Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas e quince minutos do día dezasete de outubro do ano dous mil catorce, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Crespo Iglesias, Dna. Begoña Estévez Bernárdez, D. José Manuel Figueroa Vila, D. José Carlos López Campos, D. José Luis Pérez Estévez, Dna. María Pilar Ramallo Vázquez, D. Moisés Rodríguez Pérez, D. Alberto Valverde Pérez e D.Jesús Vázquez Almuíña, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. José María Bello Maneiro, D. Horacio Gil Expósito, D. Fernando Guitián Guitián, Dna. Marta Iglesias Bueno, D. Severino Reguera Varela, D. Alejandro Rodríguez Rodríguez e Dna. Ana Isabel Vázquez Reboredo. Da fe do acto D. Carlos Cuadrado Romay, Secretario Xeral, e está presente o Sr. Interventor, D.Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.22660.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 3 de outubro de 2014. 2.22661.- CONCESIÓN DE SUBVENCIÓN Ó CONCELLO DE O PORRIÑO PARA A REALIZACIÓN DO INVESTIMENTO DENOMINADO “HUMANIZACIÓN RÚA SERVANDO RAMILO”, INCLUÍDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Á vista da solicitude e toda a documentación necesaria para a válida concesión da subvención con cargo á cantidade que lle corresponde ó concello de O Porriño no Plan urxente de mantemento de servizos e infraestruturas municipais 2014 (PUSIM/14) polo procedemento ordinario de concorrencia competitiva, para financiar o investimento, denominado “Humanización da Rúa Servando Ramilo”; e a vista dos informes do Servizo de Infraestruturas e da Intervención. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos Provinciais e a restante normativa local vixente, a Xunta de Goberno acorda por unanimidade: - Conceder ó Concello de O Porriño con CIF núm. P3603900F, a cantidade de oitenta e cinco mil trescentos corenta e tres euros con trinta e tres céntimos (85.343,33 €), para a realización do investimento (Ref.: PUSIM/14/00794/201400293), denominado “Humanización da Rúa Servando Ramilo”, cun orzamento total que ascende a 164.763,95 €, polo que o concello colabora no seu financiamento comprometendo 79.420,62 € dos seus propios fondos. - Esta subvención, contabilizarase con cargo á aplicación 2014/942.942.762.45 do Orzamento Provincial para o presente exercicio 2014. - A licitación, execución e xustificación deste investimento realizarase conforme ó previsto nas bases reguladoras do PUSIM/14, aprobadas en acordo plenario o 28 de febreiro de 2014 e publicadas no BOP núm. 44 do 5 de marzo de 2014 (dispoñibles tamén na web www.depo.es) e a demais lexislación vixente en materia de contratación e subvencións. - Asemade, ó abeiro da base décimo sexta do PUSIM/14, o investimento deberá estar executado e xustificado, na súa totalidade, o 31 de decembro de 2015. O incumprimento desta obriga poderá dar lugar á revogación da subvención concedida. 3.22662.- CONCESIÓN DE SUBVENCIÓN Ó CONCELLO DE VILAGARCÍA DE AROUSA PARA A REALIZACIÓN DO INVESTIMENTO DENOMINADO “ALTERNATIVA DE TRÁFICO FEXDEGA”, INCLUÍDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Á vista da solicitude e toda a documentación necesaria para a válida concesión da subvención con cargo á cantidade que lle corresponde ó Concello de Vilagarcía de Arousa no Plan urxente de mantemento de servizos e infraestruturas municipais 2014 (PUSIM/14) polo procedemento ordinario de concorrencia competitiva, para financiar o investimento, denominado “Alternativa de tráfico FEXDEGA”; e a vista dos informes do Servizo de Infraestruturas e da Intervención. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos Provinciais e a restante normativa local vixente, a Xunta de Goberno acorda por unanimidade: - Conceder ó Concello de Vilagarcía de Arousa con CIF núm. P3606000B, a cantidade de cento once mil catrocentos cincuenta e tres euros con sesenta e un céntimos (111.453,61 €), para a realización do investimento (Ref.: PUSIM/14/00989/201400292), denominado “Alternativa de tráfico FEXDEGA”, cun orzamento polo mesmo importe, é dicir, de 111.453,61 €. - Esta subvención, contabilizarase con cargo á aplicación 2014/942.942.762.45 do Orzamento Provincial para o presente exercicio 2014. - A licitación, execución e xustificación deste investimento realizarase conforme ó previsto nas bases reguladoras do PUSIM/14, aprobadas en acordo plenario o 28 de febreiro de 2014 e publicadas no BOP núm. 44 do 5 de marzo de 2014 (dispoñibles tamén na web www.depo.es) e a demais lexislación vixente en materia de contratación e subvencións. - Asemade, ó abeiro da base décimo sexta do PUSIM/14, o investimento deberá estar executado e xustificado, na súa totalidade, o 31 de decembro de 2015. O incumprimento desta obriga poderá dar lugar á revogación da subvención concedida. 4.22663.- DESESTIMACIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR DON RICARDO MARTÍNEZ VALCÁRCEL POR DANOS EN VEHÍCULO NA E.P. 2502 (CONCELLO DE TUI) Dada conta que con data de rexistro 13/05/2014 (rex. núm. 2014047802) tivo entrada nesta Deputación instancia en solicitude de indemnización por responsabilidade patrimonial subscrita por Don Ricardo Martínez Valcárcel, con domicilio a efectos de notificacións na rúa Cristino Álvarez, 1- 3ª Planta de A Coruña, por danos en vehículo producidos a consecuencia da existencia dun socavo na E.P. 2502, dirección O Cerquido, no Concello de Tui, o día 07/02/2014 e que cuantificou economicamente en 244,50 €. Resultando.- Que con data 20/06/2014 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172.2 do R.d. 2568/86, solicitouse informe ó Servizo de Infraestruturas, que o emitiu na data 14/07/2014 co seguinte contido: “…Primeiro.- El lugar señalado como punto del siniestro se encuentra en un tramo de la E.P. 2502, vial incluido en el catálogo de carreteras de la Diputación Provincial de Pontevedra. Segundo.- Consta en este Servicio de Infraestructuras que en la fecha señalada se produce un aviso del Servicio de Emergencias en el tramo de vial referenciado. Según el parte de la brigada de conservación de carreteras que se adjunta al presente informe, se acude al lugar del siniestro para proceder a la limpieza de la carretera. Como consecuencia de los temporales e incidencias climáticas adversas durante los días anteriores y posteriores al señalado en la reclamación, y que motivaron numerosas salidas de emergencia, se activó por parte de este Servicio un plan de apoyo a las Brigadas de guardia por lo que, en este caso concreto la actuación se llevó a cabo por la brigada nº 8, cuyo capataz responsable es el funcionario Ángel Pintos. Tercero.- Según informa el capataz de la brigada, el bache donde se produce el accidente tenía una sección circular de, aproximadamente, 90 cm. de diámetro y 12 cm. de profundidad. Decir que debido a las condiciones climáticas adversas mencionadas y a la existencia de señalización existente, señal de peligro, presencia de badenes, el conductor debería haber extremado las medidas de precaución y de velocidad que impone la normativa de Seguridad Vial que tendrían que haber impedido un siniestro como el mencionado.” Resultando.- Que con data 17/09/2014 solicitouse informe complementario ó Servizo de Infraestruturas sobre o tempo transcorrido entre a chamada ou aviso dos Servizos de Emerxencias e a chegada da Brigada da Deputación ó lugar do sinistro, contestando ese mesmo día o seguinte: “El tiempo de desplazamiento al lugar del siniestro de la Brigada nº 8 fue de 25 minutos aproximadamente, ya que, debido a la situación de emergencia existente en la fecha pòr la presencia de temporales en la zona, los sistemas y el protocolo de emergencia estaban activados y los desplazamientos eran inmediatos”. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93, en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do Rd 429/93) co material probatorio achegado ó expediente, antes ó contrario, queda demostrada a non responsabilidade desta Deputación no evento lesivo, xa que o accidente sería sempre imputable a un evento de forza maior, caracterizado doutrinalmente polos elementos de externalidade e irresistibilidade en síntese de imprevisibilidade e inevitabilidade, (así se recolle no informe de Infraestruturas) xa que o acaecido debeuse ás condicións meteorolóxicas adversas e á presenza temporais e incidencias climáticas durante eses días que afectaron de forma notable a configuración do terreo. Considerando.- Que a maior abundamento, as condicións meteorolóxicas adversas deses días motivaron numerosas saídas de emerxencia, polo que se activou por parte do Servizo de Infraestruturas un plan de apoio ás Brigadas de garda, como así consta no informe de data 14/07/2014. Considerando.- Que o atestado instruído pola Garda Civil recolle que “o accidente prodúcese nun tramo con límite de velocidade a 30 km/h, que a superficie estaba mollada e que as condicións atmosféricas eran moi adversas con mais de 10 días de temporais”, o que fai atribuíble a responsabilidade ó condutor do vehículo, pois de ter adecuado a condución ás condicións da vía, o accidente podería non terse producido. Así, segundo o artigo 45 do R.d. 1428/03, de 2 de novembro, que aprobou o Regulamento Xeral de Circulación, “todo conductor está obligado a respetar los límites de velocidad establecidos y a tener en cuenta sus propias condiciones físicas y psíquicas, las características y el estado de la vía, del vehículo y de su carga, las condiciones meteorológicas, ambientales y de circulación y, en general, cuantas circunstancias concurran en cada momento, a fin de adecuar la velocidad de su vehículo a las mismas, de manera que siempre pueda detenerlo dentro de los límites de su campo de visión y ante cualquier obstáculo que pueda presentarse”, o que unido ó feito da rectitude do tramo, á noite e á choiva, obrigaban ó condutor a reducir a velocidade ata estar en disposición de poder deter o vehículo ante o obstáculo. Pola súa banda, a Lei 18/1989 de 25 de xullo, de Bases sobre Tráfico, Circulación de Vehículos a Motor e Seguridade Vial, no artigo 3.3 da base cuarta recolle o seguinte: “…los conductores quedarán especialmente obligados a circular de manera diligente…” En idénticos termos exprésase o R.d. 1428/2003, de 21 de novembro, polo que se aproba o Regulamento Xeral de Circulación, que no seu articulado recolle: Artigo 3.1 “…Se deberá conducir con la diligencia y precaución necesarias para evitar todo daño propio o ajeno, cuidando de no poner en peligro, tanto al mismo conductor…” Artigo 18.1: “…El conductor de un vehículo está obligado a mantener su propia libertad de movimientos, el campo necesario de visión y la atención permanente a la conducción, que garanticen su propia seguridad…” Artigo 132.1: “…Todos los usuarios de las vías objeto de la Ley están obligados a obedecer las señales de la circulación que establezcan una obligación o una prohibición y a adaptar su comportamiento al mensaje del resto de señales reglamentarias que se encuentren en las vías por las que circulan…” Considerando.- A máis, a xurisprudencia sentada polo T.S. en supostos similares, nos cales a reposición consistiu na limpeza da vía, fan descansar o título de imputación da responsabilidade á Administración -entre outros motivos-, na inoperancia, inacción, renuencia ou retardo na limpeza (ou restitución) da mesma mais aló dos 45-60 minutos a partir da chamada ou aviso para proceder á citada limpeza (ou restitución), feito de modo real e probado, o que non se produce no presente suposto, xa que neste caso a brigada tardou aproximadamente 25 minutos en chegar ó lugar do sinistro unha vez foron avisados para proceder á reparación do bache (véxase o informe do Servizo de Infraestruturas), podendo neste senso invocarse “ad exemplum” as seguintes sentenzas: Sentenza do TS Sala 3ª de 11/02/87; sentenza do TS Sala 3ª de 07/10/97; sentenza do TS Sala 6ª de 03/12/02; sentenza do TS Sala 3ª de 24/02/03 F.J.1º; sentenza do TS Sala 3ª de 11/12/07 F.J.2º; sentenza do TSXG do 24/12/03 F.J.5º; sentenza do TSXG do 27/12/07; sentenza do TSXG de 04/10/07; ditame do Consello de Estado de 26/04/07; Sentenza da sección 8ª da Sala do contencioso-administrativo da Audiencia Nacional de 23/06/98; do Xulgado do contencioso-administrativo nº1 de Pontevedra, sentenzas números 121/04; 20/07; 140/08; 114/09; 123/11; do Xulgado do concencioso-administrativo nº2 de Pontevedra, sentenzas números 170/04; 212/04; 2/05; 183/06; 74/09; 124/10; e do Xulgado do contencioso-administrativo nº3 de Pontevedra, sentenzas números 179/04 e 74/08, 250/13. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar dita reclamación. 5.22664.- SENTENZA DO XULGADO DO CONTENCIOSO-ADMINISTRATIVO Nº1 DE PONTEVEDRA, DITADA EN AUTOS DE PROCEDEMENTO ABREVIADO NÚM. 299/2012, PROMOVIDOS POR BIOFABRI, S.L., CONTRA DESESTIMACIÓN DE RECURSO DE REPOSICIÓN (SERVIZO ORAL) Dáse conta da Sentenza número 142/2013 do Xulgado do Contencioso-Administrativo nº2 de Pontevedra, ditada en autos de proceso abreviado núm. 299/2012, promovidos por Biofabri, S.L., contra desestimación do recurso de reposición interposto contra as actas de inspección do IAE, Concello do Porriño, valorado en 25.641,90 €, na que se estima o recurso interposto, con imposición das custas xudiciais á demandada, e cuxa defensa foi levada polo Servizo Xurídico do ORAL desta Deputación. A Xunta de Goberno queda enterada do contido favorable da mesma. 6.22665.- SENTENZA DO XULGADO DO CONTENCIOSO-ADMINISTRATIVO Nº1 DE PONTEVEDRA, DITADA EN AUTOS DE PROCEDEMENTO ABREVIADO NÚM. 471/2012 MS, PROMOVIDOS POR GAS NATURAL FENOSA, S.A., CONTRA DESESTIMACIÓN PRESUNTA DE RECURSO DE REPOSICIÓN INTERPOSTO CONTRA RESOLUCIÓN DO ORAL-DEPUTACIÓN DE PONTEVEDRA (SERVIZO ORAL) Dáse conta da Sentenza número 232/2013 do Xulgado do Contencioso-Administrativo nº1 de Pontevedra, ditada en autos de proceso abreviado núm. 471/2012MS, promovidos por Gas Natural Fenosa, S.A., contra desestimación do recurso de reposición interposto contra resolución de 23/04/2012 ratificando a acta de inspección nº 5297T, relativa á Taxa por utilización privativa ou aproveitamento especial do solo, subsolo ou voo das vías públicas (taxa 1,5%), Concello de Lalín, valorado en 5.486,60 €, na que se desestima o recurso interposto, condenando en costas á recorrente, e cuxa defensa foi levada polo Servizo Xurídico do ORAL desta Deputación. A Xunta de Goberno queda enterada do contido da mesma. 7.22666.- SENTENZA DA SECCIÓN 4ª DA SALA DO CONTENCIOSO-ADMINISTRATIVO DO TSXG, DITADA EN AUTOS DO RECURSO DE APELACIÓN NÚM. 15049/2013, PROMOVIDOS POR COSTAVERDE PROYECTOS INMOBILIARIOS, S.L. (SERVIZO ORAL) Dáse conta da Sentenza número 001/2014 de 22/01/2014 da Sección 4ª da Sala do Contencioso-Administrativo do Tribunal Superior de Xustiza de Galicia, ditada en autos do Recurso de Apelación núm. 15049/2013, promovidos por Costaverde Proyectos Inmobiliarios, S.L., interposto contra Sentenza nº 155/2013 de 04/07/2013 do Xulgado Contencioso-Administrativo nº 1 de Pontevedra, ditada en autos do procedemento ordinario nº 434/2012, desestimatoria do recurso contencioso-administrativo interposto contra resolución da Dirección do ORAL - Deputación de Pontevedra de 21/09/2012 Desestimatoria del recurso de reposición contra resolución execución sentenza nº 140 de 29/05/2012 (Liquidación do ICIO e Taxa por licenza construción), Concello de Sanxenxo, valorado en 65.822,20 €, na que se desestima o recurso de apelación con imposición das custas xudiciais á apelante nun máximo de 1.000 €, e cuxa defensa foi levada polo Servizo Xurídico do ORAL-Deputación. A Xunta de Goberno queda enterada do contido favorable da mesma. 8.22667.- SENTENZA DO XULGADO DO CONTENCIOSO-ADMINISTRATIVO Nº2 DE PONTEVEDRA, DITADA EN AUTOS DE PROCEDEMENTO ABREVIADO NÚM. 293/2012, PROMOVIDOS POR ALONPER 2006, S.L., CONTRA DESESTIMACIÓN DE RECURSO DE REPOSICIÓN (SERVIZO ORAL) Dáse conta da Sentenza número 152/2013 do Xulgado do Contencioso-Administrativo nº2 de Pontevedra, ditada en autos de proceso abreviado núm. 293/2012, promovidos por ALONPER 2006, S.L., contra desestimación do recurso de reposición interposto contra as actas de inspección do ICIO e da taxa por concesión de licenza urbanística do Concello de Soutomaior, valorado en 16.766,75 €, na que se estima parcialmente o recurso interposto, e cuxa defensa foi levada polo Servizo Xurídico do ORAL desta Deputación. A Xunta de Goberno queda enterada do contido da mesma. 9.22668.- SENTENZA DO XULGADO DO CONTENCIOSO-ADMINISTRATIVO Nº1 DE PONTEVEDRA, DITADO EN AUTOS DE PROCEDEMENTO ABREVIADO NÚM. 406/2012 CC, PROMOVIDOS POR D. EMILIO RODIÑO SOTELO, CONTRA DESESTIMACIÓN PRESUNTA DO RECURSO DE REPOSICIÓN INTERPOSTO CONTRA O EXPEDIENTE DE EXECUTIVA 2007EXP39002910 (SERVIZO ORAL) Dáse conta da Sentenza número 197/2013 do Xulgado do Contencioso-Administrativo nº1 de Pontevedra, ditada en autos de proceso abreviado núm. 406/2012CC, promovidos por D. Emilio Rodiño Sotelo, contra desestimación presunta do recurso de reposición interposto contra o expediente de executiva 2007EXP39002910, valorando en 4.143,83 €, na que se desestima o recurso interposto con imposición de costas ó recorrente, e cuxa defensa foi levada polo Servizo Xurídico do ORAL desta Deputación. A Xunta de Goberno queda enterada do contido da mesma. 10.22669.- APROBACIÓN DAS BASES QUE REGULAN A CONVOCATORIA DE DÚAS BOLSAS DE LICENCIADO OU GRADUADO EN HISTORIA OU GRADUADO EN INFORMACIÓN E DOCUMENTACIÓN, PARA O SERVIZO DE PATRIMONIO DOCUMENTAL E BIBLIOGRÁFICO DA DEPUTACIÓN DE PONTEVEDRA Vista a proposta do xefe de sección do Arquivo da Deputación de Pontevedra de data 11 de setembro de 2014, solicitando a convocatoria de dúas bolsas de Licenciado ou Graduado en Historia ou Graduado en Información e Documentación para realizar traballos relacionados coa arquivística, inventariado e catalogación de arquivos, no Arquivo da Deputación de Pontevedra e nos Arquivos Municipais da provincia, con fundamento no artigo 35.2 b) da Lei 7/85, de 2 de abril, reguladora das bases de réxime local e en virtude do disposto na Lei 38/2003, de 17 de novembro, xeral de subvencións e Real Decreto 887/2006, de 21 de xullo, polo que se aproba o regulamento da referida Lei, considerando o informe de intervención de data 7 de outubro, a Xunta de Goberno acorda por unanimidade aprobar a convocatoria de dúas bolsas de licenciado ou graduado en historia ou graduado en información e documentación con destino ó Servizo de Patrimonio Documental e Bibliográfico da Deputación de Pontevedra, que se rexerá polas bases que se achegan a este informe. Estas bolsas terán unha asignación mensual de 800,00 €/mes por beneficiario, sendo o custe da seguridade social de 34,72 €/mes por beneficiario, ditas cantidades imputaranse ás aplicacións orzamentarias 14/332.330.481.01 e 14/332.330.160.03. Outorgaranse con efectos da data da adxudicación (data prevista 01/12/14) e por un período de seis meses, podendo prorrogarse por un único período de seis meses, hasta un máximo dun ano, unha vez emitido informe favorable do xefe do Servizo de Patrimonio Documental e Bibliográfico e Acordo da Xunta de Goberno. Ditas bases son como segue: “BASES QUE REGULAN A CONVOCATORIA DE DÚAS BOLSAS DE LICENCIADO OU GRADUADO EN HISTORIA OU GRADUADO EN INFORMACIÓN E DOCUMENTACIÓN, PARA O SERVIZO DE PATRIMONIO DOCUMENTAL E BIBLIOGRÁFICO DA DEPUTACIÓN DE PONTEVEDRA Primeira. Obxecto: Estas bases regulan o procedemento a seguir para a concesión de dúas bolsas de licenciado ou graduado en Historia ou graduado en Información e Documentación, para realizar tarefas relacionadas coa arquivística e o inventariado e catalogación de arquivos municipais. Segunda. Condicións dos aspirantes: Poderán ser beneficiarios destas bolsas aquelas persoas físicas que, tendo plena capacidade de obrar e sen estaren inhabilitadas para a obtención de axudas e subvencións públicas, reúnan os seguintes requisitos: a) Ter a nacionalidade española ou dalgún dos países membros da Unión Europea. b) Estar en posesión do título de licenciado ou graduado en Historia ou graduado en Información e Documentación, ou estar en condicións de obtelo na data na que remate o prazo de presentación de solicitudes. c) Non ter os 35 anos de idade na data na que remate o prazo de presentación de solicitudes. d) Non estar incapacitado fisicamente nin padecer ningunha enfermidade que poida impedir o desenvolvemento da actividade obxecto da bolsa. e) Non ser beneficiario anteriormente dunha bolsa remunerada de duración superior a seis meses na Deputación de Pontevedra nin nos extinguidos organismos autónomos dependentes desa institución. f) Non ter experiencia laboral previa na profesión ou área de coñecementos, entendendo por tal non estar contratado anteriormente polos grupos de cotización correspondentes ós niveis formativos da titulación esixida nin de alta como autónomo por un período de tempo de duración superior a seis meses. g) Estar inscrito no Servizo Público de Emprego de Pontevedra como demandante ou en mellora de emprego. h) Acreditar o coñecemento da lingua galega, nivel Celga IV. i) Non estar incurso nalgunha das prohibicións sinaladas no artigo 13 da Lei 38/2003, de 17 de novembro, xeral de subvencións. Terceira. Dotación económica: A dotación económica das bolsas será de 800 € ó mes por beneficiario, cantidade que se imputará á aplicación 332.330.481.01 do orzamento provincial. O pagamento das bolsas realizarase a partir da incorporación dos bolseiros, por mensualidades completas ou por fraccións, proporcional ó tempo que dure a bolsa para os casos nos que o bolseiro inicie ou finalice a súa relación nunha data que non coincida co mes natural. Esta cantidade será incompatible con calquera outra remuneración ou axuda por parte das administracións públicas ou entidades privadas a partir do momento que sexan concedidas. Cuarta. Presentación de solicitudes: As solicitudes presentaranse no modelo oficial do anexo I debidamente asinado no Rexistro xeral da institución provincial: - en Pontevedra, no Pazo provincial, avda. Montero Ríos, s/n (de luns a sábado). - en Vigo, na súa sede da rúa Oporto, núm. 3 (de luns a venres). Ou por calquera das vías que se establecen no artigo 38.4 da Lei 30/1992, de 26 de novembro, de réxime xurídico das administracións públicas e do procedemento administrativo común. O prazo de presentación de solicitudes será de 10 días hábiles, contados a partir do seguinte ó da publicación desta convocatoria no Boletín Oficial da Provincia de Pontevedra (BOPPO). Coa solicitude de admisión achegarase a seguinte documentación: a) Fotocopia do documento nacional de identidade en vigor ou calquera outro que o substitúa. b) Documento acreditativo da titulación esixida ou de estar en condicións de obtela na data na que finalice o prazo para presentar as solicitudes. c) Certificado