Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as dez horas e quince minutos do día cinco de decembro do ano dous mil catorce, baixo a Presidencia do Ilmo. Sr. D. Rafael Louzán Abal, Presidente da Deputación Provincial de Pontevedra, reuníronse as/os señoras/es deputadas/os, D. José Crespo Iglesias, Dna. Begoña Estévez Bernárdez, D. José Manuel Figueroa Vila, D. José Luis Pérez Estévez, Dna. María Pilar Ramallo Vázquez, D. Moisés Rodríguez Pérez, D. Alberto Valverde Pérez e D. Jesús Vázquez Almuíña, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Así mesmo asisten os señores deputados D. José María Bello Maneiro, D. Horacio Gil Expósito, D. Fernando Guitián Guitián, Dna. Marta Iglesias Bueno, D. Severino Reguera Varela, D. Alejandro Rodríguez Rodríguez e Dna. Ana Isabel Vázquez Reboredo. Da fe do acto D. Carlos Cuadrado Romay, Secretario, e está presente o Sr. Interventor, D.Antonio Graña Gómez. Non asiste o deputado provincial D. José Carlos López Campos. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.22856.- ACTA ANTERIOR A Xunta de Goberno acorda por unanimidade aprobar o borrador da acta da sesión ordinaria do día 28 de novembro de 2014. 2.22857.- APROBACIÓN DO PROXECTO REFORMADO DO CONCELLO DE A GUARDA PARA A REALIZACIÓN DO INVESTIMENTO DENOMINADO “RENOVACIÓN DE PAVIMENTOS EN DIVERSAS RÚAS DE A GUARDA”, INCLUÍDO NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Visto o acordo da Xunta de Goberno núm. 7.22307 de data 9 de xullo de 2014, polo que foi concedida unha subvención ó Concello de A Guarda, por importe de 178.194,58 €, para a execución do investimento “Renovación de pavimentos en diversas rúas de A Guarda”, (Ref.: PUSIM/14/00990/201400102), con cargo o crédito asignado no Plan urxente de mantemento de servizos e infraestruturas municipais 2014 (PUSIM/14). Visto que o Concello de A Guarda presenta unha solicitude, en data 16 de outubro de 2014, no que manifesta que cómpre adaptar o proxecto técnico achegado dada conta que se detectan uns pequenos erros materiais; erros que non comprometen nin alteran a natureza e o importe do proxecto pero que poden dar lugar a algún malentendido no momento da xustificación. Á vista da solicitude e do proxecto reformado para executar o investimento denominado “Renovación de pavimentos en diversas rúas de A Guarda”, (Ref.: PUSIM/14/00990/201400102), e á vista dos informes favorables do Servizo de Infraestruturas e da Intervención nos que se dá conta que o proxecto reformado non altera o obxecto da subvención nin o orzamento inicialmente aprobado. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos provinciais e a restante normativa local vixente, a Xunta de Goberno acorda por unanimidade: - Aprobar o proxecto reformado descritivo das actuacións a levar a cabo para a realización do investimento (Ref.: PUSIM/14/00990/201400102), denominado “Renovación de pavimentos en diversas rúas de A Guarda”. - A licitación, execución e xustificación deste investimento realizarase con suxeición ó disposto no acordo núm. 7.22307 da Xunta de Goberno do 9 de xullo de 2014. 3.22858.- CONCESIÓN DE SUBVENCIÓN Ó CONCELLO DE CANGAS PARA A REALIZACIÓN DO INVESTIMENTO DENOMINADO “URBANIZACIÓN DA RÚA NORIA-CANGAS”, INCLUÍDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Á vista da solicitude e toda a documentación necesaria para a válida concesión da subvención, con cargo á cantidade que lle corresponde ó concello de Cangas no Plan urxente de mantemento de servizos e infraestruturas municipais 2014 (PUSIM/14), para financiar o investimento, denominado “Urbanización da Rúa Noria-Cangas”; vistos os informes do Servizo de Infraestruturas e da Intervención. En virtude das competencias que lle confiren os artigos 35 e 36 da Lei 7/85, de 2 de abril, 30 do R.d.l. 781/86, de 18 de abril, e 16.2 das Bases de execución dos Orzamentos Provinciais e a restante normativa local vixente, a Xunta de Goberno acorda por unanimidade: - Conceder ó Concello de Cangas con CIF núm. P3600800A, a cantidade de cento trinta e seis mil oitenta e tres euros con corenta e catro céntimos (136.083,44€), para a realización do investimento (Ref.: PUSIM/14/00945/201400348), denominado “Urbanización da Rúa Noria-Cangas” cun orzamento polo mesmo importe, é dicir, de 136.083,44 €. - Esta subvención, contabilizarase con cargo á aplicación 2014/942.942.762.45 do Orzamento Provincial na que existe crédito para facer fronte a este gasto. - A licitación, execución e xustificación deste investimento realizarase conforme ó previsto nas bases reguladoras do PUSIM/14, aprobadas en acordo plenario o 28 de febreiro de 2014 e publicadas no BOP núm. 44 do 5 de marzo de 2014 (dispoñibles tamén na web www.depo.es) e a demais lexislación vixente en materia de contratación e subvencións - Asemade, ó abeiro da base décimo sexta do PUSIM/14, o investimento deberá estar executado e xustificado, na súa totalidade, o 31 de decembro de 2015. O incumprimento desta obriga poderá dar lugar á revogación da subvención concedida. 4.22859.- CONCESIÓN DE SUBVENCIÓN Ó CONCELLO DE MEAÑO PARA A REALIZACIÓN DO INVESTIMENTO DENOMINADO “MELLORA DA EFICIENCIA ENERXÉTICA NO LUGAR DE OUTEIRO”, INCLUÍDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Resultando que o Concello de Meaño solicitou formalmente unha subvención con destino ó financiamento do investimento “Mellora da eficiencia enerxética no lugar de Outeiro” que se considera unha infraestrutura de carácter básico no Concello e cuxa execución redunda na mellora da eficiencia enerxética e do medio ambiente; vista a solicitude e toda a documentación necesaria para a válida concesión de subvención con cargo á cantidade reservada á Presidencia para a súa concesión directa por libre disposición no Plan Urxente de Mantemento de Servizos e Infraestruturas Municipais 2014 (PUSIM/14), e vistos os informes do Servizo de Infraestruturas e da Intervención. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos provinciais e a restante normativa local vixente, a Xunta de Goberno acorda por unanimidade: - Conceder ó Concello de Meaño con CIF núm. P3602700A, a cantidade de cento vinte un mil euros con setenta e seis céntimos (121.000,76 €), para a realización do investimento (Ref.:PUSIM/14/00978/201400346), denominado “Mellora da eficiencia enerxética no lugar de Outeiro”, cun orzamento polo mesmo importe, é dicir, de 121.000,76€. - Esta subvención, contabilizarase con cargo á aplicación 2014/942.942.762.45 do Orzamento provincial para o presente exercicio 2014. - A licitación, execución e xustificación deste investimento realizarase conforme ó previsto nas bases reguladoras do PUSIM/14, aprobadas en acordo plenario o 28 de febreiro de 2014 e publicadas no BOP núm. 44 do 5 de marzo de 2014 (dispoñibles tamén na web www.depo.es) e a demais lexislación vixente en materia de contratación e subvencións. - Asemade, ó abeiro da base décimo sexta do PUSIM/14, o investimento deberá estar executado e xustificado, na súa totalidade, o 31 de decembro de 2015. O incumprimento desta obriga poderá dar lugar á revogación da subvención concedida. 5.22860.- CONCESIÓN DE SUBVENCIÓN Ó CONCELLO DE TOMIÑO PARA A REALIZACIÓN DO INVESTIMENTO DENOMINADO “SANEAMENTOS NA PARROQUIA DE TOMIÑO”, INCLUÍDA NO PLAN URXENTE DE MANTEMENTO DE SERVIZOS E INFRAESTRUTURAS MUNICIPAIS 2014 (PUSIM/14) Á vista da solicitude e toda a documentación necesaria para a válida concesión da subvención con cargo á cantidade que lle corresponde ó Concello de Tomiño no Plan urxente de mantemento de servizos e infraestruturas municipais 2014 (PUSIM/14) polo procedemento ordinario de concorrencia competitiva, para financiar o investimento denominado “Saneamentos na parroquia de Tomiño”; e á vista dos informes do Servizo de Infraestruturas e da Intervención. En virtude das competencias que lle confiren os artigos 35 e 36 da Lei 7/85, de 2 de abril, e 30 do R.d.l. 781/86, de 18 de abril, da Base 16.2 das de execución dos Orzamentos provinciais e a restante normativa local vixente, a Xunta de Goberno acorda por unanimidade: - Conceder ó Concello de Tomiño con CIF núm. P3605400E, a cantidade de douscentos trinta e cinco mil novecentos trece euros con sesenta e cinco céntimos (235.913,65 €), para a realización do investimento (Ref.: PUSIM/14/00611/201400347), denominado “Saneamentos na parroquia de Tomiño”, cun orzamento polo mesmo importe, é dicir, de 235.913,65 €. - Para a execución do investimento o concello precisa autorizacións sectoriais, para o cal achega permisos sectoriais da Consellería de Medio Ambiente, Territorio e Infraestruturas, e da Consellería de Cultura, Educación e Ordenación Universitaria; é polo que os traballos deberán executarse atendendo ás condicións particulares reflectidas nas mencionadas autorizacións. - Esta subvención, contabilizarase con cargo á aplicación 2014/942.942.762.45 do Orzamento provincial para o presente exercicio 2014. - A licitación, execución e xustificación deste investimento realizarase conforme ó previsto nas bases reguladoras do PUSIM/14, aprobadas en acordo plenario o 28 de febreiro de 2014 e publicadas no BOP núm. 44 do 5 de marzo de 2014 (dispoñibles tamén na web www.depo.es) e a demais lexislación vixente en materia de contratación e subvencións. - Asemade, ó abeiro da base décimo sexta do PUSIM/14, o investimento deberá estar executado e xustificado, na súa totalidade, o 31 de decembro de 2015. O incumprimento desta obriga poderá dar lugar á revogación da subvención concedida. 6.22861.- MODIFICACIÓN DO CONVENIO DE COLABORACIÓN ENTRE A DEPUTACIÓN DE PONTEVEDRA E O CONCELLO DO ROSAL PARA LEVAR A CABO A OBRA DENOMINADA “MELLORA DE TRAZADO NA E.P. 3302 TABAGÓN-ROSAL-PORTOCELO DO P.K. 1+990 Ó P.K. 2+648 (CONCELLO DO ROSAL)” Vista a sinatura en data 26/08/2014 do convenio de colaboración entre a Deputación de Pontevedra e o Concello do Rosal para levar a cabo a obra denominada “Mellora de trazado na E.P. 3302 Tabagón-Rosal-Portocelo do P.K. 1+990 ó P.K. 2+648 (Concello do Rosal)” por un importe total de 508.054,18 € dos que a Deputación achega 381.040,64 € e o Concello 127.013,54 €. Vista a solicitude formulada polo Concello do Rosal en data 02/10/2014 no que interesa que a achega ó convenio financiada con cargo ó Orzamento xeral do Concello, 38.104,06 €, se difira ó exercicio 2015. Á vista da documentación obrante no expediente e dos informes do Servizo de Cooperación, da Secretaría Xeral e da Intervención Provincial, e solventados os reparos recollidos neste último, a Xunta de Goberno acorda por unanimidade: 1. Aprobar a modificación do Convenio de Colaboración entre a Deputación Provincial de Pontevedra e o Concello do Rosal para levar a cabo a obra denominada “Mellora de trazado na E.P. 3302 Tabagón-Rosal-Portocelo do P.K.. 1+990 ó P.K.. 2+648(Concello do Rosal)”, cuxo texto di como segue: “MODIFICACIÓN DO CONVENIO DE COLABORACIÓN ENTRE A DEPUTACIÓN PROVINCIAL DE PONTEVEDRA E O CONCELLO DO ROSAL PARA LEVAR A CABO O PROXECTO “MELLORA DE TRAZADO NA E.P. 3302 TABAGÓN-ROSAL-PORTOCELO DO P.K. 1+990 Ó P.K. 2+648” En Pontevedra, a …………. REUNIDOS O Ilmo. Sr. D. Rafael Louzán Abal, na súa condición de presidente da Excma. Deputación Provincial de Pontevedra, actuando en virtude da competencia que lle atribúe o artigo 34.1.b) da Lei 7/1985, de 2 de abril, reguladora das bases do Réxime local. O Sr. D. Jesús María Fernández Portela, alcalde-presidente do Concello do Rosal, actuando en virtude das facultades representativas que lle atribúe o artigo 21.1.b) da Lei 7/1985, de 2 de abril, reguladora das bases do Réxime local. Ambas partes recoñécense con capacidade para formalizar o presente documento. EXPOÑEN I.- Que con data 26 de agosto de 2014 firmouse un convenio de colaboración entre a Diputación Provincial de Pontevedra e o Concello do Rosal para levar a cabo o proxecto “Mellora de trazado na E.P. 3302 Tabagón-Rosal-Portocelo do P.K.. 1+990 ó P.K.. 2+648”, tendo por obxecto executar unha serie de actuacións necesarias para acometer reparacións varias, mellorar o trazado da mesma e a seguridade viaria, así como para manter a súa funcionabilidade no futuro. II.- Que o texto do convenio recolle unha previsión de cofinanciamento mediante achega da Deputación, e por outra parte do Concello. Esta achega municipal faise con cargo a unha subvención no marco do Plan Urxente de Mantemento de Servizos e Infraestruturas Municipais (PUSIM/14) e asemade con cargo ao Orzamento Xeral do Concello para o exercicio 2014. III.- Que o Concello pon de manifesto a imposibilidade de facer a achega con cargo ao Orzamento Xeral do Concello dentro do exercicio 2014, baseándose en causas xustificadas e os prexuízos que causaría aos servizos e ao Orzamento Xeral do Concello. Asemade o Concello achega compromiso para facer dita achega con cargo ao Orzamento Xeral para o exercicio 2015. IV.- Con fundamento en canto queda exposto, ámbalas dúas partes acordan a modificación do convenio para levar a cabo o proxecto “Mellora de trazado na E.P. 3302 Tabagón-Rosal-Portocelo do P.K.. 1+990 ao P.K.. 2+648”, consonte ás seguintes: ESTIPULACIÓNS Primeira Ó abeiro da cláusula terceira do convenio para levar a cabo o proxecto “Mellora de trazado na E.P. 3302Ttabagón-Rosal-Portocelo do P.K. 1+990 ao P.K. 2+648”, modifícase na parte que afecta á achega do Concello do Rosal con cargo ao seu Orzamento Xeral, 38.104,06€, no sentido que se difira dita achega ao exercicio 2015. Non obstante, dita achega deberá facerse en todo caso antes da iniciación do expediente de contratación. Asemade mantense invariable o prazo de execución do investimento, 31 de decembro de 2015. Segunda A presente modificación entrará en vigor no día da súa sinatura e modificará exclusivamente a cláusula terceira do Convenio de colaboración manténdose invariable no resto da súa totalidade. E en proba de canto antecede, as partes que interveñen asinan a presente modificación por duplicado e a un só efecto no lugar e na data sinalados no seu encabezamento. Pola Deputación Provincial de Pontevedra Polo Concello do Rosal Asdo. D. Rafael Louzán Abal Asdo. D. Jesús María Fernández Portela” 2. Facultar ó presidente da Deputación para formalizar a presente modificación do convenio mediante a súa sinatura. 7.22862.- ADXUDICACIÓN DE NOVOS OBRADOIROS AS ENTIDADES BENEFICIARIAS DO PROGRAMA “TI TAMÉN CONTAS 2014” A Deputación de Pontevedra convocou para o ano 2014 o programa “Ti tamén contas”, para fomentar o envellecemento activo e mellorar a calidade de vida das persoas maiores, pensionistas e xubilados. A Xunta de Goberno na sesión que tivo lugar o día 31 de xaneiro de 2014 aprobou as bases reguladoras do programa “Ti tamén contas” do ano 2014, aparecendo publicadas no Boletín oficial da Provincia de Pontevedra (BOPPO) núm. 47 de data 10 de marzo de 2014. Resultando que nas bases do programa “Ti tamén contas” do ano 2014 figura que os beneficiarios deste programa son as entidades de maiores, pensionistas e xubilados; así como as asociacións de veciños ou outras entidades de iniciativa social que traballen no eido do maior, quedando excluídas as entidades de mulleres, dado que existe un programa específico para este colectivo. Resultando que unha vez presentadas as solicitudes de participación no programa e valoradas polos técnicos de Servizos Sociais a Xunta de Goberno na sesión ordinaria que tivo lugar o día 30 de maio de 2014 aprobou a listaxe de entidades beneficiarias deste programa resultando un total de 212 de obradoiros autorizados. Resultando que a Xunta de Goberno na sesión ordinaria que tivo lugar o día 4 de xuño de 2014 adxudicou á empresa Magnafor Qualitas, S.L., o contrato para a organización e impartición das actividades formativas do programa “Ti tamén contas 2014”, por un importe de 200.000,00 € a razón de 649,00 €/curso, sen IVE, cantidade suficiente para atender 308 actividades formativas. Resultando que a Traballadora Social responsable do programa emite sendos informes de datas 21 de novembro e 2 de decembro de 2014 nos que figuran que ó abeiro das bases do programa “Ti tamén contas 2014”, se presentaron fóra do prazo un total de 33 solicitudes, estimando como favorables un total de 28 por cumprir cos requisitos. A inclusión no programa destas solicitudes supón un gasto de 18.172,00 € a engadir os 137.588,00 € que sumaban os obradoiros inicialmente concedidos, o que fai un total de 155.760,00 €, polo que considera que ó existir crédito dispoñible se poden atender estas solicitudes ó non exceder das actividades formativas aprobadas. Resultando que con data 26 de novembro de 2014 a Xefa do Servizo de Fiscalización emite informe favorablemente a inclusión das 28 solicitudes no programa “Ti tamén contas 2014” propostas dende o departamento de servizos sociais ó existir crédito dispoñible na aplicación orzamentaria 14/232.230.227.07 para esta finalidade. Considerando que o órgano competente para a adxudicación dos obradoiros ós beneficiarios do programa “Ti tamén contas” para o exercicio 2014, é a Xunta de Goberno, de conformidade co estipulado na base sétima do programa, así como na base 16.1 de execución do vixente Orzamento provincial. A Xunta de Goberno, unha vez valoradas favorablemente polos técnicos do Servizo de Servizos Sociais e Promoción do Emprego as solicitudes presentadas fóra de prazo ó programa “Ti tamén contas 2014”, acorda por unanimidade adxudicar un obradoiro do que figuraban no catálogo deste programa as seguintes entidades: Entidade CIF Concello Centro Cultural e Social de Baiña G-36950749 Baiona Fund. Asilo Hospitalillo Residencia Divina Pastora G-36017929 Vilagarcía de Arousa Asoc. V. V. Pedra Moura G-36973840 Vigo Asoc. de Dano Cerebral de Vigo – Alento G-36873511 Vigo Asoc. V.V. “ San Salvador de Sobrada” G-36535318 Tomiño Agrupación Comarcal de Pensionistas e Xubilados- CC:OO G-15103112 Pontevedra Asoc. V.V. de San Miguel de Oia G-36648640 Vigo Club de Xubilados e Pensionistas Santa Eulalia de Meira G-36475739 Moaña Asoc. V.V. de Angoares G-36322881 Ponteareas ASOGAPEM G-36887131 Vigo FEAMPO G-36848950 Vigo COGAMA G-36902385 Vigo Asoc. Provincial de Industriales y Artesanos de Panificación y Pastelería de Pontevedra – Aproinppa G-36616159 Vigo Asoc. Cultural e Deportiva Atalaya G-35388577 A Guarda Asoc. V. C. Nautilius G-36631703 Vigo Asoc. Cultural Galega F.P.A.“Ategal–Aulas 3ªIdade Vigo” G-15496607 Vigo Círculo Artístico Deportivo Gato Negro G-36026151 Vilagarcía de Arousa Asoc. V.V. San Roque G-36659894 Vigo Asoc. V.V. O Carballo de Sárdoma G-36649325 Vigo Asoc. Cultural Coro Domingo Fontán G-36165272 Portas Asoc. Xubilados da Azucareira de Portas G-94002391 Portas Centro Sociocomunitario de Pontevedra S 1511001H Pontevedra Asoc. 3ª Idade “ Nevox” G-36806222 Vigo Asoc. Érguete Baixo Miño G-36124279 A Guarda Asoc. C.R.D. Pardavila G-36648996 Vigo Círculo Recreativo Cultural G-36026961 Porriño S.C.D.R. Helios G-36633428 Vigo 8.22863.