Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido A C T A Da sesión ordinaria en primeira convocatoria, celebrada polo Pleno desta Deputación o día, 31 de outubro do 2014 No Salón de sesións da Deputación Provincial de Pontevedra, sendo as once horas e dez minutos do día trinta e un de outubro do ano dous mil catorce, baixo a Presidencia do Ilmo. Sr. Presidente Don Rafael Louzán Abal, reuníronse as/os Señoras/es Deputadas/os, Dona María Isaura Abelairas Rodríguez (PSdeG-PSOE), Don José María Bello Maneiro (PP), Don Uxío Benítez Fernández (BNG), Don José Antonio Cacabelos Rico (PSdeG-PSOE), Don José Crespo Iglesias (PP), Dona Begoña Estévez Bernárdez (PP), Dona Ornela Fernández Salgado (BNG), Don José Manuel Figueroa Vila (PP), Don Horacio Gil Expósito (PP), Don Juan Antonio González Pérez (PSdeG-PSOE), Don Fernando Guitián Guitián (PP), Dona Marta Iglesias Bueno (PP), Don José Carlos López Campos (PP), Don Xosé Cesáreo Mosquera Lorenzo (BNG), Don José Luis Pérez Estévez (PP), Dona María Pilar Ramallo Vázquez (PP), Don Eduardo José Reguera Ocampo (PSdeG-PSOE), Don Severino Reguera Varela (PP), Don Santos Héctor Rodríguez Díaz (PSdeG-PSOE), Don Moisés Rodríguez Pérez (PP), Don Alejandro Rodríguez Rodríguez (PP), Don Alberto Valverde Pérez (PP), Don Jesús Vázquez Almuíña (PP), Dona Ana Isabel Vázquez Reboredo (PP), Don Francisco Andrés Veiga Soto (PSdeG-PSOE) e Dona Iolanda Veloso Ríos (BNG), co obxecto de celebrar sesión ordinaria, do Pleno da Deputación, en primeira convocatoria, consonte á correspondente orde do día. Da fe do acto o Secretario, D. Carlos Cuadrado Romay, e está presente o Sr. Interventor, D. Antonio Graña Gómez. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.6520.- ACTAS ANTERIORES Sr. Presidente.- Aprobación dos borradores das actas das anteriores sesións, extraordinarias, dos días 1 de agosto e 1 de setembro. En principio se aproba. Acórdase, por unanimidade, aprobar os borradores das actas das anteriores sesións, extraordinarias, dos días 1 de agosto e 1 de setembro de 2014. a) Parte resolutiva: 2.6521.- DECLARACIÓN INSTITUCIONAL SOBRE A VIOLENCIA DE XÉNERO Sr. Presidente.- Punto número dous. Declaración Institucional contra a violencia de xénero, que temos aquí e que non sei … moi ben, pois, dalgunha maneira para que sexa de coñecemento público. Esta Declaración Institucional que está, en principio, así, pactada polas tres formacións políticas, quero entender, Bloque Nacionalista Galego, Partido Socialista e Partido Popular, di o seguinte: “Máis de 750 mulleres asasinadas en España dende 2003 é un dato o suficientemente tráxico como para remover conciencias e levarnos a todos a reflexionar sobre un problema, a violencia de xénero, que en pleno século XXI só pode ser abordado de forma global, integral e como un verdadeiro asunto de Estado. Así o entendemos os grupos políticos que formamos esta Corporación Provincial e que, coincidindo coa próxima celebración do Día internacional para a eliminación da violencia de xénero, queremos renovar e reforzar o noso compromiso de loita contra a violencia que de forma sistemática se vén exercendo contra a muller en todo o mundo e ó que España e esta provincia non son alleos. Este mesmo ano coñecemos o alarmante informe da Axencia de dereitos fundamentais da UE que revela que unha de cada tres europeas foi vítima dalgún tipo de violencia xénero. Sesenta e dous millóns de mulleres vítimas dunha sociedade machista que ata o de agora se ten demostrado incapaz de atallar un problema que atenta contra os dereitos fundamentais e contra os propios dereitos defendidos na Constitución Española, como o dereito á igualdade, á liberdade, á vida, á dignidade, á seguridade, e tamén, á non discriminación. Son as cifras e as consecuencias dunha lacra inaceptable en calquera espazo e tempo e que en pleno século XXI ten que levarnos moito máis alá da condena de cada un dos asasinatos, máis alá da actuación puntual ante cada crime e, por suposto, máis alá da conmemoración dun día no calendario. A loita contra a violencia de xénero ten que ser un traballo permanente e extenso. A violencia de xénero ten fondas raíces sociais, culturais e estruturais que só se poderán arrancar na medida en que exista un compromiso inequívoco de tolerancia cero por parte de toda a sociedade e na medida en que se establezan pautas de actuación para cambiar todos e cada un dos factores que están na base da que, sen dúbida algunha, é a actuación criminal máis estendida do mundo. Freala require unha actuación en múltiples campos (educación, xustiza, emprego, servizos sociais, sanidade, e información) que fai indispensable unir esforzos en todas as administracións e entre todos os axentes sociais para acadar unha resposta coordinada, eficaz e interdisciplinar, única forma de acabar con esta grave lacra social. Tense andado un gran camiño. O primeiro paso foi conseguir que o que non fai tanto se consideraban “crimes pasionais” e asuntos de orde doméstica, hoxe sexa considerado un grave problema social que a todos nos incumbe. O seguinte foi establecer medidas e destinar recursos á prevención e á sensibilización social, á protección das vítimas e dos seus fillos e fillas e a promover a eliminación de calquera discriminación que poida sustentar as actividades e actitudes machistas. O próximo ten que ser o que permita unha actuación conxunta, o máis ampla posible, para rachar coas estruturas sociais e culturais do patriarcado que están na base desta traxedia. Dende a corporación provincial queremos: Condenar e rexeitar as actitudes machistas que danan calquera sociedade democrática que se pretende igualitaria e que están na base da violencia de xénero; Amosar o noso apoio, solidariedade e recoñecemento a todas as mulleres que, dun ou doutro xeito, son vítimas de discriminación e desigualdade e, en especial, daquelas que sofren violencia física ou psíquica; Solicitar que todas e cada unha das administracións públicas, e comprometernos no que á Deputación de Pontevedra lle compete, a seguir desenvolvendo políticas activas de loita contra a violencia de xénero e investindo en medidas de prevención, sensibilización social e educación, e protección e apoio ás vítimas, detección precoz dos casos de violencia, servizos especializados, e recursos, tamén, de atención. Esta é, dalgunha maneira, a nosa declaración institucional que como digo vén avalada polos tres grupos que conforman esta corporación provincial. Polo tanto, pois, apoiamos o respaldo da mesma. O Pleno da Deputación de Pontevedra aproba, por unanimidade, a seguinte Declaración Institucional contra a violencia de xénero. Dita Declaración é como segue: “Máis de 750 mulleres asasinadas en España desde 2003 é un dato o suficientemente tráxico como para remover conciencias e levarnos a todos a reflexionar sobre un problema, a violencia de xénero, que en pleno século XXI só pode ser abordado de forma global, integral e como un verdadeiro asunto de Estado. Así o entendemos os grupos políticos que formamos esta Corporación Provincial e que, coincidindo coa próxima celebración do Día Internacional para a Eliminación da Violencia de Xénero, queremos renovar e reforzar o noso compromiso de loita contra a violencia que de forma sistemática se vén exercendo contra a muller en todo o mundo e ó que España e esta provincia non son alleos. Este mesmo ano coñecemos o alarmante informe da Axencia de Dereitos Fundamentais da UE que revela que 1 de cada 3 europeas foi vítima dalgún tipo de violencia. 62 millóns de mulleres vítimas dunha sociedade machista que ata o de agora se ten demostrado incapaz de atallar un problema que atenta contra os dereitos fundamentais e contra os propios dereitos defendidos na Constitución Española, como o dereito á igualdade, á liberdade, á vida, á dignidade, á seguridade, á non discriminación. Son as cifras e as consecuencias dunha lacra inaceptable en calquera espazo e tempo e que en pleno século XXI ten que levarnos moito máis alá da condena de cada un dos asasinatos, máis alá da actuación puntual ante cada crime e, por suposto, máis alá da conmemoración dun día no calendario: a loita contra a violencia de xénero ten que ser un traballo permanente e extenso. A violencia de xénero ten fondas raíces sociais, culturais e estruturais que só se poderán arrancar na medida en que exista un compromiso inequívoco de tolerancia cero por parte de toda a sociedade e na medida en que se establezan pautas de actuación para cambiar todos e cada un dos factores que están na base da que, sen dúbida algunha, é a actuación criminal máis estendida do mundo. Freala require dunha actuación en múltiples campos (educación, xustiza, emprego, servizos sociais, sanidade, información…) que fai indispensable unir esforzos entre todas as administracións e entre todos os axentes sociais para acadar unha resposta coordinada, eficaz e interdisciplinar, única forma de acabar con esta grave lacra social. Tense andado un gran camiño. O primeiro paso foi conseguir que o que non fai tanto se consideraban “crimes pasionais” e asuntos de orde doméstica, hoxe sexa considerado un grave problema social que a todos nos incumbe. O seguinte foi establecer medidas e destinar recursos á prevención e á sensibilización social, á protección das vítimas e dos seus fillos e fillas e a promover a eliminación de calquera discriminación que poida sustentar as actitudes machistas. O próximo ten que ser o que permita unha actuación conxunta, o máis ampla posible, para rachar coas estruturas sociais e culturais do patriarcado que están na base desta traxedia. Desde a corporación provincial queremos: • Condenar e rexeitar as actitudes machistas que danan calquera sociedade democrática que se pretende igualitaria e que están na base da violencia de xénero. • Amosar o noso apoio, solidariedade e recoñecemento a todas as mulleres que, dun ou doutro xeito, son vítimas de discriminación e desigualdade e, en especial, daquelas que sofren violencia física ou psíquica; • Solicitar que todas e cada unha das administracións públicas e comprometernos no que á Deputación de Pontevedra lle compete, a seguir desenvolvendo políticas activas de loita contra a violencia de xénero e investindo en medidas de prevención (sensibilización social e educación) e protección e apoio ás vítimas (detección precoz dos casos de violencia, servizos especializados, recursos de atención …).” 3.6522.- APROBACIÓN DO EXPEDIENTE DE MODIFICACIÓN DE CRÉDITOS NÚMERO 4/14 DA DEPUTACIÓN DE PONTEVEDRA: CRÉDITO EXTRAORDINARIO “EXT 03/14” E SUPLEMENTO DE CRÉDITO “SUP 04/14” Sr. Presidente.- Punto número tres. Aprobación do Expediente de modificación de créditos número 4/2014 da Deputación de Pontevedra: Crédito extraordinario e suplemento de crédito. Ten a palabra o Sr. Figueroa. Sr. Figueroa Vila.- Bos días. Hoxe traemos a Pleno unha aprobación de expediente de modificación de crédito, por un importe de 4 millóns de euros, 4.058.000€, onde as partidas máis importantes que levamos nesta modificación é para cumprir, neste caso, un compromiso coa cidade de Vigo, dun compromiso acordado, tamén, coa cidade de Vigo, onde se leva unha partida 1.365.000€ e que foi o que se acordou para a remodelación do Estadio de Balaídos. Tamén, hai unha transferencia ó concello de Agolada para adquisición de pendellos de 8.530€, e, tamén se leva a cabo, por un importe de 2.200.000€, melloras de estradas, expropiacións e proxectos e outras obras en diversas estradas da provincia que son necesarias. Tamén, para rematar, nun convenio co concello de Redondela, as instalacións deportivas por un importe de 700.000€. Cotas da FEMP e da FEGAMP por 134.000€. E, tamén, desas cantidades, desas partidas, unha partida para mantemento de instalacións deportivas por un importe de 250.000€. Este diñeiro se detrae das partidas de remanente de tesourería e de intereses, e, polo tanto, bueno, pois, o expediente de modificación de crédito está avalado polo informe de Intervención, o cal imos a por a votación, esperemos que se poida ter votos por unanimidade igual que se fixo na comisión informativa. Sr. Presidente.- Gracias Sr. Figueroa. Ten a palabra D. Cesáreo Mosquera. Sr. Mosquera Lorenzo.- Grazas Sr. Presidente. Bos días a todos e a todas. Ben, vén un expediente de modificación que o importe, vamos, a explicación que acaba de dar o portavoz do PP, pois, sorpréndenos un pouco, ¿non?, porque, realmente, hai gastos a maiores por 4.449.000€, ¿non?, que son a suma das partidas é esa, ¿non?, cousa que, sumado está co que se detrae, cos 400.000 que se detrae de intereses, de xuros, e, polo tanto, dá os 4.049.000€, senón nos enganamos. E por outro lado, tamén aparece na relación ou no expediente que estamos aquí, por ningún lado aparece o dos pendellos, pero, se cadra, temos un papel distinto, o dos pendellos da Golada non aparece por ningún lado, é que non está, eu fotocopie onte o expediente e non aparece. Sr. Presidente.- Non, porque xa foi nunha modificación de crédito anterior. Si, porque os que hai ata agora comprounos todos a Deputación, agora hai un acordo cun máis polo prezo pactado, que estaba dalgunha maneira cos anteriores, e, vamos, o que tiñamos aí, dalgunha maneira, é de quen o adquiría, pois, hipoteticamente a Deputación, como fixo os outros, ou lle dabamos o diñeiro ó concello e o adquiría o concello. Desde Intervención se suxire que mellor sexa o concello quen o … a idea é que unha vez que estea restaurado pasarllo todo ó concello. Sr. Mosquera Lorenzo.- Xa, pero digo, na modificación como tal non aparece. Sr. Figueroa Vila.- Ten razón o Sr. Mosquera…. Sr. Presidente.- Non, que non figura. Na modificación non aparece os oito, eran oito mil e pico euros. Sr. Mosquera Lorenzo.- Si, non. Pero non aparece, polo menos na que estaba onte no expediente, por iso quedamos así sorprendidos. Sr. Presidente.- Eran oito mil e pico de euros. Sr. Figueroa Vila.- Oito mil quiñentos euros. Sr. Presidente.- Eu pensei que dicías, tamén está en licitación, neste momento, unha actuación para os que se adquiriron ultimamente, e que imos… Sr. Interventor.- É que isto foi unha modificación que se meteu despois, á última hora. … Sr. Mosquera Lorenzo.- Pero onte non estaba no expediente. Sr. Interventor.- Non me din conta eu de comunicárvolo na comisión. Sr. Mosquera Lorenzo.- Vale, vale, dígoo simplemente porque. Sr. Figueroa Vila.- Si, que ten razón o Sr. Mosquera. Sr. Mosquera Lorenzo.- Se estamos falando de cousas distintas. Sr. Figueroa Vila.- Ten razón o Sr. Mosquera. Sr. Presidente.- Pero que saiba que é para iso. Sr. Mosquera Lorenzo.- Si, non. Pero digo, para unha vez que veñen desglosadas todas, máis ou menos, todas as partidas e se saben a que finalidade van, pois, quedamos coa sorpresa agora de … Bueno, con respecto á modificación, xa describiu o Sr. Figueroa, con esa matización, e en principio finánciase con remanentes líquidos de tesourería, e nós, pois temos que remitirnos ó que dixemos na anterior modificación, ¿non?, que a pesar de que o informe de Intervención lle di que habería que dedicar parte, textualmente di, “debería adoptarse parte deste remanente á amortización extraordinaria de operacións de débeda vixentes”. Pois nós non compartimos ese criterio, aínda que sexa un criterio legal, da normativa, que xa temos comentado neste Pleno, ou sexa, que se unha administración ten cartos para poder atender necesidades, pois, unha administración local, neste caso a Deputación, a normativa di que parte del, aínda que teña os cartos, que os teña en caixa, que os teña dispoñibles, que non supoña ningún risco de gastar o que non se ten, pois, parte deles hai que dedicalos a amortizar débeda, nós non compartimos ese criterio, e, vamos, temos que dicir que nos parece moi ben esta actitude de intentar gastar os cartos en necesidades que poida haber, e, á parte, en crear postos de traballo, ¿non?, porque, se se fai unha obra que se saiba, traballan os, traballan os, necesítanse traballadores para facela, ¿non?, entón, despois, esas empresas contratarán e non despedirán traballadores para facer estas obras. Entón, aplaudimos, porque é o criterio que temos, que en vez de pregarse esta Deputación ás directrices legais da, vamos, do Estado, e dedicar os cartos a devolverllos, a amortizar anticipadamente, pois, se dediquen a actividade económica e a prestar servizos dentro da provincia. O que nos sorprende é que isto o faga, que nos parece ben e, sen embargo, pois, á hora de pagar, por exemplo, a extra, a parte esa proporcional de extra ós funcionarios, que o Presidente anunciou que ía facelo, pois, resulte que despois nono faga porque a normativa non llo permite, ¿non?, bueno, é así unha dobre vara de comportarse con respecto á normativa en vigor. Con respecto ó destino destes 4.449.000€, pois, xa o dixo o Sr. Figueroa, ¿non?, o do convenio de remodelación do Estadio de Balaídos, creo que aquí non sobra, ou ben é pertinente un comentario, parece que cando foi o de Pasarón esta casa empeñouse en adxudicar a obra, agora, pois, parece que aprendeu de que meterse en casa allea, normalmente, non dá bo resultado, entón, deixa que sexa o concello de Vigo, transfírelle os cartos, ¿verdade?, ten unhas cantas vantaxes, ¿non?, entre elas, se despois a obra, pois, en vez de ser 30 millóns, pois, son 50, pois, será un problema do concello de Vigo non desta casa, ¿non?. Pero bueno, nas estradas non temos nada que dicir, e despois, o de concello de Redondela, pois, gustaríanos saber exactamente para que é, e se esa vía está aberta para os demais concellos. Probablemente, vamos, nos alegrará saber que esta vía está aberta para outros concellos, e que, polo tanto, en fin, se poderán acoller a iso. E votamos de menos, supoño que poderá ir noutra partida, votamos de menos a dotación, compromiso do Presidente, para mellorar, adecentar, a zona, vamos, o espazo que hai diante de Pasaron, a zona que hai diante de Pasarón, o concello de Pontevedra xa ten, xa fixo a dotación orzamentaria no pasado pleno, no pleno de setembro. Sr. Presidente.- Eu non teño, non teño o proxecto. Quedaches de mandalo, e non teño o proxecto aquí. Non, non, sabes que iso está. Sr. Mosquera Lorenzo.- Digo se pode ir a conta doutra partida xenérica. Sr. Presidente.- Non, non, senón vai contra esa que hai aí, esa que dis tu, agora, do concello de Redondela, que dalgunha maneira é, está pendente de rematar a reordenación das instalacións deportivas, que vai aí, que non é só Redondela, aí son máis municipios, Pontevedra, Redondela e outros, en todo caso. Polo tanto, eu é unha das cousas que lle había dito ó Alcalde de Pontevedra, que nos mandara o proxecto para rematar, eu creo que aquilo que, vamos, está nunha situación, como falaramos, que cando estivera o proxecto imos a meter, e dixemos que ademais colaborariamos ó 50% para rematar iso. Sr. Mosquera Lorenzo.- Perfecto. Bueno, pois, isto é o que temos que dicir da modificación de crédito, se esta casa ten diñeiro nas arcas, que o ten aí, que son remanentes líquidos que están na caixa, bueno, están nas contas, e que se pode gastar, pois, evidentemente, nós non imos poñer ningún obstáculo a que se gasten e que se usen para necesidades da provincia. O de Vigo xa está comentado na vez pasada, agardemos que sexa un paso para resolver ese confronto tan agudo e tan ácido que había entre a Deputación e o concello de Vigo, que estimamos que non é bo para ninguén. Moitas grazas. Sr. Presidente.- Moitas gracias, Sr. Mosquera. D. Santos Héctor. Sr. Rodríguez Díaz.- Bos días. Moi breve, tres cuestións. A primeira, a que vimos manifestando pleno tras pleno, cando hai unha modificación de crédito, créditos extraordinarios ou suplementos de crédito, levamos xa 25 millóns de euros no que vai deste ano, polo tanto, dicir de que non axustamos ben os presupostos cando os facemos. A segunda, que saudamos positivamente e anunciamos que imos apoiar esta incorporación de remanentes, en primeiro lugar, porque van dirixidas basicamente a inversións, que ó final estas inversións van a xerar actividade económica na nosa provincia e van a xerar, tamén, polo tanto, postos de traballo tan necesarios no momento que nos toca vivir. Nós víñamos reclamando, tamén, xa nunha moción que presentamos a este pleno da Deputación de Pontevedra, que debía participar na reforma do Estadio de Balaídos en Vigo. Pois ben, saudamos que nestes créditos extraordinarios, neste suplemento de crédito, se recolla de que se vai a destinar máis de 1.300.000€ para a reforma deste Estadio, e que as obras poidan empezar en breve, máxime coñecendo de que xunto coas achegas do concello de Vigo, Celta de Vigo, a Deputación de Pontevedra, hai un recente compromiso do Director xeral de deportes, do Sr. Lete, onde, tamén, parece ser que a Xunta de Galicia vai a achegar do seu presuposto tamén, para a reforma deste Estadio, polo tanto benvida esta decisión. E, tamén, nesta colaboración que nunca se debeu perder, e que dende logo dende o concello de Vigo non hai ningunha confrontación coa Deputación de Pontevedra, o que vén o concello de Vigo reclamando é de que se aporta 50 millóns de euros, a Deputación de Pontevedra, polo menos, debera tamén, ter unha correspondencia, tamén, nas súas inversións. E saudamos, pois, nesta liña que, tamén nos medios de comunicación o Sr. Presidente da Deputación manifestaba, tamén, que quería retomar a senda da colaboración co Museo de arte contemporáneo de Vigo, o Museo Marco. E para rematar, o certo é de que vai aquí metido en todos estes suplementos, créditos, e unha nova partida de 134.817€ que se suman ás que habían 110.000€ que era para facer fronte ás cotas que ten obriga da Federación española de municipios e provincias, dos anos 2012 e 2013, e, tamén, para a Federación galega de municipios e provincias. ¿Por que se contemplou tan pouca partida?, ou é que debiamos, ou estabamos con algún pufo con estes dous organismos. Ben, eu creo que isto, polo menos, deberamos coñecer que pasou aí, se foi un erro cando se presupostou, ou que é o que sucedeu. En todo caso, o Grupo Provincial Socialista imos votar a favor desta modificación, e, dende logo, que sirva para, como dicía, para que se reactive a economía e tamén o emprego na nosa provincia. Moitas grazas. Sr. Presidente.- Moitas gracias. Bueno, os comentarios en relación a esta modificación son coincidentes, polo tanto, eu creo que estamos todos nesa senda. Teño que agradecer neste sentido, como dicía o Sr. Mosquera, que hai varias interpretacións dende o punto de vista técnico, en relación a que se eses fondos teñen que ir para amortizar débeda ou van para xerar actividade económica, traballo, emprego, etc, pois, estamos nesta segunda parte, ou nesta segunda fórmula, porque os técnicos desta casa así o entenden, o cal eu lle agradezo que se poñan á disposición desta segunda fórmula que creo que é boa para todos, ¿non?, de xerar actividade económica e, en definitiva, levar adiante esta mellora. No caso de Balaídos creo que xa o falamos, á parte de Balaídos vai outra dotación económica para a mellora das infraestruturas, que non son Balaídos, que son os campos que no seu día se construíron para, que dalgunha maneira están, pois, case no seu tramo final, para intentar alargarlle algo máis a súa vida, no cal o concello de Vigo vai a poñer, tamén, outra parte, e así poder, dalgunha maneira, pois atender, tamén, o deporte base de Vigo, o cal, pois, creo que é dentro do razoable. E, bueno, xa dicía o Sr. Mosquera, en relación ó tema de, comparativo con Pasarón, que no caso este en concreto de Pasarón, ou de Vigo, no caso de Vigo participa o Real club Celta, que ten cedida esa instalación pero, ademais, participa poñendo contía económica, o cal é unha diferenza considerable co que realmente aconteceu no tema de Pasarón á hora de executar esa obra, ¿non?, por iso que é unha diferenza importante. E, despois, bueno, o outro, como dixen, é para convenios varios, entre os cales hai o remate da reordenación das instalacións deportivas en Redondela, quero recordar, máis ese tema de Agolada, que cunha actuación que está en marcha agora mesmo, que xa está en proceso, quero recordar, ou así creo que mo trasladaron dende Contratación, está en licitación neste momento, para rehabilitar os últimos pendellos que dalgunha maneira foron adquiridos, amén deste último que se vai adquirir agora finalmente. E, bueno, creo que non hai nada máis, polo tanto, bueno, pois como ben dicía o portavoz do Partido Socialista, creo que hoxe, pois, aprobamos unha modificación de crédito, pois, por unanimidade de todos os grupos, o cal creo que é unha moi boa noticia, que sobre todo como ben se dixo agora aquí, vén para xerar actividade económica e emprego na provincia de Pontevedra que benvida sexa. Polo tanto, ¿votos en contra deste punto?. ¿Abstencións?. ¿Aprobación?. Aprobamos todos. O Ilmo. Sr. Presidente da Deputación Provincial de Pontevedra a través de escrito de data 20 de outubro de 2014, propón ó Pleno a aprobación do expediente de modificación de créditos número 4/14 da Deputación de Pontevedra (que integra o expediente de crédito extraordinario “EXT 03/14” e o de suplemento de crédito “SUP.04/14”) dentro do vixente orzamento provincial, motivando a tramitación do mesmo pola necesidade de realizar gastos que non se poden demorar ata o exercicio seguinte ó non existir consignación suficiente no estado de gastos do orzamento corrente ou sendo esta insuficiente para facer fronte ós mesmos. Resultando que o informe de Intervención de data 20 de outubro de 2014 indica que este expediente cumpre cos requisitos previstos na normativa de aplicación, tanto en relación cos gastos que se pretenden financiar como cos recursos que os financian, así como que a súa tramitación respecta o equilibrio orzamentario. Considerando o disposto nos artigos 177, 179 e 180 do Real Decreto Lexislativo 2/2004, de 5 de marzo, polo que se aproba o Texto refundido da Lei reguladora das Facendas Locais; nos artigos 34 a 38 do Real Decreto 500/1990, de 20 de abril, e nas bases 7ª e 8ª de execución do orzamento 2014, en canto a competencia e tramitación a seguir na aprobación do expediente de modificación de créditos número 4/14 da Deputación de Pontevedra, o Pleno, de conformidade co ditame da Comisión Informativa de Economía, Facenda e Turismo, acorda por unanimidade: Primeiro: Aprobar o expediente de modificación de créditos número 4/14 da Deputación de Pontevedra (integrado polo expediente de crédito extraordinario “EXT 03/14” e o de suplemento de crédito “SUP.04/14”) co seguinte detalle: 1) Créditos Extraordinarios “EXT. 03/14”: APLICACIÓN DENOMINACIÓN IMPORTE 942-336-762,03 TRANSFERENCIAS Ó CONCELLO DE AGOLADA (Adquisición pendellos) 8.530,00 € 942-342-762,58 TRANSFERENCIAS Ó CONCELLO DE VIGO (Convenio Remodelación Estadio de Balaidos) 1.365.000,00 € Total Créditos Extraordinarios… 1.373.530,00 € Financiamento do expediente de Créditos Extraordinarios 03/2014: O expediente finánciase con aforro propio procedente de exercicios anteriores, remanente líquido de tesourería para gastos xerais. Contabilizándose as seguintes operacións: CONCEPTOS DE INGRESO DENOMINACIÓN IMPORTE 931-870,01 Remanente de Tesourería - Aplicado para financiar Créditos Extraordinarios (EXT. 03/14) 1.373.530,00 € 2) Suplementos de Crédito “SUP. 04/14”: APLICACIÓN DENOMINACIÓN IMPORTE 456-453-612,02 ESTRADAS, EXPROPIACIÓNS, PROXECTOS E OUTRAS OBRAS (Obras de emerxencia: EP 2908 Arcade Amoedo P.k. 8+000; EP Cristelos -Burgueira EP 3103, PK 1+400; e outras melloras) 1.991.470,00 € 922-342-211,01 MANTEMENTOS DE INSTALACIÓNS DEPORTIVAS 250.000,00 € 922-342-652,00 INVESTIMENTOS XESTIONADOS PARA CONCELLOS - INSTALACIÓNS DEPORTIVAS (Convenio co concello de Redondela) 700.000,00 € 931-922-209,00 CANONS, CUOTAS FEMP E FEGAMP (FEMP 2013 e FEGAMP 2012 e 2013) 134.817,10 € Total Suplementos de Créditos... 3.076.287,10 € Financiamento do expediente de Suplementos de Créditos 04/2014: O expediente finánciase con aforro propio procedente de exercicios anteriores, remanente líquido de tesourería para gastos xerais por importe de 2.676.287,10€; e con baixas por anulacións de créditos de gastos doutras aplicacións do orzamento vixente, non comprometidos, cuxas dotacións se estiman reducibles na cantidade de 400.000,00€, emitíndose o documento “RC” núm. 201400140533 con cargo a aplicación 14/931-011-310.00. Contabilizándose as seguintes operacións: CONCEPTO DE INGRESO DENOMINACIÓN IMPORTE 931-870,02 Remanente de Tesourería - Aplicado para financiar Suplementos de Crédito (SUP. 04/14)… 2.676.287,10 € TOTAL... 2.676.287,10 € Baixas de Créditos: APLICACIÓN DENOMINACIÓN IMPORTE 931-011-310,00 XUROS DE PRÉSTAMOS E OUTRAS OPERACIÓNS FINANCEIRAS (créditos destinados a suplementar a aplicación: "14/456-453-612,02 Estradas") -400.000,00 € Total Baixas por Anulacións... -400.000,00 € Resume das modificacións por capítulos: Capítulo 1º Gastos de persoal........................................ 0,00 € Capítulo 2º Gastos en bens correntes e servizos…… 384.817,10 € Capítulo 3º Gastos financeiros...................................... -400.000,00 € Capítulo 4º Transferencia correntes............................ 0,00 € Capítulo 6º Investimentos reais..................................... 2.691.470,00 € Capítulo 7º Transferencia de capital............................ 1.373.530,00 € Capítulo 8º Activos financeiros...................................... 0,00 € Capítulo 9º Pasivos financeiros..................................... 0,00 € TOTAL VARIACIÓNS POR CAPÍTULOS… 4.049.817,10 € Resume do expediente: TOTAL SUPLEMENTOS 3.076.287,10 € TOTAL CRÉDITOS EXTRAORDINARIOS 1.373.530,00 € TOTAL BAIXAS POR ANULACIÓN -400.000,00 € SUMA 4.049.817,10 € Segundo: O expediente de modificación de créditos número 4/14 da Deputación de Pontevedra (integrado polo expediente de crédito extraordinario “EXT 03/14” e o de suplemento de crédito “SUP.04/14”) será exposto ó público, para os efectos de reclamacións, por un período de quince días hábiles, quedando definitivamente aprobado en caso de non producirse estas. 4.6523.- APROBACIÓN DO EXPEDIENTE DE MODIFICACIÓN DE CRÉDITOS 01/14 DA ESCOLA DE ENFERMERÍA: SUPLEMENTO DE CRÉDITO “SUP 01/14” Sr. Presidente.- Punto número catro. Aprobación do expediente de modificación de créditos 01/14 da Escola de Enfermería e Suplemento de crédito 01/14. Non sei canto é o importe, no sei se hai algunha intervención neste caso, pero creo que... 9.000€. Vale. ¿Se todos estamos de acordo?. ¿Aprobamos?. Aprobamos entón o Suplemento de crédito da Escola de Enfermería, que é o punto número catro, se aproba por unanimidade de todos os grupos. O Ilmo. Sr. Presidente da Deputación Provincial de Pontevedra a través de escrito de data 3 de outubro de 2014, eleva ó Pleno proposta de aprobación do expediente de modificación de crédito número 01/14 da Escola Universitaria de Enfermería (que integra o expediente de suplemento de crédito “SUP.01/14”) dentro do vixente orzamento, motivando a tramitación do mesmo pola necesidade de realizar gastos que non se poden demorar ata o exercicio seguinte ó non existir consignación suficiente no estado de gastos do orzamento corrente ou sendo esta insuficiente para facer fronte ós mesmos. Resultando que o informe de Intervención de data 17 de outubro de 2014 indica que este expediente cumpre cos requisitos previstos na normativa de aplicación, tanto en relación cos gastos que se pretenden financiar como cos recursos que os financian, así como que a súa tramitación respecta o equilibrio orzamentario. Considerando o disposto nos artigos 177, 179 e 180 do Real Decreto Lexislativo 2/2004, de 5 de marzo, polo que se aproba o Texto refundido da Lei reguladora das Facendas Locais; nos artigos 34 a 38 do Real Decreto 500/1990, de 20 de abril; nos artigos 2,3,11,27 e demais concordantes da Lei Orgánica 2/2012 de 27 de abril de Estabilidade Orzamentaria e Sostibilidade financeira; e nas bases de execución do orzamento 2014, en canto a competencia e tramitación a seguir na aprobación do expediente de modificación de créditos número 01/14 da Escola Universitaria de Enfermería, o Pleno, de conformidade co ditame da Comisión Informativa de Economía, Facenda e Turismo, acorda por unanimidade: Primeiro: Aprobar o expediente de modificación de créditos número 01/14 da Escola Universitaria de Enfermería (que integra o expediente de suplemento de crédito “SUP.01/14”) co seguinte detalle: 1. Suplementos de Crédito “SUP. 01/14”: APLICACIÓN DENOMINACIÓN IMPORTE 832.323.160.01 SEGURIDADE SOCIAL PERSOAL LABORAL 9.000,00 € Total Suplementos de Créditos... 9.000,00 € FINANCIAMENTO DO EXPEDIENTE DE SUPLEMENTOS DE CRÉDITO 01/2014: O expediente finánciase con aforro propio procedente de exercicios anteriores (remanente líquido de tesourería para gastos xerais), contabilizándose a seguinte operación: • Remanentes líquidos de tesourería: CONCEPTOS DE INGRESO DENOMINACIÓN IMPORTE 931-870,02 Remanente de Tesourería - Aplicado para financiar Suplementos de Crédito. 9.000,00 € TOTAL... 9.000,00 € Resume da modificación por capítulos: CONCEPTO INICIAL MODIFICACIÓN DEFINITIVO Capítulo 1º Gastos de persoal 426.600,00 9.000,00 435.600,00 Capítulo 2º Gastos en Bens correntes e servizos 46.900,00 0,00 46.900,00 Capítulo 3º Gastos financeiros 100,00 0,00 100,00 Capítulo 6º Investimentos reais 3.000,00 0,00 3.000,00 TOTAL 476.600,00 9.000,00 485.600,00 Segundo: o expediente de modificación de créditos número 01/14 da Escola Universitaria de Enfermería (que integra o expediente de suplemento de crédito “SUP.01/14”) será exposto ó público, para os efectos de reclamacións, por un período de quince días hábiles, quedando definitivamente aprobado en caso de non producirse estas. 5.6524.- MODIFICACIÓN DA ORDENANZA REGULADORA DA TAXA POLOS SERVIZOS DE XESTIÓN, INSPECCIÓN E RECADACIÓN QUE SE PRESTAN POLA DEPUTACIÓN DE PONTEVEDRA (ORAL) Sr. Presidente.- Punto número cinco. Modificación da ordenanza reguladora da taxa polos servizos de xestión, inspección e recadación que se prestan pola Deputación de Pontevedra (ORAL). Esta modificación da ordenanza, creo que xa é coñecida por todos os grupos. D. Cesáreo Mosquera. Sr. Mosquera Lorenzo.- Grazas Sr. Presidente. Ben, o ORAL votou a andar hai bastantes anos dunha maneira complicada e, agora, cremos que afortunadamente, pois, algunhas das queixas que temos manifestado do sobre custo que realmente estaba tendo o ORAL, que era excesivo, pois, se vén dando a razón, basicamente, esta modificación é baixar nunha porcentaxe co que se queda ORAL por tramitar, a xestión, inspección a recadación das taxas e tributos, ¿non?. Bueno, as cousas foron así, no seu momento, probablemente, pola mala xestión previa que había dos padróns, e para expurgalos, etc., pois, igual tiña aqueles custes, pero nós estimamos que eran excesivos, ¿non?. De feito hai unha cuestión que no seu momento se falou, estamos falando, seguramente, do ano 2002 ou por aí, de que o concello de Pontevedra estaba disposto a incorporarse ó ORAL e non privatizar o servizo, intentouse negociar co ORAL que se puidera poñer unhas taxas máis baixas, non foi posible, e bueno, houbo que privatizalo porque era bastante máis barato que o ORAL, bastante máis barato, e aínda hoxe segue sendo, segue sendo máis barato. Foi unha pena, probablemente houbera sido unha mellor solución, non só para que o ORAL, digamos, tivera collido grandes padróns, ¿non?, que son máis fáciles, é a economía da escala, non foi posible, pero, en todo caso, o que é hoxe, o que se nos trae a aprobación que é esta rebaixa da porcentaxe, do 3,5 o 3, bueno, segundo cada categoría, pois, cremos que é positiva, e, tamén, cremos, estamos convencidos, de que hai capacidade, e debería habela, e debería de mellorar moito, facer un esforzo de mellorar a xestión do ORAL, para que estas porcentaxes poidan seguir baixando, poidan seguir baixando, é que deberían, deberían, non hai, digamos, ningunha razón para que un servizo que se presta de maneira pública coma este, como é o do ORAL, pois estea sendo máis caro, ou algo máis caro, cada vez menos, que o que poida prestar, que o que poida prestar unha empresa privada, non hai moita razón, agardemos que poida seguir por esta senda o ORAL e poida chegar, digamos, a ter unhas porcentaxes aínda máis baixas que as que hoxe aprobamos e poida, digamos, competir. Xa sabemos que nun concello pequeno é máis caro, digamos, a xestión, pero nestes momentos ten un volume de concellos adheridos e demais que, vamos, estamos convencidos e demais. Agora desapareceu o consello do ORAL e o órgano reitor, pero instaríamos ó grupo de goberno a que siga, digamos, mellorando a eficiencia do ORAL porque hai aínda recorrido para melloralo. Sr. Presidente.- Moitas gracias, Sr. Mosquera. Ten a palabra D. Santos Héctor. Sr. Rodríguez Díaz.- Si, brevísimo. Dende o Grupo Provincial Socialista, valoramos positivo que haxa unha redución das taxas aínda que sexa, neste caso, unha tímida rebaixa do 0,3%, pero que en todo caso, van a axudar ós concellos, e sobre todo ós pequenos concellos a dispoñer dalgúns cartos máis para facer fronte a actual situación difícil, polo tanto, pois, benvido sexa de que se siga nesta liña de rebaixa de custes. Sr. Presidente.- Pois, bueno, esa é un pouco a nosa intención, xa lle paso a palabra ó portavoz do Partido Popular, estaba contrastando os números agora que falaramos xa, tanto co responsable do Servizo, Miguel Santirso, como o propio Interventor, que este é o camiño da Deputación, lograr un maior número de concellos, como ben dicía o Sr. Mosquera, incluíndo a posibilidade de que algún día os concellos máis grandes, e incluír os que non son tan grandes, que curiosamente hai algún aquí que debería entrar, porque eu creo que iso beneficia a todos e, bueno, se está intentando, a verdade é que non son pasos fáciles, porque, bueno, pois, cada un ten xa unha estrutura de xestión alí e non é fácil, pero, bueno, cantos máis concellos sexan, en definitiva, mellor capacidade de xestión temos, e mellores economías se lle poden trasladar ós distintos municipios da provincia de Pontevedra. Este é un paso, é un paso importante, non nunha redución só nese sentido senón noutros ámbitos e, polo tanto, eu creo que estamos diante dunha moi boa nova, que vai a beneficiar directamente na xestión ós concellos á hora de recibir unhas liquidacións mellores das que recibía agora mesmo polos seus impostos, ¿non?. Sr. Figueroa. Sr. Figueroa Vila.- Eu creo que xa o dito polo Presidente, felicitar tanto ós traballadores, ós técnicos desta casa, coma tamén, ós responsables políticos que están implicados, porque creo que esta é a liña a seguir, é dicir, un organismo que está facendo un bo traballo, un organismo serio que se está consolidando, que ten prestixio, e creo que, bueno, pois iso é o que se perseguía dende o principio, se foi pouco a pouco dando pasos, dando pasos, e creo que agora, bueno, pois coincidimos co que di o Sr. Mosquera, seguramente aínda hai un recorrido, pero bueno, pero eu creo que o traballo está aí e, polo tanto, a imaxe hoxe do ORAL é de prestixio na provincia e fora da provincia, porque moitas institucións e moitas deputacións están a vir aquí a ver como se fai o traballo no ORAL de Pontevedra, e quere dicir que se está facendo ben, e creo que esa é a liña que temos que continuar. Sr. Presidente.- Moitas gracias. D. Cesáreo Mosquera. Sr. Mosquera Lorenzo.- Si. A ver, o outro día aparecía unha reportaxe, mire, resulta que o rendemento dos padróns, a igualdade de, digamos, de esforzo fiscal no ORAL con respecto a algúns concellos que teñen a xestión bastante, digamos, mellorada segue habendo diferenzas, segue habendo diferenzas co que supón de equidade, porque, claro, o problema é que se todo o mundo ten que pagar o que teña que pagar, cada un é variable e, despois, iso xestionase mal, pois, resulta que a equidade patina, ¿non?, porque un paga e outro non. O ORAL o que é na hora da xestión aínda ten bastante que mellorar, mellorou, evidentemente, que ó principio era bastante maliño, claro, comparado coa xestión municipal nalgúns sitios que era desastrosa, pois, foi mellor, pero ten bastante, bastante que mellorar, e incluso en procedementos moi sinxelos, ou sexa, poño un caso, chega un recibo, ¿verdade?, e lle falta unha coma, pois, en vez de emendar a coma, pois, ala, queda alí desaparecido e punto, iso está pasando hoxe co ORAL, está pasando, entón con iso, “non, é que o padrón veu mal, o padrón non deixou de vir mal”, ó final, claro que é un traballo moi tedioso e demais, pero é un traballo moi importante, porque por erros nos padróns ou por erros na emisión de recibos non pode ser que un veciño pague e o do lado non pague, e está pasando, está pasando, e iso ten moita marxe de mellora, non un pouco, moita, moita marxe de mellora, e dicímolo por experiencia da xestión, que sempre hai marxe, pero no caso do ORAL hai moita marxe, mellorou bastante, pero hai moita, moita marxe de mellora, eu creo que debe ser un reto, non por recadar máis, que tamén, porque se recada para algún fin, non se recada por recadar, pero, senón por recadar mellor, porque pola cuestión da equidade. En todos os fallos nos padróns e na xestión dos recibos, que digo que mellorou, hai que recoñecelo, pero segue sendo manifestamente mellorable, por ser suaves, que creo que ese esforzo había que facelo agora que está tan de moda o debate, que se privatizar ou xestión directa dos servizos, ou o que sexa, pois dar exemplo de que a xestión directa pode ser competitiva, e neste caso que hai exercicio da autoridade debería selo sen ningunha dúbida, pois non é, creo que sería importante. Non nos sirve de consolo que noutros lados funcionan peor, a verdade, porque xa sabemos o que é isto, que hai algún que é absolutamente desastroso, hai padróns que ás veces sobre o real, non sobre o nominal, sobre o real, se cadra, pois o 40% de ben tramitado é moito, nalgúns concellos, ou era, claro, iso non vale, ¿non?. Imaxínense que o 60% non paga porque non está dado de alta, porque está o recibo mal ou o que sexa e só paga o 40%, menudo cachondeo, pois iso estivo sucedendo en concellos moi próximos aquí, vamos, sinalar co dedo é feo e demais, pero estivo sucedendo. Entón todo o que se faga neste sentido, e, bueno, se a recadación chega a ser case do 100% nos padróns, moi ben, bueno, pois mellor porque hai para baixar a presión impositiva. Creo que está todo dito, se se quere coller o recado, cóllase, e hai moito, moito, moito marxe de mellora. Sr. Presidente.- Sen dúbida, pero eu creo que imos polo bo camiño, polo tanto, bueno, pois que poidamos continuar así. Polo tanto, imos a proceder á votación desta modificación. ¿Votos en contra?. ¿Abstencións?. ¿A favor?. O Pleno da Deputación, na sesión extraordinaria do día 3 de maio de 2013, aprobou a modificación da Ordenanza fiscal reguladora da taxa pola prestación de servizos polo Organismo Autónomo ORAL, cuxo texto definitivo se publicou no Boletín Oficial da Provincia nº 153, de 12 de agosto de 2014. Dita reforma supoñía un axuste das tarifas existentes de cara a favorecer o resultado orzamentario das entidades delegantes establecendo unha bonificación na taxa de recadación naqueles concellos que cumprisen uns requisitos básicos. Considerando a proposta da Tesourería do ORAL de data 20 de outubro de 2014 relativo a unha nova modificación da Ordenanza fiscal reguladora da taxa polos servizos de xestión, inspección e recadación, que se prestan pola Deputación Provincial de Pontevedra consistente basicamente na ampliación dos suxeitos pasivos pola próxima entrada en funcionamento do servizo intermunicipal de recollida de lixo, e reducións e bonificacións de tipos de gravame naqueles servizos nos que se observa unha minoración de custes pola aplicación de procesos que melloran a xestión recadatoria dos recursos tributarios e doutra natureza, nos que os ingresos en período voluntario cada vez incrementan a súa orixe nas emisións de domiciliacións bancarias, reducindo trámites e procedementos. Considerando que o rendemento desta taxa por prestación de servizos non supera en ningún caso o custo da súa prestación, dándose así cumprimento ó previsto no artigo 24-2 do RDL 2/2004, de 5 de marzo, polo que se aproba o Texto Refundido da Lei reguladora de Facendas Locais (TRLRFL). Considerando o informe de Intervención sobre modificación de ordenanzas de data 20 de outubro de 2014, e o estudo económico financeiro da mesma data emitido pola xefa do servizo de xestión orzamentaria e contabilidade do ORAL, que obran no expediente. O Pleno, de conformidade co ditame da Comisión Informativa de Economía, Facenda e Turismo, e tendo en conta o establecido nos artigos 33 e 47 da lei 7/1985 de 2 de abril reguladora das Bases do Réxime Local, nos artigos 15 a 27 do RDL 2/2004 de 5 de marzo polo que se aproba o Texto Refundido da Lei reguladora de Facendas Locais (TRLRHL) e os artigos 50, 125 e 173 do RD 2568/86 (ROF), acorda por unanimidade: 1.- Aprobar a modificación da ordenanza fiscal reguladora da taxa polos servizos de xestión, inspección e recadación que se prestan pola Deputación de Pontevedra (en adiante “ordenanza fiscal”), incluíndo as seguintes modificacións: Primeiro: Modificar o apartado D.b do artigo 2 - FEITO IMPOÑIBLE da Ordenanza fiscal: Onde di: “b. Inspección de taxas e prezos públicos (basicamente, revisión masiva dos padróns de taxas e prezos públicos …” Modifícase no seguinte senso: “b. Inspección de taxas e prezos públicos (elaboración e revisión dos padróns de taxas e prezos públicos…” Segundo: Modificar o apartado D.c do artigo 2 - FEITO IMPOÑIBLE da Ordenanza fiscal: Onde di: “c. De inspección catastral:” Modifícase no seguinte senso: “c. De colaboración e actualización catastral:” Terceiro: Modificar o artigo 4 - SUXEITO PASIVO da Ordenanza fiscal, engadindo o parágrafo segundo: Onde di: “Serán suxeitos pasivos e contribuíntes desta taxa as entidades locais da provincia de Pontevedra e outras administracións e institucións que deleguen na Deputación Provincial de Pontevedra ORAL as facultades de xestión tributaria e catastral, liquidación, inspección e recadación dos seus recursos de dereito público (tributarios ou non), así como a colaboración na xestión das sancións de tráfico.” Modifícase no seguinte senso: “Serán suxeitos pasivos e contribuíntes desta taxa as entidades locais da provincia de Pontevedra e outras administracións e institucións que deleguen na Deputación Provincial de Pontevedra ORAL as facultades de xestión tributaria e catastral, liquidación, inspección e recadación dos seus recursos de dereito público (tributarios ou non), así como a colaboración na xestión das sancións de tráfico. Igualmente será suxeito pasivo desta taxa a empresa concesionaria do servizo intermunicipal de recollida e tratamento dos residuos domésticos e asimilables así como a xestión dos puntos limpos dos concellos da provincia que a teñan delegada na Deputación.” Cuarto: Modificar o apartado 2 do artigo 6 - TIPO DE GRAVAME da Ordenanza fiscal: Onde di: “Impostos: 3,8 por cento.” Modifícase no seguinte senso: “ Impostos: 3,5 por cento.” Quinto: Modificar o apartado 3 do artigo 6 - TIPO DE GRAVAME da Ordenanza fiscal: Onde di: “3. Servizos de recadación en executiva: O importe das recargas que correspondan en cada caso.” Modifícase no seguinte senso: “3. Servizos de recadación en executiva: O importe das recargas que correspondan en cada caso. Cando transcorran máis de 6 meses desde a finalización do prazo en período voluntario, ós concellos que só deleguen a recadación dos padróns en vía executiva, engadirase unha recarga do 5% sobre o principal enviado en xestión de cobro executivo.” Sexto: Modificar o apartado 3 do artigo 8 - BONIFICACIÓNS E EXENCIÓNS da Ordenanza fiscal: Onde di: “O tipo de gravame a aplicar reducirase do 3,8% ao do 3,30%”. Modifícase no seguinte senso: “O tipo de gravame a aplicar reducirase do 3,5% ao do 3,00%”. Sétimo: Engadir un novo apartado no artigo 8 - BONIFICACIÓNS E EXENCIÓNS da Ordenanza fiscal: Modifícase no seguinte senso: “4.- Gozarán dunha bonificación do 33,33% no tipo de gravame recollido no artigo “6.2- Servizos de recadación en voluntaria, de Taxas e p.públicos”, aquelas emisións individualizadas de padróns de taxas cunha porcentaxe de recibos domiciliados superior ó 75% do padrón emitido”. 2.- Expoñer ó publico por un prazo de trinta días o expediente de modificación da ordenanza fiscal reguladora da taxa polos servizos de xestión, inspección e recadación que se prestan pola Deputación de Pontevedra, mediante anuncio no Boletín Oficial da Provincia de Pontevedra, no taboleiro de anuncios da entidade, e nun diario dos de maior difusión da provincia de Pontevedra, para que aqueles que se teñan por interesados poidan presentar as alegacións e suxestións que estimen procedentes. 3.- No caso de que non se presenten reclamacións entenderase que esta proposta queda definitivamente aprobada sen necesidade de novo acordo expreso, procedéndose á publicación do texto definitivo. As modificacións entrarán en vigor o día seguinte ó da publicación do texto definitivo no Boletín Oficial da Provincia de Pontevedra. 6.6525.- APROBACIÓN DO EXPEDIENTE DE CONTRATACIÓN MEDIANTE PROCEDEMENTO ABERTO DO DESENVOLVEMENTO DO PROXECTO “DEPOGAP” (XESTIÓN DE ACTIVOS NA PROVINCIA DE PONTEVEDRA), FINANCIADO CON FONDOS FEDER Sr. Presidente.- Punto número seis. Aprobación do expediente de contratación mediante procedemento aberto do desenvolvemento do proxecto DEPOGAP, xestión de activos na provincia de Pontevedra, financiado con fondos Feder. Ten a palabra Dona Begoña Estévez. Sra. Estévez Bernárdez.- Grazas Sr. Presidente. Bos días compañeiros deputados. Sometemos ó Pleno a aprobación dun expediente de Contratación, promovido polo Servizo de novas tecnoloxías, Proxecto DEPOGAP, que consiste na xestión de activos na provincia de Pontevedra, que cofinanciado cun 70% de fondos procedentes do FEDER, cun orzamento total de 6,9 millóns de euros. Trátase dunha iniciativa moi ambiciosa, que o que pretende é inventariar os activos dos concellos e da Deputación, establecer ferramentas e procedementos para unha xestión integral que permita sacarlle o máximo rendemento co menor custo posible, ou sexa, gañar en aforro e eficiencia por parte de todos os concellos da provincia de Pontevedra, a excepción de Pontevedra e Vigo. E o principal obxectivo, é dotar ós concellos de información interna que lles permita optimizar a xestión dos seus activos, reducir custos, que lles axude á toma de decisións, ademais de buscar ou fomentar a participación cidadán coa administración, adquirir o coñecemento necesario sobre a eficiencia enerxética para diminuír o gasto. Para alcanzar estes obxectivos do proxecto se contemplan no seu proceso, que está enmarcado ata xuño do ano que vén, aproximadamente, as seguintes actuacións: realizar un inventario dos activos provinciais, dotación dunha plataforma tecnolóxica para a xestión de ditos activos, o desenrolo e posta en marcha de probas piloto de eficiencia enerxética, e realización, tamén, dun plan de xestión do cambio. Para inventariar os activos provinciais a primeira fase do proxecto fíxose unha experiencia piloto tendo en conta, tamén, o regulamento de bens das entidades locais, o Real decreto 13/72 ou 36, de 13 de xuño e, tamén, a enquisa de infraestruturas e equipamentos locais. Os principais activos que se van a inventariar nos concellos da provincia e, tamén, nesta institución son, dentro dos edificios administrativos, o iluminación pública, puntos luz e cadros eléctricos, edificios culturais e cívicos, as redes eléctricas destes edificios, centros sanitarios, as redes de gas, centros docentes, redes de telecomunicacións, centros asistenciais, vertedoiros e puntos limpos, tanatorios, contenerización, cemiterios de vehículos, matadoiros, semoventes, parques, dereitos reais e revertibles, instalacións deportivas, mobiliario urbano, redes de abastecemento e saneamento, canalización de todo tipo, bens mobles históricos, estacións de tratamento de auga, e rede de vías públicas, esta é a relación inventarial e que forma parte deste proxecto, deste xeito o que se pretende é ter unha información actualizada e optimizar a súa xestión, coa posta en marcha, tamén, dun cadro de mandos para o grupo político que este ó fronte de cada un dos concellos para tomar decisións de aforro en cada un, no mantemento destes bens básicos, na maioría dos casos. ¿Cales son os beneficios deste proxecto DEPOGAP para os concellos?. A optimización na xestión de activos e servizos públicos; o aforro económico debido ó menor consumo de recursos dispoñibles; a toma de decisións, como dicía, baseada na información actualizada e obtida en tempo real; o incremento, tamén, da participación cidadán, porque tamén se prevé dentro do proxecto o ter un servizo dispoñible no móbil para que calquera cidadán poida dirixirse directamente ó concello cando haxa calquera deficiencia; e implantación de procedementos para tarefas de xestión de activos; e, ademais, se temos en conta os beneficios do proxecto en cada un dos concellos, permite para os empregados públicos de cada concello usar un modelo optimizado para a xestión destes activos; elaborar informes que ata agora é moi complicado en moitos casos para tomar as decisións, que supoñan un maior aforro e maior eficiencia; para os provedores contratistas e adxudicatarios obter información da situación actual dos activos e aportar información para a actualización dos activos rexistrados. Obrigarase no futuro que nos pregos de condicións técnicas de cada contratación administrativa a obrigación de manter actualizada información nese portal informático para ter, en todo momento, os datos reais deses activos e inventarios de cada un dos concellos e, para os cidadáns interactuar cos servizos municipais e participar na xestión. Este é en resume o contido deste expediente e creo que todos, os dous grupos, e os portavoces teñen o mesmo na súa totalidade, pero bueno, creo que servirá para mellorar o funcionamento de cada un dos concellos nunha época complicada, e deste xeito permitir aforrar custos ós cidadáns. Moitas grazas. Sr. Presidente.- Moitas gracias Dona Begoña Estévez. D. Cesáreo Mosquera. Sr. Mosquera Lorenzo.- Grazas Sr. Presidente. Vamos a ver, todas estas cousas soan moi monas, despois na práctica todos sabemos o que significan, e o que significan é máis gasto, porque, podemos ver esta casa, por exemplo, podemos ver un concello grande, un concello máis ou menos pequeno, non, imos a actualizar, modernizar, poñer novas tecnoloxías, poñer non sei canto, pero, despois resulta que cada ano, cada ano, hai que estarlle metendo cartos sen fin. Pero deixando xa o fondo, que no seu momento, que ademais votamos, vamos, aceptámolo, votamos a favor, porque eran fondos FEDER e, polo tanto, bueno, pois o que se consiga doutras administracións, pois bárbaro, pero, aquí hai un problema grave, case diriamos que moi grave, a concesión desta axuda, deste proxecto, foi o 22 de xuño do 2011, 2011, vale, e agora vamos a facer algo que esta Deputación por norma tiña que ter cumprido moitisimas veces, ¿non?, que eran estas enquisas, estes inquéritos de infraestruturas, equipamentos locais, e que nunca se deu feito ben, e ademais, e despois de deixar pasar case tres anos e medio pretendemos que en 6 meses, que en 6 meses, unha empresa poida facer algo decente con isto, a chapuza está garantida, a chapuza está garantida. Non sei onde pode saír que un proxecto desta complexidade que, como obxectivo así en abstracto pode estar moi ben, despois sabemos as dificultades enormes que ten polo miúdo e en concreto, pois haxa que facelo agora a toda velocidade, porque hai que xustificar este gasto antes de, ¿non?, xa está en prorroga, ¿non?, pero, bueno, antes do final do ano que vén e, de repente deixemos pasar case tres anos e medio, cando se adxudique van ser tres anos e medio, porque dous meses e medio para adxudicalos non hai quen os quite, a partir de agora, máis de tres anos e medio, e agora hai que facelo en seis meses a correr cando é un traballo que moi dificilmente se pode facer nin en seis meses, nin nun ano, nin en ano e medio, se se quere facer medianamente ben, se se quere facer medianamente ben, ou cando menos regular, son moitos concellos, moitas instalacións, moito que mirar, etc., entón, iso non é nada fácil, entón, estamos francamente sorprendidos, e, dende logo, nisto, así tal e como está, ou hai algunha explicación extraordinaria que se nos escapa, ou, senón, isto nono imos avalar, porque sabemos como vai rematar, ou sexa, vai rematar na chapuza, porque non pode ser doutra maneira, non pode ser, non pode ser, ou sexa, corenta e tantos meses para votalo a andar e para facelo, e seis meses para executalo, algo que é complexísimo, se se quere facer dunha maneira medianamente decente, repito, entón isto, francamente, non podemos avalalo, nós non temos ningunha responsabilidade neste retraso, nin moito menos, isto dá a sensación de que, polo que fora, quedou hai a durmir, ou tiña unha complicación que non se sabía por onde meter ou quedou en mans de quen nono moveu, e agora, de súpeto, que se poden perder os cartos, imos sacalo aí a correr, imos sacar a correr, a correr, a correr, e tal, e lle votamos á empresa que o faga en seis meses. Bueno, claro, farao en seis meses, a de facer o que lle cadre, porque non hai ningunha posibilidade de facelo decentemente, é dicir, bueno, é que a empresa pode contratar moitísimo persoal en mandalo paralelamente ós concellos, si, a de ter unha cualificación o persoal que vai saír unha gloria de coidado, non hai ningunha posibilidade real de facer isto dunha maneira decente, nono hai, á parte de todas as experiencias que hai aquí, de aquelas que lle chaman enquisas de infraestruturas e equipamentos locais, sempre foron papeis a cubrir, porque nunca foi nada que se correspondera coa realidade, ou tivera algún valor funcional e demais. Do expediente o que se deduce é iso, non sei se hai algunha explicación extraordinaria, en fin, que non albiscamos, pero, dende logo, así isto vai mal, vai francamente mal, e nós isto nono podemos avalar. Sr. Presidente.- Moitas gracias Sr. Mosquera. Sr. Veiga. Sr. Veiga Soto.- Bos días Sr. Presidente, señoras e señores deputados. Estamos diante dun proxecto, coido que moi ambicioso e o mesmo tempo moi interesante, sobre todo para os concellos máis pequenos da nosa provincia. Non quero repetir, exactamente, os obxectivos que moi ben relatou a señora deputada do proxecto, pero coido que facer un inventario dos activos dos concellos e telos á disposición cunha ferramenta informática e co acceso a través das redes é algo moi interesante para o conxunto da provincia. Ó mesmo tempo, dedicar recursos con fin de acadar o aforro enerxético nos edificios e no iluminación pública, vai supor unha liberación de recursos para os propios concellos. E tamén, corrixir unha deficiencia do anterior proxecto das depuradoras, que dotou dunha maquinaria custosa para os concellos polo enorme consumo eléctrico, e que agora se trata de emendar cun proxecto para reducir o consumo e os usos dos lodos xerados, todo iso, nun concurso de máis de 6,5 millóns de euros, dos que o 70% dos fondos proveñen de fondos FEDER. O que si nos esperta certos receos, neso temos que darlle a razón ó compañeiro do Bloque Nacionalista Galego, é o prazo para adxudicar o traballo que só é de seis meses. Estamos a falar de facer un inventario dos activos de máis de 60 concellos da provincia con recursos moi dispersos, para o cal seis meses non nos parece moito tempo, pero entendo que serán as empresas que acudan ó concurso as que mellor saberán dos prazos. Vai a contar co apoio do Partido Socialista, pero si que é certo que ese receo, ese problema que atopamos en que facer uns pregos leve máis de tres anos e executar un proxecto só seis meses parece difícil de conxugar. Nos gustaría, tamén, encontrar unha explicación razoable, pero, vaia por diante o noso apoio, é un proxecto interesante, é un proxecto que demanda a provincia que demandan os concellos, e que vai a supor, como digo, un aforro importante para todos os concellos, e é algo no que temos que traballar todos de cara a unha mellor eficiencia do consumo e dos gastos de todo os concellos, pero, si que agardariamos esa explicación por parte do grupo de goberno. Gracias. Sr. Presidente.- Bueno, recoller primeiro o sentir tanto, neste caso do Sr. Veiga como, tamén, de D. Cesáreo Mosquera, en relación a que o período a min, tamén, nos parece excesivamente curto, ¿non?, pero, probablemente teña que ser pola concesión do financiamento, certo é que se tardou demasiado tempo en traer isto á aprobación, é unha proposta dun prego, quero entender que é complexo porque leva moitísimos apartados e, polo tanto, eu creo que todos deberiamos dalgunha maneira, porque non temos ningún outro interese máis que sacar adiante, se fora posible, esta ferramenta de traballo que vai ser, eu creo que moi útil e moi beneficiosa, como ben se dicía agora, para os concellos, especialmente pequenos e medianos, e incluído, tamén, no futuro, probablemente os grandes. Pero, se houbera unha fórmula para poder ampliar ese prazo, que ó mellor se poderá conseguir na solicitude de prórroga que se lle faga á Unión Europea para que se faga un bo traballo, e non a correr como se dicía agora aí, pero o problema é que non tivemos a oportunidade de ter esta ferramenta ata agora, a ferramenta me refiro ó prego, polo tanto dalgunha maneira a min me gustaría que, xa digo, isto que é unha dotación económica moi importante, que realmente se fixera ben e que saíra realmente ben, porque, cremos que o esforzo económico que se fai para iso, pois, ten que ser unha ferramenta moi útil, porque cando vimos o presuposto, pois, a todos nos sorprende, ¿non?, esa cifra, pero, en todo caso, claro, despois, mirado o prego e mirado o que dalgunha maneira ten que dar de servizo, pois é amplo e abundante. Polo tanto, eu deixo aberta esa posibilidade, a que se nos pregos se puidera ampliar, en vez de seis, pois un ano ou algo máis, pois nós poñeríamos iso, non temos ningún problema, probablemente, non sei se ti podes engadir algo máis. Dona Begoña Estévez. Sra. Estévez Bernárdez.- Gracias Sr. Presidente. Simplemente, engadir que, evidentemente, é un proxecto moi complexo e, se se fai ben, supón unha ferramenta óptima para todos os concellos, pero, bueno, nesta institución cando, no seu día, se aprobou a primeira parte do proxecto tardouse moito tempo en planificar ben, cunha experiencia piloto en tres concellos, un de menos de 5.000, un do rango entre 10.000 e 20.000, e un concello de poboación maior de 20.000, para identificar moi ben que se ía a inventariar e que ferramentas se ían a utilizar. Tardouse moito tempo, é verdade, en planificalo e quizais na experiencia que temos moitas veces nas administracións de que se tarda moi pouco en planificar e moito en executar, neste caso foi ó revés, é mellor tardar máis tempo en saber que é o que se vai facer para que logo o proceso de execución sexa máis eficaz e máis curto. Evidentemente, se o engadimos ó que acaba de dicir o Presidente da Deputación provincial, se é posible prorrogar o prazo de execución, pois sería moitísimo mellor non só para a Deputación senón, tamén, para os concellos. Pero, evidentemente, cremos que o traballo previo que se fixo, fíxose un esforzo complementario por parte dos empregados públicos, non só da institución, senón, tamén, dos concellos que participaron, e mantívose actualizada a enquisa EIEL, que se remitía anualmente ó Ministerio. Hai nesta institución un equipo de persoas traballando neste tema dende fai xa 4 anos, aproximadamente, e creo que esa información está máis actualizada, partimos dun punto de partida mellor que outras administracións para poder facelo. Nada máis, Presidente, gracias. Sr. Presidente.- Bueno, eu, insistir, que non é unha petición miña, que é unha petición dos grupos que se amplíe ese prazo, se é posible, e se non causa ningún prexuízo, claro, se causa algún prexuízo de que nos repercute economicamente na viabilidade do proxecto, pero, ó mellor, esa ampliación de prazos se pode conseguir unha vez licitado. Ó mesmo tempo entendo que esta ferramenta ten que levarnos a unha redución de custos, importante tamén para os concellos, á parte de ser un servizo moi, moi útil, polo tanto, bueno, pois eu creo que gañamos en todos os ámbitos pero, bueno, eu creo que todos temos que consensuar esa posibilidade. Sr. Mosquera. Sr. Mosquera Lorenzo.- Sr. Presidente, vamos a ver, o período de Fondos Europeos era ata o 2013, remataba o 31 de decembro de 2013, e existe a posibilidade de manter, digamos, de ir fóra de tempo durante dous anos, que rematan o 31 de decembro do 2015, e por período de xustificación, isto está certificado e pagado máis ou menos en setembro, outubro do ano que vén ou se perden os fondos, iso, en principio, é así. Só existe unha posibilidade que é unha prórroga extraordinaria motivada, motivada por razóns de forza maior. Por exemplo, Fondos Feder, Urban, os temporais do 2001, do 2001, que estivo chovendo todo o ano durante o 2000 ó 2001, evidentemente, permitiu que se deran, que a Unión Europea accedera a dar, creo que eran seis meses máis, seis meses máis, entón, non hai ningunha posibilidade, non hai ningunha posibilidade neste sentido. Pero claro, cando se pediu este proxecto, está claro polo que está dicindo agora, que as normas que hai para pedir os proxectos que deben ser, para que sexa elixíbel, que deben ser o que chaman tecnicamente “proxectos maduros”, ou sexa, que estean en condicións de poder botarse a andar, de poder licitalos, non se cumpría, está clarísimo, apartado A, e apartado B. A propia historia de que un proxecto piloto leve tres anos, ou dous anos, é que, abócanos a un horizonte de que o que se vai facer agora en sesenta concellos, ¿verdade?, facelo en seis meses, a ver, a chapuza está garantida, a chapuza está garantida, se nós cremos a versión que se está contando aquí, eu case prefiro non crela, case prefiro non crela, e que haxa, oia, mire, é que houbo quen estivo a durmir, ¿verdade?, e realmente isto pode facerse, porque, se o piloto e máis non sei que, leva tres anos, e facer o prego, claro, facer o traballo, vamos, é que está clarísimo que é imposible facelo en seis meses, está clarísimo, case é preferible dicir, mire, fixemos unha chapuza gloriosa, houbo quen estivo a durmir, houbo un funcionario que estivo de baixa, outro foi de vacacións, outro veu, substituímolo, fixemos non sei que, outro se despistou, eu estaba noutras cousas, e resulta que, bueno, pois, agora, realmente pódese facer, porque senón, está clara a imposibilidade técnica de podelo facer dunha maneira decente, está clarísimo, está clarísimo, aquí, alguén pecou, no mellor dos casos, de exceso de optimismo, di, non, pedimos os cartos que isto é así de fácil, non era así de fácil, resulta que non era fácil ou, como mínimo, ou senón, houbo unha deixadez severa, é que nestes momentos estamos en prórroga, desde o 1 de xaneiro de 2014 estes fondos están en prórroga, xa están en prórroga e non hai ningunha posibilidade, entonces, bueno, pois eu, ninguén de nós temos ningunha responsabilidade na xestión disto e, obviamente, pois, non vamos a, hai o historial que hai, hai o historial que hai, ¿non?, aquí alguén se columpiou, está clarísimo, por exceso de optimismo, por ineficacia, polo que fora, ou porque se meteu a xestionar cousas que non sabían en que consistían e cando o descubriu, de repente veu que eran máis complicadas que mandar os papeis a Madrid para que deran a subvención. Ben, pero alguén se columpiou, está clarísimo, home, dende logo, tampouco queremos que isto sirva, digamos, de advertencia, de dicir, bueno, que vaia a ser que por unha, ¿non?, que unha inspección descubra que é unha chapuza e se perdan os fondos, tampouco, tampouco, ou sexa, agardemos que realmente se poida facer ou o que sexa, pero vamos, tal e como está o expediente é que, vamos, é pedirnos o que non podemos facer, que é avalar unha xestión que está claro que non foi a correcta, nin nada que se lle pareza, ou sexa, foi francamente deficiente e que, obviamente, nós non podemos avalar. Sr. Presidente.- Moitas grazas Sr. Mosquera. Sr. Veiga. Sr. Veiga Soto.- Si, Sr. Presidente, nós, como dicíamos, vamos apoiar este punto porque o que non queremos é que se perdan estes Fondos Europeos, pero, eu esperaba, de verdade, unha explicación doutro tipo, eu esperaba que durante o proxecto piloto se conseguise ter a información necesaria para que este inventariado dos bens e das existencias dos concellos se puidese facer nun curto período de tempo, que facilitase que despois o que é a obra en si, de mellora de eficiencia enerxética nos diferentes concellos, levase o groso do tempo no que se vai investir o proxecto en si. Pero, esa non é a explicación que se deu aquí, entón, o que parece é que aínda imos empezar agora a obter eses datos para ese inventario de bens, e posteriormente, facer o outro. Hai concellos que teñen un inventario de existencias bastante, bastante, en boas condicións, bastante actualizado, pero hai outros que sabemos que vamos a ter que facer unha análise de campo, que dificilmente vai a conseguir despois que se faga unha obra de mellora enerxética, cando aínda non se acabou de rematar, de saber cantas liñas de tendido eléctrico temos, cantos puntos de luces, cantos teñen unha eficiencia enerxética aceptable, e, en cantos cadros eléctricos imos ter que actuar, por exemplo, ou sexa, é algo que realmente nos preocupa bastante. Nós queremos que se faga, nós queremos que se leve adiante, queremos que se consiga xustificar en tempo esta obra de Fondos Europeos, pero estamos falando de 6,5 millóns de euros e de sesenta concellos na provincia cunha diferenza bestial, estamos falando, como digo, de centros, de concellos que teñen esa información recollida, por exemplo, no documento urbanístico, que se pode extraer toda esa información de recursos no seu catálogo de bens e nas súas liñas de tendido, tanto de abastecemento como enerxéticas, pero hai concellos que esa información é imposible obtela, a día de hoxe, sen un traballo de campo pormenorizado, e iso, fainos dubidar, fainos dubidar de que, realmente, podamos ter un proxecto ben rematado ó longo destes seis meses. Pero, tamén hai outra cousa, estamos intentando agora mesmo, se está falando da posibilidade de que unha vez que se faga a licitación pedir unha prórroga, eu creo que a prórroga debería ser previa para que quen se vaia a presentar teña, realmente, a xustificación e a certeza de que vai a poder realizar un traballo nun período de tempo determinado porque senón, xa vamos a empezar a contar con que se poidan ofertar baixadas de tempo, incluso, baixadas temporais, antes de saber sequera se vamos a ter seis meses, oito meses ou non vai a dar tempo a executalo. Entón, eu creo que esa certeza de cara á licitación é importante para que todas as empresas concorran nunha mesma situación e que todas poidan ofertar un traballo digno, que é o que esperamos aquí e para o que estamos intentando que isto vaia adiante. Entón, creo que toda a posibilidade de ampliación de prazo cara o 31 de decembro de 2015, porque máis non vai haber, estamos na regra de N+2 que coñecemos todos, 31 de decembro de 2015, como prazo límite, intentando xustificar con facturas posteriormente, pero aí deben estar rematados os traballos, e eu creo que deberiamos ter clara cal é a situación, cal é o cronograma e cales son os prazos nos que nos vamos a mover nós e as empresas que queiran presentarse aquí, porque, podemos tamén partir da situación de que non haxa empresas que se queiran presentar vendo os prazos nos que estamos xogando. Entón, creo que toda a posibilidade de aclarar tempos, de despexar incertidumes son necesarias para que isto vaia adiante. O noso apoio téñeno, pero creo que necesitamos dun esforzo maior, dunha asunción de responsabilidades, pode que tamén, por parte das persoas que fosen culpables de chegar a esta situación hoxe, non sei se a nivel técnico ou a nivel político, non o sei, pero son 6,5 millóns de euros e estamos nunha situación en que calquera euro hai que xustificalo, moi, moi ben, por parte de nós diante de todos os cidadáns. Gracias. Sr. Presidente.- Dona Begoña Estévez. Sra. Estévez Bernárdez.- Nada, só engadir que, evidentemente, calquera euro que se invista hai que xustificalo ante os cidadáns da provincia de Pontevedra neste caso e, explicar, que quizais non o fixen na miña exposición previa, que a empresa adxudicataria, de feito vai constar así no prego de prescricións técnicas que, como saben, é a Lei do contrato, vai haber un equipo de sesenta persoas traballando en cada un dos sesenta concellos, paralelamente deses seis meses, ou sexa, que cada concello vai ter un equipo individualizado de persoas dedicadas a facer todo o proceso e as distintas fases do proceso. E, contémplase tamén no prego que se fagan de forma simultánea, non secuenciais, unha despois de outra, senón que ese equipo vai estar dedicado única e exclusivamente a facer ese traballo e así vai estar recollido no prego de condicións técnicas. Sr. Presidente.- Moi ben, bueno, dicirlle en todo caso que, engadir, que se nós puidéramos ampliar o prazo, pero claro, facer a xestión antes de ter adxudicado o proceso, pois, probablemente xa digan, pero, vostedes aínda non, como aínda non adxudicaron xa non lle dan a prórroga, primeiro vamos a adxudicalo e vamos a intentar ganar, se é posible, evidentemente, ese período, que me parece razoable ¿non?, para facer as cousas realmente ben, por iso digo eu, que ese debe ser o motivo de que nos leve a sacalo agora xa, de maneira inmediata, pero vai, xa digo, moi condicionado cun seguimento específico e, con todo iso, para que sexa unha plena garantía de que sexa un proxecto, que sexa eficaz e que, dalgunha maneira, beneficioso para estes concellos. Polo tanto, vamos a proceder á aprobación deste expediente de contratación. ¿Votos en contra?. ¿Abstencións?. ¿A favor?. A Deputación de Pontevedra co ánimo de reforzar a sociedade da información no ámbito social, administrativo e económico dentro da provincia, mediante a implantación das novas tecnoloxías da información e da comunicación elaborou o proxecto depoGAP: “Xestión de Activos da Provincia de Pontevedra”. Este proxecto persegue dotar ós concellos da información interna que permita optimizar a xestión dos seus activos e axude na toma de decisións, fomentar a participación cidadá e adquirir o coñecemento necesario sobre a eficiencia enerxética para diminuír o gasto enerxético e o impacto ambiental mediante un uso eficiente dos activos públicos. A Secretaría de Estado de Cooperación Territorial, a través da resolución do 22 de xuño de 2011, resolveu conceder financiamento ó proxecto, cunha achega de fondos FEDER dun 70%. Entre as actuacións incluídas no proxecto depoGAP, inclúese as seguintes actuacións:  Realización dun inventario de activos de todos os concellos da provincia de Pontevedra (salvo Pontevedra e Vigo) e da propia Deputación.  Dotación dunha plataforma tecnolóxica para a xestión destes activos que permita explotar a información almacenada no inventario de activos e realizar a xestión centralizada dos mesmos.  Desenvolvemento e posta en marcha de probas piloto de eficiencia enerxética. Dada a complexidade e o ámbito multidisciplinar do proxecto, o elevado número de entidades involucradas e o reducido prazo de execución do proxecto, a Deputación de Pontevedra carece dos recursos especializados suficientes, tanto técnicos como humanos, para o desenvolvemento do mesmo. Por todo isto, o Xefe do Servizo de Novas Tecnoloxías, mediante informe solicita que se inicien os trámites para a contratación do desenvolvemento do proxecto depoGAP (Xestión de Activos na Provincia de Pontevedra). O Servizo de Contratación, Facenda e Patrimonio, tal e como prevé o artigo 109 do Real Decreto Lexislativo 3/2011 de 14 de novembro polo que se aproba o Texto Refundido da Lei de Contratos do Sector Público (TRLCSP), xustifica no expediente a elección do procedemento e elabora un proxecto de prego de condicións económico-administrativas. Polo secretario infórmase o proxecto de prego de cláusulas económico administrativas e posteriormente trasládase o expediente de contratación ó servizo de Intervención para que fiscalice o mesmo nos termos previstos na Lei 47/2003, de 26 de novembro. Resultando que se emite documento RC nº 201400124277 polo que se certifica a existencia de consignación orzamentaria, para facer fronte as obrigas derivadas deste contrato con cargo a aplicación 14/926.462.652.02.2012 do orzamento provincial. Visto o informe de fiscalización do expediente emitido por Intervención, no que se poñen de manifesto unha serie de observacións e recomendacións. Considerando que por Resolución da Presidencia de data 29 de maio de 2013, facúltase á Deputada para actuar como órgano de contratación respecto a contratos, exercendo as competencias que a Disposición Adicional Segunda do TRLCSP atribúa, e tendo en conta o establecido na Base 16ª das de execución do vixente orzamento provincial. Considerando que a disposición adicional segunda do TRLCSP, no seu apartado 2, faculta ó Pleno da Corporación para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 3 onde figura que lle compete ó Pleno da Corporación as concesións sobre os bens da corporación. O Pleno da Corporación, de conformidade co ditame da Comisión Informativa de Economía, Facenda e Turismo, acorda por maioría, cos votos a favor do PP e do PSdeG-PSOE e coas abstencións do BNG: 1.- Aprobar o expediente de contratación para a adxudicación mediante procedemento aberto do desenvolvemento do proxecto depoGAP (Xestión de Activos na Provincia de Pontevedra). O prezo de licitación do contrato estímase na seguinte cantidade: Prezo de licitación (sen IVE) 5.433.884,30 € IVE (21%) 1.141.115,70 € Total IVE incluído 6.575.000,00 € Ó orzamento de licitación poderanse sumar as bonificacións, en concepto de adiantos polo cumprimento dos fitos establecidos nos pregos, que suman un total de 325.000,00 € IVE incluído. 2.- Autorizar o gasto por importe de 6.900.000,00 euros para financiar o contrato con cargo á aplicación orzamentaria 14/926.462.652.02.2012 do orzamento provincial. 3.- Aprobar os pregos de cláusulas administrativas e de prescricións técnicas que rexerán como lei fundamental. 4.- Iniciar o procedemento de adxudicación para a contratación, concedendo un prazo de 52 días naturais (artigo 159.1 do RDL 3/2011), a contar desde a data de envío do anuncio do contrato á Comisión Europea e que se especificará no anuncio que se publicará no Boletín Oficial da Provincia de Pontevedra e no Boletín Oficial do Estado e na Plataforma de Contratación do Estado. 5.- Delegar os trámites administrativos que lle corresponden a esta contratación na Deputada que por Resolución da Presidencia de data 29 de maio de 2013, se facultou para actuar como órgano de contratación respecto a contratos, exercendo as competencias que a Disposición Adicional Segunda do TRLCSP atribúa, e tendo en conta o establecido na Base 16ª das de execución do vixente orzamento provincial. O Prego de cláusulas económico-administrativas é como segue: PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DO DESENVOLVEMENTO DO PROXECTO “DEPOGAP: XESTIÓN DE ACTIVOS DA PROVINCIA DE PONTEVEDRA”, COFINANCIADO CON FONDOS FEDER EXPEDIENTE NÚM. 2014011837 1. OBXECTO 2. FINANCIAMENTO E ORZAMENTO DE LICITACIÓN 3. RÉXIME XURÍDICO 4. PROCEDEMENTO 5. PERFIL DO CONTRATANTE 6. CAPACIDADE PARA CONTRATAR 7. PRAZO DE EXECUCIÓN 8. INCUMPRIMENTO DO PRAZO 9. GARANTÍA DEFINITIVA 10. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN 11. MESA DE CONTRATACIÓN 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO 13. REQUIRIMENTO DA DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA 14. ADXUDICACIÓN 15. SUBCONTRATACIÓN 16. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 17. FORMALIZACIÓN DO CONTRATO 18. OBRIGAS DO CONTRATISTA 19. GASTOS ESIXIBLES 20. RESPONSABLE DO CONTRATO 21. EXECUCIÓN DO SERVIZO E RESPONSABILIDADE DO CONTRATISTA 22. GARANTÍA DOS SERVIZOS 23. DEVOLUCIÓN DA DOCUMENTACIÓN 24. RESOLUCIÓN DO CONTRATO 25. RECURSOS E XURISDICIÓN COMPETENTE ANEXO I. CARACTERÍSTICAS DO CONTRATO ANEXO II. MODELO DE PROPOSICIÓN (SOBRE C) ANEXO III. DECLARACIÓN RESPONSABLE (SOBRE A) ANEXO IV. FÓRMULAS A APLICAR PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) ANEXO V. EQUIPO DE TRABALLO 1. OBXECTO O obxecto do contrato ó que se refire este prego é o servizo descrito no apartado 1 do seu anexo I, que recolle as necesidades administrativas a satisfacer mediante o contrato, describindo as características do servizo e a forma de levar a cabo a prestación polo adxudicatario. No caso de que o procedemento aberto se divida por lotes haberá un anexo I por cada un deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un lote, a varios ou a todos eles, salvo que se estableza un número máximo de lotes por licitador, para o que se atenderá ó estipulado no apartado 1 do anexo I deste prego. 2. FINANCIAMENTO E ORZAMENTO DE LICITACIÓN Este contrato será financiado da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego, incluíndo na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 3. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público (TRLCSP), modificada pola Lei 14/2013, de 27 de setembro, de apoio ós emprendedores e a súa internacionalización, o Real decreto lexislativo 817/2009, de 8 de maio, polo que se desenvolve parcialmente a Lei de contratos do sector público (LCSP) e no que sexa aplicable no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (RXLCAP), en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá ó contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada; supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario obrígase ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto e levarase a cabo atendendo a un único criterio de valoración –prezo– ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual e sen prexuízo da utilización doutros medios de publicidade nos casos esixidos pola TRLCSP ou polas normas autonómicas de desenvolvemento ou nos que así se decida voluntariamente, a Deputación difundiraa, a través de internet (www.depo.es), no seu perfil do contratante, no que se publicarán todas as noticias, avisos e documentación relativos a este contrato. Calquera dúbida existente acerca dos pregos que rexen esta contratación será dirixida e resolta a través da dirección de correo electrónico contratacion@depo.es, así mesmo, as dúbidas relativas ós pregos de prescricións técnicas poderanse dirixir ó correo electrónico novastecnoloxias@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e que non se atopen incursas nalgunha das prohibicións que contempla o art. 60 da mencionada norma. Para os efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un e tamén que asumen o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se formalice a adxudicación); ditas empresas serán responsables solidarias ante a Administración e deberán de nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a debida execución do contrato. 7. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, polo que a Administración poderá optar pola imposición de penalidades ou a resolución do contrato no caso de que as penalidades alcancen o 5 % do prezo deste. Os importes destas penalidades faranse efectivos mediante a súa dedución na facturación que se produza ou, se é o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 9. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá acreditarse dentro dos dez días hábiles seguintes, contados desde o seguinte ó da recepción do correspondente requirimento. En caso de incumprir este requirimento no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva ingresarase exclusivamente na Caixa da Deputación. 10. PRESENTACIÓN DE PROPOSICIÓNS; LUGAR E PRAZO DE PRESENTACIÓN; FORMALIDADES; DOCUMENTACIÓN 10.1. Lugar e prazo de presentación. As proposicións presentaranse no Rexistro xeral da Deputación (na sede de Pontevedra, de luns a venres, de 8:30 a 14:30 horas e de 17:00 a 19:00 horas e os sábados de 9:00 a 13:00 horas, ou na sede de Vigo, de luns a venres de 9:00 a 13:00 horas), durante un prazo de cincuenta e dous días naturais (artigo 159 do TRLCSP), a partir da data do envío do anuncio do contrato á Oficina de Publicacións Oficiais das Comunidades Europeas e que se especificará no anuncio que se publicará no Boletín Oficial da Provincia de Pontevedra (BOPPO) e no Boletín Oficial do Estado (BOE). Se o último día de presentación das proposicións económicas coincidise en festivo prorrogaríase a presentación ó primeiro día hábil seguinte. As proposicións poderanse presentar tamén por calquera dos procedementos establecidos nos artigos 38.4 da Lei 30/92, de 26 de novembro, de réxime xurídico das administracións públicas e do procedemento administrativo común, e o artigo 80 do R.d. 1098/2001, de 12 de outubro, polo que se aproba o Regulamento xeral da Lei de contratos das administracións públicas, excepto por correo electrónico. Cando a documentación se envíe por calquera dos procedementos antes indicados o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es), teléfono, fax (número 986 804 126) ou telegrama, sempre no mesmo día. 10.2. Formalidades. Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa necesario abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada polos seguintes membros: Presidente: - O titular da Corporación ou a persoa en quen delegue Vogais: - O secretario xeral - O interventor - O xefe do servizo responsable do contrato Secretario: - O xefe do Servizo de Contratación 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente a Mesa, ás 10 horas do quinto día hábil seguinte ó día no que finalice o prazo sinalado para a presentación de plicas, sinalará, en acto público, as que se clasificasen como inadmitidas e admitidas e procederá á apertura do sobre B correspondente á documentación técnica valorable mediante criterios non avaliables a través de fórmulas, tal e como prevé o artigo 27 do Real decreto 817/2009, no que se desenvolve parcialmente a Lei de contratos do sector público. Esta documentación seralles trasladada ós técnicos que se consideren oportunos, que a avaliarán e ponderarán seguindo criterios de valoración establecidos no apartado 3 do anexo I deste prego. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación a favor da seguinte proposición economicamente máis vantaxosa de acordo coa orde en que quedasen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DA DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, para cuxo efecto poderá solicitar cantos informes técnicos estime pertinentes, clasificaraas por orde decrecente e requirirá á empresa que presentase a oferta máis vantaxosa para que dentro do prazo de dez días hábiles entregue a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificado pola Lei 14/2013 de 27 de setembro, de apoio ó emprendedor) deberá presentarse a seguinte documentación: 1. A capacidade de obrar dos empresarios que sexan persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito sexa esixible conforme á lexislación mercantil que lle sexa aplicable. Se non o fose, a acreditación da capacidade de obrar realizarase mediante a escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea, deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou a Oficina Consular de España no lugar do domicilio da empresa, no que se faga constar, previa acreditación pola empresa, que figuran inscritas no rexistro local profesional, comercial ou análogo ou, na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante un informe da correspondente Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (RXLCAP). Se é persoa física, o documento que acredite a súa personalidade (documento nacional de identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá acompañarse o documento que acredite a este representante (para españois, o documento nacional de identidade; para estranxeiros, o pasaporte, a autorización de residencia e o permiso de traballo no seu caso, ou calquera outro documento equivalente) e, ademais, poder suficiente en dereito ó seu favor, debidamente inscrito no rexistro oficial correspondente que habilite para concorrer á realización de contratos coas administracións públicas. En caso de concorreren á licitación varias empresas constituíndo unha unión temporal, cada unha delas deberá acreditar a súa personalidade e capacidade, indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 2. Poder debidamente bastanteado. Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteada por un fedatario público. 3. Documentación acreditativa da solvencia económica, financeira e técnica. Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se indican no apartado 2 do anexo I deste prego. No mesmo apartado especifícanse os requisitos mínimos en función dos medios de acreditación desta solvencia. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato. O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP. 1. Certificación positiva expedida pola Tesourería da Seguridade Social, ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2. Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP, que acredite que se atopa ó corrente do pagamento das súas obrigas tributarias. 3. Orixinal ou copia cotexada de alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo acompañado dunha declaración responsable de non darse de baixa na matrícula do citado imposto. 4. Documentación acreditativa da efectiva disposición dos medios persoais e materiais que se comprometeu a adscribir á execución do contrato. 5. Deberá indicarse a parte do contrato que se teña previsto subcontratar, sinalando a súa porcentaxe con respecto á totalidade desto, e o nome ou perfil empresarial. 6. Documento que acredite a constitución da garantía definitiva. 7. Documento acreditativo do pagamento dos anuncios. 14. ADXUDICACIÓN O órgano de contratación terá alternativamente a facultade de adxudicar o contrato á proposición máis vantaxosa no seu conxunto se se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R.d. 817/2009, para as proposicións desproporcionadas ou anormalmente baixas. A adxudicación notificaráselle ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 15. SUBCONTRATACIÓN O contratista poderá concertar con terceiros a realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e a súa porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se vaia encomendar a súa realización. A infracción destas condicións, así como a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación, poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre subcontratación establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. 16. REGRAS ESPECIAIS RESPECTO DO PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria e cantos dereitos e obrigas se deriven da relación contractual entre empregado e empregador. 3. A empresa contratista velará especialmente porque os traballadores adscritos á execución do contrato desenvolvan a súa actividade sen se extralimitar nas funcións desempeñadas respecto da actividade delimitada nos pregos como obxecto do contrato. 4. A empresa contratista estará obrigada a executar o contrato nas súas propias dependencias ou instalacións salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Corresponde tamén á empresa contratista velar polo cumprimento desta obrigación. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 5. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dunha banda, e a entidade contratante, doutra banda, en todo o relativo ás cuestións derivadas da execución do contrato. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións de traballo que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a asistencia deste persoal ó posto de traballo. d) Organizar o réxime de vacacións do persoal adscrito á execución do contrato, para o que se coordinará adecuadamente a empresa contratista coa entidade contratante e así non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 17. FORMALIZACIÓN DO CONTRATO A Administración e o contratista non poderán formalizar o contrato antes de que transcorran quince días hábiles desde que se remita a notificación da adxudicación ós licitadores, ó ser este contrato susceptible de recurso especial en materia de contratación. Transcorrido este prazo o órgano de contratación requiriralle ó adxudicatario que formalice o contrato nun prazo que non supere os cinco días, contados desde o seguinte ó que recibise o requirimento, unha vez transcorrido o prazo previsto sen que se interpoña un recurso que comporte a suspensión da formalización do contrato ou desde que se dite un acordo co levantamento da suspensión do acto de adxudicación. Non obstante, o contratista poderá solicitar que o contrato se eleve a escritura pública, polo que correrán ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado a Administración poderá acordar a súa resolución. Non poderá iniciarse a execución do contrato sen a súa formalización previa. 18. OBRIGAS DO CONTRATISTA O contratista deberá dar cumprimento ós deberes derivados das disposicións vixentes en materia de protección do emprego, condicións de traballo e prevención de riscos laborais segundo a lexislación competente nesa materia. 19. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do seu adxudicatario, sen que poida imputarse á Administración contratante ningún pagamento por tal concepto e sen que estes gastos superen os 2.000€. 20. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias co fin de asegurar a correcta realización da prestación pactada. A designación ou non do responsable non eximirá ó contratista da correcta execución obxecto do contrato, salvo que as deficiencias se deban a ordes directas deste, con expresa reserva escrita por parte do contratista, tanto o propio responsable coma o órgano de contratación. 21. EXECUCIÓN DO SERVIZO E RESPONSABILIDADE DO CONTRATISTA O contrato executarase con suxeición ó establecido nas súas cláusulas e nos pregos de acordo coas instrucións que para a súa interpretación dese ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizos sufrisen un atraso na súa recepción, sempre que este non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á resolución deste ou acordar a continuidade da súa execución con imposición de novas penalidades. Neste último suposto o órgano de contratación concederá a ampliación do prazo que estime necesaria para a terminación do contrato. Así mesmo a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. 22. GARANTÍA DOS SERVIZOS O prazo de garantía comezará a contar desde a data de recepción do servizo. A garantía definitiva responderá dos seguintes conceptos: a) Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o TRLCSP. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c) Da incautación que se poida decretar nos casos de resolución do contrato, de acordo co que no citado Real decreto lexislativo estea establecido. Así mesmo, se durante o prazo de garantía se acreditase a vixencia de vicios ou defectos dos bens fornecidos a Administración terá dereito a lle reclamar ó contratista a reposición dos que resulten inadecuados ou a súa reparación se fose suficiente. Durante este prazo de garantía terá dereito o contratista a coñecer e ser oído sobre a aplicación do servizo realizado. 23. DEVOLUCIÓN DA DOCUMENTACIÓN A documentación incluída no sobre A dos licitadores que non resultasen adxudicatarios poderá ser retirada por eles, con previo aviso ó Servizo de Contratación mediante escrito común ou electrónico no correo-e contratacion@depo.es, transcorridos tres meses contados desde o día seguinte á notificación do acordo de adxudicación ós licitadores e durante o prazo de 30 días naturais, salvo que a Administración considere oportuno retela no caso de que interpuxesen reclamacións ou recursos ou exista algún incidente administrativo. Transcorridos os prazos anteriormente mencionados esta Administración disporá da documentación e quedará exenta de toda responsabilidade. 24. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP. 25. RECURSOS E XURISDICIÓN COMPETENTE Os anuncios, os pregos e os documentos contractuais que establezan as condicións que deban rexer na contratación, os acordos de adxudicación e os actos de trámite, sempre que estes últimos incidan directa ou indirectamente sobre a adxudicación, determinen a imposibilidade de continuar o procedemento ou produzan indefensión ou prexuízo irreparable a dereitos ou intereses lexítimos, poderán ser obxecto do recurso especial en materia de contratación nos termos establecidos nos artigos 40 e seguintes do TRLCSP, con anterioridade á interposición do recurso contencioso-administrativo ante a xurisdición competente. As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa deixando expedita a vía xurisdicional, contenciosa-administrativa, a teor do disposto na lei reguladora da devandita xurisdición. ANEXO I. CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO O obxecto é o desenvolvemento dun proxecto para a xestión de activos da provincia de Pontevedra (“depoGAP”), que contempla tanto a realización dun inventario de activos de todos os concellos da provincia (salvo Pontevedra e Vigo) e da Deputación coma a implantación dun sistema ou plataforma para a xestión deses activos, que permita explotala e xestionala dunha maneira centralizada e que fomente a participación e a comunicación coa cidadanía a través dun portal destinado a ela e unha aplicación para dispositivos móbiles. Así mesmo, levará a cabo a posta en marcha de varias probas piloto de eficiencia enerxética que permitan obter o coñecemento suficiente para extrapolalo ó resto da provincia co fin de diminuír o gasto enerxético e ambiental como consecuencia do uso eficiente dos activos públicos. Estas actuacións deberanse complementar coa realización dun catálogo de normas, procedementos e recomendacións que sirva de guía, tanto para os empregados públicos coma para as empresas de servizos e obras que traballen para os distintos concellos, para o mantemento e actualización dos activos inventariados. Ademais, o adxudicatario deberá deseñar e desenvolver un plan de formación, capacitación e dinamización que achegue o coñecemento e a motivación necesarios para asegurar a sustentabilidade do proxecto tras a súa finalización. Para levar a cabo a realización do obxecto deste procedemento, descrito neste apartado, o adxudicatario proporcionará tanto os medios humanos e técnicos coma os produtos e os materiais necesarios. Todas estas actuacións contribuirán a conseguir os seguintes obxectivos:  Dispor de información de todos os activos provinciais.  Contar cun repositorio único de información en continuo proceso de actualización.  Dispor dun catálogo de normas, procedementos e recomendacións que sirvan de guía para manter actualizados os activos.  Dispor dunha ferramenta tecnolóxica que permita xestionar os activos provinciais.  Dispor da información necesaria que permita tomar decisións para obter unha mellora no uso dos recursos públicos da provincia de Pontevedra.  Optimizar a xestión e o mantemento dos activos municipais.  Fomentar a participación cidadá.  Dispor dun sistema que permita un acceso normalizado á información dos activos para mellorar a comunicación entre a Administración e os cidadáns.  Diminuír o gasto enerxético e o impacto ambiental mediante un uso eficiente dos activos públicos.  Sensibilizar á poboación sobre o uso eficiente da enerxía.  Adquirir o coñecemento suficiente sobre eficiencia enerxética para poder extrapolalo a todos os municipios da provincia. 1.2. PROCEDEMENTO División en lotes: non Cualificación do contrato: servizos suxeitos a regulación harmonizada CPV: 72000000 Trámite: ordinario Procedemento: aberto Órgano de contratación: Pleno da Corporación Prazo de presentación de ofertas: 52 días naturais (artigo 159.1 do R.d.l. 3/2011), a contar desde a data de envío do anuncio do contrato á Comisión Europea 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: a prezo fixado ORZAMENTO ESTIMADO Importe total estimado sen IVE: 5.433.884,30 € IVE (21%): 1.141.115,70 € Importe total estimado con IVE incluído: 6.575.000,00 € Ó orzamento de licitación poderánselle sumar as bonificacións (un total de 325.000,00 €, con IVE incluído), por adiantos no cumprimento asociados a algúns dos fitos establecidos no punto 1.5 deste anexo I e de acordo á seguinte distribución: BONIFICACIÓN POR CUMPRIMENTO DE PRAZOS Prazo Bonificación Posta en marcha da plataforma para a xestión de activos antes de cumprirse os 3 meses desde a sinatura do contrato 125.000 € Entrega do inventario do 60 % dos concellos ós 4 meses desde a sinatura do contrato 75.000 € Entrega do inventario do 90 % dos concellos ós 5 meses desde a sinatura do contrato 125.000 € B) FINANCIAMENTO Cadro de financiamento Anualidade Aplicación orzamentaria Importe total con IVE 2014 926.462.652.02.2012 6.900.000,00 € Revisión de prezos: non procede 1.4. PRAZO DE EXECUCIÓN O prazo para a execución será de 6 meses, a contar desde a data de formalización do contrato. Admite prórroga: non 1.5. RÉXIME DE PAGAMENTO Forma de pagamento: os pagamentos á empresa adxudicataria realizaranse contra a presentación das correspondentes facturas, en función do cumprimento dos fitos descritos a continuación e sempre tras a sinatura da correspondente acta de recepción, de acordo co seguinte detalle: Fito Descrición do fito Porcentaxe do importe de adxudicación 1 Inventario de todos os activos de 15 concellos 10 % 2 Inventario de todos os activos de 30 concellos 10 % 3 Inventario de todos os activos de 45 concellos 10 % 4 Inventario de todos os activos dos 60 concellos 10 % 5 Inventario de todos os activos da Deputación de Pontevedra 5 % 6 Migración de toda a información recompilada no inventario de activos realizado á plataforma de xestión de activos 4 % 7 Finalización do catálogo de normas, procedementos e recomendacións 2 % 8 Posta en marcha do sistema de xestión de activos da plataforma para a súa xestión 8 % 9 Posta en marcha do Cadro de Mando Integral e Business Intelligence 5 % 10 Posta en marcha do portal de participación cidadá e da aplicación para dispositivos móbiles 5 % 11 Finalización da proba piloto “Eficiencia enerxética na iluminación pública exterior” 4 % 12 Finalización da proba piloto “Eficiencia enerxética en edificios” 6 % 13 Finalización da proba piloto “Sustentabilidade enerxética e ambiental en instalacións deportivas” 6 % 14 Finalización da proba piloto “Planta de tratamento para a optimización enerxética e ambiental da xestión de lodos das depuradoras” 10 % 15 Finalización da proba piloto “Sensibilización e uso eficiente da enerxía nos fogares” 2 % 16 Finalización de todas as actuacións que forman parte do obxecto do proxecto 3 % Para a presentación e/ou rexistro das facturas o adxudicatario deberá contar coa correspondente acta de recepción. Lugar de presentación e forma da factura: o adxudicatario presentará as facturas expedidas no Rexistro xeral da Deputación de Pontevedra, en tempo e forma, para os efectos da súa remisión ó órgano administrativo a quen corresponda a súa tramitación. Nesta factura deberase identificar o servizo co código de clasificación e denominación (926 Novas Tecnoloxías) ademais do concepto obxecto da factura. 1.6. GARANTÍAS Provisional: non se esixe Definitiva: 5 % do prezo de adxudicación do contrato (IVE excluído) Prazo de garantía mínimo: 1 ano 1.7. PENALIDADES No caso de incumprimento dos compromisos ou das condicións especiais de execución do contrato ofertados polo contratista poderase optar entre a resolución do contrato ou a imposición de penalidades establecidas no artigo 212 do TRLCSP. INFRACCIÓNS E SANCIÓNS Durante a vixencia do contrato a Deputación de Pontevedra resérvase o dereito de impoñer multas e sancións ó seu adxudicatario como consecuencia da detección da comisión de calquera das condutas que se describen a continuación, que se cualifican como leves e graves. a) As condutas cualificadas como leves serán sancionadas cunha multa equivalente ó 5 % do importe de adxudicación do contrato. b) Os incumprimentos graves serán sancionados cunha multa de entre un 5,01 % e un 10 % do importe de adxudicación do contrato. Con independencia da posibilidade de impoñer a correspondente sanción, a Deputación de Pontevedra poderá impoñer multas coercitivas ó adxudicatario do contrato cando este persista na comisión das condutas susceptibles de seren sancionadas e sempre que non atendese no prazo fixado ó requirimento previo efectuado pola Deputación. O importe diario da multa será de 1.000,00 euros. En todo caso, o adxudicatario correrá cos custos das actividades necesarias para corrixir as situacións producidas como consecuencia da realización das condutas susceptibles de seren sancionadas. Con independencia das sancións ás que puidese haber lugar, a demora por parte do adxudicatario en remediar as situacións derivadas das correspondentes condutas facultará á Deputación de Pontevedra para que adopte as medidas pertinentes destinadas a emendar as deficiencias e, no caso de que ditas medidas se derivasen en gastos, a proceder contra a garantía correspondente. Procedemento de imposición de sancións e multas coercitivas: a) Caracteres xerais. A imposición de sancións por condutas graves esixirá a instrución do expediente contraditorio instruído ó efecto, con arranxo ó procedemento fixado nas cláusulas seguintes. Para a imposición de sancións por condutas leves non será preceptiva a previa instrución do expediente ó que se refire o parágrafo anterior, salvo o trámite de audiencia ó concesionario. A imposición de multas coercitivas levarase a cabo conforme ó procedemento descrito para a imposición de penalidades por condutas leves. b) Inicio do procedemento de imposición de sancións e multas coercitivas. O procedemento iniciarase de oficio polo órgano de contratación, xa sexa por propia iniciativa ou como consecuencia de calquera petición razoada ou por denuncia formulada por calquera persoa que teña coñecemento dos feitos susceptibles de seren sancionados ou penalizados. c) Instrución do procedemento no caso de condutas graves. De acordo co disposto nos artigos 196 e 197 da LPAP, para a imposición das sancións previstas nelas, seguirase o procedemento establecido no Regulamento do procedemento para o exercicio da potestade sancionadora, aprobado polo Real decreto 1398/1993, de 4 de agosto. O importe das sancións e o cumprimento das obrigas derivadas das responsabilidades contraídas poderán ser esixidas polos procedementos de execución forzosa previstos na Lei 30/1992, de 26 de novembro, de réxime xurídico das administracións públicas e do procedemento administrativo común. Os expedientes tramitaranse mediante a aplicación do seguinte procedemento: 1. A incoación do expediente acordarase pola Administración. Na mesma providencia nomearase instrutor. 2. O instrutor formulará un prego de cargos, que conterá a conduta ou condutas imputadas e a sanción proposta e que se lle notificará á empresa adxudicataria. Este disporá dun prazo de dez (10) días para formular alegacións. 3. Contestado o prego de cargos ou transcorrido o prazo sen facelo o instrutor formulará unha proposta de imposición de sancións tras, no seu caso, a eventual práctica das probas oportunas. 4. A proposta coas actuacións remitirase ó órgano de contratación, que ditará a resolución que estime oportuna sobre as sancións, que, no seu caso, deberán facerse efectivas polo adxudicatario no prazo de quince (15) días desde que reciba a notificación daquela. d) Recoñecemento de responsabilidade ou pagamento voluntario. Iniciado un procedemento de imposición de sancións, o adxudicatario poderá poñerlle fin mediante o recoñecemento da súa responsabilidade e o aboamento da sanción proposta polo instrutor reducido nun 25 %. Condutas susceptibles de dar lugar á imposición de sancións: Tal e como se sinalou, as condutas susceptibles de dar lugar á imposición de sancións por parte da Administración poden cualificarse como leves ou graves: a) Leves:  A falta de ética profesional por parte dos traballadores da empresa adxudicataria, a realización de comentarios de ámbito laboral, persoal ou de calquera índole, actuacións ou comentarios que supoñan un desprestixio da empresa adxudicataria ou da Deputación de Pontevedra, faltas de confidencialidade ou calquera outro comportamento que o equipo técnico de Novas Tecnoloxías considere prexudicial para o correcto desenvolvemento do proxecto. b) Graves:  A falsidade no nivel de coñecementos técnicos do persoal ofertado, deducida do contraste entre as características indicadas pola empresa adxudicataria na oferta e os efectivamente demostrados na execución dos traballos.  A falta reiterada de ética profesional (se xa se sancionou con 1 falta leve) por parte dos traballadores da empresa adxudicataria, a realización de comentarios de ámbito laboral, persoal ou de calquera índole, actuacións ou comentarios que supoñan un desprestixio da empresa adxudicataria ou da Deputación de Pontevedra, faltas de confidencialidade ou calquera outro comportamento que o equipo técnico de Novas Tecnoloxías considere prexudicial para o correcto desenvolvemento do proxecto. As características dos servizos recollidas nos pregos que rexen a contratación, así como os recursos humanos mínimos esixidos serán consideradas como obrigas esenciais do contrato, aplicándose as penalidades previstas para o incumprimento do prazo total, ou no seu caso a resolución do contrato. 2. SOLVENCIA TÉCNICA (DOCUMENTACIÓN QUE SE DEBERÁ PRESENTAR NA FASE DE REQUIRIMENTO, SEGUNDO FIGURA NA CLÁUSULA 13.1 DO PREGO ECONÓMICO-ADMINISTRATIVO) Para acreditar a solvencia técnica, detallarase e xustificarase cada un dos datos solicitados de acordo co establecido no Anexo V. Equipo de traballo deste presente prego. Achegarase unha declaración asinada do responsable legal do licitante co compromiso, por parte do responsable da empresa, de cumprimento dos requisitos mínimos de solvencia esixidos e o compromiso, por parte dos traballadores, de dedicación ó contrato. Xunto co anexo deberase achegar o informe de vida laboral expedido pola Tesourería Xeral da Seguridade Social de cada un dos membros do equipo. Esta documentación ten carácter confidencial. MODIFICACIÓNS NO EQUIPO DE TRABALLO O equipo humano do proxecto deberá estar formado inicialmente polos compoñentes relacionados na oferta adxudicataria coa valoración previa da Deputación de Pontevedra. Non obstante, poderán autorizarse cambios nesta composición sempre que:  Se presente unha xustificación escrita detallada e suficiente na que se explique o motivo do cambio.  Se presenten posibles candidatos cun perfil de cualificación igual ou superior ó da persoa a substituír.  O responsable do proxecto por parte da Deputación acepte un dos candidatos propostos. Con carácter xeral establécese un período de proba dun mes. Se á finalización deste período o responsable do contrato por parte da Deputación non xulgase adecuado ó persoal provisto polo adxudicatario poderá solicitar a súa substitución. A valoración final da produtividade e a calidade dos traballos dos membros do equipo corresponde ó responsable do contrato da Deputación, sendo a súa potestade solicitar o cambio de calquera dos compoñentes do equipo por outro de igual categoría se existen razóns xustificadas que o aconsellen. Esta substitución deberá comunicarse cun aviso previo de quince días. Pola súa banda, se é o adxudicatario quen durante o proxecto propón o cambio dunha das persoas do equipo de traballo, deberá facelo por escrito cun mes de antelación e expondo as razóns que obrigan á proposta. Neste caso, o adxudicatario tamén deberá garantir un solapamento na actividade do persoal substituído e o incorporado de, polo menos, un mes. Este solapamento, que ten por obxecto garantir a continuidade do servizo prestado, correrá por conta do adxudicatario e non será facturable á Deputación de Pontevedra. Estas condicións aplicaranse tanto ó equipo incluído na oferta inicial coma a aqueles que se incorporaron durante a execución do proxecto. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados co obxecto do contrato: 3.1. Enumeración dos criterios non avaliables mediante fórmulas (sobre B). Os criterios non avaliables mediante fórmulas valoraranse cun máximo de 50 puntos, de conformidade cos seguintes criterios: - Obxecto e alcance, ata un máximo de 33 puntos. - Melloras propostas polo licitador, ata un máximo de 10 puntos. - Xestión e control do proxecto, ata un máximo de 7 puntos. 3.1.1. Obxecto e alcance, ata un máximo de 33 puntos. Valorarase baixo este criterio o punto 3 da oferta presentada polo licitador, no cal se avaliarán os seguintes puntos:  Plataforma para a xestión de activos (10 puntos). Nesta epígrafe valorarase o punto 3.1 da oferta presentada polo licitador, onde se avaliará para cada un dos compoñentes da plataforma de xestión de activos, as funcionalidades e os requirimentos necesarios de cada un deles, así como a arquitectura do sistema proposta polo licitador e todos aqueles aspectos necesarios para o desenvolvemento, a implantación e a posta en marcha da plataforma proposta polo licitador segundo o descrito no apartado “4.1. Plataforma para a xestión de activos” do prego de prescricións técnicas. Terase en conta o grao de desenvolvemento e madurez desta e a súa adecuación ós requirimentos do proxecto.  Realización dun inventario de activos provinciais (10 puntos) Valorarase nesta epígrafe o punto 3.2 da oferta presentada polo licitador, onde se avaliará a metodoloxía proposta para a realización do inventario de activos provinciais segundo o descrito no apartado “4.2. Realización dun inventario de activos provinciais” do prego de prescricións técnicas, así como as ferramentas e dispositivos que se utilizarán para levala a cabo.  Probas piloto de eficiencia enerxética (8 puntos) Valorarase o apartado 3.3 da oferta presentada polo licitador. Avaliarase a metodoloxía que se utilizará para realizar o deseño, o desenvolvemento e a posta en marcha de cada unha das probas piloto incluídas no apartado “4.3. Probas piloto de eficiencia enerxética” do prego de prescricións técnicas, así como os criterios que se utilizarán para seleccionar a localización onde se executará cada unha delas. Prestarase especial atención ás medidas propostas en cada unha das probas piloto para conseguir rendibilidade e aplicar os resultados obtidos a toda a provincia.  Xestión do cambio: plan de comunicación, formación, capacitación e dinamización (5 puntos) Valorarase o apartado 3.4 da oferta presentada polo licitador. Avaliarase o plan de xestión do cambio proposto polo licitador segundo o descrito no punto “5. Xestión do cambio: plan de comunicación, formación, capacitación e dinamización” do prego de prescricións técnicas. Avaliarase o plan de comunicación interno e externo proposto e a súa adecuación ás necesidades do proxecto (accións e actividades, usuarios destinatarios, recursos necesarios, recursos propostos, etc.). Ademais, valorarase o plan de formación, onde se prestará especial atención ó contido das accións formativas por compoñente da plataforma e perfil de acceso, e o número de horas de cada unha delas, así como o plan de capacitación para realizar a transferencia de coñecemento técnico da solución proposta. Tamén se valorará o plan de dinamización, prestando especial interese ós mecanismos propostos para fomentar o uso da plataforma de xestión de activos incluída no alcance deste procedemento. 3.1.2. Melloras propostas polo licitador, ata un máximo de 10 puntos. Valoraranse baixo esta epígrafe as melloras, propostas polo licitador, que permitan dar un valor engadido ó proxecto “depoGAP” e permitan evolucionalo. Identifícanse en principio as seguintes posibles liñas de evolución: 1. Ampliación da análise de eficiencia e modernización: melloras de xestión de activos, eficiencia ou inventariado, entre outros. 2. Posibilidades de ampliar o proxecto a novos servizos e de aplicación a outros ámbitos de actuación. 3. Ampliación do alcance do inventario de activos mediante o inventariado dos camiños municipais nun proxecto piloto para concellos para poder obter o coñecemento da metodoloxía que se utilizará e poder extrapolala ó resto da provincia. 4. Análise para potenciar a actividade económica, aproveitando toda a información recompilada: plataforma transversal, aplicacións ou servizos tecnolóxicos. 5. Tratamento e análise de grandes repositorios de datos mediante big data. 6. Potenciar a dispoñibilidade da información mediante open data para potenciar a interacción do cidadán coas institucións e conseguir unha Administración máis eficaz, proactiva, transparente e participativa. 7. Propostas para mellorar a eficiencia enerxética nos desprazamentos durante a execución do proxecto. 8. Proporcionar unha visión de Smart Rexión ó proxecto mediante iniciativas orientadas a mellorar a calidade de vida, a sustentabilidade enerxética e ambiental e a xestión eficiente dos servizos a través da innovación e o uso das novas tecnoloxías (big data, opendata, sensórica e outras). Deberase acompañar dunha valoración económica aproximada de cada unha delas. Sen a valoración económica non se terá en conta a mellora. Importante: para que a Deputación de Pontevedra poida avaliar a solución global proposta poderalle solicitar ó licitador unha proba de concepto, a través da cal se poidan avaliar distintos aspectos da oferta. 3.1.3. Xestión e control do proxecto, ata un máximo de 7 puntos. Valorarase neste punto os seguintes aspectos:  Metodoloxía de xestión de proxecto, órganos de dirección e seguimento do proxecto (2 puntos). Valorarase neste punto a metodoloxía de xestión de proxecto proposta polo licitador para a execución do contrato, así como a proposta organizativa para a súa dirección e xestión e a metodoloxía de seguimento do proxecto que se utilizará neste procedemento.  Plan de traballo (3 puntos). Valorarase baixo esta epígrafe o plan de traballo proposto polo licitador, atendendo ó cronograma de actividades proposto e á relación de recursos humanos e técnicos asociados a cada actividade.  Entregables (1 punto). Valorarase baixo este punto a descrición do contido dos entregables propostos polo licitador e o seu axuste ás necesidades do proxecto.  Plan de calidade (1 punto). Valorarase baixo esta epígrafe o plan de calidade proposto polo licitador así como as certificacións de calidade achegadas por este. Nota moi importante: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia económica en relación cos criterios de avaliación mediante fórmulas presentarase única e exclusivamente no sobre C. O incumprimento deste precepto carrexará a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C). Nota importante: só se procederá á apertura e valoración das propostas do sobre C das empresas que obtivesen unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 50 puntos, de conformidade cos seguintes criterios: 3.2.1. Prezo ofertado, ata un máximo de 5 puntos. 3.2.2. Ampliación da duración do período de mantemento da plataforma, ata un máximo de 5 puntos. 3.2.3. Custo anual de mantemento, soporte e licenzas, ata un máximo de 10 puntos. 3.2.4. Ampliación do alcance nas probas piloto de eficiencia enerxética, ata un máximo de 30 puntos. 3.2.4.1. Ampliación do alcance na proba piloto de sustentabilidade enerxética e ambiental en instalacións deportivas, ata un máximo de 7 puntos. 3.2.4.2. Ampliación no alcance da proba piloto de sensibilización e uso eficiente da enerxía nos fogares, ata un máximo de 8 puntos. 3.2.4.3. Ampliación no alcance da proba piloto de eficiencia enerxética na iluminación pública exterior, ata un máximo de 15 puntos. Estes criterios valoraranse en función das fórmulas establecidas no anexo IV deste prego. Entenderase por ofertas admitidas todas as que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN PARA PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Unha declaración responsable subscrita pola persoa que asine a proposición, de acordo co modelo que se adxunta no anexo III deste prego. 3. Acreditación mediante certificación do órgano encargado do Rexistro Oficial de Licitadores e Empresas Clasificadas que acredite a seguinte clasificación: GRUPO SUBGRUPO CATEGORÍA V 1 D 2 4. Compromiso do licitador de dedicar ou adscribir ó contrato os materiais e traballadores necesarios para a súa debida execución, ós que se refire o artigo 64.2 do TRLCSP. En concreto, os perfís mínimos solicitados no equipo de traballo serán: Director de proxecto. Responsable, por parte do adxudicatario, do proxecto. Terá experiencia contrastada na xestión de proxectos similares ó obxecto do contrato, nos servizos e nas solucións propostas e nas tecnoloxías en que se desenvolvan estes. Deberá cumprir cos seguintes requisitos mínimos: • Titulación mínima requirida: titulación superior con coñecementos TIC e enerxéticos demostrables. • Tamén coñecementos demostrables en: o Organización e xestión de proxectos con equipos de traballo numerosos. o Proxectos con temática relacionada coa do obxecto do contrato. • Experiencia mínima de 10 anos en dirección de proxectos. Neste período deberá dirixir proxectos relacionados co obxecto do contrato. • Deberá ter unha dedicación completa na execución do proxecto obxecto deste procedemento e desenvolver o seu traballo nas dependencias da Deputación de Pontevedra e dos concellos incluídos no alcance do proxecto. Xefe de proxecto “Plataforma para a xestión de activos”. Responsable do desenvolvemento e da posta en marcha da plataforma para a xestión de activos que forma parte do obxecto deste prego. Deberá acreditar, como mínimo: • Titulación mínima requirida: titulación superior con coñecementos TIC demostrables. • Tamén coñecementos demostrables en: o Xestión de proxectos TIC relacionados coa xestión de activos. o Ferramentas de xestión de activos. o Coordinación de tarefas relacionadas coa posta en marcha de ferramentas de xestión de activos. • Experiencia mínima de 5 anos demostrable no desenvolvemento e implantación de ferramentas como a que se require neste concurso. • Deberá ter unha dedicación completa na execución do proxecto obxecto deste procedemento e desempeñar o seu traballo nas instalacións da Deputación de Pontevedra e dos concellos incluídos no alcance do proxecto. Xefe de proxecto “Inventario de activos provinciais”. Responsable, por parte do adxudicatario, da coordinación de todos os traballos necesarios para levar a cabo a realización do inventario de activos da Deputación de Pontevedra e dos concellos da provincia incluídos no alcance do proxecto obxecto deste procedemento, así como a coordinación de todos os equipos que participen nos traballos de recompilación de datos para o inventario. Deberá cumprir, como mínimo, os seguintes requisitos: • Titulación mínima requirida: titulación superior. • Coñecementos demostrables en: o Xestión de proxectos relacionados coa realización de inventarios de activos. o Coordinación de tarefas relacionadas coa realización de inventarios de activos. o Coordinación de equipos de traballo numerosos. • Experiencia mínima de 5 anos en tarefas e proxectos relacionados coa realización de inventarios. • Deberá ter unha dedicación completa na execución do proxecto obxecto do presente procedemento e desempeñar o seu traballo nas instalacións da Deputación de Pontevedra e dos concellos incluídos no alcance do proxecto. Xefe de proxecto “Probas piloto de eficiencia enerxética”. Responsable do deseño, do desenvolvemento e da execución de todas as probas piloto de eficiencia enerxética que se realicen neste contrato. Deberá acreditar, como mínimo: • Titulación mínima requirida: titulación superior. • Coñecementos demostrables en: o Xestión de proxectos sobre eficiencia enerxética. o Auditorías enerxéticas. o Estudos sectoriais e diagnósticos de eficiencia enerxética. o Implantación de sistemas de xestión enerxética. • Experiencia mínima de 5 anos demostrable no desenvolvemento e a posta en marcha de proxectos de eficiencia enerxética. • Deberá ter unha dedicación completa na execución do proxecto obxecto deste procedemento e desempeñar o seu traballo nas instalacións da Deputación de Pontevedra e dos concellos incluídos no alcance do proxecto. Xefe de proxecto “Xestión do cambio: comunicación, formación, capacitación e dinamización”. Responsable da coordinación e xestión de todas as actividades de comunicación, formación, capacitación e dinamización que se realicen durante o proxecto. Será o máximo responsable do proxecto de xestión do cambio e deberá acreditar como mínimo os seguintes requisitos: • Titulación mínima requirida: titulación media. • Coñecementos demostrables en: o Estratexia e metodoloxía da xestión do cambio. o Xestión de plans de formación, capacitación e dinamización. o Xestión de plans de comunicación. o Actividades formativas relacionadas co obxecto do proxecto e dirixidas tanto ó persoal con competencias na área das TIC coma á área usuaria. • Experiencia mínima de 3 anos demostrable no desenvolvemento e a execución de plans de xestión do cambio, formación, comunicación e capacitación acordes ás necesidades do proxecto. Equipo da plataforma para a xestión de activos. Para o desenvolvemento e a posta en marcha da plataforma ou sistema de información para a xestión de activos será necesario contar como mínimo cos seguintes perfís:  Analista. Perfil responsable de elaborar a análise técnica e deseño da solución, ademais de coordinar a elaboración da análise das integracións da plataforma obxecto do contrato cos sistemas corporativos da Deputación. Deberá cumprir cos seguintes requisitos: o Titulación mínima requirida: titulación superior ou media con coñecementos TIC demostrables. o Experiencia mínima de 3 anos en tarefas similares en solucións e proxectos relacionados co obxecto do contrato.  Programador. Perfil responsable do desenvolvemento e/ou parametrización de todos os compoñentes que compoñen a solución e as pasarelas de integración no que respecta á plataforma obxecto do contrato e os sistemas internos da Deputación. Deberá cumprir cos seguintes requisitos: o Titulación mínima requirida: titulación media relacionada coas TIC. o Coñecementos demostrables en contornas de desenvolvemento utilizados para a implantación da solución proposta para este procedemento e pasarelas de integración con sistemas de información externos. o Experiencia mínima de 2 anos en desenvolvementos utilizados para a implantación de ferramentas tecnolóxicas como a que se require neste contrato.  Técnico de sistemas. Coordinará todas as accións correspondentes á instalación e axuste da arquitectura, así como a súa xestión: instalación do software, optimización de rendementos e todas as demais áreas que aseguren un correcto desenvolvemento do proxecto. Deberá cumprir cos seguintes requisitos: o Titulación mínima requirida: titulación media relacionada coas TIC o Coñecementos demostrables en:  Administración de servidores Linux e Windows.  Administración e actualización preventiva das aplicacións: Apache2, Base de Datos, SSH, NFS, Apache Tomcat, webmin, iptables, VmWARE, Proxmox VE, etc.  Monitoraxe de sistemas.  Scripting bash ou perl.  Despregamento de aplicacións. o Experiencia mínima de 3 anos en implantación e posta en marcha de proxectos relacionados co obxecto do contrato.  Deseñador gráfico. Perfil responsable da definición e aplicación do deseño gráfico ós diferentes módulos que compoñen a solución proposta obxecto do PPT. Deberá cumprir cos seguintes requisitos: o Titulación mínima requirida: titulación media en deseño gráfico. o Experiencia mínima de 2 anos en tarefas de definición e aplicación do deseño gráfico en ferramentas TIC similares ás que se require neste concurso.  Responsable do equipo de probas. Coordinará as correspondentes probas do sistema, deseñando o plan de probas e controlando a execución destas. Deberá cumprir cos seguintes requisitos: o Titulación mínima requirida: titulación media con coñecementos TIC demostrables. o Experiencia mínima de 2 anos en tarefas de verificación e validación de software, realización de plans de probas en proxectos relacionados co obxecto do contrato. Equipos para a realización do inventario de activos provinciais. Para levar a cabo a realización do inventario de activos provinciais será necesario dispor de equipos formados como mínimo cos seguintes perfís:  Supervisores. Perfís responsables da supervisión e control de calidade da información recompilada nos traballos executados para a realización do inventario de activos. Deberá cumprir cos seguintes requisitos: o Titulación mínima requirida: técnico superior ou medio. o Coñecementos demostrables en:  Traballos de realización de inventarios.  Os activos englobados nas distintas tipoloxías a inventariar reflectidos no anexo I deste proxecto (iluminación pública, redes de abastecemento e saneamento, edificacións, etc.).  GIS. o Experiencia mínima de 3 anos en tarefas similares.  Técnicos de campo. Perfís responsables da realización dos traballos de recompilación de información e de campo para a realización do inventario de activos. Deberá cumprir cos seguintes requisitos: o Coñecementos demostrables en:  Traballos de recompilación de información e de campo para a elaboración de inventarios.  Os activos englobados nas distintas tipoloxías a inventariar reflectidos no anexo I deste proxecto (iluminación pública, redes de abastecemento e saneamento, edificacións, etc.).  GIS. o Experiencia mínima de 1 ano en tarefas similares. Equipos de probas piloto de eficiencia enerxética. Para levar a cabo as diferentes probas piloto de eficiencia enerxética expostas no obxecto do contrato será imprescindible contar con persoal con experiencia demostrable en cada tipo de tecnoloxía empregada, para levar a cabo cada unha das probas piloto descritas no alcance do proxecto e coas competencias adecuadas para a súa execución. Para cada proba piloto exposta no obxecto do procedemento disporase do equipo necesario formado por persoal con experiencia demostrable en traballos similares ós que vaian realizar dentro da proba piloto e con coñecemento nas tecnoloxías que se vaian utilizar dentro desta. Cada equipo deberá estar coordinado e xestionado por un responsable da proba piloto coas seguintes características mínimas:  Responsable da proba piloto. Responsable do deseño, desenvolvemento e execución da proba piloto. Deberá cumprir cos seguintes requisitos: o Titulación mínima requirida: técnico superior ou medio. o Coñecementos demostrables na execución de proxectos similares e na tecnoloxía utilizada. o Experiencia mínima de 3 anos en tarefas similares. 5. As empresas estranxeiras presentarán unha declaración de se someter á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS Neste apartado descríbese a estrutura segundo a cal se deberán elaborar as ofertas presentadas por cada un dos licitadores. O licitador deberá presentar a oferta técnica tanto en formato papel coma en formato dixital. O formato dixital deberá presentarse en soporte CD ou DVD e levará a seguinte etiqueta: EMPRESA NOME DE FICHEIROS Oferta_Tecnica.doc Oferta_Tecnica.pdf Na versión dixital, que deberá estar asinada dixitalmente polo representante legal da empresa licitadora, entregarase un ficheiro en formato PDF e outro ficheiro en formato DOC. Se houbese algunha incongruencia entre a oferta presentada en papel e a presentada en formato dixital asinada electronicamente prevalecerá esta última. A oferta do licitador deberá estar paxinada e conter un índice detallado. O tipo de letra utilizado será Arial 12, excepto para os títulos, que será Arial 14 e Arial 16. Utilizarase un interliñado a 1,15 e o espazo entre parágrafos será de 0,6 puntos. A extensión máxima da proposta técnica non poderá exceder as 250 páxinas en formato vertical, excluídos os anexos e a información adicional que se presenta no apartado “10 Información adicional” da oferta. Durante o proceso de valoración das ofertas non se terán en conta aquelas que non presenten toda a documentación no formato indicado anteriormente e seguindo as directrices estipuladas, tentando seguir ademais, na medida do posible e sempre que non entre en contradición co estipulado neste parágrafo, a estrutura do prego de prescricións técnicas. As ofertas técnicas que presenten os licitadores deberán contemplar, de maneira obrigatoria e exclusiva, os seguintes puntos e na mesma orde dos especificados a continuación. Non seguir a seguinte estrutura ou engadir algún punto ademais dos indicados será motivo de exclusión. 1. Índice. Débese incluír un índice que enumere os contidos da proposta técnica. 2. Introdución e enfoque estratéxico. Débese realizar un pequeno resumo da oferta presentada polo licitador e a descrición do enfoque estratéxico desta. 3. Obxecto e alcance. Neste punto o licitador deberá detallar todos os aspectos que sexan necesarios para cumprir o obxecto e o alcance do proxecto e incluirá a metodoloxía que se utilizará para levalo a cabo, debendo reflectir polo menos os seguintes puntos: 3.1. Plataforma para a xestión de activos. Nesta epígrafe deberase realizar unha descrición detallada de cada un dos compoñentes da plataforma de xestión de activos, as súas funcionalidades e requirimentos, así como a arquitectura do sistema proposta polo licitador e todos os aspectos que sexan necesarios para o seu desenvolvemento, implantación e posta en marcha, segundo o especificado no apartado “4.1 Plataforma para a xestión de activos” do prego de prescricións técnicas. Ademais, o licitador deberá encher a táboa do anexo III do prego de prescricións técnicas. 3.2. Realización dun inventario de activos provinciais. Neste punto deberase describir detalladamente a metodoloxía que se utilizará para realizar o inventario de activos provinciais, así como as ferramentas e dispositivos que se utilizarán para levalo a cabo, segundo o descrito e requirido no apartado “4.2 Realización dun inventario de activos provinciais” do prego de prescricións técnicas. 3.3. Probas piloto de eficiencia enerxética. Baixo este punto o licitador deberá describir detalladamente a metodoloxía que se utilizará para realizar todas as tarefas necesarias para o deseño, o desenvolvemento e a posta en marcha de cada unha das probas piloto de eficiencia enerxética incluídas no alcance do proxecto, así como os criterios que se utilizarán para seleccionar a localización onde se realizará cada unha delas, segundo o descrito e requirido no apartado “4.3 Probas piloto de eficiencia enerxética” do prego de prescricións técnicas. 3.4. Xestión do cambio: plans de comunicación, de formación, de capacitación e de dinamización. Neste punto o licitador deberá describir detalladamente o proxecto de xestión do cambio, que incluirá a descrición de cada unha das actuacións que levarán a cabo como parte do plan de comunicación (interno e externo), do plan de formación e capacitación e do plan de dinamización propostos para poder realizar unha boa xestión do cambio, segundo o descrito no apartado “5 Xestión do cambio: plan de comunicación, formación, capacitación e dinamización” do prego de prescricións técnicas. 4. Xestión e control do proxecto. Baixo este punto o licitador deberá describir a proposta de xestión de todo o proxecto, tendo en conta os seguintes apartados: 4.1. Metodoloxía de xestión de proxecto. Describirase a metodoloxía de xestión de proxecto proposta polo licitador e as certificacións metodolóxicas de xestión de proxectos, eficiencia enerxética e proxectos TIC que a empresa licitadora desexe achegar. 4.2. Órganos de dirección e xestión do proxecto. Detallarase a proposta organizativa para a dirección e xestión do proxecto. 4.3. Metodoloxía de seguimento do proxecto. Deberase incluír a metodoloxía de seguimento do proxecto proposto polo licitador. 4.4. Plan de traballo. Deberase incluír o plan de traballo detallado para desenvolver as tarefas incluídas no alcance do proxecto, que deberá incluír de maneira obrigatoria:  Cronograma de cada unha das actuacións incluídas no alcance do proxecto.  Descrición pormenorizada de cada unha das tarefas incluídas no cronograma proposto.  Relación dos recursos humanos asignados a cada unha destas tarefas e descrición das funcións que realizarán dentro destas e a porcentaxe de atribución ás mesmas. 4.5. Entregables. Deberase realizar unha descrición detallada do contido da documentación que se entregará durante a execución do proxecto, na que se incluirá polo menos os que se indican no apartado “6.5 Entregables” do prego de prescricións técnicas. 4.6. Plan de calidade. Incluirase o plan de calidade no cal se realizará unha descrición detallada da metodoloxía de control de calidade que se aplicará dentro do ámbito do proxecto obxecto deste procedemento e os certificados de calidade que a empresa teña vixentes no momento da presentación da oferta. 5. Garantía, mantemento e soporte. O licitador deberá expor neste punto o modelo de garantía, o mantemento e o soporte a usuarios, que cumpra cos requirimentos mínimos establecidos no apartado “8. Garantía, mantemento e soporte” do prego de prescricións técnicas. 6. Licenciamento e código fonte. O licitador deberá expor o detalle dos diferentes tipos de licenzas propostas xunto coas características relacionadas co código fonte do proxecto. 7. Melloras propostas polo licitador. Valoraranse baixo esta epígrafe as melloras, propostas polo licitador, que permitan dar un valor engadido ó proxecto “depoGAP” e que así este evolucione. Identifícanse as seguintes posibles liñas de evolución: 1. Ampliación da análise de eficiencia e modernización: melloras de xestión de activos, eficiencia ou inventariado, entre outros. 2. Posibilidades de ampliar o proxecto a novos servizos e de aplicación a outros ámbitos de actuación. 3. Ampliación do alcance do inventario de activos, mediante o inventariado de camiños municipais nun proxecto piloto para concellos para poder obter o coñecemento da metodoloxía a utilizar e poder extrapolala ó resto da provincia. 4. Análise para potenciar a actividade económica aproveitando toda a información recompilada: plataforma transversal, aplicacións ou servizos tecnolóxicos. 5. Tratamento e análise de grandes repositorios de datos mediante big data. 6. Potenciar a dispoñibilidade da información mediante open data para fomentar a interacción do cidadán coas institucións e conseguir unha Administración máis eficaz, proactiva, transparente e participativa. 7. Propostas para mellorar a eficiencia enerxética nos desprazamentos durante a execución do proxecto. 8. Proporcionar unha visión de Smart Rexión (Smart Provincia) ó proxecto mediante iniciativas orientadas a mellorar a calidade de vida, a sustentabilidade enerxética e ambiental e a xestión eficiente dos servizos a través da innovación e o uso das novas tecnoloxías. 8. Información adicional (anexos). Calquera outra documentación que desexe achegar o licitador. 9. Deberase indicar a parte do contrato que o empresario ten eventualmente o propósito de subcontratar de conformidade co establecido na cláusula 14 deste prego. Nota moi importante: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobre C). O incumprimento deste requisito carrexará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición segundo o modelo determinado no Anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán aquelas propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, se excedese do orzamento base de licitación, variase substancialmente o modelo establecido, comportase erro manifesto no importe da proposición ou existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Na proposición indicaranse como partida independente o importe do Imposto sobre o Valor Engadido. Así mesmo, cando para a selección do contratista se atenda a unha pluralidade de criterios, incluirase neste sobre a documentación relativa a aqueles criterios avaliables mediante fórmulas establecidas nos pregos. ANEXO II. MODELO DE PROPOSICIÓN (SOBRE C) (Nome e apelidos)............................................, maior de idade, veciño de....................., con domicilio en ............................ e con DNI .................., expedido en data .............., actuando en nome propio ou en representación da empresa ................................. (CIF número .......................), con domicilio en .................................. e teléfono ...................., segundo declaro responsablemente. En coñecemento do anuncio para adxudicar mediante procedemento aberto o contrato correspondente ó servizo (especificar denominación do servizo):…………………………………………………………………………. Primeiro. Declaramos que na execución do contrato se cumpriron os deberes derivados das disposicións vixentes en materia de protección do emprego, condicións de traballo e prevención de riscos laborais. Segundo. Comprometémonos ó servizo, con estrita suxeición ós pregos de prescricións técnicas e condicións económico-administrativas, que aceptamos en todas as súas partes, coas seguintes condicións: 1. Prezo total ofertado sen IVE: ……………………………………… euros 2. Ampliación de duración do período de mantemento da plataforma: …………….. meses (Como mínimo será de 12 meses e como máximo 36 meses) 3. Menor custo anual de mantemento, soporte e licenzas (importe sen IVE): ……………………… euros 4. Ampliación do alcance nas probas piloto de eficiencia enerxética 4.1. Ampliación do alcance na proba piloto de sustentabilidade enerxética e ambiental en instalacións deportivas CONCEPTO Si Non Extensión da proba a outro campo de fútbol da provincia cun aforo superior ós 500 espectadores 4.2 Número de fogares ampliados do alcance da proba piloto de sensibilización e uso eficiente da enerxía nos fogares: ……………………………………. fogares 4.3. Número de cadros de iluminación de diferentes concellos ampliados da proba piloto de eficiencia enerxética de iluminación pública exterior: ……………………………………………………………………………cadros …………………………………., ….. de …………………… de ……….. (Lugar, data, sinatura e selo do licitador) ANEXO III. DECLARACIÓN RESPONSABLE (SOBRE A) Nota: este modelo pódese descargar en formato PDF para cubrir na área de descargas da seguinte dirección web: http://www.depo.es/web/edepo/contratacion1     ANEXO IV. FÓRMULAS A APLICAR PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) A) Prezo de licitación, ata un máximo de 5 puntos. Utilizarase a seguinte fórmula: • P: prezo de licitación • N: número de ofertas • El1, El2,….,On: valor das n ofertas, • B1, B2,….,Bn: baixas absolutas (Bi=P-Oi, i=l,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 9 e Wmax, i=l, ….., n • Vi: valoración final da oferta i-ésima entre 0 e Vmax, i=l, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm = bmax = 0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula . Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que . 4. Fórmula completa para a valoración de ofertas 1. Definición de Wmax : 2. Definición de S: • Se : , • Se : 3. Valoración das ofertas cando bmax > . Para ,…..,n: • Se entón , • Se entón 4. Valoración das ofertas cando • Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA): Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda nas porcentaxes que se sinalan a continuación, en función do número de empresas presentadas e admitidas ó procedemento: -Unha oferta: será anormal se a súa baixa porcentual é superior ó 25 % do prezo de licitación. -Dúas ofertas: unha das ofertas será anormal se a súa baixa porcentual é superior á da outra en máis de 20 unidades. -Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das admitidas. Con todo, excluirase para o cómputo de dita media a oferta coa baixa porcentual máis pequena cando sexa inferior en máis de 10 unidades a ese promedio. En calquera caso consideraranse anormais todas as ofertas con baixas porcentuais superiores ó 25 % do prezo de licitación. Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. Non obstante, se entre elas existen baixas porcentuais inferiores en máis de 10 unidades a esta media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b 1 > 25, entón a oferta 1 (única) é temeraria • n = 2: supoñemos que . Se entón a oferta 2 é temeraria Obsérvese que a condición equivale a porque. • n = 3: supoñemos que b1 ≤ b2 ≤ b3. Sexa definida como: = (b2 + b3) se b 1 < bm - 10 bm en caso contrario Para i = 1, 2, 3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b 1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos = se e se e , bm se Para i = 1, 2,……, n, se b1 > b*m + 10 a oferta i é temeraria. -Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que foron clasificadas, que se estime poida ser cumprida a satisfacción da Administración e que non sexa considerada anormal ou desproporcionada. B) Ampliación de duración do período de mantemento da plataforma, ata un máximo de 5 puntos. Outorgaráselle a máxima puntuación ó licitante que oferte a maior duración no servizo de mantemento e ó resto de licitantes outorgaráselles a puntuación que corresponda de maneira proporcional mediante a aplicación da seguinte fórmula: Onde: • a: número de meses mínimos esixidos no PPT (12 meses). • b: oferta do licitador obxecto de cálculo. • c: 36 meses (límite de saciedade, a partir do cal a puntuación excede o máximo asignado ó criterio). • d: puntuación máxima outorgada ó criterio. C) Custos anuais de mantemento, soporte e licenzas, ata un máximo de 10 puntos. Outorgaráselle a maior puntuación ó licitador que oferte o custo anual máis baixo do mantemento, soporte e licenzas de toda a infraestrutura, unha vez superado o período de garantía e a ampliación desta valorada no apartado “19.1.2 Ampliación de duración do período de mantemento da plataforma (5 puntos)”. Ó resto de licitadores outorgaráselles a puntuación que corresponda de maneira proporcional mediante a aplicación da seguinte fórmula (trátase de minimizar o prezo): Onde:  a: prezo en euros da peor oferta (a de maior importe).  b: prezo en euros do licitador obxecto de cálculo.  c: prezo en euros da mellor oferta (a de menor importe).  d: puntuación máxima outorgada ó criterio. D) Ampliación do alcance nas probas piloto de eficiencia enerxética, ata un máximo de 30 puntos. d.1) Ampliación do alcance na proba piloto de sustentabilidade enerxética e ambiental en instalacións deportivas (7 puntos). Valorarase con 7 puntos a extensión desta proba a outro campo de fútbol da provincia cun aforo superior ós 500 espectadores. d.2) Ampliación no alcance da proba piloto de sensibilización e uso eficiente da enerxía nos fogares (8 puntos). Outorgaranse ata un máximo de 8 puntos en función do número de fogares que se propoña ampliar no alcance deste proxecto piloto segundo a seguinte fórmula: CONCEPTO PUNTOS 100 fogares máis 8 puntos 50 fogares máis 4 puntos d.3) Ampliación no alcance da proba piloto de eficiencia enerxética na iluminación pública exterior (15 puntos). Outorgaranse ata un máximo de 15 puntos en función dos cadros de iluminación de diferentes concellos que se propoña ampliar na proba piloto de eficiencia enerxética de iluminación pública exterior segundo a seguinte táboa: CONCEPTO PUNTOS 5 cadros 15 puntos 4 cadros 12 puntos 3 cadros 9 puntos 2 cadros 6 puntos 1 cadro 3 puntos ANEXO V EQUIPO DE TRABALLO Para cada un dos perfís mínimos solicitados no equipo de traballo deberase cubrir a táboa correspondente, onde se especificará e xustificará cada un dos datos solicitados. 1.1 Equipo de dirección: 1.1.1 Director de proxecto. Nome Titulación Coñecementos Organización e xestión de proxectos con equipos de traballo numerosos Proxectos con temática relacionada coa do obxecto do contrato Experiencia Experiencia mínima de 10 anos en dirección de proxectos. Neste período deberá dirixir proxectos relacionados co obxecto do contrato 1.1.2 Xefe de proxecto “Plataforma para a xestión de activos”. Nome Titulación Coñecementos Xestión de proxectos TIC relacionados coa xestión de activos Ferramentas de xestión de activos Coordinación de tarefas relacionadas coa posta en marcha de ferramentas de xestión de activos Experiencia Experiencia mínima de 5 anos demostrable no desenvolvemento e implantación de ferramentas como a que se require neste concurso 1.1.3 Xefe de proxecto “Inventario de activos provinciais”. Nome Titulación Coñecementos Xestión de proxectos relacionados coa realización de inventarios de activos Coordinación de tarefas relacionadas coa realización de inventarios de activos Coordinación de equipos de traballo numerosos Experiencia Experiencia mínima de 5 anos en tarefas e proxectos relacionados coa realización de inventarios 1.1.4 Xefe de proxecto “Probas piloto de eficiencia enerxética”. Nome Titulación Coñecementos Xestión de proxectos sobre eficiencia enerxética Auditorías enerxéticas Estudos sectoriais e diagnósticos de eficiencia enerxética Implantación de sistemas de xestión enerxética Experiencia Experiencia mínima de 5 anos demostrable no desenvolvemento e posta en marcha de proxectos de eficiencia enerxética 1.1.5 Xefe de proxecto “Xestión do cambio: comunicación, formación, capacitación e dinamización”. Nome Titulación Coñecementos Estratexia e metodoloxía da xestión do cambio Xestión de plans de formación, capacitación e dinamización Xestión de plans de comunicación Actividades formativas relacionadas co obxecto do proxecto e dirixidas tanto a persoal con competencias na área do TIC como á área usuaria Experiencia Experiencia mínima de 3 anos demostrable no desenvolvemento e a execución de plans de xestión do cambio, formación, comunicación e capacitación, acorde ás necesidades do proxecto 1.2 Equipo da plataforma para a xestión de activos. 1.2.1 Analista. Nome Titulación Experiencia Experiencia mínima de 3 anos en tarefas similares en solucións e proxectos relacionados co obxecto do contrato 1.2.2 Programador. Nome Titulación Coñecementos Contornas de desenvolvemento utilizadas para a implantación da solución proposta Pasarelas de integración con sistemas de información externos Experiencia Experiencia mínima de 2 anos en desenvolvementos utilizados para a implantación de ferramentas tecnolóxicas como a que se require neste contrato 1.2.3 Técnico de sistemas. Nome Titulación Coñecementos Administración de servidores Linux e Windows Administración e actualización preventiva das aplicacións: Apache2, Base de Datos, SSH, NFS, ApacheTomcat, Webmin, Iptables, VmWARE, Proxmox VE, etc. Monitoraxe de sistemas Scripting bash ou perl Desenvolvemento de aplicacións Experiencia Experiencia mínima de 3 anos en implantación e posta en marcha de proxectos relacionados co obxecto do contrato 1.2.4 Deseño gráfico. Nome Titulación Experiencia Experiencia mínima de 2 anos en tarefas de definición e aplicación de deseño gráfico en ferramentas TIC similares ás que se requiren neste concurso 1.2.5 Responsable de equipo de probas. Nome Titulación Experiencia Experiencia mínima de 2 anos en tarefas de verificación e validación de software, realización de plans de probas en proxectos relacionados co obxecto do contrato 1.3 Equipos para a realización do inventario de activos provinciais. Deberase encher a seguinte táboa para cada un dos membros do equipo encargado para a realización do inventario de activos provinciais. 1.3.1 Supervisores. Nome Titulación Coñecementos Traballos de realización de inventarios Os activos englobados nas distintas tipoloxías que se inventariarán reflectidos no anexo I deste proxecto (iluminación pública, redes de abastecemento e saneamento, edificacións, etc.) GIS Experiencia Experiencia mínima de 3 anos en tarefas similares 1.3.2 Técnicos de campo. Nome Coñecementos Traballos de recompilación de información e de campo para a elaboración de inventarios Os activos englobados nas distintas tipoloxías a inventariar reflectidos no anexo I deste proxecto (iluminación pública, redes de abastecemento e saneamento, edificacións, etc.) GIS Experiencia Experiencia mínima de 1 ano en tarefas similares 1.4 Equipos de probas piloto de eficiencia enerxética. Para cada proba piloto indicada no alcance do prego de prescricións técnicas deberase encher a seguinte táboa para o responsable da proba piloto e indicar o equipo que coordina e xestiona. 1.4.1 Proba piloto “Eficiencia enerxética na iluminación pública exterior”. 1.4.1.1 Responsable da proba piloto . Nome Titulación Coñecementos Execución de proxectos sobre eficiencia enerxética na iluminación pública exterior e nas tecnoloxías utilizadas neles Experiencia Experiencia mínima de 3 anos en tarefas similares 1.4.2 Proba piloto “Eficiencia enerxética en edificios”. 1.4.2.1 Responsable da proba piloto. Nome Titulación Coñecementos Execución de proxectos sobre eficiencia enerxética en edificios e nas tecnoloxías utilizadas neles Experiencia Experiencia mínima de 3 anos en tarefas similares 1.4.3 Proba piloto “Sustentabilidade enerxética e ambiental en instalacións deportivas”. 1.4.3.1 Responsable da proba piloto. Nome Titulación Coñecementos Execución de proxectos sobre sustentabilidade enerxética e ambiental en instalacións deportivas e nas tecnoloxías utilizadas neles Experiencia Experiencia mínima de 3 anos en tarefas similares 1.4.4 Proba piloto “Planta de tratamento para a optimización enerxética e ambiental da xestión de lodos das depuradoras”. 1.4.4.1 Responsable da proba piloto Nome Titulación Coñecementos Execución de proxectos relacionados con plantas de tratamento para a optimización enerxética e ambiental da xestión de lodos das depuradoras Experiencia Experiencia mínima de 3 anos en tarefas similares 1.4.5 Proba piloto “Sensibilización e uso eficiente da enerxía nos fogares” 1.4.5.1 Responsable da proba piloto Nome Titulación Coñecementos Execución de proxectos sobre a sensibilización e uso eficiente da enerxía nos fogares Experiencia Experiencia mínima de 3 anos en tarefas similares …………………………………., ….. de …………………… de ……….. (Lugar, data, sinatura e selo do licitador) PREGO DE PRESCRICIÓNS TÉCNICAS QUE REXERÁ O PROCEDEMENTO ABERTO PARA A CONTRATACIÓN DO DESENVOLVEMENTO DO PROXECTO “DEPOGAP: XESTIÓN DE ACTIVOS DA PROVINCIA DE PONTEVEDRA CONTIDO 1 INTRODUCIÓN E ENFOQUE ESTRATÉXICO 1.1 Introdución 1.2 Enfoque estratéxico 2 OBXECTO 3 ALCANCE 4 DESCRICIÓN DETALLADA DO ALCANCE 4.1 Plataforma para a xestión de activos 4.1.1 Obxecto 4.1.2 Requirimentos funcionais do sistema de xestión de activos 4.1.2.1 Administración da plataforma 4.1.2.2 Xestión do inventario de bens e activos 4.1.2.3 Xestión de datos xurídicos 4.1.2.4 Xestión contable 4.1.2.5 Xestión da EIEL 4.1.2.6 Xestión de consumos 4.1.2.7 Xestión de incidencias e mantementos 4.1.3 Requirimentos funcionais do Cadro de Mando Integral e Business Intelligence 4.1.3.1 Cadro de Mando Integral 4.1.3.2 Business Intelligence 4.1.4 Requirimentos funcionais do portal de participación cidadá 4.1.5 Requirimentos funcionais da aplicación para dispositivos móbiles 4.1.6 Requirimentos técnicos da plataforma de xestión de activos 4.1.7 Outros requirimentos 4.1.8 Arquitectura do sistema 4.2 Realización dun inventario de activos provinciais 4.2.1 Obxecto 4.2.2 Descrición de actividades 4.2.2.1 Recompilación in situ de toda a información dos activos definida nas fichas do anexo I deste prego 4.2.2.2 Tratamento e almacenamento da información recompilada de todos os activos provinciais 4.2.2.3 Elaboración dun catálogo de normas, procedementos e recomendacións para garantir unha actualización continua da información seguindo criterios unificados e normalizados. 4.3 Probas piloto de eficiencia enerxética 4.3.1 Obxecto 4.3.2 Descrición das actividades 4.3.2.1 Eficiencia enerxética na iluminación pública exterior 4.3.2.2 Eficiencia enerxética en edificios 4.3.2.3 Sustentabilidade enerxética e ambiental en instalacións deportivas 4.3.2.4 Planta de tratamento para a optimización enerxética e ambiental da xestión de lodos das depuradoras 4.3.2.5 Sensibilización e uso eficiente da enerxía nos fogares 5 Xestión do cambio: plan de comunicación, formación, capacitación e dinamización 5.1 Comunicación 5.2 Formación e capacitación 5.3 Dinamización 6 XESTIÓN E CONTROL DO PROXECTO 6.1 Metodoloxía para a xestión do proxecto 6.2 Órganos de dirección e xestión do proxecto 6.3 Metodoloxía de seguimento do proxecto 6.4 Plan de traballo 6.5 Entregables 6.5.1 Plataforma para a xestión de activos 6.5.2 Realización dun inventario de activos provinciais 6.5.3 Probas piloto de eficiencia enerxética 6.5.3.1 Probas piloto “Eficiencia enerxética na iluminación pública exterior” 153 6.5.3.2 Proba piloto “Eficiencia enerxética en edificios” 6.5.3.3 Proba piloto “Sustentabilidade enerxética e ambiental en instalacións deportivas” 6.5.3.4 Proba piloto “Planta de tratamento para a optimización enerxética e ambiental da xestión de lodos das depuradoras” 6.5.3.5 Proba piloto “Sensibilización e uso eficiente da enerxía nos fogares”: 6.5.4 Xestión do cambio: plan de comunicación, formación, capacitación e dinamización 6.5.5 Xerais 6.6 Plan de calidade 7 DURACIÓN E PRAZO DE EXECUCIÓN 8 GARANTÍA, MANTEMENTO E SOPORTE 8.1 Garantía 8.2 Mantemento e soporte 9 LICENCIAMIENTO E CÓDIGO FONTE 9.1 Licenzas 9.2 Código fonte da solución 10 TRATAMENTO DE DATOS DE CARÁCTER CONFIDENCIAL 11 OBRIGAS EN MATERIA DE COMUNICACIÓN 12 FITOS, RECEPCIÓNS PARCIAIS, ACTA FINAL DE RECEPCIÓN E PAGAMENTOS 13 RESOLUCIÓN DE DÚBIDAS 14 ESTRUTURA XERAL DA OFERTA 1 INTRODUCIÓN E ENFOQUE ESTRATÉXICO 1.1 Introdución A Deputación de Pontevedra, co ánimo de reforzar a sociedade da información nos ámbitos social, administrativo e económico dentro da provincia mediante a implementación das novas tecnoloxías da información e da comunicación, elaborou o proxecto “depoGAP: Xestión de Activos da Provincia de Pontevedra”. Este proxecto persegue dotar ós concellos de información interna que lles permita optimizar a xestión dos seus activos, mediante un repositorio único de información en continuo proceso de actualización. Ademais, busca fomentar a participación cidadá coa administración, establecendo mecanismos normalizados para compartir a información. Así mesmo, preténdese adquirir o coñecemento suficiente mediante o desenvolvemento de probas piloto de eficiencia enerxética para poder extrapolalo ó resto da provincia e poder diminuír o gasto enerxético e o impacto ambiental mediante un uso eficiente dos activos públicos. Con esta finalidade a Deputación de Pontevedra presentou o proxecto á convocatoria 2011 para a concesión de axudas do Fondo Europeo de Desenvolvemento Rexional que cofinancia proxectos de desenvolvemento local e urbano do Ministerio de Política Territorial e Administración Pública (actualmente Ministerio de Facenda e Administracións Públicas). A Secretaría de Estado de Cooperación Territorial, a través da resolución do 22 de xuño de 2011, resolveu concederlle financiamento, cunha achega de fondos FEDER dun 70 %. A primeira parte da denominación seleccionada para este proxecto, “depo”, fai referencia á Deputación de Pontevedra como institución promotora do proxecto e responsable da execución das súas actuacións. O termo “GAP”, pola súa banda, alude á xestión dos activos da provincia de Pontevedra. Estes constitúen unha das principais partidas de gasto das administracións públicas polo que a súa xestión no marco da actual conxuntura económica é fundamental. A “xestión dos activos da provincia de Pontevedra” á que fai referencia a denominación do proxecto pon de relevo a idea de control, eficiencia e modernización da Administración que o proxecto achegará. Os beneficios para os cidadáns virán determinados pola mellora dos servizos públicos mediante actuacións máis eficientes e a contención do gasto público, ademais da posta en marcha de ferramentas de participación cidadá, mentres que para os concellos suporá unha mellora na xestión municipal grazas á dispoñibilidade da información e as ferramentas que lles permita unha toma de decisións adecuada para conseguir a optimización da xestión de activos e servizos públicos, así como o aforro económico debido ó menor consumo dos recursos dispoñibles. Debido á complexidade inherente a un proxecto deste tipo, fundamentalmente pola gran variedade e heteroxeneidade dos activos existentes nos distintos municipios da provincia de Pontevedra, e co obxectivo de garantir o seu éxito, a Deputación de Pontevedra adxudicou o 21 de xuño de 2013 o concurso para o “Desenvolvemento de probas piloto de xestión de activos na provincia de Pontevedra”, mediante o cal se analizou a situación concreta, neste ámbito, de tres concellos da provincia: A Estrada, Mos e Ribadumia; estes concellos son representativos dos municipios de máis de 20.000 habitantes, de entre 10.000 e 20.000 e de menos de 10.000 habitantes respectivamente. Os resultados e as conclusións do devandito proxecto piloto serviron de base para a definición dunha estratexia de extensión e implantación do modelo definido a toda a provincia de Pontevedra. 1.2 Enfoque estratéxico A estratexia seguida desde a Deputación de Pontevedra durante os últimos anos estivo enfocada cara á modernización das administracións públicas, a mellora da economía dos distintos sectores e empresas da provincia, a sustentabilidade ambiental, a transparencia, a eficacia e a optimización no uso dos recursos públicos buscando a participación de todos os axentes implicados: administración pública, empresas e cidadáns. Por iso, os distintos proxectos levados a cabo permitiron sentar as bases para poñer en marcha e posteriormente consolidar un modelo de traballo máis áxil, eficiente e transparente, utilizando para conseguilo toda a axuda e a potencia que permiten as tecnoloxías da información e da comunicación. Proxectos como “Repoblar”, “eDepo”, “depoTIC”, “Viñas Atlánticas”, “Smart Destinations” ou este que se pon en marcha, entre outros, tentarán situar á provincia de Pontevedra como a primeira Smart Provincia. Fig. 1: Proxectos tecnolóxicos da Deputación de Pontevedra O imparable efecto das smart cities que percorre o mundo e que ten en España a un dos principais impulsores con múltiples proxectos e casos de éxito, ten un claro reflexo na situación na que se atopa a provincia de Pontevedra nestes momentos.   Fig. 2: Ámbitos dunha smart city Atendendo os distintos ámbitos que se desenvolven na contorna das smart cities pódense asociar a cada un deles varias das actuacións que se executaron ou se están a desenvolver desde a Deputación. Con “depoGAP” poranse en marcha varias accións que irán completando o mapa smart da provincia: eficiencia enerxética, participación cidadá, transparencia, innovación, produtividade, sensibilización e formación, etc. O reto que se expón neste proxecto vai alén da realización dun inventario e a implantación dunha plataforma que xestione e manteña eses activos; debe ser a pedra angular que una as sinerxías dos distintos proxectos da Deputación de Pontevedra, configurando un mapa sobre o que construír unha provincia intelixente; é dicir, unha provincia capaz de aproveitar os datos que produce no seu funcionamento diario para xerar información nova que lle permita mellorar a súa xestión e ser máis sustentable, máis competitiva e ofrecer mellor calidade de vida, grazas á participación e colaboración de todos os axentes implicados. 2 OBXECTO O obxecto deste procedemento, definido no presente prego de prescricións técnicas (en diante PPT), é o desenvolvemento dun proxecto para a xestión de activos da provincia de Pontevedra (“depoGAP”) que contempla tanto a realización dun inventario de activos de todos os concellos da provincia de Pontevedra (salvo Pontevedra e Vigo) e da Deputación, como a implantación dun sistema ou plataforma para a xestión deses activos que permita explotala e xestionala dunha maneira centralizada e fomente a participación e a comunicación coa cidadanía a través dun portal para o cidadán e unha aplicación para dispositivos móbiles. Así mesmo, levará a cabo a posta en marcha de varias probas piloto de eficiencia enerxética que permitan obter o coñecemento suficiente para extrapolalo ó resto da provincia co fin de diminuír o gasto enerxético e ambiental como consecuencia do uso eficiente dos activos públicos. Estas actuacións deberanse complementar coa realización dun catálogo de normas, procedementos e recomendacións que sirva de guía, tanto para os empregados públicos coma para as empresas de servizos e obras que traballen para os distintos concellos, para o mantemento e a actualización dos activos inventariados. Ademais, o adxudicatario deberá deseñar e desenvolver un plan de formación, capacitación e dinamización que achegue o coñecemento e motivación necesarios para asegurar a sustentabilidade do proxecto tras a súa finalización. Para levar a cabo a realización do obxecto do presente PPT, descrito neste apartado, o adxudicatario proporcionará tanto os medios humanos e técnicos coma os produtos e os materiais necesarios. Todas estas actuacións contribuirán a conseguir os seguintes obxectivos: o Dispor de información de todos os activos provinciais. o Contar cun repositorio único de información en continuo proceso de actualización. o Dispor dun catálogo de normas, procedementos e recomendacións que sirvan de guía para manter actualizados os activos. o Dispor dunha ferramenta tecnolóxica que permita xestionar os activos provinciais. o Dispor da información necesaria que permita tomar decisións para obter unha mellora no uso dos recursos públicos da provincia de Pontevedra. o Optimizar a xestión e o mantemento dos activos municipais. o Fomentar a participación cidadá. o Dispor dun sistema que permita un acceso normalizado á información dos activos para mellorar a comunicación administración-cidadáns. o Diminuír o gasto enerxético e o impacto ambiental mediante un uso eficiente dos activos públicos. o Sensibilizar á poboación sobre o uso eficiente da enerxía. o Adquirir o coñecemento suficiente sobre eficiencia enerxética para poder extrapolalo a todos os municipios da provincia. 3 ALCANCE Para alcanzar os obxectivos expostos no proxecto “depoGAP” (definidos no apartado anterior), esta licitación contempla o desenvolvemento das seguintes actuacións que conforman o alcance desta: • Dotación dunha plataforma ou sistema de información para a xestión dos activos provinciais que permita dispor dun repositorio único de información de activos provinciais en continuo proceso de actualización e que soporte a xestión e o mantemento dos devanditos activos desde todas as perspectivas necesarias: municipal, provincial, cidadá, etc. Os concellos accederán de maneira remota á plataforma, que estará implantada de maneira centralizada na Deputación de Pontevedra, permitíndolles explotar a información xerada no inventariado de activos descrito no seguinte punto e realizar unha xestión centralizada dos activos municipais. Así mesmo, o sistema disporá dun cadro de mando que axude ós concellos na toma de decisións, así como dun portal para o cidadán e unha aplicación para dispositivos móbiles para fomentar a participación e comunicación entre a cidadanía e a administración. • Realización dun inventario de activos de todos os concellos da provincia de Pontevedra (salvo Pontevedra e Vigo) e da propia Deputación seguindo criterios de inventariado unificados e normalizados que achegue, ós concellos e á Deputación, a información interna que lles permita optimizar a súa xestión mediante o desenvolvemento de actividades de contención do gasto baseadas en criterios de eficiencia e calidade. Esta actuación deberá completarse cun catálogo de normas, procedementos e recomendacións que sirva de guía para o mantemento e actualización do devandito inventario. • Desenvolvemento e posta en marcha de probas piloto de eficiencia enerxética para obter datos e conclusións extrapolables para a súa aplicación en todos os concellos da provincia de Pontevedra de forma que se poida diminuír o gasto enerxético, o impacto ambiental e sensibilizar á poboación no uso eficiente dos activos públicos. • De maneira transversal a estas tres actuacións definidas no proxecto e debido á mudanza que suporá o proxecto “depoGAP” na forma de xestionar os activos exponse a necesidade de realizar un plan de xestión do cambio, imprescindible para asegurar a continuidade e sustentabilidade do proxecto, que deberá incluír como mínimo un plan de comunicación, de formación, de capacitación e de dinamización. 4 DESCRICIÓN DETALLADA DO ALCANCE Neste apartado realizarase unha descrición detallada de cada unha das actuacións a desenvolver dentro do alcance incluído neste PPT. 4.1 Plataforma para a xestión de activos. 4.1.1 Obxecto. O obxecto desta plataforma é proporcionarlles ós concellos da provincia de Pontevedra e á propia Deputación unha ferramenta que permita a xestión dos activos provinciais/municipais. Este sistema permitirá realizar a explotación e o mantemento unificado da información de inventariado dos activos municipais e provinciais. Así mesmo, a plataforma deberá dispor dun cadro de mando que facilite ós concellos e á Deputación a toma de decisións, así como un portal para o cidadán e unha aplicación para dispositivos móbiles que permita fomentar a participación e a comunicación cos cidadáns. A plataforma para a xestión de activos deberá estar formada cando menos polos seguintes compoñentes ou sistemas: • Xestión de activos. Este compoñente ou sistema deberá soportar polo menos as seguintes funcionalidades: o Administración da plataforma o Xestión do inventario de bens e activos o Xestión xurídica o Xestión contable o Xestión da EIEL o Xestión de consumos o Xestión de incidencias e mantementos • Cadro de Mando Integral e Business Intelligence • Portal de participación cidadá. Este compoñente deberá contemplar polo menos as seguintes funcionalidades: o Publicación de información de dominio público o Visualización GIS de activos públicos o Envío de peticións, incidencias e suxestións o Integración con redes sociais • Aplicación para dispositivos móbiles Para a implantación desta plataforma as empresas licitadoras poderán optar tanto pola implantación dunha solución comercial como polo deseño, desenvolvemento e implantación dunha solución a medida. En todo caso, a solución proposta deberá cubrir os requirimentos funcionais e técnicos mínimos que se detallan nos seguintes apartados. 4.1.2 Requirimentos funcionais do sistema de xestión de activos. A plataforma ofertada debe permitir a través dun sistema web a xestión integral dos bens e activos pertencentes ós concellos da provincia de Pontevedra e á propia Deputación. O compoñente ou sistema de xestión de activos deberá contemplar, cando menos, as funcionalidades descritas a continuación: 4.1.2.1 Administración da plataforma. O compoñente de administración do sistema para a xestión de activos debe permitir a configuración e administración da plataforma, ademais de, como mínimo, as seguintes funcionalidades: 4.1.2.1.1 Xestión de usuarios. O sistema debe permitir a xestión de usuarios e a definición de perfís con diferentes permisos de acceso de maneira sinxela e segura, sen necesidade de dispor de coñecementos técnicos. A atribución de permisos poderase realizar a nivel de entidades e funcionalidades do sistema (consulta, edición, xeración de informes, xestión de ordes de traballo, etc.), ademais da existencia de perfís técnicos para a súa administración. Cada usuario que acceda á plataforma para a xestión de activos terá asociado un perfil que definirá as accións que poderá realizar dentro do sistema. Neste sentido, o licitador deberá realizar unha proposta preliminar na súa oferta dos permisos asociados a cada perfil, podendo establecer diferentes niveis de acceso e tendo en conta que se definiron os seguintes grupos de usuarios: • Empregados públicos. Estes usuarios comprenden un amplo abano de perfís e funcións: persoal administrativo, técnico, político, de mantemento, etc. • Provedores. Este grupo deriva de todas as contratacións que a Administración realiza respecto de servizos e obras referentes ás infraestruturas e equipamentos públicos, polo que poderán achegar moita información para a actualización dos activos provinciais. • Cidadáns. Tal e como se comentou anteriormente os cidadáns poderán interactuar coa Administración a través do portal de participación cidadá enviando información de incidencias relacionadas cos activos municipais. A xestión de usuarios debe contemplar en todos os casos o cumprimento da LOPD. Desde a ferramenta de administración poderanse realizar as actuacións necesarias para a xestión dos usuarios (alta, baixa e modificación) e permisos (acceso, edición, xestión de incidencias, entre outros), creación de novos perfís cos seus correspondentes permisos, acceso ás distintas tipoloxías de activos e entidades, etc. 4.1.2.1.2 Xestión de entidades. A solución proposta permitirá xestionar as entidades e as súas dependencias, así como os servizos que as compoñen. A continuación enuméranse os requirimentos funcionais mínimos que deberá cumprir a solución para a xestión de entidades: Requirimento Requisito Descrición Xestión de entidades RE1 • Permitir crear, modificar e eliminar entidades no sistema • Incluír a posibilidade de construír xerarquías de entidades • Permitir a xestión de permisos de accesos segundo o nivel de xerarquía • Permitir realizar procuras de entidades por diferentes criterios • Permitir a carga de entidades e a súa información asociada (p. ex. entidades pertencentes da EIEL) 4.1.2.3 Catálogo de tipos de activos. Grazas a esta funcionalidade o administrador poderá xestionar os tipos de activos cos que traballará o sistema de información, así como o seu contido e xerarquía. Os procesos de xestión do catálogo de activos mínimos incluídos no sistema serán: Requirimento Requisito Descrición Alta/modificación de tipos de activos RE2 • Proceso polo que se indicará o seu nome, os datos que compoñen a información do activo, a natureza destes (texto, número, data, selección, etc.) e se son ou non obrigatorios e a posible relación con outro tipo de activo Borrado e baixa de tipo de activos RE3 • Permitir o borrado lóxico dun tipo de activo e a súa baixa definitiva Versionar tipos de activos xa existentes RE4 • Cando se desexe modificar un tipo de activo que teña activos asociados, o sistema permitirá o seu versionado a partir da versión existente Ademais, debido á natureza tan dispar dos elementos do inventario, será necesaria a existencia de fichas específicas para as distintas tipoloxías de activos. O sistema de xestión deberá ser o suficientemente flexible para poder xestionar novas fichas específicas desde a propia ferramenta por un usuario administrador sen necesidade de programar. 4.1.2.1.4 Configuración da plataforma. Grazas a esta funcionalidade o usuario administrador poderá controlar a configuración dos parámetros do sistema que afectarán a toda a solución. Deberase implantar un sistema de xestión que permita comunicar entre si todos os compoñentes ou sistemas propios, ademais de permitir e asegurar a interoperabilidade con outros sistemas de información. A continuación enuméranse os requirimentos funcionais mínimos que deberá cumprir o sistema para a xestión da configuración: Requirimento Requisito Descrición Parametrización global RE5 • Debe permitir o mantemento dos parámetros de configuración que controlan o comportamento global do sistema • Debe permitir a configuración do sistema a través desta funcionalidade sen necesidade de programación Administración de datos mestres da ferramenta RE6 • Debe permitir xestionar os datos mestres incluídos no sistema, é dicir, toda aquela información asociada a unha entidade ou elemento que estea tipificada ou tabulada e teña un valor coñecido Histórico RE7 • O sistema deberá gardar nun log a rastrexabilidade das accións que se realicen nel para poder coñecer o uso que se fai deste e poder detectar posibles problemas • A información dos ficheiros de log só poderá ser accedida polo administrador do sistema 4.1.2.2 Xestión do inventario de bens e activos. A solución proposta deberá permitir realizar unha xestión do inventario de bens e activos provinciais, tendo en conta o R. d. 1372/1986, de 13 de xuño, polo que se aproba o Regulamento de bens das entidades locais. Este sistema permitirá a xestión, seguimento e actualización de todos os activos incluídos dentro do alcance deste proxecto, de maneira que sexa un instrumento que permita ós concellos e á propia Deputación xestionar, actualizar e explotar toda a información dos activos municipais. A continuación enuméranse os requirimentos funcionais mínimos que deberá cumprir o sistema para a xestión do inventario de bens e activos da provincia de Pontevedra: Requirimento Requisito Descrición Xestión de activos RE8 • Debe permitir realizar altas e baixas e modificar activos e a súa información asociada mediante formularios habilitados para iso. Para realizar unha baixa deberase indicar o motivo desta • Os activos poderán clasificarse segundo as categorías, xerarquías e información asociadas a cada un deles segundo a entidade á que pertenza. A información de cada activo estará estruturada en diferentes patróns personalizables para cada tipoloxía de activo • O sistema permitirá relacionar activos entre si Consultas e informes RE9 • Debe permitir realizar procuras sobre os activos xestionados polo sistema, incluíndo a posibilidade de aplicar filtros múltiples e agrupar os resultados por diferentes criterios • O sistema permitirá realizar como mínimo sobre os resultados das procuras as seguintes accións: o Ordenación de resultados o Acceso directo á ficha de información asociada a cada activo o Acceso á localización xeográfica de cada activo se procede o Realizar multiselección o Impresión de resultados • O sistema debe permitir a configuración e xeración de informes co resultado das procuras realizadas Xestión GIS RE10 • O sistema deberá permitir a xestión da información xeográfica asociada ós activos e proporcionar, polo menos, as funcionalidades básicas dun sistema de información xeográfica, así como a edición e modificación da información xeográfica e dos seus metadatos desde a funcionalidade GIS da plataforma • O sistema debe permitir enlazar información de servizos publicados noutras fontes de datos a través dos servizos OGC (WMS, WFS, WCS, etc.) Achegar fotografías e documentos RE11 • O sistema deberá permitir achegar fotografías e documentos tipificados (contratos, planos, documentos, cartas, informes, partes de traballo, documentos de referencia de produto, datos de provedor, accións anteriores, etc.) asociados con cada un dos elementos existentes no inventario • Valorarase que estes documentos poidan almacenarse no xestor documental da Deputación de Pontevedra (IBM FileNet P8 Content Engine versión 5.1.0 ou superior) Análise preditiva– Alarmas e avisos RE12 • A solución proposta permitirá xerar alertas e avisos que axuden ó usuario ó cumprimento da normativa relativa ós bens e activos incorporados no sistema (datas de revisións, alertas por finalización de contratos, recepción dunha nova incidencia cidadá, etc.) Importación e exportación de datos RE13 • O sistema deberá permitir a importación de información de bens e activos desde ficheiros de carga e as exportacións masivas de datos para outros sistemas Sincronización de información con terceiros sistemas RE14 • O sistema deberá estar preparado tecnicamente para a integración de información desde outras fontes externas, por exemplo, información que proceda doutros sistemas da Deputación, información procedente doutras administracións, etc. • Estas integracións deberanse realizar a través da plataforma de interoperabilidade da Deputación de Pontevedra • En casos excepcionais, que se deberán valorar e aprobar desde a xefatura de proxecto da Deputación de Pontevedra, permitirase a realización desta integración unicamente a través da importación e exportación de datos que cumpran o descrito no requirimento anterior Facility management RE15 • O sistema permitirá a xestión dos servizos, usos e modelos de xestión dos bens e activos municipais • Terase en conta, como mínimo, o uso dos espazos, a imputación de custos e ingresos polos diferentes espazos, edificios, bens, etc. e as funcionalidades relacionadas cos procesos da súa xestión Motor de fluxos de traballo RE16 • Co fin de implementar as actividades requiridas para a xestión de activos o novo sistema achegará funcionalidades orientadas á automatización de fluxos de traballo • O sistema de información deberá permitir como mínimo: o Modelar os procedementos da xestión de activos o Asignar responsables, definir fluxos de validación, realizar a xestión de estados, anexar documentación, etc. nos procedementos de xestión incluídos no sistema o Monitorar o estado de execución dos procedementos o Enviar correos electrónicos asociados ás diferentes transicións dos fluxos definidos no sistema 4.1.2.3 Xestión de datos xurídicos. O sistema debe permitir o mantemento da información relativa ós aspectos legais relacionados con cada activo, como dereitos, porcentaxe de participacións, datas relevantes, títulos, documentos xurídicos específicos, datos sobre persoas relacionadas co ben, etc. 4.1.2.4 Xestión contable. O sistema de xestión de activos debe permitir xestionar a información relativa ós aspectos contables relacionados cos activos, como a valoración destes, realizar o seguimento do orzamentario de incidencias e mantemento, custos e facturación asociada a determinados activos, etc. 4.1.2.5 Xestión da EIEL. O sistema contemplará o cumprimento do R. d. 835/2003, de 27 de xuño, e a Metodoloxía EIEL 2014 publicada pola Secretaría de Estado de Administracións Públicas na súa páxina web, para poder realizar a introdución, modificación e validación de datos, a exportación nos formatos esixidos, a obtención de informes, etc., dos datos necesarios para a Enquisa de Infraestrutura e Equipamentos Locais (EIEL). Ver anexo II EIEL. 4.1.2.6 Xestión de consumos. Neste apartado defínense as funcionalidades que deberá cumprir o sistema para poder realizar a xestión da información sobre os consumos asociados ós activos enerxéticos e poder obter unha mellora de eficiencia enerxética. Estas funcionalidades están estreitamente relacionadas co módulo de cadro de mando do sistema, definido no apartado “0 4.1.3 Requirimentos funcionais do Cadro de Mando Integral e Business Intelligence”, que permitirá a explotación da información do sistema e a xeración de indicadores, cálculos enerxéticos, etc., así como a relación destes coa normativa aplicable. A continuación enuméranse os requirimentos funcionais mínimos que deberá cumprir o sistema para a xestión dos consumos: Requirimento Requisito Descrición Xestión de información sobre activos enerxéticos RE17 • O sistema permitirá xestionar a información relativa ós activos enerxéticos que inflúan na eficiencia enerxética (p. ex., datos de consumo, tempos de funcionamentos, etc.) • Como caso específico de activos estreitamente relacionados coa eficiencia enerxética, este módulo deberá permitir a xestión da información relacionada coas subministracións (eléctricas, auga, gas, etc.) dos municipios que así o requiran • O sistema deberá permitir como mínimo a xestión da seguinte información de subministracións: o Datos e pólizas de subministración, contratos do provedor da subministración, etc. o Datos de lecturas e consumos por período (mensual, trimestral, etc.) o Gastos en función de prezos por unidade, por período, etc. • Ademais, permitirá realizar: o Carga de datos de forma manual ou a través da importación de ficheiros enviados polos subministradores o Análise de datos de custos e previsións económicas por períodos (mensuais, trimestrais, semestrais e anuais), ademais de poder analizar o uso a través dos datos históricos, etc. Monitoraxe RE18 • A solución deberá contemplar a posibilidade de se integrar con mecanismos automatizados para a recollida de información relativa a consumos, tempos de funcionamento, datas e horas, etc., mediante a conexión a sistemas de xestión de infraestruturas en tempo real (tipo PLC); é dicir, deberá poder recoller información procedente de sensores ou sistemas de monitoraxe de activos, para controlar en tempo real os consumos destes, poder xerar históricos, etc. 4.1.2.7 Xestión de incidencias e mantementos. Neste apartado defínense as funcionalidades mínimas do sistema que permitirán a xestión e o seguimento das incidencias e do mantemento dos activos municipais, así como os custos asociados a iso: Requirimento Requisito Funcionalidades Xestión dos servizos de mantemento RE19 • Permitir levar un control detallado sobre os custos de mantemento (man de obra, materiais, provedores externos, etc.) • Permitir controlar os traballos realizados polas empresas contratadas sobre os activos xestionados • Permitir a programación sinxela das tarefas de mantemento preventivo, correctivo e urxente • Permitir xestionar o aprovisionamento dos recursos necesarios para as tarefas de mantemento (man de obra, repostos, etc.), así como controlar o estado destes • Permitir xerar ordes de traballo, podendo planificar o tempo de resolución, realizar a atribución de recursos e a porcentaxe de dedicación de cada recurso, etc. para facilitar os labores de mantemento dos técnicos municipais • Permitir ter un control do estado do mantemento mediante informes e indicadores • Dispor de información para xestionar o ciclo de vida dos activos, para tomar decisións sobre a súa renovación, modificación, eliminación, etc. • Permitir facer un seguimento dos calendarios de revisións dalgúns activos que son esixidos por lei Xestión de incidencias RE20 • Permitir realizar a planificación da actividade do mantemento vinculada ás incidencias • Permitir crear e xestionar solicitudes para labores de mantemento asociados á incidencia • Permitir crear e xestionar ordes de traballo • Permitir a atribución de responsabilidades • Permitir a priorización de recursos • Permitir a xestión de servizos asociados á incidencia • Permitir a xeración automática de informes e gráficos • Permitir a xestión de partes de traballo/horas Ademais, debe ser accesible desde dispositivos móbiles con GPS que axuden ós labores de xestión de traballo en campo do persoal de mantemento. 4.1.3 Requirimentos funcionais do Cadro de Mando Integral e Business Intelligence. Un dos obxectivos da plataforma para a xestión de activos é facilitar ós concellos e á propia Deputación a toma de decisións. Para iso, a plataforma disporá dunha ferramenta de Cadro de Mando Integral e Business Intelligence. 4.1.3.1 Cadro de Mando Integral. A plataforma para a xestión de activos deberá dispor dun compoñente que conteña os mecanismos para a definición dun Cadro de Mando Integral (en diante CMI) tanto a nivel municipal como da Deputación de Pontevedra. Este CMI deberá axudar tanto ós municipios da provincia coma á Deputación de Pontevedra a analizar os indicadores relacionados cos procesos de xestión de activos e a información asociada a cada un deles en todo momento e sen condicionantes tecnolóxicos para poder definir estratexias de mellora. Para iso o sistema deberá ter un CMI facilmente configurable para poder medir algúns indicadores, por exemplo: • Estado e evolución dos activos municipais e provinciais. • Mantemento dos activos municipais, por exemplo: custos das ordes de traballo (OT), estado das incidencias e OT, número de incidencias resoltas ó día/mes, incidencias e OT pendentes de resolución por parte do provedor, datos económicos asociados ás distintas incidencias realizadas, etc. • Estado do orzamento de xestión de activos. • Cálculo de estimacións de gasto e consumo para un período determinado. • Detección de patróns de uso, consumos, evolución, etc. • Solicitudes realizadas polos cidadáns: número e estado de solicitudes abertas, pechadas, en curso, etc. A ferramenta debe ter esta funcionalidade “out-of-the-box”, é dicir, sen que requira de ningún desenvolvemento máis que, en todo caso, de personalización. O CMI permitirá ós usuarios autorizados elaborar e/ou analizar os indicadores de medición derivados dos activos municipais e permitirá explotar a información a través de gráficos e informes. Ademais, ofrecerá un modelo de información para a alta dirección, que permitirá analizar a información asociada ós indicadores definidos sobre os activos provinciais para monitorar a súa xestión, de forma que os axude na toma de decisións para optimizar a xestión dos servizos locais. Para a xestión específica da eficiencia enerxética será necesaria a xestión de indicadores e informes coa información almacenada nos diferentes activos enerxéticos. De maneira orientativa perséguense, neste ámbito, as seguintes funcionalidades a través de informes e listas: • Control de indicadores. Asegurar o control e o cumprimento dos diferentes indicadores que compoñen os Sistemas de Xestión Ambiental (SGA), baseados en normas internacionais de referencia. • Inventario de emisións. Proporcionar de maneira áxil un inventario de emisións de Gas de Efecto Invernadoiro (GEI) seguindo normativas internacionais recoñecidas, tales como ISO 14064-1, PAS 2050 ou GHG Protocol, entre outras. • Avaliación de información de consumos. O sistema deberá ser capaz, mediante a análise de datos de consumos, de detectar aqueles que son inapropiados en enerxía e auga. • Investimentos enerxéticos. O sistema deberá facilitar o cálculo do orzamento de investimentos necesarios para evitar ou mitigar algúns riscos ambientais definidos, tendo en conta, entre outras, a taxa de interese, os anos de amortización, consumos, usos, estacionalidade, etc. 4.1.3.2 Business Intelligence. O sistema debe posuír as funcionalidades de intelixencia de negocio ou BI; é dicir, permitirá transformar os datos en coñecemento mediante unha automatización na medida do posible dos informes e listas referentes á xestión de bens e activos. O repositorio único de activos provinciais que interactúa co sistema deberá contar cun modelo de datos que garanta a suficiente flexibilidade, escalabilidade, integridade e tempos de resposta reducidos para garantir a óptima explotación dos datos a través da ferramenta de Business Intelligence. O sistema deberá ser capaz de obter información dos repositorios de información dos diferentes sistemas e aplicacións coas que se integre e xerar os informes e listas predefinidos polo administrador do sistema ou outros usuarios autorizados, ou ben dispor de ferramentas para que o usuario poida xerar os seus propios informes e listas de forma sinxela sen necesidade de programación. Na elaboración de informes predefinidos prestarase especial atención a aspectos tales como a operatividade de navegación entre a información obtida e os tempos de resposta razoables para as consultas. O sistema debe permitir a posibilidade de distribuír estes informes pola propia aplicación entre usuarios, ou ben por correo electrónico. Nas funcionalidades de BI deberá estar integrada a información gráfica, de tal maneira que se poidan realizar consultas de elementos xeorreferenciados, situando as súas respostas sobre un plano ou un mapa. As consultas e informes deberán permitir mostrar comparacións de datos segundo períodos de datas (mes anterior, ano anterior, entre datas, etc.) para coñecer as evolucións e as tendencias existentes. Na medida do posible deberanse poder obter resultados en formato de táboas, listas, gráficos, etc. A plataforma deberá contar cunha ferramenta de Extracción, Transformación e Carga (ETL, polas súas siglas en inglés) que permitirá realizar os procesos de transformación dos datos extraídos doutros sistemas para lograr dar integridade e, á súa vez, converter estes procesos en información dispoñible para a súa análise. O sistema deberá permitir a exportación a formatos comúns tales como CSV, XLS, XML, etc., ademais da importación de datos desde diferentes fontes, como outras bases de datos, ficheiros CSV, XLS, TXT, XML, etc. 4.1.4 Requirimentos funcionais do portal de participación cidadá. Un aspecto moi importante do proxecto “depoGAP” é a participación cidadá. Polo tanto, será necesario que a plataforma de xestión de activos a implantar conteña un portal web para o cidadán, o cal estará totalmente integrado coa xestión de activos, e deberá permitir e fomentar a participación cidadá. Desde este portal web o cidadán poderá acceder a toda a información dos diferentes activos públicos que se atopan na provincia de Pontevedra. Para iso deberanse desenvolver distintos tipos de busca que faciliten a localización da información desexada mediante distintos criterios como a tipoloxía de activo, o concello ó que pertence, a súa xeolocalización, etc. O portal web deberá ter unha subhome propia para cada concello e outra para a Deputación, de maneira que un cidadán ó acceder ó portal e seleccionar un determinado concello ou a institución provincial visualizará a información propia da devandita entidade. Ademais, a través das distintas páxinas web dos concellos da provincia e da propia Deputación deberase poder acceder ó portal de participación cidadá mostrándolle o contido personalizado á entidade local desde a que se acceda. O portal web contará con dúas áreas diferenciadas, unha de acceso público que ofrecerá a información pública sobre activos municipais e outra área privada para usuarios rexistrados, onde os cidadáns poderán interactuar directamente coa Administración na solución de incidencias referentes a activos. Desde a área pública poderase acceder ós seguintes contidos: • Información de dominio público. Os municipios e a Deputación de Pontevedra poderán usar o portal de participación cidadá para comunicar mensaxes á cidadanía que respondan a cuestións relativas ós activos xestionados. Tratarase dunha ferramenta para a práctica de bo goberno cara a transparencia, a participación e a colaboración. Será unha canle de comunicación directa entre a cidadanía e a Administración a través de internet cunha linguaxe non administrativa. Por exemplo, poderíase utilizar para informar á cidadanía de temas relacionados con: o Pegada de carbono o Calidade o Seguridade e saúde o Xestión de residuos o Eficiencia enerxética o Medio o Outros Tamén se usará para a publicación de avisos sobre incidencias da vía pública ou o custo asociado a determinadas accións da xestión de activos. Ademais, poderase usar este portal para dar respostas públicas a cuestións de interese xeral sobre os activos xestionados polos municipios ou a Deputación de Pontevedra, así como preguntas frecuentes, etc. • Buscador de activos. Este espazo permitirá a procura de todos os activos provinciais de dominio público e o acceso á información sobre estes. Deberá permitir, polo menos, realizar as seguintes accións: o Busca por diferentes criterios (tipoloxía do activo, entidade local á que pertence, etc.). o Busca avanzada (coordenadas, consultas xeorreferenciadas, etc.). o Acceso a un visor coas funcionalidades básicas dun visor GIS (consulta de información, zoom, activar/desactivar capas, filtros, etc.) para mostrar os activos xeorreferenciados sobre unha cartografía base. Ademais, o visor permitirá a conexión mediante servizos OGC (WMS, WFS, ou outros) á información de terceiros. Así mesmo, proporcionarase acceso á información existente mediante os devanditos servizos estándar. o Acceso ás fichas dos activos. • Integración con redes sociais. O portal web deberá permitir a conexión ás principais redes sociais (Facebook, Twitter, Flickr, Google Plus, etc.) e compartir a información que o usuario e a Deputación de Pontevedra consideren oportuno a través delas. Adicionalmente, a comunidade que se vaia creando combinarase coa presenza en diferentes redes sociais da propia Deputación de Pontevedra e os concellos incluídos no alcance deste proxecto. Os elementos mostrados nesta área pública terán carácter informativo e para poder acceder ás funcionalidades que lle permitan ó cidadán interactuar coa Administración será necesario estar rexistrado. Neste sentido, o portal web disporá dunha área privada onde se poderá acceder ás seguintes funcionalidades: • Rexistro de usuarios. O rexistro de usuarios deberase levar a cabo tendo en conta o indicado no apartado “0 4.1.2.1.1 Xestión de usuarios”. Neste sentido, deberá existir un formulario para o rexistro do usuario, debendo mostrarse nos termos legais, a política de privacidade e o resto de elementos necesarios para cumprir coa lexislación vixente. O formulario de rexistro deberá conter, polo menos, a seguinte información básica: o Nome e apelidos o NIF o Contrasinal o Municipio o Correo electrónico o Teléfono O usuario do portal web poderá en todo momento modificar os seus datos almacenados no sistema. Se o usuario modifica a súa dirección, o sistema enviará un correo electrónico de validación á nova conta de usuario, sendo necesario que este a valide accedendo ó correo electrónico enviado polo sistema. Así mesmo, o usuario poderá darse de baixa unha vez que se autenticou no portal web. O rexistro de usuarios disporá dun sistema de esquecemento de contrasinal, de tal maneira que poida ser recuperado polo usuario mediante un proceso sinxelo de atribución de novo contrasinal. Deberanse mostrar en todo momento mensaxes ó usuario indicando os pasos a seguir en calquera acción relacionada co seu rexistro, modificación ou baixa de datos. • Envío de incidencias. A través desta funcionalidade os cidadáns poderán avisar desde o portal de participación cidadá de incidencias referentes ós activos municipais, tales como redes de auga, saneamento, iluminación, limpeza e xestión de residuos, parques e xardíns, mobiliario urbano, o relativo ás vías de comunicación e, en xeral, dos espazos públicos xestionados polos concellos e a Deputación. Serán os responsables destes servizos, nos concellos ou na Deputación de Pontevedra, quen recibirán a incidencia e poderán dar resposta canto antes. A forma de comunicación deberá ser sinxela e realizarase mediante un formulario que permita introducir unha descrición da incidencia ou queixa, achegar unha foto, e xeorreferenciar o lugar onde se produce a incidencia. No caso de que non fose posible a xeorreferenciación débese poder incluír a dirección postal desta. A incidencia poderase notificar a través do visor GIS, mencionado anteriormente na descrición da parte pública do portal, previo rexistro do usuario e premendo directamente sobre o activo consultado, momento no cal se mostrará o mesmo formulario utilizado para o envío de incidencias, coa condición que obterá automaticamente a xeorreferencia do activo que se premeu. A incidencia ou aviso quedará rexistrada no sistema ou plataforma de xestión de activos e enviarase automaticamente unha mensaxe á persoa designada en cada concello ou na Deputación, segundo corresponda, para resolvela. O remitente recibirá á súa vez un número de incidencia, un tempo estimado de resolución e un teléfono para poder chamar en caso de necesitar máis información. Con este servizo preténdese dar un paso máis en fomentar a participación cidadá coa Administración, e abrir unha nova canle de comunicación de dobre dirección. • Petición de información En prol da transparencia da Administración, os cidadáns poderán solicitar información de dominio público referente ós activos xestionados polo sistema. A Administración devolveralle ó cidadán a información solicitada a través do portal. Ademais, os cidadáns poderán realizar outras peticións (por exemplo pedir determinadas actuacións sobre os activos, melloras, etc.) que se poidan someter a votación ou valoración popular (unicamente por usuarios rexistrados no portal) e que poden ser contestadas polo servizo responsable. Nesta parte sería necesario establecer mecanismos de moderación para evitar contidos inadecuados. • Envío de suxestións e ampliación de información. Actualmente, os cidadáns poden ser unha fonte de información moi importante e de carácter próximo e inmediato. Polo tanto, desde o portal web, os cidadáns poderán participar da información almacenada na xestión de activos, enviando suxestións para a súa corrección ou ampliación. Por exemplo, enviando fotos da localización dalgúns activos ou ampliando a información asociada a eles (p. ex., horarios ou estado dos accesos). Toda a información recibida desde esta fonte será tratada seguindo o mesmo fluxo que unha incidencia, de tal maneira que deberá ser revisada e aceptada ou rexeitada por parte das persoas responsables dos activos afectados. 4.1.5 Requirimentos funcionais da aplicación para dispositivos móbiles. O adxudicatario deberá realizar o desenvolvemento e a posta en marcha dunha aplicación para dispositivos móbiles (teléfonos intelixentes e tabletas) orientada ós cidadáns, que ofreza unha funcionalidade similar á proposta no portal de participación cidadá, tanto da área pública como da área privada, definida no apartado “0 4.1.4 Requirimentos funcionais do portal de participación cidadá”. Como mínimo, esta aplicación deberá estar dispoñible para as seguintes plataformas: o Google Play para dispositivos Android compatible coas versións 5.x e superiores. o App Store para dispositivos con iOS compatible coas versións 6.x e superiores. A aplicación deberá garantir a comunicación co repositorio único de activos provinciais, para que o cidadán poida consultar a información dos activos desde o seu dispositivo móbil en tempo real. A aplicación proposta neste apartado deberá facer uso das vantaxes que ofrecen as interfaces de usuario dos dispositivos soportados canto ás funcionalidades multitáctil e de accesibilidade. Ademais, a aplicación deberá aproveitar, na medida do posible, a integración con outras aplicacións instaladas no dispositivo móbil, como pode ser a aplicación de mapas ou as de redes sociais. A aplicación deberá poder crear avisos visuais no dispositivo instalado, utilizando o centro de notificacións nativo do sistema operativo do propio dispositivo móbil. A solución proposta polo licitador para a aplicación debe ser totalmente independente do portal de participación cidadá, de maneira que, ante posibles problemas que poidan suceder no devandito portal, a aplicación teña autonomía suficiente e non se vexa afectada por estes. 4.1.6 Requirimentos técnicos da plataforma de xestión de activos. A continuación descríbense os requirimentos técnicos mínimos que deberá cumprir a solución proposta polo adxudicatario: Requirimento Requisito Descrición Aplicación web RE21 Os compoñentes ou sistemas da plataforma de xestión de activos, fóra da aplicación para dispositivos móbiles, deberán ser un sistema Web accesible a través dun navegador, garantindo o seu funcionamento polo menos nos navegadores Internet Explorer (a partir da versión 9), Firefox, Safari e Chrome A plataforma debe cumprir os criterios de accesibilidade AA estipulados pola W3C A imaxe da plataforma debe axustarse á liña gráfica da Deputación de Pontevedra Aplicación multidispositivo RE22 • A plataforma debe ser accesible desde dispositivos móbiles adaptando a interface e funcionalidade desta ós diferentes tamaños de pantalla dispoñibles en cada tipo de dispositivo (móbil, tableta, etc.) Alta dispoñibilidade RE23 • A solución proposta debe cumprir todas as condicións necesarias para asegurar a alta dispoñibilidade Base de datos RE24 • O sistema de xestión de bases de datos deberá ser Oracle 11g, PostgreSQL ou MySQL • En calquera caso, será responsabilidade do licitador que o sistema xestor de base de datos proposto sexa capaz de xestionar o gran volume de datos tanto alfanuméricos como espaciais que deberá soportar o sistema Sistemas operativos de servidor RE25 • Valorarase a implantación da plataforma sobre o sistema operativo Linux Ubuntu Server. En calquera caso, se fosen necesarias licenzas propietarias, o custo destas correrá por conta do adxudicatario Sistemas operativos virtualizados RE26 • A solución proposta implantarase en servidores virtualizados sobre a plataforma VMWare 5 ou superior Plataforma de desenvolvemento RE27 • Polo menos o portal de participación cidadá deberá desenvolverse baixo o xestor de contidos LifeRay 6.2 da Deputación de Pontevedra Integración co xestor documental da Deputación de Pontevedra RE28 • A solución proposta deberá poder utilizar o xestor documental da Deputación de Pontevedra (IBM FileNet P8 Content Engine versión 5.1.0 ou superior) como repositorio de información dixitalizada de forma que permita: o Vincular a información descritiva almacenada na ferramenta de xestión de activos coa documentación dixital destes almacenada no xestor documental. Para iso débese permitir realizar operacións de alta, baixa e modificación de documentación dixital no xestor documental o A previsualización da documentación dixital almacenada no xestor documental desde a ferramenta de xestión de activos de forma que desde esta ferramenta se poida acceder á documentación dixital almacenada no devandito xestor documental Integración con terceiros sistemas a través da plataforma de interoperabilidade da Deputación de Pontevedra RE29 • A solución proposta deberá poder integrarse con outros sistemas de información de terceiros mediante a plataforma de interoperabilidade da Deputación de Pontevedra baseada na solución WSO2 e nunha arquitectura orientada a servizos (SOA) en función dos requirimentos técnicos establecidos polo Servizo de Novas Tecnoloxías Integración con Active Directory RE30 • A autenticación de usuarios deberá realizarse contra o servidor LDAP da Deputación de Pontevedra baseado na solución ActiveDirectory de Microsoft Single Sing On RE31 • Os usuarios que accedan á plataforma desde equipos que estean autenticados contra o servidor ActiveDirectory da Deputación de Pontevedra non deberán introducir os seus datos de autenticación ó acceder ó sistema 4.1.7 Outros requirimentos. A continuación descríbense outros requirimentos mínimos que debe cubrir a ferramenta proposta polo adxudicatario. Requirimento Requisito Descrición Dispoñibilidade R32 • A plataforma para a xestión de activos na provincia de Pontevedra deberá ter uns niveis de dispoñibilidade de 24x7 Usabilidade R33 • A solución proposta debe ter unha interface amigable, de maneira que o uso dos distintos compoñentes da plataforma sexa máis áxil e estea libre de erros, ademais de necesitar un tempo de aprendizaxe menor Escalabilidade R34 • Permitirá a súa implantación en calquera contorna independentemente das súas dimensións de forma cómoda e simple, de maneira que a solución proposta poida aumentarse tanto en capacidade coma en tamaño sen comprometer o seu funcionamento e calidade Modularidade R35 • A solución proposta deberá estar construída en base a módulos, de tal maneira que a extensión das súas funcionalidades poida facerse de maneira sinxela Adaptabilidade R36 • Usará unha arquitectura baseada en capas para que a adaptación a unha contorna de explotación requira o menor esforzo técnico e humano posible Orientación a servizos normalizados R37 • Os servizos, os procesos e procedementos deben estar normalizados e estandarizados, o cal permite ofrecer unha percepción homoxénea a todos os seus usuarios internos ou externos, facilitándose a aprendizaxe e coñecemento do sistema e o seu mantemento posterior Migración de versións R38 • Os desenvolvementos específicos que se realicen na solución a implantar non deberán supor unha barreira para as migracións das súas futuras versións. É dicir, o licitador deberá garantir que calquera nova versión na solución proposta poderá realizarse con seguridade sen que os desenvolvementos específicos realizados para a Deputación de Pontevedra o impidan; é dicir, deberá garantirse a integración total dos desenvolvementos específicos realizados para a Deputación na aplicación Contornas R39 • As contornas habituais deberían ser 3: desenvolvemento, test/preprodución e produción. O Servizo de Novas Tecnoloxías da Deputación de Pontevedra porá a disposición do adxudicatario o manual correspondente coas políticas de traspasos entre contornas e xestión destes Multi-idioma R40 • A plataforma deberá ser multi-idioma, estando dispoñible polo menos en galego e castelán 4.1.8 Arquitectura do sistema. A proposta deberá incluír a arquitectura do sistema ou plataforma de xestión de activos, indicando todos e cada un dos requisitos hardware necesarios para a implantación da plataforma no relativo a servidores, sistemas de almacenamento, comunicacións, etc. A solución proposta non terá limitacións relacionadas co volume de datos a xestionar (por exemplo, número de activos, número de usuarios, volume de datos, sesións simultáneas, etc.). No caso de que se produza un aumento no volume de datos xestionado pola plataforma ou do número de usuarios concorrentes que acceden a ela que produza unha diminución no rendemento do sistema, este debe poder solventarse co aumento dos recursos hardware, pero en ningún caso poderá limitar ou impedir o uso da plataforma. O hardware necesario para a implantación desta plataforma non está incluído no alcance deste prego e será posto a disposición do proxecto por parte da Deputación de Pontevedra, pero a súa implantación, carga de datos e probas si están no alcance deste prego. Na súa oferta cada licitador deberá especificar e dimensionar, como mínimo, os seguintes requirimentos de hardware, software e comunicacións: • Necesidades de servidores: deberase indicar a cantidade e as características básicas (CPU, memoria, almacenamentos, sistemas operativos, etc.) dos servidores requiridos para a posta en marcha da solución, nas distintas contornas de desenvolvemento. • Escalado: a oferta indicará como deberá ser o crecemento dos requirimentos indicados no punto anterior en función do crecemento dos usuarios e o volume de datos almacenado. • Estimacións de ancho de banda: a oferta presentará un estudo estimativo sobre os anchos de banda recomendados, tendo en conta que os concellos accederán de maneira remota á plataforma, que estará implantada de maneira centralizada na Deputación de Pontevedra. • Necesidades de backup e respaldo: deberanse especificar os requisitos (full, incremental, incremental por bits, ficheiros abertos, copias en quente, etc.), as necesidades e o dimensionado necesario para realizar copias de seguridade de datos da solución proposta. • Esquema de arquitectura: a oferta deberá incluír o esquema da arquitectura lóxica e física (servidores front-end e back-end) da solución proposta, así como das integracións requiridas. 4.2 Realización dun inventario de activos provinciais. 4.2.1 Obxecto. O obxecto desta actuación é a realización dun inventario de activos provinciais seguindo criterios de inventariado unificados e normalizados que permitan dotar ós concellos da provincia e á Deputación de Pontevedra de información para optimizar a xestión dos seus activos mediante o desenvolvemento de actividades de contención do gasto baseadas en criterios de eficiencia e calidade. Para a realización deste inventario levarán a cabo as seguintes actividades: • A recompilación in situ de toda a información dos activos definida nas fichas do anexo I deste prego. • O tratamento e o almacenamento da información recompilada de todos os activos provinciais. • A elaboración dun catálogo de normas, procedementos e recomendacións para garantir unha actualización continua da información seguindo criterios unificados e normalizados. Deberase incluír dentro da oferta unha proposta metodolóxica de elaboración do inventario de activos conforme ó alcance e ás tarefas mínimas descritas neste apartado que garanta a súa correcta elaboración. Durante o proxecto “Desenvolvemento de probas piloto de xestión de activos na provincia de Pontevedra”, executado con anterioridade ó comezo deste procedemento pola Deputación de Pontevedra, determináronse os activos que se deben inventariar e a información necesaria de cada un deles. A súa lista e as fichas de datos que se deben recoller nesta actuación atópanse no anexo I deste prego de prescricións técnicas. 4.2.2 Descrición de actividades A continuación realizarase unha descrición de cada unha das actividades mencionadas no apartado anterior: 4.2.2.1 Recompilación in situ de toda a información dos activos definida nas fichas do anexo I deste prego. Dentro desta actividade recompilarase a información de todos os activos segundo as fichas de datos descritas no anexo I deste PPT, de 60 concellos da provincia de Pontevedra (todos salvo Pontevedra e Vigo) e da propia Deputación de Pontevedra. Esta información comprenderá tanto a información de activos de titularidade pública (local, provincial, autonómica ou estatal) como privada, a condición de que pertenzan ó ámbito municipal. Para iso, será necesario realizar, como mínimo, as seguintes tarefas: • Identificar, por cada tipoloxía de activo definido no anexo I deste prego, ós seus responsables en cada entidade local obxecto do proxecto. Estes serán os interlocutores para poder facilitar o acceso á información dos activos e acordar con eles a información existente. • Recompilar a información de activos existente nos concellos e na propia Deputación, así como noutras fontes externas (Rexistro da propiedade, Catastro, EIEL, PXOM, consorcios, empresas adxudicatarias de servizos, etc.) previamente ó traballo de campo. • Realizar o traballo de campo in situ, para solicitar toda a información que sexa necesaria para completar as fichas descritas no anexo I deste prego. Valorarase o uso de ferramentas e dispositivos adecuados para a recompilación de toda a información. • Validar a información recompilada para comprobar a súa calidade e homoxeneidade segundo as distintas tipoloxías de activos inventariados e a consecuente corrección de erros por parte do adxudicatario. NOTA: os labores de inventariado implican a recompilación dun gran volume de información nos diferentes concellos incluídos no alcance do proxecto. A isto hai que unir a necesidade evidente de realización dun importante traballo de campo para o inventariado, o que implica a necesidade de continuos desprazamentos ós diferentes concellos. Por todo iso, e tendo en conta os prazos axustados para a execución deste proxecto, resulta fundamental que as empresas licitadoras realicen un correcto dimensionamento dos equipos de traballo de campo e propoñan unha adecuada organización deles. 4.2.2.2 Tratamento e almacenamento da información recompilada de todos os activos provinciais. Debido á gran variedade e heteroxeneidade das distintas tipoloxías de activos é necesario realizar un tratamento da información recompilada para asegurar a calidade, normalización e a súa madurez, antes do seu almacenamento para poder ser xestionada desde a plataforma de xestión de activos anteriormente descrita. Deberanse realizar todas as tarefas que sexan necesarias para que a información recompilada, cumpra como mínimo os seguintes requisitos: • Todos os activos deben ter un identificador. • Por cada tipoloxía de activos a información recompilada debe ser homoxénea e completa segundo os datos reflectidos nas fichas especificadas no anexo I deste prego. • A información xeorreferenciada debe: o utilizar o sistema de referencia xeodésico ETRS89 para a súa localización xeográfica. o xerarse nun formato compatible con estándares OGC. o ser validada para que non teña erros topolóxicos como, por exemplo, os polígonos (p. ex., as leiras catastrais) non estean pechados, os activos tipo liña (p. ex., vía pública, redes de abastecemento, etc.) non teñan unha representación continua, etc. o estar correctamente xeoposicionada (p. ex., un punto de luz non pode aparecer situado encima dunha casa). Para iso utilizarase como base as ortofotografías do Plan Nacional de Ortografía Aérea (PNOA). Unha vez que a información foi tratada correctamente procederase ó seu almacenamento nun repositorio único no sistema ou plataforma de xestión de activos descrita anteriormente. A empresa adxudicataria deberá realizar os labores de migración dos datos recompilados á plataforma de xestión de activos, independentemente das ferramentas e dispositivos utilizados para a recollida de información no traballo de campo. 4.2.2.3 Elaboración dun catálogo de normas, procedementos e recomendacións para garantir unha actualización continua da información seguindo criterios unificados e normalizados. A empresa adxudicataria, baseándose na metodoloxía definida para a realización do traballo de recompilación de información e de inventariado de cada unha das tipoloxías de activos existentes, deberá realizar un catálogo de normas, procedementos e recomendacións que servirá de base para a realización do inventario e o seu mantemento. Este catálogo permitiralles ós propios técnicos dos concellos e da Deputación e ás empresas externas que desenvolvan labores de mantemento ou outros servizos relacionados cos activos provinciais levar a cabo a actualización do inventario unha vez que o proxecto se completase, garantindo desta forma a súa sustentabilidade e a normalización dos procesos de inventariado. 4.3 Probas piloto de eficiencia enerxética. 4.3.1 Obxecto. Dentro do alcance do proxecto é necesario realizar unha serie de probas piloto que permitan, por unha banda, garantir o correcto funcionamento da plataforma de xestión de activos e, por outra, adquirir o coñecemento necesario para adoptar medidas de eficiencia enerxética adaptadas ás condicións específicas existentes na provincia de Pontevedra. Propóñense varias probas piloto para probar e verificar as posibilidades que ofrecen as diferentes tecnoloxías enerxéticas actuais co obxectivo de conseguir, para distintos ámbitos de actuación, as opcións adecuadas, que permitan desta forma mellorar a situación enerxética e ambiental da provincia de Pontevedra. Para cada unha destas probas inclúese o deseño, a posta en marcha e a análise dos resultados obtidos en cada unha delas. 4.3.2 Descrición das actividades. A continuación descríbense a definición e os requisitos funcionais e técnicos mínimos que deben cumprir as propostas dos licitadores para cada unha das probas piloto de eficiencia enerxética que se deben levar a cabo no ámbito deste procedemento e que permitirán alcanzar os obxectivos sobre eficiencia enerxética definidos no apartado “0 2 OBXECTO”. Así mesmo, para cada proba piloto establécense unhas condicións mínimas que deben cumprir as localizacións onde se desenvolverán cada unha delas. Nas propostas presentadas para cada unha das probas piloto os licitadores deben describir os criterios obxectivos que utilizarán para seleccionar as localizacións máis idóneas onde se desenvolverán cada unha delas, tendo en conta as condicións mínimas indicadas neste PPT. 4.3.2.1 Eficiencia enerxética na iluminación pública exterior. 4.3.2.1.1 Introdución. Un dos maiores gastos que afrontan as Administracións públicas nos seus orzamentos anuais é o correspondente á iluminación pública. Esta proba piloto debe servir para probar e analizar as posibilidades tecnolóxicas actuais que permitan tomar decisións á hora de afrontar posibles renovacións ou modificacións nos sistemas existentes actuais. 4.3.2.1.2 Obxectivos Os obxectivos que se perseguen con esta proba piloto son os seguintes:  Analizar de forma exhaustiva unha solución de alta eficiencia no ámbito da iluminación pública exterior con alto potencial de aforro enerxético (> 60 %).  Experimentar coas últimas tecnoloxías existentes no ámbito da iluminación exterior, co fin de concluír a idoneidade da solución para a súa implantación xeral no ámbito da provincia.  Analizar as posibilidades existentes para mellorar na operación e mantemento das redes de iluminación pública exterior.  Analizar a viabilidade económica deste tipo de actuacións, xa sexa para acometer un proxecto global ou executado en determinadas localizacións de maneira parcial, segundo as necesidades ou o interese determinado polas características singulares que poidan concorrer. 4.3.2.1.3 Alcance e localización. O alcance desta proba piloto será o seguinte:  Renovación completa dos puntos de luz dun cadro de iluminación pública exterior.  Implantación dun sistema de xestión que permita o control integral da iluminación pública. Para a implantación desta actuación proponse a renovación dun cadro existente (para comparar a nova instalación coa existente con tecnoloxía convencional), que se atope nunhas condicións técnicas aceptables, con redes enterradas, cun número de puntos de luz arredor dos 100, con diferentes ambientes (viario, peonil, parque, monumental) que necesiten de distintas regulacións. O proxecto piloto deberá ser capaz de reflectir:  As adecuadas prestacións da iluminación exterior de alta eficiencia  O aforro enerxético da nova instalación fronte á existente; o aforro de potencia contratada; o aforro económico e a viabilidade económica da renovación da instalación.  A análise da necesidade real da implantación de sistemas de monitoraxe e xestión das instalacións de iluminación exterior, solucións punto a punto, solucións a nivel de cadro, control de facturas e control de mantemento.  A viabilidade económica da implantación de sistemas de monitoraxe e xestión.  A análise das melloras ambientais con respecto a outras solucións tecnolóxicas empregadas actualmente. 4.3.2.1.4 Descrición funcional. O sistema deberá permitir:  A visualización xeofísica da instalación monitorizada: puntos de luz e cadros.  A visualización do estado de cada luminaria: especificacións da luminaria, potencia instantánea, horas de funcionamento, mantemento necesario, avaría, histórico, etc.  A actuación e visualización sobre os acendidos e as regulacións de cada punto de luz, a programación de horarios e regulacións, día a día.  A visualización do estado da instalación a nivel de cadro: disparo das proteccións.  A visualización dos consumos a nivel de cadro: consumo instantáneo de cada liña, consumo instantáneo total, potencia activa e reactiva, consumos acumulados.  A simulación da factura eléctrica para o seu testeo coas emitidas pola empresa comercializadora de electricidade.  A programación e o control das actividades de mantemento da instalación. 4.3.2.1.5 Descrición técnica. A actuación debe contemplar os seguintes aspectos técnicos:  A renovación completa dos puntos de luz con lámpadas de descarga convencionais por tecnoloxía de alta eficiencia dun cadro de iluminación pública exterior.  A instalación dun controlador de luminaria en cada un dos puntos de luz para o acendido e a regulación do equipo.  A instalación dun controlador de cadro de iluminación. 4.3.2.2 Eficiencia enerxética en edificios. 4.3.2.2.1 Introdución. Debido ó elevado consumo de enerxía que se produce nos edificios públicos, existe interese por analizar de maneira precisa os consumos enerxéticos que se orixinan neles e poder tomar as medidas necesarias para optimizalos enerxeticamente. Ademais, segundo o R.d. 235/2013 de 5 de abril, o próximo 9 de xullo de 2015 establécese como data límite para que os edificios públicos cunha superficie útil superior a 250 m2 e que sexan frecuentados habitualmente polo público teñan a correspondente certificación enerxética. Por todo iso exponse esta proba piloto para abordar ambas as situacións. 4.3.2.2.2 Obxectivos. Con esta proba piloto búscase, por unha banda, o cumprimento do R.d. 235/2013, e, por outra, realizar unha análise exhaustiva dos consumos enerxéticos que se producen nas casas consistoriais, como exemplo de edificios administrativos, e que permita extraer conclusións para poder optimizar enerxeticamente os edificios públicos. Coa optimización enerxética das instalacións e os edificios públicos búscanse conseguir os seguintes obxectivos:  Reducir os consumos enerxéticos mantendo os niveis de confort dos usuarios das instalacións e a calidade do servizo  Diminuír os custos de operación e mantemento dos equipos, alongando a súa vida útil  Mellorar a eficiencia enerxética, adecuando os equipos e as instalacións á normativa vixente  Mellorar a imaxe dos municipios, fomentando a sensibilización co ambiente e a eficiencia enerxética  Uso de novas tecnoloxías, principalmente en sistemas de climatización e iluminación 4.3.2.2.3 Alcance e localización. O alcance desta proba piloto contempla: • A certificación enerxética dos edificios públicos cunha superficie útil superior a 250 m2 e que sexan frecuentados habitualmente polo público, segundo marca o R.d. 235/2013, de 5 de abril, no que se aproba o procedemento básico para a devandita certificación, ata un máximo de 250 edificios, priorizados segundo a superficie total e o uso que se faga deles. • Análise e control dos consumos enerxéticos producidos nas 60 casas consistoriais dos concellos obxecto deste proxecto e mais no Pazo provincial e no Edificio Administrativo da Deputación de Pontevedra. Para iso realizarase a subministración, instalación e posta en funcionamento de todos aqueles equipos de sensorización e telexestión que permitan realizar unha análise e un control en liña dos consumos enerxéticos dos edificios mencionados para poder expor as melloras enerxéticas necesarias. 4.3.2.2.4 Descrición funcional. Para realizar a certificación enerxética dos edificios municipais, o Pazo provincial e o Edificio Administrativo da Deputación deberase seguir o procedemento básico aprobado no R.d. 235/2013, de 5 de abril. A sensorización e a telexestión que se realicen nas casas do concello, no Pazo provincial e no Edificio Administrativo da Deputación deben achegar a suficiente información para expor un plan de mellora enerxética e tomar decisións sobre os sistemas enerxéticos que existan en cada un destes edificios co obxectivo de reducir os seus consumos e obter unha eficiencia enerxética sobre eles. Ademais, o sistema proposto para analizar e controlar dita información deberá estar dispoñible para dispositivos móbiles e permitirá ter un control sobre as posibles avarías, cun sistema de xeración de alertas vía SMS ou correo electrónico e xestionar os cortes de enerxía que se consideren necesarios (p. ex., se quedan luces sen apagar nun edificio municipal poderíanse apagar desde un dispositivo móbil co sistema proposto instalado). 4.3.2.2.5 Descrición técnica. A solución técnica proposta debe incluír todos aqueles equipos de sensorización, comunicación e telexestión necesarios para alcanzar os obxectivos expostos e que permitan visualizar os distintos consumos enerxéticos e así poder tomar medidas de eficiencia sobre os distintos elementos que consomen enerxía. Ademais, incluiranse todos os medios técnicos necesarios para obter a certificación enerxética segundo o R.d. 235/2013, de 5 de abril. 4.3.2.3 Sustentabilidade enerxética e ambiental en instalacións deportivas. 4.3.2.3.1 Introdución. Existen numerosos inmobles onde se desenvolven actividades deportivas e outros eventos multitudinarios nos que os consumos de enerxía e o impacto ambiental teñen unha incidencia elevada. Esta proba piloto busca probar e analizar as posibilidades tecnolóxicas que poidan achegar unha eficiencia no seu uso e a rendibilidade na instalación e o mantemento de ditas medidas. 4.3.2.3.2 Obxectivos. Con esta proba piloto búscase obter os datos necesarios para conseguir os obxectivos seguintes: • Reducir o consumo enerxético e ambiental nunha tipoloxía de instalacións existente en todos os municipios da provincia. • Optimizar o uso deste tipo de instalacións. • Demostrar a sustentabilidade económica e a rendibilidade deste tipo de actuacións en instalacións con características e usos similares ás que se van utilizar nesta proba piloto. 4.3.2.3.3 Alcance e localización. O alcance deste proxecto comprende todas aquelas solucións tecnolóxicas que permitan adoptar medidas de eficiencia enerxética e ambiental que optimicen os consumos e usos deste tipo de instalacións. Para levar a cabo este proxecto piloto proponse utilizar como escenario de proba un estadio municipal de fútbol cun aforo superior ós 2.000 espectadores. 4.3.2.3.4 Descrición funcional. O proxecto piloto deberá ser capaz de recoller datos dos diferentes consumos que se poidan realizar nunha instalación deste tipo (enerxético, auga, residuos…) mediante dispositivos de sensorización. O sistema proposto para a monitoraxe, a análise e o control dos devanditos datos deberá estar dispoñible para dispositivos móbiles e permitirá tomar decisións para acometer medidas de aforro enerxético e reducir o impacto ambiental, así como priorizar os servizos de xestión intelixente do consumo, en consonancia cos obxectivos de eficiencia enerxética marcados pola Directiva Europea 2012/27 EU. Ademais, a solución debe incluír propostas tecnolóxicas innovadoras que permitan dotar a estas instalacións de melloras nos servizos existentes, que acheguen unha sustentabilidade económica tendo en conta os custos de investimento e mantemento existentes. 4.3.2.3.5 Descrición técnica. A solución proposta debe incluír todos aqueles sensores e equipos de comunicacións necesarios para recoller os datos, monitoralos e xestionalos. 4.3.2.4 Planta de tratamento para a optimización enerxética e ambiental da xestión de lodos das depuradoras. 4.3.2.4.1 Introdución. Os principais custos variables das Estacións Depuradoras de Augas Residuais (EDAR) son o consumo eléctrico e a xestión de lodos, polo que calquera investimento na mellora dos procesos ou das instalacións neste sentido ten unha importante repercusión económica. Ademais, a nova normativa é máis esixente canto ás necesidades de tratamento do lodo xerado, polo que xa se están incrementando os custos de xestión e é previsible unha tendencia á alza. Mediante a seguinte proba piloto abórdanse ambos os problemas: por unha banda, téntase reducir a cantidade de lodo xerado, polo que xa se cumpriría a normativa sen necesidade dun tratamento posterior e, polo outro, no proceso de tratamento do lodo preténdese obter enerxía eléctrica e térmica que reduza os custos de explotación da EDAR. 4.3.2.4.2 Obxectivos. Este proxecto persegue a consecución dos seguintes obxectivos:  Redución do custo enerxético de explotación das depuradoras mediante o consumo de electricidade derivado da combustión do biogás xerado.  Aproveitamento do excedente de calor xerada na combustión do biogás para uso externo, por exemplo na calefacción de edificios públicos.  Obtención dun residuo apto para a aplicación en chans agrícolas, en cumprimento do Decreto 125/2012, polo que se regula a utilización de lodos de depuradora no ámbito do sector agrario na Comunidade Autónoma de Galicia.  Redución do custo de xestión de residuos na EDAR, xa que o lodo non precisará de transporte e tratamento posterior en instalacións externas. 4.3.2.4.3 Alcance e localización. A proba piloto propón a construción e a posta en marcha dunha planta de tratamento da xestión de lodos dunha depuradora de augas residuais. Seleccionarase unha tipoloxía de lodo e un tamaño tipo de EDAR que sexa representativo e extrapolable ás circunstancias das instalacións de depuración da provincia de Pontevedra. O modelo de funcionamento da planta de tratamento será o punto de recepción de lodo procedente de varias EDAR de tamaño medio, entre 2.000 e 30.000 heq, polo que a localización proposta tenderá a minimizar os custos globais de transporte entre as depuradoras e a planta. 4.3.2.4.4 Descrición funcional. Construirase unha planta de tratamento de lodos a escala industrial que recibirá os de depuradoras próximas. O residuo recibirá un tratamento de hixienización e dixestión anaerobia, mediante o cal se xerará por unha banda un residuo apto para o seu uso agrícola directo e por outro biogás. O excedente de enerxía eléctrica que se xeraría no motor de coxeración, que á súa vez utilizará como combustible o biogás, poderase empregar na EDAR que necesariamente se atope preto da parcela onde se constrúa a planta. A calor xerada na combustión do biogás empregaríase na propia planta e o excedente podería empregarse como fonte de calor para edificios ou instalacións anexas. 4.3.2.4.5 Descrición técnica. O proxecto piloto inclúe a construción dunha instalación que conste de:  Instalación de recepción, pretratamento e homoxeneización de lodos.  Instalación de hixienización.  Dixestor anaerobio e instalacións asociadas (axitación, calefacción, etc.).  Liña de biogás (gasómetro, elementos de seguridade, etc.).  Equipo de coxeración.  Caldeira auxiliar de calefacción.  Almacenamento de dixestato.  Sistema de control e automatización.  Instalacións auxiliares. 4.3.2.5 Sensibilización e uso eficiente da enerxía nos fogares. 4.3.2.5.1 Introdución. A repercusión dos custos enerxéticos nos fogares provocou serias dificultades en moitas familias á hora de poder afrontar con solvencia os pagamentos das facturas eléctricas. Isto, unido ás dificultades en entender adecuadamente o novo sistema de cálculo do recibo da luz levou á definición desta proba piloto que permitirá sensibilizar ás familias da provincia de Pontevedra no uso adecuado da enerxía grazas ás conclusións que se extraian das experiencias que se poñan en marcha con esta proba en 200 fogares. 4.3.2.5.2 Obxectivos. Os obxectivos deste proxecto piloto céntranse en sensibilizar e informar á cidadanía da provincia sobre as diferentes medidas que se poden adoptar para optimizar o uso enerxético nos fogares, de maneira que teñan a información adecuada para tomar decisións sobre que medidas lles poden axudar a obter un aforro enerxético. 4.3.2.5.3 Alcance e localización. Este proxecto piloto constará de dúas actuacións diferenciadas:  Instalación de elementos de sensorización e monitoraxe en 200 fogares da provincia de Pontevedra, repartidos en diferentes municipios. O licitador deberá propor que criterios de selección utilizará para escollelos.  Desenvolvemento de obradoiros de sensibilización e concienciación do uso eficiente da enerxía. 4.3.2.5.4 Descrición funcional. Dentro da actuación de sensorización e monitoraxe o sistema proposto debe poder informar ós usuarios dos datos de consumo enerxético que se producen nos seus fogares ata un nivel de detalle que lles permita tomar decisións de aforro enerxético. Cos datos obtidos nos 200 fogares sensorizados e monitorados e a experiencia que poida achegar o licitador deberanse editar uns folletos de sensibilización para os cidadáns sobre aforro enerxético nos fogares, que servirá para impartir unha serie de obradoiros (polo menos un por concello) na provincia de Pontevedra onde se lle explique á cidadanía as medidas de aforro enerxético que se poden adoptar nos fogares. 4.3.2.5.5 Descrición técnica. Deberanse instalar os elementos de sensorización, monitoraxe e comunicación necesarios para que se poida recoller e visualizar a información necesaria para adoptar medidas de aforro enerxético nos fogares onde se desenvolva este proxecto piloto. 5 XESTIÓN DO CAMBIO: PLAN DE COMUNICACIÓN, FORMACIÓN, CAPACITACIÓN E DINAMIZACIÓN. O proxecto “depoGAP” suporá un gran cambio na forma de xestionar os activos dos concellos da provincia de Pontevedra e da propia Deputación. Este cambio debe ser xestionado adecuadamente para que se converta nun verdadeiro caso de éxito. Isto é fundamental para poder mitigar as posibles resistencias e barreiras provocadas pola posta en marcha do proxecto, tentando reducir a incerteza do usuario que non sabe por medio da comunicación, ensinando ó usuario que non pode a través da formación e a capacitación e cambiando a actitude do usuario que non quere mediante a dinamización. Desta forma, garantirase que todos os axentes implicados no proxecto asuman o cambio de forma adecuada. 5.1 Comunicación. Dentro da estratexia de xestión do cambio que o licitador leve a cabo para conseguir o éxito do proxecto “depoGAP” e superar os posibles obstáculos e resistencias presentadas polos afectados polo cambio que produza a posta en marcha deste procedemento é imprescindible realizar un plan de comunicación para difundir a estratexia e os obxectivos que se perseguen con este proxecto, para así involucrar a todos os usuarios finais implicados e limitar a confusión e a ansiedade causadas polo medo ó cambio. O plan de comunicación debe abarcar tanto ó persoal que forma parte das entidades locais obxecto deste procedemento (plan de comunicación interno), coma ós cidadáns beneficiarios dos servizos que se poñan en marcha no proxecto “depoGAP” (plan de comunicación externo). Por esta razón o licitador deberá presentar na súa oferta dous plans de comunicación:  Plan de comunicación interno: dirixido ós implicados da propia Administración.  Plan de comunicación externo: dirixido ós cidadáns, xa que van ser, en varias das actuacións, receptores finais e usuarios dos servizos postos en marcha no proxecto. No plan de comunicación interno deberase contemplar polo menos os seguintes aspectos:  Identificar as necesidades informativas segundo o rol do usuario ó que vai dirixida a comunicación.  Determinar o carácter das actividades que hai que programar.  Realizar unha análise dos recursos dispoñibles para o plan de comunicación.  Elaborar un calendario de actividades a medida da entidade local.  Reflectir, en función das actividades previstas, todas as tarefas necesarias, como adquirir material, reservar as localizacións, contratar os servizos externos necesarios, etc., para poder levalas a cabo. Toda esta información pode ser recollida dentro do plan de comunicación e presentada a través dunha táboa como a seguinte: Necesidades de comuni-cación Grupo/per-soa obxec-tivo Posición ou actitude Acción Responsable Calenda-rio Recurso Método de avaliación e seguimento Para realizar o plan de comunicación externo deberanse analizar como mínimo os seguintes aspectos:  Tipo de audiencia.  Mensaxe que se quere transmitir.  Medio e linguaxe máis adecuada. Toda esta información, de igual forma que no plan de comunicación interno, pódese recoller e presentar a través dunha táboa similar á seguinte, que sirva para organizarse: Mensaxe Audiencia Acción Responsable Calendario Recurso Método de avaliación e seguimento O licitador deberá deseñar, desenvolver, implantar e executar os plans de comunicación interno e externo propostos, incluíndo todos os traballos e custos que sexan necesarios para levalos a cabo. É dicir: se, por exemplo, no plan de comunicación externo proponse realizar uns trípticos, a empresa adxudicataria deberá deseñalos, desenvolvelos e imprimilos, e asumirá calquera gasto que esta tarefa leve consigo. 5.2 Formación e capacitación. O licitador deberá presentar un plan de formación e capacitación completo relacionado coa plataforma de xestión de activos para axudar ós distintos usuarios a coñecer e traballar cos novos conceptos e ferramentas que introduce o proxecto “depoGAP”. O plan de formación estará orientado a:  Usuarios finais e con diferentes perfís de acceso (usuario de xestión de activos, usuario de xestión de incidencias e mantemento, usuarios de xestión da EIEL, etc.). Deberá ser unha formación orientada á utilización do sistema (cunha duración mínima de 50 horas por usuario).  Desenvolvedores do Servizo de Novas Tecnoloxías da Deputación de Pontevedra. Trátase dunha formación que permita realizar a transferencia tecnolóxica do proxecto e que estará orientada a lle achegar ó equipo de desenvolvemento da Deputación de Pontevedra os coñecementos necesarios para realizar tarefas de adaptación sobre a solución proposta (cunha duración mínima de 40 horas).  Técnicos de sistemas do Servizo de Novas Tecnoloxías da Deputación de Pontevedra. Neste caso tratarase dunha formación orientada a facilitar os labores de mantemento dos sistemas integrados dentro da solución ofertada (cunha duración mínima de 25 horas). Este plan detallarase nas propostas presentadas e deberá incluír:  Obxectivos da formación.  Segmentación dos grupos de usuarios: -Perfís. -Roles. -Necesidades de formación previas.  Plan de cursos: -Por funcionalidades do sistema. -Por segmento de usuarios. As accións formativas deberán acompañarse polo menos do seguinte material didáctico:  Manual de usuario para cada módulo do sistema e perfil de acceso; é dicir, débese contar cun manual de usuario personalizado por funcionalidade e perfil.  Creación de cursos dixitais para cada unha das accións formativas previstas para a súa inclusión nunha plataforma de teleformación da Deputación de Pontevedra. -Estes recursos deberán cumprir o formato SCORM para permitir a súa inclusión na plataforma de teleformación que se desexe utilizar. -Cada un dos apartados de cada curso deberá incluír unha screencam que lles permita ós alumnos visualizar o uso das ferramentas. A impartición de todas as actividades formativas previstas neste PPT levaranse a cabo baixo a coordinación e a supervisión do Servizo de Novas Tecnoloxías da Deputación de Pontevedra e nas instalacións que se indiquen. Para unha planificación correcta da formación indícanse a continuación os perfís mínimos que se deben contemplar como destinatarios da formación dentro do proxecto. Destinatarios Perfís Núm. de asistentes mínimo previsto Usuarios finais Usuarios municipais encargados da xestión de activos, da información xurídica e contable asociada a estes, a xestión da EIEL, dos datos específicos de activos enerxéticos, etc. 120 Usuarios municipais encargados da xestión das incidencias e o mantemento de activos (ordes de traballo, mantemento preventivo e correctivo, etc.) 120 Usuarios da Deputación encargados da xestión de activos, da información xurídica e contable asociada a estes, a xestión da EIEL, dos datos específicos de activos enerxéticos, etc. 10 Usuarios da Deputación de xestión das incidencias e mantemento de activos (ordes de traballo, mantementos preventivo, correctivo, etc.) 10 Desenvolvedores e técnicos de sistemas Usuarios desenvolvedores de Deputación encargados das tarefas de adaptación da plataforma de xestión de activos 10 Usuarios técnicos de sistemas da Deputación encargados da administración, configuración e mantemento da plataforma de xestión de activos 10 Complementariamente ó plan de formación e ás reunións e demais tarefas executadas para o seguimento e control do proxecto, durante a execución dos traballos obxecto do contrato, a empresa adxudicataria comprométese a facilitarlles en todo momento ás persoas designadas pola Deputación de Pontevedra a información e a documentación que soliciten, para facilitar a transferencia do coñecemento técnico das solucións desenvolvidas e para que dispoñan de pleno coñecemento das circunstancias nas que se desenvolveron os traballos, así como dos problemas que se poidan presentar e das tecnoloxías, ferramentas e métodos utilizados para resolvelos. 5.3 Dinamización. Nun proxecto ambicioso como é “depoGAP”, e dentro da xestión do cambio, ademais da formación e a capacitación, a dinamización é unha parte fundamental para conseguir que as iniciativas postas en marcha dentro do proxecto frutifiquen, se consoliden e logren alcanzar os obxectivos expostos neste prego. Por este motivo, o licitador debe especificar na súa proposta un plan de dinamización para fomentar e garantir que todos os usuarios poidan recibir o asesoramento e o soporte necesario sobre o uso da plataforma implantada e os procedementos de carga e actualización da información nela, que formarán parte do catálogo de normas, procedementos e recomendacións descrito anteriormente na apartado “0 4.2 Realización dun inventario de activos provinciais”. O licitador deberá expor no plan de dinamización diferentes mecanismos para fomentar o uso da plataforma de xestión de activos por parte dos usuarios dos concellos obxecto do proxecto e da propia Deputación, así como da cidadanía a través do portal de participación cidadá e a súa aplicación para dispositivos móbiles. Do mesmo xeito que no plan de comunicación e no de formación, o licitador deberá deseñar, desenvolver, implantar e executar o plan de dinamización, incluíndo todos os traballos e custos que sexan necesarios para levalos a cabo. 6 XESTIÓN E CONTROL DO PROXECTO. As empresas licitadoras deberán incluír unha proposta de xestión de todo o proxecto na que se especifiquen os seguintes puntos: 6.1 Metodoloxía para a xestión do proxecto Dentro da súa proposta técnica cada licitador deberá describir a metodoloxía detallada que utilizará para a xestión do proxecto. Valoraranse certificacións metodolóxicas de xestión de proxectos, eficiencia enerxética e proxectos TIC, tanto das empresas licitadoras coma dos equipos de proxecto. 6.2 Órganos de dirección e xestión do proxecto A dirección do proxecto levaraa a cabo o Servizo de Novas Tecnoloxías da Deputación de Pontevedra, a quen corresponderá realizar a supervisión, dirección e aprobación dos traballos e a determinación das correccións que se consideren oportunas. Será tamén a súa responsabilidade propor as modificacións que conveña introducir e, se é o caso, propor a suspensión dos traballos se houbese causa xustificada. Dada a complexidade e o ámbito multidisciplinar do proxecto, o elevado número de entidades involucradas e o seu reducido prazo de execución, a Deputación vai contar cunha oficina externa de seguimento e de control técnico e de calidade para garantir o cumprimento de todos os obxectivos do proxecto, evitando desviacións innecesarias e imprevistas. O Servizo de Novas Tecnoloxías da Deputación de Pontevedra designará un director corporativo que será o coordinador xeral e máximo responsable do proxecto e que terá as seguintes funcións: • Dirixir o desenvolvemento do proxecto. • Velar polo cumprimento dos servizos e desenvolvementos esixidos e ofrecidos. • Emitir a conformidade final de recepción deles. Adicionalmente, o Servizo de Novas Tecnoloxías da Deputación de Pontevedra designará un director técnico do proxecto, que terá as seguintes funcións: • Supervisar o desenvolvemento do proxecto. • Organizar a execución dos traballos e poñelos en práctica. • Facilitar a información necesaria para a execución dos traballos. • Velar polo cumprimento dos traballos contratados, podendo rexeitar os traballos realizados cando non respondan ó que se acordou ou que non superasen os controis de calidade. • Emitir a conformidade de recepción deles. • Determinar e facer cumprir a normativa e os procedementos. • Ser o interlocutor por parte da Deputación co grupo de traballo do adxudicatario. • Intervir de interlocutor e supervisar o equipo técnico da Deputación, que dará soporte a todas as actividades incluídas no alcance do proxecto en coordinación co equipo do adxudicatario. • Propor á dirección corporativa do proxecto as modificacións no contido e a realización dos traballos necesarios para executar os servizos. O director técnico do proxecto poderá delegar as súas funcións nunha persoa do seu equipo. Así mesmo, poderá incorporar ás persoas necesarias para verificar e avaliar todas as actuacións ó seu cargo. O adxudicatario, pola súa banda, determinará un director de proxecto que será único ó longo da execución do proxecto, salvo forza maior e previa xustificación e aprobación por parte da Deputación. Esta persoa aparecerá indicada na oferta presentada polo licitador, podendo a Deputación solicitar a súa modificación en calquera fase do proxecto por causas xustificadas. As funcións do director de proxecto do adxudicatario serán: • Ser o principal interlocutor entre o equipo de traballo do adxudicatario e a Deputación. • Organizar e coordinar a execución dos traballos. • Dirixir e coordinar todos os recursos empregados neste procedemento. • Ser o responsable de que a execución deste procedemento se execute de acordo ós prazos, custos e plan de calidade establecidos. • Ser o responsable de que os traballos que se executen se realicen coas máximas garantías de eficacia, funcionalidade e usabilidade. • Adoptar as medidas correctoras pertinentes para remediar posibles desviacións nos prazos, custos e/ou outras variables que se detectaron na execución deste procedemento. • Responder ante a Deputación de Pontevedra do cumprimento de todo o esixido neste procedemento. Adicionalmente, a empresa adxudicataria designará un xefe de proxecto para cada unha das actuacións incluídas no alcance deste procedemento, cuxas funcións serán: • Ostentar a representación do equipo técnico contratado nas súas relacións coa Deputación no referente á execución dos traballos. • Organizar, supervisar e poñer en práctica a planificación, a execución, o seguimento e o control dos traballos contratados. • Solicitar a información necesaria para a execución dos traballos. • Cumprir e facer cumprir as normas, os procedementos e o plan de calidade. • Avaliar e mitigar os riscos detectados durante a execución dos traballos deste procedemento. • Propor á dirección do proxecto da Deputación (director corporativo e director técnico do proxecto) as modificacións no contido e realización dos traballos para a mellora dos servizos incluídos neste procedemento. • Redactar a acta de todas e cada unha das reunións de traballo que se realicen. 6.3 Metodoloxía de seguimento do proxecto. Complementando a metodoloxía de xestión do proxecto, a empresa adxudicataria deberá especificar a metodoloxía de seguimento, que se sustentará nas seguintes bases: • Realizarase un seguimento continuo da evolución de cada actuación do proxecto entre o director técnico de proxecto da Deputación de Pontevedra (poderase incorporar o director corporativo se así o estima oportuno) e o director e xefe de proxecto da empresa adxudicataria. • Manteranse reunións de seguimento e revisións técnicas, con periodicidade semanal, coa participación do director técnico de proxecto da Deputación de Pontevedra, dos colaboradores que este considere oportuno, e o director de proxecto do adxudicatario acompañado do persoal do seu equipo que considere conveniente, para revisar o grao de cumprimento dos obxectivos, a planificación, as retribucións e as variacións de persoal dedicado ó proxecto. En caso de necesidade poderá establecer as medidas correctoras oportunas. • Realizarase un seguimento dos riscos detectados que poidan comprometer os obxectivos expostos no alcance do proxecto e proporanse accións que permitan mitigar ou eliminar estes riscos. • O director técnico de proxecto da Deputación de Pontevedra poderá rexeitar os traballos ou servizos realizados cando non respondan ó que se acordou ou non superasen os controis de calidade. • De cada reunión a empresa adxudicataria redactará e distribuirá entre todos os participantes a acta correspondente. • O calendario de reunións será planificado e axustado por períodos quincenais, baixo a iniciativa e coordinación do director técnico de proxecto da Deputación, coa participación e obrigada aceptación do adxudicatario. • Valorarase a posibilidade de ter un acceso de espazo común para compartir a información necesaria para o seguimento e control do proxecto. 6.4 Plan de traballo. A empresa adxudicataria deberá presentar un plan de traballo no que se describirán as diferentes actuacións do proxecto, coas tarefas a realizar, así como unha planificación dos traballos que se desenvolverán. Deberá conter, como mínimo, os seguintes elementos: • Cronograma de cada unha das actuacións incluídas no alcance do proxecto. • Descrición pormenorizada de cada unha das tarefas incluídas no cronograma proposto. • Relación dos recursos humanos asignados a cada unha destas tarefas, describindo as funcións que realizarán dentro destas e a porcentaxe de atribución a elas. O plan de traballo deberá incluír, de forma claramente diferenciada, os traballos a realizar na Deputación e en cada un dos concellos da provincia incluídos no obxecto do proxecto. Ademais, en cada actuación do proxecto deberase especificar que tarefas e prazos corresponden á empresa adxudicataria e cales á Deputación e a relación de dependencia entre eles, para saber en cada momento o grao de responsabilidade de cada un. O plan de traballo deberá actualizarse cunha periodicidade semanal co obxectivo de que o director técnico de proxecto da Deputación de Pontevedra poida realizar un correcto seguimento dos traballos e detectar as desviacións e/ou riscos producidos durante o seu desenvolvemento. 6.5 Entregables. A empresa adxudicataria deberá poñer a disposición da Deputación de Pontevedra a documentación necesaria para o coñecemento do cumprimento do obxecto do contrato e de todas as incidencias que se poidan producir. O adxudicatario comprométese a xerar para cada actuación realizada toda a documentación que lle sexa aplicable segundo os requirimentos descritos neste PPT, así como as novas versións da documentación que se vaian xerando. Tamén se entregarán, se é o caso, os documentos sobre os que se basearon para o desenvolvemento dos entregables. En todos os documentos utilizarase un sistema de control de versións, así como os persoais de documentos e os estándares utilizados na Deputación de Pontevedra, os cales se lle proporcionarán ó adxudicatario. A documentación deberá ser presentada en formato electrónico editable e non editable preferentemente, aínda que en casos excepcionais debidamente xustificados podería usarse o papel impreso, e comprenderá como mínimo os seguintes documentos: 6.5.1 Plataforma para a xestión de activos • Requisitos da solución. • Descrición funcional da solución. • Deseño tecnolóxico e da arquitectura da solución. • Modelo e deseño de workflows a implementar. • Deseño do plan de probas e o resultado da súa execución (incidencias e solucións). • Deseño da migración dos datos recompilados do inventario. • Deseño da estrutura de datos. • Definición das contornas físicas de probas e carga de datos. • Código fonte (se procede). o Parametrización o Desenvolvementos o Etc. • Plan de desenvolvemento e implantación. • Probas de tensións. • Manuais da plataforma. o Usuario o Instalación e configuración o Explotación o Administrador técnico o Manual de implantación o Etc. 6.5.2 Realización dun inventario de activos provinciais. • Metodoloxía para a realización do inventario. • Catálogo de normas e procedementos e recomendacións de actuación e actualización dos activos e a súa información asociada. • Inventario dos activos almacenados na plataforma de xestión de activos. • Táboas en formato alfanumérico e en formato xeorreferenciado da EIEL segundo marca o R.d. 835/2003 e a Metodoloxía EIEL 2014. 6.5.3 Probas piloto de eficiencia enerxética. Debido á variedade das probas piloto de eficiencia enerxética os entregables serán distintos en función das necesidades normativas e lexislativas que traian consigo o seu desenvolvemento e posta en marcha. A continuación detállanse os entregables mínimos para cada unha das probas piloto de eficiencia enerxética obxecto deste proxecto: 6.5.3.1 Proba piloto “Eficiencia enerxética na iluminación pública exterior”. Fases Entregables Fase de aprobación • Proxecto básico. Ha de incluír unha descrición da solución elixida, con especial énfase nas medidas de aforro enerxético a implantar, nos sistemas de monitoraxe no método de análise e verificación de resultados e na súa planificación. Fase de proxecto • Proxecto de execución. Desenvolverán os proxectos básicos presentados na fase previa, detallando características, orzamentos e planificación de execución. Fase de execución • Presentación de históricos de parámetros enerxéticos monitorados, durante un período significativo de tempo que permita validar a posta en marcha do sistema. 6.5.3.2 Proba piloto “Eficiencia enerxética en edificios”. Fases Entregables Fase de aprobación • Relación de edificios ós que se lles realizará a Certificación Enerxética segundo o R.d. 235/2013. Esta relación xustificará a priorización dos edificios seleccionados sobre o total dos existentes (segundo usos, superficies, etc.) • Proxecto básico: descrición e orzamento dos sistemas de telexestión enerxética das 60 casas consistoriais, o Pazo provincial e o Edificio Administrativo da Deputación de Pontevedra, indicando como mínimo: o Inventariado dos datos enerxéticos de cada edificio. o Necesidades de monitoraxe para a correcta xestión dos parámetros enerxéticos de cada edificio. o Descrición da plataforma de medición, monitoraxe e control remoto de parámetros enerxéticos, que ha de incluír unha base de datos flexible, escalable e de fácil uso para a realización de tarefas de supervisión. Fase de proxecto • Certificados de eficiencia enerxética dos edificios aprobados na fase previa. Estes certificados conterán como mínimo o indicado no artigo 6 do R.d. 235/2013. • Proxecto de execución para o sistema de telexestión enerxética dos edificios. Desenvolverán os proxectos básicos presentados na fase previa, detallando características, orzamentos e planificación de execución. Fase de execución • Rexistro das certificacións enerxéticas ante a Consellería de Industria da Xunta de Galicia. • Entrega e colocación nun lugar conveniente de cada edificio da etiqueta de eficiencia enerxética. • Presentación de históricos de parámetros enerxéticos de cada un dos edificios durante un período significativo de tempo que permita validar a posta en marcha do sistema de telexestión. 6.5.3.3 Proba piloto “Sustentabilidade enerxética e ambiental en instalacións deportivas”. Fases Entregables Fase de aprobación • Proxecto básico. Ha de incluír descrición da solución elixida, con especial énfase nas medidas de eficiencia enerxética e ambiental a implantar, nos sistemas de monitoraxe e control, no método de análise e verificación de resultados e na súa planificación. Fase de proxecto • Proxecto de execución. Desenvolverán os proxectos básicos presentados na fase previa, detallando características, orzamentos e planificación de execución. Fase de execución • Presentación de históricos de parámetros enerxéticos e ambientais monitorados, durante un período significativo de tempo que permita validar a posta en marcha do sistema. 6.5.3.4 Proba piloto “Planta de tratamento para a optimización enerxética e ambiental da xestión de lodos das depuradoras”. Fase Entregables Fase de aprobación • Proxecto básico. Ha de incluír a descrición da solución elixida, co correspondente balance de masas e enerxético, determinando os cocientes de produción de biogás por m3 de lodo tratado. Definiranse os sistemas para o aproveitamento enerxético do biogás xerado, tanto en forma de calor como de electricidade, así como da súa monitoraxe en continuo. Fase de proxecto • Proxecto de actividade. • Xustificante da realización dos trámites para a solicitude de licenzas: entrega de documentación ás administracións, visados de colexios profesionais, asume de dirección de obra, etc. • Análise de laboratorio, medicións enerxéticas, etc. • Estudos especiais: contaminación de chans, acústica, arqueolóxico, etc. • Proxecto de execución. o Topografía. o Estudo xeotécnico. o Proxecto construtivo de obra civil e instalacións. o Estudo de seguridade e saúde en fase de proxecto. o Estudo de xestión de residuos. o Plan de control de calidade. Fase de obra Previamente ó comezo das obras o adxudicatario deberá presentar: • Licenza de obras e actividade. • Apertura do centro de traballo. • Acta de replanteo. • Planificación de obras. • Libro de ordes. • Libro de incidencias. Durante as obras de execución xerarase a seguinte documentación: • Informes mensuais. • Resultados do control de calidade. • Documentación de control de obra. o Follas de subministración e etiquetaxe. o Certificados de garantía dos fabricantes. o Documentación correspondente ó marcado CE. o Etc. • Certificados de todas as instalacións (boletíns instaladores). • Certificado de fin de obra. • Planos “as built”. Unha vez finalizadas as obras de execución o adxudicatario entregará: • Instrucións de uso e mantemento. • Actas de posta en marcha, autorizacións de funcionamento ou notificacións de inscrición en rexistros das diferentes instalacións implicadas no proxecto. • Rexistro de obra nova. 6.5.3.5 Proba piloto “Sensibilización e uso eficiente da enerxía nos fogares”: Fases Entregables Fase de aprobación • Proxecto básico: descrición e orzamento dos sistemas de monitoraxe a instalar nos fogares (sensores, conectividade, software de manexo de datos, formato de historiais, xeración de informes, etc.). • Planificación de actuacións. o Instalación da monitoraxe. o Campaña de obradoiros de sensibilización. Fase de proxecto • Proxecto de execución para vivenda tipo describindo sensores, tipo de monitoraxe, medios auxiliares, etc. Fase de execución • Lista detallada das vivendas monitoradas, indicando: o Dirección o Persoa e datos de contacto o Sensores instalados: modelo e localización o Data de instalación o Data de comezo da monitoraxe o Histórico de resultados o Calquera outro dato de interese da instalación • Lista detallada dos obradoiros de sensibilización levados a cabo, indicando: o Lugar e data o Número de asistentes o Acta dos asuntos tratados o Preguntas realizadas polos cidadáns e respostas a estas • Documento FAQ (Frequently Asked Questions) no que se recompilarán as preguntas máis frecuentes xurdidas nos obradoiros coas súas correspondentes respostas. 6.5.4 Xestión do cambio: Plan de comunicación, formación, capacitación e dinamización. • Plan de comunicación: o Plan de comunicación interno. o Plan de comunicación externo. • Plan de formación e capacitación: o Calendarios de accións formativas a diario ou compoñente da plataforma e perfil indicando o temario e o número de horas. o Manuais de usuario por módulo e o seu perfil de acceso:  Descrición dos menús e funcións realizadas.  Funcionalidades e opcións da plataforma. o Manual de procedemento, acorde coas novas posibilidades de xestión de activos da plataforma. o Plan de capacitación. • Plan de dinamización. 6.5.5 Xerais. Ademais, deberanse entregar unha serie de informes xerais: • Informes técnicos á finalización do proxecto para axudar ó persoal da Deputación de Pontevedra a realizar as xustificacións precisas ante o Ministerio. • Calquera outro informe que poida xurdir durante o desenvolvemento do proxecto. 6.6 Plan de calidade. Dentro da súa proposta técnica cada licitador deberá presentar un plan de calidade que inclúa unha descrición detallada da metodoloxía de control de calidade a aplicar dentro do ámbito do proxecto obxecto deste PPT. Este plan de calidade poderase complementar cos certificados de calidade que a empresa teña vixentes no momento de presentación da oferta (valorarase en maior medida a posesión do certificado ISO 9001:2008) e a súa aplicación concreta ós traballos a realizar. Independentemente do plan de calidade proposto polo licitador os responsables do proxecto da Deputación de Pontevedra poderán establecer controis de calidade adicionais tanto sobre as actividades realizadas dentro do desenvolvemento do proxecto coma dos produtos obtidos neste, sempre no marco do plan de calidade aplicable. 7 DURACIÓN E PRAZO DE EXECUCIÓN. O prazo para a execución será de 6 meses, a contar desde a data de formalización do contrato. Unha vez certificada a recepción por parte da Deputación de Pontevedra comezará a prestarse o servizo de mantemento descrito no apartado “0 8 GARANTÍA, MANTEMENTO E SOPORTE”. 8 GARANTÍA, MANTEMENTO E SOPORTE. 8.1 Garantía O adxudicatario deberá garantir polo menos por un ano os produtos e servizos derivados da presente contratación, contando desde a data da recepción destes, obrigándose a realizar durante este período os cambios precisos para solucionar as deficiencias detectadas que sexan imputables ó adxudicatario. A garantía incluirá a solución de erros ocultos que se poñan de manifesto no funcionamento da solución proposta para a xestión de activos ou dos proxectos de eficiencia enerxética, ou que se atopen mediante probas ou calquera outro medio, así como a modificación da información do inventario que sexa errónea. Ademais, realizarase a modificación da documentación incompleta e a corrección da que teña deficiencias. Os produtos obtidos como consecuencia das tarefas de garantía deberán entregarse de conformidade co esixido para os diferentes entregables neste PPT. Esta garantía inclúe, ademais, os traballos de mantemento descritos no apartado seguinte. 8.2 Mantemento e soporte Unha vez completadas as tarefas correspondentes á implantación e parametrización da plataforma ou sistema de información para a de xestión de activos e a execución dos desenvolvementos precisos realizarase a contratación do mantemento e soporte destas. O mantemento ofertado polo licitador será prestado de forma integrada co Centro de Atención ó Usuario (CAU) da Deputación de Pontevedra. Desta forma, será o CAU quen se responsabilice da recepción das solicitudes por parte dos usuarios e de desviar aquelas que, debido á súa natureza, sexan responsabilidade do equipo de mantemento posto a disposición do proxecto polo licitador. En ningún caso poderá resolver solicitudes directamente o equipo de mantemento, sendo condición indispensable que todas elas se realicen a través do CAU. Desta forma, o mantemento será prestado a modo de soporte de segundo nivel dentro da organización do CAU da Deputación de Pontevedra. Dentro deste período de mantemento incluiranse (sen que a seguinte lista constitúa unha descrición pormenorizada), como mínimo, tarefas relacionadas con: • Execución, en colaboración co Servizo de Novas Tecnoloxías da Deputación de Pontevedra, de tarefas de mantemento correctivo (fóra do período de garantía), da plataforma tecnolóxica de base. • Resolución das consultas a especialistas recibidas en caso de consultas de segundo nivel (especializadas). • Subministración de indicadores de xestión para a avaliación do funcionamento do sistema. • Administración técnico/funcional da plataforma obxecto deste PPT, baixo a supervisión dos seus responsables por parte do Servizo de Novas Tecnoloxías da Deputación de Pontevedra. • Asesoramento ós membros do equipo do Servizo de Novas Tecnoloxías da Deputación de Pontevedra en relación coa administración e o mantemento da plataforma técnica que soporta ós diferentes aplicativos. • Mantemento dos manuais de usuario e procedementos de xestión de activos existentes. Este mantemento estará incluído de maneira gratuíta dentro do período de garantía, e poderase prorrogar en anos sucesivos en función da decisión que tome a Deputación a respecto diso. Os custos de mantemento deberán incluír o custo anual de licenzas no caso de se ofertaren produtos comerciais licenciados. 9 LICENZAS E CÓDIGO FONTE. Neste apartado especifícanse as condicións que o licitador debe cumprir referentes ás licenzas e ó código fonte da solución proposta. 9.1 Licenzas. Para a plataforma de xestión de activos os licitadores poderán presentar tanto solucións comerciais coma de código aberto (“open source”) nas súas diferentes modalidades de licenciamento. No caso de que se trate dun produto comercial ou adxudicatario deberá subministrar licenzas para todos os compoñentes software da plataforma. O número de licenzas subministrado deberá ser suficiente para cubrir as necesidades da Deputación de Pontevedra, que nestes momentos se estiman segundo o indicado na seguinte táboa: Concepto Requisito mínimo Usuarios internos (persoal da Deputación e concellos) 250 usuarios Usuarios de Business Intelligence 130 usuarios Usuarios da Administración (persoal de Deputación) 10 usuarios Usuarios de desenvolvemento (persoal de Deputación) 10 usuarios Usuarios do portal web público Ilimitados Usuarios da aplicación para dispositivos móbiles Ilimitados A proposta deberá incluír os custos de licenciamiento que suporá a utilización da solución proposta ata a data de finalización do período de garantía. 9.2 Código fonte da solución. No caso no que o licitador oferte solucións de código aberto proporcionarase a última versión dos programas fonte de todos os módulos e/ou compoñentes proporcionados e desenvolvidos para o proxecto polo adxudicatario. Estes programas fonte deben de ter a posibilidade de ser compilados e montados con éxito e sen erros, nos equipos da Deputación de Pontevedra polo persoal da propia Deputación. Así mesmo, a Deputación de Pontevedra deberá dispor, en todo momento, das fontes da versión coa que se estea traballando. Para facilitar a xestión e o seguimento do proxecto todas as versións irán correctamente etiquetadas co código da versión e a súa data de peche. No caso no que o licitador oferte solucións comerciais, e co obxectivo de asegurar a sustentabilidade futura da plataforma, poderá solicitarlle ó fabricante do software a implantación do depósito do código fonte ante notario, para asegurar a dispoñibilidade destas en caso de quebra do fabricante en cuestión. 10 TRATAMENTO DE DATOS DE CARÁCTER CONFIDENCIAL. A Deputación proverá á empresa adxudicataria de toda a información necesaria para a realización dos traballos asignados. O adxudicatario queda expresamente obrigado a manter absoluta confidencialidade e reserva sobre calquera dato que puidese coñecer con ocasión do cumprimento do contrato, especialmente os de carácter persoal, que non poderá copiar nin utilizar cunha finalidade distinta á que figura neste documento, nin tampouco ceder a outros nin sequera para os efectos de conservación. Este deber subsistirá, aínda que se extinga o contrato, ata que a información chegue a ser de dominio público ou que, por outras causas, perda a súa consideración de confidencialidade, sen que medie incumprimento do deber de confidencialidade por calquera das partes contratantes. O adxudicatario quedará obrigado ó cumprimento da lexislación vixente en materia de protección de datos de carácter persoal en todo o que sexa de aplicación a este proxecto, conforme ó establecido nas leis e decretos de aplicación; especialmente en:  Lei orgánica 15/1999, de 13 de decembro, de protección de datos de carácter persoal.  Real decreto 1720/2007, de 21 de decembro, polo que se aproba o Regulamento de desenvolvemento da Lei orgánica 15/1999, de 13 de decembro, de protección de datos de carácter persoal.  As disposicións de desenvolvemento das normas anteriores en materia de protección de datos que se atopen en vigor no momento de adxudicación deste contrato, ou que poidan estalo durante a súa vixencia.  En caso de incumprir o estipulado a empresa contratante e os técnicos designados serán responsables das infraccións que se deriven del. 11 OBRIGAS EN MATERIA DE COMUNICACIÓN: O proxecto obxecto deste PPT, no referente a contratación, publicidade e comunicación, está suxeito ós seguintes regulamentos e instrucións de aplicación:  Programa operativo FEDER 2007-2013 de Galicia.  Regulamento (CE) núm. 1080/2006 do Parlamento Europeo e do Consello, de 5 de xullo de 2006.  Regulamento (CE) núm. 1083/2006 do Consello, de 11 de xullo de 2006.  Regulamento (CE) núm. 1828/2006 da Comisión, de 8 de decembro de 2006. No caso de resultar adxudicataria a empresa licitadora deberá cumprir cos seguintes requisitos:  Conservar a documentación relativa a esta contratación por un período mínimo de tres anos desde o peche do programa operativo, é dicir, ata o 31 de decembro de 2018, conforme ó establecido no artigo 90 do Regulamento (CE) 1083/2006.  Garantir o estrito cumprimento da normativa de publicidade prevista no Regulamento (CE) 1828/2006, utilizando a imaxe do FEDER en todos os documentos xerados ó abeiro da contratación. A aceptación do contrato por parte da empresa adxudicataria implica a aceptación da posibilidade de aparecer nunha lista de beneficiarios, na que ademais dos datos dos beneficiarios se incluirán o nome da operación e a cantidade de fondos públicos de cada contrato; segundo os requirimentos da Comisión Europea e a Autoridade de Xestión do programa operativo. 12 FITOS, RECEPCIÓNS PARCIAIS, ACTA FINAL DE RECEPCIÓN E PAGAMENTOS. O Servizo de Novas Tecnoloxías da Deputación de Pontevedra dará a súa conformidade cos servizos recibidos e realizará a recepción de todo o software, produtos e servizos obxecto deste procedemento. Para a correcta evolución e seguimento do proxecto estableceranse fitos no desenvolvemento de cada unha das fases e actividades deste. No momento que se cumpra cada fito asinarase unha acta de recepción parcial, excepto cando se cumpra o último dos fitos, momento no cal a Deputación de Pontevedra deberá asinar a acta final de recepción aceptando o correcto funcionamento dos elementos contratados, así como a conformidade dos servizos recibidos. A remuneración á empresa adxudicataria polos traballos realizados efectuarase contra a presentación das correspondentes facturas en función dos seguintes fitos de desenvolvemento do proxecto:  Fito 1: Inventario de todos os activos de 15 concellos.  Fito 2: Inventario de todos os activos de 30 concellos.  Fito 3: Inventario de todos os activos de 45 concellos.  Fito 4: Inventario de todos os activos dos 60 concellos.  Fito 5: Inventario de todos os activos da Deputación de Pontevedra.  Fito 6: Migración de toda a información recompilada no inventario de activos realizado á plataforma de xestión de activos.  Fito 7: Finalización do catálogo de normas, procedementos e recomendacións.  Fito 8: Posta en marcha do compoñente de xestión de activos da plataforma para a xestión de activos.  Fito 9: Posta en marcha do Cadro de Mando Integral e Business Intelligence.  Fito 10: Posta en marcha do portal de participación cidadá e da aplicación para dispositivos móbiles.  Fito 11: Finalización da proba piloto “Eficiencia enerxética na iluminación pública exterior”.  Fito 12: Finalización da proba piloto “Eficiencia enerxética en edificios”.  Fito 13: Finalización da proba piloto “Sustentabilidade enerxética e ambiental en instalacións deportivas”.  Fito 14: Finalización da proba piloto “Planta de tratamento para a optimización enerxética e ambiental da xestión de lodos das depuradoras”.  Fito 15: Finalización da proba piloto “Sensibilización e uso eficiente da enerxía nos fogares”.  Fito 16: Finalización de todas as actuacións que forman parte do obxecto do proxecto. Os fitos 1, 2, 3, 4 serán secuenciais, mentres os fitos 5, 7, 8, 9, 10, 11, 12, 13, 14, 15 poderanse finalizar de forma independente ó resto dos fitos especificados (non é necesario que sexan executados secuencialmente); o fito 6 non poderá darse por finalizado en ningún caso antes da finalización dos fitos 1, 2, 3, 4 e 5, e o fito 16 non poderá finalizar en ningún caso antes da finalización de todos os fitos anteriores. No momento en que se cumpra cada fito asinarase unha acta de recepción parcial, excepto cando se cumpra o último dos fitos (16), momento no cal a Deputación de Pontevedra deberá asinar a acta final de recepción aceptando a conformidade dos servizos recibidos. Os pagamentos á empresa adxudicataria realizaranse contra a presentación das correspondentes facturas, en función do cumprimento dos fitos anteriormente descritos e sempre tras a sinatura da correspondente acta de recepción, da seguinte forma: Fito Descrición do fito Porcentaxe do importe de adxudicación 1 Inventario de todos os activos de 15 concellos 10% 2 Inventario de todos os activos de 30 concellos 10% 3 Inventario de todos os activos de 45 concellos 10% 4 Inventario de todos os activos dos 60 concellos 10% 5 Inventario de todos os activos da Deputación de Pontevedra 5% 6 Migración de toda a información recompilada no inventario de activos realizado á plataforma de xestión de activos 4% 7 Finalización do catálogo de normas, procedementos e recomendacións 2% 8 Posta en marcha do sistema de xestión de activos da plataforma para a xestión de activos 8% 9 Posta en marcha do Cadro de Mando Integral e Business Intelligence 5% 10 Posta en marcha do portal de participación cidadá e da aplicación para dispositivos móbiles 5% 11 Finalización da proba piloto “Eficiencia enerxética na iluminación pública exterior” 4% 12 Finalización da proba piloto “Eficiencia enerxética en edificios” 6% 13 Finalización da proba piloto “Sustentabilidade enerxética e ambiental en instalacións deportivas” 6% 14 Finalización da proba piloto “Planta de tratamento para a optimización enerxética e ambiental da xestión de lodos das depuradoras” 10% 15 Finalización da proba piloto “Sensibilización e uso eficiente da enerxía nos fogares” 2% 16 Finalización de todas as actuacións que forman parte do obxecto do proxecto 3% Mediante a aceptación deste prego o adxudicatario obrígase expresamente a non emitir, presentar e/ou rexistrar facturas ante a Deputación de Pontevedra sen contar coa correspondente acta de recepción. 13 RESOLUCIÓN DE DÚBIDAS. Os licitadores poderán enviar as súas dúbidas acerca de aspectos relacionados con este prego á dirección de correo electrónico novastecnoloxias@depo.es desde o primeiro día da súa publicación. O correo deberá ter como asunto “Solicitude de resolución de dúbidas PPT Proxecto “DEPOGAP”. O corpo da mensaxe deberá conter polo menos a seguinte información:  Nome completo da empresa.  Nome comercial da empresa ou marca de referencia, se procede.  Persoa que solicita a resolución da dúbida, teléfono de contacto e dispoñibilidade horaria.  Cuestión para a que se require a pertinente explicación. A dirección de correo que se utilizará para todas as comunicacións será a do remitente que envíe o correo á Deputación. Todas as dúbidas recolleranse nun informe e responderanse conxuntamente, publicándose posteriormente no perfil do contratante da Deputación de Pontevedra, especificando a última data de actualización do documento. 14 ESTRUTURA XERAL DA OFERTA. Neste apartado descríbese a estrutura segundo a cal se deberán elaborar as ofertas presentadas por cada un dos licitadores. O licitador deberá presentar a oferta técnica tanto en formato papel coma en formato dixital. O formato dixital deberá presentarse en soporte CD ou DVD, levando a seguinte etiqueta: EMPRESA NOME DE FICHEIROS Oferta_Tecnica.doc Oferta_Tecnica.pdf Na versión dixital entregarase un ficheiro en formato PDF, que deberá estar asinada dixitalmente polo representante legal da empresa licitadora, e outro ficheiro en formato DOC. Se houbese algunha incongruencia entre a oferta presentada en papel e a presentada en formato dixital asinada electronicamente prevalecerá esta última. A oferta do licitador deberá estar paxinada e conter un índice detallado. O tipo de letra utilizado será Arial 12, excepto para os títulos, que será Arial 14 e Arial 16. Utilizarase interliñado a 1,15 e o espazo entre parágrafos será de 0,6 puntos. A extensión máxima da proposta técnica non poderá exceder as 250 páxinas en formato vertical, excluídos os anexos e a información adicional que se presenta no apartado “10 Información adicional” da oferta. Durante o proceso de valoración das ofertas non se terán en conta aquelas que non presenten toda a documentación no formato indicado anteriormente e seguindo as directrices estipuladas, tentando seguir, ademais, na medida do posible e sempre que non entre en contradición co estipulado neste parágrafo, a estrutura do prego de prescricións técnicas. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos e na mesma orde dos especificados a continuación. Non seguir a seguinte estrutura ou engadir algún punto ademais dos indicados será motivo de exclusión. 1. Índice. Débese incluír un índice no que se enumeren os contidos da proposta técnica. 2. Introdución e enfoque estratéxico. Débese realizar un pequeno resumo da oferta presentada polo licitador e a descrición do enfoque estratéxico desta. 3. Obxecto e alcance. Neste punto o licitador deberá detallar todos os aspectos que sexan necesarios para cumprir o obxecto e o alcance do proxecto incluíndo a metodoloxía que se utilizará para levalo a cabo, debendo reflectir polo menos os seguintes puntos: 3.1 Plataforma para a xestión de activos. Nesta epígrafe deberase realizar unha descrición detallada de cada un dos compoñentes da plataforma de xestión de activos, as súas funcionalidades e requirimentos, así como a arquitectura do sistema proposta polo licitador e todos aqueles aspectos que sexan necesarios para o seu desenvolvemento, implantación e posta en marcha, segundo o especificado na apartado “0 4.1 Plataforma para a xestión de activos” do prego de prescricións técnicas. Ademais, o licitador deberá encher a táboa do anexo III do prego de prescricións técnicas. 3.2 Realización dun inventario de activos provinciais. Neste punto deberase describir detalladamente a metodoloxía que se utilizará para realizar o inventario de activos provinciais, así como as ferramentas e dispositivos que se utilizarán para levalo a cabo, segundo o descrito e requirido no apartado “4.2-4.2 Realización dun inventario de activos provinciais” do prego de prescricións técnicas. 3.3 Probas piloto de eficiencia enerxética. Baixo este punto o licitador deberá describir detalladamente a metodoloxía que se utilizará para realizar todas as tarefas necesarias para o deseño, desenvolvemento e posta en marcha de cada unha das probas piloto de eficiencia enerxética incluídas no alcance do proxecto, así como os criterios que se utilizarán para seleccionar a localización onde se realizará cada unha delas, segundo o descrito e requirido no apartado “0 4.3 Probas piloto de eficiencia enerxética” do prego de prescricións técnicas. 3.4 Xestión do cambio: Plan de comunicación, de formación, de capacitación e de dinamización. Neste punto o licitador deberá describir detalladamente o proxecto de xestión do cambio, que incluirá a descrición de cada unha das actuacións que levarán a cabo como parte do plan de comunicación (interno e externo), do plan de formación e capacitación e do plan de dinamización proposto para poder realizar unha boa xestión do cambio, segundo o descrito na apartado “0 5 XESTIÓN DO CAMBIO: PLAN DE COMUNICACIÓN, FORMACIÓN, CAPACITACIÓN E DINAMIZACIÓN” do prego de prescricións técnicas. 4. Xestión e control do proxecto. Baixo este punto o licitador deberá describir a proposta de xestión de todo o proxecto, tendo en conta os seguintes apartados: 4.1. Metodoloxía de xestión do proxecto. Describirase a metodoloxía de xestión de proxecto proposta polo licitador e as certificacións metodolóxicas de xestión de proxectos, eficiencia enerxética e proxectos TIC que a empresa licitadora desexe achegar. 4.2. Órganos de dirección e xestión do proxecto. Detallarase a proposta organizativa para a dirección e xestión do proxecto. 4.3. Metodoloxía de seguimento do proxecto. Deberase incluír a metodoloxía de seguimento do proxecto proposto polo licitador. 4.4. Plan de traballo. Deberase incluír o plan de traballo detallado para desenvolver as tarefas incluídas no alcance do proxecto, que deberá incluír de maneira obrigatoria: -Cronograma de cada unha das actuacións incluídas no alcance do proxecto. -Descrición pormenorizada de cada unha das tarefas incluídas no cronograma proposto. -Relación dos recursos humanos asignados a cada unha destas tarefas, describindo as funcións que realizarán dentro destas e a porcentaxe de atribución a elas. 4.5. Entregables. Deberase realizar unha descrición detallada do contido da documentación, que se entregará durante a execución do proxecto incluíndo polo menos os que se indican no apartado “0 6.5 Entregables” do prego de prescricións técnicas. 4.6. Plan de calidade. Incluirase o plan de calidade no cal se realizará unha descrición detallada da metodoloxía de control de calidade a aplicar dentro do ámbito do proxecto obxecto deste PPT e os certificados de calidade que a empresa teña vixentes no momento da presentación da oferta. 5. Garantía, mantemento e soporte. O licitador deberá expor neste punto o modelo de garantía, mantemento e soporte a usuarios, que cumpra cos requirimentos mínimos establecidos no apartado 0 8 GARANTÍA, MANTEMENTO E SOPORTE do prego de prescricións técnicas. 6. Licenciamiento e código fonte. O licitador deberá expor o detalle dos diferentes tipos de licenzas propostas xunto coas características relacionadas co código fonte do proxecto. 7. Melloras propostas polo licitador. Valoraranse baixo esta epígrafe as melloras, propostas polo licitador, que permitan dar un valor engadido ó proxecto “depoGAP” e permitan evolucionalo. Identifícanse as seguintes posibles liñas de evolución: • Ampliación da análise de eficiencia e modernización: melloras de xestión de activos, eficiencia ou inventariado, entre outros. • Posibilidades de ampliar o proxecto a novos servizos e de aplicación a outros ámbitos de actuación. • Ampliación do alcance do inventario de activos, mediante o inventariado dos de camiños municipais nun proxecto piloto de concellos para poder obter o coñecemento da metodoloxía a utilizar e poder extrapolala ó resto da provincia. • Análise para potenciar a actividade económica aproveitando toda a información recompilada: plataforma transversal, aplicacións ou servizos tecnolóxicos. • Tratamento e análise de grandes repositorios de datos mediante Big Data. • Potenciar a dispoñibilidade da información mediante Open Data para fomentar a interacción do cidadán coas institucións e conseguir unha Administración máis eficaz, proactiva, transparente e participativa. • Propostas para mellorar a eficiencia enerxética nos desprazamentos durante a execución do proxecto. • Proporcionar unha visión de Smart Rexión (Smart Provincia) ó proxecto mediante iniciativas orientadas a mellorar a calidade de vida, á sustentabilidade enerxética e ambiental e a xestión eficiente dos servizos a través da innovación e o uso das novas tecnoloxías. 8. Información adicional (anexos) • Calquera outra documentación que desexe achegar o licitador. Tamén se aproban os Anexos ó prego de prescricións técnicas seguintes: Anexo I (Xerarquía de elementos, localización e fichas dos elementos a inventariar), Anexo II (EIEL) e o Anexo III (Táboa de requirimentos), que constan no expediente de contratación. 7.6526.- APROBACIÓN INICIAL DO PROXECTO “MELLORA DA INTERSECCIÓN DA ESTRADA EP-7104 CERDEDO-SANTO DOMINGO COA N-541 (CERDEDO)”. EXPOSICIÓN PÚBLICA DO MESMO E DO EXPEDIENTE DE EXPROPIACIÓN. DECLARACIÓN DE UTILIDADE PÚBLICA DA OBRA. DECLARACIÓN DE URXENTE OCUPACIÓN. MOTIVACIÓN DA URXENCIA Sr. Presidente.- O punto número 7 é a aprobación inicial do proxecto de mellora da intersección da estrada provincial 7104 Cerdedo-Santo Domingo coa nacional 541 tamén en Cerdedo, exposición pública do mesmo, expediente de expropiación, declaración de utilidade pública da obra e declaración de urxente ocupación dos terreos e motivación de urxencia. Bueno, os terreos, uns son propiedade do concello, unha parcela, e outra parcela é do Arcebispado, é para beneficiar, claramente, esta intersección con moito perigo e accidentes que ten, nesta estrada coa incorporación á estrada nacional, e bueno, cremos que estamos diante dunha actuación necesaria, e que hoxe poñemos aquí a aprobación inicial deste proxecto. ¿Votos en contra?. ¿Abstencións?. ¿A favor?. O proxecto “Mellora da intersección da EP-7104 Cerdedo–Santo Domingo coa N-541 (Cerdedo)”, que está dotado dun orzamento para coñecemento da Administración de 414.397,07 euros, desagregado en orzamento de execución por contrata por importe de 382.330,55 euros e capítulo de expropiacións por importe de 32.066,52 euros, ten por obxecto o ensanche e a mellora do trazado da devandita estrada provincial. As obras incluídas no presente proxecto consisten na mellora da intersección da estrada provincial EP-7104 coa N-541 en Cerdedo, comprendendo tamén a intersección da vía da estrada municipal que conduce á praia fluvial de Cerdedo. A construción deste viario mellorará a conexión con numerosos núcleos rurais e ademais, debido a que a intersección coa nacional ten un ángulo moi pechado (intersección en T) e unha forte pendente e cambio de rasante, a seguridade viaria mellorará de xeito notable. Á vista do informe emitido polo Servizo de Infraestruturas advertindo da necesidade de acometer canto antes a devandita obra, o Pleno acorda, por unanimidade: Primeiro.- A aprobación inicial do proxecto “Mellora da intersección da EP- 7104 Cerdedo–Santo Domingo coa N-541 (Cerdedo)” que está dotado dun orzamento para coñecemento da Administración de 414.397,07 euros, desagregado en orzamento de execución por contrata por importe de 382.330,55 euros e capítulo de expropiacións por importe de 32.066,52 euros. Segundo.- A exposición pública do mesmo e do expediente expropiatorio que conleva, polo prazo regulamentario, a efectos de posibles reclamacións, entendéndose aprobado definitivamente, de forma automática, en caso de non producirse as mesmas. Terceiro.- A declaración de utilidade pública da obra con base no informe emitido polo Servizo de Infraestruturas advertindo da premura que reviste a execución da obra. Cuarto.- A declaración de urxente ocupación dos bens e terreos afectados pola referida obra. Quinto.- A motivación da urxencia que se pretende dar ás expropiacións que xera dita obra, vén xustificada pola necesidade de mellorar o tráfico mediante a modificación deste viario, que mellorará a conexión con numerosos núcleos rurais e ademais, debido a que a intersección coa nacional ten un ángulo moi pechado (intersección en T) e unha forte pendente e cambio de rasante, mellorará a seguridade viaria de xeito notable. Neste sentido non hai que esquecer que calquera mellora nunha estrada vai supor a minoración de riscos de accidentes e, en consecuencia, nunha materia na que está en xogo a vida humana a utilidade pública da obra e a urxencia na súa execución está sempre xustificada. ANEXO Relación de propietarios afectados e bens expropiados Parcela Propietarios Superficie Afectada (m2) Bens Afectados 1 Isidro López Fernández 247,00 m2 2 Arcebispado de Santiago de Compostela 584,00 m2 3 Arcebispado de Santiago de Compostela 66,00 m2 4 Arcebispado de Santiago de Compostela 1.634,00 m2 5 Manuel Gamallo Simal 1.257,00 m2 Edificación en ruína 6 Arcebispado de Santiago de Compostela 180,00 m2 7 Manuel Campos Sieiro 99,00 m2 8 Antonio Sieiro Troitiño 431,00 m2 9 Manuel Gamallo Simal 258,00 m2 10 Jesús José Pérez Fortes 440,00 m2 8.6527.- APROBACIÓN INICIAL DO PROXECTO “PROXECTO DE CONSTRUCIÓN DE RONDA ESTE. TRAMO PO-542 (PONTE BORA-O PINO) PO-532 (PONTEVEDRA-PONTE CALDELAS), ACCESO A MONTECELO E PRÍNCIPE FELIPE (PONTEVEDRA)”. EXPOSICIÓN PÚBLICA DO MESMO E DO EXPEDIENTE DE EXPROPIACIÓN. DECLARACIÓN DE UTILIDADE PÚBLICA DA OBRA. DECLARACIÓN DE URXENTE OCUPACIÓN E MOTIVACIÓN DA URXENCIA Sr. Presidente.- Tamén, número 8 é a aprobación inicial do Proxecto de construción da Ronda Este, tramo Pontevedra 542 (Ponte Bora-O Pino) a Pontevedra 532 (Pontevedra–Ponte Caldelas) acceso a Montecelo e Príncipe Felipe en Pontevedra, exposición pública do mesmo e do expediente de expropiación, declaración de utilidade pública e declaración de urxente ocupación e motivación da urxencia. Se trata, por darlles algúns datos, que creo que debo ter eu por aquí, un total de, vamos a ver, relación de propietarios e todo isto, eu creo que son 63 propietarios, máis ou menos, ¿non?, 63 propietarios, bueno, unhas zonas de eucaliptal e, polo tanto, que están aquí na relación, que todos teñen aí, e bueno, nós o que vamos é darlle máxima celeridade a este proxecto que vai a desbloquear moito tráfico na confluencia con Montecelo e Príncipe Felipe. Polo tanto, cremos que é unha magnífica actuación non só para Pontevedra senón para a súa área de influencia tamén, e con isto pois resolvemos un problema de infraestruturas no entorno de Pontevedra. D. Cesáreo Mosquera. Sr. Mosquera Lorenzo.- Si, gracias Sr. Presidente. Mire, con respecto ó punto anterior, no expediente puxen, tomeime a liberdade, supoño que incorrectamente, de poñer a bolígrafo un parágrafo, poñerlle un parágrafo, no expediente anterior. Sr. Presidente.- Añadirlle. Sr. Mosquera Lorenzo.- Non, non era añadir, é que había un erro na proposta, que o punto 5 era trasladado deste que estamos tratando ó anterior, estaba copiado e demais. Sr. Presidente.- Ah!, si, alguén incorporou no punto anterior o que é a motivación da urxencia no punto. Sr. Mosquera Lorenzo.- Deste punto, de Montecelo, o de Cerdedo, será o de Cerdedo, a proposta ten como motivación da urxencia do punto 5, creo que era, ten, isto de recorta e pega, a de Príncipe Felipe. Sr. Presidente.- Perfecto, vale, vale. Sr. Mosquera Lorenzo.- Digo, corríxase na proposta que xa está votada, antes esquecéuseme dicilo, corríxase porque, iso despois empeza a circular, que está aprobado no Pleno e é así coma un pouco chocante. Sr. Secretario.- Vale, perfecto. Sr. Mosquera Lorenzo.- Está, creo que o ten a bolígrafo. Sr. Presidente.- Si, si, está aquí. Sr. Mosquera Lorenzo.- Tomeime a liberdade de marcalo e esquecinme agora de comentalo. Sr. Presidente.- Un bo traballo de xestión, si señor, de inspección e xestión. Sr. Mosquera Lorenzo.- Na oposición, o que ten que facer un é ler papeis. Sr. Presidente.- Exacto, non, non, está ben. Sr. Mosquera Lorenzo.- Basicamente. Sr. Presidente.- Moi importante. Mire, e despois, ¿está o proxecto este?, ¿non?. Sr. Mosquera Lorenzo.- Si, non, o proxecto este que … Sr. Presidente.- Que vostede coñece ben. Sr. Mosquera Lorenzo.- … que creo que é unha moi boa noticia e xa estaba aprobado nese convenio, o concello xa ten transferido dúas anualidades aquí, creo. Sr. Presidente.- Si. Sr. Mosquera Lorenzo.- E agardemos que vaia para adiante. Isto, digo que é moi coñecido, pero, nestes momentos hai, pola parte Leste de Pontevedra, pois hai uns camiños que é a rúa das Pereiras, a rúa das Olivas e Ángel Limeres, creo que é, que se está usando, camiño de onde se cruzan dous coches, e que se está usando, bueno, pois, para ir a Montecelo, a Príncipe Felipe e para circular, que é algo absolutamente, bueno, pois, que está aí historicamente pero que hai que resolver, afortunadamente, afortunadamente e sorprendentemente, pois, resulta que se pode pasar un vial sen afectar ningunha casa, nin tan sequera pasar cerca de ningunha casa, neste caso, quitándoo xa no entronque coa estrada de Ponte Caldelas, ¿non?, entón, bueno pois, está o proxecto feito e revisado e agardemos que se poida ir canto antes e poidamos executar. É un proxecto, digamos, suave, suave, leva unha senda e dous carrís, non hai ningunha obra, porque, os cálculos é que non é necesario, por aí, meter unha infraestrutura moito máis potente e, polo tanto, agardemos que se poida facer canto antes. A propósito disto, cando se adxudicou o proxecto, que realmente ían mal de financiamento e demais, tamén se lle meteu o facer un estudo da posibilidade de conexión peonil enriba da autoestrada, na zona onde están os bombeiros e demais, ¿non?, iso dígoo como explicación porque ... Sr. Presidente.- Bueno, pero iso xa está incluído, fun eu cos técnicos de Fomento para incluílo na intersección da saída da Ponte das Correntes. Sr. Mosquera Lorenzo.- Bueno, iso quería dicir, porque cando se adxudicou o proxecto fora con esa condición que, evidentemente, … Sr. Presidente.- Si. Sr. Mosquera Lorenzo.- … se lle sacou, bueno pois, pouco máis hai que dicir, creo que é unha boa actuación, relativamente barata, relativamente barata que vai a ser destas solucións que cremos, vamos, porque non estamos convencidos, de que xa a necesidade vai obrigar, pero que, en moitos casos non se optou por elas, sempre se optou por unhas infraestruturas tremendas, ¿non?, viadutos, catro carrís e a posibilidade da amplialos a cincuenta, bueno, se é necesario si, pero cando non é necesario non hai porque facer esas cousas, teñen menos impacto e poden prestar un servizo bárbaro, igual e máis, vai á sección totalmente urbana, ¿non?, ou sexa, seguranza viaria, cremos que é un proxecto que o impacto vai, home, sempre haberá algún afectado que, igual bueno, teña as súas queixas, pero o impacto vai a ser moi pequeno e cremos que é unha moi boa solución e agardemos que estea o antes posible. Moitas grazas. Sr. Presidente.- Por nós non vai a quedar, no sentido de que se vaia a iniciar, como digo, estará a exposición pública e, inmediatamente, rematada a exposición pública faranse os depósitos previos, licitación e poder dar inicio a esa actuación, unha vez que a Xunta nos declare de urxente ocupación os mesmos. E, en relación a esa cuestión, que habíamos conveniado ámbalas partes, de buscarlle unha solución ós veciños que viven, veciños que viven na Comandancia de Pontevedra, máis os veciños de A Barca de Poio que poidan cruzar hacia a zona do paseo, etc., de Pontevedra, pois, eu me despracei alí cos técnicos do Ministerio de Fomento, porque eles na incorporación que van facer da Ponte das Correntes directa a autopista, van a contemplar xa esa comunicación, que agora mesmo non existe, como digo, entre a Comandancia da Guardia Civil e toda a zona de A Barca e Poio, co cal xa vai incluído, como digo, nese proxecto que, en principio está previsto que se poida licitar a primeiros do ano 2015, tamén, que coincidirá co proxecto este. Polo tanto, aprobamos o punto número 8 que inclúe, como digo, esta mellora de infraestruturas importantes para Pontevedra e a súa área de influencia. ¿Votos en contra?. ¿Abstencións?. ¿A favor?. O proxecto “Construción de Ronda Este. Tramo PO-542 (Ponte Bora–O Pino) PO-532 (Pontevedra–Ponte Caldelas). Acceso a Montecelo e Príncipe Felipe (Pontevedra)”, que está dotado dun orzamento para coñecemento da Administración de 2.334.660,37 euros, desagregado en orzamento de execución por contrata por importe de 1.795.030,96 euros e capítulo de expropiacións por importe de 460.380,00 euros e capítulo de seguimento de estudos arqueolóxicos por importe de 79.249,41 euros, ten por obxecto o ensanche e a mellora do trazado da devandita estrada provincial. A finalidade da actuación proxectada é a mellora dunha infraestrutura que terá unha dobre funcionalidade: por un lado, o acceso ó complexo asistencial e por outro a mellora da mobilidade na zona este da cidade, podendo integrarse nun futuro como parte da Ronda Urbana. Á vista do informe emitido polo Servizo de Infraestruturas advertindo da necesidade de acometer canto antes a devandita obra, o Pleno acorda, por unanimidade: Primeiro.- A aprobación inicial do proxecto “Construción de Ronda Este. Tramo PO-542 (Ponte Bora–O Pino) PO-532 (Pontevedra–Ponte Caldelas). Acceso a Montecelo e Príncipe Felipe (Pontevedra)”, que está dotado dun orzamento para coñecemento da Administración de 2.334.660,37 euros, desagregado en orzamento de execución por contrata por importe de 1.795.030,96 euros, capítulo de expropiacións por importe de 460.380,00 euros e capítulo de seguimento de estudos arqueolóxicos por importe de 79.249,41 euros. Segundo.- A exposición pública do mesmo e do expediente expropiatorio que conleva, polo prazo regulamentario, a efectos de posibles reclamacións, entendéndose aprobado definitivamente, de forma automática, en caso de non producirse as mesmas. Terceiro.- A declaración de utilidade pública da obra con base no informe emitido polo Servizo de Infraestruturas advertindo da premura que reviste a execución da obra. Cuarto.- A declaración de urxente ocupación dos bens e terreos afectados pola referida obra. Quinto.- A motivación da urxencia que se pretende dar ás expropiacións que xera dita obra, xa que a execución das mesmas vén xustificada pola necesidade de mellorar o tráfico mediante a mellora e desenvolvemento desta infraestrutura, que terá unha dobre funcionalidade: por un lado, o acceso ó complexo asistencial e por outro a mellora da mobilidade na zona este da cidade, podendo integrarse nun futuro como parte da Ronda Urbana. Neste sentido non hai que esquecer que calquera mellora nunha estrada vai supor a minoración de riscos de accidentes e, en consecuencia, o reforzamento da seguridade viaria, materia na que está en xogo a vida humana, a utilidade pública da obra e a urxencia na súa execución está sempre xustificada. ANEXO Relación de propietarios afectados e bens expropiados FINCA TITULAR SUP. EXPROPIADA (m2) BENS AFECTADOS 1 DURÁN JUNCAL MANUEL 34 4 ÁRBORES 2 DURÁN JUNCAL DIGNA 38 5 ÁRBORES 3 MUIÑOS GARCÍA M CARMEN 483 4 PIAY VÁZQUEZ CÁNDIDO 642 5 MOREDA SOLIÑO CARMEN 207 6 VIDAL BLANCO JOSÉ SALVADOR 217 7 ALONSO MARIÑO JOSEFA 6 8 EN INVESTIGACIÓN, ARTIGO 47 DA LEI 33/2003 4 9 FERNÁNDEZ COUSO MANUEL 399 10 MALVAR ACUÑA JOSÉ 163 11 GONZÁLEZ MALVAR DOLORES 234 12 FERNÁNDEZ GONZÁLEZ MARÍA CARMEN 487 13 GONZÁLEZ MALVAR DOLORES 506 14 GARCÍA VALOIRA ALBINO 340 15 CORTEGOSO GARCÍA MANUELA 1032 16 AGULLA REY JOSÉ 631 17 AGULLA REY JOSEFA 995 18 AGULLA REY BENITO 946 19 JUSTO MUIÑOS JULIA 205 20 TIESO VALES MARGARITA 442 21 OGANDO SUÁREZ ERUNDINA 821 90 ÁRBORES 22 AXIS PROMOGES SL 3141 349 ÁRBORES 23 GONZÁLEZ GONZÁLEZ SEVERIANO 798 24 GARCÍA MUÑOZ CÁNDIDO 1131 25 TIESO VILLAVERDE ÁUREA 145 26 PORTELA SOUTO DOLORES 292 27 QUINTEIRO PIAY CARMEN 373 28 GARCÍA ACUÑA M MAGDALENA 1492 29 TABOADA FIGUEROA JOSEFINA 1055 117 ÁRBORES 30 QUINTEIRO TIESO ÁUREA 10 31 TOURÓN UCHA M ANGELES 1 32 BUGALLO GULÍAS M CARMEN 1308 33 VILLAVERDE TIESO CLEMENTINA 176 34 VÁZQUEZ BOULLOSA MANUEL 426 35 BOULLOSA LOUREIRO EUGENIO FILLO 1154 128 ÁRBORES 36 BOULLOSA LOUREIRO EUGENIO FILLO 855 95 ÁRBORES 37 BUGALLO GULÍAS M CARMEN 200 22 ÁRBORES 38 LOUREIRO JUSTO PILAR 107 12 ÁRBORES 39 MARTÍNEZ MALVAR BENITO 252 28 ÁRBORES 40 TAJES JUSTO RAMÓN 145 16 ÁRBORES 41 COUTO BUCETA MANUEL 114 12 ÁRBORES 42 OUTÓN GARRIDO MARÍA 22 2 ÁRBORES 43 LOUREIRO S-S JOSÉ 407 45 ÁRBORES 44 MALVAR ALMOFREY VÍCTOR 386 42 ÁRBORES 45 SUÁREZ FARTO VENTURA 370 41 ÁRBORES 46 SAA SALGUEIRO SORAYA 383 42 ÁRBORES 47 SAÍNZ CASAL JOSÉ BENITO 305 33 ÁRBORES 48 TAJES JUSTO RAMÓN 865 96 ÁRBORES 49 MALVAR MARTÍNEZ ROSARIO 1489 50 GIL ATRIO DOLORES 143 51 AFONSO SOTELO JOSEFA 279 52 MARTÍNEZ MALVAR BENITO 383 53 DESCOÑECIDO 13 54 DESCOÑECIDO 95 55 SUÁREZ FARTO VENTURA 227 56 TAJES JUSTO RAMÓN 177 57 FRANCO SOUTO ENRIQUE 159 18 ÁRBORES 58 DESCOÑECIDO 127 59 AFONSO SOTELO JOSEFA 167 60 DESCOÑECIDO 708 61 DESCOÑECIDO 1270 ALMACÉN DE 55 m2 E EDIFICACIÓN DE 15 m2 62 XUNTA DE MONTES VECIÑAIS EN MAN COMÚN DE MARCÓN-PONTEVEDRA 2460 120 ÁRBORES 63 DESCOÑECIDO 1031 ALMACÉN DE 39 m2 E EDIFICACIÓN DE 39 m2 9.6528.- REGULAMENTO DA ADMINISTRACIÓN ELECTRÓNICA DA DEPUTACIÓN Sr. Presidente.- O punto número 9. Regulamento da administración electrónica da Deputación. Queres explicar?. Begoña Estévez. Creo que en el expediente todo el mundo tiene, a administración electrónica aquí. Pois, polo tanto, procedemos á votación. ¿Votos en contra?. ¿Abstencións?. ¿A favor?. Dada conta da proposta elevada ó Pleno polo Servizo de Novas Tecnoloxías, relativa ó Regulamento da Administración Electrónica da Deputación e, á vista dos informes emitidos pola Secretaría Xeral e a Intervención desta Deputación e de conformidade co ditame da Comisión Informativa de Réxime Interior e Persoal, o Pleno acorda, por unanimidade, a adopción dos seguintes acordos: 1. A aprobación inicial do Regulamento de administración electrónica da Deputación de Pontevedra. 2. A súa exposición pública por un prazo de trinta días hábiles a efectos de alegacións, mediante un anuncio que se publicará no Boletín Oficial da Provincia de Pontevedra, no taboleiro de edictos da Deputación e na súa páxina web. No caso de non se presentar alegacións ó regulamento, entenderase definitivamente aprobado. 3. Resoltas as reclamacións polo Pleno da Corporación, de ser o caso, ou elevado a definitivo o acordo inicial, de non se formular alegacións, publicarase o texto íntegro do regulamento no Boletín Oficial da Provincia de Pontevedra, e non entrará en vigor ata que se efectúe esta publicación e transcorra o prazo previsto no artigo 65.2 da Lei 7/1985, de 2 de abril, reguladora das bases do réxime local. Dito regulamento é como segue: REGULAMENTO DE ADMINISTRACIÓN ELECTRÓNICA DA DEPUTACIÓN DE PONTEVEDRA A Deputación de Pontevedra inicia unha nova etapa na era da administración electrónica na provincia formalizando o seu compromiso de conectarse coa cidadanía de todos os municipios de Pontevedra, levando a Administración pública a cada un dos fogares da provincia. Os servizos de administración electrónica constitúen unha opción rendible para lles prestar un mellor servizo a todos os cidadáns e empresas, o que propicia unha Administración participativa, aberta e transparente. Estes servizos poden reducir os custos e aforrarlles tempo tanto ás administracións públicas coma ós cidadáns e as empresas. Neste contexto o desenvolvemento tecnolóxico é unha realidade cada vez máis afianzada na nosa sociedade. Nos últimos anos foise xeneralizando o uso das denominadas novas tecnoloxías en todos os ámbitos, tanto económicos coma sociais, políticos ou xurídicos, e tamén o emprego de novos termos como “goberno electrónico”, “transparencia”, “open data” ou “interoperabilidade”. Desta forma, a irrupción das novas tecnoloxías da información e da comunicación e as novas posibilidades que estas ofrecen na relación entre as administracións públicas e a cidadanía produciron importantes cambios lexislativos coa finalidade de procurar unha Administración diferente, que ten a tecnoloxía como elemento central na súa modernización. Isto permite conseguir estruturas máis eficientes na prestación dos servizos públicos e garantir o acceso á información e á participación da cidadanía. Estes avances permiten, ademais, optimizar o funcionamento interno das administracións locais e axilizar a comunicación co resto de administracións públicas, o que facilita a obtención de importantes beneficios económicos e sociais. De igual modo, o desenvolvemento tecnolóxico permite un maior contacto cos cidadáns e favorece a integración das zonas rurais e illadas, ó non teren que se desprazar nin estar supeditados a un horario, o que supón a eliminación desta barreira. Deste xeito, o cidadán pode acceder ós servizos públicos desde a súa casa as vinte catro horas do día, os trescentos sesenta e cinco días do ano. Así, o acceso electrónico dos cidadáns ós servizos públicos supera a simple actuación procedemental ó referirse ós cidadáns e non ós interesados. Por outro, refírese ós servizos públicos e non unicamente ós servizos administrativos. Normativamente, a aprobación da Lei 11/2007, de 22 de xuño, de acceso electrónico dos cidadáns ós servizos públicos, sentou as bases xurídicas da administración electrónica que están a transformar o procedemento administrativo convencional e o modo de relacionarse coas administracións públicas. Neste sentido, esta lei supón un auténtico estatuto do cidadán fronte á administración electrónica, que recolle os seus dereitos na súa relación coas administracións públicas e as garantías que permiten a súa efectividade: o dereito, a través dos medios electrónicos, a obter información, realizar consultas e alegacións, formular solicitudes, manifestar o seu consentimento, efectuar pagamentos, realizar transaccións e opoñerse ás resolucións e actos administrativos. A consolidación efectiva destas bases desenvolveuse posteriormente a través do Real decreto 1671/2009, de 6 de novembro, polo que se desenvolve parcialmente a Lei 11/2007, de 22 de xuño, de acceso electrónico dos cidadáns ós servizos públicos; do Real decreto 3/2010, de 8 de xaneiro, polo que se regula o Esquema Nacional de Seguridade no ámbito da administración electrónica; do Real decreto 4/2010, de 8 de xaneiro, polo que se regula o Esquema nacional de interoperabilidade no ámbito da administración electrónica; así como da recente Lei 19/2013, de 9 de decembro, de transparencia, acceso á información pública e bo goberno, que establece no seu articulado numerosas referencias ás novas tecnoloxías como medio para responder ás demandas do cidadán e cumprir co obxectivo de proporcionarlles ás persoas interesadas un amplo caudal de información, con estándares homologados na presentación, nas contestacións que se lles proporcionen ás solicitudes e no tratamento informático de acceso á información pública. Polo que respecta á sinatura electrónica, a Lei 15/2014, de 16 de setembro, de racionalización do sector público e outras medidas de reforma administrativa, que modifica parcialmente a Lei 11/2007, obriga ás administracións públicas a habilitaren o uso dunha única relación de certificados electrónicos recoñecidos, de maneira que se liberen recursos administrativos para outros fins máis produtivos e se eliminen os custos e as cargas que a súa aceptación en cada Administración pública supón para os que prestan os servizos. No ámbito local o imperativo normativo ás administracións locais encontrámolo, ademais de nas previsións da Lei 11/2007, como marco normativo básico en materia de administración electrónica aplicable tamén ós entes locais, no artigo 70.bis da Lei 7/1985, de 2 de abril, reguladora das bases do réxime local, no seu apartado terceiro, recóllese que “as entidades locais e, especialmente, os municipios, deberán impulsar a utilización interactiva das tecnoloxías da información e a comunicación para facilitar a participación e a comunicación cos veciños, para presentar documentos e para realizar trámites administrativos, de enquisas e, no seu caso, de consultas cidadás”. Nesta liña, ademais, o artigo 36.1.g da Lei 7/1985, de 2 de abril, reguladora das bases do réxime local, na redacción dada pola Lei 27/2013, de 27 de decembro, de racionalización e sustentabilidade da Administración local, atribúe como competencia propia das deputacións provinciais a prestación dos servizos de administración electrónica e a contratación centralizada nos concellos con menos de 20.000 habitantes. Á vista dos antecedentes normativos citados, da propia evolución e do progreso nestes aspectos, e de acordo cos principios de accesibilidade, transparencia, seguridade, eficacia, eficiencia, calidade na prestación de servizos ós cidadáns e coas modernas políticas de racionalización e eficiencia organizativas, á Deputación de Pontevedra cómprelle publicar o presente regulamento, que lles dá corpo normativo ás numerosas iniciativas e proxectos encamiñados a lograr a utilización das novas tecnoloxías e a implantación da sociedade da información. Neste sentido, esta iniciativa está aliñada cun dos obxectivos das administracións públicas, consistente en xestionar os intereses xerais baixo o principio de eficacia previsto no artigo 103.1 da Constitución Española. Así mesmo, incide no principio de cooperación que deben rexer as relacións interadministrativas, que se concreta en aspectos económicos, técnicos e administrativos. E sobre todo destaca o verdadeiro papel das deputacións provinciais como entidades locais de ámbito supramunicipal, cuxo obxectivo é a asistencia e cooperación xurídica, económica e técnica ós municipios, especialmente ós de menor capacidade económica e de xestión, garantindo os principios de solidariedade e equilibrio intermunicipais, segundo o establecido nos artigos 31 e 36 da Lei 7/1985, de 2 de abril, reguladora das bases do réxime local, na redacción dada pola Lei 27/2013, de 27 de decembro, de racionalización e sustentabilidade da Administración local. En definitiva, o presente regulamento trata de optimizar e achegarlles os servizos públicos ós cidadáns e ás empresas, a través da innovación na propia Deputación e nos municipios da provincia. Por todo isto, a presente regulación procura ser o empuxe definitivo na construción dunha Administración innovadora e aberta, que lle ofreza á sociedade servizos eficientes, seguros e de calidade. Unha nova Administración completa na que o cidadán sexa o centro da actividade administrativa. Con respecto á estrutura, o regulamento consta de 40 artigos, agrupados en doce capítulos, con dúas disposicións adicionais, tres transitorias, unha derrogatoria e tres derradeiras. O capítulo I ocúpase das disposicións xerais, entre as que se encontran o obxecto, o seu ámbito de aplicación, os principios xerais e o dereito a non achegar datos e documentos que xa estean en poder da Administración, como elemento fundamental para acadar a redución das cargas administrativas á cidadanía e ás empresas. No capítulo II regúlanse a sede electrónica, espazo electrónico onde se publicarán os servizos electrónicos e a información que requira especiais garantías de seguridade, calidade e responsabilidade. No capítulo III regúlanse o taboleiro electrónico de anuncios da Deputación e a publicación electrónica do Boletín Oficial da Provincia de Pontevedra (BOPPO). O taboleiro electrónico de anuncios, que poderá substituír ou complementar as publicacións que actualmente se recollen nos taboleiros físicos de anuncios, será o mecanismo para a publicación de actos e comunicacións que, por disposición legal ou regulamentaria, se deban publicar nel. A Lei 11/2007 impón a todas as administracións públicas a creación de rexistros electrónicos para a recepción e remisión de solicitudes, escritos e comunicacións. Estes rexistros poderán admitir non só os documentos electrónicos normalizados senón calquera solicitude, escrito ou comunicación distinta e dirixida a calquera órgano ou unidade do ámbito da Administración titular do rexistro. Deste xeito, no capítulo IV abórdase o rexistro electrónico da Deputación de Pontevedra. A creación deste rexistro articularase mediante a presente norma, que se publicará no BOPPO e que estará dispoñible para a súa consulta na sede electrónica da institución provincial. Nas disposicións que regula o rexistro electrónico especifícase, ademais, o órgano responsable da súa xestión, así como a data e a hora oficiais e os días declarados como inhábiles. O capítulo V trata a identificación e autenticación da cidadanía e da Administración. Nel detállanse os sistemas de sinatura electrónica que se van empregar nas relacións administrativas. Ademais, neste capítulo determínase o marco legal básico para o uso de certificados electrónicos por parte do persoal da Deputación para desempeñar as súas funcións. O capítulo VI dedícase a regular as instrucións básicas para a tramitación electrónica de procedementos administrativos, indicando os criterios e os principios da súa xestión electrónica e que actuacións se aplicarán. No capítulo VII regúlanse as comunicacións e as notificacións electrónicas. A cidadanía poderá elixir se quere recibir as comunicacións e as notificacións por medios electrónicos ou físicos. Así, neste apartado establécese a base normativa para a regulación do servizo no momento en que estea dispoñible. A Administración utilizará sempre medios electrónicos nas comunicacións entre os seus órganos e con outras administracións públicas, agás cando existan causas técnicas xustificadas que o impidan. No capítulo VIII regúlanse os documentos electrónicos, as copias e o seu arquivo. Este capítulo ocuparase ademais do ciclo de vida integral dos documentos, desde a súa creación ata a súa eliminación. Ademais, os preceptos incluídos neste apartado sentarán as bases para a realización de compulsas electrónicas e para a dixitalización documental con carácter de copia auténtica na Deputación de Pontevedra. Os capítulos IX e X regulan os servizos de licitación e factura electrónicos, como mecanismos imprescindibles para facer realidade a Administración electrónica coas empresas e os autónomos que se relacionan coa Deputación de Pontevedra. O capítulo XI fai unha breve translación dos esquemas nacionais de seguridade e interoperabilidade para sentar as bases dunha Administración segura e interoperable. O capítulo XII regula o mecanismo de cooperación coas entidades locais para o impulso coordinado da administración electrónica en todas as da provincia de Pontevedra. Este Convenio marco rexerase baixo os principios de cooperación e eficacia e será o instrumento idóneo para potenciar a administración electrónica en todas as entidades locais da provincia de Pontevedra. En definitiva, este regulamento pretende contribuír a conseguir unha Administración eficaz, cunha oferta de servizos de calidade e accesibles por diferentes canles; unha Administración que promove a colaboración coas entidades locais da nosa provincia; unha Administración eficiente, que mellore a xestión e simplifique os procedementos coa aplicación das novas tecnoloxías e o respecto necesario ó dereito á protección de datos de carácter persoal. De conformidade co exposto a Deputación de Pontevedra, facendo uso da súa potestade regulamentaria e de auto-organización, de acordo co previsto no artigo 4.1a da Lei 7/1985, de 2 de abril, reguladora das bases do réxime local , DISPÓN: CAPÍTULO I DISPOSICIÓNS XERAIS Artigo 1º. Obxecto. 1. Constitúe o obxecto do presente regulamento o desenvolvemento dos dereitos establecidos no artigo 6 da Lei 11/2007, do 22 de xuño, de acceso electrónico dos cidadáns ós servizos públicos, entre os que destaca o dereito da cidadanía a relacionarse coa Administración por medios electrónicos para acceder ós servizos públicos e para a tramitación dos procedementos administrativos. 2. Así mesmo, regúlanse a sede electrónica, a edición electrónica do Boletín Oficial da Provincia de Pontevedra (BOPPO), o taboleiro electrónico de anuncios, a identificación e autenticación da cidadanía e da Administración, o rexistro electrónico, as comunicacións electrónicas, o documento electrónico e a súa conservación, a factura e licitación electrónicas e o mecanismo de cooperación coas entidades locais da provincia de Pontevedra para o impulso coordinado da administración electrónica. Artigo 2º. Ámbito de aplicación. O presente regulamento aplicarase a: a) Todos os órganos e unidades administrativas da Deputación de Pontevedra. b) Persoas físicas, xurídicas e entes sen personalidade nas súas relacións coa Deputación de Pontevedra. Artigo 3º. Previsións xerais. A Deputación de Pontevedra, coa publicación deste regulamento, pretende: a) Asegurar o dereito dos cidadáns a relacionarse por medios electrónicos con esta institución. b) A incorporación dos medios electrónicos na súa actividade ordinaria para mellorar a accesibilidade, transparencia, seguridade, eficacia, eficiencia e calidade da prestación de servizos ós cidadáns, así como a mellora da xestión interna. c) A cooperación e colaboración coas entidades locais da provincia de Pontevedra mediante a posta a disposición de infraestruturas e servizos comúns de administración electrónica que garantan a interoperabilidade dos sistemas de información e que a fagan posible para o maior número de cidadáns e empresas. d) Posibilitar o acceso e a descarga dos documentos electrónicos postos a disposición da cidadanía ou doutras administracións a través da súa sede electrónica ou das canles de atención que correspondan en cada caso. e) Garantir que tanto as persoas con diversidade funcional coma as persoas maiores que se relacionan coa Deputación de Pontevedra poidan acceder ós servizos electrónicos en igualdade de condicións, con independencia das súas circunstancias persoais e dos seus medios ou coñecementos. Artigo 4º. Dereito a non achegar datos e documentos. 1. Para a xestión e resolución dos expedientes administrativos só poderán esixirse os documentos ou os datos que sexan estritamente necesarios para conformar a vontade da Administración e resolver cada procedemento concreto e que a Administración non poida obter polos seus propios medios. 2. Non se lles poderá solicitar ás persoas interesadas, nos procedementos administrativos e servizos regulados pola Deputación de Pontevedra, os documentos xerados polo propio organismo provincial nin os que xa fosen presentados polas persoas interesadas. Para facer efectivo este dereito deberán especificar a data en que se presentaron os documentos, a denominación do procedemento e o órgano ó que os dirixiron, sempre que non transcorresen máis de cinco anos desde a finalización do procedemento en que se achegaron. 3. Non se poderán solicitar aqueles datos, documentos ou certificados dunha Administración pública que a Deputación poida obter mediante sistemas de interoperabilidade sempre que, no caso de datos de carácter persoal, se conte co consentimento das persoas interesadas nos termos establecidos pola Lei orgánica 15/1999, de 13 de decembro, de protección de datos de carácter persoal, ou unha norma con rango de lei que o determine, salvo que existan restricións conforme á normativa de aplicación ós datos e documentos solicitados. Se o órgano administrativo que tramita o procedemento non pode obter os datos ou documentos comunicarallo á persoa interesada, indicando o motivo, para que os achegue no prazo e cos efectos previstos na norma reguladora do procedemento correspondente. 4. Non se poderán solicitar os documentos doutras administracións públicas se se achegan copias destes que conteñan un código seguro de verificación que cumpra co disposto no artigo 18.1.b da Lei 11/2007, de 22 de xuño, de acceso electrónico dos cidadáns ós servizos públicos. Artigo 5º. Usos lingüísticos. 1. A Deputación de Pontevedra garantirá para a cidadanía o exercicio dos dereitos lingüísticos recoñecidos nas leis. Para ese efecto, adoptaranse as medidas necesarias dirixidas a facer efectivo o exercicio de tales dereitos. 2. A persoa interesada elixirá o idioma, galego ou castelán, para realizar trámites e recibir comunicacións da Deputación de Pontevedra. En ausencia de declaración expresa, entenderase que optou polo idioma que empregase para dirixirse á Administración. Artigo 6º. Definicións. Os termos que se empregan neste regulamento terán o sentido que se establece no anexo da Lei 11/2007, de 22 de xuño, de acceso electrónico dos cidadáns ós servizos públicos, no anexo IV do Real decreto 3/2010, de 8 de xaneiro, polo que se regula o Esquema Nacional de Seguridade no ámbito da administración electrónica e no anexo do Real Decreto 4/2010, do 8 de xaneiro, polo que se regula o Esquema Nacional de Interoperabilidade no ámbito da administración electrónica. CAPÍTULO II A SEDE ELECTRÓNICA DA DEPUTACIÓN DE PONTEVEDRA Artigo 7º. Sede electrónica da Deputación de Pontevedra. 1. Créase a sede electrónica da Deputación de Pontevedra, que se configura como o espazo electrónico onde se realizarán todas as actuacións, procedementos e servizos que requiran a autenticación dos cidadáns ou da Deputación de Pontevedra nas súas relacións con estes por medios electrónicos, así como aqueles que se decida incluír na sede por razóns de eficacia e calidade na prestación de servizos ós cidadáns. 2. O ámbito de aplicación da sede electrónica comprende todos os órganos e unidades administrativas da Deputación de Pontevedra. 3. O enderezo da sede electrónica é https://sede.depo.es. Artigo 8º. Titularidade e xestión da sede electrónica. 1. A titularidade da sede electrónica correspóndelle á Deputación de Pontevedra no exercicio das súas competencias, sendo responsabilidade da Secretaría Xeral a súa supervisión. 2. A súa xestión técnica correspóndelle ó servizo competente en novas tecnoloxías. Esta unidade administrativa adoptará as medidas necesarias para que a identificación, accesibilidade, dispoñibilidade, integridade e seguridade da sede respondan ás esixencias normativas vixentes. Así mesmo, garantirá que, a través da sede electrónica, se poida ter acceso á totalidade dos servizos, procedementos e informacións esixidos na normativa vixente. 3. A responsabilidade dos contidos e dos servizos postos á disposición dos cidadáns na sede electrónica será de cada órgano ou unidade administrativa da Deputación de Pontevedra responsable da iniciativa. Artigo 9º. Contido da sede electrónica. 1. A sede electrónica terá o contido mínimo seguinte: a) Identificación da sede electrónica, así como do órgano titular e das unidades administrativas responsables da xestión e dos contidos e servizos postos a disposición nesta. b) Información necesaria para a correcta utilización da sede electrónica, así como a relacionada coa propiedade intelectual. c) Sistema de verificación do certificado da sede electrónica. d) Sistema de verificación dos certificados de selos electrónicos empregados na sede electrónica. e) Identificación das canles de acceso ós servizos dispoñibles na sede. f) Relación de sistemas de sinatura e certificado electrónicos que son admitidos ou utilizados na sede electrónica, así como os procedementos para os que son válidos. g) Acceso ó estado de tramitación dos expedientes. h) Data e hora oficiais. i) Días declarados inhábiles. k) Formatos admitidos para a presentación de documentos electrónicos no rexistro electrónico. l) Procedemento de queixas e suxestións. m) Norma de creación da sede e do rexistro electrónico accesible desde esta. n) Información relacionada coa protección de datos de carácter persoal. o) Acceso ó Boletín Oficial da Provincia de Pontevedra. p) Acceso ó perfil do contratante da Deputación de Pontevedra. q) Acceso ós sistemas de facturación e licitación electrónicos. r) Acceso ó sistema de comprobación da autenticidade e integridade dos documentos emitidos polos órganos ou organismos públicos recollidos no ámbito de aplicación que foran asinados mediante código seguro de verificación. s) Taboleiro electrónico de anuncios. t) Acceso ó Taboleiro Edictal Único a través do Boletín Oficial do Estado. u) Calquera outro servizo, procedemento e información esixidos na normativa vixente. 2. O órgano titular da sede electrónica poderá incluír na sede outros contidos. Así mesmo, actualizará as direccións electrónicas, a denominación dos órganos debido a reordenacións organizativas e a relación e características das canles de acceso ós servizos dispoñibles na sede. CAPÍTULO III BOLETÍN OFICIAL DA PROVINCIA DE PONTEVEDRA E TABOLEIRO ELECTRÓNICO DE ANUNCIOS Artigo 10º. Edición electrónica do Boletín Oficial da Provincia de Pontevedra (BOPPO). 1. O Boletín Oficial da Provincia de Pontevedra é o diario oficial onde se publican as disposicións e actos cuxa inserción estea prevista nunha disposición legal ou regulamentaria, xa sexa con carácter obrigatorio ou voluntario; configúrase como un servizo público de carácter provincial, competencia propia das deputacións provinciais. 2. O BOPPO publícase en edición electrónica segundo as condicións que se establecen neste regulamento, así como na Lei 11/2007, do 22 de xuño, de acceso electrónico dos cidadáns ós servizos públicos, na Lei 5/2002, do 4 de abril, reguladora dos boletíns oficiais das provincias e na Ordenanza reguladora do Boletín Oficial da Provincia de Pontevedra. 3. A edición electrónica do Boletín Oficial da Provincia de Pontevedra publicarase no seu correspondente portal, http://www.boppo.depo.es, e terá carácter oficial, auténtico e único. 4. A edición electrónica do Boletín Oficial da Provincia de Pontevedra incorpora a sinatura electrónica avanzada como garantía da autenticidade, integridade e inalterabilidade do seu contido. 5. A estrutura da edición electrónica do Boletín e os anuncios propios da Deputación de Pontevedra publicaranse só en galego. As disposicións e os actos que se publiquen no Boletín Oficial da Provincia de Pontevedra manterán a lingua, galego e/ou castelán, na que foron remitidos. 6. A edición electrónica do Boletín Oficial da Provincia de Pontevedra respectará os principios de accesibilidade e usabilidade, de acordo coas normas establecidas de aplicación, utilizará estándares abertos e, no seu caso, aqueloutros que sexan de uso xeneralizado por parte dos cidadáns. 7. O portal do Boletín Oficial da Provincia de Pontevedra estará dotado das medidas de seguridade que garantan a autenticidade e integridade dos seus contidos, así como o acceso permanente a este segundo os requisitos establecidos no Esquema Nacional de Seguridade e no artigo 42 da Lei 11/2007, de 22 de xuño, de acceso electrónico dos cidadáns ós servizos públicos. Artigo 11º. Taboleiro electrónico de anuncios. 1. Créase o taboleiro electrónico de anuncios da Deputación de Pontevedra como medio oficial de publicación de anuncios, acordos, resolucións, comunicacións e calquera outra información de interese xeral. 2. A publicación no taboleiro electrónico dos actos administrativos que non puidesen notificarse no domicilio ou por medios electrónicos ou aqueles nos que as persoas interesadas sexan descoñecidas, terá efectos de notificación para as persoas interesadas. Nestes casos, transcorridos 20 días naturais desde a publicación no taboleiro, entenderase que a notificación foi practicada dándose por cumprido o devandito trámite e continuando o seu curso o procedemento. Así mesmo, finalizado o prazo de 20 días naturais de publicación, iniciarase o cómputo dos prazos para interpoñer as reclamacións e os recursos que proceda. 3. A publicación á que se refire o punto precedente terá carácter facultativo segundo as previsións recollidas nos artigos 25 e 26 da Lei 15/2014, do 16 de setembro, de racionalización do sector público e outras medidas de reforma administrativa. 4. A publicación dos actos e das comunicacións que, por disposición legal ou regulamentaria, deba realizarse no taboleiro de anuncios poderá ser substituída ou complementada pola súa publicación na sede electrónica, co mesmo carácter de oficialidade e autenticidade e co mesmo valor e efectos xurídicos recoñecidos para aquela. Para que a publicación na sede electrónica substitúa a publicación preceptiva no taboleiro de anuncios tal circunstancia deberá estar expresamente prevista na normativa reguladora do procedemento de que se trate. 5. O taboleiro electrónico de anuncios disporá dos sistemas e mecanismos que acrediten a autenticidade, integridade e dispoñibilidade do seu contido. Así mesmo, garantirá a protección de datos de carácter persoal e a seguridade da información. CAPÍTULO IV REXISTRO ELECTRÓNICO Artigo 12º. Rexistro electrónico. 1. Créase o rexistro electrónico da Deputación de Pontevedra para a recepción e remisión dos escritos, solicitudes e comunicacións que se transmitan por medios electrónicos, que poderá realizarse todos os días do ano, durante as vinte e catro horas, sen prexuízo das interrupcións, polo tempo imprescindible, cando concorran razóns xustificadas de mantemento técnico ou operativo, das que se informará no propio rexistro e na sede electrónica. 2. O rexistro electrónico será único para todos os órganos e unidades da Deputación de Pontevedra e a súa xestión dependerá do servizo que teña atribuídas as competencias en novas tecnoloxías. A súa utilización é voluntaria para a cidadanía e preferente para empresas e administracións públicas, de acordo co establecido no artigo 27 da Lei 11/2007, de 22 de xuño, de acceso electrónico dos cidadáns ós servizos públicos. 3. O rexistro electrónico comunicaralle ó rexistro xeral todas as anotacións que efectúe. Para ese efecto ambos os rexistros estarán integrados e intercomunicados informaticamente. 4. O rexistro electrónico terá a data e a hora oficial correspondente á sede electrónica da Deputación de Pontevedra. 5. O rexistro electrónico emitirá un recibo electrónico acreditativo de presentación de cada solicitude, escrito ou comunicación, no que conste a data e a hora de presentación, o remitente e o número de rexistro. Artigo 13º. Documentos admisibles. 1. O rexistro electrónico admitirá: a) Modelos electrónicos ou formularios correspondentes a procedementos ou servizos que se especifiquen na sede electrónica. b) Calquera documento electrónico distinto dos mencionados no apartado anterior dirixido á Deputación de Pontevedra nos termos indicados no punto 2 deste artigo. 2. Na sede electrónica publicaranse a relación de formatos e o tamaño máximo admitidos dos documentos electrónicos. Artigo 14º. Cómputo de prazos. 1. A sede electrónica mostrará, nun lugar facilmente visible, a data e a hora oficial, que serán as que consten como data e hora para os efectos de cómputo dos prazos. 2. Para o cumprimento dos prazos as persoas interesadas que efectúen a presentación nun día inhábil entenderase realizada á primeira hora do primeiro día hábil seguinte, salvo que unha norma permita expresamente a recepción en día inhábil. No asento de entrada inscribiranse como data e hora de presentación aquelas nas cales se produciu efectivamente a recepción, constando como data e hora de entrada as cero horas e un segundo do primeiro día hábil seguinte. 3. O inicio do cómputo dos prazos virá determinado pola data e a hora de presentación no propio rexistro. En calquera caso, a data efectiva de inicio do cómputo de prazos deberá comunicárselle a quen presentou o escrito, solicitude ou comunicación. Artigo 15º. Convenios de interconexión de rexistros electrónicos. A Deputación de Pontevedra poderá habilitar o rexistro electrónico para a recepción das solicitudes, escritos e comunicacións da competencia doutras administracións públicas, previa sinatura dun convenio de colaboración específico. CAPÍTULO V IDENTIFICACIÓN E AUTENTICACIÓN DA CIDADANÍA E DA ADMINISTRACIÓN Artigo 16º. Sinatura electrónica de persoas físicas e xurídicas. 1. As persoas físicas e xurídicas poderán utilizar, para relacionarse electronicamente coa Deputación de Pontevedra, os certificados electrónicos incorporados ó Documento Nacional de Identidade e os sistemas de sinatura electrónica avanzada basados en certificados electrónicos recoñecidos. 2. A Deputación admitirá todos os certificados recoñecidos incluídos na “Lista de confianza das persoas que presten os servizos de certificación” (TSL) establecidos en España, publicada na sede electrónica do ministerio competente en materia de industria. 3. Poderán habilitarse outros sistemas de sinatura distintos dos anteriores nos termos e condicións que en cada caso se determinen. 4. Publicaranse, na sede electrónica, a relación de sistemas de sinatura e certificados electrónicos admitidos e os procedementos para os que son válidos. 5. Non será necesario o acreditamento electrónico previo para acceder á información de carácter xeral da sede electrónica nin ós datos públicos contidos nela. Artigo 17º. Identificación e autenticación das actuacións de persoas físicas por persoal funcionario. 1. Habilitarase ó persoal funcionario para que, mediante os sistemas de sinatura electrónica dos que estean dotados, baseados en certificados de empregado público emitido por un prestador de servizos de certificación que garantan a seguridade da devandita habilitación, poidan realizar trámites das persoas físicas que o requiran, sempre que a utilización deses medios fose establecida como obrigatoria pola norma aplicable. 2. As persoas físicas deberán identificarse ante o persoal funcionario e prestar o seu consentimento expreso. 3. O servizo con competencias en novas tecnoloxías disporá do rexistro actualizado do persoal funcionario habilitado para a identificación ou autenticación regulada neste artigo. Artigo 18º. Sinatura electrónica da actuación administrativa automatizada. A Administración utilizará un selo electrónico, un selo de tempo e un código seguro de verificación para asinar a actuación administrativa automatizada. Estes sistemas de sinatura electrónica empregaranse en calquera acto de trámite, resolutorio ou de comunicación que non esixa a intervención dunha persoa. Artigo 19º. Sinatura electrónica do persoal ó servizo da Administración. A Administración proverá ó seu persoal de certificados electrónicos recoñecidos para o desempeño das súas funcións. Estes certificados identificarán ó titular e á Administración onde presta os seus servizos. CAPÍTULO VI TRAMITACIÓN ELECTRÓNICA DE PROCEDEMENTOS Artigo 20º. A tramitación electrónica de procedementos. 1. A sede electrónica da Deputación porá a disposición da persoa interesada os modelos electrónicos de solicitude e o resto de documentos e trámites dispoñibles na sede electrónica. 2. A sede electrónica da Deputación publicará as instrucións para axudar á cidadanía a tramitar, por medios electrónicos, os procedementos dos que sexa parte interesada. 3. A sede electrónica da Deputación contará cun servizo electrónico, a disposición das persoas interesadas, onde estas poderán consultar o estado persoal de tramitación dos procedementos. 4. A información sobre o estado de tramitación do procedemento comprenderá os trámites realizados e a súa data. Así mesmo, as persoas interesadas poderán acceder ós documentos electrónicos, no caso de que tramitase o procedemento por estes medios. 5. A información sobre o estado de tramitación do procedemento esixirá a identificación previa e autenticación das persoas interesadas mediante a utilización dos sistemas de sinatura previstos neste regulamento. 6. A xestión electrónica de procedementos administrativos respectará a titularidade e o exercicio da competencia do órgano ou unidade que a teña atribuída, así como o cumprimento dos requisitos formais e materiais establecidos nas normas que regulen a correspondente actividade. 7. Todas as actuacións administrativas realizadas electronicamente respectarán o previsto na Lei orgánica 15/1999, de 13 de decembro, de protección de datos de carácter persoal. Artigo 21º. Imaxes electrónicas achegadas pola cidadanía. 1. Toda a documentación vinculada a un procedemento administrativo poderase presentar electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para cotexar a copia electrónica presentada, segundo o disposto no artigo 35.2 da Lei 11/2007, do 22 de xuño, de acceso dos cidadáns ós servizos públicos. Estas imaxes electrónicas non teñen o carácter de copia auténtica. 2. Sempre que se presenten documentos separadamente do formulario principal a persoa interesada deberá mencionar o código e o órgano responsable do procedemento, o número de expediente e o número de rexistro. 3. No suposto de que algún dos documentos electrónicos que vaia presentar a persoa solicitante superase os límites de tamaño establecidos para a sede electrónica permitirase a súa presentación de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número de rexistro. 4. Na sede electrónica están publicados os formatos admitidos para a presentación de documentos electrónicos. Se o solicitante desexa presentar calquera documentación en formatos non admitidos poderá realizala de forma presencial a través de calquera dos rexistros habilitados. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número de rexistro. 5. As imaxes electrónicas presentadas pola cidadanía deberán axustarse ós formatos e estándares aprobados no Esquema Nacional de Interoperabilidade e nas súas normas de desenvolvemento. Artigo 22º. Terminación dos procedementos por medios electrónicos. 1. Os actos que poñan fin ó procedemento administrativo, así como os recursos e reclamacións que se poidan interpoñer contra eles, poderán ser producidos e comunicados por medios electrónicos. 2. A resolución dun procedemento utilizando medios electrónicos garantirá a identidade do órgano competente mediante o emprego dalgún dos sistemas de sinatura electrónica previstos neste regulamento. 3. A resolución ditada nun procedemento administrativo deberá indicar, ademais do contido que resulte obrigatorio conforme á normativa de réxime xeral aplicable, tamén os medios electrónicos para a interposición dos posibles recursos. CAPÍTULO VII COMUNICACIÓN E NOTIFICACIÓN ELECTRÓNICAS Artigo 23º. Comunicacións electrónicas. 1. A Deputación de Pontevedra utilizará medios electrónicos nas súas comunicacións coa cidadanía, sempre que así o soliciten ou consintan expresamente. 2. As comunicacións a través de medios electrónicos serán válidas sempre que exista constancia da transmisión e recepción das súas datas e do contido íntegro das comunicacións e se identifiquen fidedignamente as persoas remitente e destinataria destas. 3. A cidadanía poderá elixir a canle de comunicación coa Deputación, agás cando normativamente se estableza a utilización obrigatoria dunha específica. En calquera momento poderase modificar a canle inicialmente elixida, e esta modificación terá efectos a partir do día seguinte á súa recepción no rexistro competente. 4. A Deputación de Pontevedra utilizará medios electrónicos nas comunicacións entre os seus servizos e con outras administracións públicas, agás por causas técnicas xustificadas que impidan a súa utilización. Artigo 24º. Obrigatoriedade de comunicarse a través de medios electrónicos. 1. A Deputación de Pontevedra, normativamente, poderá obrigar a comunicarse con ela utilizando unicamente medios electrónicos cando as persoas interesadas sexan persoas xurídicas ou colectivos de persoas físicas que, por razón da súa capacidade económica ou técnica, actividade profesional ou outros motivos acreditados, teñan garantido o acceso e a dispoñibilidade dos medios tecnolóxicos precisos. 2. As comunicacións ás que se aplica comprenden a práctica de notificacións electrónicas e a utilización do rexistro electrónico. 3. Se non se utilizan medios electrónicos, existindo obrigación de comunicarse a través deles, o órgano competente requirirá a emenda. Artigo 25º. Notificacións electrónicas. 1. As notificacións realizaranse por medios electrónicos cando a persoa interesada o solicite ou consinta ou exista unha norma que estableza a súa obrigatoriedade, segundo o previsto no artigo 24 deste regulamento. A solicitude e o consentimento poderán, en todo caso, emitirse e solicitarse por medios electrónicos. 2. A Deputación de Pontevedra practicará a notificación electrónica por medio do acceso da persoa interesada, previamente identificada a través de calquera dos sistemas de sinatura electrónica establecidos no artigo 16 deste regulamento, a unha dirección electrónica habilitada na sede electrónica. 3. O sistema de notificación permitirá acreditar a data e a hora en que se produza a posta a disposición da persoa interesada do acto obxecto de notificación, así como a de acceso ó seu contido, momento a partir do cal a notificación se entenderá realizada. Cando exista constancia da posta a disposición e transcorran dez días naturais sen acceder ó seu contido, entenderase que a notificación foi rexeitada e terase por efectuado o trámite seguindo o seu curso o procedemento, salvo que de oficio ou a instancia da persoa destinataria se comprobe a imposibilidade técnica ou material de acceder. 4. Poderanse utilizar outros sistemas de notificación sempre que quede constancia da recepción por parte da persoa interesada no prazo e nas condicións que se establezan. 5. As notificacións que se realicen por medios electrónicos entenderanse practicadas ou rexeitadas nos termos que se sinalan na Lei 11/2007, de 22 de xuño, de acceso electrónico dos cidadáns ós servizos públicos, e no resto da lexislación vixente. CAPÍTULO VIII DOCUMENTO ELECTRÓNICO, COPIAS E ARQUIVO Artigo 26º. Documento electrónico. 1. Enténdese por documento electrónico a información de calquera natureza en forma electrónica, arquivada nun soporte electrónico segundo un formato determinado e susceptible de identificación e tratamento diferenciado, sen prexuízo da súa posible incorporación a un expediente electrónico. 2. Os documentos administrativos electrónicos deberán, ademais de cumprir as anteriores condicións, ser expedidos e asinados electronicamente mediante os sistemas de sinatura previstos no artigo 16 do presente regulamento, asociarse a unha referencia temporal, que consistirá nun selo de tempo e axustarse ós requisitos de validez previstos na Lei 30/1992, de 26 de novembro. 3. O documento electrónico que vaia ser obxecto de intercambio entre administracións ou consultado pola cidadanía debe cumprir cos requisitos de formato, estrutura, e metadatos mínimos establecidos no Esquema Nacional de interoperabilidade e nas súas normas de desenvolvemento. Artigo 27º. Copias electrónicas de documentos electrónicos. 1. As copias electrónicas xeradas que non comporten cambio do formato orixinal nin de contido terán a eficacia xurídica de documento electrónico orixinal. 2. No caso de producirse un cambio do formato orixinal, para que unha copia electrónica dun documento electrónico teña a condición de copia auténtica deberán cumprirse os seguintes requisitos: a) Que o documento electrónico orixinal, que debe conservarse, se atope en poder da Administración. b) Que a copia sexa obtida segundo as normas de competencia e procedemento que en cada caso se adopten, incluídas as de obtención automatizada. c) Que inclúa o seu carácter de copia entre os metadatos asociados. d) Que sexa autorizada mediante sinatura electrónica segundo os sistemas recollidos nos artigos 18 e 19 da Lei 11/2007, de 22 de xuño. 3. As copias electrónicas auténticas serán asinadas mediante algún dos sistemas de sinatura previstos neste regulamento para a actuación administrativa. Artigo 28º. Copia electrónica de documentos en soporte non electrónico. 1. Poderán ser dixitalizados os documentos, en papel ou noutro soporte non electrónico que teñan a eficacia xurídica de documento orixinal segundo o establecido no Esquema Nacional de Interoperabilidade e nas súas normas de desenvolvemento. 2. Para os efectos do regulado nesta norma enténdese por “dixitalización” o proceso tecnolóxico que permite converter un documento en soporte papel ou noutro soporte non electrónico nun ficheiro electrónico que conteña a imaxe codificada, fiel e íntegra do documento. 3. Para os efectos do regulado nesta norma, cando o proceso de dixitalización sexa realizado mediante o cotexo e a sinatura electrónica do persoal ó servizo da Deputación de Pontevedra denominarase compulsa electrónica. Os documentos compulsados electronicamente terán a consideración de copias auténticas para os efectos do previsto no artigo 46 da Lei 30/1992, de 26 de novembro, de réxime xurídico das administracións públicas e do procedemento administrativo común. 4. Cando as persoas interesadas desexen achegar copias compulsadas ó procedemento, e sempre que os orixinais non deban obrar no procedemento, a oficina receptora, se conta cos medios necesarios, poderá proceder á obtención de copia electrónica dos documentos mediante a súa dixitalización. Estas copias terán o carácter de copia compulsada, sen que en ningún caso se acredite a autenticidade do documento orixinal. 5. Para os efectos do regulado neste documento, cando o proceso de dixitalización sexa realizado de maneira automática e sen intervención humana denomínase dixitalización documental con carácter de copia auténtica. Este proceso permite, mediante a aplicación de técnicas fotoeléctricas ou de escáner, converter a imaxe contida dun documento en papel nunha imaxe dixital, fiel e íntegra. 6. A dixitalización documental con carácter de copia auténtica realizarase conforme ó establecido no “Procedemento de dixitalización documental e homologación de software”, que se publicará mediante resolución presidencial da Deputación de Pontevedra. 7. As copias dixitalizadas que teñan a eficacia xurídica de documento orixinal conterán, en todo caso, un código xerado electronicamente ou outros sistemas de verificación, coa finalidade de contrastar a súa autenticidade mediante o acceso ó documento electrónico correspondente, á sinatura do documento e ós metadatos mínimos obrigatorios. Artigo 29º. Obtención de copias electrónicas de documentos electrónicos. 1. A cidadanía poderá exercer o dereito a obter copias electrónicas dos documentos electrónicos que formen parte de procedementos nos que teñan condición de parte interesada. 2. Os documentos dixitalizados terán a mesma validez que o documento orixinal no procedemento concreto de que se trate. Artigo 30º. Obtención de copias en papel de documentos electrónicos. 1. As persoas interesadas poderán obter copias en papel dos documentos públicos administrativos electrónicos. 2. Para que as copias dos documentos públicos administrativos electrónicos emitidas en papel teñan a consideración de copias auténticas deberán cumprirse os seguintes requisitos: a) Que o documento electrónico copiado sexa un documento orixinal ou unha copia electrónica auténtica do documento electrónico ou en soporte papel orixinal, emitidos segundo o previsto no presente regulamento. b) Que a copia en papel conteña un código xerado electronicamente ou outro sistema de verificación que permita contrastar a autenticidade da copia mediante o acceso ós arquivos electrónicos da Deputación de Pontevedra. c) Que a copia sexa obtida conforme ás normas de competencia e procedemento, que en cada caso se determinen, incluídas as de obtención automatizada. Artigo 31º. Arquivo electrónico de documentos. 1. A Deputación de Pontevedra deberá conservar en soporte electrónico todos os documentos electrónicos utilizados en actuacións administrativas, que formen parte dun expediente administrativo, así como aqueloutros que teñan valor probatorio das relacións entre os cidadáns e a Administración. 2. Para o arquivo electrónico de documentos utilizaranse sistemas de sinatura lonxeva, que garantan a referencia temporal dos documentos e dos expedientes administrativos para a verificación das sinaturas electrónicas a longo prazo dos documentos asinados electronicamente nun momento determinado. 3. A conservación dos documentos electrónicos poderá realizarse de forma unitaria ou mediante a inclusión da súa información en bases de datos sempre que, neste último caso, consten os criterios para a reconstrución dos formularios ou modelos electrónicos orixe dos documentos e para a comprobación da sinatura electrónica dos devanditos datos. Artigo 32º. Eliminación de documentos orixinais. 1. Os documentos orixinais e as copias auténticas en papel ou en calquera outro soporte de titularidade da Deputación de Pontevedra dos que se xerasen copias electrónicas auténticas poderán destruírse nos termos seguintes, de acordo co interese que presenten desde o punto de vista administrativo, xurídico, histórico e legal e os seus prazos de vixencia, acceso e conservación: a) A destrución requirirá unha resolución adoptada polo órgano responsable do procedemento no que se determinen a natureza específica dos documentos susceptibles de destrución, os procedementos administrativos afectados, as condicións e garantías deste proceso e a especificación dos seus órganos ou persoas responsables. b) Que non se trate de documentos con valor histórico, artístico ou doutro carácter relevante que aconselle a súa conservación e protección, ou no que figuren sinaturas ou outras expresións manuscritas ou mecánicas que lle confiran ó documento un valor especial. 2. No proceso de eliminación de documentos orixinais cumpriranse as garantías de conservación das copias electrónicas e do cumprimento das condicións de seguridade que, en relación coa conservación e arquivo dos documentos electrónicos, se estableza no Esquema Nacional de Seguridade e nas súas normas de desenvolvemento. 3. Non poderá eliminarse ningún documento público se antes non foi avaliado e seleccionado de acordo co procedemento recollido neste artigo. CAPÍTULO IX FACTURA ELECTRÓNICA Artigo 33º. Sistema de facturación electrónica da Deputación de Pontevedra. 1. Créase o sistema de facturación electrónica, que se configura como un espazo único de entrada de facturas na rede a través do cal os provedores de bens e servizos da Deputación de Pontevedra poden expedir e remitir as súas facturas de forma electrónica, sen esperas nin desprazamentos. 2. A finalidade do sistema de facturación electrónica é ser un punto de referencia único para os empresarios ou profesionais que están obrigados a expedir facturas polas entregas de bens e prestación de servizos que realicen no desenvolvemento da súa actividade. 3. O sistema de facturación electrónica garante a autenticidade da orixe e a integridade do contido das facturas electrónicas mediante a esixencia de sinatura electrónica avanzada. 4. De conformidade coa Lei 25/2013, de 27 de decembro, de impulso da factura electrónica e creación do rexistro contable de facturas no sector público, as facturas que se lle remitan á Deputación de Pontevedra serán electrónicas e axustaranse ó formato estruturado de factura electrónica Facturae versión 3.2.x con sinatura electrónica XAdES. 5. Rexeitaranse aquelas facturas que se remitan sen axustarse ós formatos e as especificacións previstos, así como aquelas asinadas con certificados caducados, revogados ou suspendidos no momento da súa expedición, que non se considerarán validamente remitidas ós seus destinatarios nin recibidas por estes. 6. O sistema electrónico de facturación estará dispoñible na sede electrónica da Deputación. Neste enderezo estarán publicadas as especificacións técnicas ás que deberán axustarse as facturas electrónicas. 7. Para o non disposto neste artigo estarase ó previsto na Lei 25/2013, do 27 de decembro, de impulso da factura electrónica e a creación do rexistro contable de facturas no sector público. Artigo 34º. Remisión e conservación de facturas electrónicas. 1. As facturas electrónicas presentaranse a través do sistema de facturación electrónica recollido no artigo precedente. 2. As facturas electrónicas poderán presentarse a través do formulario habilitado no sistema de facturación, cubrindo os datos solicitados nel ou xuntando a este un ficheiro en formato Facturae. As facturas presentadas serán asinadas polo sistema de facturación electrónico utilizando o certificado propio da persoa interesada. 3. A Deputación de Pontevedra conservará, durante o prazo que resulte do disposto pola Lei xeral tributaria e normativa contable de aplicación, as facturas recibidas a través do sistema de facturación electrónico. No suposto de ter que transformalas será nun formato que asegure a identidade, integridade e conservación do documento orixinal. 4. Na xestión da conservación das facturas recibidas garantirase sempre a lexibilidade dos datos recollidos na factura. Artigo 35º. Recoñecemento da obriga e pagamento da factura. 1. Conformada a factura no sistema electrónico de facturación poderá comezar a súa tramitación no sistema contable. 2. O sistema facilitará a consulta dos datos e o estado de tramitación das facturas e permitirá obtela en formato Facturae, de acordo co disposto na Lei 59/2003, de 19 de decembro, de sinatura electrónica. CAPÍTULO X LICITACIÓN ELECTRÓNICA Artigo 36º. Sistema de licitación electrónica da Deputación de Pontevedra. 1. Créase o sistema de licitación electrónica que lles permite ás empresas licitadoras presentar ofertas ós procedementos de contratación da Deputación que admitan licitación electrónica, garantindo a integridade e o segredo da oferta ata o momento da súa apertura por parte da Mesa de Contratación. 2. O acceso ó sistema de licitación electrónica será a través de certificado electrónico. Os certificados admitidos, así como as súas características, publicaranse no perfil do contratante da institución provincial. 3. O sistema de licitación electrónica garante a autenticidade da orixe e a integridade do procedemento mediante a esixencia dunha sinatura electrónica avanzada. 4. O sistema de licitación electrónica estará dispoñible na sede electrónica da Deputación. Artigo 37º. Procedemento de licitación electrónica. 1. O procedemento de licitación electrónica será utilizado naqueles expedientes en que a invitación ou o prego de cláusulas administrativas particulares así o prevexa, e deberá constar, ademais, unha referencia á páxina web a través da cal se poden obter os documentos e/ou os procedementos de acceso ó sistema. 2. As empresas interesadas deberán utilizar un certificado electrónico admitido polo sistema. CAPÍTULO XI SEGURIDADE E INTEROPERABILIDADE Artigo 38º. Seguridade. A xestión electrónica de procedementos administrativos e a utilización de técnicas electrónicas por parte da Deputación incorporarán as medidas de seguridade, calidade e control necesarias para garantir a autenticidade, confidencialidade, integridade, dispoñibilidade e conservación da información segundo o establecido no Esquema Nacional de Seguridade regulado no Real decreto 3/2010, de 8 de xaneiro, polo que se regula o mencionado esquema no ámbito da administración electrónica. Artigo 39º. Interoperabilidade. A Deputación de Pontevedra aplicará os criterios e as recomendacións, xunto cos principios específicos necesarios, que permitan e favorezan o desenvolvemento da interoperabilidade desde unha perspectiva global e non fragmentaria, de acordo co establecido no Esquema Nacional de Interoperabilidade regulado no Real decreto 4/2010, de 8 de xaneiro, polo que se regula o mencionado esquema no ámbito da administración electrónica. CAPÍTULO XII COLABORACIÓN COAS ENTIDADES LOCAIS DA PROVINCIA DE PONTEVEDRA Artigo 40º. Posta a disposición dos servizos comúns de administración electrónica e das TIC. 1. Os sistemas de administración electrónica e modernización tecnolóxica regulados na presente norma, entre outros a sede electrónica, o rexistro electrónico, a plataforma de tramitación de expedientes, a notificación electrónica, as certificacións electrónicas, a consulta do estado de tramitación dos expedientes, o arquivo electrónico, o servizo de verificación de datos, o taboleiro electrónico de anuncios e o sistema de facturación e licitación electrónicas poderán ser utilizadas polas entidades locais da provincia de Pontevedra, nos termos regulados no Convenio marco de cooperación para a implantación de servizos comúns de administración electrónica e de modernización tecnolóxica da Deputación, que se aprobará no seu día. 2. Estes servizos comúns configúranse como solucións informáticas que melloran o procedemento administrativo convencional, o seu funcionamento interno e, consecuentemente, a prestación de servizos á cidadanía. 3. Na medida en que se vaian creando novos servizos comúns estes poranse a disposición das devanditas entidades. Disposicións adicionais. Primeira. Aplicación supletoria. Para o non disposto neste regulamento aplicarase supletoriamente o disposto no Real decreto 1671/2009, de 6 de novembro, polo que se desenvolve parcialmente a Lei 11/2007, de 22 de xuño, de acceso electrónico dos cidadáns ós servizos públicos. Segunda. Progresividade e habilitación de procedementos electrónicos. A implantación de medios electrónicos na tramitación de procedementos por parte da Deputación de Pontevedra realizarase progresivamente e estará suxeita á aprobación previa dos correspondentes procedementos administrativos incorporando a canle electrónica. Disposición transitoria. Primeira. Sede e rexistro electrónicos da Deputación de Pontevedra. No prazo máximo de seis meses desde a entrada en vigor deste regulamento, mediante resolución presidencial, determinarase a posta en funcionamento da sede e do rexistro electrónicos desta institución provincial. Segunda. Sistemas de factura e licitación electrónicos da Deputación de Pontevedra. No prazo máximo de tres meses desde a entrada en vigor deste regulamento, mediante resolución presidencial, determinarase a posta en funcionamento dos sistemas de factura e licitación electrónicos da Deputación. Terceira. Convenio marco de cooperación para a implantación de servizos comúns de administración electrónica e de modernización tecnolóxica do organismo provincial. No prazo máximo de tres meses desde a entrada en vigor deste regulamento, mediante resolución presidencial, aprobarase o dito convenio marco. Disposición derrogatoria. Única. Quedan derrogadas todas as normas regulamentarias preexistentes que resulten contrarias ó disposto nesta norma. Disposicións derradeiras. Primeira. Desenvolvemento normativo do BOPPO. No prazo máximo de seis meses desde a entrada en vigor deste regulamento, mediante ordenanza, publicaranse as disposicións específicas de desenvolvemento do Boletín Oficial da Provincia de Pontevedra e, en particular, para o establecemento das garantías e especificacións para a remisión dos anuncios por medios electrónicos, así como o contido e estrutura do boletín. Segunda. Habilitación para o desenvolvemento e a execución. Facúltase ó presidente da Deputación para que, mediante resolución presidencial e no ámbito das súas competencias, poida ditar cantas disposicións sexan precisas para o desenvolvemento e a aplicación deste regulamento. Terceira. Entrada en vigor. Este regulamento entrará en vigor unha vez publicado o seu texto íntegro no BOPPO e transcorrido o prazo establecido no artigo 65.2 da Lei 7/1985, de 2 de abril, reguladora das bases do réxime local. 10.6529.- MOCIÓN DO GRUPO PROVINCIAL DO PARTIDO POPULAR (PP) EN RELACIÓN COA CONSTRUCIÓN DUNHA ROTONDA NO ALTO DOS VALOS. (CONFLUENCIA DOS CONCELLOS DE REDONDELA, MOS E PAZOS DE BORBÉN) Sr. Presidente.- O punto número 10. Tamén é unha Moción, neste caso, do Partido Popular, pero creo que, seguramente tamén, respaldada polos demais grupos, en relación á construción dunha rotonda no Alto dos Valos, que xa tiña que estar feita hai bastante tempo pero non se fixo todavía, confluencia cos Concellos de Redondela, Mos e Pazos de Borbén, zona, punto negro da provincia de Pontevedra que ten, por certo, bastantes accidentes e que, estamos en negociacións co Ministerio de Fomento xa que conflúe con dúas estradas provinciais, a que vai ó aeroporto e a que vai ós Valos, en Pazos de Borbén, e que, o que en síntese pedimos é que se faga canto antes esta actuación o cal vai a reducir considerablemente o número de accidentes que hai nese punto. Nós vamos a colaborar e estamos, agora mesmo, facendo unha actuación na carretera provincial que vai hacia o aeroporto, no tramo de Redondela, e, bueno, dalgunha maneira, se logramos isto, pois, creo que é unha cousa boa para todos. Sr. Reguera. Sr. Reguera Ocampo.- Si. Bos días e gracias Sr. Presidente. Bueno, isto, como ben dixo vostede é unha Moción que se presentou no concello de Redondela, no de Mos e no de Pazos de Borbén e que todos os partidos políticos, as forzas políticas, votaron a favor desta construción e está suficientemente xustificada na exposición que é unha necesidade, un punto negro, realmente importante na rede viaria da provincia. E dicir, tamén, que esta proposta partiu da cidadanía, a través do consello parroquial de Saxamonde, onde se presentou en Redondela a primeira vez esta moción, é que esta moción que presenta o Partido Popular, pois, é un pouco o resume da moción presentada polo Consello parroquial, ou por ser o Consello parroquial de Saxamonde, é polo que digo eu que me estraña, que non fagan esa precisión sobre ese Consello porque xa que partiu deles, polo menos, facer ou citalos, ¿non?, que, creo que é o menos que podíamos, que podían facer. E, dito isto, home, resúltame un pouco estraño que ultimamente o Partido Popular e a Ministra de Fomento, Ana Pastor, non teñen, ou parece ser, moi boa relación, ¿non?, porque non só neste, dende o Partido Socialista estamos solicitando hai varios anos, e outras forzas políticas tamén, esta obra, a través, por exemplo, da emenda ós Orzamentos do Estado, non só o ano pasado senón que este ano tamén fixemos unha emenda ós Orzamentos do Estado onde propoñemos a construción desta rotonda. O ano pasado non nos fixeron caso no Ministerio de Fomento, este ano volvemos outra vez con esta emenda e esperemos, esperemos que a Sra. Ministra, pois teña a ben, construír esta rotonda ou, polo menos, dar vía libre a esta rotonda. E digo isto porque a relación entre o Partido Popular Provincial e o Partido Popular Galego coa Ministra, pois non, parece ser que a relación ou os distintos puntos de vista, porque hai que ver tamén, hai que ver tamén que agora cambiaron de idea porque dende o Partido Popular en Galicia din que, ou dixeron fai pouco, a unha resposta do Partido Socialista, que a ampliación de Rande non a ven ben, é dicir, hai unha contradición, nestes momentos, entre o Partido Popular Galego e o Partido Popular Provincial e o Partido Popular en Madrid. Bueno, só dicir que, como, propoñemos e que vostedes traen esta Moción aquí á Deputación, pois, que sexan coherentes, os membros do Partido Popular que sexan coherentes, e que o que voten nos concellos, o que voten na Deputación que o voten tamén, os Sres. Deputados de Madrid, que voten tamén a favor da emenda que presentou o Partido Socialista ós Orzamentos do Estado. Polo tanto, esperemos que así sexa e posiblemente traeremos tamén, ¿porque non?, igual noutro momento, aquí, pois, a proposta doutra construción que foi unha emenda que tamén o Partido Socialista, ós Orzamentos do Estado, propuxo, a construción dunha rotonda en Cesantes coas beirarrúas que une Cesantes e un CEP, un colexio público de Cesantes, polo tanto, é que apoian estas iniciativas do Partido Socialista. Nada máis. Sr. Presidente.- Bueno. D. Cesáreo Mosquera. Sr. Mosquera Lorenzo.- Si, só dicir que, obviamente, vamos apoiar a Moción. Pero, estaba aquí comentando que hai algo que nos alegra e, incluso persoalmente, me alegra profundamente, e é que cando hai uns cantos anos se propoñía ou se fixeron unha serie de rotondas, pois, houbo queixas bastante ácidas e incluso críticas políticas bastante duras e agora, pois, parece que o tempo vai demostrando que é a mellor solución para cruces destes, conflitivos, agardemos que se faga. Eu non coñezo, non teño visualizado o lugar e tampouco vamos a entrar en condicións técnicas de como facelo, supoño que os técnicos de Fomento terán todas as posibilidades, características e preparación para facelo moi ben, e xa sabemos que, por desgracia, o Ministerio de Fomento funciona así como aqueles dos “Taifas”, ¿non?, entonces, se vamos, por exemplo, de Pontevedra para o norte, na 550, pois topamos, sete, oito, dez rotondas ata o límite provincial, algunha, por certo, colocada exactamente onde non se debe. Pero bueno, aínda así é mellor co que había, e se vamos para o sur non hai ningunha, pero claro, según o técnico que firme, pois, igual as rotondas son boísimas ou o outro, coa mesma normativa, descubre que non vale, bueno, xa sabemos que isto é a historia que temos con certa, coa Administración periférica do Estado e da Xunta tamén, por certo. Entonces, no “Taifato” este, desde o Río Lérez para abaixo, resulta que as, ata agora, agora puxérona no Pino, ademais ata agora as rotondas estaban prohibidas, ¿non?, bueno, segue habendo unha serie de cruces que son extremadamente conflitivos e, afortunadamente, hoxe está fóra de dúbida de que a mellor intersección en cuestións de seguranza viaria é unha glorieta, unha redonda ben feita, ¿non?. Entón, pois, claro que ten o problema, que os que van polo tronco principal antes tiñan preferencia e podían correr un pouco máis pero aí é onde está o problema, en que corrían un pouco máis, entonces, a redonda resólveo, ¿non?, está demostrado hai anos pero aquí custou un pouquiño, afortunadamente é un debate superado e para adiante. Sr. Presidente.- Moitas gracias Sr. Mosquera. Bueno, coincidimos que medidas de seguridade son necesarias, e esta é, primeiro, nace como unha medida de seguridade de eliminación dun punto negro. E bueno, dicirlle, neste aso ó Sr. Reguera que a relación do Partido Popular coa Ministra é extraordinaria, pero o que si é sorprendente é que o Sr. Reguera, que gobernaron tantos anos en Redondela, non se houberan acordado antes desas dúas rotondas, ¿non?, e máis tiveron un Ministro amigo tamén e todo iso. Polo tanto, nós agora, na medida do que nos toca vamos a intentar que non sexa só unha Moción senón que sexa unha realidade e poder facela, por iso digo que non sei se se tramitou antes tamén por parte de vostedes ou non, desde alí do concello ou desde outros ámbitos, pero, en todo caso, eu creo que é moi necesaria e, de aí que nós pidamos que se faga. ¿Votos en contra, polo tanto, desta Moción?. ¿Abstencións?. ¿A favor?. O Pleno acorda, por unanimidade, aprobar a Moción do Grupo Provincial do Partido Popular (PP), en relación coa construción dunha rotonda no Alto dos Valos, (confluencia dos concellos de Redondela, Mos e Pazos de Borbén). Dita Moción é como segue: “O Grupo do Partido Popular de Galicia (PPdeG) na Deputación de Pontevedra, en base á lexislación vixente, presenta diante do Pleno da Corporación Provincial esta moción relativa á necesidade de construción dunha rotonda no cruce da EP Amoedo-Os Valos coa N-550 no punto quilométrico 147,00, lugar de confluencia dos concellos de Redondela, Mos e Pazos de Borbén. EXPOSICIÓN DE MOTIVOS 1.- A estrada provincial 2702 Amoedo-Os Valos atópase coa estrada nacional N-550 no punto quilométrico 147 desta última vía, no lugar coñecido como Alto dos Valos, na parroquia de Louredo (Mos), onde conflúen os termos municipais de Redondela, Mos e Pazos de Borbén. 2.- O devandito cruce ten unha alta concentración de vehículos, particulares e pesados, que proceden das zonas industriais de Vilar e Arrufana (Mos) e de Puxeiros e veñen a sumarse ós que se dirixen a Redondela e Pazos de Borbén ademais do tráfico rodado cara ó Porriño. Concorre no cruce tamén unha alta densidade de vehículos pesados que circulan a diario cara á Redondela ou Porriño, Ourense, Madrid e o norte de Portugal e todos aqueles que, con esas mesmas direccións, queren evitar a autopista de peaxe AP-9. 3.- Por esa alta concentración de vehículos, o Alto dos Valos está considerado como un dos da rede viaria provincial ó soportar unha intensidade media diaria de tráfico de 8.995 coches, segundo datos do ano 2012, unha das cifras máis altas da provincia. 4.- As incorporacións ou cruces que se realizan ó longo do día implican manobras que poñen en risco a seguridade tanto dos condutores como dos peóns e foron motivo de frecuentes accidentes na zona. Unha situación que se verá incrementada no futuro próximo polas obras previstas para a construción da Autovía A-59, entre Vilaboa e a A-57 e o enlace co aeroporto de Peinador, así como pola creación de novas zonas de tipo industrial no entorno, segundo se establece no Plan Sectorial de Áreas Empresariais de Galicia. 5.- A instalación dun límite de velocidade de 50 quilómetros por hora ou a colocación dun radar en dirección Redondela-Mos foron medidas que, só en parte, aminoraron a perigosidade do citado cruce do Alto dos Valos. Polas anteditas razóns, sometemos á consideración do Pleno da Deputación de Pontevedra esta moción para que se adopte o seguinte ACORDO: • A Deputación de Pontevedra insta ó Ministerio de Fomento, titular da N-550, a construír unha rotonda no Alto dos Valos, no punto quilométrico 147, confluencia dos concellos de Redondela, Mos e Pazos de Borbén, que regule o movemento dos vehículos e redunde nunha maior seguridade viaria e do tráfico no citado punto.” 11.6530.- MOCIÓN DO GRUPO PROVINCIAL DO PARTIDO POPULAR (PP) SOBRE A INCLUSIÓN NO PARQUE NACIONAL DAS ILLAS ATLÁNTICAS DA ILLA DE TAMBO Sr. Presidente.- O punto número 11. Tamén é unha Moción do Partido Popular sobre a inclusión no Parque Nacional das Illas Atlánticas da Illa de Tambo. Bueno, tamén coñecen xa o texto da mesma e, creo que, dalgunha maneira, xa houbo varios concellos tamén, que, interesándose por esta medida, porque creo que na actualidade non está ben aproveitado este recurso natural como se debería, entonces, creo que é momento de que todas e cada unha das Administracións cercanas ou próximas a esta cuestión, pidan e reclamen a incorporación, precisamente, no Parque Nacional das Illas Atlánticas deste illote pegado a Pontevedra ou a Marín ou a Poio, que son os tres municipios, dalgunha maneira, máis cercanos ó mesmo, e creo que hai respaldo unánime nesa dirección, non sei si por parte dos grupos que aquí están, tamén nese mesmo ámbito. Sr. Mosquera. Sr. Mosquera Lorenzo.- Gracias Sr. Presidente. Este é un asunto, é un asunto estrañamente interesante e esta é unha proposta que este grupo e, incluso, este Deputado ten feito ou temos feito hai moitos anos, evidentemente, coa oposición, coa oposición frontal das outras forzas políticas no seu momento. E, realmente, que neste momento sexa o Partido Popular, ou quen sexa, que presente esta idea, pois é extraordinaria, todos os apoios son bos e, se a idea parece boa, pois, para adiante, ¿non?. Pero, o que nos asalta algunha dúbida, é se, realmente, as consecuencias, ou sexa, os efectos, para nós positivos desta integración, están considerados, están valorados, e explícome, quero dicir, nós propuxemos sempre, que Tambo estivera ou se incorporara, basicamente, por un motivo ou case, ou dous, ¿non?; un é, porque no entorno dun parque nacional, obviamente, non se poden consolidar actividades como a de Ence-Elnosa, e incluso, recheos masivos como os que se fixeron no Porto de Marín, aínda que o motivo fundamental era o primeiro, habería que trasladar o emisario, seguramente, por poñerse un exemplo, no que é as Cíes, creo que a parte protexida das Cíes, creo que é, seis veces de auga por unha de terra, ou sexa, protéxese todo, todo o entorno loxicamente, porque se pos como parque natural e resulta que ó lado tes unha serie de actividades que o que fan é estar deteriorando, obviamente, pois non ten ningún sentido, entón, nós estamos de acordo con que se faga. Supoño que o Partido Popular tamén, será consciente das consecuencias e aplaudimos que sexa consciente e que traballe nesta dirección, obviamente; é un entorno valiosísimo, bastante deteriorado e que parte dese entorno, digamos, que a Illa en concreto, se incorpore a un parque nacional tería consecuencias evidentes de que máis tarde ou máis cedo, máis ben máis cedo, habería que recuperar o entorno, ou cando menos, en parte recuperar, ou cando menos non seguir deteriorando. E despois, na moción, o que tamén así sorprende é que, non sei se non se coñece cales son os trámites ou non se quere facer, quero dicir, só hai unha posibilidade disto, ten que ser mediante lei do Estado, a proposta mediante lei, a menos que cambiara a normativa, hai unha lei de parques, hai unha lei en vigor e outra que está a punto de aprobarse, creo que xa se aprobou, ademais, e as dúas creo que seguen mantendo o mesmo mecanismo que é mediante lei na que se fixan as condicións da xestión e demais; a Lei das Illas Atlánticas é do 2002, se me acordo, e ten que ser a proposta dunha lei do Parlamento Galego,. Entón, na Moción non pon dirixirse a, supoño que non haberá ningún problema de que o PP acepte que se lle engada un terceiro punto, que é dar traslado deste acordo ó Parlamento de Galicia e á Xunta, para que o dirixa ó Estado porque é o trámite, a menos que cambiara e haxa algún detalle que se nos escape, é o trámite, pois, dito isto, nós, vamos a votar a favor pero non, ou sexa, con entusiasmo, con todo o entusiasmo do mundo, e se o logramos, se o logramos, evidentemente, vai a cambiar a historia do fondo da Ría de Pontevedra, e bueno, iso está claro que vai cambiar, tardará máis ou menos, pero agardemos que se poida iniciar este proceso de recuperación, que sería un obxectivo que podemos velo nós ou non pero, polo menos, que o vexan nun futuro que esta, o que é a riqueza dunha ría, neste caso a de Pontevedra, pois poida, digamos, o valor ambiental e demais, pois poida recuperarse na maior medida posible que creo que é un obxectivo que debemos compartir todos. Sr. Presidente.- Moitas gracias D. Cesáreo Mosquera. Sr. Veiga. Sr. Veiga Soto.- Bos días de novo, Sr. Presidente. Vaia tamén o noso voto favorable a esta Moción do Partido Popular aínda que, ben como dicía o Sr. Deputado do Bloque Nacionalista Galego, si, que nos sorprendeu cando puidemos mirala, coñeciamos a presentada no concello de Poio e apoiada por todos os Grupos, pero tamén sabiamos das dificultades que noutrora levará esta intención de incluír a Illa de Tambo dentro do Parque das Illas Atlánticas. Nese momento houbo dous criterios claros, que é, ou, bueno, claros para quen ostentaba a autoridade do Parque das Illas Atlánticas que era a falla de diversidade e a presenza do complexo Ence-Elnosa. A falla de diversidade é algo discutible e creo que, defendible, por parte de todos nós e dos expertos necesarios para que a Illa de Tambo puidese formar parte do conxunto Illas Atlánticas, pero dada a posición relativamente cercana do Presidente do Partido Popular aquí en Pontevedra, o Sr. Presidente da Deputación, cara o complexo Ence-Elnosa e a súa supervivencia máis alá do 2018 no lugar no que está, pois, a verdade é que nos plantexaba serias dúbidas de que isto fora algo serio, parece que é algo serio e entendemos que é un cambio de postura do Partido Popular importante, é un cambio de postura que aplaudimos, é un cambio de postura que valoramos moi positivamente e que, do mesmo modo que se presenta esta Moción aquí, nós vamos a plasmar o noso apoio a esta Moción, dado que consideramos que é algo interesante para toda a provincia, interesante para a Ría de Pontevedra, interesante para os concellos que forman parte desta Ría de Pontevedra e entendemos que é positivo para toda a provincia en si, digámolo así. A Illa de Tambo en medio da ría ten que ter unha protección especial e unha posta en valor do seu patrimonio histórico e paisaxístico e, por iso, consideramos que é a mellor maneira de garantir ambos aspectos, será a súa inclusión no Parque Nacional das Illas Atlánticas xunto ás Cíes, Ons, Sálvora e Cortegada. Esta inclusión no Parque Nacional, ten tamén que garantir que as activades marisqueiras que se fan na súa zona se manteñan, de forma que continúen xerando capturas para os mariscadores da ría. Por outra parte, nos gustaría demandar do Parque Nacional que se poñan en marcha os mecanismos necesarios para valorizar a Illa de Tambo dentro do conxunto das Illas Atlánticas pero, sobre todo, como digo, este cambio de postura do Sr. Presidente resúltanos interesante, é un punto a ter en conta, e sobre todo, para poder sentarnos de cara a posibles estratexias de cara a un futuro co que se aveciña na Ría de Pontevedra. Moitas gracias. Sr. Presidente.- Dona María Ramallo. Sra. Ramallo Vázquez.- Moitas grazas Sr. Presidente. Eu, en primeiro lugar, e non por falar a última, non puiden falar antes pero, agradecer o entusiasmo do Sr. Mosquera, neste caso do Bloque Nacionalista Galego por esta proposta, e o aplauso do Grupo Socialista, pero, como a Moción a propón o Partido Popular pois, efectivamente, tamén, en fin, pois agradecer os apoios, os apoios porque bueno, todos saben que desde 2002 que se desmilitarizou a Illa de Tambo, pois, efectivamente, quedou un pouco en terra de nadie, é dicir, sen un uso específico, sen que se lle dera, por así dicir, un contido non só pola historia que ten esta illa no medio da Ría, non pegada á terra de nadie, pero si no medio da Ría, e que tivo, efectivamente, que ó longo dos séculos foi testemuña, como todos sabemos, dunha longa serie, tamén, de construcións, que se albergan moitas nun estado bastante deteriorado, non só polo paso do tempo senón tamén por abandono pero tamén pola acción humana de destrozos e demais que moitas veces se producen aí. Creo que, efectivamente, manifestar, non só porque esta Moción se aprobou por parte de todos os grupos municipais no concello de Poio pero creo que é unha boa iniciativa que esta Deputación Provincial de Pontevedra, afectando como afecta a este entorno e a esta Ría, se manifeste deste xeito positivo, é dicir, de incluír a Illa de Tambo no Parque Nacional das Illas Atlánticas, non sei se se debeu ou non se debeu facer antes, pero o que consta é que non se fixo e, polo tanto, contribuír creo que é o obxectivo de todos, de poñer en valor non só a súa riqueza paisaxística como histórica, pero tamén tendo en conta as múltiples vicisitudes polas que pasou esta Illa. E a min me gusta dicilo porque a Escola Naval Militar está en Marín pero foi o encargado, ata ese ano, ata o ano 2002, da súa conservación, do seu mantemento e, efectivamente, fixeron un bo traballo que claro, despois de doce anos, pois, efectivamente, ó mellor non se pode apreciar na súa extensión. Pero dicir que, agradecer o apoio, e con menos entusiasmo teño que dicir, que non se pode falar porque me doe expresamente, do Porto de Marín como recheos masivos do Porto de Marín, é dicir, o Porto de Marín creceu e foi ampliándose desde a Porta da Escola Naval á que chegaba a auga ata o que hoxe en día é. Todas e cada unha das súas ampliacións contaron cos informes preceptivos e, que me conste, o concello de Pontevedra formou parte sempre do seu Consello de Administración. Polo tanto, no tema de Ence-Elnosa, non me vou a meter, pero si, efectivamente, creo que non se pode falar con tanta axilidade de recheos masivos do Porto de Marín ou de dicir permanentemente, e repetir como un “mantra” que iso é unha zona industrial ou empresarial onde as empresas que están alí non deberían estar. Creo que é a nosa obriga defender o Porto e creo, efectivamente, se se me permite, independentemente de fóra do contido da Moción que, gracias ó entusiasmo e grazas ó aplauso, pero que ás veces hai que coidar as cousas tal e como se din. Moitas gracias. Sr. Presidente.- Moi ben, con todas esas consideracións que agora acabamos de comentar vamos a, ¿si?, Sr. Mosquera, a ver. Sr. Mosquera Lorenzo.- Aquí houbo unha serie de referencias que me parece que non foron, non estaban contestando ó que se dixo aquí, pero bueno, supoño que haberá mensaxes cruzadas, ¿non?, o digo con respecto ó que pasou onte no Consello de Administración do Porto, estará respondendo a outras cousas, pero, ¿vamos a ver unha cousa?, estaba falando, é un tema que, moi querido e moi coñecido hai moitos anos, e entonces, mire vostede que desde aquela, estamos falando de hai uns cantos anos, que houbo recheos masivos no Porto de Marín é obvio que os houbo, e se estivera Tambo, supoñamos, non no 2002, supoñamos que fora parque, que estivera dentro dun parque, que lle chamaban nacionais, no ano noventa, evidentemente, non se lle pode facer, estaba claro; iso quere dicir, non, non, seguro, tecnicamente é así, tecnicamente é así, ¿non?, claro, e tamén vivimos episodios como aquel recheo que houbo que levantar na praia de Praceres, na praíña aquela, ou sexa que, hai toda unha historia detrás que, en todo caso, non é cuestión de revivila agora. A catalogación, vamos a ver, a Lei de Parques Nacionais di, di, e o seu espírito é que os parques teñen que ser poucos e moi bos. Entón, non é nada fácil entrar nun Parque Nacional, para o bo e para o malo, ou sexa, se se quere entender como malo certo tipo de actividades económicas e certo tipo de actuacións. Acabo, dixen antes tres, tres cuestións que, seguramente, a inclusión terían que, inmediatamente ter máis, evidentemente tería que haber máis, tería que haber un programa de erradicación de especies foráneas dentro de Tambo, obviamente, tería que haber un programa de recuperación das construcións para fins ambientais, non desde logo para turismo real nin nada diso, estaría prohibida a pesca deportiva en todo o ámbito que se defina, como se o ámbito é desde o Porto hasta Combarro, o que sexa, porque non é só a terra, iso ten unha parte de protección, estaría, por dicir, a pesca deportiva, estarían autorizadas as actividades tradicionais, sempre e cando, non se demostre que son agresivas co medio, etc. Ten as súas consecuencias, positivas e negativas, ¿non?, a ver, nós entendemos que, positivas, estaba intentando describilas, e, de feito, coñecedores diso, unha das propostas era, unha intención da proposta que se fixo, xa, se cadra, hai quince anos ou vinte, a saber, é moi vella, era, precisamente, que a marisma de Lourizán non puidera estar no estado deteriorado que está, pero claro, está moi próxima e tería os seus problemas. Ben, en todo caso, non é cuestión de levar isto por outro tema de actualidade que haberá outros foros e outros momentos, como é o do Porto, o que si nos gustaría, se se vai aprobar por unanimidade é que, ben, xa no texto da moción, se poña que se comunique á Xunta ou acordar que se lle comunique, que se lle mande oficialmente e que empece os trámites para, ¿non?, facer, vamos, para tramitalo como lei, porque senón isto é unha demostración, digamos, que é unha demostración de vontade, que xa é bastante, pero os trámites tenos que facer quen os ten que facer e, xa digo, e mediante lei, un procedemento moi forte, ou sexa, moi restritivo e moi forte, ou sexa mediante lei, nin máis nin menos, para poder incorporalo ó Parque, non é un decreto, non é unha, mediante lei, ou sexa, é moi, moi, moi restritivo e a lei ten que ser proposta do Parlamento de Galicia e despois aprobado polo Parlamento do Estado. Sr. Presidente.- Moi ben, pois vamos a proceder á votación desta Moción, neste caso co respaldo de todos os Grupos, que é o punto número 11, sobre a inclusión no Parque Nacional das Illas Atlánticas da Illa de Tambo. ¿Votos a favor?. ¿Votos en contra?. Bueno, a favor todos os Grupos, polo tanto non hai. O Pleno acorda, por unanimidade, aprobar a Moción do Grupo Provincial do Partido Popular (PP), sobre a inclusión no Parque Nacional das Illas Atlánticas da Illa de Tambo. Dita Moción é como segue: “O grupo provincial do Partido Popular (PP), ó abeiro da lexislación vixente, presenta diante do Pleno da Corporación Provincial esta moción para avanzar na necesaria protección e posta en valor da Illa de Tambo. EXPOSICIÓN DE MOTIVOS: • Situada no medio da Ría de Pontevedra, entre os concellos de Marín e Poio, a Illa de Tambo é un enclave cheo de historia e cun gran atractivo natural e paisaxístico que, non en tanto, presenta na actualidade numerosos problemas que poñen en risco a súa conservación. • A súa desmilitarización en 2002 supuxo que a Illa quedase sen un uso específico e se abrisen as portas para a súa recuperación e posta en valor, pero tamén se produciu unha situación de indefinición e falta de control de acceso que pon en risco a pervivencia dos seus valores naturais e patrimoniais. • Dos diferentes usos (civís, relixiosos, militares…) que este illote tivo ó longo dos séculos é testemuña unha longa serie de construcións, como un lazareto, un faro, un polvorín ou unha ermida, que hoxe en día presentan diverso estado de conservación, nalgúns casos por abandono e noutros pola acción humana. • Pero ademais do valor histórico dalgunha destas construcións, a Illa de Tambo presenta unha gran vexetación, con abondosa flora autóctona que convive con outra foránea. • Toda esta riqueza, converte a Tambo nun espazo valioso tanto desde o punto de vista paisaxístico como histórico, polo que é preciso avanzar na súa protección e conservación, máis aínda se temos en conta que se atopa no contorno dun espazo como é o Parque Nacional das Illas Atlánticas. • Un espazo natural que integra as illas Cíes, Ons, Sálvora e Cortegada e que, pola súa vocación de representar os sistemas naturais ligados ás zonas costeiras e á plataforma continental e de servir a un tempo de escaparate da riqueza ecolóxica e da historia e lendas do Atlántico, se presenta como o marco ideal no que defender e valorizar a Illa de Tambo. • Unha defensa que, entendemos, se debe facer respectando a idiosincrasia desta illa e do seu contorno e sen prexudicar as actividades que, sen efectos negativos sobre esta illa, se veñen realizando historicamente pola poboación dos concellos veciños. • Cómpre, pois, ter en conta que a existencia na parte frontal da illa dun espazo que os mariscadores levan tempo traballando e cultivando e que supón o medio de subsistencia de moitas familias. Polas citadas razóns, o grupo do Partido Popular presenta esta moción diante do Pleno da Corporación Provincial para a súa consideración e para que se adopte o seguinte ACORDO: • Incluír a Illa de Tambo no Parque Nacional das Illas Atlánticas, contribuíndo a poñer en valor tanto a súa riqueza paisaxística como histórica, tendo en conta que as múltiples vicisitudes polas que o illote pasou ó longo dos séculos servirán para enriquecer a visión que o visitante do Parque Nacional adquira sobre a vida en torno a esta área do Atlántico. • Que a inclusión no Parque Nacional se faga respectando os traballos que tradicionalmente se veñen realizando no seu contorno e salvagardando o uso dos bancos marisqueiros situados no contorno da illa.” 12.6531.- MOCIÓN DO GRUPO PROVINCIAL SOCIALISTA (PSdeG-PSOE) RELATIVA Ó MANTEMENTO DO INSTITUTO DA MULLER Sr. Presidente.- Punto número 12. Moción do Grupo Socialista relativo ó mantemento do Instituto da Muller. Ten a palabra a Sra. Abelairas. Sra. Abelairas Rodríguez.- Na declaración que leu ó principio do Pleno o Sr. Presidente, dicía, tense andado un gran camiño, ben, pois, en aras de ter andado ese gran camiño non dá ningún paso atrás, imos retirar esta Moción para intentar chegar a un acordo, traela para o próximo Pleno, e creo que o tema é o suficientemente dramático como para que nos sentemos as distintas forzas políticas e cheguemos a un acordo de cara a esta Moción. Sr. Presidente.- Moi ben, pois emprazo á Sra. Abelairas e á Sra. Iglesias a que se senten a falar e retiramos da orde do día este punto. Retírase da orde do día, a petición propia, Moción do Grupo Provincial Socialista (PSdeG-PSOE) relativa ó mantemento do Instituto da Muller. 13.6532.- MOCIÓN DO GRUPO PROVINCIAL SOCIALISTA (PSdeG-PSOE) SOBRE O PAGAMENTO DA PARTE PROPORCIONAL DA PAGA EXTRA DE NAVIDADE DO ANO 2012 Sr. Presidente.- Pasamos ó punto 13. Moción do Grupo Socialista sobre o pagamento da parte proporcional da paga extra de Navidade do ano 2012. D. Santos Héctor. Sr. Rodríguez Díaz.- Gracias Presidente. É unha Moción que traemos porque os traballadores públicos, os traballadores das Administracións Públicas, viron como o Goberno do Partido Popular de Mariano Rajoy ós nove meses de tomar posesión do Goberno lle incautou a integridade da paga extra de Navidade de 2012. Co Real decreto 20/2012, publicado o 14 de xullo do mesmo ano, abríase un proceso de reclamación dos distintos colectivos de funcionarios a través das organizacións sindicais, ós cales se lles aplicou este decreto de forma lineal. Así viñeron un tras outro os diversos reverses xudiciais contra o Goberno que foron constantes. Ós funcionarios da Xustiza se lles recoñeceu o seu dereito á paga xa no seu sistema xurídico que está regulado cunha lei orgánica que non pode ser derrogada por un real decreto, co cal o Goberno de Mariano Rajoy tivo que devolver integramente a paga extra a estes funcionarios. Pero, de igual xeito foi ocorrendo coa maioría das reclamacións dos funcionarios, en primeiro lugar, porque a Xustiza recoñeceu que non se pode aplicar con efectos retroactivos un real decreto, é dicir, os devengos da paga extra de Navidade prodúcense entre o período de xuño a decembro, polo que ó ser publicado o Real decreto con data 14 de xullo, as sentenzas obrigaban á devolución desa parte proporcional da paga. Así aconteceu e nesta mesma casa, na Deputación de Pontevedra, onde os traballadores laborais viron como gañaban a sentenza á Deputación e esta tiña que aboarlles os 44 días retidos de xeito ilegal, posteriormente vimos como o Presidente da Deputación, o señor Rafael Louzán, intentou anotarse o tanto anunciando que ía facer extensible a sentenza á totalidade dos traballadores, foran laborais ou funcionarios. Dende o Partido Socialista lle preguntamos no mes de maio pasado, nun Pleno coma este, sobre o aspecto, e xa recoñeceu que estaban á espera dalgunha sentenza, nos imaxinamos que a día de hoxe, cando o Tribunal Constitucional, que foi o recurso de fondo deste Real decreto. Pois ben, a realidade é que xa estamos a piques de rematar o 2014 e comezar o 2015, no ano que figura no propio Real decreto coma a data para a devolución da paga extra, e o propio Ministro de Economía na presentación dos Orzamentos xerais do Estado xa recoñeceu que vai a comezar a devolvela este ano. Polo tanto, xa non é necesario máis dilacións no tempo, incluso, cando vemos que xa outras Administracións, outras Deputacións, cercanas no noso ámbito, xa veñen pagando e devolvendo os importes retidos. Nun primeiro lugar, dos corenta e catro días de xuño a xullo, esa parte proporcional da paga é onde todas as sentenzas recollen o pago inmediato, xa que un Real decreto non ten retroactividade, e por outra banda, a decisión do Goberno de iniciar o pago en 2015. En consecuencia, propoñemos a seguinte Moción: que o Pleno da Deputación de Pontevedra inste ó equipo de Goberno ó pago da parte proporcional da paga extra de Navidade 2012, devengada entre o 1 de xuño ata o 14 de xullo, cando entrou en vigor o Decreto 20/2012 na nómina do próximo mes de novembro; Aboar o resto da paga extra de Navidade, de Nadal de 2012, no mes de xaneiro de 2015, tal e como recolle o Decreto 20/2012 e xa contempla o Orzamento do Estado para o 2015. E quero lembrarlles, Sres. Deputados, Sras. Deputadas, que hai vinte traballadores na Comarca, só na Comarca de Pontevedra con 16.000.000€ retidos da paga extra de Navidade de 2012, un número moi importante de traballadores e traballadoras da Función Pública é un número moi importante, tamén, de euros, de millóns de euros da provincia de Pontevedra, é un número importante de millóns de euros para, tamén, o que vimos falando toda a mañá, moi importantes para a dinamización económica da nosa provincia. Moitas gracias. Sr. Presidente.- Moitas gracias D. Santos Héctor. Sr. Vázquez Almuíña ou Begoña Estévez. Sra. Estévez. Sra. Estévez Bernárdez.- Eu, encantada de que interveña tamén o meu compañeiro Vázquez Almuíña, pero bueno, encantada tamén de poder argumentar co Portavoz do Partido Socialista. Eu sinto ademais ter que facelo con el outra vez, como pasou en Plenos anteriores porque son persoalmente unha gran defensora dos Empregados Públicos, porque, entre outras cousas o son dende o ano 1994, técnico de administración xeral, funcionaria de carreira por oposición libre; e, unha gran defensora, e cando falamos de recursos humanos a maior parte da miña traxectoria profesional adiqueina a traballar en servizos de persoal, salvo tres ou catro anos. E cando se fala de funcionarios, de empregados públicos e de retribucións, pois non me gusta que non se fale con propiedade, e cando se fala de lexislación tampouco, porque non é o mesmo un Real decreto que un Real decreto lei, un Real decreto lei é unha lei, e xa sei que coloquialmente chegar á cidadanía a explicarlle estas cuestións técnicas non é necesario nin moito menos, eu podía facer aquí unha argumentación e remontarme ós anos oitenta desde que se lexislou, na época despois da Constitución Española en materia de Función Pública, e foi aí, precisamente, onde empezou a crecer de forma desmesurada e a fomentar que os cidadáns tivesen unha opinión pexorativa con respecto ós empregados públicos. E, antes desa data, ser funcionario dun corpo de élite era un prestixio, a partir dos anos oitenta, aproximadamente, pouco a pouco, ser funcionario era pouco máis que ser un beneficiario dunha pensión do Estado, como se os funcionarios non adicasen parte da súa vida a formarse, a preparar unhas oposicións e a sacar adiante procesos, moitas veces, complexos no seo das administracións públicas. Cando se adoptou a medida de retirar a paga extraordinaria no ano 2012, unha medida, desde o meu punto de vista, desacertada, como tamén foron moi desacertadas as medidas anteriores adoptadas polo Goberno Socialista de baixar as retribucións dos empregados públicos, non só retirar a paga extra, senón baixar, en moitos casos en porcentaxes considerables, pero esta foi a dinámica constante nos últimos anos de onde os empregados públicos do país, da comunidade autónoma e de todas as administracións da provincia de Pontevedra, viron conxeladas as súas retribucións ó largo dos anos. Esta medida, dende logo, non foi fácil de adoptar e houbo que facela, e, cando falamos da Administración hai que explicarlle tamén ós cidadáns, para que o entendan, que hai un principio tamén nas Administracións Públicas, que é o principio de xerarquía de competencia, e cando falamos de competencia, cando falamos tamén de xerarquía e de legalidade, non é o mesmo o réxime xurídico dun empregado público funcionario que dun empregado público laboral. No caso da paga extraordinaria do persoal laboral desta Institución foi debido a que os sindicatos, os grupos sindicais Comisións, UXT, CSIF e CIG, presentaron unha demanda no Xulgado do Social, houbo unha sentenza favorable a esa demanda, e, en cumprimento desa demanda, por resolución presidencial, no mes de maio do 2014, declarouse o aboo, por parte deste Institución, da paga extraordinaria ó persoal laboral da Deputación Provincial e dos centros dependentes, dos corenta e catro días comprendidos no período un de xuño a catorce de xuño de 2012, o mesmo ó persoal, tamén, temporal. O que se dita nunha sentenza do Xulgado do contencioso laboral non é aplicable ós empregados públicos funcionarios nin eventuais, son procesos independentes, son réximes xurídicos independentes, é coñecido tamén que no anteproxecto de Lei de Presupostos do Estado para o ano 2015 contémplase expresamente o aboo e a recuperación da paga extraordinaria do 2012 e, posiblemente, farase no mes de xaneiro, adiantar ese aboo ó mes de novembro, aínda que, publicamente fose ben acollido polos cidadáns e polos propios empregados públicos, legalmente sería imposible, produciríase inseguridade xurídica, porque haberá que esperar, entre outras cousas, a que o Tribunal Constitucional dite sentencia, e non se vai a actuar de forma apresurada, aboar esa cantidade por parte da Deputación Provincial, para que logo, se a sentencia do Tribunal Constitucional é desfavorable, os empregados públicos teñan que devolver esa paga aboada, co cal, sentimos non poder apoiar esta Moción, por razóns legais, e esperamos a que o pronunciamento do Tribunal Constitucional e a que a Lei de Presupostos do Estado contemple expresamente esta medida, recordando ademais, que nesta materia hai competencia básica do Estado, o réxime de retribucións nesta parte, polo tanto, aplicable a todas as Administracións Públicas e, de xeito independente, a pesares da autonomía local que gozamos non podemos adoptar unha medida illada. Nada máis pola miña parte. Sr. Presidente.- ¿Hai máis intervencións?. Sr. Mosquera. Sr. Mosquera Lorenzo.- Si, grazas Sr. Presidente. Despois desta clase de dereito laboral que acabamos de escoitar, administrativo, administrativo e de todo tipo que, sempre se agradece, refrescar algúns conceptos, aínda que tal, seguimos tendo unhas cantas dúbidas, unhas cantas dúbidas, a primeira é, ¿por que á hora, dixémolo antes, dos remanentes de Tesourería, pois, se usan sen respectar a norma básica estatal?. Nun caso si e noutro non, pero dicir, bueno, é que son ámbitos distintos, un é ámbito da facenda e outro é ámbito do persoal, bueno, pois se vamos ó ámbito do persoal, quédanos tamén a enorme dúbida de, por que esta Deputación, tendo sentenzas contrarias anuladoras de acordos reguladores, e algunha de non hai tanto, nunca se aplicou, non se lle fixo moito caso, ¿non?, nunca se aplicou e, evidentemente, entón, non sei por que neste caso, despois de anuncialo o Presidente publicamente de que se ía proceder a pagalo, pois, resulta que non se fixo, esas trabas legais. Mire, e se quere resolvelo legalmente, non se preocupe, traia ó Pleno unha modificación de crédito e votámoslle todos a favor, e xa está. Bueno, non sei, pois, se cadra porque sería así como, moi “chirriante”, que na Deputación se pagara e entonces a Abogacía do Estado como só foi, só reclamou o de Pontevedra tamén sería moi escandalosa, reclamaría o da Deputación, non sei exactamente, algún motivo esotérico, porque, o “carrete” que nos soltaron aquí non ten nada que ver, ou sexa, o Presidente di unha cousa e resulta que non a cumpre cando ten feito, con respecto a esta normativa, e digo, nas modificacións de crédito, nos orzamentos e demais, cousas bastante máis gordas, bastante máis gordas. E, o concello de Pontevedra ten pagado esta parte ós laborais, a parte da extra, a parte da compensatoria da extra, sen recorrerse, ou sexa, que non se ve onde está o problema, francamente non se ve onde está o problema, non sei que, digamos, esquisitez legal lle entrou agora a non sei quen, e non quere. Bueno, alá vostedes, é dicir, evidentemente, nós vamos a votar a favor, é máis, sinceramente, estábamos convencidos de que estaba feito, despois de anuncialo o Presidente, normalmente, nestas cousas cando o Presidente anuncia que se pode facer ou se vai a facer, pois faise, en canto haxa consignación, que supoño que habería, incluso polas baixas e demais, non faría falta nin traelo aquí, e sorprendentemente, pois, resulta que non e vai ser que non ata que, en Madrid, alí, apareza un, que digan que si, non foi o comportamento nin está sendo desta Deputación en moitos outros moitos ámbitos. Polo tanto, pódese explicar, a explicación é, evidentemente, podíamos pedirlle ó Interventor, se cadra, o da Deputación é un pouquiño máis comprensivo, pero hai interventores por aí, que podían contar que a modificación de créditos esta, bueno, case vamos ir á cadea todos por ela, e explicámolo, e mandan un Deputado, un concelleiro aquí, a explicar ese “carrete”, ¿verdade?, e entonces xa xustificamos que non gastamos un duro e demais, da mesma orde, ou sexa, non, non queren, ¿por que?, bueno, pois porque non queren, son insumisos ás normas con respecto ó gasto e demais, pero nisto non queren ser, iso xa non o sei, pero agora, esa explicación non, esa explicación, desde logo, esa sabémola todos, non vale para nada pero tamén deberían saber as outras e os convenios reguladores anulados e demais, o último, incluso, nin pasou por Comisión, dar conta, porque agachárono, agachárono alá, que, non fora a ser que haxa que aplicalo, non, non, nin pasaron por Comisión, ou sexa, a sentencia e ala, está anulado, home, é gravísimo, unha sentencia e non cumprila, claro, pois, estamos agardando que se cumpra e, vamos, estamos convencidos que é o mellor que pode pasar, que quede aí ata outra volta. Sr. Presidente.- A ver, Sr. Mosquera, non pode dicir cousas que non son verdade, porque senón estaría mentindo, entón, iso creo que non é bo que o faga. Eu díxenlle que se pagarían a aqueles que haxa sentenza firme que eran os laborais e se lle pagou; e ós outros, estamos á espera de que exista sentenza, non estamos á espera de que ninguén diga desde Madrid, nin deixe de dicir, nin nada, cando, xa dixen, e dixo ben a Deputada, que foi unha decisión nada acertada que, dalgunha maneira eu, ratifico iso, xa o dixen e digo que pagamos a aqueles cando a sentenza que dicía que os laborais había que compensarlle esa parte, lla pagamos, e ó resto, dixemos que iamos esperar, non dixemos outra cousa, polo tanto, hai que dicir a verdade, e a verdade é exactamente así. E, creo que este tema non dá moito máis de si pero non sei se D. Santos Héctor e máis Dona Begoña Estévez queren dicir algo. D. Santos Héctor, primeiro. Sr. Rodríguez Díaz.- Eu, se a Sra. Deputada Begoña Estévez houbera dito o que acaba vostede de dicir non houbera intervido, fíxese. Sr. Presidente.- Xa o dixo antes. Sr. Rodríguez Díaz.- Non, non, pero eu creo que, creo que é obrigado dicir algunha cuestión porque non viña a conto o de falar de cuestións técnicas e real decreto. Sr. Presidente.- Non, é moi importante, é enriquecedor. Sr. Rodríguez Díaz.- De que se a reflexión sobre o que é a Función Pública, mire, ninguén máis que o Partido Socialista dignificou a Función Pública e ós seus traballadores e traballadoras, ninguén, ninguén dignificou tanto á Función Pública como o Partido Socialista Obreiro Español ó longo dos Gobernos, tanto de Felipe González como de José Luis Rodríguez Zapatero. Iso é un feito, iso é un feito. Mire, quen lle recoñece o dereito á negociación colectiva ós traballadores e traballadoras, funcionarios e laborais é o Partido Socialista Obreiro Español, iso é unha realidade, son os que dignifican, os que dignifican. Vostedes foron os que puxeron, agora mesmo, un teito de reposición, que temos graves problemas en moitas Administracións porque non se poden repoñer funcionarios, funcionarias que se xubilan. E, ademais, o que nos traía aquí, que era o pagarlle a paga que está recoñecida por sentenza ós traballadores e traballadoras da Deputación, non tiña nada que ver co que vostede nos veu aquí a contar, porque a cuestión é, o que acaba de dicir o Presidente da Deputación, non lle vamos a pagar porque non queremos pagarlle, pois xa está, esperamos ó ano que vén e punto, nos dan igual as sentencias, hai sentencias, hai outras Administracións Públicas, entre elas, Deputacións, que xa fixeron efectivos eses pagos. Porque miren, miren, vostedes, o Partido Popular, cando o Sr. Feijóo chegou aquí ó Goberno dixo que ía arranxar todo, ía arranxar a economía, ía arranxar o emprego, agora temos case cen mil desempregados e desempregadas máis que cando el chegou, pero ía arranxar. O Sr. Rajoy tamén, ía arranxar todo, economía, ía arranxar tamén o emprego, e temos o dobre de desemprego que había anteriormente. Todos os parámetros, todos os parámetros que había cando entrou o Sr. Rajoy hoxe están multiplicados en negativo por moito. Vostedes, vostedes, nos propios Presupostos da Xunta de Galicia deste ano, rebaixan na sanidade, rebaixan no ensino, porque eses son, tamén, traballadores e traballadoras públicos, os da sanidade, os do ensino, vostedes rebaixan os presupostos aí, ¿sabe onde vostedes soben de maneira escandalosa os Presupostos no proxecto da Xunta de Galicia, Sra. Estévez, señores e señoras do Partido Popular?. Os suben en axitación e propaganda, na Vicepresidencia do Sr. Rueda, en axitación e propaganda para as eleccións municipais que veñen agora, si, si, si, si, si, si, si, señores do Partido Popular, “en agitación y propaganda”, é para iso, ou ¿para que se cre que é?, eses cartos, máis dun 6%, si, si, si, do Sr. Rueda de Vicepresidencia. Polo tanto, hai cartos para iso pero non hai cartos para pagarlle ós funcionarios e ás funcionarias, nin para asumir os gastos en sanidade ou no ensino. Miren, vostedes, o Sr. Rajoy, o Sr. Feijóo, cando entraron, na súa campaña, dicían, repito, que ían arranxar todo, o emprego, a economía, que o ían arranxar, e o que fixeron foi arrasar con todo, confundiron a pregunta, arrasar con todo. Sra. Estévez, aquí se trata, tan simple, de apoiar que se lle pague o que teñen dereito as traballadoras e traballadores desta Deputación, que se lle pague xa ou non, e vostedes, pois, como ben dixo o Presidente, moi breve, dixo que non, pero vostede para xustificar ese non, tivo que case remontarse a cando non existían traballadores e traballadoras funcionarios neste país. Moitas gracias. Sr. Presidente.- Sra. Estévez, que ten creo que unha resposta axeitada ó asunto. Sra. Estévez Bernárdez.- Non sei como, xa está, só moi brevemente, Sr. Santos Héctor, eu sinto que non poida vostede rebaterme técnicamente. Sr. Presidente.- Acérquese un poquito más al micro sino no la escuchamos. Sra. Estévez Bernárdez.- Perdón. Agora. Sr. Presidente.- Así. Sra. Estévez Bernárdez.- Sinto que non me poida rebater tecnicamente, non ten por qué, evidentemente, pero bueno, aproveitei esta ocasión para dicir, desde, en principio, que son unha gran defensora do Emprego Público e dos empregados públicos. Evidentemente, dixen tamén que sentimos non aceptar esta Moción porque eu estou, evidentemente, convencida, como o está o Presidente da Deputación e os meus compañeiros de que se debe pagar, reintegrar esa cantidade a todos os empregados públicos, non só ós laborais, como ocorreu nesta casa. Tamén me gustaría que se devolvese a porcentaxe que se rebaixou ós empregados públicos na época do Sr. Zapatero, encantaríame que se fixese, a perda de poder adquisitivo que se tivo en toda esa etapa, pero concluíndo, porque como non me pode rebater tecnicamente acabamos falando das eleccións e da propaganda electoral, entón, mezclar chourizos con non sei que, non son refraneira, a verdade. Para concluír, a Deputación vai ser responsable, vai cumprir a legalidade e no anteproxecto de Lei de Presupostos está contemplado que se faga efectiva esta medida e se abone a paga extraordinaria, e esperar dous meses nada máis, e, xa sei que é moi demagóxico dicir, vaise a pagar agora en novembro, vamos a esperar, e para non estar suxeitos a unha posible demanda da Subdelegación do Goberno, como ocorreu no seu día co Acordo regulador convenio colectivo para laborais e funcionais da Deputación de Pontevedra, que despois do recurso da Subdelegación do Goberno houbo que separar Convenio colectivo para laborais e Acordo regulador para funcionarios desta Institución. Nada máis. Sr. Presidente.- Moitas grazas polo súa brevidade Sra. Estévez e pola súa concreción. ¿Algunha cousa máis?. Era abondar, tamén, no recorte do Sr. Zapatero, que ese non se devolveu nunca, que foi do 5%, non sei se D. Santos Héctor non se acorda diso. Sr. Rodríguez Díaz.- Si, me lembro perfectamente, e ademais lle digo ó Partido Popular que cando queira traia unha Moción solicitando que se reintegre o 7%, esa media do 7%, que nós a vamos a votar a favor, a vamos a votar a favor. Mire, non me apetece Sra. Estévez rebaterlle nada tecnicamente porque isto a única técnica que ten é que hai unha sentencia que di que hai que devolver, moitas sentencias, moitas sentencias que din que hai que devolverlle os cartos incautados ós traballadores e traballadoras desta Deputación. E, nós propoñemos que se lle devolvan eses cartos da paga, nada máis, tan sinxelo como iso, e non queremos desviar o debate hacia ningunha outra cuestión. Única cuestión que traemos é que se lle pague xa esa parte proporcional da paga extra do 2012 de Nadal ós traballadores e traballadoras da Deputación de Pontevedra como xa se fixo estes días noutras Deputacións, noutras Administracións, noutros concellos, noutros Ministerios, pois, que se faga na Deputación de Pontevedra, nada máis, ¿que non queren facelo?, ¿que non queren apoiar a Moción?, pois, estupendo, pero non lle dean máis rodeos nin traten de desviar a atención hacia outras cuestións. Moitas gracias. Sr. Presidente.- Moitas grazas D. Santos Héctor. Vamos, polo tanto, a proceder á votación, neste caso da Moción do Grupo Socialista. ¿Votos en contra?. ¿Abstencións?. ¿A favor?. O Pleno acorda, por maioría de votos en contra do PP e cos votos a favor do PSdeG-PSOE e do BNG, rexeitar a Moción do Grupo Provincial Socialista (PSdeG-PSOE) sobre o pagamento da parte proporcional da paga extra de navidade do ano 2012. 14.6533.- ASUNTOS FÓRA DA ORDE DO DÍA Sr. Presidente.- Punto 14. Fóra da Orde do día. ¿Hai algunha cuestión?. Sr. Secretario.- Fuera del orden del día no hay nada, Sr. Presidente. Sr. Presidente.- Non hai nada. Non houbo. b) Parte de información e control: 15.6534.- DAR CONTA DA INFORMACIÓN RELATIVA Ó PERÍODO MEDIO DE PAGO A PROVEDORES DA DEPUTACIÓN DE PONTEVEDRA CORRESPONDENTE Ó MES DE SETEMBRO DE 2014 EN RELACIÓN ÁS OBRIGAS DE SUBMINISTRO DE INFORMACIÓN ESTABLECIDAS NA LEI ORGÁNICA 2/2014, DE 27 DE ABRIL, DE ESTABILIDADE ORZAMENTARIA E SOSTIBILIDADE FINANCEIRA Sr. Presidente.- Punto 15. Dar conta da información relativa ó período de pago. Sr. Secretario.- Esto no se vota. Sr. Presidente.- Dar conta. Pago a provedores da Deputación de Pontevedra correspondente ó mes de setembro de 2014. Bueno, que creo que está no expediente, polo tanto, non creo que, está aí no expediente. Os principios de estabilidade presupostaria e sostibilidade financeira do sector público como base do funcionamento estrutural das Administracións Públicas resultan clave para o crecemento económico e benestar social e contribúen a xerar confianza no correcto funcionamento do sector público. Dada esta importancia, o lexislador redefiniu o principio de sostibilidade financeira no artigo 4 da Lei Orgánica 2/2012, de 27 de abril, de Estabilidade Presupostaria e Sostibilidade Financeira, incluíndo non só o control da débeda pública financeira, senón tamén o control da débeda comercial. Tal e como recolle no seu informe a Comisión para a Reforma das Administracións Públicas, o desafío de controlar a débeda comercial e erradicar a morosidade das Administracións Públicas esixe crear un instrumento, automático e de sinxela aplicación, para que o seu seguimento permita un control xeneralizado e eficaz, que sexa comprensible tanto para as Administracións Públicas como para os cidadáns e, sobre todo, que sexa público de acordo co principio de transparencia recollido no artigo 6 da Lei Orgánica 2/2012, de 27 de abril. Considerando a Lei Orgánica 2/2012, de 27 de abril, que introduce o concepto de período medio de pago como expresión do tempo de pago ou retraso no pago da débeda comercial, que todas as Administracións Públicas deben calcular de acordo cunha metodoloxía común establecida no Real Decreto 635/2014, de 25 de xullo. Considerando o establecido no artigo 6 do Real Decreto 635/2014, de 25 de xullo, en relación á publicidade do período medio de pago a provedores polas corporacións locais. Considerando o establecido no artigo 4.3 da Lei 15/2010, de 5 de xullo, de modificación da Lei 3/2004, de 29 de decembro, pola que se establecen medidas de loita contra a morosidade nas operacións comerciais. Resultando que o xefe do Servizo de Contabilidade elaborou sendos informes nos que figura o conforme de Tesourería e Intervención relativos, por unha banda, á información relativa ó período medio de pago a provedores da Deputación de Pontevedra correspondente ó mes de setembro de 2014, e por outra banda, relativos ó cumprimento por parte da Deputación de Pontevedra e as Entidades Locais Escola de Enfermería e Consorcio de Bombeiros, durante o terceiro trimestre do ano 2014, dos prazos previstos na Lei 3/2004, de 29 de decembro, polo que se establecen medidas de loita contra a morosidade nas operacións comerciais. Os detalles máis relevantes dos informes son os seguintes: A. PERÍODO MEDIO DE PAGO A PROVEDORES (07/2014 a 09/2014) B. CUMPRIMENTO DE PRAZOS PREVISTOS NA LEI 3/2004, DE 29 DE DECEMBRO, POLO QUE SE ESTABLECEN MEDIDAS DE LOITA CONTRA A MOROSIDADE NAS OPERACIÓNS COMERCIAIS CORRESPONDENTES Ó TERCEIRO TRIMESTRE DE 2014 1. Con referencia á data de rexistro da factura.  Pagos realizados: Pagos realizados Período Medio pago (PMP) (días) Período Medio de pago excedido (PMPE) (días) Pagos realizados no período Dentro Período Legal Prazo Fóra Período Legal Prazo Nº Pagos Importe total Nº Pagos Importe total Deputación de Pontevedra 44 27 3.138 4.869.344,60 € 924 8.523.863,33 € Escola de Enfermería 17 5 6 4.918,33 € 2 1.853,20 € Consorcio de Bombeiros 29 0 2 272.585,50 € 0 0,00 €  Facturas pendentes de pago: Facturas pendentes de pago Período Medio pendente pago (PMPP) (días) Período Medio pendente pago excedido (PMPPE) (días) Pendentes de pago no período Dentro Período Legal Prazo Fóra Período Legal Prazo Nº operacións Importe total Nº operacións Importe total Deputación de Pontevedra 42 70 899 3.985.080,16 € 246 2.932.410,66 € Escola de Enfermería 19 0 3 1.963,95 € 0 0,00 € Consorcio de Bombeiros 28 0 1 219.368,11 € 0 0,00 € 2. Con referencia á data da factura.  Pagos realizados: Pagos realizados Período Medio pago (PMP) (días) Período Medio pago excedido (PMPE) (días) Pagos realizados no período Dentro Período Legal Prazo Fóra Período Legal Prazo Nº Pagos Importe total Nº Pagos Importe total Deputación de Pontevedra 150 158 2.053 3.139.147,44 € 2.009 10.254.060,49 € Escola de Enfermería 24 7 5 3.130,92 € 3 3.640,61 € Consorcio de Bombeiros 31 3 2 253.248,11 € 5 223.532,62 €  Facturas pendentes de pago: Facturas pendentes de pago Perío-do Medio pen-dente pago (PMPP) (días) Período Medio pendente pago excedido (PMPPE) (días) Pendentes de pago no período Dentro Período Legal Prazo Fóra Período Legal Prazo Nº oper. Importe total Nº oper. Importe total Deputación de Pontevedra 55 104 1.204 5.287.557,63 € 498 4.332.363,19 € Escola de Enfermería 29 0 3 1.963,95 € 0 0,00 € Consorcio de Bombeiros 29 0 2 272.585,50 € 0 0,00 € 3. Intereses de demora pagados. Intereses de demora pagados Número de pagos Importe total intereses Deputación de Pontevedra 0 0,00 € Escola de Enfermería 0 0,00 € Consorcio de Bombeiros 0 0,00 € 4. Facturas con máis de tres meses da súa anotación no rexistro de facturas e pendentes de recoñecemento da obriga. Facturas con máis de 3 meses da súa anotación no rexistro de facturas pendentes do recoñecemento da obriga Período medio de operacións pendentes de recoñecemento da obriga (PMOPR) (días) Pendentes de recoñecemento de obriga no período Nº operacións Importe total Deputación 0 0 0,00 € Escola de Enfermería 0 0 0,00 € Consorcio de Bombeiros 0 0 0,00 € O Pleno queda enterado do contido dos informes sobre o período medio de pago a provedores e do cumprimento de prazos pola Deputación Provincial de Pontevedra e as Entidades Locais Escola de Enfermería e Consorcio de Bombeiros, durante o terceiro trimestre de 2014, en relación ó disposto na Lei Orgánica 2/2012, de 27 de abril, de Estabilidade Presupostaria e Sostibilidade financeira, no Real Decreto 635/2014, de 25 de xullo, polo que se desenvolve a metodoloxía de cálculo do período medio de pago a provedores das Administracións Públicas e na Lei 15/2010, de modificación da Lei 3/2004, pola que se establecen medidas de loita contra a morosidade nas operación comerciais. 16.6535.- DAR CONTA DAS RESOLUCIÓNS PRESIDENCIAIS Sr. Presidente.- Punto 16. Dar conta das Resolucións Presidenciais. Sr. Secretario.- Desde el 23 de setiembre hasta el 27 de octubre de este año. Queda enterado o Pleno das seguintes: - De extractos de Resolucións Presidenciais ditadas entre os días 23 de setembro e 27 de outubro do ano 2014 e que foron trasladados ós Voceiros dos distintos grupos políticos. 17.6536.- ROGOS E PREGUNTAS Sr. Presidente.- Rogos e preguntas. D. Juan Antonio, Sr. Cacabelos. Sr. Cacabelos Rico.- José, José, non Juan. Bos días, non, que digo que son José Antonio e non Juan Antonio. Sr. Presidente.- Non, é que aquí me sae Juan Antonio porque está no aparato. Sr. Cacabelos Rico.- Bos días, gracias Sr. Presidente, bos días a todos e a todas. Quero trasladarlle un rogo que nos trasladan os veciños dun concello que penso que coñece ben, digo isto polo importe, a cantidade de inversións feitas nese concello, que hai agora na conta, ademais que vostede é concelleiro alí, pero bueno, isto é anecdótico, porque a verdade é que un perde xa a conta das inversións no concello de Ribadumia, do que estou a falar, entre pousadas, auditorios, piscinas, casas de cultura, campos de fútbol, a verdade é que un perde a conta da cantidade de cartos e de inversións feitas nun concello que non chega a 5.000 habitantes, tanto é así, que os seus propios compañeiros de grupo xa resoplan cando nunha Comisión, como pasou esta semana, se xuntan, modificación de crédito a Ribadumia, porque eles mesmos xa se abraian. Sr. Presidente.- ¿Estivo vostede presente, entón, alí.? Sr. Cacabelos Rico.- Estaba, estaba na Comisión, por iso llo relato, por iso llo relato Sr. Louzán. Sr. Presidente.- Non, pensei que dicía na Corporación de Ribadumia. Sr. Cacabelos Rico.- Estoulle dicindo a Comisión desta semana, non hai máis xordo que o que non quere oír. Pero a cuestión é que despois desta grandilocuencia de inversións nun concello de menos de 5.000 habitantes, que é case, case, o piso piloto do Partido Popular, “pasen y vean”, escóndense tristes realidades e eu aquí lle traslado o que nos piden e solicitan o claustro de profesores do Colexio de Barrantes, e maioría de pais e nais dese colexio, porque levan chamado a diferentes administracións, tanto á local como á Xunta de Galicia, para que lles fagan un comedor que levan tempo pedindo e que, desde logo, non lle dan feito, cando diante dese colexio, pois a última inversión da Deputación son 600.000 € para un campo de herba artificial, que, se non me equivoco, pero vostede me corrixirá, se estou errado. Sr. Presidente.- Perdón, eu lle pediría que fora un pouco preciso porque as cousas que está dicindo non se corresponden á realidade e, polo tanto, cando fale algo, fale con coñecemento de causa, acábase de inaugurar unha inversión que fixo o concello nese campo de fútbol, que nada tivo que ver a Deputación, polo tanto, sexa preciso nas cousas, porque algo alí coñezo e, polo tanto, non. Sr. Cacabelos Rico.- Estou seguro que alí coñece, pero, desde logo, non me negará que a Deputación ten feito moitas inversións alí, moitísimas, ben, en campos de fútbol tamén, ¿verdade?. Sr. Presidente.- Si, señor. Sr. Cacabelos Rico.- E nas Pousadas, e no Auditorio, e seguimos, se quere fágolle todo o relatorio. Ben, pois a tristeza é que non hai cartos para un comedor cando hai miles e millóns de euros para outras cuestións. Entón, o rogo que lle traslado é que estes, o claustro de profesores e a maioría de pais e nais deste colexio, xa acoden a nós para trasladarlle un rogo ó Presidente da Deputación, de tal xeito que, a ver se somos capaces de que, ademais de moita herba artificial para os campos, podemos dotar a este colexio dun comedor, porque a última alternativa que parece que lle trasladan é que compartan o laboratorio e o fagan tamén comedor, ¿non?. Parece que non é moi adecuado compartir, pois, o aceite co cloro, co amoníaco e co alcohol, en calquera caso, lle traslado este rogo que nos transmiten o claustro e os pais e nais e, como sabemos a capacidade que ten o Presidente e a Deputación de Pontevedra en investir en diferentes campos e actuacións, bueno, pois que teña en conta este rogo, e esperemos que, desde logo, esta demanda que nos trasladan se satisfaga. Moitas gracias. Sr. Presidente.- Bueno, pois moitas grazas, pero dicirlle, en todo caso, primeiro, que o concello supera agora, con bastante, os 5.000 habitantes, porque é un dato que non ten actualizado pero llo traslado eu. Sr. Cacabelos Rico.- Non, moito non. Sr. Presidente.- Iso en primeiro lugar, en segundo lugar, foi o terceiro concello de Galicia que máis creceu en poboación infantil, e por iso se demanda que hai unha desproporción, quero entender, de que non hai un espazo para, ou non o haberá, por iso falaba de que vai para un laboratorio, que eu non teño constancia diso, a posibilidade de instalar alí un comedor, pero bueno, porque claro, se hai unhas instalacións que son do ano 1964, que cumpre no ano que vén cincuenta anos, perdón, creo que si, no ano que vén cumpre 50 de construción, e que era adaptada a unhas características daquel momento, pois, agora mesmo, non haberá posibilidade de poder facer un comedor porque ó mellor non hai espazo tampouco, non o sei, en todo caso, trasladareille á alcaldesa esa demanda, que me parece razoable, para a conciliación do tema da vida laboral e familiar é necesario un espazo para poder ter os rapaces alí e poder darlle ese servizo, que, agora mesmo, eu quero recordar, creo que existe xa, o que pasa é que están un pouco apelotonados ou agolpados porque non collen onde están, nos tres espazos que están habilitados para ese comedor escolar. Polo tanto, bueno, pois eu trasladareille tamén á alcaldesa e veremos que é o que se pode facer nese sentido. Sr. Reguera. Sr. Reguera Ocampo.- Si, grazas Sr. Presidente. Son unhas preguntas sobre un convenio da Deputación coa asociación EFA A Cancela de As Neves. Na Xunta de Goberno do 19 de setembro puidemos comprobar como o Presidente acadaba un convenio coa Asociación EFA A Cancela de As Neves para a rehabilitación do Pazo da Mercé co fin de crear un obradoiro de pan de millo por valor de 156.576 €, home, vaia por diante que non temos nada contra o pan de millo. Sr. Presidente.- Non, o obradoiro, que eu sepa, xa está feito, o que está, o que se vai facer é unha remodelación do edificio. Sr. Reguera Ocampo.- Unha remodelación. Sr. Presidente.- Por iso, porque o obradoiro vino eu alí feito, a remodelación de todo aquel edificio que está na entrada das Neves, por se alguén non coñece aquel lugar. Sr. Reguera Ocampo.- Por iso, que nos asalta unha serie de dúbidas sobre ese convenio. Sr. Presidente.- Eu lle aclaro ata onde eu sei. Sr. Reguera Ocampo.- A ver, di, en primeiro lugar, ¿se é norma ó acadar o convenio, cun financiamento tan elevado, sen sequera un proxecto ou memoria mínima?. En segundo lugar, ¿se é norma entregar a metade da subvención á firma dese convenio?. En terceiro lugar, ¿se é norma conceder unha subvención e entregar a metade sen coñecer tan sequera se esa asociación ten a propiedade deste Pazo e se pode executar esas obras?. E cuarto, ¿se é norma acadar convenios para facer reformas en edificios que poden estar protexidos por Patrimonio?. E quinto, ¿se é norma entregar o 50% da subvención antes de ter todos eses datos, antes da obra, e esixilos ó remate de todas as obras?. Estas son as dúbidas que nos asaltan lendo este convenio. Só queremos, tamén, á parte destas aclaracións, home, se algo ten que ver esta firma do convenio con que a Presidenta da EFA da Cancela, pois sexa, a Teniente-Alcalde do concello de As Neves. Sr. Presidente.- Bueno, pois vamos a ver. Esa infraestrutura está nun estado, non ruinoso, pero case, é un edificio emblemático que hai na entrada das Neves, teñen unha subvención de Fondos FEDER de 150.000 € e faltan outros 150.000 € que hai que investir por parte doutra administración ou doutro estamento. Esta organización a conforman o Bispado de Santiago de Compostela, se mal non o recordo, o concello de As Neves, a Delegación de Educación, bueno, eu sei que son varios, do cal preside, en todo caso, a Teniente-Alcalde porque tamén o concello forma parte, polo tanto, nós o que vamos a, que aí teño que tamén, dalgunha maneira, agradecer ós técnicos desta casa, especialmente a Intervención; vamos a ver, antes de perder os recursos que teñen, que creo que son 150.000 € e que termina o prazo moi pronto, e, para levar a cabo, como digo, a mellora estrutural do edificio, que é un edificio emblemático protexido por Patrimonio, etc., etc., e que hai proxecto, hai proxecto para iso, pois creo que o que se fai é adiantar ese 50% para que poidan licitar a actuación que, en principio, esa é a previsión que eu teño, me parece que algo así diso hai, e bueno, eu creo que este é un tema que xa levamos meses e meses traballando nel para buscarlle unha solución, antes de que se perdan eses recursos económicos, que agora mesmo temos, para levar a cabo esa mellora. Polo tanto, eu creo que debe ser de interese de todos que iso se faga, o edificio é espectacular, pero claro, como son tantos a mandar, pero nadie fai nada, me dá a impresión, pois tivo que saír en auxilio, un pouco, a Deputación para que o edificio non se veña abaixo, alí se fai moita actividade, de todo tipo, pero claro, agora, os recursos son os que vostedes coñecen, ¿non?. Eu non sei se puiden dar resposta, máis, menos, un pouco, a todo iso, e eu creo que todos estamos en consonancia de buscarlle unha solución a iso porque senón, xa digo, ese edificio se vén abaixo, e bueno, a ver se, finalmente, con isto, para non perder eses recursos somos capaces de sacalo adiante. Sr. Vázquez Almuíña. Sr. Vázquez Almuíña.- Si, nada, é un comentario porque, a verdade é que a intervención do Sr. Cacabelos me sorprendeu bastante e, como grupo de goberno estou confundido, non sei que teño que facer na próxima Comisión Informativa, porque claro, en primeiro lugar di, que o Presidente da Deputación inviste moito en Ribadumia e ó final o que vén a dicir é inviste pouco, que, incluso que ten que cubrir unha competencia que non é da Deputación, que creo que é da Xunta de Galicia, da Consellería de Educación, entonces, por iso, me quedaba esa dúbida de se, realmente, que hai que facer máis ou hai que facer menos, e, sobre todo, con competencias que sexan da Deputación ou con outras competencias. Sr. Presidente.- Moitas gracias Sr. Almuíña. Sr. Cacabelos. Sr. Cacabelos Rico.- Vamos a ver, o que lle estou dicindo e que ten que investir mellor, en calquera caso, ou o que estou trasladando é que se fixeron unha serie de inversións, esaxeradas, para o que opinamos moitos, pero despois resulta que hai outras necesidades máis perentorias para os veciños e veciñas da zona, que así nolo trasladan, que o piden, senón o quere entender non o entenda, pero meter millóns de euros nas Pousadas en Ribadumia, en campos de fútbol e noutras cuestións, e despois que estean reclamando a mellora, a implantación dun novo comedor, bueno, pois para nós iso nos xera unha serie de sensibilidade, senón o entende, eu, ¿que quere que lle diga?, é o seu problema, non estou dicindo que se invista máis en Ribadumia, digo que se invista mellor, e, en calquera caso, posiblemente non ten competencias a Deputación pero estamos vendo como a Deputación reparte subvencións, reparte axudas a cantidade de colectivos e, en calquera caso, e en última cuestión, o que estaba era solicitando un rogo, porque os que acoden a nós, desde Ribadumia, con este problema xa foron ás diferentes Administracións que si son competentes e non atopan resposta. Bueno, pois nos trasladan aquí, a ver se desde aquí somos capaces, entre todos, de levar adiante iso, iso era o rogo que estaba solicitando, senón se me quere entender, bueno, pois laméntoo moito, non terei o maxisterio que teñen outros compañeiros seus á hora de falar ou de explicarse. Sr. Presidente.- Non, non, se entende perfectamente, é que iso é un problema estrutural, porque non é só un problema do comedor, que non o dixen antes, que é un problema, incluso, do propio colexio, que o edificio está, feito, bueno, nun estado non óptimo e, á parte non hai capacidade, pero sei que na Xunta de Galicia non hai cartos, tampouco, para levar a cabo esa inversión para o centro, que hai que ampliar e que hai que tal, pero bueno, estaremos atentos a esta demanda colectiva. En todo caso, que, dalgunha maneira, non é só de aí, senón que é dalgúns municipios máis, que xa me teñen trasladado tamén, a mellora no ámbito de instalacións educativas que, agora mesmo, son moi necesarias. E, nada máis, se levanta a sesión, moitas gracias e moi bos días. E non habendo máis asuntos que tratar, polo Sr. Presidente, sendo as trece horas e trinta minutos do expresado día, dáse por rematada a sesión e dela esténdese a presente Acta, que asinará o Ilmo. Sr. Presidente comigo, o Secretario, que dou fe. O Presidente, O Secretario, Asdo. Rafael Louzán Abal Asdo. Carlos Cuadrado Romay

Área de documentación

• Existencia e localización de copias Enlace para escoitar o audio da sesión do Pleno

Área de notas

• Nota

Puntos de acceso

• Puntos de acceso de topónimos

• Nome dos puntos de acceso Deputación de Pontevedra. Pleno (Tema)

Área de control da descrición