do expediente académico no que conste a nota media, calculada segundo o sistema establecido no R. d. 1125/03, de 5 de setembro, para a súa valoración na fase de concurso. d) Currículo e documentación acreditativa deste. e) Certificado acreditativo do coñecemento da lingua galega, nivel Celga IV. f) Fotocopia da tarxeta de demanda ou mellora de Emprego. g) Informe de períodos de inscrición no Servizo Público de Emprego. h) Certificado de vida laboral da Tesourería Xeral da Seguridade Social actualizado de data posterior ó día no que se publica esta convocatoria (entregar todas as páxinas). i) Declaracións xuradas (modelo de declaración): • De non estar incapacitado fisicamente nin padecer enfermidade que poida impedir o desenvolvemento da actividade que constitúa o obxecto da bolsa. • De que o interesado se compromete a renunciar, se fose seleccionado, a calquera tipo de actividade remunerada durante a vixencia da bolsa. • De non ser beneficiario anteriormente de ningunha outra bolsa remunerada de duración superior a seis meses na Deputación de Pontevedra nin nos seus extinguidos organismos autónomos. Para a presentación das solicitudes, os interesados estarán ó disposto no artigo 23, apartados 3, 4 e 5 da Lei 38/2003, de 17 de novembro, en todo o que sexa de aplicación, ademais do recollido no apartado primeiro desta cláusula. Quinta. Emendas: Unha vez expirado o prazo de presentación de solicitudes a institución provincial ditará unha resolución na que declare aprobada a relación de admitidos e excluídos, especificando, no seu caso, os motivos de exclusión, que será publicada no taboleiro de anuncios e na web www.depo.es. Os aspirantes excluídos ou omitidos disporán dun prazo de cinco días hábiles, contados a partir do día seguinte ó da publicación da resolución, para poder emendar, no seu caso, o defecto que motivase a súa exclusión. No suposto de producirse reclamacións deberá ditarse unha nova resolución estimándoas ou desestimándoas e aprobando a lista definitiva, que se publicará no taboleiro de anuncios e na web www.depo.es. Sexta. Comisión de selección: Para a selección dos bolseiros constituirase unha Comisión de selección, que estará integrada polos seguintes membros: - Presidente: o xefe do Servizo de Patrimonio Documental e Bibliográfico ou un funcionario en quen delegue. - Vogais: un funcionario técnico superior da Deputación. - Secretario: o da Deputación ou un funcionario de carreira con titulación superior en quen delegue. Sétima. Selección dos bolseiros: O proceso de selección desenvolverase en dúas fases. A primeira, de concurso e valoración da documentación presentada polos aspirantes admitidos, e a segunda, de entrevista persoal. Primeira fase: baremo de méritos. Os méritos acreditados polos interesados valoraranse segundo os seguintes criterios: a) Expediente académico: ata un máximo de 4,00 puntos, segundo a nota media calculada polo sistema establecido no R. d. 1125/03, de 5 de setembro. Calquera outro valorarase con 0,00 puntos. b) Por másters universitarios relacionados coa arquivística, inventariado e catalogación de arquivos municipais, 1 punto por máster, ata un máximo de 2 puntos. c) Por transcorrer catro ou máis anos desde a finalización dos estudos universitarios: 1 punto. d) Por transcorrer entre tres e catro anos desde a finalización dos estudos universitarios: 0,90 puntos. e) Por transcorrer entre dous e tres anos desde a finalización dos estudos universitarios: 0,80 puntos. f) Por transcorrer menos de dous anos desde a finalización dos estudos universitarios: 0,70 puntos. As puntuacións outorgadas serán publicadas no taboleiro de anuncios da institución provincial e na súa páxina web, polo menos con tres días hábiles de antelación a respecto da data da entrevista. Segunda fase: entrevista persoal. A entrevista terá lugar unha vez concluída a valoración de méritos e realizarase unicamente cos candidatos que acaden a maior puntuación total na fase de concurso e nunha porcentaxe que garanta un mínimo de tres candidatos por bolsa, podendo ampliarse esta porcentaxe de estimarse conveniente. Por Resolución da Presidencia convocarase ós candidatos para a entrevista persoal, nun único chamamento, quedando decaídos no seu dereito aqueles que non comparezan no lugar e día sinalados. A entrevista versará sobre o seu currículo, obxectivos profesionais, dispoñibilidade e outros, e permitirá comprobar a preparación dos candidatos en materias correspondentes á súa titulación. A entrevista será valorada de cero a tres puntos. En caso de empate nas puntuacións dos aspirantes a orde de prelación determinarase pola maior puntuación acadada na nota media global do expediente académico. Despois de rematar as entrevistas e no prazo máximo de 10 días hábiles, a Comisión publicará no taboleiro de anuncios e na web www.depo.es as puntuacións outorgadas e a proposta de adxudicación, indicando os candidatos seleccionados e os correspondentes suplentes. Oitava. Adxudicación das bolsas: O Servizo de Recursos Humanos e Formación, á vista da Acta da Comisión seleccionadora, formulará a proposta de adxudicación das bolsas convocadas á Xunta de Goberno do organismo provincial a favor dos aspirantes que considere máis idóneos e que acadasen a máxima puntuación, indicando os candidatos suplentes para os casos de renuncia, incumprimento de obrigas, incapacidade sobrevida ou calquera outra causa que implique a perda da condición de bolseiro. Contra este acordo poderase interpoñer un recurso potestativo de reposición, de conformidade co previsto nos artigos 116 e 117 da Lei 30/1992, de 26 de novembro, no prazo de dous meses contados desde o día seguinte ó da notificación da resolución, de conformidade coa Lei 29/1998, de 13 de xullo, reguladora da dita xurisdición. Novena. Condicións xerais: Establécense as seguintes condicións xerais: a) As bolsas terán unha duración de seis meses, contados desde a data na que o adxudicatario comece o seu labor no Servizo de Patrimonio Documental e Bibliográfico, e poderán ser prorrogadas por un único período de seis meses, á vista do informe favorable do responsable do Servizo e por acordo da Xunta de Goberno. b) As bolsas serán incompatibles con calquera outra actividade remunerada, calquera que sexa a súa natureza. c) As persoas beneficiarias das bolsas comprometeranse a observar o horario de traballo e a disciplina do Servizo de Patrimonio Documental e Bibliográfico co fin de non entorpecer o labor do persoal do centro. d) O feito de aceptar e facer uso destas bolsas non establece ningunha relación laboral nin funcionarial coa Deputación de Pontevedra, polo que non implica, en consecuencia, ningún compromiso para unha posterior incorporación ou vinculación do bolseiro a este organismo. e) O pagamento do importe da bolsa realizarase por mensualidades vencidas. As cantidades correspondentes estarán suxeitas ás retencións que procedan, de conformidade co previsto no R. d. 439/2007, de 30 de marzo, polo que se aproba o Regulamento do Imposto sobre a Renda das Persoas Físicas, así como na orde ESS/562013, de 28 de xaneiro, pola que se desenvolven as normas reguladoras da cotización á Seguridade Social para o ano 2014. Décima. Xustificación e renovación da bolsa: Antes de que transcorran os últimos quince días do quinto mes do período de duración da bolsa, o beneficiario está obrigado a presentar unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor, á vista da memoria presentada, emitirá un informe de avaliación e proposta de prórroga, se procede, do que dará traslado ó Servizo de Recursos Humanos e Formación da Deputación para a súa tramitación e cun mes de antelación á data prevista de finalización. A Xunta de Goberno, previo informe da xefa do Servizo de Recursos Humanos e Formación, resolverá esta solicitude, tendo en conta as dispoñibilidades orzamentarias e o aproveitamento demostrado polo bolseiro. Décimo primeira. Revogación e reintegro da bolsa: En calquera momento, a Xunta de Goberno poderá, a proposta do xefe do Servizo de Patrimonio Documental e Bibliográfico e mediante resolución motivada, revogar a bolsa á persoa adxudicataria que non cumpra debidamente as condicións esixidas nestas bases, ou as normas xerais de funcionamento do Servizo, aténdose ó establecido nos artigos 36 e seguintes da Lei 38/2003, de 17 de novembro, e suspendendo o aboamento da bolsa. Neste senso, daranse por finalizadas as prácticas do bolseiro cando concorran algunha das seguintes causas: 1. Renuncia voluntaria por parte do bolseiro que implicará a perda dos dereitos formativos e económicos que puidesen corresponderlle. 2. Baixa por incapacidade temporal de duración superior a 30 días. En caso de concorrer algunha das causas previstas no artigo 37 da Lei 38/2003, de 17 de novembro, xeral de subvencións, poderá esixirse o reintegro total cando o beneficiario incumpra total e absolutamente as condicións impostas para a concesión e a execución da bolsa. Décimo segunda. Suspensión: En caso de enfermidade ou accidente o bolseiro percibirá a prestación correspondente da Seguridade Social. Nese caso a Deputación non complementará ningunha cantidade adicional á citada prestación. A dita situación non ocasionará a finalización das prácticas agás se a ausencia excede os 30 días. No suposto de que se supere o dito prazo, a institución provincial poderá dar por concluída a práctica laboral do bolseiro. Décimo terceira. Renuncia: No caso de que o bolseiro renuncie antes da finalización do período de prácticas, deberá presentar no Rexistro xeral da Deputación a correspondente solicitude dirixida ó Servizo de Recursos Humanos e Formación e informar previamente ó seu titor. En tal situación o Servizo de Patrimonio Documental e Bibliográfico poderá solicitar que se cubra a bolsa que queda vacante polo tempo restante cun candidato suplente, segundo a orde de puntuación obtida no proceso de selección. Décimo cuarta. Obrigas e dereitos dos bolseiros: Obrigas: 1. Incorporarse na data sinalada. 2. Respectar, en todo momento, a normativa do Servizo. 3. Desenvolver unha actitude favorable para a súa integración no centro, e aplicarse con total dilixencia e aproveitamento. 4. Observar e cumprir o horario das prácticas co fin de non entorpecer o labor do persoal do centro. 5. Cumprir as medidas de prevención que en cada caso se deban adoptar, pola súa propia seguridade e saúde e pola das demais persoas ás que poida afectar a súa actividade a causa dos seus actos ou omisións. 6. Utilizar correctamente os medios e equipos de protección facilitados pola empresa, de acordo coas instrucións recibidas. 7. Manter absoluta reserva sobre as actividades e a información intercambiada durante o seu período de prácticas, de maneira que se compromete a non revelarlla, descubrir ou comunicar, de forma directa ou indirecta, a calquera persoa que non estea autorizada a información recibida durante este período. 8. Devolverlle ó Servizo todo o material e documentación que se lle subministre para a realización desta actividade, salvo que fosen destruídos por necesidades de calquera das partes responsables ou que expresamente non se estimase necesaria a súa devolución. 9. Manter absoluta reserva sobre os acontecementos, documentos e información de carácter sensible ós que teña acceso como consecuencia da súa formación en calquera das institucións ou actividades que se realicen. 10. Non transferir, duplicar ou reproducir toda ou parte da información subministrada polo Servizo, sen a súa previa autorización por escrito. 11. Recoñecer expresamente, conforme á Lei orgánica 15/1999, de 13 de decembro, de protección de datos de carácter persoal e demais normativa concordante, que os datos de carácter persoal proporcionados para a realización das actividades formadoras son da exclusiva propiedade da institución provincial e, polo tanto, non poderá aplicalos ou utilizalos con fins distintos ós previstos nin cedérllelos baixo ningún concepto a outras persoas ou entidades alleas, nin sequera para a súa conservación. 12. Gardar segredo profesional a respecto de todos os datos de carácter persoal que coñeza e ós que teña acceso durante a realización das prácticas. 13. Asistir ás accións formativas que organice o centro dentro da xornada laboral relacionadas co contido da bolsa. 14. En caso de enfermidade ou accidente o bolseiro deberá comunicarlle a súa situación ó Servizo de Recursos Humanos e Formación, presentando o correspondente parte médico xustificativo. 15. En caso de renuncia o bolseiro quedará obrigado a comunicarllo ó Servizo ó que figura adscrito e ó de Recursos Humanos e Formación con 3 días hábiles de antelación. 16. Achegar ó organismo provincial unha copia da vida laboral actualizada transcorridos tres meses desde a finalización das prácticas. Dereitos: 1. Ser informados sobre a forma de proceder en caso de emerxencia, primeiros auxilios ou evacuación. 2. Recibir formación en materia preventiva e sobre as instalación nas que se desenvolven as prácticas. 3. Gozar do permiso necesario para a realización de exames de carácter oficial, achegando a correspondente xustificación. 4. Gozar dun permiso de dous días hábiles de descanso por cada mes de prácticas, que se poderán solicitar por meses ou de forma acumulada antes de finalizar as prácticas, con independencia dos períodos mínimos de descanso semanal. Décimo quinta. Responsabilidades: Os beneficiarios destas bolsas estarán sometidos ás responsabilidades e ó réxime sancionador que sobre infraccións administrativas en materia de subvencións establecen os artigos 52 a 69 da Lei 38/2003, de 17 de novembro. Décimo sexta. Devolución de documentación: Transcorridos tres meses desde o remate do proceso selectivo a documentación presentada, excepto a instancia, será destruída, polo que se lles recomenda ós interesados que a retiren no referido prazo. Décimo sétima. Dereitos supletorios: A convocatoria, a selección dos bolseiros e a realización dos traballos que dan dereito ás bolsas suxeitaranse ó previsto nestas bases, á Lei 38/2003, de 17 de novembro, e á Lei 30/1992, de 26 de novembro.” 11.22670.- APROBACIÓN DAS BASES QUE REGULAN A CONVOCATORIA DUNHA BOLSA DE MESTRE CANTEIRO CON DESTINO Á ESCOLA DE CANTEIROS DA DEPUTACIÓN DE PONTEVEDRA Vista a proposta da xefa de Servizo da Escola de Canteiros de data 01 de setembro de 2014, solicitando a convocatoria dunha bolsa de mestre canteiro para adquirir experiencia profesional e completar a formación práctica recibida na escola a fin de garantir unha rápida e efectiva inserción no mercado laboral, con fundamento no artigo 35.2 b) da Lei 7/85 , de 2 de abril, reguladora das bases de réxime local e en virtude do disposto na Lei 38/2003, de 17 de novembro, xeral de subvencións e Real Decreto 887/2006, de 21 de xullo, polo que se aproba o regulamento da referida Lei, considerando o informe de intervención, a Xunta de Goberno acorda por unanimidade, aprobar a convocatoria dunha bolsa de Mestre Canteiro con destino a Escola de Canteiros da Deputación de Pontevedra, que se rexerá polas bases que se achegan a este informe. Estas bolsas terán unha asignación mensual de 600,00 €/mes por beneficiario, sendo o custe da seguridade social de 34,72 €/mes por beneficiario, estas cantidades imputaranse ás aplicacións orzamentarias 14/324.323.481.01 e 14/324.323.160.03. Outorgaranse con efectos da data da adxudicación (data prevista 01/12/14) e por un período de seis meses, podendo prorrogarse por un único período de seis meses, hasta un máximo dun ano, unha vez emitido informe favorable da xefa do Servizo Escola de Canteiros e Acordo da Xunta de Goberno. Ditas bases son como seguen: “BASES QUE REGULAN A CONVOCATORIA DUNHA BOLSA DE MESTRE CANTEIRO CON DESTINO Ó SERVIZO ESCOLA DE CANTEIROS DA DEPUTACIÓN DE PONTEVEDRA Primeira. Obxecto: Estas bases regulan o procedemento a seguir para a concesión dunha bolsa de mestre canteiro, coa finalidade de completar a formación recibida na Escola. Segunda. Condicións dos aspirantes: Poderán ser beneficiarios destas bolsas aquelas persoas físicas que, tendo plena capacidade de obrar e non estando inhabilitadas para a obtención de axudas e subvencións públicas, reúnan os seguintes requisitos: a) Ter a nacionalidade española ou dalgún dos países membros da Unión Europea. b) Estar en posesión do título de mestre canteiro na data en que remate o prazo de presentación de solicitudes. c) Non ter os 35 anos de idade na data na que remate o prazo de presentación de solicitudes. d) Non estar incapacitado fisicamente nin padecer ningunha enfermidade que poida impedir o desenvolvemento da actividade obxecto da bolsa. e) Non ser anteriormente beneficiario dunha bolsa remunerada de duración superior a seis meses na Deputación de Pontevedra nin nos extintos organismos autónomos dependentes desta institución. f) Non ter experiencia laboral previa na profesión ou área de coñecementos, entendendo por tal que non estivese contratado polo grupo de cotización correspondente ó nivel formativo da titulación esixida nin de alta como autónomo por un período de tempo de duración superior a seis meses. g) Estar inscrito nalgunha oficina do Servizo Público de Emprego de Galicia da provincia de Pontevedra como demandante ou en mellora de emprego. h) Non estar incurso nalgunha das prohibicións sinaladas no artigo 13 da Lei 38/2003, de 17 de novembro, xeral de subvencións. Terceira. Dotación económica: A dotación económica das bolsas será de 600 € ó mes por beneficiario, cantidade que se imputará ás aplicacións orzamentarias 324.323.481.01 e 324.323.160.03 do orzamento provincial. O pagamento das bolsas realizarase a partir da incorporación dos bolseiros, por mensualidades completas ou por fraccións proporcionais ó tempo que dure a bolsa para os casos nos que o bolseiro inicie ou finalice a súa relación nunha data que non coincida co mes natural. Esta cantidade será incompatible con calquera outra remuneración ou axuda por parte das administracións públicas ou entidades privadas a partir do momento en que sexan concedidas. Cuarta. Presentación de solicitudes: As solicitudes presentaranse no modelo oficial anexo I, debidamente asinado, no Rexistro xeral da institución provincial: - en Pontevedra, no Pazo provincial, avda. Montero Ríos, s/n (de luns a sábado) - en Vigo, na súa sede da rúa Oporto, núm. 3 (de luns a venres) Ou por calquera das vías que se establecen no artigo 38.4 da Lei 30/1992, de 26 de novembro, de réxime xurídico das administracións públicas e do procedemento administrativo común. O prazo de presentación de solicitudes será de 10 días hábiles, contados a partir do seguinte ó da publicación desta convocatoria no Boletín Oficial da Provincia de Pontevedra (BOPPO). Coa solicitude de admisión achegarase a seguinte documentación: a) Fotocopia do documento nacional de identidade en vigor ou calquera outro que o substitúa. b) Documento acreditativo da titulación esixida ou de estar en condicións de obtela na data na que finalice o prazo para presentar as solicitudes. c) Currículo e documentación acreditativa deste. d) Fotocopia da tarxeta de demanda ou mellora de emprego. e) Informe de períodos de inscrición no Servizo Público de Emprego. f) Certificado de vida laboral da Tesourería Xeral da Seguridade Social actualizado de data posterior ó día en que se publica esta convocatoria (entregar todas as páxinas). g) Declaracións xuradas (modelo de declaración). • De non estar incapacitado fisicamente nin padecer ningunha enfermidade que poida impedir o desenvolvemento da actividade que constitúa o obxecto da bolsa. • De que o interesado se compromete a renunciar, se fose seleccionado, a calquera tipo de actividade remunerada durante a vixencia da bolsa. • De non ser beneficiario con anterioridade de ningunha outra bolsa remunerada na Deputación de Pontevedra nin nos seus extinguidos organismos autónomos de duración superior a seis meses. Para a presentación das solicitudes, os interesados estarán ó disposto no artigo 23, apartados 3, 4 e 5 da Lei 38/2003, de 17 de novembro, xeral de subvencións, en todo o que sexa de aplicación, ademais do recollido no apartado primeiro desta cláusula. Quinta. Emendas: Unha vez expirado o prazo de presentación de solicitudes a institución provincial ditará unha resolución na que declare aprobada a lista de admitidos e excluídos, especificando, no seu caso, os motivos de exclusión, que será publicada no taboleiro de anuncios e na web www.depo.es. Os aspirantes excluídos ou omitidos disporán dun prazo de cinco días hábiles, contados a partir do día seguinte ó da publicación da resolución para emendar, no seu caso, o defecto que motivase a súa exclusión. No suposto de producírense reclamacións deberá ditarse unha nova resolución estimándoas ou desestimándoas e aprobando a lista definitiva, que se publicará no taboleiro de anuncios e na web www.depo.es. Sexta. Comisión de selección: Para a selección dos bolseiros constituirase unha Comisión de selección, que estará integrada polos seguintes membros: - Presidente: o xefe do Servizo da Escola de Canteiros ou funcionario en quen delegue. - Vogais: un funcionario técnico superior da Deputación. - Secretario: o da Deputación ou un funcionario de carreira con titulación superior en quen delegue. Sétima. Selección dos bolseiros: O proceso de selección desenvolverase en dúas fases. A primeira de concurso e valoración da documentación presentada polos aspirantes admitidos, e a segunda de entrevista persoal. Primeira fase: baremo de méritos. Os méritos acreditados polos interesados valoraranse conforme ós seguintes criterios: a) Expediente académico: ata un máximo de 2,00 puntos. b) Por estar en posesión dun título de bacharelato, técnico superior ou técnico especialista: 0,5 puntos. c) Por realizar cursos de formación e perfeccionamento relacionados co contido da bolsa convocada, ata un máximo de dous (2) puntos, computándose: a. De 100 ou máis horas de duración 0,30 puntos por curso. b. De entre 60 e 99 horas de duración 0,25 puntos por curso. c. De entre 30 e 59 horas de duración 0,20 puntos por curso. d. De entre 10 e 29 horas de duración 0,15 puntos por curso. As puntuacións outorgadas estarán recollidas na resolución que aprobe a relación de admitidos e excluídos e publicadas no taboleiro de anuncios da Deputación e na súa páxina web. Segunda fase: entrevista persoal. A entrevista terá lugar unha vez concluída a valoración de méritos e realizarase unicamente cos candidatos que acaden a maior puntuación total na fase de concurso e nunha porcentaxe que garanta un mínimo de tres candidatos por bolsa, podendo ampliarse esta porcentaxe no caso de estimarse conveniente. Por Resolución da Presidencia convocaranse os candidatos para a entrevista persoal, nun único chamamento, quedando decaídos no seu dereito aqueles que non comparezan no lugar e día sinalados. A entrevista versará sobre o currículo, obxectivos profesionais e dispoñibilidade do candidato, ademais doutros temas, e permitirá comprobar a súa preparación en materias relacionadas coa súa titulación. A entrevista será valorada de cero a tres puntos. En caso de empate nas puntuacións dos aspirantes a orde de prelación determinarase pola maior puntuación acadada na nota media global do expediente académico. Despois de rematar as entrevistas e no prazo máximo de 10 días hábiles a Comisión publicará no taboleiro de anuncios e na web www.depo.es as puntuacións outorgadas e a proposta de adxudicación, indicando os candidatos seleccionados e os correspondentes suplentes. Oitava. Adxudicación das bolsas: O Servizo de Recursos Humanos e Formación, á vista da acta da Comisión seleccionadora, formulará a proposta de adxudicación das bolsas convocadas á Xunta de Goberno do organismo provincial a favor do aspirante que considere máis idóneo e que acadase a máxima puntuación, indicando os candidatos suplentes para os casos de renuncia, incumprimento de obrigas, incapacidade sobrevida ou calquera outra causa que implique a perda da condición de bolseiro. Contra este acordo poderase interpoñer un recurso potestativo de reposición, de conformidade co previsto nos artigos 116 e 117 da Lei 30/1992, de 26 de novembro, ou, directamente, un recurso contencioso-administrativo, no prazo de dous meses, contados desde o día seguinte ó da notificación da Resolución, de conformidade coa Lei 29/1998, de 13 de xullo, reguladora da dita xurisdición. Novena. Condicións xerais: Establécense as seguintes condicións xerais: a) As bolsas terán unha duración de seis meses, contados desde a data na que o adxudicatario comece o seu labor na Escola de Canteiros, e poderán ser prorrogadas por un único período de seis meses, á vista do informe favorable do responsable do Servizo e por acordo da Xunta de Goberno. b) As bolsas serán incompatibles con calquera outra actividade remunerada, sexa cal sexa a súa natureza. c) As persoas beneficiarias das bolsas comprometeranse a observar o horario de traballo e a disciplina da Escola de Canteiros co fin de non entorpecer o labor do persoal do centro. d) O feito de aceptar e facer uso destas bolsas non establece ningunha relación laboral nin funcionarial coa institución provincial, polo que non implica, en consecuencia, ningún compromiso para unha posterior incorporación ou vinculación do dito bolseiro a este organismo. e) O pagamento do importe da bolsa realizarase por mensualidades vencidas. As cantidades correspondentes estarán suxeitas ás retencións que procedan, de conformidade co previsto no R. d. 439/2007, de 30 de marzo, polo que se aproba o Regulamento do Imposto sobre a Renda das Persoas Físicas, así como na orde ESS/562013, de 28 de xaneiro, pola que se desenvolven as normas reguladoras da cotización á Seguridade Social para o ano 2014. Décima. Xustificación e renovación da bolsa: Antes de que transcorran os últimos quince días do quinto mes do período de duración da bolsa o beneficiario estará obrigado a presentarlle ó titor unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor emitirá un informe de avaliación e proposta de prórroga, se procede, do que dará traslado xunto coa memoria ó Servizo de Recursos Humanos e Formación da Deputación de Pontevedra para a súa tramitación e cun mes de antelación á data prevista de finalización. A Xunta de Goberno, previo informe da xefa do Servizo de Recursos Humanos e Formación, resolverá esta solicitude, tendo en conta as dispoñibilidades orzamentarias e o aproveitamento demostrado polo bolseiro. Décimo primeira. Revogación e reintegro da bolsa: En calquera momento, a Xunta de Goberno poderá, a proposta da xefa do Servizo Finca Mouriscade e mediante resolución motivada, revogarlle a bolsa á persoa adxudicataria que non cumpra debidamente as condicións esixidas nestas bases ou as normas xerais de funcionamento do Servizo, aténdose ó establecido nos artigos 36 e seguintes da Lei 38/2003, de 17 de novembro, e suspendendo o aboamento da bolsa. Neste senso, daranse por finalizadas as prácticas do bolseiro cando concorran algunha das seguintes causas: 1. Renuncia voluntaria por parte do bolseiro. A renuncia implicará a perda dos dereitos formativos e económicos que puidesen corresponderlle. 2. Baixa por incapacidade temporal de duración superior a 30 días. No caso de concorrer algunha das causas previstas no artigo 37 da Lei 38/2003, de 17 de novembro, poderá esixirse o reintegro total cando o beneficiario incumpra total e absolutamente as condicións impostas para a concesión e a execución da bolsa. Décimo segunda. Suspensión: En caso de enfermidade ou accidente, o bolseiro percibirá a prestación correspondente da Seguridade Social. Nese caso a Deputación non complementará ningunha cantidade adicional á citada prestación. A dita situación non ocasionará a finalización das prácticas, salvo que a ausencia exceda os 30 días. No suposto de que se supere este prazo, a institución provincial poderá dar por concluída a práctica laboral do bolseiro. Décimo terceira. Renuncia: No caso de que o bolseiro renuncie antes da finalización do período de prácticas deberá informar o seu titor e presentar no Rexistro xeral da Deputación a correspondente solicitude dirixida ó Servizo de Recursos Humanos e Formación. En tal situación o Servizo Escola de Canteiros poderá solicitar que se cubra a bolsa que queda vacante polo tempo restante cun candidato suplente, segundo a orde de puntuación obtida no proceso de selección. Décimo cuarta. Obrigas e dereitos do bolseiro: Son obrigas dos bolseiros as seguintes: 1. Incorporarse na data sinalada. 2. Respectar, en todo momento, a normativa do Servizo. 3. Desenvolver unha actitude favorable para a súa integración no centro e aplicarse con total dilixencia e aproveitamento. 4. Observar e cumprir o horario das prácticas co fin de non entorpecer o labor do persoal do Centro. 5. Cumprir as medidas de prevención que en cada caso se deban adoptar, pola súa propia seguridade e saúde e pola de aquelas outras persoas ás que poida afectarlle a súa actividade, a causa dos seus actos ou omisións. 6. Utilizar correctamente os medios e equipos de protección facilitados pola empresa, de acordo coas instrucións recibidas. 7. Manter absoluta reserva sobre as actividades e a información intercambiada durante o seu período de prácticas, de maneira que se compromete a non revelar, descubrir ou comunicarlle, de forma directa ou indirecta, a calquera persoa que non estea autorizada a información recibida durante este período. 8. Devolverlle ó Servizo todo o material e documentación que se lle subministre para a realización desta actividade, salvo que fosen destruídos por necesidades de calquera das partes responsables, ou que expresamente non se estimase necesaria a súa devolución. 9. Manter absoluta reserva sobre os acontecementos, documentos e información de carácter sensible ós que teña acceso como consecuencia da súa formación en calquera das institucións ou actividades que se realicen. 10. Non transferir, duplicar ou reproducir todo ou parte da información subministrada polo Servizo, sen a súa previa autorización por escrito. 11. Recoñecer expresamente, conforme coa Lei orgánica 15/1999, de 13 de decembro, de protección de datos de carácter persoal e demais normativa concordante, que os datos de carácter persoal proporcionados para a realización das actividades formadoras son da exclusiva propiedade da institución provincial e, polo tanto, non poderá aplicalos ou utilizalos con fins distintos ós previstos, nin llelos ceder baixo ningún concepto a outras persoas ou entidades alleas, nin sequera para a súa conservación. 12. Gardar segredo profesional a respecto de todos os datos de carácter persoal que coñeza e ós que teña acceso durante a realización das prácticas. 13. Asistir ás accións formativas que organice o centro dentro da xornada laboral relacionadas co contido da bolsa. 14. En caso de enfermidade ou accidente o bolseiro deberá comunicarlle a súa situación ó Servizo de Recursos Humanos e Formación da Deputación, presentando o oportuno parte médico xustificativo. 15. En caso de renuncia o bolseiro quedará obrigado a comunicarllo ó Servizo ó que figura adscrito e ó Servizo de Recursos Humanos e Formación da Deputación, con 3 días hábiles de antelación. 16. Achegar ó organismo provincial unha copia da vida laboral actualizada transcorridos tres meses desde a finalización das prácticas. Son dereitos dos bolseiros os seguintes: 1. Ser informados sobre a forma de proceder en caso de emerxencia, primeiros auxilios ou evacuación. 2. Recibir formación en materia preventiva e sobre as instalación nas que se desenvolven as prácticas. 3. Gozar do permiso necesario para a realización de exames de carácter oficial, achegando a correspondente xustificación. 4. Gozar dun permiso de dous días hábiles de descanso por mes de prácticas, que se poderán solicitar por meses ou de forma acumulada antes de finalizar as prácticas, con independencia dos períodos mínimos de descanso semanal. Décimo quinta. Responsabilidades: Os beneficiarios destas bolsas estarán sometidos ás responsabilidades e ó réxime sancionador que, sobre infraccións administrativas en materia de subvencións, establecen os artigos 52 a 69 da Lei 38/2003, de 17 de novembro. Décimo sexta. Devolución da documentación: Despois de transcorridos tres meses desde o final do proceso selectivo a documentación presentada, agás a instancia, será destruída, polo que se lles recomenda ós interesados que a retiren no referido prazo. Décimo sétima. Dereitos supletorios: A convocatoria, a selección dos bolseiros e a realización dos traballos que dan dereito ás bolsas suxeitaranse ó previsto nestas bases, á Lei 38/2003, de 17 de novembro, e á Lei 30/1992, de 26 de novembro.” 12.22671.- FINALIZACIÓN DUNHA BOLSA DE PRÁCTICA LABORAL EN EMPRESAS POR RENUNCIA DO BOLSEIRO ELOY RODRÍGUEZ SÍO NA EMPRESA CABALEIRO NOGUEIRA, S.L. Por acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó Plan de práctica laboral en empresas do sector privado, por número de expediente, titulación, candidato seleccionado e empresa de destino, con efectos de 30 de decembro de 2013 e por un período de seis meses, prorrogables por outros seis. O pasado 30 de decembro de 2013 iniciou as súas prácticas laborais do expediente E-80 da titulación Licenciatura en Administración e Dirección de Empresas, o bolseiro Eloy Rodríguez Sío na empresa Cabaleiro Nogueira, S.L. Con data de 8 de outubro de 2014 o bolseiro Eloy Rodríguez Sío presenta escrito solicitando a súa renuncia a continuar participando no Plan de práctica laboral con efectos do 20 de outubro de 2014. A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Por todo e exposto, a Xunta de Goberno acorda por unanimidade, dar por finalizadas as prácticas do bolseiro Eloy Rodríguez Sío na empresa Cabaleiro Nogueira, S.L. con efectos do día 20 de outubro de 2014. 13.22672.- FINALIZACIÓN DUNHA BOLSA DE PRÁCTICA LABORAL EN EMPRESAS POR RENUNCIA DA BOLSEIRA LAURA DOMÍNGUEZ SUÁREZ NA EMPRESA OFTEGA AB, S.L. Por acordo aprobado na Xunta de Goberno celebrada o 26 de setembro de 2014 adxudicáronse as bolsas correspondentes ó Plan de práctica laboral en empresas do sector privado 2014, por número de expediente, titulación, candidato seleccionado e empresa de destino, con efectos de 1 de outubro de 2014 e por un período de seis meses, prorrogables por outros seis. O pasado 01 de outubro de 2014 iniciou as súas prácticas laborais do expediente P037 da titulación Diplomatura en Ciencias Empresariais, a bolseira Laura Domínguez Suárez na empresa Oftega AB, S.L. Con data de 09 de outubro de 2014 a bolseira Laura Domínguez Suárez presenta escrito solicitando a súa renuncia a continuar participando no plan de práctica laboral con efectos do 01 de outubro de 2014, manifestando que a empresa retrasou a súa incorporación ata o día 13 de outubro, tempo no que lle fixeron unha oferta de traballo en mellores condicións que decidiu aceptar, polo que solicita que se lle dea de baixa como bolseira o día 01 de outubro de 2014. A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Por todo e exposto, a Xunta de Goberno acorda por unanimidade, dar por finalizadas as prácticas da bolseira Laura Domínguez Suárez na empresa Oftega AB, S.L. con efectos do día 1 de outubro de 2014. 14.22673.- RATIFICACIÓN DA RESOLUCIÓN PRESIDENCIAL NÚM. 2014029066, DE DATA 07/10/2014, POLA QUE SE DAN POR FINALIZADAS AS PRÁCTICAS DO BOLSEIRO IGNACIO LAGO FERNÁNDEZ NA EMPRESA SOFTWARE Y COMUNICACIONES MARKA INFORMÁTICA, S.L., POR RENUNCIA DA EMPRESA De conformidade co disposto nas bases da convocatoria do Plan de práctica laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014029066 de data 7 de outubro de 2014 na que se dan por finalizadas as prácticas do bolseiro Ignacio Lago Fernández na empresa Software y Comunicaciones Marka Informática, S.L. con efectos do día 7 de outubro de 2014, por renuncia da empresa. 15.22674.- RATIFICACIÓN DA RESOLUCIÓN PRESIDENCIAL NÚM. 2014029497, DE DATA 10/10/2014, POLA QUE SE DAN POR FINALIZADAS AS PRÁCTICAS DO BOLSEIRO RUBÉN TABOADA VÁZQUEZ NA EMPRESA ALFONSO GARCÍA LÓPEZ, S.A. (PESCAMAR) De conformidade co disposto nas bases ca convocatoria do plan de práctica laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014029497 de data 10 de outubro de 2014 na que se dan por finalizadas as prácticas do bolseiro Rubén Taboada Vázquez na empresa Alfonso García López, S.A. con efectos do día 10 de outubro de 2014, por renuncia do bolseiro. 16.22675.- RATIFICACIÓN DAS RESOLUCIÓNS PRESIDENCIAIS Nº 2014029507, Nº 2014029521 E Nº 2014029522, DE DATAS 10/10/2014, RESPECTIVAMENTE, POLA QUE SE DAN POR FINALIZADAS BOLSAS DE PRÁCTICA LABORAL 2014 POR RENUNCIA DOS BOLSEIROS De conformidade co disposto nas bases da convocatoria do Plan de práctica laboral en empresas do sector privado 2014, a Xunta de Goberno acorda por unanimidade ratificar as seguintes Resolucións Presidenciais: - Resolución Presidencial nº 2014029507 de data 10 de outubro de 2014, pola que se resolve dar por finalizadas as prácticas da bolseira María Paz Ferreira Vázquez na empresa La Fe Previsora Compañía de Seguros, S.A. con efectos do día 9 de outubro de 2014. - Resolución Presidencial nº 2014029521 de data 10 de outubro de 2014, pola que se resolve dar por finalizadas as prácticas da bolseira Miriam Regueira Costas na empresa Portal de Formación y Servicios para Pymes, S.L. con efectos do día 10 de outubro de 2014. - Resolución Presidencial nº 2014029522 de data 10 de outubro de 2014, pola que se resolve suspender as prácticas da bolseira Verónica Blanco Maceira na empresa Attis Bodegas y Viñedos, S.L. con efectos do día 10 de outubro de 2014 por renuncia da empresa. 17.22676.- RATIFICACIÓN DA RESOLUCIÓN PRESIDENCIAL NÚM. 2014029797, DE DATA 14/10/2014, POLA QUE SE DAN POR FINALIZADAS AS PRÁCTICAS DA BOLSEIRA MARTA MARTÍNEZ MAJOLERO NA EMPRESA DE INSERCIÓN LABORAL CORMO INTEGRAL, S.L.U. De conformidade co disposto nas bases da convocatoria do Plan de práctica laboral en empresas do sector privado 2013, a Xunta de Goberno acorda por unanimidade ratificar a Resolución Presidencial nº 2014029797 de data 10 de outubro de 2014 na que se dan por finalizadas as prácticas da bolseira Marta Martínez Majolero na Empresa de Inserción Laboral Cormo Integral, S.L.U. con efectos do día 10 de outubro de 2014, por renuncia da bolseira. 18.22677.- CONCESIÓN DE PRÓRROGA DE CATRO BOLSAS DE LICENCIADO EN HISTORIA OU GRADUADOS EN INFORMACIÓN E DOCUMENTACIÓN CON DESTINO Ó SERVIZO DE PATRIMONIO DOCUMENTAL E BIBLIOGRÁFICO Por Acordo adoptado na Xunta de Goberno desta Deputación Provincial con número 10.21992, en sesión celebrada o 11 de abril de 2014 adxudicáronse catro bolsas de Licenciados en Historia ou graduados en información e documentación, con destino ó Servizo de Patrimonio Documental e Bibliográfico a favor de Antón Vázquez Escudero, Sara Iglesias González, Yolanda Lois Peón e José Ángel Reyes González con efectos 1 de maio de 2014 e por un período de seis meses. Por Resolución Presidencial con número de rexistro de entrada 2014013330 adxudícase a bolsa de Sara Iglesias González por renuncia o seguinte suplente Miguel Ángel Rocafort Ferradás. Por Resolución Presidencial con número de rexistro de entrada 2014019425 adxudícase a bolsa de Yolanda Lois Peón por renuncia o seguinte suplente Óscar Pena Espiño. As Bases da Convocatoria publicadas no BOP nº 33 de fecha 18 de febreiro de 2014, establecen que “As bolsas terán una duración de seis meses, contadas desde a data na que o adxudicatario comece o seu labor no Servizo de Patrimonio Documental e Bibliográfico, e poderán ser prorrogadas por un único período de seis meses, á vista do informe favorable do responsable do Servizo e por acordo da Xunta de Goberno.” Mediante escrito de data 1 de outubro de 2014 a xefa da sección de Arquivos da Provincia do Servizo Patrimonio Documental e Bibliográfico da Deputación de Pontevedra solicita a prórroga das referidas bolsas por un período de seis meses, desde o 1 de novembro de 2014 ata o 30 de abril de 2015, informando que os bolseiros levan a cabo o seu traballo de forma satisfactoria. De conformidade con todo o exposto, e en virtude das competencias conferidas polos artigos 35.2.b da Lei 7/1985 de 2 de abril, Reguladora das Bases do Réxime Local, e 105 da Lei 5/1997 de Administración Local de Galicia, e demais normativa de concordante aplicación, considerando o informe de intervención de data 7 de outubro, a Xunta de Goberno acorda por unanimidade prorrogar as bolsas concedidas a Antón Vázquez Escudero, Miguel Ángel Rocafort Ferradás, Óscar Pena Espiño e José Ángel Reyes González, Licenciados en Historia, con efectos do 1 de novembro de 2014 e ata o 30 de abril de 2015. A dotación económica de ditas bolsas ascende a 800,00 €/mes por beneficiario o que supón para o período comprendido entre o 1 de novembro de 2014 e o 31 de decembro de 2014 un total de 6.400,00 €, sendo o custe da seguridade social de 34,72 €/mes, o que supón para ese mesmo período un total de 277,76 €. Estas cantidades imputaranse ás aplicacións orzamentarias 14/332.330.481.01 e 14/332.330.160.03 do orzamento provincial. 19.22678.- CONCESIÓN DE PRÓRROGA DUNHA BOLSA DO PLAN DE PRÁCTICA LABORAL 2014 EN EMPRESAS DO SECTOR TURÍSTICO DA PROVINCIA DE PONTEVEDRA No Boletín Oficial da Provincia nº 129, de data 7 de xullo do 2014, publicáronse as bases da convocatoria de 6 bolsas de práctica laboral en empresas do sector turístico da provincia de Pontevedra destinadas a titulados universitarios ou de formación profesional, segundo os casos, sen experiencia laboral previa no ámbito da súa titulación, coa finalidade de promover e completar a súa formación en áreas de coñecemento ou actividades que poidan facilitar a súa incorporación ó mercado laboral. Por acordo adoptado na Xunta de Goberno número 15.22401, en sesión celebrada o 1 de agosto de 2014, adxudicáronse dúas bolsas de práctica laboral en empresas do sector turístico da provincia de Pontevedra. Na base novena da convocatoria establécese que as bolsas terán unha duración de tres meses, contados desde a data na que a persoa adxudicataria comece o seu labor na empresa correspondente, e poderán ser prorrogadas por outros 3 meses se o volume de actividade da empresa así o xustifica, podendo incluso en casos excepcionais ampliarse a un ano por acordo da Xunta de Goberno, cumprindo o disposto na cláusula décima destas bases e sempre que exista dotación orzamentaria. En caso de urxencia poderá prorrogarse por Resolución Presidencial dando conta a Xunta de Goberno. Segundo a base décima de dita convocatoria, antes de que transcorran os últimos quince días do segundo mes do período de duración da bolsa, o beneficiario estará obrigado a presentar ó titor unha memoria sobre o conxunto dos traballos realizados, especificando os obxectivos conseguidos, a metodoloxía empregada e os principais resultados dos estudos practicados. O titor emitirá informe de avaliación e proposta de prórroga, se procede, do que dará traslado, xunto coa memoria, ó Servizo de RRHH e Formación da Deputación para súa tramitación e cun mes de antelación á data prevista de finalización. En cumprimento no disposto na dita base décima, mediante o informe de avaliación e á vista da memoria presentada o titor considera que procede prorrogar a bolsa. Con todo o exposto, en virtude das competencias conferidas polos artigos 35.2.b da Lei 7/1985, de 2 de abril, Reguladora das bases do réxime local e artigo 105 da Lei 5/1997, de 22 de xullo, de Administración Local de Galicia e demais normativa de concordante aplicación, considerando o informe de intervención de data 07/10/2014, a Xunta de Goberno acorda por unanimidade, prorrogar a bolsa concedida á bolseira que se relaciona a continuación, con efectos do 01/11/2014 ata o 31/01/2015. Exp. Apelidos e Nome Titulacións Empresa Importe T4 Escudeiro Tilve, Iria Ciclo Superior en Guía, Información e Asistencia Turísticas Cooperativa Vitivinícola Arousa Sociedad Cooperativa Galega 700,00 € A dotación económica da bolsa determinada polo nivel de titulación ascende a un total de 700,00 €/mes por beneficiario para os ciclos superiores de formación profesional, o que supón para o ano 2014, un total de 1.400,00 €, sendo o custe da seguridade social de 34,72€/mes por beneficiario, o que supón para este exercicio un total de 69,44 €. Estas cantidades imputaranse ás aplicacións 14/921.241.481.47 e 14/921.241.160.47 do orzamento provincial. 20.22679.