Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas e dez minutos do día doce de xaneiro do ano dous mil once, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Manuel Figueroa Vila, D. José Enrique Sotelo Villar, Dona Mª Teresa Pedrosa Silva, D. José Juan Durán Hermida, D. Xosé Crespo Iglesias, D. Silvestre José Balseiros Guinarte, D. Jesús Mª Fernández Portela, Dna. Francisca Canal Gómez e D. Salvador González Solla, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. Severino Reguera Varela, D. Jesús Vázquez Almuíña, D. Perfecto Rodríguez Muíños e D. Carlos Comesaña Abalde. Da fe do acto D. Carlos Cuadrado Romay, Secretario Xeral, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.18890.- ACTA ANTERIOR A Xunta de Goberno acorda por unanimidade aprobar o borrador da acta da anterior sesión, ordinaria, do día 5 de xaneiro de 2011. 2.18891.- DEVOLUCIÓN DE GARANTÍAS DEFINITIVAS 1.- Devolución de garantías definitivas á empresa Construcións, obras e viais, S.A. A empresa Construcións, obras e viais, S.A. (CIF A- 36.008.886), mediante escrito presentado ante esta Deputación solicitou a devolución das fianzas constituídas para responder dos seguintes contratos dos que resultou adxudicataria. Resultando que nos expedientes tramitados ó efecto figuran informes emitidos polo servizo correspondente e pola Intervención desta Deputación nos cales se establece que procede a devolución das citadas garantías ó cumprirse satisfactoriamente o obxecto dos contratos. Considerando que o artigo 90.2, da Lei 30/2007, de 30 de outubro, de Contratos do Sector Público, establece que, unha vez aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou cancelarase o aval ou o seguro de caución. En base ós informes favorables que constan no expediente e de conformidade co establecido no artigo 90.2, da Lei 30/2007, de 30 de outubro de Contratos do Sector Público, a Xunta de Goberno acorda por unanimidade a devolución das seguintes garantías: • A garantía definitiva constituída en valores, mediante aval de HCC Europe, por importe de dous mil cento cincuenta e dous euros (2.152,00 €), para responder do contrato relativo ó: Peche e dotación de cuberta de bancadas no recinto deportivo de Pontellas (Ponteareas), que foi depositada na Tesourería Provincial o 01/02/2007, segundo mandamento de ingreso con número de operación 200700006274, sendo indispensable para retirala a presentación da carta de pagamento orixinal e o selo da empresa. • A garantía definitiva constituída en valores, mediante aval de Banco Bilbao Vizcaya, por importe de mil catrocentos euros (1.400,00 €), para responder do contrato relativo á obra: E.P. 1104 Moaña- Coiro (Cangas), que foi depositada na Tesourería Provincial o 28/12/2006, segundo mandamento de ingreso con número de operación 200600112867, sendo indispensable para retirala a presentación da carta de pagamento orixinal e o selo da empresa. 2.- Devolución de garantías definitivas á empresa Construcciones Crespo, S.A. A empresa Construcciones Crespo, S.A.(CIF A- 36.001.063), mediante escrito presentado ante esta Deputación solicitou a devolución das fianzas constituídas para responder dos seguintes contratos do que resultou adxudicataria. Resultando que nos expedientes tramitados ó efecto figuran informes emitidos polo servizo correspondente e pola Intervención desta Deputación nos cales se establece que procede a devolución das citadas garantías ó cumprirse satisfactoriamente o obxecto dos contratos. Considerando que o artigo 90.2, da Lei 30/2007, de 30 de outubro, de Contratos do Sector Público, establece que, unha vez aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou cancelarase o aval ou o seguro de caución. En base ós informes favorables que constan no expediente e de conformidade co establecido no artigo 90.2, da Lei 30/2007, de 30 de outubro de Contratos do Sector Público, a Xunta de Goberno acorda por unanimidade a devolución das seguintes garantías: • A garantía definitiva constituída en valores, mediante aval de Caixanova, por importe de nove mil douscentos cincuenta euros con cincuenta céntimos (9.250,50€), para responder do contrato relativo á obra: E.P. 1104 Moaña- Coiro (Cangas), que foi depositada na Tesourería Provincial o 15/05/2009, segundo mandamento de ingreso con número de operación 200900040943, sendo indispensable para retirala a presentación da carta de pagamento orixinal e o selo da empresa. • A garantía definitiva constituída en valores, mediante aval de Caixa Galicia, por importe de dezanove mil novecentos sete euros con corenta céntimos (19.907,40€), para responder do contrato relativo ó: Proxecto modificado de mellora da seguridade viaria nas seguintes estradas: E.P. Rodeira- Boubeta e E.P. 1001 Cangas- Coiro- Magdalena (Avda. de Lugo- Cangas), que foi depositada na Tesourería Provincial o 19/01/2007, segundo mandamento de ingreso con número de operación 200700003483, sendo indispensable para retirala a presentación da carta de pagamento orixinal e o selo da empresa. 3.18892.- INFORME EN RELACIÓN CO EXPEDIENTE DE DESLINDE ENTRE OS TERMOS MUNICIPAIS DOS CONCELLOS DA ESTRADA E CUNTIS (PONTEVEDRA), QUE REMITE A DIRECCIÓN XERAL DE ADMINISTRACIÓN LOCAL DA CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA DA XUNTA DE GALICIA Dada conta da comunicación da Dirección Xeral de Administración Local da Consellería de Presidencia, Administracións Públicas e Xustiza da Xunta de Galicia, de data 16 de abril de 2010, recibida nesta Deputación o día 28 de abril (Rex. de entrada núm. 17858), pola que se remite expediente de deslinde entre os termos municipais da Estrada e Cuntis (Pontevedra) e, Resultando que o expediente foi promovido polo Concello da Estrada. Resultando que o Director de Infraestruturas, emite informe o día 11 de xaneiro de 2011, no que manifesta que “...De acordo co disposto no parágrafo 3º do artigo 44 da Lei 5/1997, de 22 de xullo, de Administración Local de Galicia e á vista da documentación que obra no expediente administrativo da súa razón, infórmase favorablemente a proposta de deslinde formulada pola Dirección Xeral do Instituto Xeográfico Nacional –que establece como liña límite entre os termos municipais da Estrada e Cuntis a definida pola acta levantada polo Instituto Xeográfico e Castral en 1958 ó tratarse do único acordo interpretable ou comprensible hoxe en día á luz da documentación dispoñible– e proponse a adhesión a devandita proposta, tendo en conta que é reiterada a xurisprudencia do Tribunal Supremo ó respecto ó sinalar que “... nos deslindes xurisdicionais deben, ante todo, terse en conta os documentos que se refiran a deslindes anteriores practicados de conformidade entre os termos municipais interesados...”. Considerando que o artigo 44 da Lei 5/97, de 22 de xullo, de Administración Local de Galicia, establece o procedemento a seguir nos casos de existencia de diverxencias entre os Concellos implicados en relación coa liña divisoria entre ambos. A Xunta de Goberno acorda por unanimidade prestar conformidade ó citado informe, e remitir o acordo a Dirección Xeral de Administración Local da Consellería de Presidencia, Administracións Públicas e Xustiza da Xunta de Galicia. 