Servicio de patrimonio documental e bibliográfico - Deputación de Pontevedra

Código(s) de referencia ES.GA.36038.ADPO.28.2.6.4.7.064/22

Título Documentación ERGA. Estudantes (1976-1977)

Data(s) 1976-1977 (Creación)

Volume e soporte 1 agrupación documental; 28 follas

Nome do produtor Estudantes Revolucionarios Galegos (ERGA)(1972-1988) Estudantes Revolucionarios Galegos (ERGA) foi unha organización estudantil nacionalista galega e de esquerdas activa entre 1972 e 1988. Fundouse a iniciativa de Unión do Povo Galego (UPG), nun clima de tensión tras folgas na Universidade de Santiago e a morte dun estudante por parte da policía en decembro de 1972. Encargase a iniciativa a Manuel Mera, que acaba de chegar de Arxentina e coñecía a experiencia da organización universitaria maoísta Vangarda Comunista, articular unha organización de agrupase a universitarios e estudantes de secundaria. En Santiago de Compostela, coa axuda de simpatizantes de UPG, logrou captar a un grupo de universitarios e conseguiu a incorporación dalgúns militantes do Movemento Comunista de Galicia, entre eles Elvira Souto. Aos poucos meses chega aos 40 militantes, entre eles Anselmo López Carreira, Alfredo Suárez Canal e Chus Pato. En 1976 celebrou a súa primeira asemblea e en 1977 a segunda. En xaneiro de 1978 organizouse o I Congreso ao que asistiron 1000 delegados e elixiuse unha dirección da que formaban parte Xulio Ríos ou Xosé Miranda. Cando se formou o Bloque Nacionalista Galego (BNG) en 1982, ERGA integrouse nel. ERGA tiña como órgano de expresión o boletín Lume que editou o seu primeiro número en febreiro de 1973. ERGA constituíu a primeira organización de masas do nacionalismo tras a guerra civil, conseguiu unha ampla presenza na Universidade e nos institutos galegos e formou a futuros dirixentes e cadros de UPG.

Institución arquivística Arquivo Deputación de Pontevedra