Servicio de patrimonio documental e bibliográfico - Deputación de Pontevedra

Área de contido e estrutura

• Alcance e contido En Pontevedra, na Sala de Xuntas do Pazo Provincial, sendo as once horas e cinco minutos do día dous de setembro do ano dous mil dezaseis, baixo a Presidencia da Ilma. Sra. Dna. Mª del Carmen Silva Rego, Presidenta da Deputación Provincial de Pontevedra, reuníronse as/os señoras/es deputadas/os, D. Carlos López Font, Dna. Mª Montserrat Magallanes Álvarez, D. David Regades Fernández, D. Santos Héctor Rodríguez Díaz, D. Uxío Benítez Fernández, D. Xosé Cesáreo Mosquera Lorenzo e Dna. Eva María Villaverde Pego, co obxecto de celebrar sesión ordinaria da Xunta de Goberno, con carácter executivo, en primeira convocatoria, consonte á correspondente orde do día. Da fe do acto D. Carlos Cuadrado Romay, Secretario Xeral, e está presente o Sr. Interventor, D.Antonio Graña Gómez. Non asisten os seguintes deputados: Dna. Consuelo Besada Lores, D. Juan Antonio González Pérez, xustificando a súa ausencia. Declarada aberta a sesión e de orde da Presidencia éntrase seguidamente no exame da orde do día, adoptándose en relación coa mesma os seguintes acordos: 1.24737.- ACTA ANTERIOR A Xunta de Goberno acorda por unanimidade aprobar os borradores das actas das sesións ordinarias dos días 4 e 12 de agosto de 2016, respectivamente. 2.24738.- APROBACIÓN DAS SOLICITUDES PRESENTADAS POLOS CONCELLOS ADHERIDOS A UNHA SEGUNDA ACTIVIDADE DO PROGRAMA “DEPO RÚARTE 2016” A Xunta de Goberno, na sesión que tivo lugar o día 1 de abril de 2016, aprobou as bases reguladoras do programa “Depo Rúarte 2016”, publicadas no Boletín oficial da Provincia de Pontevedra (BOPPO) número 87 de data 6 de maio de 2016 có obxecto de ofrecer 60 accións dinamizadoras para a mocidade a través de actividades educativas e de lecer que atendan as demandas do colectivo xuvenil da provincia de Pontevedra, acordando un espazo de encontro e intercambio de experiencias, así como novas alternativas de lecer que potencien movementos de participación e cooperación social. Ó programa Depo Rúarte para o ano 2016, adheríronse 52 concellos da provincia de Pontevedra de menos de 50.000 habitantes. Cada concello escolleu unha actividade das que figuran no catálogo publicado na páxina web da Deputación de Pontevedra, divididas nas seguintes áreas: • MúsicARTE • RúARTE • UrbanARTE • CreARTE • CociñARTE Cada unha delas ten unha duración de 25 horas e ofértanse a través da empresa adxudicataria Xestión Cultural Aurea S.L. especializada na materia, responsable da execución, coordinación e avaliación do programa. Unha vez rematadas terá lugar o I Certame Xuvenil Depo RúARTE, que dará paso á clausura do programa, a través do que se mostrará o aprendido nas actividades realizadas. Os beneficiarios do programa “Depo Rúarte” son prioritariamente mozos de 14 ata 30 anos de idade residentes no concello solicitante da actividade correspondente, aínda que tamén poden participar persoas doutros concellos no caso de que quedaran prazas vacantes. Na Xunta de Goberno do día 3 de xuño de 2016 aprobáronse as adhesións de 52 concellos ó programa, concedéndose unha acción formativa a cada un deles, sendo en total 52 accións formativas. Na Xunta de Goberno do día 4 de agosto de 2016 apróbase a apertura dun segundo prazo de solicitudes cunha duración de 10 días contados a partir do día seguinte á publicación do anuncio no Boletín Oficial da Provincia, para todos aqueles concellos de menos de 50.000 habitantes que estean interesados na impartición dunha segunda actividade formativa, as cales se concederán por rigurosa orde de rexistro de entrada. Polo tanto, e unha vez rematado o prazo de solicitudes, a Xunta de Goberno acorda por unanimidade a concesión dunha segunda actividade formativa ós seguintes concellos: - A Lama - Mondariz - Baiona - A Guarda - Oia - Porriño - Lalín 3.24739.- APROBACIÓN DAS SOLICITUDES DOS OBRADOIROS DO PROGRAMA “DEPO EN MARCHA 2016” A Xunta de Goberno, na sesión que tivo lugar o día 18 de marzo de 2016, aprobou as bases reguladoras do programa “Depo en Marcha” do ano 2016, coa finalidade de favorecer o envellecemento activo, a través de distintos obradoiros, optimizando as oportunidades de saúde, participación e seguridade co fin de mellorar a calidade de vida das persoas maiores da provincia de Pontevedra, establecendo relacións sociais e favorecendo a participación en actividades que melloren o seu estado anímico, potenciando movementos de participación e cooperación social, promovendo espazos de encontro e intercambio de experiencias e a súa independencia para evitar o illamento e situacións de soidade. O programa Depo Marcha para o ano 2016, as entidades de maiores, pensionistas e xubilados da provincia de Pontevedra que cumpran algún dos seguinte requisitos: 1) Asociacións, federacións ou confederacións e fundacións que figuren no Rexistro Único de Entidade Prestadoras de Servizos Sociais (RUEPSS) como entidades de iniciativa social dentro da área de maiores da provincia de Pontevedra. 2) As entidades que figuren no Rexistro Xeral de Asociacións, recollidas dentro da provincia de Pontevedra e clasificadas na categoría tipo: terceira idade–pensionistas–xubilados. 3) Asociacións de maiores, pensionistas, persoas prexubiladas e xubiladas, non recollidas nas anteriores. 4) Entidades que, sen estaren rexistradas nas categorías anteriores, xustifiquen o seu labor no eido do maior. Todas as solicitudes presentadas por entidades de mulleres ou outras entidades que realicen actividades no eido da muller (independentemente das súas vogalías) quedarán excluídas desta convocatoria por existir unha convocatoria específica dentro do Servizo de Igualdade. Salvo as excepcións que se poidan establecer en cada convocatoria específica, só poderá concederse un obradoiro por entidade. Os obradoiros terán unha duración de 30 horas e impartiranse en xornadas de entre unha e tres horas á semana. A entidade solicitante poderá escoller se esas horas serán no mesmo día ou en días alternos, dependendo das necesidades das persoas participantes e da propia actividade. Inicialmente ofertáronse 100 obradoiros segundo as bases. As bases do programa “Depo en marcha 2016” foron publicadas no Boletín oficial da Provincia de Pontevedra (BOPPO) número 63 de data 4 de abril de 2016. Ó abeiro de ditas bases, recolléronse un total de 244 solicitudes, das cales: • 228 foron presentadas dentro dos prazos establecidos para o programa Depo en marcha. • 16 foron presentadas fóra dos prazos establecidos para o programa Depo en marcha. Na Xunta de Goberno do 8 de xullo de 2016, aprobouse a concesión de 160 solicitudes presentadas por entidades de maiores, pensionistas e xubilados da provincia de Pontevedra. Unha vez rematado o prazo de solicitudes do programa, e recibidas tódalas solicitudes presentadas nos diferentes rexistros, infórmase de que do total de 244 solicitudes, 31 delas non cumpren cos requisitos establecidos e desestímanse polos seguintes motivos: • 8 das solicitudes presentadas, incorren na Base Segunda. Beneficiarios de ditas bases, por seren asociacións de mulleres (independentemente das súas vogalías). • 2 das solicitudes presentadas, incorren na Base Segunda. Beneficiarios de ditas bases, por non estar incluídas nos tipos de entidades beneficiarias. • 5 das solicitudes presentadas, incorren na Base Sexta. Condicións do Programa, por solicitar máis dun obradoiro. • 16 das solicitudes foron desestimadas por ser presentadas fóra de prazo. Unha das entidades ás que se lle concedeu o obradoiro solicitado; a Asociación de Veciños Francisco Pérez Crespo de Mogor (Marín), presentou á empresa adxudicataria con data de 3 de agosto, escrito de renuncia á formación concedida ó considerar que o intervalo que viña establecido para desenvolvelo non se adapta á súas circunstancias e dispoñibilidade da asociación. Pola súa parte, a empresa Magnafor Qualitas, tamén presenta informe cos motivos do obradoiro cancelado. Dado que a Asociación de Veciños de Francisco Pérez Crespo de Mogor comunicou a súa renuncia ó obradoiro; correspóndelle á entidade Círculo Artístico Deportivo Gato Negro de Vilagarcía de Arousa a concesión do obradoiro solicitado segundo o procedemento de concesión establecido nas bases reguladoras do programa, xa que a súa solicitude entrou en tempo e forma segundo ditas bases da convocatoria. Considerando o establecido na cláusula sétima das bases reguladoras do programa “Depo en Marcha 2016”, a Xunta de Goberno acorda por unanimidade: - Aprobar a concesión da solicitude ó programa “Depo en Marcha 2016”, presentada pola seguinte entidade de maiores. Concello Entidade CIF Vilagarcía de Arousa Circulo Artístico Deportivo Gato Negro G-36026151 - Aprobar a relación de entidades cuxa solicitude queda excluída polos seguintes motivos: Concello Asociación CIF Motivo de Exclusión 1 Vigo Asoc. Amas de Casa "Agarimo" G-36821817 (2) 2 Porriño, O Círculo Recreativo Cultural de Porriño G-36026961 (1) 3 Marín Asoc. Mm. Itercambio do Saber G-94122884 (2) 4 Tui Residencia "Paz y Bien" R-3600091-G (2) 5 Pontevedra Asoc. Mm. Vv. de O Castelo de Pontesampaio G-36376259 (2) 6 Pontevedra Asoc. Vv. San Roque G-36179562 (1) 7 Salceda de Caselas Asoc. C. C. S. Castro Barreiro G-36050508 (1) 8 Pontevedra Sociedade C. D. Mourente G-36008662 (1) 9 Pontevedra Sociedade C. D. Mourente G-36008662 (1) 10 Estrada, A Asoc. Mm. Rr. de Paradela G-36463495 (2) 11 Estrada, A Asoc. Mm. Rr. de San Juan de Santeles G-94133782 (2) 12 Estrada, A Asoc. Mm. Rr. San Miguel de Cora G-94133675 (2) 13 Estrada, A Asoc. Mm. amigas del baile y del deporte G-94084704 (2) 14 Estrada, A Asoc. Mm. Rr. San Xulian de Vea e Baloira G-36591709 (2) 15 Lama, A Asoc. C. San Antonio da Lama G-94078912 (3) 16 Soutomaior Asoc. Vv. de Moreira G-36306736 (3) 17 Ponte Caldelas Asoc. Vv. San Martín G-36394492 (3) 18 Cangas do Morrazo Asoc. Vv. Terra da Laxe G-36260511 (3) 19 Baiona Centro C. Baíña G-36950749 (3) 20 Portas Asoc. Vv. Unidos de Portas G-94126026 (3) 21 Ponteareas Asoc. C. De Fontenla A Ascensión G-94097086 (3) 22 Vigo Asoc. S.V.C.D. Nautilus G-36631703 (3) 23 Crecente Casa Ntra. Sra. de Fátima Esclavas de Lavirgen Dolorosa R-3600113-I (2) 24 Bueu Asoc. Embarcaciones 7ª Lista Robaleira G-36317238 (3) 25 Bueu Asoc. C. Amigos da Vieira G-36268761 (3) 26 Vigo Asoc. prejubilados y jubilados Bbva G-36873370 (3) 27 Vilagarcía de Arousa Os Tres Castros G-36270494 (3) 28 Pontevedra Asociacion Vecinos de San Roque G36179562 (3) 29 Pontevedra Asociacion Vecinos de San Roque G36179562 (3) 30 Vigo Federacion Peñas Recreativas El Olivo G36704666 (3) 31 Vigo Federacion Peñas Recreativas El Olivo G36704666 (3) CAUSAS DE EXCLUSION: (1) A entidade presentou máis dunha solicitude ó programa (2) A entidade non pertence a tipoloxía de entidades ás que se dirixe o programa (maiores, pensionistas e xubilados). (3) Solicitude presentada fóra do prazo establecido nas bases reguladoras. 4.24740.- PERMISO E AXUDA ECONÓMICA PARA ASISTENCIA A CURSOS, XORNADAS… 1º Por Resolución Presidencial nº 2016007479 de 20 de abril de 2016, se lle autoriza a D.Félix Torres Cancela a asistir os días 19 e 20 de maio de 2016 en Burgos ó Curso “A Inspección de Tributos Locais”. 2º Mediante escrito con data 27 de xullo de 2016 e número de rexistro de entrada 2016078213, presenta folla xustificativa dos gastos ocasionados pola realización de dito curso, polo que solicita a súa validación en concepto de locomoción, dietas e inscrición, ascendendo a un total de 541,22 €, desagregado da seguinte maneira: Concepto LOCOMOCIÓN Aplicación orzamentaria Total Tren 16/932.9320.231.20 86,95 € TOTAL…. 86,95 € Concepto DIETAS Aplicación orzamentaria Total Aloxamento 18/05/2016 Grupo III 16/932.9320.230.20 48,92 € Aloxamento 19/05/2016 Grupo III 16/932.9320.230.20 48,92 € ½ Manutención 18/05/2016 Grupo III 16/932.9320.230.20 14,11 € 1 Manutención 19/05/2016 Grupo III 16/932.9320.230.20 28,21 € ½ Manutención 20/05/2016 Grupo III 16/932.9320.230.20 14,11 € TOTAL…. 154,27 € Concepto INSCRICIÓN Aplicación orzamentaria Total Inscrición 16/921.2210.165.00 300,00 € TOTAL…. 300,00 € 3º A solicitude, conformada favorablemente polo deputado delegado, non se tramitou con antelación suficiente polo que procede a súa validación. 4º Para este efecto remítese o expediente a Intervención para informe sobre a existencia de consignación orzamentaria. Normativa aplicable: • R.D. 462/2002 do 24 de maio sobre Indemnizacións por Razón do Servizo. • Orde do 8 de novembro de 1994, sobre xustificación das Indemnizacións por Razón do Servizo dos funcionarios públicos. • Bases de aplicación de retribucións do orzamento Provincial e IV Acordo Regulador para persoal funcionario da Deputación Provincial de Pontevedra. • Artigo 67.4 da Lei 30/1992 do 26 de novembro, de Réxime Xurídico das Administracións Públicas e Procedemento Administrativo Común. • Artigo 61.12 do ROF e artigo 105 da Lei 5/97, do 22 de xullo, de Administración Local de Galicia, polas que se atribúen á Presidencia a competencia nesta materia. • Resolución da Presidencia de data 22/07/2015 pola que se delega no Deputado as competencias en materia de persoal. En base ós feitos e consideracións normativas citadas anteriormente, a Xunta de Goberno acorda por unanimidade, ó amparo do previsto no artigo 67.4 da Lei 30/1992 do 26 de novembro, de Réxime Xurídico das Administracións Públicas e Procedemento Administrativo Común, validar o expediente e aprobar e declarar de aboo a favor de D.Félix Torres Cancela a cantidade de 541,22 € en concepto de gastos de locomoción, dietas e inscrición, imputándose dita cantidade ás aplicacións orzamentarias correspondentes. 5.24741.- INADMISIÓN DE SOLICITUDE DE INDEMNIZACIÓN POR RESPONSABILIDADE PATRIMONIAL FORMULADA POR D. DAVID PASCUAL GONZÁLEZ POR LESIÓNS PADECIDAS POR MOR DUNHA CAÍDA NO CONCELLO DE VIGO Dada conta que con data de rexistro de entrada 03/06/2016 (núm. rex. 2016059684) tivo entrada nesta Deputación instancia en solicitude de indemnización por responsabilidade patrimonial subscrita por D. David Pascual González por lesións padecidas por mor dunha caída por un desnivel a consecuencia da gravilla acumulada a raíz das obras de asfaltado da calzada da estrada de Valladares, no Concello de Vigo, o día 21/10/2015 e que cuantificou economicamente en 3.816,33 €. Resultando.- Que con data 19/08/2016 e con fundamento no artigo 10.1, último parágrafo, do R.d. 429/93, en relación co 82 e 83 da Lei 30/92, e 172 do R.d. 2568/86, solicitouse informe ó Servizo de Mobilidade, que o emitiu con data 24/08/2016 co seguinte contido: “A Estrada de Valladares (nº 377 segundo indica o escrito do interesado) do Concello de Vigo non pertence á rede provincial de estradas”. A Enxeñeiro de Mobilidade. Belén Pampín Camino_______________________________________________ Considerando.- Que a instancia se presenta cumprimentando os requisitos de capacidade, lexitimación activa e temporalidade (sen ter transcorrido o prazo de prescrición), descritos nos artigos 6.1 do R.d. 429/93 en relación co 70, 30, 31.1, letra a) e 142.5 da Lei 30/92. Considerando.- Que o teor do citado informe impide entrar sequera a valorar as circunstancias concorrentes no sinistro en cuestión, por canto non pode constituírse validamente a relación procedimental ó non resultar a Deputación Provincial pasivamente lexitimada para interpoñer perante dela ningunha reclamación que non se relacione directamente coa súa titularidade demanial. Considerando.- Que as Administracións Públicas réxense en materia de responsabilidade patrimonial polos artigos 106.2 da Constitución Española, 139 e seguintes da Lei 30/92, 54 da Lei 7/85, 223 do R.d. 2568/86 e R.d. 429/93. Considerando.- Que en ningún caso pode esta Deputación Provincial facerse responsable de danos producidos en estradas que non sexan da súa titularidade. Considerando.- Que o presente acordo cumprimenta o establecido nos artigos 89.1 e 54.1 b) da Lei 30/92, en relación co 13.2 do R.d. 429/93, referido á inadmisión argumentada da reclamación. Considerando.