- ADXUDICACIÓN DE NOVOS OBRADOIROS ÁS ENTIDADES BENEFICIARIAS DO PROGRAMA “PENSA EN TI 2014” O programa “Pensa en ti”, ten por finalidade mellorar a formación básica das mulleres na comunidade, promovendo espazos de encontro e intercambio de experiencia, evitando o illamento e intentando incorporalas ó mercado de traballo. A Xunta de Goberno na sesión que tivo lugar o día 31 de xaneiro de 2014 aprobou as bases reguladoras do programa “Pensa en ti” do ano 2014, aparecendo publicadas no Boletín oficial da Provincia de Pontevedra (BOPPO) núm. 47 de data 10 de marzo de 2014. Resultando que nas bases do programa “Pensa en ti” do ano 2014 figura que os beneficiarios son as entidades de mulleres, así como as asociacións de veciños ou outras entidades de iniciativa social que traballen no eido da muller, quedando excluídas as entidades de maiores e os pensionistas ou xubilados, dado que existe un programa específico para estes colectivos. Resultando que unha vez presentadas as solicitudes de participación no programa e valoradas polos técnicos de Servizos Sociais a Xunta de Goberno na sesión ordinaria que tivo lugar o día 30 de maio de 2014 aprobou a listaxe de entidades beneficiarias deste programa, sendo un total de 396 os obradoiros autorizados. Resultando que a Xunta de Goberno na sesión ordinaria que tivo lugar o día 13 de xuño de 2014 adxudicou á empresa Xestión Cultural Áurea, S.L., o contrato para a organización e impartición das actividades formativas do programa “Pensa en ti 2014”, por un importe de 329.000,00 € a razón de 786,50 €/curso, cantidade suficiente para atender 418 actividades formativas. Resultando que a Traballadora Social responsable do programa emite sendos informes de datas 21 de novembro e 2 de decembro de 2014 nos que figuran que ó abeiro das bases do programa “Pensa en ti 2014”, se presentaron fóra do prazo un total de 20 solicitudes, estimando como favorables un total de 17 por cumprir cos requisitos. A inclusión no programa destas solicitudes supón un gasto de 13.370,50 € a engadir os 311.454,00 € que sumaban os obradoiros inicialmente concedidos, o que fai un total de 324.824,50 €, polo que considera que ó existir crédito dispoñible se poden atender estas solicitudes ó non exceder das actividades formativas aprobadas. Resultando que con data 26 de novembro de 2014 a Xefa do Servizo de Fiscalización emite informe favorablemente a inclusión das 17 solicitudes no programa “Pensa en ti 2014” propostas dende o departamento de servizos sociais ó existir crédito dispoñible na aplicación orzamentaria 14/232.230.227.07 para esta finalidade. Considerando que o órgano competente para a adxudicación dos obradoiros ós beneficiarios do programa “Pensa en ti” para o exercicio 2014, é a Xunta de Goberno, de conformidade co estipulado na base sétima do programa, así como na base 16.1 de execución do vixente Orzamento provincial. A Xunta de Goberno, una vez valoradas favorablemente polos técnicos do Servizo de Servizos Sociais e Promoción do Emprego as solicitudes presentadas fóra de prazo ó programa “Pensa en ti 2014”, acorda por unanimidade adxudicar un obradoiro do que figuraban no catálogo deste programa as seguintes entidades: Entidade CIF Concello Unión V.C.D. Candean G-36863348 Vigo Centro Cultural e Social de Baiña G-36950749 Baiona Asoc. Disminuídos Físicos e Psíquicos “ASODIFISI” G-36161214 Mos Asoc. MM.RR “Terra de Camba” G-36493823 Rodeiro Asoc. V.C.D. Sampaio G-36648103 Vigo Asoc. V.V. “San Salvador Sobrada” G-36535318 Tomiño Asoc. V.V. Cultural San Esteban de Cadrón G-94015922 Lalín Asoc. MM. Separadas e Divorciadas do Salnés G-36454601 Vilagarcía de Arousa Asoc. V.V. de San Miguel de Oia G-36648640 Vigo Asoc. do Traxe Galego da Guarda G-36582179 Vigo Asoc. V.V. de Angoares G-36322881 Ponteareas Asoc. Amas de Casa y Consumo Agarimo G-36821817 Vigo Asoc. V.V. O Carballo de Sárdoma G-36649325 Vigo Asoc. MM.RR. de Comesaña G-36769495 Vigo Asoc. C.R.D. Pardavila G-36648996 Vigo 9.22864.- APROBACIÓN DAS BASES REGULADORAS DO PROGRAMA “SAÚDE E BENESTAR 2015” A Deputación de Pontevedra convoca para o ano 2015 unha nova edición do programa “Saúde e benestar”, que ten por finalidade fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloran o seu estado anímico. Este programa caracterízase por ofertar un máximo de 3.000 prazas e ofrecer unha estancia de seis días e cinco noites nun hotel con spa, balneario ou outro tipo de instalacións similares da Provincia de Pontevedra, en réxime de pensión completa e con actividades de animación sociocultural. O programa “Saúde e benestar” está cofinanciado pola Deputación de Pontevedra coa cantidade de 90.000,00 €, e polos usuarios participantes. A Deputación partindo dun prezo máximo de licitación de 300 €/persoa, fará unha achega de 30 €/praza, e o usuario aboará a cantidade restante, resultado do prezo final de adxudicación e da achega da Deputación. Os beneficiarios do programa “Saúde e benestar” son persoas nacidas antes do ano 1965, xubilados ou pensionistas ou persoas con necesidades de respiro familiar e coa súa convocatoria pretendese potenciar movementos de participación e cooperación social, promovendo espazos de encontro e intercambio de experiencias, evitando o illamento e as situacións de soidade que poidan levar consigo situacións de vulnerabilidade, así como dinamizar a economía da Provincia de Pontevedra, impulsando a creación e mantemento de postos de traballo no sector turístico durante os períodos de menor actividade. Resultando que con data 28 de outubro de 2014 o Sr. Secretario informa as bases reguladoras do programa “Saúde e benestar” para o exercicio 2015. Resultando que con data 20 de novembro de 2014 a Xefa do Servizo de Fiscalización emite informe sobre a tramitación do expediente para a aprobación das citadas bases, deixando constancia dunha serie de observacións, así como de que a aplicación orzamentaria proposta 15/232.2311.227.07, considérase correcta, quedando condicionada a existencia de crédito, por importe de 90.000,00 €, á aprobación do Orzamento da Deputación de Pontevedra para o exercicio de 2015. Considerando que o órgano competente para a aprobación das bases reguladoras do Programa “Saúde e benestar” para o exercicio 2015, é a Xunta de Goberno, de conformidade co estipulado nas bases de execución do Orzamento provincial. A Xunta de Goberno acorda por unanimidade: 1. Aprobar as bases reguladoras do Programa “Saúde e benestar” para o exercicio 2015. 2. Que a eficacia deste acordo quede condicionada á aprobación definitiva do Orzamento da Deputación de Pontevedra para o exercicio de 2015 e á existencia de crédito na aplicación orzamentaria 15/232.2311.227.07, por importe de 90.000,00 €, para facer fronte ás obrigas recollidas nas bases reguladoras do Programa “Saúde e benestar” para o exercicio 2015. Ditas bases son como seguen: “BASES REGULADORAS DO PROGRAMA“SAÚDE E BENESTAR” 2015 No artigo 2 da Lei 13/2008, de 3 de decembro, de servizos sociais de Galicia, defínense os servizos sociais como un conxunto coordinado de prestacións, programas e equipamentos destinados a garantir a igualdade de oportunidades no acceso á calidade de vida e á participación social de toda a poboación galega, mediante intervencións que permitan o logro dos obxectivos marcados nesta lei. A Deputación de Pontevedra, a través do Servizo de Servizos Sociais e Promoción de Emprego, convoca unha nova edición do programa “Saúde e benestar”, atendendo ó alto nivel de satisfacción que amosan nas enquisas os participantes en edicións pasadas, outorgándolle unha valoración moi positiva. CLÁUSULAS Primeira. Obxecto: Constitúe o obxecto destas bases a regulación da convocatoria pública, por parte da Deputación, do programa de termalismo social “Saúde e Benestar”, que ten por finalidade fomentar o envellecemento activo e mellorar a calidade de vida das persoas, establecendo novas relacións sociais e favorecendo a participación en actividades que melloran o seu estado anímico potenciando movementos de participación e cooperación social, promovendo espazos de encontro e intercambio de experiencias, evitando o illamento e as situacións de soidade que poidan levar á vulnerabilidade. Así mesmo pretende ser un programa dinamizador da economía da provincia, impulsando a creación e o mantemento de postos de traballo no sector turístico durante os períodos de menor actividade, desestacionalizando a demanda. Trátase, por tanto, dun programa cun claro obxectivo social, xa que facilita o acceso a turismo de saúde a persoas que doutro modo non poderían beneficiarse da súa dobre función, como período de vacacións e tamén como tratamento sanitario, pero que ofrece tamén bos resultados en termos de sustentabilidade económica para a provincia. Segunda. Descrición do programa: O programa caracterízase por ofrecer unha estancia de seis días e cinco noites nun hotel con spa, balneario ou outro tipo de instalacións similares da provincia de Pontevedra, en réxime de pensión completa e con actividades de animación sociocultural. Para a execución, coordinación e seguimento do programa a institución provincial contratará unha empresa especializada na materia. O paquete inclúe, ademais da estadía e a pensión completa (coas bebidas incluídas), a utilización do spa, balneario ou outras instalacións de características similares e os traslados en autobús desde os concellos de orixe ata o establecemento escollido e viceversa. Os autocares responsables dos traslados estarán perfectamente identificados e sairán do punto acordado previamente, onde se recollerá un número mínimo de beneficiarios, segundo se estableza no proceso de contratación da empresa especializada, e desde onde serán levados ata o establecemento elixido. Os desprazamentos que os usuarios fagan ata o lugar de saída do autobús correrán ó seu cargo, así como os desprazamentos que realicen pola súa conta ata o establecemento elixido. En cada autobús irá un guía que será o responsable de informar da cobertura do seguro da viaxe e do establecemento que a empresa responsable contratase. A entrada no hotel será os domingos a primeira hora da tarde e a saída será os venres despois do xantar. Terceira. Beneficiarios: Poderán beneficiarse do programa as persoas empadroadas na provincia de Pontevedra que cumpran algún dos seguintes requisitos: a) Ser nacidos antes de 1965, feito que deberá acreditar cunha fotocopia do Documento Nacional de Identidade (DNI) ou Número de Identidade de Estranxeiro (NIE) segundo o caso. b) Ser pensionista, para o que deberán achegar unha fotocopia do certificado correspondente. c) Precisar dun respiro familiar, o que se acreditará mediante un informe do traballador social dos servizos sociais comunitarios básicos. É requisito indispensable non padecer ningunha enfermidade ou patoloxía incompatible coa actividade do programa. No caso de parellas que desexen participar no programa é preciso que as dúas persoas cumpran os requisitos esixidos nestas bases. Cuarta. Documentación dos participantes: As solicitudes deberán formularse seguindo o modelo que se facilitará no Rexistro xeral da Deputación, no da súa sede de Vigo ou na súa páxina web (www.depo.es). Deberanse cubrir todos os apartados da solicitude, sinalando só un establecemento termal. Así mesmo, deberase achegar unha copia do DNI ou NIE e, segundo o caso, o certificado da pensión ou o informe do traballador social dos servizos sociais comunitarios básicos para xustificar a condición de beneficiario do programa, tanto no caso do solicitante como do acompañante. De consideralo necesario, este Servizo de Servizos Sociais e Promoción de Emprego reservarase o dereito a requirir a documentación que cumpra para completar o expediente. Tan só se admitirá una solicitude por participante. No caso de presentarse máis de unha terase en conta só a primeira presentada no Rexistro xeral. Quinta. Lugar e prazo de presentación de solicitudes: O prazo de inscrición será de 30 días naturais a partir do día seguinte ó da publicación destas bases no Boletín Oficial da Provincia de Pontevedra (BOPPO). As solicitudes, acompañadas da documentación sinalada na cláusula cuarta destas bases, deberá presentarse no Rexistro xeral do organismo provincial: - Sede de Pontevedra: avda. Montero Ríos, s/n (de luns a sábado) - Sede de Vigo: rúa Oporto, 3 (de luns a venres). Tamén se poderán presentar a través dos procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. No caso de que se envíe por correo postal (ó Rexistro da Deputación) este deberá ser certificado, co selo de Correos no formulario da solicitude para garantir que a data de remisión está dentro do prazo de presentación de solicitudes da orde de convocatoria. No suposto de que as prazas ofertadas non queden cubertas esta institución reservarase o dereito a abrir un novo prazo de inscrición. Sexta. Procedemento de concesión: A concesión destas subvencións realizarase polo réxime de concorrencia competitiva. A instrución correspóndelle ó Servizo de Servizos Sociais e Promoción de Emprego e a adxudicación á Xunta de Goberno. A Deputación establece a convocatoria de prazas do programa “Saúde e benestar”, no marco de actividades para as persoas maiores, ofertando inicialmente un máximo de 3.000, que lles serán outorgadas a quen reúna os requisitos sinalados na cláusula terceira e presenten a solicitude debidamente cuberta e acompañada da documentación sinalada nestas bases. O procedemento de concesión levarase a cabo na seguinte orde: 1) Solicitantes pensionistas, con prioridade para os de pensións con menor importe e maior idade. 2) Solicitantes por respiro familiar, con prioridade para os de maior idade. 3) Solicitantes non encadrados nos apartados anteriores, con prioridade para os de maior idade. No caso de que fose preciso teríase en conta a orde de presentación das solicitudes. Para poder establecerse a prioridade como pensionista, nos casos de dúas persoas nunha mesma solicitude, ambas dúas deberán presentar a xustificación de ingresos económicos e farase a media aritmética de ambas as dúas contías. No caso de que un dos solicitantes non perciba ingresos deberá xustificalo documentalmente. Así mesmo, farase a media aritmética das idades do solicitante e do acompañante. Sétima. Orzamento e financiamento: A contía consignada para este programa ascende, no ano 2015, a noventa mil euros (90.000,00 €), con cargo á aplicación 15/232.2311.227.07 do Orzamento ordinario da Deputación, sen prexuízo de que o mencionado crédito sexa ampliado. A Deputación, partindo dun prezo máximo de licitación de 300 € por persoa (IVE incluído), fará unha achega de 30 € por praza e o usuario aboará a cantidade restante, resultado do prezo final de adxudicación e da achega desta institución. O prezo do programa exporase ó público na páxina web www.depo.es e darase a coñecer a través dos medios de comunicación unha vez rematado o proceso de contratación. Oitava. Obrigas dos participantes: Os participantes aboarán, unha vez confirmada a súa admisión no programa, a cantidade resultante do proceso de adxudicación para o balneario, spa ou instalación similar escollida, xa descontada a subvención da Deputación, facendo o ingreso directamente na conta bancaria que facilite a empresa adxudicataria ou nas súas oficinas. As baixas de usuarios no programa deberán estar debidamente xustificadas. Só nese caso a empresa adxudicataria da asistencia técnica xestionará a devolución que corresponda. Novena. Publicidade: En toda a publicidade que se elabore deberanse facer constar a organización e a colaboración da Deputación de Pontevedra mediante a inclusión da súa imaxe institucional, de conformidade co artigo 31 do Real decreto 887/2006, de 21 de xullo, polo que se aproba o regulamento da Lei 38/2003, de 17 de novembro, xeral de subvencións. Para todo o relacionado coa publicidade a empresa adxudicataria dirixirase ó correo electrónico comunicacion@depo.es. Décima. Prazo de vixencia: As bases que regulan este programa terán vixencia ata o 31 de decembro de 2015. Décimo primeira. Lexislación aplicable: • Lei 38/2003, de 17 de novembro, xeral de subvencións. • Real decreto 887/2006, de 21 de xullo, polo que se aproba o Regulamento da Lei xeral de subvencións. • Lei 13/2008, de 3 de decembro, de servizos sociais de Galicia. • Lei 7/1985, de 2 de abril, reguladora das bases do réxime local. • Lei 30/1992, de 26 de novembro, de réxime xurídico das administracións públicas e do procedemento administrativo común. • Bases de execución do Orzamento provincial para o ano 2015” 10.22865.- DESESTIMACIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR DNA. STELLA RODRÍGUEZ FERNÁNDEZ EN REPRESENTACIÓN DE DNA. MARÍA GONZÁLEZ PORTAS, POR DANOS EN VEHÍCULO NA E.P. 4005 (CONCELLO DE PONTEAREAS) Dada conta que con data de rexistro 19/06/2014 (rex. núm. 2014062299) tivo entrada nesta Deputación instancia en solicitude de indemnización por responsabilidade patrimonial formulada por Dna. Stella Rodríguez Fernández en representación de Dna. María González Portas, con enderezo a efectos de notificacións na Praza de Ribadavia nº 2-1º D de Redondela, por danos en vehículo padecidos a consecuencia da irrupción dun xabaril na E.P. 4005 Areas-Alxán-Cabreiras, no Concello de Ponteareas, o día 21/09/2013 e que individualizou economicamente en 1.043,02 €. Resultando.- Que con data 07/08/2014 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Infraestruturas que o emitiu na data 17/09/14 co seguinte contido: “1. La E.P. 4005 Areas-Alxán-Cabreiras está incluida dentro del catálogo de la red provincial de carreteras. 2. Por parte del Servicio de Infraestructuras no se tuvo constancia directa del accidente de referencia ni de otros ocurridos por la misma causa, “irrupción de un jabalí en la zona de circulación”, en fechas anteriores o posteriores al que es objeto del presente informe. 3. El punto concreto del accidente, que se corresponde según el atestado policial con el P.K. 6,3 de la E.P. 4005, se encuentra, según la documentación fotográfica e información aportada por el vigilante de carreteras del Servicio de Infraestructuras, en zona boscosa, rural y de libre vegetación, con presencia de Tecor Societario, que según el informe de la Consellería de Medio Ambiente e Infraestructuras que se aporta, es de aprovechamiento cinegético mayor y menor, siendo el día del accidente hábil de caza de jabalí. 4. Realizadas las oportunas comprobaciones, se constata que por parte de este Servicio de Infraestructuras no se tuvo constancia del accidente referenciado ni de otros en el vial 4005. 5. La presencia del Tecor se encuentra señalizada en el P.K. 4+00 por lo que los conductores deberían extremar las precauciones de conducción. No existe otro tipo de señalización ya que este no es un tramo de “alta accidentalidad”, es el primer siniestro del que se tiene constancia por la presencia de animales sueltos. 6. No obstante lo anterior, es preciso señalar que la Disposición adicional 9ª de la Ley 6/2014 por la que se modifica el texto articulado de la Ley sobre Tráfico, Circulación de Vehículos a Motor y Seguridad Vial, aprobado por el Real Decreto Legislativo 339/1990, de 2 de marzo, establece que “en accidentes de tráfico ocasionados por atropello de especies cinegéticas en las vías públicas, será responsable de los daños a personas o bienes el conductor del vehículo…” “será responsable el titular del aprovechamiento cinegético cuando el accidente sea consecuencia de una acción de caza llevada a cabo el mismo día o que haya concluido doce horas antes de aquél.” Y “también podrá ser responsable el titular de la vía pública… por no disponer de señalización específica en tramos con alta accidentalidad por colisión de vehículos con los mismos”. En relación al expediente que nos ocupa, queda acreditado, como Administración titular, que la Diputación Provincial, respecto a la señalización en el punto del accidente, está exenta de cualquier responsabilidad ya que dicha señalización es la que corresponde dadas las características de la vía en ese tramo concreto de circulación y dicho tramo, estadísticamente, se encuentra entre los de nula o escasa accidentalidad por la presencia de animales sueltos”. A Disposición Adicional 9ª da citada Lei, aínda que non en vigor no momento de suceder os feitos, constitúe, en unión doutros preceptos referidos á condución de vehículos a motor, unha inestimable ferramenta interpretativa como se razoará “infra”. Resultando.- Que con data 22/09/14 solicitouse informe complementario ó Servizo de Infraestruturas acerca de cal é o Tecor Societario que se atopa no punto quilométrico no que se produciu o sinistro, emitindo o citado informe na data 22/09/14 co que xunta documento fotográfico de sinais identificativas de dous Tecores. Resultando.- Que con data 26/09/14 solicitouse informe ó Servizo de Infraestruturas para que aclarase a cal dos dous Tecores que aparecen na fotografía chegada se refiren os informes de datas 17 e 22 de setembro de 2014, emitindo o mesmo na data 26/09/14 co seguinte contido: “Según información aportada por el vigilante de carreteras, en la zona del siniestro referido se encuentran los dos Tecores Societarios que se indicaban en el informe remitido. El Tecor con referencia PO-10136 se encuentra a partir del P.K. 4+00 y el Tecor PO-10029 a partir del P.K. 11+200. Con estos datos parece que el que se sitúa más próximo y en el entorno del lugar del accidente es el primero”. Resultando.- Que con data 01/10/14 e con fundamento nos artigos 31.1, apartados “b” e “c” e 79.1 da Lei 30/92, emprazouse ó Tecor Societario Santa Mariña de Xinzo para que puidera comparecer coma interesado e facer, no prazo de dez días, as alegacións que tivera por convenientes, contestando na data 14/10/14 o seguinte: “Non nos facemos cargo do accidente do día 21/09/13 por un xabaril na E.P. 4005 Areas-Alxán-Cabreiras, no Concello de Ponteareas, porque o punto quilométrico onde foi o accidente é o km 6,3 e non se encontra dentro do Tecor Societario Santa Mariña de Xinzo”. Resultando.- Que con data 15/10/2014, Dna. Mercedes Martínez Blanco, en nome e representación de Helvetia Compañía Suíza, S.A., achega escrito personándose en calidade de posible responsable civil ó ter subscrita póliza de seguro co Coto Santa Mariña de Xinzo, así como copia do poder de representación e copia da póliza subscrita, solicitando vista e copia do expediente, remitíndoselle o solicitado na data 20/10/14 e presentando o día 06/11/14 escrito no que efectúa as seguintes alegacións: “Única.- Mi representada tiene suscrita póliza de seguro V5R110000534 con la entidad Coto Santa Cristina de Xinzo, con una franquicia para la garantía de responsabilidad civil de explotación de 300,00 €, y así consta en la referida documental, ya aportada para su unión al expediente. Teniendo en cuenta que la reclamación efectuada procede del accidente de tráfico ocurrido el pasado 21/09/13 en la carretera (E.P. 4005) de Areas (N-120) a Cabreira por Alxén, que dicha carretera es titularidad de la Diputación Provincial de Pontevedra y que el mismo tuvo lugar en el punto kilométrico 6,3 y, teniendo en cuenta que el lugar del accidente se halla en un terreno sujeto a régimen cinegético común (zona libre), fuera por tanto del tecor Santa María de Xinzo (PO-10136), invocamos expresamente la falta de legitimación pasiva tanto de mi representada como de su asegurada. Ninguna responsabilidad puede imputársele a mi representada por cuanto el punto del accidente está fuera del terreno del Tecor asegurado”. Considerando.- Que a instancia se presenta cumprimentando os requisitos de capacidade, lexitimación activa e pasiva e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31-1-a e 142.5 da Lei 30/92. Considerando.- Que non quedou acreditada a relación de causalidade (artigos 139.1 da Lei 30/92 e 13.2 do R.d. 429/93) co material probatorio aportado ó expediente, antes ó contrario, queda demostrada a non responsabilidade desta Deputación no evento lesivo pois a simple lectura do artigo 149.5 do R.d. 1428/03, de 21 de novembro, que aprobou o Regulamento Xeral de Circulación, revela ben ás claras que é necesario acreditar a FRECUENCIA na irrupción de fauna salvaxe, máis cando non se produciron máis accidentes pola mesma causa, véxase: “…Los tipos de señales de advertencia de peligro, con su nomenclatura y significado respectivos, son los siguientes: (…) P-24. Paso de animales en libertad. Peligro por la proximidad de un lugar donde FRECUENTEMENTE la vía puede ser atravesada por animales en libertad…” Considerando.- Que a sentenza 228/08, do Xulgado do Contencioso Administrativo nº. 2 de Pontevedra, nos autos do Procedemento Abreviado 204/08 baseándose neste precepto, eximiu á Deputación da obriga de instalación do sinal P-24 (paso de animais en liberdade) por non terse acreditado a FRECUENCIA e a HABITUALIDADE no paso, deixando dito que: “… No hay dato alguno en el expediente administrativo ni informe al respecto que indique que el tramo en el que ocurrió el accidente constituye un lugar de paso habitual, y no esporádico, de animales salvajes que hiciera necesaria la señalización adecuada al respecto, en concreto con la señal P-24. Es más, tampoco hay constancia de que en dicho tramo de la carretera y en un lapso de tiempo próximo al accidente registrado, se hubiesen originado otros por similares causas.” Na mesma liña as seguintes sentenzas: - Sentenza 27/2010 ditada polo Xulgado do Contencioso-Administrativo nº 3 de Pontevedra, nos autos do Procedemento Abreviado 432/08, con identidade de razón á que nos ocupa, eximiu á Deputación de responsabilidade algunha deixando dito que: “…Al no existir una obligación legal de señalizar ese tramo, y al no haberse demostrado por la parte actora que el mismo debería de ser señalizado (…), no es posible imputar la responsabilidad en la producción de los daños a la Administración aquí demandada (Diputación)…” - Sentenza 119/10, do Xulgado do Contencioso Administrativo nº 2 de Pontevedra, nos autos do Procedemento Abreviado 63/10 eximiu á Deputación de responsabilidade algunha deixando dito que: “…Tampoco ha quedado acreditado de la prueba practicada que el lugar en que se produjo el accidente sea un lugar de paso frecuente de animales de caza, que hiciera necesario advertir a los usuarios de la vía por medio de la señalización pertinente al respecto (P-24), no constando según la información obrante en el expediente, la existencia de ningún otro siniestro de similares características en dicho tramo de la vía.” - Sentenza 43/2011 do Xulgado Contencioso- Administrativo nº 3 de Pontevedra, nos autos do Procedemento Abreviado 306/2010 deixou dito que: “…quien reclama debe demostrar un determinado nivel de siniestralidad y la ausencia o insuficiencia de medidas visibles o aparentes de conservación o de señalización…” - Sentenza 268/2011 do Xulgado do Contencioso-Adminstrativo nº 1 de Pontevedra deixou dito que: “…No existen pruebas suficientes para entender que en la referida carretera provincial se da la frecuencia en el paso de animales en libertad que obligaría a la Administración a colocar en ella la señal fija de advertencia de peligro. No ha incurrido, por tanto, la Diputación Provincial de Pontevedra, en omisión del deber de señalización.” Considerando.- Que, en referencia ó anterior, cómpre salientar que a Deputación non ten a obriga de valar estradas, deber que somentes é predicable de autoestradas e autovías. Considerando.- Que non quedando acreditado o paso frecuente de animais, atopámonos ante un suposto de forza maior (caracterizado pola súa externalidade e irresistibilidade, que motiva a súa imprevisibilidade e consecuente inevitabilidade), ó que é allea a esta Deputación, polo que dificilmente se lle poden atribuír as consecuencias indemnizatorias pola mera detentación material dunha infraestrutura, o que a convertería nunha especie de aseguradora universal de tódolos riscos, pois é sabido que existe un estándar medio de risco predicable de calquera actividade humana ó que non é allea a condución de vehículos a motor. Considerando.- Que o informe do Servizo de Infraestruturas desta Deputación sinala que se trataba dunha zona boscosa, rural e de libre vexetación, con presencia de Tecores Societarios, polo que de terse adecuado a condución ás circunstancias da vía, o accidente non se tería producido, o que fai descansar a responsabilidade no condutor do vehículo. Así, segundo recolle o artigo 19 do R.d. 339/1990, de 2 de marzo, polo que se aproba o Texto Articulado da Lei sobre Tráfico, Circulación de Vehículos a Motor e Seguridade Vial así como o artigo 45 do R.d. 1428/03, de 21 de novembro, que aprobou o Regulamento Xeral de Circulación, “todo conductor está obligado a respetar los límites de velocidad establecidos y a tener en cuenta sus propias condiciones físicas y psíquicas, las características y el estado de la vía, del vehículo y de su carga, las condiciones meteorológicas, ambientales y de circulación y, en general, cuantas circunstancias concurran en cada momento, a fin de adecuar la velocidad de su vehículo a las mismas, de manera que siempre pueda detenerlo dentro de los límites de su campo de visión y ante cualquier obstáculo que pueda presentarse”. Considerando.- Que actualmente, a Disposición Adicional 9ª da Lei 6/2014, de 7 de abril, pola que se modificou o texto articulado da Lei sobre Tráfico, Circulación de Vehículos a Motor e Seguridade Vial, nos accidentes ocasionados por atropelo de especies cinexéticas, si ben non en vigor no momento do acontecemento dos feitos, constitúe un indubidable referente que fai descansar a responsabilidade no condutor do vehículo: “En accidentes de tráfico ocasionados por atropello de especies cinegéticas en las vías públicas será responsable de los daños a personas o bienes el conductor del vehículo, sin que pueda reclamarse por el valor de los animales que irrumpan en aquéllas. No obstante, será responsable de los daños a personas o bienes el titular del aprovechamiento cinegético o, en su defecto, el propietario del terreno, cuando el accidente de tráfico sea consecuencia directa una acción de caza colectiva de una especie de caza mayor llevada a cabo el mismo día o que haya concluido doce horas antes de aquél. También podrá ser responsable el titular de la vía pública en la que se produzca el accidente como consecuencia de no haber reparado la valla de cerramiento en plazo, en su caso, o por no disponer de la señalización específica de animales sueltos en tramos con alta accidentalidad por colisión de vehículos con los mismos”. Precepto este en correspondencia con outros (xa en vigor cando os feitos), que igualmente afondan na responsabilidade do condutor, tendentes a extremar a precaución, por exemplo: - O artigo 3.3 da base cuarta da Lei 18/1989, de 25 de xullo, de Bases sobre Tráfico, Circulación de Vehículos a Motor e Seguridade Vial, recolle o seguinte: “…los conductores quedarán especialmente obligados a circular de manera diligente…” - Os seguintes artigos do R.d. 1428/2003, de 21 de novembro polo que se aproba o Regulamento Xeral de Circulación, exprésanse en idénticos termos: Artigo 3.1 “…Se deberá conducir con la diligencia y preocupación necesarias para evitar todo daño propio o ajeno, cuidando de no poner en peligro, tanto al mismo conductor…” Artigo 18.1: “…El conductor de un vehículo está obligado a mantener su propia libertad de movimientos, el campo necesario de visión y la atención permanente a la conducción, que garanticen su propia seguridad…” Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que o presente acordo cumprimenta o establecido nos artigos 89.1 e 54.1-b da Lei 30/92 en relación co 13.2 do R.d. 429/93, referido á desestimación argumentada da reclamación. A Xunta de Goberno acorda por unanimidade desestimar a reclamación. 11.22866.- FINALIZACIÓN DUNHA BOLSA DE PRÁCTICA LABORAL EN EMPRESAS POR RENUNCIA DO BOLSEIRO MARIO AMARO FARO NA EMPRESA IMOTION FACTORY, S.L Por acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó Plan de práctica laboral en empresas do sector privado, por número de expediente, titulación, candidato seleccionado e empresa de destino, con efectos de 30 de decembro de 2013 e por un período de seis meses, prorrogables por outros seis. O pasado 30 de decembro de 2013 iniciou as súas prácticas laborais do expediente E 70 Enxeñería Técnica informática de xestión, o bolseiro Mario Amaro Faro na Empresa Imotion Factory, S.L. Con data de 25 de novembro de 2014 dito bolseiro presenta escrito solicitando a súa renuncia a continuar participando no Plan de práctica laboral con efectos do 30 de novembro de 2014 por incompatibilidade coa súa formación. A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Por todo e exposto, a Xunta de Goberno acorda por unanimidade dar por finalizadas as prácticas do bolseiro Mario Amaro Faro na empresa Imotion Factory, S.L. con efectos do día 30 de novembro de 2014. 12.22867.- FINALIZACIÓN DUNHA BOLSA DE PRÁCTICA LABORAL EN EMPRESAS POR RENUNCIA DA BOLSEIRA LAURA PORRAL QUEROL NA EMPRESA ASOCIACIÓN DIAGNOSTICADAS DE CANCRO DE MAMA Por acordo aprobado na Xunta de Goberno celebrada o 27 de decembro de 2013 adxudicáronse as bolsas correspondentes ó plan de práctica laboral en empresas do sector privado 2013, por número de expediente, titulación, candidato seleccionado e empresa de destino, con efectos do 30 de decembro de 2013 e por un período de seis meses, prorrogables por outros seis. O pasado 30 de decembro de 2013 iniciou as súas prácticas laborais do expediente E057 da titulación Diplomatura en Traballo Social, a bolseira Laura Porral Querol na empresa Asociación de Diagnosticadas de Cancro de Mama. Con data de 28 de novembro de 2014 dita bolseira presenta escrito solicitando a súa renuncia a continuar participando no Plan de práctica laboral con efectos do 30 de novembro de 2014. A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Por todo e exposto, a Xunta de Goberno acorda por unanimidade dar por finalizadas as prácticas da bolseira Laura Porral Querol na empresa Asociación de Diagnosticadas de Cancro de Mama con efectos do día 30 de novembro de 2014. 13.22868.- FINALIZACIÓN DUNHA BOLSA DE PRÁCTICA LABORAL EN EMPRESAS POR RENUNCIA DO BOLSEIRO RUBÉN REY PREGO NA EMPRESA AVICOLA TRATANTE, S.L. Por Acordo adoptado pola Xunta de Goberno desta Deputación Provincial na súa sesión ordinaria do día 31 de outubro de 2014, adxudicáronse as bolsas correspondentes ó Plan de práctica laboral en empresas do sector privado 2014, por número de expediente, titulación, candidato seleccionado e empresa de destino, con efectos de 1 de novembro de 2014 e por un período de seis meses, prorrogables por outros seis. O pasado 1 de novembro de 2014 iniciou as súas prácticas laborais do expediente P0 59 da titulación Enxeñería Industrial, Orientación En Organización Industrial/Grao En Enxeñería En Organización Industrial Con Inglés na empresa Avícola Tratante S.L. Con data de 27 de novembro de 2014 dito bolseiro presenta escrito solicitando a súa renuncia a continuar participando no plan de práctica laboral con efectos do 30 de novembro de 2014, manifestando que o motivo da súa renuncia é por incorporación a una oferta de traballo. A base décimo primeira da convocatoria das bases, establece que daranse por finalizadas as prácticas do bolseiro cando concorra entre outras causas a renuncia voluntaria por parte do bolseiro. A renuncia implicará a perda dos dereitos formativos e económicos que puideran corresponderlle. Por todo e exposto, a Xunta de Goberno acorda por unanimidade dar por finalizadas as prácticas do bolseiro Rubén Rey Prego na empresa Avícola Tratante S.L con efectos do día 30 de novembro de 2014. 14.22869.- RATIFICACIÓN DA RESOLUCIÓN PRESIDENCIAL Nº20144035092 DE DATA 28 DE NOVEMBRO DE 2014 POLA QUE SE ADXUDICA A BOLSA DO EXPEDIENTE P83 NA EMPRESA GONZALALÍN, S.L. Á CANDIDATA SUSANA RODRÍGUEZ BOUZÓN De conformidade co disposto nas bases ca convocatoria do Plan de práctica laboral en empresas do sector privado 2014 (Convocatoria publicada no BOP nº 131 do 9 de xullo de 2014), a Xunta de Goberno acorda por unanimidade, ratificar a Resolución Presidencial Nº 2014035092 de data 28 de novembro de 2014, pola que se adxudica a bolsa do expediente P83 na empresa Gonzalalín S.L á candidata Dna. Susana Rodríguez Bouzón, con data de incorporación o día 1 de decembro de 2014 e por un importe de 800 €/mes. 15.22870.- COMUNICACIÓNS: Non houbo. FÓRA DA ORDE DO DÍA, e previa declaración de urxencia adoptáronse os seguintes acordos: 16.22871.- SENTENZA Nº84/2013 DO XULGADO CONTENCIOSO-ADMINISTRATIVO Nº2 DE PONTEVEDRA, DITADA EN AUTOS DO PROCEDEMENTO ORDINARIO Nº280/2012, CONTRA LIQUIDACIÓNS DA TAXA POR SUMIDOIROS E CANON DE SANEAMENTO CORRESPONDENTES Ó 3º E 4º TRIMESTRE 2011, CONCELLO DO PORRIÑO Dáse conta da sentenza nº84/2013 de 08/04/2013 do Xulgado Contencioso-Administrativo nº2 de Pontevedra, ditada en autos do procedemento ordinario nº 280/2012, interposto contra resolución da Dirección do ORAL-Deputación de Pontevedra de 14/05/2012, desestimatoria do recurso de reposición contra liquidación da taxa por sumidoiros e canón de saneamento correspondente ó 3º trimestre 2011, ó que se acumulou ó P.O. 427/2012 do mesmo xulgado, contra resolución de 19/09/2012 do mesmo órgano, contra liquidación do 4º trimestre do exercicio 2011, Concello de Porriño, valorado en 136.334,01 €, na que se desestima o recurso interposto con imposición das custas xudiciais á reclamante, e cuxa defensa foi levada polo Servizo Xurídico do ORAL- Deputación. A Xunta de Goberno de Goberno queda enterada do contido favorable da mesma. 17.22872.- SENTENZA Nº213/2013 DO XULGADO DO CONTENCIOSO-ADMINISTRATIVO Nº1 DE PONTEVEDRA, DITADA EN AUTOS DE PROCEDEMENTO ABREVIADO Nº 105/2013 CC, CONTRA EXPEDIENTE SANCIONADOR EN MATERIA DE TRÁFICO DO CONCELLO DA CAÑIZA Dáse conta da Sentenza núm. 213/2013 do Xulgado do Contencioso-Adminsitrativo nº1 de Pontevedra, ditada en autos de proceso abreviado núm. 105/2013 promovidos por D.Marcelino Álvarez Álvarez, contra resolución da alcaldía do Concello da Cañiza de 28/02/2013 valorado en 200,00 € na que se desestima o recurso interposto con imposición de costas ó recorrente, e cuxa defensa foi levada polo Servizo Xurídico do ORAL desta Deputación. A Xunta de Goberno de Goberno queda enterada do contido da mesma. 18.22873.- SENTENZA 203/2013 DO XULGADO DO CONTENCIOSO-ADMINISTRATIVO Nº1 DE VIGO, DITADA EN AUTOS DE PROCEDEMENTO ABREVIADO Nº147/2013, CONTRA RESOLUCIÓN DA ALCALDÍA DO CONCELLO DE BAIONA EN MATERIA DE TRÁFICO Dáse conta da Sentenza número 203/2013 do Xulgado do Contencioso-Administrativo nº1 de Vigo, ditada en autos de proceso abreviado núm. 147/2013 promovidos por D. Manuel Vicente Fernández Rodríguez, contra resolución da alcaldía do Concello de Baiona en materia de tráfico de 04/03/2013, valorado en 200,00 €, na que se estima parcialmente o recurso interposto, sen pronunciamento en costas, e cuxa defensa foi levada polo Servizo Xurídico do ORAL desta Deputación. A Xunta de Goberno de Goberno queda enterada do contido da mesma. 19.22874.- SENTENZA 88/2014 DO XULGADO DO CONTENCIOSO-ADMINISTRATIVO Nº1 DE PONTEVEDRA, DITADA EN AUTOS DE PROCEDEMENTO ABREVIADO Nº125/2013 LO, CONTRA RESOLUCIÓN DA TESOURERÍA DE 20/02/2013 DESESTIMATORIA DO RECURSO INTERPOSTO CONTRA A DILIXENCIA DE EMBARGO Dáse conta da Sentenza número 88/2014 do Xulgado do Contencioso-Adminsitrativo nº1 de Vigo, ditada en autos de proceso abreviado núm. 125/2013 LO, promovidos por D.Pedro Saa Martíns, contra resolución da Tesourería de 20/02/2013, valorado en 367,16€, na que se estima o recurso interposto, sen que proceda condena en costas, e cuxa defensa foi levada polo Servizo Xurídico do ORAL desta Deputación. A Xunta de Goberno de Goberno queda enterada do contido da mesma. 20.22875.- SUSPENSIÓN DA REALIZACIÓN DAS PRÁCTICAS DO PLAN DE PRÁCTICA LABORAL EN EMPRESAS POR INCAPACIDADE TEMPORAL DO EMPRESARIO AUTÓNOMO Por acordo aprobado na Xunta de Goberno celebrada o 26 de setembro de 2014 adxudicáronse as bolsas correspondentes ao plan de práctica laboral en empresas do sector privado 2014, por número de expediente, titulación, candidato seleccionado e empresa de destino, con efectos de 1 de outubro de 2014 e por un período de seis meses, prorrogables por outros seis. O pasado 1 de outubro de 2014 iniciou as súas prácticas laborais do expediente P067, o bolseiro Álvaro José Curt Nuño na empresa Alfredo Loureiro García (oficina técnica forestal). O 1 de decembro de 2014 o empresario autónomo, e titor do bolseiro, comunica ó Servizo de Recursos Humanos e Formación a súa baixa médica con efectos do 25 de novembro de 2014. Por cuestións legais, Alfredo Loureiro García ten que proceder ó peche da súa empresa durante o tempo que dure esta baixa. Na convocatoria das empresas publicada no BOP nº 51, o 14 de marzo de 2014, na súa base quinta recolle como requisito indispensable para poder participar neste plan , dispoñer de persoal técnico e cualificado que se encargue de exercer as funcións de titor e asumir a formación práctica do bolseiro. Neste caso, o causante da baixa é o único que exerce de titor do bolseiro, e non existe outra persoa que poida levar a cabo este labor. A Comisión de seguimento, en uso das súas facultades, e tendo en conta a situación da empresa, decidiu suspender temporalmente a bolsa de Álvaro José Curt Nuño durante o tempo que dure a baixa de Alfredo Loureiro García, con efectos do 30 de novembro de 2014, ata que se comunique ó Servizo de Recursos Humanos a alta médica do empresario para poder reanudar as prácticas laborais. Por todo o exposto, a Xunta de Goberno acorda por unanimidade suspender temporalmente a bolsa adxudicada a Álvaro José Curt Nuño na empresa Alfredo Loureiro García, dende o día de 30 de novembro de 2014 e por un período non superior a tres meses. 21.22876.- REVOGACIÓN DUNHA BOLSA DE PRÁCTICA LABORAL EN EMPRESAS 2014, POR SUPERACIÓN DO LÍMITE DE 30 DÍAS EN SITUACIÓN DE INCAPACIDADE TEMPORAL A EVA BARCIELA CAMIÑA NA EMPRESA TSM GALEGA DE AUTOMOCIÓN, S.L. Por acordo aprobado na Xunta de Goberno celebrada o 26 de setembro de 2014 adxudicáronse as bolsas correspondentes ó Plan de práctica laboral en empresas do sector privado 2014, por número de expediente, titulación, candidato seleccionado e empresa de destino, con efectos de 1 de outubro de 2014 e por un período de seis meses, prorrogables por outros seis. O pasado 1 de outubro de 2014 iniciou as súas prácticas laborais do expediente P83, a bolseira Eva Barciela Camiña na empresa TSM galega de automoción S.L., causando baixa por incapacidade temporal dende o día 4 de novembro de 2014 ata a data de hoxe. A base décimo primeira da convocatoria das bolsas, establece que en calquera momento a Xunta de Goberno poderá, a proposta das empresas e mediante resolución motivada, revogar a bolsa a persoa adxudicataria que non cumpra debidamente as condicións esixidas nestas bases ou as normas xerais de funcionamento da empresa de destino, aténdose ó establecido nos artigos 36 e seguintes da Lei 38/2003, de 17 de novembro, xeral de subvencións, suspendendo o aboamento destas, cando concorran entre outras causas, a de estar de baixa por incapacidade temporal de duración superior a 30 días. Por todo o exposto, a Xunta de Goberno acorda por unanimidade revogar a bolsa adxudicada a Eva Barciela Camiña na empresa TSM galega de automoción S.L., dende o día 3 de decembro de 2014. Dita bolsa cubrirase co candidato suplente do expediente correspondente. 22.22877.- APROBACIÓN DAS BASES QUE REGULAN A CONVOCATORIA PARA “AXUDAS DE ESTUDO PARA O CURSO 2014/2015” De conformidade co indicado no artigo 68 do V Acordo regulador para persoal funcionario e o artigo 81 do I Convenio Colectivo para persoal laboral, a Xunta de Goberno acorda por unanimidade aprobar a convocatoria e bases das axudas de estudos correspondentes ó ano 2014/2015, elaboradas pola Comisión paritaria mixta en desenvolvemento do previsto no referido artigo. Estas axudas concederanse con cargo á consignación económica prevista na aplicación orzamentaria 921.3260.481.01, e conforme á táboa de módulos que se estableceu en función dos estudos cursados polos interesados e os grupos de clasificación do titular beneficiario das axudas. Ditas bases son do seguinte teor: A) BASES PARA A CONCESIÓN DE AXUDAS DE ESTUDOS A FUNCIONARIOS CURSO 2014/2015: “De conformidade co disposto no V Acordo regulador para persoal funcionario e I Convenio Colectivo para persoal laboral desta Deputación de Pontevedra, as axudas de estudos universitarios para ano 2014/2015, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos os funcionarios de carreira e do persoal laboral fixo da Deputación Provincial que se encontren en servizo activo antes da finalización do prazo de entrega das solicitudes. Quedan excluídos destas axudas os funcionarios de emprego, os funcionarios interinos, os bolseiros e os contratados temporais. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudios realizados no estranxeiro que estean homologados, clasifícanse da seguinte forma: a) Estudos medios ou superiores, cursos de posgrao, cursos de práctica xurídica ou masters en domicilio. Tamén os estudos realizados na Universidade Nacional a Distancia (UNED). b) Estudos medios ou superiores, cursos de posgrao, cursos de práctica xurídica ou masters fóra do domicilio. c) Curso de adaptación pedagóxica, obtención do Diploma de Estudos Avanzados (DEA) e proxecto de fin de carreira. d) Estudios ou cursos de especialización ou perfeccionamento directamente relacionados có desempeño do posto de traballo, organizados por Universidades, INAP, EGAP, podendo ampliarse os impartidos por Colexios Oficiais, Asociacións Profesionais, e Fundacións.. 3. INCOMPATIBILIDADES As axudas serán incompatibles con calquera outra concedida por institucións públicas ou privadas, bolsas de estudos, etc., salvo o sinalado no parágrafo terceiro desta base, incorrendo en responsabilidades legais os que faltasen á verdade na declaración que emitan a este respecto. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda, previa xustificación de tal condición. 4. CRITERIOS PARA A CONCESIÓN DAS AXUDAS A.- Por estudos: Por cursar estudos contemplados no apartado 2 a), b) e c), aboarase o 50% do custo da matrícula e, de efectuarse en centros ou universidades privadas, a mesma porcentaxe equivalente a unha carreira ou materia similar dun centro público. A dita cantidade sumarase una axuda económica en función dos estudos cursados polos interesados e seus respectivos grupos de clasificación: ESTUDOS/GRUPOS FUNCIONARIOS A1 A2 C1 C2 E Cursos Medios, Superiores ou doutorado 90,00 € 100,00 € 110,00 € 120,00 € 130,00 € Por cada sobresaliente ou matrícula de honra nunha disciplina de estudos medios e superiores no curso anterior 2011/2012(incluída a UNED) (cun máximo de 100,00 €). Finalizados os estudos, o abono desta cantidade quedará supeditada a existencia de consignación orzamentaria. 20,00 € En todo caso o importe total da axuda non poderá superar os 800,00 €. B.- Por cursos: Por realizar cursos de especialización, xornadas ou congresos, de contido directamente relacionado có posto de traballo desempeñado, e con independencia da súa tramitación ordinaria e normativa específica, no que respecta ós gastos de inscrición, aboarase o importe completo, sempre que non supere os 300.00 € por solicitude/funcionario/ano. Se a inscrición fose menor, acreditarase a cantidade exacta, respectando sempre o límite anual fixado. 5. PRESENTACIÓN DE SOLICITUDES As solicitudes de estudos poderán presentarse en modelo oficial debidamente cuberto no Rexistro xeral da Deputación ata o día 20 de xaneiro de 2015, este incluído. As solicitudes de axudas para gastos de inscrición en Cursos, Xornadas ou Seminarios poderán presentarse ó longo do ano e con quince días de antelación o inicio do curso, con indicación do programa, duración e horario. En calquera caso, deberán achegar as solicitudes, segundo o caso, a seguinte documentación en orixinal ou fotocopia debidamente compulsada: a) Estudos medios ou superiores, cursos de posgrao, cursos de práctica xurídica, másters e estudos realizados na Universidade Nacional de Educación a Distancia (UNED): - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. c) Cursos de adaptación pedagóxica, de obtención de Diploma de Estudos Avanzados (DEA), de posgrao ou da Universidade de aulas de formación aberta: - Xustificación de matrícula e o seu pagamento. - Fotocopia do DNI do funcionario solicitante. d) Cursos de especialización ou perfeccionamento: - Copia do programa do Curso, Xornada ou Conferencia, lugar e data de celebración. - Acordo polo que se concede permiso para asistencia ó mesmo. e) Estudos medios ou superiores en Centro privado homologado: - Valoración dos estudos realizados en centro público - Xustificante do pagamento da matrícula. 6. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto lexislativo 1/1994, de 20 de xuño, en redacción dada pola disposición final terceira do Real decreto-lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen en concepto de axuda de estudos serán incluídas na base de cotización á seguridade social, estando excluídas as axudas destinadas a formación do persoal. 7. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” B) BASES PARA A CONCESIÓN DE AXUDAS DE ESTUDOS UNIVERSITARIOS CURSO 2014/2015 “De conformidade co disposto no V Acordo regulador para persoal funcionario e I Convenio Colectivo para persoal laboral desta Deputación de Pontevedra, as axudas de estudos universitarios para o ano 2014/2015, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos: a) Os fillos dos funcionarios de carreira e o persoal laboral fixo da Deputación Provincial que se encontren en servizo activo antes da finalización do prazo de entrega das solicitudes. b) Os fillos das parellas de feito dos beneficiarios incluídos no apartado a), segundo o disposto no anexo V do Acordo-Regulador e do I Convenio Colectivo. c) Con carácter excepcional os fillos dos beneficiarios sinalados no apartado a), falecidos en servizo activo ata que finalicen os estudos. Quedan excluídos destas axudas os fillos dos funcionarios de emprego, os funcionarios interinos, os bolseiros e os contratados temporais, ademais dos fillos do persoal incluído no apartados a) que teñan máis de 30 anos cando finalice o prazo de entrega das solicitudes. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudios realizados no estranxeiro que estean homologados, clasifícanse da seguinte forma: a) Estudos medios ou superiores, cursos de posgrao, cursos de práctica xurídica ou masters en domicilio. Tamén os estudos realizados na Universidade Nacional a Distancia (UNED). b) Estudos medios ou superiores, cursos de posgrao, cursos de práctica xurídica ou masters fóra do domicilio. c) Curso de adaptación pedagóxica, obtención do Diploma de Estudos Avanzados (DEA) e proxecto de fin de carreira. 3. INCOMPATIBILIDADES As axudas serán incompatibles con calquera outra concedida por institucións públicas ou privadas, bolsas de estudos, etc., salvo o sinalado no parágrafo terceiro desta base, incorrendo en responsabilidades legais os que faltasen á verdade na declaración que emitan a este respecto. En principio, non se atenderán as solicitudes onde se xustifique a petición doutra bolsa cando a contía supere o importe da axuda que a Deputación lle destina ó beneficiario, salvo que se acreditase a súa denegación. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda, previa xustificación de tal condición. 4. CONTÍA Con cargo á consignación económica prevista na aplicación 921.221.162.04 do orzamento provincial, as axudas de estudos previstas no apartado 2. a), b) e c) concederanse conforme a seguinte escala, establecida en función dos estudos cursados polos interesados e os grupos de clasificación do titular beneficiario das axudas: ESTUDOS/GRUPOS A1 A2 C1 C2 E Estudos medios ou superiores, cursos de posgrao, de práctica xurídica ou masters en domicilio 391,40 € 442,90 € 473,80 € 525,30 € 561,35 € Estudos medios ou superiores, cursos de posgrao, de práctica xurídica ou masters fóra do domicilio 772,50 € 885,80 € 927,00 € 1.040,30 € 1.133,00 € Proxecto fin de carreira sen outra matrícula 100,00 € 115,00 € 120,00 € 135,00 € 145,00 € Por cada sobresaliente ou matrícula de honra nunha disciplina de estudos medios e superiores, no curso anterior 2013/2014 (incluída a UNED) (cun máximo de 300,00 €) 100,00 € Dado que é difícil valorar de antemán as peticións de cada un dos módulos e, por conseguinte, a montaxe total das axudas, en caso de superarse o crédito global existente ou de producirse excedentes na partida, a Comisión Paritaria Mixta revisará as cantidades sinaladas na táboa de módulos para axustalas á consignación orzamentaria. 5. CRITERIOS PARA A CONCESIÓN DAS AXUDAS 1) Tendo en conta a clasificación de axudas de estudos prevista no apartado 2, aboaranse os importes establecidos no apartado 4 conforme os seguintes criterios: a. Aplicando a totalidade do importe indicado na táboa de módulos da base 4, nos supostos de curso completo, seis ou máis materias de ensinanzas de primeira matrícula, ou 50 créditos nas materias de segunda e sucesivas matrículas. b. Aplicando o 50% do importe establecido na táboa de módulos da base 4, nos supostos dunha a cinco nas ensinanzas non REPETIDAS ou menos de 50 créditos nas REPETIDAS. No caso de que non se reflicta o pagamento de taxas, exención ou materias que se cursen, deberá presentarse un certificado ou expediente académico onde se fagan constar as materias de primeira, segunda e sucesivas matrículas, así como os seus créditos. 2) Consideraranse estudos no domicilio aqueles que se realicen en centros situados dentro do propio concello onde este situada a residencia da/o funcionaria/o ou traballador/a da Deputación nun radio igual ou inferior a dez (10) quilómetros. Consideraranse estudos fóra do domicilio todos os demais. Esta circunstancia acreditarase coa certificación do empadroamento do funcionario que solicita a axuda. 3) Exclúense destas bases os cursos de perfeccionamento, preparación e ingresos en academias privadas ou similares. 4) Todas as axudas increméntanse nun 100% no suposto de que o solicitante ou beneficiario estea afectado por unha grande invalidez física ou psíquica, nun grao igual ou superior ó 65% de minusvalía; ou nun 50% se é inferior, o que se acreditará cunha resolución xudicial ou administrativa que o recoñeza. 6. PRESENTACIÓN DE SOLICITUDES As solicitudes deberán presentarse en modelo oficial debidamente cuberto no Rexistro xeral da Deputación ata o 20 de xaneiro de 2015, este incluído debendo achegar, segundo o caso, a seguinte documentación en orixinal ou fotocopia debidamente compulsada: a) Estudos medios ou superiores, cursos de posgrao, cursos de práctica xurídica ou másters en domicilio. Estudos realizados na Universidade Nacional de Educación a Distancia (UNED): - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. - Fotocopia do DNI do fillo/a beneficiario se é caso. b) Estudos medios ou superiores, cursos de posgrao ou másters fóra de domicilio: - Certificado de empadroamento do FUNCIONARIO. - Certificado que acredite curso completo ou folla de matrícula onde consten as materias que se vaian cursar ou a súa exención. - Xustificante do pagamento da matrícula. - Fotocopia do DNI do fillo/a beneficiario se é caso. c) Cursos de adaptación pedagóxica, de obtención de Diploma de Estudos Avanzados (DEA), de posgrao ou da Universidade de aulas de formación aberta. - Xustificación de matrícula e o seu pagamento. - Fotocopia do DNI do fillo/a beneficiario se é caso. De non figurar o documento esixido, será necesario presentar un certificado ou expediente académico onde se faga constar qué materias son de primeira matrícula e os seus créditos e cáles son de segunda e sucesivas matrículas. 7. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto lexislativo 1/1994, de 20 de xuño, en redacción dada pola disposición final terceira do Real decreto-lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen por este concepto serán incluídas na base de cotización á seguridade social. 8. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” C) BASES PARA A CONCESIÓN DE AXUDAS DE ESTUDOS NON UNIVERSITARIOS CURSO 2014/2015 “De conformidade co disposto no artigo 68 do V Acordo regulador para persoal funcionario e I Convenio Colectivo para persoal laboral desta Deputación de Pontevedra, as axudas de estudos non universitarios para o curso 2014/2015, se rexerán polas seguintes BASES 1. BENEFICIARIOS/AS Poderán ser beneficiarios das axudas de estudos: a) Os fillos dos funcionarios de carreira e do persoal laboral fixo da Deputación Provincial, que se encontren en servizo activo antes da finalización do prazo de entrega das solicitudes. b) Os fillos das parellas de feito dos beneficiarios incluídos no apartado a), segundo o disposto no anexo V do Acordo-regulador para persoal funcionario e do I Convenio Colectivo para persoal laboral. c) Con carácter excepcional os fillos dos beneficiarios sinalados no apartado a), falecidos en servizo activo ata que finalicen os estudos. Quedan excluídos destas axudas os fillos dos funcionarios de emprego, os funcionarios interinos, os bolseiros e os contratados temporais, ademais dos fillos do persoal incluído nos apartados a) e d) que teñan máis de 30 anos cando finalice o prazo de entrega das solicitudes. 2. ESTUDOS Estas axudas, que se concederán para a realización de estudos en centros ou institucións docentes oficiais ou homologados polo Ministerio de Educación e Ciencia (MEC) ou pola Consellería de Educación da Xunta de Galicia, ou estudios realizados no estranxeiro que estean homologados, clasifícanse da seguinte forma: a) Garderías, colexios infantís e xardíns de infancia. b) Educación infantil e primaria. c) ESO, cursos de acceso + 25 años, cursos para maiores de 45 anos e PCPI. d) Formación profesional, Bacharelato, e estudos de ensinanzas artísticas, recollidas como tales no art. 45 da Lei orgánica 2/2006, de 3 de maio, de educación. e) Escola oficial de idiomas e outros estudos de ensinanzas artísticas. 3. INCOMPATIBILIDADES Para manter o carácter exento no IRPF estas axudas serán incompatibles con calquera outra concedida por institucións públicas ou privadas, bolsas de estudos, etc., incorrendo en responsabilidades legais os que faltasen á verdade na declaración que emitan a este respecto. En principio, non se atenderán as solicitudes onde se xustifique a petición doutra bolsa cando a contía supere o importe da axuda que a Deputación lle destina ó beneficiario, salvo que se acreditase a súa denegación. Cando se soliciten axudas para cursar distintos estudos, tramitarase o de maior contía. Nos casos de exención de matricula por expediente académico ou familia numerosa, independentemente da contía de exención de taxas académicas, acreditarase o importe da axuda que corresponda. 4. CRITERIOS PARA A CONCESIÓN DAS AXUDAS 1) De acordo coa clasificación de axudas de estudos prevista no apartado 2, aboarase a cantidade establecida na táboa de módulos da base 5. 2) As axudas para garderías, colexios infantís e xardíns de infancia concederanse por fillos acollidos nalgún destes centros, cando así o xustifiquen mediante a correspondente matrícula. 3) Exclúense destas bases os cursos de perfeccionamento, preparación e matricula en academias privadas ou similares. 4) Todas as axudas increméntanse nun 100% no suposto de que o solicitante ou beneficiario estea afectado por unha grande invalidez física ou psíquica, nun grao igual ou superior ó 65% de minusvalía; ou nun 50% se é inferior, o que se acreditará cunha resolución xudicial ou administrativa que o recoñeza. 5. CONTÍA Con cargo á consignación económica prevista na aplicación orzamentaria 921.221.162.04, as axudas de estudos concederanse conforme a seguinte escala, en función dos estudos cursados polos interesados e os grupos de clasificación do titular beneficiario das axudas: ESTUDOS/GRUPOS A1 A2 C1 C2 E Garderías, colexios infantís e xardíns de infancia 185,40 € 226,60 € 278,10 € 319,30 € 339,90 € Educación infantil, primaria 113,30 € 123,60 € 133,90 € 149,35 € 185,40 € ESO, cursos de acceso + 25 anos, + 45 anos e PCPI. 226,60 € 267,80 € 309,00 € 345,05 € 370,80 € FP e Bacharelato e Ensinanzas artísticas (*) 231,00 € 273,00 € 315,00 € 351,75 € 378,00 € Cursos da Escola Oficial de Idiomas e outras ensinanzas artísticas 113,30 € 123,60 € 133,90 € 149,35 € 185,40 € *Ensinanzas artísticas contempladas no artigo 45.2, b) y c) da lei orgánica 2/2006 de 3 de maio de educación. Por cada sobresaliente ou matrícula de honra nunha disciplina de estudos FP e Bacharelato (cun máximo de 150,00 €) 30,00 € Dado que é difícil valorar de antemán as peticións de cada un dos módulos e, por conseguinte, o montante total das axudas, en caso de superarse o crédito global existente ou de producirse excedentes na partida a comisión paritaria mixta revisará as cantidades sinaladas na táboa de módulos para axustalas á consignación orzamentaria. 6. PRESENTACIÓN DE SOLICITUDES As solicitudes deberán presentarse en modelo oficial debidamente cuberto no Rexistro xeral da Deputación, ata o 20 de xaneiro de 2015, este incluído, debendo achegar o xustificante de estar matriculado no curso 2014/2015 en orixinal ou fotocopia debidamente compulsada. En calquera caso, as solicitudes presentadas fóra de prazo serán desestimadas. 7. DOTACIÓN ECONÓMICA De conformidade co establecido no V Acordo regulador e I Convenio colectivo, as axudas de estudos imputaranse á aplicación orzamentaria 921.3260.481.01. Por outra parte, en aplicación do previsto no artigo 109 do texto refundido da Lei Xeral da Seguridade Social, aprobado polo Real decreto lexislativo 1/1994, de 20 de xuño, en redacción dada pola disposición final terceira do Real decreto-lei 16/2013, do 20 de decembro, de medidas para favorecer a contratación estable e mellorar a empregabilidade dos traballadores, as cantidades que se abonen por este concepto serán incluídas na base de cotización á seguridade social. 8. INTERPRETACIÓN DAS BASES Calquera dúbida que poida xurdir na aplicación e interpretación destas bases resolverase na Comisión paritaria mixta.” 23.22878.- APROBACIÓN DO PROXECTO MODIFICADO DA OBRA “PONTE SOBRE O REGATO CALDEIRÓN NA E.P. 7007 COUSO SAN MIGUEL DE BARCALA (A ESTRADA)” A Xunta de Goberno, en sesión celebrada o día 30/10/2013, adxudicou á empresa Eiriña, S.L. (actualmente, STRADIA Infraestruturas, S.L.), a obra “Ponte sobre ou Regato Caldeiron na EP 7007 Couso-San Miguel de Barcala (A Estrada)”, por un importe líquido de cento cinco mil cincocentos vinte euros con sesenta e seis céntimos (105.520,66 €), máis IVE, sendo o prazo de execución de mes e medio (1,5), formalizándose o contrato de execución das obras o 5 de decembro de 2013. O 16 de decembro de 2013 asínase a Acta de comprobación do replanteo e suspéndese temporalmente a obra por non ter a autorización de Augas de Galicia para a realización da obra por afectar a un regato da súa competencia. Esta suspensión é levantada o 6 de outubro de 2014. Unha vez producida a suspensión da obra, obsérvase polo Servizo de Infraestruturas unha serie de defectos que poderían impedir a viabilidade da obra para o cal se realiza un novo estudo con levantamentos topográficos “in situ”, concluíndo coa necesidade de redactar un modificado do proxecto. As modificacións teñen por obxecto substituír a estrutura de vigas proxectadas por un marco prefabricado de formigón que permitirá adaptar a rasante ós condicionamentos recollidos no proxecto modificado, toda vez que sobre este se contempla un recheo de terras de espesor suficiente para realizar os encaixes de cota e peralte precisos, en prol de manter a seguridade vial da estrada. O artigo 107 do R.d.l. 3/2011, do 14 de novembro, polo que se aproba o texto refundido da Lei de Contratos do Sector Público (en diante, TRLCSP), regula de forma taxativa os supostos nos que poderán realizarse modificacións non previstas nos pregos ou no anuncio de licitación, que non poderán alterar as condicións esenciais da licitación e adxudicación e deberán limitarse a introducir as variacións estritamente indispensables para responder á causa obxectiva que as fagan necesarias. Entre as circunstancias que xustificarían estas modificacións, o apartado 1.a) do artigo 107 do TRLCSP sinala a inadecuación da prestación contratada para satisfacer as necesidades que pretendan cubrirse mediante o contrato debido a erros ou omisións padecidos na redacción do proxecto ou das especificacións técnicas. Estas circunstancias parecen concorrer na proposta de modificación, á vista da documentación e do informe que acompaña o Servizo de infraestruturas, e que non parece supoñer alteración algunha das condicións esenciais da licitación e adxudicación, toda vez que tampouco determina un incremento no importe do orzamento de adxudicación. Considerando que a disposición adicional segunda do TRLCSP, no seu apartado 1, faculta á Presidencia desta Deputación para actuar como órgano de contratación con competencia respecto deste contrato de servizos, e habida conta ó disposto no artigo 185 do R.d.l. 2/2004, do 5 de marzo, polo que se aproba o Texto refundido da Lei reguladora das facendas locais e o establecido nas bases de execución do vixente Orzamento provincial, concretamente na Base 16ª.2a) onde figura que lle compete á Xunta de Goberno a fase correspondente á disposición dos gastos precisos para a contratación de servizos que, sendo competencia da Presidencia, superen o importe dos contratos negociados sen publicidade por razón da contía. A Xunta de Goberno acorda por unanimidade: Aprobar o proxecto modificado da obra “Ponte sobre o Regato Caldeirón na E.P. 7007 Couso-San Miguel de Barcala (A Estrada)” sen variación económica. A obra deberá estar finalizada o día 19 de decembro de 2014. 24.22879.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DA OBRA “VARIANTE NO LUGAR DE REBÓN NA E.P. 0503 (MORAÑA)” Resultando que polo Pleno da Corporación Provincial, aprobouse definitivamente o proxecto de “Variante no Lugar de Rebón na E.P. 0503 (Moraña)” con orzamento para coñecemento da Administración de 1.046.820,14 €, desgregado en orzamento de execución por contrata de 845.416,35 € e capítulo de expropiacións por importe de 201.403,79 €. A Deputación non conta con medios humanos e técnicos suficientes para levar por se mesma a execución desta actuación, polo que resulta necesario a súa contratación. Visto o informe do Xefe do Servizo de Contratación no que expón que considerando o Real Decreto Lexislativo 3/2011, de 14 de novembro, polo que se aproba o texto refundido da Lei de Contratos do Sector Público, no seu artigo 6 tipifica este contrato como de obra ó ter por obxecto o resultado dun conxunto de traballos de construción ou de enxeñería civil, destinado a cumprir en por si unha función económica ou técnica, que teña por obxecto un ben inmoble ou a execución dalgún dos traballos enumerados no Anexo I. Tamén informa que o procedemento aberto e a forma ordinaria que debe utilizarse para a adxudicación destes contratos, tal e como establece o artigo 138.2 do citado Rd.l. 3/2011. Resultando que o Sr. Secretario Xeral emite informe relativo ó prego de condicións que rexerá no procedemento, no que o estima correcto xuridicamente para os fins propostos. Resultando que polo Director de Infraestruturas emítese informe no que pon de manifesto que o orzamento de execución por contrata para a licitación da obra é de 827.841,12 €, aclarando que os conceptos correspondentes a Servizos Afectados, Plan de Seguimento Ambiental e Prospección Arqueolóxica serán contratados de forma externa á obra. Resultando que polo Sr. Interventor emítese informe de fiscalización do expediente de contratación da obra. Considerando que a disposición adicional segunda do referenciado R.d.l. 3/2011, no seu apartado 1, faculta ó Ilmo. Sr. Presidente para actuar como órgano de contratación, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para contratación que sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: Aprobar o expediente para a contratación, mediante procedemento aberto, da execución da obra “Variante no Lugar de Rebón na E.P. 0503 (Moraña)”. O orzamento deste contrato é de 684.166,21 €, máis a cantidade de 143.674,91 € correspondente o IVE, o que fai un importe total de 827.841,12 €. Así mesmo a Xunta de Goberno acorda: - Autorizar o gasto por importe de 827.841,12 €. - Aprobar os pregos de cláusulas administrativas e de prescricións técnicas que rexerán como lei fundamental do contrato. - Conceder un prazo de vinte e seis días naturais para a presentación de proposicións, contados a partir do día seguinte á publicación do anuncio desta contratación no Boletín Oficial da Provincia. O expediente finánciase con cargo á aplicación 14/456.453-612.02 do vixente orzamento provincial. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES XERAIS QUE REXERÁN A CONTRATACIÓN, MEDIANTE PROCEDEMENTO ABERTO, DA EXECUCIÓN DA OBRA “VARIANTE NO LUGAR DE REBON NA E.P. 0503 (MORAÑA)” (EXPTE. 2014018556) 1.OBXECTO O obxecto do contrato ó que se refire este prego é a execución das obras descritas no apartado 1 do anexo I, e definidas nos correspondentes proxectos aprobados pola Administración, que recolle as necesidades administrativas a satisfacer mediante o contrato e os factores de toda orde a ter en conta. No caso de que o procedemento aberto se divida por lotes, haberá un anexo I por cada unha delas. O devandito proxecto consta dos documentos esixidos no artigo 123 do TRLCSP, despois de contemplarse na súa elaboración os preceptos do Libro II, título I, capítulo II, sección 2ª do RXLCAP. A memoria, os planos, os cadros de prezos, o prego de prescricións técnicas particulares e o prego de cláusulas administrativas particulares, revestirán carácter contractual. Se o contrato está dividido en lotes, os licitadores poderán optar a unha obra, a varias ou a todas elas, agás que se estableza un número máximo de obras por licitador, para o que se estará ó estipulado no apartado 1 do anexo I deste prego. 2. FINANCIAMENTO E ORZAMENTO DE LICITACIÓN Este contrato será financiado do xeito que se establece no apartado 1 do anexo I e distribuído nas anualidades previstas. O orzamento base de licitación do contrato ascende á cantidade expresada no apartado 1 do anexo I deste prego, incluíndo na mencionada contía todos os factores de valoración e gastos que, segundo os documentos contractuais e a lexislación vixente son de conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións que se presenten superando o orzamento base de licitación serán desbotadas automaticamente. O orzamento de execución por contrata comprende os seguintes conceptos: 1. Gastos xerais da empresa, correspondéndolle a porcentaxe do 13% sobre o orzamento de execución material e comprenderá os seguintes aspectos: • A dirección técnica das obras, sendo o 4% do orzamento de execución material, de acordo coa taxa por servizos facultativos que se prestan en obras provinciais e que aprobou o Pleno da Deputación na sesión do 27 de febreiro de 1998. • Gastos referentes á coordinación da seguridade e saúde: 0,50 % do orzamento de execución material. • Porcentaxe ofertada relativa ó control de calidade. Se non se oferta ningunha porcentaxe ou o ofertado é inferior ó 1%, reterase o 1% do orzamento de execución material. 2. Beneficio industrial: aplicarase o 6% sobre o orzamento de execución material. 3. IVE, que se aplicará sobre a suma do orzamento de execución material, beneficio industrial e dos gastos xerais da empresa. Dentro do citado importe inclúense, ademais, toda clase de impostos e licenzas, tanto municipais, provinciais e autonómicas coma estatais. Importante: as retencións aplicaranse sobre o orzamento de execución material da adxudicación. Nos casos nos que se oferten porcentaxes de retención sobre o orzamento global de adxudicación ou sobre calquera outro parámetro traducirase a porcentaxe que corresponda sobre o orzamento de execución material. 3. RÉXIME XURÍDICO En todo o non previsto nos pregos, estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, o Real decreto lexislativo 817/2009, de 8 de maio, polo que se desenvolve parcialmente a LCSP e no que sexa aplicable no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP e en toda a demais normativa aplicable. O descoñecemento do contrato en calquera dos seus termos ou dos documentos anexos que fan parte deste non eximirá ó contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada, supletoriamente aplicaranse as restantes normas de dereito administrativo e, no seu defecto, as normas de dereito privado. O adxudicatario obrigarase ó cumprimento, baixo a súa exclusiva responsabilidade, das disposicións vixentes sobre relacións laborais, Seguridade Social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos no devandito texto legal. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade nos casos esixidos polo TRLCSP ou polas normas autonómicas de desenvolvemento ou cando así se decida voluntariamente, a Deputación difundirá, a través de internet (www.depo.es) o seu perfil de contratante. Neste perfil publicaranse todas as noticias, avisos e documentación relativos a este contrato. Calquera dúbida existente acerca dos pregos que rexen esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas, españolas ou estranxeiras, que teñan plena capacidade de obrar e acrediten a correspondente clasificación e solvencia técnica que se indique no apartado 2 do anexo I, nos termos que dispón o artigo 76 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e mais as circunstancias nas que constitúan a participación de cada un, así como que asumen o compromiso de se constituír formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar con unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); estas empresas serán responsables solidarias ante a Administración, debendo nomear ante ela a un representante ou apoderado único da unión con poderes bastantes para exercitar os dereitos e cumprir as obrigas que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. A finalidade destas empresas será realizar actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. PRAZO DE EXECUCIÓN O prazo máximo estimado para a execución das obras, contando desde o día seguinte ó da sinatura da acta de comprobación do replanteo, agás que exista razón fundada que impida o seu comezo, estímase no apartado 1 do anexo I. O contratista deberá presentar, antes da formalización do contrato, un programa de traballo que contemple o desenvolvemento das unidades de obras en relación co prezo que se van realizar en cada prazo. Estará obrigado a cumprir o contrato na súa totalidade dentro do prazo ofertado, así como nos parciais sinalados para a súa execución sucesiva. Este prazo só se prorrogará cando o órgano de contratación así o aprobe, sempre que concorran os requirimentos esixidos pola lexislación vixente e con petición previa do contratista co informe favorable do director de obra. No caso de prórroga proposta pola dirección da obra o órgano de contratación terá que aprobar o expediente pertinente que implica a modificación. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, podendo a Administración optar entre a imposición de penalidades ou a resolución do contrato no caso de que as penalidades alcancen o 5% do prezo. As penalidades diarias serán cuantificadas na proporción de 0,20 euros por cada 1.000 do prezo de adxudicación. Poderase facer efectivo por algún dos seguintes procedementos: retención ou dedución nas certificacións de obra, con cargo á garantía definitiva, ou pola vía executiva, unha vez finalizado o prazo de ingreso voluntario. Coa imposición de penalidades ampliarase o prazo de execución da obra, á proposta do enxeñeiro director da obra, para a súa correcta finalización. Esta imposición non exclúe e é compatible coa indemnización de danos e perdas causados á Deputación pola demora na execución imputable ó contratista. 9. GARANTÍA DEFINITIVA O seu importe será do 5% do prezo de adxudicación, excluído o Imposto sobre o Valor Engadido, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. No caso de non se cumprir o prazo sinalado entenderase que o licitador retirou a súa oferta, procedéndose, nese caso, a solicitarlle a mesma documentación ó licitador seguinte, pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 10. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES E DOCUMENTACIÓN 10.1. Lugar e prazo de presentación: As proposicións presentaranse no Rexistro xeral da Deputación (na sede de Pontevedra, de luns a venres de 8:30 a 14:30 e de 17:00 a 19:00 horas, os sábados de 9:00 a 13:00 horas; na sede da Deputación en Vigo, de luns a venres de 9:00 a 14:00 horas) dentro dun prazo de vinte e seis días, a contar desde o día seguinte ó da publicación do seu anuncio no BOP. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. Tamén se poderán presentar por calquera dos procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre no mesmo día. 10.2. Formalidades: Os contratistas interesados na licitación deberán presentar tres sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C, en función do sobre correspondente) - Obra núm.… (especificar o número de obra a que se licita) - Núm. de expediente (no caso de que se coñeza) - Denominación do contrato - Nome do licitador - CIF - Enderezo, correo-e e teléfono de contacto - Número de inscrición no Rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada da seguinte maneira: Presidente: -O titular da corporación ou o membro no quen delegue. Vogais: -O secretario xeral. --O interventor. -O Director de infraestruturas. Secretario: -O xefe do Servizo de Contratación. 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de contratación e procederase á cualificación da documentación xeral achegada polos licitadores no sobre A. No caso de que se precise o arranxo de erros ou omisións na documentación, a Mesa de contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, sinalará, en acto público, as que cualificasen como inadmitidas e admitidas e procederá á apertura do sobre B correspondente á documentación técnica valorable mediante criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase, no perfil do contratante da Deputación de Pontevedra, a data e hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Darase a coñecer, neste acto, a ponderación asignada á proposta técnica de cada empresa e procederase á apertura dos sobres C daquelas empresas que obtivesen unha ponderación dos criterios avaliables mediante xuízos de valor que superen os puntos indicados no apartado 3 do anexo I. Para a valoración das cifras ou valores do sobre C aplicaranse os criterios establecidos no apartado 3 do anexo I. Unha vez aplicados estes criterios clasificaranse as propostas en orde decrecente de valoración e propoñeráselle ó órgano de contratación a adxudicación a favor do licitador que obtivese a oferta economicamente máis vantaxosa. Cando a Mesa de contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas ó respecto das disposicións relativas á protección do emprego e as condicións de traballo vixentes no lugar en que se vaia realizar a prestación, ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN A PRESENTAR POLA EMPRESA QUE PROPOÑA A OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, para cuxo efecto poderá solicitar todos os informes técnicos que estime pertinentes, clasificaraas por orde decrecente e requiriralle á empresa coa oferta mais vantaxosa que, dentro do prazo de dez días hábiles, presente a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013, de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose, a acreditación da capacidade de obrar realizarase mediante escritura ou documento de constitución, estatutos ou acto fundacional no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante un informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física, o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador, deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en dereito ó seu favor, debidamente inscrito no rexistro oficial correspondente que habilite para concorrer ó asinamento de contratos coas administracións públicas. No caso de concorreren á licitación varias empresas, constituíndo unha unión temporal cada unha delas, deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado: Os que comparezan ou asinen proposicións en nome doutro, ou representen a unha persoa xurídica, deberán presentar tamén unha escritura de poder debidamente bastanteado por un fedatario público cunha antigüidade non superior a 6 meses. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1. Certificación positiva expedida pola Tesourería da Seguridade Social, ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP, que acredite que se atopa ó corrente do pagamento das súas obrigas tributarias. 3. Orixinal ou copia compulsada da alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo completado cunha declaración responsable de non estar dado de baixa na matrícula do citado imposto. 4. Documentación acreditativa da efectiva disposición dos medios persoais e materiais que se comprometeu a adscribir a execución do contrato. 5. Deberá indicarse a parte do contrato que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial. 6. Documento que acredite a constitución da garantía definitiva. 7. Documento acreditativo do pagamento dos anuncios. 14. ADXUDICACIÓN O órgano de contratación terá alternativamente a facultade de adxudicar o contrato á proposición máis vantaxosa no seu conxunto, se se atende a unha pluralidade de criterios, ou á proposición que incorpore o prezo máis baixo, cando este sexa o único criterio a considerar. A adxudicación acordarase nunha resolución motivada no prazo máximo de dous meses, a contar desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados no artigo 152.3 do TRLCSP e 22.f do R. d. 817/2009, para as proposicións desproporcionadas ou anormalmente baixas. A adxudicación notificaráselle ós licitadores e, simultaneamente, publicarase no perfil de contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da mesa de contratación, cando non exista ningunha oferta ou proposición que sexa admisible de acordo cos criterios que figuran no prego. 15. SUBCONTRATACIÓN O contratista poderá concertar con terceiros a realización parcial do contrato, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberá indicarse na oferta (sobre B) a parte que teñan previsto subcontratar, sinalando a súa porcentaxe con respecto á totalidade do contrato e o nome ou o perfil empresarial, definido por referencia ás condicións de solvencia, profesional ou técnica, dos subcontratistas ós que se lles vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50% do importe do subcontrato. Os subcontratistas non terán en ningún caso acción directa fronte á administración contratante polas obrigas contraídas con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, segundo o indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado por Real decreto lexislativo 5/2000, de 4 de agosto. As administracións públicas e demais entes públicos contratantes poderán comprobar o estrito cumprimento dos pagamentos que os contratistas adxudicatarios dos contratos públicos han de facer a todos os subcontratistas ou subministradores que participen neles. En tal caso, os contratistas adxudicatarios remitiranlle ó ente público contratante, cando este o solicite, a relación detallada daqueles subcontratistas ou subministradores que participen no contrato, xunto coas condicións de subcontratación ou subministración de cada un deles que garden unha relación directa co prazo de pagamento. Así mesmo, deberán achegar, a solicitude do ente público contratante, un xustificante de cumprimento dos pagamentos unha vez terminada a prestación dentro dos prazos de pagamento legalmente establecidos no artigo 228 e na Lei 3/2004, de 29 de decembro, no que lle sexa de aplicación. Estas obrigas considéranse condicións esenciais de execución, cuxo incumprimento, ademais das consecuencias previstas polo ordenamento xurídico, permitirá a imposición das penalidades que para ese efecto se conteñan nos pregos. 16. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, fará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, para non alterar o bo funcionamento do servizo informando en todo momento á entidade contratante. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pagamento dos salarios; a concesión de permisos, licenzas e vacacións; as substitucións dos traballadores nos casos de baixa ou ausencia; as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra; as obrigas legais en materia de prevención de riscos laborais; o exercicio da potestade disciplinaria; así como cantos dereitos e obrigas se deriven da relación contractual entre empregado e empregador. 3. A empresa contratista velará especialmente porque os traballadores adscritos á execución do contrato desenvolvan a súa actividade sen extralimitarse nas funcións desempeñadas respecto da actividade delimitada nos pregos como obxecto do contrato. 4. A empresa contratista estará obrigada a executar o contrato nas súas propias dependencias ou instalacións agás que, excepcionalmente, sexa autorizada a prestar os seus servizos nas dependencias dos entes, organismos e entidades que fan parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que fan parte do sector público. 5. A empresa contratista deberá designar, polo menos, un coordinador técnico ou responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dunha banda, e a entidade contratante, doutra banda, en todo o relativo ás cuestións derivadas da execución do contrato. b) Distribuír o traballo entre o persoal encargado da execución do contrato e transmitirlles as ordes e instrucións que sexan necesarias en relación coa prestación do servizo contratado. c) Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do persoal ó posto de traballo. d) Organizar o réxime de vacacións do persoal adscrito á execución do contrato debendo, para ese efecto, coordinarse adecuadamente a empresa contratista coa entidade contratante para non alterar o bo funcionamento do servizo. e) Informar a entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 17. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte ó da notificación da adxudicación, constituíndo este documento título suficiente para acceder a calquera rexistro público. Non obstante, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non se poderá iniciar a execución do contrato sen a súa formalización previa. 18. OBRIGAS DO CONTRATISTA TRAS O ASINAMENTO DO CONTRATO Unha vez asinado o contrato o contratista terá a obriga de realizar as seguintes actuacións: 18.1. Control de seguridade e saúde: Deberá contactar coa empresa encargada do control da seguridade e saúde das obras da Deputación. Datos de contacto: Empresa: Atenea Seguridade e Ambiente (A82876905) Enderezo: rúa Médico Ballina, 73, 36005 Pontevedra Teléfono: 986 873 176 Correo-e: delegacion.galicia@ateneasa.com 18.2. Elaboración do Plan de seguridade e saúde de obra: Realizarase en base ó Estudo de Seguridade e Saúde ou, no seu caso, Estudo Básico de Seguridade e Saúde do proxecto (artigo 7 do Real decreto 1627/1997, de 24 de outubro, polo que se establecen as disposicións mínimas de seguridade e saúde nas obras de construción). En obras sen proxecto elaborarase unha avaliación de riscos aplicable á obra, sendo necesaria para a posterior comunicación de apertura do centro de traballo (Orde TIN/1071/2010, de 27 de abril, sobre os requisitos e datos que deben reunir as comunicacións de apertura ou de continuación de actividades nos centros de traballo). Estes documentos entregáronselle a Atenea, que realizará os seguintes trámites ante a Deputación de Pontevedra: a) Aprobación do Plan de seguridade e saúde da obra. b) Nomeamento do coordinador de seguridade e saúde durante a execución da obra. O Plan de seguridade e saúde deberá ser aprobado polo órgano de contratación antes do inicio da obra, co informe previo do coordinador nesta materia durante a execución da obra ou do director, no seu caso. 18.3. Comunicación de apertura do centro de traballo: Con anterioridade ó comezo dos traballos solicitarase a apertura do centro de traballo ante a autoridade laboral competente. Consellería de Traballo e Benestar. Servizo de Relacións Laborais de Vigo: Enderezo: rúa Concepción Arenal, núm. 8, 2º, 36202 Vigo Documentos que se deben achegar xunto co modelo/impreso oficial: Plan de seguridade e saúde aprobado ou avaliación dos riscos. Habilitación do Libro de Subcontratación ante a autoridade laboral competente (artigo 13 do Real decreto 1109/2007, de 24 de agosto, polo que se desenvolve a Lei 32/2006, de 18 de outubro, reguladora da subcontratación no sector da construción). 18.4. Solicitude de licenzas, autorizacións e impostos: O contratista, como substituto da Administración, está obrigado a xestionar o outorgamento de todas as licenzas, impostos, autorizacións e requirimentos establecidos nas normas e ordenanzas municipais e de calquera outro organismo público ou privado que sexan necesarios para o inicio, execución e entrega ó uso ou servizo das obras, solicitando da Administración os documentos que para iso sexan necesarios, sen prexuízo da actuación que a esta última lle corresponda. Así mesmo, o contratista estará obrigado a aboar nos prazos voluntarios establecidos o importe dos gastos e exaccións derivados dos impostos, licenzas, autorizacións e requirimentos referidos anteriormente e calquera que graven a execución e posterior ocupación da obra, gastos que serán de conta do contratista informando inmediatamente á Administración de cumprir os devanditos trámites. Se se entende que as liquidacións practicadas non se axustan a dereito o contratista quedará lexitimado para interpor contra estas os recursos pertinentes, comunicándolle este extremo á Administración contratante. O importe destas cargas derivadas da obra son parte dos gastos asumidos pola oferta económica e conforme a esta estipulación contractual trasládolle o deber de pagamento ó adxudicatario do contrato asinado. 18.5. Inicio das obras: A execución da obra comezará co asinamento da acta de comprobación de replanteo. A data de formalización desta acta non poderá ser maior dun mes desde a sinatura do contrato. Tras a súa formalización a acta de comprobación de replanteo deberá remitírselle inmediatamente ó Servizo de Contratación da Deputación de Pontevedra. Non se tramitará ningunha certificación ata o mes seguinte da entrega na Deputación da acta de comprobación de replanteo. Naqueles casos nos que non resulten acreditadas as circunstancias que permitan considerar favorable a acta ou o director da obra considere necesaria a modificación das obras proxectadas, quedará suspendida a súa iniciación, facéndose constar na acta, e quedando obrigado a dar conta inmediata á Administración, que resolverá o que proceda. No momento de se ditar a resolución quedará suspendida a iniciación das obras desde o día seguinte ó do asinamento da acta, computándose a partir desta data o prazo de seis meses ó que fai referencia o artigo 238 do TRLCSP. Desaparecida a causa que motivou a falta de inicio o órgano de contratación ditará a resolución correspondente, que se lle notificará ó contratista. O prazo de execución empezará a contarse desde o día seguinte ó da recepción da notificación do acordo de autorización de inicio das obras. O disposto anteriormente aplicarase igualmente cando o contratista formulase reservas no acto de comprobación do replanteo. No entanto, se a xuízo do órgano de contratación tales reservas resultasen infundadas, non quedará suspendida a iniciación das obras nin, en consecuencia, será necesario ditar un novo acordo para que se produza a súa iniciación e se modifique o cómputo do prazo para a súa execución. A acta de comprobación do replanteo fará parte integrante do contrato ós efectos da súa esixibilidade. 18.6. Certificacións: A dirección de obra realizará mensualmente a medición das unidades de obra executadas redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. Emitirase a certificación aínda que o seu importe sexa 0. Deberán presentarse no Rexistro da Deputación, coa conformidade da dirección de obra e dos técnicos responsables, nos cinco primeiros días de cada mes. A factura deberase remitir unha vez estea conformada a certificación en todo caso antes dos 30 días da realización do obxecto do contrato; no rexistro de facturas contable só se rexistrará a factura. Aquelas certificacións e facturas que se presenten con data posterior, a Administración quedará coa potestade de non tramitalas ata o mes seguinte. Non se admitirán as facturas que teñan unha data anterior a cinco días desde a súa entrada no Rexistro. As certificacións de obra axustaranse ós modelos de certificación común e anticipada para obras da Deputación que foron aprobadas pola Resolución presidencial, de 13 de xullo de 2007, e que se atopan na área de descargas da páxina web www.depo.es. O técnico director deberá practicar nas certificacións de obra as retencións correspondentes ás porcentaxes de seguridade e saúde, a taxa por dirección de obra e a ofertada polo adxudicatario en concepto de control de calidade. Estas retencións aplicaranse sobre o orzamento de execución material do orzamento de adxudicación. As certificacións de obra que recollan unha execución en mora teñen que ir acompañadas da xustificación da mora polo contratista e o correspondente informe de conformidade da dirección da obra; en caso contrario será necesario que a certificación recolla a retención correspondente ás penalidades. 18.7. Solicitude de prórroga no prazo de execución: As obras executaranse con estrita suxeición ós pregos de condicións, proxecto e o prazo ofertado. A prórroga é un instrumento excepcional que deberá ser expresamente concedido polo órgano de contratación, tras a previa petición do contratista ó que deberá acompañarse dun informe favorable do director de obra. 18.8. Modificación do proxecto: A consideración da necesidade da modificación do proxecto recae exclusivamente no director de obra, quen solicitará de forma inmediata a autorización do órgano de contratación para iniciar o correspondente expediente e redactar un proxecto modificado unha vez autorizado. Unicamente poderase modificar o contrato cando se estableza no anexo I, de forma clara, precisa e inequívoca as condicións en que poderá facerse uso desta posibilidade, ou polas circunstancias previstas no artigo 107 TRLCSP. 19. OUTROS GASTOS A CARGO DO ADXUDICATARIO Ademais dos anteriormente sinalados (gastos dos anuncios ou pagamento das licenzas de obrigado aboamento nos prazos voluntarios establecidos; o importe dos gastos e exaccións derivados dos impostos, licenzas, autorizacións e requirimentos e calquera que grave a execución e posterior ocupación da obra, gastos que serán de conta do contratista, informando inmediatamente á Administración do cumprimento os trámites), serán a cargo do adxudicatario os gastos que xere o expediente, así como os de carteis de obra, que serán colocados no lugar que lles indique a dirección de obra. Ademais, os adxudicatarios estarán obrigados a colocar toda a sinalización necesaria que garanta a plena seguridade da obra e a designar un xefe de obra coa cualificación técnica, capacidade e experiencia suficiente para representar ó contratista durante toda a execución da obra. Na área de descargas de documentos da páxina web poderase atopar o deseño dos carteis. 20. RESPONSABLE DO CONTRATO A Deputación poderá designar un responsable do contrato, vencellado a esta institución, ó que lle corresponderá supervisar a súa execución, adoptar as decisións e ditar as instrucións necesarias co fin de asegurar a correcta realización da prestación pactada. Estas facultades do responsable do contrato entenderanse sen prexuízo das que lle corresponden ó director facultativo das obras. 21. EXECUCIÓN DAS OBRAS E RESPONSABILIDADE DO CONTRATISTA As obras executaranse con estrita suxeición ás estipulacións contidas neste prego, ó proxecto que serve de base ó contrato e conforme ás instrucións que en interpretación técnica deste lle desen ó contratista ou ó director facultativo, e se é o caso, ó responsable do contrato, nos ámbitos da súa respectiva competencia. (art. 230 do TRLCSP). As instrucións de carácter verbal deberán ser ratificadas por escrito no máis breve espazo posible para que sexan vinculantes para as empresas. No suposto de incumprimento dos compromisos ou das condicións especiais de execución do contrato ofertados polo contratista, referente ós materiais ou medios persoais (por exemplo, dedicación dun número determinado de medios humanos ou unhas características especiais dos traballadores ou técnicos ofertados), a Administración poderá penalizar o contratista ata un importe do 10% do orzamento (art. 212.1 do TRLCSP). O contratista indemnizará todos os danos e perdas que se lle causen a terceiros como consecuencia da realización das obras contratadas (art. 214 do TRLCSP). 22. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se as obras sufrisen un atraso na súa execución, e sempre que o mesmo non for imputable ó contratista e este ofrecese cumprir os seus compromisos, concederase polo órgano de contratación un prazo que será, polo menos, igual ó tempo perdido, a non ser que o contratista pedise outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. A petición de prórroga por parte do contratista deberá ter lugar nun prazo máximo de quince días desde aquel en que se producir a causa orixinaria do atraso, alegando as razóns polas que estime que non lle é imputable e sinalando o tempo probable da súa duración, ós efectos de que a Administración poida oportunamente, e sempre antes da terminación do prazo de execución do contrato, resolver sobre a súa prórroga, sen prexuízo de que unha vez desaparecida a causa se reaxuste o prazo prorrogado ó tempo realmente perdido. Cando o contratista, por causas imputables a si mesmo, incorrese en demora respecto ó cumprimento do prazo total, a Administración poderá optar, indistintamente, pola resolución do contrato ou pola imposición de penalidades que figuran neste prego. Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á resolución deste ou acordar a continuidade da súa execución con imposición de novas penalidades. Neste último suposto o órgano de contratación concederá a ampliación do prazo que estime necesaria para a terminación do contrato. A Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á que a Administración poida ter dereito por danos e perdas ocasionados con motivo do atraso imputable ó contratista. 23. RECEPCIÓN E CERTIFICACIÓN FINAL DE OBRAS O contratista comunicaralle á dirección da obra a data prevista para a terminación da execución do contrato, ós efectos de que se poida realizar a recepción. Na recepción concorrerán o responsable do contrato ou un facultativo designado pola Administración en representación desta, o facultativo encargado da dirección das obras e o contratista asistido do seu facultativo, se o estima oportuno. Do resultado da recepción levantarase unha acta que subscribirán todos os asistentes, retirando un exemplar orixinal cada un deles. Recibidas as obras procederase a seguir á súa medición xeral polo director de obra con asistencia do contratista, formulándose sobre o resultado a correspondente relación valorada e tramitándose, antes do transcurso de tres meses desde a recepción, a correspondente certificación final. Os excesos de obras que non superen o 10% do contrato, excluído o IVE, deberán ser certificados ó final acompañados dun informe do director de obra xustificándoos. A dirección da obra achegará á acta de recepción un estado de dimensións e características da obra executada que defina con detalle as obras realizadas tal e como se atopan no momento da recepción, para os efectos de inventario. 24. XUSTIFICACIÓN DAS MELLORAS O técnico director acompañará á certificación final, tras a recepción da obra, a xustificación da aplicación das melloras ofertadas polo adxudicatario, mediante un informe ó que se engadirá unha relación valorada das distintas unidades de obra con indicación para cada unha delas dos prezos unitarios e totais. Na valoración das melloras non se terán en conta as porcentaxes de gastos xerais (13%), o beneficio industrial (6%) nin o IVE (21%). 25. LIQUIDACIÓN DA OBRA Transcorrido o prazo de garantía, se o informe do director da obra sobre o seu estado for favorable, formularase no prazo dun mes a proposta de liquidación das realmente executadas, tomando como base para a súa valoración as condicións económicas establecidas no contrato. O órgano de contratación aprobará a liquidación da obra, podendo existir unha variación no saldo do contratista en contra ou a favor, que, no último caso, lle será aboada a cantidade endebedada. 26. GARANTÍA DA OBRA A obra terá un período de garantía desde o día seguinte ó da data de formalización da acta de recepción, neste tempo o contratista estará obrigado á súa conservación e policía e á reparación dos danos producidos pola defectuosa execución da obra. De se producir un incumprimento dos deberes accesorios propios da garantía, non podendo resolverse o contrato, poderase incautar a garantía e se non for suficiente, poderanse reclamar danos e perdas pola vía de constrinximento. Dentro do prazo dos quince días anteriores ó cumprimento do prazo de garantía, o director facultativo da obra, de oficio ou a instancia do contratista, redactará un informe sobre o estado das obras. Se este for favorable, o contratista quedará relevado de toda responsabilidade. No caso de que o informe non fose favorable e os defectos observados se debesen a deficiencias na execución da obra e non ó emprego do construído durante o prazo de garantía, o director da obra procederá a ditarlle as oportunas instrucións ó contratista para a debida reparación do construído, concedéndolle un prazo para iso durante o cal continuará encargado da conservación das obras, sen dereito a percibir cantidade ningunha por ampliación do prazo de garantía. 27. DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada por eles mesmos, previo aviso ó Servizo de Contratación, mediante escrito ordinario ou electrónico no correo-e contratacion@depo.es, transcorridos tres meses contados desde o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no suposto de que interpuxesen reclamacións ou recursos, ou exista algunha incidencia administrativa. Transcorridos os prazos anteriormente mencionados esta Administración disporá da documentación quedando exenta de toda responsabilidade. 28. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 237 do TRLCSP. 29. XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resolvidas polo órgano de contratación, cuxas resolucións esgotarán a vía administrativa deixando expedita a vía xurisdicional, contencioso-administrativa, a teor do disposto na lei reguladora desta xurisdición. Ditos anexos son como seguen: ANEXO I CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN OBXECTO DO CONTRATO Execución da obra “Variante no lugar de Rebón na E.P. 0503 (Moraña)”. 1.2. PROCEDEMENTO División en lotes: non. Cualificación contrato: obra. CPV: 45000000. Trámite: ordinario. Procedemento: aberto. Órgano de contratación: Xunta de Goberno. Prazo de presentación de ofertas: 26 días naturais (artigo 159.2 do R. d. l. 3/2011), a contar desde o día seguinte ó da publicación do seu anuncio no BOP 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN: Formulación do prezo: prezo tanto alzado: Importe sen IVE: 684.166,21 € IVE (21%): 143.674,91 € Total con IVE: 827.841,12 € B) FINANCIAMENTO: Cadro de financiamento: Anualidade Aplicación orzamentaria Importe 2014 14/456.453.612.02 827.841,12 € Revisión de prezos: non procede, por ter un prazo de execución inferior a un ano. 1.4. PRAZO DE EXECUCIÓN O prazo máximo para a execución da obra de referencia establécese en seis meses contados desde o día seguinte ó do asinamento da acta de comprobación de replanteo, agás que exista razón fundada que impida o seu comezo. 1.5. RÉXIME DE PAGAMENTOS. CERTIFICACIÓNS A dirección de obra realizará mensualmente a medición das unidades de obra executadas, redactando unha relación valorada, na que tomará como referencia os prezos contratados, e sobre a que expedirá a correspondente certificación de obra. 1.6. GARANTÍAS Provisional: non procede. Definitiva: 5% do importe de adxudicación do contrato (IVE excluído). Prazo de garantía mínimo: o adxudicatario deberá garantir cando menos por un ano a execución da obra. 1.7. PENALIZACIÓNS No suposto de incumprimento dos compromisos ou das condicións especiais de execución do contrato ofertados polo contratista aplicarase o disposto no artigo 212 do TRLCSP. 2. SOLVENCIA ECONÓMICA, FINANCEIRA E TÉCNICA (Documentación a presentar na fase de requirimento, segundo figura na cláusula 13.1. do prego económico-administrativo) Clasificación: Grupo G, subgrupo 4, categoría c. Declaración indicando a maquinaria, o material e o equipo técnico do que se dispoñerá para a execución das obras, á que se lle achegará a documentación acreditativa pertinente. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios directamente vencellados ó obxecto do contrato: 3.1 Criterios non avaliables mediante fórmulas (sobre B): máximo de 36 puntos: • Memoria construtiva e programa de traballo, ata un máximo de 26 puntos. • Memoria de seguridade e saúde, ata un máximo de 5 puntos. • Programa de actuacións ambientais, ata un máximo de 5 puntos. 3.2 Criterios de valoración automática (sobre C): máximo de 64 puntos: • Valoración da oferta económica, ata un máximo de 45 puntos. Este criterio valorarase en función da fórmula establecida no anexo III. • Plan de control de calidade da obra, ata un máximo de 5 puntos. Puntuarase de acordo ca seguinte fórmula: Puntuación= % de control ofertado x 5 % máximo de control ofertado Se non se oferta ningunha porcentaxe ou o ofertado e menor do 1,00 %, reterase o 1,00 %. • Melloras ofertadas polo licitador sen custo para a Deputación de Pontevedra, ata un máximo de 14 puntos. Os licitadores poderán ofertar o número de unidades sobre os conceptos establecidos na lista de melloras, podendo ofertar unidades en un ou varios conceptos. Deberase ter en conta que, no caso de ofertar a mellora correspondente a M² Capa de rodadura, deberanse ofertar obrigatoriamente an melloran M línea de 10cm con pintura acrílica, M Línea de 15 cm con pintura acrílica e a M² Rego de adherencia con emulsión bituminosa catiónica ECR-1. Este criterio valorarase de acordo o seguinte: En primeiro lugar multiplicarase o número de unidades ofertadas polo prezo establecido e posteriormente sumaranse os valores resultantes. Para o cálculo da puntuación acadada neste criterio, aplicarase ao importe total da suma a fórmula establecida no anexo III. Nota importante: A dirección de obra reservase o dereito de destinar o importe ofertado nas melloras a calquera dos conceptos establecidos coma melloras ou outros necesarios para executar a obra tal e coma estaba prevista, sempre que se motive adecuadamente no expediente. O licitador poderá ofertar as seguintes unidades de melloras: CONCEPTO PREZO FIXO UNITARIO (O importe será referido a execución material sen IVE, e sen gastos xerais e beneficio industrial) 1.- Ml limpeza e reapertura de cunetas por ambos marxes con trasporte de sobrantes e vertedeiro, incluso desbroce de taludes ata 4 metros de distancia medido desde a rasante da carreteira. 1,80 € 2.- Ml-Protección de seguridade para motociclista tipo BMNSA2 suxeita aos postes, i/p.p. de tornillería e fixancións, galvanizada e nivelada, totalmente terminada. 19,50 € 3.- Ml Barrera de seguridade tipo BMSNA4/120b según O.C. 321/95 en acero galvanizado con poste metálico de 1,5 m de longitud cada 4m, p.p. de separadores, conectores, tornillería e captafaros, totalmente colocada en recta mediante hincado de postes sobre terra compactada terreno de dureza similar (i/p.p. de abatimento de barreira tipo BMSNA segundo O.C. 321/95 en acero galvanizado de lonxitude segundo normativa, con postes metálicos de 1,5 m de lonxitude cada 2m, p.p. de separadores, conectores, peza angular, tornillería, captafaros e tope final, totalmente colocado mediante hincado de postes sobre terra compacta ou terreno de dureza similar 36,06 € 4.- M² Capa de rodadura formada por 5 cm de mezcla bituminosa tipo AC16 surf 50/70 D, extendida e compacta ao 97% do ensayo Marshall, incluso filler e betún. 6,40 € Deberase ofertar, xunto con esta mellora, as tres melloras seguintes: - M Línea de 10 cm con pintura acrílica en base acuosa e microesferas de vidrio, con máquina autopropulsada, i/p.p, de premarcaxe 0,33 € - M Línea de 15 cm con pintura acrílica en base acuosa e microesferas de vidrio, con máquina autopropulsada, i7p.p. de premarcaxe 0,38 € - M² Rego de adherencia con emulsión bituminosa catiónica ECR-1 segundo a norma UNE-EN 13108, con unha dotación de 0,5kg/m², incluso extensión, limpeza e barrido previo do soporte 0,36 € Nota importante: Deberase ter en conta que, no caso de ofertar a mellora correspondente a M² Capa de rodadura, deberanse ofertar obrigatoriamente an melloran M línea de 10cm con pintura acrílica, M Línea de 15 cm con pintura acrílica e a M² Rego de adherencia con emulsión bituminosa catiónica ECR-1. Os criterios avaliables mediante xuízos de valor valoraranse de conformidade cos seguintes criterios: -Memoria construtiva e programa de traballo, ata un máximo de 26 puntos. Valorarase o coñecemento do proxecto e do terreo onde se executará a obra, debéndose explicar a metodoloxía a empregar na súa execución, as provisións a utilizar e os medios materiais e humanos que se compromete a adscribir. Os licitadores presentarán un programa de execución da obra que contemple os prazos parciais, debendo existir unha coherencia entre a planificación e os medios adscritos. Nota moi importante: na documentación que se presente no sobre B, e en especial neste apartado, non se poderá incluír ningún dato que permita intuír a proposta económica ofertada polo licitador. Toda referencia económica en relación ó programa de traballo e á súa execución por anualidades, no seu caso, presentarase única e exclusivamente no sobre C. O incumprimento deste precepto provocará a exclusión da oferta no proceso de licitación. - Memoria de seguridade e saúde, ata un máximo de 5 puntos: 1. Definición da cuestión principal en relación coa seguridade e saúde dos traballos Describiranse as actividades de maior problema na súa execución en relación coa seguridade e saúde. Definiranse as actuacións preventivas a desenvolver a través de procedementos construtivos que integren a prevención de riscos laborais en cada un dos pasos a seguir na execución da correspondente unidade de obra. 2. Análise da organización preventiva e sistema de xestión da prevención a desenvolver na obra Neste apartado desenvolverase, entre outros aspectos, cal vai ser o sistema de xestión da prevención de riscos laborais a aplicar na obra, debendo especificar os medios de coordinación preventiva necesarios, de acordo co Real decreto 171/2004, en materia de coordinación de actividades empresariais, así como a forma en que se vai realizar a información de riscos e medidas preventivas ós traballadores na obra, a supervisión das avaliacións de riscos e medidas preventivas específicas para a obra a presentar por cada un dos subcontratistas intervenientes e outras. Así mesmo, presentarase o sistema de selección de empresas subcontratistas en relación con aspectos a considerar en materia de prevención de riscos laborais. 3. Análise das actividades de especial perigosidade a desenvolver na obra (anexo I. do R. d. 1627/97) Neste apartado realizaranse, entre outros aspectos, a descrición das actividades de especial perigosidade a executar na obra, así como a designación dos recursos preventivos para realizar a supervisión e control permanente en obra de ditos traballos. Verificarase que as persoas asignadas reúnan os coñecementos, cualificación e experiencia necesarias e que conten coa formación mínima de nivel básico en prevención de riscos laborais, todo iso de acordo co establecido pola Lei 54/2003, de reforma do marco normativo da prevención de riscos laborais. 4. Análise da proposta de información e estudo dos índices de sinistralidade da obra Neste apartado analizarase a proposta de presentación dos distintos índices de sinistralidade, así como a súa análise en comparación cos do sector da construción. Así mesmo presentaranse as propostas de estudo dos accidentes acaecidos na obra. 5. Relación de maquinaria, ferramentas e medios auxiliares a utilizar na obra Neste apartado solicitarase a documentación acreditativa de que toda a maquinaria e as ferramentas auxiliares cumpren a normativa vixente en materia de seguridade e saúde, e mais das revisións e mantementos de cada unha das máquinas xunto co seu protocolo de seguimento. Tamén se incluirán os documentos de autorización de uso de cada máquina ou equipo de traballo, cos nomes dos traballadores autorizados para o seu uso. 6. Documentación acreditativa da formación, información e entrega de EPI Presentarase a proposta de como realizar a formación dos traballadores en obra, así como de información dos riscos ós que están sometidos nela. Reflectirase o sistema de revisión e seguimento dos mencionados aspectos de formación e información. Presentarase o protocolo de entrega dos equipos de protección individual, da súa correcta utilización, mantemento e sobre os riscos dos que o protexen, así como se haberá de definir como se verificará a súa utilización por parte dos traballadores. 7. Relación de proteccións colectivas a empregar na obra Presentaranse as proteccións colectivas necesarias na obra, determinando como se definirá a súa necesidade e como se verificará a súa correcta utilización, estado e reposición. - Programa de actuacións ambientais, ata un máximo de 5 puntos Para este programa valoraranse as propostas de medidas de xestión ambiental e dos produtos a utilizar na obra, con inclusión dos certificados e demais documentos acreditativos destes requirimentos. Especialmente cualificarase a precisión na identificación de unidades de obra que poidan xerar impactos, a dispoñibilidade de instrucións de traballo, a organización física da obra, a localización de vertedoiros, a identificación de requirimentos legais e os sistemas de boa xestión ambiental propostos. As medidas ambientais valoraranse de acordo cos seguintes criterios: a) Se a execución da obra se realiza nun marco de xestión ambiental de acordo ó regulamento comunitario CEE1836/93, ou ben ás normas internacionais ISO (serie 1S014000) europeas EN ou españolas UNE (77/801-94 e 77/802-94). b) Se os materiais a utilizar polo licitador proveñen dun proceso de reciclado ou reutilización en máis dun 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. c) Se os materiais a utilizar polo licitador son reutilizables ou teñen un grao de reciclabilidade superior ó 50%, conforme a unha certificación emitida por un laboratorio ou organización que non faga parte do mesmo grupo de empresas ó que pertenza o ofertante. Estes materiais deberán cumprir as especificacións técnicas do proxecto, así como o prego de prescricións técnicas e calquera outra norma técnica de obrigado cumprimento. d) Se na execución da obra se contempla algunha das seguintes medidas: xestión ambiental de terras e materiais de obra, restauración paisaxística; redución na xeración de residuos; diminución da contaminación por verteduras, acústica, atmosférica ou do chan; redución do impacto visual, cultural ou sociolóxico; limitación de impacto sobre fauna e flora local; diminución do uso de combustibles fósiles ou utilización de enerxías renovables. Nota importante: só se procederá á apertura e á valoración das propostas do sobre C daquelas empresas que obtivesen unha ponderación dos criterios avaliables mediante xuízos de valor que superen os 15 puntos. 4. DOCUMENTACIÓN A PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1.- Unha relación de todos os documentos incluídos neste sobre 2.- Declaración responsable subscrita pola persoa que asine a proposición, de acordo co modelo que se achega no anexo II. 3.- Compromiso do licitador de dedicar ou adscribir ó contrato os medios persoais e materiais suficientes necesarios para a súa execución, ós que se refire o artigo 64.2 do TRLCSP. Sen prexuízo de que a xustificación acreditativa de tal requisito deba presentarse, antes da adxudicación do contrato. 4.- As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle o licitador. En todo caso as empresas estranxeiras presentarán os seus documentos debidamente traducidos de forma oficial ó castelán ou ó galego. Presentación do sobre A no caso de licitar a varias obras: No caso de que o contrato se divida en varias obras, se un mesmo licitador se presenta a varias obras poderá presentar un único sobre A. Pola contra, deberá presentar un sobre B e outro C por cada unha das obras ás que se presente. SOBRE B: DOCUMENTACIÓN CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Presentarase pechado e contendo os seguintes documentos: 1. Como primeiro documento presentarase unha relación numerada e foliada de todos os documentos, asinada e selada polo representante legal da empresa 2. Memoria construtiva e programa de traballo 3. Melloras ofertadas 4. Memoria de seguridade e saúde 5. Programa de actuacións ambientais Toda a documentación relativa a este sobre deberá presentarse en formato A4 e cun límite máximo de 100 follas. Enténdese por folla unha cara dun folio. Poderase rexeitar unha proposición por incumprir esta condición. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e contendo o seguinte documento: Modelo de proposición, seguindo o modelo determinado no anexo IV do prego de condicións, asinado e selado. Este modelo conterá a oferta económica que se realice e a porcentaxe de control de calidade ofertada. En relación ó control de calidade, a porcentaxe que se lle aplicará deberá expresarse con dous decimais aplicada sobre o orzamento de execución material da obra e determinado no apartado destinado para iso no modelo de proposición. A Deputación reserva para si o dereito de aprobar a empresa que vaia realizar o control de calidade. Así mesmo, esa empresa deberá acreditar a disposición dun certificado de calidade. Non se aceptarán aquelas propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese do orzamento base de licitación, variase substancialmente o modelo establecido, comportase erro de relevo no importe da proposición ou existise recoñecemento por parte do licitador de que adoece de erro ou inconsistencia que a fagan inviable, poderá ser desbotada pola Mesa de contratación. Na proposición indicarase como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables de xeito automático mediante cifras ou porcentaxes por aplicación das fórmulas establecidas nos pregos. Os licitadores poderán optar a unha obra, a varias ou a todas as mencionadas na referida relación. ANEXO II DECLARACIÓN RESPONSABLE Nota: este modelo pode descargarse en formato PDF para cubrilo na área de descargas do seguinte enderezo web: http://www.depo.es/web/edepo/contratacion1 ANEXO III FÓRMULA DE VALORACIÓN “Enumeración dos criterios avaliables mediante formulas(Sobre C). Nota importante: Só se procederá á apertura e valoración das propostas do sobre C daquelas empresas que obtivesen unha ponderación dos criterios avaliables mediante xuizos de valor que superen os 15 puntos. Os criterios avaliables mediante fórmulas valoraranse cun máximo de 64 puntos de conformidade cos seguintes criterios: - Valoración oferta económica, ata un máximo de 45 puntos. - Valoración das melloras, ata un máximo de 14 puntos. - Plan de control de calidade da obra, ata un máximo de 5 puntos. Todos estes criterios valoraranse conforme a formúlaa que se estable a continuación Entenderase por ofertas admitidas todas aquelas que non quedaran excluídas unha vez realizados o exame da documentación administrativa contida no sobre A, e a análise técnica da documentación contida no sobre B. • P: prezo de licitación • N: número de ofertas • O1,O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,….,n) • b1,b2, ….., bn: baixas porcentuais con respecto a • bmax,bmin: baixas porcentuais máxima e mínima • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 9 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e polo tanto, non admisibles), suponse que as baixas bi, son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral, as puntuacións iniciais anteriores resultan moi pequenas, sobre todo cando as ofertas son moi semellantes. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quase-proporcional á baixa: • Se : • Se : A valoración final das ofertas obtense agora do seguinte modo: , =1,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20% (figura 2). Nota. No caso particular en que todas as ofertas sexan iguais en prezo de licitación se ten b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgarlles a todas elas unha puntuación nula . Na práctica, esta situación tamén se produce cando as baixas son todas moi pequenas aínda que non sexan exactamente cero. Por iso propoñemos darlles unha puntuación nula a todas as ofertas sempre que . 4. Fórmula completa para valoración de ofertas: 1. Definición de Wmax: 2. Definición de S: • Se : , • Se : 3. Valoración das ofertas cando bmax > . Para i=1, …..n: Se entón , • Se entón 4. Valoración das ofertas cando • Para i= 1, ….,n: OFERTAS CON VALORES ANORMAIS OU DESPROPORCIONADOS Consideraranse ofertas con valores anormais ou desproporcionados aquelas cuxo porcentaxe de baixa exceda nas porcentaxes que se sinalan a continuación en función do número de empresas presentadas e admitidas ó procedemento: - Unha oferta: Será anormal si a súa baixa porcentual é superior al 25% do prezo de licitación. - Dúas ofertas: Unha das ofertas será anormal si a súa baixa porcentual é superior á da outra en máis de 20 unidades. - Tres ofertas: Serán anormais aquelas que teñan baixas porcentuais superiores en más de 10 unidades a media aritmética das baixas porcentuais das baixas admitidas. Sen embargo, excluirase para o cómputo de dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas o más: Consideraranse temerarias aquelas ofertas con baixas porcentuais que sexan superiores en máis de 10 unidades a media das baixas porcentuais das ofertas admitidas. No obstante, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, si o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: Se b1 > 25, entonces la oferta 1 (única) é temeraria. • n = 2: Supoñemos que . Se entonces la oferta 2 é temeraria. Obsérvese que la condición equivale a porque: • n = 3: Supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i es temeraria. • N ≥ 4: Supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = si y si y , bm si Para i = 1,2,……,n, se b1 > b*m + 10 a oferta i é temeraria.” ANEXO IV MODELO DE PROPOSICIÓN (SOBRE C) D.ª/D........., maior de idade, veciño de........., con domicilio en …......., titular do DNI…...., expedido na data ......., actuando en nome propio ou en representación da empresa ....... (CIF núm. ........) e con domicilio en ........., teléfono ........... segundo acredito mediante poder debidamente bastanteado. Decatado do anuncio para adxudicar mediante procedemento aberto o contrato correspondente á obra (especificar denominación da obra): Primeiro. Declaramos que na execución do contrato se cumprirán as obrigas derivadas das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos a prestar o servizo con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: - Polo prezo de ___ (en letra e número) euros, máis ___ euros (en letra e número) correspondente ó IVE - Prezo total (en letra e número): -% de Control de calidade ofertado: -Prazo de execución ofertado: - Melloras ofertadas (descrición): (Nota importante: No caso de ofertar a mellora correspondente a M² Capa de rodadura, deberanse ofertar obrigatoriamente as melloras M liña de 10cm con pintura acrílica, M Línea de 15 cm con pintura acrílica e a M² Rego de adherencia con emulsión bituminosa catiónica ECR-1) Concepto Prezo Fixo Unitario Nº Und Ofertadas Importe Total (Nº Und X Prezo Fixo Unitario 1.- Ml limpeza e reapertura de cunetas por ambos marxes con trasporte de sobrantes e vertedeiro, incluso desbroce de taludes ata 4 metros de distancia medido desde a rasante da carreteira. 1,80 € 2.- Ml-Protección de seguridade para motociclista tipo BMNSA2 suxeita aos postes, i/p.p. de tornillería e fixancións, galvanizada e nivelada, totalmente terminada. 19,50 € 3.- Ml Barrera de seguridade tipo BMSNA4/120b según O.C. 321/95 en acero galvanizado con poste metálico de 1,5 m de longitud cada 4m, p.p. de separadores, conectores, tornillería e captafaros, totalmente colocada en recta mediante hincado de postes sobre terra compactada terreno de dureza similar (i/p.p. de abatimento de barreira tipo BMSNA segundo O.C. 321/95 en acero galvanizado de lonxitude segundo normativa, con postes metálicos de 1,5 m de lonxitude cada 2m, p.p. de separadores, conectores, peza angular, tornillería, captafaros e tope final, totalmente colocado mediante hincado de postes sobre terra compacta ou terreno de dureza similar. 36,06 € 4.- M² Capa de rodadura formada por 5 cm de mezcla bituminosa tipo AC16 surf 50/70 D, extendida e compacta ao 97% do ensayo Marshall, incluso filler e betún: 6,40 € Deberase ofertar, xunto con esta mellora, as tres melloras seguintes - M Línea de 10 cm con pintura acrílica en base acuosa e microesferas de vidrio, con máquina autopropulsada, i/p.p, de premarcaxe 0,33 € - M Línea de 15 cm con pintura acrílica en base acuosa e microesferas de vidrio, con máquina autopropulsada, i7p.p. de premarcaxe 0,38 € Mesmo valor M Línea de 10 cm - M² Rego de adherencia con emulsión bituminosa catiónica ECR-1 segundo a norma UNE-EN 13108, con unha dotación de 0,5kg/m², incluso extensión, limpeza e barrido previo do soporte 0,36 € Mesmo valor M² Capa de rodadura IMPORTE TOTAL MELLORAS OFERTADO (O importe será referido a execución material sen Ive, e sen gastos xerais e beneficio industrial) Nota importante: Número de unidades requiridas a no caso de ofertar a mellora M² Capa de rodadura: Deberase ter en conta que o número de unidades ofertadas para a mellora M² Capa de rodadura deberá ser igual ás ofertadas para a mellora M² Rego de adherencia con emulsión bituminosa catiónica ECR-1. Así mesmo, o número de unidades ofertadas para a mellora M Línea de 15 cm con pintura acrílica en base acuosa deberá ser igual ás ofertadas para a mellora M Línea de 10 cm con pintura acrílica en base acuosa. ……………………………………., ….. de …………………… de ……….. (Lugar, data, sinatura e selo do licitador” 25.22880.- AUTORIZACIÓN DA AMPLIACIÓN Nº1 DOS ACORDOS MARCO PARA O ALUGUER DE MAQUINARIA, VEHÍCULOS DE TRANSPORTE E SUBMINISTRACIÓN DE MATERIAIS CORRESPONDENTES Ó ANO 2014 A Xunta de Goberno desta Deputación Provincial, na súa sesión ordinaria do día 18 de xullo de 2014, acordou a adxudicación dos acordos marco do procedemento aberto para o aluguer de maquinaria, vehículos de transporte e subministración de materiais para o ano 2014, formalizándose, posteriormente, os acordos mediante contrato cos adxudicatarios polos prezos unitarios e os importes máximos autorizados. O Xefe do Parque de Maquinaria, mediante escrito de data 12 de novembro de 2014, presenta neste Servizo unha proposta para aumentar a contía do lote nº 6, en 35.765,18 €, por estar esgotándose os importes máximos previstos no mesmo. O prego de condicións económico-administrativo na súa cláusula 20 establece que de ser necesario poderase aumentar a contía económica do lote sempre que exista financiamento para iso e se houbese esgotado a cantidade anual prevista. Coa nova cantidade procederase a iniciar un novo ciclo. Polo Servizo de Intervención emítese informe no que se indica a existencia de consignación, mediante RC complementario nº 201400163577, de data 04/12/2014, por importe de 35.765,18 €, con cargo á aplicación 14/456.453.210.00 do vixente Orzamento provincial. Considerando que a disposición adicional segunda do R.d.l. 3/2001, de 14 de novembro, polo que se aproba o Texto Refundido da Lei de Contratos do Sector Público, no seu apartado 1, faculta á Presidencia desta Deputación para actuar como órgano de contratación con competencia respecto a este contrato de subministro, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das Facendas Locais e o establecido nas bases de execución do vixente orzamento provincial, concretamente na Base 16ª. 2 a) onde figura que lle compete á Xunta de Goberno a fase correspondente á disposición dos gastos precisos para a contratación de subministros que, sendo competencia da Presidencia, superen o importe dos contratos negociados sen publicidade por razón da contía. A Xunta de Goberno acorda por unanimidade: Autorizar a ampliación nº1 dos acordos marco para o aluguer de maquinaria, vehículos de transporte e subministración de materiais, correspondentes ó ano 2014, no seu lote nº6 por importe de 35.765,18 €, IVE incluído. Os importes autorizados ás empresas ampliaranse mantendo o prezo de adxudicación do procedemento aberto. O pago das prestacións de aluguer de maquinaria e vehículos de transporte obxecto desta ampliación efectuarase con cargo á aplicación orzamentaria 14/456.453.210.00 do vixente Orzamento provincial. 26.22881.- DEVOLUCIÓN DE GARANTÍAS DEFINITIVAS a) Devolución de garantías definitivas á empresa Deesece Ingeniería, S.L.P. A empresa Deesece Ingeniería, S.L.P. (CIF B 36.292.944), mediante escrito presentado perante esta Deputación solicitou a devolución dunha fianza constituída para responder dun contrato do que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do R.d.l.. 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. En base ós informes favorables que constan no expediente e de conformidade có establecido no artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, a Xunta de Goberno acorda por unanimidade a devolución da seguinte garantía: • A garantía definitiva constituída en metálico, por importe de oitocentos corenta e seis euros con corenta e tres céntimos (846,43 €), para responder do contrato relativo a “Dirección da execución da obra de adecuación do espazo anexo á Pousada de Ribadumia como centro deportivo de ocio, e accesos de este espazo coa propia pousada”, que foi depositada na Tesourería Provincial o 02/08/2012, segundo mandamento de ingreso con número de operación 201200059696. b) Devolución de garantías definitivas á empresa Applus Norcontrol, S.L.U. A empresa Applus Norcontrol, S.L.U. (CIF B- 15.044.357), mediante escrito presentado perante esta Deputación solicitou a devolución dunhas fianzas constituídas para responder dunha serie de contratos dos que resultou adxudicataria. Resultando que no expediente tramitado ó efecto figura informe emitido polo servizo correspondente e pola Intervención desta Deputación nos cales se establece que procede a devolución da citada garantía ó cumprirse satisfactoriamente o obxecto de dito contrato. Considerando que o artigo 102. 2 do R.d.l.. 3/2011, de 14 de novembro, polo que se aproba o T.R. da Lei de Contratos do Sector Público, establece que: “Aprobada a liquidación do contrato e transcorrido o prazo de garantía, se non resultaren responsabilidades devolverase a garantía constituída ou se cancelará o aval ou o seguro de caución”. En base ós informes favorables que constan no expediente e de conformidade có establecido no artigo 102. 2 do R.d.l. 3/2011, de 14 de novembro, polo que se aproba o T.R. da Lei de Contratos do Sector Público, a Xunta de Goberno acorda por unanimidade a devolución da seguinte garantía: • A garantía definitiva constituída en valores, mediante aval de Catalunya Caixa, por importe de catro mil novecentos cincuenta euros (4.950,00 €), para responder do contrato relativo a “Recollida de información do patrimonio cultural castrexo da comarca do Deza, dentro do proxecto DepoDeza (Cofinanciado nun 80% polo FEDER)”; que foi depositada na Tesourería Provincial o 18/09/2012, segundo mandamento de ingreso con número de operación 20120072723, sendo indispensable para retirala a presentación da carta de pagamento orixinal e o selo da empresa. • A garantía definitiva constituída en valores, mediante aval de Catalunya Caixa, por importe de oito mil novecentos cincuenta e cinco euros céntimos (8.955,00 €), para responder do contrato relativo a “Creación de modelos tridimensionais para a posta en valor do patrimonio cultural castrexo da comarca do Deza, dentro do proxecto DepoDeza (Cofinanciado nun 80% polo FEDER)”; que foi depositada na Tesourería Provincial o 21/09/2012, segundo mandamento de ingreso con número de operación 201200073532, sendo indispensable para retirala a presentación da carta de pagamento orixinal e o selo da empresa. 27.22882.- CORRECCIÓN DE ERRO NO ACORDO NÚM. 14.22833 ADOPTADO NA XUNTA DE GOBERNO DE DATA 28/11/2014, EN RELACIÓN COA CONCESIÓN DE SUBVENCIÓNS A ENTIDADES DEPORTIVAS E DEPORTISTAS INDIVIDUAIS PARA A REALIZACIÓN DE ACTIVIDADES DE CARÁCTER EXTRAORDINARIO (PROGRAMA R_14) Advertido erro no acordo núm. 14.22833 adoptado en Xunta de Goberno de data 28 de novembro de 2014, relativo á “Concesión de subvencións a entidades deportivas e deportistas individuais para a realización de actividades de carácter extraordinario (Programa R_14), a Xunta de Goberno acorda por unanimidade facer a seguinte corrección: - No apartado onde figura a subvención que se lle concedeu ó club Mos Slot do Concello de Mos, con CIF: G36991875 por un importe de 1.151,00 €, debe anularse dita subvención por incumprimento da base 3.1 das bases de subvencións a entidades deportivas e deportistas individuais para a realización de actividades de carácter extraordinario. 28.22883.- ROGOS E PREGUNTAS Non se formularon. E non habendo máis asuntos que tratar polo Sr. Presidente, sendo as once horas e vinte e cinco minutos do expresado día, dáse por rematada a sesión e dela esténdese a presente acta, que asina o Ilmo. Sr. Presidente, comigo, o Secretario que dou fe. O Presidente, O Secretario,

Área de notas

• Nota

Puntos de acceso

Área de control da descrición