- CONCESIÓN DE PRÓRROGA Á FEDERACIÓN DE ASOCIACIÓNS DE FAMILIARES E ENFERMOS MENTAIS DE GALICIA (FEAFES) PARA A XUSTIFICACIÓN DE SUBVENCIÓN CONCEDIDA PARA O PROXECTO PRACTICUM IV A Xunta de Goberno da Deputación de Pontevedra na sesión ordinaria do día 30 de maio de 2014, acordou conceder á Feafes Galicia (Federación de Asociacións de Familiares e Enfermos Mentais de Galicia) do concello de Vigo, para o proxecto “Practicum IV”, unha axuda económica por importe de 5.598,00 €, con cargo ó programa de subvencións dirixidas ás Entidades de Iniciativa Social no marco da prestación de Servizos Sociais de Atención Especializada do ano 2014. Resultando que o prazo concedido para xustificar esta subvención é ata o día 15 de febreiro de 2015, pero o Coordinador de Feafes Galicia, a través de escrito de data 23 de setembro de 2014, pide que se amplíe o prazo para rematar a realización do proxecto “Practicum IV” por causa da ralentización no asinamento de convenios de colaboración con empresas, solicitando autorización para a xustificación da subvención ata o día 15 de marzo de 2015. Resultando que no expediente figura un informe da Traballadora Social do Servizo de Sevizos Sociais e Promoción de Emprego, no que se recollen as circunstancias que xustifican a solicitude, así como un informe do Servizo de Intervención favorable a tramitación do expediente. Considerando que a solicitude de prórroga está presentada antes do remate de prazo de xustificación da subvención de conformidade co establecido no artigo 49 da Lei 30/1992, de 26 de novembro, de Réxime Xurídico das Administracións Públicas e do Procedemento Común. Considerando que o artigo 70 do Real Decreto 887/2006, do 21 de xullo, polo que se aproba o Regulamento da Lei 38/2003, do 17 de novembro, Xeral de subvencións establece que no caso de prórrogas, o órgano competente poderá outorgar unha ampliación do prazo de xustificación que non exceda da metade do mesmo, e sempre que con iso non se prexudiquen dereitos de terceiro, e neste caso a prórroga solicitada non é superior á metade deste prazo. Considerando que a Xunta de Goberno e o órgano competente para a concesión da prórroga relativa á ampliación do prazo de xustificación da axuda concedida para o proxecto “Practicum IV”, o ser o órgano que lle concedeu a subvención. á Federación de Asociacións de Familiares e Enfermos Mentais de Galicia. A Xunta de Goberno acorda por unanimidade: 1. Conceder á Feafes Galicia (Federación de Asociacións de Familiares e Enfermos Mentais de Galicia) do concello de Vigo, unha prórroga para desenvolver o proxecto “Practicum IV”, subvencionado con 5.598,00 €, con cargo ó programa de subvencións dirixidas ás Entidades de Iniciativa Social no marco da prestación de Servizos Sociais de Atención Especializada do ano 2014. 2. Que a Federación de Asociacións de Familiares e Enfermos Mentais de Galicia dispoña dun novo prazo para xustificación da axuda concedida ata o 15 de marzo de 2015. 21.22680.- COMUNICACIÓNS: Non houbo. FÓRA DA ORDE DO DÍA, e previa declaración de urxencia adoptáronse os seguintes acordos: 22.22681.- CONVENIO DE COLABORACIÓN ENTRE A XUNTA DE GALICIA A TRAVÉS DA AXENCIA DE TURISMO DE GALICIA E A DEPUTACIÓN PROVINCIAL DE PONTEVEDRA PARA A REALIZACIÓN DE ACTIVIDADES DE VALORIZACIÓN DOS RECURSOS TURÍSTICOS NA PROVINCIA DE PONTEVEDRA COFINANCIADO POLO FONDO EUROPEO DE DESENVOLVEMENTO REXIONAL NO MARCO DO PROGRAMA OPERATIVO FEDER GALICIA 2007/2013, T.P. 5.57 Visto o informe da xefa do Servizo de Turismo de 16 de outubro sobre o convenio de colaboración entre a Axencia Galega de Turismo de Galicia e a Deputación de Pontevedra para a realización de actividades de valorización dos recursos turísticos na provincia de Pontevedra cofinanciado polo Fondo Europeo de Desenvolvemento Rexional no marco do programa operativo FEDER 2007/2013, T.P. 5.57.5. Resultando que o 16 de outubro de 2014 o Sr. Secretario Xeral emite informe favorable sobre a aprobación do convenio de colaboración. Resultando que o 16 de outubro de 2014 a xefa do servizo de fiscalización emite informe previo á aprobación do convenio de colaboración. Considerando a normativa aplicable: - Artigos 31, 34, 35 e 36 da Lei 7/1985, de 2 de abril reguladora das Bases do réxime local. - Artigos 101.2, 109 e 118 da Lei 5/1997, do 22 de xullo, da administración local de Galicia. - Artigos 26, 31.6 e concordantes da Lei 9/2007, do 13 de xuño, de Subvencións de Galicia. - Artigos 6, 9 e concordantes da Lei 30/1992, do 26 de novembro, do Réxime Xurídico das administracións públicas e do procedemento administrativo común. - Bases de execución do orzamento da Deputación de Pontevedra para o ano 2014. Así como a demais normativa aplicable na materia. A Xunta de Goberno acorda por unanimidade aprobar o convenio de colaboración entre a Axencia Galega de Turismo de Galicia e a Deputación de Pontevedra para a realización de actividades de valorización dos recursos turísticos na provincia de Pontevedra cofinanciado polo Fondo Europeo de Desenvolvemento Rexional no marco do programa operativo FEDER 2007/2013, T.P. 5.57.5. Dito convenio é como segue: “CONVENIO DE COLABORACIÓN ENTRE A XUNTA DE GALICIA A TRAVÉS DA AXENCIA TURISMO DE GALICIA E A DEPUTACIÓN PROVINCIAL DE PONTEVEDRA PARA A REALIZACIÓN DE ACTIVIDADES DE VALORIZACIÓN DOS RECURSOS TURÍSTICOS NA PROVINCIA DE PONTEVEDRA COFINANCIADO POLO FONDO EUROPEO DE DESENVOLVEMENTO REXIONAL NO MARCO DO PROGRAMA OPERATIVO FEDER GALICIA 2007/2013, T.P. 5.57.5 Santiago de Compostela, 29 de setembro de 2014 REUNIDOS Dunha parte, Dª María Nava Castro Domínguez, directora da Axencia de Turismo de Galicia, en virtude do nomeamento polo Decreto 34/2013 do 21 de febreiro e conforme as facultades que lle confire o artigo 5 do Decreto 196/2012, do 27 de setembro polo que se crea a Axencia de Turismo de Galicia e se aproban os seus estatutos que desconcentra na titular da Dirección da Axencia a competencia para subscribir convenios de colaboración no seu respectivo ámbito competencial. Doutra, D. Rafael Louzán Abal, Presidente da Deputación provincial de Pontevedra, con N.I.F. P-3600000-H en virtude do acordo plenario de 24 de xuño de 2011 de conformidade co disposto no artigo 34.1 b) da Lei 7/1985 de 2 de abril de Bases do Réxime Local. Interveñen en función dos seus respectivos cargos en exercicio das facultades que, para convir en nome das entidades que representan teñen conferidas. EXPOÑEN Primeiro.- Que o artigo 148.1.18 da Constitución establece como competencias da Administración Xeral do Estado que poderán asumir as Comunidades Autónomas, a relativa á promoción e ordenación do turismo no seu ámbito territorial. Que a Comunidade Autónoma de Galicia ten competencias, con carácter exclusivo, tal e como se desprende do contido do seu Estatuto de Autonomía, en materia de promoción e ordenación do turismo dentro da Comunidade (artigo 27.21). Que a Axencia Turismo de Galicia, segundo o Decreto 196/2012, do 27 de setembro polo que se crea a Axencia de Turismo de Galicia e se aproban os seus estatutos é o órgano da Xunta de Galicia ao que lle corresponden o exercicio, entre outras, das competencias en materia de coordinación, impulso, xestión e execución das actividades promoción do turismo. Para lograr esta finalidade a Axencia Turismo de Galicia acomete, no ámbito das súas competencias, un decidido apoio á promoción e fomento do sector turístico de Galicia. No exercicio das súas funcións, correspóndelle executar as medidas definidas para a promoción e fomento do sector turístico de Galicia, levar a cabo plans e programas de acción e colaborar no desenvolvemento de actuacións que lle permitan acadar os seus obxectivos. Segundo.- Que de conformidade co previsto nos artigos 31 da Lei 7/1985, de 2 de abril, reguladora das bases de réxime local e 101.2 da Lei 5/1997, do 22 de xullo, da Administración local de Galicia, a provincia ten como “fins propios e específicos garantir os principios de solidariedade e equilibrio intermunicipais, no marco da política económica e social e, en particular: a. Asegurar a prestación integral e adecuada na totalidade do territorio provincial dos servizos de competencia municipal. b. Participar na coordinación da Administración local coa da Comunidade Autónoma e a do Estado”. Así mesmo de acordo co establecido no artigo 36 da Lei 7/1985, de 2 de abril, reguladora das bases de réxime local unha competencia propia da Deputación é a cooperación no fomento do desenvolvemento económico e social e na planificación no territorio provincial, de acordo coas competencias das demais Administracións Públicas neste ámbito. No mesmo senso se pronuncia o artigo 109 da lei de Administración Local de Galicia, ao sinalar que é competencia propia da Deputación, en calquera caso, en xeral, o fomento e a administración dos intereses peculiares da provincia, subliñando que as competencias propias das Deputacións son ademais das atribuídas polas leis do Estado, as asignadas no mesmo concepto polas leis das Comunidades Autónomas (artigo 36.1 LBRL). Terceiro.- Que ó abeiro do disposto na Lei 5/1997, do 22 de xullo, da Administración local de Galicia, a Xunta de Galicia e as entidades locais poderán celebrar convenios de colaboración entre si para a máis eficaz xestión e prestación de servizos da súa competencia, podendo coordinar as súas políticas de fomento dirixidas a un mesmo sector, distribuír as subvencións outorgadas por unha delas con referencia ao ámbito territorial ou poboación doutra, executar puntualmente obras ou servizos da competencia dunha das partes, compartir as sedes, locais ou edificios que sexan precisos para o desenvolvemento de competencias concorrentes, ceder e aceptar a cesión de uso dos bens patrimoniais, desenvolver actividades de carácter prestacional e adoptar as medidas oportunas para alcanzar calquera outra finalidade de contido análogo ás anteriores. Que segundo dispón a citada Lei 5/1997, do 22 de xullo, de Administración Local de Galicia, dous dos principios que presidirán a relación entre a Administración autonómica e a local son a colaboración e cooperación tanto económica como técnica e administrativa, en asuntos locais como en asuntos de interese común que se desenvolverán baixo as fórmulas e nos termos previstos nas leis, que, concretamente, poderán materializarse a través da subscrición dos convenios de colaboración que se estimen precisos. Cuarto.- Que a Lei 7/2011, do 27 de outubro, do Turismo de Galicia, no seu artigo 32.f) establece que a Administración da Xunta de Galicia velará por unha elevación da calidade dos servizos, para o cal levará a cabo calquera acción pública ou de apoio da iniciativa privada dirixida a obter a excelencia na prestación das actividades turísticas. A Axencia Turismo de Galicia apoia o desenvolvemento de fórmulas cooperativas co resto de administracións que permitan acadar un nivel de atención ao turista e visitante que mellore o prestado actualmente. Quinto.- A lei 5/1997, de 22 de xullo, reguladora da Administración Local de Galicia, establece, no seu artigo 118, que compete ás Deputacións Provinciais rexer e administrar os intereses peculiares da provincia, creando, conservando e mellorando os servizos cuxo obxecto sexa o fomento dos mesmos. As actividades relacionadas coa promoción, dinamización e fomento da riqueza da provincia de Pontevedra, contribúen á potenciación do territorio que configura o ámbito da mesma e á súa consolidación como destino turístico e consecuentemente, xerador de emprego e redistribuidor de riqueza. O obxectivo que se propón acadar a través deste convenio é o estudio do estado e mellora da sinalización turística de Galicia e a súa reestruturación e adaptación as novas prescricións xurdidas ao abeiro do Decreto 85/2012 do 16 de febreiro polo que se regula a sinalización turística de Galicia, priorizando a sinalización turística de interese. Este obxectivo, responde ás seguintes liñas estratéxicas trazadas no Plan Integral de Turismo de Galicia 2013-2016: • Reforzar a oferta turística baseada no patrimonio e nos recursos endóxenos diferenciais, buscando desestacionalizar e captar novos públicos. • Consolidar Galicia como destino ambiental, social e economicamente sustentable. • Fomentar o talento e o aproveitamento das novas tecnoloxías para acadar un sector competitivo e un destino intelixente. • Promocionar e comercializar Galicia como destino único baseado nun modelo á demanda. • Promover o consenso e a cooperación entre o sector público e privado para un marco eficiente e xerador de oportunidades. En consideración a todo isto, é vontade das partes asinantes a colaboración na xestión das actividades relacionadas, de acordo ás seguintes: CLÁUSULAS Primeira.- Obxecto do Convenio: É obxecto do presente convenio establecer as bases de colaboración entre a Axencia Turismo de Galicia e a Deputación de Pontevedra para a subvención de actividades relacionadas coa promoción, dinamización e fomento do turismo que inclúa a realización das seguintes accións: - Estudo do estado e proposta de mellora da sinalización turística da provincia, ao abeiro do Decreto de Sinalización Turística de Galicia 85/2012 de 16 de febreiro, e execución da regularización e adaptación da sinalización turística existente. Os obxectivos a acadar con estas accións recollidas son: • Realizar un estudo da sinaléctica actual na provincia que corresponda a recursos turísticos, determinando localización, tipoloxía, recurso sinalado, estado de conservación e responsable desa sinalización. Para este fin poderase apoiar na documentación achegada pola Deputación de Pontevedra e demais administracións. • Realización dun traballo de campo para determinar o estado da sinalización, detectar carencias e propoñer as actuacións. • Proposta dunha tipoloxía de sinalización baseada no establecido no Decreto 85/2012 de 16 de febreiro polo que se regula a sinalización turística de Galicia. Proposta da ubicación mais adecuada de cada sinal e proposta de recursos principais que deben sinalizarse. O documento proporá a substitución de sinais, a instalación de sinais e a conservación das existentes que cumpran cos requisitos anteriores. O documento final que deberá entregarse será un proxecto técnico para a execución dos traballos para a ordenación da sinalización turística na provincia. • Execución do proxecto coa retirada da sinalización inadecuada e reposición ou nova colocación de sinalización homoxénea e adecuada. Segunda.- Financiamento: O orzamento estimado para a execución das actuacións recollidas na cláusula primeira ascende a douscentos sesenta mil euros (260.000,00 €), dos que a Xunta de Galicia, a través da Axencia Turismo de Galicia, achegará con cargo aos orzamentos xerais da Comunidade Autónoma cen mil euros (100.000,00 €) de acordo coa seguinte distribución: - Primeira anualidade: 15.000,00 € con cargo ó orzamento do ano 2014 - Segunda anualidade: 85.000,00 €, con cargo ó orzamento do ano 2015 Estas anualidades imputaranse á aplicación 04A2.761A.760.3, dotada con fondos Feder nun 80 % e FCI nun 20 % na que existe crédito adecuado e suficiente, e que se aplicará para o pago dos gastos que se relacionan no anexo I. A achega da Xunta de Galicia realizada a través da Axencia Turismo de Galicia destinarase ao financiamento da redacción do proxecto e execución do mesmo correspondente a regularización e adaptación da sinalización turística da provincia mediante o deseño, fabricación de novos sinais e colocación segundo o establecido no estudio previo, ata o límite do orzamento aportado (100.000,00 €). O orzamento necesario para completar a acción de sinalización na provincia, será financiado pola Deputación de Pontevedra que realizará unha achega total de cento sesenta mil euros (160.000,00 €) que poderá facer efectiva en dúas anualidades. Terceira.- Compromisos da Xunta de Galicia: A Axencia Turismo de Galicia achegará para o desenvolvemento destas actividades a cantidade total de cen mil euros (100.000,00 €). De acordo co artigo 31.6 da Lei 9/2007, do 13 de xuño, de subvencións de Galicia e artigo 63.4 do Decreto 11/2009, do 8 de xaneiro, que a desenvolve, a Axencia Turismo de Galicia realizará a súa achega mediante o pagamento anticipado que se distribuirá da seguinte maneira: - Primeiro pagamento: 15.000,00 € correspondentes á anualidade de 2014, que se aboarán con posterioridade á sinatura deste convenio previa solicitude por parte da Deputación de Pontevedra. - Segundo pagamento: 85.000,00 € correspondentes á anualidade de 2015, que se aboarán a partir do 1 de xaneiro de 2015 previa solicitude da Deputación de Pontevedra. Conforme ó artigo 65.4.c) do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de Subvencións de Galicia, a Deputación de Pontevedra queda exonerada da constitución de garantía. De acordo co artigo 26 da Lei de subvencións de Galicia non é posible promover a concorrencia pública para a realización destas actividades posto que a Deputación Provincial, ten a competencia en materia de Turismo segundo o establecido no artigo 109 Lei 5/1997, de 22 de xullo, reguladora da Administración Local de Galicia sendo ademais, a canle máis apropiada para asegurar un desenvolvemento turístico equilibrado na totalidade do territorio da provincia, garantido así a eficacia e a eficiencia dos recursos dedicados á promoción turística. As actividades relacionadas coa promoción, dinamización e fomento do turismo na provincia de Pontevedra contribúen á potenciación do territorio que configura o ámbito da mesma e á súa consolidación como destino turístico e consecuentemente, xerador de emprego e redistribuidor de riqueza. Ao mesmo tempo, dáse cumprimento ao establecido na liña estratéxica 6 do Plan Integral de Turismo de Galicia que no seu punto sexto establece a necesidade de establecer actividades de cooperación interadministrativas a través de convenios de colaboración coas catro deputacións. Esta colaboración levarase a cabo dende a Axencia de Turismo de Galicia para o ano 2014, mediante a sinatura dos correspondentes convenios coas catro Deputacións provinciais da Comunidade Autónoma coa mesma contía orzamentaria consignada para cada un deles. As actuacións que se levarán a cabo están previstas nos “Criterios de selección” de operacións do “Programa Operativo FEDER de Galicia 2007/2013” no eixo 5 tema prioritario 5.57 “axudas á mellora de servizos turísticos”, concretamente no apartado 5.57.5 “Plans e Programas de dinamización turística e competitividade”. Cuarta.- Compromisos da Deputación de Pontevedra: - Deseñar, coordinar e executar as accións obxecto do presente convenio e poñer todos os medios técnicos e humanos necesarios para o desenvolvemento do mesmo e asumir os gastos de persoal e correntes que orixinen a posta en marcha das actividades. - Facer constar a colaboración da Xunta de Galicia – Axencia Turismo de Galicia- en toda a publicidade (impresa, audiovisual, ..) que xeren as actividades deste convenio e inserir a marca turística de Galicia segundo o establecido no manual corporativo da Xunta de Galicia. - En todas aquelas actuacións, materiais, roldas de prensa e calquera acto de comunicación que se se leven a cabo con fondos FEDER, deberán facer constar obrigatoriamente, o financiamento da devandita actividade con fondos FEDER e inserir o logotipo da UE no lugar apropiado. Para isto deberá cumprir as obrigas de información e publicidade comunitaria establecidas nos artigos 8 e 9 do Regulamento (CE) nº 1828/2006 da Comisión, de 8 de decembro de 2006 e no artigo 1 apartados 1 e 2 do Regulamento (CE) 846/2009 da Comisión de 1 de setembro. Todas as medidas de información e publicidade das actuacións de seguinte convenio incluirán os elementos seguintes: • O emblema da Unión Europea. • Referencia ó Fondo Europeo de Desenvolvemento Rexional (FEDER). • Declaración do Fondo “Unha maneira de facer Europa”. • Proporcionalidade entre emblemas. Estes elementos poden consultarse na páxina web seguinte: http//www.conselleriadefacenda.es/web/portal/área-de-planificación-e-fondos. - Respectar as normas de subvencionabilidade dos gastos do Programa Operativo Feder recollidas na Orde EHA/524/2008, de 26 de febreiro (BOE núm. 53, de 1 de marzo de 2008) pola que se aproban as normas sobre os gastos subvencionables dos programas operativos no Fondo Europeo de Desenvolvemento Rexional e Fondo de Cohesión. - Conservar a documentación por un período de tres anos a partir do peche do Programa Operativo, tal e como se define no artigo 89, apartado 3 do Regulamento 1083/2006, do Consello. - Establecer unha separación contable axeitada para os gastos relacionados con estas axuda, de tal xeito que se poidan identificar claramente e facilite “unha pista de auditoría”. - A Deputación deberá someterse ás actuacións de seguimento e control da Comisión Europea, Tribunal de Contas Europeo e demais instancias comunitarias de control, así como ás verificacións do artigo 13 do Regulamento (CE) núm. 1828/2006. - Comunicar á Axencia Turismo de Galicia a obtención doutras subvencións, axudas ingresos ou recursos que financien a actividade subvencionada procedentes de calquera administración ou entes públicos ou privados nacionais ou internacionais. Esta comunicación deberá efectuarse tan pronto como se coñeza e en todo caso, con anterioridade á xustificación da aplicación dos fondos recibidos. De acordo co disposto no artigo 40.1 d) do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, a achega económica prevista neste convenio será compatible con outras subvencións, axudas, ingresos ou recursos para a mesma finalidade, procedentes de calquera Administración ou entes públicos ou privados, nacionais, da Unión Europea ou organismos internacionais. Non obstante, os gastos cofinanciados con fondos FEDER non poderán acollerse a axudas procedentes de ningún outro instrumento financeiro comunitario, de acordo co disposto no artigo 54.5 Regulamento (CE) núm. 1083/2006. En ningún caso o importe das subvencións as que se refire o parágrafo anterior poderá superar, no seu conxunto, o custe da actividade subvencionada, ó abeiro do disposto no artigo 17.3 da Lei 9/2007. - Manter, de ser o caso, a propiedade sobre os investimentos subvencionados, e a vinculación destes á actividade económica que motivou a axuda, durante un período mínimo de 5 anos. Necesariamente os investimentos estarán dedicados a actividades e centros de traballo en Galicia. - Reintegrar total ou parcialmente, a subvención percibida no suposto de incumprimento das condicións establecidas para a súa concesión, e a exixencia do xuro correspondente desde o pagamento da subvención ata a data en que se acorde a procedencia de reintegro cando concorran algunha das causas sinaladas no artigo 33 da Lei 9/2007, do 13 de xuño, de subvenciones de Galicia, e a obriga de facilitar toda a información que se lle requira pola Axencia Turismo de Galicia en relación coa xustificación do convenio, e pola Intervención Xeral da Comunidade Autónoma de Galicia, o Tribunal de Contas e o Consello de Contas, no exercicio das súas funcións de fiscalización e control de destino de axudas. - Dar o seu consentimento para a publicación da axuda concedida no Diario Oficial de Galicia, na páxina web oficial da Axencia Turismo de Galicia e nos rexistro públicos, de acordo co establecido no artigo 13 da Lei 4/2006, do 30 de xuño, de transparencia e boas prácticas na administración pública, no Decreto 126/2006, do 20 de xullo, polo que se regula o Rexistro de convenios da Xunta de Galicia e no Decreto 132/2006, do 27 de xullo, polo que se regula os rexistros públicos creados nos artigos 44 e 45 da Lei 7/2005, do 29 de decembro, de orzamentos xerais da Comunidade Autónoma de Galicia para o ano 2006, así como nos artigos 6 e 7.2 d) do Regulamento (CE) nº 1828/2006 da Comisión. Quinta.