Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión ordinaria en primeira convocatoria, celebrada polo Pleno desta Excma. Deputación o día, 27 de xuño de 2008 No Salón de sesións da Excma. Deputación Provincial de Pontevedra, sendo as once horas e cinco minutos do día vinte e sete de xuño do ano dous mil oito, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, D. Julio Alén Montes, D. Silvestre José Balseiros Guinarte, D. Xosé Crespo Iglesias, D. Pauliño Damián Del Río Iglesias, D. José Juan Durán Hermida, D. José Amador Eiras Paz, D. Jesús María Fernández Portela, D. José Manuel Figueroa Vila, D. Emilio González Iglesias, D. Juan A. González Pérez, D. Rafael Lores Rosal, D. Xosé Cesáreo Mosquera Lorenzo, D. Constante Juan Muradas Ramos, D. José Antonio Olmedo Granja, Dona Mª Teresa Pedrosa Silva, Dona María Corina Porro Martínez, D. Agustín Reguera Ocampo, D. Severino Reguera Varela, D. Daniel Rodas Chapela, D. Xosé Carlos Silva Mariño, D. José Enrique Sotelo Villar e D. Jesús Vázquez Almuiña, co obxecto de celebrar sesión ordinaria do Pleno da Deputación, en primeira convocatoria, consonte á correspondente orde do día. Non asisten as/os Señoras/es Deputadas/os, Dona Isaura Abelairas Rodríguez, D. Gabriel Martínez Giráldez, Dona María Xosé Méndez Piñeiro nin D. Juan Luciano Otero Besada. Da fé do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: Sr. Presidente.- Bueno, moi bos días. Vamos a dar comezo ó Pleno ordinario, pero antes de comezar o mesmo quixera trasladar en nome dos compañeiros e das compañeiras da Corporación Provincial o noso pésame neste caso máis sentido á compañeira Isaura Abelairas e familia polo pasamento da súa nai. Para que conste en acta tamén e que así se lle traslade. Faise constar en acta o pésame á Sra. Deputada Dona Isaura Abelairas Rodríguez polo pasamento da súa nai e acórdase trasladar o mesmo en nome da Corporación Provincial de Pontevedra. 1.5698.- ACTA ANTERIOR Sr. Presidente.- Vamos a dar comezo á orde do día. Temos, primeiro punto, aprobación do borrador da acta da anterior sesión, ordinaria, do día 30 de maio de 2008. Acórdase por unanimidade aprobar o borrador da acta da anterior sesión, ordinaria, do día 30 de maio de 2008. 2.5699.- DELEGACIÓN DE COMPETENCIAS DO CONCELLO DO ROSAL A FAVOR DO ORAL PARA EXERCER AS FACULTADES DE LIQUIDACIÓN E RECADACIÓN DE DIVERSAS TAXAS, A RECADACIÓN EN VÍA EXECUTIVA DE TODOS OS INGRESOS DE DEREITO PÚBLICO E AS FACULTADES DE XESTIÓN, LIQUIDACIÓN E RECADACIÓN DAS MULTAS DE TRÁFICO Sr. Presidente.- Punto segundo. Delegación de competencias do concello do Rosal a favor do ORAL para exercer as facultades de liquidación e recadación de diversas taxas, a recadación en vía executiva de todos os ingresos de dereito público, e a facultade de xestión, liquidación e recadación das multas de tráfico. ¿Votos en contra?. ¿Abstencións?. ¿A favor?. O Pleno do concello do Rosal na sesión celebrada o día 1 de decembro de 2007 acordou, a delegación de competencias na Deputación de PontevedraORAL para exercer as seguintes facultades: a) A liquidación e recadación da taxa por entrada de vehículos a través das beirarrúas e reservas de vía pública para aparcamento exclusivo, parada de vehículos, carga e descarga de mercadorías de calquera clase e a taxa por servizos de matadoiros, lonxas e mercados. b) A xestión, liquidación e recadación, así como a colaboración na xestión procedimental dende o comezo do procedemento sancionador co boletín de denuncia ata o inicio do proceso recadatorio das multas de tráfico e a recadación en vía executiva de todos os ingresos de dereito público. Resultando que o Consello Reitor do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL), na sesión que tivo lugar o 7 de maio de 2008 acordou aceptar a delegación efectuada polo Pleno do concello do Rosal, para exercer as seguintes facultades: - A liquidación e recadación da taxa por entrada de vehículos a través das beirarrúas e reservas de vía pública para aparcamento exclusivo, parada de vehículos, carga e descarga de mercadorías de calquera clase e da taxa por servizos de matadoiros, lonxas e mercados, así como a recadación en vía executiva de todos os ingresos de dereito público, reservándose o concello do Rosal, tanto a xestión dos padróns como a xestión, liquidación e recadación dos dereitos de solicitude de ditas taxas. - A xestión, liquidación e recadación das multas de tráfico, así como a colaboración na xestión procedimental dende o comezo do procedemento sancionador co boletín de denuncia ata o inicio do proceso recadatorio. Considerando que as citadas delegacións figuran dentro dos servizos que o artigo 4 dos Estatutos reguladores do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL) enumera como obxecto a prestar polo ORAL. Considerando que a xestión censal, no caso de taxas, prezos públicos e recursos análogos, debe ser asumida directamente pola entidade titular, xa que é a única con capacidade e medios cercanos ós elementos que integran o tributo ou, en xeral, ó recurso público para a formación do censo ou padrón. O Pleno, de conformidade co ditame da Comisión Informativa de Economía, Facenda e Turismo, acorda por unanimidade: Aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, as delegacións que en materia de recursos locais realizou o concello do Rosal, por acordo do Pleno de data 1 de decembro de 2007 e seguindo o establecido nos artigos 106.3 da Lei 7/1985, de 2 de abril, reguladora das bases de réxime local, e 7 do citado Real decreto lexislativo 2/2004, para que a Deputación Provincial de Pontevedra exerza as seguintes facultades: - A liquidación e recadación da taxa por entrada de vehículos a través das beirarrúas e reservas de vía pública para aparcamento exclusivo, parada de vehículos, carga e descarga de mercadorías de calquera clase e da taxa por servizos de matadoiros, lonxas e mercados, así como a recadación en vía executiva de todos os ingresos de dereito público, reservándose o concello do Rosal, tanto a xestión dos padróns como a xestión, liquidación e recadación dos dereitos de solicitude de ditas taxas. - A xestión, liquidación e recadación das multas de tráfico, así como a colaboración na xestión procedimental dende o comezo do procedemento sancionador co boletín de denuncia ata o inicio do proceso recadatorio. As citadas delegacións que serán levadas a cabo polo Organismo Autónomo Provincial de Xestión de Recursos Locais (ORAL), publicaranse no Boletín Oficial da Provincia e no Diario Oficial de Galicia, tal como determina o artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. 3.5700.- DELEGACIÓN DE COMPETENCIAS DO CONCELLO DE PORTAS A FAVOR DO ORAL PARA EXERCER AS FACULTADES DE LIQUIDACIÓN E RECADACIÓN DAS TAXAS POR ABASTECEMENTO DE AUGA E RECOLLIDA DE LIXO Sr. Presidente.- Punto número tres da orde do día. Delegación de competencias do concello de Portas a favor do ORAL para exercer as facultades de liquidación e recadación das taxas por abastecemento de auga e recollida de lixo. ¿Votos en contra?. ¿Abstencións?. ¿A favor?. O Pleno do concello de Portas na sesión celebrada o día 29 de xuño de 2006 acordou a delegación na Deputación de Pontevedra-ORAL das facultades de xestión, liquidación, inspección e recadación da taxa por abastecemento de auga dende o exercicio 2001 e da taxa por recollida de lixo dende o exercicio de 2000. Resultando que o Consello Reitor do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL), na sesión que tivo lugar o 7 de maio de 2008 acordou aceptar a delegación efectuada polo Pleno do concello de Portas, para exercer as facultades de liquidación e recadación das taxas por abastecemento de auga e recollida de lixo. Considerando que a citada delegación figura dentro dos servizos que o artigo 4 dos Estatutos reguladores do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL) enumera como obxecto a prestar polo ORAL. Considerando que a xestión censal, no caso de taxas, prezos públicos e recursos análogos, debe ser asumida directamente pola entidade titular, xa que é a única con capacidade e medios cercanos ós elementos que integran o tributo ou, en xeral, ó recurso público para a formación do censo ou padrón. O Pleno, de conformidade co ditame da Comisión Informativa de Economía, Facenda e Turismo, acorda por unanimidade: Aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, a delegación que en materia de recursos locais realizou o concello de Portas, por acordo do Pleno de data 29 de xuño de 2006 e seguindo o establecido nos artigos 106.3 da Lei 7/1985, de 2 de abril, reguladora das bases de réxime local, e 7 do citado Real decreto lexislativo 2/2004, para que a Deputación Provincial de Pontevedra exerza as seguintes facultades: - A liquidación e recadación das taxas por abastecemento de auga e recollida de lixo, reservándose o concello de Portas, tanto a xestión dos padróns (altas, baixas, resolución de reclamacións, etc.) como a xestión, liquidación e recadación dos dereitos de acometida á rede de auga. A citada delegación que será levada a cabo polo Organismo Autónomo Provincial de Xestión de Recursos Locais (ORAL), publicarase no Boletín Oficial da Provincia e no Diario Oficial de Galicia, tal como determina o artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. 4.5701.- DELEGACIÓN DE COMPETENCIAS DO CONCELLO DA CAÑIZA A FAVOR DO ORAL PARA EXERCER AS DAS TAXAS POR ENGANCHE DE AUGA E CONTADORES FACULTADES DE LIQUIDACIÓN E RECADACIÓN Sr. Presidente.- Punto número catro. Delegación de competencias do concello da Cañiza a favor do ORAL para exercer as facultades de liquidación e recadación das taxas por enganche de auga e contadores. ¿Votos en contra?. ¿Abstencións?. ¿A favor?. O Pleno do concello da Cañiza na sesión celebrada o día 5 de decembro de 2007 acordou a delegación na Deputación de Pontevedra-ORAL das facultades de xestión, liquidación, inspección e recadación da taxa por enganche de auga e contadores. Resultando que o Consello Reitor do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL), na sesión que tivo lugar o 7 de maio de 2008 acordou aceptar a delegación efectuada polo Pleno do concello da Cañiza, para exercer as facultades de liquidación e recadación das taxas por enganche de auga e contadores sempre e cando se realicen por cobro mediante padrón. Considerando que a citada delegación figura dentro dos servizos que o artigo 4 dos Estatutos reguladores do Organismo Autónomo Provincial de Xestión de Recursos Locais da Excma. Deputación Provincial de Pontevedra (ORAL) enumera como obxecto a prestar polo ORAL. Considerando que a xestión censal, no caso de taxas, prezos públicos e recursos análogos, debe ser asumida directamente pola entidade titular, xa que é a única con capacidade e medios cercanos ós elementos que integran o tributo ou, en xeral, ó recurso público para a formación do censo ou padrón. O Pleno, de conformidade co ditame da Comisión Informativa de Economía, Facenda e Turismo, acorda por unanimidade: Aceptar, de conformidade co previsto no artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais, a delegación que en materia de recursos locais realizou o concello da Cañiza, por acordo do Pleno de data 5 de decembro de 2007 e seguindo o establecido nos artigos 106.3 da Lei 7/1985, de 2 de abril, reguladora das bases de réxime local, e 7 do citado Real decreto lexislativo 2/2004, para que a Deputación Provincial de Pontevedra exerza as seguintes facultades: - A liquidación e recadación das taxas por enganche de auga e contadores sempre e cando se realicen por cobro mediante padrón, reservándose o concello da Cañiza, tanto a xestión do padrón como a xestión, liquidación e recadación das referidas taxas cando estas se realicen por cobro directo. A citada delegación que será levada a cabo polo Organismo Autónomo Provincial de Xestión de Recursos Locais (ORAL), publicarase no Boletín Oficial da Provincia e no Diario Oficial de Galicia, tal como determina o artigo 7.2 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais. 5.5702.- RECTIFICACIÓN DO ACORDO PLENARIO DE DATA 25 DE OUTUBRO DE 2006 POLO QUE SE APROBOU DEFINITIVAMENTE O EXPEDIENTE DE DESAFECTACIÓN DE DÚAS PARCELAS PERTENCENTES Ó TERREO “GRANXA DE SALCEDO” (MISIÓN BIOLÓXICA) PARA A SÚA ULTERIOR PERMUTA CON OUTRAS DÚAS DE PROPIEDADE PARTICULAR Sr. Presidente.- Punto número cinco. Rectificación do acordo plenario de data 25 de outubro de 2006 polo que se aprobou definitivamente o expediente de desafectación de dúas parcelas pertencentes ó terreo “Granxa de Salcedo” (Misión Biolóxica) para a súa ulterior permuta con outras dúas de propiedade particular. ¿Votos en contra?. ¿Abstencións?. ¿A favor?. Visto o acordo do Pleno da Corporación Provincial de data 25 de outubro de 2006, polo que se aprobou definitivamente o expediente de desafectación de dúas parcelas pertencentes á Finca “Granxa de Salcedo” (Misión Biolóxica) para a súa ulterior permuta con outras dúas de propiedade particular. Vista a licenza concedida polo Excmo. concello de Pontevedra que autoriza para proceder á segregación da finca de propiedade provincial dunha parcela que se corresponde en canto á situación coas dúas parcelas a que se refire o acordo plenario, dunha extensión de 2.272,05 m2, segundo nova medición efectuada para solicitude de licenza municipal. Tendo en conta que polo notario de Pontevedra D. Eduardo Méndez Apenela, en cuxa notaría se atopa a documentación do expediente necesaria para o outorgamento da escritura correspondente, particípase verbalmente ó Técnico de Patrimonio a necesidade de concordancia do contido do acordo plenario co da licenza concedida procedendo á rectificación do acordo do Pleno. O Pleno, de conformidade co ditame da Comisión Informativa de Economía, Facenda e Turismo, acorda por unanimidade, rectificar o acordo plenario de data 25 de outubro de 2006 polo que se aprobou definitivamente o expediente de desafectación de dúas parcelas pertencentes á Finca “Granxa de Salcedo” (Misión Biolóxica) para a súa ulterior permuta con outras dúas de propiedade particular que queda redactado do seguinte modo: “Aprobar definitivamente o expediente para a desafectación dunha parcela pertencente á “Granxa de Salcedo” (Misión Biolóxica) dunha extensión de 2.272,05 m2 segundo medición topográfica realizada polo Servizo de Vías e Obras e á que se refire o acordo do Pleno desta Excma. Deputación Provincial de data 31 de maio de 2006.” 6.5703.- APROBACIÓN DO PROXECTO DE EXECUCIÓN AMPLIACIÓN MUSEO DE PONTEVEDRA” COMPLEMENTARIO “RESTOS MURALLA Sr. Presidente.- Punto número 6 da orde do día. Aprobación do proxecto de execución complementario “Restos muralla ampliación do Museo de Pontevedra”. ¿Votos en contra?. ¿Abstencións?. ¿A favor?. O Ministerio de Cultura, a Consellería de Cultura da Xunta de Galicia e a Deputación de Pontevedra subscribiron, con data 2 de decembro de 2003, un Convenio de colaboración para levar a cabo as obras de ampliación do Museo de Pontevedra e a rehabilitación do Edificio Sarmiento por un importe de 15.255.405, 76 euros, proxecto que foi adxudicado á empresa ACS Proxectos, Obras e Construcións, que posteriormente se fusionou mediante absorción coa firma Dragados, Obras e Construción, por importe de 12.889.292,32 euros. Como queira que a parcela onde se leva a cabo a construción da primeira fase de ampliación do Museo está ubicada no casco antigo de Pontevedra, a Consellería de Cultura esixiu unha intervención arqueolóxica tendente a conservar a muralla medieval de Pontevedra e cuxas condicións foron esixidas tamén polo concello de Pontevedra ó outorgar a correspondente licenza urbanística; dita actuación obrigou a realizar unha modificación do proxecto aprobado polo Pleno da Corporación Provincial na sesión celebrada o 3 de novembro de 2006- e que supuxo un incremento respecto ó proxecto orixinal de 2.577.706,32 euros. Pola súa parte a Dirección Xeral de Patrimonio Cultural da Xunta de Galicia esixiu a redacción dun proxecto complementario de tratamento dos restos arqueolóxicos -requisito tamén esixido polo concello de Pontevedra ó outorgar a correspondente licenza- que foi elaborado polos redactores do proxecto orixinal, D. Eduardo Pesquera González e D. Jesús Ulardi Aguruza, recollendo o tratamento definitivo que se dará á muralla na rúa Sierra e cuxo importe ascende á contía de 3.045.902,94 euros. No Pleno Corporativo do día 25 de abril ó prestar aprobación ó primeiro expediente de modificación de créditos consignouse a contía de 1.000.000,00 de euros para financiar a anualidade do 2008 mentres que a cantidade restante, segundo o informe do Director Técnico e polo calendario de execución das obras, pódese financiar en dúas anualidades no 2009 e no 2010. O proxecto complementario conta co informe favorable da oficina de supervisión de proxectos e do Servizo de Intervención. Segundo a memoria xustificativa, coa realización deste proxecto complementario, a rúa Sierra transfórmase para permitir a súa integración coa Muralla e o Museo de Pontevedra. En consecuencia e á vista dos informes que obran no expediente administrativo da súa razón o Pleno, de conformidade co ditame da Comisión Informativa de Infraestruturas e Servizos Xerais, acorda por unanimidade: Aprobar o proxecto de execución complementario “Restos Muralla Ampliación Museo de Pontevedra” cuxo importe ascende á contía de 3.045.902,94 euros, dos cales 1.000.000,00 de euros financiaranse na anualidade do 2008 mentres que a cantidade restante, segundo o informe do Director Técnico e polo calendario de execución das obras, financiarase nas anualidades do 2009 e 2010. 7.5704.- RESOLUCIÓN DO RECURSO DE REPOSICIÓN INTERPOSTO FRONTE Ó ACORDO PLENARIO DE RESOLVÍAN AS ALEGACIÓNS Ó PROXECTO “URBANIZACIÓN RÚA SANXENXO”, E SE APROBABA DEFINITIVAMENTE O MESMO DATA 26 DE OUTUBRO DE 2007 POLO QUE SE Sr. Presidente.- Punto número sete da orde do día. Resolución do recurso de reposición interposto fronte ó acordo plenario de data 26 de outubro de 2007 polo que se resolvían as alegacións ó proxecto “Urbanización rúa Sanxenxo” e se aprobaba definitivamente o mesmo. ¿Votos en contra?. ¿Abstencións?. ¿A favor?. O Pleno da Deputación Provincial de Pontevedra, en sesión ordinaria celebrada o 25 de abril de 2007 adoptou, entre outros, o acordo de aprobación inicial do proxecto denominado “Urbanización da Rúa Sanxenxo”, que está dotado dun orzamento para coñecemento da Administración de 1.862.928,20 euros, detallado en orzamento de execución por contrata por importe de 1.673.541,99 euros e capítulo de expropiacións por importe de 189.386,21 euros. Dito proxecto, que ten por obxecto dotar dos servizos básicos a esa zona, enmárcase dentro do Convenio de cooperación subscrito entre a Deputación Provincial de Pontevedra e o concello de Sanxenxo. As inversións necesarias para a realización das citadas obras serán financiadas coa colaboración de ambas as dúas entidades locais mediante a achega das cantidades relacionadas no Convenio de referencia. Someténdose a información pública dito proxecto e o seu expediente de expropiación, durante o período establecido legal e regulamentariamente, en virtude de edito publicado no Boletín Oficial da Provincia de data 23 de xullo (BOP nº 142), na táboa grande de anuncios do concello de Sanxenxo e en varios periódicos da localidade, notificándose ademais persoalmente a todos os afectados a apertura do citado período de información pública, formuláronse unha serie de alegacións ó proxecto e ó expediente de expropiación que implica que foron informadas no seu día. Na sesión celebrada o 26 de outubro de 2007 o Pleno da Excma. Deputación Provincial de Pontevedra adoptou, entre outros, o acordo polo que se resolvían as alegacións presentadas durante o período de información pública, aprobábase definitivamente o citado proxecto e a relación de propietarios e bens afectados, e ratificábase a solicitude á Xunta de Galicia da declaración de urxente ocupación dos bens e dereitos afectados pola execución do proxecto -urxencia declarada en virtude do Decreto 71/2008, de 27 de marzo-. A mención a dito acordo plenario publícase no Boletín Oficial da Provincia o 13 de novembro de 2007 -BOP nº 219-, presentando o titular do predio nº 43 recurso de reposición fronte ó mesmo en data 22 de abril de 2008. Á vista do informe emitido polo Servizo de Vías e Obras e co fin de dar continuidade ó expediente de expropiación derivado do citado proxecto, o Pleno, de conformidade co ditame da Comisión Informativa de Infraestruturas e Servizos Xerais, acorda por unanimidade: Desestimar o recurso de reposición interposto por D. José Manuel Otero Rey, en calidade de Administrador único da mercantil “Solvida Sanxenxo S.L” propietaria do Hotel Augusta -predio nº 43 no expediente de expropiación- con base ós seguintes fundamentos xurídicos: Primeiro. O recurso potestativo de reposición é interposto por D. José Manuel Otero Rey, en calidade de Administrador único da mercantil “Solvida Sanxenxo S.L” propietaria do Hotel Augusta -predio nº 43 no expediente de expropiación derivado do proxecto Urbanización Rúa Sanxenxo- persoa lexitimada para iso e ante o órgano competente para resolver o mesmo. Dito recurso preséntase o 22 de abril de 2008 fronte ó acordo adoptado polo Pleno da Deputación Provincial de Pontevedra de data 27 de outubro de 2007, publicado no Boletín Oficial da Provincia o 13 de novembro de 2007, é dicir, 5 meses despois da súa publicación e en consecuencia de forma extemporánea de acordo co disposto no artigo 117 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común -modificada pola Lei 4/1999, de 13 de xaneiro- que establece o prazo dun mes para interpor recurso de reposición se o acto fose expreso. Por outro lado dito prazo obriga ó interesado tal e como preceptúa o artigo 47 da citada Lei ó dispor que “Os termos e prazos establecidos nesta ou outras Leis obrigan ás autoridades e persoal ó servizo das Administracións Públicas competentes para a tramitación dos asuntos así como ós interesados nos mesmos”. Segundo. Non obstante o anterior e en relación ás cuestións formuladas no recurso de referencia poño no seu coñecemento o seguinte: a) Alegacións referidas á “vulneración do réxime de notificacións”. Sinálase no recurso de reposición que “non se comunicou a esta parte o acto aprobatorio do proxecto…..” e que “…ó terse vulnerado o réxime de notificacións previsto no ordenamento xurídico se orixinou unha inadmisible indefensión…..” Porén o exame do expediente administrativo da súa razón desvirtúa ditas alegacións xa que o proxecto e o expediente de expropiación que implica -no que figura a relación concreta e individualizada dos propietarios e bens afectados- foron obxecto do trámite de información pública de acordo co disposto nos artigos 15 e 17 da Lei de Expropiación Forzosa, en relación co preceptuado na Orde da Consellería da Presidencia da Xunta de Galicia sobre ocupación urxente de bens nas expropiacións levadas a cabo polas entidades locais. En concreto o 20 de xullo de 2007 notifícase a Solvida Sanxenxo S.L. a apertura de dito trámite de información pública sen que o interesado realizase ningunha alegación ó respecto. Ademais a mención á aprobación definitiva do proxecto que agora se recorre foi publicada no Boletín Oficial da Provincia -o 17 de novembro de 2007- polo que a presunta vulneración do réxime de notificacións alegado polo interesado carece de calquera sustento xurídico. En calquera caso o propietario puido realizar alegacións -e así as fixo- ó longo da tramitación do expediente non só a través do presente recurso senón tamén no levantamento de actas previas á ocupación, polo que non cabe falar de indefensión susceptible de anular o acordo “obxecto de impugnación”. b) Alegación relativa á “contravención do planeamento urbanístico do concello de Sanxenxo”. Neste punto cabe resaltar que o ancho do vial previsto no tramo de estrada no que se sitúa o Hotel Augusta axústase ás aliñacións previstas no Proxecto Xeral de Ordenación Municipal do concello de Sanxenxo, polo que a ocupación dos bens e dereitos prevista é a necesaria para levar a bo termo as determinacións previstas en dito instrumento de ordenación urbanística. Neste punto o artigo 101 da Lei 9/2002, de 30 de decembro, de Ordenación Urbanística e Protección do Medio Rural de Galicia, dispón que “Os particulares, igual que a Administración, quedarán obrigados ó cumprimento das disposicións sobre ordenación urbana contidas na presente Lei, nas normas que a desenvolven e nos instrumentos de ordenación aprobados de acordo á mesma”. É por iso que o proxecto se axusta escrupulosamente ás aliñacións fixadas polo Proxecto Xeral de Ordenación Municipal do concello de Sanxenxo tal e como reflicte nos planos que obran no expediente administrativo da súa razón. Cuestión distinta é que a situación do muro obxecto de expropiación non se axuste ás aliñacións establecidas no planeamento, xa que o feito de contar con licenza municipal non é sinónimo de que dita construción se axuste á legalidade. c) Alegacións referidas á “desproporción da obra a desenvolver na fronte do Hotel Augusta e incorrecta enumeración dos bens e dereitos afectados”. Sen prexuízo de que a Administración “agradece” a preocupación mostrada polo interesado en relación á xestión do gasto público, cabe sinalar que o custo da obra a executar será valorado por técnicos do Servizo de Vías e Obras quen ponderarán os traballos a executar na parcela nº 43 do expediente de expropiación, de acordo cos principios de eficiencia e eficacia que rexen a actuación administrativa. En calquera caso cabe lembrar que a expropiación forzosa contempla o suposto en que, decidida a colisión entre o interese público e o privado, en consideración á lóxica prevalencia do primeiro, resulta obrigado arbitrar o procedemento legal adecuado para promover xuridicamente a transmisión imperativa do dereito expropiado e para facer, consecuentemente, efectiva a favor do particular a xusta indemnización. En canto ós bens a ocuparse estes aparecen pormenorizados exhaustivamente na acta previa á ocupación firmada no seu día polo interesado. d) Suspensión da executividade da resolución impugnada. Á vista do exposto non procede acordar a suspensión do acto agora recorrido xa que a mesma causaría un prexuízo ó interese público representado neste suposto por un proxecto cuxa finalidade é de dotar a ese tramo da estrada provincial Padriñán-Laxe dos servizos básicos de competencia municipal como a rede de sumidoiros, a rede de abastecemento, a iluminación pública, a rede de media e baixa tensión ou a construción de beirarrúas, así como mellorar a seguridade duns peóns que, nestes momentos, poñen en constante perigo a súa integridade física xa que ó transitar por este tramo de estrada deben invadir parte da zona de circulación co risco que iso implica, agravándose a situación pola situación na zona dunha gardería municipal, é dicir, coa presenza de poboación infantil coa que se deben extremar as precaucións. 8.5705.- APROBACIÓN DO PROXECTO “AQUELANDO II” PARA INICIO DAS SÚAS ACTIVIDADES SUBVENCIONADO POLO FONDO SOCIAL EUROPEO Sr. Presidente.- Punto número oito da orde do día. Aprobación do proxecto “Aquelando II” subvencionado polo Fondo Social Europeo para inicio das súas actividades. ¿Votos en contra?. ¿Abstencións?. ¿Votos a favor?. O día 7 de novembro de 2007 a Secretaría de Estado de Cooperación Territorial emite resolución pola que se aprobaban as bases reguladoras da convocatoria 2007 para a concesión de axudas do Fondo Social Europeo (FSE) durante o período de intervención 2007-2013, do Programa Operativo “Adaptabilidade e Emprego”. Este Programa é xestionado en España a través do Ministerio de Administracións Públicas (MAP) como organismo intermedio da autoridade de xestión comunitaria, co obxectivo de contribuír á creación de emprego, ó desenvolvemento económico e á cohesión económica e social do ámbito local. En base a esta convocatoria de axudas, a Xunta de Goberno da Deputación de Pontevedra en sesión de data 13 de febreiro de 2008 adoptou o acordo con nº 4.15863 de aprobar a presentación da candidatura do proxecto “AQUELANDO II” á devandita convocatoria de axudas do FSE co obxecto de obter a súa aprobación e a concesión da subvención correspondente que lle permitira poder executar este proxecto. O día 15 de maio 2008 recíbese na Deputación de Pontevedra a notificación por parte da Secretaría de Estado de Cooperación Territorial do Ministerio de Administracións Públicas na que se comunica a aceptación da candidatura do Proxecto AQUELANDO II e a concesión da subvención do FSE por un total de 1.851.824,71 €, sobre un orzamento total de gasto elixible de 2.314.780,89 €, o que constitúe un 80% de subvención do FSE para a execución deste proxecto. O 20% restante 462.956,10 € corresponde á cofinanciación a través de fondos propios que debe facer a Deputación de Pontevedra a este proxecto. O Proxecto AQUELANDO II ten coma obxectivo principal lograr a inserción socio laboral de persoas desempregadas do sector servizos de atención a persoas da provincia de Pontevedra. Dentro deste obxectivo xeral as accións cofinanciadas inclúense dentro dos seguintes ámbitos de actuacións: 1. Creación de itinerarios integrados de inserción socio laboral: consiste na orientación e asesoramento das persoas beneficiarias do proxecto en función das necesidades detectadas e, a partir delas, deseñaranse os itinerarios personalizados a seguir: recepción dos beneficiarios; análise de necesidades e acompañamento no itinerario; formación ocupacional e profesional; prácticas profesionais en entidades de intermediación e inserción laboral por conta allea. 2. Elaboración dun Pacto Local polo Emprego a nivel Provincial: consiste nun acordo que contempla a configuración de programas integrais de políticas de emprego locais en base a un proceso de planificación e concertación destas políticas nun territorio, con vistas a optimizar recursos e reforzar a súa eficacia, eficiencia e equidade. O prazo para a execución do proxecto é de 36 meses. En base ó anteriormente exposto, e de conformidade co ditame da Comisión Informativa de Recursos Externos, Promoción Económica, Emprego e Comercio, o Pleno acorda por unanimidade a adopción do seguinte acordo: 1. Aprobar o Proxecto AQUELANDO II, que foi presentado á convocatoria de axudas do Fondo Social Europeo (FSE) do Programa Operativo “Adaptabilidade e Emprego”, e iniciar as súas actividades. 2. Aprobar de forma taxativa a distribución do gasto que se plantexa no cadro económico-financeiro adxunto para cada unha das anualidades: ANO 2008 2009 2010 2011 TOTAL ORZAMENTO TOTAL 325.268,19€ 795.805,08€ 795.805,08€ 397.902,54€ 2.314.780,89€ SUBVENCIÓN FSE 260.214,55€ 636.644,06€ 636.644,06 318.322,03€ 1.851.824,71€ ACHEGA PROPIA DEPUTACIÓN PONTEVEDRA 65.053,64€ 159.161,02€ 159.161,02€ 79.580,51€ 462.956,18€ 3. Aprobar que a súa xestión se realice a través do módulo “proxecto de gastos” tal e como establece a Base 27ª de execución do orzamento provincial para o exercicio 2008. 4. Aprobar a xeración de crédito polos importes da subvención concedida e as achegas propias da Deputación de Pontevedra abrindo as partidas e conceptos que sexan necesarios para a súa xestión dentro do módulo “proxecto de gastos”. 9.5706.- MOCIÓN DA PRESIDENCIA SOBRE INICIO DE ACTIVIDADE ECONÓMICA E NOMEAMENTO DE COMISIÓN DE ESTUDO Sr. Presidente.- Punto número nove da orde do día. Moción da Presidencia sobre o inicio de actividade económica e nomeamento de comisión de estudo. Bueno aquí está pouco explicado. En principio os acordos que se propoñen para isto é incoar, de conformidade co artigo 97, o expediente para o exercicio por parte da Deputación de Pontevedra da actividade económica de colaboración cos municipios para garantir a adecuada xestión de residuos sólidos urbanos e outros servizos ou actividades propias da competencia provincial ou municipal. Segundo, neste caso, constituír unha comisión de estudo encargada de elaborar no prazo máximo de dous meses a memoria correspondente na que se valoren os aspectos social, xurídico, técnico e financeiro da actividade económica indicada e se determine a forma de xestión proposta. Á mesma estará integrada polos seguintes membros: Presidente da Deputación Provincial ou persoa en quen delegue; dous Deputados do Grupo Provincial do Partido Popular, que neste caso é Dona Mª Teresa Pedrosa Silva e D. José Juan Durán Hermida; un Deputado do Grupo Provincial do Partido Socialista, D. Juan Luciano Otero Besada, e un Deputado do Grupo Provincial do Bloque Nacionalista Galego, D. Cesáreo Mosquera Lorenzo. A mesma asistirán tamén o Interventor e o Secretario. En principio como xa é algo coñecido, bueno pois é poñer en marcha ese órgano que vai a encargarse de levar a cabo pois a mellora e a xestión dese servizo, que neste momento por parte dos concellos ten serias dificultades e que polo tanto entendemos que dende aquí, dende a propia xestión, no que se refire á Deputación de Pontevedra, porque é a encargada de cobrar a taxa de recollida de residuos, e polo tanto porque articulando unha fórmula para integrar ós concellos que neste momento teñen a xestión directa de recollida de residuos se pode facer un mellor traballo e polo tanto cremos que é unha magnífica oportunidade de dar un mellor servizo ós cidadáns. Sr. Figueroa. Sr. Figueroa Vila.- Xa o explicou perfectamente o Presidente, polo tanto aquí o único que se trata é de crear esta comisión para que nun prazo de dous meses pois podamos entre todos facer achegas e adoptar a mellor solución posible para colaborar cos concellos nun tema tan delicado como é o dos residuos, que creo que afecta a todos os concellos e ós cidadáns e polo tanto dende a Deputación temos a vontade política de crear unha sociedade ou un órgano de xestión que sexa o máis razoable para aplicar e para colaborar con cada un dos concellos. Eu creo que é importante que nesta comisión participemos todos os grupos políticos, é un tema para o presente e o futuro desta provincia, e sobre todo pois un tema tan delicado coma este eu creo que deberíamos de buscar o consenso e o goberno o que intentará é que os grupos da oposición, de entre todos, que poidamos facer as achegas en base a experiencias que tamén temos na maior parte dos concellos, e en base a iso pois adoptar o órgano de xestión máis adecuado para levar a cabo este proxecto. Creo que é un tema importante, que seguramente moitas veces pasa de lado, non se lle dá importancia, pero cando realmente temos os problemas co tema dos residuos pois quizás sexa unha das cuestións máis complexas que temos os concellos á hora de xestionar. Polo tanto eu creo que esta Deputación debería de dar eses pasos, dalos con tranquilidade, adoptar os criterios máis axeitados, porque creo que do futuro do tratamento dos residuos pois vai a depender tamén pois as decisións que adoptemos entre todos. Nós dende logo como goberno aquí si que tenderemos a man a todos para que poidamos facer as achegas cada un, volvo a repetir, en base as experiencias que temos. Agora se trata de constituír esa comisión, hai algúns estudos xa por aí que poden servirnos de inicio deses traballos, pero sen menoscabo de que poidamos ter que pedir máis ou facer máis achegas, tanto propias, dos grupos, como incluso achegas externas de xente cualificada que nos pode dar a súa opinión tamén, e disto é do que se trata hoxe. Sr. Presidente.- Moitas grazas. D. Cesáreo Mosquera. Sr. Mosquera Lorenzo.- Grazas Sr. Presidente. Bos días. Ben, creo que estamos ante un caso no que a Deputación dá un paso adiante, para cubrir ou intentar cubrir un servizo que evidentemente dá, bueno, a fragmentación e o tamaño e o volume e os recursos de cada concello por separado, sobre todo os pequenos, pois está creando gravísimas dificultades, vou contar unha anécdota, digo que é coñecida, que é que nos concellos grandes, polo menos no de Pontevedra, resulta que nunca morre un cabalo nos do lado, sempre aparece xusto na raia para acá, aínda que no concello de Pontevedra non hai cabalos. Ou o mesmo, recollida de mobles ou cousas polo estilo, que en vez de, os tiran e tal, entón é obvio que hai concellos que non poden prestar o servizo e demais. Independentemente de que isto queda moito por perfilar, hai unha base, que non é só as posibilidades de prestar o servizo nun sentido amplo, que á escala si o permitiría facer, senón que hai moitos concellos que practicamente non están cobrando a recollida de lixo, co cal haberá que regularizar iso, polo menos poñelo a prezos, a taxa que poida cubrir ou polo menos paliar moi seriamente o déficit dos servizos, e, bueno, pois hai máis cousas que son complexas de votar adiante, que depende do número de concellos que se adhiran, depende do tipo de, o ritmo que leve, depende do contrato que se poida facer no seu momento porque, o tipo de xestión que se poida facer e demais, hai moito, un tema complexo, que non creo que se vaia a resolver de maneira inminente, nin nun ano nin en dous, pero bueno, o asunto é votar a andar e si que é unha competencia clara, é unha función clara, das Deputacións tal e como están, poder prestar este servizo. O único que nos queda e a ver se acertamos, a ver se se pode votar a andar e acertamos correctamente. Na comisión quedamos por falar todos eses asuntos e, vamos, xa se irá dando conta e xa veremos se logramos levar isto a bo porto. Nada máis. Sr. Presidente.- Moitas grazas. A verdade é que coincidimos plenamente nesa exposición, no que se refire sobre todo a que dende un ente ou dende un gran consorcio como pode ser este se pode dar un mellor servizo e sobre todo máis eficiente e máis económico. D. Emilio González. Sr. González Iglesias.- Si. Bos días Sr. Presidente. O Grupo Socialista o único que ten que criticar neste tema é simplemente que se faga tan tarde. É dicir, hai propostas, nos últimos dez anos hai propostas dos grupos da oposición neste sentido e a primeira foi para a creación dun consorcio, a segunda foi de colaboración económica cos concellos, e a terceira foi de colaboración económica cos concellos no tema de SOGAMA, todas elas teñen máis de catro anos e menos de dez, as tres propostas. Polo tanto, loxicamente temos que coincidir que é algo imprescindible, para nós moi importante e que hai que facer, que quedaba por facer dentro da provincia. Volvo a repetir o único que podemos é criticar a tardanza en facelo nada máis, estamos dispostos a colaborar no tema e a poñer todo o que sexa da nosa parte para que o tema sala adiante. Simplemente eu si quería facer unha precisión e unha precisión que o outro día na reunión de Portavoces o Voceiro do Partido Popular dicía que en principio estaba pensado para todos os concellos excepto Vilagarcía, Pontevedra e Marín, perdón, e Vigo, Vilagarcía-Pontevedra-Vigo, e agora, bueno, eu non lle fixen máis caso porque supoñía que era un comentario nada máis, pero agora chámame a atención que o Presidente na primeira intervención falaba de que para aqueles concellos que teñen a xestión directa do servizo, é dicir, supoño que nos estamos referindo a todos os concellos, a todos aqueles que queiran participar. Sr. Presidente.- Si, si, si. Sr. González Iglesias.- Se é así totalmente de acordo. Nada máis. Grazas. Sr. Presidente.- Non, non, ademais aclaro, primeiro, bueno dicir que si podo estar de acordo en que por parte doutros grupos houbo propostas nalgúns temas de creación de consorcios, neste tema concreto exactamente como se prevé non houbo ningunha, no que vou aclarar eu agora en relación a que dende aquí o que se pretende é xestionar neste caso todo o que é o ciclo de recollida, todo o que é o ciclo de recollida destes municipios, porque digo xestión directa e xestión indirecta, xestión directa son aqueles concellos que neste momento están xestionando con medios propios a recollida de residuos, xestión indirecta son aqueles concellos que neste momento teñen delegada a xestión nunha empresa, por exemplo, Pontevedra creo que está xestionado por unha empresa, Vigo exactamente tamén, neste momento creo que se os datos non me fallan, 33 municipios da provincia de Pontevedra teñen xestión directa e o resto creo que están cunha concesión a unha empresa que non se descarta tampouco esa incorporación no momento en que tanto o concello pertinente o estime oportuno ou como se remate a concesión que teñen delegada. Polo tanto nace para todos os concellos e esa é a nosa idea ademais, que se incorporen todos, cremos por un estudo que xa temos feito, que vamos a reducir custes e vamos a reducir moitos medios, vamos, tanto medios económicos e medios materiais, só dicirlles un dato, que os 33 concellos que neste momento teñen xestión directa teñen un total de 55 vehículos para a recollida do lixo, pois, é que entendemos que por exemplo eses 55, con bastantes menos deses, faríamos a recollida do que agora neste caso se faría deses 33, non, ou sexa, aí podemos reducir persoal, medios, e sobre todo dar unha maior eficacia e sobre todo pois moito máis económico o servizo para os cidadáns, e ó mesmo tempo a Deputación cerraría o ciclo cobrando pois a taxa por recollida do lixo, que xa estamos cobrando, ou sexa, o faríamos a través do ORAL, ou sexa, que o ciclo se cerraría dende a propia institución provincial o cal pois é un proceso creo que moi importante, moi interesante, e en definitiva pois é unha mellora que lle vai a beneficiar directamente ós cidadáns da provincia. Por iso me alegro ademais que neste caso exista total sintonía dos tres grupos políticos para levar a cabo unha iniciativa destas características que polos datos que temos e que nos leva agora a traballar coas propostas de todos os partidos que queiran aportar, pois creo que vamos a poñer en marcha unha moi feliz iniciativa, que como digo vai a redundar en beneficio xeral para todos os cidadáns. Polo tanto procedemos á votación neste caso da Moción da Presidencia sobre o inicio, ¡ah!, D. Cesáreo Mosquera. Sr. Mosquera Lorenzo.- Si, non, soamente un matiz, o servizo, que non sei se se pensa facer xestión directa ou indirecta, iso xa haberá que velo. Sr. Presidente.- Haberá que valoralo. Sr. Mosquera Lorenzo.- Haberá que valoralo porque iso tal, será máis eficiente, agora, máis económico cara ó cidadán nin de broma, nin de broma, digo, non se deslice iso, porque o que se está cobrando, é dicir, unha tonelada real, ou sexa, o que xera unha familia ó ano, traducido, ten que andar en 80, 90 euros o que sexa, cando nestes momentos hai concellos que non cobran nada e outros que cobran pois dez euros e cousas polo estilo, evidentemente esa diferenza ten que pagala alguén, ¿que a están pagando os concellos?, obviamente, compran o camión á conta do PAM que o podían dedicar a outra cousa, o que sexa, vale, pero digo, non se deslice iso, digo que as cousas hai que chamalas polo seu nome, é dicir, se queremos ter un servizo decente nas zonas nas que non o hai, decente, non digo maravilloso, e evidentemente vai supoñer, vamos unha suba de custes e alguén vai ter que pagar o déficit, obviamente, digo, non se deslice, ás cousas hai que chamalas polo seu nome e o dicimos así porque o resto sería estarnos enganando, estar enganando a todos. Outra cuestión é se hai concellos que teñan a capacidade de poñer e a Deputación lle terá que pasar a factura, entón se ten capacidade de poñer a ordenanza ó día ou non, ou se faga a ordenanza dende aquí, se fai a ordenanza dende aquí, xa o veremos, iso vamos a velo despois, agora o que non ten ningún sentido é que, bueno, non quero poñer ningún nome de concello que non cobra o lixo, cobra moi pouco, os servizos que se prestan son daquela maneira, verdade e noutro lado pagan, hai que intentar unificalo, que creo que estamos cunhas alturas que non vale xa certo tipo de comportamentos herdados, ás cousas hai que chamalas polo nome, ou nós entendémolo así, porque senón o resto sería estalos enganando a todos, o servizo vai a ser moito máis eficiente, prestaranse servizos que non se están prestando ata agora, pero dende logo a economía, digamos, o que hai que pagar haberá que unificalo tamén e unificalo non vai ser a baixa, que non se lle cobre a ninguén, como está sucedendo agora nalgúns concellos. Sr. Presidente.- Si, bueno, dicir que eu dicía de maior efectividade dende o punto de vista de mellor servizo, e incluso dende o punto de vista económico. Fixemos un, dos datos que temos xa de cada concello, porque a verdade é que hai moito avanzado, hai un concello moi próximo aquí a Pontevedra que ten unha xestión indirecta, e cos datos que nos aportaron e coa configuración que queremos poñer en marcha dende a Deputación, tería un aforro anual entre dez e doce millóns de pesetas anuais, con esta xestión deste servizo. É certo que comenta neste caso o Deputado D. Cesáreo Mosquera, en relación a que hai moitos concellos da provincia de Pontevedra que están cobrando unha taxa totalmente insuficiente, e que non dá para cubrir precisamente o custe do servizo, pero sen embargo se hai outros concellos que neste momento están cobrando unha taxa que si lle dan para manter eses servizos, son poucos evidentemente, a maioría o servizo é tremendamente deficitario porque así o entende o goberno municipal correspondente. Pero dos datos que fixemos, estudos económicos concello a concello, que xa llos vamos a aportar de maneira inmediata, un concello xa digo moi próximo a Pontevedra, concello de algo máis de 5.000 habitantes pois o aforro económico anual está entre os dez e os doce millóns de pesetas anuais que os pode, evidentemente, por iso digo, a mellor xestión económica, os pode investir noutra cousa e pode investir a taxa tamén do que cobrar porque ademais é un concello que cobra unha taxa razoable en función do custe do servizo, polo tanto quería explicar ese tema. D. Emilio González Iglesias. Sr. González Iglesias.- Vamos a ver Sr. Presidente. Nós temos claro, por iso eu facía a precisión antes, temos claro que o fin último deste consorcio ten que ser, que calquera cidadán desta provincia, viva onde viva, teña o mesmo servizo e co mesmo custe, ese para nós é o fin último deste consorcio, en función do que se quere facer. Claro, é dicir, por iso nós estamos plantexando claramente que sexa aberto a todos os concellos que queiran participar, a todos os concellos da provincia, non soamente ós 33 que están facendo a xestión directa, que están facendo a recollida por xestión directa, senón abertos a todos, porque senón poderían aparecer vicios antigos nesta provincia que son os de sempre, é dicir, bueno, pois resulta que a uns concellos se lle financia por outra parte e seguen tendo esa especie de paraíso fiscal que seguen mantendo ata agora, é dicir, para que sexamos, sexa o tratamento igual absolutamente para todos, ten que haber a posibilidade de que todos poidan entrar, outra cousa é que cada concello ou o mesmo consorcio terá que resolver a situación da xestión indirecta, ese é outro tema, pero a posibilidade de entrar nós entendemos que ten que ser para todo o mundo. Nada máis, con esa precisión vamos a votar a favor. Sr. Presidente.- Nese estea tranquilo, e ademais quero dende aquí agradecer xa neste caso ós concellos, incluso pola información que se nos traslada, porque me trasladaron de todos, de que a maioría, incluído neste caso con alcaldes de distintos grupos políticos, se nos está dando todo tipo de facilidades á hora de facilitarnos todo tipo de información e polo tanto queremos empezar ademais con todos aqueles que queiran adherirse e a idea, pois xa digo, é de que aceleremos na medida do posible, que como xa hai datos e temos moitisima información, pois poder plantearvos toda a información, que temos que trasladárvola, e a partir de aí pois ir avanzando para telo funcionando o antes posible, ou sexa, que nese sentido van a contar con toda a colaboración neste caso do grupo de goberno, para que sexa plural e para todos os cidadáns e para todos os concellos da provincia de Pontevedra. Sr. Figueroa. Sr. Figueroa Vila.- Só para matizar o da xuntanza de Voceiros, estábamos falando, bueno, pois dunha maneira coloquial, nós, evidentemente eu sigo mantendo ese criterio, é dicir, que poden entrar todos, pero é que claro, Vilagarcía, Pontevedra e Vigo, teñen unhas suficiencias e unha serie de ingresos moi distintas a outros concellos que loxicamente pois ábrenlle outras posibilidades, é dicir, eu creo que este é un tema para debater nesa comisión, pero Sr. González, que vostede diga que o servizo e o custe ten que ser igual para calquera cidadán de calquera lugar da provincia, home, iso é difícil de asumir, é dicir, vostede o sabe, xa nos propios concellos, xa nos propios concellos, home, como comprenderá vostede unha persoa que vive en Vigo na Porta do Sol, non pode pagar igual que unha persoa que vive en Chapela, é dicir, iso é aplicar o sentido común única e exclusivamente, é dicir, pero iso é un tema que haberá que debatelo, eu creo que iso é unha cuestión racional, social e de calquera tipo, é dicir, vostede pode dicir, “non, que paguen todos igual”, a min non me parece xusto, é dicir, eu digo unha opinión xa persoal que haberá que debatela, pero unha persoa que vive no centro de Pontevedra ou no centro de Vilagarcía ou no centro de Vigo, pois non pode pagar igual que unha persoa que vive na Lama, é dicir, sería irracional, é dicir, eu creo que para iso están evidentemente as administracións e para iso está unha Deputación como esta que sexa capaz de montar uns criterios racionais, equilibrados, xustos, e iso é o que eu lle comentaba a vostede o outro día na Xunta de Voceiros, que é unha opinión que bueno, que a dou e que a manteño e que seguramente terá que ir por aí, evidentemente, é dicir, porque senón seríamos como administracións, estaríamos si que facendo un trato inxusto cos veciños da nosa provincia, se vostede considera que nunha parroquia de Redondela, calquera, a que vostede queira, de Vilar, ten que pagar o mesmo que o que vive na Farola de Redondela ou o que vive na Porta do Sol, ou o que vive en García Barbón, ou o que vive en Colón ou o que vive aquí pois ó lado do concello de Pontevedra, home, en principio como norma elemental, parecería inxusto, pero bueno, eu creo que estas son cuestións, por iso eu non quixen entrar no debate de fondo porque me parece que para iso vai a estar esta comisión, creo que estamos trasladando seguramente, adiantándonos a un debate da comisión, pois ó Pleno que tamén é bo, que non pasa absolutamente nada, que é positivo, pero eu o que creo que dende o noso grupo non vamos a intervir máis, nos parece que trasladaremos todas as cuestións á comisión, e nesa comisión, eu só quixen intervir agora, porque parecía como se eu fixera unha proposta concreta, non, fixen un comentario que o sigo mantendo, evidentemente, que hai concellos que teñen máis recursos para resolver os problemas que outros concellos con menos posibilidades. Nada máis. Sr. Presidente.- Si, D. Emilio González. Sr. González Iglesias.- Vamos a ver. Sr. Figueroa, efectivamente, efectivamente, este é un debate da comisión seguramente, pero eu se me permite unha precisión nada máis, mire, este tipo de servizos o que hai que facer é cobrar o que custan e o que vostede acaba de dicir pode quedar moi bonito de cara a fóra pero a realidade é xusto o contrario do que di vostede. É certo que na maior parte dos concellos, o exemplo que poñía vostede, paga más o da Porta do Sol de Vigo que o cidadán de Chapela en Redondela, pero coa Lei na man tiña que ser ó revés, coa Lei na man, si, é moito máis barato recollerlle o lixo, a xestión dese servizo, no casco urbano, onde está toda a poboación xunta e demais historias, é moito máis barato que no rural, e sen embargo ata agora, ata agora eses cidadáns son os que máis están pagando polo servizo, ¿sabe por que?, non, non, non é pola capacidade econónica, non, ¿sabe por que?, ¿sabe por que?, porque vostedes coa política que levaron adiante en case todos os seus concellos na Deputación e en Pontevedra, provocaron ese tipo de situacións, claro, e se cubrían durante anos, e anos, e anos, os temas de inversións dende a Deputación e os concellos cos seus recursos pois se dedicaban a subvencionar eses servizos, ese é o problema real que agora nos topamos todos, ese é o tema de fondo. E mire, se hai que cobrar custe real, e ó revés do que dicía vostede, e lle digo unha cousa, lle digo unha cousa, probablemente, non sei en Vigo como está o tema, pero o rural de Redondela ó final, ó final, paga máis que o casco urbano de Redondela e probablemente noutros concellos pase o mesmo, porque non teñen as mesmas frecuencias de recollida, entre outras cousas, é unha cuestión de debater noutros momentos e noutros tal, volvo a repetir, coa Lei na man hai que cobrar o custe do servizo, e o custe do servizo hoxe por hoxe é máis caro no rural que no casco urbano, desgraciadamente pero é así. Sr. Presidente.- Bueno. Sr. Figueroa. Sr. Figueroa Vila.- Coa Lei na man segundo o seu criterio non cumpre ningún concello de España porque este servizo é deficitario en todos os concellos de España, en todos, é dicir eu coñezo perfectamente a realidade de Vigo porque a xestionei eu durante estes últimos tres anos e medio e lle podo dicir que é o servizo máis deficitario que ten o concello de Vigo, e se tivésemos que aplicar o custe real do servizo habería que triplicar a taxa da basura nunha cidade como Vigo. Pero para iso estamos as administracións, como comprenderá vostede ata aí chegamos evidentemente, eu creo que temos que aplicar o sentido común. Di vostede unha persoa dun centro, home, se unha persoa ten, vive nun centro dunha cidade, dunha capital, é porque ten un nivel medio-alto para poder subsistir, é unha persoa, e o custe evidentemente pois supoño que será moito máis fácil ser capaz de aboalo esa persoa que outra, eu creo que ó final, eu creo que o PP ata se está convertendo nas políticas sociais ultimamente, porque somos máis progresistas que vostedes, vostede está facendo un discurso, un discurso capitalista de coidado, é dicir. Sr. Presidente.- Si, quérenos aportar tamén o Sr. Mosquera a súa visión sobre o tema. Sr. Mosquera Lorenzo.- Si, home, grazas Sr. Presidente, é que isto eu creo que se debería deixar para a comisión, pero, vamos a ver, vamos a ver, datos reais, por exemplo o concello de Pontevedra e creo que no de Vigo máis ou menos é igual, recollida de lixo no urbano non dá déficit, o que dá é a limpeza diaria non se pode cobrar, que é diferente. Recollida de lixo no rural en Pontevedra, vou a dicilo en pesetas, 40 millóns e custa 200. Vale, estase cobrando menos pero aínda así, aínda que se pasara a cobrar o mesmo que no urbano e máis, esa é a realidade e hai que equiparar que no urbano normalmente hai limpeza diaria que se paga de impostos, cunha compensación polo sobre custe que supón no rural pero igual nalgúns casos está bastante sesgada, está bastante sesgada no sentido de que se está cobrando incluso menos que o urbano cando é máis, cando, é incluso como un fenómeno, que tamén hai que ver, que ese tipo de distribución e suposto de igualdade pois dá cousas tan curiosas como que a xeración de lixo por familia no rural está case dobrando a de urbano, case dobrándoa. ¿Por que?, bueno, pois porque se puxo o servizo como se puxo e porque rematan alí pois as pedras dos cadabullos, as vides, a herba, e non sei cantas cousas co cal se crean uns problemas bastante graves. Bueno, é un tema moi complexo que eu creo que non podemos cepillar, nin creo, e pido Sr. Presidente que se vote porque é algo para falar en comisión con moita calma, con moita calma, porque senón se poden dar unhas cifras absolutamente fóra de lugar e á parte obviando aspectos que son relevantes como por exemplo a limpeza diaria, ou incluso aspectos de comportamento á hora de xerar, que posiblemente haxa que facer algo, haxa que facer algo, non se pode ter os contedores do tipo que sexa para que vaia calquera cousa a eles e despois xa ten un custe disparatado e entón se xera un déficit artificial que se podía subsanar por outra vía, etc. Bueno, grazas, creo que o tema está suficientemente debatido. Sr. Presidente.- Bueno, pois procedemos polo tanto á votación que eu creo que esta comisión vai a dar moito de si e sobre todo o importante é que se poña en marcha canto antes para dar este importante servizo, melloralo en todos os ámbitos. Aprobación do punto número 9. ¿Votos en contra?. ¿Abstencións?. ¿A favor?. De conformidade co ditame da Comisión Informativa de Réxime Interior e Persoal o Pleno acorda por unanimidade aprobar a Moción da Presidencia sobre inicio de expediente de actividade económica e nomeamento de Comisión Estudo. Dita Moción é como segue: “A Deputación Provincial de Pontevedra está interesada en promover as actuacións necesarias para colaborar na adecuada prestación do servizo de xestión de residuos nos municipios da provincia. Actualmente, a vixente Lei 10/1997, de 22 de agosto, de Residuos Sólidos Urbanos de Galicia, atribúe ás Deputacións Provinciais, de maneira específica no seu artigo 27.2, a función de apoiar ós concellos no establecemento e na adecuada prestación dos servizos de recollida e transporte de residuos nos termos establecidos na propia Lei e demais normativa aplicable. Ademais, a nova Lei de Residuos de Galicia que se atopa en tramitación inclúe entre as competencias das Deputacións Provinciais a de adoptar as medidas oportunas para asegurar, dentro do seu ámbito territorial, a prestación integral e adecuada dos servizos mínimos atribuídos ós municipios en materia de xestión de residuos urbanos. Á súa vez, con carácter xeral, o artigo 36,a) da Lei 7/1985, de 2 de abril, Reguladora das Bases de Réxime Local (en adiante LBRL), atribúe ás Deputacións Provinciais a competencia de coordinación dos servizos municipais entre si para a garantía da prestación integral e adecuada dos servizos de competencia municipal. Neste escenario, segundo resulta da vixente Lei 10/1997, os concellos, por si ou asociados, de acordo co establecido nos artigos 25 e 26 da LBRL, terán ó seu cargo o proceso de xestión de residuos sólidos urbanos, posuíndo por tanto a condición de xestor e realizando as operacións de recollida, transporte e valorización dos residuos. Ó obxecto de cumprir con estas funcións, e co obxecto de garantir a prestación satisfactoria polos municipios dun servizo esencial como é a xestión de residuos, a Deputación de Pontevedra, considerando que o canle máis apropiado pasa pola creación dun ente instrumental que poida asumir directamente, como medio propio dos seus integrantes, a xestión da actividade pública que se proxecta. Deste xeito, e tras valorar distintas posibilidades concluíuse que a solución que mellor responde ós obxectivos que se perseguen é a creación dunha Sociedade Mercantil de capital enteiramente público na que ademais desta Deputación participen os concellos interesados. Trataríase deste xeito de crear unha sociedade que, nos termos do artigo 24.6 da Lei 30/2007, de 30 de outubro, de Contratos do Sector Público, teña a consideración de medio propio e servizo técnico da Deputación e dos concellos da provincia para os que xestionará os residuos urbanos, de tal modo que poidan encomendarlle a prestación dun servizo público esencial que, polo custoso da súa prestación, nestes momentos presenta niveis de calidade moi desiguais nos diferentes municipios da provincia. Neste senso, os fins da sociedade serían os seguintes: a) Prestar os servizos derivados da xestión de residuos urbanos ou municipais na forma que se estableza nas súas respectivas ordenanzas e, no seu caso, plans de xestión de residuos. b) Implantar sistemas de recollida selectiva de residuos urbanos ou municipais que posibiliten un reciclado e outras formas de valorización. c) Chegar a acordos cos produtores de residuos comerciais para a consecución da súa correcta xestión. d) Elaborar os plans de xestión de residuos urbanos, de acordo co que, no seu caso, se estableza na Lei aplicable e nos plans de residuos da Comunidade Autónoma de Galicia. e) Xestionar adecuadamente os residuos urbanos ou municipais abandonados en vías ou espazos públicos de titularidade municipal. Esta acción de promoción económica deberá de desenvolverse no marco de colaboración interadministrativa ó concorrer distintas Administracións con competencias sobre esta materia, sen que a participación doutras Administracións Públicas, en concreto dos entes locais, poida constituír un obstáculo ó bo fin da actividade proxectada, tratando de materializar os principios de cooperación e asistencia que en todo momento deben presidir as relacións interadministrativas. O exercicio das actividades económicas referidas require a instrución do expediente correspondente, onde se acredite a conveniencia e oportunidade da iniciativa pública así como a concorrencia de interese público nos termos previstos nos artigos 86 da LBRL e 97 do Texto Refundido das disposicións vixentes en materia de réxime local aprobado polo R.d. 781/1986, de 18 de abril (en adiante TRRL). A tal efecto, o trámite procedente neste momento, de acordo cos referidos preceptos, é o acordo plenario desta Deputación de aprobación inicial da proposta así como o nomeamento dunha comisión de estudo que elaborará a Memoria na que se consignen os aspectos social, xurídico, técnico e financeiro da actividade económica citada, e se determine a forma de xestión proposta. En consecuencia co exposto, proponse ó Pleno a adopción dos seguintes ACORDOS PRIMEIRO.- Incoar, de conformidade co artigo 97 do TRRL, o expediente para o exercicio por parte da Deputación de Pontevedra da actividade económica de colaboración cos municipios para garantir a adecuada xestión de residuos sólidos urbanos e outros servizos ou actividades propios da competencia provincial ou municipal. SEGUNDO.- Constituír unha Comisión de Estudo, encargada de elaborar, no prazo máximo de 2 meses, a Memoria correspondente, na que se valoren os aspectos social, xurídico, técnico e financeiro da actividade económica indicada e se determine a forma de xestión proposta. A mesma estará integrada polos seguintes membros: .- Presidente da Excma. Deputación Provincial ou deputado/a no/a que delegue. .- Dous Deputados/as do Grupo Provincial do Partido Popular: - Dona Mª Teresa Pedrosa Silva - Don José Juan Durán Hermida .- Un Deputado do Grupo Provincial do Partido Socialista: - Don Juan Luciano Otero Besada .- Un Deputado do Grupo Provincial do Bloque Nacionalista Galego: - Don Cesáreo Mosquera Lorenzo .- Á mesma asistirán o Interventor e o Secretario.” 10.5707.- MOCIÓN DO GRUPO PROVINCIAL DO PARTIDO ESTRADAS DE GALICIA POPULAR SOBRE O PLAN DIRECTOR DE Sr. Presidente.- Punto número dez da orde do día é, Moción do Grupo Provincial do Partido Popular sobre o Plan Director de Estradas de Galicia. Ten a palabra D. José Crespo. Sr. Crespo Iglesias.- Ben, xa falamos, bos días a todos. Xa falamos o outro día na Comisión Informativa de que o motivo desta Moción era nin máis nin menos que pedirlle á Xunta de Galicia que dentro do que é a tramitación do Plan Director de Estradas de Galicia, o PDEG, que abran unha vía de diálogo coa administración local, basicamente cos Concellos e coas Deputacións, neste caso nós pedímosllo coa nosa, claro está. Recordar que entre as catro Deputacións suman máis do 50% das vías que hai na totalidade de Galicia, e polo tanto o feito de que se presentara un plan, no seu momento chegamos a pedir que se nos escoitara antes da presentación do mesmo, non foi posible, non quixo a Xunta de Galicia escoitarnos antes, pois polo menos o que pedimos e que, despois de habelo presentado, que se nos escoite, porque creo que as suxerencias que podemos aportar ó mesmo poden enriquecelo e melloralo considerablemente, ese é o motivo desta Moción. Como xa está suficientemente explicada creo que xa se queren falamos e ... Sr. Presidente.- D. Cesáreo Mosquera. Non, xa está, xa está, xa está. Sr. Mosquera Lorenzo.- Debe estar apagado. ¡Ah!, funciona igual. Grazas Sr. Presidente. É que eu creo que aquí non hai tanto tempo se votou algo similar e demais, isto podía servir para as tres Mocións que veñen a continuación. As Mocións é un instrumento que teñen un contido resolutivo, pero que a resolución ten que ter algunha función, ten que ter algunha función, e me parece que en todos os casos está bastante fóra de lugar. Eu estou de acordo en que este plan non tería os erros que ten, que son obvios, se se fixeran consultas previas, e así se dixo publicamente e demais. Agora ben, pola información que temos a semana que vén vén a trámite de información pública ós concellos, a semana que vén ou a seguinte, ós Concellos e ás Deputacións, será o momento de facelo, podemos criticar que non se fixera antes, pero unha vez neste estadío ¿que sentido ten esta Moción?, ese é o problema, nós podemos estar de acordo en que, á parte o dixemos publicamente, que non é un problema de, vamos, de dicir agora vamos a votar, non, non, o dixemos publicamente. Moi ben, tal como se fixeron os trámites e tal como sabemos que somos responsables destes estudos máis asistencias técnicas, se se pasara pola peneira da información dos Concellos e das Deputacións, cando menos, as decisións, que tomaran as que quixeran, cando menos evitarían erros clamorosos que ten, que ten. Ben, pero unha vez feito e que vai pasar o trámite de exposición pública, que temos dous meses, segundo a información, saíu na prensa onte, vamos, esta información é da prensa, que vai haber o mes de xullo e agosto para facer alegacións, o lóxico, é dicir, bueno, á parte de queixarse de que non houbera ese trámite, que non estamos de acordo e creo que sería o máis razoable, pois o lóxico será ir preparando, cando pensamos, ir preparando e traer a Pleno as alegacións que corresponden para que se incorporen ó documento definitivo, procesalmente agora esta Moción pois non sei que sentido ten, cando está tomada a decisión, está presentada e demais. Entón, eu síntoo, compartindo de que foi un erro de tramitación, unha vez que está feito e está consolidado haberá que subsanalo coas alegacións, poñamos a responsables políticos e ós técnicos desta casa en canto chegue o documento e demais, eu pediría que a retirara e lle ofreza a posibilidade de que nomeemos xa, e para andar encima se cadra unha comisión, bueno, como sexa, para realmente ir recollendo e facer unhas alegacións moi profundas por parte da Deputación, para que se incorporen nese trámite de audiencia pública, porque nós dicimos, consúltenos, xa lle consulto, aí vai, que vai haber esa audiencia pública, non, consúltenos antes, pero antes de que, se agora xa está, foi un erro pero agora eu creo que a Moción non ten moito sentido, dende logo non sei, antes comentabámolo e non sabemos que votar a isto, porque procedimentalmente non ten sentido e polo tanto votar en contra, parece que estamos en contra de que se lle dea audiencia cando estamos a favor, votar a favor, ¿para que?, cando vai vir a audiencia pública, de verdade, teremos que votar en contra porque está bastante fóra de lugar nese sentido, á parte xa hai esa queixa de Deputación, xa houbo no seu momento, non fixeron caso, bueno, en todo caso queixarnos ou criticar que non se fixera caso, bueno, pois de acordo, de acordo, pero máis, sacar unha Moción para isto me parece que é baixar un pouco fóra do testo. Sr. Presidente.- D. Emilio González. Sr. González Iglesias.- Sr. Presidente, vamos a ver, hai dous meses traían unha Moción máis ou menos como esta, sobre o mesmo tema ademais, co resultado final que nós votamos en contra, e seguimos mantendo ese voto, porque ademais esperamos, esperamos, a forma de facer política que teñen vostedes, que presenten como tres Mocións máis no mesmo sentido, entón mentres as Mocións sexan no sentido en que van vamos a votar en contra, sexa esta ou calquera, xa llo dixen no Pleno anterior, esta ou calquera, é dicir, dende logo nós negámonos, negámonos a sentarnos con vostedes a dicirlle que si a cousas deste tipo. O día que queiran de verdade, de verdade, falar de temas, de verdade, saben onde estamos, fixémolo creo que en múltiples ocasións, en multitude delas, pero bueno, isto xa é, bueno, na dinámica na que entraron e nós non vamos a seguir esa dinámica, non estamos de acordo coa dinámica coa que entraron vostedes, son absolutamente libres de seguir por ese camiño, e aquí somos todos maiorciños, nós vamos votar en contra da Moción. Loxicamente o que lle estaba dicindo o Sr. Mosquera non só é certo senón que ademais a comunicación está nos concellos xa da iniciación da información pública e sábeo o Partido Popular, bueno, miren, que darlle voltas as cousas, bueno pois imos dándolle voltas, nada máis, votamos en contra e non vamos a intervir máis ademais. Sr. Presidente.- Moitas grazas. Ten a palabra D. José Crespo. Sr. Crespo Iglesias.- Ben, eu creo que as Mocións son ferramentas políticas e polo tanto perfectamente utilizables tanto por parte da oposición como por parte do goberno cando o estimen oportuno. Esta Moción vén ó fío precisamente de que non se nos fixo caso na outra practicamente igual, que nos ofrecíamos e que lle tendíamos a man á Xunta de Galicia, á Consellería de Política Territorial, para que con respecto ás vías provinciais, nese Plan de Infraestruturas de Galicia, a nosa opinión contara para enriquecelo, para melloralo, porque ó fin e o cabo se o que plantexáramos non fora obxectivo era fácil de desmontar porque basicamente como ten un compoñente importante técnico, como o que é medible non é opinable, ó final íamos chegar probablemente a unha conclusión. Iso non se fixo e o Sr. Mosquera recoñece que o fixeron mal, tramitouno mal, a Xunta de Galicia tramitouno mal, e ninguneounos ás Deputacións e ós Concellos, e nós o que queremos é poñer énfases, porque somos políticos, nese ninguneo, polo tanto a Moción claro que podía ter unha parte dispositiva moito máis contundente, pero en todo caso ten o que ten porque nós o que facemos é unha queixa política, a actitude de prepotencia e de soberbia por parte da Xunta de Galicia nun tema que trata as vías autonómicas onde máis do 50% son das Deputacións, das catro Deputacións. Polo tanto, que quede claro iso, que é unha queixa e ás veces as queixas maniféstanse en Mocións e é perfectamente lexítimo, agora ben, en aras de chegar a un acordo, se o Presidente o permite, eu non teño inconveniente en retirala da orde do día, pero xa déanse conta que as alegacións hai que facelas en xullo e agosto, de entrada póñennos uns meses estupendísimos, estupendísimos, onde os técnicos non están de vacacións, onde temos sobrado persoal para poder facer as xestións que temos que facer. Ou sexa que, encima, xa non é que presenten o Plan ninguneándonos senón que encima dannos para alegar xullo e agosto, menos mal que a Lei di que hai que dar dous meses, senón seguro que nos darían os últimos quince días de agosto, ou os primeiros quince días de agosto, estou convencido, porque non é casualidade de que este plan que en palabras da Consellería leva xa a piques de saír do forno hai un ano, tiña que saír en vésperas dunhas autonómicas e en vésperas do verán, xusto as condicións adecuadas para que haxa un bo diálogo entre as distintas administracións. Sinxelamente queren pasar de nós e queren facer un Plan Autonómico para dicir que hai un Plan Autonómico e que fixeron os deberes, cando non é así, porque este Plan, o mesmo que presentaron o outro día, está elaborado dende hai un ano está absolutamente o mesmo, simplemente estiveron vendo o momento adecuado para sacalo, porque eu seino, porque cando eu era Presidente da FEGAMP xa estaba ese plan elaborado, porque mo dixeron a min e que nos ían pasar a informe, eu despois pasaron as municipais, xa non me ocupei máis do tema obviamente, polo tanto o plan estaba feito, que o quiten agora, bueno, eu creo que boa fe non hai, cando menos, pero eu se o Presidente o permite estou disposto a retiralo da orde do día e creamos, e facemos, poñémonos a traballar nas alegacións, dentro do que podemos traballar, para durante estes meses, déanse conta de que en agosto non vamos a ter o Pleno, en xullo non sei se daremos traído para o Pleno de xullo, en todo caso intentaremos traer as alegacións ó vindeiro Pleno, as alegacións a ese plan, e metémolas, sempre que haxa unha vontade de consenso, como manifestan por parte dos dous grupos da oposición. Se por parte de vostedes hai un diálogo construtivo e nos podemos sentar cos técnicos, despois de facer un informe puramente técnico, vemos a parte política e podemos chegar a un acordo, pois nós o que queremos é solucionar problemas e non crealos, pero tamén queremos queixarnos do trato que se nos dispensa porque ás veces dá a sensación de que somos nós quen maltratamos, pois ese trato connosco é correcto, que veña Dios e que o vexa. Sr. Presidente.- Moitas grazas. Moi razoada ademais por o que di o Sr. Crespo en relación a que podemos retirala, e se vostedes o teñen a ben, traemos aquí precisamente ó próximo Pleno, porque ademais ten que ver con esta casa aínda que D. Emilio González dicía que non, pero eu creo que ten que ver con esta casa polo tema das estradas, etc., que implica que esta casa algo terá que dicir, polo tanto creo que non estamos falando de nada abstracto que teña que ver con esta institución. Procedemos polo tanto á retirada da Moción para que no próximo Pleno. D. Emilio González. Sr. González Iglesias.- ... aclaración, eu en ningún momento dixen que non tivera que ver con esta casa, non, non, ... Sr. Presidente.- Fixo un alegato aí ... Sr. González Iglesias.- En ningún momento, en ningún momento, é dicir, nós non temos ningún inconveniente en falar das alegacións e en votar as que nos parezan oportunas, así de claro, e en tratar de chegar a acordos. Como nunca o tivemos ademais. Home, o que pasa é que, oír como se ten que oír aquí, dicir, é que isto se fai así agora e tal, mire, Sr. Crespo, para falar de prepotencia e demais adxectivos que pon vostede, antes, cando un goberna, ten que facelo doutro xeito e entón podes chegar aquí e falar de prepotencia e demais, home, cando un durante anos, e anos, e anos, fixeron bastante peor que isto, bastante peor, pois un non pode quedarse calado escoitando o de prepotencia e demais historias. Nada máis. Sr. Crespo Iglesias.- Eu creo que está claro. Sr. Presidente.- Moitas grazas. D. Cesáreo Mosquera. Sr. Mosquera Lorenzo.- Si, grazas Sr. Presidente. Non, dúas cousiñas, dende logo pola nosa parte, xa sabemos que é unha época terrible e demais, eu non sei cando chegará, cando se esgotarán os dous meses, pero tampouco habería ningún problema en convocar un Pleno en agosto, ningún, absolutamente ningún problema, digo, se é que hai prazo e ... Sr. Crespo Iglesias.- Vamos a intentar que veña ó Pleno de xullo. Sr. Mosquera Lorenzo.- Bueno, senón tampouco pasaría nada con tal, non sabemos ata cando vai ser, se vai ser o 5 de setembro, o 10, se cadra tamén pode coller en setembro non habería ningún problema. E por outro lado ... Sr. Crespo Iglesias.- Senón faríamos unha cousa, se vos parece, se non o damos traído ó Pleno de xullo, traémolas, védelas os Portavoces e se estamos de acordo levámolas á Comisión de Goberno pendentes de ratificación polo Pleno de setembro e xa está. Sr. Mosquera Lorenzo.- Si, non hai problema. E despois outra cousa, é dicir, bueno quitou Emilio a argumentación, que é obvia, é dicir, houbo un avance das directrices de ordenación do territorio sacadas cando estaba o PP na Xunta, que tamén consulta 0 e barbaridades tamén unhas cantas, barbaridades unhas cantas. Ou sexa, que é unha práctica, a Administración Local xa sabemos o que é e administracións superiores, digamos, autonómica ou central, normalmente pois teñen esa tendencia bastante forte, que eu creo que por desgraza, por desgraza desborda a que estea gobernando, por desgraza a desborda, pero bueno, non é a primeira vez, nin a segunda, nin a terceira, pero a queixa compártese, xa o dixen antes. Sr. Presidente.- Moitas grazas. Polo tanto, procedemos á retirada deste punto para traer aquí precisamente as consideracións que se fagan en relación a este tema e que esperamos traelo no mes de xullo. Retírase da orde do día Moción do Grupo Provincial do Partido Popular sobre o Plan Director de Estradas de Galicia. 11.5708.- MOCIÓN DO GRUPO PROVINCIAL DO PARTIDO POPULAR DEMANDANDO O CUMPRIMENTO DA LEI EN RELACIÓN COA DENOMINACIÓN OFICIAL DA COMUNIDADE AUTÓNOMA Sr. Presidente.- Punto número once da orde do día. Moción do Grupo Provincial do Partido Popular demandando o cumprimento da lei en relación coa denominación oficial da Comunidade Autónoma. Ten a palabra D. José Juan Durán. Sr. Durán Hermida.- Grazas. Bos días. Vou a dar lectura á Moción do Grupo Provincial do Partido Popular nesa liña que acaba de dicir o Presidente. O Grupo Provincial do Partido Popular de Galicia na Deputación de Pontevedra en base á lexislación vixente presenta diante do Pleno da Corporación Provincial esta Moción relativa á demanda do cumprimento da Lei en relación á denominación oficial da Comunidade Autónoma. A Lei 3/1983 de 15 de xuño, de Normalización Lingüística, publicada no Diario Oficial de Galicia do 14 de xuño de 1983, no seu artigo 10 establece literalmente que: 1. Os topónimos terán como única forma oficial a galega. 2. Que corresponde á Xunta de Galicia a determinación dos nomes oficiais dos municipios, dos territorios, dos núcleos de poboación, das vías de comunicación interurbanas e dos topónimos de Galicia. O nome das vías urbanas será determinado polo Concello correspondente. 3. Estas denominacións son as legais a todos os efectos e a rotulación terá que concordar con elas. A Xunta de Galicia regulamentará a normalización da rotulación pública respectando en todos os casos as normas internacionais que subscriba o Estado. Punto 2º: O pasado 19 de setembro de 2007 a Consellería de Cultura da Xunta de Galicia formulou á Real Academia Galega unha consulta sobre a pertinencia ortográfica do topónimo Galiza para denominar o noso país, que foi respondida literalmente pola Real Academia Galega nos seguintes termos: Primeiro: Galiza e Galicia son formas históricas lexítimas galegas no sentido filolóxico, as dúas circularon na época medieval pero só Galicia mantivo un uso ininterrompido ó longo da historia na lingua oral. Segundo: A denominación oficial do país normativa e xurídicamente lexitima é Galicia. Polas anteditas razóns sometemos á consideración do Pleno da Deputación Provincial de Pontevedra esta Moción para que se adopte o seguinte acordo: A Corporación Provincial da Deputación de Pontevedra demanda da Xunta de Galicia que cumpra e faga cumprir a Lei en relación á denominación oficial da Comunidade Autónoma que é Galicia e non Galiza como nalgúns logotipos oficiais, publicidades, e outras manifestacións públicas dalgunhas Consellerías figuran. É unha Moción que presenta o Grupo Provincial do Partido Popular á vista dunha serie de cuestións que se están producindo, que están saltando un día si e outro tamén, nos diferentes medios de comunicación e que entendemos e ó longo das intervencións o faremos así, entendemos que debe cumprirse a legalidade en canto á denominación da Comunidade Autónoma e que debe cumprir esa legalidade e garantir que se cumpra esa legalidade o Goberno de Galicia co seu Presidente ó fronte. Para esta primeira intervención nada máis. Sr. Presidente.- Moitas grazas. Ten a palabra D. Cesáreo Mosquera. Sr. Mosquera Lorenzo.- Grazas Sr. Presidente. Eu escoitando, lendo a Moción antes e escoitando agora, a min pasábame pola cabeza o seguinte, por que restrinxir esa Moción a ese ámbito, eu creo que o Sr. Durán, Sr. Louzán e demais como Deputado debíanme prohibir usar Galiza, que o uso normalmente, debíanmo prohibir, porque estou saltándome unha Lei de rango superior, non sei porque se restrinxe estritamente á Xunta, non o sei, como evidentemente había que traducir o libro de Antón Losada Diéguez, o de Castelao ou o que sexa, porque poñían Galiza, tanto “va de retro”, “va de retro”, suprimiron, verdade. Ben, a cuestión de fondo, a cuestión de fondo ten dous aspectos claramente diferenciados, por un lado espantarnos de que a unha nación, a un país, a unha Comunidade Autónoma, poida ter máis dun nome, cousa que sucede por exemplo no País Vasco, Euskadi, Euskalerría, sucede en Irlanda, sucede en Estados Unidos, sucede no Reino Unido, en fin, sucede en bastantes sitios sen que ninguén se rasgue as vestiduras, obviamente a situación é a que é, non había o acordo ortográfico que está actualmente en vigor cando se redactou o Estatuto e quedou Galicia como forma oficial. Obviamente a Xunta de Galicia é Galicia, iso non o negamos porque é o legal, está na lei e non hai nada que facer, pero a utilización de Galiza pois é plenamente válida con termos filolóxicos ó entendernos, en canto nos entendamos e sexa asumido non hai absolutamente maior problema. Esa é unha parte e despois vén a outra parte, vén a outra parte, e a outra parte xa é bastante máis significativa, verdade, e á parte fan vostedes, que resulta que non é asumible nin ten ningún resquicio filolóxico ou legal estar utilizando Puenteareas dunha maneira sistemática, non ten ningún resquicio legal e vai en contra da Lei de Normalización Lingüística que aprobaron vostedes, que esta Deputación quitando nos Plenos e agradécese o esforzo formal de falar nos Plenos en galego practicamente estaba utilizando todo, todo en castelán, incluso os topónimos, incluso os topónimos, saltándose a Lei. Entón é difícil entender onde ubicar isto e que sentido ten, ou sexa hai un sector da poboación galega que utiliza Galiza, que filoloxicamente é correcto, que oficialmente, oficialmente, cando sexa oficial, oficial, pois hai que usar Galicia porque así o pon o Estatuto pero cando non sexa oficial, pode ser oficioso, ou que sexa en outros termos é perfectamente válido usar Galiza. “Va de retro”, non sei onde está o pecado, non sei onde está o pecado, contra a Lei si que cometen vostedes continuamente cando nos poñen, hai que ver invites e demais que utilizan os termos e a lingua como lle dá a real gana. Entón de verdade non sei, a min gustaríame que fora en todos os cargos públicos, non só na Xunta, que fora algo coherente, que non fora algo que sae así dunha arroutada porque hai aí un ditame ou non o hai, se é que realmente o cren, é obvio que no crean, é obvio que están con outras batallas que non é esta que non é precisamente o que lle preocupa á lingua, o cumprimento da normativa, en todo caso se alguén, cando é oficial o utiliza pois, por certo, por certo, por certo, falando de oficialidade, falando de oficialidade, vostedes están usando un escudo da Deputación que non é o oficial e iso si que pode ser pecado total, segundo, vaiamos ó ano 2000, concello de Pontevedra, segundo vostedes era pecado mortal, vamos, motivo de excomunión, por certo, e non pasa nada, claro, vaime a dicir, é que temos un oficial que vai nos escritos oficiais e despois temos un, digamos de comunicación ou máis lixeiro que é este, con cores, ¡ah!, pois Galiza tamén é oficial cando pon Xunta de Galicia e cando é oficioso é oficioso, é perfectamente válido usar Galiza. Entón non vexamos, eu non os considero tan limitados como para non darse conta, como para non darse conta do matiz, simplemente que queren armar alboroto con isto, así tiveron movendo por aí a súa militancia con iso de “Galicia é bilingüe”, e están con esa historia. Por certo, non creo que este debate dea para máis e entón vou a introducir outro, vamos a denuncialo por plaxio, porque este anagrama, este anagrama que vostedes se sacaron da manga da Deputación de Pontevedra, é un plaxio obvio do que o concello de Pontevedra utiliza dende o ano 2000. Formas xeométricas, verde-azul e demais, é un plaxio calcado, ves un anuncio e parece o que usaba o concello de Pontevedra no ano 2002, 2004 ou 2006. Por plaxio, vamos a denuncialos por plaxio, vamos traer unha Moción porque vostedes son, como Institución se dedican ó plaxio e a presentar Mocións tan simpáticas como esta que eu, de verdade, agradecería profundamente que lle puxera aí que o Portavoz, quen sexa no momento, do BNG vai ter prohibido dicir Galiza dentro desta cámara, así nos entendíamos mellor e dentro de dous ou tres anos prohibir falar en galego, que a todo, a todo chegaremos, ó ritmo ó que vamos a todo chegaremos. Miren, retiren a mocionciña de marras e déixense de coñas e tamén o anagrama, o anagrama tamén o podían retirar, porque é un plaxio, queda feo, é que resulta que ó final imaxínense o que significa, o único que cambia que a forma xeométrica alí é un óvalo e aquí é un rombo, o resto vese, cores iguais, tipo de letra igual, non sei que, e ademais despois de montar un bo lío. Agora, tamén o podemos ver ó contrario, coa capacidade de montar lío en certo momento e despois reconverterse no futuro, se cadra dentro de catro ou cinco anos como foi co escudo igual vostedes usan Galicia e así pois xa todos utilizamos o mesmo termo ou seguimos usando dous que non pasa absolutamente nada. Moitas grazas. Sr. Presidente.- Moitas grazas Sr. Mosquera. D. Emilio González. Sr. González Iglesias.- Vamos a ver, Sr. Presidente, nós xa nos puntos anteriores dixemos que non imos a colaborar con vostedes nesta película que se montan, para nada, ben, parece ser que vostedes non confían no seu grupo parlamentario en Santiago e decidiron facer oposición dende o goberno da Deputación de Pontevedra, o cal curiosamente contradice intervencións como a do Sr. Crespo no punto anterior que o home dicía, estaba alporizado e nos dicía a todos, que home, como pode ser isto, de que nós que lle intentamos dar a man e que resulta que nos dan de bofetadas, pois ata debe ser a man que intentan dar vostedes, debe ser esta man, montando unha discusión absolutamente artificial sobre temas como este. Ben, pois sigan por ese camiño, volvo a repetir, nós ímonos abster, non vamos a entrar no fondo da cuestión, é dicir, hai unha cuestión que si é certa e sabémolo todos, é dicir, denominación oficial Galicia, utilización da denominación oficial, estamos todos absolutamente de acordo. Pero mire, se unha Moción fai un plantexamento coma o que din vostedes, instar ó goberno de Galicia a que cumpra a legalidade, ¿que me queren dicir vostedes?, que o goberno de Galicia non cumpre a legalidade, que por exclusión son uns delincuentes no goberno de Galicia, home non, home non, non vai por aí o tema. E claro quen di isto, que son vostedes, xa non é só o que dicía o Sr. Mosquera co tema do logotipo, o escudo e demais, non, non, é que por riba, por riba teñen a desvergonza de presentar a Moción nun papel, nun papel que ten un anagrama do Partido Popular, oficial, anagrama do Partido Popular, e o escudo da Deputación, home, vostedes gobernan na Deputación pero a Deputación non é o Partido Popular nin é do Partido Popular, gran diferenza, isto, isto tampouco se pode facer, Sr. Durán, tampouco, e fan barbaridades deste tipo. Mire, o que dicía antes, nin vamos a intervir máis neste tipo de cuestións, ímonos abster e segan vostedes con esa política de “colaboración” e de dar a man, segan vostedes que así lle vai ir moi ben. Nada máis. Sr. Presidente.- Moitas grazas D. Emilio González. Ten a palabra por suposto D. José Juan Durán Hermida. Sr. Durán Hermida.- Si Sr. Presidente. Gracias. Eu quixera empezar por manifestar a miña preocupación por a deriva que están levando a cabo o Bloque Nacionalista Galego e o Partido Socialista nos últimos Plenos en canto a negarse a debater neste foro, no Salón de Plenos da Deputación, están negándose ó debate, están rexeitando unha parte fundamental do que é a actuación política, a actuación institucional, o diálogo, se dialoga tamén a través do debate e o grupo do Partido Socialista, o grupo provincial, fundamentalmente neste momento tamén o BNG, se están negando ó debate. É o terceiro Pleno no que o voceiro do Grupo Socialista di que non vai a debater, nos dous Plenos anteriores o voceiro do Grupo Socialista non rematou o Pleno, eu lle pregunto se hoxe vai a rematar o Pleno. Realmente estamos nunha situación dun comportamento rotundamente antidemocrático, non querer debater as mocións di moi pouco das conviccións democráticas de quen protagonizan ese tipo de intervencións. Dito o cal, dito o cal, home, Sr. Mosquera, vostede tiña sitio na Eurocopa, porque vostede cintura ten a suficiente, introduce debates saca cuestións, comenta unha cousa, comenta outra, por certo, ¿en que norma do país vasco figura a denominación Euskalerría?, no Estatuto de Autonomía, ¿no Estatuto de Autonomía do País Vasco figura Euskalerría?, ¿dígame se figura Euskalerría?, na Constitución Española evidentemente non, pero no Estatuto de Autonomía do País Vasco figura Euskalerría, non veña sacando argumentos de que se o País Vasco ten tres denominacións, outros ou o que sexa. Aquí o que estamos falando é de algo moi concreto e o estamos falando de maneira oficial, non de maneira oficiosa, eu non sei se vostedes teñen Consellerías oficiais ou oficiosas, non sei se teñen Conselleiros oficiais ou oficiosos ou Vicepresidentes oficiais ou oficiosos. Eu non sei se vostedes gobernan Galicia oficial ou oficiosamente, non o sei, estou empezando a dubidalo que o gobernen nin oficial nin oficiosamente. Aquí se está falando do cumprimento da legalidade, da legalidade por quen ten a obriga de cumprila, e por quen ten a obriga de facela cumprir, que é o goberno de Galicia, e non a están cumprindo, non a están cumprindo, ós feitos nos podemos remitir absolutamente, ¿por que?, porque un día si e outro tamén “Presidencia exige a las Consellerías del BNG que corrijan Galicia”, cando se fai esta advertencia dende a Presidencia da Xunta ou dende a Consellería da Presidencia evidentemente é que non se está cumprindo a legalidade, legalidade que demanda o seu cumprimento un informe da Real Academia Galega, a Real Academia Galega é unha institución que ten como obxectivo fundamental o estudo e a cultura galega, especialmente a ilustración, defensa e promoción do idioma galego; entre as finalidades da Real Academia Galega está establecer as normas referidas ó uso correcto da lingua galega conforme ó disposto na Lei 3/1983, de Normalización Lingüística, efectivamente do Partido Popular, porque o Partido Popular en materia de Normalización Lingüística nos anos de goberno fixo moitísimo pola defensa do idioma de Galicia e puxo en marcha moitísimas normas e puxo en marcha institucións para protexer a lingua e a cultura de Galicia, como o Consello da Cultura Galega tamén, e entre esas finalidades que ten a Real Academia, de acordo con esa Lei, é a elaboración da norma gramatical, ortográfica, fónica, etc., iso o di a Real Academia Galega, salvo que vostedes, vostedes pensen que a Real Academia Galega é un órgano oficioso, ou non oficial, ou é un órgano a non ter en conta, unha institución a non ter en conta, porque a iso estamos chegando, estamos chegando, eu creo que hai grupos políticos e ó BNG lle pasa que como non conseguen ter maioría teñen que crear un país para eles sos, cunha denominación, teñen que ter un goberno para eles sos, teñen que ter un Presidente da Xunta para eles sos, por iso duplican tanto, iso é o que lle pasa ó BNG, necesitan para eles sos, porque claro, porque doutra forma nunca terán a maioría suficiente para gobernar, gobernar e impoñer, impoñer, digo o verbo impoñer, impoñer os seus criterios, iso é o que lle pasa ó BNG, entón teñen que inventarse outro país e nese país evidentemente apousentan os seus reais e fan a súa política, pero iso é un país virtual, o país real é outro, o país real é dos cidadáns que queren que se cumpra a legalidade, e dende logo ten moi pouca eficacia, dende o punto de vista, polo menos con quen lles fala, eses comentarios de que abramos outro debate ou o que sexa. Mire, por esa regra de tres que vostede defende tamén podemos, calquera día vostedes, por ese plantexamento poden aparecer coa bandeira da Comunidade Autónoma coa estrela das cinco puntas, coa estrela roxa das cinco puntas, pode aparecer iso tamén para non facer cuestión diso, mañá aparece outra forza política que a Galicia lle chama doutra forma, pero estamos falando de cumprir a legalidade e a legalidade hai que cumprila e facela cumprir, porque iso dá lexitimidade e iso fai que un teña ese plus de respectabilidade no exercicio do Goberno. E a min dende logo, dende logo o que me sorprende, o que me sorprende é que o Partido Socialista escorra o vulto, Sr. González Iglesias, cando se falan deste tipo de cuestións, me sorprende moitísimo que vostedes se escorran o vulto, me sorprende moitísimo, e agardaba, eu estaba convencido do tipo de intervención habitual que fai o Portavoz do BNG pero pensei que vostede ía a ter argumentalmente outro tipo de intervención e non dicir, non, non, é que eu non estou disposto a debater, por esa regra de tres xa nos está anunciando que no resto da lexislatura as Mocións que digamos que non sexan do seu agrado político pois non as vai a debater, pois entón ¿en que motivo ou de que forma representa vostede ós seus votantes?. Sr. Presidente, eu estou convencido, o Grupo Provincial do Partido Popular, que todas as persoas que ostentan responsabilidades públicas do tipo que sexan teñen que ser os primeiros en cumprir a legalidade e en facela cumprir e dar exemplo, e dende logo nos xornais de Galicia e en todos os medios de comunicación hai poucos días aínda, hai un par de días, nun Pleno do Parlamento, a Vicepresidenta do BNG insistiu en falar en termos de Galiza e tivo que ser corrixida por, nesa sesión plenaria, dá a sensación, dá a sensación, que o BNG, bueno, pois xoga coa baralla cando lle interesa e cando non rompe a baralla. Pero é esa cuestión que é importante, é importante tamén no simbólico, que se negan a cumprir a legalidade, nesa función, ten unha responsabilidade fundamental, en que a cumpran os seus socios de goberno, que son os que encabezan o goberno de Galicia, que son os que deben facer que se cumpra a legalidade, porque eu estou convencido que se deste invite o BNG, está tanteando a debilidade do Partido Socialista, sae adiante, mañá ou pasado virán outro tipo de reivindicacións. Nada máis. Sr. Presidente.- Moitas grazas D. José Juan Durán. D. Cesáreo Mosquera. Sr. Mosquera Lorenzo.- Grazas Sr. Presidente. Mire, antes voteille un quite que parece que non vai por aí, se no Parlamento, non se pode dicir Galiza aquí tampouco, entón insto ó Sr. Presidente a que me reconveña cando o utilice, a ver se nos entendemos así, porque claro, se lle está dicindo que non se pode utilizar nunha Institución, en calquera Institución as normas son as mesmas, entón dígalle que me reconveña por iso. E neste salón, neste salón en concreto, debían ser un pouquiño máis prudentes. Aquí houbo anos e houbo días nos que en galego, e dicindo Galiza estaba Bóveda e os outros estaban cantando o “cara ó sol”, con Galicia, o “cara ó sol”. Entón non queremos levantar esas guerras, me parece absurdo, absurdo, absolutamente absurdo, pero por favor, as cousas no seu sitio, as cousiñas no seu sitio, ¿a que vén agora?, cando nós levamos, ¿canto tempo levamos?, vostede leva tempos aquí, escoitoume, ¿non escoitou nunca dicir Galiza?, ¿nunca?, saltándome esa norma que parece que é tan sagrada e demais, e non llo puido escoitar por idade a Risco e Castelao ou a Bóveda ou a Losada Diéguez, os únicos por exemplo que mantiveron practicamente a tradición escrita, verdade, nos anos 20 e 30, 40 e 50, todos usaban Galiza, entón agora somos algo rarísimo, de repente descubriron vostedes que somos algo rarísimo, que creamos un problema onde non o hai. O problema estano creando vostedes e á parte á mantenta e con toda a intención. Ben, Sr. Presidente, eu quero saír deste debate, sei a que responde, saber se podo usar Galiza nestes debates plenarios ou nos escritos que presente, ou non o podo usar, quero sabelo, simplemente por coñecemento e por saber como interpretan vostedes as normas e demais. Iso é o que quero sacar en limpo, o resto, o que pretenden vostedes, téñoo clarísimo, pero digo se é que van a ser coherentes e se van atrever. Moitas grazas. Sr. Presidente.- Vai a ser vostede un Deputado disciplinado. Ten a palabra D. Emilio González. Sr. González Iglesias.- Mire, Sr. Durán, o Grupo Socialista hai dous Plenos ausentouse do Pleno, non, e llo dixemos claramente antes de ausentarnos, non por non debater un punto concreto senón porque entendíamos que non eran formas estarnos facendo chegar durante o Pleno Mocións cada media hora, que de urxentes non tiñan nada, e esa foi a razón, e sábeno de sobra, de sobra. No Pleno pasado, Sr. Durán, este que lle fala estivo todo o Pleno e marchou en Rogos e preguntas porque tiña unha xuntanza en Redondela e dende logo, dende logo, algúns tratamos de chegar puntuais a Redondela ou a calquera sitio onde teñamos unha xuntanza. Outros como vostedes dificilmente conseguimos que empece o Pleno á súa hora cada día, cada día, só empezar, este é un exemplo, o Pleno de hoxe, ás once e dez, ás once e dez, e estamos esperando polo señorito, ben, pois ese é o tema, que quere que lle faga, un trata de ser puntual e trata de chegar, vostedes non, e se permiten o luxo, se permiten o luxo de facer interpretacións do que estamos facendo os demais. Mire, Sr. Durán, en cada Moción destas que presenten eu dígolle que non vamos a seguir debatendo no final da intervención, é dicir, esteou fixando unha posición, digo o que lle parece ó Grupo Socialista e a continuación digo que nós vamos a seguir debatendo, esta para aclararlle, para aclararlle o tema. Mire, todas aquelas Mocións que traian vostedes aquí, cuxo fin último sexa deixar en evidencia ó grupo parlamentario do Partido Popular en Santiago, vamos a seguir esta mesma técnica, así de claro, nós somos bastante respectuosos, hai uns foros para estes temas, e teñen vostedes uns representantes nos foros, se vostedes non confían neles alá vostedes, alá vostedes, é o seu problema non o noso. Mire, eu non sei se se enterou vostede, non sei, eu creo que foi o luns, oínlle ó Sr. Rajoy dicir que el non quería que ningún cidadán votara ó PSOE por medo ó Partido Popular, iso díxoo o Sr. Rajoy pero creo que o Sr. Durán aínda non se enterou de que están nunha deriva diferente á que estaban, vostede non se enterou aínda, é un pouco lento, é un pouco lentiño, pero bueno, xa llo dirán e xa se enterará do tema. Mire, remato, remato xa, e podo dicir o que queira, o que queira que non lle vou a contestar. Mire, Sr. Durán, llo dicía antes oficialmente é Galicia, se utiliza Galicia e vostede mesmo fai a referencia na súa intervención, “a Consellería da Presidencia tal”, e despois aclara, “e todo o mundo asume que oficialmente é Galicia”, punto, punto, oficialmente, en cuestións oficiais Galicia, punto, iso asúmeo todo o mundo e tamén é público e notorio, e se fixeron declaracións públicas nese sentido tamén, ó Sr. Durán parece que non lle chegan, ben, alá vostede. Mire, Sr. Durán, eu na intervención antes facía unha referencia ó que facían vostedes aquí, e lle digo, mire, explíqueme en base a que, en base a que, está utilizando o escudo da Deputación en papeis oficiais do Partido Popular, co anagrama do Partido Popular, e non o fixo, e non o fixo, e iso tampouco, que quere que lle diga, pois non é moi legal, non é moi legal tampouco, pero bueno, alá vostedes, nós abstémonos no tema e siga vostede polo camiño que ía que vai moi ben. Sr. Presidente.- Grazas D. Emilio González. Só unha apreciación, cando queira lle vou a traer algún papel do Partido Socialista, onde Grupo Municipal do Partido Socialista de x sitio, que o ei de traer aquí para que vostede o comprobe e polo tanto co escudo do concello, ei de traelo para enseñarllo ... Sr. González Iglesias.- Non, non, perdón, perdón, ... Sr. Presidente.- O que pasa é que eu sei que vostede quere desviar o debate hacia cuestións que non lle interesan, pero ... Sr. González Iglesias.- Unha precisión Sr. Presidente, unha precisión, unha cousa é “Grupo Municipal de”, e outra cousa é, mire por Dios, aquí o ten, aquí o ten, e outra cousa é anagrama Partido Popular, no es “Grupo Municipal de”, Sr. Presidente, non é “Grupo Municipal de”, e escudo da Deputación na marxe dereita do papel. Diferenza importante. Sr. Presidente.- Que llo traerei aquí, tranquilo, ten a palabra D. José Juan Durán. Xa llo traerei para que teña a réplica oficial. Sr. Durán Hermida.- Grazas, grazas. Sr. Presidente eu teño visto papeis do Grupo Provincial Socialista co escudo da Deputación, téñoo visto, hai, o que pasa é que vamos á parte do debate que queren ir eles, vamos, á parte do debate que queren ir eles, que non é a cuestión aquí, pero si que o temos visto e hai acreditacións de parlamentarios nacionais, Grupo Popular e Grupo Socialista e o escudo do Congreso dos Deputados, etc., etc., etc., pero bueno, como queren levarnos a ese punto non vamos a ir. E ó Sr. Mosquera, ó Sr. Mosquera lle diría que non mesture as cuestións, que non diga se pode dicir Galiza, Galicia, ou o que sexa, estamos falando de papeis que conteñen comunicacións oficiais, estamos falando da denominación oficial da Comunidade Autónoma, estamos falando da denominación da Xunta de Galicia, a denominación oficial, non o que poida dicir calquera, calquera no uso da súa, estamos falando do que se escribe, do que se imprime e do que circula, en termos oficiais, estamos falando diso, non me diga iso, tamén hai unha obra que é “Sempre en Galiza” e nadie está entrando por aí, nadie vai a pedir que se cambie o título dunha obra tan destacada, nadie o está dicindo, non veñan por aí, non traten de retorcer o debate ó servizo dos seus intereses, que é simplemente escorrer o vulto como xa lle dixen antes. Dende logo a intervención de D. Emilio González en liña con ese comportamento agrio que está levando a cabo nos últimos Plenos, tampouco, tampouco nos sorprende. D. Emilio González nos veu a dicir na súa intervención que non quere que aquí se fale de política, non quere que se fale de política no Pleno, non, non, non quere que se fale de política, non, porque mire, non, é que estes temas, é que vostedes, claro, vostedes, vostedes non están conformes co seu labor, co labor do Grupo Parlamentario Popular en Santiago, eu creo que quen non están conformes son as persoas que len as intervencións, que len os xornais e que ven os barapalos dialécticos que o Sr. Núñez Feijoo lle dá un día si e outro tamén ó Sr. Touriño ou ó Sr. Quintana. Nós, nós o que estamos facendo aquí é traendo cuestións en uso da lexitimidade que temos para que se debatan, os que non queren debater son vostedes, vostedes só queren debater do que lles interesa, de cuestións, de cuestións que como esta de defensa da denominación da Comunidade Autónoma poden poñer á vista, á luz, as continuas contradicións dun goberno absolutamente de conveniencia, que o único que os une é detentar o poder, entón, aí non lles interesa o debate. Pero isto está na rúa, está na rúa entre outras cousas porque vostedes o sacaron, vostedes o puxeron na rúa, vostedes precisamente o BNG con eses plantexamentos que fai, con esa rebeldía institucional fronte ó outro socio do goberno, lóxicamente, o impuxeron vostedes, vostedes foron os que trouxeron este debate, os que o instalaron: E nós simplemente o que facemos, repito, en uso da lexitimidade e da representatividade que temos pois é traelo aquí para debater, se vostedes non queren debater é cuestión súa. D. Emilio González, mire, había unha persoa hai moitos anos, que xa non está, que un día lle aconsellou a un Ministro, “mire, haga como yo no se meta en política”, eses argumentos seus de que non quere debater política teñen un tufillo que non lle vou a dicir de que. Grazas. Sr. Presidente.- Moitas grazas. D. Cesáreo Mosquera. Sr. Mosquera Lorenzo.- Basicamente por un motivo, porque como di que non se quere debater e nos mete a nós tamén, nós debatemos todo. Sr. Presidente.- Non, non, outra cousa é debater sobre o que estaban planteando, ás veces nos leva a outro debate. Sr. Mosquera Lorenzo.- Si, si, sobre o que estaban plantexando, pero efectivamente sobre o que estaban plantexando, pero, volvo a repetir, agora xa me matizou, ou sexa cando falemos aquí podemos dicir Galiza, cando presentemos por escrito, pero matíceme un pouquiño máis, ou sexa, se presento unha Moción aquí e meto Galiza no medio como fixemos sempre, pódese ou non se pode, se mando un escrito do concello, dígoo para saber a opinión súa, un escrito oficial e tal, pódese ou non se pode, para ir matizando, para ir así aclarando, para saber exactamente ata onde chega a posibilidade e demais que pode ser sumamente, sumamente interesante, non sei, digo, estes debates debeunos haber xa noutros lados, por exemplo o Presidente dos Estados Unidos nunca di Unite Status América, di América, o Presidente de América, cando o discurso é oficial, entón non sabe se o nome é correcto ou non, hai que aclaralo. Igual sucede con outras referencias que fixen por aí, por certo, tamén di en nome de Dios, manda truco, despois dicimos que os árabes andan con Alá. Pero bueno, á parte diso, e non o tome como ningunha digresión, é que xa está todo dito, nós só queremos saber o alcance, exactamente o alcance, vostedes saben a polémica, súmanse, queren aquí facer instar á Xunta pero todos temos que cumprila. Entón a Xunta xa se defenderá, evidentemente nos parece que está fóra de lugar, que isto é, Galicia é bilingüe, ou sexa, o que hai detrás disto e demais, correcto, todo está claro polo menos para nós e non creo que nos vaian a convencer, e non lle demos máis voltas. Agora, o que quero saber é o alcance, o alcance exacto, o alcance exacto, se vén unha comunicación por exemplo que escribira eu, que escribo poucas do concello de Pontevedra aquí, oficial, e aparece Galiza e non a aceptan, se é unha Moción si, porque xa me deixou claro que falando mo vai a aceptar, xa algo avanzamos, algo avanzamos, ou sexa, que o que escribía Castelao, Bóveda, que foi xulgado aquí, e tal, pódoo seguir usando, que agradézolle a magnanimidade, agradézolla, pero a ver se me matiza un pouquiño máis ata onde podo chegar. Moitas grazas. Sr. Presidente.- D. Emilio González. Sr. González Iglesias.- Si, Sr. Presidente, como dixen antes que non ía a debater nin a contestar no tema e vouno facer, pero, Sr. Presidente, mire, eu levo xa algúns Plenos mirando como vostede lle pon nota ós seus Portavoces, cando rematan a intervención lle di moi ben, como moi ben dixo, ben, está ben a cousa. Eu voulle facer unha suxerencia, si, voulle facer unha suxerencia, e é que do mesmo xeito que a algúns lle pon nota a outras lle dea algún título, si, porque parece ser que agora o torquemada institucional nesta Deputación é o que fixo de Voceiro do Partido Popular nestes momentos, é dicir, é o que define, o que define se uns somos máis crentes ou menos crentes ou non o somos, entón déalle o título, a min non me molesta o que di, para nada, pode seguir dicindo iso todo o que queira. Por certo, por certo, algúns non nos reconvertemos, ¡eh!, algúns non, outros si. Sr. Presidente.- Pois a el mesmo lle vamos a dar a palabra para que lle conteste precisamente. D. José Juan Durán. Sr. Durán Hermida.- Simplemente para rematar, Sr. Mosquera, estamos, creo que se repetiu varias veces, aquí por esta persoa que está intervindo estamos pedindo que se cumpra nos termos que está na Moción a legalidade, e a legalidade é a denominación da Comunidade Autónoma, se vostede quere falar como queira falar é cuestión súa, é cuestión súa, agora en papeis oficiais da Xunta de Galicia que é á que representa, é a Institución de toda a Comunidade Autónoma, estamos facéndoo así. Iso é do que se trata, non trate de desviar a cuestión por ningún lado. A min o que me gustaría saber do Partido Socialista, pero me parece que non vai a ser o sentido do voto afirmativo, ou sexa, o Partido Socialista, porque non lle escoitei aínda a toma de posición a D. Emilio González. Si. Sr. González Iglesias.- É que está sordo por encima. Sr. Durán Hermida.- Si, sordo tamén estaba Bhetowen e ó fin e ó cabo pois fixo unha serie de cousas certamente importantes. Ás veces hai outro tipo de limitacións, de limitacións, Sr. Emilio González, ás veces hai outro tipo de limitacións, a limitación, a limitación que vostede ten é unha limitación froito da prepotencia, da arrogancia e da intolerancia que manifesta nos Plenos, e esas limitacións, esas limitacións son peores que as limitacións físicas, porque ademais vostede xa leva dous Plenos facendo descualificacións dese tipo, unha que fixo hai dous Plenos e agora esta, cando imputa defectos físicos, que os pode ter calquera persoa, a alguén. E é o que está facendo vostede, vostede é unha persoa que lle custa moito traballo manter o respecto institucional nas súas intervencións, e é o que leva facendo, vostede empeza a estar un pouco pasado de revolucións aquí nos Plenos, vostede saberá polo que é. Nada máis Sr. Presidente. Sr. Presidente.- Moitas grazas. D. Emilio González. Sr. González Iglesias.- A ver, yo, que quiere que le diga, lo pongo por escrito, lo digo en castellano, dígoo en galego ou que fago Sr. Durán, dixen tres veces durante as intervencións anteriores cal ía a ser a posición do Grupo Socialista, tres veces, eu non teño a culpa de que o Sr. Durán veña aquí coa directa posta, entón non escoita, vostede vén co discurso preparado para dicir o que vai a dicir, descualifica e punto, tira para adiante, pois siga así, encantado da vida, siga por ese camiño, siga por ese camiño, afortunadamente non é vostede quen pode dicir quen ten máis fe ou menos fe ou quen é crente ou non é crente, afortunadamente, afortunadamente, porque ata negaría, ata negaría a evidencia, como acaba de negar que non escoitou a posición do Grupo Socialista que se dixo en tres ocasións diferentes, e agora púxenlle o papeliño a ver se así o entendía, enténdeo así, enténdeo, perfecto, nada máis que iso. Sr. Presidente.- O Sr. Mosquera quérese sumar á festa tamén. Ten a palabra. Eu son xeneroso nese sentido. Sr. Mosquera Lorenzo.- Sr. Presidente, Sr. Presidente, temos aguantado aquí que se interveña, que non se interveña, que os debates vaian como sexa, ben, eses comentarios non son precisamente os que debe facer unha persoa que está presidindo ..., en todo caso, en todo caso tal e como están levando os Plenos ultimamente case é apropiado. Ben, eu só quería facer unha pregunta, é que nesta vía que parece pre-post-congresual de que vostedes están dando pasos cara a ter certas relacións cos nacionalismos, cos, en conxunto, existe algunha posibilidade de que rematen aceptando que Galiza é bárbaro como paso para ese achegamento ou é algo irrenunciable, dígoo para ir ubicándonos tamén, nós non nos movemos, pero vostedes parece que queren achegarnos, dino publicamente, entón é por saber, antes quería saber como o podíamos usar e agora queremos saber se é irrenunciable, xa o teñen discutido ou se cadra nos topamos sorpresas dentro duns anos e aplauden, ..., vaia vostede a saber, digo se existe esa posibilidade porque clarificaría moito, se cadra o debate xa o coloca noutros termos. Grazas. Sr. Presidente.- Sr. Durán. Sr. Durán Hermida.- A verdade é que con estas continuas achegas do Sr. Mosquera que enriquecen daquela maneira o debate, bueno, dá a sensación que vostedes ese envite que fan para non sei que aproximacións, non sei que aproximacións, ¿vostedes están dispostos a aproximacións?, ¿vostedes están dispostos a aproximacións co Grupo Popular?, e ¿esas aproximacións teñen que ver con que nós entendamos que debe ser Galicia?, ou, ¿pero vostedes están dispostos coas aproximacións co Grupo Popular?, porque ó mellor, bueno pois este debate tamén ten esa parte do tema, pero vostede terá que dicilo. Home, en canto á outra parte do tema, non sei se isto de Galiza é con z de ZP, este tema, Galiza con z de ZP, pode ser que vaian por aí tamén os tiros. Nada máis. Sr. Presidente.- D. Cesáreo Mosquera. Sr. Mosquera Lorenzo.- Respondo á pregunta. É que aínda non tivemos o congreso, vostedes si, e falan de aproximación, por iso o digo, son vostedes, nós non o tivemos, estamos no mesmo sitio porque non tivemos congreso, vostedes si, e falaron diso, eu non o invento, a min ninguén se dirixiu para aproximar ou con propósitos honestos nin deshonestos, ninguén, pero o que lemos na prensa, entón, parece ser que foi así, incluso lle quedou certos problemas con algunha significada e tal, parece ser, entón digo se nesa vía, que parece que abren vostedes, nós non porque aínda non tivemos o congreso, agora no próximo congreso e asemblea a saber, e agardemos, agardemos, non hai ningún problema, pero a ver vostedes que poñen nesa aproximación. Veña. Sr. Presidente.- Sr. Cesáreo Mosquera, avance fixeron, a estrela de cinco puntas era roxa e agora para moderarse un pouco puxérano en cor, coma a cor do Partido Popular, en azul, polo tanto ó mellor por aí pode haber algunha vía de aproximación, fixeron un cambio importante. E dicía un significado dirixente, dirixenta do Partido do Bloque Nacionalista Galego estes días, en relación a ese congreso, dicía, non, é que o PP agora parece que está baixando do monte, e dixen eu, o que hai que oír agora ultimamente de dirixentes así. Pero bueno, nese sentido creo que esa aproximación aínda que só sexa en cores probablemente vaia a favorecer algunha cuestión como esta. Pero eu lle pido D. Cesáreo Mosquera, que vostede sempre, e ademais aquí nestes Plenos, cando ve algunha cuestión en castelán vostede di, para dignificar o noso idioma de que mellor maneira que unha institución pública como esta contribúa de maneira decidida e o faga en galego. Eu tamén lle pido a vostede que se hai unha legalidade e esa legalidade pois está establecida, está regulada, é coñecida por todos, home, vostedes que en principio pola representación que teñen non é o grupo maioritario nin tampouco moito menos, pois deben cumprir con algo que dalgunha maneira cremos que está perfectamente regulado e agora quizais está máis claro que nunca. Creo que non, o debate levouse de maneira moderada e razoable en relación á que non parece normal, non parece normal, que unhas consellerías que pertencen a un grupo político se denominen con Galiza e outras consellerías que pertencen a outro grupo político se denominen con Galicia, non parece serio, é como se agora vostede a Pontevedra pois en vez de denominarse Pontevedra lle poñemos Boa Vila, que tamén o é, pois en vez de chamarlle Pontevedra a partir de agora ímoslle chamar Boa Vila. Eu creo que as cuestións á parte de parecelo deben ser serias e neste sentido creo que o que se fixo esta mañá aquí por parte neste caso do Partido Popular é poñer en cuestión algo que entendemos como moi razoable dende todos os puntos de vista. Por iso imos a proceder neste caso á votación da Moción, do punto número 11, Moción do Grupo Provincial do Partido Popular demandando o cumprimento da Lei en relación coa denominación oficial da Comunidade Autónoma. ¿Votos en contra?. ¿Abstencións?. ¿A favor?. De conformidade co ditame da Comisión Informativa de Cultura, o Pleno acorda por maioría de votos a favor do Grupo Popular, cos votos en contra do BNG e coas abstencións do PSdeG-PSOE, aprobar a Moción do Grupo Provincial do Partido Popular demandando o cumprimento da Lei en relación coa denominación oficial da Comunidade Autónoma. Dita Moción é como segue: “O Grupo Provincial do Partido Popular de Galicia (PPdeG) na Deputación de Pontevedra, en base á lexislación vixente, presenta diante do Pleno da Corporación Provincial esta moción relativa á demanda do cumprimento da Lei en relación á denominación oficial da Comunidade Autónoma. EXPOSICIÓN DE MOTIVOS 1.- A Lei 3/1983, do 15 de xuño, de Normalización Lingüística, publicada no Diario Oficial de Galicia do 14 de xullo de 1983, no seu artigo 10 establece literalmente que: 1. Os topónimos terán como única forma oficial a galega. 2. Corresponde á Xunta de Galicia a determinación dos nomes oficiais dos municipios, dos territorios, dos núcleos de poboación, das vías de comunicación interurbanas e dos topónimos de Galicia. O nome das vías urbanas será determinado polo concello correspondente. 3. Estas denominacións son as legais a tódolos efectos e a rotulación terá que concordar con elas. A Xunta de Galicia regulamentará a normalización da rotulación pública respectando en tódolos casos as normas internacionais que subscriba o Estado. 2.- O pasado 19 de setembro de 2007, a Consellería de Cultura formulou á Real Academia Galega (RAG) unha consulta sobre a “pertinencia ortográfica do topónimo Galiza para denominar o noso País”, que foi respondida literalmente pola RAG nos seguintes termos: 1. Galicia e Galiza son formas históricas lexítimas galegas no sentido filolóxico. As dúas circularon na época medieval, pero só Galicia mantivo un uso ininterrompido ao longo da historia na lingua oral. 2. A denominación oficial do País normativa e xuridicamente lexítima é Galicia. Polas anteditas razóns, sometemos á consideración do Pleno da Deputación Provincial de Pontevedra esta moción para que se adopten os seguintes ACORDOS: 1.- A Corporación Provincial da Deputación de Pontevedra demanda da Xunta de Galicia que cumpra e faga cumprir a Lei en relación á denominación oficial da Comunidade Autónoma que é Galicia, e non Galiza como nalgúns logotipos oficiais, publicidade e outras manifestacións públicas dalgunhas consellerías figura.” 12.5709.- MOCIÓN DO GRUPO PROVINCIAL DO PARTIDO POPULAR SOBRE A EXCLUSIÓN DE CONCELLOS DA PROVINCIA DE PONTEVEDRA DO PLAN DA CONSELLERÍA DE INDUSTRIA PARA DOTAR A POLÍGONOS INDUSTRIAIS DE REDE DE BANDA ANCHA Sr. Presidente.- Punto número doce. Moción do Grupo Provincial do Partido Popular sobre a exclusión de concellos da provincia de Pontevedra do Plan da Consellería de Industria para dotar a polígonos industriais de rede de banda ancha. Ten a palabra D. José Crespo. Sr. Crespo Iglesias.- Ben, esta Moción nace de que dentro do Programa Nacional de extensión de banda ancha ó rural, que deseñou o Ministerio de Industria nos anos 2005 e 2006, deixan fóra de internet a 43 polígonos industriais de Galicia. Como xa se dixo na Comisión Informativa do que se trata é de que non queden fóra porque merman dunha maneira importante a capacidade de desenvolvemento deses polígonos. Onte mesmo a Delegada de Industria atopábase nun concello do Deza e o único problema que lle manifestaban os empresarios era que no seu polígono non ían ter banda ancha e que polo tanto unha industria como era o mellor, o meirande matadoiro de coellos de España que está en Rodeiro, pois tiña que estar, como non tiña ADSL, tiña que estar pagando unha cantidade astronómica mensual para poder facerlle fronte ós compromisos que hoxe requiren as novas tecnoloxías. En definitiva do que se trata é de que deste 43 polígonos en Galicia que carecen do devandito servizo a Consellería seleccionou a 19 parques industriais galegos e foron desestimados outros 28 polígonos. Bueno, no caso da provincia de Pontevedra quedaron excluídos entre outros polígonos tan importantes como os de Bamio, Trabanca e Pousadoiro en Vilagarcía, o Pazo Xil en Meaño-Cabanelas-Ribadumia, eses na área do Salnés, ou en concreto na Comarca do Deza os dous de Lalín, Lalín2000, Botos e Merlín, ben, dicir que esta Moción non a fixen eu que a fixo o compañeiro Chema Figueroa pero que neste momento se acaba de ausentar e polo tanto estouna defendendo eu. En definitiva o que lle pedimos á Xunta de Galicia, é que tampouco é tanto porque estamos falando, vanlle facer fronte a 19 parques e quedan outros 28 fóra. Ben, o que lle pedimos é que se teña en conta que non deben quedar os parques empresariais fóra desta convocatoria, porque os concellos pertinentes pedíronos, sacaron unha orde e ó amparo da mesma solicitamos, creo que todos, os 34 concellos, non o sei, pero dende logo moitos deles si, solicitamos e o que se nos pedía a cambio era unha parcela para ubicar a torreta para poñer aí o Wimax. Como digo quedaron fóra eses 29, obviamente supoño que irán nunha segunda fase, pero como o custe non é enorme porque para facerlle fronte ós 19 que van a poñer estamos falando dunha cantidade razoable, que para a Consellería é razoablemente pequena, pois entendemos que poderían meter os outros 28, sempre e cando, bueno no caso de Pontevedra, nós pedimos polos de Pontevedra, os que aquí mencionei, sempre e cando loxicamente os concellos cumpran coa súa parte que é darlle subministro de enerxía eléctrica e máis darlle a parcela axeitada que cumpra para instalar a torreta. En principio eu teño que dicir que algunha xestión xa fixen porque uns dos que quedaron fóra eran uns de Lalín, e bueno, o que se me comunicou por parte da Consellería de Industria, é que non era final a decisión e polo tanto que se podería ampliar, non me deron outra explicación, simplemente me dixeron que puxera a disposición os terreos e que falaríamos e nós fomos uns dos que quedamos fóra. Quero dicir que como non é unha partida que estea esgotada, segundo me informou o Conselleiro, creo que é posible neste caso poder ampliar a eses 29 que restan. Obviamente nós non somos quen temos que pedir polos 29 porque enseguida nos ides dicir que nos estrapolamos das nosas limitacións, ben, nós pedimos polos da provincia de Pontevedra que quedaron fóra, simplemente, na primeira intervención non teño máis que dicir. Sr. Presidente.- Moitas grazas Sr. Crespo. D. Cesáreo Mosquera. Sr. Mosquera Lorenzo.- Grazas Sr. Presidente. Bueno, este é outro tipo de Moción que nos obriga a estar discutindo e xa entre liñas o deixou o Portavoz do Partido Popular bastante claro, están discutindo sobre cuestións de tramitacións e demais da Xunta que a verdade é que queda así como un pouquiño fóra de lugar, porque por un lado recoñécese que no plan estatal non se cubriu e a Consellería de Industria intenta cubrilo, ben, de acordo. Segundo, que houbo unha orde na que se pedían unhas condicións, e que eu saiba, que eu saiba, todos os que cumpriron as condicións ou as poidan cumprir van a entrar, se foran 19 ou os que foran, e a maiores, que eu saiba, vaise abrir unha nova convocatoria e que os concellos saiban que teñen que cumprir esas condicións para que cando se abra a orde digan, “non houbo tempo”, non, tivo tempo antes a pensalo, sacar inmediatamente unha orde a Consellería de Industria, polo que sei non tiña ningún problema en sacar unha orde agora mesmo outra vez, o problema é que é posible que pille outra vez sen poder cumprir os deberes ós concellos. Entón non sei a santo de que vén, incluso o mesmo Crespo nos acaba de dicir que falou coa Consellería, que non hai problema, porque a vontade é facelo, o problema é que a Consellería non pode poñerse a expropiar e buscar os terreos, como o haxa o pon, entón non sei a que vén a Moción en sí, ¿houbo algún fallo?, os que incumprían a orde, a ver, ¿a orde estaba mal feita?, ninguén a reclamou, nin no seu grupo parlamentario nin aquí. Segundo, a aplicación está ben ou mal, non sei, iso si que non sei se houbo algún polígono que se deixou, digamos houbo erros na tramitación, bueno, resólvanse por parte do concello afectado como sexa, non hai maior problema. E terceiro, hai unha previsión de facer unha nova orde pero dando tempo para que, os terreos se non os hai non se conseguen nun mes. E na mesma Moción di que claro, que a pouca premura de tempo non permitiu ter os terreos a disposición. Bueno, entón senón os tiñan como se van a acoller, entón non acabamos de entender moi ben a Moción, non acabamos de entendela, ou sexa, a ver, que están, aplaudindo á industria porque está intentando cubrir que haxa banda ancha en todos os polígonos, e criticando ós concellos porque non foron capaces de facer os papeis a tempo e non teñen terreos, criticando á Consellería porque igual con algún concello se enganou e o polígono non llo aceptou cando cumpría, pero houbo un erro na tramitación, é difícil, incluso na conclusión di, non, que se subsane ou que se faga unha nova convocatoria, é que vaina haber, en principio a vontade é cumprir con todos e ir cumprindo inmediatamente con todos os que tiñan os terreos a disposición. Agora todos os concellos están en disposición de aportar, os de Galiza, claro, pois non o sei. De verdade que é así unha Moción un pouquiño rara, eu me parece que ás veces, de feito o Sr. Crespo pois xa nos dixo na exposición que obviamente el intentou arranxalo por outra vía, pola vía normal, pola vía normal. Se hai unha orde, non se critica a orde, parece ben porque acolle ou vostede non tería os terreos, se lle pasou ou o que sexa, houbo un erro, intentar subsanalo para que lle entre, normal, é o procedimento normal nestes casos, o que é bastante raro é aparecer aquí cunha Moción, así dunha pedrada, que non sei, eu entendo que debe ser unha felicitación á Consellería, é difícil de saber exactamente o que están pedindo cando xa saben á parte que hai iso, a Orde non foi para dar as subvencións, foi para dicir todos os que cumpren, vamos a intentar metelo, era unha selección dos que cumpren, dos que cumpren, agora sacamos outra, todos os que cumpren para dentro, e cumprir é poñer os terreos a disposición, que sen terreos non se pode facer, creo que é iso, non sei se, corríxame que igual está vostede máis posto nisto Sr. Crespo. Sr. Presidente.- D. Emilio González. Sr. González Iglesias.- Vamos a ver, Sr. Presidente, eu creo que hai, isto é a continuación das outras Mocións dos tres últimos Plenos do Partido Popular e seguimos, e no Pleno seguinte seguirán con máis e con máis e con máis. Pero, vamos a ser serios Sr. Presidente, vamos a ver, se hai un tema no que todos estamos convencidos que é absolutamente importante para os parques industriais desta provincia, o normal, o normal, dende un punto de vista institucional, sería, sería plantexarlle este tema á Consellería, sería dicirlle á Consellería no seu día, oia, mire, podemos entender que nun momento determinado poidan ter un problema presupostario, e a Deputación pode salvar ese problema presupostario, por poñer un exemplo, é dicir, non digo que sexa este o caso, senón algo de colaboración institucional en calquera ámbito, é dicir, se a Deputación pode acometelo nestes momentos e despois resarcirse por outras vías da propia Consellería, desta, de calquera outra, etc., etc., iso é algo que se plantexa como colaboración, é dicir, que hai un problema de terreos que non sei que, bueno, pois vamos a tratar de buscar a fórmula para conseguir eses terreos, etc., etc., etc., pero non, non, aquí o tema é, tu, que faltan non sei cantos e hai que esixir poñer e tal, bueno, pois ben, segan por ese camiño, eu o dicía antes, con nós non conten, con nós non conten, cando queiran, o dixemos en todas as Mocións, cando queiran plantexar unha cuestión para tratar de chegar a acordos, para tratar de ser construtivos e para tratar de colaboración institucional, téñennos aquí, mentres o plantexen como están plantexando todo este grupo de Mocións, con nós non conten, ímonos abster Sr. Crespo, é dicir, volvo na tese de antes, para que se me entenda, abstención, punto, e non vou a intervir máis sobre estes puntos, tamén para que se me entenda, se utiliza a técnica do seu predecesor con insultos e demais historias, pois ós insultos terei que contestarlle loxicamente, pero senón sobre o fondo do debate non. Sr. Presidente.- Sr. Crespo. Sr. Crespo Iglesias.- Ben, que fráxil memoria teñen porque eu poderíalles recordar, o que pasa que segundo os expertos as cousas na memoria duran tres meses nada máis, as máis importantes, as outras tres anos e ó cabo de cinco xa ninguén se acorda, iso parece ser que é así porque a min tamén me pasa, a verdade é que non sei, ou vou para ter alzheimer ou senón tamén é verdade que a memoria realmente é fráxil. Vostedes acórdense cando gobernabamos case todo neste país o que dicían vostedes dende o mesmo sitio que están sentados, como cambiou o conto, dicía o señor aquel, ¡carallo como cambiou o conto!, pois eu tamén digo, ¡como cambiou o conto!. Vostedes pretenden que nós non nos queixemos das cousas que entendemos que prexudican directa ou indirectamente a esta provincia, é a nosa obriga, nós somos políticos, o que pasa é que somos políticos locais, laiámonos case sempre de que na administración local non se nos fai caso, por que ten que ser a Administración autonómica a única que defina e que determine temas que afectan a Galicia, non, non, perdón, hai tres patas en política, administración central, a do Estado, a administración autonómica e a administración local, e as tres patas son totalmente independentes e polo tanto o que di o Goberno Autónomo ten moito mérito, por suposto, é o goberno de todos os galegos, pero o que diga a administración local, que somos os concellos e as deputacións, tamén temos que defender os nosos intereses, neste caso os da nosa provincia. Polo tanto, eu non sei porque se rachan tanto as vestiduras dicindo, “é que non sei porque traen aquí estas Mocións”, porque temos que facer política, estamos nunha casa que entre outras cousas temos que facer política. A administración local é máis de xestión, de acordo, pero tamén temos unha parte de política, e como ás veces están uns e ás veces están outros, pois ocorre o que ocorre, polo tanto non hai que estrañarse, non se preocupen vostedes que nós dentro dunha orde racional e dentro dunha lóxica e dentro dunha ortodoxia como estamos practicando, non se preocupen, miren, se nós, se se queixan de nós que somos “irmanciñas da caridade”, por favor, é que son totalmente inxustos, a ver se vou ter que aplicar aquel refrán de “díxolle o pote ó caldeiro sácate de aí que me lixas”. Ben, con respecto ó que dixo o BNG, si hai terreos Mosquera, é dicir, eu non digo, non digo que a Consellería non estea facendo un esforzo, que o está facendo, pola deixación de funcións do Estado, porque si que se nos prometeu un plan hai catro anos do Ministerio de Industria, que incluso nos mandaron uns folletos ós concellos, que eu teño alí no meu concello, onde se ía poñer a banda ancha en todas as parroquias do rural, iso non se cumpriu, e como non se cumpriu, pero nin sequera ó 50%, tamén hai que darse conta que deseñaron un plan para toda España e unha vez máis ó deseñalo dende Madrid non se deron conta como era Galicia, e claro non se deron conta de que en Galicia un señor non deixa pasar un poste de teléfonos, non se deron conta que temos unha orografía como temos, e ó final pasou o que pasou, é dicir, que ó día de hoxe nin sequera o 50% do previsto está executado e quedan 43 polígonos sen ADSL, perfecto, pretenden poñerllos, perfecto, home, non creo que sexa tanto dotar 43 postes Wimax, non é tanto, iso para a Consellería de Industria é un chupa chup, polo tanto todos aqueles concellos que puxeron terreo debíannolo dar, e non é un erro, porque por exemplo eu non podo asegurar a totalidade, pero pódolle asegurar que no caso de Agolada que o coñezo, no caso de Rodeiro e no caso de Lalín, si cumpríamos todo, si o pedimos en tempo e forma e si puxemos os terreos a disposición, con enerxía eléctrica e tal e como o pedían. Entón, non quero dubidar de que non haxa fe de arranxar un problema, pero home, que non arranxen en dúas fases, é como se nós para arranxar un problema dende esta casa, unha cousa que vale 600 euros a facemos en dúas fases, claro que a podemos facer en dúas fases e temos intención de arranxala, pero creo que se dá feito dunha fase. Eu creo que aquí non é de recibo, que por, dos 28 que quedan, bueno, ó mellor 4 ou 5 non están en condicións, os outros van a estar, pero no caso da provincia de Pontevedra descoñezo exactamente todos, pero os da Comarca do Deza, os tres que quedaron puxéronllo só a Vila de Cruces, para que teña un dato, Vila de Cruces ten dúas industrias no polígono agora mesmo e poñen Wimax, en Agolada non poñen Wimax, en Rodeiro que hai un matadoiro de coellos dos máis importantes que hai en España non teñen Wimax e os dous polígonos de Lalín non teñen Wimax, e os de Lalín si, dou fe de que o pedimos en tempo e forma e se demostrou a propiedade e todo o que se queira. Polo tanto, creo que, se hai boa intención, home se a Moción fora dicir, “tendo en conta que a Consellería de Industria afrenta a Galicia unha vez máis”, non, nós, pero se o que pedimos é, vamos a ver, “Instar á Consellería de Industria, señores de Industria, a resolución que fixeron abran unha nova convocatoria para que os parques industriais que quedamos fóra se metan”. Se o van facer, aplaudirémoslle dende aquí, é que, vostedes cada vez que presentamos unha Moción é como se fora algo tremendamente pecaminoso, non, que non lle estamos dicindo que son incompetentes, non lle están dicindo que son neglixentes, non, estámoslle dicindo, faltan polígonos con Wimax na nosa provincia, por favor, doten dunha nova convocatoria, se o van facer, todos encantados, ¿cal é o problema?, non creo que haxa ningún problema, non creo que haxa ningún problema, senón o van facer recordámoslle que o deben facer e se o van facer xa nos contestarán, xa estaba previsto facelo, polo tanto, encantados de compracelos, todos contentos, e nós nin nos vamos aumentar o creto nin o vamos a prexudicar. Polo tanto, que presentemos esta Moción, home, déixenos como mínimo que poidamos opinar en temas que entendemos que benefician ou prexudican á nosa provincia. D. Emilio Iglesias, González Iglesias, perdón, dixo que non ía volver a intervir, perdón, non, eu non lle quero tirar da lingua, pero mire, nós somos dentro do que cabe coherentes co que dicimos e creo que xa está ben de que nos voten reprimendas como senón supéramos ocupar o posto que temos que ocupar. Nós, creo que é lexítimo que nós fagamos esas emendas, e mire, se vostedes nese aspecto son infinitamente moito máis demagogos que nós, cando nós facemos unha acción política claro que lle poñemos unha dose de demagoxia, pero nós, eu hoxe levántome, oio a prensa, que é o primeiro que fago como calquera dos que, supoño, estamos en política, e vexo que Touriño reprocha ó seu grupo que votara na Comisión de control do AVE en contra, home, nós de momento non estamos na misa e repenicando ó mesmo tempo, de momento, vostedes si, ou sexa, o Grupo Socialista vota en contra de que se cre a Comisión e logo o Presidente abronca ó seu Grupo, bueno, iso é como se nós votamos en contra aquí dunha acción, vostedes propoñen aquí unha moción, nós votámoslle en contra e mañá sae o Presidente dicindo que nós somos uns incompetentes por votar iso en contra, que el tiña intención de votar a favor. O certo é que xa está votado a favor e polo tanto, home, mire, eu xa sei que vostedes actúan como unha franquicia de poder, e como tal franquicia non teñen ideoloxía, non teñen centro, nin dereita, nin esquerda, dálle igual, queren o poder polo poder, home, polo menos o Bloque e o PP algo de ideoloxía temos, mala ou boa, pois témola, é que non se pode estar e non se nos pode dicir o que temos que facer: Permítanos Sr. González que nós, que fagamos a política que consideremos oportuna, aínda que esteamos equivocados, non se preocupen, dende logo o que non somos é cáusticos, e creo que somos sobradamente razoables, e nesta Moción, sempre están dicindo que son todas iguais, e nesta Moción o único que pedimos é, á Consellería de Industria, que ocorre isto, sen insultala para nada, cunha linguaxe totalmente normal e institucional, oia, señores de Industria, abran unha nova convocatoria, se o van facer xa estamos todos encantados, o que lle podo asegurar para a tranquilidade do Sr. Mosquera é que non sei, descoñezo se é erro ou non, pero o que é certo é que os polígonos de Lalín, os de Rodeiro e os de Agolada si lle puxeron os terreos a disposición, polo tanto, mire, os postes que faltan de Wimax non creo nin que custen medio millón de euros e deixaban arranxados todos os polígonos industriais, polo tanto é fácil o que pedimos. Grazas Sr. Presidente. Sr. Presidente.- Moitas grazas Sr. Crespo. D. Cesáreo Mosquera. Sr. Mosquera Lorenzo.- Si, Sr. Crespo, parece profundamente inoportuno a última disquisición que fixo, pero non se preocupe, antes nos acusan de querer debater, vai ser por resistencia darlle o debate, dámoslle o debate e demais. Saca vostede que non sei que contradicións, obviamente, pode suceder que o Sr. Touriño queira saír, non, non, digamos non verse responsabilizado do seu grupo en Madrid ou o que sexa. Vostedes non fan iso. Andá, andá, recórdolle o do Pleno pasado, ou sexa, Núñez Feijoo négase a facer o polígono de Barro-Meis, e despois aparece como un campión, que bueno, que el aparece máis, de visita e demais alí, e que fixo máis polígonos, bueno, “que es una cosa maravillosa”. No, non fan, que va, non fan para nada, ou sexa, absolutamente para nada, por favor, por favor, por favor, non metamos os elementos aquí porque maravillas desas, en fin, teñen tamén unha boa colección, e algunha que ten que ver, que ten que ver con este, co punto, por iso as saco a colación. Pero Sr. Crespo, indo ó fondo da cuestión, é que eu non me acabo de aclarar, a ver, enténdanos que se nós non nos preocupamos de saber se a Consellería de Industria, unha Consellería que goberna o meu compañeiro de forza política, de se fixo, non fixo, contrafixo, estamos en desigualdade de debate, eu non lle vou a debater agora se o papel foi, que se tiña terreos non tiña, o único que sei é a vontade de resolvelo e que está en marcha e vostede mesmo o recoñeceu, entón non entendo moi ben a Moción. Simplemente é o que quero dicirlle, como se agora nós presentamos unha Moción para dicirlle é que a todos os grupos culturais que cumpran as condicións se incorporen, é dicir, oia, ben, aquí pode haber alguén que dea conta, mire, que se presentaron tantos, tantos, tantos, cumpren, non cumpren, se arranxa, pero claro eu se lle presento esa Moción, se nós presentamos esa Moción no concello de, non sei, de Requeira ou de Rodeiro, ¿que dirían vostedes?. Pois non sei, diríxanse a quen sabe diso, porque se todos estamos de acordo en que hai vontade de resolvelo, que está tapando unha falta que non lle corresponde a esta facelo, hai unha orde, que cumpre ou incumpre, que de verdade, que debate, por iso digo, nós non vamos, non se preocupe, nin pensamos facelo, de coller, chamar á Consellería, de que nos mande un informe, que nos mande o expediente, mire, non, non é a nosa función en absoluto e polo tanto, pois bueno, ímonos abster na Moción e que pase, é dicir, nos pode colar un gol coma unha catedral, a min me pode contar unha mentira coma unha catedral, de que se Rodeiro tiña os terreos, non tiña ou deixaba de ter, que eu dende logo non é a miña función irme a buscar a ningunha delegación provincial, a ningunha Consellería se o expediente está ben, e menos saber se está ben ou non, o que faltaba, vamos, é o que me faltaba, como comprenderá niso non vamos a entrar. Por certo, ¿o de Barro-Meis vanlle poñer banda?, si, ¿xa está no proxecto de urbanización e demais?, agardo que de agora en diante vaian todos e así nos aforramos certos problemas. Moitas grazas. Sr. Presidente.- Moitas grazas Sr. Mosquera. D. Emilio González. Sr. González Iglesias.- Sr. Crespo, eu non sei vostede, pero eu dende logo estou encantado e estou contento ademais de que o Presidente da Xunta de Galicia poña os intereses de Galicia por riba dos intereses do Grupo Parlamentario do Partido Socialista no Estado. Eu si, vostede parece que non, pois alá vostede. Pero, home, a min hai unha cousa da súa intervención que eu podía, e admítolla de feito, á xente nova, de novas xeracións do Partido Popular, admítolle que diga iso da franquicia, de que non temos ideoloxía, pero a vostede, a vostede non llo admito, non, porque mire Sr. Crespo, quen milita como vostede nun partido político que o seu fundador evolucionou dende posicións, me alegro profundamente que evolucionara, dende posicións filofascistas ata ser o campión do centro dereita deste país, non pode acusarnos ós demais de non ter ideoloxía, é moi duro o tema, tremendamente duro, e iso non llo paso, para nada llo paso. Nada máis. Sr. Presidente.- Sr. Crespo. Moitas grazas D. Emilio González. Sr. Crespo Iglesias.- Eu creo que o debate xa está sobradamente, é un tema que está xa suficientemente debatido. Sr. Mosquera, mire, isto, para falarlle en prata, é para que a Consellería o reconsidere, se o vai reconsiderar xa estamos todos encantados, e senón, vostede sabe que nós temos un plan, que nos acaban de conceder, europeo, para instalar Wimax no rural, e loxicamente senón o fai a Consellería farémolo nós. Pero se o fai a Consellería, primeiro debíao facer o Estado, non o fai o Estado, que o quere facer a Consellería, perfecto, pero senón farémolo nós, polo menos os de Pontevedra, porque acaban de darnos un plan europeo para instalar Wimax, para que poida ter internet o rural, e polo tanto, pois, oe, se o fai a Consellería e nos conta que xa o vai facer, xa aforramos os cartos desta casa, que boa falta fan, que para meter internet no rural o que nos deron obviamente non chega a nada. E senón é así, pois bueno, obviamente, haberá que priorizar as zonas industriais que non teñen cobertura, eu podía demostrar onde a súa Delegada de Industria, onte en Rodeiro, alí recoñecía que sen ter internet alí naquela área do polígono de Rodeiro, que aquilo que vai mal, foi unha visita que cursou ela, non a cursei eu, e ela sae hoxe nos medios de comunicación nas edicións do Deza. Polo tanto, que quede claro que o que pedimos é razoable, non é nada insultante, creo que si o van a facer, que eu confío en que si, porque xa digo é moi pouco custe para a Consellería, pois non hai ningún problema, aplaudirémoslle, non se preocupe que saberemos recoñecer cando fan as cousas e senón o fan, pois digan, oe, non temos orzamento, aínda que queremos facelo non podemos facelo, bueno, pois ó mellor estudamos metelo nós, é simplemente polo que facemos a Moción, non é para atropelar a ninguén. Polo demais, Sr. González, eu non quero molestar a ninguén, eu pido desculpas, eu opino como opino, pero sabe vostede que non é con ánimo de incordiar, nin moito menos, simplemente é con ánimo de dicir que opino nun momento determinado, polo tanto si firo algunha sensibilidade pois retíroo, ¿vale?. Presidente. Sr. Presidente.- Procedemos polo tanto á votación neste caso do punto número 12 da orde do día. ¿Votos en contra?. ¿Abstencións?. ¿A favor?. De conformidade co ditame da Comisión Informativa de Desenvolvemento Industrial, Urbanismo e Vivenda, o Pleno acorda por maioría de votos a favor do Grupo Popular e coas abstencións do PSdeG-PSOE e do BNG, aprobar a Moción do Grupo Provincial do Partido Popular sobre a exclusión de concellos de Pontevedra no Plan da Consellería de Industria para dotar a polígonos industriais de rede de banda ancha. Dita Moción é como segue: “O grupo provincial do Partido Popular de Galicia (PPdeG) na Deputación de Pontevedra, en base á lexislación vixente, presenta diante do Pleno da Corporación Provincial esta moción relativa á exclusión de varios concellos da provincia de Pontevedra do plan da Consellería de Industria para dotar ós polígonos industriais de redes de telecomunicacións sen fíos de acceso a Internet de Banda Ancha. EXPOSICIÓN DE MOTIVOS 1.- Os dous programas nacionais de extensión de Banda Ancha rural (PEBA), deseñados polo Ministerio de Industria nos anos 2005 e 2006, deixaron fóra do acceso á Banda Ancha de Internet a 43 polígonos industriais de Galicia. 2.- O PEBA 1, aprobado no ano 2005, integrou a máis de 27.000 núcleos de poboación de Galicia e o seu continuador, o PEBA 2, engadiu outras 1.700 zonas, algunha delas cun mínimo de cinco vivendas e sen apenas potenciais clientes para o uso de Internet. Pero, curiosamente, 43 asentamentos industriais, algo máis do 32% do total autonómico e un territorio que suma 9,4 millóns de metros cadrados, non foron tidos en conta. 3.- Un informe publicado pola Consellería de Industria da Xunta de Galicia en febreiro de 2008 sinalaba que o acceso a Internet de Banda Ancha, un dos instrumentos indispensables para competir na nova economía, non chegara aínda a un terzo dos parques empresariais que están en funcionamento en Galicia. Dos seus 130 polígonos operativos, 43 carecían do devandito servizo e outros 12 presentaban notables deficiencias no seu acceso. Este evidente desequilibrio, que resta competitividade ó tecido empresarial galego e que arreda a nosa Comunidade de Europa, afecta tanto ás catro provincias como ás zonas costeiras ou de interior. E o propio informe sinala, entre outros casos con carencias, o parque tecnolóxico e loxístico de Valadares, en Vigo; o de Granxa do Bao, en Pontevedra; e outros parques do Salnés, Deza ou o sur provincial. 4.- En base ó devandito informe, a Consellería de Industria anunciou o pasado 13 de febreiro de 2008 un programa de axudas ós concellos, cunha contía de 5 millóns de euros, polo que aqueles que albergasen polígonos industriais poderían solicitar a implantación de Internet inalámbrico. 5.- Unha vez resoltas as solicitudes cursadas polos concellos para optar ó antedito proxecto, a Consellería de Industria seleccionou a 19 parques empresariais galegos, deixando fóra desa iniciativa peticións de concellos para outros 28 polígonos. As razóns alegadas van dende cuestións de prazos ata a dificultade de dispoñer, nun corto período de prazo da convocatoria, de terreos para instalar as pertinentes antenas. Na provincia de Pontevedra foron seleccionados, entre outros, os de Sete Pías (Cambados) e Porto de Meloxo ( O Grove), no Salnés, ou o de o Camballón (Vila de Cruces) que só conta co Matadoiro Municipal, unha nave da cooperativa Cobideza e outra en construción. E, entre os excluídos figuran, entre outros, parques tan importantes e repletos de empresas como os de Bamio, Trabanca e Pousadoiro (Vilagarcía), O Pazo-Xil (Meaño) ou Cabanelas (Ribadumia), no Salnés, ou os de Lalín 2000, Botos (Lalín) ou Merlín (Agolada). Polas anteditas razóns, sometemos á consideración do Pleno da Deputación Provincial de Pontevedra esta moción para que se adopten os seguinte ACORDO: 1.- Instar á Consellería de Industria a que corrixa a resolución efectuada ou abra unha nova convocatoria para que os parques industriais poidan acceder á instalación de Banda Ancha de Internet.” 13.5710.- COMUNICACIÓNS Sr. Presidente.- Comunicacións. Sr. Secretario.- Si, en primer lugar tenemos los extractos de las Resoluciones Presidenciales dictadas entre el 27 de mayo y el 23 de junio. También un acuse de recibo del Ayuntamiento de Lalín en relación con la Moción conjunta de los tres grupos provinciales sobre la construcción de una autovía entre Pontevedra y Lugo y que a su vez nos remite una moción en el mismo sentido. Queda enterado o Pleno das seguintes: A) De extractos de Resolucións Presidenciais ditadas pola Presidencia entre os días 27 de maio e 23 de xuño do ano 2008 e que foron trasladados ós Voceiros dos distintos grupos políticos. B) De acuse de recibo do concello de Lalín de acordo do Pleno desta Excma. Deputación de 25 de abril de 2008, sobre a construción dunha autovía entre Pontevedra e Lugo, e remitindo ó mesmo tempo acordo do Pleno dese concello, de 29 de maio de 2008, de apoio a esa construción. Sr. Presidente.- Fóra da orde do día. Sr. Secretario.- No hay nada. 14.5711.- ROGOS E PREGUNTAS Sr. Presidente.- Rogos e preguntas. D. Emilio González. Sr. González Iglesias.- Non, Sr. Presidente, eu é que teño que ausentarme porque teño unha xuntanza á unha e media, e vamos, para que non haxa mal entendidos, non é que me negue a debater, por Dios, o tema de Rogos e preguntas, pero para que quede claro. Xa sei que non hai debate, pero que quede claro que teño que ausentarme, que lle quede claro a algún Deputado. Sr. Presidente.- Moitas grazas D. Emilio González. D. Cesáreo Mosquera. Sr. Mosquera Lorenzo.- Grazas Sr. Presidente. Hai unha serie de preguntas presentadas polo compañeiro Gabriel Martínez Giráldez, que por certo, desculpar a asistencia tanto de Gabriel como de María Méndez porque convocáronlle un Pleno en Salvaterra para a mesma hora e entón non poden vir. Pois é unha serie de preguntas, algunha reiteración, que están na carpeta e que preferíamos que se contestara por escrito. Formúlaas, ou sexa, que non se entenda que viñeron ó Pleno e desaparecen, non desaparecen, digo que estaban na carpeta e unha máis que non estaba, que pediría que se fixeran por escrito porque algunha delas ten bastante, ten bastante enxundia e supoño que terán que miralas. Era iso. Sr. Presidente.- Moi ben. Moitas grazas. Pois moitas grazas a todos e moi bos días. E non habendo máis asuntos que tratar, polo Sr. Presidente, sendo as trece horas e vinte minutos do expresado día, dáse por rematada a sesión e dela esténdese a presente Acta, que asinará o Ilmo. Sr. Presidente comigo, o Secretario, que dou fe.

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Pleno (Tema)

Área de control da descrición