Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Folla: No Salón de sesións da Excma. Deputación Provincial de Pontevedra, sendo as once horas e dez minutos do día vinte e dous de febreiro do ano dous mil seis, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, D. Xosé Antón Araujo Quintas, Dona Nidia María Arévalo Gómez, D. Ramón Campos Durán, Dona Francisca Canal Gómez, D. Raúl Emilio Castro Rodríguez, D. Xosé Crespo Iglesias, D. José Juan Durán Hermida, D. Antonio Feliciano Fernández Rocha, D. José Manuel Figueroa Vila, D. Julio César García-Luengo Pérez, D. Emilio González Iglesias, D. Efrén Juanes Rodríguez, D. José Antonio Landín Eirín, Dona Clara Millán González, D. Xosé Cesáreo Mosquera Lorenzo, D. Constante Juan Muradas Ramos, D. Manuel Núñez Sestelo, D. Xosé Carlos Pazos Docampo, Dona María Teresa Pedrosa Silva, D. Juan Manuel Rey Rey, D. Alfredo Rodríguez Millares, D. Rodrigo Santiago Novas, Dona Belén Sío Lourido, D. José Enrique Sotelo Villar, D. Xabier Toba Girón e D. Jesús Vázquez Almuíña, co obxecto de celebrar sesión ordinaria do Pleno da Deputación, en primeira convocatoria, consonte á correspondente orde do día. Da fé do acto o Secretario Xeral, D. Carlos Cuadrado Romay, e está presente o Sr. Interventor Accidental, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: ------ Folla: 1.5351.- ACTA ANTERIOR Sr. Presidente.- O primeiro punto é a aprobación do borrador da acta da anterior sesión ordinaria do día 25 de xaneiro do 2006. Non habendo intervencións apróbase. Acórdase por unanimidade aprobar o borrador da acta da anterior sesión, ordinaria, do día 25 de xaneiro, do ano 2006 ------ Folla: 2.5352.- DELEGACIÓN DE COMPETENCIAS DO CONCELLO DE VILANOVA DE AROUSA A FAVOR DO ORAL PARA A XESTIÓN, LIQUIDACIÓN E RECADACIÓN DAS MULTAS DE TRÁFICO Sr. Presidente.- O segundo punto. Delegación de competencias do Concello de Vilanova de Arousa a favor do ORAL para a xestión, liquidación e recadación de multas de tráfico. ¿Votos en contra?. ¿Abstencións?. ¿A favor?. Visto o acordo do Consello Reitor do ORAL (Organismo Autónomo Provincial de Xestión de Recursos Locais da Excma. Deputación Provincial de Pontevedra), de data 25 de xaneiro de 2006, sobre aceptación da delegación do Concello de Vilanova de Arousa para a xestión, liquidación e recadación das multas de tráfico, o Pleno, de conformidade co dictame da Comisión Informativa de Economía, Facenda e Turismo, acorda por unanimidade: Aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, a delegación na Deputación Provincial de Pontevedra-ORAL, que en materia de xestión, liquidación e recadación das multas de tráfico, realizou o Concello de Vilanova de Arousa, por acordo do Pleno de data 3 de novembro de 2005, seguindo o establecido nos artigos 106.3 da Lei 7/1985, de 2 de abril, reguladora das bases de réxime local, e 7 do citado Real decreto lexislativo 2/2004. A citada delegación publicarase no Boletín Oficial da Provincia e no Diario Oficial de Galicia, tal como determina o meritado artigo 7.2 "in fine". ------ Folla: 3.5353.- DELEGACIÓN DE COMPETENCIAS DO CONCELLO DE TOMIÑO A FAVOR DO ORAL PARA A XESTIÓN, LIQUIDACIÓN E RECADACIÓN DAS MULTAS DE TRÁFICO Sr. Presidente.- Punto número tres. Delegación de competencias do Concello de Tomiño a favor do ORAL para a xestión, liquidación e recadación das multas de tráfico. ¿Votos en contra?. ¿Abstencións?. ¿A favor?. Visto o acordo do Consello Reitor do ORAL (Organismo Autónomo Provincial de Xestión de Recursos Locais da Excma. Deputación Provincial de Pontevedra), de data 25 de xaneiro de 2006, sobre aceptación da delegación do Concello de Tomiño para a xestión, liquidación e recadación das multas de tráfico, o Pleno, de conformidade co dictame da Comisión Informativa de Economía, Facenda e Turismo, acorda por unanimidade: Aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, a delegación na Deputación Provincial de Pontevedra-ORAL, que en materia de xestión, liquidación e recadación das multas de tráfico, realizou o Concello de Tomiño, por acordo do Pleno de data 3 de xaneiro de 2006, seguindo o establecido nos artigos 106.3 da Lei 7/1985, de 2 de abril, reguladora das bases de réxime local, e 7 do citado Real decreto lexislativo 2/2004. A citada delegación publicarase no Boletín Oficial da Provincia e no Diario Oficial de Galicia, tal como determina o meritado artigo 7.2 "in fine". ------ Folla: 4.5354.- EXPEDIENTE DE MODIFICACIÓN DE CRÉDITOS Nº 1/2006 Sr. Presidente.- Punto número catro. Expediente de modificación de créditos nº 1/2006. Sr. Mosquera. Sr. Mosquera Lorenzo.- Gracias Sr. Presidente. Bos días a todos e todas. Bueno, chegamos co primeiro expediente de modificación á altura de febreiro, podía ser ou non ser, pero nesta caso ten unha relevancia substancial, e á parte significa un cambio de posicionamento do grupo de goberno con respecto ós orzamentos é un cambio tremendamente substancial. Aquí os orzamentos, fixeron aí unhas contas, fixeron vostedes, agora restan, restan parte do que se ía a transferir, pasa do capítulo 7 ó capítulo 6, e crean, a maiores crean dous novos, un programa e un reparto á cargo dos fondos destinados en principio ó Plan de Acción Municipal. Réstanlle eses fondos e destinan unha parte ó Plan de saneamento de pequenos núcleos, que despois falaremos del, e outro pois o pasan polo que dixeron en Comisión, no expediente aparece parques e xardíns, non sei que terá que ver co que dixeron en Comisión, que é para mercar contedores de lixo e repartilos entre os concellos. Eso foi o que se dixo. Non, para parques infantís, si, bueno, pois para parques infantís. Ben, evidentemente hai varias cuestións nesta modificación que temos que, no expediente non aparece cal é a finalidade, que temos que poñer de relevancia. Primeiro, que unha compra como a deses parques infantís non ten absolutamente ningún sentido que sexa plurianual, non ten ningún sentido, ou sexa, unha cousa que se compra nun só acto e polo tanto non ten ningún sentido que sexa plurianual. En segundo lugar, se cando discutimos o PAM no Pleno pasado, saía que a Presidencia ía repartir con ese 20% a dedo pois 6,6 millóns de euros, agora lle temos que engadir esta parte que é toda, ou sexa, cinco millóns de euros que van destinados a estes parques que os van repartir como ben lle pete, á parte do 20% do Programa de saneamento, ou sexa, que aumenta dunha maneira drástica o que vostedes van repartir como ben lle conveña. E, é un pouco sorprendente, verdade, a menos que teñan a finalidade de poñer alí que o parque infantil o compra a Deputación e llo transfire ós concellos a dedo, a menos que vaian poñer alí vota non sei que ou non sei canto, é un pouco sorprendente o mecanismo, está no capítulo 7 que cada concello compre o parque infantil que lle pareza ben, se é que estima que é un programa necesario, pois o fai, e se non o estima pois se dedica a outra cousa, pois detraelo dos fondos que se ían transferir ós concellos para mercar a Deputación estes parques e despois repartilos, francamente é un mecanismo estraño, un mecanismo estraño, que vai en contra do que se plantexou, incluso vostedes mesmos, que xa o orzamento tiña unha discrecionalidade elevadísima e así de vote pronto, pois repito, pasa de que a Presidencia ou quen sexa reparte a dedo 6,6 millóns de euros que era o que inicialmente podía estar, pasa a 13, vai a repartir durante ese exercicio 13 millóns de euros discrecionalmente repartidos para un lado ou para outro, ou sexa, para uns concellos ou para outros segundo a tecnoloxía dixital aplicable neste caso. Evidentemente comprenderá que así non lle podemos votar a favor, nin tan sequera contemplar esa posibilidade, é máis, queremos facer constar a nosa máis enérxica protesta por este tipo de comportamentos que de verdade, nos está retrotraendo a outras épocas, e non é digamos ningún exemplo senón todo o contrario, de funcionamento ecuánime, obxectivo, con criterios e con obxectividade desta institución. Nada máis. Sr. Presidente.- Moitas gracias Sr. Mosquera. Sr. González. Sr. González Iglesias.- Si, vamos a ver, estamos discutiendo de 14 millones de euros más o menos en los que se plantea por parte del grupo de gobierno, dos meses después de la aprobación del presupuesto un cambio de fórmula, y es, pasan ustedes ocho millones de euros para crear un plan nuevo, un plan de saneamiento a pequeños núcleos, de saneamiento y abastecimiento, por cierto, plan que estuvo vigente en esta casa hasta hace dos años aproximadamente y que el Partido Popular digamos que lo retiró en un momento determinado diciendo que total eso se podía engrosar en el Plan de Acción Municipal puesto que atendía perfectamente esas cuestiones. Bueno, pues dos años después no nos dijeron el por qué pero vuelven a retirarlo del Plan de Acción Municipal y aparecen con ese plan de 8 millones de euros para repartir en saneamientos en ayuntamientos. De ese reparto hablaremos más tarde cuando discutamos las bases. Y aparece un plan nuevo, un plan nuevo de 6 millones de euros aproximadamente, que como aquí no vienen bases pues vamos a discutirlo ahora ya, al menos por parte nuestra. Ese plan nuevo de 6 millones de euros, según nos dicen ustedes en comisión, la finalidad que va a tener es la de atender las peticiones o los déficit que pueda haber en los ayuntamientos de aparatos de parques infantiles. Seis millones de euros es una cantidad muy importante, estamos hablando de mil millones de pesetas, de las antiguas pesetas, que en aparatos de parques infantiles, no es por nada, pero dan para mucho. Si a esto le añadimos que gran parte de los ayuntamientos de esta provincia en los últimos años y atendiendo a una normativa europea estuvieron cambiando todos los aparatos de los parques infantiles, se nos va a dar la circunstancia de que por un lado se prime a aquellos que no atendieron ese tema antes y sino es así pues resulta que unos los tienen más o menos hechos y van a tener que buscarse sitio para acomodar los nuevos parques infantiles. Como decía antes aquí no se está planteando para nada ningún tipo de normas ni de criterio, con lo cuál efectivamente vamos a discutir en su día o al menos, o paralelamente ni se discuta, porque ni lo vayan a traer ustedes, vamos a ver como 6 millones de euros se reparten de una forma arbitraria desde la Presidencia de la Diputación. Si a eso le añadimos lo que estábamos discutiendo en el Pleno anterior con el Plan de Acción Municipal, tenemos 6 millones de euros, más 6,6 millones de euros, es decir, 12,6 millones de euros en dos planes. Y después, después, en uno de los puntos siguientes, en el punto 6, hablaremos de más cantidad también, de más reparto arbitrario, y más dedo del Presidente en estas cuestiones. Y por cierto, por cierto, sigue sin haber ninguna posibilidad de control de lo que se está haciendo con estas cuestiones. Vuelvo a repetir, eso lo vamos a discutir después, nosotros no vamos a prestar nuestro apoyo por supuesto a este planteamiento de ahora, entre otras razones porque esto podía seguir perfectamente dentro del Plan de Acción Municipal, simplemente con primar un poco más el tema de obras de abastecimiento y agua, esa parte estaba cubierta, la de los 6 millones, de los 8 millones, perdón, y los 6 millones de parques infantiles también cabían dentro del Plan de Acción Municipal. Solo se puede entender el planteamiento que hacen ustedes ahora como un planteamiento vuelvo a repetir, como un reparto absolutamente arbitrario, que es lo que están tratando de conseguir con este tema. Nada más. Sr. Presidente.- Moitas gracias Sr. González. Ten a palabra o Sr. Figueroa. Sr. Figueroa Vila.- Si, bos días. Eu creo que están facendo un debate erróneo, é dicir, vostedes ó único que queren levar o debate é á falta de criterio e de rigor dos plantexamentos que se poidan facer cos proxectos e cos programas desta Deputación, e eu creo que estamos dando bastante exemplo en canto ó rigor e á seriedade desta casa, porque se o podemos comparar con outras administracións nos últimos tres ou catro meses podíamos dar moitisimos exemplos, exemplos de falta de respecto institucional, de falta de criterio e de rigor á hora do reparto, de marxinación segundo que tipo de concellos gobernen ou non con cor político distinto ó que se goberna noutra administración. E polo tanto, miren, Sr. Mosquera e Sr. González, ¿saben cal é o problema?, eu sempre tiven unha teoría que é bo que todos os partidos políticos gobernen as distintas administracións porque así se pode comparar, se pode facer un criterio en canto á xestión de cada un dos gobernos, dependendo da cor política, e creo que vostedes nos últimos cinco meses non poden dar exemplo absolutamente de nada, de nada, pero é que de nada, nin de respecto institucional ós alcaldes onde o Partido Popular goberna porque pasan por riba deles, utilizan á oposición para presentar obras, cando van ós concellos certos delegados ou conselleiros nin chaman ós alcaldes ou alcaldesas para dicirlle que teñen unha visita, etc., etc., por dicir máis, incluso mire, nun tema tan importante coma o Porto seco de Salvaterra, que xestionou a Consellería de Vivenda e Solo nin invitaron á Conselleira, tivo que ir de rebote, ós alcaldes da zona xa nin que dicir, alcaldes que se pelexaron coas expropiacións, aquí temos algúns deles, é dicir, nin os invitaron, é dicir, nin os invitaron, eso non quere dicir xa, cando van e hai protocolo desaparecen do mapa, é dicir, xa nin contan con eles. Polo tanto, eu creo que non poden dar exemplo de nada, é dicir, de nada, nestes momentos de nada, é dicir, teñen que aguantar o chaparrón como lles vén e soportar as situacións. Por eso nós non vamos a calarnos loxicamente, porque claro se vostedes, claro, o BNG ata agora podía xustificar, dicir que nunca gobernara, pero agora xa goberna, é dicir, Sr. Mosquera as actitudes dos seus compañeiros no goberno da Xunta son peores que os peores momentos de dictadura que se produxeron neste país nalgúns casos, así de claro. Impoñen todos os seus criterios, ¿que está pasando con Medio Rural?, escandaloso e vergonzoso o que está facendo o Conselleiro de Medio Rural, é escandaloso. Vostede pensa que obras, obras que estaban adxudicadas, se a vostede lle fan eso no seu concello a obras que están adxudicadas, outro goberno que non sexa da súa cor política, ¿que faría?, seguramente pancarta e "nunca máis" colgado todo o día do balcón do concello. Pois nós estamos intentando dialogar, consensuar os temas, buscando solucións, pero nos parece que non é de recibo. E despois, evidentemente, teñen que dicirlle ós seus Delegados que antes de facer manifestacións públicas a ver se coñecen os concellos, porque claro un Delegado de vostedes que chama a un concello, e poño o exemplo porque o vivín, ó concello de Vigo, e lle di que Vigo non ten rural, é que non coñece nin Vigo nin coñece a provincia, eu creo que coñece pouco do que é o rural, porque en Vigo, estamos falando de máis de 80.000 persoas que están vivindo no rural. E póñolle estes exemplos porque eu creo que é bo, é bo por na escena política, na escena política e no escenario no que estamos vivindo cal é a situación de cada un dos grupos políticos. Polo tanto, nós dende esta casa creo que non estamos ocultando nada, estamos facendo o que nos permite a Lei, e a vostede lle pode gustar máis ou menos que se poida ter un 20% de libre designación do Presidente, pero a Lei o permite, e creo que estamos axustándonos a criterios e ás bases que marcan cada un dos programas e creo que aquí o único que se trae, claro, vostedes fan un discurso que din que estamos reducindo o Plan de Acción Municipal, non, non é certo, é dicir, estamos destinando os mesmos cartos, 47.500.000 euros a repartos de diversos programas, o que pasa é que estamos nestes momentos axustándonos a cada unha das partidas para que sexa o máis operativo posible. Tiñamos un Plan de Acción Municipal de 47.500.000 euros e agora se segue mantendo o que pasa que cun Plan de saneamento e abastecemento de augas a pequenos núcleos rurais, por que o temos que facer, témolo que facer porque vostedes dende o goberno da Xunta de Galicia están marxinando ós alcaldes da provincia de Pontevedra, bueno á algúns alcaldes, a outros non, outros incrementan dunha maneira considerable os seus presupostos dependendo da cor política. E o que estamos facendo é outro programa que se está reivindicando e demandando por parte dos concellos, que é certo o que di o Sr. González, que nos últimos anos para aplicar a normativa europea de diversos parques e xardíns, pois houbo que acudir, bueno pois algúns concellos a incrementos nos seus presupostos, pero esto non quere dicir que aínda teñamos un déficit importantísimo na provincia, na provincia e eu creo que en toda Galicia, para parques, columpios ou como lle queiran chamar vostedes parques infantís, pero é que o parque infantil de hoxe non é o parque convencional, eu creo que vostedes están anclados, é dicir, están anclados, non é o parque do columpio, é dicir hoxe se vostedes, bueno, ríanse, ríanse, pero só fai falla coller algún medio de comunicación ou algunha televisión a nivel nacional e entender que hoxe na maioría dos parques infantís non están destinados única e exclusivamente ós nenos, hai parques que están destinados tamén a persoas maiores por problemas de saúde con elementos para facer exercicio, etc., etc., e creo que é unha das cuestións, que bueno, que está de actualidade, pero está de actualidade, non o estamos inventando nós que tampouco somos nada extraordinario para facer invencións, é que está a nivel nacional, eu creo que é unha das instalacións, instalacións próximas ó cidadán máis demandada, porque se están instalando en todas as cidades importantes de España, é dicir, parques que son parques para nenos, pero tamén parques para persoas maiores, que durante a mañá, xubilados e persoas que teñen problemas físicos, que acoden a eses parques a facer exercicios físicos. E creo que esa, xa verán vostedes, hoxe se rin, hoxe se rin, dentro de seguramente catro ou cinco meses ou ó mellor algún máis, nos propios concellos de vostedes xa verán como van a reivindicar e a demandar este tipo de instalacións. E ademais estamos falando, claro vostedes cando queren fan o discurso que lle dá a gana segundo lle convén, é dicir, están falando de que son 6 millóns de euros, si, pero son 6 millóns de euros coma os 47 que son plurianuais, en tres anos, e polo tanto estamos falando de 300 millóns de pesetas máis ou menos anuais. Polo tanto, eu creo que non só está ben plantexada esta modificación, é dicir, que non é unha modificación que acudamos a remanentes, senón que é unha modificación do orzamento, é dicir, axustar partidas dun capítulo a outro que é o que estamos facendo, non estamos nin incrementando o orzamento con remanentes, dígoo para que se traslade á opinión pública porque senón parece que xa estamos facendo unha modificación de crédito de incorporación de remanentes, non é, é que estamos cambiando unha partida que había de 47 millóns, a estamos dividindo noutras partidas para dous programas máis en concreto, como son o plan de obras de saneamento e abastecemento, que ten unha motivación clara, dende a Consellería de Medio Rural pois deixaron ós concellos nosos da provincia de Pontevedra tirados, é dicir, sen posibles inversións, claro é ridículo para que a un alcalde o chamen e lle digan, mira, tiñas 100.000 euros, che vamos a dar 70.000 e o vamos a repartir en tres anos, home, limosnas tampouco queremos, queremos que os alcaldes poidan ter os seus orzamentos para xestionar o mellor posible cada un dos concellos. E creo que estamos dando exemplo con outros programas moi claros, coma os campos municipais, os campos de herba sintética, Sr. González e Sr. Mosquera, todos os concellos que están solicitando os campos de herba sintética se lle están concedendo sen ningún tipo de problema. Polo tanto xa lle estamos dando un exemplo claro de que non estamos discriminando absolutamente a ninguén, seguramente vostedes si que o farían, estou totalmente convencido de que se tiveran un plan, xa veremos, levan só seis meses, e en seis meses xa temos uns bos antecedentes para facer, trasladar á opinión pública a discriminación que vostedes están facendo dos nosos concellos, pero non se preocupe que aínda temos tempo, nos próximos meses nos iremos dando conta, que seguramente poderemos comparar moito máis cales son as políticas que están facendo vostedes. Seguramente se o Conselleiro de Medio Rural mantivera esas obras de saneamento e obras pequenas do rural ó mellor non tiñamos que acudir a estes programas, porque moitos deses programas, moitos deses programas seguramente van a estar incluídos en peticións dos propios alcaldes. Polo tanto, mire, nós consideramos que este programa que levamos ten obxectividade, é por suposto rigoroso e o demostraremos, lle daremos datos cando finalicen e xa verán como estamos no bo camiño. Moitas gracias. Sr. Presidente.- Moitas gracias Sr. Figueroa. Sr. Mosquera. Sr. Mosquera Lorenzo.- Mire Sr. Figueroa, non sei a que veu toda esta perorata, evidentemente cando un fala doutras cousas quere dicir que non quere falar do que estamos tratando. Entón unha digresión, parece que teñen gañas de alargar o Pleno e falar de todo para enmarañar o que está pasando, pois bueno, se ese é o marco pois vaiamos a el, non hai ningún problema. Eu ríome por un motivo moi elemental, é que, algo teño que ver con eso, é dicir, é que non sabemos, o de parques infantís probablemente non saiba vostede, igual sabe, eu non llo dubido, eu incluso por responsabilidade si o souben, ou sexa que outra cousa, se poden discutir outras cousas pero eso non, eso, aí vén o motivo da nosa hilaridade. E bueno, vostedes son uns auténticos hoolligans, non, ou sexa, danlle a consigna de que agora realmente o problema é que a Xunta non sei que pasa, e dálle con que a Xunta non sei que pasa. Ten aí un señor ó lado que o reparto de Medio Rural avalouno. Ben, entón, por favor, ou sexa, se lle dan a orde, sexan coherentes e entón sexan coherentes en todos os datos, só lle quero dar un dato, só lle quero dar un dato. Pontevedra ten máis extensión no rural que Vigo, bastante máis. E quitando o rural de Vigo, en poboación, ten máis poboación no rural que calquera concello da provincia. E sabe no ranquing de todas as obras que adxudicara Medio Rural, que adxudicaran vostedes, ¿sabe Pontevedra onde estaba colocado?. De penúltimo, xusto antes da Coruña, que Coruña non ten rural, soamente é a cidade. Bueno, mire, se con ese dato non lle vale vamos a outros, vamos a outros datos e por favor non me exerza como un hoolligan de que cando dan a orde de ir alí a concentrarse diante do Parlamento pois van independentemente diante de razóns e demais. E non pasamos nós, Sr. Figueroa, non nos pasamos nós chorando aquí no Pleno da Deputación ou noutros foros, de que Medio Rural nos estaba discriminando e os estaba repartindo a dedo e como estaba facendo antes, e agora creo que o están facendo coa máxima obxectividade posible e incluso sen ningún revanchismo, porque se se fora buscar herdanza de todo o que se investiu nos concellos anteriores e compensala evidentemente parte dos vosos concellos, dos concellos gobernados polo PP non levarían nada, mentres non se convenza a herdanza, non se está facendo eso, ou sexa, que por favor un pouquiño de efectividade e de actuar desa maneira. Ben, non me contestou efectivamente a nada, é dicir, a nada, é dicir, vamos a ver, que sentido, nos deu unha perorata dando voltas e demais, que os parques infantís son importantísimos, e son, agora son os parques senís, e mañá serán os parques da mediana idade, e son fantásticos non sei que, e vale, non sei que, fantástico, e non sei que paz, e con outros gobernos, bueno, unha perorata magnífica, agora ben, ¿que problema hai, que problema hai en que sexan os concellos cun reparto obxectivo incluído no PAM, os que merquen os seus parques infantís, porque hai bastantes máis problemas, vostede dese mundo igual sabe e llo recoñezo, pero hai cousas que parece que obvian, é dicir, non se pode, hai problemas gravísimos, por exemplo agora de que estamos combinando de distintas marcas, un concello igual está traballando de determinada maneira e polo tanto agora lle mandan outros e ten que mezclalo con eses e non son compatibles e ten que desmontar se quere montar estes, etc., etc., que os concellos xestionen o que teñan que xestionar, ¿que problema hai?, ¿que problema hai?. O problema é que o queren repartir vostedes como lle conveña, é o único, é a única razón, a única razón é que o queren repartir vostedes como lle conveña. Parecíalle pouco ter, no PAM parecíalle pouco o que podían distribuír a dedo ou o que estaba no orzamento supoñendo o 20% e agora aumentan, verdade, subilo máis, e foi unha decisión de última hora, supoño que agora ma xustificará, é que Medio Rural antes tocaba parques infantís nos seus concellos e agora non os toca, algo así, supoño que un disparate dese calibre, non, porque senón xa me dirá vostede a que vén esta música. Pola nosa parte o tema está suficientemente debatido, agardemos non ter que escoitar outra perorata, porque pode falar, eu que sei, home, o estatuto de Cataluña, que parece que podía agora soltarnos unha perorata sobre ou podía soltar sobre o que se lle ocorra con tal de saír do paso, está clarísimo, vostedes tiñan uns cartos que pensaban repartir 50-50 e quedarse co 20% e lle pareceu pouco e collen e sacan máis para repartilo como lle convén. Bueno, pois vale, pois vale, pero que quede claro e punto, vostedes teñen maioría o aproban e xa está, pero non soltarnos esas peroratas. Sr. Presidente.- Moitas gracias Sr. Mosquera. Sr. González. Sr. González Iglesias.- Si, vamos a ver, Sr. Figueroa, eu creo que para poñer o debate no seu xusto termo valería simplemente con facer unha proba, e é coller, xa que vostede quere falar de inversións do goberno autónomo, é coller inversións en calquera concello gobernado polo Partido Popular, máis ou menos co mesmo número de habitantes e calquera concello gobernado por outro partido, concretamente, lle vou a poñer dous exemplos concretos, polo Partido Socialista de máis ou menos ese número de habitantes, nas últimas inversións da Xunta nos últimos quince anos, e verá que para nada, para nada, resiste a comparación, para nada en absoluto. Mire, póñolle os exemplos que queira, cando queira comparamos inversións en Lalín e inversións en Marín, ou en Lalín e en Redondela, cando queira, dos últimos quince anos, dígoo falando polo número de habitantes, e noutro número de habitantes buscamos outros concellos, e cando queira debatemos ese tema, concello por concello, e verá, verá que curiosamente a diferencia era absolutamente brutal, brutal. E creo que non estou dicindo nada novo é algo que é "vos populi", que todo o mundo coñece, absolutamente todo o mundo. Continuo. Mire, a min o que me parece xa tremendo, tremendo, é escoitar por primeira vez na miña vida dicir o que acaba de dicir o voceiro do Partido Popular, e é que a resposta ó que eles consideran marxinación, é crear un plan para compensar ós seus concellos e díxoo vostede na súa intervención, si, si, este plan nace como reacción ó que lle fixeron ós concellos do Partido Popular. Home, imaxínese cal tiña que ser a reacción dos demais concellos nesta cuestión, cando gobernaba o Partido Popular, imaxínese cal tiña que ser a reacción, esas foron as súas palabras textuais, si, si, reacción ó seu partido, si, si, xa, xa, mire, é máis, xa que, Sr. Figueroa, xa que o reparto é practicamente igual para todo o mundo e se respecta a todo o mundo, dígame unha cousa, díganos o 20% do Plan de Acción Municipal do ano pasado a que concellos lle tocou e con que cantidades. Dígame cal foi ese reparto do 20%, fágano público. E vamos a ver que é o que primaba nese reparto. Dentro dun ano preguntareille por este. Pero mire, ademais nesta cuestión hai algo tan grave, tan grave, e xa o dixemos no Pleno do Orzamento, tan grave como que se van a financiar con cargo a tres anos estes plans, e eso significa que o actual goberno provincial que son vostedes, está dispoñendo dos cartos do próximo mandato, de dous anos do próximo mandato. E claro, nestes momentos son vostedes quen gobernan. Que o fixeran hai dous anos, perfecto, pero que o fagan no último ano de mandato, mire, se eso non obedece a un dirixismo absolutamente claro e a outras cuestións como a que dixo antes, pois realmente seguro que ninguén o entende. E con respecto, con respecto á primeira afirmación que fixo de falta de respecto institucional, home, xa está ben, xa está ben, o Presidente da Deputación o outro día nun concello desta provincia estivo inaugurando unha obra municipal e anunciándolle ó alcalde de quenda catro horas antes das dez da noite que ía a proceder a inauguración, cando non é quen para inaugurar nada. Quen inaugura que eu saiba ata agora ou os alcaldes ou o Presidente da Xunta. E non era unha estrada provincial, non me fale vostede de respecto institucional, por Dios, que deso vostedes non teñen absolutamente nada. É certo que esta Corporación ou que o goberno desta Corporación está entrando nas épocas máis negras desta institución, tanto economicamente con plans a pagar en tres anos despois como en xestos. E nesa política que dicía vostede institucional, que dicía vostede. Home, deso non me fale porque de verdade, de verdade, están metendo a pata vez tras vez en esa cuestión. Sr. Presidente.- Sr. Figueroa. Sr. Figueroa Vila.- Bueno, vamos a ver, cando queira facemos un debate, facemos Coruña-Santiago contra Vigo, se o quere vostede, aínda cun goberno do Partido Popular, pero facémolo cando queira, claro, porque vostede fala única e exclusivamente do que lle interesa a vostede, pero mire, estou totalmente convencido de que se facemos unha porcentaxe de número de habitantes gobernados por cada un dos partidos, estou totalmente convencido que non temos ningún reparo en facer ese debate, ningún, pero ningún, porque compare vostede, Coruña ¿cantos habitantes ten?, 270.000; Vigo ten 292.000, pois compare, só Vigo con Coruña, se quere vostede, porque vostede compara o que quere, ou Santiago, ou Vilagarcía, poñemos se quere Vilagarcía tamén, por exemplo, etc., etc., polo tanto, home, eu creo que ese non é o debate e aí erran totalmente, pero bueno. Mire, Sr. Mosquera, loxicamente a min non me gusta utilizar os temas, un ten que defenderse, claro, vostede, ¿por que ás veces dende esta institución se intentan facer as cousas?, porque nós entendemos que os concellos moitas veces non teñen a capacidade que pode ter esta casa para xestionar e para sacar a concursos públicos e facer as adxudicacións. Mire, vostede as obras do 2004 de Pontevedra pediunos unha prórroga aínda o outro día. ¿Que quere que lle diga?. Que non é capaz o concello de Pontevedra de xestionar cen millóns de pesetas, que ten que pedir unha prórroga o 2004 e o 2005 lle demos un camión e o resto aínda non o executou. ¿Que quere que lle diga?. ¿Que quere que lle diga?. Non llo ía a dicir pero teño que dicirllo porque mo pon moi claro, pero a prensa ten que sabelo. Mire, o concello de Pontevedra no 2004 non foi capaz de xestionar o diñeiro que lle deu a Deputación de Pontevedra e tivo que pedir unha prórroga. E no 2005 o único que se fixo foi comprar un camión que se lle deu e o resto está sen executar. ¿Que xestión ten vostede?. É que me están poñendo o exemplo e me está cabreando, claro, é que me está dando exemplos, ¿de que?, de que me está dando exemplo vostede. O campo de fútbol, estamos esperando por el para sacalo a concurso e non somos capaces de sacalo ó concurso, vamos a ter que incorporar o diñeiro aínda para o ano 2007, porque xa o incorporamos no 2005, o 2006, a ver ¿que quere?, a ver que exemplos quere que lle poña, eso é xestionar, ou se xestiona ou non se xestiona, está claro, ou se xestiona ou non se xestiona. Nós o que estamos intentando facer dende esta casa é axudar ós concellos a xestionar, e hai programas que é difícil porque son concursos complexos, é dicir, os concellos teñen, non teñen a capacidade de xestión, non teñen os funcionarios suficientes, etc., etc., e hai concellos pequenos que ás veces é difícil, e nós o que estamos intentando é axudarlles e eso é única e exclusivamente o obxectivo que nos plantexamos. E despois hai unha finalidade que vostedes única e exclusivamente están levando ó debate puramente económico. E nós estamos aquí, ¿sabe para que estamos os representantes nesta Deputación?, para mellorar a calidade de vida e a infraestructura dos cidadáns, eso é para o que estamos aquí, e vostede di que non falamos do obxectivo desta modificación, si que estamos falando, o que non está falando é vostede, a min como comprenderá é que me dá exactamente igual que o Presidente teña o 20% ou o 10% ou o 5, ou o 35 ou o 40. É que me dá exactamente igual, mire cal é a diferencia entre vostede e nós, a nós o que nos preocupa é que ese diñeiro repercuta en beneficio dos concellos e dos propios cidadáns, é o único que nos preocupa. Vostedes veñen a debater, o debate eu creo que é bastante lamentable que fagamos un debate de 47.500.000 euros, único o debate de que se o Presidente arbitrariamente pode ou non pode discrecionalmente ter o 20, o 25, o 30 ou o 40%. Non analizamos se estes programas, é que vostede non entrou no fondo do tema, ¿estes programas son realmente os que necesitan os cidadáns ou non son?, esa é a pregunta. ¿É necesario investir en saneamento nos concellos da nosa provincia, si ou non?. ¿É necesario mellorar os parques e os xardíns da nosa provincia, si ou non?. ¿É necesario pois a persoas pequenas, a nenos, darlle zonas de ocio acordes coa normativa que se marca a nivel europeo, si ou non?. ¿É necesario ós nosos maiores poder darlle zonas onde poidan facer exercicio sen ter que ir a cambiarse a un ximnasio senón camiñando por un sendeiro calquera que poidan encontrar e parar e sentarse e facer pois quince ou vinte minutos de exercicio?, ¿si ou non?. Pois eu creo que si, nós cremos que si e por eso facemos estes programas, esa é a única diferencia. E mire, Sr. Mosquera, con referencia ó rural, Vigo ten máis habitantes no rural que toda a cidade de Pontevedra, porque ten 82.000 habitantes no rural. Polo tanto eu sei que vostede ten unha porcentaxe elevada tamén no rural, un 20 ou un 25%, seguramente, pero bueno, pero eu creo que do que se trata aquí é de analizar se ó que estamos destinando este diñeiro é o que demandan os cidadáns, e nós consideramos que si, e esa é a discusión e ese é o debate, o demais, bueno pois eu creo que folga falar del. Sr. Presidente.- Moitas gracias Sr. Figueroa. O Sr. Crespo quería facer un, porque así despois lle poden contestar. E eu tamén vou facerlle unha. Sr. Crespo Iglesias.- Ben, eu non vou a entrar no debate da cuestión que defendeu magnificamente Chema Figueroa, simplemente que por alusións ó que ten que ver ó meu concello, á miña persoa, se calo parece que outorgo, non. Vamos a ver, dúas puntualizacións con respecto ó que dicía o Sr. Mosquera. Vamos a ver Sr. Mosquera, eu dixen que o plan de Medio Rural era bo despois de facer o PIR non antes, de feito as alegacións da FEGAMP ó plan, din que o plan está ben cando se faga o PIR, porque se hai un 20% que é de discrecionalidade motivado pola inversión histórica, nós dicimos si a inversión histórica non a considera vostede unha lexislatura, o que dicía D. Emilio, considera vostede todo o mandato de Fraga. Entón poñan vostedes de inversión histórica nos concellos quince anos, non poñan catro anos. Entón se se facían eses condicionamentos eu estaba a favor, polo tanto non ler só a letra grande senón ler a letra pequena, o plan é bo se se fai o PIR, porque se realmente hai unha discriminación tería que habela nalgún sitio, se non se fai o PIR non hai tal discriminación se é que a houbera, polo tanto que quede claro eso con respecto á FEGAMP. E logo con respecto ó que di D. Emilio González, home D. Emilio xa está ben de facer uso de Lalín dun modo gratuíto, eu son responsable daquel concello, e mira Lalín medra moito e cando vides por alí vese moito medrado, pero non é menos certo que máis do 80% das inversións que se fan alí son municipais, con patrimonio municipal do solo fundamentalmente, estamos facendo un concello que vale 12 millóns de euros, perfecto, a Xunta deu un millón de euros, un multiusos a Xunta deu 0 pesetas e a Deputación tamén, polo tanto que non pareza que as inversións que hai en Lalín por plans parciais que se están desenvolvendo e que o fan os particulares que parezan inversións da Xunta. Eu reto a vostede, porque ademais agora téñeno fácil, teñen a Xunta, a que fagan unha comparativa de concellos, comparen Lalín con Redondela, si, si, con Redondela, comparen Lalín con Vilagarcía, e cando queira comparámolos, non hai problema ningún, aínda que, vostede agora con darlle a un botón sácame os datos, traemos aquí e eu vouno crer porque ademais sei se é ou non, porque xa está ben de cargarlle a Lalín co morto de que é o que leva os cartos da Xunta durante quince anos. Mire, a Xunta fixo o polígono que se vendeu, por certo que non hai un só metro cadrado de solo industrial e agora hai que facer dúas fases máis, que as estamos facendo con iniciativa privada, porque Xestur non nolas vai facer, e polo tanto creo que non lle debemos nada a ninguén, eso é de vida propia que hai en Lalín, e os empresarios que hai en Lalín pois son os que fan eso, polo tanto non é cuestión de que nos caia un maná do ceo. Eu reto a vostede por favor para acabar e compárenos con Marín, con Redondela, con quen queira, dáme exactamente igual, porque parece que alimentamos os cans con longanizas, e nós só temos de 51 parroquias cinco que só teñen saneamento, só cinco que teñen saneamento. Polo tanto eu pido un respecto cando se fale con respecto ó meu pobo, que cando queiran comparar comparámolo e con datos, como o que é medible non é opinable pois poñémolos enriba da mesa e comparamos. E pola miña parte nada máis, simplemente facer alusión a un tema que se tratou aquí, respecto institucional, é certo que está habendo pouco, hai reclamacións na FEGAMP por parte de alcaldes do Partido Popular e tamén por parte dalgún alcalde Socialista, de que cando van alí os Delegados e Directores xerais non se lles avisa, que se enteran pola prensa normalmente, e eso é certo, e non digo que antes non pasara, eu creo que non, eu polo menos non había queixas na FEGAMP nese sentido. Un dos máximos defensores dese respecto institucional era Pachi Vázquez, actualmente o Conselleiro de Medio Ambiente. El sabe como eu que estaba na FEGAMP, o que era a falta de tacto institucional, e estámola a sufrir por parte sobre todo tamén nalgún caso, dos Conselleiros, pero menos, pero tamén por algúns Directores Xerais e de Delegados Provinciais. Eu creo que eso, independentemente de que un Delegado cando vai en misión de partido pode facer o que lle dá a gana, creo que cando vai como Delegado ou como Director Xeral dende logo debía comunicarllo ó alcalde e cando vai como membro de partido que faga o que lle dá a gana. Non se debe mesturar, a nós acusábannos moitas veces de mesturar o partido coa institución, bueno, pois que veña Di os e que o vexa. E detrás virá quen bo me fará, neste caso eu creo que gañamos por goleadas. Se alguén mestura partido e institución creo que non é precisamente o Partido Popular. E se algo se preza esta casa é que o Presidente nunca foi a un Concello, que non avisara ó alcalde, sería máis tarde ou máis cedo, pero que non o avisara. Dende logo o que non seu veu é un Presidente da Xunta presentando un porto sen que o concello e a alcaldesa saiban nada e que se enteren pola prensa. Eso nunca se veu na historia, nin se verá, bueno, non sei, ó mellor, tempos virán, porque saben que onde as dan as toman, pero eu espero que por parte nosa dende logo non vai ser. Así que quede claro con respecto ó respecto institucional que hai que mellorar moito, hai que mellorar moito, e que loxicamente a min gústame ser institucional pero o que é do César é do César e o que é de Deus é de Deus. Sr. Presidente.- Moitas gracias Sr. Crespo. Sr. Mosquera. Sr. Mosquera Lorenzo.- Si, insisto, esto podería ir un pouquiño máis áxil, pero se non vai non pasa nada que á parte, eso pois é un dos dereitos que temos aquí, de verdade, pois expresarnos, falar do divino e do humano, aínda que esteamos falando dunha modificación de crédito da Deputación. Non hai absolutamente ningún problema. Pero é que, caramba, é que a demagoxia e empezar a meter cousas sobre todo cando non se sabe ou nos están manipulando datos, pois de verdade que é difícil deixalo pasar. Mire o plan de saneamento de núcleos rurais foi unha iniciativa, se non me acordo mal, nosa. Despois se recolleu no orzamento e demais. Non estamos discutindo eso, estamos discutindo que eso pode ir no PAM perfectamente ou como vaia, bueno, non estamos discutindo eso e entón unha perorata sobre o importantísimo que son os núcleos e a importancia de sanealos, pois bueno, o que estamos discutindo é o método e como se fai, non esteamos discutindo outra cousa, pero vamos se vostede quere ir por aí pois vaia. E con respecto ás obras, meterse co concello de Pontevedra con respecto ó das obras xa é absolutamente espectacular, é absolutamente espectacular e os seus colegas aquí neste concello se pasaron unha temporada dicindo que había demasiadas obras. Claro, e agora resulta que non xestionamos, mire vostede, eu lle reto, eu lle reto a que diga que obras son, a todo esto xa é público, ou sexa que non nos saca aquí ningunha novidade nin nada deso. Agora cando estamos falando de obras da complexidade que teñen, porque vostede oculta por exemplo que do ano 2004 dos 100 millóns 60 están xustificados perfectamente no ano porque eran asfaltados, vale, agora se despois o asunto é que temos a obra de Padre Luís ou temos a do 2005, Valentín García Escudero, que é unha obra complexísima e cando a metemos xa se sabía que era imposible rematala nun ano e se aínda por riba na de Padre Luís se complica cunha empresa adxudicataria, que de entrada bastante, polo menos ata agora bastante desastrosilla, non quixo arrancar, pois estamos noutro problema. Aí lle reto, vostedes tamén ían acabar, Sr. Figueroa, se me tira a pedra despois esconda a man ou faga o que queira pero polo menos escoite. Vostedes ían acabar a obra de ampliación do Museo, se non me acordo mal, nun ano en sesenta millóns, e se foi a 180 e estiveron tres anos e medio ou catro. Mire, cando se está traballando en zonas patrimoniais e demais, entón digan, non é que non queremos poñer os cartos para unha obra que teña intereses patrimoniais, que se vai retrasar, pero bueno, dígano de entrada, senón xa sabemos o que hai, sacar esto agora aquí cando o concello de Pontevedra nestes momentos ten en execución, en contratación ou en marcha un volume de obra que dubido que haxa ningunha cidade en Galicia que o teña, home, pois a verdade é que é unha tontería bastante soberana con todos os respectos. Sr. Presidente.- Moitas gracias Sr. Mosquera. Sr. González. Sr. González Iglesias.- Si, Sr. Figueroa mire, cando vostede fai o plantexamento de Vigo-A Coruña, Vigo-Santiago, non sei se se dá conta pero está dicindo, está dicindo implicitamente que si existía esa discriminación e que vostedes gobernaban na Xunta de Galicia, o está dicindo implicitamente, e era ó revés porque ó seu partido non lle interesaba atender á cidade de Vigo, explíqueno vostedes, explíqueno vostedes, non o vamos a explicar nós. Mire, eu, eu estaba reducindo o debate á provincia de Pontevedra, non estaba saíndo fóra da provincia de Pontevedra, porque esta é a Deputación provincial de Pontevedra, non é outra cousa, e por eso o reducín á Pontevedra. E mire, Sr. Crespo, xa de paso, é dicir, acabo de oírlle a vostede dicir que de 51 parroquias, de 51 núcleos, ten soamente cinco con saneamento. Pois a min daríame vergonza ser alcalde de Lalín e dicir eso, ¿sabe por que?, porque eu mirei na prensa moitisimas veces inversións como el Lago de los Enamorados, no se que, incluso en parques industriais, mire vostede, e resulta que en temas tan importantes básicos e fundamentais como o saneamento non os estaban acometendo, por non dicir outra cousa Sr. Crespo, por non dicir outra cousa. Mire, en todos os plans desta Deputación, Lalín pola súa extensión ou polo que vostedes dicían sempre estaba levando máis cartos que os demais, se non o ten investido aí, se só ten saneamento neses cinco núcleos, responsabilidade de vostede que é o alcalde, a min, dígolle a verdade, caeríame a cara de vergonza de dicir unha cuestión dese tipo. E mire, Sr. Figueroa, outra máis, mire, estes días anunciábase unha posible multa da Unión Europea polos verquidos na Ría de Vigo, ¿recorda?, bueno, pois volvemos ó mesmo, é dicir, ¿quen estivo gobernando neste país nestes últimos quince anos?. ¿Quen tiña esa responsabilidade?. ¿Quen a tiña?. Supoño que o goberno do Partido Popular, supoño eu, supoño. Claro, ¿que pasa?, que en vez de facer plans de saneamento onde os tiña que facer estaba dedicado a outras historias e eso é a realidade, e claro, agora veñen as consecuencias, e quere vostede que en seis meses, é curioso e tremendo, quere vostede que en seis se lle dea a volta ó que vostedes malgastaron en quince anos, difícil, difícil, é imposible, déanos un pouco de máis tempo. Home, eu podía seguir profundizando no tema do respecto institucional, pero como teño a sensación de que o Sr. Louzán vai a entrar por aí. Pois para a resposta, se me deixa respostar, para resposta. Sr. Presidente.- Vamos a ver, Sr. González, bueno, para non entrar no debate que vostedes tiñan, en relación á alusión que vostede facía a esta persoa, eu quero dicirlle que esa é unha obra que ten licenza municipal, foi pedida, avisado o alcalde, e polo tanto con todo o rigor, non a obra que vostede me dicía que eu fun a inaugurar. Sr. González Iglesias.- Vaia á acta. Eu simplemente díxenlle da súa presencia dun concello desta provincia, dunha inauguración avisándolle ó alcalde ás dez da noite, está claro que sabe vostede do que falo cando xa me está nomeando unha obra. Está clarísimo. Sr. Presidente.- Non, non, non, lle vou falar e máis falar claro, estoulle dicindo, o que pasa que parece que non entende perfectamente. Que esa obra ten licenza municipal, solicitada e firmada por vostedes, polo alcalde e o alcalde foi avisado desta cuestión e nós fomos a visitar esta obra avisando con anterioridade ó alcalde como fago sempre, e non precisamente como fan outros onde din por exemplo "obras son amores e non boas razóns", eso dino os seus compañeiros. En relación ó cambio da Xunta, nótase en Baiona, van a Baiona a visitar e a ver obras municipais e o alcalde, que está aquí ademais presente, nin se entera, se entera ó outro día polo periódico que van alí. Eso cando esto suceda, independentemente do horario que vostede está argumentando, cando algún caso deses pase mo trae aquí e mo di, pero mentres non sexa o caso pois non poderá argumentar absolutamente nada deso porque é falso. E despois en relación, porque claro, os que levamos tempo nesta casa, nos acordamos de moitas etapas vividas aquí, e tamén teño para o Sr. Mosquera aquí cousas importantes. Que dixo, porque ademais fixo unha alusión que hai que votarlle o que hai que votarlle para precisamente argumentar o que aquí dixo. Dixo que o reparto que agora fai Medio Rural é un reparto obxectivo, ecuánime, e todo eso, si, si algo dixo, e resulta, claro é que vostede leva aquí máis de vinte anos nesta casa, vostede se acorda o que leva criticado por exemplo o Plan de Acción Comunitaria, vostede se acorda canto leva criticado, porque ademais teño aquí, o bo é ter sempre algunha documentación, porque claro ó mellor non se acorda, pero dicía precisamente que antes se cometía falcatruadas a través dos responsables políticos do PP, viñan os responsables políticos do PP pola Deputación e se lle daban obras e todo o demais. E agora resulta que se dá a casualidade de que van os do Bloque pola Delegación de Medio Rural e por alí puentean ós alcaldes e se lle fan as obras que piden concelleiros que ó mellor nunha corporación de 13 teñen dous, pero resulta que lle fan esas obras, pero esto no criticamos nós, curiosamente non o critica o PP, o critica precisamente compañeiros que foron seus. E probablemente lle vaiamos a ter que cobrar dereitos de autor, porque din, "utilizan os métodos propios que utilizou o PP nos seus tempos", está interesante esto, di, poñer, eles poñen que "por su parte Antón Pousada, portavoz do grupo independente, como partido local manifestou o desexo de poñer en coñecemento da cidadanía de Marín que os métodos que utiliza son absolutamente igualiños ós do Partido Popular". Estes son compañeiros seus, foron compañeiros seus, agora están nunha forza independente, que é curioso, cando estaba no goberno o Partido Popular en vez de fomentar a colaboración cos concellos o que fan é puentealos a través de amiguetes ou militantes usando ó grupo municipal do Bloque en Marín para pasar por riba dos acordos tomados polo grupo de goberno. Que lle parece despois de vinte anos de historia vostede criticando aquí de maneira masiva aquel Plan de acción comunitaria, que vostede tanto argumentaba e dicía aí, bueno pois esto dalgunha maneira vai frontalmente contra a legalidade vixente, pero van en todo non existir autorizacións pertinentes, ou sexa, as grandes cacicadas. Vostede se acorda de dicir esa palabra tantas veces aquí e esas son as cacicadas que fai o PP. E resulta que, claro, chegan ó goberno da Xunta de Galicia agora, chegan ó goberno da Xunta de Galicia, e vostede mesmo, vostede mesmo mo ten dito aquí, me chamou comisario político e me dixo que era o Xefe Provincial do Movimiento, e resulta que vostedes teñen unhas Delegacións ou uns Delegados agora aquí, e resulta que hai que pasar por alí, pasan os responsables do Bloque, casos hai, casos hai, lle vou a dicir cales, pasan os responsables do Bloque do Grove, de Marín, de Barro, de Tomiño, etc., e as obras que se fan non é as que pide o alcalde, fan as obras que lle piden os responsables do Bloque destes sitios. ¿Que lle parece, como se chama ese puenteo dos alcaldes do PP e do Partido Socialista?. Case nada, case nada Sr. Mosquera, máis de vinte anos nesta casa e resulta que chegan á Xunta de Galicia e a primeira na fronte, e ademais, eu xa lle vou dicir ó responsable noso de organización que hai que cobrar dereitos de autor, porque o que vostede leva criticado tanto tempo nesta casa é a primeira medida que vostedes collen como "esta é a nosa forma de funcionar", e é evidente que non quero recordar o que dicía o Sr. Crespo e o Sr. Figueroa de que van polos concellos "campando a sus anchas". Ó alcalde nin se avisa, aquí quen manda somos nós, Delegados e Concelleiros do Bloque a dentro a onde faga falta, obras municipais, o que sexa, sen ningún tipo de problema nin se ruborizan nada, pero claro, eu levo nesta casa 11 anos Sr. Mosquera, e claro, como xa lle oín tantas veces, incluso ós compañeiros dos medios de comunicación, esa frase "a gran cacicada do PP", e resulta que veñen os do Bloque e non é que fagan a cacicada, fana ata cos seus propios compañeiros, se dixéramos é que a fan contra o PP, pero cos seus propios compañeiros que onte lle dedicaron unha serie de páxinas a través do seu comisario político ou xefe provincial do movimiento do Bloque na Consellería de Medio Rural. ¿Que lle parece todo esto?. Eh, Sr. Mosquera, a historia se volve a encontrar, pasado moito tempo se volve a encontrar, é increíble, por eso que ó final é increíble como as persoas vamos dando, porque ademais a min había argumentos que, bueno que cando vostede o dicía pois eran defendibles, eran defendibles, pero agora esa coherencia política ¿onde queda?, me pregunto eu ¿onde queda esa coherencia política?. E claro, así andamos Sr. Mosquera, por eso eu non quería interferir no debate anterior porque creo que esto que está sucedendo creo que é malo para a vida política, creo que é sinceramente malo, pero bueno, vostedes din que os seus compañeiros que queren utilizar uns métodos, falan por aquí, os compañeiros que foron seus, métodos do século pasado, se chaman métodos caciquís e puenteando ós alcaldes democraticamente elixidos ó grupo de goberno, nada máis nin nada menos, eh, Sr. Mosquera, despois de vinte anos. Quere intervir o Sr. Mosquera. Por Marín dis. Ah, bueno, espera, así xa lle contesto a todos xuntos. Sr. Muradas. Sr. Muradas Ramos.- Yo es que lo veo tan enchido con ese argumento que la verdad no me aguanta el cuerpo. Y debería seguir con la prensa de ese mismo día. Sr. Presidente.- Non, non, téñoa aquí. Sr. Muradas Ramos.- Si, pois me parece que ese mesmo día sae que coa visita de María Ramallo y Santiago Pazos, vinieron a hablar con el señor, a la Diputación, vinieron a hablar a la Diputación y le van hacer un camino que no pidió el alcalde de Marín nunca, el alcalde de Marín si estuvo hablando con usted pidiéndole obras. Y los Independientes tenían cierto pudor en abrir el flanco con el PP, es decir, vamos a decir que los del Bloque son caciques más que el PP y vamos a cabrear al PP. Dije yo, no decirlo que le dais una alegría llamándoles caciques y mire como lo celebran, simplemente era eso lo que quería poner. Pero la prensa del mismo día tiene la misma operación por parte de usted y por parte de lo que critican los Independientes de Marín, la misma, y tenían pudor, ya digo, o sea, me lo comentaron, antes de rajar, antes de rajar, me dijeron le vamos a llamar caciques porque igual abrimos dos frentes, porque claro en una rueda de prensa meterse con todo Dios no queda bien. Dije yo, no, nada, llamarle ya vereis como se alegran. Efectivamente, me da usted una alegría también. Sr. Presidente.- Sr. Muradas, creo que se confunde claramente porque eu xa teño asumido, eu por eso lle quero, Sr. Muradas, eu quérolle cobrar os dereitos de autor ó Sr. Mosquera, ó Bloque Nacionalista Galego, porque o din aquí os seus compañeiros, utilizan os métodos propios do PP, utilizan os métodos propios do PP os do Bloque, me refiro, entende, entón claro pois pasan estas cousas, que despois tamén pasan entre vostedes por exemplo que dicía antes o Sr. González, de que nunha visita que fixeron o Bloque a Redondela pois van á Illa de San Simón, anuncian o que van facer alí e non avisan nin ó alcalde, entende, pero bueno, eso tamén pasa habitualmente e agora máis, se dan esas circunstancias, comprende, entón claro, eu xa lle deixei ben claro que estes anuncian que utilizan os métodos propios do PP, por eso estáballe dicindo antes e vostede non me entendeu, non prestou atención, e evidentemente non prestou atención dicindo que temos que cobrarlle dereitos de autor en relación ó que leva criticando, o que pasa é que vostede leva menos tempo ó mellor aquí na Corporación provincial e non se dá conta do que leva criticado o Sr. Mosquera aquí, porque hai, mire se lle saco aquí papeis eu creo que hai que traer algo para poder transportar o que leva dito en relación ó Plan de acción comunitaria, pero levan seis meses nada máis, e xa, fixémonos como empezan. Pero agora me vai contestar o Sr. Mosquera e aquí temos máis cousas para seguir en relación a este asunto. Adelante Sr. Mosquera. Sr. Mosquera Lorenzo.- Home, Sr. Presidente, primeiro unha cuestión de forma, rematar a que acabe un debate xa bastante longo para meter esto pois realmente di bastante pouco da súa capacidade ou posicionamento para presidir este Pleno. Pero bueno, eso xa é histórico, reiterado e polo tanto vamos a deixar. Agora ben, con respecto á intervención que acaba de facer, eu pódolle dicir que a agradezo profundisimamente, xa está, digo personalmente, porque me está dando importancia, porque aquela cousa que é moi relevante e moi insistente nos seus, parece que este portavoz ten unha, lle supoñen unha capacidade e unha coherencia e unha maneira de actuar e unha transcendencia política que francamente lle agradezo, non aspiro a tanto pero bueno lle agradezo, eso se supón. Pero non manipule os feitos, non, non, espere un momentiño, espere un momentiño, vamos a ver, cálmese. Aquí podemos ir á conta xeral do Orzamento e outra documentación e verá vostede que non é o PAC, é a famosa partida esa da pala no que os albaráns de xustificación do gasto están asinados por persoas alleas a esta Deputación, presidentes ou asimilados das xuntas parroquiais do PP, está aí na documentación, está aí. E con respecto ó Plan de acción comunitaria, vostedes seguen erre que erre que non necesitan autorizacións e saben perfectamente que houbo obras pagadas sen executar, sábeno perfectamente, eso foi o que se dixo, se denunciou e se seguirá denunciando cando ocorra. Ben, se eso mo quere mesturar, se eso mo quere mesturar cunha suposta confabulación masónica da Consellería do Medio Rural que a través de non sei que estraños medios decide a, ou b, ou c, ou d, cousa que evidentemente eu comprenderá, como xa llo dixen antes, non teño a capacidade de saber o que pasa en toda a provincia, en toda Galicia, xa me gustaría, xa me gustaría, pero soamente houbo unha persoa que levaba non só Galicia, levaba o Estado, levaba todo na cabeza e lle debía de pesar de carajo, pero bueno, eu non chego a tanto, pois comprenderá que estamos falando de cousas totalmente diferentes e dende logo que a argumentación central sexa, verdade, unha nota de prensa de alguén resentido contra unha forza política, de verdade é que lle cae toda a argumentación polo seu peso, polo seu peso, entón creo que esto é un auténtico disparate, xa o dixen antes, vostedes se enganchan coa tal, eu creo que como teñen así certa afición a meterse con este portavoz, porque supoño que farán cábalas, películas, suposicións e demais, sobre papeis que se xogan, eu creo que engancharon coa película esta do Medio Rural e pois única e exclusivamente por un motivo, porque, vamos, é unha Consellería que creo que o está facendo moi ben, non lle teñan medo. Sr. Presidente.- Se nota, se nota. Sr. Mosquera Lorenzo.- Non, non, vostede o ve, é dicir, podemos sacar na prensa, podemos sacar todas as relacións da prensa, todas as notas, comentarios e demais, e parece que esta persoa Alfredo Suárez Canal e o equipo que ten pois as valoracións saben que están sendo boas, eso probablemente sexa o medo que lle teñen e por eso enganchan con estas películas, que de verdade, de verdade, eu como concelleiro pois teño ido falar con Delegados provinciais do PP, incluso na oposición, para falar de cousas, eu non entendo moi ben cal é a película, de verdade, non a entendo, ou sexa, uns nervios que de verdade non os entendo, vamos de ningunha maneira, non sei a que se refiren, montan unha película ou o que sexa, hai uns feitos, cando se obxectiven dígano vostedes, agora utilizar que se non sei quen dixo ou deixou de dicir e demais, para un ataque foribundo, á parte parece, parece que a coherencia do BNG está en entre dito, home, o BNG é unha forza política coa capacidade que ten e demais, e bueno remitirme a min á coherencia do BNG, agradézollo profundamente, agora o que podo dicir é que por este portavoz, por este grupo, e ata onde eu sei, por toda a actuación do BNG respondemos. Preocúpense do seu que saben perfectamente que teñen bastante que agachar na traxectoria nesta Deputación. Cando teñan un feito concreto denúncieno con documentación, con datos e demais, e bueno, pois si, pode haber erros, eso, agora eu ata onde sei dende logo que non os hai e eu creo que ese é o problema, e me parece absurdo un debate deste tipo. Eu supoño que se vamos, se mañá algún Conselleiro do BNG ou algunha Consellería está actuando digamos cunha política distinta, con potencia e con boa imaxe pública pois teremos un debate tamén sobre eso, entón volverán outra vez con esas acusacións, pero ¿é Deputación a que ten que xogar este papel?, bueno, ¿son os Plenos da Deputación os que teñen que xogar este papel?. Dende logo o que vou dicir eu soamente o podo interpretar na clave de dicir, mire, "home o que se rasca é que algo lle pica", e parece que por fin hai unha Consellería de Medio Rural que intenta realmente potenciar o Medio Rural e dunha maneira obxectiva e vamos e coa política que ten fixada e parece que lles preocupa. Evidentemente, evidentemente se debían calar con respecto a este asunto, por primeira vez, porque pasaron anos e anos, anos e anos, porque agora temos o caso por exemplo aquí en Marín dos núcleos rurais, pero non é en Marín senón en todo, e fixeron unha Lei de ordenación urbanística, que o rural "se lo carga", o declara a extinguir, o declara a extinguir, agora, ¿queremos debater esto?, esto é moito máis transcendente, pois nada, non hai problema, vamos a debater esto, ¿saben vostedes que fixeron unha Lei do 2002, 9 do 2002, e a 2004, a 15 do 2004?, que de cara ó rural "se o carga", "se o carga", ¿sabe o que queda no rural?, é bo o do 57, as casas que queden do bo do 57 con tipoloxía tradicional é o único que se pode declarar como núcleo, ou sexa, que saltan todos os núcleos dende abaixo, deixan de existir, a xente que vive en calquera lugar se cadra de 200 casas automaticamente non existe a súa casa con licenza ou sen ela, pero supoñamos que con licenza, verdade, deixa de existir, pasa ó limbo, pasa ó limbo, non está en ningún lado, está nunha zona que non se pode construír, verdade, e despois vén por atrás calquera administración aplicando tal e tal e de repente lle cae unhas sancións monumentais ou demais, eso fixeron vostedes, por exemplo. Claro, eso si que é transcendente e non estas caralladas das que estamos falando, ou sexa, por primeira vez se intenta e vai ser dificilísimo desmontar todo o que hai, que non son soamente unha subvención aquí, verdade, que é o único que lle preocupa, é todo o paquete lexislativo que hai con respecto ó rural, que é verdadeiramente disparatado, declara no fondo a extinguir, a extinguir, e creo que o rural de todo Galicia existe e demais, que teña que haber unha dinámica regresiva en zonas e demais, bueno, pois pode ser inevitable, agora, existe e haberá que potencialo. Os alcaldes que están co planeamento nestes momentos saben perfectamente o que estou dicindo, sábeno de sobra, sábeno de sobra. Claro, e resulta que ese non é o problema, o problema é que hai un Conselleiro que intenta facer unha política que realmente recupere o medio rural con estas trapalladas. Mire, se queren un debate sobre esto tamén o centramos cando queiran e senón pois tamén o damos aquí nesta situación bastante anómala que estamos discutindo doutra cousa pero sen ningún problema. Moitas gracias. Sr. Presidente.- Moitas gracias Sr. Mosquera. A verdade é que vexo que ten serias dificultades en atopar argumentos para defender esta postura, e o seu propio partido pois desmontoulle o discurso seu aquí nesta casa de vinte anos ou máis. Pero "así es la vida, así es la vida", e polo tanto como aquelo que se di que "en el camino nos encontraremos", é a primeira na fronte. Sr. González. Sr. González Iglesias.- Non, Sr. Presidente, eu tiña pedida a palabra antes, pero despois de asumir vostede o papel de cacique maior da provincia de Pontevedra sobra xa que ... Sr. Presidente.- Non, eso xa o din aquí. Sr. González Iglesias.- Por eso, asumiuno vostede, polo tanto vamos a votar en contra do punto que plantexan e nada máis. Está

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

Área de control da descrición