- Xustificación dos investimentos: 1. A xustificación da execución das actividades subvencionadas realizarse segundo a modalidade de conta xustificativa de acordo co disposto no artigo 28 da Lei 9/2007 de subvencións de Galicia e no artigo 48 do Decreto 11/2009, do 8 de xaneiro, polo que se aproba o seu regulamento, para o que a Deputación deberá presentar: - Informe ou memoria global sobre as actividades realizadas. - Certificación detallada dos gastos expedida pola intervención ou órgano que teña atribuídas as facultades de control da toma de razón en contabilidade e do cumprimento da finalidade para que foi concedida, na que se consignarán os importes executados e a relación de facturas correspondentes así coma o cumprimento do compromiso de recoñecemento de obriga ou pagamento no seu caso. - Certificación emitida polo órgano que teña atribuídas as facultades de control da legalidade, acreditativa do cumprimento da normativa de contratación pública vixente na tramitación do procedemento de contratación, acompañada de copia simple do expediente de contratación realizado para levar a cabo as actuacións, sen prexuízo das comprobacións que se poidan facer sobre os orixinais. - Declaración responsable do órgano competente da entidade de estar ao día no cumprimento das obrigas tributarias e fronte á Seguridade Social, e de non ter pendente de pagamento ningunha outra débeda coa Administración pública da Comunidade Autónoma. Estas declaracións presentaranse con anterioridade á sinatura do presente convenio. - Facturas, orixinais ou copias compulsadas, correspondentes á execución das actividades obxecto do convenio. - Transferencias bancarias ou documentos acreditativos dos pagos realizados, orixinal ou copia compulsada, correspondentes á execución do obxecto do convenio. 2. Consideraranse subvencionables os gastos que, respondan de xeito indubidable á natureza da actividade subvencionada e de acordo co artigo 29.2 da Lei de subvencións de Galicia considerarase gasto realizado o que foi efectivamente pagado con anterioridade á finalización do período de vixencia do convenio. 3. O prazo para xustificar por parte da Deputación a aplicación dos fondos percibidos por parte da Axencia de Turismo de Galicia e mencionados na cláusula segunda, remata o 23 de decembro de 2014 para os gastos correspondentes á primeira anualidade e o 23 de decembro de 2015 para aqueles correspondentes á segunda anualidade. De non xustificarse en prazo a cantidade total subvencionada, a Deputación deberá reintegrar proporcionalmente o non xustificado, e a Xunta de Galicia minorará a súa achega proporcionalmente ao non xustificado, sempre e cando se acade o obxecto do convenio. Non obstante, non se entenderá incumprida a obriga de xustificación das actuacións obxecto deste convenio no caso de variacións das contías previstas nas distintas partidas establecidas no orzamento estimado no anexo, cando obedezan a razóns xustificadas e as actuacións que se levaran a cabo garden relación directa co obxecto do presente convenio, e sempre que se xustifique o importe total. 4. Consonte o disposto no artigo 17.4 da Lei 9/2007 de subvencións de Galicia toda alteración das condicións tidas en conta para a concesión da subvención, poderá dar lugar á modificación do convenio. Sexta.- Garantía de pagamento: Estableceranse as seguintes obrigas: 1. O prazo máximo para a realización do pago comprometido, queda fixado no día 31 de decembro de 2014 para o pagamento correspondente á primeira anualidade, e no 31 de decembro de 2015 para a contía correspondente á segunda anualidade. 2. O prazo para a reclamación por parte da Deputación de Pontevedra, en caso de incumprimento do pago comprometido pola Axencia de Turismo de Galicia, queda fixado nun período máximo de 10 días dende a finalización dos prazos establecidos no punto anterior. Sétima.- Comisión de seguimento: Noméase unha comisión de seguimento e control integrada por un/dous membros de cada unha das dúas partes. Esta comisión será a encargada de solucionar as controversias que se poidan suscitar na interpretación do convenio. Composición: Dous representantes da Axencia Turismo de Galicia e dous representantes da Deputación de Pontevedra. Presidencia: A Directora de Turismo de Galicia ou persoa en quen delegue. Secretario: O Presidente Deputación de Pontevedra ou persoa en quen delegue. O funcionamento da Comisión axustarase ao disposto na Lei 30/1992, de 26 de novembro, de réxime xurídico das administracións públicas e do procedemento administrativo común. Os acordos da Comisión adoptaranse por unanimidade e serán executivos e vinculantes para as administracións integradas no convenio. Corresponderán á comisión de seguimento as seguintes funcións: - Elaborar e aprobar as accións que se detallan no anexo ó presente convenio. - A interpretación do presente convenio, resolvendo todas as dúbidas que poida xerar a súa execución. - O seguimento da execución do convenio, sendo informada polas administracións asinantes das accións realizadas. As modificacións do convenio adoptaranse por acordo expreso e escrito das partes asinantes, e de acordo cos trámites que esixa a normativa vixente. Oitava.- Vixencia do convenio: Este convenio entrará en vigor ó día seguinte a súa sinatura e estenderá a súa vixencia ata o 31 de decembro de 2015. Non obstante a cláusula anterior, o presente convenio ampara as actuacións realizadas desde o 1 de xaneiro de 2014. A Deputación provincial de Pontevedra como entidade executora e xestora das actuacións, será a responsable do mantemento en todo momento e trala finalización da vixencia temporal do mesmo, das finalidades propias do Convenio. Novena.- Natureza xurídica e xurisdición competente: Este convenio ten natureza administrativa, sendo competente para entender dos litixios que puidesen xurdir respecto da súa interpretación e execución a xurisdición contencioso-administrativa, e queda fóra do ámbito do Real Decreto Lexislativo 3/2011, de 14 de novembro, polo que se aproba o texto refundido da lei de contratos do sector público, que os exclúe expresamente no apartado d) do artigo 4º. Para todo o non previsto expresamente no texto deste convenio será de aplicación o réxime determinado pola Lei 9/2007, do 13 de xuño, de subvencións de Galicia, o Decreto 11/2009, do 8 de xaneiro que a desenvolve, e en canto non se opoña ao establecido na antedita Lei 9/2007, a Lei 38/2003, do 17 de novembro, xeral de subvencións e o Real decreto 887/2006 que a desenvolve e a Lei 4/2006, do 30 de xuño, de transparencia e boas prácticas na administración pública galega e demais normativa que sexa de aplicación e o previsto no Regulamento (CE) nº 1083/2006, do Consello do 11 de xullo de 2006 e Regulamento (CE) nº 1828/2006, da Comisión. Décima.- Resolución: O presente convenio resolverase polo incumprimento total ou parcial dalgunha das cláusulas que o regulan. Lido polas partes, por si mesmas, e como proba de conformidade co expresado no presente Convenio, asínano e rubrícano por triplicado exemplar, no mesmo lugar e data que se indica ó comezo. Pola Xunta de Galicia Pola Deputación de Pontevedra A Directora de Turismo de Galicia, Asdo. Mª Nava Castro Domínguez O Presidente, Asdo. Rafael Louzán Abal” ANEXO I ACCIÓN CUSTE ESTIMADO 1. Estudo do estado e proposta de mellora da sinalización turística da provincia, ó abeiro do Decreto de Sinalización Turística de Galicia 85/2012 de 16 de febreiro, e execución da regularización e adaptación da sinalización turística existente 260.000,00 € Total 260.000,00 € 23.22682.- RECOÑECEMENTO EXTRAXUDICIAL DE CRÉDITO En data 01/08/2014, ten entrada no servizo de contratación a certificación nº 1-final da obra: “Urbanización exterior do campo de fútbol de A Ran”, executada pola empresa Construcciones Obras y Viales S.A. (A-36.008.886), polo importe de 241.147,22 €. Non tendo constancia polo servizo de contratación de terse tramitado o expediente correspondente a dita certificación, pídese informe ó servizo de Infraestruturas. En data 29 de xullo de 2014, o Director de Infraestruturas, informa que dadas as especiais características da situación do campo de fútbol, foi necesario levar a cabo unha serie de obras para dar operatividade e poñer en funcionamento o mesmo, entre elas dotar de beirarrúas un tramo da N-640, que permitira circular de forma segura ós usuarios da instalación deportiva. En data 18 de setembro de 2014, o servizo de Intervención pon de manifesto que é necesario emendar os seguintes reparos, para a tramitación da certificación: - Será necesaria a conformidade da Xefa do Servizo de Cooperación para a utilización do crédito dese centro Xestor. - Aclarar o motivo da demora na expedición da certificación. As obras foron executadas (15/01/2014 a 17/02/2014), e a emisión da factura corresponde ó 14/07/2014. - No capítulo 06 (varios) da relación valorada inclúense partidas a xustificar, cuxas unidades de obra unha vez executadas, deberían quedar reflectidas. En data 10/10/2014 a xefa do servizo de cooperación, informa que non existe ningún inconveniente para usar a aplicación orzamentaria 14/942.942.652.09 para a tramitación e pago da citada certificación de obra. En canto a demora na expedición da certificación o director de infraestruturas informa, que a citada obra executouse nunha zona de protección da estrada N-640, e aínda que autorización foi concedida polo Ministerio de Fomento en data 23/12/2013, non foi remitida polo Concello de Cuntis á Deputación ata o día 30/06/2014, motivo polo cal non foi posible tramitar a certificación ata o 14/07/2014. En canto ó terceiro punto en data 8/10/2014, o director de infraestruturas informa que debido a un erro na certificación non se xuntou a desagregación xustificativa das dúas partidas alzadas englobadas dentro do capítulo nº 6-Varios. Visto o informe emitido por Intervención en data 17/10/2014, correspondente á certificación que se relaciona, e unha vez subsanados os reparos do informe de data 18/09/2014, tendo en conta que non se seguiu o procedemento de contratación oportuno á aprobación da certificación require seguir o procedemento de recoñecemento extraxudicial de crédito de acordo co establecido na base 17.1 das aprobadas para a execución do Orzamento Provincial de 2014, a Xunta de Goberno acorda por unanimidade a autorización, o compromiso de gasto e o recoñecemento extraxudicial da seguinte obriga: -A certificación nº 1-final, da empresa Construcciones Obras y Viales S.A. (CIF A-36.008.886) por importe de douscentos corenta e un mil cento corenta e sete euros con vinte dous céntimos (241.147,22€) correspondente á obra “Urbanización exterior campo de fútbol de A Ran, Cuntis”, con arranxo ó seguinte detalle: Construcciones Obras y Viales S.A. (CIF: A-36.008.886) Subtotal 241.147,22 € Taxa Dirección de Obra (4%) 6.699,00 € Control de Calidade (1%) 1.674,75 € Seguridade e Saúde (0,5%) 837,37 € Importe líquido a percibir pola empresa 231.936,10 € O pago da certificación realizarase con cargo á aplicación orzamentaria: 14/942.942.652.09. 24.22683.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA DE “PAVIMENTACIÓN E AMPLIACIÓN DO CAMIÑO RURAL DE VILARREIS (CONCELLO DE MEAÑO)” A crise económica provocou un descenso nos orzamentos municipais, que se manifesta, entre outros capítulos, no de investimentos, o que impide ós concellos levar a cabo diversas actuacións de interese público dentro do seu marco de competencias. Entre as diferentes competencias que as Deputacións teñen encomendadas polas leis estatais e autonómicas encóntrase a cooperación no fomento do desenvolvemento económico- social e, en xeral, a administración dos intereses peculiares da provincia, e así se recolle no artigo 36 da Lei 7/1985, de 2 de abril, reguladora das bases do réxime local. Co fin de permitir os concellos levar a cabo os seus proxectos e actuacións de interese público, ademais de reactivar a economía e o emprego da provincia, o Pleno da corporación provincial, na súa sesión ordinaria do día 7 de agosto de 2013, acordou aprobar as bases reguladoras do Plan provincial de obras e servizos 2013, que conta cunha consignación orzamentaria dispoñible de 15.000.000 de euros, que ten por obxecto aumentar o investimento público nos concellos da provincia de Pontevedra cunha poboación de entre 1.000 a 50.000 habitantes. O Concello de Meaño solicitou acollerse a este plan provincial de obras e servizos 2013, e presentou a documentación esixida na base sétima da convocatoria e o seguinte proxecto: Concello Proxecto Aprobación da subvención Meaño Pavimentación e ampliación do camiño rural de Vilarreis Xunta de Goberno de 9 de decembro de 2013 Visto o informe emitido polo Sr. Secretario, de data 16 de outubro de 2014, sobre o prego de cláusulas económico- administrativas particulares que rexerán nesta contratación, e visto así mesmo, o informe de fiscalización do expediente. Considerando que a disposición adicional segunda do TRLCSP, faculta a esta Presidencia para actuar como órgano de contratación con competencia respecto deste contrato de obras, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial do exercicio de 2013, concretamente na Base 16ª, a Xunta de Goberno acorda por unanimidade: Primeiro.- Aprobar o Proxecto de pavimentación e ampliación do camiño rural de Vilarreis (Concello de Meaño) correspondente o Plan de Obras e Servizos Provinciais 2013 (POSP/13/00978/2013000042). Segundo.- Aprobación do expediente para a contratación, mediante procedemento aberto, da execución da obra de Pavimentación e ampliación do camiño rural de Vilarreis (Concello de Meaño) correspondente o Plan de Obras e Servizos Provinciais 2013 (POSP/13/00978/2013000042). O orzamento total para a realización desta obra ascende á cantidade de cento corenta e dous mil novecentos oitenta e catro euros con trinta céntimos, sen IVE (142.984,30€), máis a cantidade correspondente ó IVE de trinta mil vinte seis euros con setenta céntimos (30.026,70€), o que fai un importe total de cento setenta e tres mil once euros (173.011,00€). Así mesmo acorda: - Autorizar o gasto polo importe total de cento setenta e tres mil once euros (173.011,00 €), dos que 37.871,38 € son cofinanciados polo concello de Meaño, con cargo á aplicación orzamentaria 2014/942.942.652.45.2013. - Aprobar os pregos de cláusulas administrativas e de prescricións técnicas que rexerán como lei fundamental. - Iniciarase o prazo de presentación de proposicións para dito procedemento a partir do día seguinte a publicación do anuncio no Boletín Oficial de Pontevedra por un prazo mínimo de 26 días naturais. Dito prego é segue: “PREGO DE CLÁUSULAS ECONÓMICO-ADMINISTRATIVAS PARTICULARES XERAIS QUE REXERÁN A CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA DE PAVIMENTACIÓN E AMPLIACIÓN DO CAMIÑO RURAL DE VILARREIS (CONCELLO DE MEAÑO) POSP/13/00978/2013000042 1.ANTECEDENTES A crise económica provocou un descenso nos orzamentos municipais, que se manifesta, entre outros capítulos, no de investimentos, o que impide aos concellos levar a cabo diversas actuacións de interese público dentro do seu marco de competencias. Entre as diferentes competencias que as deputacións teñen encomendadas polas leis estatais e autonómicas encóntrase a cooperación no fomento do desenvolvemento económico- social e, en xeral, a administración dos intereses peculiares da provincia, e así se recolle no artigo 36 da Lei 7/1985, de 2 de abril, reguladora das bases do réxime local. Co fin de permitir os concellos levar a cabo os seus proxectos e actuacións de interese público, ademais de reactivar a economía e o emprego da provincia, o Pleno da corporación provincial, na súa sesión ordinaria do día 7 de agosto de 2013, acordou aprobar as bases reguladoras do plan provincial de obras e servizos 2013, que conta cunha consignación orzamentaria dispoñible de 15.000.000 de euros. 2.OBXETO O obxecto do contrato ó que se refire este prego é a execución das obras descritas no apartado 1 do anexo I, e definidas nos correspondentes proxectos aprobados pola Administración, que recolle as necesidades administrativas a satisfacer mediante o contrato e os factores de toda orde a ter en conta. Nos proxectos constan os documentos esixidos no artigo 123 do TRLCSP, despois de contemplarse na súa elaboración os preceptos do Libro II, título I, capítulo II, sección 2ª do RXLCAP. A memoria, os planos, os cadros de prezos, o prego de prescricións técnicas particulares e o prego de cláusulas administrativas particulares, revestirán carácter contractual. Os licitadores poderán optar a unha obra, a varias ou a todas elas, agás que se estableza un número máximo de obras por licitador, para o que se estará ó estipulado no apartado 1 do anexo I deste prego. 3. FINANZAMENTO E ORZAMENTO DE LICITACIÓN Este contrato será financiado do xeito que se establece no apartado 1 do anexo I e distribuído nas anualidades previstas. O orzamento base de licitación do contrato ascende á cantidade expresada no apartado 1 do anexo I deste prego, incluíndo na mencionada contía todos os factores de valoración e gastos que, segundo os documentos contractuais e a lexislación vixente son de conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións que se presenten superando o orzamento base de licitación serán desbotadas automaticamente. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material e comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación na sesión do 27 de febreiro de 1998. • Gastos referentes á coordinación da seguridade e saúde: 0,50 % do orzamento de execución material. • Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2. Beneficio industrial; aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e dos gastos xerais da empresa. Dentro do citado importe inclúense, ademais, toda clase de impostos e licencias, tanto municipais, provinciais e autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 4. RÉXIME XURÍDICO En todo o non previsto nos pregos, estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización (en diante TRLCSP), o Real decreto lexislativo 817/2009, de 8 de maio, polo que se desenvolve parcialmente a LCSP e no que sexa aplicable no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP e en toda a demais normativa aplicable. O descoñecemento do contrato en calquera dos seus termos ou dos documentos anexos que fan parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada, supletoriamente aplicaranse as restantes normas de dereito administrativo e, no seu defecto, as normas de dereito privado. O adxudicatario obrigarase ó cumprimento, baixo a súa exclusiva responsabilidade, das disposicións vixentes sobre relacións laborais, Seguridade Social, protección de datos de carácter persoal e calquera outra de carácter xeral. 5. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos no devandito texto legal. 6. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos polo TRLCSP ou polas normas autonómicas de desenvolvemento ou cando así se decida voluntariamente, a Deputación difundirá, a través de internet (www.depo.es) o seu perfil de contratante. Neste perfil publicaranse todas as noticias, avisos e documentación relativos a este contrato. Calquera dúbida existente acerca dos pregos que rexen esta contratación será dirixida e resolta a través da dirección de correo electrónico contratacion@depo.es. 7. CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se indique no apartado 2 do anexo I, nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e mais as circunstancias nas que constitúan a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); estas empresas serán responsables solidarias ante a Administración, debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. A finalidade destas empresas será realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 8. PRAZO DE EXECUCIÓN O prazo máximo estimado para a execución das obras, contando desde o día seguinte ó da sinatura da acta de comprobación do replanteo, agás que exista razón fundada que impida o seu comezo, estímase no apartado 1 do anexo I. O contratista deberá presentar, antes da formalización do contrato, un programa de traballo que contemple o desenvolvemento das unidades de obras en relación co prezo que se van realizar en cada prazo. Estará obrigado a cumprir o contrato na súa totalidade dentro do prazo ofertado, así como nos parciais sinalados para a súa execución sucesiva. Este prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e con petición previa do contratista co informe favorable do director de obra. No caso de prórroga proposta pola dirección da obra o órgano de contratación terá que aprobar o expediente pertinente que implica a modificación. 9. INCUMPRIMENTO DO PRAZO Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5% do prezo. As penalidades diarias serán cuantificadas na proporción de 0,20 euros por cada 1.000 do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. Esta imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 10. GARANTÍA DEFINITIVA O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. No caso de non se cumprir o prazo sinalado entenderase que o licitador retirou a súa oferta, procedéndose, nese caso, a solicitarlle a mesma documentación ó licitador seguinte, pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 11. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES E DOCUMENTACIÓN 11.1. Lugar e prazo de presentación: As proposicións presentaranse no Rexistro xeral da Deputación (na sede de Pontevedra, de luns a venres de 8:30 a 14:30 e de 17:00 a 19:00 horas, os sábados de 9:00 a 13:00 horas; na sede da Deputación en Vigo, de luns a venres de 9:00 a 14:00 horas) dentro dun prazo de vinte e seis días, a contar desde o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre no mesmo día. 11.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C, en función do sobre correspondente) - Obra núm.… (especificar o número de obra a que se licita) - Núm. de expediente (no caso de que se coñeza) - Denominación do contrato - Nome do licitador - CIF - Enderezo, correo-e e teléfono de contacto - Número de inscrición no Rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 12. MESA DE CONTRATACIÓN Estará integrada da seguinte maneira: Presidente: -O titular da corporación ou o membro no quen delegue Vogais: -O secretario xeral -O interventor -O director de Infraestruturas Secretario: -O xefe do servizo de Contratación 13. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de contratación e procederase á cualificación da documentación xeral achegada polos licitadores no sobre A. No caso de que se precise o arranxo de erros ou omisións na documentación, a Mesa de contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, sinalará, en acto público, as que cualificasen como inadmitidas e admitidas e procederá á apertura do sobre B correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase, no perfil do contratante da Deputación de Pontevedra, a data e hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Darase a coñecer, neste acto, a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha ponderación dos criterios avaliables mediante xuízos de valor que superen os puntos indicados no apartado 3 do anexo I. Para a valoración das cifras ou valores do sobre C aplicaranse os criterios establecidos no apartado 3 do anexo I. Unha vez aplicados estes criterios clasificaranse as propostas en orde decrecente de valoración e propoñeráselle ó órgano de contratación a adxudicación a favor do licitador que obtivese a oferta economicamente máis vantaxosa. Cando a Mesa de contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas ó respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 14. REQUIRIMENTO DE DOCUMENTACIÓN A PRESENTAR POLA EMPRESA QUE PROPOÑA A OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, para cuxo efecto poderá solicitar todos os informes técnicos que estime pertinentes, clasificaraas por orde decrecente e requiriralle á empresa coa oferta mais vantaxosa que, dentro do prazo de dez días hábiles, presente a seguinte documentación: 14.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose, a acreditación da capacidade de obrar realizarase mediante escritura ou documento de constitución, estatutos ou acto fundacional no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante un informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física, o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador, deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en dereito ó seu favor, debidamente inscrito no rexistro oficial correspondente que habilite para concorrer ó asinamento de contratos coas administracións públicas. No caso de concorreren á licitación varias empresas, constituíndo unha unión temporal cada unha delas, deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado Os que comparezan ou asinen proposicións en nome doutro, ou representen a unha persoa xurídica, deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 14.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP: 1. Certificación positiva expedida pola Tesourería da Seguridade Social, ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP, que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. 4. Documentación acreditativa da efectiva disposición dos medios persoais e materiais que se comprometeu a adscribir a execución do contrato. 5. Deberá indicarse a parte do contrato que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial. 6. Documento que acredite a constitución da garantía definitiva. 7. Documento acreditativo do pagamento dos anuncios. 15. ADXUDICACIÓN O órgano de contratación terá alternativamente a facultade de adxudicar o contrato á proposición máis vantaxosa no seu conxunto, se se atende a unha pluralidade de criterios, ou á proposición que incorpore o prezo máis baixo, cando este sexa o único criterio a considerar. A adxudicación acordarase nunha resolución motivada no prazo máximo de dous meses, a contar desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados no artigo 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselle ós licitadores e, simultaneamente, publicarase no perfil de contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da mesa de contratación, cando non exista ningunha oferta ou proposición que sexa admisible de acordo cos criterios que figuran no prego. 16. SUBCONTRATACIÓN O contratista poderá concertar con terceiros a realización parcial do contrato, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberá indicarse na oferta (sobre B) a parte que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial, definido por referencia ás condicións de solvencia, profesional ou técnica, dos subcontratistas ós que se lles vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50% do importe do subcontrato. Os subcontratistas non terán en ningún caso acción directa fronte á administración contratante polas obrigas contraídas con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, segundo o indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado por Real decreto lexislativo 5/2000, de 4 de agosto. As administracións públicas e demais entes públicos contratantes poderán comprobar o estrito cumprimento dos pagamentos que os contratistas adxudicatarios dos contratos públicos han de facer a todos os subcontratistas ou subministradores que participen neles. En tal caso, os contratistas adxudicatarios remitiranlle ó ente público contratante, cando este o solicite, a relación detallada daqueles subcontratistas ou subministradores que participen no contrato, xunto coas condicións de subcontratación ou subministración de cada un deles que garden unha relación directa co prazo de pagamento. Así mesmo, deberán achegar, a solicitude do ente público contratante, un xustificante de cumprimento dos pagamentos unha vez terminada a prestación dentro dos prazos de pagamento legalmente establecidos no artigo 228 e na Lei 3/2004, de 29 de decembro, no que lle sexa de aplicación. Estas obrigas considéranse condicións esenciais de execución, cuxo incumprimento, ademais das consecuencias previstas polo ordenamento xurídico, permitirá a imposición das penalidades que para ese efecto se conteñan nos pregos. 17. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, fará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, para non alterar o bo funcionamento do servizo informando en todo momento á entidade contratante. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pagamento dos salarios; a concesión de permisos, licenzas e vacacións; as substitucións dos traballadores nos casos de baixa ou ausencia; as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra; as obrigas legais en materia de prevención de riscos laborais; o exercicio da potestade disciplinaria; así como cantos dereitos e obrigas se deriven da relación contractual entre empregado e empregador. 3. A empresa contratista velará especialmente porque os traballadores adscritos á execución do contrato desenvolvan a súa actividade sen extralimitarse nas funcións desempeñadas respecto da actividade delimitada nos pregos como obxecto do contrato. 4. A empresa contratista estará obrigada a executar o contrato nas súas propias dependencias ou instalacións agás que, excepcionalmente, sexa autorizada a prestar os seus servizos nas dependencias dos entes, organismos e entidades que fan parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que fan parte do sector público. 5. A empresa contratista deberá designar, polo menos, un coordinador técnico ou responsable, integrado no seu propio persoal, que terá entre as súas obrigas as seguintes: a. Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dunha banda, e a entidade contratante, doutra banda, en todo o relativo ás cuestións derivadas da execución do contrato. b. Distribuír o traballo entre o persoal encargado da execución do contrato e transmitirlles as ordes e instrucións que sexan necesarias en relación coa prestación do servizo contratado. c. Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do persoal ó posto de traballo. d. Organizar o réxime de vacacións do persoal adscrito á execución do contrato debendo, para ese efecto, coordinarse adecuadamente a empresa contratista coa entidade contratante para non alterar o bo funcionamento do servizo. e. Informar a entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte ó da notificación da adxudicación, constituíndo este documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non se poderá iniciar a execución do contrato sen a súa formalización previa. 19. OBRIGAS DO CONTRATISTA TRAS O ASINAMENTO DO CONTRATO Unha vez asinado o contrato o contratista terá a obriga de realizar as seguintes actuacións: 19.1. Control de seguridade e saúde: Deberá contactar coa empresa encargada do control da seguridade e saúde das obras da Deputación. Datos de contacto: Empresa: Atenea Seguridade e Ambiente (A82876905) Enderezo: rúa Médico Ballina, 73, 36005 Pontevedra Teléfono: 986 873 176 Correo-e: delegacion.galicia@ateneasa.com 19.2. Elaboración do Plan de seguridade e saúde de obra: Realizarase en base ó Estudo de Seguridade e Saúde ou, no seu caso, Estudo Básico de Seguridade e Saúde do proxecto (artigo 7 do Real decreto 1627/1997, de 24 de outubro, polo que se establecen as disposicións mínimas de seguridade e saúde nas obras de construción). En obras sen proxecto elaborarase unha avaliación de riscos aplicable á obra, sendo necesaria para a posterior comunicación de apertura do centro de traballo (Orde TIN/1071/2010, de 27 de abril, sobre os requisitos e datos que deben reunir as comunicacións de apertura ou de continuación de actividades nos centros de traballo). Estes documentos entregáronselle a Atenea, que realizará os seguintes trámites ante a Deputación de Pontevedra: a) Aprobación do Plan de seguridade e saúde da obra. b) Nomeamento do coordinador de seguridade e saúde durante a execución da obra. O Plan de seguridade e saúde deberá ser aprobado polo órgano de contratación antes do inicio da obra, co informe previo do coordinador nesta materia durante a execución da obra ou do director, no seu caso. 19.3. Comunicación de apertura do centro de traballo: Con anterioridade ó comezo dos traballos solicitarase a apertura do centro de traballo ante a autoridade laboral competente. Consellería de Traballo e Benestar. Servizo de Relacións Laborais de Vigo: Enderezo: rúa Concepción Arenal, núm. 8, 2º, 36202 Vigo Documentos que se deben achegar xunto co modelo/impreso oficial: Plan de seguridade e saúde aprobado ou avaliación dos riscos. Habilitación do Libro de Subcontratación ante a autoridade laboral competente (artigo 13 do Real decreto 1109/2007, de 24 de agosto, polo que se desenvolve a Lei 32/2006, de 18 de outubro, reguladora da subcontratación no sector da construción). 19.4. Solicitude de licenzas, autorizacións e impostos: O contratista, como substituto da Administración, está obrigado a xestionar o outorgamento de todas as licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado que sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista informando inmediatamente á Administración de cumprir os devanditos trámites. Se se entende que as liquidacións practicadas non se axustan a dereito o contratista quedará lexitimado para interpor contra estas os recursos pertinentes, comunicándolle este extremo á Administración contratante. O importe destas cargas derivadas da obra son parte dos gastos asumidos pola oferta económica e conforme a esta estipulación contractual trasládolle o deber de pagamento ó adxudicatario do contrato asinado. 19.5. Inicio das obras: A execución da obra comezará co asinamento da acta de comprobación de replanteo. A data de formalización desta acta non poderá ser maior dun mes desde a sinatura do contrato. Tras a súa formalización a acta de comprobación de replanteo deberá remitírselle inmediatamente ó Servizo de Contratación da Deputación de Pontevedra. Non se tramitará ningunha certificación ata o mes seguinte da entrega na Deputación da acta de comprobación de replanteo. Naqueles casos nos que non resulten acreditadas as circunstancias que permitan considerar favorable a acta ou o director da obra considere necesaria a modificación das obras proxectadas, quedará suspendida a súa iniciación, facéndose constar na acta, e quedando obrigado a dar conta inmediata á Administración, que resolverá o que proceda. No momento de se ditar a resolución quedará suspendida a iniciación das obras desde o día seguinte ó do asinamento da acta, computándose a partir desta data o prazo de seis meses ó que fai referencia o artigo 238 do TRLCSP. Desaparecida a causa que motivou a falta de inicio o órgano de contratación ditará a resolución correspondente, que se lle notificará ó contratista. O prazo de execución empezará a contarse desde o día seguinte ó da recepción da notificación do acordo de autorización de inicio das obras. O disposto anteriormente aplicarase igualmente cando o contratista formulase reservas no acto de comprobación do replanteo. No entanto, se a xuízo do órgano de contratación tales reservas resultasen infundadas, non quedará suspendida a iniciación das obras nin, en consecuencia, será necesario ditar un novo acordo para que se produza a súa iniciación e se modifique o cómputo do prazo para a súa execución. A acta de comprobación do replanteo fará parte integrante do contrato ós efectos da súa esixibilidade. 19.6. Certificacións: A dirección de obra realizará mensualmente a medición das unidades de obra executadas redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. Emitirase a certificación aínda que o seu importe sexa 0. Deberán presentarse no Rexistro da Deputación, coa conformidade da dirección de obra e dos técnicos responsables, nos cinco primeiros días de cada mes. A factura deberase remitir unha vez estea conformada a certificación en todo caso antes dos 30 días da realización do obxecto do contrato; no rexistro de facturas contable só se rexistrará a factura. Aquelas certificacións e facturas que se presenten con data posterior, a Administración quedará coa potestade de non tramitalas ata o mes seguinte. Non se admitirán as facturas que teñan unha data anterior a cinco días desde a súa entrada no Rexistro. As certificacións de obra axustaranse ós modelos de certificación común e anticipada para obras da Deputación que foron aprobadas pola Resolución presidencial, de 13 de xullo de 2007, e que se atopan na área de descargas da páxina web www.depo.es. O técnico director deberá practicar nas certificacións de obra as retencións correspondentes ás porcentaxes de seguridade e saúde, a taxa por dirección de obra e a ofertada polo adxudicatario en concepto de control de calidade. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario será necesario que a certificación recolla a retención correspondente ás penalidades. 19.7. Solicitude de prórroga no prazo de execución: As obras executaranse con estrita suxeición ós pregos de condicións, proxecto e o prazo ofertado. A prórroga é un instrumento excepcional que deberá ser expresamente concedido polo órgano de contratación, tras a previa petición do contratista ó que deberá acompañarse dun informe favorable do director de obra. 19.8. Modificación do proxecto: A consideración da necesidade da modificación do proxecto recae exclusivamente no director de obra, quen solicitará de forma inmediata a autorización do órgano de contratación para iniciar o correspondente expediente e redactar un proxecto modificado unha vez autorizado. Unicamente poderase modificar o contrato cando se estableza no anexo I, de forma clara, precisa e inequívoca as condicións en que poderá facerse uso desta posibilidade, ou polas circunstancias previstas no artigo 107 TRLCSP. 20. OUTROS GASTOS A CARGO DO ADXUDICATARIO Ademais dos anteriormente sinalados (gastos dos anuncios ou pagamento das licencias de obrigado aboamento nos prazos voluntarios establecidos; o importe dos gastos e exaccións derivados dos impostos, licencias, autorizacións e requirimentos e calquera que grave a execución e posterior ocupación da obra, gastos que serán de conta do contratista, informando inmediatamente á Administración do cumprimento os trámites), serán a cargo do adxudicatario os gastos que xere o expediente, así como os de carteis de obra, que serán colocados no lugar que lles indique a dirección de obra. Ademais, os adxudicatarios estarán obrigados a colocar toda a sinalización necesaria que garanta a plena seguridade da obra e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra. Na área de descargas de documentos da páxina web poderase atopar o deseño dos carteis. 21. RESPONSABLE DO CONTRATO A Deputación poderá designar un responsable do contrato, vencellado a esta institución, ó que lle corresponderá supervisar a súa execución, adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que lle corresponden ó director facultativo das obras. 22. EXECUCIÓN DAS OBRAS E RESPONSABILIDADE DO CONTRATISTA As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste lle desen ó contratista ou ó director facultativo, e se é o caso, ó responsable do contrato, nos ámbitos da súa respectiva competencia. (art. 230 do TRLCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista ata un importe do 10% do orzamento (art. 212.1 do TRLCSP). O contratista indemnizará todos os danos e perdas que se lle causen a terceiros como consecuencia da realización das obras contratadas (art. 214 do TRLCSP). 23. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se as obras sufrisen un atraso na súa execución, e sempre que o mesmo non for imputable ó contratista e este ofrecese cumprir os seus compromisos, concederase polo órgano de contratación un prazo que será, polo menos, igual ó tempo perdido, a non ser que o contratista pedise outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. A petición de prórroga por parte do contratista deberá ter lugar nun prazo máximo de quince días desde aquel en que se producir a causa orixinaria do atraso, alegando as razóns polas que estime que non lle é imputable e sinalando o tempo probable da súa duración, ós efectos de que a Administración poida oportunamente, e sempre antes da terminación do prazo de execución do contrato, resolver sobre a súa prórroga, sen prexuízo de que unha vez desaparecida a causa se reaxuste o prazo prorrogado ó tempo realmente perdido. Cando o contratista, por causas imputables a si mesmo, incorrese en demora respecto ó cumprimento do prazo total, a Administración poderá optar, indistintamente, pola resolución do contrato ou pola imposición de penalidades que figuran neste prego. Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á resolución deste ou acordar a continuidade da súa execución con imposición de novas penalidades. Neste último suposto o órgano de contratación concederá a ampliación do prazo que estime necesaria para a terminación do contrato. A Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á que a Administración poida ter dereito por danos e perdas ocasionados con motivo do atraso imputable ó contratista. 24. RECEPCIÓN E CERTIFICACIÓN FINAL DE OBRAS O contratista comunicaralle á dirección da obra a data prevista para a terminación da execución do contrato, ós efectos de que se poida realizar a recepción. Na recepción concorrerán o responsable do contrato ou un facultativo designado pola Administración en representación desta, o facultativo encargado da dirección das obras e o contratista asistido do seu facultativo, se o estima oportuno. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase a seguir á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses desde a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegará á acta de recepción un estado de dimensións e características da obra executada que defina con detalle as obras realizadas tal e como se atopan no momento da recepción, para os efectos de inventario. 25. XUSTIFICACIÓN DAS MELLORAS O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante un informe ó que se engadirá unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (21%). 26. LIQUIDACIÓN DA OBRA Transcorrido o prazo de garantía, se o informe do director da obra sobre o seu estado for favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, que, no último caso, lle será aboada a cantidade endebedada. 27. GARANTÍA DA OBRA A obra terá un período de garantía desde o día seguinte ó da data de formalización da acta de recepción, neste tempo o contratista estará obrigado á súa conservación e policía e á reparación dos danos producidos pola defectuosa execución da obra. De se producir un incumprimento dos deberes accesorios propios da garantía, non podendo resolverse o contrato, poderase incautar a garantía e se non for suficiente, poderanse reclamar danos e perdas pola vía de constrinximento. Dentro do prazo dos quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este for favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó emprego do construído durante o prazo de garantía, o director da obra procederá a ditarlle as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade ningunha por ampliación do prazo de garantía. 28. DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada por eles mesmos, previo aviso ó Servizo de Contratación, mediante escrito ordinario ou electrónico no correo-e contratacion@depo.es, transcorridos tres meses contados desde o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no suposto de que interpuxesen reclamacións ou recursos, ou exista algunha incidencia administrativa. Transcorridos os prazos anteriormente mencionados esta Administración disporá da documentación quedando exenta de toda responsabilidade. 29. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 237 do TRLCSP. 30. XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resolvidas polo órgano de contratación, cuxas resolucións esgotarán a vía administrativa deixando expedita a vía xurisdicional, contencioso- administrativa, a teor do disposto na lei reguladora desta xurisdición.” Ditos anexos son como seguen: “ANEXO I OBRA 1: Pavimentación e ampliación do Camiño Rural de Vilarreis (Meaño) Núm. de expediente: POSP/13/00978/2013000042 1. DEFINICIÓN E CARACTERÍSTICAS DO CONTRATO 1.1. DEFINICIÓN OBXECTO DO CONTRATO Execución da obra “Pavimentación e ampliación do Camiño Rural de Vilarreis (Meaño)” 1.2. PROCEDEMENTO División en lotes: non. Cualificación contrato: obra. CPV: 45000000. Trámite: ordinario. Procedemento: aberto. Órgano de contratación: Xunta de Goberno. Prazo de presentación de ofertas: 26 días naturais (artigo 159.2 do R. d. l. 3/2011), a contar desde o día seguinte ó da publicación do seu anuncio no BOP. 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN: Formulación do prezo: prezo tanto alzado. Importe sen IVE: 142.984,30 € IVE (21%): 30.026,70 € Total con IVE: 173.011,00 € B) FINANCIAMENTO: Cadro de financiamento: Anualidade Aplicación orzamentaria Importe 2014 2014/942.942.652.45.13 173.011,00 € O concello de Meaño cofinanciou esta obra cunha achega de 37.871,38 euros. Revisión de prezos: non procede, por ter un prazo de execución inferior a un ano. 1.4. PRAZO DE EXECUCIÓN O prazo máximo para a execución da obra de referencia establécese en 4 meses contados desde o día seguinte ó do asinamento da acta de comprobación de replanteo, agás que exista razón fundada que impida o seu comezo. 1.5. RÉXIME DE PAGAMENTOS. CERTIFICACIÓNS A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. 