4.18893.- COMUNICACIÓNS Non houbo. FÓRA DA ORDE DO DÍA, e previa declaración de urxencia adoptáronse os seguintes acordos: 5.18894.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA “BEIRARRÚAS E MELLORA RÚA DA CERCA (VILANOVA DE AROUSA)” Resultando que a Xunta de Goberno, en sesión de 24/03/2010, prestou aprobación a un convenio de colaboración co Concello de Vilanova de Arousa que ten por obxecto levar a cabo a execución da obra “Beirarrúas e mellora da rúa da Cerca”, con orzamento de 700.000,00 €. Resultando que a Xunta de Goberno, en sesión de 26/05/2010, prestou aprobación ó proxecto de “Beirarrúas e mellora da rúa da Cerca”, por importe de 700.000,00 €, IVE incluído. Resultando que polo Sr. Secretario Xeral, emítese informe relativo ó prego de cláusulas administrativas que rexerá o procedemento aberto para a adxudicación da obra, estimándoo correcto xuridicamente para os fins propostos. E, á vista do informe de fiscalización do expediente emitido polo Sr. Interventor, a Xunta de Goberno acorda por unanimidade aprobar o gasto, o prego de cláusulas administrativas e o expediente de contratación, mediante procedemento aberto, da obra de “Beirarrúas e mellora da rúa da Cerca”, con orzamento de 603.448,28 € máis 108.620,69 € correspondentes ó IVE). A obra obxecto do expediente finánciase con arranxo á seguinte distribución por anualidades: Anualidades 2010 2011 2012 Total Deputación 350.000,00 350.000,00 Concello 152.173,91 106.521,74 91.304,35 350.000,00 Total 502.173,91 106.521,74 91.304,35 700.000,00 En canto á achega da Deputación Provincial, na aplicación 10/942.942-652.09.2009 existe crédito adecuado e suficiente para facer fronte ó gasto, quedando condicionado á incorporación de remanentes de crédito ó exercicio de 2011. O gasto correspondente ás anualidades financiadas polo Concello xerará crédito nas aplicacións correspondentes. A diferenza producida como consecuencia do incremento do tipo impositivo do IVE, por importe de 12.068,97 €, será financiada con cargo á baixa que se produza na adxudicación da obra. En caso de non producirse dita baixa financiarase con cargo ó orzamento da Deputación Provincial para 2011. O anuncio de licitación e do extracto do prego de cláusulas administrativas que rexerá no procedemento aberto publicarase no Boletín Oficial da Provincia. Os gastos de inserción de anuncios, e outros que se deriven do expediente, serán por conta dos adxudicatarios. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN NA CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “BEIRARRUAS E MELLORA DA RUA DA CERCA (VILANOVA DE AROUSA)”. CPV 45230000. 1.- OBXECTO.- Execución da obra “Beirarrúas e mellora da rúa da Cerca (Vilanova de Arousa)”, mediante convenio co concello de Vilanova de Arousa, e cuxo proxecto foi aprobado pola Xunta de Goberno en sesión de 26 de maio de 2010. A súa execución deberá realizarse suxeitándose ós proxectos técnicos que aprobou o órgano de contratación e que integran os documentos enumerados no artigo 107 da Lcsp., e os artigos 125 ó 132 do Rxlcap., incluído o correspondente estudo de seguridade e saúde. O conxunto de documentos que compoñen os proxectos, considerados como parte integrante deste prego, teñen carácter contractual. 2.- ORZAMENTO.- Segundo o anexo II deste prego. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material; comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación Provincial na sesión do 27 de febreiro de 1998. • Gastos referentes á coordinación da seguridade e saúde, 0,50 % do orzamento de execución material. • Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2. Beneficio industrial; aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e os gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais, autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3.- FINANCIAMENTO.- A obra financiarase de acordo co estipulado no anexo II. 4.- PRAZO DE EXECUCIÓN.- O prazo máximo estimado para a execución das obras, a contar dende o día seguinte ó da sinatura da acta de comprobación do replanteo, salvo que exista razón fundada que impida o seu comezo, estímase no anexo II. Os licitadores deberán presentar na proposta económica un programa de traballo que contemple o desenvolvemento das unidades de obras que se van realizar en cada prazo. O contratista está obrigado a cumprir o contrato na súa totalidade dentro do prazo ofertado, así como nos prazos parciais sinalados para a súa execución sucesiva. Dito prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e previa petición do contratista co informe favorable do director de obra. No caso de prórroga, proposta pola dirección da obra, o órgano de contratación terá que aprobar o expediente pertinente que implica a modificación. 5.- INCUMPRIMENTO DO PRAZO.- Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5 por cento do prezo do contrato. As penalidades diarias serán cuantificadas na proporción de 0,20 € por cada 1.000 € do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntaria. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. Dita imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 6.- CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica nos termos que dispón o artigo 65 da Lei 30/2007, de 30 de outubro, de contratos do sector público, e non se atopen incursas nalgunha das prohibicións que contempla o art. 49 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias dos que a constitúan e a participación de cada un, así como que asumen o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); ditas empresas serán responsables solidarias ante a Administración debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Ditas empresas deberán ter por obxecto realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7.- GARANTÍA DEFINITIVA.- O seu importe será do 5% do prezo de adxudicación, excluído o imposto sobre o valor engadido, e poderá constituírse en calquera das formas previstas no art. 84 da Lcsp. A constitución da garantía definitiva deberá ser acreditada dentro dos dez días hábiles seguintes, contados dende o seguinte ó que se publique a adxudicación provisional no perfil de contratante do órgano de contratación. En caso de incumprir este requirimento a Administración poderá efectuar unha nova convocatoria ou adxudicarlles provisionalmente ó licitador ou licitadores seguintes a aquel que incumpriu a obriga, pola orde en que quedasen clasificadas as súas ofertas, sempre que iso fose posible e que o novo adxudicatario prestase a súa conformidade, en cuxo caso se lle concederá a este un prazo de dez días hábiles para formalizar o sinalado no segundo parágrafo do apartado anterior. A garantía definitiva ingresarase exclusivamente na Caixa da Deputación. 8.- PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN.- 8.1. Lugar e prazo de presentación As proposicións presentaranse no Rexistro Xeral da Deputación, cun horario de 9.00 a 13.00 horas, de luns a sábado, ou na sede da Deputación en Vigo, de luns a venres, dentro dun prazo de vinte e seis días naturais, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos polos artigos 38.4º da Lei 30/92, de 26 de novembro, de réxime xurídico das administracións públicas e do procedemento administrativo común e 80 do R.d. 1098/2001 de 12 de outubro, polo que se aproba o regulamento xeral da Lei de contratos das administracións públicas, agás por correo electrónico. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986 804 126) ou telegrama, sempre no mesmo día. 8.2º. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Nome do licitador CIF Enderezo e teléfono de contacto Número de inscrición no rexistro de contratistas (se é o caso). Dependendo de cada sobre incluirase a seguinte documentación: Sobre “A”: documentación xeral, coa seguinte inscrición: Documentación xeral para o procedemento aberto para a contratación da obra (especificar o nome da obra). Este sobre conterá os seguintes documentos: 1. Os que acrediten a personalidade xurídica do empresario e, se é o caso, a súa representación. En caso de concorrer á licitación varias empresas constituíndo unha unión temporal cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, terá que ocupar a representación da unión temporal ante a Administración. 2.- Poder debidamente bastanteado. 3.- Certificado acreditativo de posuír a clasificación empresarial que se establece no anexo II. Se a empresa se encontrase pendente de clasificación deberá achegarse o documento acreditativo de ter presentado a correspondente solicitude para iso, debendo xustificar estar en disposición da clasificación esixida no prazo previsto nas normas de desenvolvemento desta Lei para emendar os defectos ou omisións na documentación. 4.- Unha declaración responsable de non estar incurso na prohibición de contratar. Esta declaración incluirá a manifestación de estar ó corrente do cumprimento das obrigas tributarias e coa Seguridade Social que impoñen as disposicións vixentes, sen prexuízo de que a xustificación acreditativa de tal requirimento deba presentala, antes da adxudicación definitiva, o empresario a cuxo favor se vaia efectuar esta. 5.- Acreditación da solvencia económica, técnica e financeira: a) As contas anuais presentadas no Rexistro Mercantil ou no Rexistro oficial que corresponda. Os empresarios non obrigados a presentar as contas en Rexistros oficiais poderán achegar, como medio alternativo de acreditación, os libros de contabilidade debidamente legalizados. b) Relación das obras executadas no curso dos cinco últimos anos, avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo; se é o caso, os devanditos certificados serán comunicados directamente ó órgano de contratación pola autoridade competente. c) Declaración indicando a maquinaria, material e equipo técnico do que se dispoñerá para a execución das obras, á que se achegará a documentación acreditativa pertinente. 6.- Dirección de correo electrónico ó que efectuar as comunicacións ou notificacións. Nota importante: o acreditamento das circunstancias que mencionan nos artigos anteriores poderase realizar mediante a certificación dun rexistro oficial de licitadores e empresas clasificadas, ou mediante un certificado comunitario de clasificación, deberá acompañarse á mesma unha declaración responsable do licitador na que manifeste que as circunstancias reflectidas no correspondente certificado non experimentaron variación. Esta manifestación deberá reiterarse, en caso de resultar adxudicatario, no documento en que se formalice o contrato, sen prexuízo de que o órgano de contratación poida, se o estima conveniente, efectuar unha consulta ó rexistro oficial de licitadores e empresas clasificadas. Sobre “B”: Documentación correspondente á valoración de criterios non avaliables mediante fórmulas, coa seguinte inscrición: Documentación Técnica para o procedemento aberto para a contratación da obra (especificar nome da obra). Presentarase pechado e contendo os seguintes documentos: 1.- Como primeiro documento presentarase unha relación numerada e foliada de todos os documentos, asinada e selado polo representante legal da empresa. 2.- Memoria construtiva e programa de traballo. 3.- Melloras ofertadas. 4.- Memoria de seguridade e saúde. 5.- Tecnoloxía e I+D+i e programa de actuacións medioambientais (se é o caso). Toda a documentación relativa a este sobre deberá presentarse en formato A4, e cun límite máximo de 100 follas. Sobre “C”: documento correspondente á valoración de criterios avaliables mediante fórmulas, coa seguinte inscrición: proposición económica para o procedemento aberto para a contratación da obra (especificar nome da obra). Presentarase pechado e contendo o seguinte documento: 1.- Modelo de proposición, seguindo o modelo determinado na última cláusula deste prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicado sobre o orzamento de execución material da obra, e determinado no apartado destinado para iso no modelo de proposición. A Deputación reservarase o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. 9.- MESA DE CONTRATACIÓN.- Estará integrada da seguinte maneira: PRESIDENTE: - O titular da corporación ou membro en quen delegue. VOGAIS: - O secretario xeral. - O interventor. - O director de Infraestruturas. SECRETARIO: - O técnico adxunto ó Servizo de Contratación. 10.- CUALIFICACIÓN DA DOCUMENTACIÓN XERAL E APERTURA DE PROPOSICIÓNS.- Unha vez finalizado o prazo de presentación de proposicións, constituirase a mesa de contratación e procederase á cualificación da documentación xeral achegada polos licitadores no Sobre “A”. No caso de que se precise o arranxo de erros ou omisións na documentación que establece a cláusula 8.2, a mesa de contratación concederá un prazo máximo de 3 días hábiles para corrixir estes defectos. Posteriormente, a mesa ás 10 horas do quinto día hábil seguinte ó día no que finalice o prazo sinalado para a presentación de plicas, en acto público, sinalará as que cualificasen como inadmitidas e admitidas, e procederá á apertura do Sobre “B” correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a Lei de contratos do sector público. Esta documentación trasladaráselles ós técnicos, os cales a avaliarán e a ponderarán segundo os criterios de valoración que estableza o prego. Unha vez avaliada esta documentación técnica, sinalarase no perfil do contratante da Deputación, a data e hora na que se procederá, en acto público, á apertura do Sobre “C” da documentación correspondente á valoración de criterios avaliables mediante fórmulas. Neste acto, darase a coñecer a ponderación asignada á proposta técnica de cada empresa e procederase á apertura dos Sobres “C” daquelas empresas que obtivesen unha valoración superior a 30 puntos sobre os criterios non avaliables mediante fórmulas. 11.- CRITERIOS DE ADXUDICACIÓN DO CONTRATO.- Para a valoración das proposicións e a determinación da oferta economicamente máis vantaxosa atenderase ós seguintes criterios directamente vinculados ó obxecto do contrato: 11.1.-Enumeración dos criterios non avaliables mediante fórmulas (Sobre B) Os criterios avaliables mediante xuízos de valor valoráranse cun máximo de 50 puntos, de conformidade cos seguintes criterios: - Memoria construtiva e programa de traballo, ata un máximo de 20 puntos. - Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/a redución do prazo de execución da obra, ata un máximo de 15 puntos. - Memoria de seguridade e saúde, ata un máximo de 5 puntos. - Tecnoloxía e I+D+i, ata un máximo de 5 puntos - Programa de actuacións medioambientais, ata un máximo de 5 puntos. Estes criterios ponderaranse da seguinte forma: 11.1.1) Memoria construtiva e programa de traballo, ata un máximo de 20 puntos Valorarase o coñecemento do proxecto e do terreo onde será executada a obra, debéndose explicar a metodoloxía a empregar na súa execución, así como das provisións a empregar, e dos medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. NOTA MOI IMPORTANTE: Na documentación que se presente no Sobre “B”, e en especial neste apartado, non poderase incluír ningún dato que permita intuír a proposta económica ofertada polo licitador. Toda referencia económica en relación co programa de traballo, e su execución por anualidades, no seu caso, presentarase única e exclusivamente no Sobre “C”. O incumprimento deste precepto levará a cabo a exclusión da oferta no proceso de licitación. 11.1.2.) Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/o redución do prazo de execución ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (16%), e na que se indiquen as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservándose o dereito de poder variar as mesmas en beneficio do interese público, e sempre sen que poida superar o valor económico das ofertadas. Poderase ofertar como melloras unha redución no prazo de execución da obra, debéndose xustificar adecuadamente as circunstancias ou solucións técnicas que permitan a mesma. Os técnicos, en base a documentación forzada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento. 11.1.3) Memoria de seguridade e saúde, ata un máximo de 5 puntos. 1. Definición da problemática principal en relación coa seguridade e saúde dos traballos. Describiranse as actividades de maior problemática na súa execución en relación coa seguridade e saúde, e definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e o sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real decreto 171/2004, en materia de Coordinación de Actividades Empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes, etc. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo II. R.d. 1627/97). Neste apartado desenvolverase, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias, así como que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003 de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e ferramentas auxiliares cumpren a normativa vixente en materia de seguridade e saúde, e máis e das revisións e mantementos de cada unha das máquinas xunto co protocolo de seguimento destas revisións e mantementos. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI´s. Presentarase a proposta de cómo realizar a formación dos traballadores en obra, así como de información dos riscos a que están sometidos nas mesma. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento, e sobre os riscos dos que o protexen, así como se terá que definir como se verificará a utilización dos mesmos por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias a utilizar na obra, determinando como se definirá a súa necesidade e como se verificará a súa correcta utilización, estado e reposición. 11.1.4) Tecnoloxía e I+D+i, ata un máximo de 5 puntos. Valorarase a calidade e idoneidade das tecnoloxías que o contratista propoña para a execución do contrato. Neste sentido valorarase en particular a utilización na obra de tecnoloxías o contratista desenvolva no marco de proxectos de I+D+I que supoñan unha mellora da calidade e valor técnico da obra, e cuxa xustificación poida ser debidamente documentada. Esta xustificación realizarase mediante a acreditación segundo a serie de normas UNE 16600. 11.1.5) Programa de actuacións medioambientais, ata un máximo de 5 puntos. Para este Programa valorásense as propostas de medidas de xestión medioambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión medio ambiental propostos. As medidas medioambientais valoraranse de acordo cos seguintes criterios: a) Se a execución da obra é realizada nun marco de xestión medioambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE (77/801-94 e 77/802-94). b) Se os materiais que utilizará o licitador proveñen dun proceso de reciclado ou reutilización en máis dun 50%, conforme a certificación emitida por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais que utilizará o licitador son reutilizables ou teñen un grao de reciclabilidade superior a un 50%, conforme a certificación emitido por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por vertidos, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. 11.2.- Enumeración dos criterios avaliables mediante fórmulas (Sobre “C”). Nota importante: Só se procederá á apertura e valoración das propostas do Sobre “C” daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: - Redución do prezo sobre o orzamento máximo do contrato, ata un máximo de 45 puntos. - Proxecto de control de calidade da obra que a empresa manterá durante a súa execución, ata un máximo de 5 puntos. 11.2.1) Redución do prezo sobre o orzamento máximo do contrato, ata un máximo de 45 puntos. Puntuándose en función da fórmula establecida no anexo I. 11.2.2) Proxecto de control de calidade da obra que a empresa manterá durante a súa execución, ata un máximo de 5 puntos. Especificarase a porcentaxe sobre o orzamento de execución material que asigne para tal efecto, así como a acreditación por parte da mesma da disposición dun certificado de calidade, reservándose para si a Deputación a aprobación do laboratorio homologado proposto. Puntuación: (Control ofertado x 5)/control máximo ofertado (de entre todas as empresas licitadoras). Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 12.- OFERTAS CON VALORES ANORMAIS OU DESPROPORCIONADOS.- Consideraranse ofertas con valores anormais ou desproporcionados aquelas cuxa porcentaxe de baixa exceda nas porcentaxes que se sinalan a continuación en función do número de empresas presentadas e admitidas ó procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á da outra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades a media aritmética das baixas porcentuais das baixas admitidas. Excluirase para o cómputo desta media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades a media das baixas porcentuais das ofertas admitidas. Non obstante, se entre elas existen baixas porcentuais inferiores en máis de 10 unidades a esta media, se calculará unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media se calculará sobre as tres ofertas de menor contía (maior baixa porcentual). • n = 1: Se b 1 > 25, entón a oferta 1 (única) é temeraria. • n = 2: Supoñemos que b 1 ≤ b 2 . Se b 2 > bm + 10 entón a oferta 2 é temeraria. Obsérvese que a condición b 2 > bm + 10 equivale a b 2 > b 1 + 20 porque bm = (b 1 + b 2 ). • n = 3: Supoñemos que b 1 ≤ b 2 ≤ b 3 . Sexa b * m definida como: b * m = (b 2 + b 3 ) se b 1 < bm - 10 bm en caso contrario Para i = 1,2,3, se b 1 >25 ou b 1 > b * m + 10 a oferta i é temeraria. • N ≥ 4: Supoñemos que b 1 ≤ b 2 ≤ …. ≤ bn . Se b 1 < bm – 10 sexa 1 ≤ l ≤ n tal que b 1 ≤ b 2 ≤ …. ≤ b 1 < bm – 10, bl+1 ≥ bm - 10 Definimos: b * m = ( bl+1 + ...