- Que, así mesmo, o apartado 4 do artigo 89 da Lei 30/92 establece que “En ningún caso podrá la Administración abstenerse de resolver so pretexto de silencio, oscuridad o insuficiencia de los preceptos legales aplicables al caso, aunque PODRÁ RESOLVER LA INADMISIÓN DE LAS SOLICITUDES (…) MANIFIESTAMENTE CARENTES DE FUNDAMENTO”. A Xunta de Goberno acorda por unanimidade inadmitir a trámite dita solicitude de indemnización. 6.24742.- RECOÑECEMENTO EXTRAXUDICIAL DE CRÉDITOS a)Vista a relación de facturas con número 2016032139, que contén tres facturas e por un importe de 649,09 €, correspondendo as tres á empresa Almacenes Celso Míguez, S.A., sendo a primeira por importe de 141,45€ e a derradeira por importe de 482,45 €, e visto o informe que formula a Intervención desta Deputación, de data 22 de agosto de 2016, e os xefes de servizo ou responsables dos centros Xestores no que se pon de manifesto que os gastos se fixeron en exercicios pechados, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 649,09 € Descontos do IRPF 0,00 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 649,09 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. b) Vista a relación de facturas con número 2016032141, que contén vinte e cinco facturas e por un importe de 84.003,77 €, correspondendo a primeira á empresa Instituto Ferial de Vigo, por importe de 15.510,41€, e a derradeira a Instituto Ferial de Vigo, por importe de 13.355,98 €, e visto o informe que formula a Intervención desta Deputación, de data 22 de agosto de 2016, e os xefes de servizo ou responsables dos centros Xestores no que se pon de manifesto que os gastos se fixeron con vicios de procedemento que implican a nulidade das obrigas, e que necesitan a súa aprobación polo sistema de recoñecemento extraxudicial de créditos, a Xunta de Goberno acorda por unanimidade aprobar: A relación de expedientes de referencia coa seguinte estrutura económica: Importe total 84.003,77 € Descontos do IRPF 0,00 € Descontos do IVE soportado deducible 0,00 € Descontos do honorarios técnicos externos 0,00 € Outros descontos 0,00 € Total líquido 84.003,77 € Pola Presidenta maniféstase que asina con disconformidade e por imperativo legal, pois está en contra dos recoñecementos extraxudiciais de crédito. Trátase de decisións tomadas polo goberno anterior, se ben entende que a prestación foi realizada. Manifesta que a partir de agora só se aprobarán recoñecementos extraxudiciais de créditos de xeito extraordinario por razóns non previsibles. 7.24743.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DA “SUBMINISTRACIÓN E INSTALACIÓN DE EQUIPOS DESTINADOS Á RENOVACIÓN DO SISTEMA DE DETECCIÓN E ALARMA DE INCENDIOS DO CENTRO PRÍNCIPE FELIPE DA DEPUTACIÓN DE PONTEVEDRA” (Expte. nº2016028308) O Centro Príncipe Felipe, pertencente á Deputación de Pontevedra, forma parte da Rede de recursos existentes na Comunidade Autónoma de Galicia destinados á protección de menores e figura inscrito no rexistro único como entidade prestadora deste servizo de protección. O centro, está dotado dos espazos e equipamentos suficientes e dentro dos que esixe a normativa vixente para o desenvolvemento da actividade, cumprindo hoxe coa finalidade para a que foi creado e está en situación de orientar novos esforzos cara á consecución de logros que teñan como obxectivo a prestación dun servizo de calidade e axeitado ós usuarios e usuarias. Por este motivo, o xefe de Sección do Centro Príncipe Felipe, mediante informe emitido con data 06/06/2016 presenta, co Vº e Prace da Deputada Delegada, proposta elaborada polo Enxeñeiro Industrial D. Eugenio Marcote Carballo, que coordina as tarefas de mantemento das instalacións do devandito centro, na que indica que o Centro Príncipe Felipe conta con catro centros de acollemento que na actualidade contan cun sistema de detección e alarma de incendios baseado nunha central de incendios principal e única, marca Notifier modelo AM2020, que debe ser substituído debido á súa obsolescencia xunto co proxecto para levar a cabo a renovación do Sistema de alarma e detección de incendios do Centro Príncipe Felipe, co obxecto de dar cumprimento ó disposto no Código técnico da edificación CTE, aprobado polo Real Decreto 314/2006, de 17 de marzo, no que se recollen diferentes tipos de instalacións que deben contar cun sistema de detección de incendios axeitado á normativa vixente co obxecto de contratar a “Subministración e instalación de equipos destinados á renovación do sistema de detección e alarma de incendios do Centro Príncipe Felipe da Deputación de Pontevedra”. Asemade, o Servizo de Contratación e Patrimonio, tal e como prevé o artigo 109 do Real Decreto Lexislativo 3/2011, de 14 de novembro, polo que se aproba o Texto Refundido da Lei de Contratos do Sector Público (TRLCSP), xustifica no expediente a elección do procedemento e elabora o proxecto do prego de condicións económico-administrativas. Resultando que polo servizo de Intervención se emiten documentos RC nº 201600002559 con cargo a aplicación 16/232.2312.632.03.2015 e nº 201600110452 e 201600126900 con cargo a aplicación 16/232.2312.632.03 do vixente Orzamento provincial, mediante os que se certifica e existencia de consignación orzamentaria para facer fronte ás obrigas derivadas do presente contrato. Polo Secretario Xeral infórmase favorable o proxecto de prego de cláusulas económico administrativas con data 04/08/2016. Posteriormente trasládase o expediente de contratación ó Servizo de Intervención para que o fiscalice nos termos previstos na Lei 47/2003, de 26 de novembro. Visto o informe favorable de fiscalización de data 17 de agosto de 2016 emitido polo Sr. Interventor. Considerando que a disposición adicional segunda do TRLCSP, no seu apartado 1, faculta á Ilma. Sra. Presidenta para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento, concretamente na Base 16ª. 2 a) onde figura que lle compete á Xunta de Goberno a disposición e autorización dos gastos precisos para a contratación de subministracións que, sendo competencia da Presidencia, superen o importe dos contratos que se poidan tramitar por procedemento negociado sen publicidade por razón da contía. A Xunta de Goberno acorda por unanimidade: 1.- Aprobar o expediente de contratación para adxudicar mediante procedemento aberto a “Subministración e instalación de equipos destinados á renovación do sistema de detección e alarma de incendios do Centro Príncipe Felipe da Deputación de Pontevedra”. (Expte. 2016028308). 2.- Aprobar os pregos de cláusulas económico-administrativas e de prescricións técnicas que rexerán como lei fundamental. 3.- Autorizar o gasto polo importe máximo de 213.066,10€ para o ano 2016 con cargo ás aplicacións orzamentarias 16/232.2312.632.03.2015 e 16/232.2312.632.03 do vixente orzamento provincial imputando o antedito gasto na seguinte proporción: 16/232.2312.632.03.2015, 175.892,25€ e 16/232.2312.632.03, 37.173,85€. 4.- Iniciar o procedemento de adxudicación para a contratación, concedendo un prazo de 15 días naturais (artigo 159.2 do R.d.l. 3/2011), a contar desde o día seguinte ó da publicación do anuncio no Boletín Oficial da Provincia de Pontevedra (BOPPO). Dito Prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DA SUBMINISTRACIÓN E INSTALACIÓN DE EQUIPOS DESTINADOS Á RENOVACIÓN DO SISTEMA DE DETECCIÓN E ALARMA DE INCENDIOS DO CENTRO PRÍNCIPE FELIPE DA DEPUTACIÓN DE PONTEVEDRA. Exp.2016028308 1. OBXECTO O obxecto do contrato ó que se refire este prego é a subministración descrita no apartado 1 do anexo I, que recolle as necesidades administrativas que se pretenden satisfacer mediante o contrato, describindo as características da subministración e a forma de levar a cabo a prestación polo adxudicatario. O prego de prescricións técnicas particulares e o prego de cláusulas administrativas particulares revestirán carácter contractual. 2. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 3. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP, Real decreto 773/2015, de 28 de agosto polo que se modifican determinados preceptos do RDL 817/2009, e no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración – prezo- ou ben a unha pluralidade de criterios, segundo o disposto no apartado 3 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 do Real decreto lexislativo 3/2011, de 14 de novembro, polo que se aproba o texto refundido da Lei de contratos do sector público, e na disposición adicional terceira da lei 20/2013, de 9 de decembro, de garantía de unidade de mercado, a partir do 15 de decembro de 2014 a Deputación de Pontevedra publicará todas as noticias, avisos e documentación relativa os seus procedementos de contratación no Perfil do Contratante integrado na Plataforma de Contratación do Sector Público do Estado (www.contrataciondelestado.es). Calquera dúbida acerca dos pregos que rexen esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 9. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 10. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 10.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra: As proposicións presentaranse no Rexistro xeral da Deputación, na sede de Pontevedra, de luns a venres, de 8:30 a 14:30 horas e de 17:00 a 19:00 horas e os sábados de 9:00 a 13:00 horas, ou na sede de Vigo, de luns a venres de 9:00 a 14:00 horas, (o horario nos meses de xullo e agosto na sede de Pontevedra de luns a venres, será de 8:30 a 14:30 horas, sendo o do sábado o mesmo que o resto do ano), durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos e anunciado o envío ao órgano de contratación nos termos indicados e transcorridos dez días desde a data de finalización do prazo para presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. O depósito do envío deberá ser anunciado ao órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este 10.2. Formalidades Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso de que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada polos seguintes membros: Presidente: Deputado delegado pola Presidencia Vogais: - Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O secretario xeral - O interventor - O/A xefe/a do servizo xestor Secretario:- O xefe do Servizo de Contratación 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente, a Mesa, ás once horas e trinta minutos do primeiro mércores seguinte ó día no que finalice o prazo sinalado para a presentación de plicas, sempre que transcorresen polo menos tres días hábiles desde a finalización do prazo, sinalará en acto público as que cualificasen como inadmitidas e admitidas e procederá á apertura do sobre B correspondente á documentación técnica valorable a través de criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. No caso de que non haxan transcorrido eses tres días hábiles desde a finalización do prazo de presentación de plicas, o acto da mesa de contratación realizarase o mércores da semana seguinte. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP: 1) Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2) Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3) Orixinal ou copia cotexada de alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo acompañado dunha declaración responsable de que non se deu de baixa na matrícula do citado imposto. 4) Documentación acreditativa da efectiva disposición dos medios persoais e materiais que se comprometeu a adscribir á execución do contrato segundo o detallado no anexo I ó presente prego. 5) Documento que acredite a constitución da garantía definitiva. 6) Documento acreditativo do pagamento dos anuncios. 7) Orixinal ou copia compulsada da póliza e do recibo de ter pagada Compromiso do licitador de adscribir a execución do contrato un seguro de Responsabilidade Civil que cubra calquera incidencia que poida derivarse da execución do contrato. 14. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R.d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 15. NOTIFICACIÓN ELECTRÓNICA Con base no disposto no artigo 28 da 11/2007, de 22 de xuño, de acceso electrónico da cidadanía aos Servizos Públicos e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación lle envíe unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. As notificacións entenderanse realizadas desde o momento no que a Deputación poña a disposición a comunicación do acto, requirimento, comunicación ou adxudicación na Plataforma de Contratos no Sector Público e transcorresen dez días naturais sen que se acceda ao seu contido, entenderase que a notificación foi rexeitada cos efectos previstos no artigo 59.4 da Lei 30/1992 de Réxime Xurídico e do Procedemento Administrativo Común e normas concordantes, salvo que de oficio ou a instancia da persoa destinataria poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. 16. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ou subcontratistas os prazos de pago superiores respectando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 17. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 4. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 5. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d) Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 18. FORMALIZACIÓN DO CONTRATO A Administración e o contratista deberán formalizar o contrato en documento administrativo dentro do prazo de quince días hábiles, a contar desde o día seguinte ao da notificación da adxudicación, constituíndo o dito documento título suficiente para acceder a calquera rexistro público. Non entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 19. OBRIGAS DO CONTRATISTA O contratista deberá cumprir cos deberes derivados das disposicións vixentes en materia de protección do emprego, condicións de traballo e prevención de riscos laborais segundo a lexislación competente nesa materia. 20. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil euros(2.000,00 €). 21. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 22. OUTROS GASTOS ESIXIBLES Salvo pacto contrario, os gastos de entrega e transporte dos bens obxecto da subministración ao lugar convido, serán por conta do contratista. Se os bens non se atopan no estado de ser recibidos, farase constar así na acta de recepción e se darán as instrucións precisas ao contratista para que emende os desperfectos observados ou proceda a unha nova subministración de conformidade co pactado. 23. EXECUCIÓN DA SUBMINISTRACION E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista está obrigado a entregar os bens obxecto da subministración no tempo e lugar fixados no contrato e coas prestacións técnicas e cláusulas administrativas. Calquera que sexa o tipo de subministración, o adxudicatario non terá dereito a indemnización por causa de perdas, avarías ou prexuízos ocasionados nos bens antes da súa entrega e na Administración, salvo que esta incorrese en mora ao recibilos. Cando o acto formal de recepción de bens, de acordo coas condicións do prego sexa posterior a súa entrega, a Administración será responsable da custodia dos mesmos durante o tempo que medie entre unha e outra. Recibidos pola Administración bens ou produtos perecedoiros, será esta a responsable da súa xestión, uso ou caducidade, sen prexuízo de responsabilidade do subministrador por vicios ou defectos dos mesmos. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se as subministracións sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. 24. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 296 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. O contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 25. GARANTÍA DAS SUBMINISTRACIÓNS O prazo de garantía comezará a contar desde a data de recepción dos bens subministrados. A garantía definitiva responderá dos seguintes conceptos: a) Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público así como das penalidades establecidas no prego. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c) Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Así mesmo, se durante o prazo de garantía se acreditase a vixencia de vicios ou defectos dos bens fornecidos, a Administración terá dereito a lle reclamar ó contratista a reposición dos que resulten inadecuados ou a súa reparación fose suficiente. Durante este prazo de garantía o contratista terá dereito a coñecer e ser oído sobre a aplicación dos bens subministrados. 26. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 299 do TRLCSP. 27. XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional, contencioso-administrativa, a teor do disposto na Lei reguladora da devandita xurisdición.” Ditos anexos son como seguen: ANEXO I. “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO Subministración e instalación de equipos destinados á renovación do sistema de detección e alarma de incendios do Centro Príncipe Felipe da Deputación de Pontevedra. 1.2. PROCEDEMENTO División en lotes: non Cualificación do contrato: subministración CPV: 31625100 (Sistemas de detección de incendios) e 45312100 (Instalación de Sistemas de alarma contra incendios) Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.2 do R.d.l. 3/2011), a contar desde a data de publicación do anuncio do contrato no Boletín Oficial da Provincia. 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: a tanto alzado. ORZAMENTO ESTIMADO Importe total estimado sen IVE: 176.087,69 € IVE (21 %): 36.978,41 € Prezo do contrato (IVE incluído): 213.066,10 € B) FINANCIAMENTO Cadro de financiamento: Anualidade Aplicación orzamentaria Importe total con IVE 2016 232.2312.632.03.2015 175.892,25€ 2016 232.2312.632.03 37.173,85€ Total 213.066,10€ Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. 1.4. PRAZO DE EXECUCIÓN E LUGAR DE ENTREGA Prazo de execución: O prazo de execución do contrato non poderá ser superior a 6 meses contados desde a formalización do mesmo. A subministración, instalación e renovación do sistema de detección e alarma de incendios incluirá os aspectos indicados no apartado 1. Obxecto do Prego de prescricións Técnicas. Lugar e modo de entrega: Entenderase por entrega a subministración de material e equipos do novo sistema de detección de alarma de incendios obxecto do contrato (instalación do material e equipos, realización de probas relacionadas coa correcta posta en marcha do NSDAI, realización de memorias técnicas, impartición da formación, realización de todo tipo de obra civil precisa para unha correcta instalación dos NSDAI, instalación e aluguer – se é preciso de equipos provisionais-, contratación de todo tipo de seguros de risco pola empresa adxudicataria durante o período de realización e proba das instalacións obxecto do proxecto, reparación de danos ocasionados polas obras no Centro Príncipe Felipe así como asesoramento e/ou elaboración de todo tipo de documentación administrativa precisa para dar de alta e legalizar as instalacións). Establécese un período de proba de 3 meses despois da certificación e recepción da obra que será independente do período de garantía ofertado. Durante este período de proba poderán realizarse cambios de configuracións nos equipos en caso de que se produza un funcionamento non satisfactorio. Estes traballos realizaranse no horario imposto pola Dirección do Centro Príncipe Felipe, co obxecto de que non interfira nas labores habituais do centro. Admite prórroga: non 1.5. RÉXIME DE PAGAMENTOS Forma de pagamento: O pago do contrato realizarase contra a presentación da correspondente factura unha vez conformada polo responsable do contrato. Lugar de presentación e forma da factura: As facturas de importe superior a 5.000,00 € deberán ser presentadas polo adxudicatario en formato electrónico a través da Sede Electrónica da Deputación de Pontevedra (sede.depo.es) en tempo e forma a efectos de que o órgano administrativo ao que corresponda, proceda a súa tramitación (máis información en https://sede.depo.es). Nas facturas deberase indicar os código DIR 3 que identifican o procedemento, o CIF e nº de expediente que se relacionan a continuación: Administración: L02000036 (CIF: P3600000H) Órgano xestor: LA0006112; Unidade Tramitadora: LA0006135; Oficina Contable: LA0006135 Nº Expediente: 2016028308 Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. Será imprescindible para a aceptación e aboamento da factura que esta vaia acompañada da acta de recepción asinada pola persoa responsable do Centro Príncipe Felipe e pola persoa representante da empresa adxudicataria así como unha reportaxe fotográfica de cada equipo correctamente instalado nos lugares indicados no PPT. O pago do contrato realizarase contra a prestación da corresponde factura unha vez conformada pola Deputación de Pontevedra e sempre tras a firma da correspondente acta de recepción. 1.6. GARANTÍAS Provisional: non se esixe. Definitiva: 5 % do prezo de adxudicación do contrato (IVE excluído). Prazo da garantía: 2 anos e cubrirá tanto os equipos instalados como os traballos de instalación ou o software. 1.7. PENALIZACIÓNS No caso de incumprimento defectuoso dos compromisos obxecto do contrato ou das condicións especiais de execución que se estableceron nos pregos conforme os artigos 64.2 e 118.1 do TRLCSP, cando non proceda a resolución do contrato, implicará a aplicación das penalidades previstas no presente prego e cando así proceda as previstas no artigo 212 do TRLCSP que deberán ser proporcionais á gravidade do incumprimento non podendo ser a súa contía superior ó 10% do orzamento do contrato. Considéranse obrigas esenciais do contrato as seguintes: 1) Pagos a subcontratistas e provedores, os deberes derivados das disposicións vixentes en materia de protección de emprego, as condicións de traballo e prevención de riscos laborais, de seguridade social e de seguridade e saúde no traballo. 2) As características técnicas e a calidade dos equipos a instalar esixidas nos pregos. 3) A retirada de material e equipos antigos para desbotar e a súa entrega a xestoras de residuos en caso de ser preciso. 4) A subministración de material e equipos do novo sistema de detección e alarma de incendios (denominado NSDAI). 5) A instalación do material e equipos do NSDAI e a realización de todo tipo de obras relacionadas cunha correcta posta en marcha dos mesmos. 6) A realización de memorias técnicas descritivas do funcionamento do NSDAI, dos seus equipos e instalacións e a formación relacionada co seu funcionamento. 7) A realización de todo tipo de obra civil precisa para a correcta instalación e, de ser precisa a reparación dos danos causados pola mesma así como a instalación e aluguer (se é preciso) de equipos provisionais. 8) A contratación de todo tipo de seguros de risco, pólizas de risco e seguros contra incendios pola empresa adxudicataria durante o período de probadas instalacións obxecto do proxecto e a reparación de danos nas instalacións do Centro Príncipe Felipe ocasionados polas obras obxecto do contrato. 9) O asesoramento e/ou elaboración de documentación administrativa precisa para dar de alta, homologar e legalizar a instalación por parte das autoridades administrativas. As penalidades faranse efectivas mediante a súa dedución da factura, respondendo a garantía definitiva, en todo caso, da súa efectividade. As infraccións clasificaranse en leves e graves, atendendo as circunstancias concorrentes ao maior ou menor prexuízo que cause á administración. Para os incumprimentos do adxudicatario tipificaranse como faltas leves, ou faltas graves e impoñeranse as seguintes sancións: a) Faltas leves: Calquera circunstancia relacionada co incumprimento das condicións establecidas nos pregos ou na oferta do adxudicatario que tras o requirimento da administración non son atendidas polo adxudicatario. A penalidade imposta se determinará mediante informe motivado do órgano de contratación e será do 5% do importe da factura correspondente. b) Faltas graves: Para os incumprimentos do adxudicatario das obrigas esenciais mencionadas anteriormente durante a execución do contrato ou as tipificadas como faltas graves, cando non proceda a súa resolución, impoñeranse as seguintes sancións: - Pagos a subcontratistas e provedores, os deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. - A cesión en todo ou en parte do contrato baixo calquera modalidade ou título, sen previa autorización expresa do órgano de contratación. - A modificación do contrato sen a previa autorización da administración. - A comisión de dúas infraccións tipificadas como faltas leves. A penalidade imposta se determinará mediante proposta do órgano de contratación e será do 10% do importe da factura que corresponda, podendo resolver o contrato. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA TÉCNICA (documentación que se debe presentar na fase de requirimento, segundo figura na cláusula 13.1 do prego económico administrativo) Clasificación: non se esixe. Acreditación da solvencia económica, financeira e técnica. A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media do valor estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada: - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva. Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: • Relación das principais subministracións no curso dos cinco últimos anos relacionadas co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). As subministracións efectuadas acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior do 70% do valor estimado do contrato, ou da súa anualidade media se esta é inferior ao valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. • Acreditación, mediante orixinal ou copia compulsada, da póliza subscrita e do aboamento dun seguro de responsabilidade civil por importe mínimo de 300.000,00€. A actividade descrita na póliza debe corresponderse coa actividade obxecto do contrato e ningunha exclusión debe limitar a súa cobertura en relación con esta. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (sobre B): Os criterios avaliables mediante xuízos de valor valoraranse cun máximo de 49 puntos: • Características técnicas e calidade dos equipos a instalar, ata un máximo de 20 puntos. • Memoria descritiva do programa de instalación, ata un máximo de 6 puntos. • Memoria descritiva do programa de ensaios e probas, ata un máximo de 6 puntos. • Memoria descritiva do programa de formación, ata un máximo de 3 puntos. • Memoria descritiva do programa de mantemento, ata un máximo de 4 puntos. • Melloras respecto ao esixido no Prego de Prescricións Técnicas, ata un máximo de 10 puntos. -Características técnicas e calidade dos equipos a instalar, ata un máximo de 20 puntos. Valoraranse as características técnicas dos equipos ofertados polos licitadores (detectores, centrais…): - A súa calidade, homologación de produtos, etc. - As súas características físicas e técnicas tales como parámetros de resposta, tipoloxía de sensor e curvas de resposta, etc. - Características como as da envolvente, tipoloxía de seguridade, encapsulado, facilidade de programación e comunicación das centralitas, etc. - No seu caso, a calidade da instalación dos cabreados e instalacións de comunicación inalámbrica no seu caso. -Memoria descritiva do programa de instalación, ata un máximo de 6 puntos. Analizarase o desenvolvemento dos traballos programados así como os traballos de comprobación da calidade de instalación e acabados. Os traballos que se avaliarán serán: • O proceso de retirada dos equipos de sensórica e cabreado existentes e a instalación dos novos de xeito que o Centro manteña un nivel óptimo de seguridade. • Proceso de retirada dos equipos de xestión da sinal existentes e a instalación dos novos de xeito que o Centro manteña un nivel óptimo de seguridade. • Proceso de retirada, almacenamento e xestión de residuos. • No caso de combinar sinais inalámbricas con transmisión vía hilo, deberá explicarse o proceso de instalación de xeito que se manteña la seguridade óptima do Centro. • Descrición da obra civil precisa e dos traballos a realizar. • Calquera outro traballo e/ou operación que se considere pertinente para a realización e bo acabado dos traballos. - Memoria descritiva do programa de ensaios e probas, ata un máximo de 6 puntos: Analizaranse e valorarase o desenvolvemento dos traballos de ensaio e probas plantexados polos licitadores. • Proceso de ensaio e proba dos sensores. • Proceso de ensaio e proba dos equipos de transmisión de sinal. • Proceso de ensaio e proba dos equipos de xestión de sinal. • Proceso de ensaio e proba da conexión e funcionamento cos ensaios do CIFP Carlos Oroza. • Realización de simulacro de incendios en distintos puntos do centro. • Calquera outro traballo e/ou operación que se considere pertinente para a realización e bo remate dos traballos de ensaio e proba. - Memoria descritiva do programa de formación, ata un máximo de 3 puntos: Valorarase o programa de formación, o seu calendario e a documentación a entregar. -Memoria descritiva do programa de mantemento, ata un máximo de 4 puntos: Valorarase o programa de mantemento ofertado pola empresa así como a súa duración. -Melloras respecto ao esixido no Prego de Prescricións Técnicas, ata un máximo de 10 puntos: As melloras deberán estar directamente relacionadas co obxecto do contrato. Valoraranse o incremento do número de redes a instalar cos seus respectivos detectores; melloras no sistema de comunicación home – sistema (dispositivos móbiles, outros dispositivos telemáticos, etc.); equipos e sistemas de detección e alarma non contemplados no PPT; equipos e sistemas de extinción de incendios, seguridade e desaloxo; Programas e realización do mantemento dos equipos. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C): Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 51 puntos, de conformidade cos seguintes criterios: • Valoración da oferta económica, ata un máximo de 35 puntos. • Menor prazo de subministración e instalación, ata un máximo de 4 puntos. • Menor prazo de probas, ata un máximo de 4 puntos. • Ampliación do período de garantía esixido, ata un máximo de 8 puntos. - Valoración da oferta económica, ata un máximo de 35 puntos: Valorarase a oferta económica presentada polos licitadores. - Menor prazo de subministración e instalación, ata un máximo de 4 puntos: Valorarase a redución que os licitadores fagan no prazo de subministración e instalación do material e equipos do NSDAI (Prazo máximo, 6 meses) *Deberá presentarse un cronograma descritivo no que se reflictan as diferentes fases dos traballos a desenvolver. O seu calendario, incluso diario e horario. Este documento presentarase xunto co Anexo II. Modelo de Proposición Económica. - Menor prazo de realización e proba das instalacións obxecto do proxecto, ata un máximo de 4 puntos: Enténdese como período de realización e proba das instalacións obxecto do proxecto o período comprendido entre o día posterior á sinatura do contrato entre a Deputación e a empresa adxudicataria do contrato e o día seguinte ós tres meses posteriores á recepción da instalación, ambos os dous incluídos. (prazo máximo, 3 meses). - Ampliación do período de garantía esixido, ata un máximo de 8 puntos: Valoraranse os meses de garantía que os licitadores oferten a maiores dos esixidos. (Mínimo esixido, 24 meses). Estes criterios valoraranse en función das fórmulas establecidas no anexo IV deste prego. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se achega no anexo III deste prego. 3. Compromiso do licitador de dedicar ou adscribir ao contrato os medios persoais e materiais suficientes necesarios para a debida execución do mesmo, aos que se refire o artigo 64.2 do TRLCSP. Notas importantes:  A xustificación acreditativa de tales requisitos deberán presentarse antes da adxudicación do contrato.  No caso de que a oferta dunha empresa se considere anormal ou desproporcionada (baixa temeraria) comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. 4. Compromiso do licitador de adscribir a execución do contrato un seguro de Responsabilidade Civil que cubra calquera incidencia que poida derivarse da execución do contrato. 5. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. 6.- Os empresarios que desexen concorrer integrados nunha unión temporal deberán presentar unha Declaración Responsable (Anexo III) por cada unha das empresas, así como indicar por escrito os nomes e as circunstancias dos que a constitúan e a participación de cada un deles, así como o compromiso de constituír formalmente a unión temporal no caso de resultar adxudicatarios. 7.- Declaración Xurada do licitador conforme se compromete a que a oferta que presenta en formato papel se corresponde exactamente coa que presenta en formato dixital. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel como en formato dixital. O formato dixital deberá presentarse en soporte CD ou DVD, coa seguinte etiqueta: EMPRESA NOME DE FICHEROS Oferta_Técnica.doc Oferta_Técnica.pdf A versión dixital se entregará nun único ficheiro cunha versión en formato .pdf e outra en formato .doc. Se existise algunha incongruencia entre a oferta presentada en papel e a presentada en formato dixital prevalecerá a primeira. O tipo de letra utilizado será Arial 10, excepto para os títulos, que será Arial 14 e Arial 16. Utilizarase un interliñado a 1,15 e o espazo entre parágrafos será de 0,6 puntos. Durante o proceso de valoración das ofertas non se terán en conta aquelas que non presenten toda a documentación no formato indicado anteriormente. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos, e na mesma orde dos especificados a continuación. Non presentar a seguinte estrutura ou engadir algún punto ademais dos indicados será motivo de exclusión. 1. Índice de documentos: Deberase incluír un índice numerado e foliado de todos os documentos, asinado e selado polo representante legal da empresa. 2. Memoria na que se describan e definan as características técnicas e de calidade dos equipos así como da instalación dos mesmos. 3. Memoria descritiva do programa de instalación. 4. Memoria descritiva do programa de ensaios e probas. 5. Memoria descritiva do programa de formación. 6. Memoria descritiva do programa de mantemento. 7. Memoria de melloras respecto ao esixido no Prego de Prescricións Técnicas. 8. Deberase indicar a parte do contrato que o empresario ten eventualmente o propósito de subcontratar, de conformidade co establecido na cláusula 16 deste prego. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición determinado no anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscaduras que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Na proposición indicaranse como partida independente o importe correspondente ó IVE. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) ........., maior de idade, veciño de ..........., con domicilio en ............., titular do DNI núm. .........., expedido en data ............, actuando en nome propio ou en representación da empresa ............ (CIF número..............) e con domicilio en ......., teléfono ..........., segundo declaro responsablemente, en coñecemento do anuncio para adxudicar mediante procedemento aberto o contrato correspondente á “Subministración e instalación de equipos destinados á renovación do sistema de detección e alarma de incendios do Centro Príncipe Felipe da Deputación de Pontevedra”: Primeiro. Declaro que na execución do contrato se cumprirán os deberes derivados das disposicións vixentes en materia de protección do emprego, condicións de traballo e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico - administrativas, que aceptamos na súa totalidade, coas seguintes condicións: - Prezo de licitación ofertado: Importe sen IVE: ……………………………….€ IVE (21%): ……………………………….€ Importe IVE incluído: ……………………………….€ - Prazo de subministración e instalación ofertado: ……….meses. * Xunto con esta proposta económica será obrigatorio presentar un cronograma descritivo no que se reflictan as diferentes fases dos traballos a desenvolver. O seu calendario, incluso diario e horario. -Prazo de probas ofertado: …………. meses - Período de garantía: Mínimo esixido 24 meses +Mellora ofertada respecto do mínimo esixido: …… meses: Total … meses.” ANEXO III. DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 ANEXO IV “FÓRMULAS PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Os criterios avaliables mediante fórmulas valoraranse cun máximo de 51 puntos. Utilizaranse as seguintes fórmulas para a valoración de cada un dos seguintes criterios: -Valoración da oferta económica, ata un máximo de 35 puntos • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que . 4. Fórmula completa para a valoración de ofertas 1. Definición de Wmax : 2. Definición de S:  Se : ,  Se : 3. Valoración das ofertas cando bmax > . Para i=1,…..,n:  Se entón: ,  Se entón: 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria. • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. B) Menor prazo de Subministración e instalación, ata un máximo de 4 puntos Valorarase a redución que os licitadores fagan do prazo de subministración e instalación do material e equipos do NSDAI (Prazo máximo, 6 meses) P = M x (C - O) / (C - B) P: PUNTUACIÓN O: OFERTA LICITADOR B: MELLOR OFERTA C: 6 MESES M: PUNTUACIÓN MÁXIMA ESTABLECIDA EN PREGO C) Menor prazo de realización e proba das instalacións obxecto do proxecto, ata un máximo de 4 puntos. Enténdese como período de realización e proba das instalacións obxecto do proxecto o período comprendido entre o día posterior á sinatura do contrato entre a Deputación e a empresa adxudicataria do contrato e o día seguinte ós tres meses posteriores á recepción da instalación, ambos os dous incluídos. (Prazo máximo, 3 meses) P = M x (C - O) / (C - B) P: PUNTUACIÓN O: OFERTA LICITADOR B: MELLOR OFERTA C: 3 MESES M: PUNTUACIÓN MÁXIMA ESTABLECIDA EN PREGO D)Ampliación do período de garantía esixido, ata un máximo de 8 puntos. Valoraranse os meses de garantía que os licitadores oferten a maiores dos esixidos. (Mínimo esixido, 24 meses) P = (M*(O-C) / (B-C)) Onde: P: Puntuación O: Oferta licitador B: Mellor oferta C: 24 meses M: Puntuación máxima establecida no elemento específico. ANEXO V “MODELO DE ACREDITACIÓN DE SOLVENICIA TÉCNICA DAS SUBMINISTRACIÓNS REALIZADAS ACREDITACIÓN DA SOLVENCIA TÉCNICA E PROFESIONAL RESPECTO DAS SUBMINISTRACIÓNS REALIZADAS POLA EMPRESA NOS ÚLTIMOS CINCO ANOS NOME DO CONTRATO Nº EXPEDIENTE Dª /D.………, con DNI núm. …….., en nome propio ou en representación da empresa …………, con NIF/CIF núm. ………………DECLARA que a relación das subministracións obxecto do presente contrato realizados nos últimos cinco anos son os que se recollen na seguinte táboa: Título do contrato Obxecto Data Importe do ano 2011 Importe do ano 2012 Importe do ano 2013 Importe do ano 2014 Importe do ano 2015 Importe total dos últimos 5 anos Destinatario Inicio Fin TOTALES ……………………………………., ….. de …………………… de ……….. (Lugar, data, sinatura e selo do licitador)” 8.24744.- APROBACIÓN DO EXPEDIENTE PARA A CONTRATACIÓN, MEDIANTE PROCEDEMENTO ABERTO, DO “SERVIZO DE FORMACIÓN E MENTORIZACIÓN DE XOVES EMPRENDEDORES NO MARCO DO PROXECTO DEPOEMPRENDE COFINANCIADO POLO FONDO SOCIAL EUROPEO (FSE)” (Expte. nº2016031729) Con data 26 de maio de 2016 a Fundación Instituto Cameral para a creación e desenvolvemento da empresa (Fundación INCYDE), comunicou que o comité de avaliación ás subvencións para a realización de itinerarios de emprendemento xuvenil financiado polo Fondo Social Europeo (FSE) decidiu aprobar o proxecto depoEMPRENDE liderado pola Deputación de Pontevedra en colaboración coas cámaras de comercio da provincia. Por todo o exposto, o xefe do Servizo de Promoción de Emprego e Desenvolvemento Local, solicita que se inicien os trámites para a contratación dos traballos para a prestación do servizo de formación e mentorización de mozos emprendedores , dentro do marco do proxecto depoEMPRENDE cofinanciado nun 91,89 % polo Fondo Social Europeo (FSE). Visto o informe do xefe do Servizo de Contratación de data 23/08/2016, no que determina a natureza xurídica do contrato e xustifica no expediente a elección do procedemento, sendo este un contrato administrativo de servizos non suxeito a regulación harmonizada. Resultando que polo Servizo de Contratación se elabora o proxecto do prego de condicións administrativas. Resultando que con data 25/08/2016 o Sr. Secretario Xeral informa o devandito proxecto de prego e posteriormente se traslada o expediente de contratación ó Servizo de Intervención para que fiscalice o mesmo nos termos previstos na Lei 47/2003, de 26 de novembro. Visto o informe de fiscalización, de data 29/08/2016, emitido polo Sr. Interventor no que se pon de manifesto as seguintes observacións e recomendacións: “Dado a data na que nos atopamos os prazos necesarios para a tramitación do expediente e que o prazo de finalización do proxecto remata a mediados do mes de decembro, debe terse en conta si se vai poder cumprir co obxecto do contrato, o cal pode dar lugar a existencia de responsabilidades no caso de perda da subvención. Asemade, tendo en conta o prazo de execución do contrato (30 días naturais) parece un prazo excesivamente curso para o desenrolo dos traballos que se pretenden realizar. No apartado 3 do Anexo I do prego de cláusulas económico-administrativas particulares recóllense varios criterios non avaliables mediante fórmulas. A pesares de que os mesmos veñen ponderados no citado prego, sinalar que no informe técnico de valoración das ofertas recollerse de forma clara as razóns nas que se fundamentan as puntuacións acadadas por cada licitador. Concretamente recóllense as “características da solución proposta” e a “xestión e desenvolvemento do proxecto”, nos cales se van valorar aspectos similares ou moi relacionados”. O citado informe conclúe indicando que “aínda que entendemos que vai a ser difícil o cumprimento do prazo infórmase favorablemente o expediente”. Considerando que a disposición adicional segunda do referenciado R.d.l. 3/2011, no seu apartado 1, faculta a Presidencia para actuar como órgano de contratación con competencia respecto deste contrato, e tendo en conta o disposto no artigo 185 do Real decreto lexislativo 2/2004, de 5 de marzo, polo que se aproba o Texto refundido da Lei reguladora das facendas locais e o establecido nas bases de execución do orzamento provincial, concretamente na Base 16ª. 2 a) a Xunta de Goberno acorda por unanimidade: 1.- Aprobar o expediente de contratación, para a adxudicación mediante procedemento aberto, do servizo de formación e mentorización de xoves emprendedores no marco do proxecto depoEMPRENDE cofinanciado nun 91,89 % polo Fondo Social Europeo (FSE), polo seguinte importe de licitación: Prezo sen IVE 119.395,17 € IVE 25.072,99 € Total 144.468,16 € 2.- Aprobar os pregos de cláusulas económico-administrativas e técnicas que rexerán en dito procedemento aberto. 3.- Autorizar o gasto con cargo a aplicación orzamentaria 16/240.2413.227.99 do vixente rzamento provincial. 4.- Iniciar o procedemento de adxudicación para a devandita contratación, concedendo un prazo de quince días naturais para a presentación de proposicións, contados a partir do día seguinte a publicación do anuncio no Boletín Oficial da Provincia, de conformidade co estipulado no artigo 159.2 do citado R.d.l. 3/2011. Dito prego é como segue: “PREGO DE CLÁUSULAS ECONÓMICO-ADMINISTRATIVAS PARTICULARES QUE REXERÁN A CONTRATACIÓN, MEDIANTE PROCEDEMENTO ABERTO, DO SERVIZO DE FORMACIÓN E MENTORIZACIÓN DE XÓVENES EMPRENDEDORES NO MARCO DO PROXECTO DEPOEMPRENDE COFINANCIADO POLO FONDO SOCIAL EUROPEO (FSE) Nº exp. 2016031729 1. OBXECTO O obxecto do contrato ó que se refire o presente prego é o servizo/s descrito/s no/s apartado/s 1 do/s anexo/s I, nos que se recollen as necesidades administrativas para satisfacer mediante o contrato, describindo as características do/s servizo/s e a forma de levar a cabo a prestación por parte do adxudicatario. No caso de que o procedemento aberto se divida por lotes haberá un anexo I por cada uns deles. O prego de prescricións técnicas particulares e o prego de cláusulas administrativas particulares revestirán carácter contractual. Se o contrato está dividido en lotes os licitadores poderán optar a un deles, a varios ou a todos, salvo que se estableza un número máximo de lotes por licitador, para o que se seguirá o estipulado no apartado 1 do Anexo I deste prego. 2. FINANCIAMENTO E ORZAMENTO DE LICITACIÓN Este contrato financiarase da maneira que se establece no apartado 1 do anexo I e distribuído nas anualidades previstas. O orzamento base de licitación do contrato é a cantidade expresada no apartado 1 do anexo I deste prego e inclúe na devandita contía todos os factores de valoración e gastos que, segundo os documentos contractuais e a lexislación vixente, son a conta do adxudicatario, así como os tributos de calquera índole. En todo caso indicarase como partida independente o importe do Imposto sobre o Valor Engadido (IVE). As proposicións presentadas que superen o orzamento base de licitación serán descartadas automaticamente. 3. RÉXIME XURÍDICO En todo o non previsto expresamente neste prego de condicións estarase ó disposto no Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público, modificada pola Lei 14/2013, de 27 de setembro, de apoio ós emprendedores e á súa internacionalización, o Real decreto lexislativo 817/2009, de 8 de maio, polo que se desenvolve parcialmente a LCSP e, no que sexa aplicable, no Real decreto 1098/2001, de 12 de outubro, polo que se aproba o Regulamento xeral da Lei de contratos das administracións públicas (en diante, RXLCAP) en todo o que non contradiga o TRLCSP, e en toda a demais normativa aplicable. O descoñecemento do contrato en calquera dos seus termos ou dos documentos anexos que forman parte deste non eximirá o contratista da obriga do seu cumprimento. O contratista acepta de forma expresa a submisión a estes pregos e á lexislación anteriormente citada. Supletoriamente aplicaranse as restantes normas do dereito administrativo e, na súa falta, as normas de dereito privado. O adxudicatario estará obrigado ó cumprimento, baixo a súa exclusiva responsabilidade, das disposicións vixentes sobre relacións laborais, seguridade social, protección de datos de carácter persoal e calquera outra de carácter xeral. 4. PROCEDEMENTO O contrato adxudicarase por procedemento aberto atendendo ao disposto nos artigos 138.2 e 157 a 161 do TRLCSP e se levará a cabo atendendo a un único criterio de valoración −prezo− ou ben a unha pluralidade de criterios, segundo o disposto no apartado 1 do anexo I deste prego e en aplicación do artigo 150 do TRLCSP, conforme ós termos e requisitos establecidos neste texto legal. O procedemento será obxecto da tramitación ordinaria, de conformidade cos artigos 109 e seguintes do TRLCSP. 5. PERFIL DO CONTRATANTE Co fin de asegurar a transparencia e o acceso público á información relativa á súa actividade contractual, en cumprimento do disposto no artigo 334 do Real decreto lexislativo 3/2011, de 14 de novembro, polo que se aproba o texto refundido da lei de contratos do sector público, e na disposición adicional terceira da Lei 20/2013, de 9 de decembro, de garantía da unidade de mercado, a partir do 15 de decembro de 2014 a Deputación de Pontevedra publicará todas as noticias, avisos e documentación relativa os seus procedementos de contratación no Perfil do Contratante integrado na Plataforma de Contratación do Sector Público do Estado (www.contrataciondelestado.es). Calquera dubida a cerca do prego de cláusulas administrativas que rexe esta contratación será dirixida e resolta a través da dirección de correo electrónico contratacion@depo.es. 6. CAPACIDADE PARA CONTRATAR Están capacitadas para contratar as persoas naturais ou xurídicas españolas ou estranxeiras que teñan plena capacidade de obrar e acrediten a correspondente clasificación e solvencia técnica que se dispoñan no apartado 2 do anexo I deste prego, nos termos que dispón o artigo 77 do TRLCSP e non se atopen incursas nalgunha das prohibicións que contempla o art. 60 da mencionada norma. A efectos da licitación os empresarios que desexen concorrer integrados nunha unión temporal deberán indicar os nomes e as circunstancias dos que a constitúan e a participación de cada un, ademais de asumir o compromiso de constituírse formalmente en unión temporal no caso de resultar adxudicatarios do contrato. A duración das unións temporais de empresarios coincidirá coa do contrato ata a súa extinción. A Administración poderá contratar unións temporais de empresas que se constitúan para o efecto (sen que sexa necesaria a súa formalización en escrituras públicas, ata que se concrete a adxudicación); estas empresas serán responsables solidarias ante a Administración e deberán nomear ante ela a un representante ou apoderado único da unión con poderes bastantes para exercitar os dereitos e cumprir os deberes que se deriven do contrato ata a extinción deste, sen prexuízo da existencia de poderes mancomunados que poidan outorgar para cobros e pagamentos dunha contía significativa. Estas empresas deberán ter por obxecto a realización de actividades que teñan relación directa co obxecto do contrato e dispor dunha organización dotada dos elementos persoais e materiais suficientes para a súa debida execución. 7. PRAZO DE EXECUCIÓN O prazo total de vixencia do contrato e os parciais, no seu caso, figuran no apartado 1 do anexo I deste prego. O contratista estará obrigado a cumprir o contrato na súa totalidade dentro do prazo ofertado, así como os prazos parciais sinalados. 8. INCUMPRIMENTO DO PRAZO Unha vez incumprido o prazo o contratista incorre automaticamente en demora, co que a Administración poderá optar entre a imposición de penalidades ou a resolución do contrato no caso de que estas alcancen o 5% do seu prezo. Os importes destas penalidades faranse efectivos mediante a súa dedución na facturación que se produza ou, de ser o caso, da garantía, e sen que a aplicación e pagamento destas exclúa a indemnización á que a Administración poida ter dereito por danos e perdas ocasionados polo atraso imputable ó contratista. 9. GARANTÍA DEFINITIVA O seu importe será do 5 % do prezo de adxudicación, excluído o IVE, e poderá constituírse en calquera das formas previstas nos artigos 95 e 96 do TRLCSP. A constitución da garantía definitiva deberá ser acreditada dentro dos dez días hábiles seguintes, contados desde o seguinte ó da recepción do correspondente requirimento. En caso de incumprilo, no prazo sinalado entenderase que o licitador retirou a súa oferta, procedéndose, neste caso, a lle solicitar a mesma documentación ó licitador seguinte pola orde en que quedasen clasificadas as ofertas. A garantía definitiva depositarase exclusivamente na Caixa da Deputación. 10. PRESENTACIÓN DE PROPOSICIÓNS; LUGAR E FORMALIDADES; DOCUMENTACIÓN 10.1. Lugar e prazo de presentación: - Presentación no Rexistro Xeral ou auxiliares da Deputación de Pontevedra: As proposicións presentaranse no Rexistro xeral da Deputación, na sede de Pontevedra, de luns a venres, de 8:30 a 14:30 horas e de 17:00 a 19:00 horas e os sábados de 9:00 a 13:00 horas, ou na sede de Vigo, de luns a venres de 9:00 a 14:00 horas, (o horario nos meses de xullo e agosto na sede de Pontevedra de luns a venres, será de 8:30 a 14:30 horas, sendo o do sábado o mesmo que o resto do ano), durante un prazo de quince días naturais (artigo 159.2 do TRLCSP), a contar desde o día seguinte á publicación do anuncio no Boletín Oficial da Provincia de Pontevedra (BOPPO). - Presentación mediante correo: Cando a documentación se envíe por correo o empresario deberá xustificar a data e a hora da imposición do envío e anunciarlle ó órgano de contratación a remisión da oferta mediante correo electrónico (contratacion@depo.es) ou mediante télex, fax (número 986 804 126) ou telegrama, sempre antes da terminación do prazo sinalado no anuncio. Sen o cumprimento deste tramite a documentación non será admitida se é recibida polo órgano de contratación con posterioridade á data e hora da finalización do prazo. No caso de ter presentada a documentación na oficina de correos e anunciado o envío ao órgano de contratación nos termos indicados e transcorridos dez días desde a data de finalización do prazo para presentación de proposicións, esta non tivese entrada no Rexistro Xeral da Deputación, non será admitida. - Presentación por calquera dos restantes procedementos establecidos no artigo 38.4 da Lei 30/92, de 26 de novembro, de réxime xurídico das administracións públicas e do procedemento administrativo común. O depósito do envío deberá ser anunciado ó órgano de contratación da mesma maneira sinalada no parágrafo anterior. Se non fose anunciado o envío, non se admitirá ningunha proposición que teña entrada no Rexistro Xeral da Deputación con posterioridade ao acto de apertura indicado no anuncio de licitación. Se o último día de presentación de proposicións coincidise en domingo ou festivo prorrogarase o prazo ata o primeiro día hábil seguinte a este. 10.2. Formalidades: Os contratistas interesados na licitación deberán presentar TRES sobres distintos, nos que se escribirá de forma lexible e visible, sen que sexa preciso abrilo para a súa lectura, o seguinte: - Sobre (A, B ou C) Poñer a letra en función do sobre correspondente - Núm. de expediente No caso de que se coñeza - Denominación do contrato - Nome do licitador - CIF - Dirección, correo-e e teléfono de contacto - Número de inscrición no rexistro de contratistas (se é o caso) A documentación que se debe incluír nestes sobres detállase no apartado 4 do anexo I deste prego. 11. MESA DE CONTRATACIÓN Estará integrada polos seguintes membros: Presidente: Deputado delegado pola Presidencia Vogais: - Un/ha Deputado/a do Grupo Provincial do PP - Un/ha Deputado/a do Grupo Provincial do BNG - O Deputado do Grupo Mixto - O secretario xeral - O interventor - O/A xefe/a do servizo xestor Secretario: O xefe do Servizo de Contratación 12. CUALIFICACIÓN DA DOCUMENTACIÓN XERAL, APERTURA DE PROPOSICIÓNS E CRITERIOS DE ADXUDICACIÓN DO CONTRATO Unha vez finalizado o prazo de presentación de proposicións constituirase a Mesa de Contratación e procederase á cualificación da documentación xeral achegada polos licitadores no sobre A. No caso de que sexa necesario o arranxo de erros ou omisións na documentación a Mesa de Contratación concederá un prazo máximo de 3 días hábiles para corrixir estes defectos. Posteriormente, a Mesa, ás once horas e trinta minutos do primeiro mércores seguinte ó día no que finalice o prazo sinalado para a presentación de plicas, sempre que transcorresen polo menos tres días hábiles desde a finalización do prazo, sinalará en acto público as que cualificasen como inadmitidas e admitidas e procederá á apertura do sobre B correspondente á documentación técnica valorable a través de criterios non avaliables mediante fórmulas, tal e como prevé o artigo 27 do Real decreto 817/2009, no que se desenvolve parcialmente a LCSP. No caso de que non haxan transcorrido eses tres días hábiles desde a finalización do prazo de presentación de plicas, o acto da mesa de contratación realizarase o mércores da semana seguinte. A devandita documentación seralles trasladada ós técnicos que se consideren oportunos, que a avaliarán e ponderarán seguindo os criterios de valoración establecidos no apartado 3 do anexo I. Unha vez avaliada esta documentación técnica sinalarase no perfil do contratante da Deputación de Pontevedra a data e a hora na que se procederá, en acto público, á apertura do sobre C da documentación correspondente á valoración de criterios avaliables mediante fórmulas. Para a valoración das cifras ou valores do sobre C aplicaranse os criterios establecidos no apartado 3 do anexo I deste prego. Unha vez aplicados estes criterios clasificaranse as propostas en orde decrecente de valoración e proporáselle ó órgano de contratación a adxudicación a favor do licitador coa oferta economicamente máis vantaxosa. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas, de conformidade co criterio establecido no anexo III deste prego, daráselle audiencia ó contratista, por un prazo máximo de cinco días hábiles, para que xustifique a valoración da oferta e precise as condicións desta, en particular no que se refire ó aforro que permita o procedemento de execución do contrato, as solucións técnicas adoptadas e as condicións excepcionalmente favorables de que dispoña para executar a prestación, a orixinalidade das prestacións propostas, o respecto das disposicións relativas á protección do emprego e as condicións de traballo vixentes no lugar en que se vaia realizar a prestación ou a posible obtención dunha axuda do Estado. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de contratación, considerando a xustificación efectuada polo licitador e os informes mencionados no apartado anterior, estimase que a oferta non pode cumprirse como consecuencia da inclusión de valores anormais ou desproporcionados acordará a adxudicación a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. 13. REQUIRIMENTO DE DOCUMENTACIÓN QUE DEBE PRESENTAR A EMPRESA COA OFERTA ECONOMICAMENTE MÁIS VANTAXOSA O órgano de contratación, unha vez avaliadas as propostas, a cuxo efecto poderá solicitar cantos informes técnicos estime pertinentes, clasificaraas por orde decrecente e requiriralle á empresa que presentase a oferta máis vantaxosa que dentro do prazo de dez días hábiles entregue a seguinte documentación: 13.1. Documentación acreditativa do cumprimento dos requisitos previos: De conformidade co disposto no TRLCSP (modificada pola Lei 14/2013 de 27 de setembro de apoio ao emprendedor) deberá presentarse a seguinte documentación: 1. A capacidade de obrar dos empresarios que fosen persoas xurídicas acreditarase mediante a escritura de constitución ou modificación, no seu caso, inscrita no Rexistro Mercantil, cando este requisito fose esixible segundo a lexislación mercantil que lle sexa aplicable. Se non o fose a acreditación da capacidade de obrar realizarase mediante escritura ou documento de constitución, estatutos ou acto fundacional, no que consten as normas polas que se regula a súa actividade, inscritos, no seu caso, no correspondente rexistro oficial. Cando se trate de empresarios non españois de estados membros da Comunidade Europea deberán acreditar a súa inscrición nos rexistros ou achegar as certificacións descritas no artigo 9 do Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Os demais empresarios estranxeiros deberán acreditar a súa capacidade de obrar cun informe da Misión Diplomática Permanente ou Oficina Consular de España no lugar do domicilio da empresa, no que se faga constar, previa acreditación por parte da empresa, que figuran inscritas no rexistro local profesional, comercial ou análogo, ou na súa falta, que actúan habitualmente no tráfico local no ámbito das actividades ás que se estende o obxecto do contrato. Ademais, deberán xustificar mediante informe da respectiva Misión Diplomática Permanente de España ou da Secretaría Xeral de Comercio Exterior do Ministerio de Economía e Facenda sobre a condición de estado signatario do Acordo sobre Contratación Pública da Organización Mundial de Comercio, nos casos previstos no Real decreto 1098/2001, de 12 de outubro, polo que se aproba do Regulamento xeral da Lei de contratos das administracións públicas (RXLCAP). Se é persoa física o documento que acredite a súa personalidade (Documento Nacional de Identidade para españois; pasaporte, autorización de residencia e permiso de traballo, no seu caso, ou calquera outro documento equivalente para estranxeiros). Se o asinante da proposición actúa en calidade de representante do licitador deberá achegarse o documento que acredite a personalidade deste representante (DNI para españois; pasaporte, autorización de residencia e permiso de traballo no seu caso, ou calquera outro documento equivalente para estranxeiros) e, ademais, poder bastanteado en Dereito ó seu favor, debidamente inscrito no rexistro oficial correspondente que habilite para concorrer á celebración de contratos coas administracións públicas. No caso de concorreren á licitación varias empresas constituíndo unha unión temporal cada unha delas deberá acreditar a súa personalidade e capacidade indicando os nomes e as circunstancias dos empresarios que subscriben as proposicións, a participación de cada unha delas designando a persoa ou entidade que, durante a vixencia do contrato, ha de desempeñar a representación da unión temporal ante a Administración. 2. Poder debidamente bastanteado: Os que comparezan ou asinen proposicións en nome doutro ou representen a unha persoa xurídica deberán presentar tamén unha escritura de poder debidamente bastanteado por un fedatario público. 3. Documentación acreditativa da solvencia económica, financeira e técnica: Os licitadores deberán acreditar a súa solvencia económica, financeira e técnica nos termos e polos medios que se especifiquen no anuncio de licitación e que se relacionan no apartado 2 do Anexo I deste prego. No mesmo apartado especifícanse os requisitos mínimos de solvencia en función dos medios de acreditación da solvencia económica, financeira e técnica. Para a determinación da solvencia das unións temporais de empresarios acumularanse as características acreditadas por cada un dos seus integrantes. Os licitadores poderán acreditar a súa solvencia baseándose na solvencia e medios doutras entidades, independentemente da natureza xurídica dos vínculos que teña con elas, sempre que demostre que para a execución do contrato dispón efectivamente deses medios. 13.2. Documentación necesaria para a adxudicación do contrato: O licitador coa oferta economicamente máis vantaxosa deberá presentar a seguinte documentación, de conformidade co disposto no artigo 151.2 do TRLCSP: 1) Certificación positiva expedida pola Tesourería da Seguridade Social ó abeiro dos artigos 14 e 15 do RXLCAP, que acredite que se atopa ó corrente no cumprimento das súas obrigas coa Seguridade Social. 2) Certificación positiva expedida pola Axencia Estatal da Administración Tributaria ó abeiro dos artigos 13 e 15 do RXLCAP que acredite que se atopa ó corrente do pagamento das súas obrigas tributarias. 3) Orixinal ou copia cotexada de alta no Imposto de Actividades Económicas na epígrafe correspondente ó obxecto do contrato, referida ó exercicio corrente, ou o último recibo acompañado dunha declaración responsable de que non se deu de baixa na matrícula do citado imposto. 4) Documentación acreditativa da efectiva disposición dos medios persoais e materiais que se comprometeu a adscribir á execución do contrato segundo o detallado no anexo I ao presente prego. 5) Documento que acredite a constitución da garantía definitiva. 6) Documento acreditativo do pagamento dos anuncios. 14. ADXUDICACIÓN O órgano de contratación terá alternativamente a facultade de adxudicarlle o contrato á proposición máis vantaxosa no seu conxunto si se atende a unha pluralidade de criterios ou á proposición que incorpore o prezo máis baixo cando este sexa o único criterio a considerar. A adxudicación acordarase en resolución motivada no prazo máximo de dous meses, contando desde a apertura das proposicións, cando para a adxudicación do contrato deban terse en conta unha pluralidade de criterios, e no prazo máximo de quince días, contando desde a apertura das proposicións, cando o único criterio de valoración sexa o prezo. Estes prazos ampliaranse en quince días hábiles no caso de que haxa que seguir os trámites sinalados nos artigos 152.3 do TRLCSP e 22.f do R.d. 817/2009, para as proposicións desproporcionadas ou anormalmente baixas. A adxudicación notificaráselles ós licitadores e, simultaneamente, publicarase no perfil do contratante do órgano de contratación, indicándose o prazo en que debe procederse á súa formalización. O órgano de contratación poderá declarar deserta a licitación, a proposta da Mesa de Contratación, cando non exista ningunha oferta ou proposición que sexa admisible de acordo cos criterios que figuran no prego. 15. NOTIFICACIÓNS ELECTRÓNICAS Con base no disposto no artigo 28 da 11/2007, de 22 de xuño, de acceso electrónico da cidadanía aos Servizos Públicos e no artigo 25 do Capítulo VII do Regulamento da Administración electrónica da Deputación de Pontevedra, se practicará as notificacións relativas aos procedementos de contratación de xeito electrónico a través da Plataforma de Contratación del Sector Público (https://contrataciondelestado.es). A tal efecto, os licitadores deberán presentar como documentación obrigatoria requirida no sobre A, unha Declaración Responsable (Anexo III do presente prego de cláusulas económico administrativas), na que deberán establecer a dirección de correo electrónico onde queira que se lle comuniquen as notificacións. Para acceder á comunicación, deberá estar rexistrado na Plataforma de Contratación do Sector Público con esa mesma dirección de correo electrónico e dispor dun certificado dixital de persoa física aceptado pola plataforma de validación (como o DNI electrónico ou o emitido pola Fábrica Nacional de Moeda e Timbre). Cando un órgano de contratación envíelle unha comunicación, vostede será informado desta circunstancia por medio dunha mensaxe de correo electrónico enviado á dirección que lle proporcionou a este efecto ao órgano de contratación. Ademais, cando acceda á Plataforma co seu usuario rexistrado mostraráselle un aviso na páxina de Inicio de que ten unha comunicación pendente de lectura. As notificacións entenderanse realizadas desde o momento no que a Deputación poña a disposición a comunicación do acto, requirimento, comunicación ou adxudicación na Plataforma de Contratos no Sector Público e transcorresen dez días naturais sen que se acceda ao seu contido, entenderase que a notificación foi rexeitada cos efectos previstos no artigo 59.4 da Lei 30/1992 de Réxime Xurídico e do Procedemento Administrativo Común e normas concordantes, salvo que de oficio ou a instancia da persoa destinataria poida comprobarse a imposibilidade técnica ou material do acceso. A Deputación de Pontevedra tamén publicará os actos que procedan no seu perfil do contratante. 16. SUBCONTRATACIÓN O contratista poderá concertar con terceiros a súa realización parcial, que quedará sometida ó cumprimento dos requisitos establecidos no apartado 2 do artigo 227 do TRLCSP. Deberase indicar na oferta a parte do contrato que se previu subcontratar, sinalando o seu importe e porcentaxe con respecto á totalidade do servizo e o nome ou o perfil empresarial, definido por referencia ás condicións de solvencia profesional ou técnica dos subcontratistas ós que se lles vaia encomendar a súa realización. A infracción destas condicións e a falta de acreditación da aptitude do subcontratista ou das circunstancias determinantes da situación de emerxencia ou das que fan urxente a subcontratación poderá dar lugar, en todo caso, á imposición ó contratista dunha penalidade de ata un 50 % do importe do subcontrato. Os subcontratistas non terán en ningún caso acción directa fronte á Administración contratante polos deberes contraídos con eles polo contratista como consecuencia da execución do contrato principal e dos subcontratos. O contratista deberá informar os representantes dos traballadores da subcontratación, de acordo coa lexislación laboral. En todo caso, no proceso de subcontratación deberán cumprirse as normas xerais sobre esta materia establecidas na Lei 32/2006, de 18 de outubro, reguladora da subcontratación no sector da construción e as súas normas de desenvolvemento, cuxas infraccións, conforme ó indicado no seu artigo 11, serán sancionadas con arranxo ó disposto no Texto refundido da Lei sobre infraccións e sancións na orde social, aprobado polo Real decreto lexislativo 5/2000, de 4 de agosto. PAGOS A SUBCONTRATISTAS E SUBMINISTRADORES O contratista debe abonar aos subcontratistas o prezo pactado nos prazos fixados que non poderán ser máis desfavorables que os previstos para as relacións entre a Administración e o contratista que de conformidade co artigo 216.4 son de trinta días. Dito prazo se computará desde a data de aprobación polo contratista principal da factura emitida polo subcontratista ao subministrador, con indicación da súa data e o período que corresponda. A aprobación ou conformidade ou no seu caso os motivos de desconformidade deberán outorgarse nun prazo máximo de trinta días desde a presentación da factura. No caso de demora no pago ao subcontratista o subministrador terá dereito ao cobro dos intereses de demora e a indemnización polos custos de cobro nos termos previstos na Lei 3/2004, de 29 de decembro. O contratista poderá pactar cos subministradores ou subcontratistas os prazos de pago superiores respectando os límites previstos no artigo 4.3 da Lei 3/2001 de 29 de decembro polo que se establecen as medidas de loita contra a morosidade nas operacións comerciais sempre que dito pacto non constitúa unha cláusula abusiva, e que, o pago se instrumente mediante un documento negociable que leve aparellada a acción cambiaría no que os gastos de desconto e negociación sexan por conta do contratista. Adicionalmente o subministrador ou subcontratista poderá esixir que o pago se garante mediante aval. As Administracións Públicas e demais entes públicos contratantes, poderán comprobar o estrito cumprimento dos pagos que os contratistas adxudicatarios dos contratos públicos, cualificados como tales no artigo 5 do TRLCSP, terán que facer os pagos correspondentes a todos os subcontratistas ou subministradores que participen nos mesmos. Os contratistas adxudicatarios remitirán ao ente contratante, cando este o solicite, unha relación detallada de aqueles subcontratistas ou subministradores que participen no contrato cando se perfecciones a súa participación, xunto con aquelas condicións de subcontratación da subministración de cada un deles que garde relación directa co prazo do pago, de conformidade co artigo 228 bis do TRLCSP. Asemade, deberán aportar, a solicitude do ente contratante, xustificante do cumprimento dos pagos aos subministradores ou subcontratistas, unha vez terminada a prestación dentro dos prazos de pago legalmente establecidos no artigo 228 e na Lei 3/2004 do 29 de decembro, e que non sexa de aplicación. Estas obrigas, que se incluirán nos anuncios de licitación, e nos correspondentes pregos de condicións ou nos contratos, consideraranse condicións esenciais de execución, cuxo cumprimento, ademais das consecuencias previstas polo ordenamento xurídico, permitirá a imposición das penalidades que a tal efectos conteñan os pregos. 17. REGRAS ESPECIAIS CON RESPECTO Ó PERSOAL LABORAL DA EMPRESA CONTRATISTA 1. Correspóndelle exclusivamente á empresa contratista a selección do persoal que, reunindo os requisitos de titulación e experiencia esixidos nos pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento deses requisitos. 2. A empresa contratista asume a obriga de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e o pagamento dos salarios, a concesión de permisos, licenzas e vacacións, as obrigas legais en materia de Seguridade Social, incluído o aboamento de cotizacións e o pagamento de prestacións, cando cumpra, as obrigas legais en materia de prevención de riscos laborais, o exercicio da potestade disciplinaria, así como cantos dereitos e obrigas se deriven da relación contractual entre empregado e empregador. 3. Os licitadores ou licitadoras poderán ser requiridos para indicar o convenio colectivo que lle é de aplicación aos traballadores e traballadoras que desenvolvan a actividade obxecto do contrato antes da adxudicación do mesmo ou en calquera momento durante a súa execución. No caso de resultar adxudicatarios terán a obriga de aboar, durante toda a execución do mesmo, o salario recollido no convenio colectivo de aplicación segundo a categoría profesional que lle corresponda ás persoas traballadoras, sen que en ningún caso os salarios a aboar poidan ser inferiores a aquel. 4. A empresa contratista velará especialmente por que os traballadores adscritos á execución do contrato desenvolvan o seu traballo sen se extralimitar nas funcións desempeñadas con respecto á actividade delimitada nos pregos como obxecto do contrato. 5. A empresa contratista estará obrigada a executar o contrato no lugar acordade, salvo que, excepcionalmente, sexa autorizada a prestar os seus servizos nas dependencias dos entes, organismos ou entidades que forman parte do sector público. Neste caso, o persoal da empresa contratista ocupará espazos de traballo diferenciados dos que ocupan os empregados públicos. Correspóndelle tamén á empresa contratista velar polo cumprimento desta obriga. No prego deberá facerse constar motivadamente a necesidade de que, para a execución do contrato, os servizos se presten nas dependencias dos departamentos, axencias, entes, organismos e entidades que forman parte do sector público. 6. A empresa contratista deberá designar polo menos un coordinador técnico ou un responsable, integrado no seu propio persoal, que terá entre as súas obrigas as seguintes: a) Actuar como interlocutor da empresa contratista fronte á entidade contratante, canalizando a comunicación entre a empresa contratista e o persoal integrante do equipo de traballo adscrito ó contrato, dun lado, e a entidade contratante, do outro, en todo o relativo ás cuestións derivadas da súa execución. b) Distribuír o traballo entre o persoal encargado da execución do contrato e impartirlles ós citados traballadores as ordes e instrucións que sexan necesarias en relación á prestación do servizo. c) Supervisar o correcto desempeño por parte do persoal integrante do equipo de traballo das funcións que teñan encomendadas, así como controlar a súa asistencia ó posto de traballo. d) Organizar o réxime de vacacións do persoal adscrito á execución do contrato. A ese efecto deberá coordinarse adecuadamente a empresa contratista coa entidade contratante para non alterar o bo funcionamento do obxecto do contrato. e) Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. 18. FORMALIZACIÓN DO CONTRATO A Administración e o contratista deberán formalizar o contrato nun documento administrativo dentro do prazo de quince días hábiles, a contar desde o día seguinte á notificación da adxudicación, constituíndo o devandito documento título suficiente para acceder a calquera rexistro público. No entanto, o contratista poderá solicitar que o contrato se eleve a escritura pública, correndo ó seu cargo os correspondentes gastos. Cando por causas imputables ó contratista non se formalizase o contrato dentro do prazo indicado, a Administración poderá acordar a súa resolución. Non poderá iniciarse a execución do contrato sen a súa formalización previa. 19. OBRIGAS DO CONTRATISTA O contratista deberá cumprir cos deberes derivados das disposicións legais, regulamentarias e convencionais vixentes en materia de protección do emprego, condicións de traballo, prevención de riscos laborais e Seguridade Social. 20. GASTOS ESIXIBLES Os gastos que orixine a publicación dos anuncios de licitación neste contrato, tanto nos correspondentes boletíns oficiais coma, no seu caso, na prensa, serán por conta do adxudicatario, sen que poida imputárselle á Administración contratante ningún pagamento por tal concepto e sen que estes gastos superen os dous mil euros(2.000,00 €). 21. RESPONSABLE DO CONTRATO A Deputación poderá designar un responsable do contrato, vinculado a esta institución, ó que lle corresponderá supervisar a súa execución, adoptar as decisións e ditar as instrucións necesarias para asegurar a correcta realización da prestación pactada. A designación ou non do responsable non eximirá o contratista da correcta execución do obxecto do contrato, salvo que as deficiencias sexan debidas a ordes directas deste, con expresa reserva escrita por parte do contratista, dirixida tanto ó propio responsable coma ó órgano de contratación. 22. EXECUCIÓN DO SERVIZO E RESPONSABILIDADE DO CONTRATISTA O contrato executarase segundo o establecido nas súas cláusulas e nos pregos, de acordo coas instrucións que para a súa interpretación lle dea ó contratista o órgano de contratación. O contratista será o responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. EXECUCIÓN DEFECTUOSA E DEMORA O contratista está obrigado a cumprir o contrato dentro do prazo fixado para a súa realización, así como os prazos parciais sinalados para a súa execución sucesiva. Se os servizo sufrisen un atraso na súa recepción, sempre que non lle fose imputable ó contratista e este ofreza cumprir os seus compromisos, o órgano de contratación concederá un prazo que será, polo menos, igual ó tempo perdido, a non ser que o contratista pida outro menor, de acordo co establecido no artigo 213.2 do TRLCSP, regulándose a súa petición polo establecido no artigo 100 do RXLCAP. Cando o contratista, por causas que poidan serlle imputables, incorrese en demora con respecto ó cumprimento do prazo total, a Administración poderá optar indistintamente pola resolución do contrato ou pola imposición das penalidades que figuran neste prego. Cada vez que as penalidades por demora alcancen un múltiplo do 5 % do prezo do contrato o órgano de contratación estará facultado para proceder á súa resolución ou acordar a continuidade da súa execución coa imposición de novas penalidades. Neste último suposto o órgano de contratación concederá a ampliación do prazo que estime necesario para a terminación do contrato. Así mesmo, a Administración terá as mesmas prerrogativas cando a demora no cumprimento dos prazos parciais faga presumir razoablemente a imposibilidade do cumprimento do prazo total. A aplicación e o pagamento destas penalidades non exclúen a indemnización á cal a Administración poida ter dereito por danos e perdas ocasionados con motivo do atraso imputable ó contratista. 23. MODIFICACIÓNS DO CONTRATO O órgano de contratación, aos efectos establecidos nos artigos 219.1 e 306 do TRLCSP, ostenta a prerrogativa de modificar o contrato obxecto do presente prego segundo o disposto no artigo 210 do TRLCSP. As modificacións do contrato poderán producirse, en cumprimento dos artigos 210 e 219.1 do TRLCSP, por razóns de interese público nos casos e na forma establecidos no Título V do Libro I, e de acordo co procedemento de exercicio de potestade de modificación do contrato regulado no artigo 211 do TRLCSP. No contrato poderá modificarse cando así estivese previsto nos documentos e nos termos expresados no artigo 106 ou nos casos e cos límites establecidos no artigo 107 do TRLCSP, de conformidade co disposto no artigo 105 do TRLCSP relativo aos supostos de modificacións de contratos: a) Modificacións previstas na documentación que rexe a licitación: A previsión da posibilidade da eventual modificación do contrato indicarase, de ser o caso, no prego, detallándose os supostos e condicións nas que o órgano de contratación poderá facer uso desa potestade, o seu alcance e límites, indicando a porcentaxe do prezo do contrato ao que como máximo pode afectar a modificación, e no procedemento. b) Modificacións non previstas na documentación que rexe a licitación: O contrato se poderá modificar sempre que se xustifique suficientemente a concorrencia dalgunha das circunstancias dispostas no artigo 107 do TRLCSP, seguindo o procedemento establecido ao efecto na normativa. Cando, como consecuencia dunha modificación, experimente variación o prezo do mesmo, deberase reaxustar a garantía definitiva, para que garde a debida proporción co novo prezo modificado. As modificacións do contrato deberán formalizarse conforme ao disposto no artigo 156 do TRLCSP. 24. GARANTÍA DOS SERVIZOS O prazo de garantía comezará a contar desde a data de recepción ou inicio do servizo. A garantía definitiva responderá dos seguintes conceptos: a) Das penalidades impostas ó contratista conforme ó artigo 212 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público. b) Da correcta execución das prestacións contempladas no contrato, dos gastos orixinados á Administración pola demora do contratista no cumprimento dos seus deberes e dos danos e perdas ocasionados a esta con motivo da execución do contrato ou polo seu incumprimento, cando non proceda a súa resolución. c) Da incautación que poida decretarse nos casos de resolución do contrato, de acordo co que no citado Real decreto lexislativo estea establecido. Durante este prazo de garantía o contratista terá dereito a coñecer e ser oído sobre a aplicación do servizo realizado. 25. RESOLUCIÓN DO CONTRATO O contrato poderá extinguirse por calquera das causas de resolución enumeradas nos artigos 223 e 308 do TRLCSP. 26. RECURSOS E XURISDICIÓN COMPETENTE As cuestións litixiosas que xurdan sobre a interpretación, modificación, resolución e efectos deste contrato serán resoltas polo órgano de contratación, cuxas resolucións esgotarán a vía administrativa, deixando expedita a vía xurisdicional, contencioso-administrativa, a teor do disposto na Lei reguladora da devandita xurisdición.” Ditos anexos son como seguen: ANEXO I “CARACTERÍSTICAS DO CONTRATO 1. DEFINICIÓN E CARACTERÍSTICAS DO CONTRATO 1.1. DEFINICIÓN E OBXECTO DO CONTRATO A prestación do servizo de formación e mentorización de xóvenes emprendedores no marco do proxecto DepoEMPRENDE, aprobado pola Fundación Incyde e cofinanciado nun 91,89 % polo Fondo Social Europeo (FSE). O contrato comprende a realización de 6 edicións de formación e mentorización que se realizarán de xeito paralelo en 6 localizacións da rede Incyde (Barro-Meis, Lalín, Tui, Pontevedra, Vigo e Vilagarcía de Arousa). Fase de formación: As accións formativas terán unha duración de 49 horas/alumno, das cales 43 horas serán grupales e 6 individuais para un total de 120 persoas beneficiarias. Fase de asesoramento e mentorización: A fase de mentorización terán unha duración de 7 horas e realizarase para 48 persoas beneficiarias. 1.2. PROCEDEMENTO División en lotes: non Cualificación do contrato: servizos CPV: 80400000 (Servizos de ensinanza para adultos e outros servizos de ensinanza) Categoría: servizos (Categoría 24 do Anexo II.-Servizos de educación e formación profesional). Trámite: ordinario Procedemento: aberto Órgano de contratación: Xunta de Goberno Prazo de presentación de ofertas: 15 días naturais (artigo 159.1 do R.d.l. 3/2011), a contar desde o día seguinte a publicación do anuncio no Boletín Oficial da Provincia de Pontevedra (BOPPO). 1.3. TIPO DE LICITACIÓN, ORZAMENTO MÁXIMO ESTIMADO DO CONTRATO E FINANCIAMENTO A) TIPO DE LICITACIÓN Formulación do prezo: A prezo fixo: Tipo de licitación (sen IVE): 119.395,17 € IVE (21%): 25.072,99 € Tipo de licitación (IVE incluído): 144.468,16 € B) FINANCIAMENTO Cadro de financiamento: Anualidade Aplicación orzamentaria Importe total con IVE 2016 240.2413.22799 144.468,16 € Revisión de prezos: Non procede en base a aplicación do novo réxime xurídico de revisión de prezos creado como consecuencia da disposición adicional 88ª da Lei 22/2013 de Orzamentos xerais do Estado para o 2014 que modifica o TRLCSP e establece, no ámbito de aplicación, que non cabe a revisión de prezos con base a índices xerais. En aplicación do novo réxime xurídico, tamén se estará ao o disposto na Lei 2/2015 de desindexación da economía española que admite revisión periódica e predeterminada nos contratos de obras, contratos de subministracións de fabricación de armamento e equipamento das administracións públicas, nos contratos nos que o período de recuperación da inversión sexa igual ou superior a 5 anos ou custes relativos a man de obra. 1.4. PRAZO DE EXECUCIÓN O prazo de execución do contrato será de 30 días naturais. 1.5. RÉXIME DE PAGAMENTO Forma de pagamento: O pago do contrato realizarase contra a presentación da correspondente factura unha vez finalizados as prestacións obxecto do contrato, coa conformidade da Deputación de Pontevedra. Lugar de presentación e forma da factura: As facturas de importe superior a 5.000,00 € deberán ser presentadas polo adxudicatario en formato electrónico a través da Sede Electrónica da Deputación de Pontevedra (sede.depo.es) en tempo e forma a efectos de que o órgano administrativo ao que corresponda, proceda a súa tramitación (máis información en https://sede.depo.es). Nas facturas deberase indicar os código DIR 3 que identifican o procedemento, o CIF e nº de expediente que se relacionan a continuación: Administración: L02000036 (CIF: P3600000H) Órgano xestor: LA0007802; Unidade Tramitadora: LA0006135; Oficina Contable: LA0006135 Nº Expediente: 2016031729 Se xunto coa factura o adxudicatario ten que presentar outros documentos xustificativos do traballo realizado, o fará achegando os documentos xustificativos a través do sistema de facturación da Deputación de Pontevedra. 1.6. GARANTÍAS Provisional: non se esixe. Definitiva: 5 % do prezo de adxudicación do contrato (IVE excluído). Prazo da garantía: a duración do contrato. 1.7. PENALIZACIÓNS No caso de incumprimento defectuoso da prestación obxecto do contrato ou para o suposto de incumprimentos dos compromisos ou das condicións especiais que se estableceron nos pregos conforme os artigos 64.2 e 118.1 do TRLCSP, así como as condicións ofertadas polo contratista, cando non proceda a resolución do contrato, implicará a aplicación das penalidades previstas no presento prego e cando así proceda as previstas no artigo 212 do TRLCSP que deberán ser proporcionais á gravidade do incumprimento e a súa contía non poderá ser superior ao 10% do orzamento do contrato. Considéranse obrigas esenciais do contrato as seguintes: 1.- Incumprimento nos pagos a subcontratistas e provedores, os deberes derivados das disposicións legais, regulamentarias e convencionais vixentes en materia laboral, de protección de emprego, condicións de traballo, prevención de riscos laborais, de seguridade social e de seguridade e saúde no traballo. 2.- Incumprimentos no equipo humano adscrito o programa ou falsidade no nivel de coñecementos técnicos do persoal ofertado. 3.- A modificación do contrato sen a previa autorización da administración. As penalidades faranse efectivas mediante a súa dedución da factura, respondendo a garantía definitiva, en todo caso, da súa efectividade. Os incumprimentos do adxudicatario tipificaranse como faltas leves ou faltas graves e impoñeranse as seguintes sancións: Faltas Leves: Consideraranse faltas leves calquera circunstancia relacionada co incumprimento das condicións establecidas nos pregos ou na oferta do adxudicatario que tras o requirimento da administración non son atendidas polo adxudicatario nun prazo de 5 días. A penalidade se determinará mediante informe motivado do órgano de contratación e será do 5 % do importe da factura. Faltas graves: Consideraranse faltas graves o incumprimento das obrigas esenciais do contrato indicadas anteriormente así como a comisión de dúas ou mais faltas leves nun período dun mes. A penalidade se determinará mediante informe motivado do órgano de contratación e será do 10 % do importe da factura. PROCEDEMENTO DE IMPOSICIÓN DE PENALIZACIÓNS As penalidades ou multas coercitivas impoñeranse por acordo do órgano de contratación, adoptada a proposta do responsable do contrato que se poderán executar sobre as facturas ou no seu defecto sobre a garantía depositada. No suposto de incumprimentos previsto no TRLCSP, que poidan dar orixe á resolución do contrato, a tramitación do correspondente expediente axustarase ao disposto no artigo 225 do TRLCSP. 2. SOLVENCIA ECONÓMICA, FINANCIERIA E TÉCNICA (documentación que se debe presentar na fase de requirimento, segundo figura na cláusula 14.1 do prego económico administrativo) Clasificación: non se esixe. Acreditación da solvencia económica, financeira e técnica A) Solvencia económica e financeira: Deberase acreditar un volume anual de negocios referido ao ano de maior volume de negocio dos tres últimos exercicios concluídos por un importe mínimo dunha vez e media o valor estimado do contrato. Documentación a presentar: a) No caso de entidades con personalidade xurídica propia (sociedades mercantís): - Contas anuais dos tres últimos anos presentadas no Rexistro Mercantil ou no rexistro oficial que corresponda, e/ou os modelos 200 (Declaración-liquidación do Imposto sobre Sociedades) dos tres últimos anos. b) No caso de titulares de actividades económicas no ámbito do Imposto sobre a Renda das Persoas Físicas (IRPF): b.1) Empresarios e profesionais con tributación do IRPF mediante o método de estimación directa normal ou simplificada. - Libro rexistro de vendas e ingresos dos tres últimos anos (debendo estar debidamente legalizados para aqueles que teñan a dita obriga). - Modelo 390 (declaración resumo anual IVE) dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos tres últimos anos. b.2) Empresarios e profesionais con tributación do IRPF mediante o método de estimación obxectiva. - Libro rexistro de vendas e ingresos dos tres últimos anos e/ou modelo 100 (documento de ingreso ou devolución da declaración do Imposto sobre a Renda das Persoas Físicas) dos últimos tres anos. - Declaración responsable asinada polo representante legal que acredite que o libro de rexistro de vendas e ingresos reflicte a imaxe fiel da actividade económica da empresa. No caso de non dispor do libro de rexistro de vendas e ingresos, a declaración debe acreditar que o rendemento neto da actividade reflicte a imaxe fiel da actividade económica da empresa. B) Solvencia técnica: Para acreditar a solvencia técnica o licitador deberá presentar os seguintes documentos: Relación dos principais servizos realizados no curso dos cinco últimos anos relacionados co obxecto do contrato; nestes certificados indicaranse o importe, as datas e o destinatario, público ou privado, e precisarase si se realizaron segundo as regras polas que se rexe a profesión e se levaron normalmente a bo termo (cumprimentar o Anexo V do presente prego). Os servizos efectuados acreditaranse mediante certificados expedidos ou visados por un único órgano competente cando o destinatario sexa unha entidade do sector público ou, por este, a falta de este certificado, mediante unha declaración do empresario; no seu caso, estes certificados comunicarallo directamente ó órgano de Contratación a autoridade competente. O importe destes contratos xustificados no ano de maior execución (sen incluír o Imposto sobre o Valor Engadido) debe ser igual ou superior ó 70% do valor estimado do contrato ou da súa anualidade media se esta é inferior ao valor estimado do contrato. Nota: Considérase como valor estimado do contrato o importe total, sen incluír o Imposto sobre o Valor Engadido. 3. CRITERIOS DE ADXUDICACIÓN DO CONTRATO Pluralidade de criterios: si Para a valoración das proposicións e a determinación da oferta economicamente máis vantaxosa atenderase ós seguintes criterios, directamente vinculados ó obxecto do contrato: 3.1. Enumeración dos criterios non avaliables mediante fórmulas (sobre B). Os criterios non avaliables mediante fórmulas valoraranse cun máximo de 49 puntos, de conformidade co seguinte: - Características da solución proposta, ata un máximo de 25 puntos. - Xestión e desenvolvemento do proxecto, ata un máximo de 10 puntos. - Equipo de traballo, ata un máximo de 14 puntos. 3.1.1. Características da solución proposta, ata un máximo de 25 puntos: Neste punto valorarase o grado de desenvolvemento e madurez da metodoloxía para a prestación de cada unha das fase do proxecto, así como a proposta inicial das actividades que se van a realizar. 3.1.2. Xestión e desenvolvemento do proxecto, ata un máximo de 10 puntos: Valorarase a proposta metodolóxica de xestión do proxecto, a proposta organizativa para a dirección e a xestión, o plan de traballo atendendo ao cronograma de actividades proposto, a relación de recursos técnicos asociados a cada actividade, a metodoloxía de seguimento, a proposta de entregables e o seu axuste ás necesidades do proxecto o plan de calidade proposto polo licitador así como as certificacións de calidade achegadas por este. 3.1.3. Equipo de traballo, ata un máximo de 14 puntos: Valoraranse os perfiles profesionais incluídos no proxecto, incluíndo as labores a realizar por cada un deles, o número de persoas e a porcentaxe de dedicación o contrato por cada perfil. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta económica ofertada polo licitador. Toda referencia relacionada cos criterios de avaliación mediante fórmulas presentarase única e exclusivamente no sobre C. O incumprimento deste precepto traerá consigo a exclusión da oferta no proceso de licitación. 3.2. Enumeración dos criterios avaliables mediante fórmulas (sobre C): Nota importante: só se procederá á apertura e valoración das propostas do sobre C das empresas que obteñan unha ponderación dos criterios avaliables mediante xuízos de valor que superen os 30 puntos. Os criterios avaliables mediante fórmulas valoraranse cun máximo de 51 puntos, de conformidade cos seguintes criterios: 3.2.1. Menor prezo ofertado, ata un máximo de 21 puntos: Valorarase o prezo ofertado polo licitador. 3.2.2. Melloras propostas pola Deputación de Pontevedra, ata un máximo de 30 puntos. Valoraranse as seguintes melloras: 3.2.2.1. Ampliación do número de horas presenciais de formación individual por participante, ata un máximo de 15 puntos. 3.2.2.2. Ampliación do número de horas de asesoramento individual por participante na fase de asesoramento e mentorización, ata un máximo de 15 puntos. Estes criterios valoraranse en función das fórmulas establecidas no anexo IV deste prego. Entenderase por ofertas admitidas todas aquelas que non quedasen excluídas unha vez realizado o exame da documentación administrativa contida no sobre A e de valoración técnica do sobre B. 4. DOCUMENTACIÓN QUE SE DEBE PRESENTAR SOBRE A: DOCUMENTACIÓN ADMINISTRATIVA Este sobre conterá os seguintes documentos: 1. Unha relación de todos os documentos incluídos neste sobre. 2. Declaración responsable subscrita pola persoa que asine a proposición, de acordo co modelo que se adxunta no anexo III deste prego. En caso de concorrer á licitación varias empresas constituíndo unha unión temporal cada unha delas deberá achegar unha declaración responsable, así como un documento indicando os nomes e circunstancias dos empresarios que subscriben as proposicións, a participación de cada unha delas, designando á persoa ou entidade que, durante a vixencia do contrato, ostentará a representación da unión temporal ante a Administración. 3. Compromisos do licitador de dedicar ou adscribir ao contrato os medios persoais e materiais suficientes necesarios para a debida execución do mesmo, aos que se refire no artigo 64.2 do TRLCSP nos que se atoparán, como mínimo, os especificados nos pregos. Asemade, no compromiso débese especificar que se adscribirá, como mínimo, o seguinte equipo humano:  1 Xefe de proxecto, será o responsable máximo por parte da empresa adxudicataria. Terá experiencia contrastada en xestión de proxectos e deberá acreditar, como mínimo:  Titulación superior.  Experiencia profesional superior a 10 anos.  Experiencia mínima de 5 anos na realización de proxectos para calquera Administración pública.  Experiencia mínima de 3 anos na realización de proxectos de formación en emprendemento.  Un número de docentes expertos na materia necesarios para a impartición da formación incluída no contrato, e como mínimo tres docentes. Os docentes deberán cumprir os criterios de homologación establecidos pola fundación Incyde cunha puntuación total de polo menos 40 puntos, de acordo co seguinte baremo: Formación: - Formación superior afín a materia a impartir 15 puntos - Formación afín a materia a impartir 10 puntos Experiencia profesional na materia: - Mais de 5 anos de experiencia 25 ptos - Mais de 2 e ata 5 anos de experiencia 15 ptos - Entre 1 e 2 anos de experiencia 5 ptos Experiencia docente na materia: - Mais de 5 anos de experiencia 25 ptos - Mais de 2 e ata 5 anos de experiencia 15 ptos - Entre 1 e 2 anos de experiencia 5 ptos 4.- Declaración responsable de dispoñer dun seguro de accidentes para os participantes das accións que requiran presenza física durante o prazo de duración das mesmas. Notas importantes: o A xustificación acreditativa do cumprimento de tales requisitos deberán presentarse antes da adxudicación do contrato. A administración poderá requirir, antes da adxudicación do contrato ou durante a execución do mesmo, o convenio colectivo que será de aplicación aos traballadores e traballadoras, así como a xustificación do cumprimento da obriga de presentar a información que acredite a aplicación efectiva do convenio aos ditos traballadores e traballadoras. o No caso de que a oferta dunha empresa se considere anormal ou desproporcionada (baixa temeraria) comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. 5. As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que de modo directo ou indirecto poidan xurdir do contrato, con renuncia, se é o caso, ó foro xurisdicional estranxeiro que puidese corresponderlle ó licitador. En todo caso, as empresas estranxeiras presentarán os documentos debidamente traducidos de forma oficial ó castelán ou galego. SOBRE B: DOCUMENTO CORRESPONDENTE Á VALORACIÓN DE CRITERIOS NON AVALIABLES MEDIANTE FÓRMULAS As ofertas deberán presentarse tanto en formato papel como en formato dixital. A oferta deberá estar paxinada e conter un índice detallado. O formato dixital deberá presentarse en soporte CD ou DVD, coa seguinte etiqueta: EMPRESA NOME DOS FICHEIROS Oferta_Técnica.doc Oferta_Técnica.pdf Cronograma.mpp A versión dixital se entregará nun único ficheiro cunha versión en formato .pdf e outra en formato .doc. O tipo de letra utilizado será Arial 12, excepto para os títulos, que será Arial 14 e Arial 16. Utilizarase un interliñado a 1,15 e o espazo entre parágrafos será de 6 puntos. Durante o proceso de valoración das ofertas non se terán en conta aquelas que non presenten toda a documentación no formato dixital indicado anteriormente. As ofertas técnicas que presenten os licitadores deberán contemplar de maneira obrigatoria e exclusiva os seguintes puntos, e na mesma orde dos especificados a continuación. Non presentar a seguinte estrutura ou engadir algún punto ademais dos indicados será motivo de exclusión. INDICE 1. Introdución: Deberase realizar un pequeno resumo da oferta presentada polo licitador. 2. Obxecto e alcance: Describiranse os obxectivos do proxecto, O alcance e o esquema xeral da solución proposta 3. Características da solución proposta: Deberá conter unha descrición dos seguintes aspectos: Formación: Descrición da metodoloxía e actividades a realizar na fase de formación. O conxunto de características propostas neste apartado deberá axustarse aos requirimentos especificados no Prego de Prescricións Técnicas. Asesoramento e mentorización: Descrición da metodoloxía e actividades a realizar na fase de asesoramento e mentorización. O conxunto de características propostas neste apartado deberá axustarse aos requirimentos especificados no Prego de Prescricións Técnicas. 4. Xestión e desenvolvemento do proxecto: 4.1 Metodoloxía de xestión e control do proxecto. Describirase a metodoloxía de xestión e control do proxecto proposta polo licitador 4.2 Órganos de dirección e xestión do proxecto: Describirase a proposta organizativa para a dirección e xestión do proxecto 4.3 Plan de traballo. Describirase o plan de traballo detallado para desenvolver as tarefas solicitadas; indicando a duración de cada unha das fases e as tarefas que conforman o proxecto xunto co prazo de execución. Para cada actividade se deberán especificar as principais tarefas a realizar, os tempos estimados e perfiles asociados a súa realización con porcentaxe de participación.  Cronograma global incluíndo todas as actividades (diagrama de Gantt).  Para cada actividade se deberán especificar as principais tarefas a realizar, tempos estimados e perfís asociados á súa realización. 4.4 Seguimento e control da execución do proxecto: Descrición da metodoloxía de seguimento e control do proxecto proposto polo licitador. 4.5 Entregables: Información detallada da documentación que se achegará no proxecto, de conformidade co establecido na cláusula 5.5 do prego de prescricións técnicas. 4.6 Plan de calidade: Descrición do plan de calidade que incluirá unha descrición detallada da metodoloxía de control de calidade que se vai a aplicar dentro do ámbito do proxecto e certificados de calidade que a empresa teña vixentes no momento da presentación da oferta a maiores dos mínimo esixido. 5. Equipo de traballo: O licitador deberá detallar o equipo de traballo proposta para a realización dos traballos incluídos no presente procedemento, indicando:  Perfís incluídos no proxecto e descrición das principais funcións a realizar dentro do mesmo.  Para cada perfil se deberá indicar o número de recursos asignados ao proxecto e a porcentaxe de dedicación dentro deste.  Curriculum vitae detallado de cada profesional incluído no equipo de traballo. 6. Información adicional: Calquera outra documentación relacionada co contrato que desexe a achegar o licitador. 7. Deberase indicar a parte do contrato que o empresario ten eventualmente o propósito de subcontratar, de conformidade co establecido na cláusula 16 deste prego. NOTA MOI IMPORTANTE: na documentación que se presente no sobre B non se poderá incluír ningún dato que permita intuír a proposta presentada nos criterios avaliables de forma automática (sobreC). O incumprimento deste requisito implicará a exclusión do procedemento. SOBRE C: DOCUMENTO CORRESPONDENTE Á VALORACIÓN DE CRITERIOS AVALIABLES MEDIANTE FÓRMULAS Presentarase pechado e co seguinte documento: Modelo de proposición determinado no anexo II. Modelo de proposición deste prego, asinado e selado. Este modelo conterá a oferta económica que se realice. Non se aceptarán propostas que conteñan omisións, erros ou riscos que impidan coñecer claramente o que a Administración estime fundamental para considerar a oferta. Se algunha proposición non gardase concordancia coa documentación examinada e admitida, excedese o orzamento base de licitación, variase substancialmente o modelo establecido, comportase erro manifesto no importe da proposición ou se existise recoñecemento por parte do licitador de que adoece de erro ou inconsistencia que a fagan inviable poderá ser descartada pola Mesa de Contratación. Así mesmo, cando para a selección do contratista se atenda a unha pluralidade de criterios incluirase neste sobre a documentación relativa a aqueles criterios avaliables mediante fórmulas establecidas nos pregos.” ANEXO II “MODELO DE PROPOSICIÓN (SOBRE C) (Nome e apelidos) ................., maior de idade, veciño de ....................., con domicilio en ........................, titular do DNI número ...................., actuando en nome propio ou en representación da empresa ............. (CIF número......................) e con domicilio en ..............……..,teléfono ….................., segundo declaro responsablemente, en coñecemento do anuncio para adxudicar mediante procedemento aberto o contrato correspondente ao servizo (especificar denominación da servizo): Primeiro. Declaro que na execución do contrato se cumprirán coas disposicións legais, regulamentarias e convencionais vixentes e que resulten de aplicación en materia laboral, seguridade social, seguridade e saúde no traballo, de protección do emprego e prevención de riscos laborais. Segundo. Comprométome ó servizo, con estrita suxeición ós pregos de prescricións técnicas e condicións económico-administrativas, que aceptamos na súa totalidade, coas seguintes condicións: 1.- Prezo ofertado: Importe sen IVE: ……………………………….€ IVE (21%): ……………………………….€ Importe IVE incluído: ……………………………….€ 2.-Ampliación do número de horas presenciais de formación individual por participante, sobre o mínimo establecido nos pregos: Ampliación a 7 horas: SI NON 3.- Ampliación do número de horas de asesoramento individual por participante na fase de asesoramento e mentorización, sobre o mínimo establecido nos pregos: Ampliación a 8 horas: SI NON ……………………………., ….. de …………………… de ……….. (Lugar, data, sinatura e selo do licitador)” ANEXO III DECLARACIÓN RESPONSABLE (SOBRE A) Nota: este modelo pode descargarse en formato PDF para cubrir na área de descargas do seguinte enderezo web: http://www.depo.es/web/edepo/contratacion1 ANEXO IV FÓRMULAS PARA A VALORACIÓN DOS CRITERIOS AVALIABLES MEDIANTE FÓRMULAS (SOBRE C) Entenderanse por ofertas admitidas todas aquelas que non quedaran excluídas unha vez realizado o exame da documentación administrativa contida no sobre A e de valoración técnica do sobre B. A) Prezo ofertado, ata un máximo de 21 puntos Para o cálculo da puntuación do prezo a fórmula a utilizar será a seguinte: • P: prezo de licitación • N: número de ofertas • O1, O2,….,On: valor das n ofertas, • B1, B2,….,Bn: baixas absolutas (Bi=P-Oi, i=1,…., n), • b1, b2, ….., bn: baixas porcentuais con respecto a • bmax,bmin: baixas porcentuais máxima e mínima, • bm: baixa porcentual media • Vmax: máxima valoración posible • Wmax: máxima valoración de acordo coas ofertas presentadas • Wi: valoración previa da oferta i-ésima entre 0 e Wmax, i=1, ….., n • Vi: valoración final da oferta i-ésima entre 0 e Vmax, i=1, ….., n Nota. Dado que as baixas negativas corresponderían a ofertas superiores ó prezo de licitación (e por tanto, non admisibles), suponse que as baixas bi son iguais ou maiores que cero. 1. Valoración máxima inicial de acordo coas ofertas presentadas 2. Valoración previa entre 0 e Wmax Unha puntuación inicial Wi da oferta i-ésima calcúlase por interpolación a intervalos do seguinte modo (ver figura 1): • Se (oferta entre o prezo de licitación –baixa nula– e a oferta media) entón a súa valoración é proporcional entre os valores • Se bi>bm (baixa superior a baixa media) entón a súa valoración é proporcional entre e Wmax 3. Valoración final entre 0 e Vmax En xeral as puntuacións iniciais anteriores resultan moi pequenas, sobre todo cando as ofertas son moi iguais. Polo tanto, as baixas non terían moito peso na adxudicación dos contratos ou concursos. Proponse unha alternativa de reescalado das variacións previas para trasladar as puntuacións ó intervalo [0, Vmax], sumando a cada valoración previa unha cantidade S quasi-proporcional á baixa: • Se : • Se : A valoración final das ofertas obtense agora do modo seguinte: , =l,….., n Entendéndose que a puntuación máxima Vmax só se atende se a baixa máxima (bmax) é igual ou superior ó 20 % (figura 2). Nota. No caso particular en que todas as ofertas sexan iguais en prezo de licitación tense b1= b2= …..= bn = bm =bmax =0 polo que as valoracións anteriores non son válidas (se teñen divisións por cero). Neste caso, acordamos outorgar a todas elas unha puntuación nula (Vi=0). Na práctica esta situación tamén se produce cando as baixas son todas moi pequenas aínda que non sexan exactamente cero. Por iso propomos dar unha puntuación nula a todas as ofertas sempre que . 4. Fórmula completa para a valoración de ofertas 1. Definición de Wmax : 2. Definición de S:  Se : ,   Se : 3. Valoración das ofertas cando bmax > . Para i=1,…..,n:  Se entón ,  Se entón 4. Valoración das ofertas cando  Para ,…..,n: PRESUNCIÓN DE OFERTAS CON VALORES ANORMAIS OU DESPROPORCIONADOS (BAIXA TEMERARIA) Para os efectos de consideración de presunción de ofertas con valores anormais ou desproporcionados considerarase que están incursas nesta situación aquelas cuxa porcentaxe de baixa exceda as porcentaxes que se sinalan a continuación, en función do número de empresas presentadas e admitidas a procedemento: - Unha oferta: será anormal se a súa baixa porcentual é superior ó 25% do prezo de licitación. - Dúas ofertas: unha das ofertas será anormal se a súa baixa porcentual é superior á doutra en máis de 20 unidades. - Tres ofertas: serán anormais aquelas que teñan baixas porcentuais superiores en máis de 10 unidades á media aritmética das baixas porcentuais das baixas admitidas. Con todo, excluirase para o cómputo da dita media a oferta coa baixa porcentual máis pequena cando sexa inferior en máis de 10 unidades a esa media. En calquera caso, consideraranse anormais todas as ofertas con baixas porcentuais superiores ó 25% do prezo de licitación. - Catro ofertas ou máis: consideraranse temerarias aquelas ofertas con baixas porcentuais que sexan superiores en máis de 10 unidades á media das baixas porcentuais das ofertas admitidas. No entanto, se entre elas existen baixas porcentuais inferiores en máis de 10 unidades a dita media, calcularase unha nova media só coas ofertas que non estean no suposto indicado. En todo caso, se o número das restantes ofertas é inferior a tres, a nova media calcularase sobre as tres ofertas de menor contía (maior baixa porcentual). • n = 1: se b1 > 25, entón a oferta 1 (única) é temeraria. • n = 2: supoñemos que . Se entón a oferta 2 é temeraria. Obsérvese que a condición equivale a porque: • n = 3: supoñemos que b1 ≤ b2 ≤ b3. Sexa definida como: = (b2 + b3) se b1 < bm - 10 bm en caso contrario Para i = 1,2,3, se b1 >25 ou b1 > + 10 a oferta i é temeraria. • N ≥ 4: supoñemos que b1 ≤ b2 ≤ ….≤ bn. Se b1 < bm – 10 sexa 1 ≤ l ≤ n tal que b1 ≤ b2 ≤ ….≤ b1 < bm – 10, bl+1 ≥ bm – 10 Definimos: = se e se e , bm si Para i = 1,2,……,n, se b1 > b*m + 10 a oferta i é temeraria. Cando a Mesa de Contratación presuma fundadamente que a proposición non se poida cumprir como consecuencia das baixas anormais ou desproporcionadas daráselle audiencia ó contratista por un prazo máximo de cinco días hábiles para que xustifique a valoración da oferta e precise as súas condicións, en particular no que se refire ó aforro que permita o procedemento de execución do contrato, ás solucións técnicas adoptadas e ás condicións excepcionalmente favorables de que dispoña para executar a prestación, á orixinalidade das prestacións propostas, ó respecto das disposicións relativas á protección do emprego e ás condicións de traballo vixentes no lugar en que se vaia realizar a prestación, ou a posible obtención dunha axuda do Estado. Comprobarase o cumprimento das disposicións relativas a protección do emprego e as condicións de traballo do persoal proposto, especialmente que a categoría profesional se corresponda coas funcións a levar a cabo neste contrato en función dos convenios colectivos de ámbito territorial e demais lexislación vixente aplicable. Este mesmo procedemento empregarase cando, a xuízo dos técnicos, os licitadores presenten solucións técnicas ou un prazo de execución de imposible cumprimento. Se o órgano de Contratación, considerando a xustificación efectuada polo licitador e os informes mencionados no apartado anterior, estimase que a oferta non pode ser cumprida como consecuencia da inclusión de valores anormais ou desproporcionados, acordará a adxudicación provisional a favor da seguinte proposición economicamente máis vantaxosa, de acordo coa orde en que fosen clasificadas, que se estime pode ser cumprida a satisfacción da Administración e que non sexa considerada anormal ou desproporcionada. B) Melloras propostas pola Deputación de Pontevedra, ata un máximo de 30 puntos. B.1 Ampliación do número de horas presenciais de formación individual por participante, sobre o mínimo establecido nos pregos técnicas ata un máximo de 15 puntos. Valorarase de acordo coa seguinte táboa: Número de horas presenciais de formación individual por participante Puntuación 6 horas 0 puntos 7 horas 15 puntos B.2 Ampliación do número de horas de asesoramento individual por participante na fase de asesoramento e mentorización, sobre o mínimo establecido nos pregos, ata un máximo de 15 puntos. Valorarase de acordo coa seguinte táboa: Número de horas de asesoramento individual por participante Puntuación 7 horas 0 puntos 8 horas 15 puntos ANEXO V “MODELO DE ACREDITACIÓN DE SOLVENCIA TÉCNICA DOS SERVIZOS REALIZADOS ACREDITACIÓN DE LA SOLVENCIA TÉCNICA Y PROFESIONAL RESPECTO DE LA REALIZACIÓN DOS SERVIZOS REALIZADOS POR LA EMPRESA NOS ÚLTIMOS CINCO AÑOS TÍTULO DO CONTRATO: Nº EXPEDIENTE: Dª /D.……………, con DNI núm. …………….., en nome propio ou en representación da empresa………, con NIF/CIF núm. …………DECLARA que a relación dos servizos obxecto do presente contrato realizados nos últimos cinco anos son os que se recollen na seguinte táboa: Título do contrato Obxecto Data Importe do ano 2011 Importe do ano 2012 Importe do ano 2013 Importe do ano 2014 Importe do ano 2015 Importe total dos últimos 5 anos Destinatario Inicio Fin TOTAIS ……………………………………., ….. de …………………… de ……….. (Lugar, data, sinatura e selo do licitador)” 9.24745.- COMUNICACIÓNS Non houbo. 10.24746.- ROGOS E PREGUNTAS Non se formularon. E non habendo máis asuntos que tratar pola Sra. Presidenta, sendo as once horas e vinte e cinco minutos do expresado día, dáse por rematada a sesión e dela esténdese a presente acta, que asina a Ilma. Sra. Presidenta, comigo, o Secretario que dou fe. A Presidenta, O Secretario,

Área de notas

• Nota

Puntos de acceso

Área de control da descrición