1.6. GARANTÍAS Provisional: non procede. Definitiva: 5% do importe de adxudicación do contrato (IVE excluído). Prazo de garantía mínimo: o adxudicatario deberá garantir cando menos por un ano a execución da obra. 1.7. PENALIZACIÓNS No suposto de incumprimento dos compromisos ou das condicións especiais de execución do contrato ofertados polo contratista aplicarase o disposto no artigo 212 do TRLCSP. 2. SOLVENCIA ECONÓMICA, FINANCEIRA E TÉCNICA (Documentación a presentar na fase de requirimento, segundo figura na cláusula 14.1. do prego económico- administrativo). Clasificación: non se precisa. Acreditación da solvencia económica, financeira e técnica. A) Solvencia económica e financeira. Deberase acreditar unha cifra media de negocio dos traballos realizados pola empresa nos últimos cinco anos, igual ou superior á do orzamento total do contrato, IVE incluído. Documentación a presentar: a) No caso de entidades con personalidade xurídica propia (sociedades mercantís): - As contas anuais (conta de perdas e ganancias) dos cinco últimos anos presentadas no Rexistro Mercantil ou no rexistro oficial que corresponda e/ou os modelos 200 (declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto Sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada. - Libro de rexistro de vendas e ingresos dos tres últimos anos (debendo estar debidamente legalizados para aqueles que teñan dita obriga). - Modelo 390 (declaración resumo anual IVE) dos tres últimos años e/ou modelo 100 (Documento de ingreso ou devolución da declaración do IRPF) dos tres últimos anos. b.2) Empresarios e profesionais con tributación do IRPF mediante o método de estimación obxectiva. - Libro de rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do IRPF) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: - Relación das obras executadas no transcurso dos cinco últimos anos avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo (anexo V). O importe total destes contratos xustificados deberá ser igual ou superior ó orzamento deste contrato, IVE incluído. C) Declaración indicando a maquinaria, o material e o equipo técnico do que se dispoñerá para a execución das obras, á que se lle achegará a documentación acreditativa pertinente. 3. CRITERIOS DE ADXUDICACIÓN DO CONTRATO Pluralidade de criterios: si. Para a valoración das proposicións e a determinación da oferta economicamente máis vantaxosa atenderase ós seguintes criterios directamente vencellados ó obxecto do contrato:  Criterios non avaliables mediante fórmulas (sobre B): máximo de 50 puntos: • Memoria construtiva e programa de traballo, ata un máximo de 25 puntos. • Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución da obra, ata un máximo de 15 puntos. • Memoria de seguridade e saúde, ata un máximo de 5 puntos. • Programa de actuacións ambientais, ata un máximo de 5 puntos.  Criterios de valoración automática (sobre C): máximo de 50 puntos: • Valoración da oferta económica, ata un máximo de 45 puntos. • Plan de control de calidade da obra, ata un máximo de 5 puntos. 1. Enumeración dos criterios non avaliables mediante fórmulas (sobre B). Os criterios avaliables mediante xuízos de valor valoraranse cun máximo de 50 puntos, de conformidade cos seguintes criterios: - Memoria construtiva e programa de traballo, ata un máximo de 25 puntos. - Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/a redución do prazo de execución da obra, ata un máximo de 15 puntos. - Memoria de seguridade e saúde, ata un máximo de 5 puntos. - Programa de actuacións ambientais, ata un máximo de 5 puntos. Estes criterios ponderaranse do seguinte xeito: 1.1.) Memoria construtiva e programa de traballo, ata un máximo de 25 puntos. Valorarase o coñecemento do proxecto e do terreo onde se executará a obra, debéndose explicar a metodoloxía a empregar na súa execución, as provisións a utilizar e os medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. Nota moi importante: na documentación que se presente no sobre B, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación ó programa de traballo e á súa execución por anualidades, no seu caso, presentarase única e exclusivamente no sobre C. O incumprimento deste precepto provocará a exclusión da oferta no proceso de licitación. 1.2.) Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución, ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (21 %), mais indicaranse as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservando para si o dereito de as poder variar en beneficio do interese público, e sempre sen que poida superar o valor económico das ofertadas. Poderase ofertar como mellora unha redución no prazo de execución da obra, debéndose xustificar adecuadamente as circunstancias ou solucións técnicas que a permitan. Os técnicos, en base á documentación aportada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento. 1.3.) Memoria de seguridade e saúde, ata un máximo de 5 puntos. 1. Definición da cuestión principal en relación coa seguridade e saúde dos traballos. Describiranse as actividades de maior problema na súa execución en relación coa seguridade e saúde. Definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real decreto 171/2004, en materia de coordinación de actividades empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes e outras. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. do R. d. 1627/97). Neste apartado realizaranse, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias e que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003, de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e as ferramentas auxiliares cumpren a normativa vixente en materia de seguridade e saúde, e mais das revisións e mantementos de cada unha das máquinas xunto co seu protocolo de seguimento. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI. Presentarase a proposta de como realizar a formación dos traballadores en obra, así como de información dos riscos ós que están sometidos nela. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento e sobre os riscos dos que o protexen, así como se haberá de definir como se verificará a súa utilización por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias na obra, determinando como se definirá a súa necesidade e como se verificará a súa correcta utilización, estado e reposición. 1.4.) Programa de actuacións ambientais, ata un máximo de 5 puntos. Para este programa valoraranse as propostas de medidas de xestión ambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión ambiental propostos. As medidas ambientais valoraranse de acordo cos seguintes criterios: a) Se a execución da obra se realiza nun marco de xestión ambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE (77/801-94 e 77/802-94). b) Se os materiais a utilizar polo licitador proveñen dun proceso de reciclado ou reutilización en máis dun 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais a utilizar polo licitador son reutilizables ou teñen un grao de reciclabilidade superior ó 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por verteduras, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. 2. Enumeración dos criterios de valoración automática (sobre C). Nota importante: só se procederá á apertura e á valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: - Valoración da oferta económica, ata un máximo de 45 puntos. - Plan de control de calidade da obra, ata un máximo de 5 puntos. Estes criterios valoraranse en función da fórmula establecida no anexo III. Entenderase por ofertas admitidas todas aquelas que non quedasen excluídas unha vez realizados o exame da documentación administrativa contida no sobre A e a análise técnica da documentación contida no sobre B. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se achega no anexo II. 3. Compromiso do licitador de dedicar ou adscribir ó contrato os medios persoais e materiais suficientes necesarios para a súa execución, ós que se refire o artigo 64.2 do TRLCSP. Sen prexuízo de que a xustificación acreditativa de tal requisito deba presentarse, antes da adxudicación do contrato. 4. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ó castelán ou ó galego. SOBRE B: DOCUMENTACIÓN CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Presentarase pechado e contendo os seguintes documentos: 1. Como primeiro documento presentarase unha relación numerada e foliada de todos os documentos, asinada e selada polo representante legal da empresa. 2. Memoria construtiva e programa de traballo. 3. Melloras ofertadas. 4. Memoria de seguridade e saúde. 5. Programa de actuacións ambientais. Toda a documentación relativa a este sobre deberá presentarse en formato A4 e cun límite máximo de 100 follas. Enténdese por folla unha cara dun folio. Poderase rexeitar unha proposición por incumprir esta condición. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e contendo o seguinte documento: Modelo de proposición, seguindo o modelo determinado no anexo IV do prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicada sobre o orzamento de execución material da obra e determinado no apartado destinado para iso no modelo de proposición. A Deputación reserva para si o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do orzamento base de licitación, variase substancialmente o modelo establecido, comportase erro de relevo no importe da proposición ou existise recoñecemento por parte do licitador de que adoece de erro ou inconsistencia que a fagan inviable, poderá ser desbotada pola Mesa de contratación. Na proposición indicarase como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables de xeito automático mediante cifras ou porcentaxes por aplicación das fórmulas establecidas nos pregos.” ANEXO II. DECLARACIÓN RESPONSABLE Nota: este modelo pode descargarse en formato PDF para cubrilo na área de descargas do seguinte enderezo web: http://www.depo.es/web/edepo/contratacion1 ANEXO III. “ FÓRMULA DE VALORACIÓN Enumeración dos criterios avaliables mediante fórmulas (sobre C). Nota importante: só se procederá á apertura e a valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que supere os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: - Valoración da oferta económica, ata un máximo de 45 puntos. - Plan de control de calidade da obra, ata un máximo de 5 puntos. A) Valoración da oferta económica, ata un máximo de 45 puntos. Entenderase por ofertas admitidas todas aquelas que non quedasen excluídas unha vez realizados o exame da documentación administrativa contida no sobre A e a análise técnica da documentación contida no sobre B. Para a valoración das ofertas admitidas administrativa e tecnicamente consideraranse dous posibles casos: CASO 1: A oferta máis baixa OMB das admitidas administrativa e tecnicamente é inferior estritamente ó 90% do Orzamento Base de Licitación (PBL), é dicir, 1.1. Se o orzamento ofertado pola empresa (Pro) é maior ou igual á Oferta Máis Baixa (OMB) das admitidas administrativa e tecnicamente e menor ou igual ó 90% do Orzamento Base de Licitación (PBL), é dicir, Se : A fórmula para empregar é a seguinte: Puntos oferta 1.2. Se o orzamento ofertado pola empresa (Pro) é maior estritamente ó 90% do Orzamento Base de Licitación PBL e menor ou igual ó Orzamento Base de Licitación (PBL), é dicir, Se : A fórmula para empregar é a seguinte: Puntos oferta CASO 2: A Oferta Máis Baixa (OMB) das admitidas administrativa e tecnicamente é maior ou igual ó 90% do Orzamento Base de Licitación (PBL), é dicir, A fórmula para empregar é a seguinte: Puntos oferta PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións nas que a porcentaxe de baixa supere nun 5% á porcentaxe de baixa media de todas as ofertas admitidas administrativa e tecnicamente. Para calcular a Baixa Media (BM) e a Baixa Media Permitida (sen incorrer en temeridade), (BMP) utilízanse as seguintes ecuacións: a. Cálculo da Baixa Media (BM): A baixa da oferta económica da empresa i calcularase como: A porcentaxe de baixa da oferta económica da empresa i calcularase como: A baixa media de todas as porcentaxes das baixas das ofertas admitidas administrativa e tecnicamente é: Sendo: oferta económica da empresa i. n: número de ofertas admitidas administrativa e tecnicamente. orzamento base de licitación. porcentaxe de baixa de cada unha das ofertas admitidas administrativa e tecnicamente. baixa media. b. Cálculo da Baixa Máxima Permitida, sen incorrer en temeridade (BMP): Sendo: Baixa Máxima Permitida, sen incorrer en temeridade. Baixa Media. Polo que se considerará temeraria unha oferta que incorra en: B) Proxecto de control de calidade da obra, ata un máximo de 5 puntos. Especificarase a porcentaxe sobre o Orzamento de Execución Material (PEM) que a empresa asigne para tal efecto, así como a acreditación por parte desta da disposición dun certificado de calidade reservándose para si a Deputación a aprobación do laboratorio homologado. Esta porcentaxe será obrigatoriamente maior ou igual ó 1% e menor ou igual ó 5%. No caso de que sexa inferior ó 1% ou non se defina, a Deputación establecerá un valor do 1%, e no caso de que sexa superior ó 5%, a Deputación establecerá un valor do 5%. Para a valoración das ofertas admitidas consideraranse dous posibles tramos, separados polo punto de corte porcentual de control de calidade neste caso o valor do devandito punto é de 3%. Tramo 1. A porcentaxe do control de calidade sobre o PEM ofertado é maior ou igual ó 1% e menor ou igual ó PC%. Todos estes valores estudaranse en porcentaxe e a puntuación do control de calidade ( ) será o resultado da seguinte fórmula: Tramo 1: Sendo: Puntuación do control de calidade ofertada. Tramo 2. A porcentaxe do control de calidade sobre o PEM ofertado é maior estritamente có PC% e menor ou igual ó 5%. Todos estes valores estudaranse en porcentaxe e a puntuación do control de calidade ( ) será o resultado da seguinte fórmula: Tramo 2: ” ANEXO IV “MODELO DE PROPOSICIÓN (SOBRE C) D.ª/D........, maior de idade, veciño de............, con domicilio en ........, titular do DNI......., expedido na data.............., actuando en nome propio ou en representación da empresa ....... (CIF núm. .........) e con domicilio en ................, teléfono.......... segundo acredito mediante poder debidamente bastanteado. Decatado do anuncio para adxudicar mediante procedemento aberto o contrato correspondente á obra (especificar denominación da obra): Primeiro. Declaramos que na execución do contrato se cumprirán as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos a prestar o servizo con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: - Polo prezo de __ (en letra e número) euros, máis ___ euros (en letra e número) correspondente ó IVE - Prezo total (en letra e número):… - % do control de calidade ofertado:… - Melloras ofertadas (descrición):…” ANEXO V “MODELO DE ACREDITACIÓN DE SOLVENCIA TÉCNICA DE OBRAS REALIZADAS. ACREDITACIÓN DA SOLVENCIA TÉCNICA E PROFESIONAL RESPECTO DA REALIZACIÓN DE OBRAS REALIZADAS POLA EMPRESA NOS ÚLTIMOS CINCO ANOS Título do Contrato:……………………………………………………………………… Núm. De Expediente …………………………..……………………………………….. D.ª/D. ………………………………………………….., con DNI núm. ………………., en nome propio ou en representación da empresa ………………, con NIF/CIF núm. ………… DECLARA que a relación de obras análogas ó obxecto deste contrato realizadas nos últimos cinco anos son as que se recollen na táboa seguinte: Título do Contrato Obxecto Data Importe ano 2009 Importe ano 2010 Importe ano 2011 Importe ano 2012 Importe ano 2013 Importe total dos últimos 5 anos Destinatario Inicio Fin Totais ……………………………………., ….. de …………………… de ……….. (Lugar, data, sinatura e selo do licitador)” 25.22684.- ADXUDICACIÓN DO CONTRATO PARA A EXECUCIÓN DA OBRA “EDIFICIO PARA VIVEIRO DE EMPRESAS EN LALÍN”, COFINANCIADA POLO FEDER NUN 80%. Resultando que la Junta de Gobierno, en sesión celebrada el día 24/07/2014, prestó aprobación al expediente de contratación, mediante procedimiento abierto, de la obra de “Edificio para Vivero de Empresas en Lalín”, cofinanciado por el FEDER en un 80 %, con presupuesto de 568.820,00 €, más la cantidad de 119.452,20 € correspondiente al IVA. Resultando que el día 01/09/2014, se constituyó la Mesa de Contratación procediendo al estudio de la documentación administrativa contenida en los sobres “A”, admitiendo a todas las empresas presentadas. Resultando que el día 02/09/2014, este mismo órgano, en acto público, indicó las plicas que fueron calificadas como admitidas, procediendo a la apertura de los sobres B, correspondiente a la documentación técnica valorable mediante criterios no evaluables mediante formulas, tal y como prevé el artículo 27 del Real Decreto 817/2009, por el que se desarrolla parcialmente la Ley de contratos del sector público. Resultando que el día 29/09/2014, una vez evaluada la documentación técnica, se procedió a la apertura de los sobres “C” de aquellas empresas que obtuvieron una valoración superior a 20 puntos sobre los criterios no evaluables mediante fórmulas, con el siguiente resultado: Licitador Puntuación sobre “B” Oferta % Control Calidad Construcciones y Proyectos Abilleira, S.L. 29,40 482.302,00 5,00 UTE Construcciones Castro-Figueiro,S.L.U.-Prace, S.A. 28,75 515.919,74 5,00 Extraco, S.A. 27,43 498.504,00 5,00 Construcciones Vila-Miño, S.A. 27,15 479.230,85 5,00 Construcciones Abal, S.A. 26,72 512.621,64 5,00 Oreco, S.A. 24,75 511.938,00 3,00 Antonio Framiñan Construc-Ciones, S.L. 24,46 489.185,20 3,00 Construcciones Orega, S.L. 23,00 532.699,93 3,00 Construcciones Delfin Ferreiro Rodriguez, S.L. 21,55 528.035,61 2,50 Copcisa, S.A. 21,06 467.740,69 7,97 Resultando que valoradas las ofertas se obtiene la siguiente puntuación: Licitador Puntuación sobre B Puntuación sobre C Puntuación Total Copcisa, S.A. 21,06 54,568 75,628 Construcciones y Proyectos Abilleira, S.L. 29,40 46,112 75,512 Construcciones Vila Miño, S.A. 27,15 47,361 74,511 Antonio Framiñan Construc-Ciones, S.L. 24,46 41,476 65,936 Extraco, S.A. 27,43 38,397 65,827 UTE Construcciones Castro Figueiro, S.L.U.-Prace, S.A. 28,75 29,759 58,509 Construcciones Abal, S.A. 26,72 31,418 58,138 Oreco, S.A. 24,75 30,507 55,257 Construcciones Delfin Ferreiro Rodriguez, S.L. 21,55 22,129 43,679 Construcciones Orega, S.L. 23,00 20,059 43,059 Resultando que COPCISA, S.A. obtiene la máxima puntuación la Mesa de Contratación propone requerir a dicha empresa para que presente la documentación justificativa de hallarse al corriente en sus obligaciones tributarias y con la Seguridad Social, de disponer efectivamente de los medios que se comprometió a dedicar o adscribir a la ejecución de la obra, y de haber constituído la garantía definitiva equivalente al 5,00 % del presupuesto de adjudicación excluído el IVA, así como proceder al ingreso en la Tesorería de la Diputación de la cantidad de 106,95 € correspondiente a la publicación del anuncio de licitación en el BOP, proponiendo, una vez cumplimentado el requerimiento, la adjudicación de la obra. Resultando que COPCISA, S.A., atendiendo al requerimiento formulado mediante resolución nº 2014028596, presentó la documentación requerida, así como la garantía definitiva por importe de 23.387,04 €, según acredita mediante carta de pago nº 201400132654, de fecha 10/10/2014, y que ingresó la cantidad de 106,95 € correspondiente a la publicación del anuncio del procedimiento en el BOP. La Junta de Gobierno acuerda por unanimidad adjudicar a COPCISA, S.A. (CIF nº A-08190696) la obra “Edificio para Vivero de Empresas en Lalín”, de acuerdo con el siguiente detalle: Importe, sin IVA 467.740,69 € IVA 98.225,54 € Importe total 565.966,23 € Plazo de ejecución Cinco meses y medio Mejoras ofertadas 16.748,34 € Control de calidad 7,97 % 26.22685.- APROBACIÓN DO PROXECTO MODIFICADO DA OBRA “DOTACIÓN DE BEIRARRÚAS E SERVIZOS URBANÍSTICOS (MARÍN)” Dada conta que con data 21/04/2014, recibiuse nesta Deputación escrito do director da obra “Dotación de beirarrúas e servizos urbanísticos (Marín)”, solicitando autorización para a redacción de proxecto modificado da mesma. Resultando.- Que a Xunta de Goberno na súa sesión ordinaria celebrada o 4 de outubro de 2013, acordou adxudicar á empresa Hordescón, S.L, o contrato de execución da obra “Dotación de beirarrúas e servizos urbanísticos (Marín)”, pertencente á cuarta relación de proxectos PID/12, por un importe de 58.519,16 € IVE incluído. Resultando.- Que solicitado informe ó Servizo de Infraestruturas da Deputación, este emitiu o mesmo na data 07/05/2014 considerando suficientes as causas expostas para a redacción dun proxecto modificado sen variación económica. Resultando.- Con data 01/07/2014 recíbese nesta Deputación proxecto modificado da obra “Dotación de beirarrúas e servizos urbanísticos (Marín)”, no que o director de obra establece como causas que motivan a redacción do proxecto modificado, por unha banda a inadecuación da prestación contratada para satisfacer as necesidades que pretenden cubrirse, debido a omisións padecidas na redacción do proxecto, xa que ó ser unha obra de urbanización non se preveu a construción de beirarrúas a ambas marxes, nin as infraestruturas básicas baixo as mesmas, xa que nunha das marxes xa existían, e por outra, a inadecuación do proxecto por causas obxectivas que determinan a súa falta de idoneidade, debido a que baixo a rasante apareceron numerosas canalizacións de abastecemento privadas, que esixen a reposición de servizos afectados en maior medida que o previsto, todo elo sen alterar as condicións esenciais da licitación e adxudicación, sen introducir unidades de obra non previstas no proxecto. Resultando.- Que na data 07/07/2014 enviouse o proxecto modificado ó Servizo de Infraestruturas para a súa supervisión e informe, emitindo o mesmo na data 14/07/2014, recollendo que examinada a documentación, considera que esta cumpre co establecido polas normas ó respecto, podéndose continuar coa tramitación do expediente. Resultando.- Que con data 14/10/2014 o Xefe de Servizo de Contratación emite informe en relación coa aprobación do proxecto modificado citado, poñendo de manifesto que segundo o recollido no informe emitido polo Servizo de Infraestruturas e as causas que manifesta o director de obra para redactar o proxecto modificado, e aínda que a xurisprudencia e as directivas comunitarias son moi restritivas con respecto á aprobación de proxectos modificados, neste caso, non se observa que puidera existir algún dos elementos de variación substancial do contrato que alteren os principios de igualdade e transparencia que han de rexer na contratación. Considerando.- Que a disposición adicional segunda do referenciado R.d.l. 3/2011, no seu apartado 1, faculta ó Ilmo. Sr. Presidente para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o proxecto modificado da obra “Dotación de beirarrúas e servizos urbanísticos (Marín)”, sen variación do orzamento de execución contratado cun prazo de execución da mesma dun mes a contar a partir da notificación deste acordo. A empresa Hordescón, S.L levará a cabo a adxudicación da obra sendo o prazo para execución do modificado de vinte días. 27.22686.- AMPLIACIÓN DO PRAZO DE EXECUCIÓN DO CONTRATO FORMALIZADO COA EMPRESA PRICEWATERHOUSE COOPERS ASESORES DE NEGOCIOS, S.L., PARA A EXECUCIÓN DA CREACIÓN E POSTA EN MARCHA DOS CENTROS PROVINCIAIS DE ASESORAMENTO EMPRESARIAL (CPAE 2.0) E O DESENVOLVEMENTO E POTENCIACIÓN DO COMERCIO ELECTRÓNICO NA PROVINCIA DE PONTEVEDRA DENTRO DOS PROXECTOS DEPOTIC E DEPODEZA Mediante acordo da Xunta de Goberno de 7 de xuño de 2013, acordouse a adxudicación á empresa Pricewaterhouse Coopers Asesores de Negocios SL (CIF B-78.016.375), do contrato para a posta en marcha dos centros provinciais de asesoramento empresarial (CPAE 2.0) e o desenvolvemento e potenciación do comercio electrónico na provincia de Pontevedra dentro dos proxectos depoTIC e depoDEZA, cofinanciado nun 70% polo FEDER. Resultando que na cláusula 4 do prego de cláusulas económico administrativas que rexe a contratación e que foi aprobado por acordo da Xunta de Goberno de 21 de decembro de 2012, establécese un prazo total de execución do contrato de 66 semanas dende a data de formalización do contrato, que tivo lugar o día 15 de xullo de 2013. Resultando que o dia 20 de outubro de 2014 finaliza o prazo establecido de 66 semanas para a execución do citado contrato. Resultando que a empresa Pricewaterhouse Coopers Asesores de Negocios SL, mediante escrito que tivo entrada no rexistro xeral da Deputación de Pontevedra o día 15 de outubro de 2014, solicita unha ampliación do prazo de execución do contrato ata o 15 de marzo de 2015, motivando dita petición pola existencia de diversas dificultades xurdidas durante a execución do contrato como problemas técnicos e de axenda dos diferentes axentes involucrados no proxecto que non permitiron realizar as reunións para a validación e toma de decisións necesarias para a total execución do contrato. Visto o informe favorable a prórroga emitido polo Xefe do Servizo de Novas Tecnoloxías, que pon de manifesto unha serie de feitos que ocasionaron un atraso na execución do contrato, así como que a prórroga non supón unha alteración da oferta en canto ós aspectos que foron determinantes para elixir a proposición máis vantaxosa no procedemento levado a cabo para a adxudicación do contrato. Así mesmo informa que, ó non considerarse imputables á empresa os atrasos anteriormente expostos ó actuar esta coa dilixencia debida na execución dos traballos non procede o establecemento das penalidades recollidas no prego de condicións. Visto así mesmo o informe emitido polo Servizo de Contratación no que expón que vistos os antecedentes non se mostra inconveniente para adoptar a prórroga se así o estima o órgano de contratación. Considerando que a disposición adicional segunda do TRLCSP, no seu apartado 1, faculta ao Ilmo. Sr. Presidente para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación de servizos que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía, a Xunta de Goberno acorda por unanimidade: Ampliar o prazo de execución do contrato formalizado coa empresa Pricewaterhouse Coopers Asesores de Negocios SL (CIF B-78.016.375), para a execución do contrato de “Creación e posta en marcha dos centros provinciais de asesoramento empresarial (CPAE 2.0) e o desenvolvemento e potenciación do comercio electrónico na provincia de Pontevedra dentro dos proxectos depoTIC e depoDEZA”, cofinanciado nun 70% polo FEDER ata o 15 de marzo de 2015. 28.22687.- PRÓRROGA DO CONTRATO FORMALIZADO COA EMPRESA ATENEA, SEGURIDAD Y MEDIO AMBIENTE, S.A., PARA A PRESTACIÓN DO SERVIZO DE ASISTENCIA TÉCNICA EN MATERIA DE SEGURIDADE E SAÚDE DAS OBRAS DA DEPUTACIÓN DE PONTEVEDRA A Xunta de Goberno da Deputación Provincial, na sesión ordinaria do día 27 de outubro de 2010, adoptou o acordo de adxudicar definitivamente á empresa Atenea Seguridad y Medio Ambiente SA (CIF A-82.876.905), o contrato correspondente á prestación do servizo de asistencia técnica en materia de seguridade e saúde nas obras da Deputación de Pontevedra, polo importe do 0,50 % do orzamento de execución material de cada proxecto aplicada a baixa de adxudicación, IVE incluído. O contrato formalizouse o día 29 de outubro de 2010 e na cláusula segunda do mesmo establécese que terá unha duración de tres anos, contados dende a data de formalización do mesmo, dende o 29/10/2010 ao 28/10/2013, podendo prorrogarse a vixencia, por mutuo acordo das partes, antes da finalización do mesmo sen que a duración total do contrato incluídas as posibles prórrogas expresas poida exceder de seis anos. A empresa Atenea Seguridad y Medio Ambiente SA, mediante escrito que tivo entrada no Rexistro desta Deputación o día 23/07/2014 (núm. 2014075529), solicita prorrogar o contrato de asistencia técnica en materia de seguridade e saúde das obras da Deputación de Pontevedra. Visto o informe emitido polo Director de Infraestruturas, que informa en data 7 de outubro de 2014, que a empresa Atenea Seguridad y Ambiente S.A. cumpriu satisfactoriamente o contrato, polo que entende xustificada a solicitude de prórroga da empresa por un período dun ano, e vistos así mesmo os informes emitidos polo Secretario en data 16/10/2014 e polo servizo de Intervención en data 16/10/2014. Considerando que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de servizos, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do vixente orzamento provincial, concretamente na Base 16ª. 2 a) onde figura que lle compete á Xunta de Goberno a fase correspondente á disposición dos gastos precisos para a contratación de servizos que, sendo competencia da Presidencia, superen o importe dos contratos negociados sen publicidade por razón da contía, a Xunta de Goberno acorda por unanimidade: Prorrogar por un período de un ano, dende o 29/10/2014 ó 28/10/2015 o contrato formalizado coa empresa Atenea Seguridad y Medio Ambiente S.A. (CIF A-82.876.905), para a prestación do servizo de asistencia técnica en materia de seguridade e saúde das obras da Deputación de Pontevedra, polo importe do 0,50 % do orzamento de execución material de cada obra. O importe correspondente a seguridade e saúde será retido ós contratistas nas certificacións de obra expedidas, aplicándose a retención do 0,5 % sobre o orzamento de execución material adxudicado de cada certificación, polo que o pago do obxecto deste contrato efectuarase con cargo a conta non orzamentaria 419.10 (099.143). 29.22688.- PRÓRROGA NA EXECUCIÓN DA OBRA “INSTALACIÓN DE HERBA ARTIFICIAL E URBANIZACIÓN DA PARCELA NO CAMPO DE FÚTBOL MUNICIPAL DE RODEIRO Dada conta que con data 06/10/2014 tivo entrada nesta Deputación escrito da mercantil Xestión Ambiental de Contratas, S.L., no que solicita unha prórroga dun mes na execución da obra “Instalación de herba artificial e urbanización da parcela no campo de fútbol municipal de Rodeiro”. Resultando.- Que a Xunta de Goberno na súa sesión ordinaria celebrada o 27/12/2013 acordou adxudicar á empresa Xestión Ambiental de Contratas, S.L. (CIF: B-36746584) o contrato de execución da obra “Instalación de herba artificial e urbanización da parcela no campo de fútbol municipal de Rodeiro. Resultando.- Que solicitado o preceptivo informe ó Servizo de Infraestruturas, este emite o mesmo na data 14/10/2014 considerando que as causas alegadas da demora non son imputables ó contratista, entendendo xustificada a concesión da prórroga para ampliación do prazo de execución da obra ata o 19 de novembro de 2014. Considerando.- Que a disposición adicional segunda do referenciado R.d.l. 3/2011, no seu apartado 1, faculta ó Ilmo. Sr. Presidente para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas b ases de execución do orzamento provincial, concretamente na Base 16ª.2a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Conceder unha prórroga e ampliar o prazo de execución da obra “Instalación de herba artificial e urbanización da parcela no campo de fútbol municipal de Rodeiro”, ata o 19 de novembro de 2014. 30.22689.- CADUCIDADE DO PROCEDEMENTO INICIADO DE OFICIO PARA RESOLVER O CONTRATO DE SERVIZO DE ASESORAMENTO E COLABORACIÓN MATERIAL NA REGULARIZACIÓN E ACTUALIZACIÓN DOS PADRÓNS FISCAIS, MEDIANTE OS PROCEDEMENTOS DE INSPECCIÓN TRIBUTARIA, DAS TAXAS DELEGADAS POLO CONCELLO DE TUI Primeiro.- O Consello Reitor do ORAL, en sesión celebrada en data 22 de setembro de 2010, adxudicou definitivamente o contrato dun “servizo de asesoramento e colaboración material na regularización e actualización dos padróns fiscais, mediante procedementos de inspección tributaria, das taxas delegadas polo Concello de Tui (auga, rede de sumidoiros, lixo e vaos) á empresa Solucións de Recadación Microibérica, S.L., con CIF B-36.420.586 por un importe de máximo de 45.150 € máis 8.127 € correspondentes ó IVE e sendo o prazo máximo de entrega dos traballos o 16 de maio de 2011. Segundo.- Por parte do contratista fíxose unha entrega inicial dos traballos contratados consistentes basicamente na entrega dunhas fichas censais, os ficheiros informáticos e un Padrón provisional de acordo co estipulado nos pregos de condicións técnicas que rexeron a contratación. Así mesmo, efectuouse o período de atención ó público (do 15/06/2011 ó 16/09/2011) e foron atendidas a maior parte das reclamacións. Terceiro: O proceso de validación dos traballos finais (entrega do Padrón definitivo para a súa aprobación), foi realizado polo persoal do Servizo de Xestión Tributaria do ORAL, que emitiron varios informes con numerosas incidencias detectadas que non permitían validar os traballos ó non pasar o proceso de calidade esixido nos pregos técnicos (todos estes informes obran no expediente). O contratista fixo un total de 7 entregas dos traballos e o Servizo de Xestión Tributaria, con cada unha delas, informou claramente dos errores que adoecían os traballos. Cuarto.- O contratista formula oposición, presentando varios escritos de alegacións solicitando que se poñan no seu coñecemento de forma clara os erros do traballo. En data 9 de abril de 2013 o ORAL efectúa un requirimento, a través do trámite de audiencia, iniciando o proceso para a resolución do contrato e para que o contratista alegase ou aportase os documentos e xustificacións que considerase pertinentes, achegándolle un informe con todas as incidencias detectadas. En data 19 de abril de 2013, a empresa atende ó requirimento, formulando oposición á resolución do contrato. Ata o día da data non se ditou acto administrativo expreso de resolución do contrato. FUNDAMENTOS DE DEREITO Primeiro.- O órgano de contratación que adxudicou o contrato foi o Consello Reitor do ORAL, nembargante desde que o ORAL se integrou na Deputación de Pontevedra (con efectos dende o 1 de xaneiro de 2013), o órgano competente para interpretar este contrato e resolver as dúbidas que ofreza é a Xunta de Goberno, en virtude da base 16ª.2) das bases de execución do orzamento da Deputación. Segundo.- Trátase dun contrato de natureza administrativa que foi adxudicado estando vixente a Lei 30/2007, de Contratos do Sector Público (LCSP). Segundo se detalla na cláusula 3ª do prego de cláusulas administrativas particulares que rexeron a contratación. Atendendo á súa natureza, o art. 19.2 desta Lei establece que “os contratos administrativos rexeranse, en canto á súa preparación, adxudicación efectos e extinción, por esta Lei e as súas disposicións de desenvolvemento; supletoriamente aplicaranse as restantes normas de dereito administrativo e, no seu defecto, as normas de dereito privado...” Terceiro.- A resolución dos contratos administrativos constitúe un procedemento autónomo e con substantividade propia e atópase regulado expresamente no art. 109 do Regulamento Xeral da Lei de Contratos das Administracións Públicas (RXLCAP), aprobado polo Real Decreto 1098/2001, de 12 de outubro e que dispón o seguinte: “1. A resolución do contrato acordarase polo órgano de contratación, de oficio ou a instancia do contratista (...) e cumprimento dos requisitos seguintes: a. Audiencia do contratista por prazo de dez días naturais, no caso de proposta de oficio. b. Audiencia, no mesmo prazo anterior, do avalista ou asegurador se se propón a incautación da garantía. c. Informe do Servizo Xurídico, salvo nos casos previstos nos artigos 41 e 96 da Lei. d. Ditame do Consello de Estado ou órgano consultivo equivalente da Comunidade Autónoma respectiva, cando se formule oposición por parte do contratista. 2. Todos os trámites e informes preceptivos dos expedientes de resolución dos contratos consideraranse de urxencia e gozarán de preferencia para o seu despacho polo órgano correspondente". Cuarto.- No que se refire ó prazo para resolver, nin a LCSP nin o RXLCAP establecen nada ó respecto, non obstante, é preciso facer mención a diversas sentencias do Tribunal Supremo de datas 2 de outubro de 2007 (STS 6326/2007), 13 de marzo de 2008 (STS 643/2008) e 28 de xuño de 2011 (STS 4151/2011), entre outras, que declararon a aplicación supletoria da Lei 30/1992, de 26 de novembro (LRXPAC), de conformidade co disposto na disposición final oitava da LCSP, de forma que, se non se resolve no prazo de 3 meses, iniciándose de oficio, enténdese caducado o expediente. Quinto.- De conformidade co exposto no punto cuarto, temos que acudir ó disposto na Lei 30/1992, que establece: “Art. 42.- Obriga de resolver: "1. A Administración está obrigada a ditar resolución expresa en todos vos procedementos ea notificala calquera que sexa a súa forma de iniciación. Nos casos de prescrición, renuncia do dereito, caducidade do procedemento ou desestimento da solicitude, así como a desaparición sobrevida do obxecto do procedemento, a resolución consistirá na declaración da circunstancia que concorra en cada caso, con indicación dos feitos producidos e as normas aplicables.Exceptúanse da obriga, a que se refire o parágrafo primeiro, os supostos de terminación do procedemento por pacto ou convenio, así como os procedementos relativos ao exercicio de dereitos sometidos unicamente ao deber de comunicación previa á Administración. 2. O prazo máximo no que debe notificarse a resolución expresa será o fixado pola norma reguladora do correspondente procedemento. Este prazo non poderá exceder de seis meses salvo que unha norma con rango de Lei estableza un maior ou así veña previsto na normativa comunitaria europea. 3. Cando as normas reguladoras dos procedementos non fixen o prazo máximo, este será de tres meses. Este prazo e os previstos no apartado anterior contaranse: a) Nos procedementos iniciados de oficio, dende a data do acordo de iniciación.(…)" O artigo 44 da mesma Lei, respecto ós procedementos iniciados de oficio, dispón que "o vencemento do prazo máximo establecido sen que se ditase e notificado resolución expresa non exime á Administración do cumprimento da obriga legal de resolver, producindo os seguintes efectos: (...) 2. Nos procedementos en que a Administración exercite potestades sancionadoras ou, en xeral, de intervención, susceptibles de producir efectos desfavorables ou de gravame, producirase a caducidade. Nestes casos, a resolución que declare a caducidade ordenará o arquivo das actuacións, cos efectos previstos no artigo 92". Neste sentido o art. 92 da LRJPAC, no seu apartado 3 dispón que “A caducidade non producirá por se soa a prescricións das accións do particular ou da Administración, pero os procedementos caducados non interromperán o prazo de prescrición”. Quinto.- Tendo en conta que o expediente de resolución do contrato foi iniciado de oficio por parte da Administración, en data 8 de abril de 2013, través dun requirimento de trámite de audiencia, notificado ó interesado o 9 de abril de 2013 tal e como esixe o art. 109 do RXLCAP. Este requirimento foi atendido pola empresa en data 19 de abril de 2013, sen que ata a data se continuase coa tramitación do expediente, superando amplamente o prazo máximo legal de 3 meses dende a iniciación do expediente, que marca o art. 42 da LRXPAC, polo que procede a caducidade e sen que concorran as circunstancias legalmente previstas para a suspensión do procedemento (art. 42.5 da LRXPAC). Por todo o exposto, a Xunta de Goberno, en virtude do previsto na base 16ª das bases de execución do orzamento da Deputación de Pontevedra, acorda por unanimidade: 1. Declarar a caducidade do procedemento de resolución do contrato iniciado de oficio pola Deputación de Pontevedra ó transcorrer o prazo máximo de tres meses para resolver e notificar, sen que se ditara resolución expresa. 2. Tendo en conta que a día da data non prescribiu o dereito da Administración para iniciar novamente o procedemento de resolución do contrato, esta resolverá o procedente sobre o cumprimento ou incumprimento total ou parcial do contratista facendo mención ó reintegro das cantidades aboadas, así como da posibilidade de incautación da garantía constituída para este contrato. 31.22690.- REVISIÓN DE PREZOS DO CONTRATO FORMALIZADO COA EMPRESA MUGATRA, SOCIEDAD DE PREVENCIÓN, S.L.U., PARA O SERVIZO DE VIXILANCIA DA SAÚDE E RECOÑECEMENTOS MÉDICOS DO PERSOAL DA DEPUTACIÓN A Xunta de Goberno desta Deputación Provincial, en sesión ordinaria do día 20 de abril de 2012, adxudicou, mediante procedemento aberto, o contrato correspondente á prestación do servizo de vixilancia da saúde e recoñecementos médicos do persoal da Deputación de Pontevedra e dos seus organismos autónomos, á empresa Mugatra Sociedade de Prevención, S.L.U. (CIF B-70055504). O contrato adxudicouse por un prezo global máximo anual de sesenta mil euros (60.000,00€), IVE incluído, en función dos seguintes prezos unitarios:  Por cada recoñecemento médico trinta e oito euros con cincuenta céntimos (38,50 €), exento de IVE.  Polos servizos de vixilancia e saúde a cantidade mensual de trescentos cincuenta e catro euros, (354,00 €), IVE incluído, desagregado:  Prezo mensual: 300,00 €  IVE 18%: 54,00 €  Total: 354,00 € O contrato ten unha duración de dous anos, formalizándose con data 21 de maio de 2012, entrando en vigor ese mesmo día, podendo prorrogarse a súa vixencia por mutuo acordo das partes antes da finalización da mesma, sen que a duración total do contrato, incluídas as posibles prórrogas expresas, poida exceder de catro anos. Considerando que a base 22 do prego de cláusulas económico-administrativas que rexeu esta contratación, establece que o prezo do contrato poderá revisarse de acordo coa variación que experimente o Índice de Prezos ó Consumo (IPC), unha vez transcorrido un ano dende a súa adxudicación e se executase o contrato polo menos nun 20%, quedando excluídas da revisión ambas acotacións. A revisión non poderá superar o 85% da variación experimentada polo índice adoptado. Resultando que a Xunta de Goberno da Deputación, en sesión ordinaria do día 7 de marzo de 2014 adoptou o acordo de aprobar unha revisión de prezos deste contrato de servizos dende o 21 de maio de 2013 ata o 20 de maio de 2014, establecéndose un novo importe mensual de:  Por cada recoñecemento médico trinta e oito euros con noventa e seis céntimos (38,96€), exento de IVE.  Polos servizos de vixilancia e saúde a cantidade mensual de trescentos sesenta e sete euros con trinta e dous céntimos, (367,32 €), IVE incluído, desagregado:  Prezo mensual: 303,57 €  IVE 21%: 63,75 €  Total: 367,32 € A Xunta de Goberno, en sesión de data 9 de maio de 2014, acordou unha prórroga de dous anos de duración do contrato formalizado coa empresa Mugatra Sociedade de Prevención, S.L.U. para a prestación do servizo de vixilancia da saúde e recoñecementos médicos do persoal da Deputación de Pontevedra, con efectos dende o día 21 de maio de 2014 ata o 20 de maio de 2016, de acordo cos prezos revisados. Considerando que segundo as instrucións do INE, o Índice de Prezos ó Consumo a utilizar sería o IPC dos meses de abril de 2013 a abril de 2014, cunha porcentaxe de variación dun 0,4 % de variación para o contrato inicial, en base ás normas establecidas polo Instituto Nacional de Estatística para calcular a variación do IPC. O 85% da variación do IPC equivale ó 0,34 %. Visto o informe de fiscalización do servizo de Intervención, de data 14/10/2014, no que se sinala que a revisión de prezos será financiada con cargo á aplicación orzamentaria 14/929.920.227.03 do vixente orzamento provincial, para o período do 21 de maio ó 31 de decembro de 2014. Respecto da cantidade correspondente ós meses de xaneiro a 20 de maio de 2015, quedará condicionada á existencia de crédito adecuado e suficiente no orzamento de 2015. Considerando que a Xunta de Goberno é o órgano de contratación que adxudicou este contrato e o que ten competencia para efectuar a revisión de prezos, esta acorda por unanimidade: 1.- Aprobar a revisión de prezos do contrato formalizado coa empresa Mugatra Sociedade de Prevención, S.L.U. (CIF B-70055504), correspondente á prestación do servizo de vixilancia da saúde e recoñecementos médicos do persoal da Deputación de Pontevedra e dos seus organismos autónomos, por un importe total máximo de 158,52 euros (15,00 euros/ano de vixilancia da saúde máis 1.104 recoñecementos/ano estimados), para o período do 21 de maio de 2014 ata o 20 de maio de 2015. A cuantificación do contrato sería a seguinte: Contrato Prezo IVE Exento Total Prezo do recoñecemento médico 38,96€ - 38,96€ Revisión de prezos abril 2013 – abril 2014 (un 0,34%) 0,13€ - 0,13€ TOTAL 39,09€ - 39,09€ Contrato Prezo IVE 21% Total Prezo do servizo de vixilancia da saúde mensual 303,57€ 63,75€ 367,32€ Revisión de prezos abril 2013–abril 2014 (un 0,34%) 1,03€ 0,22€ 1,25€ TOTAL 304,60€ 63,97€ 368,57€ O incremento desta revisión de prezos cuantificase nas seguintes cantidades: A.- Recoñecementos médicos Tendo en conta o número de recoñecementos médicos previstos inicialmente no prego de cláusulas administrativas particulares da contratación deste servizo de vixilancia da saúde e recoñecementos médicos, resulta un importe de: 1.104 recoñecementos anuais x 0,13 euros = 143,52 euros. B.- Servizos de vixilancia e saúde a. Do 21 de maio de 2014 ata o 31 de decembro de 2014 por un importe de 9,25 euros, IVE incluído (7 meses e 11 días). b. Do 1 de xaneiro de 2015 ata o 20 de maio de 2015 por un importe de 5,75 euros, IVE incluído (4 meses e 20 días). Total por vixilancia e saúde 15,00 euros. O importe total ascende a contía de 158,52 euros, IVE incluído. 2.- Aprobar o gasto por importe de 158,52 euros, IVE incluído (15,00 €/ano de vixilancia da saúde máis 1.104 recoñecementos/ano estimados) imputándose á aplicación orzamentaria 14/929.920.227.03 do vixente orzamento provincial. 32.22691.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as once horas e quince minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición