáreo Mosquera. Sr. Mosquera Lorenzo.- Grazas Sr. Presidente, tamén polos esforzos para que funcionara a megafonía. Bos días a todos e a todas. Eu, queríamos, quero neste momento, facer un par de consideracións, preguntas ou como se queira dicir. En primeiro lugar, temos escoitado de maneira reiterada por parte do Presidente desta institución e a sazón Presidente do Partido Popular na provincia, que o ideal, o óptimo, o normal, o regular, o decente, o lexítimo, ou non sei que, é que cando se producen unhas eleccións municipais goberne a lista máis votada. Iso valeu en todos os lados menos en Cesures, por exemplo. Pero bueno, parece que agora cambiou de postura e entende que unha maioría da corporación pois ten toda a lexitimidade para gobernar, dígoo polo caso da moción de censura de Porriño, co cal pois alegrámonos moito de que vostede cambiara de postura e agora entenda que as maiorías pois deciden as alcaldías, agardo que o Partido Popular agora aplauda os gobernos saídos das urnas mediante coalicións, agardo que o aplauda. Porque escoitamos cada día un discurso diferente, segundo a ocasión e segundo o que conveña, por parte da mesma persoa, e iso francamente resulta cando menos chocante. A min gustaríame que aclarara certamente se é que cambiou de posición ou segue cos argumentos “ad doc”, ou sexa, un caso de gobernar a lista máis votada, menos en Cesures por exemplo, noutros casos non, segundo toque e demais ou se realmente hai unha conversión de fondo á que as maiorías poden decidir e polo tanto vai aplaudir ós gobernos que están lexitimamente constituídos por maioría. E a segunda, digamos que xa é se se quere menos política, no sentido de institucional, xeral, pero moito máis concreta. Mire, este portavoz tivo que escoitar que estaba dicindo unha falacia, por non dicir palabras máis gordas que se dedicaron, cando se dixo, cando dixo, cando dixen que nese plan de investimentos extraordinarios que facía a Deputación, o concello de Pontevedra e Vigo levaban cero euros. O reparto que eu sepa facíase no 2009, o 2009 pasou, acabou, e que eu sepa os concellos de Pontevedra e Vigo seguen con cero euros, con cero euros, como moito, verdade, unha vaga promesa de estámolo estudando, estamos estudando dar voltas para que segan cos cero euros, parece que é o que están estudando. Pois mire vostede, voulle facer a seguinte proposta, ou sexa que queren estudar, tan simple, mire, o concello de Pontevedra confórmase con que se invista o mesmo que por riba de plans ordinarios se lle está dando ós concellos nos que se deron mocións de censura, confórmase con esa cantidade, facemos as contas, é dicir, ¿canto levou Mos?, Mos creo que vai nestes momentos en catro millóns de euros dende a moción de censura, catro millóns de euros. ¿Canto foron de plans ordinarios?, un e medio, bueno, pois dous e medio, e despois sumamos; e entón si, despois Silleda, Gondomar ou agora O Porriño, levan máis, pois cantidade variable, e Vigo pois o dobre, oe pois sempre o dobre. Este grupo confórmase con que as prevendas a maiores que se lle dá ós concellos onde se produciron esas mocións de censura, argumentada cada un segundo lle petou, con argumento directo, indirecto, circunstancial, segundo convira en cada caso, que se lle dea, creo que os cidadáns de Pontevedra e de Vigo merécense cando menos, merécense cando menos, que non se lle desprece dándolle cero euros, e merecen cando menos, cando menos, a mesma cantidade que se lle premia, que se lle premia, a maiores do que lle toca, repito, a maiores do que lle toca, ós cidadáns deses concellos que tiveron, sufriron ou padeceron as mocións de censura, creo que é un acordo facilísimo, polo de pronto as cifras de Mos están claras, pero podemos falar doutras, entón déanlle, pois vamos falar por exemplo, Vigo o dobre e Pontevedra o mesmo, que se lle dea de prevendas extraordinarias e espurias ou non espurias, dá igual, cualifíqueno como queiran, ós concellos onde houbo mocións de censura, mocións de censura a favor do Partido Popular, creo que é unha proposta extraordinariamente razoable, creo que é extraordinariamente razoable, pero dígano pronto, dígano pronto, porque o 2009 xa pasou e nestes momentos o único que hai certo é que os concellos de Pontevedra e Vigo, os cidadáns de Pontevedra e Vigo levan cero euros, cero euros, cero euros, levan nese plan que se ía a repartir no 2009, e xa pasou o 2009, nós facémoslle a proposta esta, que creo que senón hai intereses tan agachados, que son absolutamente inconfesables, é unha, vamos un descaro político absoluto, creo que é absolutamente aceptable, sentámonos, facemos as contas, canto vai, á parte dos plans e tal, canto vai dado a Mos, canto vai dado, e na mesma proporción, cando se lle deu, porque ó mellor xa se lle deu, pois a Pontevedra dáselle a mesma cantidade e a Vigo o dobre, fácil, fácil de entender, e á parte creo que é absolutamente asumible para calquera que teña o máis mínimo rigor democrático, a 80.000 habitantes darlle o que se dá a maiores, no total, senón a maiores de prevendas, a concellos que en principio non tiñan porque levar ningunha cantidade desas, as cantidades a maiores creo que é unha petición que me atrevería a dicir que é curtiña, que é así, verdade, pouco, vamos, nada esaxerado. Moitas grazas. Sr. Presidente.- Moitas grazas D. Cesáreo Mosquera. Bueno, en relación a ese tema que vostede me plantea, eu o que teño que dicir é que non sei cal é o pensamento, a filosofía do Bloque Nacionalista Galego, cando o Partido Popular pois está a oitenta votos da maioría absoluta ou cousas parecidas, e despois vostedes fan acordos que son antinatura e que dan o resultado que dan. Iso sábeo ben o Partido Socialista, vostedes tamén, e a comprobación da situación nese caso de Porriño veu a demostrar claramente que, bueno, independentemente da relación que eu poida ter co actual alcalde, bueno, pois eu creo que é unha relación cordial, pero de que a xestión alí evidentemente era a que todos vostedes saben, de feito convocou unha concentración para que os veciños respaldasen a súa xestión e creo que había 120 veciños, máis da metade deles eran de fóra. Quero dicir con todo isto que, bueno pois, a realidade dese tema é perfectamente evidente, pero bueno, como vostede abriu o abanico, se quere nos situamos en Gondomar, e xa o dixen aquí, teño que volver a reiteralo, bueno, pois haberá que reiteralo de novo. Vostedes póñense de acordo despois de que os cidadáns deciden, os cidadáns decidiron, pero bueno, como hai un pacto en Santiago que non respecta esa decisión, que vostede di que debería ser a lista máis votada a que goberne, pois se poñen de acordo e fanse cargo da alcaldía de Gondomar, por exemplo, pero despois todo o Partido Socialista, todo, os catro, votan co Partido Popular, iso pasa aí, en Silleda, vostedes son coñecedores porque ademais unha correlixionaria súa se foi, era a única concelleira que había, se foi e creo que xa dixo claramente o que pasaba en Silleda, a maiores do que pasou no Partido Socialista. Polo tanto, todo isto forma parte do seu problema, non é que teñamos nós ningún tipo de interese máis alá do que é resolverlle os problemas ós veciños, e polo tanto o que buscan é ter unha maioría estable. Nese sentido pois debería, eu xa o dixen en varias ocasións, debería haber fórmulas que permitiran, eu estaría de acordo ademais, que permitiran que non houbera neste caso este tipo de mocións, pero están establecidas, ¿son legais?, si, si, pois polo tanto se é un mecanismo legal, pois está aí para poder exercelo, e senón é así, e vostede o ten, digo, con razón, con razón, probablemente, de que hai que dicirlle ós dous partidos, maioritarios neste caso, Partido Popular e Partido Socialista, que se poñan de acordo para este tema, é dicir, vamos a intentar que este tema, sobre todo porque ó mellor eu creo que se causa pois unha imaxe deteriorada na sociedade, en relación ó tema das mocións de censura, porque ten un nome forte, pero é algo, un mecanismo legal que existe, e se queremos poñernos de acordo os dous grandes partidos poñámonos, para evitar que isto suceda. Polo tanto, xa digo, eu pouco máis teño que dicir, que engadir a maiores, porque a min, pois podía irme polas ramas, pero, como me gusta sempre contestarlle, dicirlle que estamos vendo a proposta de inversións de Pontevedra, dicir que a Deputación non para, senón que ademais está investindo en Pontevedra, estamos facendo, neste momento construíndo a ponte das correntes, estamos rematando o Estadio de Pasarón, en xestión creo que hai poucos que nos superen, vostedes van bastantes quilómetros por detrás. Pero, xa digo, nós, eu creo que o que si cumprimos é o que prometemos, polo tanto xa digo, as inversións importantes están aí, reitero, o Estadio de Pasarón está a piques de rematarse, non sen dificultades. Tamén a obra de Monteporreiro vai ó ritmo previsto, o Museo de Pontevedra outra inversión fundamental para esta cidade, estamos aí tamén terminando, en definitiva eu creo que Pontevedra, e me alegro ademais de que fora así, recibiu a maior inversión da historia nos últimos anos, por parte desta institución, e creo que a merecía e polo tanto estou satisfeito de que fose así, e vamos a seguir nese ritmo, non teña ningunha dúbida de que a Deputación vai a seguir nese ritmo, é certo que as circunstancias económicas variaron bastante e polo tanto pois haberá que adaptarse. Pero, fóra diso, coa boa xestión que fai o Partido Popular, que tamén ten erros, que non somos perfectos, pero fai eu creo que unha boa xestión dende o punto de vista económico, e pois vamos a seguir investindo na cidade de Pontevedra. Non sei se hai máis preguntas. D. Cesáreo Mosquera. Sr. Mosquera Lorenzo.- Grazas, grazas Sr. Presidente. Home, vamos a ver, non se poden utilizar os argumentos segundo conveña, e aquí temos escoitado que era a lista máis votada e demais. Que hai problemas de que pode haber coalicións que funcionen mal como hai outras coalicións ou hai outros grupos monocolor que funcionan mal. Tamén podemos falar de Ponteareas, as piñas que teñen entre o PP e máis os tal, a coalición que fixeron, en fin, podemos falar de moitos, de moitos sitios, e é máis, eu pódolle dicir unha cousa, a nós non nos preocupa especialmente esa actuación súa, digo súa porque participou en todas as mocións de censura, tamén participara na de Bueu a vez pasada, tamén participara, non nos preocupa en absoluto. E que é legal, obviamente é legal, estamos falando de coherencia política, non dicir unha cousa e despois facer outra, ou dicir unha cousa un día e dicir unha cousa diferente o outro día, … a lista máis votada, nós vamos a respectar iso, que están, non debe haber unha coalición para que se faga, ¿non?, ese é … Pero, o que vostede habilmente non me contestou, pero eu creo que é moi clamoroso, é que se o problema é de xestión e vostedes o poden argumentar así, vale, vale calquera argumento, se hai número de mans para levantar, se hai número de votos para sacar unha alcaldía, pois vale calquera argumento, o argumento central é que hai número de votos para presentar a moción de censura e é legal, punto. Nós iso non nos vamos a rasgar as vestiduras, agora, se é un problema de xestión, un problema de que, en fin, non se sacan, arranxan os problemas dos veciños, pois quedará aí, ¿non?. A onde vén, a onde vén que vostede, por exemplo, diga que se leva moi ben co alcalde de Porriño e no recibira nunca, resulta que onde pon o ollo de poñer a moción de censura, para eses non hai nin un euro a maiores do que estritamente está nos repartos, en todos os casos, en todos os casos, nos catro casos, e a onde vén que despois da moción de censura se abre o grifo e de repente haxa cartos, como o caso de Mos, que se ten, porque xa é a primeira e xa están as contas, e de repente pois ó concello de Mos, a maiores do que lle tocaba no PPC ou neste plan ou o que sexa, pois se leva moitos máis cartos que o concello de, que calquera outro concello, e bueno, e non digamos o de Vigo ou o de Pontevedra. Ou sexa, facer esas prevendas cando hai moción de censura, porque se son tan bos, tan bos, xa xestionan eles, non fai falta darlle extras, a que veñen eses extras, cónteme, ¿é o premio?, ¿é o premio?, ou é que formaban parte do lote xa da moción de censura. Claro, explíquenmo, explíquenmo, pero en todo caso Sr. Presidente non se me escape do asunto, estámolo estudando, efectivamente, estámolo estudando, e entón agora fai referencia á investimentos de Pontevedra que están comprometidos algúns hai sete anos, hai sete anos, verdade, como vostedes xestionan tan ben, ínflanse, ínflanse a criticar que unha obra se retrasa dous anos ou cinco, e resulta que a súa, o Museo, xa choveu, ¡eh!, xa choveu co Museo, ¡eh!, xa choveu, e xa as consignacións están hai non sei canto tempo e demais. Claro, non, mire, hai argumentos que non se poden usar, o acceso a Castro Senín teno comprometido esta casa dende o ano 94, 94, dezaseis anos, e non hai nada aínda. Sr. Presidente.- Non estaba eu aquí. Sr. Mosquera Lorenzo.- Bueno, vostede leva seis anos e pico, pero o goberno foi monocolor, pois leva comprometido dende aquela, o acceso a Castro Senín, fíxense vostedes, e despois ínchase a criticar que non sei que retrasou, que non xestionen, home, déixese de músicas e demais, estamos falando doutra cousa, estamos falando de que vostedes teñen decidido, decidido, que Pontevedra e Vigo, ou sexa, case 400 mil habitantes, case a metade da poboación da provincia, van levar deste plan extraordinario da Deputación cero euros. E andan mareando a perdiz, e eu propóñolle, non, non, non estuden nada, simplemente di o que se lle dá a maiores, por riba, que tamén afecta ós alcaldes do PP que non están na moción de censura, que conseguiron a súa alcaldía limpamente, cando, verdade, cando as eleccións, pois simplemente que se lle dea iso, nada máis, nada máis. É cuestión de votar as contas, mire, a Mos tocáballe, a Gondomar tocáballe, PPC, Plan extraordinario de crise, non sei que, tanto, e resulta que levou ó final do mandato cuanto. Bueno, pois ese cuanto que se lle dea a Pontevedra, nada máis, déixese de estudar nada que igual se vai cansar, parece que se van cansar de estudar tanto aquí, déixese de estudalo, porque o acceso a Castro Senín levan dezaseis anos estudándoo, ou sexa que déixense de estudar tanto, convenio, déanlle os cartos ó concello ou como sexa, da forma que sexa, ou invístano, como sexa, pero xa, adquira ese compromiso, adquira o compromiso de darlle, e a Vigo igual, é fácil, é fácil, senón hai ningunha prevenda asociada á moción de censura, nos quedamos sen un euro, mire vostede, mire o que lle estou propoñendo, mire vostede, creo que é bastante simple, senón hai ningunha prevenda, xa está, collemos e nos quedamos sen un euro, e se hai esa prevenda pois entón a Pontevedra igual e a Vigo, bueno, por cuestión de proporción o dobre, a ver, e deixen de estudalo que se van cansar, que o estudar tamén fatiga moitisimo, non se crea, estudar fatiga pero moitisimo, tanto como andar correndo dúas horas ou facendo exercicio, mentalmente pero fatiga tamén, moitisimo, non se canse, que ten outras cousas que facer, igual ten outra moción de censura preparada por aí, ten máis cousas que facer. Non estude tanto e acepte o que se lle está propoñendo. Moitas grazas. Sr. Presidente.- Moitas gracias D. Cesáreo Mosquera. Bueno, é que a diferenza de cumprir os compromisos é que nós non somos dubidosos, Sr. Mosquera, porque xa o dixen en varias ocasións e teño que dicilo agora outra vez, porque vostede me invita a dicilo, a primeira moción de censura que se produce nos concellos é cando os cidadáns votaron, e vinte días despois alguén, neste caso algúns partidos deciden ir en contra do que votou maioritariamente o pobo. Esa é a primeira moción de censura que se produce nas eleccións municipais. Polo tanto de aí partimos, esa é a base, e claro, despois evidentemente como iso é legal, tamén é legal o outro, claro, e o outro vén precedido da nefasta xestión que se fai, caso de Gondomar, só, eu teño un dato xa, e o primeiro dato é, aquí había concedido 100 millóns de pesetas, máis nós, máis a Xunta de Galicia, deixa un goberno anterior unha piscina adxudicada por algo máis dun millón de euros, non foron capaces nin de levala a cabo, só un exemplo, por poñer un exemplo, non, por que, porque evidentemente eran doce na oposición e cinco no goberno, o Partido Socialista desentendeuse, deixounos á súa sorte, e claro, pasa iso. No caso de Mos, pero eu como son unha persoa que actúo, primeiro por sentido común e por responsabilidade, hai un tema que vostedes deixaron evidentemente na ruína, que se chama Xestur. O Conselleiro de Medio Ambiente me chama e me di, “oe, mira, eu son a Consellería de Medio Ambiente, aquí hai un compromiso adquirido, precisamente polos que estaban gobernando Xestur, que o deixaron segundo dixera o Vicepresidente económico na quebra, na ruína”, bueno, eu creo que era algo así. Entón adquiren uns compromisos e máis van alí cando incluso estaba o goberno en funcións, uns días antes das eleccións, e lle deixan un compromiso firmado de que no Polígono Empresarial de Veigadaña se vai a construír un campo de fútbol cunha serie de características, etc., etc., que era o compromiso que adquiriran cos veciños, ben. Entón me chama o Conselleiro de Medio Ambiente e me di, home, eu creo que esta Consellería non se dedica a isto, evidentemente a construír campos de fútbol, e polo tanto como estades, vamos, por parte, acertadamente, poñendo en marcha infraestruturas de ámbito deportivo, pois creo que podemos facer unha actuación de convenios en carreteras provinciais coa propia Consellería, e que por parte da Deputación se puxera en marcha a construción dese campo de fútbol, que está comprometido polo goberno anterior, e é o que estamos facendo, é nestes momentos o que estamos facendo. Se me fai un planteamento de sentido común e lóxico, pois entendemos que podemos facelo, porque a cambio, bueno, pois teremos evidentemente a colaboración da Consellería, cuestión que non tivemos antes, para facer unhas melloras en estradas provinciais, a cambio da inversión que nós vamos a facer alí. Creo que é perfectamente razoable, pero ademais o erro vén precedido de vostedes mesmos, porque foron vostedes quen xestionaron Xestur, quen lle prometeron ós veciños algo que non había a consignación, e á parte que nin Xestur nin a propia Consellería se dedican a facer, iso é o que hai, non hai máis nin menos, pero eu sei que non, iso a vostede lle ía a dar unha arma, xa para dicir mira, aquí é onde se está xustificando a moción de censura, non sei que, non sei canto, non sei canto máis. Bueno, eu actuarei con sentido común, isto é sentido común, bueno, é dicir, pois bueno, hai unha actuación que comprometeron alí, e máis os veciños senón, evidentemente, non deixaban rematar as obras do polígono, e bueno, a consellería resolveu un problema, nós tamén indirectamente resolvemos un problema, que o convenio que se vai a asinar proximamente coa Consellería de Medio Ambiente e Infraestruturas, e polo tanto xa digo, creo que esa é a maneira de traballar. Bueno, non sei que máis dicirlle, ou sexa, creo que xa está todo dito, creo que vamos a facer o balance, e verase a partir de maio de 2011, cando os cidadáns decidan se os que fixeron a primeira moción de censura, vostedes, estaba ben feita ou non, ou outras persoas que decidiron facer unha moción de censura, porque non, evidentemente había goberno nestes municipios, pois estaban acertados ou non, pero a última palabra como sempre terana, neste caso, os veciños e veciñas de todos estes concellos, e non me estou referindo só a eses que vostede di, senón a bastantes, a bastantes máis, porque como vostede sabe e recordará, que ten moi boa memoria, o Partido Popular pois ten maioría, desa maioría relativa que vostede chama, non é o caso de Porriño, vostedes teñen en Porriño unha maioría minoritaria, bastante minoritaria, nós temos unha maioría practicamente rozando a maioría absoluta en máis de 45 concellos da provincia de Pontevedra, lle recordo, por senón ten o dato, e creo que a realidade é a que é. Por iso que, eu xa digo, os cidadáns teñen a última palabra e eles saberán se os que fixeron a primeira moción de censura, como dixen, vostedes, ou os que fixeron a segunda, quen ten razón, e aí é onde, xa digo, se dirimirá pois toda esta cuestión. ¿Non sei se ten algo máis?. Si. Sr. Mosquera Lorenzo.- Moi brevemente porque non creo que unha pregunta deba dar lugar a tanta intervención. Dende logo ábrenseme as carnes de escoitar esa argumentación tan profunda, ou sexa, a súa sensibilidade cara os compromisos anteriores da Xunta, ¿verdade?, e cara as necesidades dos veciños, realmente que déixannos patidifusos, só que digo que aplique o mesmo, porque é que resulta que en Pontevedra e en Vigo e noutros concellos hai compromisos anteriores, tamén da Xunta, que resulta que agora a actual di que non os fai ou non ten cartos para facelo, entón aplique o mesmo. É fácil, mire, Sr. Louzán, todos sabemos de que estamos a falar, todos sabemos de que esta casa pola súa dobre condición de Presidente do PP e Presidente desta casa, se está volcando para favorecer e facer a moción de censura, que repito, non criticamos en xeral, nin dixemos nunca que foran ilegais, simplemente o que criticamos é a diferencia, a moción de censura ó día seguinte das eleccións, en Cesures non a fixeron, alá vostedes, en Cesures non a fixeron, nin en Porriño, nin noutros lados, que va, en Cesures está cinco de once, ó borde da maioría absoluta, ¿vale?. Utilizan o criterio que lle convén, o que estamos criticando é iso, por un lado. E por outro lado que estea utilizando a maquinaria desta Deputación para inxectar fondos e cumprir eses compromisos tan penosos, pero compromisos hai en todos lados, que non se cumpren, acábolle de reiterar un aquí, desta mesma casa, hai dezaséis anos, en Pontevedra, o acceso a Castro Senín, e que teña esa sensibilidade especial, enternecedora, cara eses sitios onde hai mocións de censura. Realmente é enternecedor, cos outros lados teñen o corazón un pouco máis endurecido, e cos cidadáns de Pontevedra e Vigo parece que especialmente, pero vamos, ten o corazón moi endurecido, debe gastar toda esa sensibilidade, toda esa preocupación polos compromisos e máis polos cidadáns nos sitios en que fagan mocións de censura, Sr. Louzán. Moitas gracias. Sr. Presidente.- Moitas gracias Sr. Mosquera, máis polo talante de como discutimos sobre ese tema. Pero só unha cuestión que me quedou no tinteiro, dicía vostede que non lle, porque me gusta precisarlle a todas as preguntas, que no caso de Porriño, pois que non habíamos feito inversións, dicirlle que a única instalación de ámbito deportivo que se construíu en Porriño, a pesar de que vostedes tiñan goberno amigo en Porriño e en Santiago, eran o mesmo, responsabilidade só de deportes, a única infraestrutura deportiva que se construíu en Porriño a construíu a Deputación de Pontevedra, sen ningún tipo de problema, cun trato cordial co alcalde, e que por parte do goberno bipartito non foron capaces, si é certo que a deixaron adxudicada, me parece, creo que está en construción unha obra dese ámbito, pero nós construímola e fixémola posible, que foi o campo de fútbol de Atios. Igual me pasa, e lle poño un exemplo así máis cerca, porque así notámolo todos, en Poio, un goberno que tamén a súa formación política lidera, e onde fixemos outra actuación deste tipo, e por certo o goberno da Xunta de Galicia, que tiña responsabilidade en materia deportiva naquel entón, que era do seu mesmo partido, dixo que ía a construír unhas pistas de atletismo ó lado dese campo de fútbol, porque xa estaban comprometidas, e en catro anos, un, dous, tres, catro, que gobernou o bipartito, máis o goberno actual de Poio, non foron capaces e sen embargo a Deputación lle constrúe ese campo de herba sintética no municipio de Poio. E a pregunta está clara, vostede cre que por parte do goberno bipartito da Xunta, que non investiu nada coa Deputación en ningún sitio, pois creo que iso, ¿vostede cre que o seu goberno houbera investido nalgún municipio gobernado polo PP?. Pois aí se demostra a diferenza de talante. Nós xa lle dixen o outro día, só en inversións de campos de fútbol, creo que a maioría se construíron en municipios que non son do PP, a pesar de que somos maioritarios, esa é a diferenza de talante de gobernos sectarios uns e outros, que independentemente de que poidan nalgún momento dicir, bueno, pois, alí hai un goberno do PP e lle vamos a axudar, pero entendemos que en calquera municipio hai votantes de todos, e polo tanto hai que gobernar para todos e o exemplo noso está perfectamente claro. Polo tanto, xa digo, poño dous exemplos para que tome boa nota, que creo que vai a tomala, de como se goberna sen ningún tipo de sectarismo. Ten a palabra D. Gabriel Martínez. Sr. Martínez Giráldez.- Bo día a todos. Este é un rogo en relación coa empresa Taguive, adicada á fabricación de láminas para somieres, a empresa Taguive SL, radicada en Villasobroso, no concello de Mondariz, está a piques de pechar as portas, que levará a unha situación económica límite a varias familias. Esta é a segunda empresa en importancia da localidade, que ten sobre 25 traballadores, pero tamén unha empresa histórica, xa que foron moitos veciños de Mondariz e arredores os que alí traballaron. A empresa vén de acollerse á chamada Lei concursal, e parece ser que detrás de todo está a vontade de pechar e traslado da produción a outra planta da mesma empresa en Valga. Dada a situación de desemprego xeral, e no noso caso do concello de Mondariz sen outras alternativas de emprego, cómpre de xeito urxente tomar as medidas oportunas para evitar o peche definitivo da empresa. Dado que o non actuar a tempo pode ser excesivo para o emprego no concello de Mondariz, é polo que presentamos o seguinte rogo: que o Presidente da Deputación inste ó goberno galego para que tome as decisións e as medidas oportunas que aseguren a continuidade na súa actividade á empresa Taguive SL e ó mantemento dos postos de traballo existentes. Sr. Presidente.- Ben. Si, esta ademais foi presentada antonte, e bueno, algunha pregunta xa fixen a ver como estaba ese tema, vamos, ma van a responder. É evidente que sexa cal sexa a empresa neste momento creo que necesitan a axuda de todos, e por parte desta institución se algo evidentemente podemos facer para que se poida manter a actividade empresarial, e cun mesmo fin se poidan manter postos de traballo, creo que é algo básico. Polo tanto, non sei a situación, que nola trasladarán a ver como está, pero me refiro, que é o que se pode facer, pero estou seguro ademais que se por parte da Xunta de Galicia hai posibilidade, se fará todo o posible para manter a actividade desta importante empresa. Sr. Martínez Giráldez.- Ben, quería tamén, e se me permite, pois facer outro rogo no sentido do que veño reclamando Pleno tras Pleno, Sr. Presidente. Sigo demandando que se me dea autorización para ver os expedientes que levo solicitado e se me entregue a documentación solicitada fai máis dun ano, cito, persoal contratado pola Deputación, sentencias en relación coa Deputación, etc., etc. Moitas gracias. Sr. Presidente.- Bueno, como era bastante a información que vostede pedía, eu creo que algo xa teñen previsto para poder darlle o antes posible. Non, pero nós, eu xa lle dixen antes ó seu compañeiro, que nós vamos na xestión quilómetros de distancia por diante, claro está, de vostedes, porque na Xunta de Galicia, dicíame un compañeiro o outro día do Partido Popular, compañeiro de Vigo, que votou catro anos esperando e aínda nas recibiu hoxe. Pero bueno, iso non pasa nada, porque, sole pasar porque ás veces se extrapapela a documentación. Si. Non, pero lla habían pedido a un mesmo compañeiro seu, do mesmo partido, no Parlamento, cando gobernaba, e tardou catro anos pero non lla deu. Non, pero nós non vamos a ... Non, non, algunha si, non, non outra non, outra non se deu nunca, pero bueno, non, non, non, eu lle podo dicir cal é a outra que falta, que andan en busca dela aínda. D. Xabier Alonso. Sr. Alonso Pérez.- Bo día. Bueno, como sabe Alfageme conta na provincia de Pontevedra con catro centros de traballo, no Grove, en Vilaxoán, en Ribadumia e en Vigo, ten un cadro de persoal de aproximadamente 350 traballadores e traballadoras, e vén o IGAPE, o IGAPE vén de avalar agora 1.200.000 euros para pagar parte, parte dos salarios atrasados, aínda se lle debe a paga de decembro, e hai unha situación empresarial difícil, en todo o grupo, concretamente en Vigo non están traballando porque están, Sanidade lle esixiu unha serie de recomendacións, que a empresa parece que non ten moito interese no proxecto industrial, e non reparou as deficiencias que Sanidade lle mandaba, entón a maioría do Comité de Empresa deste grupo, que corresponden á CIGA e á UGT, pois teñen falado comigo para que me interesara, e por iso lle fago a pregunta e o rogo. A ver se a Deputación ten tomado algunha iniciativa ó respecto deste problema industrial, algunha iniciativa no sentido de colaborar en dar continuidade ó proxecto industrial, xa que dende a administración galega se teñen avalado xa cerca de 30.000.000 de euros, non, entón é un proxecto industrial que afecta a catro centros de traballo que están na provincia, e dende o Comité de Empresa nos demandan que a Deputación faga xestións na Xunta de Galicia e colabore en darlle estabilidade a un proxecto industrial. Este é o rogo e a pregunta. Sr. Presidente.- Bueno, pois si, é certo, coñezo ademais ben esta, a actividade de toda esta empresa, e a Xunta de Galicia pois ten investidos aí ou avalados 30.000.000 de euros, máis agora 1,2, 31, vai camiño dos 32.000.000 de euros. Esta é unha empresa importante porque afecta a 400 familias, e polo tanto eu creo que ademais está en toda a provincia, como se dicía, dúas factorías ou tres no Salnés e unha en Vigo. Coñezo todo este asunto, que non é un tema menor, eu só espero que volva a recuperar a súa actividade, que xa a recuperou en certa maneira, e que poidamos ter esta empresa cunha viabilidade futura garantizada. Pero tamén é certo, hai que dicilo, que se lle habían concedido non fai moito tempo 9.000.000 de euros a esta empresa, sen esixir nada a cambio por parte da Xunta de Galicia, e polo tanto, bueno, pois incluso eses 9.000.000 de euros concedidos por parte do goberno anterior de Galicia, pois non lograron a finalidade que se buscaba, que era garantizar a viabilidade desta empresa. E creo que se lle debeu de haber esixido, eu estou falando dos datos que eu teño e que coñezo, e se lle debeu haber esixido un compromiso moito máis firme por parte desta empresa, porque xa digo, se a Xunta de Galicia co goberno anterior, se lle conceden nada máis e nada menos que 30.000.000 de euros, entre avales e subvencións, pois creo que se debería haber garantizado como mínimo que esta empresa tivera unha viabilidade futura moito mellor da que ten neste momento, porque a verdade a que ten neste momento está en ciernes, bueno pois unha incertidumbre sobre que pode pasar con esta empresa no futuro. Dende aquí temos o máximo interese como institución pública, ademais arraigada esta empresa na provincia en estar ó lado dos traballadores e buscar entre todos a viabilidade da mesma. Non é un labor fácil, a situación está moi complicada, pero temos que traballar e loitar para defender a estes traballadores. Polo tanto, desta casa, xa lle digo, que faremos todo o posible, non temos competencia nesa materia, pero si de solidarizarnos cos traballadores e traballadoras, especialmente, que ten un grupo importante, desta empresa. Pero creo que tamén, ademais coñece ben o portavoz do Partido Popular este tema en Vigo, e que tamén mediou ante o Conselleiro para este asunto, e que polo tanto tamén ten unha opinión que dar neste caso D. José Manuel Figueroa sobre este asunto. Sr. Figueroa Vila.- Si, bueno, este tema creo que o coñezo bastante ben, os seus inicios, porque o Sr. Alonso non pode obviar que vostede e máis eu pertencemos á Corporación de Vigo, onde no Plan Xeral a esta empresa se lle deu unha edificabilidade de 30.000 m2 máis, é dicir, tiña 12.300 cunha cualificación de zona industrial e había un compromiso, un compromiso a través do Plan Xeral, de que co desenvolvemento do polígono de Matamá-Valladares esta empresa trasladara a súa produción alí, co apoio loxicamente que se lle deu a través do Plan Xeral, pasando dunha recualificación dos terreos de zona industrial con 12.000 m2 a 43.000 de uso residencial, é dicir, 30.000 m2 de edificabilidade. A pregunta que hai que facerse é que, ¿que fai o goberno de Vigo que non é capaz de desenvolver o Plan Xeral?, esa é a pregunta, se esta empresa, o que está estipulado no Plan Xeral de Vigo se leva a cabo, non tería absolutamente ningún problema. Polo tanto, nos sorprende que vostede faga esta pregunta e eu lle fago outra á inversa, ¿que é o que están a facer vostedes dende Vigo?, sei que vostedes, o Bloque Nacionalista Galego, non son os responsables do departamento de Urbanismo, pero é que o Plan Xeral evidentemente fracasou, fracasou porque despois dun ano e medio, non é capaz de xestionar nin de desenvolver ningún ámbito na cidade de Vigo. Bueno, pois esa é unha situación que está enriba da mesa, é dicir, polo tanto, se, o Plan Xeral, vostedes foran capaces de articular os mecanismos ou fixeran un Plan Xeral viable, que non o fixeron, que o cambiaron, modificárono vostedes, como grupo apoiaron unha proposta do alcalde demagóxica, que a sabemos todos agora, que fixo inviable o Plan Xeral de Vigo, agora non estaríamos falando da situación desta empresa e de moitas outras, porque a seguinte pregunta que hai que facerse é, ¿que está facendo a zona franca nos últimos dous anos na cidade de Vigo?, que ten que desenvolver o polígono de Matamá-Valadares, e non moveu nin un expediente, nin un papel. Bueno, pois ese é o problema da xestión que teñen vostedes, inclúen o 40, o 50, ou 60% do Plan Xeral de vivenda protexida, ¿para que?, se ó final levamos dous anos de aprobación do Plan Xeral e non foron capaces de dar nin unha soa licenza de vivenda protexida, evidentemente non hai quen invista na cidade de Vigo. Bueno, pois estas son as consecuencias, as consecuencias, que é moi fácil dicir agora, non, todo achacable á crise, a crise hai dous anos e medio para algúns non existía, non existía a crise, éramos antipatriotas algúns que dicíamos que había crise. Bueno, pois agora hai crise, hai problemas laborais, a zona franca non inviste e non desenvolve o chan industrial que hai en Vigo, o concello de Vigo non é capaz de mediar e articular os mecanismos para desenvolver o Plan Xeral, e isto produce a asfixia das empresas. Evidentemente, por iso en Vigo, por iso en Vigo, non sei cales serán os datos de hoxe, pero por iso en Vigo dende que gobernan vostedes, mire que pouquiño, dous anos e medio, pasamos de 17.000 parados a 27.000, é dicir, 10.000 parados máis só na cidade de Vigo. Eu non sei para que serviu ese Plan E, porque me parece que para nada, porque ó final 15.000.000 millóns de inversións, das antigas pesetas, nun Plan E, e xerou 10.000 empregos máis, un Plan Xeral que está aprobado dende non hai ano e medio e é papel de cara á galería, vivendas protexidas, prometeron vostedes 6.000 vivendas protexidas e ó final non foron capaces de dar nin a licenza da primeira. Bueno, pois eu lle fago, lle faría a pregunta, e ó mellor no próximo Pleno de Vigo recollerei pois a inquietude de vostede, que é certo, que dende esta institución o Presidente eu sei que está facendo todo o posible e articulando os medios posibles coa Consellería e co Conselleiro de Industria e Facenda, de Economía e Industria, perdón, para intentar pois axudar a esta empresa. Pero, Sr. Alonso, ¿sabe o que fixeron vostedes?, a esta empresa lle deron un aval, lle deron, mellor dito, lle deron unha aportación de 30.000.000 de euros sen aval ningún, sen aval ningún, e a esta mesma empresa vostedes deixaron en Xestur, que cousas, pasan cousas rarisimas, por iso que é mellor ás veces non preguntar, porque se hai que profundizar é moi grave. En Xestur a Zona Franca quería desenvolver o solo industrial dun polígono que tiña esta empresa en Moaña, en Cangas, e sabe vostede que a Zona Franca lle pagaba 7€ por m2 para a expropiación deses terreos, e ¿sabe o que querían facer vostedes en Xestur, que o consello o votou para atrás os últimos días, despois de perder as eleccións?. Pagarlle a 18€ m2. Esas son as situacións que pasan. Polo tanto, home, os que sabemos un pouco deste tema mellor que non nos fagan falar, eu creo que debían de ser, debían de ser un pouco máis prudentes con respecto a este tema. Nós coñecemos ben este tema, por suposto que estamos ó lado dos traballadores, por suposto que todas estas cuestións políticas que hai polo medio, os traballadores non teñen a culpa senón todo o contrario, que hai que intentar axudarlles, pero home, non fagan preguntas, que os que coñecemos os temas e estivemos en moitas negociacións, pois evidentemente, vostede sabe que eu fixen unha pregunta no concello de Vigo, e fixen unha rolda de prensa con este tema, e o alcalde nos contestou que o concello … non tiña absolutamente nada que facer nin nada que ver. Bueno, pois o concello si ten que ver, si ten que ver neste tema, si ten que ver, porque o concello pode articular mecanismos xurídicos para intentar co propietario que se cumpran os seus compromisos. ¿E sabe cal era o compromiso?. Un cambio de edificabilidade de 12.000 m2 de solo industrial a solo residencial, de 43.000 m2, cun compromiso firme, que o empresario tiña que manter os postos de traballo, ese era o compromiso que se adquiriu á través do Plan Xeral de Vigo, e vostedes miraron para outro lado, vostede forma parte do goberno de Vigo, deixaron facer ó empresario o que lle deu a gana, pois destas decisións pois estas consecuencias, ese é o grave do tema, e nós por suposto que estamos dispostos a colaborar en todo o que sexa posible, pero, evidentemente, aquí non se pode deixar ó empresario que faga o que lle dea a gana, porque o empresario tería a favor esas plusvalías e esa edificabilidade de máis de 30.000 m2. ¿A cambio de que?. O compromiso que hai no Plan Xeral é moi claro, manter os postos de traballo na cidade de Vigo, e esas son as consecuencias. Díganlle vostedes ó alcalde de Vigo e ó concelleiro de urbanismo que actúen, que actúen, porque este foi un compromiso ademais, Sr. Alonso llo digo con todo o cariño, levado por vostedes, iniciado por vostedes e apoiado por nós cando estabamos no goberno. O Sr. Rivas e o Sr. Toba foron os que iniciaron este compromiso, e nós cando acudimos ó goberno respaldamos este compromiso porque nos parecía coherente, nos parecía modernizar unha empresa, manter os postos de traballo, nos parecía razoable, é dicir, era unha cuestión razoable, pero as plusvalías que se lle daban ó empresario non eran para facer inversións noutro lado nin para facer vivenda, era, primeiro obxectivo, primeiro obxectivo e único, manter os postos de traballo. E é certo o que di vostede que a través da CIGA se fixeron eses plantexamentos, pero tamén é certo que tanto o Sr. Rivas coma o Sr. Toba, que é colega seu e compañeiro seu, respaldou co apoio noso, do Partido Popular, esa proposta. Polo tanto, eu creo que, asuman as súas responsabilidades, non digo vostede, que non tiña, nese momento non estaba, pero os que están ó seu lado, os que están gobernando con vostede si que o teñen. A pregunta que hai que facer, ¿o alcalde de Vigo en que se pronunciou ata o día de hoxe?. Hai mecanismos xurídicos tal cal está o Plan Xeral de Vigo, para intentar, para intentar condicionar esa decisión, e ultimamente o dixo o concelleiro de urbanismo, despois de varias interpelacións nosas e de varias denuncias nosas. Pois nós, se vostede quere, nesa liña, estamos dispostos a colaborar e a apoialo no que faga falta, porque eu creo que manter os postos de traballo é o obxectivo que temos que perseguir todos. Polo tanto, eu creo que conta co Presidente da Deputación como así sabe, pero tamén co noso grupo político para que se vostede, o grupo de Vigo, quere facer algunha medida, mañá mesmo estamos dispostos a sentarnos con vostedes para facer un plantexamento. Outra cousa distinta é que o alcalde lle faga caso, porque hoxe di unha cousa e mañá di a contraria, a el ese tema creo que non lle preocupa moito, a nós si, porque nós o iniciamos, o apoiamos, pero seguimos mantendo o mesmo criterio. Sr. Presidente.- Moitas gracias Sr. Figueroa. Eu non sei si, creo que é un tema que nos preocupa especialmente a todos, e de maneira máis agravante ós traballadores e traballadoras de Alfageme, polo tanto creo que aquí estaremos sempre coas mellores das disposicións para iso. Creo que o Sr. Figueroa xa aportou toda a información que el coñece ben, sobre este caso, no caso de Vigo, pero que afecta as outras tres plantas, e de alí que creo hai acordos importantes que alguén tomou e que haberá que esixir responsabilidades sobre os mesmos, pero bueno. Ten a palabra D. Xabier Alonso. Sr. Alonso Pérez.- Ben a conveniencia da pregunta ou do rogo, está clara, está clara pola situación de Alfageme, pero eu creo que hai ocasións que convén quedar calado, Sr. Chema Figueroa. Vamos a ver, o que non pode é culpabilizar ó BNG da situación de crise, cando a Deputación en Vigo, cando a Deputación, para paliar a crise, en Vigo, cero euros, entón mellor deixar iso, mellor deixar iso, mellor deixalo, que a Deputación para paliar a crise en materia industrial cero euros, mellor que quedara calado, e que non se metera por aí. Falemos do rogo e da pregunta, que para iso a fixen, referida á situación de Alfageme, de que aínda no cobraron a paga de decembro, e teñen unha situación difícil de viabilidade industrial, e eu fixen a pregunta, co ánimo de que todas as administracións, todo o mundo sume no terreo, de buscarlle unha solución. Os traballadores saben moi ben que o BNG no vai a tolerar en Vigo, nin antes, nin agora, nin despois, que se especule con terreos industriais, porque non o fixo nunca nin o vai a facer, entón non entre por aí, non entre por aí, o terreo de Alfageme, nestes momentos está como non consolidado, e hai un recurso do empresario que non quere continuar coa actividade industrial. E o BNG e os traballadores saben que van contar, para que o empresario non especule co terreo, o que hai que darlle é unha viabilidade industrial ó proxecto, e as administracións o que temos é que sumar. Eu creo que a pregunta tiña a pertinencia de pedir, xa que hai un aval público a través da Consellería de Industria dunha cantidade de diñeiro, que aínda agora nestes momentos acaba de avalar a actual Xunta. Efectivamente hai uns avais anteriores e outros agora para pagar parte do salario, entón o que fagamos, o que temos que facer as administracións, é buscar viabilidade industrial ó proxecto e sumar aí a posibilidade de que os traballadores non vivan en vilo, non cobren os salarios. O BNG, á marxe das responsabilidades que poida haber nun momento ou noutro, temos unha liña de actuación, e o empresario sabe que non vai a contar nunca coa posibilidade de especular cos terreos a cambio de habilidade empresarial, entón o que hai que buscar é unha estabilidade no emprego dos traballadores, que cobren os atrasos, e de aí, que era pertinente a pregunta, e non meterse a ver as responsabilidades que temos cada quen no investimento para paliar a crise, porque aí si que a Deputación en Vigo o que ten é que estar caladiña, ¿non?. Sr. Presidente.- Moitas gracias D. Xabier Alonso. Ten a palabra D. José Manuel Figueroa. Sr. Figueroa Vila.- Bueno, non me estraña que non houbera alegacións ós presupostos, porque me dá a impresión que algún non lee os presupostos. Así de claro o vou a dicir, os presupostos do ano 2010, Sr. Alonso, vostede acaba de dicir o que dixo, é que nin mirou nin a primeira folla, llo digo con rotundidade, non quero facerlle un debate, porque sería un debate que non tería sentido, porque os presupostos, eu loxicamente, participei na configuración, non os leu, ¡léaos!, eu creo que ten que ler os presupostos, porque non se enterou, aínda non se enterou do que está nos presupostos, nin vostede, nin o Sr. Mosquera, polo que dixo anteriormente, pero diso xa falaremos. Mire Sr. Alonso, tal cal está o plan xeral de Vigo, que vostedes aprobaron, o promotor pode empezar mañá a edificar cando queira, xa sei que é non consolidado, pero, que ten 43.000 m2 de edificabilidade, tamén llo digo eu, e pode empezar mañá, porque vostedes non fixeron nada, ningún mecanismo para poder paralizalo. ¿Onde está o compromiso que vén no plan xeral, na ficha que di, que hai que manter os postos de traballo, e que se facilitará o traslado da empresa ó polígono de Matamá-Valladares?. ¿Onde está o Polígono Matamá-Valladares?. É que non fixeron nada, é que levan dous anos sen desenvolver nin unha figura, ningunha, nin dar licenzas de vivenda para ningunha, para ningunha vivenda, nin protexida, nin sen protexer, ese é o problema, pero non lle mintan ós traballadores, porque os traballadores o saben, o promotor se mañá tivera medios e financiamento para poder desenvolver ese ámbito, o farían, e os traballadores quedaríanse na calle. Non lle mintan porque lle están enganando, e senón, eles que o saben ademais, que o saben, porque está no plan xeral, non lle estou mentindo, está no plan xeral, pasouse dunha edificabilidade de 12.000 m2 de solo industrial a 43.000, cunhas compensacións que ten que dar o concello de manter unha parte para o Museo, etc., se o coñezo perfectamente, pero vostede iso no llo di, nin participan, eu dixen un día que no se mantiñan os postos de traballo, iso era a maior especulación do plan xeral da cidade de Vigo, que o Alcalde saíu contestándome que os estaba enganando, fai pouco, como sentiron a presión dos traballadores, e de mirar de quen no cobraba, o concelleiro lle dixo que se tranquilice, que ten o mecanismo xurídico para intentar atallar esa posibilidade. ¿Que mecanismos xurídicos teñen ou puxeron vostedes en marcha?. ¿Cales?. A ver, dígame un. Ningún, ningún, polo tanto que non lles enganen, porque xa os enganaron unha vez, e agora como hai problemas hai que intentar resolvelo, e en iso estamos todos, niso está a Deputación, supoño que vostede tamén como grupo político. Eu non me cabe ningunha dúbida que todos os grupos políticos estamos nesa solución, pero o que hai que intentar é entre todos votar unha man. ¿Vostede sabe que os 30.000.000 que lle deu o bipartito non tiña ningún aval bancario? É dicir, mañá o traballador deixa a empresa, e, ¿sabe quen se carga co morto?, a Xunta de Galicia. Pero os traballadores vanse a calle, e volvo a repetirlle, para que os traballadores que están aquí se enteren, ese mesmo promotor, ese mesmo empresario con Xestur, tiña unha negociación, volvo a repetirlle, dos terreos do polígono do Morrazo, que a zona franca desbotou, volvo a repetirlle, non sei se eran 30€ ou, non 6 ou 7€, que tiña, e fixeron inviable ese proxecto, e Xestur lle quería pagar 17€, nun momento de crise, está o convenio en Xestur, se queren os traballadores que están aquí, llo facilito e llo explico con detalle, porque hai que coñecer todo isto, e a negociación a levaban con vostedes, co Bloque, en Economía o Sr. Blanco e en Xestur a Sra. Táboas, que curioso que era o mesmo empresario, e vostedes no plan xeral de Vigo, pois se aproban unha edificabilidade de 30.000 m2 máis, sen ningún mecanismo que faga un control sobre iso, entenda que polo menos nos queda algunha dúbida, son moitas operacións conxuntas, é unha operación financeira urbanística complicada, pero eu a coñezo ben, porque teño todos os datos, porque estaba en Xestur, porque votei en contra en Xestur, porque estaba no Pleno de Vigo, porque votei en contra no Pleno de Vigo, porque vostedes cambiaron a ficha, e eu denunciei cando foi a aprobación, cando foi o cambio famoso, e tamén vostedes na Xunta de Galicia lle dan un aval ó empresario, lle dan un diñeiro ó empresario sen aval, ¿como se come todo isto?, a ver, ¿como a alguén se lle dá unha operación de 30 millóns de euros sen ningún aval bancario?. Non cheira ben, que quere que lle diga, e non son operacións de catro, ou cinco, ou seis millóns de euros, son operacións de moitos miles de millóns de pesetas, volvo a repetirlle, pasar unhas plusvalías, no ano 97, pasar de 12.000 m2 de solo industrial a 43.000 de solo de uso residencial, ¿como se lle chama a iso?, se non hai un condicionante polo medio, se non hai que manter uns postos de traballo e cambiar a factoría, e facer unha empresa moderna. Iso, ¿como se lle chama?. ¿Vostede sabe o que significaban 30.000 m2 de solo residencial, na cidade de Vigo, no ano 96-97?. Multiplique. Si, Sr. Mosquera, vostede se asusta, porque é unha animalada, é unha auténtica salvajada, evidentemente, é unha auténtica salvajada, a verdade, o que pasa é que non queren vostedes oílas, diso é do que teñen que asustarse, claro que asusta todo isto, asusta, pero cando os traballadores queiran, eu lle dou todos os expedientes, iso que ían a pagar no Morrazo, o que a zona franca non quixo pagar, como está o plan xeral de Vigo. Pero iso son realidade, vostede sabe que se lle deron 30.000.000 de euros e que non houbo nin un só aval bancario, nin un. Evidentemente, o empresario está encantado da vida, ¿que responsabilidade ten?. Ningunha. Votar ós traballadores, ou que se marchen os traballadores, ou que pechen as empresas. Sr. Presidente.- Moitas gracias, Sr. Figueroa. Brevemente, D. Xabier Alonso. Sr. Alonso Pérez.- Moi breve, moi breve. Os traballadores saben o importante, saben que se lles dá parte do salario, e saben que queren un proxecto de viabilidade para o futuro, e saben que esta Deputación, polo que eu estaba escoitando, está tirando balóns fóra, que aínda non fixo nada, o que demando é que a Deputación, que por aí era por onde ía a pregunta, tome algunha iniciativa, porque o que non pode ser é que esteamos discutindo o sexo dos anxos, cando os traballadores saben a realidade das cousas, saben a realidade das cousas, e saben que non vai haber ningunha especulación do terreo, porque hai un recurso dun empresario, porque non vai a autorizalo o BNG, esa garantía a teñen, senón hai proxecto industrial, e entón a pregunta que é a pertinencia, que é o que hai que responder, eu entendín, entendín na primeira resposta do Presidente da Deputación, porque agora xa me perdo, xa me perdo, que ía a interesarse, porque ata agora non tomou ningún tipo de iniciativa, entendín, e que a partir de agora, e en función da nosa demanda, e que hai un aval público da Consellería de Industria, que efectivamente se ía a preocupar, a colaborar, que é o que queremos todos, polo menos o que quere o BNG, a colaborar en darlle unha viabilidade ó proxecto industrial, e iso é o que temos que centrarnos, que é a pregunta, e o que ten que dicir o Presidente da Deputación. ¿Vai ou non vai colaborar para darlle a Alfageme o proxecto de viabilidade futura?. Iso é o que hai que responder, se vai, ogallá que vaia por esa dirección, e aplaudiremos, e aí vai a encontrar ó BNG, e senón non vai facer como diga, e xa deixen de marear a perdiz. Sr. Presidente.- Moitas gracias, D. Xabier Alonso. Non sei, o Sr. D. Cesáreo Mosquera quería, non, gracias. Isto, bueno, vamos a ver, eu, aquí, hai representantes, traballadores e traballadoras, primeiro mostrarlle a nosa solidariedade, porque estamos vivindo un momento difícil, de Alfageme, pero eu sei que os traballadores o que van a pedir é que, entre os políticos á parte de haber, quizá menos debate e máis solucións, creo que nese sentido, Sr. Alonso, teño que dicirlle que non debe utilizar a demagoxia para isto, porque ó final os traballadores e traballadoras están aquí, e vostede sabe, como sei eu, e como sabemos todos os que estamos aquí, que a Deputación neste sentido moi pouco ten que facer, máis que o noso apoio, evidentemente, como grupo político do Partido Popular, que o vamos a facer en todo momento, para defender unha causa que a min e a todos os que estamos aquí nos afecta, porque está no ámbito de toda a Provincia, son 400 familias que dependen deses postos de traballo, e polo tanto traballaremos para lograr a viabilidade futura. Iso é o que queremos todos, pero non utilicemos debates demagóxicos para que, pois, neste caso os traballadores e traballadoras, se leven unha imaxe do que realmente non é. Primeiro, no propio debate político, porque está en xogo algo moi importante, que son os postos de traballo; e segundo, que vostede quere escorrer o vulto, e neste caso ó Bloque Nacionalista Galego, como lle acaba dicir, neste caso o Vicepresidente, o Sr. Figueroa, pois tivo na súa man haberlle esixido cando se lle dou esa cantidade tan importante sen esixir nada a cambio, máis de 30 millóns de euros, máis lle querían recalificar uns terreos no Morrazo, máis a recalificación dos terreos en Vigo, foron vostedes, non foi ninguén máis que vostedes, foron quen fixeron toda esa operación, e agora, evidentemente, miramos para outro lado, ou lle esiximos neste caso a outros que resolvan o que vostedes lle concederon a esta empresa, e que neste momento, xa digo, está pois en dúbidas, a viabilidade futura dos traballadores, que é o que realmente nos importa. Polo tanto, xa digo, cada un debe de asumir a súa responsabilidade e vostedes teñen unha parte fundamental nese tema, e agora, claro, iso xa está pasado, e o problema o teñen os traballadores, vostede dicía ben, que teñen a nómina, parte da nómina de decembro sen cobrar, e iso é o que realmente lle preocupa, e polo tanto dende aquí, e sei que nese sentido, das conversas que tivemos, tanto o Sr. Figueroa como eu mesmo, en relación a este tema, co propio Conselleiro, estivo e segue estando, durante varios días, buscando alternativas para as cales esperamos, evidentemente, contar coa colaboración do empresario, que por certo, como supoño que con vostedes tivo unha boa relación, cando chegaron a eses acordos importantes no seu día con el, pois o Conselleiro xa deu a viabilidade a ese préstamo primeiro, e está disposto, evidentemente, a que cheguen, se fose necesario, novos inversores que coñezan este sector, e que queiran traballar por iso e defendelo, como unha causa empresarial e importante na provincia de Pontevedra, eu creo que dende aquí, temos que trasladar ós traballadores, ó representante, neste caso os sindicais, que aquí están, que esta é unha actividade das que ten tradición na provincia de Pontevedra, o sector conserveiro, é evidente que moitas pasaron por dificultades serias, pero creo que é a marca Alfageme, e os traballadores que fixeron esta empresa durante moitos anos, non merecen pasar por esta situación. Polo tanto, nós vamos a facer toda a presión posible para encontrar o mellor camiño, que non é outro que esta empresa teña a viabilidade, non só para pagar as nóminas, senón que teña viabilidade no futuro, o cal xa digo que está en cuestión neste momento, e é un tema moi, moi preocupante, porque xa digo, o Conselleiro se está preocupando de maneira expresa, o conselleiro de Economía e Industria, para buscar unha solución e unha viabilidade futura, por iso eu creo que neste mesmo debate estamos todos, estou seguro que vamos a estar todos aquí pelexando, para encontrarlle a mellor solución para todos eles. ¿Máis preguntas?. ¿D. Cesáreo Mosquera?. Sr. Mosquera Lorenzo.-Moitas gracias Sr. Presidente. Permíteme unha consideración persoal, levo como é sabido, bastantes anos no mundo do urbanismo como coñecedor e como xestor, e hoxe quedei coa boca aberta escoitando ó Sr. Figueroa, en todo caso quero dicir, que sempre se aprende algunha cousa nova, sempre se aprende, incluso hoxe, tivemos un IPESPO que resulta que non se venden as parcelas, e a parálise no sector inmobiliario é absoluta, vamos, pretender que algo que poida funcionar hoxe, arrastrado polo motor do sector inmobiliario, é, ou que se tramite en certos prazos, é francamente admirable, nunca deixa un de aprender ou de escoitar barrabasadas, ou de aprender cousas novas, delicadas, que van contra o sentido común, pero cousas novas que é bo, sempre hai que estar atento a aprender. Ben, o motivo da pregunta é o seguinte. Esta Deputación foi así pioneira, tanto na normalización lingüística como na contranormalización lingüística, ou sexa, na nova normalización lingüística que está aplicando dende hai uns meses, entón, vou a facer unha pregunta e despois unha consideración. Ultimamente, cada vez pasamos unha etapa, que cada vez, víamos que os folletos da Deputación pois estaban bilingües, ou sexa, brillante e demais, a pregunta é, ¿Feijoo non dixo que tiñan que ser trilingües?, van, ¿xa están pensando en facelos trilingües, ou non?, facer triple, tal, facelos trilingües, non sei, non sei, en inglés, portugués, ou o que sexa, parece que o inglés, non se sabe. Pero que se o antecedente, se as consecuencias dese famoso decreto de trilingüismo ou polilingüismo, non sei come é, son as mesmas que nesta Deputación, caramba, caramba, caramba, porque o certo, o certo é que a pesar de haber unha lei de normalización lingüística, que aprobaron vostedes, a iniciativa, só por consenso no Parlamento, a obriga da administración local, esta dende que empezou con iso do plurilingüismo, do bilingüismo, trilingüismo, rrrrrrrrrrrrrrimos …, resulta que cada vez saen máis folletos, máis cartelería, máis comunicacións, só, só, só en español, castelán, ou como lle queira chamar, non sei se hai algunha disfunción, mentres están con iso de se incorporan o inglés ou francés ou chino, ou como sexa, para facer trilingüismo, se é que hai algunha disfunción, no que é o deseño que teñen están incumprindo claramente a lexislación do Parlamento Galego, do Réxime Local, súa, lexislación súa, vaia, a ver se vamos a ter que votar de menos o galegüismo e a defensa do idioma do Sr. Fraga. Cousas veredes, cousas veredes ou cousas estamos vendo. Moitas grazas. A ver cando chegue o trilingüe, que todos queremos avanzar nese sentido ó ritmo que nos marca o Sr. Feijoo. Sr. Presidente.- Moitas gracias Sr. Mosquera. Bueno, pero eu creo que este, que pode ser un tema importante, vostede sabe que esta casa, pois todo o que fai, o fai precisamente para promocionar o noso idioma, e vostede foi un dos grandes defensores nesta casa reclamando, e teño que dicilo, que foi un dos defensores desa causa, e eu falo galego, e estou tremendamente cómodo falando galego, pero tamén quero falar castelán, cando me apetece, e se podo falar inglés pois tamén, porque non, síntome xa, é un pouco máis complicado, pero bueno, todo se andará, hai que ter tempo e eu non teño moito tempo para iso. Pero nós, non creo que sexamos dubidosos, somos unha das primeiras institucións de Galicia en publicar practicamente todo en galego, excepto as publicacións propias que nos pide ou nos demanda alguén, que claro, o maior número de autores son en castelán, e eu, me gustaría, porque vin o outro día un folleto doutras administracións de Galicia, de publicar, sobre todo o que nos interesa que é a información turística de promoción da Provincia en galego, en castelán e inglés, non sei se está así agora ou non, pero, espero que se faga pronto, porque creo que é acertada esa posta en marcha, de que tamén, e por que non, evidentemente poidamos coñecer o inglés, ¿non?. Temos dúas linguas, que as dúas son evidentemente obrigatorias, e polo tanto, bueno, pois aí está o galego e o castelán, pero coñecer o inglés creo que tamén é unha boa fórmula de defender precisamente os coñecementos das persoas. Polo tanto, eu non sei se había algunha pregunta en relación a esta institución, pero creo que os folletos nosos están en galego, ¿non?, ademais, só en galego, ou sexa que non somos nós dubidosos. Xa lle dixen un día ó da Plataforma, que veu por aquí, e a verdade é que non rexía co peso, porque mandeino cargado de libros en galego e dixen, home para que vexas que nós somos unha empresa que tal, e entón díxenlle eu, “vas a ir ben cargadiño”, para que dalgunha maneira te deas conta do que facemos nós, porque eu creo que non o sabía, e díxenlle eu, “ti que es un bo defensor, nada, ti vas a levar un cargamento bo”, e ó final marchou o home cargadiño de libros en galego. Chámase Callón, Sr. Callón, chámase, ¿non?, pois levou o home, non sei se os lería todos, non me volveu a chamar, quero dicir que debeu quedar satisfeito, non sei, senón mándolle máis. Pero bueno, xa digo, nós somos defensores do galego, os primeiros sen dúbida, e creo que hai que, pois, apostar por ese bilingüismo harmónico onde o que queira falar galego que fale galego, e o que queira falar castelán tamén, e se podemos darlle coñecementos en inglés tamén. Quere o Sr. Mosquera un momento. Sr. Mosquera Lorenzo.- Está simpático, dende logo agradécese ese ton e non cando se pon aí a soltar esas peroratas falando doutras cousas. Mire, supoño que fala en serio disto, imposible, vostedes teñen tomada a decisión que teñen tomada, e polo tanto enmascararana con toda a parafernalia que queiran, pero o certo, o certo é que é obriga desta institución, que non nos folletos turísticos senón nas comunicacións ou actos que se organicen, vaian en galego e cada vez empezan a colarse máis que non van. E con respecto ó inglés eu fun un dos desafortunados ou afortunado que estudei inglés, os primeiros que estudamos inglés no bacharelato, non, bueno, despois resulta que os libros que tiven que usar estaban en francés, en alemán e cousas así. Pero eu coñecín a unha familia que estaba realmente obsesionada con que o rapaz aprendera inglés, que ía ser o seu futuro, e efectivamente aprendeu inglés, pero tivo a sorte ou a desgraza de coñecer, no seu currículum, a unha persoa que rematou sendo a súa muller, que era chinesa, e resulta que o que lle rematou arreglando a vida, e moi ben arreglada por certo foi saber chino, o inglés exactamente, exactamente, pois igual para os aeroportos. Bueno, entón quero dicir, non sei por que inglés e non chino ou portugués, oe, que Brasil é un mercado emerxente ou outras cousas. Pero á parte do chascarrillo, o que si é certo é que vostedes teñen feito o deseño, que a través do bilingüismo ó final vai haber máis español que nunca substituíndo ó galego, iso é o triste e o tráxico á parte dos adornos. Moitas grazas. Sr. Presidente.- Eu espero que non. Eu espero que sigamos por esa senda que vostede dicía, eu creo que vamos a volver á normalidade esa de cando había un Presidente da Xunta que era Manuel Fraga, que non había ningún problema, alguén chegou e cambiou as cousas, intentou cambialas, pero volveron ó seu sitio e polo tanto que sexa para ben. A Sra. Pedrosa ten un rogo. ¿É en relación a isto, supoño, non?. Sra. Pedrosa Silva.- En relación al inglés sólo un detalle, lo voy hacer en español porque, que antes de ayer por casualidad fui a una conferencia del número 2 de la mayor empresa gallega de todos los tiempos y de toda la historia, que es el grupo Inditex, y manifestó que en su empresa, que cuenta con más de 25 o 30 mil trabajadores, no hay ni uno sólo que entre, ni un solo trabajador que no sepa inglés, que es la primera pregunta que hace. Hay gente que considera que no es importante, la empresa es gallega, hoy casi todas las empresas operan en el mundo, hoy aquí llegas al mundo, entonces creo que decir que el inglés no tiene importancia es un poquito, en fin. Sr. Presidente.- Moi ben Sra. Pedrosa, pois facemos constancia dese tema. Máis preguntas. ¡Ah!, perdón. Sr. Mosquera Lorenzo.- A ver, é que a Sra. Pedrosa ten o bo uso e costume de falar bastante, aquí hoxe e demais, pero é unha fonte, perdón, non digo en cantidade, digo falar de moitos temas e demais, con todo o respecto, xa sabe que a respecto e quéroa ben, agora, Inditex exactamente non mo poña como exemplo, porque Inditex se puidera non é que xa non fale galego, non falaba nin español, galego nada, no usa para nada, e se puidera non usaba nin español, bueno, igual é o deseño que queremos facer, claro, porque se me pon unha empresa que ten o mínimo respecto polo galego, vale, pero é que exactamente esa non se lle coñece ese costume, ¡eh!, e seguro que agora pide inglés e rematará pedindo chino senón ó tempo, vai a rematar pedindo chino, xa nin español. Sr. Presidente.- Moi ben Sr. Mosquera. Bueno, temos que estar agradecidos de que unha empresa desas estea radicada en Galicia, ¿non?. Outra cousa é o que cada un queira entender. Pero bueno. Sr. Otero Besada. Sr. Otero Besada.- Si, Good morning, buenos días, bos días a todos. Eu quería facer un par de preguntas, vou a ser moi concreto, non quero estenderme, xa se estenderon os compañeiros bastante. Eu refírome a unhas declaracións que un campión olímpico, Carlos Pérez (Perucho), está, que se vai do Club Muíños de Ribadumia, fai unhas declaracións onte, e como nesta casa sempre se tivo ós piraguistas, fíxolle distintas distincións, a David Cal e incluso a el, fai unhas declaracións que me chamaron a atención. Entre elas di, mostrar o meu malestar tamén a algunhas institucións públicas que xa se olvidaron das fotos e recepcións de hai dous anos. A min gustaríame saber, como nesta casa xa se fixeron distintas distincións, gustaríame saber se esta Deputación ten algo que ver coa marcha dun campión olímpico para outra comunidade. Esa é unha das preguntas. A seguinte, e referíndome ó talante que vostede antes dicía, que se tiña cos concellos, que non se facían distincións, dende o 25 de novembro ata a última Comisión de Goberno desta Deputación, hai uns días, lévanse aprobado vinte e catro proxectos do plan anticrise correspondente a doce concellos. Curiosamente os doce concellos ós que se lle aprobaron estes vinte e catro proxectos son todos do Partido Popular. A miña pregunta é ¿que criterios está seguindo para a concesión e para a aprobación destes proxectos?, porque sei que hai moitos concellos doutros partidos que tamén teñen presentado os proxectos. Moitas gracias. Sr. Presidente.- Bueno, é que teño moi boa memoria e teño que dicirlle que está vostede equivocado, unicamente que o alcalde que está sentado nesta esquina se houbera pasado ó Partido Popular, creo que de momento non se pasou, intencións ó mellor non lle faltan, tamén hai que dicilo todo, voullo aclarar ben, porque na última Comisión de Goberno, na última Comisión de Goberno, se aprobaron do concello de Moraña, porque me acordo porque teño moi boa memoria, son, cenoria tomo pouca pero a memoria me queda perfecta. Entón, e creo que hai tamén algún doutro grupo político que non é o Partido Socialista, por iso digo, home, eu non sei que o alcalde de Moraña se houbera pasado, sei que está gobernando con nós, ou intenta que nós o apoiemos, porque bueno, creo que merece o apoio para que lle digamos, pero, xa digo, de momento é do Partido Socialista e non cambiou, polo tanto eu lle digo que rectifique e puntualice ben esa información, polo que, me acordo, non me acordo de máis, vostede ben di se son do PP ou non son, pero nese sentido, xa digo, hai máis concellos que os do Partido Popular, me acordo o de Moraña porque el me pedira un tema dunha carretera, que vamos a falar agora, dunha actuación aí pendente. Espere, para despois darlle a palabra de novo, que lle vai contestar José Enrique en relación á pregunta que vostede facía do deportista. Adiante. Sr. Sotelo Villar.- Si, en relación ós comentarios que vostede fai, teño que dicir que non é certo que Carlos Pérez se marche de Galicia, non é certo, non se marcha, non, non, que o estivo valorando, pero neste momento teño que dicir que non fai moito tempo, mantiven unha conversa con el e non se marcha de Galicia, iso foi o que me transmitiu a min. E sen dúbida, tamén lle podo dicir que esas fotos ás que se refire seguramente, non serán as fotos en relación a esta institución, se referirá a outras administracións, nas cales nós non temos competencia, pero a Deputación creo que cumpriu estritamente o pactado no seu día con el e o vai a seguir cumprindo. E creo que hai un apoio inequívoco hacia Carlos e hacia outros deportistas ó longo dos últimos anos e a intención é seguir colaborando para que cheguen a Londres na mellor das situacións posibles. Sr. Presidente.- Moitas gracias. Ten a palabra o Sr. Otero. Sr. Otero Besada.- Non, eu quería, vamos a ver, á última Comisión pode que fora algo de Moraña, na última Comisión, pero a todas as que temos coñecemento, todas ás que o Secretario nos enviou, teño unha relación delas e non hai ningún concello que non corresponda ó Partido Popular, absolutamente ningún, xa digo, que non sei se na última, porque eu non teño coñecemento que estean, pero nas que teño dende o 25 de novembro todas son do Partido Popular. E a miña pregunta segue sendo o mesmo, ¿cal é o criterio que se está seguindo?. É o que quero que me conteste. Nada máis. Sr. Presidente.- O criterio e demais, co cal eu non, pois xa digo, me preocupo de que saian todos os proxectos pero nada máis, hai unha asistencia técnica que está facendo unha valoración dos proxectos e mandan a corrixir algúns que evidentemente necesitan a súa corrección, e do resto segue todo o procedemento normal establecido, ou sexa, non hai ningún de, porque ademais é un compromiso que adquirimos con todos os concellos e que se debe cumprir na medida das posibilidades. Nese sentido, xa digo, non hai ningún problema. Sr. Otero Besada.- Dúas preguntas nada máis, moi sinxelas, que mas pode contestar seguramente. Noutra Comisión de Goberno recente, faise unha proposta de modificación do orzamento relacionada co proxecto do Wimax e outra cos proxectos das Pousadas. Preguntaba se estas modificacións van a conlevar un retraso nos proxectos ou non. Sr. Presidente.- Estamos traballando para darlle a máxima celeridade a iso, son axustes administrativos que están facendo para cumprir os prazos previstos. Polo tanto, xa digo, en principio non vai haber variación, todo segue o previsto, eu estou metendo, incluso este mesmo mércores na Xunta de Goberno reclamamos a todos os técnicos a celeridade máxima de ámbolos dous proxectos, espero poder cumprir, xa digo, cos prazos previstos, que estamos aínda dentro, e sobre todo darlle ós cidadáns esa importante infraestrutura no tema de internet e máis no que é o apartado Pousadas, pois, poñelas en marcha canto antes. ¿Máis preguntas?. D. Emilio González. Sr. González Iglesias.- Vamos a ver, Sr. Presidente, eu case, a próxima vez non fago as preguntas por escrito. Sr. Presidente.- Vostede sabe que aquí hai diálogo permanente. Sr. González Iglesias.- Vamos a ver, as preguntas son dúas, unha di o seguinte: a presenza das máquinas da Deputación de Pontevedra, retroescavadora, motoniveladora, pisón e camión, así como o envío de aglomerado para asfaltar rúas e pistas no concello de Silleda, vén sendo unha constante por parte da Deputación de Pontevedra dende o pasado 19 de outubro. A cantidade de aglomerado subministrado nun mes, logo de dous anos e medio de sequía distributiva, foi tal que se tivo que acumular no campo da festa da parroquia de Piñeiro e na de Lamela. Dende alí os operarios municipais coa maquinaria da Deputación encárganse de repartila polas pistas do concello. Lamentablemente o uso que se lle está dando a estes bens provinciais non é o axeitado xa que se están a empregar entre outros traballos para bachear e asfaltar pistas cuxo mantemento non corresponde ó concello, nin por suposto, á Deputación. Pistas como as de Curro ou Pena Porriña en Cidra, teñen que ser arranxadas polo ADIF ó ser utilizadas polas obras do alta velocidade tal e como quedou plasmado nun acordo, firmado por suposto, entre o anterior goberno socialista e esa institución do Goberno Central. As empresas adxudicatarias desas obras chegaron incluso a depositar un aval económico no propio concello para garantir así o mantemento e arranxo definitivo das pistas mencionadas ó remate das obras de alta velocidade. Pero o máis grave desta política de mala utilización dos bens da Deputación é que o goberno actual xurdido da moción de censura está a facer obras que son contrarias á lei utilizando para iso o mencionado material e a maquinaria da Deputación de Pontevedra. O mellor dos exemplos é o acontecido no camiño que dá acceso á parte traseira da casa de familiar da actual alcaldesa de Silleda, que a pesar de estar contemplada no Plan Xeral como solo urbano consolidado, o que supón que de acordo co artigo 19 da Lei do Solo, tiña que ser urbanizada á costa dos propietarios dos solares que dan a dito camiño, correspondéndolle logo asumir o custo do seu arranxo á familia da alcaldesa. Foi na realidade urbanizado co asfaltado da maquinaria aportado pola Deputación de Pontevedra. E por todo o exposto as preguntas son as seguintes: ¿Sabe o Presidente da Deputación de Pontevedra que o material e a maquinaria desta institución remitido a Silleda malgastouse ó ser empregado en pistas cuxo mantemento non correspondía ó concello nin á Deputación, por suposto?; ¿Sabe o Presidente da Deputación de Pontevedra que o material e a maquinaria desta institución utilizouse para arranxar, incumprindo a Lei do Solo, o acceso traseiro da casa familiar da actual alcaldesa de Silleda?; ¿Contéstame ou …? Sr. Presidente.- En relación á primeira pregunta, porque como isto entrou onte, eu non teño información disto, pero pedín esta mañá e o que, que eu saiba, se vostede se refire a unha cooperativa, á cal lle demos unha axuda dende esta institución o ano pasado e este ano tamén, e nos tiñan pedido o acceso a unha cooperativa, que son 400 socios, se se refire a iso, pois é o único que nós encontramos de información, en relación á actual casa familiar da alcaldesa de Silleda, non sei onde é, polo tanto non podo dicir, se se fixo iso, ou se non fixo, ou se se deixou de facer, eu non teño esa información pero averiguarémola e todo o demais. Pero vamos, xa digo, no caso anterior, imaxínome que se está referindo a este tema, é un estado máis que lamentable, que había de acceso a unha cooperativa que son 400 socios, que supoño que en todo caso, que o acceso sexa da cooperativa, ademais que fun a visitar eu hai agora máis dun ano, e que, xa se fixera unha actuación primeira, e agora, en todo caso se remataría, pero fóra de aí non teño máis información, pero xa digo, entre hoxe e onte a información que lle estou dando, é a que teño, non sei máis. Sr. González Iglesias.- Cando teña máis información, rogaríalle que ma fixera chegar, en todo caso non se trata de nada do que está dicindo vostede, e hai outra pregunta, que efectivamente é unha pregunta, bueno, vouna facer, e o que se lle pediría que ma contestara por escrito, porque efectivamente non vai a poder contestarma agora. Que sería a seguinte, ¿Cales foron os envíos de material ó concello de Silleda dende as eleccións de 2007, ata o 19 de outubro de 2009?, e a segunda pregunta é, ¿Cáles foron os envíos de material ó concello de Silleda dende o 19 de outubro de 2009 ata hoxe? Isto vén a conto, Sr. Presidente, porque recordará vostede intervencións súas na prensa falando de desgoberno de Silleda, etc., etc. E claro, nunca dixo, Sr. Presidente, que tiña máis de 15 escritos da alcaldesa de Silleda, da actual alcaldesa de Silleda, solicitando material, e que nunca lle contestou, directamente, e a parte dos escritos, nalgunha entrevista fíxolle a mesma petición, non foron contestadas, e dende a moción de censura, se todos os días se producen actuacións por parte da Deputación, polo tanto cando teña eses datos, me contesta por escrito, e encantado. Sr. Presidente.- Bueno, dicirlle ó mesmo tempo que non sei, en todo caso hai este tema, do que eu coñezo da cooperativa, que era un acceso importante, importante en metros cadrados me refiro, que haberá que averiguar se é esa a información. E, bueno, en relación a ese comentario que vostede facía a maiores, eu o que si recordo da alcaldesa é que estiven con ela polo menos dúas veces, aquí, a maiores doutras, fóra da Deputación, e a Deputación colocou unha depuradora, e tivemos que ir a buscala, porque son deses acordos políticos que se fan, de que primeiro hai un goberno anterior, coloca unha depuradora, está a punto de poñerse en marcha, e bueno, como se chega a un acordo cos políticos ou cos veciños de alí e tal, para facer un pouco de demagoxia, o único que fixemos foi mandar unha grúa e sacar unha depuradora que tiñamos colocada, que custara 32 millóns de pesetas, bueno con iso xa lle dou unha referencia de cómo se fai a xestión de uns e de doutros. Pero bueno, de todas as maneiras, averiguaremos esta información para darlla. Máis nada. Moi bos días e moitas gracias. Levántase a sesión. E non habendo máis asuntos que tratar, polo Sr. Presidente, sendo as doce horas e corenta e cinco minutos do expresado día, dáse por rematada a sesión e dela esténdese a presente Acta, que asinará o Ilmo. Sr. Presidente comigo, o Secretario, que dou fe. O Presidente, O Secretario, Asdo. Rafael Louzán Abal Asdo. Carlos Cuadrado Romay

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Pleno (Tema)

Área de control da descrición