+ bm ) se b 1 < bm – 10 e l ≤ n-3. ( bn-2 + bn-1 + bn ) se b 1 < bm - 10 e l > n-3, bm se b 1 ≥ bm - 10 Para i = 1,2,……,n, se b 1 > b * m + 10 a oferta i é temeraria. Cando a mesa de contratación considere que a proposición non se poderá cumprir como consecuencia das baixas anormais ou desproporcionadas, darase audiencia ó contratista, por un prazo máximo de cinco días hábiles, para que xustifique a valoración da oferta e precise as condicións da mesma, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación unha vez considerada a xustificación do licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde na que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13.- REQUIRIMENTO.- O órgano de contratación, unha vez avaliadas as propostas clasificaraas por orde decrecente, a cuxo efecto poderá solicitar cuantos informes técnicos estime pertinentes, e requirirá á empresa que presentase a oferta máis vantaxosa para que dentro do prazo de dez días hábiles, a contar dende o día que recibise a comunicación, presente a documentación xustificativa de estar ó corrente no cumprimento das súas obrigacións tributarias e coa Seguridade Social, e calquera outro documento acreditativo da súa aptitude para contratar ou da efectiva disposición dos medios que se comprometesen a dedicar ou adscribir á execución do contrato que lle reclame esta institución, así como constituír a garantía definitiva. 14. ADXUDICACIÓN.- O órgano de contratación adxudicará o contrato dentro do cinco días hábiles seguintes á recepción da documentación referida no artigo anterior, fixando os termos definitivos do contrato. De forma simultánea publicarase a adxudicación no perfil do contratante da Deputación de Pontevedra. 15. FORMALIZACIÓN CONTRATO.- A administración e o contratista deberán formalizar o contrato en documento administrativo dentro do prazo de quince días hábiles, a contar dende o día seguinte á notificación da adxudicación, constituíndo devandito documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado a administración poderá acordar a súa resolución. Non poderá iniciarse a execución do contrato sen a súa formalización previa. 16.-PERFIL DO CONTRATANTE.- Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos pola Lcsp. ou polas normas autonómicas de desenvolvemento ou nos que así se decida voluntariamente, a Deputación difundirá, a través de Internet (www.depo.es),o seu perfil de contratante. 17.- GASTOS A CARGO DO ADXUDICATARIO.- Serán a cargo do adxudicatario os gastos que xere o expediente, así como os de carteis de obra que lle serán facilitados pola Deputación e que serán colocados no lugar que lles indique a Dirección de Obra. Ademais os adxudicatarios estarán obrigados a colocar toda a sinalización necesaria que garanta a plena seguridade da obra, e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra obxecto do contrato e que ademais será responsable da súa seguridade sen cuxos requirimentos non se confeccionará a acta de comprobación do reconsidero. Así mesmo, os gastos do cartel da obra serán por conta do adxudicatario. 18.- RESPONSABLE DO CONTRATO.- A Deputación designará a un responsable do contrato, vinculado a esta institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que corresponden ó director facultativo das obras. 19.- EXECUCIÓN DAS OBRAS E RESPONSABILIDADE DO CONTRATISTA.- As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste desen ó contratista o director facultativo, e se é o caso, o responsable do contrato, nos ámbitos da súa respectiva competencia. (art. 213 Lcsp). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a administración poderá penalizar ó contratista ata un importe que non supere o 10% do orzamento do contrato (art. 196.1 Lcsp). Ó contratista indemnizará todos os danos e perdas que se causen a terceiros como consecuencia da realización das obras contratadas. (art. 198.1 Lcsp). 20.- CERTIFICACIÓNS.- A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. As certificacións de obra axustaranse ós modelos de certificación ordinaria e anticipada para obras da Deputación que foron aprobadas pola Resolución presidencial, de 13 de xullo de 2007, e que se encontran inseridos na páxina web www.depontevedra.es. O técnico director deberá practicar nas certificacións de obra as retencións correspondentes ás porcentaxes ofertadas polo adxudicatario en concepto de control de calidade, seguridade e saúde, taxa por dirección de obra…ect. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora, teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario, será necesario que a certificación recolla a retención correspondente ás penalidades. 21.- RECEPCIÓN E CERTIFICACIÓN FINAL DE OBRAS.- O contratista comunicará á dirección da obra a data prevista para a terminación ou execución do contrato, ós efectos de que se poida realizar a recepción. Á recepción concorrerán o responsable do contrato ou un facultativo designado pola Administración representante desta, o facultativo encargado da dirección das obras e o contratista asistido, se o estima oportuno, do seu facultativo. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase seguidamente á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses dende a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegaralle á acta de recepción un estado de dimensións e características da obra executada que defina con detalle as obras realizadas tal e como se encontran no momento da recepción, a efectos de inventario. 22.- XUSTIFICACIÓN DAS MELLORAS.- O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante informe ó que se acompañará unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (18%). 23.- LIQUIDACIÓN DA OBRA.- Transcorrido o prazo de garantía, se o informe do director da obra sobre o seu estado fose favorable, formularase no prazo dun mes a proposta de liquidación das realmente executadas, tomando como basee para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, en cuxo último caso, aboarase a cantidade endebedada ó contratista. 24.- GARANTÍA DA OBRA.- A obra terá un período de garantía dun ano dende o día seguinte á data de formalización da acta de recepción, neste tempo o contratista estará obrigado á súa conservación e policía, e á reparación dos estragos producidos pola defectuosa execución das mesmas. Se se producise un incumprimento das obrigas accesorias propias da garantía, non podendo resolverse o contrato, poderase incautar a garantía, e se non fose suficiente, poderase reclamar danos e perdas pola vía de prema. Dentro do prazo de quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este fóra favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó uso do construído, durante o prazo de garantía, o director da obra procederá a ditar as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade algunha por ampliación do prazo de garantía. 25.- DEVOLUCIÓN DA DOCUMENTACIÓN E DA GARANTÍA PROVISIONAL.- A documentación incluída no Sobre “A” dos licitadores que non resultasen adxudicatarios poderá ser retirada polos licitadores, previo aviso ó servizo de contratación, mediante escrito ordinario ou electrónico no email contratacion@depo.es, transcorridos tres meses contados dende o día seguinte á notificación do acordo de adxudicación ós licitadores, e durante o prazo de 30 días naturais, salvo que a administración considere oportuno retela no suposto que interpuxeran reclamacións ou recursos, ou exista algunha incidencia administrativa. Transcorridos os prazos anteriormente mencionados, esta administración disporá da documentación quedando exenta de toda responsabilidade. 26.-RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts. 206 e 220 da Lcsp. 27.- RÉXIME XURÍDICO.- En todo o non previsto expresamente no presente prego de condicións, se estará ó disposto, en canto á súa preparación, adxudicación, efectos e extinción, pola Lei 30/2007, de 30 de outubro, de Contratos do Sector Público e as súas disposicións de desenvolvemento; supletoriamente aplicaranse as restantes normas de dereito administrativo e, no seu defecto, as normas de dereito privado. 28.- XURISDICIÓN COMPETENTE.- As cuestións litixiosas que xurdan sobre interpretación, modificación, resolución e efectos do presente contrato, serán resolvidas polo órgano de contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a tenor do disposto na Lei Reguladora de dita Xurisdición. 29.- MODELO DE PROPOSICIÓN.- Don...................., maior de idade, veciño de....................., con domicilio en ............................titular do DNI.................., expedido en data.............., actuando en nome propio ou en representación da empresa ................... (CIF-núm. .......................) e con domicilio en ....................., teléfono.................... segundo acredito mediante poder debidamente bastanteado. Enterado do anuncio, para adxudicar mediante procedemento aberto o contrato correspondente á obra (especificar denominación da obra). Comprométese a executala polo prezo de _________________ (en letra e número) euros, máis __________ euros (en letra e número) correspondente ó IVE, con estrita suxeición ó proxecto aprobado e pregos de prescricións técnicas e condicións económico-administrativas, que acepta en todas as súas partes. • % do control de calidade ofertado: (Data e sinatura do propoñente)” ANEXO I ANEXO II “PREGO DE CONDICIÓNS PARTICULARES QUE REXIRÁ A CONTRATACIÓN MEDIANTE PROCEDEMENTO ABERTO DA OBRA “BEIRARRUAS E MELLORA DA RÚA DA CERCA (VILANOVA DE AROUSA)” A) PROCEDEMENTO DE CONTRATACIÓN: Aberto. Tramite ordinario. B) ORZAMENTO EXECUCIÓN CONTRATO: Tipo de licitación: 603.448,28 € IVE: 108.620,69 € Total: 712.068,97 € C) FINANCIAMENTO: ANUALIDADE APLICACION IMPORTE 2010 11/942.942-652.09.2009 502.173,91 € 2011 11/942.942-652.09 106.521,74 € 2012 12/942.942-652.09 91.304,35 € O incremento producido polo aumento do tipo impositivo do IVE, 12.068,97 € será financiado con cargo á baixa que se produza na adxudicación da obra. Caso de non producirse dita baixa será financiado con cargo ó orzamento da Deputación Provincial para 2011. D) PRAZO DE EXECUCIÓN DAS OBRAS: O prazo máximo para a execución da obra de referencia establécese en vinte e dous meses, e a data contará dende o día seguinte á sinatura da acta de comprobación do reformulo, salvo que exista razón fundada que impida o seu comezo. E) GARANTÍAS: Provisional: non se esixe Definitiva: 5% do prezo de adxudicación, excluído o Imposto sobre o Valor Engadido F) CLASIFICACIÓN: Grupo G, subgrupo 6, categoría d.” 6.18895.- ADXUDICACIÓN DA AMPLIACIÓN DE DOUS LOTES DA SUBMINISTRACIÓN DE MATERIAIS O Sr. Xefe Xeral do Parque de Maquinaria, mediante escrito de data 3 de xaneiro de 2011, propón que se autorice a ampliación de 2 lotes de subministración de materiais do procedemento aberto do ano 2010, adxudicados pola “Xunta de Goberno” nas sesións ordinarias que tiveron lugar os días 10 de marzo de 2010 (Adxudicación provisional) e 7 de abril de 2010 (Adxudicación definitiva). O motivo para ampliar os lotes débese a que non está adxudicado o procedemento aberto deste ano e o Centro Xestor do Parque de Maquinaria precisa con urxencia de emulsiones e áridos para facer fronte a unha serie de traballos de reparación de vías provinciais e municipais danadas polos temporais que estes días azoutan a provincia de Pontevedra. Resultando que nos pregos que rexeron este procedemento aberto, aprobados pola Xunta de Goberno na sesión ordinaria do día 9 de decembro de 2009, figuraba na cláusula I, que os lotes podían ser ampliados sempre que existise consignación no orzamento do exercicio de 2010 e informe favorable de Intervención, previa autorización do Órgano de Contratación, mantendo o prezo de adxudicación do procedemento aberto. Resultando que para facer fronte ó pagamento da ampliación dos 2 lotes da subministración de materiais do procedemento aberto convocado para o ano 2010, polo Servizo de Intervención con data 11/01/2011, foi expedido documento RC, número de operación 201100001937, certificando a existencia de saldo de crédito dispoñible por importe global de 140.257,50 €, para facer fronte ós gastos indicados, con cargo á vinculación xurídica das aplicacións orzamentarias 11/456.453.210.00; 11/456.453.210.01 e 11/456.454.210.02, do vixente Orzamento Provincial. Considerando que o artigo 272 da Lei 30/2007 de Contratos do Sector Público permite a ampliación dos lotes ó non modificar o prezo de adxudicación do contrato inicial e que a Xunta de Goberno, é o órgano competente para adxudicar a ampliación dos 2 lotes propostos polo Xefe do Parque de Maquinaria, ó ser o órgano que adxudicou o procedemento aberto de referencia. Visto o informe emitido polo Técnico Adxunto do Servizo de Contratación de data 11 de xaneiro de 2011, para a ampliación dos devanditos lotes ás mesmas empresas adxudicatarias do procedemento aberto do ano 2010, polos mesmos prezos unitarios ofertados, así como os informes do Secretario Xeral e o de fiscalización do expediente emitido por Intervención. A Xunta de Goberno acorda por unanimidade: -Aprobar a contratación da ampliación dos lotes de subministración de materiais que a continuación se relacionan, correspondentes ó procedemento aberto do ano 2010 e que foron adxudicados pola Xunta de Goberno nas sesións ordinarias celebradas os días 10 de marzo de 2010 (Adxudicación provisional) e 7 de abril de 2010 (Adxudicación definitiva), polas seguintes cantidades e ás empresas que se indican: SUBMINISTRACIÓN DE MATERIAIS Lote EMPRESA ADXUDICATARIA Tm Prezo Unitario IVE (18%) Prezo unitario IVE incluído TOTAL 53 PRODUCTOS BITUMINOSOS DE GALICIA , S.A. (A-32226037) Por subministración de emulsión ECR-2. 150 Tm 313,99 56,52 370,51 55.576,50 55 CONSTRUCCIÓNS, OBRAS E VIAIS, S.A. (COVSA). (A-36008886) Por subministración de emulsión ECM-especial. 150 Tm 349,14 62,85 411,99 61.798,50 Por subministración de árido 0/6 en betún quente. 750 Tm 25,86 4,65 30,51 22.882,50 TOTAL 140.257,50 -Así mesmo apróbase o gasto por importe global de 140.257,50 € para facer fronte a ditas adxudicacións, con cargo á vinculación xurídica das aplicacións orzamentarias 11/456.453.210.00; 11/456.453.210.01 e 11/456.454.210.02, do vixente Orzamento Provincial. -Ditas ampliacións efectúanse conforme ó previsto nos pregos que rexen neste procedemento aberto, aprobados pola Xunta de Goberno na sesión ordinaria do día 9 de decembro de 2009. -As empresas adxudicatarias deberán constituír as seguintes garantías definitivas: LOTE EMPRESA GARANTÍA DEFINITIVA 53 PRODUCTOS BITUMINOSOS DE GALICIA , S.A. (A-32226037) 2.354,93 € 55A CONSTRUCCIÓNS, OBRAS E VIAIS, S.A. (COVSA). (A-36008886) 2.618,55 € 55B CONSTRUCCIÓNS, OBRAS E VIAIS, S.A. (COVSA). (A-36008886) 969,75 € Estas garantías definitivas constituiranse polas empresas adxudicatarias no prazo de quince días contados dende a notificación do acordo de adxudicación e serán ingresadas na Tesourería desta Deputación. 7.18896.- ADXUDICACIÓN DA OBRA “REFORMA E ACONDICIONAMENTO DA SEDE DA SOCIEDADE CULTURAL DE CAMBADOS” Resultando que a Xunta de Goberno, en sesión celebrada o día 06/10/2010, prestou aprobación ó expediente de contratación para a adxudicación, mediante procedemento aberto, da obra “Reforma e acondicionamento da sede da Sociedade Cultural de Cambados”, con orzamento de 594.891,72 €, máis a cantidade de 107.080,51 € correspondentes ó IVE. Resultando que con data 19/11/2010, constitúese a Mesa de Contratación co obxecto de proceder ó estudo da documentación contida nos Sobres “A” achegada polos licitadores, excluíndose a oferta formulada por CONTRUCCIONES FERNANDEZ PIÑEIRO E HIJOS, S.L. por carecer da clasificación empresarial esixida, admitíndose as demais ofertas presentadas. Resultando que con data 22/11/2010, reúnese a Mesa de Contratación para proceder á apertura dos Sobres “B”, remitíndose ó Servizo de Arquitectura para a súa valoración. Resultando que polo Arquitecto Provincial emítese informe relativo ás empresas que obtiveron unha valoración superior a 30 puntos unha vez ponderados os criterios non avaliables mediante fórmulas contidos nos Sobres “B”. Resultando que a Mesa de Contratación, en sesión celebrada o día 29/11/2010, da a coñecer a ponderación asignada ás propostas técnicas, contidas nos Sobres “B”, procedendo a continuación á apertura dos Sobres “C” das empresas que obtiveron unha valoración superior a 30 puntos. Resultando que a Mesa de Contratación, á vista do informe emitido por Arquitecto Provincial, relativo á valoración da documentación contida nos Sobres “B”, e valorada a documentación contida nos Sobres “C”, eleva ó órgano de contratación proposta de adxudicación da obra a favor de ORECO, S.A., tendo en conta que obtivo a máxima puntuación, unha vez ponderada a documentación contida nos referidos sobres, de acordo cos criterios de adxudicación que figuran no prego de cláusulas administrativas que rexeu no procedemento aberto para a contratación da obra e que a continuación se detalla: LICITADOR PUNTUACION SOBRE “B” PUNTUACION SOBRE “C” PUNTUACION TOTAL ORECO, S.A. 35,33 47,550 82,880 COPCISA, S.A. 31,92 44,425 76,345 JESUS MARTINEZ ALVAREZ, S.A. 35,48 25,599 61,079 UTE AIN, S.L.-ATLANTICA DE CONSTRUCCION Y MEDIO AMBIENTE, S.L. 30,84 29,318 60,158 DICSA 33,99 15,734 49,724 CONSTRUCCIONES RAMIREZ, S.L.U. 30,05 10,673 40,723 Resultando que a empresa ORECO, S.A., atendendo ó requirimento formulado mediante acordo da Xunta de Goberno, adoptado en sesión de 15/12/2010, presentou a documentación xustificativa de atoparse ó corrente no cumprimento das súas obrigas tributarias e coa Seguridade Social, de dispor efectivamente dos medios que se comprometeu a dedicar ou adscribir á execución do contrato, e de ter constituído a garantía definitiva equivalente ó 5% do prezo do contrato excluído o IVE, segundo acredita mediante carta de pagamento nº 201000116676, de data 29/12/2010. A Xunta de Goberno acorda por unanimidade: 1.- Excluír a oferta formulada por Contrucciones Fernandez Piñeiro e Hijos, S.L. por carecer da clasificación empresarial esixida. 2.- Adxudicar a ORECO, S.A. a obra de “Reforma e acondicionamento da sede da Sociedade Cultural de Cambados”, na suma de 464.015,54 € máis 83.522,80 € correspondentes ó IVE, cun prazo de execución de catro meses e medio, melloras valoradas en 84.693,07 € e o 3,00 % do orzamento de execución material correspondente á adxudicación da obra para control de calidade. 8.18897.- ADXUDICACIÓN DA OBRA “PAVIMENTACIÓN DE VARIOS VIAIS EN NIGRÁN 2010” Resultando que a Xunta de Goberno, en sesión celebrada o día 29/09/2010, prestou aprobación ó expediente de contratación para a adxudicación, mediante procedemento aberto, da obra “Pavimentación de varios viais en Nigrán 2010”, con orzamento de 253.928,45 €, máis a cantidade de 45.707,12 € correspondentes ó IVE. Resultando que con data 19/11/2010, constitúese a Mesa de Contratación co obxecto de proceder ó estudo da documentación contida nos Sobres “A” achegada polos licitadores, admitíndose todas as ofertas presentadas. Resultando que con data 22/11/2010, reúnese a Mesa de Contratación para proceder á apertura dos Sobres “B”, remitíndose ó Servizo de Infraestruturas para a súa valoración. Resultando que polo Director de Infraestruturas en funcións emítese informe relativo ás empresas que obtiveron unha valoración superior a 30 puntos unha vez ponderados os criterios non avaliables mediante fórmulas contidos nos Sobres “B”. Resultando que a Mesa de Contratación, en sesión celebrada o día 29/11/2010, da a coñecer a ponderación asignada ás propostas técnicas, contidas nos Sobres “B”, procedendo a continuación á apertura dos Sobres “C” das empresas que obtiveron unha valoración superior a 30 puntos. Resultando que a Mesa de Contratación, á vista do informe emitido por Director de Infraestruturas en funcións, relativo á valoración da documentación contida nos Sobres “B”, e valorada a documentación contida nos Sobres “C”, eleva ó Órgano de Contratación proposta de adxudicación provisional da obra a favor de CONSTRUCCIONS, OBRAS E VIAIS, S.A., tendo en conta que obtivo a máxima puntuación, unha vez ponderada a documentación contida nos referidos sobres, de acordo cos criterios de adxudicación que figuran no prego de cláusulas administrativas que rexeu no procedemento aberto para a contratación da obra e que a continuación se detalla: LICITADOR PUNTUACION SOBRE “B” PUNTUACION SOBRE “C” PUNTUACION TOTAL CONSTRUCCIONS, OBRAS E VIAIS, S.A. 38,70 48,750 87,450 CONSTRUCCIONES TABOADA Y RAMOS, S.L. 39,50 45,678 85,178 CONSTRUCCIONES CRESPO, S.A. 34,01 41,563 75,573 HIDROSCIVIL, S.L. 35,37 29,706 65,076 HIDROMIÑO, S.L. 34,85 26,084 60,934 SERCOYSA PROYECTOS Y OBRAS, S.A. 30,66 26,994 57,654 CONSTRUCCIONES E.C. CASAS, S.L. 30,05 12,788 42,838 Resultando que a empresa CONSTRUCCIONS, OBRAS E VIAIS, S.A., atendendo ó requirimento formulado mediante acordo da Xunta de Goberno, adoptado en sesión de 01/12/2010, presentou a documentación xustificativa de atoparse ó corrente no cumprimento das súas obrigas tributarias e coa Seguridade Social, de dispor efectivamente dos medios que se comprometeu a dedicar ou adscribir á execución do contrato, e de ter constituído a garantía definitiva equivalente ó 5% do prezo do contrato excluído o IVE, segundo acredita mediante carta de pagamento nº 201000115412, de data 28/12/2010. A Xunta de Goberno acorda por unanimidade adxudicar a CONSTRUCCIONS, OBRAS E VIAIS, S.Á obra de “Pavimentación de varios viarios en Nigrán 2010”, na suma de 199.333,83 € máis 35.880,09 € correspondentes ó IVE, cun prazo de execución de mes e medio, melloras valoradas en 44.390,84 € e o 3,00 % do orzamento de execución material correspondente á adxudicación da obra para control de calidade. Así mesmo, desígnase para a Dirección de Obra a Interurban, S.A. Urbanismo e Ingenieria, consultora redactora do proxecto. 9.18898.- PRÓRROGA DA EXECUCIÓN DO CAMPO DE FÚTBOL DE PASARÓN A Consellería de Cultura e Deportes da Xunta de Galicia, a Deputación e o Concello de Pontevedra asinaron, con data 30 de decembro de 2005, un convenio de colaboración para a construción do novo Campo de Fútbol de Pasarón e o Complexo Deportivo de A Parda, A Xunta de Goberno desta Deputación Provincial, en sesión celebrada o día 13 de outubro de 2010 prestou aprobación a un proxecto complementario que recolle diversas obras que hai que levar a cabo e que non figuran no proxecto inicial nin no contrato primitivo, pero que resultan necesarias debido a circunstancias xurdidas e que polas súas características non poden separarse tecnicamente do contrato primitivo, e que ascenden á contía de 1.386.419,56 euros. A realización deste proxecto adxudicouse á empresa Oreco, S.A. O prazo previsto para a súa execución amplíase ata o día 15 de xaneiro de 2011. A empresa adxudicataria das obras, mediante escrito de data 11 do actual mes de xaneiro, solicita unha ampliación do prazo de execución de ditas obras de catro meses para a conclusión da urbanización do entorno exterior, de xeito que o período de execución se prolongue ata o 15 de maio de 2011. Esta petición a informa favorablemente os arquitectos directores da obra como consecuencia das inclemencias do tempo e ós axustes a realizar en determinadas unidades de obra para adaptalas ós criterios municipais. Á vista destes antecedentes e visto o informe do Servizo de Contratación Xunta de Goberno acorda por unanimidade autorizar a ampliación do prazo de execución das obras do Campo de Fútbol de Pasarón ata o día 15 de maio de 2011 coa finalidade de concluír os traballos de urbanización do entorno do estadio e o remate das outras obras. 10.18899.- MODIFICACIÓN DO CONTRATO CORRESPONDENTE Ó SERVIZO DE LIMPEZA DO PAZO PROVINCIAL DA ANTIGA SEDE DE EDUCACIÓN E DA FINCA AREEIRO A Xunta de Goberno da Deputación de Pontevedra, en sesión celebrada o día 10 de xuño de 2009, aprobou o expediente de contratación, mediante procedemento aberto, para contratar o Servizo de Limpeza do Pazo Provincial, da antiga Sede de Educación e da Finca Areeiro de Pontevedra, cuxo anuncio foi enviado para publicar no Suplemento do Diario Oficial da Unión Europea o día 10 de xuño de 2009, aparecendo publicado no devandito suplemento o día 12 de xuño de 2009 (Anuncio de licitación 2009/S 111-160271), e sendo publicado así mesmo no Boletín Oficial da Provincia de Pontevedra número 129 de data 8 de xullo de 2009 e no Boletín Oficial do Estado número 152 do 24 de xuño de 2009. Resultando que tras efectuar os trámites pertinentes a Xunta de Goberno, en sesión celebrada o día 23 de setembro de 2009, e de conformidade coa proposta da Mesa de Contratación adxudicou definitivamente á empresa, Claro Sol S.A., (C.I.F.- A-36.615.763), o contrato para a prestación do Servizo de Limpeza do Pazo Provincial, da antiga sede de Educación e da Finca Areeiro de Pontevedra, polo prezo global (2 anos) de 535.193,19 €, IVE incluído. Resultando que o Aparellador Provincial e Xefe de Mantemento do Pazo Provincial pon de manifesto a través de escrito de data 28 de decembro de 2010, que a funcionaria, Hermosinda Castro Branco, adscrita até a data ó Servizo de Arquitectura e que se encargaba da limpeza da zona de Presidencia, Secretaría, Vicepresidencia, Sala de Xuntas e Comisións, Sala de Prensa, e outras zonas do Pazo Provincial, vai ser adscrita ó Organismo Autónomo “Museo de Pontevedra”, a partir do día 1 de xaneiro de 2011, motivo polo cal propón que os traballos de limpeza destas dependencias sexan asumidas pola actual empresa adxudicataria do servizo de limpeza do Pazo Provincial. Resultando que o contrato coa empresa Claro Sol, S.A., como adxudicataria do Servizo de Limpeza do Pazo Provincial, da antiga Sede de Educación e da Finca Areeiro de Pontevedra formalizouse o día 30 de setembro de 2009, e no mesmo estableceuse unha duración de dous anos a contar dende o día 1 de outubro de 2009. Resultando que o custo deste servizo a maiores, a realizar cun operario cunha xornada de 30 horas semanais, cuantifícao o Xefe de Mantemento, en 2.151,49 €/mes, IVE incluído, dos cales 1.823,30 € corresponden ó prezo do contrato e 328,19 € ó IVE. Resultando que o Técnico Adxunto do Servizo de Contratación e a Secretaria Accidental, emiten ambos informes favorables sobre a modificación deste contrato. Resultando que o Interventor emite con data 11 de xaneiro de 2011 informe de fiscalización do expediente onde se deixa constancia de diversas observacións e recomendacións. Considerando que a Xunta de Goberno é o órgano de contratación que adxudicou este contrato e o que ten competencia para modificar o mesmo. A Xunta de Goberno acorda por unanimidade: 1. Modificar o contrato correspondente ó servizo de limpeza do Pazo Provincial, da antiga sede de Educación e da Finca Areeiro de Pontevedra, incrementando o importe mensual do mesmo, a partir do día 1 de xaneiro de 2011, en 2.151,49 €, IVE incluído (1.823,30 €, corresponden ó prezo do contrato e 328,19 € ó IVE). Unha vez incluídas estas modificacións o prezo mensual do contrato queda da seguinte forma: PREZO MENSUAL DO CONTRATO A) Prezo mensual 21.047,19 €. B) IVE (18%) 3.788,49 €. C) TOTAL (A+B) 24.835,68 € DESAGREGACIÓN (MENSUAL) IMPORTE SEN IVE IVE (18%) TOTAL Limpeza Pazo Provincial 10.856,57 € 1.954,18 € 12.810,75 € Limpeza antiga sede Educación 7.053,47 € 1.269,62 € 8.323,09 € Limpeza Finca Areeiro 3.137,15 € 564,69 € 3.701,84 € 2. Autorízase o gasto por importe global de 19.363,41 €, en concepto de incremento do contrato durante a vixencia do mesmo, con cargo á aplicación orzamentaria 11/920.920.227.00, do vixente orzamento provincial. 3. A empresa Claro Sol, S.A., como consecuencia da modificación do importe do contrato e en aplicación do artigo 87.3 da Lei 30/2007, de 30 de outubro, de Contratos do Sector Público, deberá constituír unha garantía complementaria por importe de 820,49 €, no prazo de quince días contados dende a notificación deste acordo. 11.18900.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as dez horas e corenta e cinco minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición