Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas do día vinte e sete de xullo do ano dous mil doce, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Crespo Iglesias, D. José Manuel Figueroa Vila, D. Jose Carlos López Campos, Dna. María Pilar Ramallo Vázquez, D. José Nelson Cándido Santos Argibay, D. Alberto Valverde Pérez e D. Jesús Vázquez Almuíña, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. Pablo Baquero Álvarez, D. José María Bello Maneiro, D. Arturo Grandal Vaqueiro, Dna. Marta Iglesias Bueno, D. Jose Alberto Pazos Couñago, D. Severino Reguera Varela. e Dna. Ana Isabel Vázquez Reboredo. Da fe do acto D. Carlos Cuadrado Romay, Secretario Xeral, e está presente o Sr. Interventor, D. Antonio Graña Gómez. Non asisten os deputados provinciais: D. Jorge Domínguez Rosal e Dna. Begoña Estévez Bernárdez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.20174.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 20 de xullo do ano 2012. 2.20175.- CONCESIÓN DE SUBVENCIÓN DO PROGRAMA DIÚRNO DE BALNEARIOS 2012 – TERCEIRO GRUPO A Deputación de Pontevedra promove para o ano 2012 o Programa Diúrno de Balnearios co obxectivo de mellorar a calidade de vida das persoas a partires de 50 anos, pensionistas ou con necesitadas dun respiro familiar, cunha dotación económica de 192.500,00 € e unha oferta de 5.500 prazas, mediante a cobertura dos desprazamentos ida e volta ós Balnearios, Thalasos ou Spas escollidos polos usuarios, en xornadas de tardes (de Luns a Venres); polo que remitido o Segundo grupo de solicitudes á Intervención para a súa fiscalización, e á Vista do informe emitido polo Sr. Interventor o 20 de xullo de 2012, a Xunta de Goberno acorda por unanimidade a concesión das subvencións do Programa Diúrno de Balnearios, Terceiro Grupo, polo importe de 385,00 €, con cargo á aplicación orzamentaria 12/230.230.227.07. PROGRAMA DIÚRNO DE BALNEARIOS ANO 2012 – PRAZAS NON SUBVECIONADAS POLO CONCELLO CONCELLO Nº PARTICIPANTES GASTO VILAGARCÍA 11 385 TOTAL 11 385 3.20176.- DAR CONTA DA ACTA DOS PREMIOS DE ARTES PLÁSTICAS “NOVOS VALORES – 2012” 1.- A Xunta de Goberno queda enterada da acta do Xurado seleccionador dos Premios Novos Valores 2012 de artes plásticas despois da reunión mantida o pasado 23 de xullo e que é do seguinte teor: “ACTA DO XURADO DOS PREMIOS NOVOS VALORES 2012 DE ARTES PLÁSTICAS Reunido o Xurado Seleccionador dos “Premios Novos Valores-2012”, no 6º Edificio do Museo Provincial de Pontevedra o día 23 de xullo de 2012 ás 09:00h e composto por: Presidenta: Dª. Ana Isabel Vázquez Reboredo, presidenta executiva do Museo de Pontevedra e presidenta da Comisión de Cultura. Vogais: D. Carlos Rosón Gasalla, presidente da Fundación RAC; D. Carlos García Suárez Otero, presidente da Fundación Laxeiro, D. Antón Castro Fernández, crítico de arte, D. Antón Pulido Novoa, artista; Dª Mercedes Costas Fernández, funcionaria, en representación do Servizo de Cultura, Secretario; D. Antonio Santos Guerra, xefe do Servizo de Cultura, escusa a súa asistencia D. Manuel Paz Mouta, escultor. Esta reunión ten por obxecto outorgar os Premios Novos Valores 2012 entre as obras seleccionadas o pasado día 16 de xullo. Tras un minucioso estudo e deliberación, o xurado acorda por unanimidade adxudicar os premios a: PRIMER PREMIO MODALIDADE AUDIOVISUAL.- Dotado coa cantidade de 4.000€ NºPLICA NOME DO AUTOR TÍTULO DA OBRA 001 Avelino David Fidalgo Omil Animación x animación SEGUNDO PREMIO MODALIDADE ESCULTURA.- Dotado coa cantidade de 3.000€ NºPLICA NOME DO AUTOR TÍTULO DA OBRA 007 Antía Cea García Memoria de un depósito TERCEIRO PREMIO MODALIDADE DEBUXO.- Dotado coa cantidade de 2.000€ NºPLICA NOME DO AUTOR TÍTULO DA OBRA 007 Marta López López Surrounded,2012 E non habendo máis asuntos que tratar e sendo as catorce horas e dez minutos do indicado día, dáse por concluída a reunión, do que eu, Secretario, dou fe.” 2.- Ditos premios achegaranse con cargo á aplicación 12/330.334.481.01 4.20177.- APROBACIÓN DO EXPEDIENTE PARA A CONTRATACIÓN MEDIANTE PROCEDEMENTO ABERTO DA XESTIÓN DO PROGRAMA “COÑECE A TÚA PROVINCIA 2012” Visto o escrito da Xefa do Servizo de Acción Social participando que a Deputación, coa finalidade de fomentar a convivencia e o asociacionismo, así como promover o enriquecemento cultural, pretende levar a cabo o programa “Coñece a túa provincia 2012”, consistente na realización de visitas guiadas a centros integrantes do patrimonio desta Deputación Provincial (Pazo Provincial, Finca Mouriscade, Museo Provincial, Pazo de Lourizán, Castelo de Soutomaior, etc..) así como a outros lugares de interese da nosa provincia. Visto o informe do Técnico Adxunto do Servizo de Contratación e o Informe emitido polo Sr. Secretario sobre o prego de cláusulas económico-administrativas particulares que ha de rexer na contratación, e visto así mesmo, o informe de fiscalización do expediente emitido por Intervención. Considerando o disposto nos artigos 34.1, f) e i) da Lei 7/85, de 2 de abril, 185 do Trlrfl., de 5 de marzo de 2004, 117 e concordantes do R.d. 2568/86, de 18 de novembro, e a base 16.2 de execución do orzamento, a Xunta de Goberno acorda por unanimidade: Aprobar o expediente de contratación para a adxudicación mediante procedemento aberto da xestión, organización e desenvolvemento do programa “Coñece a túa provincia 2012”. O prezo de licitación do programa estímase na cantidade de dezasete euros con oitenta céntimos (17,80 €), sen IVE por persoa máis a cantidade correspondente ó IVE por unha contía de 3,20 €, o que fai un importe total de 21,00 € por persoa participante. O número máximo de prazas ofertadas no programa é de 12.000, non obstante a Deputación non se compromete a contratar un número mínimo de prazas xa que dependerá do número de solicitudes presentadas. O financiamento deste programa realizarase da seguinte forma: A Deputación de Pontevedra achegará a cantidade de 11,00 € por cada persoa participante. As persoas beneficiarias aboarán unha cantidade máxima de 10,00 €. No caso de que a oferta por persoa da empresa adxudicataria sexa inferior á estimada tipo de licitación, reducirase a cantidade a achegar polo beneficiario do programa. Así mesmo a Xunta de Goberno acorda: -Autorizar o gasto por importe de 132.000,00 €, con cargo á aplicación orzamentaria 12/232.230.227.07 do vixente Orzamento Provincial. -Aprobar os pregos de cláusulas administrativas e de prescricións técnicas que rexerán como Lei fundamental. -Iniciar o procedemento de adxudicación para dita contratación, concedendo un prazo de quince días naturais para a presentación de proposicións, contados a partir do día seguinte á publicación do anuncio desta contratación no Boletín Oficial da Provincia. Dito prego é como segue: “PREGO DE CLÁUSULAS ECONÓMICAS-ADMINISTRATIVAS, QUE REXERÁ O PROCEDEMENTO ABERTO PARA A CONTRATACIÓN DA XESTIÓN, ORGANIZACIÓN E DESENVOLVEMENTO DO PROGRAMA “COÑECE A TÚA PROVINCIA 2012” 1.-OBXECTO.- A organización do programa “Coñece a túa provincia”, que se dirixe ás asociacións da provincia coa finalidade de fomentar a convivencia e o asociacionismo, así como o enriquecemento cultural das mesmas, a través da realización de visitas guiadas a centros integrantes do patrimonio desta Deputación Provincial (Pazo Provincial, Finca Mouriscade, Museo Provincial, Pazo de Lourizán, Castelo de Soutomaior, etc), así como a outros lugares de interese da nosa provincia (Carabela de Baiona, Adegas do Salnés, Fábrica do téxtil e de produtos de alimentación do Deza). A Deputación non se compromete a contratar un número mínimo de prazas, xa que dependerá do número de solicitudes presentadas ó programa, establecéndose en 12.000 o número máximo de prazas ofertadas 2.- FINANCIAMENTO.- O financiamento do programa realizarase do seguinte xeito: • A Deputación de Pontevedra achegará a cantidade de 11,54 € por cada persoa participante. • As persoas beneficiarias aboarán unha cantidade máxima de 10,00 €. A empresa adxudicataria asumirá a recadación das cantidades a aboar polas persoas participantes no Programa. No caso de que a oferta por programa/persoa presentada polo adxudicatario sexa menor á estimada no tipo de licitación, reducirase en dito importe a contía a achegar polo beneficiario do programa. A parte correspondente á Deputación de Pontevedra, cento trinta e oito mil catrocentos oitenta euros (138.480,00 €), será financiada con cargo á aplicación orzamentaria 12/232.230.227.07. 3.- PAGAMENTO.- O pago do prezo do contrato, efectuarase contra a presentación das correspondentes facturas, unha vez presentada a conformidade polo Servizo de Acción Social desta Deputación. A factura deberá recoller unha relación de todas as persoas beneficiarias do Programa. 4.-DATAS DE REALIZACIÓN DO PROGRAMA.- Durante o ano 2012. 5.- TIPO DE LICITACIÓN.- O orzamento que servirá de base de licitación fíxase na cantidade máxima de dezasete euros con oitenta céntimos, sen IVE (17,80 €). A cantidade correspondente ó IVE ascende á contía de 3,74 €, correspondente ó 21 % de IVE vixente a partir do 1 de setembro de 2012, o que fai un importe total de 21,54 €. 6.- PROCEDEMENTO DE ADXUDICACIÓN.- A adxudicación realizarase utilizando o procedemento aberto, que é o ordinario, tal e como o estipula o artigo 174 e) e 177.2 do Real decreto lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP). 7.-CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente solvencia económica, financeira ou técnica nos termos que dispoñen os artigos 75 e 78 do Trlcsp, e non se atopen incursas nalgunha das prohibicións que contempla o art. 60 de dita norma. A efectos da licitación, os empresarios que desexen concorrer integrados nunha unión temporal deberán indicar os nomes e circunstancias dos que a constitúan e a participación de cada un, así como que asumen o compromiso de constituírse formalmente en unión temporal en caso de resultar adxudicatarios do contrato. A duración das unións temporais de empresarios será coincidente coa do contrato ata a súa extinción. A Administración poderá contratar con unións temporais de empresas que se constitúan ó efecto (sen que sexa necesaria a formalización delas en escrituras públicas, ata que se teña formalizada a adxudicación); ditas empresas serán responsables solidarias ante a Administración debendo nomear ante ela un representante ou apoderado único da unión con poderes bastantes para exercitar os dereitos e cumprir as obrigacións que do contrato se deriven ata a extinción do mesmo, sen prexuízo da existencia de poderes mancomunados que poidan outorgar para cobros e pagos de contía significativa. Ditas empresas deberán ter por obxecto a realización de actividades que teñan relación directa co obxecto do contrato e dispoñer dunha organización dotada dos elementos persoais e materiais suficientes para a debida execución do contrato. 8.- GARANTÍA DEFINITIVA.- O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas no art. 96 do Trlcsp. A constitución da garantía definitiva deberá ser acreditada dentro dos dez días hábiles seguintes contados dende o seguinte ó requirimento á empresa coa oferta economicamente máis vantaxosa. En caso de incumprir este requisito a Administración poderá efectuar unha nova convocatoria ou adxudicar provisionalmente ó licitador ou licitadores seguintes a aquel que incumpriu a obrigación, pola orde en que queden clasificadas as súas ofertas, sempre que iso fose posible e que o novo adxudicatario prestase a súa conformidade, nese caso concederase a este un prazo de dez días hábiles para cumprimentar o sinalado no segundo parágrafo do apartado anterior. A garantía definitiva haberá de ser ingresada exclusivamente na Caixa da Deputación. 9.- PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN.- 9.1º.-Lugar e Prazo de Presentación.- As proposicións presentaranse no Rexistro Xeral da Deputación, de luns a sábado, ou na Sede da Deputación en Vigo, de luns a venres, dentro do prazo de quince días naturais a contar dende o día seguinte á publicación do anuncio no BOP. Se o último día de presentación de proposicións coincidise en domingo ou festivo, prorrogarase o prazo ata o primeiro día hábil seguinte. Tamén se poderán presentar por calquera dos procedementos establecidos polos artigos 38.4º da Lei 30/92, de 26 de novembro, de Réxime Xurídico das Administracións Públicas e do Procedemento Administrativo Común e 80 do R.d. 1098/2001, de 12 de outubro, polo que se aproba o Regulamento Xeral da Lei de Contratos das Administracións Públicas, agás por correo electrónico. Cando a documentación se envíe por calquera dos procedementos antes indicados, o empresario deberá xustificar a data e hora da imposición do envío e anunciar ó órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986804126) ou telegrama, sempre no mesmo día. 9.2º.-Formalidades.- Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Nome do Licitador. CIF. Dirección e teléfono de contacto. Número de inscrición no rexistro de contratistas (no seu caso). Dependendo de cada sobre incluirase a seguinte documentación: Sobre “A”: documentación xeral, coa seguinte inscrición: “Documentación xeral para a adxudicación mediante procedemento aberto da xestión, organización e desenvolvemento do programa “Coñece a túa provincia 2012”. Este sobre conterá os seguintes documentos: 1- A capacidade de obrar dos empresarios que foren persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose exixible conforme á lexislación mercantil que lle sexa aplicable. Se non o fose, a acreditación da capacidade de obrar realizarase mediante a escritura ou documento de constitución, estatutos ou acto fundacional, no que constaren as normas polas que se regula a súa actividade, inscritos, no seu caso, no correspondente Rexistro oficial. Cando se trate de empresarios non españois de Estados membros da Comunidade Europea, deberán acreditar a súa inscrición nos Rexistros ou a achega das certificacións descritas no artigo 9 do Real decreto 1098/2001, de 12 de outubro, polo que se aproba do Regulamento Xeral da Lei de Contratos das Administracións Públicas (Rxlcap). Os demais empresarios estranxeiros deberán acreditar a súa capacidade de obrar con informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación pola empresa, que figuran inscritas no rexistro local profesional, comercial ou análogo, ou na súa falta, que actúan con habitualidade no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real Decreto 1098/2001, de 12 de outubro, polo que se aproba do Regulamento Xeral da Lei de Contratos das Administracións Públicas (Rxlcap). Se é persoa física, o documento que acredite a súa personalidade (Documento Nacional de Identidade para españois; Pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador, deberá acompañarse o documento que acredite a personalidade deste representante (Documento Nacional de Identidade, para españois; Pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastante en Dereito ó seu favor, debidamente inscrito no Rexistro oficial correspondente que habilite para concorrer á celebración de contratos coas Administracións Públicas. En caso de concorrer á licitación varias empresas constituíndo unha unión temporal, cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ha de ostentar a representación da unión temporal ante a Administración. 2.- Poder debidamente bastanteado. 3.- Unha declaración responsable que inclúa a de non estar incurso nas prohibicións de contratar establecidas no artigo 60 do Trlcsp, así como de atoparse ó corrente do cumprimento das obrigacións tributarias e coa Seguridade Social impostas polas disposicións vixentes, sen prexuízo de que a xustificación acreditativa de tal requisito deba presentarse, antes da adxudicación definitiva, polo empresario a cuxo favor se vaia a efectuar esta. Dita declaración deberá efectuarse de conformidade co modelo de declaración que pode descargarse da páxina web da Deputación de Pontevedra (www.depontevedra.es) no área de descargas dentro de Formularios para trámites administrativos (Contratación) 4.-Para as empresas estranxeiras, declaración de someterse á xurisdición dos xulgados e tribunais españois, de calquera orde, para todas as incidencias que de modo directo ou indirecto puidesen xurdir do contrato, con renuncia, no seu caso, ó foro xurisdicional estranxeiro que puidese corresponder ó licitante. 5.- Documentación acreditativa da solvencia económica, financeira e técnica: a) Deberase acreditar unha cifra media de negocios dos traballos realizados pola empresa nos últimos tres anos, que acredite unha cantidade igual ou superior ó do obxecto do contrato. b) Unha relación dos principais servizos ou traballos realizados nos últimos tres anos que inclúa importe, datas e o destinatario, público ou privado, dos mesmos. Os servizos ou traballos efectuados acreditaranse mediante certificados expedidos ou visados polo órgano competente, cando o destinatario sexa unha entidade do sector público ou, cando o destinatario sexa un suxeito privado, mediante un certificado expedido por este ou, a falta deste certificado, mediante unha declaración do empresario. O importe total destes contratos xustificados deberán ser iguais ou superiores ó do obxecto do contrato. Sobre “B”: Documentación correspondente á valoración de criterios non avaliables mediante fórmulas, coa seguinte inscrición: “Documentación Técnica para a adxudicación mediante procedemento aberto da xestión, organización e desenvolvemento do programa “Coñece a túa provincia 2012”. Presentarase pechado e contendo os seguintes documentos: 1.-Como primeiro documento presentarase unha relación numerada e foliada de todos os documentos que se presenten, debendo estar debidamente asinado e selado polo representante legal da empresa. 2.-Contido do programa e visitas que se levarán a cabo. 3.-Medios humanos e características do persoal integrante da actividade. 4.-Medios adscritos ó programa. 5.-Proposta de xantar: menús, instalacións…etc. 6.-Memoria sobre a forma en que se levará a cabo a xestión do programa. 7.-Proposta de seguro. 8.-Melloras propostas ó programa: Entrega material serigrafiado, merendas, ou outras. Sobre “C”: Documento correspondente á valoración de criterios avaliables mediante fórmulas, coa seguinte inscrición: “Proposición económica para a adxudicación mediante procedemento aberto da xestión, organización e desenvolvemento do programa “Coñece a túa provincia 2012”. Nota importante: Só se procederá á apertura e valoración das propostas do Sobre “C” daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Presentarase pechado e contendo o seguinte documento: Modelo de proposición, seguindo o modelo determinado na última cláusula deste prego de condicións, debendo estar asinado e selado. 10.- MESA DE CONTRATACIÓN.- Estará composta por: PRESIDENTE: - O Presidente da Corporación Provincial, ou membro en quen delegue. VOGAIS: O Secretario Xeral da Corporación. O Interventor da Corporación. O Xefe do Servizo de Acción Social SECRETARIO: - O Técnico Adxunto do Servizo de Contratación Facenda e Patrimonio da Corporación. 11.-CUALIFICACIÓN DA DOCUMENTACIÓN XERAL E APERTURA DE PLICAS.- Unha vez finalizado o prazo de presentación de proposicións, constituirase a mesa de contratación e procederase á cualificación da documentación xeral achegada polos licitadores no Sobre “A”. No caso de que resulte preciso a corrección de erros ou omisións na documentación establecida na cláusula 9.2, a mesa de contratación concederá un prazo máximo de 3 días hábiles para corrixir estes defectos. Posteriormente, a mesa ás 10 horas do quinto día hábil seguinte ó día en que finalice o prazo sinalado para a presentación de plicas, en acto público, sinalará aquelas que sexan cualificadas como inadmitidas e admitidas, e procederá á apertura do sobre “B” correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, polo que se desenvolve parcialmente a Lei de contratos do sector público. Dita documentación será traslada ós técnicos que se consideren oportunos, os cales a avaliarán e ponderarán seguindo criterios de valoración establecidos no prego. Unha vez avaliada esta documentación técnica, sinalarase no perfil do contratante da Deputación, a data e hora na que se procederá, en acto público, á apertura do Sobre “C” da documentación correspondente á valoración de criterios avaliables mediante fórmulas. Neste acto, darase a coñecer a ponderación asignada á proposta técnica de cada empresa e procederase á apertura dos Sobres “C” daquelas empresas que obteñan unha valoración superior a 30 puntos sobre os criterios non avaliables mediante fórmulas. 12.-CRITERIOS DE ADXUDICACIÓN DO CONTRATO.- Para a valoración das proposicións e a determinación da oferta economicamente máis vantaxosa atenderase ós seguintes criterios directamente vinculados ó obxecto do contrato: 12.1.-Enumeración dos criterios non avaliables mediante fórmulas (Sobre “B”). Os criterios avaliables mediante xuízos de valor valoraranse cun máximo de 50 puntos, de conformidade cos seguintes criterios: 1.- Contido do programa e visitas que se levarán a cabo, ata un máximo de 20 puntos. 2.- Proposta de almorzo (menús, instalacións…etc), ata un máximo de 10 puntos. 3.- Medios adscritos ó programa, ata un máximo de 10 puntos. 4.- Proposta de xestión e coordinación do programa e proposta de seguro, ata un máximo 5 puntos. 5.- Melloras ofertadas, ata un máximo de 5 puntos. 12.2.-Enumeración dos criterios avaliables mediante fórmulas (Sobre “C”). Os criterios avaliables mediante fórmulas valoraranse cun máximo de 50 puntos, de conformidade cos seguintes criterios: Menor prezo ofertado, ata un máximo de 50 puntos. Valorarase de conformidade coa fórmula establecida no Anexo I. 13.- OFERTAS CON VALORES ANORMAIS OU DESPROPORCIONADOS.- Consideraranse ofertas con valores anormais ou desproporcionados aquelas cuxa porcentaxe de baixa exceda nas porcentaxes que se sinalan a continuación en función do número de empresas presentadas e admitidas ó procedemento: - Unha oferta: Será anormal se a súa baixa porcentual é superior ó 25% do prezo de licitación. - Dúas ofertas: Unha das ofertas será anormal si a súa baixa porcentual é superior á da outra en máis de 20 unidades. - Tres ofertas: Serán anormais aquelas que teñan baixas porcentuais superiores en máis de 10 unidades a media aritmética das baixas porcentuais das baixas admitidas. Con todo, excluirase para o cómputo de dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: Consideraranse temerarias aquelas ofertas con baixas porcentuais que sexan superiores en máis de 10 unidades a media das baixas porcentuais das ofertas admitidas. Non obstante, si entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, si o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: Se b1 > 25, entón a oferta 1 (única) é temeraria. • n = 2: Supoñemos que b1 ≤ b2. Se b2 > bm + 10 entonces a oferta 2 é temeraria. • Obsérvese que a condición b2 > bm + 10 equivale a b2 > b1 + 20 porque: bm = (b1 + b2). • n = 3: Supoñemos que b1 ≤ b2 ≤ b3. Sexa b*m definida como: b*m= (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > b*m + 10 a oferta i é temeraria. • N ≥ 4: Supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm - 10 Definimos: b*m= (bl+1 + ...+ bm) se b1 < bm – 10 e l ≤ n-3. (bn-2 + bn-1 + bn) se b1 < bm - 10 e l > n-3, bm se b1 ≥ bm - 10 Para i = 1,2,……,n, se b1 > b*m + 10 a oferta i é temeraria. Cando a mesa de contratación presuma fundadamente que a proposición non se poida cumprir como consecuencia das baixas anormais ou desproporcionadas, darase audiencia ó contratista, por un prazo máximo de cinco días hábiles, para que xustifique a valoración da oferta e precise as condicións da mesma, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia a realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que sexan clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 14.- REQUIRIMENTO.- O órgano de contratación, tras solicitar os informes técnicos que estime pertinente, avaliará as ofertas e en función dos criterios establecidos na base anterior, clasificaraas por orde decrecente, e requirirá á empresa que presente a oferta economicamente mais vantaxosa para que dentro do prazo de 10 días hábiles, a contar dende o día que recibise a comunicación, presente a documentación xustificativa de estar ó corrente no cumprimento das súas obrigacións tributarias e coa Seguridade Social, e calquera outro documento acreditativo da súa aptitude para contratar ou da efectiva disposición dos medios que se comprometese a dedicar ou adscribir á execución do contrato que lle reclame esta Institución, así como constituír a garantía definitiva. 15.- ADXUDICACIÓN.- O órgano de contratación adxudicará o contrato dentro dos cinco días hábiles seguintes á recepción da documentación referida no punto anterior, fixando os termos definitivos do contrato. De forma simultánea publicarase a adxudicación no perfil do contratante da Deputación de Pontevedra. 16.- MODIFICACIÓNS DO CONTRATO.- Unha vez perfeccionado o contrato, o órgano de contratación poderá introducir modificacións no mesmo por razóns de interese público e para atender causas imprevistas, xustificando debidamente a súa necesidade no expediente. Estas modificacións rexeranse polas mesmas condicións do contrato inicial. 17.- FORMALIZACIÓN DO CONTRATO.- A Administración e o contratista deberán formalizar o contrato en documento administrativo dentro do prazo de dez días hábiles, a contar dende o seguinte ó da notificación da adxudicación definitiva, constituíndo dito documento título suficiente para acceder a calquera Rexistro Público. Non obstante, o contratista poderá solicitar que o contrato se eleve a escritura pública, correndo do seu cargo os correspondentes gastos. Cando por causas imputables Ó contratista non se houbese formalizado o contrato dentro do prazo indicado, a Administración poderá acordar a resolución do mesmo. Non poderá iniciarse a execución do contrato sen a súa previa formalización. 18.-PERFIL DO CONTRATANTE.- Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos pola LCSP ou polas normas autonómicas de desenvolvemento ou nos que así se decida voluntariamente, a Deputación difundirá, a través de Internet (www.depontevedra.es), o seu perfil de contratante. 19.- DEVOLUCIÓN DA DOCUMENTACIÓN.- A documentación incluída no Sobre “A” de “Documentos” dos licitadores que non resulten adxudicatarios poderá ser retirada polos licitadores, previo aviso ó servizo de contratación, mediante escrito ordinario ou electrónico no e-mail contratacion@depo.es, transcorridos tres meses contados dende o día seguinte á notificación do acordo de adxudicación ós licitadores, e durante o prazo de 30 días naturais, salvo que a administración considere oportuno retela no suposto que interpuxeran reclamacións ou recursos, ou exista algunha incidencia administrativa. Transcorrido os prazos anteriormente mencionados, esta administración disporá da documentación quedando exenta de toda responsabilidade. 20.- GASTOS A CARGO DO ADXUDICATARIO.- Serán por conta do adxudicatario, os gastos de anuncios e calquera outros que xere o expediente. 21.-RESPONSABILIDADE DE DANOS Será de conta do contratista a responsabilidade derivada de todos os danos, prexuízos e accións de calquera natureza que sexan ocasionados a terceiras persoas pola súa persoa, a súa maquinaria, produtos ou como consecuencia dos traballos realizados ou por abandono, demora ou deficiente execución dos mesmos. Cando tales danos e prexuízos sexan ocasionados como consecuencia inmediata e directa dunha orde da Administración, será esta responsable dentro dos límites establecidos na Lei. Así mesmo, o contratista responderá civil, e, no seu caso, penalmente dos danos causados á Administración Contratante ou a terceiros como consecuencia dos vicios ocultos das tarefas de limpeza. 22.- RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts. 223 e 308 do Trlcsp. 23.- RÉXIME XURÍDICO.- En todo o non previsto expresamente no presente prego de condicións, estarase ó disposto, en canto á súa preparación, adxudicación, efectos e extinción, polo Trlcsp. e as súas disposicións de desenvolvemento; supletoriamente aplicaranse as restantes normas de dereito administrativo e, na súa falta, as normas de dereito privado. 24.-MODELO DE PROPOSICIÓN ECONOMICA Don........., maior de idade, veciño de.........., con domicilio en ........titular do DNI.........., expedido en data.........., actuando en nome propio ou en representación de ........con domicilio en ..........., teléfono........... segundo acredito mediante poder debidamente bastanteado. Decatado do anuncio para adxudicar mediante procedemento aberto o contrato correspondente á xestión, organización e desenvolvemento do programa “Coñece a túa provincia 2012” comprométese a realizalo con suxeición ó prego de condicións económico administrativas particulares e de prescricións técnicas, polo seguinte prezo por beneficiario: -Prezo sen IVE € -IVE € -Prezo total € Pontevedra, de 2012 ANEXO I Fórmula a aplicar na valoración da oferta económica. 5.20178.- APROBACIÓN DAS BASES PARA A CONCESIÓN DE AXUDAS PARA A DOTACIÓN DE VEHÍCULOS DE INSTITUCIÓNS E ENTIDADES SOCIAIS SEN ÁNIMO DE LUCRO CON FINS ASISTENCIAIS OU DEPORTIVOS A Deputación Provincial de Pontevedra e Automóviles Citröen España, S.A. subscribiron un Convenio de Colaboración coa finalidade de dotar de vehículos a Institucións e Entidades Sociais sen ánimo de lucro, con fins asistenciais ou deportivos. A inversión da Deputación non superará os cento oitenta mil euros (180.000,00 €). Tal e como se establece na cláusula cuarta do convenio, a Deputación, como Entidade promotora da iniciativa, levará a cabo o procedemento adecuado para a selección dos posibles beneficiarios, con quen subscribirá de forma individual o oportuno convenio. O Sr. Secretario informa favorablemente as bases para a concesión das axudas. Por Intervención emítese informe no que se participa que existe crédito suficiente nas aplicación 12/922.231.762.00, 12/922.231.789.02, 12/922.334.789.02 e 12/922.341.789.02 do vixente Orzamento Provincial. Por todo o exposto e vistos así mesmo os informes emitidos polo Sr. Secretario e Intervención, a Xunta de Goberno acorda por unanimidade: Aprobar as bases para a concesión de axudas para a dotación de vehículos a institucións e entidades sociais sen ánimo de lucro, con fins asistenciais ou deportivos. Ditas bases son do seguinte teor: “BASES PARA A CONCESIÓN DE AXUDAS PARA A DOTACIÓN DE VEHÍCULOS A INSTITUCIÓNS E ENTIDADES SOCIAIS SEN ÁNIMO DE LUCRO, CON FINS ASISTENCIAIS OU DEPORTIVOS. A Deputación Provincial de Pontevedra e Automóviles Citröen España, S.A. subscribiron un convenio de colaboración para a dotar de vehículos para o transporte de persoas a Institucións e Entidades Sociais sen ánimo de lucro, cons fins asistenciais ou deportivos. A Institución Provincial caracterizouse, dende a súa creación, polo apoio prestado a este tipo de asociacións. Pola súa banda Citröen España ten unha gran implantación na provincia de Pontevedra, estando introducida non só na súa vida económica senón tamén no seu entramado social. As Entidades asinantes conscientes de que as limitacións económicas que teñen este tipo de asociacións impiden, moitas veces, que poidan prestar os servizos que teñen encomendados dunha forma adecuada á realidade que os tempos actuais esixen. De aí que consideraran necesario aunar esforzos para paliar na medida do posible estas carencias e axudar a un maior número de beneficiarios, efectuando unha inversión que supera os 400.000,00 € tendo en conta a achega dos beneficiarios. Na cláusula cuarta do convenio subscrito establécese que a Deputación de Pontevedra, como Entidade promotora da iniciativa, levará a cabo o procedemento adecuado para a selección dos posibles beneficiarios con quen subscribirá de forma individual o oportuno convenio. Con fundamento en canto queda exposto, a concesión de axudas para a adquisición deste tipo de vehículos rexerase polas seguintes BASES 1-. OBXECTO. A presente convocatoria ten por obxecto a dotación de vehículos a Institucións e Entidades Sociais sen ánimo de lucro, cons fins asistenciais ou deportivos. 2.- FINANCIAMENTO.- O financiamento efectuarase do seguinte xeito: a) Citröen achegará un 38% do prezo do vehículo franco fábrica (anexo 1). b) Da cantidade restante a Deputación achegará o 60% restante do seu importe e o beneficiario o 40%. A achega da Deputación non superará a cantidade de 180.000,00 € que serán aboados con cargo as aplicacións 12/922.231.762.00, 12/922.231.789.02, 12/922.334.789.02 e 12/922.341.789.02 do vixente orzamento provincial. 3.- BENEFICIARIOS.- Poderán ser beneficiarios de este convenio as Institucións e Entidades Sociais sen ánimo de lucro, con fins asistenciais ou deportivos. Deberán desenvolver as súas actividades no ámbito territorial da provincia de Pontevedra e non estar incursas en ningún dos supostos de incapacidade ou incompatibilidade para percibir axudas ou subvencións públicas. 4.- SOLICITUDES E DOCUMENTACIÓN.- As solicitudes formalizaranse nos modelos normalizados que se facilitarán no Rexistro xeral da Deputación ou na páxina web da: www.depontevedra.es, achegando ademais a seguinte documentación: - Fotocopia cotexada da tarxeta de identificación fiscal da Entidade. - Fotocopia cotexada do DNI do representante legal. - Declaración na que conste se se solicitaron outras subvencións, axudas, ingresos ou recursos que financien a actividade ou o investimento para subvencionar. - Declaración de que a Entidade non está incursa en causas de incapacidade ou incompatibilidade para percibir axudas ou subvencións públicas e de aceptar as bases da convocatoria. - Declaración responsable de estar ó corrente coas obrigas tributarias e coa Seguridade Social. - Certificación orixinal dos datos bancarios ou ben copia cotexada a nome da Entidade peticionaria. - Memoria explicativa que xustifique a necesidade da adquisición do vehículo, número de posibles usuarios, urxencia da súa adquisición, servizo que prestan, tenencia ou non de vehículos similares e antigüidade dos mesmos, ámbito de actuación, etc… - Modelo, gama e prezo do vehículo equipado. De haber solicitado axuda na anterior convocatoria acompañarán fotocopia da petición efectuada. 5.- LUGAR E PRAZO DE PRESENTACIÓN.- Os interesados deberán presentar solicitude no Rexistro Xeral da Deputación de Pontevedra ou na forma prevista no art. 38.4 da Lei 30/92, de 26 de novembro, de Réxime Xurídico das Administracións Públicas e do Procedemento Administrativo Común, no prazo dun mes contado a partir do día seguinte da publicación destas bases no Boletín Oficial da Provincia, con arranxo ó modelo do Anexo 2. 6.- SELECCIÓN E CONCESIÓN.- A concesión das axudas realizarase en réxime de concorrencia competitiva, tendo en conta para a adxudicación das mesmas os seguintes criterios: a). Terán prioridade aquelas peticións que non puideron ser atendidas na anterior convocatoria efectuada pola Deputación para este tipo de axudas. O baremo de selección será o seguinte: 1.- Entidade beneficiaria e carácter do servizo que prestan, ata 15 puntos. 2.- Urxencia na súa adquisición, ata 15 puntos. 3.- Número de posibles usuarios do vehículo, ata 10 puntos. 4.- Tenencia ou non de vehículos similares e antigüidade dos mesmos, ata 10 puntos. 5.- Ámbito de actuación, ata 10 puntos. b) En caso de que houbera crédito dispoñible para atender as peticións de novas entidades, a selección das mesmas rexerase polo mesmo baremo. Para a valoración das peticións constituirase unha Comisión que estará integrada polos seguintes membros: Presidente - O titular da Corporación ou Vicepresidente en quen delegue. Vogais: - A Presidenta da Comisión Informativa de Benestar Social e Muller. - A Presidenta da Comisión Informativa de Deportes e Xuventude. - A Presidenta da Comisión Informativa de Cultura. Secretario: - O titular da Corporación ou Técnico en quen delegue. A comisión, á vista do número de peticións que se formulen, poderá efectuar unha distribución do número de vehículos a asignar a cada un dos posibles grupos de beneficiarios (Institucións e Entidades Sociais sen ánimo de lucro, cons fins asistenciais ou deportivos). Así mesmo, poderá recabar cantos informes estime necesarios para resolver. As propostas de concesión de subvencións serán aprobadas pola Xunta de Goberno da Deputación Provincial. O acordo de resolución do procedemento será notificado ós interesados, conforme ó previsto no artigo 58 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común. A Deputación subscribirá con cada un dos beneficiarios un convenio. 7.- XUSTIFICACIÓN E ABOAMENTO DAS SUBVENCIÓNS.- 1) Os que resulten beneficiarios deste convenio, deberán formalizar, no concesionario que consideren oportuno, a solicitude de petición do vehículo correspondente, a tal efecto acompañarán o acordo de concesión da axuda. 2) Achegarán o 40% do custo do vehículo franco fábrica coas opcións que elixan, debendo ingresar o importe correspondente en arcas provinciais para que esta poda facer fronte o pago do mesmo ó Concesionario. O prazo máximo para facer o ingreso será de dous meses contados a partir da data de formalización do convenio. 3) Os gastos de matriculación serán aboados directamente polos beneficiarios ó Concesionario, así como os correspondentes as adaptacións do vehículo que consideren necesarias realizar para o cumprimento das súas funcións. 4) O vehículo será matriculado a nome da asociación beneficiaria. 8- APROBACIÓN DAS BASES.- De acordo co establecido na base 16.2 das de execución do orzamento para 2012 e dando cumprimento ó establecido no artigo 18 da Lei Xeral de Subvencións, o órgano competente para a aprobación destas bases é a Xunta de Goberno. 9.- RECLAMACIÓNS.- Contra estas bases e as resolución administrativas que se adopten na súa execución, poderá interpoñerse potestativamente recurso de reposición perante o órgano que a ditou, no prazo dun mes. Entenderase desestimado se transcorre outro sen contestar; neste caso poderá interpoñerse recurso contencioso-administrativo perante o Xulgado do Contencioso Administrativo como se prevé no artigo 8 da Lei 29/1998, de 13 de xullo, da Xurisdición Contencioso-administrativa (tras modificación dada pola Lei 19/2003, de 23 de decembro) no prazo de dous meses. Asemade, contra a presente resolución tamén poderá interpoñerse directamente dito recurso contencioso-administrativo no indicado prazo. En todos os casos os prazos contaranse a partir do día seguinte á recepción da correspondente notificación ou da data na que o recurso de reposición se entende desestimado. 10.- DEREITO SUPLETORIO.- Para o non disposto nas presentes bases contemplarase o establecido nas bases de execución do orzamento xeral da Deputación de Pontevedra para o exercicio 2012 e na Lei 38/2003, de 17 de novembro, Xeral de Subvencións e demais lexislación de desenvolvemento.” 6.20179.- APROBACIÓN DO PROXECTO BÁSICO E DE EXECUCIÓN DO CAMPO MUNICIPAL DE FUTBOL DE “A ESTRADA” E EDIFICACIÓN ANEXA Entre as diferentes competencias que as Deputacións teñen encomendadas polas Leis estatais e autonómicas encóntrase a cooperación no fomento do desenvolvemento económico-social e en xeral a administración dos intereses peculiares da provincia, así se recolle no artigo 36 da Lei 7/1985, de 2 de abril, reguladora das bases do réxime local. Como consecuencia da actual situación de crise económica e co fin de impulsar medidas que a atenúen o l Pleno da Corporación provincial, na súa sesión ordinaria do día 31 de xullo de 2009, acordou aprobar unha bases reguladoras para un Proxecto de Investimentos da Deputación de Pontevedra para o período 2009-2011. Por medio deste proxecto apróbase o investimento dunha cantidade de 70.000.000,00€, que ten por obxecto aumentar o investimento público nos concellos da provincia de Pontevedra cunha poboación de 1.000 a 50.000 habitantes, por medio de concesión directa nos de poboación inferior a 1.000 e nas demais entidades locais da provincia, e así tentar dinamizar a curto prazo a actividade económica incidindo directamente na creación de emprego. A Xunta de Goberno desta Deputación provincial, en sesión celebrada o día 27 do pasado mes de abril, acordou conceder unha subvención ó Concello de “A Estrada” para a realización do proxecto do campo de fútbol municipal de “A Estrada”, por un importe de 1.233.533,66 euros, aprobándose, así mesmo, o correspondente convenio de colaboración, que foi formalizado con data 30 de maio de 2012. De conformidade co previsto na cláusula segunda, a Deputación procedeu ó encargo da redacción do proxecto, por Resolución da Presidencia de data 2 de xullo de 2012, á empresa Basamento Arquitectura e Ingeniería, S.L.P. O Servizo de Infraestruturas informa que o proxecto cumpre e contén os documentos esixidos polo artigo 123 do R.d.l. 3/2011 de 14 de novembro que aproba a Lei de contratos do sector público, mentres que o Servizo de Intervención participa que existe crédito adecuado e suficiente para facer fronte ó gasto. Polo Servizo de Intervención infórmase que nas aplicación orzamentarias 12/942.942.652.45.2009 e 12/942.942.652.45.2010 existe crédito suficiente para facer fronte o gasto que corresponde financiar á Deputación, a cuxo efecto se emitiron os correspondentes documentos RC, por importe 991.797,66 €. O concello de “A Estrada” correspóndelle achegar a cantidade total de 241.735,94€. Considerando que a disposición adicional segunda da referenciada RDLey 3/2011 TRLCSP, no seu apartado 1, faculta o Ilustrísimo Sr. Presidente para actuar como órgano de contratación con competencia respecto a este contrato de obra, e tendo en conta o disposto no artigo 185 do Real decreto lexislativo 2/2004, do 5 de marzo, polo que se aproba o Texto refundido da Lei reguladora das facendas locais e o establecido nas bases de execución do presuposto, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación de obras que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o proxecto: Campo de fútbol e edificación anexa no concello de “A Estrada”, co seguinte detalle: Redactor Basamento Arquitectura e Ingeniería, sl.p Importe de execución sen IVE 1.045.367,51€ IVE (18%) 188.166,15 € Total 1.233.533,66 € Prazo de execución 6 meses 7.20180.- RECLAMACIÓN QUE FORMULA D. MANUEL REQUEIJO MATO, EN NOME E REPRESENTACIÓN DE TECORSA SANTIAGO, S.L., SOBRE PRESUNTOS DANOS EN DERIVADOS DAS OBRA DE MELLORA DO TRAZADO E CAPA DE RODAXE NA ESTRADA PROVINCIAL SANXENXO-BORDÓNS-SAMIEIRA Dada conta que con data 19 de abril de 2012 o Servizo de Infraestruturas remite á Asesoría Xurídica desta Deputación expediente relativo a reclamación formulada por D.Manuel Requeijo Mato, en nome e representación de TECORSA SANTIAGO, S.L., sobre presuntos danos derivados das obras de mellora do trazado e capa de rodaxe na estrada provincial, consistentes, segundo alega, na modificación da rasante da estrada, o que se traduciu na inhabilitación de acceso a dúas vivendas unifamiliares propiedade da citada mercantil, solicitando a adopción de medidas que permitan a entrada e saída de persoas e vehículos con normalidade. Resultando que con data 30 de abril de 2012 por parte da Asesoría Xurídica remítese comunicación a D. Manuel Requeijo Mato, co obxecto de que mediante comparecencia ou por escrito manifestara se a súa pretensión é a de continuar o trámite procedimental pertinente ou ben a de obter a certificación de non resolución, solicitada o 9 de novembro de 2011. Resultando que con idéntica data diríxense ambos escritos á Sra. Alcaldesa-Presidenta do Concello de Sanxenxo e á empresa COVSA, S.A., solicitándolles a emisións dos oportunos informes respecto da reclamación plantexada, así como ó Servizo de Infraestruturas desta Deputación, con idéntica finalidade. Resultando que con data 2 de maio de 2012 emite informe o Servizo de Infraestruturas co seguinte contido literal: “Vista a solicitude de informe efectuada o día 30 de abril de 2012 polo Xefe de Servizo da Asesoría Xurídica, en relación a reclamación formulada por D. Manuel Requeijo Mato, en nome e representación da mercantil TECORSA SANTIAGO, S.L., por presuntos danos provocados polas obras derivadas do proxecto “Mellora do trazado e capa de rodaxe na E.P. 9201 Sanxenxo-Bordons-Estrada Samiera”, promovido pola Deputación Provincial de Pontevedra e o Concello de Sanxenxo, pola presente e de acordo co disposto mp artigo 83 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, ratifico en todos os seus extremos o contido do informe emitido ó respecto o pasado día 21 de decembro de 2011”. Resultando que o informe a que se refire dito Servizo, de 21 de decembro de 2011, e que figura entre a documentación remitida á Asesoría Xurídica, ten o seguinte contido literal: “En maio de 2006 a mercantil Tecorsa obtivo as autorizacións sectoriais de estradas para a construción dun peche e dúas viventas unifamiliares na zona de influencia do vial provincial E.P.9201 Sanxenxo-Bordons-Estrada Samieira. No que se refire ó peche éste debería situarse a un mínimo de 6,30 metros medidos dende o eixe do vial mentres que as vivendas construiríanse a sete metros da aresta exterior da explanación, todo iso de acordo co disposto nos artigos 32,35 e 39 da Lei 4/1994, de 14 de setembro, de Estradas de Galicia. O 30 de xuño de 2006 a citada mercantil obtén licenza municipal para levar a cabo dúas vivendas unifamiliares e á que se incorporan as autorizacións da Deputación Provincial de Pontevedra; nesa licenza establecense, entre outras cuestións, que previamente ó inicio das obras se solicitará ó Concello a acta de replanteo, fixando como retranqueo mínimo ó eixe do vial o establecido na autorización da Administración Provincial; tamén se indica que deberá achegarse acta de cesión gratuíta ó Concello dos terreos necesarios para a regularización do vial, sendo a superficie cedida de 29,19 m2 e 32,30 m2 por cada vivenda. Segundo a documentación aportada polo interesado, o 21 de novembro de 2008 solicítase licenza de primeira ocupación que é concedida polo Concello de Sanxenxo o 6 de agosto de 2010. Na mesma incorpóranse os informes do arquitecto e delineante municipal así como da Asesoría Xurídica que sinalan, entre outros aspectos, que “as obras de urbanización dos terreos afectados polas aliñacións encontranse dentro dun plna de mellora da Deputación Provincial de Pontevedra …” e que “… os terrenos obxecto de cesión quedan incluídos no proxecto de urbanización e mellora da citada estrada ….”. É por iso que á jora de fixar as rasantes do peche da parcela en cuestión era a empresa Tecorsa a que tería que adecuarse á actuación que estaba a levar a cabo a Deputación de Pontevedra na estrada e non á inversa. Neste sentido é preciso lembrar que as obras na estrada comenzaron no ano 2007 mentres que a licenza de primeira ocupación obtida por Tecorsa é do 6 de agosto de 2010, existindo por tanto un tempo máis que suficiente para que a citada mercantil tivese coordinado as obras a realizar na súa propiedade cos traballos a desenvolver pola Deputación de Pontevedra, que, en calquera caso, non variaron a rasante da estrada. Para rematar sinalar que o terreo cedido ata os 6,30 metros do eixe da estrada ten a función de regularizar o vial, sendo obriga da mercantil Tecorsa adecuar a entrada da súa propiedade á cota da estrada; ademais, no caso de urbanizar ese tramo de vial, habería que contar a maiores cos 17 centímetros de altura da nova beirarrúa”. Resultando que con data 9 de maio de 2012 ten entrada no Rexistro Xeral comunicación da Concellería de Infraestruturas e Obras do Concello de Sanxenxo, en contestación á petición de informe, manifestando o seguinte: “01. Que no exercicio 2007 o Concello de Sanxenxo e a Deputación Provincial de Pontevedra asinaron un Convenio de Colaboración para levar a efecto as obras de mellora da Est5rada Dorrón-Bordóns-Nanín, e a urbanización da Rúa Sanxenxo. 02. En dito Convenio véuse a concretar, entre outros pormenores, as cargas económicas que haberían de ser asumidas por cada unha das Administracións asinantes en relación ás obras pretendidas, e se atribuíu expresa e exclusivamente á Deputación Provincial de Pontevedra, a licitación, dirección, execución e recepción das obras de referencia. 03. Así pois, consonte ó que fora acordado, a dirección e execución desas obras da Estrada “E.P. 9201 Sanxenxo-Bordóns-Estrada Samieira” foron realizadas polo ente provincial. 04. Por conseguinte, os hipotéticos danos que se terían producido coa execución de tales actuacións, en caso de terse producido, haberán de ser da exclusiva responsabilidade da Deputación de Pontevedra”.--------------- Resultando que con data 10 de maio de 2012 recíbese instancia do reclamante, solicitando o impulso do procedemento, en contestación ó escrito da Asesoría Xurídica de 30 de abril anterior. Resultando con data 15 de maio de 2012 remite escrito a mercantil COVSA, co seguinte contido literal: “Recibido escrito sobre reclamación de TECORSA SANTIAGO, S.L., queremos señalar lo siguiente: • Nosotros somos adjudicatarios de las obras MEJORA TRAZADO Y CAPA DE RODADURA E.P.9201 SANXENXO-BORDÓNS, con fecha 24/10/07 por parte de la Diputación de Pontevedra. • La rasante de la carretera no se ha variado con la ejecución de las obras, por lo que TECORSA, para efectuar las rasantes del cierre de la parcela, debe adecuarse a la rasante existente, que es la misma que al inicio de las obras, por lo que no es comprensible que no fijase la entrada de su propiedad a la cota de la carretera y por lo tanto es exclusivamente de su responsabilidad”.---------------------------------------------------- Resultando que como continuación do solicitado ó Concello de Sanxenxo e á vista do contestado por aquel, con data 15 de maio de 2012 remítese novo escrito pola Asesoría Xurídica requeríndolle a ampliación do informe, respecto do seguinte extremo: -Se na licenza municipal de primeira ocupación de 6/08/2010 sinalábase que as obras de urbanización dos terreos afectados por aliñacións atópanse dentro dun plan de mellora da Deputación Provincial de Pontevedra e que os terreos obxecto de cesión quedan incluídos no proxecto de urbanización e mellora da estrada, e que o promotor, á hora de fixar as rasantes do peche da parcela ten o deber de adecuarse á actuación que estaba a levar a cabo a Deputación de Pontevedra na mesma, e non á inversa. Resultando que con data 1 de xuño de 2012 a Asesoría Xurídica dirixe comunicación ó reclamante informandolle do estado de tramitación do procedemento. Resultando que con data 11 de xuño seguinte ten entrada no Rexistro Xeral comunicación do Concello de Sanxenxo, co seguinte contido literal: “En contestación ó Oficio asinado en data 15 de maio de 2012 polo Sr. Xefe de Servizo da Asesoría Xurídica da Deputación Provincial de Pontevedra, xunto se achega o Informe do Sr. Xerente de Urbanismo deste Concello de 7 de xuño de 2012”. Reproducción literal do precitado informe da Xerencia de Urbanismo: “Á vista do Oficio asinado en data 15 de maio polo Sr. Xefe de Servizo da Asesoría Xurídica da Deputación Provincial de Pontevedra, recibido no Concello en data 21 de maio de 2012 e revisado o expediente nº 114/06 de Licenza de Obras de construcción de dúas vivendas unifamiliares en Chandevila-Bordóns-Sanxenxo, cómpre INFORMA-LO seguinte: 01. Que na Llicenza de Primeira Ocupación das edificacións referidas con anteriorida concedida a Tecorsa Santiago, S.L. a medio de Resolución da Presidencia da Xerencia Municipal de Urbanismo de 6 de agosto de 2010, reproducíuse o Informe asinado polo Sr. Arquitecto Técnico Municipal en data 16 de xuño de 2010, en cuxo parágrafo segundo, afirmaba literalmente que “o vial ó que da frente a parcela E:P. 9201 e polo tanto os terreos obxecto de cesión quedan incluídos no proxecto de urbanización e mellora da citada estrada, o cal estase levando a cabo por parte da Deputación Provincial”. 02. Doutra banda, sinalar que obran unidas ó expediente muncipal, sendas auorizacións de peche de parcela e de liña de edificación, concedidas respectivamente, por Resolución do Presidente da Deputación Provincial de Pontevedra, de 8 de maio e de 25 de abril de 2006. Tales autorizaciones foron tidas en conta na Licenza de Obras que fora concedida na conta na Licenza de obras que fora concedida a Tecorsa Santiago, S.L., en Resolución da Presidencia da Xerencia Municipal de Urbanismo deste Concello ditada o 30 de xuño de 2006”.---------- Resultando que con data 13 de xuño de 2012 diríxeselle escrito a D. Manuel Requeijo Mato abríndolle prazo de 15 días para audiencia e vista no expediente, como paso previo á adopción de acordo sobre a reclamación presentada. Resultando que con data 4 de xullo de 2012 presenta instancia no Rexistro Xeral D.Manuel Requeijo Mato, manifestando que en cumprimento do trámite aberto de audiencia e vista no expediente propón o recibimento a proba mediante a proba documental do expediente, acompañando copias de diversos escritos que xa constan no mesmo, finalizando coa solicitude de ter evacuado o trámite conferido e que se ordene o impulso procedimental do expediente. Considerando que dos precitados informes dedúcese sen dúbida ningunha que esta Deputación non ten responsabilidade nos prexuízos que relata a reclamante no seu escrito, presentado inicialmente no Concello de Sanxenxo, senón, pola contra, as dificultades que plantexa de acceso ás dúas vivendas unifamiliares teñen orixe na súa propia actuación, por non fixar a entrada das propiedades á cota da estrada, sendo da súa exclusiva responsabilidade as solucións de acceso ás mesmas. Considerando que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. 8.20181.- COMUNICACIÓNS A Xunta de Goberno queda enterada de: a) Escrito do Director Xeral da Dirección Xeral de Coordinación de Competencias coas Comunidades Autónomas e as Entidades Locais de data 10/07/2012 (núm. rexistro 19198 de 17/07/12) sobre modificación dos Estatutos da Mancomunidade Terras de Pontevedra para a Dinamización de Produto Turístico dos Concellos de Pontevedra, Marín, Poio, Ponte Caldelas, Vilaboa, Cotobade, Barro e Campo Lameiro (Pontevedra). b) Comunicación do Decano da Facultade de Dereito da Universidade de Santiago de Compostela de 16 de xullo de 2012 (Rex. Entrada 019953 de 24/07/2012), agradecendo a colaboración desta Deputación no desenvolvemento do Practicum de Dereito para alumnos/as daquela Facultade, que realizan as súas prácticas na Asesoría Xurídica cada curso lectivo de outubro a xullo, en número de dous ó mes. FÓRA DA ORDE DO DÍA, e previa declaración de urxencia adoptáronse os seguintes acordos: 9.20182.- APROBACIÓN DAS BASES REGULADORAS DO PROGRAMA “ACTÍVATE 2012” A Deputación de Pontevedra promove un ano mais o programa “Actívate” de cursos formativos para xoves de entre 16 e 35 anos de calesqueira Concellos da nosa provincia, coa finalidade de facilitar a súa integración laboral á par que lograr o seu enriquecemento cultural e persoal; a través dun catálogo, e cunha dotación orzamentaria de 102.200,00 €, polo que á vista dos informes de 16 e 24 de xullo de 2012, emitidos polo Sr. Secretario Xeral e Sr. Interventor, respectivamente, a Xunta de Goberno acorda por unanimidade aprobar as Bases Reguladoras do Programa Actívate 2012, cunha dotación económica de 102.200,00 €, con cargo á partida 12/232.230.227.07, dirixido ós mozos e mozas da nosa provincia con idades comprendidas entre os 16 e os 35 anos. Ditas bases son como seguen: “BASES DO PROGRAMA ACTÍVATE 2012, DIRIXIDO ÓS XOVES DOS CONCELLOS DA PROVINCIA DE PONTEVEDRA DE MENOS DE 50.000 HABITANTES O obxectivo principal da Deputación de Pontevedra cas presentes Bases, é desenvolver actividades formativas e educativas no ámbito do ocio e o tempo libre, que sexan de interese xuvenil e que respondan ás demandas dos mozos da nosa provincia. CLÁUSULAS PRIMEIRA. Destinatarios: Poderán participar todos os mozos e mozas de 16 a 35 anos (ambos inclusive), residentes en calquera concello da provincia de Pontevedra de menos de 50.000 habitantes que se adhira ó Programa. Tamén poderán cursar a súa solicitude dentro do prazo establecido aquelas persoas que non cumpran o requisito de idade, pasando a formar parte da lista de agarda que será utilizada no caso de que houbese prazas vacantes. SEGUNDA. Características do Programa: O Programa consiste en ofertar un catálogo de accións formativas baseadas nos intereses e inquietudes que amosan os xoves na sociedade actual, ditas accións céntranse nas novas tecnoloxías, agricultura, artesanía en papel, cristal e outros materiais, actividades artísticas, reparacións domésticas e bricolaxe no fogar, bricolaxe ecolóxico, cociña e elaboracións artesanais, servizos ás persoas, etc. Cada concello poderá escoller un curso do catálogo, excepto os de máis de 15.000 habitantes (Cangas, A Estrada, Lalín, Marín, Moaña, Nigrán, Poio, Ponteareas, Porriño, Redondela, Sanxenxo, Tui e Vilagarcía de Arousa) que poderán escoller dous cursos. Cada curso terá unha duración de 40 horas, 36 horas impartiranse nos Concellos adheridos e 4 corresponderán a un taller de carácter obrigatorio de mañá ou tarde nas instalacións da Deputación de Pontevedra ou no propio concello. Dito taller versará sobre habilidades sociais para a inserción laboral, técnicas de busca de emprego, elaboración de currículum vitae, orientación laboral, etc. Esta corporación ofertará os cursos a través dunha empresa especializada na materia, e impartiranse nas instalación dos concellos adheridos. O docente terá a obrigación de dispoñer na aula do material preciso para impartir a clase (sendo responsabilidade da empresa adxudicataria todos os materiais para o bo desenvolvemento do curso: ordenadores, apuntes, cociñas, cámara de fotos, utensilios de costura, etc.) sendo por conta dos alumnos/as o material a empregar por cada un deles nas súas prácticas. Por exemplo, nun curso de maquillaxe e estética, o docente levará os utensilios e produtos precisos para impartir a clase, sendo por conta dos alumnos/as o material para aplicar os coñecementos adquiridos. A entrega de diplomas farase única e exclusivamente nas instalacións da Deputación de Pontevedra, unha vez rematen todos os cursos. Do lugar preciso, data e hora, informarase na páxina web unha semana antes da entrega. Tamén se poderá consultar na páxina web o cronograma dos cursos. TERCEIRA. Adhesións dos concellos: Todos os concellos da provincia de Pontevedra de menos de 50.000 habitantes que o desexen poderán sumarse mediante acordo de adhesión (achégase modelo, ou poderase descargar da páxina web), ata o 22 de agosto (inclusive). No acordo de adhesión, os concellos escollerán do catálogo o número de cursos que lle corresponda segundo o baremo establecido na cláusula segunda. Os concellos terán a obriga de prestar as súas instalacións e medios materiais que sexan precisos para o axeitado desenvolvemento do curso, entendendo por estes materiais: mesas, cadeiras, pizarras, subministro de auga e electricidade, etc. No caso de que algún dos concellos non desexe adherirse ó Programa, os cursos correspondentes a estes, se así o estipula conveniente o organismo provincial, poderán ser reconducidos a outros concellos sí adheridos; esta mesma circunstancia daríase no caso de que non se reunise o número mínimo de participantes en cada curso. Os mozos de concellos non adheridos ó programa ou de concellos que non se acaden os mínimos, poderán tomar parte nos cursos doutros concellos entendendo a prioridade dos alumnos/as do propio concello, sempre e cando se houbese cursado solicitude en prazo e forma. CUARTA. Presentación de instancias dos beneficiarios/as: As solicitudes faranse do 1 ó 20 de setembro(inclusive), a través do modelo oficial de inscrición que se poderá descargar da páxina web, e presentarase no Rexistro do concello no que desexa cursar a actividade. Si se desexa participar en máis dun curso deberase cubrir un modelo de solicitude por cada curso. No caso de que o número de solicitantes excedese as prazas ofertadas para cada curso, relacionaranse do seguinte xeito: 1. Persoas desempregadas que non participasen na edición do Actívate ano 2011 (segundo o rexistro de entrada). 2. Persoas en activo que non participasen na edición do Actívate ano 2011 (segundo o rexistro de entrada). 3. Persoas desempregadas e en activo que participasen na edición pasada. 4. Persoas da lista de agarda (persoas doutros concellos ou de idades diferentes a 16-35 anos). O número mínimo de persoas para levar a cabo un curso será de 15 alumnos/as nos Concellos de menos de 5.000 habitantes, de 20 alumnos nos Concellos de 5.001 a 10.000 habitantes e dun mínimo de 25 alumnos para os Concellos de máis de 10.000 habitantes. Aqueles cursos que non acaden o mínimo de participantes establecido non serán executados, inclusive para os Concellos que lles corresponden dous cursos. Se no transcurso dos tres primeiros días de curso houbese baixas do 25% dos mínimos estipulados por Concello, este suspenderíase. Cláusula que será posta en coñecemento do alumnado no primeiro día da acción formativa, así coma o número máximo de horas que poderán faltar. QUINTA. Orzamento e financiamento: A contía consignada para este Programa ascende no ano 2012 a 102.200 €, con cargo á aplicación orzamentaria 12/232.230-227.07, do orzamento ordinario da Deputación, sen prexuízo de que o mencionado crédito sexa ampliado. SEXTA. Documentación dos concellos e prazos de presentación: Os concellos adheridos, deberán remitir á Deputación a seguinte documentación antes do 1 de outubro: • Modelo de listado de participantes de cada curso, deberán relacionarse segundo a orde de rexistro de entrada • Fichas de inscrición orixinais, ou no seu defecto notificación do concello no que se declare posuír dita documentación, non sendo preciso envialas. Todos os modelos da documentación, inclusive as fichas de inscrición, poderanse descargar da páxina web da Deputación (www.depo.es) SÉTIMA. Publicidade: En todos os carteis, dípticos, trípticos, etc. que se elaboren, deberase facer constar a colaboración da Deputación Provincial de Pontevedra, segundo establece o art. 31 do Rlxs. OITAVA. Xustificación e pagamento da subvención: A subvención consiste en impartir os cursos nos concellos adheridos ó programa, a través dunha empresa especializada na materia. Para proceder ó pagamento, a empresa adxudicataria presentará xunto coas facturas os listados dos alumnos participantes nos cursos, segundo datas e concellos. O pago realizarase directamente no número de conta da empresa adxudicataria. NOVENA. Prazo de vixencia: Estas Bases terán unha vixencia correspondente ó exercicio 2012. DÉCIMA. Lexislación Aplicable: Lei 38/2.003, de 17 de novembro, xeral de subvencións. Real decreto 887/2.006, de 21 de xullo, aprobando no Regulamento da Lei xeral de subvencións. Lei 4/1.993, de 14 de abril, de servizos sociais de Galicia. Lei 7/1985, de 2 de abril, reguladora de bases de réxime local. R.d. Lexislativo 2/2004, de 5 de marzo, polo que se aproba o texto refundido da Lei Reguladora de Facenda Local. Lei 30/1992, de 26 de novembro, de réxime xurídico das administracións públicas e do procedemento administrativo común. Bases de execución do vixente orzamento provincial. E demais lexislación aplicable. Os cursos formativos son os que seguen: NOVAS TECNOLOXÍAS 1. Internet e correo electrónico. 2. Informática iniciación. 3. Photoshop e retoque fotográfico. 4. Iniciación ás redes Sociais. 5. Elaboración de páxinas web. AGRICULTURA 6. Cultivo agrícola, horticultura. 7. Cultivo floral. 8. Herboristería, herbas medicinais. 9. Creación dunha horta ecolóxica. 10. Curso práctico de clasificación de cogomelos comestibles. ARTESANÍA EN PAPEL, COIRO, CRISTAL E OUTROS MATERIAIS 11. Repuxado en coiro. 12. Encadernación. 13. Cestería – iniciación. 14. Confección de bisutería con abalorios e outros elementos. 15. Talla de cristal. ACTIVIDADES ARTÍSTICAS 16. Pintura e bebuxo artístico – iniciación. 17. Pintura e debuxo artístico - nivel avanzado. 18. Fotografía – iniciación. 19. Fotografía - nivel avanzado. 20. Escultura – iniciación. REPARACIÓNS DOMÉSTICAS E BRICOLAXE NO FOGAR 21. Pintura e restauración de mobles. 22. Tapicería. 23. Reparacións domésticas de fontanería, albanelería e carpintería. 24. Mecánica básica do automóbil. BRICOLAXE ECOLÓXICO 25. Recuperación de obxectos desbotados. 26. Reciclaxe e reutilización: papel, cartón, plástico. COCIÑA 27. Cociña tradicional galega. 28. Cata de viños. 29. Elaboración e conservación dos produtos da matanza. 30. Conservación de alimentos, conservas artesanais. 31. Elaboración de licores 32. Tapas, pinchos e canapés 33. Cociña internacional ELABORACIÓNS ARTESANAIS 34. Perfumes artesanais 35. Elaboración de xabóns caseiros SERVIZOS ÁS PERSOAS 36. O xogo infantil 37. Atención e coidados básicos do recén nacido e o lactante. 38. Deseño, planificación e desenrolo de actividades de ocio e tempo de lecer. 39. Administración e aforro no fogar. 40. Planificación do menú na unidade familiar. 41. Coidados básicos para persoas maiores. 42. O proceso do avellantamento. 43. Aplicación de técnicas de seguridade e primeiros auxilios. 44. Técnicas de aseo e hixiene á persoa dependente” 10.20183.- RECOÑECEMENTO EXTRAXUDICIAL DE OBRIGAS Visto o informe que formula a Intervención desta Deputación, de data 23 de xullo de 2012, para o recoñecemento extraxudicial das obrigas, de gastos efectuados polos Centros Xestores e Dependencias, desta Deputación e que se especifican na relación que se achega, e en virtude das facultades que lle confire a base 17-1, parágrafo cuarto das aprobadas para a execución do orzamento de 2012, a Xunta de Goberno acorda por unanimidade aprobar e declarar de aboamento: A relación de facturas, que figuran ca referencia 201200000941 e que contén corenta e cinco facturas, sendo a primeira de Empark Aparcamientos y Servicios, S.A., por importe de 483,43 € e a derradeira de Empark Aparcamientos y Servicios, S.A., por importe 1.328,25 €, obedecendo ó seguinte detalle: Importe total 74.776,34 € Descontos do IRPF 0,00 € Descontos do IVE soportado deducible 0,00 € Descontos do Honorarios técnicos externos 0,00 € Total líquido 74.776,34 € 11.20184.- APROBACIÓN DO EXPEDIENTE DE CONTRATACIÓN, MEDIANTE PROCEDEMENTO ABERTO, DA OBRA: “REFORZO DE FIRME E MELLORA DA SEGURIDADE VIARIA NA E.P. 8401 (CONCELLOS DE CUNTIS E A ESTRADA) Examinados os puntos quilométricos 0 +000-6 +400 da E.P. 8401 obsérvase un importante envellecemento e alta fisuración da estrada, ademais de problemas coa impermeabilidade do firme, polo tanto por motivos de seguridade ó ter unha alta intensidade de tráfico requírese unha actuación nesta. Polo tanto existe unha necesidade e idoneidade que motiva de xeito abondo a conveniencia de emprender en beneficio do interese público a execución da obra “Reforzo de firme e mellora da seguridade viaria na E.P. 8401”, cunha asignación eficaz e eficiente dos recursos públicos. Redactouse o preceptivo proxecto pola empresa Enxeñaría do Noroeste, S.L., que posteriormente o Servizo de Infraestruturas informa que o cumpre e contén os documentos esixidos polo artigo 107 da Lei 30/2007, do 30 de outubro, de contratos do sector público, mentres que o Servizo de Intervención participa que existe crédito axeitado e suficiente para facer fronte ó gasto. A Xunta de Goberno, en sesión do 20 de xullo de 2012, aprobou o proxecto “Reforzo de firme e mellora da seguridade viaria na E.P. 8401 (Concello de Cuntis e A Estrada)” cun orzamento de 889.473,71 €. Resultando que o Servizo de Contratación, Facenda e Patrimonio confeccionou o prego de condicións administrativas que han de rexer no correspondente expediente de contratación, cuxa adxudicación se propón que sexa mediante procedemento aberto, de acordo coas consideracións que figuran no informe do técnico adxunto do Servizo de Contratación. O Secretario Xeral emite un informe relativo ó prego de cláusulas económica- administrativas que rexerá a contratación da obra, considerándoo correcto xuridicamente para os fins propostos. Posteriormente remíteselle a totalidade do expediente ó servizo de Intervención, que o fiscaliza nos termos previstos na Lei 47/2003, do 26 de novembro, xeral orzamentaria. Considerando que a disposición adicional segunda da referenciada RDLey 3/2011 TRLCSP, no seu apartado 1, faculta o Ilustrísimo Sr. Presidente para actuar como órgano de contratación con competencia respecto a este contrato de obra, e tendo en conta o disposto no artigo 185 do Real decreto lexislativo 2/2004, do 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación de obras que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o gasto, o prego de cláusulas administrativas e o expediente de contratación, mediante procedemento aberto, da execución da obra “Reforzo de firme e mellora da seguridade viaria na E.P. 8401 (Concello de Cuntis e A Estrada)” que conta co seguinte presuposto: Importe de execución sen IVE 735.102,24 € IVE (21%) 154.371,47 € Total 889.473,71 € Prazo de execución 6 MESES O tipo impositivo a aplicar será o vixente no momento en que se perciba o imposto coa execución das unidades que son obxecto do proxecto. Esta actuación financiarase con cargo á aplicación 12/456.453.612.02 do vixente presuposto provincial. O anuncio de licitación e do extracto do prego de cláusulas administrativas que rexerá no procedemento aberto publicarase no Boletín Oficial da Provincia. Os gastos de inserción de anuncios, e outros que se deriven do expediente, serán por conta do adxudicatario. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN NA CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “REFORZO DE FIRME E MELLORA DA SEGURIDADE VIAL NA E.P. 8401 (CONCELLOS DE CUNTIS-A ESTRADA)”. CPV 45230000 1. OBXECTO.- Execución da obra de “Reforzo de firme e mellora da seguridade vial na E.P. 8401 (concellos de Cuntis-A Estrada)”. A súa execución deberá realizarse suxeitándose ós proxectos técnicos que aprobou o órgano de contratación e que integran os documentos enumerados no artigo 123 do Texto Refundido da Lei de Contratos do Sector Público, en adiante Trlcsp, incluído o correspondente estudo de seguridade e saúde. O conxunto de documentos que compoñen os proxectos, considerados como parte integrante deste prego, teñen carácter contractual. 2. ORZAMENTO.- Segundo o anexo I deste prego. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material; comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación Provincial na sesión do 27 de febreiro de 1998. • Gastos referentes á coordinación da seguridade e saúde, 0,50 % do orzamento de execución material. • Porcentaxe ofertada relativa ó control de calidade. Se non se oferta ningún porcentaxe ou o ofertado é inferior ó 1%, reterase o 1% do orzamento de execución material. 2. Beneficio industrial; aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e os gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais, autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3. FINANCIAMENTO.- A obra financiarase de acordo co estipulado no anexo I. 4. PRAZO DE EXECUCIÓN.- O prazo máximo estimado para a execución das obras, a contar desde o día seguinte ó da sinatura da acta de comprobación do replanteo, salvo que exista razón fundada que impida o seu comezo, estímase no anexo I. Os licitadores deberán presentar na proposta económica un programa de traballo que contemple o desenvolvemento das unidades de obras que se van realizar en cada prazo. O contratista está obrigado a cumprir o contrato na súa totalidade dentro do prazo ofertado, así como nos prazos parciais sinalados para a súa execución sucesiva. Dito prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e previa petición do contratista co informe favorable do director de obra. No caso de prorroga, proposta pola dirección da obra, o órgano de contratación terá que aprobar o expediente pertinente que implica a modificación. 5. INCUMPRIMENTO DO PRAZO.- Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5 por cento do prezo do contrato. As penalidades diarias serán cuantificadas na proporción de 0,20 euros por cada 1.000,00 € do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. A dita imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 6. CAPACIDADE PARA CONTRATAR.- Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica nos termos que dispón o artigo 76 do Trlcsp e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e máis as circunstancias dos que a constitúan e a participación de cada un, así como que asumen o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); as ditas empresas serán responsables solidarias ante a Administración debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Ditas empresas deberán ter por obxecto realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. GARANTÍA DEFINITIVA.- O seu importe será do 5% do prezo de adxudicación, excluído o imposto sobre o valor engadido, e poderá constituírse en calquera das formas previstas no arts. 95 e 96 do Trlcsp. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprir este requirimento no prazo sinalado, entenderase que o licitador retirou a súa oferta, procedéndose, nese caso, a recabar a mesma documentación ó licitador seguinte, polo orde en que quedaran clasificadas as ofertas. A garantía definitiva ingresarase exclusivamente na Caixa da Deputación. 8. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN.- 8.1. Lugar e prazo de presentación: As proposicións presentaranse no Rexistro Xeral da Deputación, cun horario de 9.00 a 13.00 horas, de luns a sábado, ou na sede da Deputación en Vigo, de luns a venres, dentro dun prazo de vinte e seis días naturais, a contar dende o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos polos artigos 38.4º da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es), ou tamén mediante télex, fax (número 986 804 126) ou telegrama, sempre no mesmo día. 8.2º. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: Nome do licitador CIF Enderezo e teléfono de contacto Número de inscrición no rexistro de contratistas (se é o caso) Dependendo de cada sobre incluirase a seguinte documentación: Sobre “A”: documentación xeral, coa seguinte inscrición: Documentación xeral para o procedemento aberto para a contratación da obra (especificar o nome da obra). Este sobre conterá os seguintes documentos: 1. Os que acrediten a personalidade xurídica do empresario e, se é o caso, a súa representación. En caso de concorrer á licitación varias empresas constituíndo unha unión temporal cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ha de ocupar a representación da unión temporal ante a Administración. 2.- Poder debidamente bastanteado. 3.- Certificado acreditativo de posuír a clasificación empresarial que se establece no anexo I, no seu caso. Se a empresa se encontrase pendente de clasificación deberá achegarse o documento acreditativo de ter presentado a correspondente solicitude para iso debendo xustificar estar en posesión da clasificación esixida no prazo previsto nas normas de desenvolvemento desta Lei para emendar os defectos ou omisións na documentación. 4.- Declaración conforme o modelo do anexo II. Esta declaración inclúe a manifestación de non estar incurso na prohibición de contratar, estar ó corrente do cumprimento das obrigas tributarias e coa Seguridade Social que impoñen as disposicións vixentes, sen prexuízo de que a xustificación acreditativa de tal requirimento deba presentala, antes da adxudicación definitiva, o empresario a cuxo favor se vaia efectuar esta. 5.- Acreditación da solvencia económica, técnica e financeira: a) Declaración sobre o volume global de negocios no ámbito de actividades correspondente ó obxecto do contrato, referido como máximo ós tres últimos exercicios dispoñibles en función da data de creación ou de inicio das actividades do empresario, na medida que se dispoña das referencias de dito volume de negocios. Deberase acreditar un importe neto da cifra de negocios do importe considerado anual do contrato durante cada un dos tres últimos exercicios, segundo contas anuais depositadas no Rexistro Mercantil. b) Relación das obras executadas no curso dos cinco últimos anos, avalada por certificados de boa execución para as obras máis importantes; estes certificados indicarán o importe, as datas e o lugar de execución das obras e precisarase se se realizaron segundo as regras polas que se rexe a profesión e se levaron normalmente a bo termo; se é o caso, os devanditos certificados serán comunicados directamente ó órgano de contratación pola autoridade competente. O importe total destes contratos xustificados deberá ser igual ou superior ó orzamento anual deste contrato. c) Declaración indicando a maquinaria, material e equipo técnico do que se disporá para a execución das obras, á que se achegará a documentación acreditativa pertinente. 6.- Dirección de correo electrónico ó que efectuar as comunicacións ou notificacións. Nota importante: o acreditamento das circunstancias que mencionan nos artigos anteriores poderase realizar mediante a certificación dun rexistro oficial de licitadores e empresas clasificadas ou mediante un certificado comunitario de clasificación, deberá acompañarse á mesma unha declaración responsable do licitador na que manifeste que as circunstancias reflectidas no correspondente certificado non experimentaron variación. Esta manifestación deberá reiterarse, en caso de resultar adxudicatario, no documento en que se formalice o contrato, sen prexuízo de que o órgano de contratación poida, se o estima conveniente, efectuar unha consulta ó rexistro oficial de licitadores e empresas clasificadas. Sobre “B”: Documentación correspondente á valoración de criterios non avaliables mediante fórmulas, coa seguinte inscrición: Documentación Técnica para o procedemento aberto para a contratación da obra (especificar nome da obra). Presentarase cerrado e contendo os seguintes documentos: 1.- Como primeiro documento presentarase unha relación numerada e foliada de todos os documentos, asinada e selada polo representante legal da empresa. 2.- Memoria construtiva e programa de traballo. 3.- Melloras ofertadas. 4.- Memoria de seguridade e saúde. 5.- Tecnoloxía e I+D+i e programa de actuacións medioambientais (se é o caso). Toda a documentación relativa a este sobre deberá presentarse en formato A4, e cun límite máximo de 100 follas. Sobre “C”: documento correspondente á valoración de criterios avaliables mediante fórmulas, coa seguinte inscrición: proposición económica para o procedemento aberto para a contratación da obra (especificar nome da obra). Presentarase cerrado e contendo o seguinte documento: 1.- Modelo de proposición, seguindo o modelo determinado na última cláusula deste prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicado sobre o orzamento de execución material da obra, e determinado no apartado destinado para iso no modelo de proposición. A Deputación reservarase o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. 9.- MESA DE CONTRATACIÓN.- Estará integrada da seguinte maneira: PRESIDENTE: O titular da corporación ou membro en quen delegue. VOGAIS: O secretario xeral. O interventor. O director de Infraestruturas. SECRETARIO: - O técnico adxunto ó Servizo de Contratación. 10.- CUALIFICACIÓN DA DOCUMENTACIÓN XERAL E APERTURA DE PROPOSICIÓNS.- Unha vez finalizado o prazo de presentación de proposicións, constituirase a mesa de contratación e procederase á cualificación da documentación xeral achegada polos licitadores no Sobre “A”. No caso de que se precise o arranxo de erros ou omisións na documentación que establece a cláusula 8.2, a mesa de contratación concederá un prazo máximo de 3 días hábiles para corrixir estes defectos. Posteriormente, a mesa ás 10 horas do quinto día hábil seguinte ó día no que finalice o prazo sinalado para a presentación de plicas, en acto público, sinalará as que cualificasen como inadmitidas e admitidas, e procederá á apertura do sobre b correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a Lei de contratos do sector público. Esta documentación trasladaráselles ós técnicos, que a avaliarán e a ponderarán segundo os criterios de valoración que estableza o prego. Unha vez avaliada esta documentación técnica, sinalarase no perfil do contratante da Deputación, a data e hora na que se procederá, en acto público, á apertura do Sobre “C” da documentación correspondente á valoración de criterios avaliables mediante fórmulas. Neste acto, darase a coñecer a ponderación asignada á proposta técnica de cada empresa e procederase á apertura dos Sobres “C” daquelas empresas que obtivesen unha valoración superior a 30 puntos sobre os criterios non avaliables mediante fórmulas. 11. CRITERIOS DE ADXUDICACIÓN DO CONTRATO.- Para a valoración das proposicións e a determinación da oferta economicamente máis vantaxosa atenderase ós seguintes criterios directamente vinculados ó obxecto do contrato: 11.1.-Enumeración dos criterios non avaliables mediante fórmulas (Sobre “B”) Os criterios avaliables mediante xuízos de valor valoraranse cun máximo de 50 puntos, de conformidade cos seguintes criterios: - Memoria construtiva e programa de traballo, ata un máximo de 25 puntos. - Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/a redución do prazo de execución da obra, ata un máximo de 15 puntos. - Memoria de seguridade e saúde, ata un máximo de 5 puntos. - Programa de actuacións medioambientais, ata un máximo de 5 puntos. Estes criterios ponderaranse da seguinte forma: 11.1.1) Memoria construtiva e programa de traballo, ata un máximo de 25 puntos Valorarase o coñecemento do proxecto e do terreo onde será executada a obra, debéndose explicar a metodoloxía a empregar na súa execución, así como das provisións a empregar, e dos medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. NOTA MOI IMPORTANTE: Na documentación que se presente no Sobre “B”, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación co programa de traballo, e su execución por anualidades, no seu caso, presentarase única e exclusivamente no Sobre “C”. O incumprimento deste precepto carreará a exclusión da oferta no proceso de licitación. 11.1.2.) Melloras na calidade e/ou cantidade global das obras proxectadas ou dalgunha das súas unidades, que redunden nunha maior calidade construtiva, e/ou redución do prazo de execución ata un máximo de 15 puntos. Deberase detallar e presentar unha memoria valorada, na que non se terán en conta os gastos xerais (13%), o beneficio industrial (6%) nin o IVE (18%), e na que se indiquen as razóns que xustifiquen esta oferta. O responsable do contrato ou a dirección de obra decidirán sobre a execución das melloras, reservándose o dereito de poder variar as mesmas en beneficio do interese público, e sempre sen que poida superar o valor económico das ofertadas. Poderase ofertar como melloras unha redución no prazo de execución da obra, debéndose xustificar adecuadamente as circunstancias ou solucións técnicas que permitan a mesma Os técnicos, en base a documentación forzada, decidirán sobre a viabilidade ou non desta redución, reservándose o dereito de non valorala cando o consideren de imposible cumprimento. 11.1.3) Memoria de seguridade e saúde, ata un máximo de 5 puntos. 1. Definición da problemática principal en relación coa seguridade e saúde dos traballos. Describiranse as actividades de maior problemática na súa execución en relación coa seguridade e saúde, e definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e o sistema de xestión da prevención a desenvolver na obra. Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real Decreto 171/2004, en materia de Coordinación de Actividades Empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes, etc. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. R.D. 1627/97). Neste apartado desenvolverase, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias, así como que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003 de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra. Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra. Neste apartado solicitarase a documentación acreditativa de que toda a maquinaria e ferramentas auxiliares cumpren a normativa vixente en materia de seguridade e saúde e máis, e das revisións e mantementos de cada unha das máquinas xunto co protocolo de seguimento destas revisións e mantementos. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI´s. Presentarase a proposta de cómo realizar a formación dos traballadores en obra, así como de información dos riscos a que están sometidos nas mesma. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento, e sobre os riscos dos que o protexen, así como se haberá de definir como se verificará a utilización dos mesmos por parte dos traballadores. 7. Relación de proteccións colectivas a empregar na obra. Presentaranse as proteccións colectivas necesarias a utilizar na obra, determinando como se definirá a súa necesidade e como se verificará a súa correcta utilización, estado e reposición. 11.1.4) Programa de actuacións medioambientais, ata un máximo de 5 puntos. Para este Programa valoraranse as propostas de medidas de xestión medioambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión medio ambiental propostos. As medidas medioambientais valoraranse de acordo cos seguintes criterios: a) Se a execución da obra se realiza nun marco de xestión medioambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE(77/801-94 e 77/802-94). b) Se os materiais que utilizará o licitador proveñen dun proceso de reciclado ou reutilización en máis dun 50%, conforme a certificación emitida por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) c) Se os materiais que utilizará o licitador son reutilizables ou teñen un grao de reciclabilidade superior a un 50%, conforme a certificación emitida por un laboratorio ou organización que non forme parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por vertidos, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. 11.2.-Enumeración dos criterios avaliables mediante fórmulas(Sobre C). Nota importante: Só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos de conformidade cos seguintes criterios: -Valoración oferta económica, ata un máximo de 45 puntos. - Plan de control de calidade da obra, ata un máximo de 5 puntos. 11.2.1) Valoración oferta económica, ata un máximo de 45 puntos. Entenderase por ofertas admitidas todas aquelas que non quedaran excluídas unha vez realizados o exame da documentación administrativa contida no Sobre “A”, e a análise técnica da documentación contida no Sobre “B”. Para a valoración das ofertas admitidas administrativa e tecnicamente consideraranse dous posibles casos: CASO 1. A oferta máis baixa OMB das admitidas administrativa e tecnicamente é inferior estritamente ó 85% do Presuposto Base de Licitación (PBL), e dicir, . 1.1. Se o presuposto ofertado pola empresa (Pro) é maior ou igual á Oferta Máis Baixa (OMB) das admitidas administrativa e tecnicamente, e menor ou igual ó 85% do Presuposto Base de Licitación (PBL), é dicir, Si : a fórmula a empregar é a seguinte: 1.2. Se o presuposto ofertado pola empresa (Pro) é maior estrictamente ó 85% do Presuposto Base de Licitación PBL e menor ou igual ó Presuposto Base de Licitación (PBL), é dicir, : a fórmula a empregar é a seguinte: CASO 2. A Oferta Máis Baixa (OMB) das admitidas administrativa e tecnicamente é maior ou igual ó 85% do Presuposto Base de Licitación (PBL), é dicir, a fórmula a empregar é a seguinte: PRESUNCION DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere nun 5% a porcentaxe de baixa media de todas as ofertas admitidas administrativamente e tecnicamente. Para calcular a Baixa Media (BM) e a Baixa Media Permitida (sen incorrer en temeridade) (BMP) utilízanse as seguintes ecuacións: a. Cálculo da Baixa Media (BM): A baixa da oferta económica da empresa i calcularase como: A porcentaxe de baixa da oferta económica da empresa i calcularase como: A baixa media de todas as porcentaxes das baixas das ofertas admitidas administrativa e tecnicamente é: sendo: Oferta económica da empresa i. n: Número de ofertas admitidas administrativa e tecnicamente. Presuposto base de licitación. Porcentaxe de baixa de cada unha das ofertas admitidas administrativa e tecnicamente. Baixa media. b. Cálculo da Baixa Máxima Permitida, sen incorrer en temeridade (BMP): sendo: Baixa Máxima Permitida, sen incorrer en temeridade. Baixa Media. Polo que se considerará temeraria unha oferta que incuria en: 11.2.2) Proxecto de control de calidade da obra, ata un máximo de 5 puntos. Especificarase a porcentaxe sobre o Presuposto de Execución Material (PEM) que a empresa asigne para tal efecto, así como a acreditación por parte da mesma da disposición dun certificado de calidade reservándose para si a Deputación a aprobación do laboratorio homologado. Esta porcentaxe será obrigatoriamente maior ou igual ó 1% e menor ou igual ó 5%. No caso de que sexa inferior ó 1% ou non se defina, a Deputación establecerá un valor do 1%, e no caso de que sexa superior ó 5%, a Deputación establecerá un valor do 5%. Para a valoración das ofertas admitidas consideraranse dous posibles tramos, separados polo Punto de Corte Porcentual de control de calidade , neste caso o valor do devandito punto é de 3%. Tramo 1. A porcentaxe do control de calidade sobre o PEM ofertado é maior ou igual ó 1% e menor o igual ó PC%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo1: sendo: Puntuación do control de calidade ofertada. Tramo 2. A porcentaxe do control de calidade sobre o PEM ofertado é maior estritamente co PC% e menor ou igual ó 5%. Todos estes valores estudaranse en porcentaxe, e a puntuación do control de calidade ( ) será o resultado da seguinte fórmula: Tramo 2: 12.- OFERTAS CON VALORES ANORMAIS OU DESPROPORCIONADOS Para os efectos de consideración de presunción de ofertas con valores anormais ou desproporcionados considerarase que están incursas nesta situación (baixa temeraria) as proposicións cuxa porcentaxe de baixa supere nun 5% a porcentaxe de baixa media de todas as ofertas admitidas administrativamente e tecnicamente Cando a mesa de contratación considere que a proposición non se poderá cumprir como consecuencia das baixas anormais ou desproporcionadas, darase audiencia ó contratista, por un prazo máximo de cinco días hábiles, para que xustifique a valoración da oferta e precise as condicións da mesma, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación unha vez considerada a xustificación do licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde na que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13.- REQUIRIMENTO.- O órgano de contratación, unha vez avaliadas as propostas clasificaraas por orde decrecente, para cuxo efecto poderá solicitar cantos informes técnicos estime pertinentes, e requirirá á empresa que presentara a oferta máis vantaxosa para que dentro do prazo de dez días hábiles, a contar dende o día que recibise a comunicación, presente a documentación xustificativa de estar ó corrente no cumprimento das súas obrigas tributarias e coa Seguridade Social, e calquera outro documento acreditativo da súa aptitude para contratar ou da efectiva disposición dos medios que se comprometeran a dedicar ou adscribir á execución do contrato que lle reclame esta institución, así como constituír a garantía definitiva. 14. ADXUDICACIÓN.- O órgano de contratación adxudicará o contrato dentro dos cinco días hábiles seguintes á recepción da documentación referida no artigo anterior, fixando os termos definitivos do contrato. De forma simultánea publicarase a adxudicación no perfil do contratante da Deputación de Pontevedra. 15.FORMALIZACIÓN CONTRATO A administración e o contratista deberán formalizar o contrato en documento administrativo dentro do prazo de quince días hábiles, a contar dende o día seguinte á notificación da adxudicación, constituíndo o devandito documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado a administración poderá acordar a súa resolución. Non poderá iniciarse a execución do contrato sen a súa formalización previa. 16.PERFIL DO CONTRATANTE.- Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos polo Trlcsp ou polas normas autonómicas de desenvolvemento ou nos que así se decida voluntariamente, a Deputación difundirá, a través de Internet (www.depo.es), o seu perfil de contratante. 17.GASTOS A CARGO DO ADXUDICATARIO.- Serán a cargo do adxudicatario os gastos que xere o expediente, así como os de carteis de obra que lle serán facilitados pola Deputación e que serán colocados no lugar que lles indique a Dirección de Obra. Ademais os adxudicatarios estarán obrigados a colocar toda a sinalización necesaria que garanta a plena seguridade da obra, e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra obxecto do contrato e que ademais será responsable da súa seguridade sen cuxos requirimentos non se confeccionará a acta de comprobación do replanteo. Así mesmo, os gastos do cartel da obra serán por conta do adxudicatario. 18.RESPONSABLE DO CONTRATO.- A Deputación designará a un responsable do contrato, vinculado a esta institución, ó que lle corresponderá supervisar a súa execución e adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que corresponden ó director facultativo das obras. 19.- ACTUACIONS PREVIAS Ó INICIO DAS OBRAS.- - Plan de seguridade e saúde no traballo. O Plan de Seguridade e Saúde no traballo, cando fora esixible, redactado por técnico coa titulación esixida legalmente e axustado en contido o requirido na normativa de aplicación vixente, deberá ser presentado polo contratista a empresa que teña asignada a Deputación para a levar a seguridade e saúde nas súas obras, no prazo máximo de 20 días naturais dende a data de notificación da adxudicación. O incumprimento do prazo non impedirá a comprobación do replanteo nin a autorización do inicio da obra, se ben non comezarán efectivamente as obras sen a aprobación do referido Plan. Polo tanto, atrásase o inicio efectivo das obras por causa imputable ó contratista, pero non así o inicio do cómputo do prazo de execución. O prazo contractual empezará a contar coa sinatura da Acta de comprobación do replanteo, na que se deixará constancia dos extremos mencionados. Con independencia do anterior, o incumprimento do mencionado prazo de presentación suporá unha penalización diaria de 1 por cada 5.000,00 € do prezo do contrato, que será descontada, se é o caso, na primeira certificación. O contratista virá obrigado a recoller no Plan de Seguridade e Saúde, e, polo tanto a realizar e implantar na obra todas as medidas e elementos necesarios para cumprir o estipulado ó respecto pola lexislación vixente sobre a materia e polas normas de boa construción, e polas especificacións e prescricións recollidas no Estudo/Estudo básico de Seguridade e Saúde, sen que teña dereito a recibir máis importe que o fixado no Estudo/Estudo básico de Seguridade e Saúde afectado da baixa de adxudicación, se é o caso. Os locais e servizos para hixiene e benestar dos traballadores que veñan obrigados polo Estudo de Seguridade e Saúde ou polas disposicións vixentes sobre a materia haberán de ser situados nos lugares indicados no citado estudo e no seu defecto, sempre que sexa posible, na propia obra, salvo autorización expresa da Administración noutro sentido. En todo caso serán para uso exclusivo do persoal adscrito á obra. Calquera variación que se formule das características e localización dos devanditos locais e servizos, unha vez aprobado o Plan, requirirá a previa modificación deste, así como o seu posterior informe e aprobación nos termos establecidos polas disposicións vixentes. Os referidos locais e servizos deberán estar dispostos dende o inicio da obra, debendo contar coa autorización da Administración antes da súa retirada. - Licenzas, autorizacións e impostos. O contratista, de por si ou como substituto da Administración, está obrigado a xestionar o outorgamento de cantas licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista dando coñecemento inmediatamente á Administración de ter cumprido os devanditos trámites. Se entendese que as liquidacións practicadas non se axustan a Dereito, o contratista quedará lexitimado para interpoñer contra estas os recursos pertinentes, comunicando este extremo á Administración contratante. O importe destas cargas derivadas da obra forma parte dos gastos asumidos pola oferta económica e conforme a esta estipulación contractual trasládase a obriga de pagamento ó adxudicatario do contrato asinado. Será requisito necesario para que a Deputación aboe ó contratista a primeira certificación, que este acredite mediante achega dos oportunos xustificantes, ter aboado os tributos correspondentes. No caso de que á data de expedición da primeira certificación non se tivese xustificado documentalmente o mencionado requisito, o inicio do cómputo do prazo mencionado no art. 216.4 TRLCSP suspenderase ata que se entreguen á Administración os mencionados xustificantes. 20.- EXECUCIÓN DAS OBRAS E RESPONSABILIDADE DO CONTRATISTA.- As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste desen ó contratista o director facultativo, e se é o caso, o responsable do contrato, nos ámbitos da súa respectiva competencia. (art. 230 do Trlcsp). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a administración poderá penalizar ó contratista ata un importe que non supere o 10% do orzamento do contrato (art, 212.1 do Trlcsp). Ó contratista indemnizará todos os danos e perdas que se causen a terceiros como consecuencia da realización das obras contratadas. (art, 214 do Trlcsp). 21.- CERTIFICACIÓNS.- A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. As certificacións de obra axustaranse ós modelos de certificación ordinaria e anticipada para obras da Deputación que foron aprobadas pola Resolución presidencial, de 13 de xullo de 2007, e que se encontran inseridos na páxina web www.depontevedra.es. O técnico director deberá practicar nas certificacións de obra as retencións correspondentes ás porcentaxes ofertadas polo adxudicatario en concepto de control de calidade, seguridade e saúde, taxa por dirección de obra, etc. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora, teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario, será necesario que a certificación recolla a retención correspondente ás penalidades. 22.- RECEPCIÓN E CERTIFICACIÓN FINAL DE OBRAS.- O contratista comunicará á dirección da obra a data prevista para a terminación ou execución do contrato, ós efectos de que se poida realizar a recepción. Á recepción concorrerán o responsable do contrato ou un facultativo designado pola Administración representante desta, o facultativo encargado da dirección das obras e o contratista asistido, se o estima oportuno, do seu facultativo. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase seguidamente á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses desde a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegaralle á acta de recepción un estado de dimensións e características da obra executada que defina con detalle as obras realizadas tal e como se encontran no momento da recepción, a efectos de inventario. 23.- XUSTIFICACIÓN DAS MELLORAS.- O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante informe ó que se acompañará unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (18%). 24.- LIQUIDACIÓN DA OBRA.- Transcorrido o prazo de garantía, se o informe do director da obra sobre o seu estado fose favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, en cuxo último caso, aboarase a cantidade endebedada ó contratista. 25.- GARANTÍA DA OBRA.- A obra terá un período de garantía dun ano dende o día seguinte á data de formalización da acta de recepción, neste tempo o contratista estará obrigado á súa conservación e policía, e á reparación dos estragos producidos pola defectuosa execución das mesmas. Se se producise un incumprimento das obrigas accesorias propias da garantía, non podendo resolverse o contrato, poderase incautar a garantía, e se non fose suficiente, poderase reclamar danos e perdas pola vía de prema. Dentro do prazo de quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este fóra favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó uso do construído, durante o prazo de garantía, o director da obra procederá a ditar as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade algunha por ampliación do prazo de garantía. 26.- DEVOLUCIÓN DA DOCUMENTACIÓN E DA GARANTÍA PROVISIONAL.- A documentación incluída no Sobre “A” dos licitadores que non resultasen adxudicatarios poderá ser retirada polos licitadores, previo aviso ó servizo de contratación, mediante escrito ordinario ou electrónico no e-mail contratacion@depo.es, transcorridos tres meses contados desde o día seguinte á notificación do acordo de adxudicación ós licitadores, e durante o prazo de 30 días naturais, salvo que a administración considere oportuno retela no suposto que teñan interposto reclamacións ou recursos, ou exista algunha incidencia administrativa. Transcorridos os prazos anteriormente mencionados, esta administración disporá da documentación quedando exenta de toda responsabilidade. 27.-RESOLUCIÓN DO CONTRATO.- O contrato poderá extinguirse por calquera das causas de resolución enumeradas nos arts, 223 e 237 do Trlcsp. 28.- RÉXIME XURÍDICO.- En todo o non previsto expresamente no presente prego de condicións, estarase ó disposto, en canto á súa preparación, adxudicación, efectos e extinción, polo R.d.l. 3/2011, de 14 de novembro, polo que se aproba o Texto Refundido da Lei de Contratos do Sector Público (Trlcsp) e as súas disposicións de desenvolvemento; supletoriamente aplicaranse as restantes normas de dereito administrativo e, no seu defecto, as normas de dereito privado. 29.- XURISDICIÓN COMPETENTE.- As cuestións litixiosas que xurdan sobre interpretación, modificación, resolución e efectos do presente contrato, serán resolvidas polo órgano de contratación cuxas resolucións esgotarán a vía administrativa deixando expedita a vía xurisdicional, contenciosa administrativa, a teor do disposto na Lei Reguladora de dita Xurisdición. 30.- MODELO DE PROPOSICIÓN.- Don….............., maior de idade, veciño de....................., con domicilio en ……….............titular do DNI……............., expedido en data.............., actuando en nome propio ou en representación da empresa ………................. (CIF- núm. …...................) e con domicilio en ……................., teléfono………............ segundo acredito mediante poder debidamente bastanteado. Enterado do anuncio, para adxudicar mediante procedemento aberto o contrato correspondente á obra (especificar denominación da obra). Comprométese a executala polo prezo de _______ (en letra e número) euros, máis _______ euros (en letra e número) correspondente ó IVE, con estrita suxeición ó proxecto aprobado e pregos de prescricións técnicas e condicións económico-administrativas, que acepta en todas as súas partes. • % do control de calidade ofertado:………” ANEXO I “PREGO DE CONDICIONS PARTICULARES QUE REXERA A CONTRATACIÓN, MEDIANTE PROCEDEMENTO ABERTO, DA OBRA “REFORZO DE FIRME E MELLORA DA SEGURIDADE VIAL NA E.P. 8401 (CONCELLOS DE CUNTIS-A ESTRADA)” A) PROCEDEMENTO DE CONTRATACIÓN Aberto. Trámite ordinario. B) ORZAMENTO DE EXECUCIÓN DO CONTRATO Importe de execución sen IVE 735.102,24 € IVE (21%) 154.371,47 € Total 889.473,71 € C) FINANCIACIÓN: ANUALIDADE APLICACION IMPORTE 2012 12/456.453.612.02 889.473,71 O tipo impositivo a aplicar será o vixente no momento en que se devengue o imposto coa execución das unidades que son obxecto do proxecto. D) PRAZO DE EXECUCIÓN DAS OBRAS O prazo máximo para a execución da obra de referencia establécese en seis meses, e comezará a contar dende o día seguinte á firma da acta de comprobación do replanteo, salvo que exista razón fundada que impida ó seu comezo. E) GARANTÍAS: Provisional: non se esixe. Definitiva: 5% do prezo de adxudicación, excluído o Imposto sobre o Valor Engadido. F) CLASIFICACIÓN: Grupo G Subgrupo 4 Categoría D” 12.20185.- CORRECCIÓN DE ERRO NO ACORDO NÚM. 4.20055 ADOPTADO EN XUNTA DE GOBERNO DE DATA 8/06/2012 A Xunta de Goberno, na súa sesión ordinaria do día 8 de xuño de 2012, acordou a aprobación da certificación núm. 34-final, da obra ”Proxecto modificado de mellora de trazado e capa de rodadura na EP 9201 Sanxenxo, Bordóns, Estrada, Samieira”. Advertido un erro aritmético, na certificación nº 34-final, na que se desconta do importe total 3.265,11 € correspondentes á diferenza do IVE aplicada na certificación nº 14, cantidade que non procede descontar debido a que a citada certificación foi informada en xuño de 2010 cun 16% e aboada en xullo do mesmo ano cun 18,00€. Considerando o establecido no artigo 105.2 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común, as Administración Públicas poden rectificar en calquera momento , de oficio ou a instancia dos interesados, os erros materiais, de feito ou aritméticos existentes nos seus actos, da forma seguinte, a Xunta de Goberno acorda por unanimidade: Rectificar o acordo nº 4.20055 adoptado na Xunta de Goberno, en sesión 8 de xuño de 2012, no seguinte senso: Onde di: “Na certificación nº14 incrementouse o IVE dúas veces, polo que se aboaron 3.265,11€ de máis.” Debe dicir: “Declarar de aboamento a cantidade de 3.265,11€ a favor de CONSTRUCCIONES, OBRAS Y VIALES S.A., con cargo á aplicación orzamentaria 12/456.453.612.02”. 13.20186.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as dez horas e vinte e cinco minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición