Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión extraordinaria en primeira convocatoria, celebrada polo Pleno desta Excma. Deputación o día, 12 de febreiro de 2008 No Salón de sesións da Excma. Deputación Provincial de Pontevedra, sendo as doce horas e trinta minutos do día doce de febreiro do ano dous mil oito, baixo a Presidencia do Ilmo. Sr. Presidente D. Rafael Louzán Abal, reuníronse as/os Señoras/es Deputadas/os, Dona Isaura Abelairas Rodríguez, D. Julio Alén Montes, D. Silvestre José Balseiros Guinarte, D. Xosé Crespo Iglesias, D. José Juan Durán Hermida, D. José Amador Eiras Paz, D. Jesús María Fernández Portela, D. José Manuel Figueroa Vila, D. Emilio González Iglesias, D. Juan A. González Pérez, D. Rafael Lores Rosal, D. Gabriel Martínez Giráldez, Dona María Xosé Méndez Piñeiro, D. Xosé Cesáreo Mosquera Lorenzo, D. Constante Juan Muradas Ramos, D. José Antonio Olmedo Granja, Dona Mª Teresa Pedrosa Silva, Dona María Corina Porro Martínez, D. Agustín Reguera Ocampo, D. Severino Reguera Varela, D. Daniel Rodas Chapela, D. Xosé Carlos Silva Mariño, D. José Enrique Sotelo Villar e D. Jesús Vázquez Almuiña, co obxecto de celebrar sesión extraordinaria do Pleno da Deputación, en primeira convocatoria, consonte á correspondente orde do día. Non asisten os Sres. Deputados D. Pauliño Damián Del Río Iglesias nin D. Juan Luciano Otero Besada. Da fé do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma o seguinte acordo: 1.5650.- COMPARECENCIA DO PRESIDENTE DA DEPUTACIÓN PROVINCIAL PARA DAR CONTA DO PAGO DUNHA SUBVENCIÓN AO CENTRO GALEGO DE MÉXICO POR PARTE DUNHA PERSOA ALLEA AO ORGANISMO PROVINCIAL Sr. Presidente.- Comezamos, entonces esta convocatoria de Pleno extraordinario a petición, neste caso do Partido Socialista, que é, primeiro punto da orde do día; Comparecencia do Presidente da Deputación Provincial para dar conta do pago dunha subvención do Centro Galego de México por parte dunha persoa allea ó organismo provincial. Ten a palabra, neste caso, o Sr. Emilio González. Sr. González Iglesias.- Ben, o grupo socialista entérase como todo o mundo, vamos a facer un relatorio pormenorizado dos primeiro feitos deste tema. O día 6 de febreiro, creo que foi, o semanario Galicia en el Mundo publica unha noticia na que dicía que na romaría celebrada o 3 de febreiro no Centro Galego de México, coa asistencia dos señores Núñez Feijoo e Aurelio Miras Portugal fíxose entrega por parte do Sr. Núñez Feijoo dun talón de 30.000 euros dunha subvención da Deputación de Pontevedra ó Presidente do Centro Galego de México. A referencia faina, recollendo o discurso do Presidente do Centro Galego de México e non só isto, senón que a media tarde un redactor dun medio de prensa, concretamente do Faro de Vigo ponse en contacto co Presidente do Centro Galego de México e este confírmalle os extremos da noticia, di que é certo, curiosamente ó día seguinte, pois desminte este tema e di que non lle entregou o Sr. Núñez Feijoo absolutamente ningún talón. Ben, o tema é que vostedes din publicamente que non foi un talón, que foi simplemente a entrega dunha Resolución Presidencial para que firmarán o recibí dunha subvención da Deputación, loxicamente hai cousas que non transcenden á prensa nin aparecen publicadas ata o día de hoxe en ningún sitio pero que a nós nos fan pensar que isto é digno de debaterse nun Pleno extraordinario, porque hai cuestións, volvo a repetir, que ata agora non se saben e entendemos que deben ser públicas. Primeiro, dando por bo que efectivamente a entrega que se fai é dun documento onde se lle comunica a subvención da Deputación de Pontevedra para que firmen o recibí, nós entendemos que o Presidente debe contestar a varias preguntas, primeira pregunta, ¿de que data é a Resolución Presidencial pola que se concede uns 30.000 € ó Centro Galego de México?. Segunda pregunta, se non foi o Presidente ¿que Deputado é o responsable de facerlle entrega dese documento a unha persoa que non forma parte da Deputación para lograr que firmen ese recibí?, é dicir ¿que Deputado é responsable de facer a entrega?, e se é o Presidente que o diga, e, ¿a que persoa se lle entrega ese documento?, porque o que miramos na prensa tamén é que o Sr Núñez Feijoo di que el non mirou a quen lle deu o papel nin mirou quen entregou o papel, supoñemos, aínda dando por bo que fora certo, que sexa certo o que di o Sr. Núñez Feijoo, loxicamente o Presidente si ten que aclararnos quen deu o papel e a que persoa se lle deu, que presumiblemente, presumiblemente non forma parte da Deputación de Pontevedra, unha persoa allea a esta institución, digo presumiblemente porque en ningún sitio se fai referencia a que ese documento o portara algún funcionario ou político relacionado con esta Deputación Provincial, se o Presidente ten a ben contestar estas preguntas continuaríamos coa argumentación. Sr. Presidente.- Pode, pode seguir. Sr. González Iglesias.- Si pero en función do que me conteste loxicamente é unha cuestión ou outra. Sr. Presidente.- Bueno, pois en base a esa pregunta que máis ou menos é o que vostede expoñía precisamente no punto da orde do día, pois se pediu evidentemente, o informe previo que o Presidente, neste caso o da Comisión de Cultura lles pasa a relatar de seguido. Sr. D. José Juan Durán. Sr. Durán Hermida.- Bos días Sr. Presidente, bos días señoras e señores Deputados. Efectivamente estamos nun Pleno extraordinario solicitado no uso das prerrogativas que lle concede a regulamentación ó Grupo Socialista, e en consecuencia tamén para pedir explicacións dunha información que salta ós medios a semana pasada, neste sentido e para empezar a contestar a intervención do portavoz do Grupo Socialista vou a dar lectura ó informe do Servizo de Cultura que asina o se Xefe de Servizo o Sr. D. Antonio Santos Guerra, que di así: A petición da Presidencia en relación á proposta da subvención ó Centro Gallego de México A.C. para as obras de remodelación de baños e vestidores por importe de 30.000 euros o Xefe de Servizo informa: Primeiro: con data 8 de novembro e número de rexistro 37441 recíbese no Servizo de Cultura solicitude de subvención do Centro Gallego de México para a primeira fase de remodelación de baños e vestidores. Segundo: revisado o expediente, presentado e comprobado, que acompañan a documentación esixida no artigo 14 da Lei Xeral de Subvencións Lei 38/2003 de 17 de novembro, e que coincide coa esixida nas bases reguladoras de subvencións de apoio a cultura dirixidas a entidades para o ano 2007, aprobadas pola Xunta de Goberno na sesión ordinaria de 29 de decembro 2006, publicada no Boletín Oficial da Provincia número 10 de 15 de xaneiro de 2007, procédese a dar trámite ó expediente de concesión de subvención remitindo con data 12 de novembro para a súa fiscalización previa, para a súa fiscalización previa, ó Servizo de Intervención desta casa. Punto terceiro: con data 20 de novembro de 2007 emítese o informe de fiscalización previa acompañado de documento de retención de crédito por importe de 30.000 euros e especificando que o órgano competente para a aprobación deste gasto é o Presidente da Deputación en aplicación da base 16.1 e 2 das aprobadas para execución do orzamento de 2007, por tratarse dunha subvención que non supera os 60.102 euros. Punto cuarto: con data 20 de novembro a Presidencia dita a Resolución de concesión de subvención polo importe anteriormente citado a favor do Centro Gallego de México para as obras de remodelación de baños e vestidores, na citada Resolución especifícase que a subvención aboarase unha vez que se xustifique o importe da subvención concedida con facturas, recibos, etc., que reúnan os requisitos legais esixidos polo real decreto 1496/03 de 28 de novembro sobre confección de facturas, xunto coa conta xustificativa que relacione cos gastos establecidos no orzamento e realizados para levar a cabo a obra tal como se establece no artigo 30 da Lei 38/03 Xeral de Subvencións. Xunto coa xustificación deberán acompañar unha memoria do investimento realizado e acreditar a difusión do financiamento pola Deputación da inversión subvencionada. Punto quinto: o 26 de decembro preséntase no Servizo de Cultura o Sr. Piñeiro Gil, presidente do Centro Gallego de México entregando toda a documentación que se lle esixía na Resolución de concesión para que se poida facer efectivo o importe da subvención concedida. Punto sexto: con data 28 de decembro o Servizo de Cultura remite dita xustificación ó Servizo de Intervención para proceder ó pagamento da mesma, especificando textualmente no oficio de remisión do Xefe do Servizo de Cultura que dito aboamento farase mediante cheque bancario, dado que o Presidente do Centro Gallego de México se atopa en Pontevedra e que estará aquí ata o remate do mes de xaneiro. Punto sete: fiscalizado e conformado o expediente pola Xefa do Servizo de Fiscalización e Asesoramento de Intervención co visto e prace do Interventor dítase Resolución 19386 con data 31/12/07 na que se declara o recoñecemento de obrigas e declaración de aboamento dunha relación de subvencións entre as que se atopa a do Centro Galego de México, para cumprimentar e facer efectivo o pago emítese cheque bancario da entidade Caixanova serie CE número 6.592.806 con data 23 de xaneiro de 2008 e por importe de 30.000 euros. Punto oito: o Presidente do Centro Gallego de México, o Sr. Piñeiro Gil, personouse en varias ocasións ó principio do mes de xaneiro no Servizo de Cultura para preguntar polo pago de dita subvención e especificando que dado que se atopaba na provincia de Pontevedra, amosou o seu interese de recoller persoalmente o cheque acto que realizou o 24 de xaneiro ó mesmo tempo que pasou polo Servizo de Cultura para despedirse do persoal do mesmo e agradecerlle as xestións realizadas. O que se informa ó efectos oportunos. Pontevedra 11 de febreiro de 2008, asina o Xefe do Servizo, Antonio Santos Guerra. Ata aquí o informe que emite o citado funcionario desta Casa no que se recolle todo o procedemento seguido neste expediente de concesión desa axuda ó Centro Gallego de México e que pon de relevo, como non podería ser doutro xeito o funcionamento administrativo interno da Administración ou de calquera outra Administración Pública á hora de conceder unha axuda económica, isto é parte que corresponde dende o punto de vista do procedemento administrativo, ademais diso na miña condición de responsable da área de cultura da Deputación, home quería dicirlles ó inicio deste Pleno que me dá a sensación, que llo digo sen ánimo de entrar en ningún tipo de polémica, que me dá a sensación, non se ría Sr. González, non se ría, que me dá a sensación que se quere facer unha tormenta nun vaso de auga, eu teño esa sensación, porque aquí de que se trata, aquí do que se trata a posteriori deste relatorio, desta secuencia de feitos que lle acabo de comentar, do que se trata e que o Presidente do Centro Gallego de México, unha vez xa alá, pide en diferentes ocasións que se lle envíe copia desa Resolución e evidentemente non se entende que haxa ningún inconveniente para que tendo en conta que se ía a viaxar a México unhas persoas coñecidas delas e de nós, pois que levara pois nun sobre pechado a copia desa Resolución, ata aí eu non creo que haxa ningún problema de índole legal, é máis a persoa que lles dá instrucións para que solicite este Pleno extraordinario tamén di que non hai nada ilegal, e nada diso, e evidentemente dende o noso punto de vista non vemos onde pode estar o inconveniente para que ante esa petición reiterada do Sr. Luis Piñeiro de dispor alí materialmente no Centro Gallego desa copia, desa Resolución a efectos del, da Xunta Directiva, do que sexa menester, se lle envíe por ese medio, porque van unhas persoas a México e que van a coincidir e que se lle vai a facer entrega. Dende ese punto de vista Sr. Presidente máis nada pola miña parte. Sr. Presidente.- Moitas gracias Sr. José Juan Durán. Sr. Emilio González. Sr. González Iglesias.- Vamos a ver, eu a verdade Sr. Durán mire, insistín que a primeira pregunta fora a data da Resolución ordenando o pagamento porque a verdade lin na prensa o 31 de decembro, lino na prensa si si si, lino na prensa é curioso e non mo acababa de crer por iso preguntei aquí e insistín en preguntar, miren é que o 31 de decembro a efectos da Administración é inhábil, a efectos da Administración, por Dios, por Dios, servizo de rexistro e punto na Administración, non se dita unha Resolución Presidencial a 31 de decembro, ou sexa, non o cre nadie, nadie, unha vez máis, non é a primeira vez que ocorre nesta casa, houbo momentos que se tratou de manipular ata o Servizo de Rexistro da Deputación, si, si, si, e demostrado ademais, e unha vez máis manipulan outra historia e chegan ó extremo e o descaro de utilizar o día 31 de decembro para facer este tema, por iso me estaba rindo Sr. Durán, me ría por iso non por outra razón. Continúo, mire, eu fixen varias preguntas, eu fixen varias preguntas, pero ó fío da súa resposta a un se lle ocorre outra máis, mire, ¿como é posible, como é posible que alguén que recibiu en man un talón bancario supoño que firmaría ese recibí?, ¿como é posible que alguén que tiña tanto interese en ter outra copia da Resolución naquel momento non levara copia da Resolución?, e máis, cando din que en varias ocasións estivo na Deputación durante o mes de xaneiro, o lóxico e o normal é que levara naquel momento a copia da Resolución, e mire, argumento que utilizaban vostedes para xustificar, argumento que está publicado e que non desmentiron nunca, falaban dun documento que non se podería perder, si, sumamente importante e que era máis lóxico que fora, por así dicilo entre comiñas custodiado, mire, unha copia dunha Resolución comprenderán que para nada ten esa importancia que lle querían dar, pero Sr. Durán eu quero seguir intervindo e para seguir intervindo falta a resposta a dúas preguntas, primeira pregunta ¿que Deputado ordenou que ese documento o levara unha persoa? e ¿que persoa foi a que levou o documento?, persoa volvo insistir allea a esta institución, nin funcionario nin político desta institución, ¿que utilizaron de correo do Zar?, digan os nomes que non ... xa, despois de dicir o do 31 de decembro se pode dicir aquí calquera cousa. Sr. Presidente.- Si, Sr. D. José Juan Durán. Sr. Durán Hermida.- Gracias Sr. Presidente, evidentemente da experiencia, da veteranía, do voceiro do grupos socialista se entenden argumentación como que o 31 de decembro non se poden realizar actuacións administrativas, cando el sabe perfectamente que o rexistro desta casa esta aberto o 31 de decembro e o 31 de decembro existe aquí un selo de saída, 31 de decembro, dunha resolución, 19386, que efectivamente é a resolución de concesión de aboamento desa subvención, entón si, primeira cuestión na que vostede non está actuando de xeito claro ó servizo da estratexia do seu partido que pensaban encontrar petróleo neste asunto e evidentemente, posiblemente non vostedes senón seguindo instrucións da superioridade socialista, loxicamente agora ten que levar o tema ata a perspectiva de que o día 31 de decembro é inhábil, esta é a fotocopia co selo de saída de 31 de decembro da resolución de referencia e aquí está. Iso digamos xa para situar o contido, ou situar o enfoque que vostede lle está dando á súa intervención de tratar de levar a auga ó seu muíño, nun contexto evidentemente claro e nun contexto Sr. González que nos recordan moitísimo a outros plenos da pasada lexislatura onde vostede e algunha persoa hoxe ausente, felizmente ausente, se adicaron a esparcir falsidades sobre a xestión da Deputación, incluso levando á fiscalía unha serie de documentación que ás poucas, poucas horas, foi rexeitando, iso digamos está, unha credibilidade de quen intervén, está na historia recente desta institución, lle reitero o Sr. Luis Piñeiro en todo o tempo que estivo aquí no mes de xaneiro esperando para unha serie de trámites ou por cuestións particulares, pois non se lembrou dese tema que despois si que plantexou si que solicitou xa cando estaba de regreso en México, e entendo e entendemos, eu creo que este tipo de debates que aquí ó mellor resultan tremendamente truculentos, dende o punto de vista da estratexia do Partido Socialista ós cidadáns, que para achegar unha copia dunha resolución a México se aproveite que vaia unha persoa que vai a estar con ese beneficiario, que representa á entidade beneficiaria, non ten maior importancia, a non ser que como vostedes se queira estirar o chicle da argumentación toque nesta fase de precampaña este tipo de argumentos e esteamos nesa tesitura, eu de verdade, de verdade a min me gustaría, que este Pleno, esta petición que vostedes fan, evidentemente se debatera ou tivera que debater, pero eu creo que este tipo de plenos conducen máis ben a aportar pouca claridade sobre un tema que está xa diáfanamente claro e que xa se dixo con anterioridade nos medios de comunicación, e hoxe con argumentos xurídicos, con informes de funcionarios desta casa que supoño que non estarán mediatizados por ningún tipo de circunstancia que os faga dunha perversidade política extrema, evidentemente creo que queda claro, evidentemente tamén está na súa opción, na súa vontade que sigamos neste debate e que entremos, pois en todos os argumentos que vostedes queiran. Máis nada. Sr. Presidente.- Moitas gracias Sr. D. José Juan Durán. Sr. D. Emilio González. Sr. González Iglesias.- Sr. Durán, a ver fágolle a pregunta no idioma que me entenda, no que me entenda ¿a que persoa lle deron o documento? e ¿que persoa aquí lle deu o documento a esa persoa?, volvo a repetir persoa allea á Deputación de Pontevedra, ¿non entende a pregunta?, ¿como quere que lla faga?. Explíquenos, díganos publicamente a quen lle deron o documento que ata o de agora non o fixo, mire Sr. Durán na primeira intervención xa dixen, perdón na segunda, xa dixen claramente que o día 31 de decembro é un día hábil na administración salvo efectos de rexistro e eu pregunteille, na primeira vez e na segunda de que data era a Resolución Presidencial e vostede contestou que era de data 31 de decembro, iso foi o que contestou vostede e sigo, e sigo Sr. Durán, sigo cando vostede me conteste Sr. Durán, cando vostede me conteste a dúas cuestións que lle preguntei poderei seguir coa argumentación pero mentres non conteste, ou diga claramente que non quere contestar, dígao claramente. Mire ordes da superioridade que dicían vostedes, home non sei, non sei se son ordes da superioridade ou si a superioridade como é no seu caso parece unha amnesia, aparte de non enterarse ó que pasa ó seu arredor, porque a súa superioridade concretamente dixo que diante de el non lle habían dado nada, ó contrario do que dixo o outro señor, que por certo despois falaremos da cuestión, falaremos do que di o Presidente do Centro Gallego naquel acto público e que curiosamente senón era así, como ninguén do Partido Popular saíu a desmentir que non lle levaran ningún talón nin ningún documento, que é o normal, é dicir, eu se estou nun acto público onde se di algo que non é certo, automaticamente rectifico a quen mo dixo e iso non se produxo, para nada en absoluto, é dicir, non hai ningún medio que se faga pública esa cuestión, e vostedes saben que iso non se produciu así, de todos xeitos Sr. Durán volvo a preguntar, ¿a que persoa lle deron o documento para que o entregase alí? e ¿que persoa aquí deu a orde de que se dera ese documento? Sr. Presidente.- Sr. D. José Juan Durán. Sr. Durán Hermida.- Sr. Presidente, gracias. Non vai a facer falta chamar a Efrén Juanes para que formule a pregunta en ningún outro idioma. Se vostede atendeu á lectura que fixen do informe do Servizo de Cultura, se vostede atendeu, se vostede non está centrado exclusivamente nun guión que trouxo para este acto, se vostede escoitou iso, sabe vostede perfectamente cando dimos lectura de que data era a Resolución e eu o que falei está no informe do Servizo de Cultura o que falei de data de rexistro, está no informe que lin do Servizo de Cultura, si está aquí, figura, ben, primeira cuestión. Segunda cuestión, o sobre coa copia da resolución se deixou na sede do Partido Popular para os que ían a trasladarse a México e ían a estar co Sr. Piñerio Gil, segunda cuestión. Terceira cuestión, home eu insisto de que vostedes están no seu dereito a plantexar este tipo de cuestións de feito a precampaña electoral está plagada de casos onde o Partido Socialista quere facer ruído mediático con segundo que cuestións e collen moitas veces o rábano polas follas, este é un deles e queren seguir nesa liña e nós dende logo estamos tratando de que o Pleno aporte luz, eu creo que está absolutamente clara a postura da Deputación, o plantexamento da Deputación, pero vostedes seguen insistindo nese tipo de plantexamentos, nese tipo de cuestións e non admiten o que é a versión que unha serie de persoas lle está dando, fundamentalmente o Presidente do Centro de Gallego de México que ó día seguinte de saír esa información desmentiuna puntualmente e si el e a persoa que coñece o tema, pois evidentemente non seremos nós os que digamos o contrario, é un tema que el taxantemente desminte e que incluso fai chegar, segundo figura nos medios de comunicación unha serie de notas ou algunha carta tamén ó señor urdidor de toda esta estratexia que vostedes acoden de certo cego, o Sr. D. Ricardo Varela, dicindo como había sido o tema, evidentemente cando se recollen manifestacións e cousas destas, ás veces pode haber un tipo de malentendido, pero el digamos aporta luz e claridade sobre a cuestión, que a vostedes e a súa estratexia as palabras do Sr. D. Luis Piñeiro non lle interesan, non lle convén e que fan que o tema se peche nese momento e xa non é problema do grupo popular nin do grupo de goberno desta Deputación, vostedes o que non admiten é a verdade, o que queren é impoñer a súa versión, pero iso non pode ser. Sr. Presidente.- Moitas gracias. Sr. D. Emilio González. Sr. González Iglesias.- Si, vamos a ver, mire, nota de prensa do Partido Popular e a nota de prensa dicía exactamente isto “el PPdeG explicó hoy que entregó un documento al Presidente del Centro Gallego de México Luis Piñeiro acreditativo de una subvención de 30.000 euros de la Diputación de Pontevedra con el único objetivo de evitar el riesgo de pérdida de un documento público”. Ben, ou menten cando fan nota de prensa ou mente vostede ou dende logo alguén do Partido Popular mente. Mire na súa argumentación estaba utilizando e dicindo que simplemente se trataba de que tiveran un duplicado o Sr. Presidente do Centro Gallego de México da Resolución da subvención da Deputación e vostedes nesta nota de prensa estaban falando dun documento moi importante para evitar a súa perda, bueno mire, no fondo de toda esta historia, no fondo Sr. Durán só hai ..., e o vimos denunciando sistemáticamente no Pleno da Deputación en diferentes Plenos, hai a utilización por parte do Partido Popular desta institución e mezclan e equivocan as dúas cuestións e vostede mesmo é prisioneiro das súas propias palabras fai un momentiño, acaba de dicir, porque seguen sen dicir a quen lle deron o documento e para que entregaron o documento, e acaba de dicir como explicación que o deixaron na sede do Partido Popular, a ver se alguén pasaba por alí, collía ese documento tan importante, que non se sabe se é importante ou e duplicado, co cal non ten ningunha importancia, e llo facía chegar ó Centro Gallego de México, mire, sinceiramente Sr. Durán, vostedes neste tema a verdade e que, llo dicía antes, e que fan o mesmo dende que viñeron a esta Deputación, dende que o Sr. Louzán é Presidente, e é a utilización descarada desta institución, absolutamente descarada, e confunden esta institución co Partido Popular, xa sei que o Sr. Louzán é Presidente das dúas cousas, do Partido Popular en Pontevedra e da Deputación, de Pontevedra pero debe non confundilo porque confundilo como está facendo sistematicamente en diferentes ocasións nos da pe a que lle digamos mire, Sr. Louzán, ou dimite como Presidente da Deputación ou dimite como Presidente do Partido Popular, para que non siga tendo eses problemas, para que non siga confundindo as dúas cousas, de todos xeitos Sr. Durán volvo a repetir a pregunta, ¿a que persoa allea a esta institución lle deron ese documento? e ¿quén fixo entrega dese documento que supoño que vostedes como partido político teñen que sabelo, quen do seu partido fixo entrega dese documento en México?, si, é sinxelísimo, dígame un nome e xa está, ou pode dicir tamén que non o sabe, ata poden dicir que non saben se chegou de verdade o papel, porque claro coa contestación que dan que o tiraron alí enriba da mesa a ver se pasaba alguén e o recollía, pois mire sinceiramente parece que isto é unha especie de tomadura de pelo pero creo que ese tema xa está debatido, non ten saída nin a vai a ter. Nós plantexábamos outra cuestión no tema, que aquí se acordara un regulamento para subvencións e o plantexábamos fundamentalmente para evitar cuestións deste tipo, e para evitar cuestión voulle a aclarar que cuestións, se isto fora unha institución onde non se confundira o partido político coa institución probablemente figuraría unha partida específica do orzamento da Deputación adicada a subvencionar as actividades ou obras nas instalacións dos centros galegos fóra de Galicia, absolutamente de todos. Abriríase loxicamente un período de exposición pública e todos poderían concorrer, absolutamente todos, e vostedes repartirían sen ningún problema esas subvencións como están facendo ata agora. Pero claro, é que a diferenza é que estaríamos garantindo a libre concorrencia de todos os centros e estaríamos garantindo a publicidade, e estaríamos garantindo que cada acto non houbera, tiveran que darse cuestións deste tipo e por iso plantexábamos, volvo a repetir como segundo punto da orde do día e creo que xa está explicado, a razón de por que, ó fío deste feito, que nunca debeu ocorrer pero ocorreu, explicábamos a razón profunda de por que fai falta un regulamento de subvencións e que teñamos claro, claro que as subvencións, pídense nunha data, concédense nunha data cuns criterios e no que todos e cada un dos Centros Galegos teñan dereito a solicitar esas subvencións e poidan ser concedidas con toda a claridade do mundo, absolutamente con toda, e isto non vale só loxicamente para os Centros Galegos senón para todas as subvencións que se dan nesta Deputación, absolutamente para todas. Creo que non dá este Pleno máis de si, salvo que ó Sr. Durán lle viñera a memoria e nos ilustre e nos diga realmente o nome da persoa que fixo entrega dese valiosísimo documento. Sr. Presidente.- Moitas gracias Sr. D. Emilio González. Sr. D. José Juan Durán . Sr. Durán Hermida.- Ben, Sr. Presidente, ó final volvemos a unha das teimas do grupo socialista cal é o cuestionamento permanente das Deputacións que non gobernan, aquí o problema é que a Deputación de Pontevedra para vostedes tería que deixar de conceder subvencións, de tramitar expedientes cando ó seu xuízo iso lles pode ser prexudicial, en definitiva vostedes o que queren é maniatar ás institucións, amordazar as institución ás que non gobernan, se son outras institucións ás que si gobernan, ás que conceden axudas, aí xa non habería ese tipo de problema, dígano, dígano, ou sexa, mire, e que nós non queremos que se concedan axudas ¿teñen vostedes algún inconveniente a que se lle conceda algunha axuda ó Centro Gallego de México?, ¿teñen vostedes algún inconveniente?. Vostedes están preocupados en, de algún xeito, deteriorar a imaxe dese Centro Gallego, con ese tipo de comentarios meténdoos nesta polémica mediática, ¿lles molesta que se concedan axudas ós Centros que están na inmigración?, ¿lles molesta?, home supoño que non porque mire o Sr. Moreda acaba de volver, estivo e vai a volver, e iso si aí si que están concedendo axudas, ou sexa terán que falalos, é que hai dúas formas de medir as cuestións os que se autocualifican de progresistas, evidentemente poden actuar de calquera xeito, de calquera xeito político, os outros non, son vostedes, vostedes teñen esa vocación de martelo ..., teñen esa vocación e teñen esa vocación inquisitorial, iso é o que nos están dicindo aquí, porque levan anos cuestionando iso, e se quere entramos na dualidade de cargos, na dualidade partidaria e na dualidade institucional, mire o coordinador do programa electoral do partido socialista, Jesús Caldera, casualmente Ministro de Traballo, casualmente estivo en Buenos Aires, casualmente falou ó seu auditorio no Teatro Premier o 9 de febreiro, o seguinte “pues bien, hoy me permito anunciaros que este año 2008 el incremento de esa pensión va a ser nada más y nada menos que del 27%, de acuerdo a los criterios con que elaboramos los mecanismos de pago, el incremento para este ejercicio es del 27,26%”, coordinador, cargo orgánico del programa electoral socialista, Ministro de Trabajo. Podemos seguir, podemos falar da Consejera de Presidencia do Principado de Asturias, podemos falar do Sr. Moreda, podemos falar do que vostedes queiran. Eu non sei se son o partido dos artistas, dende logo nalgúns casos son vostedes un partido de artistas, un partido de artistas cada vez que poñen en marcha este tipo de cuestións. A propósito do punto 2, do punto 2, supoño que vostede coñecerá as bases de execución do presuposto da Deputación do ano 2007, onde aparece recollido a regulación para a concesión desas axudas, as mesmas bases de execución, o mesmo tipo de argumentación xurídica que ten a Deputación da Coruña onde vostedes gobernan e que tamén concede subvencións. ¿Que pasa?, que o Partido Popular ten que, ¿que é do que estamos falando?, Sr. D. Emilio González, ¿que é do que estamos falando?, e dígolle, bueno, pois nese tono do debate e se quere falamos do que haxa que falar, pero podemos falar, mire, podemos falar dos últimos catro anos da súa historia gubernamental, podemos falar do que vostede queira, pero evidentemente traer a un Pleno da Deputación, convocar ós 26 Deputados e ó Presidente para falar de como se envía unha copia dunha Resolución, unha copia dunha Resolución que se deixa nunha sede rexional para que se lle dea á delegación que vai a viaxar a México, para que se lle faga entregar, ó Sr. D. Luis Piñeiro, convocar para iso un Pleno, convocar un Pleno, por favor, é que dá a sensación de que vostedes, descúlpenme, descúlpenme o que lle vou a dicir, ou non teñen moito que facer ou encántalles dalgún xeito prolongar o entroido que tivemos ata agora. Gracias. Sr. Presidente.- Moitas gracias. Ten a palabra o Sr. D. Cesáreo Mosquera. Sr. Mosquera Lorenzo.- Non, que siga. Se me deixan interveño e digo, porque quero. Sr. Presidente.- Non, non, ten vostede a palabra. Sr. Mosquera Lorenzo.- Gracias Sr. Presidente. Ben, este debate sóame, sóanos a todos, tivemos aquí igual, temos un pequeno problema os que levamos algún tempo en reprodución de certos debates, eu vou iniciar esta exposición polo que rematei anterior, quero dicir hai dous anos ou así, que me alegra profundisimamente, profundisimamente que este tipo de debates cheguen aquí, pola vía que sexa, porque o que demostran claramente é que estamos ante un cancro e discutimos que se a aspirina é mellor na forma de Frenadol ou de vitamina C ou de paracetamol, como é a aspirina, discusión, ou acetilsalicílico paracetamol, verdade, ante un cancro. Entón canto máis sexamos conscientes de que estamos ante un cancro pois igual, pois igual nos poñemos a poñerlle remedio. Evidentemente creo que quedou clarísimo no debate, clarísimo no debate, que houbo unha operación de maquillaxe de datas obvia e evidente na tramitación. Ben, pódese dicir que é para pasar ó ano seguinte, para non pasar, bueno, estas cuestións contables que non quero entrar, é obvio polo que acaba de dicir o Portavoz do Partido Popular de que como o 31 de decembro o Rexistro non ten que pasar ó número seguinte porque o 1 de xaneiro empeza outro número pois debeu engordar cen, douscentos, trescentos ou catrocentos números en días sucesivos que se cadra ata chega ata hoxe. Bueno, moi ben, pero non quero ir a esta cuestión senón simplemente apuntala, ¿sucedería o mesmo se esta subvención fora por exemplo para un centro cultural no Grove?, non, non, ¿montaríase tal lío?, non, evidentemente que non, non, non, non, non, perdón, perdón, non, ¿por que?, porque aquí todos sabemos, todos sabemos que os votos da emigración se compran e se venden e se inflúen e demais porque nin teñen ningunha garantía, nin teñen ningunha garantía nin á maioría dos que van votar lle importa un rábano a política que se fai aquí, funciona por outros mecanismos. Sabémolo todos, ah, pero cando a un lle convén e entón ... convén facer unha violación flagrante dos dereitos democráticos e aquí ninguén lle quere poñer o dedo, ninguén, ou sexa, que voten en urna, que haxa non sei que, non sei canto, ou sexa, iso ninguén lle quere poñer o dente, seguimos discutindo acetilsalicílico ou paracetamol, agora non falamos se é quimioterapia, se é radioterapia ou se é outro tipo de historia, iso non se quere falar, polo tanto alégranos moitísimo que haxa este tipo de debates a ver se dunha vez e demais. Eu normalmente non sirvo para funcións burocráticas, pero tiven que seguir unha selección na Xunta Electoral e a propia Xunta Electoral redactou un informe dicindo que o 90% dos votos da emigración non se podería ter contabilizado porque non tiñan ningunha garantía, ningunha, absolutamente ningunha, ah, pero iso non se quere resolver, non se quere resolver, nin de broma, nin a uns nin a outros, montamos debates sobre cuestións que evidentemente o que hai de fondo é iso, a ver, ¿habería este debate nos medios de comunicación?, ¿habería eses contraataques sobre a viaxe de Caldera ou outras cousas de quen fora se fora a unha asociación cultural de Málaga ou de?, non, non porque os que votan en Málaga ou votan no Grove, votan o que sexa, se están xogando a política e estiman cal vai ser mellor, os outros non, non están xogando, co cal votan por outros motivos e aínda por riba sen garantía, ou sexa, que se pode inducir, comprar, falsificar a tira de votos, co cal claro, iso ten unha repercusión absolutamente tremenda, absolutamente tremenda e fóra de lugar. De verdade que nós, é dicir, estes debates para nós son, que radioterapia ou quimioterapia, ou que problema lle poñemos ó cancro do voto emigrante, non se houbo unha acetilsalicílico ou un paracetamol para darlle votos, deixando claro, deixando claro que houbo, evidente dedución do debate, evidentemente aquí houbo unha operación de maquillaxes de datas e demais, que bueno, tampouco neste, aquí nun Pleno un día creo que quedou claro que, por un, por orde de Rexistro, por orde de Rexistro dunha moción falsificaron o Rexistro enteiro do día anterior, pero bueno por unha cousa destas que igual os pillan nas patacas, bueno, pois pásano o 31 ou pásano cando sexa, e xa me gustaría saber datas reais, se cadra incluso despois de que saltou foi cando pasou o 31. Pero bueno, como esas cousas se poden xustificar doutra maneira eu creo que o problema é o que é e dende logo nós aproveitaremos este e todos os debates para que, primeiro nas eleccións locais, nas autonómicas é discutible, non haxa ese dereito de voto, que lle importa o alcantarillado ou competencias municipais como para poder votar. E nas xerais que teña todas as garantías e con outro tipo de distribucións de escaños e pola resolución que se acorde, pero algunha, algunha, copian o modelo italiano, alemán, o estadounidense, o francés, calquera, calquera que teña a mínima garantía. Porque claro, é que ¿cal é o problema de fondo?, imaxínense un fillo ou un neto, podería votar en México ou en Buenos Aires, para a súa, despois pode votar, se resulta que casou seu avó, súa avoa cunha francesa pois podería votar en Francia tamén, e despois se se foron cruzando podería votar en seis países. Home, pois mire, pois se lle dan algunha prevenda pois hasta vota, home, se tivera o máis mínimo de decoro non o faría. Ben, creo que ese é o problema de fondo, se o queren tomar o toman e senón estamos gastando pólvora en gorrións, que claro esa pólvora infla moito e á parte se fan trampiñas e demais, iso quedou tamén claro, para, verdade, para tapar o que é o problema de fondo que é francamente grave, creo que é unha falta de respecto, un aquí que decide, decide e incide directamente, o que vai a votar ten unha serie de garantías enormes, que bueno que igual non pode votar porque non sei que lle pasa, calquera tontería, e resulta que un que non lle inflúe para nada e se cadra nin coñece isto, si pode votar se é que vai alguén e lle di, mire, firma aquí e ala, xa che levo eu o voto e listo, fantástico, fantástico. Ese é o problema de fondo, senón non teríamos ese problema nin creo que ninguén tal, quitando tamén que o Sr. Luis Piñeiro é militante do PP, que todo iso, que fai campaña electoral por vostedes, de acordo, que seguramente nun centro galego como non haxa un Presidente, como haxa un Presidente que se lle ocorra dicir que non é do partido gobernante da nación non vai ter un duro e o van a tumbar, quitando todo iso que xa sabemos que pasa, xa sabemos que pasa, pero o problema non é iso, o problema de fondo é o que é, que non quere atacar ningunha das forzas políticas que teñen a posibilidade que é ter maioría en Madrid, maioría o número suficiente, entre os dous dende logo téñeno de sobra, tivérono sempre, como para poder modificalo e probablemente se o voto emigrante funcionara doutra maneira estas discusións non chegarían, seguro, estamos absolutamente convencidos de que non chegarían, ese é o problema de fondo. Moitas gracias. Sr. Presidente.- Moitas gracias Sr. D. Cesáreo Mosquera. Sr. D. Emilio González. Sr. González Iglesias.- Si, vamos a ver. Mire, Sr. Durán, pode levar vostede o debate polos derroteiros que queira, polos que queira, sobre todo cando empezou facendo a alusión do Sr. Caldera, mire, e ademais por encima o le, o Sr. Caldera, si, si o le, e eu entendo o que leu perfectamente, todos o entendemos, o Sr. Caldera fai referencia ó que subiron as pensións, non subiron para unha soa persoa, subiron para todos en xeral, a diferenza é que aquí o talón é para un non é para todos en xeral, é diferente, é dicir, mire, a diferenza que vostede dicía, ¿cal é a diferenza?, pois mire, a diferenza é moi sinxela, a diferenza está en quen respecta as institucións e quen trata de usar e de utilizar as institucións, esa é a grande diferenza Sr. Durán. Pero miren, sinceiramente, Sr. Mosquera, eu con todo o cariño do mundo, eu non comparto, non comparto para nada o tema de que os votos da emigración se compran e se venden, para nada o comparto, e mire, este debate non é só por este tema, para nada, e me remito ás probas, falaba do regulamento de subvencións por algo, é dicir, teño aquí un medio de prensa, Sr. Durán, dunha entrega dun talón por parte do Deputado que leva o tema de Deportes, “el club Ría de Marín, recibe 3.500 euros de la Diputación y hace entrega el Sr. Sotelo”, ata aí perfecto, é dicir, como diría algún son consumados chequeteros, consumados. E ata aí, volvo a repetir, bueno, pois é unha forma de actuar, pero claro, se resulta que a ese acto lle acompañan concelleiras do Partido Popular dese concello que nada que ver ten coa subvención, parece que empeza a utilización, e se nese mesmo acto está o cuarto da lista ou a cuarta da lista do Partido Popular, ¿como se lle chama a iso?, mensaxe subliminal. É dicir, miren isto é unha forma de actuar aquí e na emigración que ten o Partido Popular desta provincia e que teñen vostedes con esta Deputación, é unha forma de actuar, tan claro como iso. Por iso lle dicía antes, creo que realmente, creo que realmente é absolutamente necesario un regulamento de subvencións no que a este tipo de cuestións se lle poñan coto, e polo menos, e dende logo as primeiras que se enunciaron aquí se eliminen, e, mire Sr. Durán, non é como quere darlle a volta vostede ó argumento, nós si estamos porque se subvencionen os centros, e llo dixen antes, llo dixen antes, é dicir, mire, partida orzamentaria e convocatoria en prazo adicada a todos os centros galegos no exterior, absolutamente a todos, e con iso estaríamos falando loxicamente dunha subvención regrada, non de cousas que se fan aquí, na que todo o mundo tivera a oportunidade de concorrer e todo o mundo estivera en igualdade de condicións en función das necesidades que ten e das bases que se fagan tamén. E claro que coñezo, claro que coñezo Sr. Durán as bases de execución do orzamento, pero tamén é certo, tamén é certo que vostede ten que recoñecer que sistemáticamente cada vez que se vai a producir algo disto lle estamos dicindo que esas bases, esas bases, coma os repartos que fai o Sr. Presidente a dedo en obras, serven para todo, non deixan absolutamente claro quen merece e quen non, quen ten méritos e quen non, esa é a grande diferenza, esa é a grande diferenza. Mire, este Deputado pode dicirlle que ningún dos que estamos aquí coñecemos en ningún momento, cando pedimos e o facemos en múltiples plenos, cando pedimos ó final do exercicio, miren, dígannos, dígannos, desa parte que se reserva o Presidente de plans para subvencións, dígannos a quen llas deron, dígannos quen llas pediu e a quen llas denegaron ou non lle contestaron, e non o fan nunca sistemáticamente, Sr. Durán, nunca o fan, é dicir, é unha fórmula de actuar, é a utilización e o mal uso das institucións. Nada máis. Eu simplemente para rematar, serva como proposta o punto 2 do compromiso do Partido Popular de facer ese regulamento se é que o queren facer ou non, xa é un problema de vostedes, pero sigo insistindo Sr. Durán, eu quixera saber, quixera saber quen fixo entrega dese documento valiosísimo versus duplicado, dígannolo, porque ese era o motivo fundamental deste Pleno, xa sabemos que non era nin Deputado Provincial do Partido Popular nin funcionario da Deputación, iso xa o sabemos, dígannos agora o nome de quen fixo a entrega do documento. Non vale Sr. Durán iso de dicir que deixaron o documento alí enriba da mesa na sede do Partido Popular, proba evidente unha vez máis dese mal uso e mala utilización que fan das institucións. Nada máis. Moitas gracias. Sr. Presidente.- Gracias Sr. D. Emilio González. Sr. D. José Juan Durán. Sr. Durán Hermida.- Si, non, o motivo do Pleno non era ese, o motivo do Pleno era, bueno, é unha nova superprodución, digamos que os magos dos efectos especiais na política que son vostedes evidentemente era o que querían con este Pleno, necesitaban emular a George Lucas e facer pois ese grande despregue de pirotecnia que fan sempre, total para nada, pero iremos a ese punto. Sr. Mosquera, ¿vostede é socio, non?, ¿é socio?, ¿vostede é socio?, dos de abaixo quero dicir, vostede é socio do PSOE, é socio, o seu partido, o BNG é socio, quero dicir, porque vostede cando fala dá a sensación de que vive en Marte, vostede que nada deste mundo, todo o que pasa nos é alleo, vostede, o seu grupo político apoia ó Goberno da Xunta e apoia ó Goberno Central e despois vostede chega aquí, ah, eu non sei nada, eu nada, isto todo e tal, pero se son socios, vostedes son socios, e digo socio, Sr. Mosquera, digo socio e non se me ocorrería dicir, Dios me libre, cómplice político, non, vostede é socio, e se é socio loxicamente está avalando, está avalando politicamente as actuacións do Partido Socialista, en Madrid e en Santiago, e todo o que fan dende o punto de vista lexislativo, dende o punto de vista da acción do goberno aválao o Bloque Nacionalista Galego porque son socios, son socios e entre socios o tema é ese. Cousa distinta é que a vostede lle interese, que a vostede lle interese pola mañá ser goberno e pola tarde ser oposición e pola noite volver a ser goberno e pola madrugada oposición, tanto me ten, pero vostede é socio e vostede está avalando, e o seu grupo político, todo o que fai o Partido Socialista, todo, e non me veña dicindo que claro, que se os votos da emigración, que tal, por certo dixo que había compra e venda de votos na emigración, mire, de compra de votos algo oímos nas municipais últimas, algo oíamos, que había unha compra de votos, ou polo menos alguén nun papel falou de comprar votos, do PP non foi, ¿se acorda?, como vostede falou de compra e venda de votos, houbo un papel por aí, un papel que non levaba cruces, digo cruces de senado, non, non, un papel, si, si, un papel por aí que se compraban votos, pero non era do Partido Popular, eu non creo que se compren votos, pero bueno, parece ser que algo diso houbo e a vostedes non lle interesan os votos da emigración, ós do BNG, porque non poden coller ningún, pero se Quintana baila, salta, ri, baila con mil persoas, con dúas mil con tal de conseguir votos, ¿como non lle van a interesar os votos da emigración?. O que pasa é que como non os pode conseguir pois ataca, ataca a esa posibilidade de que se poida votar, porque vostedes non o poden conseguir, senón Quintana, bueno home, se baila, se danza, se fai romarías, bueno home, se fai, ¿que non fará Quintana por un voto?. É así, non veñan con este tipo de argumentacións, e tamén lle digo unha cousa, lle digo unha cousa, evidentemente o dereito ó voto, que é un dereito político, forma parte fundamental doutra cuestión que é da condición de cidadán e a condición de cidadán que lle recoñece a Constitución a todos os españois leva inherente o dereito ó voto. ¿Que pasa?, que vostede quere sacar da Constitución a milleiros e milleiros de galegos e de pontevedreses con independencia de que vostede non crea na Constitución, ¿está suxerindo iso?, ¿quere cercenar unha parte fundamental do dereito dos cidadáns que é o dereito ó voto?. Home, falaba de mezclar institucións ou de faltarlle ó respecto ás institucións o Sr. D. Emilio González. Mire, voulle ler, voulle ler, unha persoa do seu Partido que leva anos confundindo o seu cargo de Partido cunha responsabilidade ministerial, voulle ler unha frase del, “mi autovía, la que prometí en la campaña de las elecciones generales, esa autovía que incluí en el Plan de Infraestructuras y que el Partido Popular negó va de acuerdo a los plazos previstos”, “mi autovía la que prometí en la campaña de las elecciones generales, esa autovía que incluí en el Plan de Infraestructuras”, 2 de febrero de 2005, Pepiño Blanco dice, hace suya la autovía A-67 entre Ponferrada y Ourense. ¿Eso es el respecto a las instituciones?, eso es confundir un cargo de Partido con una responsabilidad ministerial, es eso, es eso, vostedes falan dese tipo de cuestións e acusan sempre ó Partido Popular, é así, é así, estamos nesa tesitura, e agora ¿que pasa?, bueno, pois vostedes fan o seu discurso político dese tipo de plantexamentos e nós dende logo non queremos chegar a ese punto. E respecto, Sr. D. Emilio González, respecto ó tema do segundo punto o grupo de goberno entende que está perfectamente recollido nas bases de execución do Presuposto, como perfectamente recollido o ten a Deputación da Coruña onde vostedes gobernan e en consecuencia non hai ningún tipo de cuestión que nos faga revisar ese plantexamento. Eu levo varios anos, e xa remato Sr. Presidente, na Deputación e nunca recibín unha visita nin me comentaron persoas, estou falando do Servizo de Cultura, queixándose de que non houbera un tratamento equitativo, de que as subvencións que se conceden son todas as que entran en prazo debidamente baremadas, etc., etc., as críticas se escoitan aquí, non se escoitan nin na presentación do Plan Cultural, nin nas xuntanzas individuais ou que temos con grupos. A partir de aí forma parte do seu discurso, un discurso repetido e reiterado durante anos e a partir de aí, bueno, pois evidentemente vostedes, vostedes mesmos. Sr. Presidente.- Moitas gracias Sr. D. José Juan Durán. Sr. D. José Enrique Sotelo por alusións. Sr. Sotelo Villar.- Si, si Sr. Presidente. Bueno pois pedín poder falar por unhas claras alusións. Home, a min me sorprende, sería máis ben ver para crer, o Sr. González nun arte que manexa creo con habilidade, creo que o divagar eu creo que entra dentro dos seus métodos políticos, bueno pois nese arte de divagar pois xa que non ten a foto, como non teñen a foto da entrega da fotocopia da Resolución, que non do talón, pois resulta que presenta aquí un papeliño onde eu entrego como Deputado de Deportes un talón, que é certo, e entreguei ese e entreguei 51 máis ós clubs naúticos, 58 ós clubs de categoría nacional, teñen unha partida orzamentaria, unha convocatoria pública, é dicir, é unha subvención perfectamente regrada e curiosamente apoiado por todos os grupos das correspondentes comisións. Mire, dende logo o cheque, eu diríalle non me quería meter no tema da emigración, pero dende logo o que estou seguro que o cheque non llo entregou nin D. José Blanco, eu non digo Pepiño, téñolle maior respecto, digo D. Xosé Blanco nin o Sr. Caldera, entre outras cousas porque nós non nos fíamos del e espero que non se fien o día 9 de marzo a maioría dos españois. Dende logo que seguro que eses dous persoeiros non foron os que entregaron o cheque. Mire, mensaxe subliminal nada, mensaxe real, porque o Partido Popular feitos, realidades, e o Partido Popular apoia ó deporte, ¿sabe o que están facendo vostedes co deporte?, maltratando o deporte e maltratando ós deportistas, iso é o que fan vostedes dende que teñen o poder na Xunta de Galicia. Eu simplemente remato xa a miña intervención dicindo que seguiremos apoiando se cabe con máis forza o deporte da nosa provincia e proximamente, xa llo digo, vamos a entregar un doble scull a ese mesmo club que recentemente lle entregamos un cheque de 3.500 euros, e fágolles unha pregunta, ¿me gustaría saber cal foi a infraestrutura deportiva que durante tres anos fixeron nesta provincia os actuais responsables da Dirección Xeral de Deportes. Ningunha, ningunha. Sr. Presidente.- Moitas gracias Sr. D. José Enrique Sotelo. Sr. D. Cesáreo Mosquera. Sr. Mosquera Lorenzo.- Si, Sr. Presidente, parece evidente que aquí vamos rematar falando de que se os, se hai un pulpo, se hai un polvo debaixo dun con na ensenada de Carreirón, porque podemos falar de todo iso, agora hai argumentacións, hai argumentacións que son francamente desafortunadas. Mire, falemos de cousas directas, directas, eu teño primos, tíos e fillos de primos na emigración, algúns deles nunca, nunca viñeron aquí. Meus primos que son da mesma idade que min, máis ou menos, pois non tiveron que roer aquela famosa mili, obrigas, creo que viñeron dúas veces aquí, nin teñen que tributar aquí nin teñen unha serie de obrigas que teñen aquí, mire, váleme, xa lle vale, ninguén está falando de quitarlle o dereito ó voto ós de primeira xeración ou os que cumpran certos requisitos, certos requisitos. O que está claro, e póñase vostede en situación, imaxínese que vostede agora descobre que a súa avoa tiña unha relación con Malta e vostede ten dereito ó voto en Malta, a ver, vostede ¿por que criterio votará en Malta?, ¿a ver por que criterio votará en Malta?. Por calquera cousa, porque lle prometen unha viaxe barata alí de turismo, por calquera cousa, verdade, non dende logo por criterios políticos e ese é un voto tremendamente influenciable e nada serio e aínda por riba sen ningunha garantía, sen ningunha garantía formal e real de que ese voto non sexa absolutamente manipulado como na práctica sucede, chámelle compra venda, chámelle mercadeo, chámelle manipulado, chámelle o que sexa, pero vostede sabe perfectamente que é así, o sabe perfectamente, e por iso se fan eses esforzos que parece que teñen unha grande amplificación, verdade. E hai outra cousa que é absolutamente brillante, oiga, nós debemos ser socios do PSOE no Estado, votamos en contra dos orzamentos, votamos en contra de varias leis, o que faltaba, ou sexa, o que faltaba, o que está claro, agora resulta que avalamos, non avalamos todo. Agora, teña claro unha cousa, temos a suficiente, tivémola e terémola, independencia, se o PP propón unha reforma do voto emigrante que acabe con esta actividade purulenta do voto emigrante conte co noso apoio, conte co noso apoio, non se preocupe, non se preocupe, con todas esas sociedades, non se preocupe, fágao, presénteo, evidentemente garantindo os mínimos dereitos, aquel que teñen razoablemente, o dereito, valga a redundancia, de exercelo, de exercelo, en tempo, forma, nos procesos electorais que corresponda e por vías que garantan mínimas garantías democráticas, non se preocupe, agora, se acaban con este gran purulento ou teñen algunha resposta, simplemente avanzar un pouco, non se preocupen, simplemente iso non foi posible nin nunca escoitamos ningunha proposta do Partido Popular neste sentido. Ese é o problema de fondo, está falando de todo menos diso porque os feitos que se deron ben poden ser e son, eu estou absolutamente convencido de que hai aquí unha operación de maquillaxe, que hai cousas máis raras, que hai incluso falsificacións e demais, pero repito non tería a maior transcendencia senón foran a outro lado, como tampouco terían se o señor, os exemplos que vostedes poñen, porque saben que o voto emigrante é moi manipulable, por iso están tan nerviosos, porque cae unha bolsa de votos e demais. E o que é fantástico xa é o que sucede en Galicia, aumenta o noso censo deses cidadáns que vostede di que teñen todos os dereitos e que nós llos queremos recortar e diminúen os Deputados, diminúen os Deputados, fantástico, ou sexa, resulta que estamos na situación que hai concellos en Galicia en que a emigración, a saber, parte igual podían, pero gran parte nin coñecen o asunto, son maior número e poden decidir o alcalde, se se poñen de acordo poñen un alcalde que nin coñecen, nin saben se hai saneamento alí, vale. Non me veña a defender o indefendible, convenlles, convenlles ós dous partidos de ámbito estatal manter unha situación deste tipo, por outro lado absolutamente terceiromundista que ningún outro país ten, e bueno, e hai que fastidiarse e dende logo non compartir nin aplaudir, e mentres tanto pois paracetamol ou acetilsalicílico, a enfermidade non se cura, non se cura nin hai vontade de curala, discutimos se é mellor algo efervescente, o paracetamol, ou outro sen ser efervescente, acetilsalicílico, que así estamos todos sumamente entretidos, a neumonía segue ou o cancro, pero iso non é discutible, mire, sexamos serios e realmente, pois bueno, creo que xa pasou ou espectáculo, como non hai ningunha vontade para nós. Sr. Presidente.- Moitas gracias Sr. D. Cesáreo Mosquera. Ten a palabra o Sr. D. Emilio González. Sr. González Iglesias.- Si, vamos a ver, Sr. Sotelo mire, que eu sepa, que eu sepa, eu non fixen ningunha alusión persoal a vostede, simplemente constatei un feito, e o feito é que fixo entrega dun talón, unha subvención, e simplemente constatei que non estaba o concelleiro que leva deportes no concello de Marín, pero si estaban dúas concelleiras do Partido Popular, que a saber que terían que ver no acto, e si estaba a cuarta persoa que forma parte da lista ó Congreso, que a saber que tería que ver no acto senón é certo o da mensaxe subliminal ou mensaxe directo, chámalle como queira, dame igual. Simplemente constatei iso, ocorre que deben pensar que o fixo moi mal o seu voceiro hoxe, o que ten ó lado, o Sr. Durán, que trate de saír ó quite, pero bueno, encantado, non hai problema, pode saír ó quite esta vez e cantas veces queira tamén. Mire, Sr. Durán, eu prefiro a Steven Spielberg que a George Lucas, que prefiro a Steven Spielberg que a George Lucas, que quere, é cuestión de gustos nada máis. Pero case vou a facer un esforzo para poñerme á súa altura, porque é certo que fixo o relatorio de mi autovía, mi autovía, pero a autovía faise e faise en prazo, claro, iso comparado co relatorio de Marianito, que yo libero el peaje de Rande y pasó el mandato y no se liberó, ¿que quere que lle diga?, entre un e outro a elección está absolutamente clara, pero absolutamente clara. Mire, empecei este debate e o remato facéndolle unha pregunta que vostede non me contesta, dá igual, sabemos quen foi, dá exactamente igual, e voulle a dicir ó final quen foi. Mire, mirando o desenrolo deste debate e o que vostedes fan nesta Deputación dende hai anos un ten a sensación que en dous anos aproximadamente van a facer unha modificación na relación de postos de traballo da Deputación de Pontevedra, e van a crear un posto de repartidor de correo, e loxicamente parece que puxeron a proba á persoa que lle van a dar ese posto e vanllo a dar porque vai a quedar seguramente, seguro, seguro no paro. É unha persoa que xa ten experiencia en correos, e como vostedes tanto se negan, tanto se negan, sistematicamente a dicir quen foi non nos queda máis que pensar que quen deu ese papel foi o Sr. Núñez Feijoo, senón non terían tanto interese, tanto interese en non dar o nome, non terían tanto interese en calalo. Pode ver o que lle dixen antes, ten experiencia en correos e cando se quede no paro seguro, seguro, que vai a aparecer nesa relación de postos de traballo porque vostedes non é a primeira vez que o fan, son xente dadibosa, e que ten clara conciencia de como se utiliza en beneficio partidista propio a esta institución. Nada máis. Sr. Presidente.- Moitas gracias. Sr. D. José Juan Durán. Xa para dar por finalizado. Sr. Durán Hermida.- Vai en gustos, Lucas, Spielberg, bueno, vai en gustos, Spielberg xa sabe que fixo o Tiburón, a primeira parte, por iso, e entón bueno, non sei por onde vén o tema, o que si é evidente, o que si é evidente, é que vostedes á parte do oscar ou polo menos a nominación para efectos especiais debían, debían tamén ser nominados a mellor guión orixinal, non mellor guión adaptado, non, mellor guión orixinal. Vostedes escribiron o seu guión desta historia, bueno, máis que escribilo llo escribiron, llo escribiron, o Sr. D. Emilio González si ten quen lle escriba, e entón lle escribiron o guión e vostede interpretou da mellor maneira posible esa partitura. Pero segan por ese camiño, digo o das películas, o camiño de vostedes é camiño das películas, das películas, bueno, ás veces son máis realistas, ás veces son máis tal, pero o seu é o camiño das películas. O que realmente vale é a función do día 9 de marzo e aí evidentemente vamos a ver e vamos a comprobar como a credibilidade que vostedes esparciron estes anos, esa credibilidade, esa que os leva a facer, eu creo que o programa electoral do PSOE o fai Isabel Pantoja, porque fala de dientes, dientes, dientes, poner dientes, porque evidentemente vostedes piden sonrisas, sonrisas, dientes, eu creo que si, por ese camiño van vostedes ben. Máis nada Sr. Presidente. Sr. Presidente.- Moitas gracias Sr. D. José Juan Durán. Bueno vamos a dar por rematado precisamente este debate. Sr. González Iglesias.- Mire, Sr. Durán, efectivamente no reparto das películas, e vostede o dicía antes que vostedes non son un partido de artistas, é certo, máis ben son un partido de especialistas, e nas películas os artistas salen no reparto e os especialistas os ocultan, ese é o tema. Sr. Presidente.- Bueno, eu o que teño que dicir aquí que a contundencia neste caso de resposta á petición do Partido Socialista de Pleno extraordinario o día 8, o mesmo día 8 se convoca, e polo tanto á parte creo que o informe clarificador que aporta o Presidente responsable da Comisión de Cultura, non deixa ningún lugar a dúbida. E en relación a, bueno eu creo que estamos nun tempo que todos xa coñecen cal é o tempo no que nos encontramos, chámase tempo da ceifa ou tempo preelectoral, e o Sr. D. Emilio González quería acusar do cheque ó Deputado de Deportes a instancia do Sr. Muradas, quero entender. Pero quérolle dicir neste sentido que, o debate está rematado e remátao o Presidente Sr. Muradas, polo tanto quérolle dicir, iso é certo, vostede lle pasou o papel para que o tal, e entón como estamos nesta temporada creo que o que hai que poñer as cousas é no seu sitio, creo que aí non houbo ningún procedemento incorrecto senón que houbo unha actuación totalmente correcta, e se podería dicir exactamente a la sazón que facía o Sr. Louro na alcaldía co Alcalde de Marín, porque neste momento creo que o Sr. Louro non é nadie, non, polo tanto foi Deputado na pasada lexislatura, as Cortes están disoltas pero estaba o outro día nunha foto alí compartindo co alcalde de Marín, e creo que estaba vostede tamén. Quero dicir que estamos en período de ceifa, en período electoral, por chamalo así, polo tanto con esa contienda estamos todos, ou sexa, podemos acusarnos uns ós outros pero nese sentido a realidade é a que é. Polo tanto, remato, a claridade é evidente, petición de Pleno o día 8, convocatoria de Pleno o propio día 8 e informe do Servizo en relación a esa actuación que se pode comprobar a corrección de mesma precisamente con ese informe. Aquí no primeiro punto non habería nada que votar. No segundo hai unha proposta para a elaboración dun regulamento de subvencións e axudas nun prazo de tres meses, que neste sentido, xa se di no informe, creo recordar, que hai unhas bases na propia execución do presuposto e hai unhas bases específicas para estas subvencións, polo tanto entendemos que non é necesario. Se van a sacar de novo supoño que para este ano 2008 e esperamos contar coa súa aportación, nese caso o Partido Socialista e tamén do Bloque Nacionalista Galego por se queren facer algunha rectificación ou algunha mellora. Pero, vamos, neste sentido, se queren votamos o punto número 2 que sería o que hai que votar, é que nós entendemos que existen xa nas bases de execución do presuposto, á parte unhas bases específicas para a regulación de subvencións. Polo tanto. A ver. Sr. Muradas Ramos.- Vamos a ver, esto salió en la prensa, yo no le pasé ninguna nota ni llevé ningún papel secreto, esto salió en la prensa. Sr. Presidente.- Bueno eu non digo que llo pasaches. Sr. Muradas Ramos.- Ya, salió en la prensa y esto es un ejemplo de caciquismo puro y duro. Sr. Presidente.- No. Sr. Muradas Ramos.- Si, si, si, puro y duro, yo, que el Sr. Sotelo le entregue un talón a una asociación deportiva me parece correcto, lo que ya no me parece correcto es que coja a los concejales del PP y foto y campaña electoral. El Sr. Louro sigue siendo Diputado. Sr. Presidente.- Non. Sr. Muradas Ramos.- Si, es de la Comisión Permanente, verdad, si, si, sigue siendo, sigue siendo. En cualquier caso una recomendación de que vigile, no se si con la Caixa que trabaja o la propia casa, pero si yo fuera el Presidente de la Diputación y dictase una resolución el 31 de diciembre y el talón se extendiese el 23 de enero, veintitrés días para la extensión de un talón eso refleja que hay chafallada pura y dura y que este Pleno nos quedamos todos sin saber quién robó las peras del cementerio. Nada más. Sr. Presidente.- Moitas gracias Sr. Muradas pero dicirlle que nese sentido creo que non se está axustando para nada. Aquí hai unha resolución e posteriormente á Resolución se fai unha transferencia ou un cheque bancario, polo tanto non hai, é que non sei que explicación ten iso que acaba de dicir, veintitrés días, pois tardamos para pagar, despois dunha Resolución a media que estamos tardando é entre corenta e cinco e sesenta días para pagar unha transferencia, tardamos para facer un cheque vintetrés pois creo que está dentro do razoable, vamos, eu creo que está dentro do moi razoable. Pero bueno, vamos a levantar a sesión. A ver. Sr. Sotelo Villar.- Sen efectos especiais, simplemente unha pequena matización Sr. Muradas, eu lle preguntaría que facía o outro día o Sr. Posse vendendo o paseo de Moaña, aquí hai un concelleiro, polo menos tamén saíron na foto, o Sr. Modesto Posse a non ser que traballe pola tarde na Jefatura Provincial de Costas, que tamén pode ser, que eu saiba me parece que é responsable do Partido Socialista a nivel provincial e Deputado creo que no Parlamento de Galicia e estaban creo que vendendo un paseo en Moaña, ó mellor traballa polas tardes en Costas. Non todos somos iguais. 2. 5651.- PROPOSTA PARA A ELABORACIÓN DUN PRAZO DE TRES MESES REGULAMENTO DE SUBVENCIÓNS E AXUDAS NUN O Pleno acorda por maioría de votos en contra do PP e cos votos a favor do PSdeG-PSOE e do BNG, rexeitar a proposta do Grupo Provincial Socialista para a elaboración dun regulamento de subvencións e axudas nun prazo de tres meses. Sr. Presidente.- Moitas gracias. Votamos, procedemos á votación da proposta. ¿Votos en contra?. Partido Popular. ¿Abstencións?. ¿A favor?. O Partido Socialista e o BNG. Levántase a sesión. Moi bos días e moitas gracias. E non habendo máis asuntos que tratar, polo Sr. Presidente, sendo as trece horas e cincuenta minutos do expresado día, dáse por rematada a sesión e dela esténdese a presente Acta, que asinará o Ilmo. Sr. Presidente comigo, o Secretario, que dou fe.

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Pleno (Tema)

Área de control da descrición