Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido Libro de Prensa. Xefatura provincial do Movemento. Tomo 13 (1-07-1957 / 30-07-1957) Recortes de Prensa. Contén: - Noticias diversas sobre Vigo: construción dun colexio maior universitario, un palacio de deportes e un auditorio; un veciño de Vigo (Fernando Conde de Ponte) como poñente nunha conferencia sobre o cabotaxe mundial en Hamburgo. - Inauguración do ferrocarril Pobra de Sanabria - Ourense - Carballiño (tamén coñecido como ferrocarril Zamora - Ourense) por Franco. Viaxaron no convoi oficial os gobernadores civís e xefes provinciais das catro provincias de Galicia (por Pontevedra: Rafael Fernández Martínez). - Homenaxe a María Cruz Pérez González de Novás con motivo da súa xubilación no cargo de inspectora de Ensinanza Primaria. Recibiu as insignias da "Orden de Alfonso X El Sabio" por parte do inspector central de Ensinanza Primaria. - Por disposición do gobernador civil Rafael Fernández Martínez sérvese unha comida extraordinaria a nenos e anciáns nos comedores do padroado da Beneficencia Municipal de Marín, para conmemorar a inauguración do ferrocarril Zamora - Ourense - Carballiño. - Iniciase a súa segunda campaña anual da Prudencia polo padroado provincial da Prudencia. Atópanse neste tomo diversas notas de prensa con relacións de sancións por infraccións de tráfico, noticias relacionadas ca campaña e tamén actuacións do "Guardia Prudencio" como personaxe simbólico da mesma. - As seleccións xuvenís de Galicia e Vigo, reforzada cos internacionais Cantero y Chuzo, xogarán o encontro preliminar no campo de La Florida en Vigo. - Entrega de trofeos a representación viguesa nos Xogos Nacionais Laborais. Acto presidido polo gobernador civil Rafael Fernández Martínez e o alcalde de Vigo Tomás Pérez Lorente. - Lista de donativos con destino o carillón do santuario da Peregrina e noticias relacionadas. - A comisión municipal permanente de Vilagarcía despacha varios asuntos de trámite. - Visita do delegado nacional de provincias a Ourense onde cambiou impresións cos participantes na reunión de gobernadores civís e outros, entre os que se atopaba o gobernador civil Rafael Fernández Martínez. - Solicitude de emendas polos veciños de Pontecesures en relación o edicto da alcaldía recomendando o acondicionamento de paredes e vallas. - Donativo do gobernador civil Rafael Fernández Martínez de roupas de augas aos mariñeiros de Marín. - Celebración de diversos actos organizados polo Consulado Venezolano para a conmemoración no 146 aniversario da Independencia de Venezuela. Estiveron presentes o cónsul de Venezuela Pedro Luis Pacheco e o alcalde de Vigo Tomás Pérez Lorente. - Visitas ou audiencias do gobernador civil Rafael Fernández Martínez. Entre as máis importantes estána o do xeneral xefe da cuarta Zona da Garda Civil (Ponce de León y Conesa) xunto co subdirector xeral da Garda Civil (Antonio López Revuelta). - Visita os servizos da xefatura provincial de Pontevedra do delegado nacional de provincias do movemento (señor Herrero Tejedor). Foi recibido polo gobernador civil Rafael Fernández Martínez. - Celebración de asemblea extraordinaria convocada pola "Hermandad Sindical de Labradores y Ganaderos" de San Miguel de Ponteareas, presidida polo gobernador civil Rafael Fernández Martínez. Tamén ten lugar unha asemblea da "Hermandad Sindical de Labradores y Ganaderos" de Baiona para tratar a repoboación forestal. - Partido entre o Club Estudantes e unha selección dos equipos participantes na fase local. - Toma de posesión de Víctor Bouzo Iglesias para Delegado Provincial de Educación Física e Deportes e de Fermín Díaz Álvarez como secretario provincial do Servizo Español de Maxisterio (SEM) nunha reunión do consello provincial do movemento. - Presentación en sociedade de doce distinguidas señoritas coa celebración dun baile de "puesta de largo" na terraza-xardín do Casino de Vigo. Acudiron autoridades provinciais e locais. - Reunión en Vigo do Patronato Sindical da Vivenda, presidido polo gobernador civil Rafael Fernández Martínez, para tratar o plan de vivendas a construír na cidade. - Xornada de inauguración do campo de La Florida en Vigo co xogo de dous encontros. Dos xogadores a proba agradaron o marinense Tucho de la Torre e os coruñeses Amador e Bouzas. - Acto de alzamento das bandeiras nacional e do movemento no mástil radiante de sesenta metros correspondente a nova emisora de REM "La Voz de Vigo". - Acto de inauguración e bendición dos locais da Casa de América, coa presencia do embaixador de Cuba en España (Sr. Remos y Rubio), o cónsul de Portugal (D.J. Dos Santos Silva Taveira), o gobernador civil (Rafael Fernández Martínez) e o presidente da Casa de América (José María Castroviejo). Tamén noticias de reunións posteriores para perfilar os detalles da labor a realizar. - Regreso do embaixador de Cuba en España a bordo do transatlántico portugués "Santa María". Ofreceuse no seu honor un recital do grupo folclórico de Educación e Descanso. - Visita do gobernador civil Rafael Fernández Martínez os talleres da compañía de tranvías eléctricos para admirar os tres novos trolebuses construídos. - Festa de San Cristóbal en Vigo, coa presencia do gobernador civil e xefe provincial Rafael Fernández Martínez. - Visita do gobernador civil e xefe provincial Rafael Fernández Martínez os talleres de Vigo de RENFE nos que se celebra o XI Concurso Nacional de Formación Profesional Obrera "Voluntad de Resurgimiento", na súa fase de sector. - O gobernador civil Rafael Fernández Martínez deu posesión dos seus cargos o novo alcalde e xefe local do movemento de Tui (Gonzalo Álvarez Besada). - Agasallo os alumnos da Academia de Intervención do Exército do Aire, que chegan a cidade en viaxe de estudos. Realizouse no local do Aero Club nun acto presidido polo gobernador civil. - Entrega do gobernador civil Rafael Fernández Martínez de cerca de 50.000 pesetas con destino a obras benéficas. - Sinatura da escritura de cesión de terreos para a construción do cuartel da Garda Civil no Grove. - V Festa do viño albariño que se celebrou no Pazo de Figueroa en Cambados. - O gobernador civil Rafael Fernández Martínez como presidente de honor das festas de Marín. - Diversas circular do goberno civil: sobre o lanzamento de foguetes e fogos de artificio nas festas e sobre a desinsectación de vehículos. - Toma de posesión: do alcalde de Mos (Olimpio Míguez Maquieira); do xefe comarcal de Vilaboa (Alfonso Buceta Acuña); do alcalde e xefe local do movemento de Rodeiro (Javier Hermida Vázquez); do alcalde de Dozón (Manuel Crespo Vázquez); do alcalde e xefe local do movemento de Vilanova de Arousa (José Cándido Touceda Trasande); do alcalde de Tameiga (Olimpio Miguez Maquieira); do alcalde e xefe de estado de Lalín (Luis González Taboada), de Cuntis (Eusebio Guimarey Montero) e de Barro (Nazario Núñez Lafuente); e do novo xefe local de Ribadumia (Ramón Noya). - Segundo peregrinaxe do gobernador civil Rafael Fernández Martínez polos 62 concellos da provincia como conmemoración do 18 de xullo e aproveitando para a inauguración de diversas obras e a entrega de vivendas. Destacan a inauguración das 196 vivendas protexidas de A Salgueira e 40 en A Florida en Vigo; a inauguración en Bembrive do servizo telefónico; a electrificación de 66 aldeas; inauguración de tres grupos escolares en Salcidos (A Guarda) e Tabagón (O Rosal); entrega de 42 vivendas sindicais en Goián e 88 en Mos; inauguración dun mercado en Tomiño e dunha carreteira en Redondela. - Reunión do consello provincial do movemento para tratar diversos asuntos, entre eles acordar a montaxe da Exposición Permanente do Avance Provincial e a solicitude a RENFE dun horario máis equitativo. - Recepción oficial no palacio provincial e actos con motivo da conmemoración do XXI aniversario do alzamento nacional do 18 de xullo. Fíxose entrega de 166 vivendas. - Actividades da comisión municipal de festas de Pontevedra, con motivo da festividade da Peregrina. - Inauguracións de 41 vivendas protexidas construídas en Mateo Sagasta e Fray Juan de Navarrete en Pontevedra pola "Obra Sindical del Hogar". - Enlace de Arturo Cano Mirelles (cónsul de Guatemala en Pontevedra) con Angeles Rodríguez Rodríguez Bonín. - Actos na escola naval militar de Marín, con motivo da entrega de despachos os novos oficiais da Armada e a xura de bandeira dos aspirantes da mariña, presididos polo xefe de estado maior da Armada (Antón Rozas). - Reunión da Delegación Provincial do CIAS coa asistencia do gobernador civil Rafael Fernández Martínez. - Festa no Liceo Casino organizada pola Escola Naval Militar de Marín con motivo da festividade da Virxe do Carme. Realizase a entrega de premios os vencedores das regatas celebradas. - Conmemoración nos diversos concellos da provincia do 18 de xullo. - Acto presidido polo gobernador civil Rafael Fernández Martínez no que se lle dedica unha rúa viguesa a Estanislao Núñez. - Inauguración e bendición en Vigo dun Santuario en honor a Virxe do Carme por Fray José López Ortiz (prelado da dioceses). Estivo presente o gobernador civil Rafael Fernández Martínez - Actos relixiosos en Bouzas (Vigo) en honor a Nosa Señora do Carme, coa presencia do gobernador civil Rafael Fernández Martínez. - Reunión de xerarquías do movemento en Madrid, baixo a presidencia do ministro secretario xeral do movemento Solís Ruíz. Asistiron os xefes provinciais de varias provincias, entre eles o de Pontevedra. - Inauguración e bendición en Vigo da fábrica de condutores eléctricos termo-plásticos "Deriplast". Asistiron autoridades provinciais e locais e personalidades da industria e o comercio. - Entrevista o gobernador civil de Oporto (Elicio Pimenta) nunha visita non oficial a Vigo. - Visita a Vigo de directivos e socios do Aero-club de Oporto, que foron agasallados polo Aero-club de Vigo. - Entrega polo gobernador civil Rafael Fernández Martínez de premios os gañadores dos torneos sociais do "Hogar del productor" así como os da "Federación Gallega de tenis de mesa". - A confraría da Peregrina nomea socio de honor o gobernador civil Rafael Fernández Martínez e invítao a conducir o estandarte da patroa pontevedresa na procesión. - Enterro de Eduardo Cabello de Sámano Ebrentz, ex-enxeñeiro director da Xunta de Obras do Porto de Vigo. - Fin das festas en honor o cristo dos aflixidos en Bouzas (Vigo), coa actuación da coral viguesa. - Segunda feira do mar en Vigo coa busca da consecución do obxectivo de perfeccionamento industrial por parte do Centro Galego de Produtividade. - Misa de réquiem no santuario da Peregrina polo falecemento de Jenaro Riestra Díaz (ex gobernador civil e xefe provincial do movemento de Vizcaya). - Visita a varios portos da ría pontevedresa do Director Xeral de Portos e Sinais Marítimas (Gabriel Roca García) e visita do director xeral de belas artes (Antonio Gallego Burín) a diversos monumentos, templos provinciais e mosteiros. Ambos foron agasallados polo concello de Pontevedra cunha cea. - Celebración da festa da banderita, que organiza a Asemblea Provincial da Cruz Vermella Española.

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Servizo de Comunicación Institucional (Tema) Xefatura Provincial de Pontevedra. Movemento Nacional (Tema)

Área de control da descrición